Shomylý maýsymy bastalǵaly 33 adam qutqaryldy - SQO
PETROPAVL. QazAqparat - SQO-da shomylý maýsymy bastalǵaly beri 33 adam sýǵa batyp ketýden qutqaryldy, dep habarlaıdy QazAqparat tilshisi.
Qutqarýshylar ótken jeksenbide qaıǵyly oqıǵanyń aldyn aldy. Petropavlda Pestroe kóliniń jaǵajaıynda 52 jastaǵy áıel sýdaǵy belgiden asyp ketip, qaıta júzip kelýge shamasy jetpegen. Osy kúni kezekshilik etken qutqarýshylar Almas Jakın men Sergeı ıAşýk zardap shegýshige dep kezinde kómek kórsetip, ony jaǵaǵa alyp shyqqan.
Áıel shomylý maýsymy bastalǵaly beri qutqarylǵan 33-inshi adam bolyp shyqty. Aıta keter jaıt, olardyń basym bóligi - balalar.
Soltústik Qazaqstan oblystyq TJD baspasóz qyzmetiniń aqparaty boıynsha, jeksenbi kúni óńirdegi túrli sý aıdyndarynda eki adam sýǵa aǵyp ketken.
Tımırıazov aýdanyndaǵy Tımırıazov aýylyna jaqyn mańdaǵy Alpash kólinde shomylýǵa arnalmaǵan jerde 56 jastaǵy er adam sýǵa batyp ketken. Ekinshi qaıǵyly jaǵdaı Jambyl aýdanynda, Presnodýt aýylyna jaqyn jerde oryn alǵan. 60 jastaǵy er adam jasandy qazanshuńqyrda shomylyp jatyp, batyp ketti.
«SQO-da jyl basynan beri sý aıdyndarynda 9 adam sýǵa aǵyp ketti. Olardyń basym bóligi mas kúıinde, qaýipti jerlerde shomylǵan», - dedi baspasóz qyzmeti.
