Shomylýǵa tyıym salynǵan jerde sýǵa túsken astanalyq jazalandy
ASTANA. KAZINFORM — Astanada shomylý maýsymy kezinde sýdaǵy qaýipsizdikti qamtamasyz etý sharalary kúsheıtildi, dep habarlaıdy elorda ákimdiginiń resmı saıty.
Qalalyq qyzmetter sý aıdyndarynda patrýldeý jumysyn júrgizip qana qoımaı, áleýmettik jelilerge de monıtorıng jasap, erejeni buzýshylardy anyqtap jatyr.
Máselen, áleýmettik jelilerge júrgizilgen monıtorıng barysynda 1990 jyly týǵan azamatshanyń shomylýǵa tyıym salynǵan jerde sýǵa túskeni anyqtaldy. Oǵan Qazaqstan Respýblıkasynyń Ákimshilik quqyq buzýshylyq týraly kodeksiniń 412-babyna sáıkes sý aıdyndaryndaǵy qaýipsizdik talaptaryn buzǵany úshin ákimshilik jaza qoldanyldy.
Astana qalasynyń Tótenshe jaǵdaılar departamenti turǵyndar men qala qonaqtaryn sýdaǵy qaýipsizdik erejelerin qatań saqtaýǵa shaqyrady.
— Sýǵa tek arnaıy ruqsat etilgen oryndarda túsip, shomylýǵa tyıym salynǵan jerlerde sýǵa kirmegen jón. Ózińiz ben jaqyndaryńyzǵa ómirine abaı bolyńyz, — dep eskertti vedomstvo.
Buǵan deıin Pavlodarda Sátbaev atyndaǵy kanalda er adam sýǵa batyp ketkenin jazǵanbyz.
