Shomylý maýsymy bastalǵaly Aqmola oblysynda 2 adam sýǵa ketti
KÓKShETAÝ. KAZINFORM — Shomylý maýsymy bastalǵannan beri Aqmola oblysynda 2 adam sýǵa batyp ketti, onyń bireýi kámelettik jasqa tolmaǵan bala.
Aqmola oblysy TJD baspasóz qyzmetiniń málimetinshe, sýǵa shomylý maýsymy kezinde bolatyn tótenshe jaǵdaılardy aldyn alý baǵytynda jergilikti TJD, PD jáne Jergilikti atqarýshy organdardyń qyzmetkerleri birlesip, 5 myńnan astam reıd júrgizdi. Aldyn alý sharasy barysynda alkogoldik ishimdikterdi ishý jáne sý aıdyndaryndaǵy qaýipsizdik erejelerin buzý derekteri boıynsha 116 adam ákimshilik jaýapqa tartyldy.
Al jalpy sońǵy úsh jylda oblys aýmaǵyndaǵy sý aıdyndarynda shomylý maýsymy kezinde bolǵan jazataıym oqıǵalardyń saldarynan 51 adam (onyń 19 bala) qaza tapqan.
«Mas kúıinde shomylý, balalardy eresekterdiń qaraýynsyz qaldyrý, óz kúshterin jete baǵalamaý jáne júze almaý sý aıdynynda adamdardyń qaza bolýynyń basty sebebi bolyp otyr», — dedi Aqmola oblysy TJD AQB bastyǵy Janat Asylbekov.
Aıta ketsek, budan buryn jyl basynan beri elimiz boıynsha 45 adam sýǵa batyp ketkenin jazǵan edik.
