ShOLÝ: Eńseli elorda (І bólim)

Atap óteıik, elorda kúnin merekeleýdi resmı túrde Astanada 4 shilde kúni «Atameken» etno-memorıaldyq kesheni alańynda QR Prezıdenti Nursultan Nazarbaev bastap berdi jáne onda  Memlekettik týdy kóterý saltanatyna qatysyp, kýrsanttarǵa ofıtser shenderin tapsyrdy.

Eske sala keteıik, elordany Almatydan Aqmolaǵa kóshirý týraly sheshimdi 1994 jylǵy 6 shildede Qazaqstan Respýblıkasy Joǵarǵy Keńesi qabyldaǵan bolatyn. Elordany resmı kóshirý 1997 jylǵy 10 jeltoqsanda boldy. QR Prezıdentiniń 1998 jylǵy 6 mamyrdaǵy Jarlyǵymen Aqmola ataýy Astana bolyp ózgertildi. Jańa astananyń halyqaralyq tusaýkeseri 1998 jylǵy 10 maýsymda ótti. Elorda kúni 6 shildede atap ótiledi jáne QR Parlamenti Májilisiniń bastamasymen «Qazaqstan Respýblıkasyndaǵy merekeler týraly» Qazaqstan Respýblıkasynyń Zańyna tolyqtyrýlar engizý týraly» 2008 jylǵy 25 maýsymdaǵy Qazaqstan Respýblıkasynyń  № 47-IV Zańymen belgilengen memlekettik mereke bolyp tabylady. Bul merekeniń halyq úshin tarıhı-mádenı mańyzy zor jáne Qazaqstan Respýblıkasynyń jetistikterin beıneleıdi.

Memlekettik deńgeıde Astana kúni 2009 jyldan beri atalyp ótiledi. 

Mereke aýqymynda Astanada 6 shildede kontsertter, mádenı-buqaralyq sharalar, festıvaldar ótedi. Astana kúni dástúrli túrde merekelik otshashýmen aıaqtalady. Sondaı-aq Astana kúnine arnalǵan merekelik sharalar Qazaqstannyń barlyq aımaqtarynda ótedi.

Merekege oraı, QazAqparat Astana týraly bıylǵy jyldyń eń qyzyqty materıaldaryna sholýdy usynady.

***

Astana jurty Jańa jyldy erekshe kóńilmen qarsy aldy

Elorda turǵyndary men qonaqtary kúnniń sýyǵyna qaramastan Jańa 2016 jyldy erekshe kóńilmen qarsy aldy.

Aldymen elordalyqtar úlken ekrannan Elbasynyń quttyqtaý sózin tyńdady. Qalanyń ásem bezendirilgen muz qalashyqtaryn tamashalap, balalar syrǵanaq tepti. Qalanyń ortalyq alańdarynda merekelik konetsertter ótip jatyr.  Jańa jyl keshi otshashýmen jalǵasty. 

 
2015 jyly elordanyń áleýmettik-ekonomıkalyq ómirin jaqsartý jónindegi mańyzdy mindetter júzege asyryldy - Á.Jaqsybekov

2015 jyly elordanyń áleýmettik-ekonomıkalyq ómirin jaqsartý jónindegi mańyzdy mindetter júzege asyryldy, dep atap ótti Astana qalasynyń ákimi Ádilbek Jaqsybekov.

QazAqparat quttyqtaý mátinin jarııalaıdy.

Astana ákimi Á. Jaqsybekovtiń Jańa jylmen quttyqtaýy

Qurmetti elordalyqtar jáne qala qonaqtary!

Sizderdi jańa - 2016 jylmen shyn júrekten quttyqtaımyn!

Kelip jetken Meshin jyly bosaǵalaryńyzdan yrys pen berekeniń bastaýy, jaqsylyq pen qýanyshtyń jarshysy bolyp attasyn.

Halqymyzda «Ótken kúnnen alys joq, keler kúnnen jaqyn joq» degen sóz bar. 2016 jyly qasterli táýelsizdigimizge 25 jyl tolady. Osy ýaqyt ishinde táýelsizdigimizdi tuǵyrly etý úshin talaı keleli is atqaryldy. Azattyǵymyzdyń belesti jyly da el mereıin asyrar, halqymyzǵa paıdasy mol jarqyn isterge tola bersin.

Sizderge zor densaýlyq, otbasylaryńyzǵa amandyq, eńbekterińizge tolaǵaı tabys tileımin!

 

Astanaqalasynyń ákimi                                                            Ádilbek Jaqsybekov

 

 

Astana Opera «Rojdestvonyń juldyzdy mýzykasy» kontsertin usynady

Opera Qysqy merekeler - demalys pen kúndelikti turmys tirshiligine alańdamaıtyn ýaqyt. «Astana Opera» teatry qańtar kúnderin óziniń jarqyn da shynaıy áserlerimen tolyq qýanta alady: 7 qańtarda Kameralyq zaldyń sahnasynda «Rojdestvonyń juldyzdy mýzykasy» atty kontsertine óziniń kórermenin shaqyrady. Bul týraly teatrdyń baspasóz qyzmeti habarlady.

- Qalyptasqan dástúr boıynsha pravoslavtyq Rojdestvoda biz kontsert beremiz. Biz «Astana Opera» Kameralyq orkestriniń saýsaǵynan bal tamǵan mýzykanttarynyń tamasha oıyny men teatr horynyń oryndaýyndaǵy akapela mýzykasynyń jankúıerlerin bul keshti birge ótkizýge shaqyramyz, - dep atap ótti QR eńbek sińirgen qaıratkeri, bas hormeıster Erjan Dáýitov.

Hor ónerin súıetin tyńdarmandy ǵulama kompozıtorlar: P. Chaıkovskııdiń, G. Svırıdovtyń, P. Chesnokovtyń, P. Týrchanınovtyń shyǵarmalarymen kezdesý, eston kompozıtory Arvo Perttiń «Shattan, Qudaı ana Devo» týyndysy, sonymen qatar tyńdarmannyń kóńilin kóteretin qazaq, orys, ýkraına, nemis, halyq ánderi, popýrrı, ázil kompozıtsııalar kútýde. Budan basqa, kórermenge qazaq kompozıtorlarynyń da týyndylary usynylady. Alǵash ret Kameralyq zaldyń sahnasynda hor ujymy Beıimbet Demeýovtiń óńdeýindegi Sáken Seıfýllınniń «Taý ishinde» shyǵarmasyn oryndaıdy.

«Astana Opera» teatrynyń hory halyqaralyq deńgeıdegi kóptegen marapattardy ıelengenin eske sala keteıik. Barlyq spektaklderge janyn salyp qatysatyn onyń quramy daýys jaǵynan álemdik metrlerdiń joǵary baǵasyn aldy, olardyń arasynda Valerıı Gergıev, Per Lýıdjı Pıtstsı, Eldar Ábdirazaqov jáne t.b. bar.

Kontsertke QR eńbek sińirgen qaıratkeri Abzal Muhıtdınov jetekshilik etetin «Astana Opera» Kameralyq orkestri qatysady. Mýzykanttar uly kompozıtorlardyń shyǵarmalaryn: E. Tsımbalıstiń Rımskıı-Korsakovtyń «Altyn Qoraz» operasy taqyryptaryna jazǵan fantazııasy, O. Rıdıngtiń orkestr men skrıpkaǵa jazǵan kontserti jáne basqalaryn oryndaıdy.

 

 
2016 jyldyń 1 qańtarynan bastap Astana polıtseıleri «EKSPO-2017» aýmaǵynda qaýipsizdikti qamtamasyz etedi

2016 jyldyń 1 qańtarynan bastap elordalyq tártip saqshylary «Astana EKSPO-2017» Halyqaralyq mamandandyrylǵan kórmesiniń aýmaǵynda táýlik boıy qoǵamdyq tártipti qorǵaýǵa jáne qaýipsizdikti qamtamasyz etýge jumyldyrylady.

«Astana EKSPO-2017» halyqaralyq mamandandyrylǵan kórmesiniń barlyq perımetrinde quqyq tártibin jáne azamattardyń qaýipsizdigin qamtamasyz etýge, sondaı-aq quqyqqa qarsy basqa da áreketterdiń aldyn alýǵa jáne boldyrmaýǵa 56 polıtsııa jáne kúzet bólimshelerimen birikken áskerı qyzmetkeri qatysady.

Buǵan deıin, aǵymdaǵy jyldyń jeltoqsan aıynyń ortasynda Astana qalalyq ІІD-de «Astana EKSPO-2017 UK» AQ Qaýipsizdik departamenti basshylyǵy, múddeli qyzmetter men ІІD bólimsheleri, kúzet qurylymdary basshylarynyń jumystyq kezdesýi ótip, onda polıtseıler men kúzet qyzmetteriniń kórme qurylysy aýmaǵynda qoǵamdyq tártipti qorǵaý boıynsha úılestirilgen jumysynyń máseleleri talqylandy.     

  Jańa jyl túni elordada 30 náreste dúnıege keldi

Jańa jyl túni elorda perzenthanalarynda 30 náreste dúnıege kelgen, dep habarlady  24.kz telearnasy.

Bul - túngi 12:00-den tańǵy 10:00-ge deıingi kórsetkish. Dárigerlerdiń aıtýynsha, barlyq ana men balanyń densaýlyǵy óte jaqsy. Esterińizge sala ketsek, osydan týra bir jyl buryn, 31 jeltoqsan men 1 qańtar aralyǵynda 68 búldirshin jaryq dúnıe esigin ashqan bolatyn.

 «Qalada qazir úsh perınetaldyq ortalyq jumys istep jatyr. Sonyń ishinde birinshi qalalyq perınetaldyq ortalyqta 18 ana bosandy. Onyń ishinde 10 ul bala, 8-i qyz bala», - dedi  №1 Perınetaldyq ortalyqtyń meńgerýshisi Erbol Áýbákirov.

 
Aıazǵa qaramastan astanalyqtar demalys kúnderin taza aýada ótkizdi

Elorda turǵyndary men qonaqtary aıazdy kúnge qaramastan taza aýada serýendep, demalys kúnderin sátti ótkizip jatqandyǵyn áleýmettik jelilerde jarııalap jatyr. 

Facebook áleýmettik jelisindegi «Astana. Ne? Qaıda? Qashan?» paraqshasynda qala turǵyndarynyń tamasha demalystarynan kórinis beretin fotosýretter jarııa etilgen.

«Kún aıaz. Eger oqýshylardyń demalysy bolmaǵanda bul kúni mektepterde sabaqty toqtatar edi. Biraq, soǵan qaramastan syrǵanaýǵa kelgenderde esep joq. Bul - tamasha», - dep jazady astanalyq Borıs Olenev.      

 

Astana áýejaıynda eki Aýǵanstan azamaty jalǵan tólqujattarmen ustaldy

 Ótken jyldyń 30 jeltoqsany kúni saǵat 04.37-de «Astana» shekaralyq baqylaý otrıadynyń shekara narıady Astana qalasynyń halyqaralyq áýejaıynda «Mınsk - Astana» baǵytymen V2 775 áýe  reısimen ushyp kelgen jolaýshylardyń qujattaryn tekserý barysynda Aýǵanstan Islam Respýblıkasynyń 1982 jyly týǵan azamatyn jáne 1990 jyly týǵan azamatshasyn ustady.

Olar bizdiń elimizge Tájikstan azamattarynyń jalǵan tólqujattarymenkirmek bolǵan, dep habarlaıdy QR UQK ShQ baspasóz qyzmeti.

 

«Barys» HK Astanadaǵy óz matchynda utysqa avtomobılder shyǵarǵaly otyr

 3 qańtarda  17:30-da «Barys» - «ıÝgra», al 5 qańtarda 19:30 -da «Barys» - «Avtomobılıst» matchtary bastalady.

«Qazir ár oıyn óte mańyzdy. Al jankúıerlerdiń qoldaýy - bul komandaǵa qosymsha serpin beredi. Sondaı-aq, ár matchta  bir-bir avtomobılden utysqa qoıylady», delingen hokkeı komandasynyń saıtynda.

Astanada úlken syrǵanaq jasalyp jatyr

Astanada úlken syrǵanaq jasalyp jatyr. Bul týraly Feısbýktegi «Astana. Ne? Qaıda? Qashan?» tobynda Aleksandr Goncharenko  málimdedi. 

Ol  MEGA oıyn-saýyq ortalyǵy aýdanynda salynyp jatqan syrǵanaqtyń sýretterin jarııalǵan.

«Astanada Qazaqstandǵay eń úlken syrǵanaqtyń qurylysy bastaldy. Onyń bıiktigi 8 metrdi quraıdy, al uzyndyǵy shamamen 40 metr. Muzben shamamen 150 metrge deıin syrǵanaýǵa bolady», - dep jazady Aleksandr Goncharenko.     

 

 

Boran saldarynan Petropavl-Astana joly jabyldy

 Boran saldarynan Petropavl-Astana joly jabyldy, dep habarlaıdy QR ІІM TJ komıtetinen.

«Petropavl-Astana joly jabyldy. Boran, jeldiń kúshi 20 m/s», - dep jazylǵan habarlamada.

 
Astana men Almaty áýejaılarynda reıster keshiktirildi jáne ushyrylmaı jatyr

Astana men Almaty áýejaılarynda reıster keshiktirildi jáne ushyrylmaı jatyr. 

Almaty halyqaralyq áýejaıynyń onlaın-tablosynan habarlanǵandaı, Óskemen-Almaty baǵytyndaǵy reıs keshigip jatyr. Al Almatydan Astana,  Dýshanbe jáne Djebel-Alı baǵytyna reıster ushyrylmaıdy.  

Reısterdiń keshigýi 30 mınýttan 6-7 saǵatqa deıingi ýaqytty quraıdy.

Almatyda 4 qańtarda aýa temperatýrasy kúndiz +4 gradýsty quraıdy.

Astana áýejaıynda da almatylyq reıster eki baǵyt boıynsha da  ushyrylmaıdy. Óskemennen keletin reıs keshiktirilýde. 

 
Qysqy Astananyń qyzyqtary

Jańa jyldyq mereke kezinde Astanada serýendeýge shyqqan elorda turǵyndary men qonaqtarynyń qarasy kóp.

Aıazdy kúnderge qaramastan demalys kúnderin sándi, mándi ótkizgisi kelgen jurt taza aýaǵa shyǵyp, qalanyń ásem bezendirilgen muz qalashyqtaryn tamashalap, balalar syrǵanaq tepti.

Bıylǵy eń úlken muz qala «Han Shatyr» kesheniniń janynda boı kótergeni belgili. Qalashyqtyń alańy eki myń sharshy metrge jýyq. Munda muzdan jasalǵan ǵajap beınelerdegi túrli biregeı músinder kesheni toptastyryldy. Músinder muzdan qashalyp, adamdardyń, ańdardyń, ertegi keıipkerleri men ańyzdardaǵy obrazdardyń beınesinde turǵyzylǵan. 

Aıta keteıik, bas qalamyzda muz músinderiniń taǵy úsh alańy salyndy. Olar Esil ózeniniń jaǵalaýynda,  Otan Ana monýmenti men qalalyq ákimdik ǵımaratynyń janynda ornalasqan.

Turǵyndardyń kóterińki kóńil-kúıimen birge ásem Astanamyz onan saıyn ajarlana túskendeı. Nazarlaryńyzǵa agentigimizdiń fototilshisi arnaıy daıyndaǵan sýretterdi usynamyz.                            

Astanada 2016 jyly membaǵdarlama aıasynda 2 500-den astam páter salynady

Bıyl Astanada Óńirlerdi damytý baǵdarlamasy aıasynda 2020 jylǵa deıin jalpy aýdany 96,55 myń m² quraıtyn 1 758 páterlik 8 kóp páterli turǵyn úı kesheniniń qurylysy jalǵasady. Bul týraly qalalyq ákimdiktiń baspasóz qyzmetinen habarlady.

Sondaı-aq, Qazaqstan Respýblıkasynda turǵyn úı qurylysyn damytýdyń 2008-2010 jyldarǵa arnalǵan memlekettik baǵdarlamasyn aıaqtaıtyn nysandar paıdalanýǵa berilmek: Saraıshyq kóshesiniń ońtústigine qaraı, M. Jumabaev dańǵylynyń shyǵysynda ornalasqan jalpy aýdany 21,8 myń m² quraıtyn 310 páterlik turǵyn keshenderiniń qurylysy; Sarybulaq ózeniniń boıynda N.Tilendıev dańǵylynyń ońtústigine qaraı ornalasqan jalpy aýdany 3,20 myń m² 62 páterlik kóppáterli turǵyn úı kesheni. Arendalyq turǵyn úı baǵyty boıynsha, Ońtústik Shyǵys aýdanynda jeke turǵyn úı qurylysy aýdanynda jalpy aýdany 14,40 myń m² quraıtyn 217 páterlik turǵyn úı keshenin, Ońtústik Shyǵys aýdanynda jeke turǵyn úı qurylysy aýdanynda jalpy aýdany 5,10 myń m² quraıtyn 95 páterlik turǵyn úı keshenin, sonymen qatar, Kóktal kentiniń ońtústik shyǵysyna qaraı jalpy aýdany 16,30 myń m² 293 páterlik turǵyn úı keshenin salý josparlanǵan.

Qazaqstan avtojoldarynda bes kúnde 1273 adam evakýatsııalandy

 1-5 qańtar aralyǵynda Qazaqstan avtojoldarynda 1270-ten astam adam evakýatsııalandy.«2016 jylǵy 1 qańtardan bastap, qazirgi ýaqytqa deıin respýblıka joldarynda 639 adam qutqarylyp, 1273 adam evakýatsııalandy», delingen habarlamada.

Saǵat 10:30-daǵy jaǵdaı boıynsha, Aqtóbe oblysynda Qandyaǵash-Embi-Shalqar-Yrǵyz (Embi qalasynan Shalqar qalasyna deıin 92-257 shaqyrym) respýblıkalyq mańyzy bar jol ýchaskelerinde qozǵalys shekteldi.

Atalǵan ýchaskelerde 10 jylytý pýnktteri qurylyp, tamaqtandyrý uıymdastyryldy. 11 tehnıka qar qursaýynda qaldy, tótenshe jaǵdaıdy joıý úshin 86 adam, 49 birlik tehnıka jumyldyryldy. Hromtaý, Qarǵaly aýdandarynda jergilikti aýqymdaǵy tótenshe jaǵdaı rejimi saqtalyp otyr. «Qyzylorda-Pavlodar» respýblıkalyq mańyzy bar jol ýchaskesinde (12-424 shaqyrym, Qyzylorda qalasynan Jezqazǵan qalasyna deıin) qozǵalys shekteldi. Qaraǵandy oblysynda 250-255 shaqyrym bóliginde jaýyn jaýýyna baılanysty jol jamylǵysy nasharlady. 15 tehnıka batyp qaldy. 2 jylytý orny quryldy.

 
Mereke kúnderi Astanada 1 myńnan astam jol erejesin buzý derekteri tirkeldi

 Mereke kúnderi Astanada jolda júrý erejesiniń buzýǵa qatysty 1 myńnan astam derek tirkeldi, dep habarlady elordalyq ІІD baspasóz qyzmetinen.

«Apattardyń aldyn alý jáne jol qozǵalysyna qatysýshylardyń tártibin baqylaý barysynda polıtseıler jolda júrý erejesiniń buzylýynyń 1 myńnan astam derekti anyqtady. Onyń ishinde jol-kólik oqıǵasynyń týýyna sebepshi bolatyn jyldamdyqty asyrý, qaýipsizdik belbeýin taqpaý, qarsy jolaqqa shyǵý, mas kúıde kólik júrgizý sııaqty ereje buzýshylyqtar bar»,- delingen habarlamada.

Ótken mereke kúnderi Astana qalalyq ІІD qyzmetkerleri 600-ǵa jýyq ákimshilik quqyq buzýshylyqty anyqtap, jolyn kesti. Onyń ishinde tynyshtyq tártibin buzý, ishimdik iship mas kúıde júrý, qalany abattandyrý erejelerin buzý, belgilenbegen jerde saýda jasaý, temeki shegý, qoǵamdyq oryndarda jurttyń mazasyn alý syndy zańbuzýshylyqtar bar.

1 qańtardan 5 qańtarǵa deıin qala aýmaǵynda barlyǵy 300-den astam qylmys pen zańbuzýshylyq tirkeldi. Olardyń 50 paıyzy izi sýymastan ashylǵan. 

EKSPO-2017 kórmesine oraı elordada 260 dáriger aǵylshyn tilin úırenýde

 EKSPO-2017 qarsańynda Astananyń densaýlyq saqtaý salasynyń 260 qyzmetkeri aǵylshyn tilin oqýda, jalpy 486 dáriger aǵylshyn tilin úırenýi tıis, dep habarlaıdy Astana ákimdiginiń resmı portaly.

Qalalyq  Tilderdi damytý basqarmasy 2015 jyldyń sáýir aıynan beri aǵylshyn tilinen kýrstar uıymdastyryp keledi.

Ótken jyly Astana qalasynyń ákimdigi «Astana «EXPO-2017» Ulttyq kompanııasy» AQ-men birlesip kórme qonaqtaryna medıtsınalyq qyzmet kórsetýdi qamtamasyz etý jónindegi is-sharalar josparyn ázirledi.

«EKSPO basshylyǵy kórme aýmaǵynda bastapqy medıtsınalyq kómek kórsetetin jeti pýnkt pen bir dárigerlik ambýlatorııa pýnktin ashady, sonyń ishinde aýdany 20 sharshy metr 4 medpýnkt, aýdany 30 sharshy metr 3 medpýnkt, aýdany 78 sharshy metrlik 1 ambýlatorııa bar. Kórmeniń jumys isteý ýaqytyna baılanysty úsh aýysymmen bir dáriger men bir meıirbıke jumys isteıdi», delingen aqparda.

EKSPO kezinde qonaqtar qonystanǵan jerlerde táýlik boıy jumys isteıtin medıtsına qyzmetkerleriniń beketteri uıymdastyrylady. Jedel statsıonarlyq medıtsınalyq kómek qajettiligi úshin halyqaralyq kórme kezinde árbir aýrýhanada qosymsha 30-50 kereýet-oryn daıyndalady. Sonymen qatar, adamdardyń aýrýhanaǵa jappaı túsýi jaǵdaıy úshin qalalyq juqpaly aýrýlar aýrýhanasynda qosymsha bokstar jasalady. 

 
Astanada Qazaqstan Táýelsizdiginiń 25 jyldyǵyna arnalǵan kórme ashyldy

Bıyl Qazaqstan Táýelsizdiginiń 25 jyldyǵy mereıtoıly datany Astanadaǵy Ulttyq akademııalyq kitaphana ashyp otyr. Búgin kitaphana qabyrǵasynda «Qazaqstan jańa jahandyq naqty ahýalda: ósim, reformalar, damý» atty kitap kórmesin ótkizdi.

«Búgin biz Qazaqstan táýelsizdiginiń 25 jyldyǵyna arnalǵan kórmeni ashyp otyrmyz. Bul - úlken mereke. Qazaqta, jalpy Shyǵys halyqtarynda 25 jyl degen - óte tamasha data. Bul memlekettiliktiń bekigen kezi. Bir jaǵynan memleket jas bolyp eseptelinedi. Onyń aldyna qoıǵan maqsattary kóp», - deıdi Memleket tarıhy ınstıtýtynyń dırektory, tarıh ǵylymdarynyń doktory Búrkitbaı Aıaǵan.

Ekspozıtsııa UAK qoryndaǵy kitaptardan jáne elektrondy resýrstarynan quralǵan tórt bólimnen turatyndyǵyn atap ótken jón.

«Qazaqstan Respýblıkasynyń Táýelsizdigine - 25 jyl» atty birinshi bólimde Qazaqstan Táýelsizdiginiń qurylǵan jáne qalyptasqan kezinen mol maǵlumattar berse, «Uly Dala Eli - Máńgilik El» dep atalatyn kelesi bólim Nursultan Nazarbaevtyń «Máńgilik El» atty Jalpyulttyq ıdeıasyn ashýǵa arnalǵan. Munda sonymen qatar, Qazaqstan halqy Assambleıasy týraly jaryqqa shyqqan kitaptar qoıylyp otyr.

«Elbasy joly - eldiktiń joly» atty bólimde Qazaqstan Prezıdentiniń qyzmeti jaıynda jazylǵan kitaptardy kórýge bolady. Onda Elbasynyń tól týyndylary da el nazaryna usynylǵan. «EXPO-2017» - Astana mereıi» degen bólimniń materıaldary Astana qalasynyń tarıhyna, «Astana EKSPO-2017» mamandandyrylǵan halyqaralyq kórmesine arnaldy.

Aıta ketý kerek, kórmege 400-den astam kitap qoıylǵan. Ol kelýshiler úshin bir jyl boıy ashyq bolady.

«Kórme óziniń maqsaty boıynsha oqyrmandarǵa jyl boıy maǵlumattar berýge baǵyttalǵan. Osylaısha, bul kitaphananyń bıyl bastap otyrǵan mádenı sharalardyń alǵashqysy», - deıdi uıymdastyrýshylar.     

 
Elordada jalpy bilim beretin pánder boıynsha respýblıkalyq olımpıada ótýde

 2016 jyldyń 5-6 qańtar kúnderi aralyǵynda №66 mektep-lıtseıi men №6 gımnazııasynda Astana qalasy bilim berý mekemeleriniń 9-11 synyp oqýshylary arasynda jalpy bilim beretin pánder boıynsha respýblıkalyq olımpıadanyń ІIІ (qalalyq) kezeńi ótkiziledi. Bul týraly Astana qalalyq Bilim basqarmasynyń baspasóz qyzmetinen habarlady.

Olımpıada maqsaty - daryndy balalardy anyqtaý, damytý jáne qoldaýdyń tutas júıesin qalyptastyrý, jeke pánder boıynsha erekshe daryndylyq tanytqan Astana qalasy bilim berý mekemeleriniń oqýshylary nemese jeke pánder boıynsha asa daryndy balalardy oqytý men tárbıeleý bolyp tabylady.

Olımpıada jalpy bilim beretin 15 pán boıynsha ótkiziledi: №66 mektep-lıtseıi bazasynda - hımııa, bıologııa, fızıka, matematıka, geografııa, ınformatıka, №6 gımnazııa bazasynda - qazaq tili men ádebıeti, orys tilinde oqytatyn mektepterdegi qazaq tili, tarıh, quqyqtaný negizderinen, orys tili jáne ádebıeti, qazaq tilinde oqytatyn mektepterdegi orys tili, frantsýz tili, aǵylshyn tili, nemis tili pánderinen ótedi. Olımpıadaǵa Astana qalasynyń memlekettik jáne jekemenshik bilim berý mekemelerinen 702 oqýshy qatysady.

Qazylar alqasynyń quramynda Astana qalasynyń aldyńǵy qatarly joǵary oqý oryndarynyń 58 kásibı sheber, bilimdi de bilikti, tájirıbeli ǵalymdary qyzmet atqarýda.

 Bıyl Astanada jańa mektepter men balabaqshalar salynady

 Astanada áleýmettik mańyzdy nysandar qurylysy jalǵasady. 2016 jyly 600 oryndyq jalpy bilim berý mektebiniń, 800 oryndyq eki kásiptik tehnıkalyq mekteptiń, 375 oryndyq korrektsııalyq mektep-ınternattyń jáne árqaısysy 525 oryndyq mektepke japsarlas ǵımarattyń qurylysy aıaqtalady, dep habarlady qalalyq ákimdiktiń baspasóz qyzmetinen. 

Budan basqa, bıyl №16, 32, 37 mektepterge árqaısysy 525 oryndyq japsarlas ǵımarat salynady.Sonymen qatar, balabaqshalar qurylysy jalǵasady: Kóktal-2 aýdanynda balalar táýlik boıy bolatyn 240 oryndyq mamandandyrylǵan sanatorııalyq mektepke deıingi mekeme, № 8 «Rıabınka» balabaqshasyna japsarlas salynǵan 60 oryndyq ǵımarat.Densaýlyq saqtaý nysandarynyń ishinde keler jyly Jeleznodorojnyı turǵyn alabynyń soltústik-shyǵysynda ornalasqan 500 kereýet-oryndyq týberkýlezge qarsy dıspanserdiń qurylysy aıaqtalmaq. Sondaı-aq, sot-psıhıatrııa saraptamasy bóliminiń qurylysy aıaqtalyp, jedel medıtsınalyq járdem stantsııasyn (táýligine 274 shaqyrý) salý jumystary jalǵasady.

Elorda polıtsııasy aıaldamany búldirgen buzaqylardy izdeýde

 Elordanyń polıtsııasy Qorǵaljyn tas joly boıyndaǵy aıaldamany búldirgen kúdiktilerdi anyqtaý jáne ustaý maqsatynda jedel-izdeý sharalaryn júrgizip jatyr. Sot aldyndaǵy tergeý amaldary bastaldy, dep habarlady Astana qalalyq ІІD baspasóz qyzmetinen.

Vedomstvo aqparatyna sáıkes, Esil aýdandyq ІІB qyzmetkerleri tekserý barysynda aıaldamanyń ishindegi eki aqparat qabyrǵasynyń julyp alynǵanyn jáne wi-fi modeminiń urlanǵanyn anyqtady.

Aıta keterligi, qazirgi ýaqytta bul aıaldama tolyq paıdalanýǵa berilmegen. Onyń ishinde elektr jaryǵy, jyly berý jáne beıne baqylaý júıesi iske qosylmaǵan. Atalǵan fakti sot aldyndaǵy tergeýdiń biryńǵaı tizilimine QR Qylmystyq kodeksiniń 188 (urlyq) jáne 202-baptary boıynsha (ózgeniń múlkin qasqana búldirý) tirkelgen.

 
«Barystyń» eń jas jankúıeri Youtube juldyzyna aınaldy

 Elordalyq hokkeı klýby Youtube-ge Ekaterınbýrgtiń «Avtomobılıst» komandasymen kezdesý barysynda balanyń qalaı jankúıer bolǵanyn kórsetetin «Balaqaı «Barys» matchyn jandyrdy» degen atpen vıdeo saldy.  

Jarııalanǵan sátten bastap vıdeony 4 myńnan astam adam kórgen.

Eske sala ketsek, astanalyq «Barys» Qurlyqtyq hokkeı lıgasynyń turaqty chempıonatynda Ekaterınbýrgtiń «Avtomobılıst» komandasyn qabyldap, 4:3 esebimen jeńiske jetti.  

 
Astana áýejaıynda 7 reıs keshigýde

 Astana qalasynyń áýejaıynda 7 reıs keshigip jatyr.

Astana áýejaıynyń saıtyndaǵy onlaın-tabloǵa sáıkes, Shymkent, Úrimshi, Taldyqorǵan jáne Almatyǵa ushatyn úsh reıs keshigýde. Aqtaý, Úrimshi jáne Taldyqorǵannan ushyp keletin úsh reıs keshigip jatyr.

Reısterdiń keshigýi 30 mınýttan 3 saǵatqa deıingi ýaqytty qurap otyr.

 
«Qallekı» teatryna jańa basshy taǵaıyndaldy

 Astana qalasy ákimshiligi men mádenıet basqarmasynyń sheshimimen Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń dırektory bolyp Aıbolat Seksenbaev taǵaıyndaldy. 

Bul týraly teatrdyń baspasóz qyzmeti habarlap otyr.  Aıbolat Janǵalıuly Seksenbaev  1978 jyly Batys Qazaqstan oblysy, Jańaqala aýdany, Pıatımar sovhozy, Aqqus aýylynda dúnıege kelgen. 1995-1999 jyldary M. Áýezov atyndaǵy Ońtústik Qazaqstan memlekettik ýnıversıtetin «Menedjer jáne teatr ujymyn basqarýshy» mamandyǵy boıynsha bitirgen. Eńbek jolyn 1999-2000 jyldary. Oral qalasyndaǵy «TDK-42» telearnasynda redaktor qyzmetinde bastady. 2000-2006 jyldary. Astana qalasynyń Q. Qýanyshbaev atyndaǵy Qazaq mýzykalyq drama teatrynda ákimshi, bas ákimshi qyzmetin atqardy. 2005-2007 jyldar aralyǵynda Qaraǵandy ekonomıkalyq ýnıversıtetin «Zańger» mamandyǵy boıynsha támamdady. 2006 jyldan bastap atalmysh teatrda dırektordyń kórermen jónindegi orynbasary,  2012 jyldan teatr dırektorynyń birinshi orynbasary bolǵan.  2013 jyldyń 1 qarashasynan bastap, Astana qalasy ákimdiginiń «Jastar teatry» MKQK dırektory bolyp taǵaıyndalǵan. 2016 jyldyń 5 qańtarynda Q. Qýanyshbaev atyndaǵy Memlekettik akademııalyq qazaq mýzykalyq drama teatrynyń dırektory qyzmetine taǵaıyndalyp otyr.  

Elordalyq sportshylar 9 olımpıadalyq lıtsenzııaǵa qol jetkizdi

 Búgingi tańda elordalyq sportshylar 2016 jyly Rıo-de-Jeneıro qalasynda ótetin jazǵy Olımpıada oıyndaryna qatysýǵa 9 lıtsenzııaǵa qol jetkizdi, dep habarlaıdy Astana ákimdiginiń portaly.

«Atap aıtqanda, bokstan Vasılııa Levıt pen ultyq quramy kapıtany Danııar Eleýsinov, jeńil atletıkadan Florıda Menıanova jáne qazirgi zamanǵy bessaıystan Elena Potapenko. Úsh lıtsezııa  baıdarkamen jáne kanoemen esý boıynsha sportshylar Inna Klınova, Zoıa Ananchenko jáne Oleg Tokarnıtskıdiń enshisinde. Dosjan Kartıkov pen Almat Kebispaev ta Rıo-2016 olımpıadasynda grek-rım kúresinen álemniń úzdik balýandarymen kúsh synasatyn boldy», delingen jazbada.

Rıo-de-Janeırodaǵy jazǵy Olımpıada oıyndary bıyl 5-21 tamyz aralyǵynda ótedi.

Aıta keteıik, tórt jyldyq QR Spartakıadasynda astanalyqtar jalpy komandalyq esepte úshinshi orynǵa taban tiredi, bul elordalyq atletter úshin qalypty kórsetkish. Sportshylar 170 medal (56 altyn, 53 kúmis, 61 qola) aldy. Qazirgi kezde Astana qalasynyń Dene tárbıesi jáne sport basqarmasy janynan 76 sport túrinen jattyqtyratyn 25 kásiporyn jumys isteıdi. Sportshylardyń jalpy sany - 13 753, sońǵy bes jylda sportshylar kontıngenti eki esege artqan. Lıtsenzııalyq jarystar áli de jalǵasýda, bapkerler Qazaqstannyń ulttyq olımpıada quramasynda astanalyq  sportshylar sanynyń arta túsetinine senimdi.

2016 jyl beıbitshilik pen bereke jyly bolsyn dep tileımiz - mıtropolıt Aleksandr

 Qazaqstan Respýblıkasy Orys Pravoslavıelik Shirkeýiniń basshysy, Astana jáne Qazaqstan mıtropolıti Aleksandr qazaqstandyqtardy Rojdestvomen quttyqtady.

«Qurmetti baýyrlar! Qazaqstannyń raqymshylyq pen ıgilikke bólengen turǵyndary! Sizderdi jarqyn mereke - Rojdestvomen quttyqtaımyn! Elimizde beıbitshilik pen tynyshtyq bolsyn, ár shańyraqtan qýanysh pen bereke ketpesin!», - dedi otandastaryna Astana jáne qazaqstandyq mıtropolıt Aleksandr.

Ǵalamtordaǵy «Tıtanıktiń» astanalyq nusqasy jurt nazaryn aýdartty

Ǵalamtorda «Tıtanık. Astanadaǵy nusqasy» atty shaǵyn ázil-syqaq vıdeosy keń taralyp jatyr.

Qysqa ǵana rolıkte «Keıt Ýınslet» aıaldamada qatyp qalǵan Leonardo Dı Kaprıony oıatpaqshy bolyp jatyr. Jastar arqanyń qysy men aıazyn ázilge burǵan.

Instagramda kk_prod (Kachovyı KaZahstan)  jarııalaǵan vıdeony birer saǵattyń ishinde myńdaǵan adam bólisip, laık basqan.

Turǵyn úı sektorlarynda órt faktileri tómendedi - TJ komıteti

«Qabyldanǵan sharalar 2014 jylmen salystyrǵanda 2015 jyly turǵyn úı sektorynda tilsiz jaýdyń týyndaýy deńgeıin barsha baǵyttar boıynsha eleýli túrde tómendetýge múmkindik berdi. Atap aıtqanda, elimiz aýmaǵyndaǵy túrǵyn úı sektorynda órt faktileriniń kólemi 5 paıyzǵa, al órt saldarynan ómiri qıylǵandardyń sany 14 paıyzǵa tómendedi», - dedi búgin Ortalyq kommýnıkatsııalar qyzmetindegi baspasóz máslıhatynda vedomstvonyń resmı ókili Rýslan Imanqulov.

Degenmen de osy kórsetkishterge qaramastan, 2015 jyly turǵyn sektorynda 10 myńǵa tarta órt tirkelip, onyń saldarynan 300-den astam adam qaza boldy jáne 510 adam jaraqat aldy. Órtter kóbinese  qalalyq jerlerde oryn alýda.

Vedomstvo málimetinshe, turǵyn úı sektorynda qyzyl jalynnyń taralýyna kóp jaǵdaıda adamdar ózderi kináli bolady. ıAǵnı bul turǵyda otty durys paıdalanbaý, elektr qurylǵylary men peshterdi ornatý jáne paıdalaný erejesin eskermeý sekildi negizgi sebepter tirkelýde.

Belgili bolǵandaı, órt kezinde ómiri qıylǵan adamdar sany Qostanaı oblysynda 29,4 paıyzǵa jáne Astanada 30 paıyzǵa ósken eken. 

 
Qazaqstanda qutqarýshylar qysqartylmaıdy - QR ІІM TJ komıteti

Qazaqstanda qutqarýshylar qysqartylmaıdy. Bul týraly búgin Ortalyq kommýnıkatsııalar qyzmetindegi baspasóz máslıhatynda QR ІІM Tótenshe jaǵdaılar komıtetiniń resmı ókili Rýslan Imanqulov.

«Tótenshe jaǵdaılar komıteti qurylymynda ońtaılandyrý sharalary júrgizildi. Biz eki qurylymdy, ıaǵnı sýda qutqarý qyzmetin jáne jedel-qutqarý otrıadtaryn biriktirdik. Osy turǵyda qutqarýshylardy qysqartý máselesi qarastyrylǵan joq. Atap aıtqanda, bul baǵytta ákimshilik mamandardy qysqartý týraly másele kóterilgen bolatyn. Qutqarý qyzmetteri men bólimshelerdi qysqartý máselesi eshqashan da kóterilgen emes, sebebi bul kez kelgen tótenshe jaǵdaılar kezinde azamattardyń qaýipsizdigine tikeleı baılanysty. Biz kerisinshe qutqarýshylar sanyn arttyrýǵa tyrysýdamyz. Sonymen qatar olardyń biliktiligine erekshe mán beriledi», - dedi R. Imanqulov.

Budan bólek resmı ókil qutqarýshylardyń arnaıy tehnıkamen jabdyqtalýy máselesine toqtaldy.

«Búginde bizde barlyq qajetti órt sóndirý tehnıkasy jabdyqtalǵan, sonymen qatar kóp qyzmetti atqarýǵa qaýqarly tehnıkalardy alyp jatyrmyz. Bul tehnıka órt sóndirý, adamdardy qaýipsiz jerge kóshirý jáne basqa da áreketterdi jasaı alady», - dep túsindirdi ol.

 
TJ boıynsha SMS-habarlamalar aqysyz - QR ІІM

  Qutqarý qyzmetterinen halyqqa taralatyn SMS-habarlamalar aqysyz. Bul týraly búgin Ortalyq kommýnıkatsııalar qyzmetindegi baspasóz máslıhatynda QR ІІM Tótenshe jaǵdaılar komıtetiniń resmı ókili Rýslan Imanqulov.

