«Sholý sheńberi» attraktsıony Astana kúni qarsańynda ashylady
ASTANA. QazAqparat - «Sholý sheńberi» degen ataýmen belgili attraktsıon Qazaqstandaǵy atrraktsıondardyń eń bıigi bolady, dep habarlaıdy Astana ákimdiginiń medıa ortalyǵy.
Nysannyń bıiktigi 65 metr, bul 22 qabatty ǵımarattyń bıiktigimen birdeı. Salystyrmaly túrde alsaq almatylyq attraktsıonnyń bıiktigi 60 metr. TMD elderiniń ishinde eń bıik aınalmaly dóńgelek Máskeýde ornalasqan. Onyń bıiktigi 73 metr.
Jańa «dóńgelektiń» aýa baptaǵyshpen ári jylytý qondyrǵysy ornatylǵan 36 kabınasy bar. Bul attraktsıondy jyldyń kez kelgen mezgilinde qoldanýǵa múmkindik beredi.
Nysannyń qurylysy kezinde elordanyń klımattyq jaǵdaıy eskerildi.
«Aınalmaly attraktsıon jel tarmaqtary tártibi boıynsha arnaıy tórt baǵanmen ornatyldy. Attraktsıonda qysta - 15 gradýstan aspaıtyn aıazda jáne sekýndyna 20 metr jyldamdyqtan aspaıtyn jel kezinde de serýendeýge bolady», - dedi nysannyń qurylysymen aınalysatyn merdiger kompanııa ókili medıa ortalyqtyń tilshisine.
Búgingi kúni qurylys jumystary aıaqtalýǵa jaqyn.
