Shomylý maýsymy: Aqtóbede tegin jaǵajaılar jumys isteıdi
AQTÓBE. QazAqparat - Aqtóbede eki aptadan soń shomylý maýsymy bastalady. Bıyl óńirde 37 kommýnaldyq jaǵajaı bolady, dep habarlaıdy QazAqparat tilshisi.
«Demalýshylar ruqsat berilmegen oryndarǵa shomylýdy ádetke aınaldyrǵan. Sondyqtan bıyl Aqtóbe sý qoımasyndaǵy qutqarý stantsııasy janynda jáne Elek ózeninde kommýnaldyq jaǵajaı ashýdy jón kórdik. Jaǵajaı sýdan qutqarýshylardyń baqylaýynda bolady. Sýǵa ketý, qaza bolý jaǵdaılary az bolady degen úmit bar. Ári balalardy sýda júzýge tegin úıretýge, bilim, sport, týrızm jáne basqa da sporttyq uıymdarmen birlesip sý sportyn damytýǵa múmkindik beredi. Jaǵajaılar tegin jumys isteıdi»,- dedi oblystyq TJD jedel qutqarý jasaǵy, kezekshi-dıspetcherlik qyzmetiniń basshysy Oksana Kıchıgına.
Aıta keteıik, sýǵa shomylý maýsymy 1 maýsymda bastalady. Jaǵajaılar arnaıy tekserýden soń jumysqa kirisedi. Bıyl barlyǵy 47 jaǵajaı jumys isteıdi dep josparlanyp otyr. Olardyń 13-i kommertsııalyq jáne 34-i kommýnaldyq bolady. Aqtóbede 3 sýdan qutqarý stantsııasy jumys isteıdi. Stantsııalar barlyq tehnıkamen, qural-jabdyqtarmen tolyq jabdyqtaldy.