«Qutqarý qyzmetterinen halyqqa taralatyn SMS-habarlamalar aqysyz ekenin resmı túrde jarııalaımyn. Bul habarlamalar azamattar úshin de jáne memleket úshin de tegin. Birinshiden, bul azamattyq qorǵanys týraly zańnamanyń tıisti babymen eskerilgen. Ekinshiden, bizde uıaly baılanys operatorlarymen tıisti kelisim bar. Osyǵan sáıkes, aýa raıynyń buzylýy nemese qandaı da bir tótenshe jaǵdaılar boıynsha habarlaý úshin osy SMS arqyly aqparat taratamyz»,-dedi resmı ókil.

Onyń sózine qaraǵanda, 1 jeltoqsan men 7 qańtar aralyǵynda aýa raıy jaǵdaıy men joldardyń jabylýyna qatysty 200-ge tarta SMS-habarlama taratyldy.

 
Astanada kóptegen muz aıdyndary men syrǵanaqtar jumys istep tur

 Astanada qysqy demalysty unatatyndar úshin ashyq muz aıdyndary men syrǵanaqtar, muz qalashyqtary, shańǵyrollerlik trassalar ashylǵan, dep habarlaıdy Astana qalalyq ákimdiginiń saıty. 

«Otbasyńmen birge taza aýada demalǵyń kelse, «Han Shatyr» SOO janyndaǵy muz qalashyǵyna barýǵa bolady. Elorda ákimdiginiń aldyndaǵy alańǵa, «Jeruıyq» parkinde jáne Oqýshylar saraıynyń janynda muz aıdyndary jasaldy. Jańa jyl qarsańynda «Araı» parkiniń aýmaǵynda jalpy aýdany 5 myń sharshy metrlik muz aıdyny ashyldy. Onda medıtsınalyq pýnkt, dámhana, radıorýbka, konkıdi jalǵa alatyn oryn, sondaı-aq, jylynatyn jer bar, LED-ekran ornatylǵan. Konkıdi jalǵa alý quny - saǵatyna 500 teńge», dep kórsetilgen jazbada.

«Esil» aýdany aýmaǵynda Shyǵys Ilınka jáne Prıgorodnyı turǵyn alaptarynda taǵy da eki muz aıdyny jasalmaq. Budan basqa, qalalyq mektepterdiń janynda shaǵyn 11 muz aıdyny bar.

10 qańtarda Aqbulaq ózeninde de úlken muz aıdyny ashylady. Al «Otan Qorǵaýshylar» monýmentiniń janynda, Esil ózeniniń jaǵasynda syrǵanaqtar bar. Kóktal jáne Óndiris turǵyn alaptarynda, 188-shi kóshe men Báıseıitova, 3 kóshesinde de qosymsha syrǵanaqtar jasalady.

«Ashyq muz alańdarynan basqa, «Alaý» muz aıdyny saraıyna barýǵa bolady. Onda 2-10 qańtar aralyǵynda jańa jyldyq jappaı syrǵanaý marafony ótedi. Tańǵy saǵat 09.00-den keshki saǵat 23.00-ge deıin kásibı muz aıdynynda konkı tebýge bolady. Mereke kúnderi «Alaý» muz aıdynyna 14 myńnan astam adam barǵan. Kirý quny seansqa baılanysty 250-den 1500 teńgege deıin», delingen habarlamada.

Sonymen qatar, shańǵy tebýdi unatatyndar ár demalys saıyn elordalyq parkte ótetin dástúrli jarystarǵa qatysa alady.

300 myńnan astam elordalyq skrınıngtik tekserýden ótti

Astanada ótken jyly 353 933 adam skrınıngtik tekserýden ótti, dep habarlady qalalyq ákimdiktiń baspasóz qyzmetinen.

Búgingi tańda skrınıngtik tekserýdiń 11 túri bar: qan aınalymy júıesi aýrýlaryn anyqtaý, isik aldy jáne sút bezi qaterli isigi, isik aldy jáne jatyr moıny obyry jaǵdaıy, glaýkoma, qant dıabeti jáne t.b.

Innovatsııalyq jáne joǵary tehnologııalyq medıtsınany jetildirý jáne engizý boıynsha jumystar úzdiksiz júrgiziledi. Qazirgi kezde qalada kóp profıldi klınıkalarda qan aınalymy júıesi aýrýlaryn emdeıtin kardıologııalyq bólim, ınsýlt ortalyǵy, gemodıalız, travmotologııa jáne ortopedııa, balalarǵa, júktilerge ortodonttyq kómek kórsetý ortalyǵy tabysty jumys istep jatyr.

2015 jyly №2 qalalyq aýrýhanada 1569 kardıo-ınterventsııalyq ota jasaldy, bul 2014 jyldyń (1404) sáıkes merzimimen salystyrǵanda 0,5% (165) artyq.

Jalpy, Astana qalasynyń ınsýlt ortalyqtarynda byltyr 1847 naýqas emdeldi, 2014 jyly bul kórsetkish 1655 quraǵan.

Elordada densaýlyq saqtaý salasyn damytýdyń mańyzdy baǵyttarynyń biri - sońǵy birneshe jyl boıy №1 qalalyq aýrýhananyń bazasynda damytylyp jatqan transplantologııa.

2015 jyly elordalyq dárigerler taıaý jáne qıyr sheteldik áriptesterimen tájirıbe almasty, bólimniń jetekshi mamandary Avstrııa, Ońtústik Koreıa, Qytaı, Reseı memleketterinde synaq isinen ótti, qazirgi kezde týystar baýyryn transplantatsııalaý jáne tiri donordan búırekti aýystyryp salý boıynsha operatsııalar sátti ótkiziledi. 2013 jyldan beri 29 transplantatsııa jasaldy, sonyń ishinde 12 búırek pen 17 baýyr aýystyryldy.

Elordalyq densaýlyq saqtaý salasynda qyzmet etetin uıymdardyń aýmaǵyn jáne kireberis joldardy abattandyrý jáne materıaldyq-tehnıkalyq bazasyn odan ári nyǵaıtý  da medıtsınalyq klasterdi damytýdyń basty mindeti bolyp tabylady. Búginde Aqbıdaı kóshesi, 15 kóshesi mekenjaıynda ornalasqan №3 qalalyq emhana ǵımaratynda kúrdeli jóndeý jumystary júrgizilip jatyr. Ótken jyly 191 birlik jabdyq satyp alyndy.

 

«Astana Operanyń» jetekshi solısi Italııada «Don Jýan» qoıylymynyń tusaýkeserinde oınaıdy

 «Astana Operanyń» jetekshi solısti Álfııa Kárimova Italııada V.A.Motsarttyń «Don Jýan» operasynyń tusaýkeserinde oınaıdy. Koloratýralyq soprano ıesi 31 qańtar, 2, 6 aqpan kúnderi «Karlo Felıche» teatry sahnasynda Donna Anna partııasyn alǵash oryndamaq, dep habarlady teatrdyń baspasóz qyzmetinen.

Qazirgi ýaqytta ánshi Italııada óziniń jumysyna kiristi. Teatrdyń jetekshi solısti bul rolge úlken jaýapkershilikpen qaraıdy, sebebi ony alǵash ret oryndaıdy jáne ol - ádemi, dramalyq kúrdeli arııalarǵa jáne názik te sazdy birqatar ansambldik kórinisterge toly. Árbir jańa sahnalyq beıne árqashan hıkaıalarǵa, kútpegen oqıǵalarǵa, meıramdarǵa toly, sondyqtan qajymas eńbekti talap etedi, dep atap ótti Álfııa Kárimova.- Vokalıst mamany úshin daıyn eshnárse joq: jetekshi partııalardy oryndaý ýaqytty, úzdiksiz jattyǵýlardy talap etedi, áıtpese ári qaraı damý múmkin emes. Motsartty shyrqaý óte kúrdeli, munda daýystyń yrǵaqtala tógilýi, aspaptarǵa ilese alýy, ekpindi ıgerý, vokal pozıtsııasyn dál qoıý jáne júz paıyz daýysty ıgere alý sııaqty sheberlik qajet, - dep bólisti ánshi.Don Jýan - sánqoı bardyń juldyzy, sondyqtan ol aınalasyndaǵy árbir áıeldiń júregin jaýlaýǵa tyrysady. Álfııa Kárimovanyń keıipkeri Donna Anna - áıelqumar Don Jýandy eliktirgen talǵampaz bıkesh. Qoıylymdaǵy kóptegen qyzyqty ıdeıalarǵa, tańǵalarlyqtaı tapqyr ıdeıalar men áserli sheshimderge qarap, operanyń jeke kózqarasty bildiretin nusqa ekenin túsiný qıyn emes.Don Jýan partııasyn Mıkele Pattı oryndaıdy, Leporello - Lýchano Leonı, Komandor - Grem Brodbent, Don Ottavıo - Patrık Vogel, Donna Elvıra - Raffaella Lýpınachchı, Tserlına - Lılıa Gamberını, Mazetto - Roberto Maıetta. 31 qańtarda - maestro Krıstof Poppen, 2 jáne 6 aqpanda Pabl Assante dırıjerlik etedi.

Qazaqstan Granatkın memorıalynda Japonııamen saıysqa túsedi

 Fýtboldan 18 jasqa deıingi Qazaqstannyń jasóspirimder quramasy  Sankt-Peterbýrgte ótip jatqan Granatkın memorıalynda toǵyzynshy oryn úshin kúresetin qarsylasyn bildi, dep habarlady Sports.kz.

Budan buryn 18 jasqa deıingi Qazaqstan quramasy Moldova komandasyn 1:0 esebimen utyp, alǵashqy jeńiske jetken bolatyn.

Qazaqstan men Japonııa kezdesýi dúısenbi kúni saǵat 17:30-da Astanada ótedi. 

 Elordalyq jas órender halyqaralyq baıqaýda el namysyn qorǵaıdy

 «Astana» aıaqdopshylary jeńimpaz atandy. Bul joly elordalyq jas sportshylar qazaq-túrik lıtseıiniń dástúrli respýblıkalyq kishi fýtboldan ótken týrnırinde top jardy, dep habarlady  www.24.kz.

Endi astanalyq órender jazda Germanııada ótetin baıraqty básekede el namysyn qorǵaıdy. Jarys jolynda elimizdiń ár óńirinen kelgen 25 komanda baq synady. Osymen úshinshi jyl ótken dodaǵa 2002-2003 jyly týylǵan oqýshylary ishinen 250-den astam úzdik iriktelinip alynǵan. Shara mereıli mereke el táýelsizdiginiń 25 jyldyǵyna arnalǵan.

- «Keleshekte 7-8 synypqa arnalǵan fýtbol jarysyn qazaq-túrik lıtseıimen shektelip qana qoımaı, Qazaqstandaǵy mektepterdi qamtyp, úlken bir týrnır uıymdastyrýdy josparlap otyrmyz», - dedi KATEV qoǵamdyq qorynyń prezıdentiniń orynbasary Nurbol Tóleýbaev.

 
Astana Motorsports «Dakar» kezeńinde TOP-15 qatarynan kórindi

  «Dakar» rallı-marafonynyń jetinshi kezeńi ótti. Qatysýshylar Ýıýnnen Saltaǵa deıin 793 shaqyrym joldy eńserdi. Astana Motorsports komandasy kezeńdi 15-shi orynmen aıaqtady, týrnırdiń bas jikteliminde bir satyǵa joǵary kóterildi. Kazakhstan ekıpajy kezeńde 30-shy orynnan kórinip, jarystyń jalpy esebinde 25-shi oryndy saqtap qaldy. Búgin sportshylar úshin kópten kútken demalys kúni, dep habarlady Astana Motorsports baspasóz qyzmeti.

«Astana» prezıdenttik kásibı sport klýbynyń ókili Artýr Ardavıchýs jarystyń jetinshi kúngi áserlerimen bólisti.

-  Ár kún saıyn qyzyqty jaıttar bolyp turady. Búgingi kún bireýler úshin sátti boldy, al bireýlerge kúrdeli. Taý jolyndaǵy ıirimder, qatty tas joldar. Jańbyr jaýsa-aq boldy, jer ezilip shyǵa keledi, onyń ústine kóktaıǵaq. Endi túzele bastaǵanda nóser quıyp ketedi. Irek joldyń árbir 50-70 metri saıyn burylys, sonyń ishinde shuǵyl burylystar da az emes. Osy ýchaskede nóserge tap bolǵandar biraz ýaqytyn joǵaltady. Baıqap júrmeseń, qaýipti. Kishkentaı ǵana qatelesseń, jyradan bir-aq shyǵasyń. Martın Koloma búgin kósh bastaǵan edi, basyp ozam degende, mashına tasqa soǵylyp, aspasy byt-shyt boldy. Eki saǵat ýaqytyn joǵaltty.

Kórermender jınalǵan jerde jyldamdyqty báseńdetýge týra keledi. Saǵatyna 140 shaqyrymdyq jyldamdyq, júk mashınasynyń salmaǵy 9 tonna - mundaı jaǵdaıda mashınany basqarý da ońaı emes. «Dakar» jolynda júzge tarta kórermendi qaǵyp ketken jaǵdaılar boldy, men bul statıstıkany kóbeıtkim kelmeıdi. Mine, búgin osyndaı oqıǵa boldy, bir kórermendi shabandoz qaǵyp ketip, mert boldy. Bul qaıǵyly oqıǵa!

Mundaı ýchaskelerde qysymdy 4,5 atmosferaǵa deıin kóteremiz, áıtpese ballonǵa saz jabysyp qalady. Búgin «alys» jolǵa shyqqandar shapshań júrdi. Tómennen qyrqaǵa betteımiz, sodan keıin basty burylys, Bul arada burylýǵa da múmkindik joq. Jolda bir Mini jantaıyp jatyr. Bul burylysty uıymdastyrýshylar kartaǵa engizbegen, onsha qaýipti emes degen oılaǵan, óıtkeni jol jıegindegi jyraǵa túsip ketem dep qaýiptenbeısiń. Osyndaı sátter az emes!», - dedi Astana Motorsports komanda kóshbasshysy Artýr Ardavıchýs.  

- Odan ári jolbaǵyt taýdan tómen túsedi, - deıdi Artýr. -  Shabandozdar baıqap sol qarqynmen zaýlatyp keledi. Jarystyń jartysynan óttik, alda taǵy osynsha jol jatyr jáne ol ýchaskede qaýipti jáne jolsyz jerler bar.

«Bul kúrdeli kezeń boldy. Taý jolyndaǵy burylystar kóp, temperatýra da áldeneshe qubylady, kún shaqyraıyp turady, endi bir mezgilde burshaq pen qar jaýady. Endi demalystan keıin taǵy da naǵyz taktıkalyq jáne joǵary jyldamdyqty kúres joly bastalady. Búgingi kúngi nátıjeler qatysýshylardyń toptasyp kele jatqanyn kórsetedi. Endi nátıjege umtylýymyz kerek», - dedi Kazakhstan komandasynyń shabandozy Andreı Cherednıkov.

11 qańtarda qatysýshylar 393 shaqyrymdyq arnaıy ýchaskemen júredi. Saltadan Belenge (Argentına) deıingi segizinshi kezeńniń uzyndyǵy 766 shaqyrymdy quraıdy.         

 
Astanada sýretshi L.Ravanıannyń «Venice by me» kórmesi ashylady

Astanada «Has Sanat» óner galereıasynda venetsıandyq sýretshi Lýıdjı Ravanıannyń «Venice by me» kórmesi ashylady.

Óner galereıasy baspasóz qyzmetiniń habarlaýynsha, Lýıdjı Ravanıan Padýıada týǵanymen ózin baıyrǵy venetsıandyqpen dep sanaıdy, óıtkeni onyń otbasy búkil álemge tanymal osy mádenıet eskertkishi-qalasynan shyqqan. Lýıdjı Venetsııada turady jáne jumys jasaıdy, onyń shyǵarmashylyǵy osy qalamen tyǵyz baılanysty.

Lýıdjı arnaıy bilim almaǵan týma talant, biraq ta ol Padýıadaǵy eleýli oqý oryndarynda jáne Bolonedegi Kórkemsýret akademııasynda keskindemeden kýrstarǵa baryp júrdi, sóıtip, burynǵy kásipker kásibı sýretshi mansabyn bastady. Ol keskindememen, fotsýretpen, poezııamen, ádebıetpen aınalysady. Lýıdjı Kelnde (Germanııa), Padýıada jáne Venetsııada (Italııa) birneshe jeke kórmelerin ótkizdi.

Astana qalasyndaǵy «Has Sanat» óner galereıasyndaǵyskórme  «Venice by me» dep atalady.

Bul kórmeniń negizgi áýenderi súıikti qalasynyń tanymal obrazdarymen jigerlenýden týǵan. Lýıdjıdiń kóptegen shyǵarmalary qalanyń kórnekti oryndarymen atalǵan - Úlken arna, Rıalto kópiri, Bazılıko San Marko jáne taǵy basqalar.  

 Astanadaǵy Aqbulaq ózeninde muz aıdyny ashyldy

 Jeksenbi kúni Aqbulaq ózeniniń jaǵasyna muz aıdynynyń ashylýyna arnalǵan sporttyq-oıyn saýyq baǵdarlamasyna qatysý úshin júzdegen astanalyq jınaldy, dep habarlady qalalyq ákimdiktiń baspasóz qyzmeti.

Taza aýada demalýǵa, konkı men syrǵanaq tebýge eresekter de, kishkentaı búldirshinder de keldi. Aıta keteıik, muz aıdyny aýmaǵynda konkıdi jalǵa alý pýnkti jumys isteıdi, konkıdi jalǵa alý quny - saǵatyna 500 teńge. Muz aıdyny «Qazaqstan» jáne «Barys» muz arenalarynyń janynda ashyldy, onda «Barys» komandasynyń belgili hokkeıshileriniń muzdan jasalǵan músinderi qoıyldy.

Uıymdastyrýshylar qala turǵyndarynyń arasynda baıqaýlar men vıktorınalar ótkizdi, belgili estrada ánshileri men bı ujymdary sahnada óner kórsetti.

Eske salaıyq, «Jeruıyq» jáne «Araı» parkterinde, sondaı-aq, qalalyq ákimdiktiń aldyndaǵy alańda da muz aıdyndary bar. Qys boıy «Han Shatyr» SOO janyndaǵy muz qalashyǵy, Esil jaǵasyndaǵy syrǵanaqtar jumys isteıdi. Demalys kúnderi shańǵyrollerlik trassada ótetin shańǵy jarysyna da qatysýǵa bolady.   

 Astana ákimi kalalyq qyzmetterdiń jańa jyldaǵy jumystarynyń negizgi baǵyttaryn belgilep berdi

 Elorda ákimdiginiń 2016 jyldaǵy birinshi apparat otyrysynda Astana ákimi Ádilbek Jaqsybekov barlyq qalalyq qyzmetterdiń jańa kúntizbelik jyldaǵy jumystarynyń 

 

negizgi baǵyttaryn belgilep berdi, dep habarlady qalalyq ákimdiktiń baspasóz qyzmetinen.Eń aldymen olar Memleket basshysynyń Bes ınstıtýtsıonaldyq reformasyn iske asyrýǵa negizdelmek.

Qala basshysy 2016 jylǵy 1 qańtardan bastap, kúshine engen negizgi zańnamalyq ózgeristerge toqtalyp ótti. Memlekettik apparat tıimdiligin arttyrýǵa baǵyttalǵan birinshi reforma memlekettik qyzmetti jańǵyrtýǵa negizdeledi. Ákimniń atap ótýinshe, bir ýaqytta qabyldanǵan jáne ózara baılanysty memlekettik qyzmet jáne jemqorlyqqa qarsy kúres týraly zańdar, jańa Memlekettik qyzmetshilerdiń etıkalyq kodeksi ár bir ákimdik qyzmetkeriniń kúndelikti jumysynda basshylyqqa alynýy tıis.    

1 qańtardan bastap, jergilikti polıtsııa qyzmeti óz jumysyn bastady, onyń quramyna 1,5 myńǵa jýyq polıtsııa kirdi. Atalǵan qyzmettiń bastyǵy bolyp, buǵan deıin ákimshilik polıtsııany basqaryp kelgen polıtsııa polkovnıgi Baqytjan Malybaev taǵaıyndaldy. Á. Jaqsybekovtyń aıtýynsha, jergilikti polıtsııa qyzmeti birinshi kezekte qoǵamdyq tártiptiń jaǵdaıy úshin jaýapkershilikti arttyrady, sondyqtan jumystyń tıimdiligi artýy kerek. «Halyq jol-patrýldik qyzmettiń jaqsyraq jumys isteı bastaǵanyn, al ýchaskelik ınspektorlardyń adamdarǵa jaqyndaı túskenin sezinýi kerek», -  dedi qala basshysy.

-Qurylys salasynda da aıtarlyqtaı ózgerister oryn aldy. Atap aıtqanda, salynyp bitken nysandardy qabyldaý bóliginde. Endi barlyq jaýapkershilik tikeleı tapsyrys berýshige, merdigerge, sondaı-aq avtorlyq jáne tehnıkalyq qadaǵalaý uıymyna júkteledi. Biraq túrli memlekettik komıssııalardyń qysqartylýy qalada ǵımarattar men qurylystar salý kezinde buzýshylyqtardy moıyndamaýǵa sebep bolmaýy kerek, - dedi Á. Jaqsybekov.

«Jańa jylda alǵa jańa jospar quryp jatyrmyz, biraq mindetter burynǵydaı - qalalyq qyzmetterdiń qala turǵyndarynyń ıgiligine tıimdi jumys isteýi, Astanada tirshilikti qamtamasyz etý jáne qalany abattandyrý, sondaı-aq, elordanyń áleýmettik ekonomıkalyq kórsetkishterin saqtaý», - dedi Á. Jaqsybekov.

 Astanada baǵalardyń negizsiz ósýin boldyrmaý boıynsha sharalar qoldanylady

 Astanada baǵalardyń negizsiz ósýin boldyrmaý boıynsha sharalar qoldanylady, dep habarlaıdy Astana ákimdiginiń resmı saıty.

Búgin elorda ákimdiginiń apparat otyrysynda taýarlardyń áleýmettik-mańyzdy toptaryna baǵa qalyptastyrý jaǵdaıy talqylandy.

«Astana qalasy Statıstıka departamentiniń málimetinshe, 2015 jyldyń sońynda Astana qalasy boıynsha azyq-túlik taýarlaryna ınflıatsııa - 1,3%, azyq-túliktik emes taýarlarǵa - 0,4% qurady», delingen habarlamada.

Aýyl sharýashylyǵy basqarmasynyń qyzmetkerleri qaladaǵy 24 iri saýda nysanynda turaqty baǵa monıtorıngin júrgizedi.Sońǵy bes aıda 33 pozıtsııanyń jeteýi boıynsha baǵanyń aıtarlyqtaı kóterilgeni (10% artyq) baıqaldy, sonyń ishinde qant, ósimdik maıy, jumysrtqa, sút jáne t.b. qymbattaǵan. Atalǵan ónimder boıynsha shekti mánderdiń shamadan tys arttyrylǵany tirkeldi.

«Biraq baǵalardyń ósýiniń obektıvti sebepterinen basqa, azyq-túlik taýarlarynyń baǵasyn kelisip qoıý jáne negizsiz kóterý faktileri de anyqtalady. Osy sııaqty jaǵdaılarǵa jol bermeý maqsatynda Aýyl sharýashylyǵy jáne Kásipkerlik basqarmalaryna Statıstıka departamentimen jáne monopolııaǵa qarsy vedomstvomen, sondaı-aq, basqa da múddeli organdarmen is-áreketterdi úılestirý jáne naryqtaǵy jaǵdaıǵa júıeli monıtorıng júrgizý tapsyryldy»,-delingen habarlamada.

«Bul jumys praktıkalyq sıpatta júrgizilsin, baǵany negizsiz kóterýdiń árbir jaǵdaıyna jaýap berý kerek», - dedi elorda ákimi Ádilbek Jaqsybekov.

 
«Astana Opera» teatrynyń premeralaryna kórermender shetelden kelip jatyr

 «Astana Opera» teatrynyń premeralaryn tamashalaý úshin kórermender shetelden kelip jatyr. Bul týraly búgin OKQ baspasóz máslıhatynda teatr dırektory Tóleýbek Álpıev málim etti.

«Astana Opera» teatryna Qaraǵandy, Kókshetaý syndy jaqyn qalalardan ǵana kelmeıdi. Arnaıy avtobýstarmen kásiporyndar, kórermender, tyńdarmandar kelip jatady. Búginde premeralarymyzǵa Almatydan, Reseıden keletin kórermender sany artyp otyr. Jaqynda premerasy ótken «Baıaderka» baletine AQSh-tan, Frantsııadan tyńdarmandar keldi. Olarǵa Altynaı Asylmuratovanyń oryndaýyndaǵy spektakldi kórý qyzyq bolatyn, sebebi Altynaı kezinde Parıjde «Baıaderka» baletinde oınaǵan», - deıdi ol.

Sonymen birge, onyń sózine qaraǵanda, teatr «EXPO-2017» kórmesine arnaıy mádenı baǵdarlamany daıyndap jatyr.

«EKSPO 93 kún boıy ótedi. Bizde eńbek demalysy bul kezde bolmaıdy. Biz qazir óz repertýarlarymyzdy qanyqtyryp jatyrmyz. Kórme kezinde Dj. Pýchchınıdiń «Madam Batterflıaı» operasyn qoıamyz. Rolan Petıdiń qorymen «Sobor Parıjskoı Bogomaterı» operasyn qoıý jóninde kelissózder júrgizýdemiz. Sosyn qazaqtyń «Qyz jibek» operasynyń qoıylymy ótedi. Biz ony eń keremet qoıylym retinde kórsete alýymyz shart. Biz «Abaı» operasyn qoıamyz», - dedi Tóleýbek Álpıev.

 Astana qalasynyń jergilikti polıtsııa qyzmetiniń basshysy taǵaıyndaldy

 Astana ákimi Ádilbek Jaqsybekovtiń buıryǵymen jergilikti polıtsııa qyzmetiniń basshysy bolyp polıtsııa polkovnıgi Baqytjan Malybaev taǵaıyndaldy, dep habarlady qalalyq ІІD baspasóz qyzmetinen.  

Apparattyq keńeste ony ІІD jeke quramyna vedomstvo basshysy polıtsııa general-maıory Amantaı Áýbákirov tanystyrdy.

Ótken jyldyń jeltoqsanynda elordanyń jergilikti polıtsııa qyzmetiniń basshysy laýazymyna úmitker retinde Astana q. ákimshilik polıtsııa basqarmasynyń basshysy Baqytjan Malybaevtyń kandıdatýrasy máslıhattyń qaraýyna (kelisimine) usynyldy.  Elordalyq máslıhat depýtattary ony biraýyzdan qoldady.

Baqytjan Malybaev 1969 jyly dúnıege kelgen. QR ІІM Almaty zań ınstıtýtyn támamdady. 1990 jyldan Іshki ister organdarynda qyzmet etip keledi.

Kóp jyldar basshylyq qyzmette bolyp, qoǵamdyq tártipti qamtamasyz etý jáne jol qozǵalysynyń qaýipsizdigi boıynsha qurylymdardy basqardy. 

 
Elorda aýdandarynyń ákimderi 18 qańtardan bastap halyqqa esep beredi

 18 qańtardan bastap Astana aýdandary ákimderi turǵyndarǵa esep beredi. Aýdan ákimderi ótken jyldy qorytyndylaıdy, qala aýmaqtaryn odan ári damytý týraly aıtady, sondaı-aq, qala turǵyndarynyń suraqtaryna jaýap beredi, dep habarlaıdy qala ákimdiginiń resmı saıty.

«Qazirgi kezde qala aýmaǵynda birneshe jerge ótinishter qabyldaýǵa arnalǵan arnaıy jáshikter ornatyldy», delingen habarlamada.

«Almaty» aýdanynyń ákimi Ermaǵanbet Bólekpaevtyń halyqpen esep berý kezdesýleri 18, 19, 20, 21, 22 qańtarda ótedi. 18 qańtarda saǵat 15:00-de L. Gýmılev atyndaǵy Eýrazııa ulttyq ýnıversıtetinde aýdan ákimimen Abylaı han, Táýelsizdik, M. Jumabaev dańǵyldarynyń, Qajymuqan, Kenesary, Q. Sátpaev, Jırentaev, A. Pýshkın kósheleriniń turǵyndary kezdesedi.

19 qańtarda saǵat 15:00-de Jeleznodorojnyı turǵyn alabynda № 29 orta mektepte Jeleznodorojnyı, Promyshlennyı, Kúıgenjar, Mıchýrıno, Internatsıonalnyı turǵyn alaptarynyń turǵyndary aýdan ákimine óz suraqtaryn joldaı alady.

20 qańtarda saǵat 15:00 Sh. Imanbaeva, 4 meken jaıy boıynsha ornalasqan №54 mektep-lıtseıge Respýblıka dańǵylynyń, A. Baraev, J. Táshenov, Sh.Ýálıhanov, Sh. Imanbaeva, S. Rahymov, M. Ǵabdýllın, A. Imanov, Jánibek Tarhan kósheleriniń turǵyndary shaqyrylady.

Ońtústik-Shyǵys shaǵyn aýdanynyń, B. Momyshuly, R. Qoshqarbaev, A. Baıtursynov, Aınakól, Sh. Qaldaıaqov, J. Nájimedenov kósheleriniń turǵyndary «Almaty» aýdanynyń ákimimen 21 qańtarda saǵat 15:00-de A. Baıtursynov kóshesindegi №72 orta mektepte kezdesedi.

Ermaǵanbet Bólekpaevtyń sońǵy esep berý kezdesýi  22 qańtarda saǵat 15:00-de R. Qoshqarbaev dańǵyly boıynda ornalasqan №1 qalalyq aýrýhanada №1 qalalyq aýrýhananyń jáne №2 balalar aýrýhanasynyń ujymymen ótedi.

«Saryarqa» aýdanynyń ákimi Pavel Kýlagınniń halyqpen esep berý kezdesýleri 25, 26, 27, 28 jáne 29 qańtarǵa belgilengen», delingen habarlamada.

Aýdan ákimi 25 qańtarda saǵat 11:00 Almalyq kóshesinde ornalasqan «Naz» memlekettik teatrynda Kóktal turǵyn alabynyń turǵyndarymen kezdesedi.

26 qańtarda saǵat 11:00 № 49 orta mektepte Óndiris turǵyn alabynyń turǵyndary óz suraqtaryn aýdan ákimine joldaı alatyn bolady.

«Saryarqa» aýdany ákiminiń shaǵyn jáne orta bıznes ókilderimen kezdesýi 27 qańtarda saǵat 11:00 Saryarqa dańǵyly, 13 meken jaıy boıynsha aýdan ákimi apparatynyń ǵımaratynda ótedi.

28 qańtarda saǵat 11:00 №5 qalalyq emhanada P.Kýlagın №5 qalalyq emhananyń eńbek ujymynyń jáne aýdandyq medıtsınalyq mekemelerdiń ókilderiniń suraqtaryna jaýap beredi.

«Saryarqa» aýdany ákiminiń sońǵy halyqpen esep berý kezdesýi 29 qańtarda saǵat 11:00 M. Ótemisuly atyndaǵy Oqýshylar saraıynda ótedi. Kezdesýge Respýblıka, Saryarqa, Jeńis dańǵyldarynyń, Abaı, S. Seıfýllın, T. Bıgeldınov, 187, 188 kóshelerdiń jáne Esil ózeniniń boıyndaǵy úılerdiń turǵyndary shaqyrylady.

«Esil» aýdanynyń ákimi Sabıla Mustafına 18, 19, 20, 21 jáne 22 qańtarda aýdan turǵyndarymen esep berý kezdesýlerin ótkizedi.

18 qańtarda aýdan ákimi «Astana REK» AQ eńbek ujymymen, al 20 qańtarda medıtsına holdıngi men aýdandyq medıtsınalyq uıymdardyń eńbek ujymdarymen kezdesedi.

19 qańtarda № 69 mektep-lıtseıde S. Mustafına Úrker turǵyn alabynyń turǵyndarymen esep berý kezdesýin ótkizedi.

Qazaqstan Respýblıkasynyń Tuńǵysh Prezıdenti - Elbasy atyndaǵy Ulttyq qorǵanys ýnıversıtetiniń stýdentteri men jumyskerleri 21 qańtarda saǵat 15:00 aýdan ákimine óz suraqtaryn joldaı alady.

«Esil» aýdany ákiminiń sońǵy kezdesýi 22 qańtarda saǵat 11 «Qazaqstan» ortalyq kontsert zalynda aýdan turǵyndarymen ótedi.

Aýdandardyń ákimderiniń halyqpen esep berý kezdesýlerin ótkizý kúnderi men ýaqytyn tómende tirkelgen faıldardan kórýge bolady. 

2015 jyly «Astana - jańa qala» AEA-da 22,7 mlrd. teńgeniń alty joba júzege asyryldy

 2015 jyly «Astana - jańa qala» AEA ındýstrııalyq parki aýmaǵynda 22,7 mlrd. teńgeniń 6 jobasy júzege asyryldy.  Bul týraly búgin QR Prezıdenti janyndaǵy OKQ-da ótken baspasóz máslıhatynda «Astana - jańa qala» AEA basshysy Іlııas Janǵaskın málim etti.

«Búginde  Sol jaǵalaýda ákimshilik-iskerlik ortalyqta 344 nysan salyndy. Qazirgi kezde 76 nysannyń qurylysy júrip jatyr, onyń 59-y turǵyn úı jáne jeteýi áleýmettik-mádenı maqsattaǵy ǵımarattar. Jalpy 76 joba somasy 1,2 trln. teńgeni qurap otyr, onyń ishinde 2015 jyly 514 mlrd. teńgesi ıgerildi»,-dedá І. Janǵaskın.

Sonymen qatar nómir birinshi ındýstrııalyq park aýmaǵynda búginde 181 mlrd. teńge ınvestıtsııa somasyndaǵy 62 ınvestıtsııalyq joba júzege asyrylýda. «Onyń ishinde 27-si tapsyryldy, 18-inde qurylys jumystary júrýde, al 12-si jobalaý kezeńinde, sondaı-aq beseýi boıynsha ruqsat berý qujattaryn rásimdeý atqarylyp jatyr»,-dep naqtylap ótti ol.

І. Janǵaskınniń sózine qaraǵanda, Indýstrııalyq park aýmaǵy 95 paıyzǵa toltyryldy.

«2015 jyly osynda 150 mlrd. teńgege jýyq ınvestıtsııa ıgerildi. Osy jyldary ónim eksporty 15,5 mlrd. teńgeni qurady. Jalpy 2735 jumys oryndary quryldy. 2015 jyly Indýstrııalyq park aýmaǵynda 22,7 mlrd. teńgeniń alty joba júzege asyryldy. Osy 6 jobanyń úsheýi jyl sońynda Memleket basshysynyń qatysýymen ashyldy»,-dep túıdi ol. 

Bilim berý salasyn jańalyqtar kútip tur - E.Sýhanberdıeva

 Memleket basshysy Nursultan Nazarbaev 2016 jylǵy 6 qańtarda «Ult jospary - qazaqstandyq armanǵa bastaıtyn jol» Qazaqstan halqyna arnaǵan maqalasyn jarııalady. Maqalada Elbasy ómirimizdiń barlyq salalaryn saralap, onda júzege asyrylatyn jańa bastamalar men alǵa qoıǵan maqsattar jaıly tolǵady. QR Prezıdentiniń maqalasyna oraı QazAqparat tilshisine pikir bildirgen Astana qalalyq bilim basqarmasynyń basshysy Elmıra Sýhanberdıeva osylaı deıdi.

«Memleket basshysynyń aıtýynsha, 2016 jyldyń 1 qańtarynan «5 ınstıtýttyq reformany júzege asyrý boıynsha 100 naqty qadam» - Ult josparyn oryndaýdyń praktıkalyq kezeńi bastaldy. Osy kezeń aıasynda túrli syndarly sharalar júzege aspaq. Óz maqalasynda Elbasymyz elimizdegi bilim máselesin de nazardan tys qaldyrmady. «Áleýmettik jańǵyrtý yntalandyrýshylary» taqyrypshasynda Memleket basshysy tómendegideı oı aıtty: «Bilim berý, densaýlyq saqtaý jáne halyqty áleýmettik qorǵaý salalaryn reformalaý adam áleýetiniń sapasyn arttyrýǵa jaǵdaı jasaıdy. Bilim berý salasynda mektepke deıin jáne mektepte bilim berýdiń jańa úılestirilgen standarttaryn ázirleý jáne bekitý boıynsha jumystar júrgizilýde. Bilim berý úsh tilde - qazaq, orys jáne aǵylshyn tilderinde júrgiziletin bolady». Bul másele Elbasynyń 2015 jylǵy 30 qarashadaǵy Qazaqstan halqyna arnaǵan «Qazaqstan jańa jahandyq naqty ahýalda: ósim, reformalar, damý» Joldaýynda da kórinis tapqan edi», - dedi ol.

Osy sózine dálel retinde E.Sýhanberdıeva 2017 jyldan bastap «Jalpyǵa birdeı tegin kásibı-tehnıkalyq bilim berý» jańa jobasynyń júzege asyryla bastaıtyndyǵyn basa atap ótti.

«Elbasymyz atap ótkendeı: «oǵan qatysý, ásirese, jas qazaqstandyqtarǵa olardyń ómirlerinde kádege asatyn arqaýlyq eńbek daǵdylaryn alýǵa jaǵdaı jasaıdy». Bul degenimiz, birinshi mamandyqty ıgerem deýshilerdi tegin oqytý. Memleket bul úshin qarjy bóledi. Onyń qaıtarymy bolatyny da sózsiz. Bul degenimiz ne? Bul osydan bastap, mektep bitirgen jáne joǵary oqý oryndaryna túse almaǵan túlekter elimizdegi jumyssyzdar sanyn arttyra bermeı, tegin túrde bir jumysshy mamandyǵyn alyp, ózine nápaqa taýyp, elimizdiń ekonomıkasy men áleýmettik hal-ahýalyn damytýǵa óz úlesin qosady degen sóz»,-  dedi basqarma basshysy.

Onyń paıymynsha, qazirgi tańda álemde etek jaıǵan qarjy daǵdarysynyń basty qateri - jumyssyzdyqtyń beleń alýy. Osy rette kóz aldymyzda júzege asyrylyp jatqan barlyq baǵdarlamalar stýdentterdiń óndiris oryndarynda tolyqqandy bilimin jetildirip, tájirıbe-daǵdy jınaqtaýyn jáne oqý ornyn bitirip shyqqan túlekterdi naqty jumysqa ornalastyrýdy qamtamasyz etýi tıis. Al bul oraıda alǵa qoıylǵan maqsattar ǵana júıeli jetistikterge jetkizetindigi anyq.

Bilim salasyndaǵy taǵy bir jańashyldyq - dýaldy oqytý júıesine atsalysý. Bul - daıyndyqtyń teorııalyq bóligi bilim berý uıymdarynyń bazasynda, al praktıkalyq bóligi jumys oryndarynda ótetin oqý túri. Qazirgi kezde 34 kásiporyn 10 oqý ornynda kadrlardy daıarlaýda dýaldi oqytý elementterin qoldanýda. Sondaı-aq, bıyl oqytýdyń bul ádisi 9 kolledjde 9 mamandyq boıynsha engizilmek. Negizinen, bilim berý, medıtsına, qurylys jáne temirjol salalaryn qamtıdy.

«Búgingi tańda Astana qalasynyń tehnıkalyq jáne kásiptik bilim berý salasy qyzmetkerleriniń aldynda turǵan ózekti máselelerdiń biri - eńbek naryǵynda suranysqa ıe bola alatyn básekelestikke qabiletti kásibı mamandar daıarlaý. Osyǵan oraı, Qazaqstan Respýblıkasynyń álemge tanylýyna úles qosatyn bilimdi jáne joǵary bilikti jumysshylardy tárbıeleý - árbir astanalyq kolledjdiń alǵa qoıǵan maqsaty bolýy kerek», - dedi ol.

