Shomylý maýsym bastalǵaly 149 adam sýǵa ketti - mınıstr Ilın

NUR-SULTAN. QazAqparat – QR Prezıdenti Teleradıokesheniniń «Úsh suraq» baǵdarlamasyna Tótenshe jaǵdaılar mınıstri ıÝrıı Ilın qatysyp, shomylý maýsymyndaǵy qaıǵyly jaǵdaılar týraly aıtyp berdi, dep habarlaıdy QazAqparat tilshisi.

«Jaz mezgiliniń sońǵy kúnderi jaqyndap keledi. Tamyzdyń sońynda, qyrkúıektiń basynda shomylý maýsymy kezinde sýǵa ketkender týraly qysqa merzimdik qorytyndy shyǵarýǵa bolady. Kez kelgen adam ólimi –tragedııa. Biraq burnaǵy jyldardyń statıstıkasyn keltirsek, eresekter arasynda da (41 paıyz), balalar arasynda da (31paıyz) ólim jaǵdaılarynyń azaıǵanyn kórýge bolady. Jalpy sanyn aıtsaq, shomylý maýsymynda 149 adamnyń ajaly sýdan bolǵan. Onyń 49-y – kámeletke tolmaǵan», - dedi mınıstr suhbat barysynda.

Onyń aıtýynsha, jyl basynan bergi statıstıka budan áldeqaıda qaıǵyly.

«Al jyl basynan bergi statıstıkany alyp, muz astyna ketken balyqshylardy esepke qossaq, qaza bolǵandardyń sany 189 adamǵa jetedi. Degenmen buǵan deıingi jyldary sýdaǵy adam ólimi 300-ge deıin baratyn. Ókinishke qaraı, jasy kishi balalardyń qaıǵyly jaǵdaılary kóp tirkelýde. Negizgi sebepteri – qaraýsyz qaldyrý, shomyla bilmeý jáne balanyń ózi kúshin baǵalaı almaý.

Eresekter arasynda demalý kezinde ishimdik iship sýǵa ketý tendentsııasy basym. Onyń ishinde óz kúshin asyra baǵalaý da bar. Toptanyp ishimdik iship,sýǵa ketý jıi kezdesedi. Mysaly, Túrkistan oblysynda shetel azamattary osyndaı jaǵdaıǵa tap boldy», - dedi ıÝrıı Ilın.

Vıdeodan alynǵan kadr