Shomylý maýsymy bastalǵannan beri Astana sý qoımalarynda toǵyz adam sýǵa ketti
ASTANA. QazAqparat - Shomylý maýsymy bastalǵannan beri Astana sý qoımalarynda toǵyz adam sýǵa ketken, dep habarlady astanalyq TJD baspasóz qyzmetinen.
Qutqarýshylardyń derekterine súıensek, Astana qalasy sý qoımalarynda jyl saıyn 12-den 25-ke deıin adam kóz jumady. Qaza tapqandardyń 99 paıyzy tyıym salynǵan, jabdyqtar ornatylmaǵan oryndarda shomylǵandyqtan oryn alady.
«Astananyń sýdan qutqarý qyzmetteri de jyl saıyn osynshama adamdy qutqarady, olar sý jutyp qoıady ne demi toqtap qalady bolmasa júregi soǵýyn toqtatady. Eger bul adamdar jaǵajaıdan alys jerde bolsa, ajalǵa ara túse almas edi, óıtkeni ol jerde járdemdesetin bilikti mamandardyń bolýy neǵaıbil», delingen habarlamada.
Qutqarýshylar sýda ózin ózi ustaý erejesin saqtaýdy eskertedi.