Basqarma basshysynyń aıtýynsha, dýaldy oqytý júıesiniń  negizgi maqsaty  tehnıkalyq-kásiptik oqý oryndarynyń jumys berýshi jeke sektordaǵy óndiris, sharýashylyq mekemelerimen seriktestik retinde birlese otyryp, naryq zamanynda básekelestikke tótep bere alatyn, jańa ınnovatsııalyq-tehnologııalyq baǵdarlamalardy meńgerýge daıar jumysshy mamandar daıarlaý ekeni belgili. Qazirgi kezde Astananyń eńbek naryǵynda joǵary bilikti jumysshy mamandarynyń tapshylyǵy  paıda boldy. Qalyptasqan jaǵdaıdyń negizgi sebepshisi - bilim berý protsesin uıymdastyrý isindegi kemshilikter, ıaǵnı jas mamannyń boıynan tabylýǵa tıisti tájirıbelik daǵdy, bilim men tájirıbeni talap etetin naqty óndiristik jaǵdaılar men teorııalyq bilim berý arasyndaǵy alshaqtyqtyń oryn alýy. Qalyptasqan jaǵdaıda teorııa men praktıkanyń arasyndaǵy alshaqtyqty joıý máselesimen jumys berýshige kúresýge týra keledi, sebebi óndiristi bilikti jumysshylarmen qamtamasyz etý - bul jetistikke qol jetkizýdiń kepili. Mundaı jaǵdaıda jas mamandardyń oqý úrdisinde alǵan bilimderin júzege asyrý josparlanatyn kásiporyn qyzmetiniń ereksheligin eskere otyryp, qosymsha oqý, tájirıbeden ótý, qaıta daıarlaý qajettiligi týyndaıdy.

«Eńbek naryǵy sharttarynyń ózgerýin eskere otyryp, bilikti mamandar daıarlaý júıesin qurýdaǵy áleýmettik seriktestikterdiń qurylymyn belsendi paıdalaný qajet. Kásiptik bilim berý salasynda áleýmettik seriktestiktiń baılanysy arqyly bilim alýshylardyń tańdaǵan mamandyq týraly túsinikteri qalyptasady, oqý protsesinde alǵan teorııalyq bilimderin tájirıbede paıdalaný daǵdylaryn tereńdetedi, óndiristik jaǵdaıda sheshim qabyldaý  iskerligi qalyptasady. Bul - árıne, ótpeli nátıje. Degenmen ol Astana qalasy ákimdiginiń Bilim basqarmasyna, Kásipkerler palatasyna, kolledjderge jáne áleýmettik seriktester - kásipkerlerge úlken jaýapkershilik júkteıdi», - dep túıindedi sózin E.Sýhanberdıeva.  

Hokkeı: «Barys» Tolıattıde «Ladany» utyp, mańyzdy úsh upaıǵa ıe boldy

Qurlyqtyq hokkeı lıgasynyń turaqty chempıonatynda óner kórsetetin Astananyń «Barysy» Tolıattı qalasynda jergilikti «Lada» komandasymen kúsh synasty.

Osyǵan deıin 48 kezdesýden keıin 69 upaı jınaǵan «Barys» Shyǵys konferentsııasynda Nıjnekamskiniń «Neftehımıgimen» jetinshi-segizinshi oryndy bólisip tursa, 58 upaımen on ekinshi satydaǵy «Lada» pleı-off básekelerine qatysýǵa múmkindik beretin alǵashqy segizdikke iligýden úmitin úze qoımaǵan edi. Sondyqtan bul match qos komanda úshin asa mańyzdy bolatyn.

«Qazsport» telearnasynan tikeleı efırde kórsetkenindeı, tartysty básekeni astanalyqtar sátti bastap, úsh oıynǵa sozylǵan úzilisten keıin aıdynǵa qaıta oralǵan kanadalyq legıoner Naıdjel Doýs 30-ynshy sekýndta osy maýsymdaǵy 25-inshi golyn soqty. Birinshi kezeńniń ekinshi bóliginde «Barystyń» shabýylshysy Ilıa Solarevtiń tóreshiler sheshimimen baqandaı bes mınýtqa  aıdynnan qýylǵanyn paıdalanǵan «Ladanyń» kapıtany Dmıtrıı Vorobev 14-mınýtta esepti teńestirdi. Degenmen ekinshi kezeńdi bir oıynshynyń artyqtyǵymen bastaǵan astanalyqtar muny qur jibermeı, taǵy da Naıdjel Doýs 21-mınýtta mergendik tanytyp, komandasyn alǵa shyǵardy. Budan keıin de «Barys» gol soǵatyn birneshe múmkindikti jiberip aldy.

Úshinshi, sheshýshi kezeńdi «Barys» taǵy da asa sátti bastap, bul joly komanda kapıtany, amerıkandyq Brendon Bochenskı 40 mınýt 43-sekýndta týra toǵyzdyqty dál kózdedi (bul - onyń osy maýsymdaǵy 16-ynshy goly edi). Arada úsh mınýttaı ýaqyt ótpeı jatyp, ádemi kombınatsııadan keıin Naıdjel Doýs osy oıyndaǵy úshinshi, chempıonattaǵy 27-inshi shaıbasyn qarsylastar qaqpasyna kirgizdi. Budan soń aıdyn ıeleri qaqpashysyn aýystyrýǵa májbúr bolyp, Edgars Masalskıstiń ornyna Alekseı Semenov shyqty. Kóp uzamaı «Ladanyń» shabýylshysy Vıktor Komarov bes mınýtqa aıdynnan shettetilgenimen, muny «Barys» paıdalana almady.  Degenmen osydan keıin esep ózgergen joq. Aıta keteıik, «Barystyń» qaqpashysy Pavel Polýektov ta urymtal tustarda sátti oınaı bildi.

Sóıtip, «Ladany» 4:1 esebimen tize búktirip, qatarynan besinshi ret jeńiske jetip, jaǵdaıyn birshama jaqsartqan astanalyqtar 49 oıynnan keıin 72 upaı jınap, Shyǵys konferentsııasynda burynǵysha jetinshi orynda keledi. «Baryspen» quıryq tistesip kele jatqan «Neftehımıktiń» qorjynynda 48 kezdesýden keıin 69 upaıy bar. Al toǵyzynshy satydaǵy «Avtomobılıst» (Ekaterınbýrg)  óz aıdynynda týrnır kestesinde kósh bastap kele jatqan Máskeýdiń TsSKA komandasyn qabyldap, negizgi ýaqyt ta, overtaım da 1:1 esebimen teń aıaqtalyp, másele býllıt serııasynda sheshildi. Munda TsSKA komandasy jeńiske jetip, «Avtomobılıst» bir ǵana upaıǵa ıe boldy. Endi onyń 48 oıynnan keıin 65 upaıy bar. Demek, bul - Shyǵys konferentsııasynda alǵashqy segizdikke iligý úshin báseke tolastamaıdy degen sóz.  

«Barys» kelesi kezdesýin 13 qańtar kúni ıAroslavl qalasynda QHL-dyń asa myqty komandalarynyń biri, Batys konferentsııasynda úshinshi orynda kele jatqan ataqty «Lokomotıv» komandasymen ótkizedi. 

 
Qazaqstanda ǵylymı nátıjelerdi óndiriske engizetin onnan astam konsortsıýmdar qurylady - BǴM

 Qazaqstanda birqatar joǵary oqý oryndary bazasynda ǵylymı nátıjelerdi óndiriske engizetin onnan astam konsortsıýmdar qurylady. Bul týraly búgin Parlament Senaty Áleýmettik-mádenı damý jáne ǵylym komıtetiniń keńeıtilgen otyrysynda Bilim jáne ǵylym vıtse-mınıstri Tahır Balyqbaev málim etti. Eske salaıyq, komıtette «Qazaqstan Respýblıkasy men Halyqaralyq qaıta qurý jáne damý banki arasyndaǵy Qaryz týraly kelisimdi (Ónimdi ınnovatsııalardy yntalandyrý jobasy) ratıfıkatsııalaý týraly» zań jobasy talqylanǵan bolatyn.

Vıtse-mınıstrdiń aıtýynsha, Ónimdi ınnovatsııalardy yntalandyrý jobasy aldaǵy bes jyldyq kezeńdi qamtıdy. «Jobanyń birinshi baǵytynda ınnovatsııalar úshin ǵylym bazasyn damytý qarastyrylady. Bul baǵyttyń ózi eki bólikten turady. Onyń birinshisi - ǵylymı toptarǵa arnalǵan grant baǵdarlamasyn qamtıdy. Onda qazaqstandyq ǵalymdardyń ǵylymı zertteýler nátıjelerin óndiriske engizý men kommertsııalandyrý úshin joǵary sapaly jumystardy yntalandyrý kózdeledi. ıAǵnı, osylarǵa arnaıy granttar bólinedi. Ekinshiden, PhD stýdentterine qoldaý kórsetiledi. Bunyń negizgi maqsaty shetelde jumys isteıtin nemese oqyp júrgen ǵalymdar ózimizdiń Qazaqstandaǵy ǵalymdarmen birigip, ǵylymı zertteýler júrgizý baǵytynda  PhD granttary bólinedi», - dedi T. Balyqbaev.

Onyń aıtýynsha, joba aıasyndaǵy taǵy bir bólim ınnovatsııalyq konsortsıýmdar qurýǵa qatysty.  Buǵan oraı, ǵylym, óndiris jáne memleket múmkindikterin biriktirip arnaıy konsortsıýmdar qalyptastyrý kózdeledi. «Konsortsıýmdardyń negizgi maqsaty - ǵylymnyń nátıjesin óndiriske engizý. Biz bul rette ınnovatsııalyq-ındýstrııalyq damý baǵdarlamasyna qatysatyn joǵary oqý oryndary men Nazarbaev Ýnıversıtetiniń bazasynda naryq pen óndiristiń naqty suranysyna baılanysty 10-15 shaqty konsortsıýmdar qurylady. Olar óndiristik, áleýmettik, bilim berý jáne densaýlyq saqtaý salalaryn qamtıdy», - dedi T. Balyqbaev.    

 
Ǵylymı zertteýlerdi óndiriske engizýge qatysty Astana jáne Almaty qalalarynda brokerlik keńseler qurylmaq

 Ǵylymı zertteýlerdi óndiriske engizýge qatysty Astana jáne Almaty qalalarynda brokerlik keńseler qurylmaq.  Bul týraly búgin Parlament Senaty Áleýmettik-mádenı damý jáne ǵylym komıtetiniń keńeıtilgen otyrysynda Bilim jáne ǵylym vıtse-mınıstri Tahır Balyqbaev málim etti. Eske salaıyq, komıtette «Qazaqstan Respýblıkasy men Halyqaralyq qaıta qurý jáne damý banki arasyndaǵy Qaryz týraly kelisimdi (Ónimdi ınnovatsııalardy yntalandyrý jobasy) ratıfıkatsııalaý týraly» zań jobasy talqylanǵan bolatyn.

«Halyqaralyq bank qoldaý bildirip otyrǵan Ónimdi ınnovatsııalardy yntalandyrý jobasy aıasynda tehnologııalyq kommertsııalandyrýdyń yqpalyn biriktirý sharalary qamtylady. Onyń ózi tórt baǵyttan turady. Atap aıtqanda, birinshi baǵytta - arnaıy venchýrlyq qor qurý qarastyrylady. Naqtylap aıtqanda, arnaıy qor qurylmaıdy, degenmen, búgingi tańda qyzmet etip jatqan jekemenshik qordy konkýrs boıynsha tańdap alamyz. Ol qor 10 mln dollarymen jobaǵa enetin bolady jáne halyqaralyq qarajattan týra sondaı soma qosylyp, eki jaqtan startap kompanııalardy qoldaıtyn bolady», - dedi T. Balyqbaev.

Onyń aıtýynsha, joba aıasynda tehnologııalyq kelisimsharttardy jolǵa qoıý úshin brokerlik keńseler qurylady. Ondaǵy basty ıdeıa - brokerler arqyly ǵylymı zertteýler nátıjesin óndiriske engizý bolyp tabylady. «Osyǵan oraı, Almaty jáne Astana qalalarynda brokerlik keńseler ashylady. Aıta keterligi, byltyrǵy jyly qolǵa alynǵan bastapqy joba boıynsha brokerlik keńselerde jumys isteıtin mamandar daıarlandy», - dedi T. Balyqbaev. 

 Astanalyqtardyń adaldyǵy synaldy

 «NewTimes.kz» saıtynyń redaktsııasy qarjy daǵdarysy kezindegi elorda turǵyndarynyń adamgershiligin synap kórdi.

Astananyń adam kóp júretin kósheleriniń birinde er adam mas adamnyń keıpin tanytyp, abaısyzda ámıanyn túsirip alady. Jasyryn kamera júrginshilerdiń buǵan qalaı áreket etetinin túsirip aldy. Ámıándi «ıesine»

Elorda mektepterinde tehnıkalyq mamandyqtarǵa oqytý jobasy iske qosyldy

 Elordada qańtar aıynan bastap, 24 mektepte tehnıkalyq mamandyqtarǵa oqytý bastaldy. Pılottyq joba aıasynda 10-11 synyp oqýshylaryn eki jyldyq kásiptik daıarlaý júzege asyrylatyn bolady.

Jobanyń maqsaty - oqýshylardy kásiptik baǵdarlaýdy júzege asyrý. Mektep túlekteri attestat alǵan kezde jańa baǵdarlama esebinen belgili bir mamandyq boıynsha bazalyq bilim alyp shyǵady. 

-Astana qalasy ákiminiń tapsyrmasymen jáne Bilim basqarmasynyń uıymdastyrýymen qazir qalanyń 24 mektebinde beıindik oqytý boıynsha oqýshylar arasynda synyptar ashylyp jatyr. Qarasha-jeltoqsan aılarynda árbir mektepte oqýshylar arasynda saýalnama júrgizildi. Jumys istegisi keletin 10-11 synyptarda jumys mamandyqtary boıynsha oqyǵysy keletin oqýshylardyń kópshiligi osy mektepterden anyqtaldy. Sondyqtan osy 24 mektepte kásiptik baǵdarlaý boıynsha sabaqtar bastaldy, - dedi Kásiptik bilim berý jáne kadrlar daıarlaý bóliminiń basshysy Baqtyǵaraeva Saltanat. 

Oqýshylarǵa shashtaraz sheberi, elektrondy eseptegish mashınalar operatory, referent-hatshy, barmen jáne daıashy mamandyqtary boıynsha kýrstardy aıaqtaǵany týraly kýálik beriledi. Olar mektepte teorııalyq, al kolledjde praktıkalyq bilim alady.    

Astana áýejaıy kireberistegi tekserýdi ýaqytsha toqtatty

 Astananyń halyqaralyq áýejaıy kireberistegi tekserýdi ýaqytsha toqtatty. Bul týraly QazAqparat tilshisine áýejaıdyń marketıng bóliminiń jetekshisi Lıýdmıla Kopeıchýk habarlady.

«Investıtsııalar jáne damý mınıstrligi Azamattyq avıatsııa komıtetiniń sheshimimen áýejaıdyń kireberisindegi tekserý ýaqytsha toqtatyldy. Skaner-qurylǵylar joıyldy», - dep habarlady L.Kopeıchýk.

Esterińizge sala keteıik, 2015 jyldyń qarashasynda Parıjde bolǵan teraktilerden keıin elordanyń áýejaıy qaýipsizdik júıesin kúsheıtken bolatyn. Sondyqtan, jolaýshylar da, qarsy alýshylar da, ıaǵnı, áýejaıǵa kirip-shyqqan kez kelgen adam uzyn kezek kútip, tekserýden ótetin.

 

 

Astanada baǵalardyń negizsiz ósýine jol berilmeıdi

 Búgin elorda ákimdiginiń apparat otyrysynda taýarlardyń áleýmettik-mańyzdy toptaryna baǵa qalyptastyrý jaǵdaıy talqylandy, dep habarlady qalalyq ákimdiktiń baspasóz qyzmetinen.

Astana qalasy Statıstıka departamentiniń málimetinshe, 2015 jyldyń sońynda Astana qalasy boıynsha azyq-túlik taýarlaryna ınflıatsııa - 1,3%, azyq-túliktik emes taýarlarǵa - 0,4% qurady.Aýyl sharýashylyǵy basqarmasynyń qyzmetkerleri elordalyq 24 iri saýda nysanynda turaqty baǵa monıtorıngin júrgizedi. Sońǵy bes aıda 33 pozıtsııanyń jeteýi boıynsha baǵanyń aıtarlyqtaı kóterilgeni (10% artyq) baıqaldy, sonyń ishinde qant, ósimdik maıy, jumysrtqa, sút jáne t.b. qymbattaǵan. Atalǵan ónimder boıynsha shekti mánderdiń shamadan tys arttyrylǵany tirkeldi.Biraq baǵalardyń ósýiniń obektıvti sebepterinen basqa, azyq-túlik taýarlarynyń baǵasyn kelisip qoıý jáne negizsiz kóterý faktileri de anyqtalady. Osy sııaqty jaǵdaılarǵa jol bermeý maqsatynda Aýyl sharýashylyǵy jáne Kásipkerlik basqarmalaryna Statıstıka departamentimen jáne monopolııaǵa qarsy vedomstvomen, sondaı-aq, basqa da múddeli organdarmen is-áreketterdi úılestirý jáne naryqtaǵy jaǵdaıǵa júıeli monıtorıng júrgizý tapsyryldy.«Bul jumys praktıkalyq sıpatta júrgizilsin, baǵany negizsiz kóterýdiń árbir jaǵdaıyna jaýap berý kerek», - dedi elorda ákimi Ádilbek Jaqsybekov.

Recommended by EXPO-2017 áriptestik baǵdarlamasyna qatysýǵa 50-den astam ótinim berildi

 Búgingi tańda Recommended by EXPO-2017 áriptestik baǵdarlamasyna qatysýǵa 50 astam ótinim kelip tústi, 15 qatysýshy baǵalaýdan ótti, dep habarlady qalalyq ákimdiktiń baspasóz qyzmetinen.

Qonaq úıler men qoǵamdyq tamaqtaný obektilerinen basqa, sulýlyq salondary, SPA-ortalyqtar, hımııalyq tazartý, kir jýý sekildi qyzmet kórsetý salasyndaǵy kásiporyndar da baǵdarlamaǵa qatysýǵa nıet bildirdi. «Áriptes» statýsyn berý úshin arnaıy baǵalaý komıssııasy jumys isteıdi.Eske salaıyq, ótken jyly kúzde Astanada Recommended by EXPO-2017 áriptestik baǵdarlamasy júzege asyryla bastady. Baǵdarlamanyń maqsaty EHRO-2017 halyqaralyq kórmesinde qonaqtardy qarsy alý úshin kórsetiletin týrıstik qyzmetter sapasyn arttyrý, sondaı-aq, elordany tartymdy týrıstik ortalyq retinde odan ári damytý úshin osy saladaǵy jaǵdaıdy jaqsartý bolyp tabylady. Baǵdarlamanyń uıymdastyrýshylary - Astana qalasynyń ákimdigi men «Astana EKSPO-2017» ulttyq kompanııasy» AQ.Atalǵan joba aıasynda obekti usynatyn qyzmetterdiń deńgeıi men sapasy boıynsha qatysýshylar biliktiligi júıesi ázirlendi. Qatysýshy áriptestiktiń tórt kategorııasyna úmittene alady: «Qala áriptesi», «Qola áriptes», «Kúmis áriptes» jáne «Altyn áriptes». Eger qazirgi kezeńde belgili bir obekti «qola áriptes» biliktiligine saı bolsa, ol óz bıznesin jaqsartyp, jetildirip, odan joǵary statýsqa úmittene alady.Baǵdarlama talaptary túzetýge kóp qarjy jumsalmaıtyn týrısterge usynylatyn qyzmetter sapasyna qatysty.

«Atameken» UKP: Azamattyq avıatsııa komıteti men Bek Air arasyndaǵy talas sheshimin tapty

  «Atameken» Ulttyq kásipkerler palatasynyń usynysy boıynsha zańnamaǵa IOSA aýdıty týraly  talaptar engiziletin bolady. 

Avıakompanııalarǵa  IOSA aýdıtyn mindetti túrde engizýge qatysty másele talqylanǵannan soń taraptar osyndaı  ýaǵdalastyqqa qol jetkizdi. Bul týraly «Atameken» palatasynyń baspasóz qyzmetinen habarlandy.

Kezdesýge memlekettik organ ókilderi, ishki avıatasymal naryǵynyń iri qatysýshylary, sondaı-aq Halyqaralyq áýe kóligi qaýymdastyǵynyń (IATA) ókilderi qatysty.

«Biz ulttyq zańnamaǵa IOSA talaptaryn engizetin bolamyz. «Áýe keńistigin paıdalaný týraly» zańda ushý qaýipsizdigine qatysty talaptar kúsheıtiledi. Osyǵan baılanysty zańǵa táýeldi aktilerge de ózgerister enetin bolady», - deıdi Investıtsııa jáne damý mınıstrligi Azamattyq avıatsııa komıtetiniń tóraǵasy  Beken Seıdahmetov. Onyń sózine qaraǵanda, sertıfıkattaý boıynsha standarttardy qaıta sáıkestendirip engizýdi júzege asyrý úshin avıakompanııalarǵa ótpeli kezeń belgilenbek. Bul zańǵa ózgerister engizilgennen keıingi 1 jyldy qamtýy múmkin. 

Budan bólek, Komıtet tóraǵasy Beken Seıdahmetovtiń aıtýynsha, álemdegi 404 avıakompanııa IOSA aýdıtynan ótken, bul búkil álem boıynsha áýe tasymaldaryn júzege asyratyn avıakompanııalardyń 95 paıyzy. «Álemde oryn alatyn avıatsııalyq tótenshe oqıǵalardyń 40 paıyzy osy aýdıttan ótken 95 paıyz kompanııa úlesinde.  Al aýdıttan ótpegen qalǵan  5 paıyzynda oqıǵalardyń oryn alý deńgeıi 60 paıyzǵa jýyqtaıdy. ıAǵnı,  IOSA talaptarynan ótken áýe tasymaldaýshylarynda bolatyn apat deńgeıi 2013 jyldan beri 2,5 ese tómen bolǵan», - deıdi ol.

Onyń aıtýyna qaraǵanda, álemniń 14 elinde IOSA talaptaryn engizý mindettelgen. Sondaı-aq, Komıtet tóraǵasy tek ishki avıatasymalyn júzege asyratyn kompanııalar úshin IOSA talaptaryn usynymdyq sıpatta belgileý kóńilge qonymdy bolatynyn alǵa tartady. 

 
Elordada aýlalar abattandyrylady

  Elordada jyl saıyn aýlalardy abattandyrý boıynsha jumystar júrgiziledi, sonyń ishinde oramishilik aýalalar men joldardy jóndelip, balalar alańdary aýystyrylady, dep habarlady Astana qalasy ákiminiń resmı portaly.

Bıyl «Almaty» aýdanynda jalpy aýdany 13 707 sharshy metr jerge asfaltbeton jabyny tóselip, 18 úıdi qamtıtyn 10 aýlany keshendi abattandyrý kózdelgen. Budan basqa, 13 balalar oıyn alańy men 4 sport alańy, 10 kúrke men 10 kir jaıatyn alań jasalady. Aǵymdyq kútip-ustaý aıasynda 37 myń sharshy metr asfaltobeton jabyny, 70 sport alańy, daladaǵy 10 trenajer jóndeledi, 36 jańa balalar oıyn kesheni men 20 shaǵyn arhıtektýralyq pishin ornatylady.

«Saryarqa» aýdanynda 19 oramishilik aýla aýmaǵyn keshendi abattandyrý josparlanǵan: Jeltoqsan k-si, 28, Irchenko k-si, 31, Jeńisdańǵyly, 3, Jeńis dańǵyly, 5, Jeńis dańǵyly, 5/1, Saryarqa dańǵyly, 31/2 , Jeltoqsan k-si, 1, Kúmisbekov k-si, 8, Seıfýllın k-si, 4/1, Aspara k-si, 2b, Zataevıch k-si, 11, Dúkenuly k-si, 37/1, Pavlov k-si, 29, Dúkenuly k-si, 37/2, Dúkenuly k-si, 37/3, Tilendıev dańǵyly, 15, Tilendıev dańǵyly, 15/1, Tilendıev dańǵyly, 15/2, Jangeldın k-si, 7.

Saryarqa aýdany ákimdiginiń qyzmetkerleri shaǵyn sáýlettik pishinderdi aǵymdyq kútip ustaý maqsatynda tekserý júrgizip, olardy turǵyn úılerdiń PIK, TK, JShS qyzmet kórsetý uıymdaryna berdi. 2015 jyly 128 aýlada shaǵyn cáýlettik pishin jóndelip, boıaldy.

«Oramishilik aýlalar men joldardy aǵymdyq jóndeý jáne kútip-ustaý, balalar alańdaryn aýystyrý» jónindegi baǵdarlama boıynsha úsh gúlbaqta jáne Esil ózeniniń jaǵasynda shaǵyn sáýlettik pishinder, dalalyq trenajerlar, oryndyqtar men qoqys jáshikteri ornatyldy, kespe tastar men asfaltbeton jabyny jóndeldi.

«Saryarqa» aýdanynda aýlalardy abattandyrýmen qatar qasbetti jóndeý jumystary júrgiziledi. Bıyl 55 turǵyn úıdiń qasbeti jóndeledi, byltyr 47 turǵyn úıdiń qasbeti árlendi.

 

JHL matchynda «Snejnye barsy» «Avtony» jeńdi

 JHL chempıonatynyń matchy aýqymynda Astanada «Snejnye barsy»  overtaımda ekaterınbýrgtik «Avtony» 4:3 esebimen jeńdi, dep habarlady Sports.kz.

Alǵashqy kezeńde «Avtodan» Andreı Obıdın men Aleksandr Alentev qojaıyndar qaqpasyna bir-bir shaıbadan saldy. Ekinshi jıyrmamınýttikte «Avtodan» Roman Opalevtiń shaıbasyna «Snejnye barsy» komandasynan Ivan Kınstler men Álıhan Ásetov jaýap qaıtardy. Oıynnyń úshinshi bóliginde Álıhan Ásetov dýbl jasap, oıyndy overtaımǵa tiredi, onda Evgenıı Korolınskıı Astanaǵa jeńis áperdi.

13 qańtarda Astanada «Snejnye barsy» ekaterınbýrgtik «Avtomen» qaıta oınaıdy.         

Astanada qardy durys tazalamaǵan kompanııalar men saýda jelilerine aıyppul salynady

ASTANA. QazAqparat  -  Kún saıyn Astana jergilikti polıtsııa bólimsheleriniń qyzmetkerleri qalany sanıtarlyq tazalaý boıynsha reıd ótkizýde, dep habarlady Astana qalasy ІІD baspasóz qyzmetinen.

Buzýshylardyń arasynda - bekitilgen ýchaskelerdi jınaýdy ýaqtyly qolǵa almaǵan merdigerlik kompanııalar, dúkender, dámhanalar, saýda núkteleri, basqarýshy kompanııalar bar.

Jyl basynan bastap aýlasyn ýaqtyly tazalamaǵan uıymdarǵa polıtseıler somasy 1,5 mln teńgeden astam kólemde 40-tan astam ákimshilik óndiris qozǵady.

Jeke tulǵalarǵa qatysty da osyndaı jumys júrgizilýde. Jyl basynan bastap abattandyrý qaǵıdasyn buzǵany úshin jeke sektordan 42 turǵyn ákimshilik jaýapkershilikke tartyldy.

Eske salsaq, abattandyrý salasyndaǵy normalar men qaǵıdalardy buzǵany úshin «Ákimshilik quqyq buzýshylyq týraly» QR Kodeksiniń 505-baby boıynsha eskertý nemese aıyppul  (jeke tulǵalarǵa 20 AEK kóleminde, shaǵyn, orta jáne iri kásipkerlik sýbektilerine - 30-dan 100 AEK) túrinde ákimshilik jaýapkershilik kózdeldi.

 

 

Elordada bıyl 30 úı jańǵyrtylady

 Astanada jyl saıyn qala aýdandarynda TKSh jańǵyrtý boıynsha keshendi jumystar júrgiziledi, dep habarlaıdy qalalyq ákimdiktiń baspasóz qyzmeti.

2011-2020 jyldarǵa arnalǵan Turǵyn úı-kommýnaldyq sharýashylyqty jańǵyrtý baǵdarlamasy qolǵa alynǵaly Almaty aýdanynda ony iske asyrý sharttaryn túsindirý boıynsha turǵyndarmen kezdesýler ótkiziledi.

Ústimizdegi jyly «Almaty» aýdanynda baǵdarlama aıasynda 16 úıdi jóndeý josparlanǵan. 2015 jyly 11-i jóndeldi, jalpy, 2011 jyldan beri Almaty aýdanynda 42 úı jóndelip, 21 lıft aýystyryldy.

2016 jyly «Saryarqa» aýdanynda atalǵan baǵdarlama aıasynda 11 úıdi jóndeý kózdelgen, sonyń ishinde 5 úıde kúrdeli jóndeý jumystary júrgiziledi, 4 úıdi jóndeý aıaqtalady, sondaı-aq, eki úıde lıftter aýystyrylady.

2011-2015 jyldary TKSh jańǵyrtý baǵdarlamasy aıasynda aýdanda 34 úı men 15 lıft, al 2015 jyly 7 úı jóndeldi.

 
Astanada ıtalıandyq rejısserdiń «Madam Batterflıaı» qoıylymynyń premerasy ótedi

 Áıgili ıtalıandyq rejısser Lorentso Amato opera klassıkasynyń eń tanymal týyndylarynyń biri - Dj. Pýchchınıdiń «Madam Batterflıaı» spektaklin qoıýǵa bel býdy. Tusaýkeser «Astana Opera» teatrynyń Úlken zalynda 15, 16 jáne 17 sáýirde ótedi, dep habarlady astana.gov.kz.

Qoıylymnyń mýzykalyq jetekshisi - Qazaqstannyń eńbek sińirgen qaıratkeri, ataqty maestro Alan Bóribaev, qoıýshy sýretshi - zamanymyzdyń kórnekti stsenografy Etsıo Frıdjerıo (Italııa), kostıým sýretshisi - «Oskar» syılyǵynyń ıegeri Franka Skýarchapıno (Italııa), jaryq sýretshisi - Vınchentso Raponı (Italııa), bas hormeıster - Qazaqstannyń eńbek sińirgen qaıratkeri Erjan Dáýitov.

Atalǵan operanyń «La Skala» sahnasynda ótken álemdik tusaýkeserine 112 jyl boldy. Madam Batterflıaı dep atalyp ketken Chıo-Chıo-sannyń tarıhyn biz jaqsy bilemiz: amerıkandyq leıtenantqa ǵashyq bolǵan jáne oǵan kópten kútken ul syılaǵan on bes jasar japondyq geısha, súıiktisiniń jasaǵan opasyzdyǵyn bilgennen keıin ózine-ózi qol jumsaıdy. Synshylar óz dástúrinen bas tartqan jáne sońynda otbasy men halqy ómirden bas tartqan qyzdy búlikshi dep atady.

Rejısser Lorentso Amato «Madam Batterflıaı» qoıylymynda naqty dáýir: XX ǵasyrdyń 40-shy jyldaryndaǵy amerıkandyq jáne japondyq mádenıet arasyndaǵy qaıshylyqtyń tym shıelenisken kezin sıpattap shyǵarýǵa uıǵardy.

 «Kórermenniń operadaǵy salt-dástúrge qatysty jaǵyn kóre bilgeni mańyzdy. Men úshin «Madam Batterflıaı» uzaq rásimdi qamtıdy: neke qııý rásiminen bastalyp, kútý rásimimen jalǵasyp, ólim rásimimen aıaqtalady, - dep túsindirdi Lorentso Amato.

Spektakl psıhologııalyq mızanstsenalar men ártisterdiń eliktirip áketetin dramalyq oıyndaryna qanyq. Bezendirý jumysymen juldyzdy quram aınalysatyndyqtan, óte tamasha qoıylym bolatyny sózsiz. Sýretshi Etsıo Frıdjerıo stsenografııany taza japon naqyshynda ázirledi. Dástúrli úıler - aǵashtan, bambýktan jasalǵan mınkalar, al úı ishi sakýra butaqtarymen jáne sýrettermen bezendirilgen. Franka Skýarchapıno qoıylymnyń kostıýmderin: ashyq tústi kımono, obı (beldikter), geta (oryndyqqa uqsaǵan, eki aıaqqa birdeı kele beretin japon aǵash aıaq kıimi) daıyndady. Jaqyn kúnderi bul kıimderdi qazaqstandyq opera ánshileri kıip kóredi.

16-17 qańtarda «Astana Opera» teatrynda «Baıaderka» baleti kópshilik nazaryna usynylady. Atalǵan týyndynyń premerasy ótken jyly 25 jeltoqsanda ótken bolatyn. Tanymal ıtalıandyq kompozıtor Djakomo Pýchchınıdiń «Toska» operasy 21 qańtarda kórermenge jol tartady.

Budan basqa, 27 qańtarda «Astana Opera» teatrynda «Abaı» operasynyń qoıylymy, al kelesi kúni kameralyq zalda «Sımfonıka» tsıklinen V.A. Motsarttyń 260 jyldyǵyna arnalǵan kontsert kórsetiledi. Qańtar aıynyń sońynda, 30 jáne 31 qańtar kúnderi Úlken zalda B. Asafevtiń «Baqshasaraı sýburqaǵy» baleti qoıylady.

 
Áset Isekeshev Astanadaǵy Investorlarǵa qyzmet kórsetý sektorynyń jumysymen tanysty

 Endi HQKO janyndaǵy Investorlarǵa qyzmet kórsetý bólimderinde ınvestıtsııalyq jobany júzege asyrýǵa barlyq qajetti memlekettik qyzmetti «bir tereze» qaǵıdaty arqyly alýǵa bolady. Búgin Astanadaǵy osyndaı qyzmet kórsetý bóliminiń jumysymen QR Investıtsııalar jáne damý mınıstri Áset Isekeshev tanysty.

QR IDM málimetine qaraǵanda, Qazaqstanda ınvestorlarǵa qyzmet kórsetetin 19 bólim jumys isteıdi, ıaǵnı Astanada - 2, Almatyda - 3, al ár oblys ortalyǵynda bir qyzmet kórsetý sektory bolady. Bul bólimsheler ınvestorlarǵa bıýrokratııalyq jáne ákimshilik salmaqty aıtarlyqtaı tómendetedi dep kútilýde.

«Tez ózgeriske ushyrap otyrǵan syrtqy jaǵdaılarda ınvestorlar men shaǵyn bıznes úshin bıýrokratııalyq kedergilerdi joıýǵa qatysty reformalardy jyldam jasaý kerek. Memleket basshysynyń tapsyrmasy boıynsha ótken jyly mınıstrlikte basymdyqty jobalar úshin «bir tereze» qaǵıdaty boıynsha qyzmetti júzege asyrdyq. Biz barlyq memorgandarmen normatıvtik-zańnamalyq bazany qarastyrdyq. Endi bıyldan bastap kez kelgen ınvestorlar úshin keńes berý men barlyq ruqsatnamalyq qujattardy usyný qamtylyp otyr. ıAǵnı, árbir ınvestor memorgandarǵa júginbesten, HQKO-ǵa kelip, bir jerden 350 memlekettik qyzmetti alýǵa múmkindik jasalyp otyr», - dedi Á. Isekeshev.

Bul turǵyda jerdi paıdalaný, qurylys jumystaryna qajetti qujattar, sáýlettik-jobalaý ǵımarattary, ınvestıtsııalyq shartty bekitý jáne basqa da qyzmetter qamtylyp otyr.

Atap aıtqanda, osy Investorlarǵa qyzmet kórsetý sektorlarynda tıisti qujattardy berý barynsha qysqa merzimde atqarylmaq.

 
2015 jyly elordada 18 áleýmettik nysan paıdalanýǵa berildi

 Ótken jyly elordada 4 mektep, 9 balabaqsha jáne 5 densaýlyq saqtaý nysany paıdalanýǵa berildi. Bul týraly Astana qalasynyń qurylys basqarmasynan habarlady.

Sonymen, vedomstvo aqparatyna sáıkes, 2015 jyly jalpy bilim beretin 4 mekteptiń (4 700 orynǵa arnalǵan) qurylysy aıaqtaldy. Onyń ishinde «Batyǵaı» TK aýdanyndaǵy 1200 oryndyq mektep, №26, №37, №38 jáne Hýseın ben Talal kósheleriniń oramyndaǵy 1200 oryndyq mektep, Baıtursynov kóshesi boıyndaǵy 1200 oryndyq mektep jáne Seıfýllın kóshesinen ońtústikke qaraı ornalasqan 1100 oryndyq mektep bar. 

Qurylysy tolyq aıaqtalǵan 9 balabaqsha mynalar: Aınakól jáne Mırzoıan kósheleriniń qıylysy aýdanyndaǵy 240 oryndyq balabaqsha, Túrkistan-Orynbor-№25 jáne №26 kósheleriniń qıylysy aýdanyndaǵy 200 oryndyq balabaqsha, Saýran jáne №24 kósheleriniń qıylysy aýdanyndaǵy 240 oryndyq balabaqsha, Syǵanaq kóshesinen ońtústikke qaraı 240 oryndyq №1 balabaqsha, №23 kóshesi aýdanyndaǵy (Orynbor jáne №36 kósheleriniń aralyǵynda) 240 oryndyq balabaqsha, Syǵanaq kóshesinen ońtústikke qaraı 240 oryndyq №2 balabaqsha, Qyz-Jibek jáne Baıan-sulý kósheleriniń qıylysyndaǵy Komsomolskıı turǵyn alabyndaǵy 280 oryndyq balabaqsha, Úrker shaǵyn aýdanyndaǵy 240 oryndyq balabaqsha, Qyz-Jibek kóshesi men Ulpan tuıyq kóshesiniń qıylysyndaǵy Komsomolskıı turǵyn alabyndaǵy 280 oryndyq balabaqsha.Densaýlyq saqtaý nysandaryn damytý baǵdarlamasyn júzege asyrý aıasynda 2015 jyly 5 densaýlyq saqtaý obektisiniń qurylysy aıaqtaldy. Atap aıtqanda, Sol jaǵalaýdaǵy ambýlatorlyq-emhanalyq keshen (aýysymyna 350 kelýshige arnalǵan eresekter emhanasy, aýysymyna 150 kelýshige arnalǵan balalar emhanasy bar), Ilınka turǵyn alabyndaǵy 150 kelýshilge arnalǵan AMSK ortalyǵy, Qoldanystaǵy onkodıspanserine arnalǵan jelilik údetkish qondyrǵysynyń qosymsha qurylysy, Qabanbaı batyr dańǵyly men №30 kóshesi boıyndaǵy 250 tósekti qalalyq balalar juqpaly aýrýlar aýrýhanasy, Aýysymyna 150 kelýshige arnalǵan emhanasy bar 250 tósekti medıtsınalyq-áleýmettik ońaltý ortalyǵy paıdalanýǵa berildi.«Astana qalasynyń Qurylys basqarmasy» memleketttik mekemesi kommýnaldyq menshik nysandarynyń qurylysyn jobalaý jáne salý boıynsha tapsyrys berýshiniń mindetin atqarady. damytýdyń 10 bıýdjettik baǵdarlamasynyń jáne 3 aǵymdaǵy baǵdarlamanyń ákimshisi bolyp tabylady, ınvestıtsııalyq jobalardy júze asyrady.

 
Astanada 2015 jylǵy turǵyn úı qurylysynyń qorytyndysy jarııa etildi

 Elordada 2015 jylǵy turǵyn úı qurylysynyń qorytyndysy jarııa etildi

«2020 jylǵa deıin óńirlerdi damytý baǵdarlamasyn júzege asyrý aıasynda turǵyn úı qurylysy Qazaqstan Respýblıkasy Úkimetiniń 2014 jylǵy 28 maýsymdaǵy №728 qaýlysyna sáıkes júzege asyrylady. Baǵdarlamany júzege asyra bastaǵannan beri basqarma 3 629 páterge arnalǵan jalpy aýdany 190,9 myń sharshy metrdi quraıtyn 14 turǵyn úı keshenin paıdalanýǵa berdi», - dep habarlady Astana qalalyq qurylys basqarmasynan.

Vedomstvonyń aqparatyna sáıkes, baǵdarlama aıasynda 2015 jyly 1 335 páterge arnalǵan jalpy aýdany 71,37 myń sharshy metrdi quraıtyn 5 turǵyn úı kesheni paıdalanýǵa berildi.

Onyń ishinde jalpy aýdany 7,9 myń sharshy metrdi quraıtyn 170 páterlik Tilendıev dańǵylynan ońtústikke qaraı kóp páterli turǵyn úı kesheni, jalpy aýmaǵyn 10,8 myń sharshy metrdi quraıtyn 242 páterlik  Saýran jáne №24 kósheleriniń qıylysy aýdanyndaǵy kóp páterli turǵyn úı kesheni, jalpy aýdany 11,75 myń sharshy metrdi quraıtyn 179 páterlik №23-31, 23-16, 23-17, 23-30, A98 kósheleriniń qıylysy aýdanyndaǵy kóp páterli turǵyn úı kesheni, jalpy aýmaǵyn 12,59 sharshy metrdi quraıtyn 314 páterlik Tilendıev dańǵylynan ońtústikke qaraı kóp páterli turǵyn úı kesheni, jalpy aýmaǵy 28,38 myń sharshy metrdi quraıtyn 430 páterlik Saraıshyq kóshesinen ońtústikke qaraı ornalasqan kóp páterli turǵyn úı kesheni bar.

Turǵyn úı qurylysyn damytýdyń 2008-2010 jyldarǵa arnalǵan memleketttik baǵdarlamasyn júzege asyrý aıasynda jalpy aýdany 386,9 myń sharshy metr quraıtyn 7 812 páterge arnalǵan turǵyn úı qurylysy aıaqtaldy.

Sonyń ishinde 2015 jyly memleketttik baǵdarlamany júzege asyrý barysynda myna nysandardyń qurylys aıaqtaldy:  «Saraıshyq kóshesinen ońtústikke qaraı, M.Jumabaev dańǵylynan shyǵysqa qaraı turǵyn úı keshenderiniń qurylysy (№1 lot, №6, 7, 9, 10, 11 noqattar)» 1056 páterge arnalǵan, jalpy aýdany 68,6 myń sharshy metr, «Saraıshyq kóshesinen ońtústikke qaraı, M.Jumabaev dańǵylynan shyǵysqa qaaraı turǵyn úı keshenderiniń qurylysy (№1 lot, №1, 8 noqattar)» 474 páterge arnalǵan, jalpy aýdany 29,7 myń sharshy metr.

19 qańtarda Astanada pravoslav hrıstıandarynyń merekesi ótedi

 Astanada barlyq shirkeýlerde «Kreşenıe Gospodne» merekelik ǵıbadat etý rásimi ótedi, Esil ózeniniń jaǵasyna deıin saltanatty sherý (Krestnyı hod) uıymdastyrylady. Merekelik shara 19 qańtarda saǵat 11:00 Konstantıno-Elenınsk soborynan bastalady jáne ózen jaǵasynda aıaqtalady, dep habarlaıdy elorda ákimdiginiń saıty.

«Kreşenıe Gospodne - Pravoslavıelik shirkeýdiń basty merekeleriniń biri. 18-19 qańtarda Ýspen kafedraldyq soborda (Kúıshi Dına k-si, 27), Konstantıno-Elenınsk soborynda (Respýblıka dańǵyly, 12), Serafım Sarovskıı shirkeýinde (Bógenbaı batyr dańǵyly, 8) dástúrli qudaıǵa qulshylyq etý rásimi ótedi», delingen habarlamada.

Sharalar 18 qańtarda mereke qarsańynda saǵat 8-de bastalyp, saǵat 17.00 jalǵasady. 19 qańtarda ǵıbadat etý rásimi barlyq shirkeýlerde tańǵy saǵat 8.00 bastalady.

Sonymen qatar, Esil ózeniniń jaǵalaýynda Kenesary han eskertkishiniń janynda jáne Samal shaǵyn aýdanyna qarsy shomylýǵa arnalǵan oryndar daıyndalady. Osyǵan baılanysty qutqarýshylar shynyǵý tájirıbesi joq balalarǵa, adamdarǵa, densaýlyǵy nashar jasy úlken kisilerge, sondaı-aq mas adamdarǵa sýǵa túsýge bolmaıtynyn eskertedi.

Astanadaǵy okeanarıýmǵa ýly balyqtar ákelindi

 Astanadaǵy okeanarıýmǵa jańa balyq túrleri ákelindi, dep habarlaıdy elorda ákimdiginiń resmı saıty.

«Elordada on úsh jyldan beri muhıttan 3 myń shaqyrymnan astam qashyqtyqta ornalasqan álemdegi jalǵyz biregeı Muhıt araly (okeanarıým) jumys istep keledi. Qala turǵyndary men qonaqtary jyl boıy sý asty álemimen jáne erekshe teńiz balyqtarymen tanysa alady», delingen habarlamada.

Kórermender Ońtústik Amerıka men Ońtústik-shyǵys Azııadan, jyly tropıkalyq ózenderden jáne ashyq teńizder men muhıttardan ákelingen teńiz ben tuşy sýda tirshilik etetin 2 myńnan astam balyqty tamashalaı alady.

Jaqynda Muhıt aralyna jańa balyqtar ákelindi. Qanatty-zebra - uzyndyǵy 30 sm jyrtqysh balyq, ol óz uzyndyǵynyń úshten ekisine jeteqabyl balyqty jep qoıady. Arqa jáne keýde júzbeqanattaryndaǵy uzyn lentalarda ótkir ýly ıneler bolady.

Muhıt aralynda álemdegi eń ýly balyq - borodavchatka nemese tas balyq tirshilik etedi, onyń uzyndyǵy 35-50 sm. Pıranıa tuqymdastarynan shyqqan balyqtar da adamdardyń qyzyǵýshylyǵyn týdyrady. Qońyr paký Ońtústik Amerıkadaǵy hakatsınderdiń eń iri ókili bolyp tabylady jáne uzyndyǵy 1,08 m, salmaǵy 40 kg jetedi. Taǵy bir jyrtqysh balyq - pıranıa nattererdiń tómengi jaqtary men tisteri oǵan qoregin kesektep jeýge múmkindik beredi.

Muhıt aralynyń basty mekendeýshileri - akýlalar. Aq teńbil mysyq akýla Úndi jáne Tynyq muhıttarynda 18 m deıingi tereńdikte mekendeıdi. Olar túnde shyǵady, qorek izdeıdi, al kúndiz sý asty úńgirlerinde jáne jaryqtarda jasyrynady. Atlant muhıtynda jáne Tynyq muhıtynyń shyǵys bóliginde 130 m deıingi tereńdikte tirshilik etetin murtty kútýshi akýla da bar. Onyń 4,30 m uzyndary da kezdesedi. Kútýshi akýlalar túnde shyǵady. Kúndiz 40 shaqty akýla toptasyp sý túbindegi qumda, úńgirlerde nemese taıaz sýlardaǵy jartastar men marjan rıfterdegi jaryqtarda demalady.

«Dýmanda» aq júzbeqanatty rıftik akýla da bar. Bul karharın tárizdes tuqymdastarynan shyqqan jalǵyz rıftik akýla túri. Olardyń ereksheligi - júzbeqanattarynyń basy aq bolady. Úndi jáne Tynyq muhıttarynda 1-330 m deıingi tereńdikte mekendeıdi.

Muhıt aralyna kelýshiler akýla, teńiz tasbaqalary jáne t.b. teńiz balyqtaryn tamashalaı alady. Tájirıbeli nusqaýshynyń jetekshiligimen kólemi 3 mln lıtrlik teńiz sýyna túsýge de bolady. Budan basqa, «Dýmanda» tuşy nemese teńiz sýynan jeke akvarıým jasap alýǵa múmkinshilik bar. 

Halyqaralyq olımpıadada eki komanda Astananyń namysyn qorǵaıdy

  Almatyda O. Jáýtikov atyndaǵy daryndy balalarǵa arnalǵan respýblıkalyq mamandandyrylǵan fızıka-matematıkalyq orta mektep-ınternattyń bazasynda matematıka, fızıka jáne ınformatıka pánderinen Jáýtikov atyndaǵy XI halyqaralyq olımpıada ótip jatyr.

Olımpıadada jeti adamnan turatyn eki komanda Astananyń namysyn qorǵaýda, dep jazady elorda ákimdiginiń resmı saıty. Komandaǵa elordalyq daryndy balalarǵa arnalǵan qazaq-túrik lıtseıiniń jáne daryndy balalarǵa arnalǵan «Zerde» mektebiniń oqýshylary kirdi. Olımpıada erejesine sáıkes ár komandada eki adam matematıkalyq tapsyrmalardy jáne úsh adam fızıka men ınformatıka salasyndaǵy tapsyrmalardy sheshedi.

Olımpıadaǵa álemniń 15 memleketinen 60 jýyq komanda (400 jýyq qatysýshy) jınaldy. Atap aıtqanda, Qazaqstan, Reseı, Ýkraına, Belarýs, Ázerbaıjan, Armenııa, Grýzııa, Qyrǵyzstan, Tájikstan, Túrkmenstan, Ózbekstan, Bolgarııa, Rýmynııa, Serbııa jáne Monǵolııa. Halyqaralyq qazylar alqasynyń quramyna 9 eldiń ǵalymdary endi: Qazaqstan, Reseı, Bolgarııa, Ázerbaıjan, Armenııa, Grýzııa, Belarýs, Ýkraına jáne Ózbekstan. Qazylar alqasynyń tóraǵasy - ál Farabı atyndaǵy Qazaq ulttyq ýnıversıtetiniń rektory Mutanov Ǵalymqaıyr.

Aıta keteıik, ótken jyly elordalyq oqýshylar eki kúmis jáne eki qola medalǵa qol jetkizdi.

Jáýtikov atyndaǵy halyqaralyq olımpıada - taıaý jáne qıyr sheteldiń úzdik mamandandyrylǵan mektepteriniń úzdik komandalarynyń reıtıngin jáne jeke reıtıng shyǵarylatyn jyl saıyn bir mekteptiń bazasynda ótkiziletin biregeı olımpıada. Jeńimpaz komanda Gran-prı ıelenedi, olımpıada jeńimpazdary men júldegerlerine baǵaly syılyqtar tabystalady. 

Astanada kommýnaldyq turǵyn úı qorynan 277 páter berildi

 Astanada Turǵyn úı komıssııasynyń sheshimimen 227 páter úlestirildi, sonyń ishinde 200 bir bólmeli, 1 eki bólmeli jáne 26 úsh bólmeli páter, dep habarlady qalalyq ákimdiktiń baspasóz qyzmetinen.

Elorda ákimdigi turǵyn úıge muqtajdylar retinde esepke alynǵan azamattardy kezek boıynsha birneshe sanatqa bóldi: Uly Otan soǵysynyń múgedekteri men qatysýshylary; jetim, ata-anasynyń qamqorlyǵynsyz qalǵan balalar; halyqtyń áleýmettik osal toptary; memlekettik qyzmetkerler, bıýdjettik uıym qyzmetkerleri, áskerı qyzmetkerler; Qazaqstan Respýblıkasynyń zańnamasymen belgilengen tártipte jalǵyz baspanasy apatty bolyp tanylǵan azamattar.Qazaqstan Respýblıkasynyń qoldanystaǵy turǵyn úı zańnamasyna sáıkes memlekettik turǵyn úı qorynan beriletin baspananyń aýdany paıdaly aýdandy jan basyna eseptegende kem degende 15 sharshy m. bolady jáne 18 sharshy m. aspaıdy. Sonymen qatar, turǵyn úı berý kezinde jynysy ár túrli tulǵalardy (erli-zaıyptylardan basqa) bir bólmege ornalastyrýǵa jol berilmeıdi. Sondyqtan árbir jeke otbasyǵa jeke páter tıpi tańdalady. Tıisti páter tıpi bolmaǵan jaǵdaıda, turǵyn úı kommýnaldyq qorynda páterler tıpi bar kezek boıynsha turǵan kelesi azamattar qaralady.Aıta keteıik, kezegi jaqyndap qalǵan otbasynyń quramy boıynsha eki jáne úsh bólmeli páter alýǵa úmitkerler qalalyq kommýnaldyq qorda atalǵan páterlerdiń bolýyna qaraı baspanamen qamtamasyz etiletin bolady.

Astanada 800 jýyq beınebaqylaý kamerasy ornatyldy

 Astanada qaýipsizdikti qamtamasyz etý úshin beınebaqylaý kameralary ornatyldy, olardyń kómegimen elordalyq polıtseıler qylmystardyń jasalýyna jedel áreket etý sharalaryn qoldanady, dep jazady astana.gov.kz.

2015 jyly beınebaqylaý kameralarynyń kómegimen 210-nan astam qylmys ashylyp, 42,7 myń ákimshilik quqyq buzýshylyq, 17 myńnan astam JQQ buzý jaǵdaıy anyqtaldy.Qazirgi ýaqytta elordada Jedel basqarý ortalyǵyna qosylǵan 790 astam beınebaqylaý kamerasy jumys isteıdi. Sondaı-aq, beınebaqylaýmen 395 qıylys, 63 turǵyn oramy jáne 126 alań, gúlbaqtar men saıabaqtar qamtylǵan.

Astanalyqtarǵa jańa Eńbek kodeksiniń normalary túsindirilýde

Búgin Jumyspen qamtý ortalyǵynda Qazaqstan Respýblıkasynyń jańa Eńbek kodeksi men «Kóshi-qon jáne halyqty jumyspen qamtý máseleleri jóninde QR keıbir zańnamalyq aktilerine ózgertýler men tolyqtyrýlar engizý týraly» QR Zańynyń normalaryn túsindirý boıynsha ashyq esik kúni ótip jatyr, dep habarlaıdy qala ákimdiginiń resmı saıty.

«Búgin ákimdik, Kásipodaqtar ortalyǵy jáne Astana qalasynyń kásipkerler palatasy ashyq esik kúnin ótkizip jatyr. Shara Jumyspen qamtý ortalyǵynda uıymdastyrylýda. Óıtkeni, adamdar bul jerden jumysqa ornalasýǵa jiberiledi. Bizdiń bilýimizshe, Astanada myńǵa jýyq bos oryn bar», dedi qalalyq Kásipodaqtar ortalyǵynyń tóraǵasy Sársenbaı Myńbaev.

Jumyspen qamtý ortalyǵyna kóshi-qon, kásiptik oqytý jáne qaıta daıarlaý boıynsha suraqtaryn qoıý úshin kelgender az emes. Ashyq esik kúni saǵat 17.00 deıin ótedi.

Eske salaıyq, Memleket basshysy belgilep bergen bes ınstıtýtsıonaldyq reformany júzege asyrý aıasynda «100 naqty qadam» Ult josparyn iske asyrý sheńberinde ústimizdegi jyldyń 1 qańtarynan bastap jańa QR Eńbek kodeksi kúshine endi.

  
«Astana» velokomandasy «Daýn Ander týryna» daıyn

 16 qańtarda «Daýn Ander týry»-2016 18-shi avstralııalyq jarys bastalady. Ol dástúr boıynsha Adelaıdte  Vıktorııa alańynda komandalardy tanystyrýdan bastalyp, 24 qańtarda osy jerde aıaqtalady.

Bul jańa maýsymdaǵy World Tour joǵary dárejesindegi alǵashqy jarys.

«Astana» quramy tómendegideı bolady: Lýıs Leon Sanches, Lars Boom, Dmıtrıı Grýzdev, Loýrens de Vreze, Arman Qamyshev, Davıd Malakarne jáne Lıýve Vestra.

Qazaqstandyq komandany 2015 jylǵy Eýropa oıyndarynyń chempıony ıspanııalyq  Lýıs Leon Sanches basqarady. Ol 2005 jyly bul jarysta jalpy esepte jeńiske jetken bolatyn.

 
Elordada qarttarǵa arnalǵan shaǵyn ortalyq ashyldy

 Búgin «Nursaıa» turǵyn úı kesheninde «Esil» aýdany ákimi apparaty men PIK qaýymdastyǵynyń qoldaýymen aýdanda qart adamdarǵa arnalǵan alǵashqy shaǵyn ortalyq ashyldy.

Astana ákimdiginiń saıtynyń habarlaýynsha, jyl saıyn qalada qart adamdarǵa arnalǵan shaǵyn ortalyqtar ashylady. Munda qarttardyń bir birimen kezdesýine, shahmat, doıby oınaýyna, kitap oqyp, birge shaı ishýine bolady. Ortalyq syıymdylyǵy - 30 adam.

Sonymen qatar, Esil aýdanynyń Ardagerler keńesi óz jumysyn josparlaý jáne talqylaý úshin semınarlar men kezdesýler ótkize alady. Sondaı-aq, ortalyqta aptasyna bir ret ardagerlerdiń ótinishin qabyldaý júrgiziledi.

Jalpy, elordada qart adamdarǵa arnalǵan 15 shaǵyn ortalyq jumys isteıdi. Onda qarııalarǵa arnalǵan demalys klýbtarynda túrli úıirmeler jumys isteıdi, shahmat jarystary, poezııa kúnderi, mereıtoı ıelerin quttyqtaý, semınarlar men t.b. sharalar ótkiziledi.

 Elordada Jańa kásibı standart talqylandy

 Búgin elorda ákimdiginde QR Memlekettik qyzmet isteri mınıstrliginiń Astana qalasy boıynsha departamentimen birlesip «Jańa kásibı standart» taqyrybynda dóńgelek ústel ótkizildi.

Sharaǵa QR Memlekettik qyzmet isteri mınıstrligi astanalyq departamentiniń, Astana qalasy ákimdiginiń basshylyǵy, aýdan ákimderi, azamattyq sektor jáne úkimettik emes uıymdardyń ókilderi qatysty, dep habarlaıdy ákimdiktiń resmı saıtynda.

Kezdesý barysynda memlekettik qyzmet júıesindegi ózgerister men jańalyqtar túsindirildi, sonymen qatar jańa memlekettik apparat qalyptastyrý boıynsha birinshi ınstıtýtsıonaldyq reformany iske asyrý máseleleri talqylandy. Departament basshysy Tilegen Kaskın óz sózinde memlekettik qyzmettiń jańa kásibı standartyn qalyptastyrý «100 naqty qadam» Ult josparynyń ózekti talaby bolyp tabylatynyn atap ótti.

Sonymen qatar, dóńgelek ústel barysynda memlekettik qyzmettiń jańa Ádep kodeksi tanystyryldy. «Jańa kodeks memlekettik qyzmetshiniń túrli jaǵdaılardaǵy, qyzmet ýaqytyndaǵymen qosa qyzmetten tys ýaqyttaǵy jáne áriptestermen qarym-qatynastardaǵy, minez-qulyq standarttaryn aıqyndaıdy», - dedi Ádep jónindegi keńes hatshylyǵynyń meńgerýshisi mindetin atqarýshy Baýyrjan Jaýbasov.

Shara sońynda dóńgelek ústel qatysýshylary ádeptik minez-qulyq standarttaryn ustaný turǵyndardyń memlekettik apparatqa senimin arttyrýǵa septigin tıgizetinin atap ótti. Bul - Memleket basshysy árbir memlekettik qyzmetshiniń aldyna qoıǵan basty mindet.

Astanada avtobýstar sany 878-ge jetse de onyń qyzmetiniń sapasy synǵa ushyrady

 Astana qalasynyń ákimi Ádilbek Jaqsybekov elordalyq qoǵamdyq kólik qyzmetin synǵa aldy. Ákim avtobýs parkiniń basshylaryna: «avtokólikterińdi qoıyp, ózderiń avtobýspen qatynańyzdar. Sonda jaǵdaıdy óz kózderińizben kórip, sezinesizder. Oryn alyp júrgen olqylyqtardy qalaı retke keltirýdiń jolyn tabarsyzdar. Álemdegi aıshyqty elordalardyń biri - Astanada qoǵamdyq kóliktiń qyzmet sapasy mundaı tómen deńgeıde bolmaýy kerek» dedi.

Osy másele boıynsha qalalyq  «Astana aqshamy» gazetiniń tilshisi elordadaǵy avtobýstardyń júrý kestesiniń saqtalýyn baqylap, aıaldamadalarda qoǵamdyq kólik kútken qala turǵyndarynyń ótinish-shaǵymdaryna qulaq túrdi. «QazAqparat» HAA oqyrmandarǵa maqalanyń qysqartylǵan nusqasyn usynady.

Qoǵamdyq kólikterdegi qyzmet sapasy osyndaı deńgeıge tómendegeni Astana qalasy ákiminiń de janyna batyp, qatty alańdatyp júr eken. Ádilbek Jaqsybekov jaqynda arnaıy ótkizgen bir jıynda qaladaǵy jolaýshylar tasymalyn qatty synǵa aldy. Avtobýstardyń lastyǵyn, kondýktor men júrgizýshilerdiń dórekiligin aıtqan ákim avtobýs parkiniń basshylaryna: «avtokólikterińdi qoıyp, ózderiń avtobýspen qatynańyzdar. Sonda jaǵdaıdy óz kózderińizben kórip, sezinesizder. Oryn alyp júrgen olqylyqtardy qalaı retke keltirýdiń jolyn tabarsyzdar. Álemdegi aıshyqty elordalardyń biri - Astanada qoǵamdyq kóliktiń qyzmet sapasy mundaı tómen deńgeıde bolmaýy kerek. Qoǵamdyq kólikterdiń qatynaý jıiligi tym uzaq, qajetti marshrýttaryn saǵattap kútetin turǵyndar jıi shaǵym aıtady. Sonyń bárin retke keltirińder» dedi.

Biz sol kúni-aq qoǵamdyq kólikterdiń qatynaý aralyǵyn óz kózimizben tekserip kórmek bolyp aldymen Dostyq kóshesi boıyndaǵy «Kerýen» saýda-oıyn-saýyq jáne saýda ortalyǵy aıaldamasyna kelip turdyq. Bul aradan №№ 12, 32, 40, 46, 56 avtobýs baǵyttary qatynaıdy eken. Saǵat 12.05-te kelip, túski birge jıyrma mınýt qalǵansha turǵanymyzda № 40 baǵyttyń qatynaý aralyǵy 20 mınýttan asatynyn ańǵardyq. Negizinde bul avtobýstyń qatynaý aralyǵy sol aıaldamada kórsetilgen qozǵalys kestesinde 7-10 mınýt dep kórsetilgen. Qoǵamdyq kólikter jıyrma mınýttan sál asqanda kelse de, jolaýshylar «buǵan da, shúkir» deıdi. Al «Han shatyr» saýda-oıyn-saýyq jáne saýda ortalyǵynan «Promyshlennyı» turǵyn úı alabyna qatynaıtyn №56 marshrýttyń qatynaý aralyǵy 30 mınýttan da asyp ketti. Biz bul aıaldamaǵa kelgennen keıin saǵat 12.36-da ǵana №56 avtobýs keldi. Biz ózimiz bul avtobýsty jarty saǵattan astam ýaqyt kúttik. Onyń aldyndaǵysy myna aıaldamadan qashan ótkenin, bir qudaıym bilsin. Keıbir jolaýshylar onyń aralyq qatynasy jarty saǵattan da asyp ketetinin aıtady. Saǵatqa jýyq ýaqyt turǵanda «Kerýen» aıaldamasynan №12, 46, 32 marshrýttardyń birshama jaqsy qatynaıtynyn baıqadyq.

Sodan keıin Saýran kóshesi boıyndaǵy «Esil aýdany HQKO» aıaldamasyna baryp turǵanbyz. Bul aradan №52 avtobýs nashar qatynaıtyn bolyp shyqty. Júrý aralyǵy keıde 25, keıde 30 mınýtqa sozylatyn avtobýs bul aradan Sáken Seıfýllın men Shoqan Ýálıhanov kóshesi qıylysynda ornalasqan «Astanalyq bazarǵa» qatynaıtyn jalǵyz qoǵamdyq kólik. Sol sebepten, ol avtobýsty kútetinderdiń qarasy mol kórindi.

 - Jasyratyny joq, azyq-túliktiń kóp bóligin, basqa da taýar túrlerin «Astanalyq bazardan» baryp alamyz. Myna sol jaǵalaýda kóptegen taýar túrleri qymbattaý. Sol sebepti oń jaǵalaýda ornalasqan bazarǵa jıi qatynaımyz. Al bul jaqtan jalǵyz ǵana № 52 marshrýt júredi. Nege bulaı jasap qoıǵan, túsinbeımin. Halyq jıi qatynaıtyn baǵytqa birneshe qoǵamdyq kólik júrýi kerek qoı. Avtobýs baǵyttaryn uıymdastyrǵanda osy jaǵy eskerilmegen. Endi zardabyn halyq tartyp otyr. Bazarǵa baratyn jalǵyz avtobýsty jarty saǵattap kútemiz, - deıdi biz áńgimege tartqan Aınur Qýanyshbaeva. Ózge jolaýshylar da Aınurdyń aıtqanyn jan-jaqtan qoshtap, «halyqtyń tilegin quzyrly organdarǵa jetkizińiz» dep jatyr.

Bul №52 avtobýstyń jyry barlyq baǵyttaǵylardan da basymdaý ma dep qaldyq. Botagóz esimdi qaryndasymyz osy avtobýsty birinde Dostyq kóshesindegi aıaldamadan 1 saǵat, jıyrma mınýt kútip ábden tońyp qalypty. Sóıtse, ol avtobýs yń-shyńsyz júrý baǵytyn ózgertip, Saýran kóshesimen kele jatyp sol Dostyqtyń boıyndaǵy aıaldamaǵa jetpeı, Syǵanaq kóshesine burylyp ketedi eken de, odan ári Orynbor kóshesine túsip burynǵy baǵytymen «Astanalyq bazarynan» bir-aq shyǵady eken. Avtobýstyń baǵytynda sál ózgeris bary jurtshylyqqa habarlanbaǵan. Bylaı qaraǵanda, sál ǵana ózgeris jasalǵanymen, talaı adam ol avtobýsty burylystaǵy Dostyq kóshesindegi aıaldamadan tosyp, biraz júıkelerin juqartyp, aqyrynda taksı jaldap ketýge májbúr bolǵan. №52 marshrýt endi osy bekitilgen baǵytymen qatynaı berse jaqsy ǵoı, keıde ádeıi jolaýshylardyń júıkesinde oınaıyn degendeı, «Astanalyq bazar» jaǵynan Orynbor kóshesimen Mınıstrlikter úıiniń aldymen kele jatqanda jańa belgilengen baǵyty - Syǵanaq kóshesimen júrmeı, Dostyqqa burylyp ketedi. Keleside kóńili soǵyp jatsa, Syǵanaqtyń boıymen syrǵyta jóneledi. Bylaısha aıtqanda, dál osy aralyqtaǵy tańdaýdy júrgizýshiniń «kóńil-kúı aýany» sheshetin bolyp shyqty. Osy jaıdy baıandaǵan Bolatbek esimdi jigit Kerýen, Báıterek mańynda júrgende «52 avtobýs qaı kóshemen óter eken, qaı aıaldamaǵa barǵanym durys?» dep talaı basy qatyp oılanǵanyn jetkizdi. Mundaı kúıdi kóp jolaýshy bastan keshkeni anyq.

Budan soń biz Kereı, Jánibek handar kóshesi boıyndaǵy (ulttyq ǵylymı ortalyqtar ǵımaratynyń tusy) aıaldamaǵa barǵanbyz. Aıaldamada avtobýs kútkender № 43 baǵyttyń nashar qatynaıtynyn jarysa jetkizdi.

- Meniń jumys ornym Saryarqa men Kenesary kósheleriniń qıylysar tusynda ornalasqan. Bul aradan № 43 marshrýt qatynaıdy. Óte sırek júretin avtobýs. Jarty saǵattan da kóp kútetin kezderimiz bolady. Senbi-jeksenbi kúnderi «Shanhaı» men «Sharyn» bazaryna barý bir qııamet-qaıym. Osy aýdannan ol bazarlarǵa jalǵyz №43 avtobýs qatynaıdy. Qatynaý aralyǵy álgindeı uzaq bolǵan soń, avtobýsta aıaq basar oryn bolmaıdy. Onyń ústine bári bazarǵa barady ǵoı, soǵan jetkenshe aıaǵymyz ezilip, tirsegimiz talyp zorǵa degende jetemiz. Bazardan beri qaıtqanda odan ótken soraqy jaǵdaı bolady. Qolǵa ustaǵan eki-úsh paketiń jyrtylyp, ishindegi zattaryń tógilip, aıaqqa taptalyp ıt-silikpemiz shyǵyp kelemiz. Únemi taksı jaldaýǵa azǵantaı jalaqymyz múmkindik bermeıdi. Alǵan zattarym shaǵyndaý ǵoı dep, aqshańdy únemdegiń kelip minesiń avtobýsqa. Taǵy bir aıtatyn jaı, bul №43 baǵytta qatynaıtyn avtobýstardyń bári eski, ishi maı ma, sondaı birdeńeniń ıisi ańqyp turady. Demalýǵa qolaısyz, júregimiz lobyp, ishimizdegini aqtarýǵa shaq qalatynymyz da ras, - deıdi Ázıza Ilıasova esimdi qala turǵyny.

Osy aıaldamada saǵatqa jýyq ýaqyt turyp, №43 marshrýttyń qalaı qatynaıtynyn óz kózimizben kórdik. Aıaldamadaǵy jolaýshylar aıtqany ras eken. Júıkeni juqartyp, tózimińdi túgesip baryp bireýi jetedi. Sol kúni jumys ýaqyty bolsa da, adam qarasy kóptigi baıqaldy. Senbi-jeksenbi kúnderi bul avtobýsta Ázıza aıtqandaı, aıaq basar oryn bolmaıtynyn jumys kúni-aq shamaladyq.

Sol kúngi saparymyzda qaı aıaldamaǵa barsaq ta avtobýs kútip sarylǵan halyqty kórdik. Aıaldamadaǵy qozǵalys kestelerinde júrý aralyǵy 7-12, 10-15 mınýt dep kórsetilgen avtobýstardyń kópshiligi jaqsy qatynaǵanda jıyrma mınýtqa jetip bir keletini de baıqaldy. Astanadaǵy aıaldama - adamnyń júıkesin juqartatyn jer eken. Qazirgi ınnovatsııalyq qarqyndy damý zamanynda aıaldamada 15 mınýt turǵannyń ózi - «Ǵasyrdan da uzaq kún» ekenin aıaldamada avtobýs kútkender jaqsy biledi. Qala ákiminiń qoǵamdyq kólikterdiń qyzmet sapasyna qatysty aıtqan synynan avtobýs parkiniń qojaıyndary, jolaýshy tasymaldaýmen aınalysatyn kásiporyndar tıisti qorytyndy shyǵaryp, elordadaǵy jaǵdaıdy retke keltirer dep senemiz.

  Taqyrypqa tuzdyq

Astana qalasy Jolaýshylar kóligi basqarmasy bastyǵynyń orynbasary Ábdihamıt Tamabaev qoǵamdyq kólik qatynasy máselesine baılanysty bylaısha túsinik beredi:

-Qazirgi ýaqytta qala ishilik jolaýshylar  tasymalynda qatynas aralyǵy uzaqtaý marshrýttar bar ekeni ras. Osy olqylyqty ornyn toltyrý maqsatynda ótken jazda marshrýttar sanyn 52-den 63-ke ósirdik. Josparǵa sáıkes, qoldanystaǵy avtobýstardyń sany da 748-den 878-ge kóbeıdi. Jańadan 358 avtobýs alyndy. Qazirgi ýaqytta osy avtobýstarǵa júrgizýshiler jetispeı jatyr. Máselen,  bir baǵytqa 15 avtobýs shyǵý kerek bolsa, búginde shamamen 12 avtobýs shyǵady. Sol sebepten keıbir marshrýttardyń qatynaý aralyǵy qashyqtaý bolyp otyr. Júrgizýshiler qoǵamdyq kólikti basqarýǵa bir kúnde otyrǵyzylmaıdy. Olar biliktiligi boıynsha arnaıy kýrstardan ótip, synaq tapsyrady, keıbiri óte almaı jatady. Bul másele sondyqtan belgili bir ýaqyt ótkende sheshiledi. Al bir baǵytqa jalǵyz marshrýt qatynaıdy degenge kelsek, ol qalypty jaǵdaı. Eki marshrýt bekitilýi mindetti emes. Mundaı jaǵdaıda jolaýshy avtobýs almastyryp barýyna bolady. Eki marshrýtpen júretinder aılyq jol júrý bıletin alsa tıimdi. Sosyn qala ishindegi kólik tyǵynyn da eskerý kerek. Máselen, №43-marshrýtty siz jarty saǵat kútseńiz, sizden keıin kelesisi 2-5 mınýttan keıin ótýi múmkin. Osyndaı jaǵdaıdy da eskergen abzal.

 
Astanada Jergilikti polıtsııa basshylyǵy men PIK tóraǵalary quqyqtyq tártipti qamtamasyz etý máselelerin talqylady

 Jergilikti polıtsııa basshysy Baqytjan Malybaev Astana qalasy «Esil» aýdanynyń PIK tóraǵalarymen birinshi kezdesý ótkizdi, dep habarlady astana.gov.kz.

Syndarly dıalog aýdan ákimdiginiń ǵımaratynda ótti. Kezdesýge «Esil» aýdany ákiminiń orynbasary Á. Qaıyrjanov pen polıtsııanyń ýchaskelik ınspektorlary qatysty.

Kezdesý barysynda B. Malybaev jańadan qurylǵan jergilikti polıtsııanyń qyzmeti men oǵan júktelgen qoǵam aldynda polıtsııa qyzmetiniń ashyqtyǵy men jarııalylyǵyn qamtamasyz etýge, polıtsııa qyzmetin halyqtyń múddesi men qajettilikterine jaqyndatýǵa, jalpy, turǵyndardyń polıtsııaǵa degen senimin arttyrýǵa múmkindik beretin mindetterge toqtaldy.

«Búginde árbir qala turǵynyna óz ýchaskelik ınspektoryn tanystyrý, onyń azamattardy qaıda jáne qashan qabyldaıtynyn, oǵan qaı telefon nomeri boıynsha táýliktiń kez-kelgen ýaqytynda habarlasýǵa bolatynyn jetkizý boıynsha jumystar belsendi júrgizilýde. Bizdiń ýchaskelik ınspektorlar árbir qala turǵynyna ýchaskelik ınspektordyń baılanys telefondary men ákimshilik ýchaskede jumys isteıtin ІІB kezekshileriniń nomerlerin taratýda, úılerdiń kireberisterinde, dúkenderdiń esikterinde jáne ýchaske aýmaǵynda ornalasqan saýda ortalyqtarynda aqparattyq stendterde aqparattyq únparaqtar ornalastyrylýda» - dedi B.Malybaev.

Onyń aıtýynsha, polıtseılerdiń jumysynyń tıimdiligi kóbinese halyqtyń ýchaskelik ınspektorlarmen jáne PIK tóraǵalarymen ózara áreket etýine baılanysty. Qoǵamdyq qaýipsizdikti jáne quqyqtyq tártipti qamtamasyz etý  quqyqtyq mádenıet isine aınalyp, ony kez kelgen azamat ustanýy tıis. Bul azamattyq boryshtyń jáne elorda turǵyndarynyń quqyqtyq tártipti nyǵaıtýǵa qosqan úlesiniń belgisi bolady.

«Naq osyndaı qatynastar elorda turǵyndary men polıtseıler arasynda áldeqaıda tyǵyz baılanys ornatýǵa múmkindik beredi, bul óz kezeginde, usaq buzýshylyqtardyń ýaqytyly aldyn alý men odan góri aýyr qylmystardy boldyrmaýdyń kepili bolyp tabylady» - dedi jergilikti polıtsııa basshysy.

Nátıjeli ótken kezdesý barysynda JPQ bastyǵy PIK tóraǵalarynyń suraqtaryna jaýap berdi. Sondaı-aq, ol kósheler men qoǵamdyq oryndarda qylmystar men quqyq buzýshylyqtardyń aldyn alý úshin aýlalar men kireberisterdi beınekameralarmen jabdyqtaýdy surady.

Jergilikti polıtsııa basshysy osyndaı kezdesýlerdiń elorda aýdandarynda júıeli túrde ótkiziletinin atap ótti.

 
Astanadaǵy «Barokko» mýzykasy

 «Barokko» mýzykalyq qonaqjaıy - bul tyńdarmanǵa 2016 jylǵa usynylǵan jańa kontsertter tsıkly. «Astana Opera» shyǵarmashylyq ujymy 19 qańtarda teatrdyń Mármár zalynda ótetin «Uly dáýirdiń uly esimderi» atty osy tsıkldyń birinshi kontsertin daıyndady, dep habarlpady teatrdyń baspasóz qyzmeti.

  Barokko mýzykasy Renessans dáýiriniń sońynda paıda bolǵanyn jáne klassıtsızm dáýiri mýzykasynyń negizin qalaǵanyn esterińizge sala keteıik. «Barokko» sózi  portýgalııa tilinen enip, «ádetten tys úlgidegi marjan» degendi bildirse, ıtalıandyq tilde «qyzyq, oǵash» degen maǵynada aýdarylady. Rasynda da tabıǵı dástúrdi saýatsyzdyq hám jabaıylyq dep sanap, odan bas tartqan barokko dáýiri ónerde tásilderiniń ártúrliligimen, sándiligimen jáne kúrdeliligimen sıpattalady.

«Astana Opera» MOBT dırıjeri, QR eńbek sińirgen qaıratkeri Abzal Muhıtdınov, elordalyq teatr ashylǵan kezden bastap mýzykanttarymyzdyń Motsart pen Verdıdiń rekvıemderin, Bah, Motsart, Gaıdn, Bethoven, Dvorjak, Chaıkovskıı, Rahmanınov sııaqty klassıkterdiń uly shyǵarmalary men basqa da kompozıtorlardyń sımfonııalary men kontsertterin oryndap kele jatqanyn atap ótti.

- Ókinishke oraı, ýaqyt ótken saıyn kóne dáýir mýzykasyn oryndaý dástúri umytyla bastaǵan, tıisti akýstıkasy joq Qazaqstannyń kontserttik zaldarynda oryndalǵan Bah, Gendel, Vıvaldı syndy barokko kompozıtorlarynyń týyndylary tyńdaýshylar úshin sol dáýirdiń stıli jóninde tolyq aqparat bere almady. «Astana Opera» teatrynyń Úlken jáne Kameralyq zalymen qatar shirkeýdiń akýstıkasyna qatty uqsaıtyn ǵajaıyp akýstıkaly Mármár zaly bar, mundaı zaldar barokko mýzykasyn oryndaýǵa yńǵaıly. Oryndaýshylyq dástúr máselelerin sheshýdi uzaq qarastyryp, biz ««Barokko» mýzykalyq qonaqjaıy» atty jańa shyǵarmashylyq jobasyn júzge asyrý ıdeıasyna toqtaldyq.

Keshte «Astana Opera» sahnasynda Genrı Persell, Iogann Sebastıan Bah, Georg Frıdrıh Gendel, Benedetto Marchello, Arkandjelo Korellı jáne Antonıo Vıvaldı sııaqty uly kompozıtorlardyń keıbir shyǵarmalary alǵash ret oryndalady.

Barokko mýzykasyn elordalyq turǵyndar men qonaqtarǵa AQSh, Kanada, Frantsııa, Belgııa, Nıderlandtar jáne Reseı kórermeniniń ystyq yqylasyna bólenip úlgergen teatrdyń kásibı deńgeıi joǵary sımfonııalyq orkestri men hory tartý etedi. Solıster - Qazaqstannyń eńbek sińirgen qaıratkeri - Aıgúl Nııazova (soprano), Aleksandr Taraskın, Baljan Saparova, Ajar Ǵanı (fleıta), Dámeli Maqpyrova (goboı), Valerııa Bolıeva (soprano). 

 
Astanada qala kóshelerin jınaýǵa myńnan astam arnaıy tehnıka tartyldy

 Astanada qar jaýyp, boran bolady dep kútilýde. Qalany mehanızatsııalyq jınaý jumystaryna 1160 birlik kommýnaldyq tehnıka, sonyń ishinde samosvaldar (498 birlik), trotýar jınaý (97 birlik) jáne sypyrý mashınalary (117 birlik) jáne t.b. tehnıka túrleri tartyldy. Joldar men trotýarlardy tazartýǵa 2369 jumysker jumyldyryldy, dep habarlaıdy ákimdiktiń baspasóz qyzmeti.

Sınoptıkterdiń boljamynsha, aldaǵy kúnderi elordada kóshpeli bult shyǵady, jaýyn-shashynsyz bolady.

Erteń, 18 qańtarda kún bultty bolady, tuman turady. Túnde aýa temperatýrasy -22-24°S, kúndiz -20-22°S sýyq bolady.

Seısenbi kúni, 19 qańtarda aýa temperatýrasy tómendeıdi. Túnde synap baǵanasy -25-27°S, kúndiz -15-17°S kórsetedi.

20 qańtarda elordada jaýyn-shashyn bolmaıdy, ońtústik-shyǵystan 9-14 m/s jyldamdyqpen jel soǵady. Túnde aýa temperatýrasy -18-20°S, kúndiz -10-12°S bolady.

 
Á.Jaqsybekov aýmaqtyq memlekettik organdardyń jańa basshylaryn tanystyrdy

Qala ákimdiginde apparat otyrysy aýmaqtyq memlekettik organdardyń jańa basshylaryn tanystyrýdan bastaldy. Elorda ákimi Ádilbek Jaqsybekov Sybaılas jemqorlyqqa qarsy is-qımyl jónindegi ulttyq bıýro departamentiniń jańa basshysy Dýlat Azbergenovty jáne Memlekettik qyzmet isteri departamentiniń basshysy qyzmetin qosa atqaratyn Ádep jónindegi keńes tóraǵasy Tilegen Kaskındi tanystyrdy.

Qala ákimdigi saıtynyń habarlaýynsha, Astana ákimi otyrys barysynda aýdandar ákimderiniń halyqpen jáne eńbek ujymdarymen esep berý kezdesýlerine jeke toqtalyp, mundaı kezdesýlerdiń jergilikti atqarýshy organdar úshin de, qala turǵyndarynyń ózderi úshin de mańyzdy ekendigin atap ótti. Halyqpen esep berý kezdesýleri búgin bastalady.

«Halyq pen qala turǵyndarynyń problemalyq máselelerin ýaqytyly sheshýge erekshe nazar aýdarý kerek», - dedi Á. Jaqsybekov.

Qajet bolǵan jaǵdaıda turǵyndardyń suraqtaryna tolyq jaýap qaıtarý úshin qalalyq basqarmalardyń ókilderi de esep berý kezdesýlerine qatysady. Aýdandar ákimderiniń halyqpen esep berý kezdesýleriniń tolyq kestesimen myna jerde tanysýǵa bolady.

2015 jyly elordada 100 myńnan astam adam áleýmettik qoldaý sharalarymen qamtyldy

 Elordada 2015 jyldyń qorytyndysy boıynsha 100 000 astam adam áleýmettik qoldaýmen qamtyldy, atap aıtqanda, 67 900 zeınetker (onyń ishinde 176 UOS ardageri), 19 500 múmkindigi shekteýli jan, kóp balaly otbasylar - 6969, kóp balaly analar - 4008, turmysy tómen azamattar (3 myńnan astam) jáne t.b.

Sondaı-aq, turmysy tómen otbasylarǵa kómek kórsetildi: 239 otbasyǵa ataýly áleýmettik kómek usynyldy; 1200 astam otbasyǵa 18 jasqa deıingi balalarǵa arnalǵan memlekettik járdemaqy tólendi; 1662 otbasyǵa turǵyn úı kómegi kórsetildi, dep habarlady  astana.gov.kz

«Órleý» ilki  jobasy aıasynda shartty aqshalaı kómek usyný boıynsha jumystar jalǵasýda. «Jergilikti ókiletti organdardyń sheshimi boıynsha muqtaj azamattardyń jekelegen sanattaryna áleýmettik kómek» baǵdarlamasy boıynsha tegin qyzmetter usyný jáne aqshalaı tólemder túrinde 2 536 500 teńge kóleminde áleýmettik kómek kórsetildi, onyń ishinde 1 235 700 teńge qalalyq baǵyttaǵy jolaýshylar kóliginde (taksıden basqa) jol júrýge bólindi.

Múmkindigi shekteýli jandar ońaltýdyń jeke baǵdarlamasyna sáıkes kreslo-arbalarmen, protezdik-ortopedııalyq buıymdarmen, tıflotehnıkalyq jáne sýrdotehnıkalyq quraldarmen, mindetti gıgıenalyq quraldarmen, shıpajaılyq-kýrorttyq emdelýmen, jeke kómekshiniń qyzmetterimen, ym tili mamanymen qamatamasyz etiledi. Jyl saıyn Múgedekter kúnine oraı materıaldyq kómek kórsetilip otyrady. Eseptik kezeń ishinde 9 200 múmkindigi shekteýli janǵa áleýmettik kómek kórsetildi.

2015 jyldyń sáýir aıynan bastap Astana qalasy ákimdiginiń «Qarttarǵa, múgedekterge jáne múgedek balalarǵa arnalǵan ońaltý ortalyǵy» ShJQ MKK qyzmeti júzege asyrylady. 2015 jyly ońaltý ortalyǵynda shıpajaılyq-kýrorttyq emdelý qyzmetterimen 1638 múmkindigi shekteýli jan qamtyldy.   

Memlekettik áleýmettik tapsyrys aıasynda elordada júrip-turýynda qıyndyǵy bar múmkindigi shekteýli adamdar úshin «Invataksı» qyzmeti uıymdastyrylǵan. Onda 17 «Invataksı» avtokóligi jumys isteıdi. 2015 jyly 1484 jýyq adam atalǵan qyzmetti paıdalanǵan. Arnaýly áleýmettik qyzmettermen 3457 adam qamtyldy, ol 97,6% quraıdy, onyń ishinde úkimettik emes uıymdar 283 adamǵa (kómekke muqtaj adamdardyń jalpy sanynyń 8,2%) qol ushyn sozdy.

 
Astanada «Shapaǵat-2016» respýblıkalyq ónertapqyshtar baıqaýy bastaldy

  Búgin elordada QR Ádilet mınıstrligi «Shapaǵat-2016» respýblıkalyq baıqaýynyń bastalǵandyǵyn jarııalady.

«2004 jyly bekitilgen «Shapaǵat» baıqaýy osymen 13-shi ret ótkizilýde. Baıqaýdyń negizgi maqsaty - ónertapqyshtyqty damytý, ekonomıkadaǵy ınnovatsııa deńgeıin kóterý, biregeı úzdik ónertabysty óndiriske engizý», - dedi Ádilet mınıstrligi Zııatkerlik menshik quqyǵy departamentiniń dırektory Abzal Estaev.

Onyń atap ótýinshe, baıqaý jeńimpazdary 26 sáýir kúni - Halyqaralyq zııatkerlik menshik quqyǵy kúni saltanatty túrde marapattalady. Olarǵa arnaıy dıplomdar men 200 myń teńge kóleminde aqshalaı syıaqy beriledi.

Onyń sózine qaraǵanda, ótken jylǵy jobalardyń basym bóligi aqparattyq tehnologııalar salasyna tıesili boldy jáne onyń negizgi bóligi óndiristerge engizilgen.

Aıta keterligi, aǵymdaǵy jyly baıqaý tórt atalym boıynsha ótkizilmek. «Jyldyń úzdik ónertabysy» atalymyna elimizdiń ár túkpirinen kelgen eń úzdik ónertabys ıesi marapattalatyn bolady, «Úzdik ónertapqysh áıel» atalymynda názikjandylar arasynda myqtylardy tańdasa, «Eń jas ónertapqysh» atalymyna - 16 men 29 jas aralyǵyndaǵy jastar qatysady, al «Jas daryn» atalymynda 16 jasqa deıingi oqýshylar marapattalatyn bolady. 

 

 
2016 jyly Astanada týberkýlezge qarsy 500 oryndyq dıspanser salynady - E. Bólekbaev

2016 jyly Astana qalasy Almaty aýdanynda 1500 orynǵa arnalǵan jańa kolledjdiń qurylysy aıaqtalady jáne týberkýlezge qarsy 500 oryndyq dıspanser salynyp bitedi. Bul týraly búgin aýdan halqynyń aldynda esep berý kezdesýin ótkizgen Almaty aýdanynyń ákimi Ermaǵanbet Bólekbaev málim etti.

«Elbasy N.Nazarbaevtyń ákimderdiń halyqqa esep berý kezdesýlerin ótkizý týraly jarlyǵyna sáıkes, osy kúnderi búkil respýblıka boıynsha barlyq deńgeıdegi ákimder atqarǵan jumystary týraly halyq aldynda esep berýde», - degen aýdan ákimi ótken jyldyń qorytyndysyna toqtaldy.

«Búginde «Almaty» aýdany terrıtorııasynda 199 qurylys nysanynyń qurylysy júrgizilýde. 2015 jyly 12 kóppáterli turǵyn úıdiń, Manas kóshesindegi Onkologııa dıspanserine qapasaryla salynǵan ǵımarattyń, A. Baıtursynuly kóshesindegi 1200 oryndyq mektep, Aınakól kóshesindegi 240 oryndyq balabaqshanyń qurylysy aıaqtaldy. Osylaısha, qoldanýǵa berilgen ǵımarattardyń jalpy aýmaǵy 561 663 sharshy metrdi qurady»,-deıdi aýdan ákimi.

E.Bólekbaevtyń habarlaýynsha, qazir 76 kóppáterli turǵyn úılerdiń qurylysy júrgizilýde. Bul turǵyn úılerdiń  jeteýi memlekettik baǵdarlama aıasynda, 2-ýi  «Óńirlerdi damytý-2020» baǵdarlamasy aıasynda,  67-si kommertsııalyq kópqabatty turǵyn úı keshenderi eken.

«2016 jyly 6 bilim berý jáne densaýlyq saqtaý nysandarynyń qurylysyn aıaqtaý josparlanýda. Atap aıtsaq,  Astana-Qaraǵandy tas jolyndaǵy 1500 oryndyq álemdik deńgeıdegi kolledj,  «Temirjol» turǵyn alqaby mańyndaǵy 500 oryndyq týberkýlezge qarsy dıspanser, árqaısysy 525 oryndyq № 16, 22, 32 jáne 37 mektepterine qapasaryla sanylyp jatqan ǵımarattardyń qurylysy aıaqtalady», - dep habarlady ol.

Esterińizge sala keteıik, Astana qalasy, «Almaty» aýdanynyń jalpy aýmaǵy 21 054 gektar jerdi quraıdy. Áleýmettik-demografııalyq kórsetkishteriniń aqparatyna sáıkes 2015 jyldyń 1 jeltoqsanyna aýdan halqynyń sany byltyrǵy jylmen salystyrǵanda 1 paıyzǵa ósip, 381 527 adamdy qurady.

Jeke kólik ıeleri qar tazalaýǵa kedergi keltiredi - Astanadaǵy aýdan ákimi

 Búgin halyq aldynda esep bergen Astana qalasy, «Almaty» aýdanynyń ákimi Ermaǵanbet Bólekbaev aýdanǵa qarasty aýmaqta qansha qar tazalanǵanyn jáne jeke kólik ıeleri qar tazalaýǵa kedergi keltiretinin aıtty.

«Almaty» aýdany boıynsha ortalyq kósheler men kóshe aralaryndaǵy aýmaqtardyń qaryn tazalaý úshin 460 arnaıy tehnıka men 913 jumysshy jumyldyrylǵan. Qys bastalǵannan beri polıgonǵa 350 myń tekshe metr qar shyǵarylǵan. Alaıda, birqatar problemalar bar. Qar tazalaýda kommýnaldyq qyzmet tap bolatyn qıyndyq - turǵyndardyń birqatar erejelerdi buzýy. Olar jeke kólikterin úı aýlasyna qoıyp ketedi, al keıbir jer úılerdiń ıeleri aýlasynyń ishindegi qardy ýaqytynda aýla syrtyna shyǵaryp qoımaıdy. Sondyqtan, aýla men kóshelerdi qardan ýaqytyly tazalaýǵa múmkindik týmaı otyr», - dedi aýdan ákimi.

Ákimniń aıtýynsha, aýdan aýmaǵynan  polıgonǵa 33 922 tonna qoqys  shyǵarylǵan.  

«Sanıtarlyq tazalyqty qamtamasyz etý jáne abattandyrý erejelerin ustaý maqsatynda kóktem jáne kúz mezgilderinde 2 ekologııalyq aılyq ótkizildi. Ekologııalyq aılyqtar sheńberinde 2 jalpyqalalyq jáne 6 kommýnaldyq senbilikter uıymdastyryldy, olarǵa jalpy sany 100 myńǵa jýyq adam jáne 4 395 kásiporyn men uıym qatysty. Senbilik barysynda 7 912 aǵash otyrǵyzylyp, 87 myń aǵash ákteldi, jalpy aýmaǵy 404 740 sharshy metr saıabaqtar men shaǵyn baqtar tazartyldy. Nátıjesinde qalalyq polıgonǵa 10 700 tonna qoqys shyǵaryldy», - dep habarlady E.Bólekbaev.

 2015 jyly Astana men Býrabaı aqyly avtobanynda 1,1 mlrd. teńge jınaldy

 2015 jyly «Astana-Şýchınsk» aqyly avtojoly 1 mlrd. 142 mln. teńge jınady. «QazAvtoJol» AQ baspasóz qyzmetiniń habarlaýynsha, 2015 jylǵa belgilengen josparda 1 mlrd. 129 mln. teńge jınaý qarastyrylǵan bolatyn.

Jospardy asyra oryndaýdyń arqasynda 13 mln. teńge jınaldy. Barlyq jınalǵan qarajat atalǵan joldy kútip ustaýǵa jáne tólem júıesin jetildirýge baǵyttaldy.

«Atalǵan aqyly ýchaskemen 2015 jyly 2,5 mln. kólik júrip ótken. Ótken jyldyń barysynda táýligine ortasha eseppen alǵanda 3,1 mln. teńge tólem jasalsa, bir kúnde shamamen 7 myń kólik júredi eken, al demalys kúnderi kólik sany 10-12 myńǵa deıin jetken. 2014 jylmen salystyrǵanda, kólik aǵymynyń qarqyny ortasha alǵanda 4,9 paıyzǵa ósip, onyń esebinen tólem 7,2 paıyzǵa artty»,-delingen kompanııa málimetinde.

Sonymen qatar jolda kólik aǵymyn jyldamdatý úshin jáne qolma-qol aqshasyz tólem jasaý joldaryn damytý turǵysynda abonenttik tólem, «QIWI» termınaldary  men «Kassa 24» jáne basqa da júıeler qamtyldy.

 
2016 jyly Astanadaǵy Almaty aýdanyna qarasty 16 eski úı buzylady

 Astanadaǵy «Almaty» aýdanynda 2015 jyly 14 eski úı buzylǵan. 2016 jyly osyndaı 16 úı buzylmaq. Bul týraly búgin aýdan halqynyń aldynda esep berý kezdesýin ótkizgen Almaty aýdanynyń ákimi Ermaǵanbet Bólekbaev málim etti.

«2015 jyly eski 30 úıdiń búgingi tańda 14-i ǵana buzyldy, qalǵan 16 úıdi 2016 jyly buzylady»,-dep habarlady ákim.

 E.Bólekbaev habarlaǵandaı, aýdanda «Aýlalardy keshendi abattandyrý» baǵdarlamasy aıasynda  asfaltty-betondy tóseme aýystyrý, jaıaý júrginshiler joldaryn, sándi qorshaýy bar gúlzarlardy, sport jáne kir jaıatyn oryndardy abattandyrý, ár jastaǵy balalarǵa arnalǵan qaýipsiz kishi sáýlet formalaryn ornatý júrgizilýde.

«2015 jyly 62 úıdi qamtıtyn 27 aýla abattandyryldy. Onyń ishinde 21 517 sh.m. asfaltty-betondy tóseme aýystyryldy,  36 balalar jáne 11 sport alańy abattandyryldy, 419 qoqys jáshikteri, 389 oryndyq, 30 kúrke ornatylyp, 38 kir jaıatyn oryn jáne 378 avtokólikke arnalǵan avtoturaq oryndary abattandyryldy. Sonymen qatar, abattandyrý aldynda bul jerlerden 110 temir garaj jáne 5 saýda pavılondary shyǵaryldy»,-dedi ákim. 

Esterińizge sala keteıik, Astana qalasy, «Almaty» aýdanynyń jalpy aýmaǵy 21 054 gektar jerdi quraıdy. Áleýmettik-demografııalyq kórsetkishteriniń aqparatyna sáıkes 2015 jyldyń 1 jeltoqsanyna aýdan halqynyń sany byltyrǵy jylmen salystyrǵanda 1 paıyzǵa ósip, 381 527 adamdy qurady.

 Astanada jylý energııasyn qaıta esepteý júrgizildi

 «Astanaenergosbyt» JShS habarlaýynsha, 2015 jyldyń jeltoqsanynda Astana qalasynyń turǵyndaryna jylý energııasyn qaıta esepteý júrgizilgen, dep jazady elorda ákimdiginiń saıty.

Buǵan jylý energııasymen jabdyqtaý boıynsha qyzmetterge tutynýshylarmen saralanǵan tarıfterdi qoldanýdan keltirilgen «Astanaenergosbyt» JShS shyǵyndaryn óteý týraly Astana qalasynyń Mamandandyrylǵan aýdanaralyq ekonomıkalyq sotynyń zańdy kúshine engen sheshimi negiz boldy.

«Astanaenergosbyt» JShS jasalǵan qaıta esepteý somasyna 18 aı merzimge bólip tóleýdi usynady. Kórsetilgen merzimde qaıta esepteý somasyna ósimaqy eseptelmeıdi.

 
2016 jyly elordada 15 mektepte Apple Lab Astana baǵdarlamasy engiziledi

 Búgingi tańda elordalyq jalpy bilim berý mektepterinde 117 097 bala oqyp júr, sonyń ishinde 113 376 bala memelekettik mektepte bilim alady.

Jalpy bilim beretin mektepter sany jyl saıyn artyp otyrady. 2014 jyly Astanada 88 mektep bolsa, 2015 jyly olardyń sany 94 jetti. 2014 jyly oqýshylar sany 105 966 boldy, sonyń ishinde 102 687 bala memlekettik mektepte oqydy, dep habarlady astana.gov.kz.

83 memlekettik mekteptiń 73 994 oqýshyny qamtıtyn 54-i jańa tıppen (lıtseıler, gımnazııalar) salynǵan. Qazaq tilinde oqytatyn mektepter sany ótken jylmen salystyrǵanda 4 birlikke artty. 2015 jyly 7200 oryndyq 6 mektep (№ 77, 79, 80, 81, 82, 83) paıdalanýǵa berildi, sonyń ishinde № 81 jáne 82 - mamandandyrylǵan mektepter. Astana English School № 81 gımnazııa - gýmanıtarlyq baǵytta qazaq jáne aǵylshyn tilderinde bilim beretin daryndy balalarǵa arnalǵan mektep. № 82 «Daryn» mamandandyrylǵan lıtseıi fızıka, matematıka, ekonomıka, ınformatıka, hımııa, bıologııa pánderinen jaratylystaný-matematıka baǵytynda qazaq tilinde oqytady.

Jańa mektepterdi paıdalanýǵa berý esebinen jáne eki aýysymdyq oqýdy eskersek, 2015-2016 oqý jylynda oqý oryndarynyń tapshylyǵy joq, biraq 10 mektepte (№ 1, 7, 22, 32, 37, 53, 54, 60, 64, 66) tyǵyzdyq saqtalýda.

Budan basqa, aǵylshyn tilinde jaratylystaný-matematıka tsıklindegi pánderdi oqytý belsendi túrde engizilip jatyr. Eger 2014 jyly osy baǵyttar boıynsha 18 muǵalim sabaq berse, 2015 jyly olardyń sany 32 qurady.

Qazirgi kezde elordalyq mektepterde bilim berý sapasyn arttyrý boıynsha josparly jumystar júrgizilýde. 2015 jyly UBT qorytyndysy boıynsha Astana respýblıka boıynsha birinshi orynǵa turaqtady. 399 elordalyq oqýshy halyqaralyq olımpıadalarǵa jáne ǵylymı jarystarǵa qatysyp, 238 medal aldy, al 2014 jyly júldeli oryndar sany 148 boldy.

Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasyn iske asyrý jónindegi Qazaqstan Respýblıkasy Úkimetiniń 2011 jylǵy 11 aqpandaǵy №130 qaýlysyna sáıkes, Astana qalasynyń jalpy bilim beretin bilim berý uıymdarynyń barlyq oqýshylary jergilikti bıýdjet esebinen oqýlyqtardy qaıta basyp shyǵarý kestesine sáıkes jyl saıyn kezeń-kezeńimen 100% satyp alý jolymen tegin oqýlyqtarmen jáne oqý-ádistemelik quraldarmen qamtamasyz etiledi. Oqýlyqtar tórt jylda bir ret shyǵarylady. Astana qalasynyń bilim berý uıymdary Internetke 100 paıyz qosylǵan. Oqý oryndary qajettiligine qaraı jańa býyndaǵy kompıýterlermen jabdyqtalýda. 2015 jyly qalalyq mektepterge 9193 DK satyp alyndy.

2016 jyly orta bilim berý salasynda aqparattyq-kommýnıkatsııalyq tehnologııalardy paıdalaný boıynsha jumystardy jalǵastyrý úshin 15 mektepte 7 synypta aǵylshyn tili páninde Apple Lab Astana baǵdarlamasy engiziledi, sonymen qatar 42 mektepte «Bıoınformatıka jáne sınergetıka» sapany baqylaý tehnologııasy boıynsha jumystar jalǵasady.

 
Qazaqstandyq ǵalym qýat únemdeıtin batareıa jasap shyǵardy

 Qazaqstandyq ǵalym Jumabaı Bákenov qýat únemdeıtin batareıa jasap shyǵardy, dep habarlady www.24.kz.

Bul - onyń Nazarbaev Ýnıversıtetinde qolǵa alǵan alǵashqy jobasy. Bul - qalta túbin qaqpaıtyn ári únemdeýde taptyrmas ónim. Qazaqstandyq professor Jumabaı Bákenovtiń uzaq jylǵy jumysynyń jemisi. Joba Dúnıejúzilik banktiń grantyna ıe bolǵan. Al ǵalymnyń ǵylymı maqalalary Thomson reuters halyqaralyq reıtınginde úzdik jazbalardyń qatarynda kósh bastap tur.

«Bul batareıanyń qazirgi ýaqytta qoldanysta júrgenderge qaraǵanda múmkindigi áldeqaıda kóp. Teorııalyq turǵydan alyp qaraǵanda, máselen, qazirgi smartfondardyń batareıasyna qaraǵanda 10 ese artyq jumys isteıdi jáne qýatty uzaq saqtaı alady», - deıdi Nazarbaev Ýnıversıteti ınjenerlik mekteptiń professory Jumabaı Bákenov.

Uıaly telefondarǵa arnalǵan batareıa bul úlken jobalardyń bastaýy ǵana. Ǵylymı toptyń keleshekte kózdegen kókjıegi bólek. Ǵalymnyń aıtýynsha, ol  Qazaqstanda alǵashqylardyń biri bolyp elektromobıl qurastyrǵan Taır Balabaevpen tyǵyz qarym-qatynasta.  Endi olar kólikterge arnalǵan arnaıy únemdegish batareıa jasamaq.

Іlki jobadaǵy batareıalar búginde satylymǵa tústi. Kelesi qadam - elektromobılderge arnalǵan batareıa saýdasyn bir izge salý. Biraq ol úshin ónertapqyshtarǵa 3-10 mln dollar kóleminde qarjy qajet. Qyrýar aqshany ǵalymdar ınvestıtsııalyq konkýrstarǵa qatysyp, utpaq nıette. Ǵylymı topta bul kúni 11 maman eńbektenýde. Olardyń qatarynda Nazarbaev Ýnıversıtetiniń stýdentteri de bar. 

«Bizdiń alǵa qoıǵan maqsatymyz - halyqaralyq deńgeıdegi zertteý ýnıversıteti ataǵyn alý. Qazirgi ýaqytta zerthanalarymyz zamanaýı qurylǵylarmen jaraqtandyrylǵan. Stýdentterdi oqýǵa qabyldaǵannan bastap ǵylymı jumystarǵa tartamyz», - deıdi Nazarbaev Ýnıversıtetiniń prorektory Enn Lonsdeıl.

Qýat únemdeıtin akkýmýlıator 2017 jyly EHRO kórmesinde kópshilik nazaryna usynylmaq. Oqý ordasynda bul kúni 140-tan astam joba qolǵa alynǵan. Ǵalymdar Amerıka, Ulybrıtanııa, Avstralııa jáne Qytaıdaǵy áriptesterimen de tyǵyz baılanysta. 

Elorda oqýshylary halyqaralyq olımpıadada alty júldege ıe boldy

Almatyda ótken matematıka, fızıka jáne ınformatıka pánderinen Jáýtikov atyndaǵy HІІ halyqaralyq olımpıadada astanalyq oqýshylar 6 júldege qol jetkizdi.

Qala ákimdigi saıtynyń habarlaýynsha, olımpıadaǵa 17 memleketten 63 komanda (413 oqýshy) qatysqan.

Olımpıada qorytyndysy boıynsha taıaý jáne qıyr sheteldiń úzdik mamandandyrylǵan mektepteriniń jeti komandasy anyqtaldy. Komandalyq esepte Máskeý qalasynyń (RF) №1329 mektebiniń komandasy Gran-prı ıelendi.

Olımpıadada sarapqa salynǵan 191 medaldiń 48-in Qazaqstan jeńip aldy, sonyń ishinde astanalyq oqýshylar 6 júldege qol jetkizdi.

Daryndy balalarǵa arnalǵan qazaq-túrik lıtseıiniń 10-synyp oqýshysy Bıdaıbek Sanjar ınformatıkadan 1-oryn jáne altyn medal aldy. Sondaı-aq, Daryndy balalarǵa arnalǵan qazaq-túrik lıtseıiniń 11-synyp oqýshylary Amangeldın Temirlan men Nızamedın Shaıhıtdın sáıkesinshe, matematıkadan jáne ınformatıkadan 2-oryn men kúmis medal aldy. Daryndy balalarǵa arnalǵan qazaq-túrik lıtseıiniń 11-synyp oqýshysy  Sanjar Eleýov ta matematıkadan qola medal ıelendi. Daryndy balalarǵa arnalǵan №9 «Zerde» mektebiniń 9-synyp oqýshysy  Baqdáýren Narbaev pen Meıram Serikbolsyn matematıkadan 3-oryn aldy.

«QR UǴA akademıgi, qazylar alqasynyń teń tóraǵasy Asqar Jumadildaev astanalyq oqýshylardyń daıyndyq deńgeıine joǵary baǵa berdi», delingen habarlamada.  

 
Elordalyq oqýshylar arasynda «Abyz - dombyra» ІІ qalalyq kúıshiler men án-termeshiler baıqaýy ótýde

 Qazaq halqynyń án-kúı ónerin nasıhattaý maqsatynda Astana qalalyq bilim basqarmasynyń «№1 óner mektebinde» 2016 jyldyń 19-20 qańtary kúnderi «Abyz - dombyra» ІІ qalalyq kúıshiler men án-termeshiler baıqaýy ótkizilýde. Bul týraly elordanyń bilim basqarmasynan habarlady.

Baıqaýdyń maqsaty - aspapta oryndaıtyn ónerpazdardyń qazaq án-kúıleriniń shyǵý tarıhyn bilý, sóıleý jáne áńgimeleý mádenıetin damytý, mektep oqýshylaryn halyq mádenıetine baýlý. Baıqaýǵa Astana qalasy jalpy bilim beretin mektepteriniń 7 - 13 jas aralyǵyndaǵy oqýshylarynan 50-ge jýyq talapkerler baqtaryn synaýǵa ótinish berdi», - delingen habarlamada.

Baıqaý 2 janr boıynsha ótkiziledi. Birinshisi - dástúrli án, termeshiler, ekinshisi - kúı óneri. Baıqaý talaptary boıynsha ádil qazylar alqasy baıqaý talapkerlerin  shyǵarmany oryndaý sheberliginiń sapasy, sahna mádenıeti, sahnalyq kıim úlgisi ólshemderi boıynsha baǵalaıdy.

Baıqaýda úzdik óner kórsetkeni jáne belsene qatysqany úshin talapkerler Astana qalalyq bilim basqarmasynyń dıplomymen marapattalady.

Oqý - tárbıe josparyna sáıkes ótkizilip otyrǵan qalalyq mektep oqýshylarynyń arasyndaǵy  dombyrashylar baıqaýyn joǵary dárejede, tatýlyǵy jarasqan shyǵarmashylyq qalypta ótkizý josparlanýda.

 
Astanada «Avtobýs» jedel aldyn alý is-sharasy bastaldy

 Elordada jol apatyn azaıtý, jolaýshylar men júk tasymaldaýdy júzege asyratyn júrgizýshilerdiń mádenıetin arttyrý, jol qozǵalysyn baqylaý jáne qadaǵalaý maqsatynda 19-21 qańtar aralyǵynda «Avtobýs» jedel aldyn alý is-sharasy ótedi, dep habarlady Astana qalasynyń ІІD Ákimshilik polıtsııa basqarmasy.

Astana ákimdiginiń baspasóz qyzmeti habarlap otyrǵandaı, úsh kún boıy tártip saqshylary Kóliktik baqylaý ınspektsııasynyń aýmaqtyq bólimshelerimen, Memlekettik kirister departamentimen jáne qoǵamdyq baqylaý ókilderimen birlesip jelige shyqpas buryn qalalyq avtobýstardyń tehnıkalyq jaǵdaıyn, júrgizýshilerdiń tirkeý qujattarynyń bolýyn tekserip, avtobýstardy normatıvter men standarttardyń talaptaryn buzyp basqarý jáne paıdalaný faktilerin, kólik quraldaryn zańsyz qaıta jabdyqtaýdy anyqtaý boıynsha sharalar, sondaı-aq, júrgizýshiler men avtobýstardy jolǵa shyqpaı turyp medıtsınalyq jáne tehnıkalyq tekserý sharalaryn, júrgizýshilerdiń eńbek pen demalys rejımin saqtaýyn tekserý boıynsha sharalar ótkizedi.

Astana qalasy Ákimshilik polıtsııa basqarmasynyń málimetinshe, qala aýmaǵynda jolaýshylardy qoǵamdyq kólikpen tasymaldaý salasynda kún saıyn 700-den astam avtobýsty jolǵa shyǵaratyn 8 kásiporyn jáne 13 resmı taksopark jumys isteıdi.

Astana qalasynyń ІІD ÁPB erekshe tapsyrmalar jónindegi aǵa ınspektory Baqytjan Altybaıdyń aıtýynsha «2015 jyldyń qorytyndysy boıynsha jol-patrýldik  polıtsııa qyzmetkerleri qoǵamdyq kólik júrgizýshileri jol bergen Jol qozǵalysy erejelerin buzýdyń 2400 astam jaǵdaıyn tirkedi. Tehnıkalyq aqaýy bar avtobýstardy reıske jibergeni úshin 53 laýazymdy tulǵa ákimshilik jaýapkershilikke tartyldy».

Sonymen qatar, «polıtsııa qyzmetkerleri jolaýshylar men júkterdi zańsyz tasymaldaýdyń jolyn kesý úshin vokzal mańyndaǵy alańda jáne áýejaı aýdanynda, sondaı-aq, «Rýbej» beketterinde qalaaralyq baǵyttaǵy avtobýs júrgizýshileriniń kólik zańnamasyn buzý jaǵdaılaryn anyqtaý, elordada jolaýshylar men júk tasymaldaý erejelerine jáne salyq mindettemelerine sáıkes kelmeıtin jolaýshylar tasymalyn júzege asyratyn taksı avtomobılderin tekserý boıynsha birqatar sharalardy qolǵa almaq», - dep atap ótti B. Altybaı.

Budan basqa, jolaýshylar kóligi júrgizýshileriniń tarapynan quqyq buzýshylyqtyń aldyn alýǵa baǵyttalǵan birqatar sharalardy qabyldaý josparlanǵan.  

 
Almaty aýdanynyń ákimi «Jeleznodorojnyı» turǵyn alabynda esep berý kezdesýin ótkizdi

 Búgin «Jeleznodorojnyı» turǵyn alabynda №29 orta mektepte Astana qalasy «Almaty» aýdanynyń ákimi Ermaǵanbet Bólekpaev halyqpen ekinshi esep berý kezdesýin ótkizdi.

Kezdesýge Astana qalasy ákiminiń orynbasary Andreı Lýkın, qalalyq basqarmalardyń, kommýnaldyq kásiporyndardyń, 29 mekteptiń eńbek ujymynyń ókilderi, qala turǵyndary qatysty, dep habarlady Astana qalasynyákiminiń resmı portaly.

Kezdesýde «Jeleznodorojnyı», «Promyshlennyı», «Kúıgenjar», «Mıchýrıno» jáne «Internatsıonalnyı» turǵyn alaptarynyń turǵyndary aýdan ákimine óz suraqtaryn joldady. Jalpy, 40 jýyq aýyzsha jáne alty jazbasha suraq kelip tústi.

Turǵyndar kólik júıesin jáne jolaýshylar tasymalyn jolǵa qoıý, ásirese avtobýstar qozǵalysynyń araqashyqtyǵyn ulǵaıtý máselesine qyzyǵýshylyq tanytty. Bul másele Astana qalasynyń Jolaýshylar kóligi basqarmasynyń qaraýyna jiberiledi.

Budan basqa, qalany abattandyrýǵa qatysty suraqtar kóp qoıyldy: trotýarlar jasaý, kóshelerdi jaryqtandyrý, múgedekterge arnalǵan pandýstar jasaý jáne joldar salý. Kezdesýde qalanyń osy bóliginde ınfraqurylymdy jaqsartý máselesi jaqyn arada sheshiletini atap ótildi. Aıta keteıik, turǵyn alabyna jaqyn jerde jańa vokzaldyń qurylysy júrgizilip jatyr.

Keıbir máseleler sol jerde sheshildi. Turǵyndar «Jeleznodorojnyı» turǵyn alabynda aýla klýbyn ashýdy surady, bul ıdeıany E. Bólekpaev ta qoldady. Balalardyń bos ýaqytyn ótkizýge arnalǵan aýla klýby 2017  jyly salynatyn boldy.

Aıta keteıik, «Almaty» aýdanynyń ákimi Ermaǵanbet Bólekpaev 20, 21 jáne 22 qańtarda kezekti halyqpen esep berý kezdesýlerin ótkizedi. Kelesi kezdesý № 54 mektep-lıtseıde Sh. Imanbaeva kóshesi, 4 meken-jaıy boıynsha ótedi. 21 qańtarda Almaty aýdanynyń ákimi №72 orta mektepte, al 22 qańtarda №1 qalalyq aýrýhanada halyqpen esep berý kezdesýlerin ótkizedi.

Qala aýdandary ákimderiniń esep berý kezdesýleriniń tolyq kestesimen  https://astana.gov.kz/kk/modules/material/9743 siltemesi boıynsha tanysýǵa bolady.   

Elordada 13 myńǵa jýyq adam sýǵa shomyldy  

 Búgin pravoslav hrıstıandary Kreşenıe Gospodnıa merekesin atap ótýde. Bul kúni dástúr boıynsha barlyq shirkeýlerde din qyzmetshileri sý alastaý rásimin ótkizedi. Sý qoımalarynda arnaıy krest formasyndaǵy oıyqtarda alastalǵan sý emdik qasıetterge ıe bolady dep sanalady. Sondyqtan adamdardyń kóbi densaýlyqtaryn nyǵaıtý úshin muzdy sýǵa túsedi, dep habarlaıdy elorda ákimdiginiń resmı saıty.

Merekelik ǵıbadat etý rásimi elordanyń barlyq shirkeýlerinde 18 qańtarda bastaldy, búgin saltanatty sherý (Krestnyı hod) barysynda Esil ózeniniń sýy alastaldy.

Jyl saıyn elordalyq qutqarýshylar mereke kúni sýǵa shomylý kezinde kúsheıtilgen rejımge kóshedi. Arnaıy jasalǵan oryndarda Astana q. Jedel mashınasy kezekshilik etedi. Budan basqa, medıtsına qyzmetkerleri de jumys isteıdi: QR ІІM TJK Apattar medıtsınasy ortalyǵynyń jedel járdem kóligi jáne Densaýlyq saqtaý basqarmasynyń reanımatsııalyq jedel járdem kóligi.

Qutqarýshylardyń esepteýinshe, 18 qańtarda saǵat 22.00-den bastap búgingi tańǵy 10.00-ge deıin 7 myńǵa jýyq, al tańǵy saǵat 10:00-den saǵat 13:00 deıin taǵy da 6 myńǵa jýyq adam sýǵa túsken.

Astanada aýdandyq jergilikti polıtsııa basshylary bekitildi

 Qalalyq máslıhattyń kezekten tys 63-shi sessııasynda elorda ákiminiń orynbasary Andreı Lýkın depýtattarǵa aýdandyq ishki ister basqarmalarynyń jergilikti polıtsııa qyzmetteri basshylarynyń qyzmetine úmitkerlerdi usyndy.

Qala ákimdigi saıtynyń habarlaýynsha, «Esil» aýdanynyń jergilikti polıtsııa qyzmetiniń basshysy laýazymyna 1995 jyldan beri quqyq qorǵaý organdary júıesinde jumys isteıtin jáne qazirgi kezde Ákimshilik polıtsııa basqarmasy bóliminiń basshysy qyzmetin atqaryp júrgen podpolkovnık Serik Ábýtálipovtyń kandıdatýrasy qalalyq máslıhattyń kelisýine usynyldy.  

«Almaty» aýdanynyń jergilikti polıtsııa qyzmetiniń bastyǵy laýazymyna podpolkovnık Almas Japarovtyń kandıdatýrasy usynyldy. A. Japarov quqyq qorǵaý organdarynda 1999 jyldan beri isteıdi, buǵan deıin Ákimshilik polıtsııa basqarmasy bólimderiniń birin basqarǵan.

Buǵan deıin ıývenaldy polıtsııa bóliminiń aǵa ınspektory bolyp istegen jáne quqyq qorǵaý organdarynda 2005 jyldan beri qyzmet etip júrgen maıor Azamat Sadyqovtyń kandıdatýrasy «Saryarqa» aýdanynyń jergilikti polıtsııa qyzmetiniń basshysy laýazymyna usynyldy.

Máslıhat depýtattary Astana qalasynyń Іshki ister departamenti «Almaty», «Esil» jáne «Saryarqa» aýdandarynyń ishki ister basqarmalarynyń jergilikti polıtsııa qyzmetteriniń basshylary qyzmetine usynylǵan úmitkerlerdi biraýyzdan qoldady.

Sonymen qatar, «Astana qalasy boıynsha revızııalyq komıssııa» tóraǵasy Ǵalymjan Moldash depýtattardy tıisti memlekettik mekeme týraly Erejemen tanystyryp ótti. Sessııa barysynda Astana qalasynyń ákimdigi janyndaǵy Kásipkerlik máseleleri jónindegi saraptamalyq keńes quramyna ózgerister engizildi.

 
«Abyz - dombyra» dombyrashylar baıqaýy jeńimpazdary anyqtaldy

 Qazaq halqynyń án-kúı ónerin nasıhattaý maqsatynda Astana qalasynyń bilim basqarmasy «№1 óner mektebinde» «Abyz - dombyra» ІІ qalalyq kúıshiler men án-termeshiler baıqaýyn ótkizdi.  Bul týraly qalalyq Bilim basqarmasynan habarlady..

Mektep oqýshylaryn halyq mádenıetine baýlý maqsatynda ótkizilgen baıqaýǵa Astana qalasy jalpy bilim beretin mektepteriniń 7 - 13 jas aralyǵyndaǵy oqýshylarynan, 53 mektepten talapkerler baqtaryn synady.

Ádil qazylar sheshimimen myna oqýshylar júldeger atandy:

Án janry: /7-10 jas/

І-oryn: Manas Aıshagúl № 67 MG

ІІ-oryn: Baıbýrınov Bekarys № 64 ML

ІІ-oryn: Seıilhanov Asanáli № 10 MG

ІІІ-oryn: Qasenova Kamıla №5 MG

ІІІ-oryn: Karmenova Arýjan №23 ML

Án janry: /11-13 jas/

ІІ-oryn: Qajykenov Azamat № 67 MG

ІІ-oryn: Joldybaeva Zaıra №57 OM

ІІІ-oryn: Ydyrysh Ernar №16 OM

ІІІ-oryn: Bılet Jaras №40 OM

ІІІ-oryn: Jaýjúrek Aınur №66 ML

Kúı janry: /7-10 jas/

І-oryn: Kýldıkova Leıla № 56 ML

І-oryn: Qarǵojına Araı № 67 MG

ІІ-oryn: Janarbek Malıka №37 OM

ІІ-oryn: Ismaǵulova Maııa №48 ML

ІІІ-oryn: Melishan Dıas №16 OM

ІІІ-oryn: Serikjanova Aıajan №38 ML

ІІІ-oryn: Aıtqul Dııar №61 OM

ІІІ-oryn: Manarbek Ádil №62 ML

Kúı janry: /11-13 jas/

І-oryn: Quralbek Ahmet № 54 ML

ІІ-oryn: Satybaldın Mádı №66 ML

ІІ-oryn: Qasymov Dinmuhammed №78 MG

ІІІ-oryn: Lesbekova Ámına №9 OG

ІІІ-oryn: Serikova Ámına №40 OM

ІІІ-oryn: Muratova Arýjan №57 OM

  
Astanada JRVI juqtyrý jaǵdaılarynyń tómendegeni baıqalady

 Astana qalasy Tutynýshylardyń quqyqtaryn qorǵaý departamentiniń habarlaýynsha, jiti respıratorlyq vırýstyq ınfektsııany (JRVI) juqtyrý boıynsha epıdemıologııalyq jaǵdaı turaqty bolyp qalady. 

Epıdemııalyq kezeńnen bastap (2015 jylǵy 1 qazannan) jiti respıratorlyq vırýstyq ınfektsııalardyń 10295 jaǵdaıy, onyń ishinde tumaýdyń 39 jaǵdaıy tirkeldi, dep jazady elorda ákimdiginiń resmı saıty.

2015/16 jyldardyń ótken kezeńinde syrqattanýshylyq aldyńǵy epıdemıologııalyq kezeńniń deńgeıinen 61% tómendedi, al aptalyq syrqattanýshylyq epıdemıologııalyq boljamnan aspaǵan.

Ótken jyldardaǵydaı, 14 jasqa deıingi balalar negizgi qaýipti top bolyp qalady, olar barlyq syrqattanýshylyqtyń 52% quraıdy, onyń ishinde 1 jasqa deıingi balalar - 9%. Júkti áıelder arasynda syrqattanýshylyqqa nazar aýdarylady, olar 1,7% qurady.

Tumaýǵa qarsy eń tıimdi qorǵanys ekpe jasaý bolyp tabylady. Immýnızatsııany qazan-qarasha aılarynda júrgizgen durys. Qazirgi zamanǵy vaktsınalar asa tıimdi, qaýipsiz, tómen reaktogendi jáne balalar men eresekter arasynda tumaýdyń aldyn alýǵa baǵyttalǵan. Vaktsınalarǵa ımmýnıtet týdyrý úshin 2 kúnnen 7-15 kúnge deıin ýaqyt kerek, ımmýnıtet 6-12 aıǵa saqtalady. Bıyl 85 870 adam tumaýǵa qarsy ekpe jasatty.

Mamandar turǵyndarǵa sýyq tııýdiń alǵashqy belgileri shyqqanda (tamaqtyń aýrýy, jótel, dene qyzýy kóterilgende) medıtsınalyq kómekke ýaqytynda júginýdi jáne óz betińizshi em jasamaýdy, jaqyndaryńyzǵa juqtyrmaý úshin betperde kııýdi usynady.

Qoǵamdyq oryndarǵa barýdy múmkindiginshe shekteý qoıý kerek. Kún saıyn aýrýdyń aldyn alý maqsatynda oksolın maıyn, barlyq kezeń boıy tamaq ratsıonynda sarymsaq, lımon, shóp qaınatpalary, balzamdardy qoldaný kerek, olar ımmýnıtetińizdi nyǵaıtady jáne adam aǵzasyna vırýstardy kirgizbeıdi.

 
Astanalyqtar jergilikti polıtsııaǵa kómektesýde

 Jyl saıyn elordada quqyqtyq tártipke nemquraıly qaramaıtyn azamattar sany artyp keledi. Mundaı belsendi azamattyq pozıtsııa polıtsııa qyzmetkerlerine qoǵamdyq tártipti qamtamasyz etýge kómektesedi jáne usaq quqyq buzýshylyqtardyń aldyn alýǵa septigin tıgizedi. Osylaısha, azamattyq qoǵamnyń polıtsııaǵa degen senimi artady, dep habarlady  astana.gov.kz.

Jergilikti polıtsııanyń málimetinshe, elordada ishki ister organdaryna tártip saqtaýda turaqty kómektesetin 847 azamat tirkelgen. Sonyń ishinde 32 quqyq qorǵaý organdarynyń ardageri, 202 konserj, 246 kúzet qurylymdarynyń qyzmetkeri, sondaı-aq, qalalyq JOO stýdentterinen qurylǵan jedel jastar jasaqtarynyń 267 múshesi. Sonymen qatar, «Astana ERTs» biryńǵaı esep aıyrysý ortalyǵynyń 100 qyzmetkeri men PIK ókilderi de bar. Múddeli tulǵalardyń barlyǵy erikti negizde kómektesedi.

«Qashan bolsa da, polıtseıler erikti kómekshilerdiń kómegine júgingen. Olar ózderiniń bos ýaqyttarynda qoǵamdyq tártipti kúzetýge shyǵady. Buryn olardy halyq jasaqtary dep atasa, búginde qoǵamdyq kómekshiler. Qazirgi kezde belsendi azamattyq pozıtsııany ustanatyn kóptegen adamdar ýchaskelik polıtsııa ınspektorlaryna quqyq buzýshylyqtar týraly habarlaıdy, birge patrýldeýge qatysady, sondaı-aq, aldyn alý jumystaryn ótkizedi», - dedi Astana qalasynyń ІІD JPQ bastyǵynyń orynbasary Ǵosman Jakın.

2015 jyly qoǵamdyq kómekshilerdiń belsendi kómeginiń arqasynda 80 qylmys ashyldy, 4,5 myńnan astam ákimshilik quqyq buzýshylyq anyqtaldy. Ótken jyldyń qorytyndysy boıynsha Astana qalasynyń Іshki ister departamenti ákimdiktiń qoldaýymen jalpy somasy 13 mln. teńge kóleminde 978 azamatqa syıaqy tóledi jáne baǵaly syılyqtar tabystady.

Aıta keteıik, jergilikti polıtsııa qyzmeti belsendi azamattyq pozıtsııany nasıhattap, astanalyqtardy quqyq buzýshylyqtarǵa nemquraılylyq tanytpaýǵa, azamattarǵa belgili bolǵan faktiler týraly senim telefondary boıynsha nemese Astana qalasynyń ІІD men qala ákimdiginiń resmı saıttaryna habarlaýǵa shaqyrady.

  Teatrdyń jańashyldyǵy shyǵarmashylyq izdenisterge tikeleı baılanysty - Bolat Uzaqov

 Astanadaǵy Qalıbek Qýanyshbaev atyndaǵy Memlekettik akademııalyq qazaq mýzykalyq drama teatry 2015 jyldy tabysty qorytyndylady jáne jańa bastalǵan jylda da aýqymdy isterdi atqarýdy kózdep otyr. QazAqparat tilshisine bergen suhbatynda atalǵan teatrdyń rejısseri Bolat Uzaqov qol jetken tabystary jáne elge aıtar jańalyqtarymen bólisti.

- Bolat Qasymjanuly, teatr ómirinde qandaı ózgerister bar? Qandaı jańashyldyǵyn aıtar edińiz?

- Teatrdyń jańashyldyǵy shyǵarmashylyq izdenisterge tikeleı baılanysty. Ótken jyldan bastap óner ujymyna serpin berý úshin TMD elderine aty shyqqan rejısserler men teatr sýretshilerin shaqyrý isin qolǵa alǵanymyz oń nátıje berip otyr. Osy oraıda, 2015 jyly kúzde Ortalyq Azııa elderine tanymal Qyrǵyz Respýblıkasynyń teatr sýretshisi ıÝldash Nurmatovty shaqyrǵan edik. Ol Muhtar Áýezovtiń «Qarash-qarash oqıǵasy» boıynsha ázirlengen qoıylymdy kórermenge usynǵanda, sahna sýretshisi boldy. Ol sahnany bezendirdi, ártister kıimderiniń dızaınyn jasady. Qashanda sýretshi myqty bolsa, spektakldiń kórkemdik deńgeıin 30-40, tipti 50 paıyzǵa deıin kótere alady. Qyrǵyz sýretshisiniń atalǵan qoıylymǵa qosqan úlesi anyq baıqaldy. Bári rıza boldy. Kórermender joǵary baǵalady. Eń bastysy, jańa qoltańbanyń bar ekeni anyq kórinip tur.

Sonymen qatar Aırat Abýshahmanov esimdi Bashqurtstannyń jas rejısseri bar, ol - Bashqurtstan Respýblıkasynyń eńbek sińirgen qaıratkeri, Majıt Gafýrı atyndaǵy Bashqurt Memlekettik akademııalyq drama teatrynyń rejısseri. Halyqaralyq teatr baıqaýlarynda aty shyqqan, teatr synshylarynyń aýzyna iligip júrgen daryn ıesi desek, qate bolmas. Máskeýge baryp, spektaklin qoıǵan. Sol rejısserdi de shaqyrǵan edik.Aırat Abýshahmanov qazir «JUT» dramasyn sahnaǵa daıyndap jatyr. Qoıylymnyń avtory - Máskeýde turatyn qazaq jigiti,dramatýrg Oljas Janaıdarov. Dramada 1930 jyldary qazaq halqynyń basyna túsken asharshylyq náýbeti sýretteledi. Sol kezeń men qazirgi zaman arasyn parallel alyp otyrady. Oqıǵa Máskeýde ótip jatady. 1932 jylǵy ashtyqty kórgen adamnyń nemeresi qazir jýrnalıst bolǵan. Qysqasy, aıtatyn oıy bar týyndy. Utymdy dúnıe shyǵady dep kútip otyrmyz.Qańtar aıynyń 27-28 kúnderi «JUT» dramasynyń premerasy ótkizilmek.

- Ótken jyldy qalaı qorytyndyladyńyzdar?- 2015 jyly jeltoqsan aıynda Máskeýde ótken «Zolotoı Vıtıaz» atty halyqaralyq teatr festıvaline qatysqan Q. Qýanyshbaev atyndaǵy Memlekettik akademııalyq qazaq mýzykalyq drama teatrynyń shyǵarmashylyq ujymy «Altyn Vıtıazǵa» ıe bolyp, bas júldeni alyp keldi. Talǵat Temenovtiń «Tyraýlap ushqan tyrnalar» qoıylymyn alyp barǵan bolatyn. Shyǵarmashylyq ujymda da jetistikter bolyp jatyr. Jyl qorytyndysynda ártisimiz Qýandyq Qystyqbaev Qazaqstan Respýblıkasynyń eńbek sińirgen qaıratkeri ataǵyn aldy. Sondaı-aq bir ártisimiz «Qurmet» ordenimen marapattalsa, eki óner ıesi jastar syılyǵyna ıe boldy. Ótken jyly jazda qala ákimdigi ártisterimizge úsh páter bergen edi, jyldyń sońynda taǵy da úsh páter berilip otyr. Jýyrda Astana qalasy ákiminiń orynbasary Ermek Amanshaev arnaıy kelip, teatr ujymymen kezdesti. Onda shyǵarmashylyq jáne áleýmettik máseleler kóterildi. Ujymda jastar basym bolǵandyqtan, olardyń balalaryn balabaqshaǵa ornalastyrýda problemalar týyndap júrgeni jasyryn emes. Ákimniń orynbasarymen ótken kezdesýde osy másele de qozǵaldy.

- Meshin jyly júzege asyrǵylaryńyz kelip otyrǵan qandaı josparlaryńyz bar?

- Bıyl - el Táýelsizdiginiń 25 jyldyǵy. Bizdiń teatrymyzǵa da 25 jyl tolady. Osy mereıli dataǵa arnap, jazda elimizdiń oblystarynan, shetelden teatr ujymdaryn shaqyryp, bir teatr festıvalin ótkizý oıymyzda bar. Bul bastamamyzdy qala ákimdigi de qoldaıdy dep senemiz.

Bul teatrdyń áý basta shańyraǵyn kótergen Jaqyp Omarov aǵamyz kóp eńbek sińirip, óner ujymyn jolǵa salyp ketkeni belgili. Sodan keıin Qadyr Jetpisbaev degen rejısser aǵamyz da osy teatrdy basqarǵan. Uly rejısser, halyq ártisi, Halyq Qaharmany Ázirbaıjan Mádıuly Mámbetovtiń osy ujymǵa on jyldaı basshylyq jasap, joǵary deńgeıge kóterip ketkenin jaqsy bilesizder. Osy azamattardyń esimderin atap, atalǵan festıvalda júlde taǵaıyndaý týraly oıymyz da bar. Sondaı-aq ómirden ótip ketken ártister de bar. Arasynda jastaı qaıtys bolǵandary da kezdesedi. Olardy da eske alyp, qurmet kórsetý sharalaryn júzege asyrǵymyz keledi.

- Іsterińizge sáttilik tileımiz.

70 memleket resmı túrde «EKSPO-2017» kórmesine qatysatyndyǵyn rastady

 Búgin QR Syrtqy ister mınıstrliginde  mınıstrdiń birinshi orynbasary, «EKSPO-2017» kórmesiniń Komıssary Rápil Joshybaev Latvııa Respýblıkasynyń Qazaqstandaǵy Tótenshe jáne Ókiletti Elshisi ıÝrııs Pogrebnıaks myrzamen kezdesti. Onda Elshi Latvııa úkimetiniń «EKSPO-2017» kórmesine resmı túrde qatysatyndyǵyn rastaıtyn notany tabys etti.

Júzdesý barysynda taraptar «jasyl energetıka» salasyndaǵy yntymaqtastyqtyń keleshegi jóninde pikir almasyp, Astanada ótetin kórmege Latvııanyń qatysý máselelerin talqylady. Osyǵan oraı, Rápil Joshybaev Qazaqstannyń kórmege daıyndyq sheńberindegi atqarylyp jatqan jumystary týraly baıandady. Sonymen qatar, komıssar latvııalyq taraptyń «EKSPO-2017» kórmesine qatysýy eki el arasyndaǵy yntymaqtastyqtyń kúsheıýine tyń serpin beretinin atap ótti.

ıÝ. Pogrebnıakstyń aıtýynsha, Latvııa Halyqaralyq kórme bıýrosyna múshe emes  elderdiń qatarynda birneshe ret EKSPO kórmesiniń qatysýshysy bolǵan. Elshiniń sózine qaraǵanda, «EKSPO-2017» kórmesine qatysatyndyǵyn rastaý arqyly Latvııa Qazaqstanǵa degen joǵary qyzyǵýshylyǵyn jáne erekshe dostyq qatynastaryn kórsetip otyr.

Aıta keterligi, Latvııa 2020 jylǵa deıin álemdegi meılinshe «jasyl» memleket atanýǵa umtylys jasap otyrǵan elderdiń biri. Osyǵan oraı, Elshi Qazaqstanmen «jasyl energetıka» salasynda odan ári yntymaqtasýǵa daıyn ekendigin atap ótti.

«Latvııa - QR Prezıdenti Nursultan Nazarbaevtyń «Jasyl kópir» baǵdarlamasyn daıarlaý bastamasyn qoldaǵan alǵashqy memleketterdiń biri. Latvııanyń jańartylatyn energııa kózderi boıynsha tutyný úles kórsetkishi 37,1 paıyzdy qurap, Eýropa Odaǵy sheńberinde Shvetsııadan (52,1) keıingi eń joǵary nátıjege qol jetkizdi», - delingen baspasóz baıanynda.

Eske sala keteıik, Latvııa «EKSPO-2017» kórmesine qatysatyndyǵyn resmı túrde rastaǵan 70-shi memleket bolyp tabylady.

Á.Isekeshev pen Á.Jaqsybekov elordanyń ınnovatsııalyq kásiporyndarynda boldy

 Búgin Qazaqstan Respýblıkasynyń Investıtsııalar jáne damý mınıstri Áset Isekeshev pen Astana qalasynyń ákimi Ádilbek Jaqsybekov elorda  kásiporyndarynyń jumys barysymen tanysty, dep habarlady elorda ákiminiń baspasóz qyzmeti.

Olar gazdalǵan alkogolsyz sýsyndar shyǵaratyn «Koka-Kola Almaty Bottlers» JShS, «KSS-Astana» JShS-niń shyny óńdeıtin zaýyty, «ıÝtarııa ltd» Óndiristik Innovatsııalyq Kompanııa» JShS-ǵa qarasty «KazTexExpo» avtomattandyrylǵan saýda-óndiristik kesheni, elektrondyq-optıkalyq quraldar shyǵaratyn «Qazaqstan ASELSAN Injınırıng» JShS men metall konstrýktsııalar men «sendvıch»-panelder shyǵaratyn «SPEN qorshaý konstrýktsııalary zaýyty» JShS zaýyttarynda bolyp, ındýstrııalyq-ınnovatsııalyq damý memlekettik baǵdarlamasynyń aıasynda júzege asyrylyp jatqan jobalarmen tanysty.

Qalyptasqan ekonomıkalyq jaǵdaıdyń turaqsyzdyǵyna qaramastan kásiporyndardyń barlyǵy jumystaryn jalǵastyryp qana qoımaı, qazirgi zamanǵy tehnologııalardy jáne jańa jobalardy júzege asyryp, turǵyndardy jumys oryndarymen, al bıýdjetti turaqty salyq túsimderimen qamtamasyz etip, óz óndiristerin jáne ótkizý naryǵyn ulǵaıtýdy josparlaýda.

«Kásipkerlik qyzmetti qoldaý, shaǵyn jáne orta kásipkerlikti damytý, qolaıly ınvestıtsııalyq klımat úshin jaǵdaı jasaý bizdiń jumysymyzdyń basty baǵyttarynyń biri bolyp tabylady»,- dedi Á. Jaqsybekov. Qala basshysy Elbasynyń jeke aralasýymen ShOB pen ınvestorlardy memlekettik qoldaý sharalary jyl saıyn artyp otyrǵanyn atap ótti. Buǵan Astana naqty mysal bola alady.

Jalpy búginde «Astana - jańa qala» arnaıy ekonomıkalyq aımaǵynyń №1 ındýstrıaldy parkinde jalpy kólemi 187,5 mlrd. teńgeni quraıtyn 62 ınvestıtsııalyq joba júzege asyrylýda. №1 ındýstrıaldy parkinde ıgerilgen ınvestıtsııalardyń kólemi ótken jyly 36,5 mlrd. teńgeni qurasa, 162,1 mlrd. teńgeniń ónimi shyǵarylǵan. Indýstrıaldy parkti damytý aıasynda 2015 jyly jalpy quny 33,5 mlrd. teńgeni quraıtyn 16 ınvestıtsııalyq joba qolǵa alyndy. Olar jobalyq qýatqa shyqqan kezde 1800 jumys orny qurylady dep josparlanýda. Aıta ketý kerek, Indýstrıaldy park aýmaǵynda 2013 jyldan beri 2853 jańa jumys orny ashylǵan.

Indýstrıaldy park janynda ornalasqan «Koka-Kola Almaty Bottlers» JShS zaýyty 2015 jylǵy maýsymda paıdalanýǵa berilgen. Investorlardyń aıtýynsha, búginde óndiristiń jyldyq kólemi jylyna 100 mln. lıtrdi quraıdy, al 2020 jyly ony tórt esege ulǵaıtý josparlanǵan. Zaýyt ónimderi Qaraǵandy, Shyǵys Qazaqstan, Pavlodar, Aqmola, Soltústik Qazaqstan, Qostanaı jáne Aqtóbe oblystarynan basqa Qyrǵyzstan men Tájikstannyń naryǵyna da eksporttalady.

 «Qazaqstan ASELSAN Injınırıng» JShS  teplovızor, optıkalyq júıeler sııaqty ınnovatsııalyq ónimder shyǵarady. Osy sııaqty joǵary tehnologııalyq ónimder álemniń damyǵan birneshe memleketinde ǵana shyǵarylady. Joba Qazaqstannyń qarýly kúshterin jáne basqa da vedomstvolaryn qajetti optronıkamen qamtamasyz etý, sonymen qatar, ónimderge tehnıkalyq jáne servıstik qyzmet kórsetýmen aınalysady. Kásiporynda 129 jumys orny ashylǵan. Elektrondyq-optıkalyq quraldar, túnde kóretin qurylǵylar, teplovızorlar shyǵaratyn zaýyttyń maqsatty naryǵy Qazaqstan, TMD, Túrkııa, Úndistan, Qytaı jáne t.b. memleketter bolyp tabylady.

Sonymen qatar, №1 Indýstrıaldy park aýmaǵynda shynyny ónerkásiptik óńdeý zaýyty ornalasqan. Energııa únemdeý jáne tehnıkalyq reglamentterdi saqtaý jónindegi úkimettik baǵdarlamany qoldaý úshin salynǵan zaýytta álemdik Lisek (Avstrııa), BiesseS.p.A (Italııa), Bistronic (Germanııa), Glaston (Fınlıandııa) óndirýshileriniń zamanaýı avtomattandyrylǵan qondyrǵylarymen jabdyqtalǵan shynyny qaıta óńdeıtin qaýipsiz qurylys materıaldary qoldanylady. Zaýyt óndirisiniń múmkindikteri Qazaqstannyń qurylys naryǵyn energııa únemdeıtin qaýipsiz shyny ónimmen qamtamasyz etýge, qurylysta jańa arhıtektýralyq sheshimderdi paıdalanýǵa múmkindik beredi. Kásiporyn qasbettik jáne bezendirilgen shyny paketter, ıntererlik, brondalǵan jáne elektrmen qyzdyrylatyn shynylar shyǵarady. Qazirgi kezde zaýyt ónimi Astananyń qurylys alańdarynda paıdalanylady. Búgingi tańda jalpy quny 623,8 mln. teńgeniń 70,4 myń sharshy m. shyny ónimi ótkizildi. Qazirgi kezde zaýytta «Jumyspen qamtý jol kartasy - 2020» baǵdarlamasy boıynsha oqytylǵan 78 maman jumyspen qamtyldy.

«KazTexExpo» avtomattandyrylǵan saýda-óndiristik kesheni  «PIK «ıÝtarııa ltd» JShS jaqynda (jeltoqsan 2015j.) paıdalanýǵa engizgen kásiporyn. Keshen «Bıznestiń jol kartasy - 2020» baǵdarlamasy boıynsha júzege asyrylýda jáne ol elimizdiń «Indýstrıalandyrý kartasy» memlekettik baǵdarlamasyna endi, bul rette «Damý» kásipkerlikti damytý qory tarapynan kepil berý jáne paıyzdyq mólsherlemeni sýbsıdııalaý mehanızmderi qoldanyldy. Kásiporyn jeńil ónerkásip salasynan ónerkásiptik mashına jasaý salasyna aýysyp, QR jáne TMD kásiporyndary úshin tigin jáne arnaıy jabdyqtar áleminde belgili «ZOJE» brendiniń avtomattandyrylǵan qondyrǵylaryn qurastyrýǵa jáne jetkizýge baǵyttalǵan. Jańa óndiris negizinen áıelder úshin 350 astam jańa jumys ornyn ashýǵa múmkindik beredi. Sondaı-aq, fabrıka halyqqa arnalǵan tigin jáne trıkotaj assortımentindegi taýarlar men EHRO-2017 dúnıejúzilik kórmesin ótkizýge baǵyttalǵan ónimder shyǵaratyn bolady.

Metall konstrýktsııalar men «sendvıch»-panelder shyǵaratyn «SPEN qorshaý konstrýktsııalary zaýyty» kásiporyny ótken jyldyń sońynda paıdalanýǵa berilgen, qazirgi kezde 816 mln. teńgeniń ónimin shyǵardy. «MDI» (Avstralııa) fırmasynyń «sendvıch»-panelder óndirisi jolǵa qoıylyp, jobalyq qýattylyqqa shyqqan soń jylyna 900 myń m2 «sendvıch»-panel (qabyrǵaǵa, tóbege arnalǵan) shyǵarylatyn bolady. Ázirge, óndiriste 20 adam jumys isteıdi, biraq qosymsha jumys oryndaryn ashý kózdelgen.

Baǵdarlama boıynsha sońǵy pýnkt «Ýnıvermag.kz» «Qazaqstanda jasalǵan» otandyq ónimder satý ortalyǵy boldy. Dúken ótken jyldyń sońynda ashyldy. Bir aıdyń ishinde taýar aınalymynyń kólemi 6 mln. teńgeden asty, munda qazaqstandyq 35 taýar óndirýshiniń ónimderi usynylǵan. Kásipkerler elorda turǵyndary tarapynan otandyq ónimderge turaqty qyzyǵýshylyq bar ekenin atap ótti, sondaı-aq, kásipkerler osy sııaqty dúkenderdi elimizdiń ózge aımaqtarynda da ashýǵa nıetti.        

Astananyń 400-den astam qurylys salýshylary nysandardy qabyldaýdyń jańa tártibin talqylady

 Búgin qalalyq ákimdikte obektilerdi paıdalanýǵa qabyldaýdyń jańa tártibin talqylaý jáne túsindirý boıynsha keńes ótti. Keńeske QR Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti tóraǵasynyń orynbasary Jasulan Súıinshalıev, sondaı-aq, Astana qalasy ákiminiń birinshi orynbasary Sergeı Horoshýn qatysty.

Jańa erejelerdi talqylaýǵa qalanyń 420 qurylysshy kompanııasy qatysty, dep habarlady  astana.kz.

Obektilerdi qabyldaý erejelerine engizilgen ózgeristerge sáıkes, 2016 jylǵy 1 qańtardan bastap qabyldaý, jumys jáne memlekettik qabyldaý komıssııasy sııaqty túsinikter alynyp tastaldy, al obektini paıdalanýǵa qabyldaý protsesine obektiniń qurylysyna tikeleı qatysqan tulǵalar ǵana, atap aıtqanda, tapsyrys berýshi, merdiger, tehnıkalyq jáne avtorlyq qadaǵalaý qabyldaýshy tarap bolyp qatysady.

Bul rette salynǵan obektini qabyldaý aktisi kelesi sharttardy saqtaı otyryp, tapsyrys berýshimen bekitiledi:

- qurylys aıaqtalǵan soń merdiger tapsyrys berýshige obektini paıdalanýǵa qabyldaýǵa daıyn ekendigi týraly deklaratsııa;

- tehnıkalyq qadaǵalaý qurylys-montajdaý jumystarynyń sapasy týraly qorytyndy;

- avtorlyq qadaǵalaý oryndalǵan jumystardyń bekitilgen jobaǵa sáıkestigi týraly qorytyndy usynady.

Obektini buzýshylyqtarmen jáne qurylysynda kemshilikter bola tura, paıdalanýǵa qabyldaǵan jaǵdaıda, obektini paıdalanýǵa qabyldaýǵa qatysýshylarǵa Qazaqstan Respýblıkasynyń zańdarymen belgilengen ákimshilik jáne qylmystyq jaýapkershilik júkteledi.

Demek, 2016 jylǵy 1 qańtardan bastap memlekettik organdar, sonyń ishinde sáýlet jáne qala qurylysy basqarmasy, memlekettik sáýlet-qúrylys baqylaý, órtke qarsy qyzmetter, sanıtarlyq-epıdemıologııalyq qyzmetter jáne basqa da múddeli qyzmetter salynǵan obektilerdi paıdalanýǵa qabyldaý protsesine tikeleı qatyspaıdy.

Memlekettik sáýlet-qurylys baqylaý tehnıkalyq qadaǵalaýdy júzege asyratyn tulǵalardyń qyzmetin baqylaý arqyly, sondaı-aq, taraptardyń qurylys barysyndaǵy buzýshylyqtar týraly ótinishteri boıynsha iske asyrylady.

1. Budan basqa, ınjenerlik jáne kommýnaldyq qamsyzdandyrý boıynsha qyzmetterdi jetkizýshiniń obektini paıdalanýǵa qabyldamas buryn sáıkestik týraly deklaratsııaǵa qol qoıatynyn atap ótkenimiz jón.

2. Sondaı-aq, Zańnyń 73-babynda obektini ádilet organdaryna tirkeý úshin Astana qalasynyń Sáýlet jáne qala qurylysy basqarmasynda tirkelgen bekitilgen qabyldaý aktisi negiz bolyp tabylatyny qarastyrylǵan.

Keńes qorytyndysy boıynsha, Astana qalasynyń Sáýlet jáne qala qurylysy basqarmasyna kezekshi jospar aıasynda habarlasqan ýaqyt jaǵdaıynda obektini qabyldaý aktisin tirkep, tekserý júrgizý usynyldy. Sáıkessizdikter anyqtalǵan jaǵdaıda, quzyretti organdarǵa tıisti hattar joldanady.  

 

 Astana qalasy QHA ǵylymı qoǵamdastyǵy aldaǵy saılaýdy ótkizýdi qoldaıdy

2016 jylǵy 22 qańtarda Astana qalasy Qazaqstan halqy Assambleıasynyń ǵylymı-saraptamalyq toby Qazaqstan Respýblıkasynyń Parlamenti Májilisiniń saılaýyn qoldaý boıynsha otyrys ótkizdi.

Otyrysqa Astana qalasy Qazaqstan halqy Assambleıasynyń ǵylymı-saraptamalyq tobynyń (odan ári - Astana q. QHA ǴST ), elordalyq etnomádenı birlestikterdiń ókilderi, qoǵam qaıratkerleri men BAQ qatysty.

Sharanyń maqsaty - QR Parlamenti Májilisi depýtattarynyń kezekten tys saılaýyn ótkizý boıynsha bastamany qoldaý úshin Astana qalasy Qazaqstan halqy Assambleıasynyń ǵylymı-saraptamalyq toby músheleriniń biryńǵaı pozıtsııasyn qurý.

Otyrysqa qatysýshylar «100 naqty qadam» Ult josparyn iske asyrýǵa qatysty birqatar máselelerdi jáne QR Parlamenti Májilisi depýtattarynyń kezekten tys saılaýyn ótkizý qajettiligin talqylady, dep habarlaıdy astana.kz.

Astana q. QHA ǴST tóraǵasy Vıdadı Salahov zań shyǵarýshy bıliktiń jáne Qazaqstan halqy Assambleıasynyń tyǵyz ózara áreket etýiniń mańyzdy ekendigin aıtty.

«Zań shyǵarýshy bılik - memlekettiń daǵdarysqa qarsy strategııasyn júzege asyrýdyń basty elementi, memlekettiń odan ári turaqty damýynyń fýndamenti. Búginde zań shyǵarýshy bılik pen Qazaqstan halqy Assambleıasynyń arasyndaǵy eki jaqty yntymaqtastyqty jalpyulttyq birlikti nyǵaıtýdyń negizi retinde damytý asa mańyzdy bolyp otyr», - dep atap ótti V. Salahov.

Elordalyq «Vaınah» sheshen-ıngýsh etnomádenı ortalyǵy» qoǵamdyq birlestiginiń tóraǵasy, Astana q. QHA ǴST múshesi Salman Geroev QR Parlamenti Májilisi depýtattarynyń kezekten tys saılaýy - Memleket basshysynyń daǵdarysqa qarsy saıasatyn tabysty iske asyrýdyń kepili ekendigin jetkizdi. «Saılaýdy ótkizýdi qazirgi zamanǵy áleýmettik-ekonomıkalyq jaǵdaılar talap etýde».

Otyrysqa qatysýshylar Qazaqstan Respýblıkasynyń Parlamentine jańa tulǵalar, zamanaýı jáne belsendi halyq ókilderi qajet degen ortaq pikirge keldi, óıtkeni tıimdi Parlament - álemniń damyǵan 30 eliniń qataryna enýdiń mańyzdy faktorlardyń biri jáne «100 naqty qadam» Ult josparyn júzege asyrýdyń negizi.

 

 Eriktiler Astana muz aıdynynda EKSPO men Qazaqstan Táýelsizdiginiń 25 jyldyǵyna oraı flesh-mob uıymdastyrdy

 Búgin elordadaǵy Aqbulaq arnasynda ornalasqan muz aıdynynda Qazaqstan Táýelsizdiginiń  25 jyldyǵyna, sonymen qatar «EKSPO-2017» halyqaralyq mamandandyrylǵan kórmesine daıyndyq aıasynda «EKSPO-2017 eriktiler saǵaty» atty flesh-mob ótti.

Sharany «Jas Otan» jastar qanaty, «Astana EKSPO-2017» UK» AQ jáne Qazaqstannyń eriktiler alıansy uıymdastyrdy. Bul sharany uıymdastyrýdaǵy basty maqsaty  jastar arasynda «EKSPO-20170» halyqaralyq kórmesiniń tanymaldyǵyn arttyrý, Qazaqstan Táýelsizdiginiń 25 jyldyǵyn atap ótýge jastardy keńinen tartý.

Aktsııa aıasynda shańǵy tebý, konkımen, shanamen syrǵanaý syndy qysqy sport túrlerinen saıys ótkizildi. Básekede baǵy janyp, alǵashqy orynnan kóringen jastarǵa baǵaly syılyqtar tabys etildi.

Aıta keterligi, bul aktsııaǵa «Jas Otan» jastar qanaty jastar uıymynyń, Qazaqstannyń eriktiler alıansynyń músheleri, «Jasyl el» respýblıkalyq shtabynyń músheleri, oqýshylar men jumys isteıtin jastar qatysty.    

Astana polıtsııasy esirtkige qarsy aktsııaǵa kıno, sport jáne densaýlyq saqtaý salasynyń ókilderin jumyldyrdy

 Elordadaǵy S.Seıfýllın atyndaǵy Qazaq agrotehnıkalyq ýnıversıtetinde stýdentter arasynda esirtkige qarsy aktsııa uıymdastyryldy, dep habarlady Astana qalalyq ІІD baspasóz qyzmetinen.

Sıntetıkalyq esirtkiniń jańa túrleriniń qaýpin jastardyń sanasyna sińirý maqsatynda elordanyń ishki ister departamenti uıymdastyrǵan aktsııaǵa atalǵan ýnıversıtettiń 600-ge jýyq stýdenti qatysty. Aktsııanyń ashylý rásiminde sóz sóılegen Astana qalalyq ІІD Esirtki bıznesimen kúres basqarmasynyń bastyǵy, poltsııa polkovnıgi Qaırat Nurymov sıntetnıkalyq esirtkiniń adam aǵzasyna tıgizer zııany jaıynda keńinen maǵlumat berdi.Óz kezeginde «Barys» hokkeı klýbynyń vıtse-prezıdenti Arman Nurymbetov jastardy salamatty ómir saltyn ustanýǵa shaqyrdy. Al «Aldar kóse», «Qara shańyraq» serıaldarynda, «Jan júregim - Astana», «Jaý júrek myń bala» fılmderinde Elbasy N.Nazarbaev jaıyndaǵy kınoepopııada basty rólderdi somdaǵan akter Dáýren Serǵazın óziniń akterlik mansab jolyndaǵy jetistikterimen bólisip, jastardy alǵa qoıǵan maqsattarǵa tabandylyqpen jetýge shaqyrdy. Densaýlyq saqtaý salasynyń qyzmetkerleri sıntetıkalyq esirtkiniń zıyny jaıynda aıtyp berdi. Aıta keterligi, memleket tarabynan qolǵa alynǵan osyndaı sharalardyń nátıjesinde esirtki qoldanatyn el turǵyndarynyń sany sońǵy 5 jylda 37,6 paıyzǵa ( 49 795-ten 31 049 adamǵa), tómendedi.

Elordada «Qamqorlyq» respýblıkalyq aktsııasy ótýde

 Elordada «Qamqorlyq» respýblıkalyq aktsııasy ótýde. Sharany QR BǴM Balalar quqyǵyn qorǵaý komıtetiniń qoldaýymen Astana qalalyq Bilim basqarmasy uıymdastyryp otyr.

Qalalyq bilim basqarmasy taratqan aqparatqa qaraǵanda, aqpannyń 10-yna deıin jalǵasatyn bul sharanyń maqsaty - turmysy tómen jáne kóp balaly otbasylardan shyqqan balalarǵa, jetim, ata-anasynyń qamqorlyǵynsyz qalǵan balalarǵa, sondaı-aq, áleýmettik qoldaýdy qajet etetin balalardyń basqa sanattaryna áleýmettik kómek kórsetý.

Aktsııanyń basymdy mindetteriniń biri - oqýshylardyń sabaqqa barmaýynyń sebebin anyqtaý, materıaldyq jaǵdaıy tómen otbasylardan shyqqan balalardyń ómir súrý sapasyn jaqsartýǵa yqpal etetin is-sharalardy qoldaný, qoǵamdy az qamsyzdandyrylǵan jáne turmysy tómen otbasylarǵa materıaldyq kómmek kórsetýge baǵyttalǵan qaıyrymdylyq qyzmetti júzege asyrýǵa tartý.

Aktsııa aıasynda kelesideı is-sharalar ótkiziledi: turmysy tómen otbasylardy, qaraýsyz jáne baqylaýsyz júrgen balalardy anyqtaý maqsatynda reıdtik is-sharalardy uıymdastyrý jáne ótkizý; mektep jasyndaǵy balalardyń sebepsiz mektepke barmaý jaǵdaılaryn anyqtaý úshin bilim berý uıymdarynyń ókilderi, medıtsına qyzmetkerleri, ata-analar, ishki ister organdary, PIK ókilderi engen jumys tobynyń qyzmetin belsendirý; halyqtyń áleýmettik osal toptaryna jatatyn balalarǵa materıaldyq kómek kórsetý boıynsha is-sharalar, sonyń ishinde jalpyǵa mindetti oqý qorynan; memlekettik organdardyń, bıznes qurylymdardyń ókilderinen, metsenattar jáne demeýshilerden turmysy tómen otbasylarǵa qamqorshylardy bekitý.

Mektepterde aktsııa boıynsha synyp saǵattary, dóńgelek ústelder, qaıyrymdylyq kontsertteri, jármeńkeler uıymdastyrylady.

Muqtajdarǵa barlyq tilek bildirýshiler kómek kórsete alady jáne tıisti aqparatty +7 (7172) 55-68-74, 55-72-49 telefondaryna habarlasý arqyly alady. Osy aktsııa týraly málimetter qala kóshelerinde de ornalastyrylady.

Aktsııa qorytyndysy 2016 jylǵy 18 aqpanda shyǵarylady.

 Elordada «Qazaqstan Respýblıkasy: tarıhı damý tájirıbesi jáne taǵylymy» atty forým ótedi

 Astana qalasynyń Bilim basqarmasy 28 qańtarda QazGZÝ gýmanıtarlyq zań kolledjiniń bazasynda QR Táýelsizdiginiń 25 jyldyǵyna arnalǵan «Qazaqstan Respýblıkasy: tarıhı damý tájirıbesi jáne taǵylymy» atty forým uıymdastyrady. Shara elordanyń kásiptik tehnıkalyq bilim berý mekemeleriniń tarıh, áleýmettik-ekonomıkalyq, qoǵamdyq jáne quqyqtyq pánder oqytýshylary arasynda ótkiziledi, dep habarlady qalalyq bilim basqarmasynan. 

Forýmnyń maqsaty - Qazaqstan Respýblıkasy táýelsizdiginiń qalyptasý, damý kezeńderin joǵarǵy oqý oryndarynyń, kolledj ben mektep oqytýshylary arasynda ǵylymı-zertteý áleýetin tereńdete otyryp taratý, bilim berý uıymdarynyń tarıh, áleýmettik-ekonomıkalyq, qoǵamdyq jáne quqyqtyq pánder oqytýshylarynyń bilim berý tásili salasyndaǵy tájirıbe almasý.Alqaly jıynǵa QR Bilim jáne ǵylym mınıstrligi janyndaǵy Memleket tarıhy ınstıtýtynyń ǵylymı qyzmetkerleri, QR Tuńǵysh Prezıdenti jáne Ulttyq murajaılarynyń qyzmetkerleri, Qazaqstan halqy Assambleıasynyń ókilderi, Ulttyq kitaphananyń, «Qazaqstan kartasy «Atameken» etnomemorıaldyq kesheniniń qyzmetkerleri qatysqaly otyr.Forýmda qazirgi qazaqstandyq qoǵamnyń jetistikteri men bolashaqtaǵy damý joly, Táýelsiz Qazaqstannyń quqyqtyq negizderi, Ult kóshbasshysynyń Qazaqstan táýelsizdiginiń qalyptasýy men nyǵaıýy jolyndaǵy tarıhı róli, Qazaqstan halqy Assambleıasy jáne qazaqstandyq birlik, toleranttylyq modelin qalyptastyrý úlgisi, qazirgi qoǵamdaǵy bilim berý uıymdarynda tarıh, áleýmettik-ekonomıkalyq, qoǵamdyq jáne quqyqtyq pánderdi oqytý erekshelikteri men ınnovatsııalyq tásilderi jáne t.b. máseleler talqylanady.Forým jumysynyń qorytyndysy retinde: usynys daıyndaý jáne «Qazaqstan Respýblıkasy: tarıhı damý tájirıbesi jáne taǵylymy» atty Astana qalasy kásiptik tehnıkalyq bilim berý mekemeleriniń tarıh, áleýmettik-ekonomıkalyq, qoǵamdyq jáne quqyqtyq pánder oqytýshylarynyń ǵylymı-tájirıbelikmaqalalar jınaǵyn jarııalaý, Qazaqstan Respýblıkasy táýelsizdiginiń 25 jyldyǵyna arnalǵan shyǵarmashylyq jumystardy marapattaý kózdelgen.

Astana ákimdiginde Ádep jónindegi ýákil tanystyryldy

 Búgin Astana ákimdiginiń apparat otyrysynda Ádep jónindegi ýákil tanystyryldy. Bul jańa qyzmetti qala ákiminiń keńesshisi Rahat Bekqadamov qosa atqaratyn boldy, dep habarlady qalalyq ákimdiktiń baspasóz qyzmetinen. 

Jańa laýazymdy qyzmetti taǵaıyndaý eń aldymen ákim apparaty jumysynyń tıimdiligin arttyrýǵa jáne memlekettik qyzmetshilerdiń qyzmettik ádep qaǵıdalaryn saqtalýyn qamtamasyz etýge baǵyttalǵan.Ádilbek Jaqsybekov buǵan deıingi apparat otyrystarynda ákimdiktiń barlyq qyzmetkerleri óz jumysynda memlekettik qyzmetshiniń jańa Ádep kodeksin basshylyqqa alýy tıis ekendigin atap ótken bolatyn. Endi osy normalar saqtalmaǵan jaǵdaıda kez kelgen azamat Ádep jónindegi ýákilge júgine alady. Zańǵa sáıkes, R. Bekqadamov azamattardy qabyldaýdy óz betinshe júrgizetin bolady. Sonymen qatar, jańa ınstıtýtty engizý Memlekettik qyzmet isteri jónindegi departamentpen jáne Sybaılas jemqorlyqqa qarsy is-qımyl Ulttyq bıýrosy departamentimen ózara áreket etýdiń tıimdiligin arttyrýǵa múmkindik beredi.Búgin sondaı-aq, Astana qalasy boıynsha Tekserý komıssııasynyń tóraǵasy Ǵ. Moldash 2015 jylǵy atqarylǵan jumys qorytyndylary týraly baıandady. Baıandama sońynda qala ákimi óz orynbasarlaryna jetekshilik etetin salalary boıynsha birqatar tapsyrmalar berdi.Bul rette qalany abattandyrý jáne ómir-tirshiligin qamtamasyz etý, qaýipsizdik pen qoǵamdyq tártipti saqtaý kún tártibindegi basty máseleler bolyp qala beredi. Astana ákimi halyqpen keri baılanys ornatýǵa erekshe nazar aýdaryp, bul jaǵdaı udaıy jetildirilip otyrýy tıis ekenin eskertti. Ótken aptada «Esil» jáne «Almaty» aýdandary ákimderiniń halyq aldynda esep berý kezdesýleri ótti.Osy aptada «Saryarqa» aýdanynda esep berý kezdesýleri ótedi. Aýdandyq ákimdikter men qalalyq basqarmalar kezdesýlerde kóterilgen máselelerdiń barlyǵyn mindetti túrde ózderiniń kúndelikti jumystarynda eskeretin bolady.

Pavel Kýlagınniń esep berýinde «Kóktal» turǵyn alabyn gazdandyrý máselesi kóterildi - Astana

 Elordada halyqpen esep berý kezdesýlerin Saryarqa aýdanynyń ákimi Pavel Kýlagın jalǵastyrady. Búgin «Kóktal» turǵyn alabynyń turǵyndarymen kezdesý «Naz» bı teatrynda ótti, dep habarlady qalalyq ákimdiktiń baspasóz qyzmetinen.  

Esep berý sharasyn Astana qalasy ákiminiń orynbasary Ermek Amanshaev ashty, kezdesýge basqarmalardyń basshylary, kommýnaldyq kásiporyndardyń ókilderi men depýtattar qatysty.- Esep berý kezdesýleri jyl saıyn ótkiziledi, bul qala turǵyndaryna jergilikti atqarýshy organnyń qyzmeti, elimizde júrgizilip jatqan reformalar týraly habardar bolýǵa, sondaı-aq ár adamǵa máselelerdi sol jerde sheshýge tikeleı qatysýǵa múmkindik beredi, - dedi Ermek Amanshaev.2015 jyly atqarylǵan jumystar qorytyndysyn shyǵarǵannan keıin «Saryarqa» aýdanynyń ákimi Pavel Kýlagın qala turǵyndarynyń saýaldaryn tyńdady. Elordalyqtar turǵyn alabyn abattandyrý, ǵımarattardyń syrt kelbeti, ekologııalyq jaǵdaı, aýdandy energııamen jabdyqtaý máselelerine toqtaldy. Budan basqa, turǵyn úı-kommýnaldyq sala, jolaýshylar tasymalyn uıymdastyrý, qurylys jáne turǵyn alabyn gazdandyrý máseleleri kóterildi.Aıta keteıik, ótken jyly esep berý kezdesýlerine 1410 adam qatysqan. Jalpy, áleýmettik sıpattaǵy, atap aıtqanda, qoǵamdyq kólik, jol salý jáne jóndeý, abattandyrý, kásipkerlik jáne t.b. máselelerge qatysty 101 ótinish pen usynys kelip túsken.Eske salaıyq, «Saryarqa» aýdanynyń ákimi Pavel Kýlagın turǵyndarmen taǵy da tórt kezdesý ótkizedi. Kelesi halyqpen esep berý kezdesýi erteń saǵat 11.00 «Óndiris» turǵyn alabynda ótedi.     

Astanada semınar barysynda oqytýshylar «Tazalaýshy» robotty qurastyrýdy úırendi

 Elordalyq mektepterde jumys daǵdysyn keńeıtý úshin túrli semınarlar men trenıngter ótkiziledi. Tıisti sharalar barysynda olar jańa bilim alady. Basym salalarǵa kompıýterlik tehnologııalar, sonyń ishinde robototehnıka jatady. Robototehnıka - óndiristiń mańyzdy tehnıkalyq negizi bolyp tabylatyn avtomattandyrylǵan tehnıkalyq júıeler qurastyrýmen aınalysatyn qoldanbaly ǵylym.

22-24 qańtar aralyǵynda №76 mektep-lıtseıde «Astana daryny» óńirlik ǵylymı-praktıkalyq ortalyǵynyń qatysýymen qalalyq mektep oqytýshylaryna arnalǵan «Qazirgi zamanǵy mekteptegi robototehnıka» atty semınar ótti. Semınarǵa elordalyq mektepterden 37 pedagog qatysty.

Semınardyń maqsaty - oqytýshylar men oqýshylardy robototehnıka salasyndaǵy zertteýlerge, tehnıkalyq aqparat pen bastapqy ınjenerlik bilimmen almasýǵa tartý, jańa ǵylymı-tehnıkalyq ıdeıalardy damytý.

Semınarǵa qatysýshylar robotoplatformanyń quramdas bólikterin basqarýǵa múmkindik beretin baǵdarlamalaýdyń jáne baǵdarlamalar jazýdyń negizgi túsinikterimen tanysty.  Robototehnıkalyq konstrýktordyń negizinde 3D-modeldeýdi de úırendi, 3D-qurastyrý men 3D-baspanyń negizgi túsinikteri tájirıbe júzinde túsindirildi. Semınar sońynda qatysýshylar pýltpen basqarylatyn joldaǵy kedergilerdi kórip, avtomatty túrde jaryqty qosatyn qarapaıym «Tazalaýshy» robotty qurastyrdy, dep jazady astana.kz.

 
Elordalyq gıd-ekskýrsııa júrgizýshiler «Recommended by EXPO-2017» baǵdarlamasyna qatysa alady

 Astanada gıd-ekskýrsııa júrgizýshilerdi «Recommended by EXPO-2017» seriktestik baǵdarlamasyna engizý jónindegi jumys tobynyń otyrysy ótti.

Elordalyq ekskýrsııa júrgizýshilerge qala áriptesi mártebesin berý baǵdarlamasynyń negizgi maqsaty shynaıy aqparatty usyný qyzmetiniń sapasyn arttyrý bolyp tabylady. Baǵdarlamany iske asyrý sheteldik qonaqtarǵa Astana men Qazaqstan týraly barlyq qajetti aqparatty halyqaralyq standarttar talaptaryna saı ekskýrsııa júrgizýshilerden alýǵa múmkindik beredi, dep habarlady astana.kz.

- Áriptestik mártebesi Astana qalasynyń kepili jáne gıdtiń barynsha sapaly qyzmet kórsetýiniń belgisi. Biz baǵdarlama aıasynda barlyq qoıylǵan talaptarǵa saı keletin gıd-ekskýrsııa júrgizýshilerdiń biryńǵaı tizilimin jasaımyz. Olar durys ári shynaıy aqparat usynatyn bolady, shet tilderin jaqsy meńgeredi jáne t.b., - dedi «Astana Konvensh Bıýro» ókili Aınur Janabilova.

Talqylaýdyń qorytyndysy boıynsha jumys tobyna qatysýshylar - «Recommended by EXPO-2017» baǵdarlamasyn uıymdastyrýshylar, týrızm salasynyń, elordanyń bilim jáne mádenıet mekemeleriniń ókilderi - gıd-ekskýrsııa júrgizýshilerdi baǵalaý boıynsha tıisti talaptar ázirledi. Bul usynystar «Recommended by EXPO-2017» baǵdarlamasynyń komıssııasynda qaralady. Gıd-ekskýrsııa júrgizýshiler baǵdarlamaǵa qatysýǵa ótinimdi jeke jáne uıymnyń atynan usyna alady. 

 
A.Esimov Elbasyna EHRO qurylysyn birneshe mlrd. teńgege ońtaılandyrý týraly jańa usynys engizedi

QR Prezıdentine EHRO qurylysyn birneshe mlrd. teńgege ońtaılandyrý týraly jańa usynys engiziledi. Bul týraly búgin Qoǵamdyq keńestiń otyrysynda «Astana EKSPO-2017» UK» AQ basqarmasynyń tóraǵasy Ahmetjan Esimov málim etti.

«Búgin men Prezıdentke baramyn. Taǵy da qurylysty ońtaılandyrý boıynsha usynys engizetin bolamyn. 78 mlrd. teńgege ońtaılandyrýdy buǵan deıin maquldaǵan bolatyn. Qazir birneshe mıllıardty quraıtyn jańa usynys jasamaqpyn. Eger qoldap jatsa, bul jaıynda sizder búgin estıtin bolasyzdar. Buǵan qosa, osyǵan deıin josparlanǵan barlyq qyzmetter tolyǵymen saqtalady», - dedi A.Esimov.  

 
Sońǵy 5 aıda otandyq kompanııalar «Astana EKSPO-2017» kompanııasynan 32,3 mlrd. teńgeniń tapsyrysyn aldy - A.Esimov

 Sońǵy 5 aıda otandyq kompanııalar «Astana EKSPO-2017» kompanııasynan 32,3 mlrd. teńgeniń tapsyrysyn aldy. Bul týraly búgin Qoǵamdyq keńestiń otyrysynda  «Astana EKSPO-2017» UK» AQ basqarmasynyń tóraǵasy Ahmetjan Esimov málim etti.

«EKSPO  nysandaryn salý isine bizdiń otandyq kásiporyndar men taýar óndirýshilerdń qatysqandyǵyn qalaımyz. Biz EKSPO  qıyn daǵdarys ýaqytynda otandyq bızneske qoldaý kórsetetin memlekettik jobalardyń biri dep sanaımyz. Іs júzinde EKSPO qurylysyna Qazaqstannyń barlyq óńirleri qatysýda», - dedi A.Esimov atalǵan kompanııa janynan qurylǵan qoǵamdyq keńestiń birinshi otyrysynda.

Onyń atap ótýinshe, «Astana EKSPO-2017» kompanııasy barlyq oblystarmen jáne Astana men Almaty qalalarymen arnaıy memorandýmdarǵa qol qoıǵan.

«Sońǵy 5 aıda EKSPO qurylysyna 243 otandyq kásiporyn tartyldy. Olar 32,3 mlrd. teńgeniń tapsyrystaryn aldy. Taǵy da 11 mlrd. teńgege qyzmetter kórsetiletin bolady. Árıne, bul - jańa jumys oryndary, jumys oryndaryn saqtaý. Bul jumystar odan ári de jalǵastyryla beretin bolady. Óıtkeni, Prezıdent tapsyrma júktedi. Importtyq taýarlarǵa qaraǵanda otandyq ónimder birshama arzan», - dedi ol.

«Astana EKSPO-2017» Qoǵamdyq keńesiniń tóraǵalyǵyna E.Sydyqov saılandy

 Búgin «Astana EKSPO-2017» UK» AQ janynan qurylǵan Qoǵamdyq keńestiń birinshi otyrysy barysynda onyń tóraǵasy qyzmetine L.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov saılandy.

«Qazir men eń aldymen qoǵamdyq keńestiń tóraǵasyn saılap alýdy usynamyn. Odan keıin sizderdiń taraptaryńyzdan saýal týyndaıtyn bolsa, men birden jaýap berýge daıynmyn», - degen «Astana EKSPO-2017» UK» AQ basqarmasynyń tóraǵasy Ahmetjan Esimov tóraǵa qyzmetine kandıdatýra usyný úshin sózdi qoǵam qaıratkeri, jýrnalıst Artýr Platonovqa berdi.

«Erlan Battashuly Sydyqovty iri qoǵam jáne saıası qaıratker, L.Gýmılev atyndaǵy Eýrazııa ulttyq ýnıversıtetiniń rektory retinde bilemiz. Ol barynsha laıyqty kandıdat», - dedi ol.

Osydan keıin otyrysqa qatysýshylar E.Sydyqovtyń kandıdatýrasyn biraýyzdan qoldap, daýys berdi.

«Erlan Battashuly elimizge esimi tanymal adam. Belsendi qoǵam qaıratkeri, bizdiń eń iri joǵary oqý oryndarymyzdyń biri Eýrazııa ulttyq ýnıversıtetine basshylyq jasaıdy. Bul ýnıversıtetti qurýǵa memlekettiń qanshama kúsh-jigeri, qarjysy jumsalǵany, Prezıdenttiń ózi aıryqsha nazar aýdarǵany esimde. Qazirgi ýaqytta bul ýnıversıtet ǵylym, kadrlar daıyndaý salasynda jetekshi bilim ordasy bolyp otyr, tabysty jumys isteýde. Sondyqtan da men durys tańdaý jasaldy dep bilemin. Sizdi taǵy da quttyqtaımyn», - dedi A.Esimov. 

 
Jemqorlyq janjaly qajet emes - «Astana EKSPO-2017» UK» tóraǵasy

 «EKSPO-2017» tóńiregindegi jemqorlyq janjal endi qajet emes. Búgin «Astana EKSPO-2017» UK» AQ janynan qurylǵan Qoǵamdyq keńestiń birinshi otyrysynda kompanııa basshysy A.Esimov osylaı dedi.

«Ókinishke oraı qolaısyz oqıǵamyz da bar. Mundaı janjal endigi ýaqytta bizge qajet emes. Óıtkeni, ol kórmeniń ımıdjine, sonymen birge ulttyq kompanııamen qatar ıdeıanyń ózine de zor zııanyn tıgizedi.  Buǵan deıin atap ótkenimdeı, kórme ótkizý ıdeıasy álemde zor qoldaýǵa ıe bolyp otyr. Qazirdiń ózinde 70 el qatysatyndyǵyn qýattady, al biz 100-den astam el qatysady dep josparlap otyrmyz. Bul san osy jyldyń ishinde bolady. Oǵan eshqandaı kúdik joq», - dedi A.Esimov  .

Onyń atap ótýinshe, qazirgi ýaqytta kórmege qatysatyndyǵyn Ulybrıtanııa, Frantsııa, Italııa, Germanııa, Shveıtsarııa syndy elder resmı qýattaǵan.

«Óıtkeni, kórme taqyrybynyń ózi barynsha ózekti. Egerde osydan bir jyl buryn eshkim de munaı baǵasyna qadaǵalap otyrmaǵan edi.  Búginde ulttyq valıýta baǵamynyń munaı baǵasyna tikeleı baılanysty bolýy sebepti adamdar munaı baǵasy kóterile me nemese túse me dep baqylap otyrady. Al biz energııa óndirýshi el retinde muny jaqsy senemiz. Muny elimizdiń árbir turǵyny da jete sezinip otyrǵany anyq. Sondyqtan energııanyń dástúrli kózderine táýeldilikten arylyp, balama energııa kózderine bet burýymyz qajet»,-  dedi kompanııa basshysy. 

2017 jylǵa deıin 90 849 sh/m apatty jaǵdaıdaǵy eski úılerdi buzý josparlanǵan - Pavel Kýlagın

 «Saryarqa» aýdanynyń ákimi Pavel Kýlagınniń №49 mektepte ótken esep berý kezdesýine «Óndiris» turǵyn alabynyń 200 astam turǵyny keldi. Kezdesýge Astana qalasy ákiminiń orynbasary Qosman Aıtmuhametov qatysty.

Pavel Kýlagın ótken jyldyń qorytyndysyn shyǵaryp, aýdandyq kommýnaldyq qyzmetterdiń jumysyna, abattandyrý men kásipkerlikti damytýǵa toqtaldy. Turǵyndar óz saýaldarynda kósheni jaryqtandyrý, jol jóndeý, sý tasqynyna qarsy is-sharalardy uıymdastyrý jáne jolaýshylar tasymaldaý máselelerin kóterdi. Qala turǵyndaryn mazalaıtyn basty máselelerdiń biri - eski úılerdi buzý jáne onyń ornyna jańadan páter alý.

«Óńirlerdi damytý - 2020» baǵdarlamasyn iske asyrý aıasynda «Astana qalasynda apatty jaǵdaıdaǵy úılerdi buzý boıynsha pılottyq jobaǵa sáıkes, 2013-2017 jj. jalpy aýdany 90 849 sharshy metrdi quraıtyn apatty jaǵdaıdaǵy eski úılerdi buzý josparlanǵan, bul 2 073 páter», - dedi «Saryarqa» aýdanynyń ákimi Pavel Kýlagın.Sonymen qatar, kezdesý barysynda aýdan turǵyny mekteptiń janynan sport alańyn jasap, qysta onyń ornyna muz aıdynyn salýdy usyndy. Pavel Kýlagın bul ıdeıany quptap, jobany iske asyratyn uıymdastyrýshyny tabýǵa ýáde berdi.

 

Elbasy «Astana EKSPO-2017» UK» AQ basqarmasynyń tóraǵasy A. Esimovti qabyldady

 Memleket basshysy Nursultan Nazarbaev «Astana EKSPO-2017» Ulttyq kompanııasy» AQ basqarma tóraǵasy Ahmetjan Esimovti qabyldady.

Bul týraly Aqordanyń baspasóz qyzmetinen habarlady.A.Esimov kezdesý barysynda Memleket basshysyna Astanada ótetin halyqaralyq kórmege daıyndyq barysy týraly baıandady.Nursultan Nazarbaev «EKSPO-2017» kórmesin ótkizý aıasynda taıaý jyldary alda aýqymdy jumystar turǵanyna toqtaldy. Atap aıtqanda, kórmege qatysýshylardyń túpkilikti quramyn anyqtap, Qazaqstannyń pavılony men ózge elderdiń nysandaryn mazmundyq turǵydan tolyqtyrý qajet. Sondaı-aq, is-sharany ótkizýge jáne qonaqtar qabyldaýǵa elorda ınfraqurylymynyń ázirligin qamtamasyz etý kerek. Ózge de mańyzdy mindetter qatarynda sapaly mádenı baǵdarlama ázirleý, eriktilerdi tartý, sonymen birge kórme aýmaǵyn keıinnen halyqaralyq qarjy ortalyǵy retinde paıdalaný máseleleri bar. A.Esimovtiń aıtýynsha, búginge deıin 70 shet memleket kórmege qatysatynyn rastaǵan, sonyń 35-i - damyǵan elder. Kórmege iri transulttyq kompanııalar da qyzyǵýshylyq tanytýda. Jalpy, Tirkeý dosesi boıynsha josparlanǵan 100 eldiń qatysý kórsetkishine qol jetkiziledi dep boljanyp otyr. Sondaı-aq, Memleket basshysynyń tapsyrmasyna oraı, ulttyq kompanııa kórmeni ótkizý shyǵystaryn nysandar fýnktsıonalyn saqtaı otyryp, taǵy 53 mıllıard teńgege qysqartty. Osylaısha, buryn jasalǵan qysqartýlardy eskergende, shyǵystardy ońtaılandyrý kólemi jalpy 131 mıllıard teńge bolady. Buǵan deıin top-menedjerler sany 15-ten 6-ǵa qysqarǵan bolsa, qazirgi kezeńde shtat kestesin 12 paıyzǵa ońtaılandyrý josparlanǵan.Sonymen qatar, A.Esimov «EKSPO-2017» kórmesin ótkizý isin ári qaraı ilgeriletý maqsatynda Davos qalasyndaǵy (Shveıtsarııa) Dúnıejúzilik ekonomıkalyq forýmda aqparattyq naýqan júrgizilgenin atap ótti.Kórme ótkennen keıin bul aýmaqta BUU qoldaýymen Halyqaralyq jasyl tehnologııalardy jáne ınvestıtsııalyq jobalardy damytý ortalyǵyn qurý kózdelýde. Elbasynyń byltyr BUU Bas assambleıasy otyrysynda jarııalaǵan bul usynysy qazirdiń ózinde ózge elder tarapynan qoldaý tabýda. «Astana EKSPO-2017» basqarmasynyń tóraǵasy kórme nysandaryn qurylys materıaldarymen qamtamasyz etý isine 230-dan asa qazaqstandyq kásiporyn tartylyp, jalpy quny 77 mıllıard teńgeniń qyzmeti men taýaryn jetkizý jóninde sharttar jasalǵanyna nazar aýdardy. Sonyń 30 mıllıard teńgesi Astanada jumys isteıtin kompanııalarǵa tıesili. Osylaısha, EKSPO daǵdarys ýaqytynda jańa jumys oryndaryn ashyp, qazirgi jumys oryndaryn saqtaýǵa múmkindik beretin memlekettik jobalardyń biri bolyp otyr.A.Esimov kórme nysandaryn salý jumysy josparly merzimge sáıkes júrip jatqanyn aıtty. Bıyl qurylys jumystaryn aıaqtaý josparlanǵan, sodan keıin kórme nysandaryn mazmundyq turǵydan tolyqtyrý isi bastalady.Memleket basshysy kezdesý qorytyndysy boıynsha birqatar naqty tapsyrma berdi.

Astana ákiminiń orynbasarlary 1 aı boıy baspasóz máslıhatyn ótkizedi

 QR Prezıdenti janyndaǵy Ortalyq kommýnıkatsııalar qyzmetiniń alańynda elorda ákiminiń orynbasarlary baspasóz máslıhatyn ótkizetin bolady. Bul týraly QR Prezıdenti janyndaǵy OKQ-nyń resmı ókili Áset Maqajanov málim etti.

«1 aı boıy Ortalyq kommýnıkatsııalar qyzmeti alańynda Astana qalasy ákiminiń orynbasarlary baspasóz máslıhatyn ótkizetin bolady. Baspasóz máslıhattarynyń kestesimen ortcom.kz saıtynan tanysýǵa bolady», - dedi ol.

Aıta keteıik, búgin Astana qalasy ákiminiń birinshi orynbasary Sergeı Horoshýn «2015 jylǵy elordanyń qurylys salasyndaǵy jumystardyń qorytyndysy» taqyrybynda baspasóz máslıhatyn ótkizdi.

 

 Astana tarıhynda qurylys salasyndaǵy úzdik nátıje oryn aldy

 Astana tarıhynda qurylys salasyndaǵy úzdik nátıje oryn aldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Astana qalasy ákiminiń orynbasary Sergeı Horoshýn málim etti.

«Ótken jyldyń qorytyndysynda qurylys jumystarynyń kólemi 472 mlrd. teńgeni qurap, 1 mln. 759 sharshy metr turǵyn úı paıdalanýǵa berildi. Bul elorda tarıhyndaǵy eń úzdik kórsetkish. Buǵan qosa, paıdalanýǵa berilgen turǵyn úı kólemi ótken jylǵy kórsetkishten 146 paıyzǵaartyq», - dedi elorda ákiminiń orynbasary.

S.Horoshýn alǵa tartqan derekterge sáıkes, ótken jyldyń ishinde jalpy aýmaǵy 2 mln. 371 myń sharshy metrdi quraıtyn 1135 túrli nysandar paıdalanýǵa berilgen. Buǵan qosa quny 132 mlrd. teńgeni quraıtyn 107 áleýmettik nysan, onyń ishinde 1200 orynǵa arnalǵan 4 jalpy bilim beretin mektep, 1720 balaǵa arnalǵan 8 balabaqsha óz jumysyn bastaǵan.

«Densaýlyq saqtaý salasy nysandarynan 250 tósek-oryndyq balalar juqpaly aýrýlary aýrýhanasy, Medıtsınalyq-áleýmettik ońaltý ortalyǵy, sol jaǵalaýdaǵy ambýlatorlyq-emhanalyq keshen, Prezıdent Іs basqarmasynyń klınıkalyq-ońaltý ortalyǵy paıdalanýǵa berilgenin atap ótkim keledi», - dedi ol.

 

 Elordada 62 kóppáterli apatty úı súrildi - S.Horoshýn

 Ótken jyly elordada apatty jaǵdaıdaǵy 62 kóppáterli turǵyn úı súrilip tastaldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte elorda ákiminiń birinshi orynbasary Sergeı Horoshýn málim etti.

«Qoljetimdi baspana-2020» memlekettik baǵdarlamasy aıasynda 343 myń sharshy metr, onyń ishinde eski jáne apatty úılerdi súrý jobasy aıasynda 151 myń sharshy metr turǵyn úı paıdalanýǵa berildi», -  dedi ol.

Onyń atap ótýinshe, atalǵan ilki joba qolǵa alynǵan sátten beri eski jáne apatty úıde turyp jatqan kóptegen astanalyqtar qaıtarymsyz negizde jańa páterlerge ıe bolǵan.

«Іlki joba júzege asyryla bastaǵan ýaqyttan beri apatty úıde turyp jatqan qala turǵyndaryna 1762 páter qaıtarymsyz negizde berildi. 62 eski kóppáterli turǵyn úı súrilip tastaldy», - dedi S.Horoshýn.

Elorda ákiminiń birinshi orynbasary atap ótkendeı, bekitilgen kestege sáıkes ilki jobanyń birinshi kezeńi 2017 jyldyń 1-shi jartyjyldyǵynda aıaqtalatyn bolady.

 
Astanada kópdeńgeıli taǵy 4 parkıng salynady - S.Horoshýn

 Astanada kópdeńgeıli taǵy 4 parkıng salynady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte elorda ákiminiń birinshi orynbasary Sergeı Horoshýn málim etti.

«Ákimdik qolda bar qarjy resýrstarynyń tapshylyǵyn eskere otyryp, halyqaralyq qarjy uıymdarymen zaımdar men nesıeler, sonymen birge memlekettik jeke-seriktestik qarjysyn tartý jumystaryn júrgizýde. Onyń aıasynda aǵymdaǵy jyldyń ózinde biz 4 balabaqsha, 4 ambýlatorlyq-emhanalyq keshen jáne kópdeńgeıli 4 parkıng qurylysy boıynsha jobalardy júzege asyra bastaýdy josparlaýdamyz», - dedi elorda ákiminiń birinshi orynbasary.

Onyń alǵa tartqan derekterine qaraǵanda, qazirgi ýaqytta elordada 2591 nysan qurylysy júrgizilýde, sonymen birge 195 nysannyń qurylysy jobalaný ústinde.

«Biz 2016 jyly jalpyekonomıkalyq konıýktýranyń damýyndaǵy teris tendentsııaǵa qaramastan qurylys salasynda ekonomıka ósimi qarqynyn 104 paıyzdan túsirmeımiz dep josparlap otyrmyz», - dedi S.Horoshýn.

 
S.Horoshýn elordadaǵy sáýlet jáne qurylys salasyndaǵy zańnyń buzylýyn jiktep berdi

  Ótken jyly elordada qurylys salasyndaǵy 909 buzýshylyq tirkeldi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte elorda ákiminiń birinshi orynbasary Sergeı Horoshýn málim etti.

«Bul másele ákimdiktiń jáne vedomstvoaralyq komıssııanyń barlyq músheleriniń únemi baqylaýynda tur. Ótken jyldyń ishinde qurylys salasyndaǵy 909 buzýshylyq jáne turǵyn úıdi zańsyz salýdyń 37 faktisi anyqtaldy. Olar boıynsha memlekettik organdar tarabynan naqty sharalar qabyldandy»,-  dedi ol.

Osy rette S.Horoshýn sáýlet jáne qurylys salasyndaǵy zańnyń buzylýyn shartty túrde 3 topqa bólip qarastyrýǵa bolatynyn atap ótti.

«Birinshisi - turǵyn úı qurylysyna úlestik qatysý týraly zańdy buza otyryp nysan qurylysyn júrgizetin qurylysshylar. Buǵan qosa, ózderiniń ınvestorlarynyń da qarajattaryn maqsatsyz paıdalanyp jatady. Ekinshisi - bekitilgen kestedegi merzimnen aıtarlyqtaı keıin qala otyryp, salynyp jatqan nysandar. Úshinshisi  nysan qurylysyn óz betterinshe bastaǵan qurylysshylar. Degenmen, ótken jyly biz óz betinshe qurylysty bastap ketýge qatysty buzýshylyqtardy az kezdestirdik. Sanaýly ǵana derekter bar. Óıtkeni, qurylysshylar aıyppul tólegennen góri durysy zańmen bekitilgen tártippen ruqsat alý qajettigin túsindi», - dedi ol.

Onyń atap ótýinshe, turǵyn úı qurylysyna úlestik qatysý týraly zańdy eskermesten salynyp jatqan nysandar barynsha problemaly bolyp tur.

 
«Astananyń» jartylaı qorǵaýshysy Foksı Túrkııanyń fýtbol klýbyna aýysty

 «Astana» fýtbol klýbynda jartylaı qorǵaýshy bolyp oınaǵan Foksı Ketevoama Túrkııanyń «Gazıantep BB» fýtbol klýbyna aýysty. Bul týraly «Sports.kz» portalyna silteme jasaı otyryp, «Astana» fýtbol klýbynyń resmı paraqshasy habarlady.

«Qazaqstan Premer-Lıgasynyń sońǵy maýsymdaryndaǵy eń talantty fýtbolshylardyń biri, «Astana» fýtbol klýbynyń burynǵy jartylaı qorǵaýshysy Foksı Ketevoama Túrkııa chempıonattarynyń birimen 1,5 jylǵa arnalǵan kelisimshartqa qol qoıdy.

«Túrkııa tarapynan aıtylǵan usynys maǵan óte qyzyqty kórindi. Sondyqtan, osyndaı sheshim qabyldadym. «Gazıantep BB» komandasyn Túrkııa chempıonatynyń joǵarǵy lıgasyna shyǵara alamyn degen úmitim bar. Men komandanyń jattyqtyrýshysymen, klýb basshylyǵymen sóılestim, klýb meni qatty qyzyqtyrdy», - degen Foksı óz suhbatynda.

«Al, «Astana» fýtbol klýbynda júrgende oınaǵan kezdesýlerdiń qaısysyn eshqashan umytpaısyń?» degen suraqqa Foksı: «Rasyn aıtsam, qatty áser alǵan oıyndar óte kóp. Degenmen, aldyńǵy maýsymdardyń birinde «Qaırat»-ty 5:1 esebimen jeńgen óz alańymyzdaǵy oıynnan qatty áser alǵanmyn. Al, ÝEFA Chempıondar lıgasyndaǵy oıyndardyń jóni múlde bólek. Mine, sol oıyndardyń árqaısysyn ómir boıy esime alamyn. Búkil Qazaqstan «Astana-Arenaǵa» jınalyp, bizdiń komanda úshin jankúıer bolǵan sátterdi umytpaımyn», - dep jaýap bergen.

«Men Qazaqstanda baqytty kúnderdi bastan keshirdim, - deıdi fýtbolshy: Júregimniń jartysy Astanada qaldy desem de bolady. Barlyq áriptesterime alǵysym sheksiz», - degen óz sózinde Foksı. 

 
QR Ulttyq mýzeıinde «Jyr kerýeni» dáris-kontserti ótedi

 28 qańtarda Qazaqstan Respýblıkasy Ulttyq mýzeıinde «Jyr kerýeni» atty lektsııa-kontsert ótedi, dep habarlaıdy mýzeıdiń aqparattyq-ımıdjdik qyzmeti.

Bul «Halyq qazynasy» ǵylymı-zertteý ınstıtýtynyń qazaq halqynyń dástúrli mýzykalyq ónerin jańǵyrtý men nasıhattaýǵa arnalǵan «Dástúrli mýzykalyq mura» atty baǵdarlamasy aıasynda ótkizgeli otyrǵan tuńǵysh sharasy.

Jyraýlyq dástúrdiń tarıhy Kúltegin, Tonykók, Orhon Enıseı jazýlarynan, Estemis-Bumyn qaǵandarǵa arnalǵan madaq jyrlarynan bas­talady. Sol jerdegi sóz tirkesteri de, ondaǵy madaq ta jyraýdyń aýzynan shyqqan deýge tolyq negiz bar. Odan keıingi kezeńderde Qorqyt ata, Sypyra jyraý, Ketbuǵa, Asan qaıǵy, Shalkıiz, Dospambet, Qaztýǵan, Úmbeteı, Buqar jyraýlar jalǵasady.

Jyraýlar sózinde bıik rýh, qaırat, kúsh bar. Jyraýlar eldiń muń-sherin, arman-maqsatyn esh búkpesiz ashyq aıtqan. Búgingi tańda jyraýlardyń muralary arqyly tarıhı sanany oıatý, jyrlardy qalyń kópshilikke nasıhattaý asa qajet.

Dáris-kontsertti belgili jyraý, QR eńbek sińirgen qaıratkeri, Qazaq Ulttyq óner ýnıversıtetiniń professory, «Parasat» ordeniniń ıegeri Almas Almatov júrgizedi.  

Sharaǵa  Qazaq Ulttyq óner ýnıversıtetiniń «Jyrshylyq óner» kafedrasynyń stýdentteri qatysady.

 

Astana qalasynyń mektepke deıingi mekemelerine toptaý bastalady

 Elordada kezekte tirkelgen barlyq jastaǵy balalardy jańa qosylyp jatqan mektepke deıingi bilim berý mekemelerine josparly qabyldaý jarııalanady. Balalardy balabaqshalarǵa qabyldaý 2016 jylǵy 15 aqpan men 11 naýryz aralyǵynda júrgiziledi. Bul týraly qalalyq bilim basqarmasynyń baspasóz qyzmetinen habarlady.

«Qala turǵyndarynyń nazaryna! Toptaý kestesin muqııat qarap, joldama alý úshin balanyń týý týraly kýáligi pen kórsetilgen kezek nómirimen Qartaly kóshesindegi №61 mektepke kelý kerek. Ol jumys toby jumys tártibin qalypty ótýin saqtaý úshin asa qajet. Mektepke deıingi bilim berý mekemelerine bala toptaý jumys tobymen 10.00 saǵattan 17.00 saǵatqa deıin júrgiziledi, úzilis - 13.00-den 14.00-ge deıin. Toptaý aıaqtalǵan soń 1 maýsym qala ákiminiń www.e.astana.kz resmı saıtyndaǵy elektrondyq qyzmetten kezektiń jyljyǵanyn kórýge bolady», - delingen habarlamada.

 
Bıyl elordada Air Astana áýe kompanııasynyń alǵashqy ushaqjaıy paıdalanýǵa beriledi

Bıyl Elordada Air Astana áýe kompanııasynyń alǵashqy ushaqjaıy paıdalanýǵa beriledi. Bul týraly búgin Almatyda ótken baspasóz máslıhatynda málim etildi. 

«Biz ushaqjaıdy bıyl paıdalanýǵa berýdi josparlap otyrmyz. Ol áýe kompanııasynyń óz qarjysyna salynyp jatyr. Qazirgi tańda basqa qandaı da bir áýe kompanııasymen áriptestik ornatý jaǵy qarastyrylyp jatqan joq. Biraq, bolashaqta ushaqjaıdy paıdalaný boıynsha qosalqy bólshekterdi jetkizýshilermen jáne qozǵaltqysh óndirýshilermen kelissóz júrgizilýi ábden múmkin», - dedi óz sózinde Air Astana áýe kompanııasynyń aǵa ushqyshy Igor Segedın. 

Sondaı-aq, kezdesý barysynda ol jýrnalısterge áýege taralatyn zııandy zattardy azaıtý boıynsha tıisti sharalar qoldanylyp jatqandyǵyn jetkizdi.

«Air Astana-nyń zııandy zattardy azaıtý boıynsha qoldanyp jatqan sharalary birneshe kezeńnen turady. Birinshi - bul áýe flotyn jańartý. Ol zııandy zattardyń áýege taralýyn azaıtýǵa tikeleı áser etedi. Ushaqtar da mashına sııaqty ǵoı, eskirgen saıyn qozǵaltqyshlary áýege zııandy zattardy soǵurlym kóp taratady. Sońǵy 2-3 jyl ishinde kompanııa óziniń Airbus 320 ushaqtar parkin tolyǵymen jańartty. Ushaqtardyń ushý jıiligi 31 paıyzǵa artqanymen, biz ushaqtardy jańaratýdyń arqasynda zııandy zattardyń aýaǵa taralýyn jylyna 10 tonnaǵa deıin azaıtýǵa qol jetkizdik. Búgingi tańda kompanııanyń áýe parkinde 30 ushaq bar. Olar: Boeing  Airbus jáne Embraer ushaqtary. Biz taǵy da birneshe Airbus ushaǵyn satyp alýdy josparlap otyrmyz. Olarǵa ornatylǵan jańa qozǵaltqyshtar janarmaıdy 15 paıyzǵa únemdeýge múmkindik beredi. Kerosın az jaǵylǵan saıyn, zııandy zattar da az taraıdy. Taǵy bir baǵyt - ol, qaldyqtardy azaıtý. Bizde ydystardyń barlyǵy plastmassadan jasalǵan. Qazir kompanııada qaıta óńdelmeıtin qaldyqtardy azaıtý boıynsha arnaıy baǵdarlama júzege asyrylyp jatyr. Osyǵan baılanysty, bizde árbir 3-6 aı saıyn taǵamdardyń, qoqysqa arnalǵan qapshyqtardyń jáne basqa da zattardyń quramy tekserilip turady», - dedi ol.   

Sonymen qatar, kezdesý barysynda ushý qaýipsizdigin sertıfıkattaý máselesi de kóterildi.

«Taıaýda Air Astana áýe kompanııasy avıatsııalyq qaýipsizdik boıynsha Eýropalyq komıtettiń «qara tiziminen» shyqty.

2015 jyldyń sońynda kompanııa aýdıtorlyq tekserýden oıdaǵydaı ótti. Biz sondaı-aq, ótken jyly IOSA aýdıtorlyq tekserýinen de oıdaǵydaı óttik. Endi mundaı tekserýler tek 2017 jyly júrgiziledi», - dedi I. Segedın. 

Astanada 25 qańtardan 25 naýryz aralyǵynda ýchaskelik polıtseıler turǵyn úılerdi aralaıdy

 Astana qalasynyń ýchaskelik ınspektorlary úıler men páterlerdi aralaýda, dep habarlady qalalyq ákimdiktiń baspasóz qyzmetinen.

«Sálemetsiz be, men sizdiń ýchaskelik polıtsııa ınspektoryńyzbyn!» aktsııasynyń birinshi kúninde elordalyq polıtseıler 400 jýyq usaq buzýshylyqty anyqtady.Astana qalasynyń ІІD Jergilikti polıtsııa qyzmeti basshysynyń orynbasary Ǵosman Jakınniń aıtýynsha, aktsııa barysynda ýchaskelik polıtsııa ınspektorlary páterler men úılerdi aralap, ákimshilik ýchaskege qyzmet kórsetetin ІІB kezekshi bólimderi men ýchaskelik ınspektordyń baılanys telefondary jazylǵan kartochkalar taratady.«Aktsııa bastalǵaly elordalyq ýchaskelik ınspektorlar 20-dan artyq kóp páterli turǵyn úıde, 480 jeke menshikti úıde, 45 saıajaı alabynda bolǵan. Sondaı-aq, 400 jýyq usaq buzýshylyq tirkeldi, sonyń ishinde 70 fakti ruqsat etilmegen jerlerde spırttik ishimdikter ishý men temeki shegýge qatysty, tirkeýsiz jáne qujatsyz turyp jatqan 67 azamat anyqtaldy», - dedi ol.Sonymen qatar, turǵyn úıdi jalǵa berýdiń 43 faktisi belgili boldy. Bul týraly aqparat salyq organdaryna jiberildi. Kóshi-qon zańnamasyn buzǵan 42 sheteldik ustaldy, sonyń ishinde 19-y Astana qalasynyń ІІD qabyldaý-taratqyshyna qamaldy. 24 adam profılaktıkalyq esepke alyndy, sonyń ishinde 16-sy otbasylyq-turmystyq qatynas salasynda quqyq buzýshylyqqa jol bergen, ekeýi turmysy tómen otbasylar.Budan basqa, elordalyq ýchaskelik polıtseıler PIK pen qoǵamdyq qurylymdardyń ókilderiniń qatysýymen ákimshilik ýchaskelerdiń turǵyndarymen esep berý kezdesýlerin ótkizýde.Aktsııa bastalǵaly turǵyndarmen 10 esep berý kezedsýi ótkizildi, onda usaq buzýshylyqtardy boldyrmaý jáne olardyń aldyn alý boıynsha halyqpen ózara áreket etý, turǵyndardyń páterlerdi jalǵa berýi, tynyshtyqty buzý jáne t.b. máseleler talqylandy.Aıta keteıik, «Sálemetsiz be, men sizdiń ýchaskelik polıtsııa ınspektoryńyzbyn!» aktsııasy elordada 25 qańtardan 25 naýryzǵa deıin ótedi. Sharanyń maqsaty azamattarmen tyǵyz senimdi qarym-qatynas qurý, ýchaskelik polıtseıler qyzmet kórsetetin ákimshilik ýchaskelerde quqyq buzýshylyqtardyń aldyn alý boıynsha jumystardy belsendirý bolyp tabylady.

24-25 aqpanda Astanada EKSPO-2017 kórmesine halyqaralyq qatysýshylardyń kezdesýi ótedi

QR SІM-niń taıaý perspektıvadaǵy basym baǵyty Astanada 24-25 aqpanda ótetin EKSPO-2017 halyqaralyq qatysýshylarymen Ekinshi kezdesýine daıyndyq bolyp tabylady. Bul týraly Qazaqstan syrtqy saıası vedomstvo baspasóz qyzmeti habarlaıdy.

Sonymen, kelesi jyly kórmege 200-ge jýyq elder men uıymdardyń ókilderi qatysady dep kútilýde, olar buǵan deıin ózderiniń EKSPO-ǵa qatysatyndaryn rastaǵan.

Qazirgi sátte 70 memleket kórmege qatysatynyn rastady, 26 memleket tıisti qatysý shartyna qol qoıdy.

 
Qazaqstandyq stýdentter Ulttyq ǵarysh ortalyǵynda óndiristik praktıkadan ótedi

  Qazaqstan ǵarysh salasy úshin mamandardy daıarlaý baǵdarlamasy aıasynda eldiń tehnıkalyq  JOO stýdentteri Ulttyq ǵarysh ortalyǵynda óndiristik jáne dıplomaldy praktıkadan ótedi.

«Qazaqstannyń bazalyq joǵary oqý oryndarymen yntymaqtastyq týraly shart negizinde 2016 jylǵy qańtardan bastap «Qazaqstan Ǵarysh sapary» UK» AQ-da  16 stýdent praktıkadan ótýde», - dedi bizdiń agenttikke kompanııasynyń spýtnıktik tehnologııalar jónindegi vıtse-prezıdenti, ushqysh-ǵaryshker Aıdyn Aıymbetov.

Bolashaq mamandar Jerdi qashyqtan zondtaý ǵarysh júıesi (JQZ ǴJ) ortalyǵynda, joǵary spýtnıktik navıgatsııa júıesi ortalyǵynda (JSNJ), geoaqparattyq tehnologııalar ortalyǵynda, JQZ ǴJ ónimderi men  qyzmetterin jyljytý basqarmasynda jumys istep, ǵarysh túsirilimderin alý, óńdeý, iske asyrý tsıkldaryn baqylaıdy. JSNJ jumysyna qatysady, - dep atap ótti A. Aıymbetov.

Ár jyl saıyn UǴO-yna praktıkaǵa tilek bildirýshiler, ǵarysh tehnologııasyn kórgisi keletinder sany artýda. Bul týraly statıstıka kórsetýde. Ótken jyly praktıkanttar eki ese az bolǵan,stýdentter aǵyny endi ǵana bastaldy.    

 
Astanada naǵyz jekpe-jek ótkizgim keledi - G.Golovkın

 Álemge áıgili kásipqoı boksshy, WBA, IBO, WBC IBF  nusqalary boıynsha álem chempıony, qazaqstandyq Gennadıı Golovkın Otany - Qazaqstanda, Astanada naǵyz jekpe-jek ótkizgisi keledi. Bul týraly búgin «Tsesnabank» AQ dırektorlar keńesiniń tóraǵasy Dáýren Jaqsybekov pen Gennadıı Golovkınniń bank pen kásipqoı boksshy arasyndaǵy yntymaqtastyqtyń jańa belesine arnalǵan birlesken baspasóz máslıhatynda belgili boldy.

Gennadıı Golovkın baspasóz máslıhatynyń resmı bóliminde týǵan jerine kelip, qýanyp jatqanyn, «Tsesnabank»-pen aradaǵy yntymaqtastyqty qýana qoldaıtynyn, bankpen yntymaqtastyq ornatyp, ártúrli jobalarǵa yqylaspen qatysatynyn aıtyp berdi.

 G.Golovkın sondaı-aq kásiptik boks akademııasyn ashýǵa da bolatynyn atap ótti.

«Qazaqstanda da jekpe-jek ótkizgim keledi. Astanada kóńilimnen shyǵatyn boks ótkizgim keledi. Tipti, jekpe-jek te emes, naǵyz kásiptik shoý ótkizýge bolady. ıAǵnı, naǵyz kásipqoı bokstyń ne ekenin kórseter jekpe-jek», - dedi Gennadıı Golovkın jýrnalısterdiń suraǵyna jaýap bere otyryp.

Boksshy GGG komandasy Qazaqstannyń elordasynda osyndaı shoý ótkize alatynyn da atap ótti.

Aıta keteıik, 2016 jyly «Tsesnabank» AQ men Gennadıı Golovkın yntymaqtastyqtyń jańa kezeńin bastady.        

Astanada bank bólimshesine «GGG» ataýy berildi

 «Tsesnabank» AQ  kásipqoı boksshy, álem chempıony Gennadıı Golovkınniń qurmetine oraı Astana qalasyndaǵy bólimsheleriniń birine «GGG» ataýyn berdi. 

Bul týraly búgin álemge áıgili kásipqoı boksshy, WBA, IBO, WBC IBF  nusqalary boıynsha álem chempıony, qazaqstandyq Gennadıı Golovkınmen birlesken press-konferentsııa barysynda «Tsesnabank» AQ dırektorlar keńesiniń tóraǵasy Dáýren Jaqsybekov málim etti.

«Álem aldynda Qazaqstannyń boksy men ımıdjin nasıhattaýda sińirgen eńbegi úshin jáne onyń jankúıerlerine syı retinde «Tsesnabank» AQ Astana qalasy, Saryarqa dańǵylynda ornalasqan korporatıvtik ortalyǵyna Gennadıı Golovkınniń atyn berýdi uıǵardy. Sondaı-aq, Gennadıı Golovkınniń jerlesteri úshin de syı jasap Qaraǵandy qalasy, Erýbaev kóshesindegi bólimshege de kásipqoı boksshynyń atyn berdik»,-dep málim etti D.Jaqsybekov.

Buǵan deıin habarlaǵanymyzdaı, Gennadıı Golovkın Qazaqstandaǵy iri qarjy uıymdarynyń biri - «Tsesnabank» AQ-nyń elshisi atandy. Sondaı-aq, GGG belgisi jáne Gennadıı Golovkınniń sýreti bar «MasterCard»  kartochkasy shyǵaryldy.

 
Elordada «Jastar qýaty bolashaq qýaty» festıvali ótedi

Erteń elordadaǵy Kásibı-tehnıkalyq kolledjde «Jastar qýaty bolashaq qýaty» festıvali ótkiziledi. Sharany Astana qalalyq bilim basqarmasy uıymdastyrady, dep habarlady atalǵan vedomstvonyń baspasóz qyzmetinen.

Festıval «Aýdarma isi», «Qonaq úı sharýashylyqtaryna qyzmet kórsetýdi uıymdastyrý», «Dızaın», «Shashtaraz isi jáne dekoratıvti kosmetıka», «Tigin óndirisi jáne kıimdi jobalaý», «Tamaqtandyrýdy uıymdastyrý», «Medbıke isi» mamandyqtary boıynsha bastalady.Sán úlgileriniń jankúıerlerine «Tigin óndirisi jáne kıimdi jobalaý» mamandyǵynda bilim alatyn stýdentteri ózderiniń úzdik kıim úlgilerin usynady. Іs-shara qonaqtaryna shashtarazdar men vızajıster de óz ónerlerin kórsetedi.Festıval aıasynda «Dızaın», «Tigin óndirisi jáne kıimdi jobalaý» mamandyǵynda oqıtyn stýdenterdiń týyndylarynan kórme uıymdastyrylady. Sondaı-aq, daıyn aspazdyq ónimderdiń kórsetilimi ótkizilip, «Shashtaraz isi jáne dekoratıvti kosmetıka» mamandyǵy boıynsha sheberlik synyptary kórsetiledi.

Astanada salyq tóleýshilerge konsýltatsııalar beriledi

 29 qańtarda «Artem» saýda úıinde (2-qabat, 156-býtık) saǵat 11:00 - 18:00 deıin Astana qalasynyń Memlekettik kirister departamentiniń qyzmetkerleri men Kásipkerler palatasynyń ókilderi konsýltatsııalar berip, Salyq kodeksin túsindirý boıynsha semınarlar ótkizedi, dep habarlady qalalyq ákimdiktiń baspasóz qyzmetinen.

Shara barysynda salyq eseptiliginiń formalaryn (910.00, 911.00) toltyrý, jyljymaıtyn múlik pen kapıtaldy zańdastyrý, baqylaý-kassalyq mashınalar men POS-termınaldardy paıdalaný jáne t.b. boıynsha keńester beriledi.Budan basqa, tómende kórsetilgen telefondar boıynsha salyq zańnamasy týraly barlyq qajetti aqparatty alyp, saýaldar joldaýǵa bolady: biryńǵaı baılanys ortalyǵy - 1414 nemese 8-800-080-7777.Astana qalasynyń Memlekettik kirister departamenti eske salady: qazirgi kezde Ulttyq ekonomıka men qarjy mınıstrlikteri birikken Salyq jáne Keden kodeksterin ázirleýde.Kodeksti ázirleýdiń maqsaty salyq tóleýshiler men syrtqy ekonomıkalyq qyzmetke qatysýshylar úshin salyqtyq jáne kedendik rásimderdi birizdendirý, olardy jetildirý jáne ońaılatý bolyp tabylady.Usynystardy jınaqtaý, qaraý, taldaý jáne talqylaý úshin Qazaqstan Respýblıkasy Qarjy mınıstrligi Memlekettik kirister komıtetiniń www.kgd.gov.kz saıtynda taqyryptarǵa bólingen forým ashyldy.

Astanada 3 ǵylymı-tehnologııalyq klasterdi damytý qajet - N. Nazarbaev

 Elordadaǵy Táýelsizdik saraıynda "Nur Otan" partııasynyń tóraǵasy Nursultan Nazarbaevtyń tóraǵalyǵymen ótip jatqan partııanyń kezekten tys 17-shi sezinde Elbasy Astanada joǵary tehnologııalyq, bıomedıtsınalyq jáne geologııalyq klasterlerdi damytý qajettigin aıtty.

«Astanada 3 ǵylymı-tehnologııalyq klasterdi damytý qajet. Olar - joǵary tehnologııalyq, bıomedıtsınalyq jáne geologııalyq klasterler», - dedi QR Prezıdenti.

Bul týraly Aqordanyń Tvıtterdegi resmı paraqshasynda habarlandy. 

 

Bizge júktelgen mindet te, jaýapkershilik te óte joǵary - Astana ákimi

 Búgin Elbasy Nursultan Nazarbaev tanystyrǵan "Nur Otan" partııasynyń baǵdarlamasyn sapaly oryndaý el birligin nyǵaıtýǵa jáne ekonomıkamyzdyń damýyna jańa qarqyn beredi, dep esepteıdi Astana qalasynyń ákimi Ádilbek Jaqsybekov.

"Egemen elimizdiń 25 jyldyq mereıtoıy aldynda partııa sezin ótkizý óte mańyzdy. Sebebi búgingi sez partııa jumysyn baǵalaıtyn jaýapty shara. Májilis pen Máslıxat depýtattary saılaýyn birge ótkizý óte oryndy. Partııa baǵdarlamasyn sapaly oryndaý el birligin nyǵaıtýǵa jáne ekonomıkamyzdyń damýyna jańa qarqyn beredi. Sondyqtan bizge júktelgen mindet te, jaýapkershilik te joǵary bolmaq", - dep atap ótti ol partııa sezinde.

"Sezde bizdiń Prezıdent usynǵan Partııanyń saılaýaldy baǵdarlamasyn qoldaı otyryp, biz, nurotandyqtar, Qazaqstannyń jarqyn bolashaǵyna jetýdiń jolyn kórip otyrmyz. Sondyqtan bizdiń Prezıdent tapsyrǵan isterdi jáne óziniń úlgi bolýymen júzege asyryp jatqan mejelerdi oryndaý asa joǵary qurmet dep esepteımiz", - dedi Astana ákimi. 

 
Astana ózine jumsalǵan memleket shyǵyndaryn tolyqtaı qaıtardy - N. Nazarbaev

 Astanaǵa salynǵan ınvestıtsııalar kólemi 40 ese artty. Bul týraly búgin Elbasy Nursultan Nazarbaevtyń qatysýymen "Nur Otan" partııasynyń kezekten tys sezinde Astana qalasynyń ákimi Ádilbek Jaqsybekov málim etti.

"Bizdiń tarıxymyzdyń jylnamasyna Elbasymyzdyń Astana syndy keremet jobasy jazylǵan. Ol qalamen bizdiń halyq maqtanady. Onyń qurylǵan kezinen beri qalanyń jalpy aımaqtyq ónimi 156 ese ósip, shıkizattyq emes aımaq úshin  joǵary deńgeıge - 4 trln. teńgeden asty. Investıtsııalar sany 40 ese ósti. Tek 2015 jyly onyń kólemi 773 mlrd. teńgeni qurady. Al barlyq jyldar ishinde onyń kólemi 6 trln. teńgeden asty", - dep málimdedi qala basshysy óziniń baıandamasynda. 

"Jumystyń osyndaı kóleminiń arqasynda Astanaǵa jumsalǵan memleket shyǵyndary tolyqtaı qaıtaryldy deýge de bolady, solaı emes pe, Ádilbek Ryskeldiuly!?", - dedi ákim sózine qosyla ketken Elbasy.

"Bizdiń el taǵy bir jańa qalamen tolyqty jáne ol ózin aqtaýda", - dep atap ótti Prezıdent.

Ákimniń sózi boıynsha, Astana qalasynyń memlekettik bıýdjetke salǵan qarajaty 63 ese ósti jáne 850 mlrd. teńgeden asty.

"Astana qalasynyń jeke tabysy 1997 jyldan beri 29 esege artty jáne búginde 200 mlrd. teńgeni quraýda. 2015 jyldan beri Astana eldegi tórt donor qalalardyń qataryna qosyldy. Bıýdjeti 50 ese artyp, 315 mlrd. teńgeden asty. Jyl saıynǵy qurylys kólemi 14 esege kóbeıdi. Byltyr 1 mln. 750 myń sharshy metr turǵyn úı paıdalanýǵa berildi. Astanada osy jyldary 150-den astam iri áleýmettik nysan iske qosyldy", - dep túıdi oıyn Á. Jaqsybekov. 

 
Astanada jumyssyzdyq joq dese de bolady - ákim Á. Jaqsybekov

 «Nur Otan» saıası partııasynyń kezekten tys XVII sezinde Astana ákimi Ádilbek Jaqsybekov elordada jumyssyzdar joq ekenin aıtty.

«Astana jalpyǵa ortaq eńbek qalasyna aınaldy. Bul qalada joǵary bilikti kadrlar jumys istep jatyr, myńdaǵan jumys oryndary ashyldy. Shyntýaıtyna kelgende, elordada jumyssyzdyq joq dese de bolady. Jumyssyzdar sany 2 myńǵa jeter-jetpes deńgeıde, bul - bir mıllıonǵa jýyqtap qalǵan qaladaǵy kórsetkish. Al bos jumys oryndarynyń sany áldeqaıda kóp», - dep atap ótti ákim.

Onyń ústine qala basshysynyń sózi boıynsha, jumyssyz 2 myń adam qazirgi ýaqytta qaıta oqytylyp, qoǵamdyq jumystarǵa ornalastyrylýda.

 
Astana ákimdigi jańa jumys kestesine kóshedi

 Astana qalasy ákimdiginiń qyzmetkerleri jańa jumys kestesine kóshedi, dep habarlaıdy astana.kz.

2016 jylǵy 1 aqpannan bastap Astana qalasynyń barlyq atqarýshy organdarynyń qyzmetkerleri saǵat 8.30 - 18.00 deıin jumys isteıtin bolady. Túski úzilis saǵat 13.00-14.30 deıin. Astana qalasy ákiminiń ókimi Qazaqstan Respýblıkasynyń Eńbek kodeksine jáne «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasynyń Zańyna sáıkes qabyldandy.

Astanada buǵan deıin kóshelerge túsetin júktemeni azaıtý jónindegi máseleni sheshýdiń balamasy retinde qalalyq mekemeler men uıymdarda jumys kestesin ózgertý máselesi qaralǵan bolatyn.

Mundaı ózgerister qalalyq ákimdikte, «Saryarqa», «Almaty», «Esil» aýdandarynyń ákimi apparattarynda jáne qalalyq basqarmalarda oryn almaq. 

Elordalyq úzdik oqýshylar respýblıkalyq olımpıadaǵa qatysady

 Astanada «Nur Orda» halyqaralyq lıtseıinde jalpy bilim beretin pánder boıynsha respýblıkalyq olımpıadanyń qalalyq kezeńiniń jeńimpazdary men júldegerleri qurmet gramotalarymen jáne dıplomdarmen marapattaldy. Bul týraly elorda ákimdiginiń resmı saıtynda habarlady.

Saltanatty sharaǵa elordalyq úzdik oqýshylar men olardyń muǵalimderi qatysty. Olımpıada jeńimpazdary aldaǵy ýaqytta jalpy bilim beretin pánder boıynsha respýblıkalyq olımpıadaǵa qatysatyn Astana komandasynyń quramasyna kiredi.

Qalalyq olımpıada 5-6 qańtarda ótti, oǵan 694 oqýshy qatysty. Oqýshylardyń bilimin elordalyq JOO jetekshi oqytýshylary baǵalady. Qazylar alqasynyń sheshimimen 280  oqýshy júldeger atandy, sonyń ishinde 43 oqýshy - І oryn, 99 oqýshy - ІІ oryn, 138 oqýshy ІІІ oryn aldy.

«Qalalyq deńgeıdegi olımpıada júldegerlerin búgin marapattadyq. Osy 280 bala endi respýblıkalyq olımpıadaǵa barady. Búgin olardy quttyqtap, marapattap, aq jol tilep, shyǵaryp saldyq. Astana qalasynyń komandasy 9 ret birinshi oryn aldy. Balalar Astana qalasy birinshi oryn alady dep ýáde berdi», - dedi Astana qalasy bilim basqarmasynyń basshysy Elmıra Sýhanberdıeva.

Oqýshylardyń jeńiske jetýine muǵalimder de eleýli úles qosady. Olımpıada qorytyndysy boıynsha jalpykomandalyq esepte №60 mektep-lıtseıi ІІІ oryn, daryndy balalarǵa arnalǵan №9 «Zerde» mektebi ІІ oryn, daryndy er balalarǵa arnalǵan qazaq-túrik lıtseıi І oryn aldy.

Bilim dodasynyń sımvoly - dástúrli aýyspaly «Mýdraıa Sova» daryndy er balalarǵa arnalǵan qazaq-túrik lıtseıine tapsyryldy.

 

 

Astana ákimdigi azyq-túlik baǵasynyń negizsiz kóterilýin habarlaýdy suraıdy

 Astana ákimdigi negizsiz kóterilgen baǵany Astana q. Intellektýaldy baılanys ortalyǵy operatorynyń  Feısbýktegi paraqshasyna  habarlaýdy suraıdy.  

«Qurmetti elorda turǵyndary!

Astana qalasynyń aýyl sharýashylyǵy basqarmasy áleýmettik mańyzdy azyq-túlik ónimderiniń baǵalaryna kún saıyn monıtorıng júrgizetindigin habarlaımyz. Jalpy alǵanda azyq-túlik bazarynda baǵalardyń kúrt ósýi, onyń ishinde sıyr men jylqy etine baıqalmaıdy. Sıyr etiniń ortasha baǵasy 1 150 teńge, al jylqy eti 1400 teńge turady.

Baǵalardyń negizsiz kóterilýi jaǵdaıynda, «Astana 109» resmı paraqshasyna "Facebook" jelisine jáne "Instagram" jelisine ‪#‎astana109 heshtegimen joldaýdy ótinemiz.

Sondaı-aq «Smart Astana» mobıldik qosymshasyna (Android platformasyndaǵy «Play Market»-te bar) óz ótinishińizdi fotomaterıaldy qosa tirkeý arqyly joldaı alasyz («Baılanys ortalyǵy» bóliminde), nemese 109 nómiri arqyly baǵanyń kóterilý faktisi jaıly habarlaı alasyz», - dep jazylǵan habarlamada.

 
Astanada belgili kórkemjazý sheberi Mýharrem Gókshennniń qusnıhat jáne kallıgrafııa kúnderi kórmesi ótedi

 2-3 aqpan kúnderi Astanadaǵy  "Han Shatyr" oıyn-saýyq ortalyǵynda  ıÝnýs Emre atyndaǵy túrik mádenıet ortalyǵynyń uıymdastyrýymen hatker-kallıgraf Mýharrem Gókshenniń  «Astanada Qusnıhat jáne kallıgrafııa kúnderi» atty kórmesi ótedi, dep habarlady atalǵan ortalyqtyń baspasóz qyzmeti.

2 kún jalǵasatyn kórmede ónersúıer qaýymnyń nazaryna Mýharrem Gókshenniń  34 jumysy  usynylatyn bolady. Kórmeniń ashylýynan keıin Mýharrem Gókshen qusnıhat boıynsha sheberlik sabaǵyn ótkizedi.

«Qusnıhat» (kórkem jazý óneri) -«sulýlyq, ádemilik, kórkemdik» degen maǵynany beretin arab tilindegi «husn» sózinen engen. Kallıgrafııa-«ásemdilik» maǵynasyn beretin grek tiliniń «kallos» sózinen engen. Arab áripterimen jazylatyn, meńgerilýi qıyn,  negizinen naqyshtaý maqsatymen meshitterde, aıat jáne dinı kitaptarda qoldanylatyn belgili erejeleri bar beıneleý óneriniń bir túri.  «Qusnıhat» ónerin kallıgrafııa ónerimen jıi shatastyrady. Eki ónerdiń ortaq tusy  kórkem jazý bolyp tabylady. Al «qusnıhattyń» arab áripterimen jazylýy,  meńgerilýi men oryndalýy asa qıyn bolýy - kallıgrafııa ónerinen basty aıyrmashylyǵy. Sonymen qatar kallıgrafııa - bul latyn áriptermen kórkem jazý óneri bolyp tabylady.

Mýharrem Gókshen 1980 jyly Túrkııanyń Chorým qalasynda dúnıege kelgen. Ýnıversıtet qabyrǵalarynda kórkem jazý sabaqtaryn alyp, óner jolyna qadam basqan. 2007 jyly sýretshi-kallıgraf Týran Sevgılıden «súlis» jazýynan dáris alǵan. 2008 jyly kallıgraf Mahmýt Shahınnen «súlis», «nash» jazý túri boıynsha dáris alýdy jalǵastyrǵan. 2012 jyly atalǵan kórkem jazý  túrlerinen dıplom alǵan. Ystambul qalasyndaǵy kásiptik kórkem sýret kýrstaryna qatysyp kallıgrafııa ónerinen sertıfıkat aldy. Túrkııada jeke kórmeleri ótti.

 
Astana ákimdigi jobalaý jáne nysan salý úshin 15 jer telimin bássaýdaǵa shyǵarady

 Astana qalasynyń ákimdigi Beıbitshilik kóshesi, 11 meken jaıynda 2016 jyldyń 16 aqpanynda saǵat 15:00-de ónerkásiptik-azamattyq maqsattaǵy obektilerdi jobalaý jáne salý men ýaqytsha obektilerdi ornalastyrý úshin jer ýchaskeleriniń jaldaý quqyǵyn satý boıynsha aýktsıon ótkizedi. Bul týraly ákimdiktiń resmı saıtynda habarlandy.

 

 

Erteń astanalyqtar sımfonııalyq mýzyka jaýharyn sheberler oryndaýynda tyńdaıdy

 «Astana Opera» teatrynyń orkestri 2 aqpanda Úlken zal sahnasynda kópke tanymal «Sımfonıka» tsıklynan Sımfonııalyq mýzykadan kontsert beredi. Solısti - máskeýlik daryndy pıanıst, «Astana Piano Passion-2015» III halyqaralyq baıqaýynyń laýreaty Vıktor Maslov. Dırıjeri - Qazaqstannyń eńbek sińirgen qaıratkeri Abzal Muhıtdınov, dep jazady Astana qalasy ákimdiginen.

Tyńdaýshylarǵa sımfonııalyq jáne aspapty mýzykanyń jaýharlary: D. Shostakovıchtiń №5 d-moll sımfonııasy, 47 shyǵarmasy (1937) jáne P. Chaıkovskııdiń orkestr men fortepıanoǵa arnalǵan №1 b-moll kontserti, 23 shyǵarmasy usynylady.- D. Shostakovıchtiń sımfonııasynda óte kóp jumbaq jatyr. Biz bul qupııanyń syryn sál ashyp, kompozıtordyń ómirinen onyń týyndylaryn túsinetindeı qyzyqty derekter týraly áńgimeleımiz, - deıdi maestro.Ekinshi bólimde bolashaǵy zor pıanıst óz ónerin ortaǵa salady. Vıktor Maslov - reseılik jas mýzykant, Parıjde, Ankonada, Máskeýde, Kıevte ótken halyqaralyq konkýrstardyń jeńimpazy. 2015 jyly «Astana Piano Passion-2015» konkýrsynda ekinshi syılyq pen eki arnaıy júldeni ıelengen.Mýzykant P. Chaıkovskııdiń orkestr men fortepıanoǵa arnalǵan №1 b-moll kontserti, 23 shyǵarmasyn oryndaıdy.Kontserttiń bastalýy - saǵat 19:00.

Elordada Muqaǵalıǵa arnalǵan ádebı-mýzykalyq kontsert ótedi

 5 aqpan kúni Astana qalasyndaǵy Kongress-Holl saraıynda qazaqtyń birtýar aqyny Muqaǵalı Maqataevqa arnalǵan ádebı-mýzykalyq kontsert ótedi. Bul sharany Astana qalasy ákimdiginiń Memlekettik akademııalyq fılarmonııasy aqynnyń týǵanyna 85 jyl tolýyna oraı alǵash ret uıymdastyryp otyr.

Astana qalasy ákimdiginiń Memlekettik akademııalyq fılarmonııasynyń bas dırektory jáne kórkemdik jetekshisi Sáken Ábdirahmanov aqynnyń týǵan kúni qarsańynda osyndaı kesh ótkizip, elordalyq kórermenderge án men kúıden shashý shashý týraly bastama kótergen bolsa, ony qala ákimdigi de, óner ujymy da birden qoldaǵan.

Osy keshtiń basynda QR Eńbek sińirgen qaıratkeri, Halyqaralyq «Alash» ádebı syılyǵynyń laýreaty, aqyn, dramatýrg Serik Turǵynbekuly halqymyzdyń aqıyq aqyny Muqaǵalı Maqataev týraly kirispe sóz sóıleıdi dep kútilýde.

«Muqaǵalıdyń keshin orkestrmen alǵash ret ótkizgeli turmyz. Aqyn sózine jazylǵan ánderdiń notalary orkestrge túsirildi. Osy mádenı sharaǵa úlken daıyndyq jasalyp jatyr. Jańa shyǵarmalar da oryndalady. Rýhanı baılyqty qadir tutatyn kóremenderimiz úshin sazdy da mándi kesh bolǵaly tur»,- deıdi dırıjer, kúıshi, kompozıtor, professor, QR Eńbek sińirgen qaıratkeri, Astana qalasy Memlekettik akademııalyq fılarmonııasynyń qazaq halyq aspaptary orkestriniń kórkemdik jetekshisi jáne bas dırıjeri Aıtqalı Jaıymov.

Tursynjan Shapaıdyń «Qaıran Qarasazym-aı» degen ánin Arman Jaıym orkestrge laıyqtady. Ermurat Úsenovtiń «Uran» degen kúıi oryndalady.

Tanymal óner qaıratkerleri Maıra Іlııasova, Azamat Jyltyrkózov, Bıbigúl Januzaq jáne fılarmonııanyń basqa ánshileri Muqaǵalıdyń sózine jazylǵan ánderdi oryndaıdy. Sondaı-aq aqynnyń óleńderi oqylady.

Kúıshi Ýálı Bekenovtiń «Kúı ańsaý» atty kúıi alǵash ret oryndalǵaly tur. Oryndaıtyn Astana qalasy memlekettik akademııalyq fılarmonııasynyń Qazaq halyq aspaptary orkestriniń dırıjeri, Mádenıet qaıratkeri - Nurlan Bekenov. Bizge jetken derekterge súıensek, Muqaǵalı kúıdi ańsaǵan kezde Ýálı Bekenovke baryp, kúı tyńdaıdy eken. Keıin aqyn qaıtys bolǵan soń, kúıshi oǵan arnap osy «Kúı ańsaý» atty kúıin shyǵarǵan. Ýálı Bekenov shertpe kúı týraly alǵashqy kitap jazǵan mýzyka zertteýshisi ekeni belgili. Onyń «Kúı kóterer kóńildiń kók jıegin», «Kúı tabıǵaty», «Shertpe kúı sheberleri» jáne basqa zertteý eńbekteri jaryq kórgen. Ózi shertpe kúıdiń sheberi atanǵan adam.

Atalǵan kesh juma kúni 19.00-de bastalady.

 

 

Qazaqstandyq sýdıalar Astananyń xalyqaralyq arbıtraj ortalyǵynda jumys isteı alady

 Qazaqstandyq sýdıalar Astananyń xalyqaralyq arbıtraj ortalyǵynda jumys isteı alady. Bul týraly búgin Ortalyq kommýnıkatsııalar qyzmetinde ótken brıfıngte Joǵary Sottyń arnaıy mamandandyrylǵan sot alqasynyń tóraǵasy Aıgúl Qadyrbaeva málim etti.

«Astana» ortalyǵyn qurýda model etip alǵan Dýbaı qarjy ortalyǵynyń tájirıbesine keletin bolsaq, onda Malaızııa, Sıngapýr, Ulybrıtanııa jáne basqa da sheteldik sýdıalarmen qatar, jergilikti Arab Ámirlikteriniń azamattary sýdıa bolyp qyzmet ete alady. Sondyqtan men xalyqaralyq arbıtrajdyq sotta qazaqstandyq azamattardyń jumys isteýine de jaǵdaı jasalady dep oılaımyn», - dedi A.Qadyrbaeva tilshilerge bergen jaýabynda.

Eske sala keteıik, Elbasy N. Nazarbaevtyń tapsyrmasymen Astana qarjy ortalyǵy qurylýda. Onyń aıasynda sheteldik ınvestorlar úshin xalyqaralyq arbıtrajdyq soty qurylady. Halyqaralyq sot jáne arbıtraj ulttyq sot júıesine kirmeıdi, ol aǵylshyn-sakson quqyǵy negizinde táýelsiz qyzmet atqaratyn bolady.

«Bul ortalyq qatysýshylarynyń daýlaryn negizinen sheteldik sýdıalar aǵylshyn tilinde qaraıtyndyǵyn bildiredi. Astana qarjy ortalyqtyń qyzmetin júrgizetin negizgi organdardy qurý boıynsha uıymdastyrýshylyq jumys QR Ulttyq bankine júktelgen. Sarapshylardyń boljamynsha, qarjy ortalyǵynyń jumysy qazaqstandyq ekonomıkanyń damýyna qýatty serpin beredi», - dedi ol. 

 
Astana men Shyǵys Qazaqstan oblystyq saılaý komıssııalarynyń jańa músheleri taǵaıyndaldy

 Búgin QR Ortalyq saılaý komıssııasy Astana men Shyǵys Qazaqstan oblystyq saılaý komıssııalarynyń jańa múshelerin taǵaıyndady.

«QR-nyń «Saılaý týraly» konstıtýtsııalyq zańynyń 19-baby 6-tarmaǵynyń ekinshi  bóligine jáne 8-tarmaǵyna sáıkes QR Ortalyq saılaý komıssııasy qaýly etedi: 1. QR-daǵy «Saılaý týraly» 1995 jylǵy qyrkúıektegi saılaý zańnamasynda belgilegen tártippen Astana qalalyq saılaý komıssııasynyń shyǵyp qalǵan múshesiniń ornyna Aleksandr Shefer,  Shyǵys Qazaqstan oblystyq saılaý komıssııasynyń shyǵyp qalǵan múshesiniń ornyna  Vladımır Pak taǵaıyndalsyn», - dedi QR OSK qaýlysyn tanystyrǵan komıssııa múshesi Marat Sársembaev.

Sonymen qatar ol atalǵan qaýly Astana qalalyq jáne Shyǵys Qazaqstan oblystyq saılaý komıssııalaryna jáne máslıhattaryna jiberiletindigin atap ótti. Qaýlyny Ortalyq saılaý komıssııasynyń músheleri biraýyzdan maquldady.

 

 Astanadaǵy «Jastar teatryna» jańa basshy taǵaıyndaldy

 Astana qalasy ákimdigi Mádenıet basqarmasynyń sheshimimen Jastar teatrynyń dırektory bolyp Ernar Jumataev taǵaıyndaldy.

Óner ujymynyń basshylyǵyna taǵaıyndalǵan Ernar Kurbanbekuly - Jastar teatrynyń shańyraǵyn kóterip, ýyǵyn qadasqandardyń biri. Ol teatrdyń birqatar repertýaryndaǵy N.Gogoldiń «Revızor» tragıfarsynda - Osıp, Ǵ.Músirepovtiń «Qozy men Baıan» mıýzıklinde - Aıbas, Sh.Aıtmatovtyń «Jan azaby» áfsanasynda - Máńgúrt Jolaman rólderin sátti keıiptedi.       

Ernar Qurbanbekuly - 1984 jyly Tashkent oblysy, Shyńǵys aýylynda dúnıege kelgen. 2002 jyly T.Júrgenov atyndaǵy Qazaq Ulttyq Óner akademııasy, professor Nurqanat Jaqypbaı sheberhanasynda «Drama jáne kıno akteri» mamandyǵyn ıgeredi. Oqý ornyn támámdaǵan soń, Tazabekov teatrynda akterlik qyzmet atqarady. Al,  2007 jyly rejısser Nurqanat Jaqypbaı men shákirtteri bastaǵan top Astana qalasy Jastar teatrynyń irgesin qalaıdy.

Ernar Qurbanbekuly - qazaq jurtyna «Denar» toby arqyly jaqsy tanys. 2008 jyly qurylǵan top shoý-bızneske ózderiniń erekshe stılderimen kelip, halyq arasyna birden tanylyp ketken bolatyn. Keıin, ol óziniń mamandyǵy boıynsha kıno jáne serıaldarǵa túse bastady. Óner ıesiniń «Báıterek», «Amanat» kórkem fılmderindegi, sonymen birge «Áke serti», «Syrǵalym» serıaldaryndaǵy rólderi óz kórermenin taba bildi.

Erteń, 2 aqpan kúni Jastar teatry jańadan taǵaıyndalǵan basshysyn tanystyrý maqsatynda baspasóz konferentsııasyn uıymdastyrady. Sondaı-aq T.Ahmetjannyń «Sulý men sýretshi» qoıylymynyń premerasy da osy kúnge josparlanýda. Qoıýshy rejısseri - Qazaqstannyń eńbek sińirgen qaıratkeri Nurqanat Jaqypbaı.    

 

 

 

Ákim Ysqaqtyń «Kóńil qymbat» atty shyǵarmashylyq keshi ótedi

 8 aqpan kúni Eýrazııa ulttyq ýnıversıtetinde qoǵam qaıratkeri, Qazaqstan Jazýshylar odaǵynyń múshesi, aqyn, jýrnalıst, jazýshy, sazger Ákim Ysqaqtyń «Kóńil qymbat» atty shyǵarmashylyq keshi ótedi.

Qalamgerdiń oqyrmandarmen kezdesý keshin QR Eńbek sińirgen ártisi, professor, opera ánshisi, Eýrazııa ulttyq ýnıversıtetiniń «Káýsar» mádenı-tanymdyq birlestiginiń jetekshisi Kenjeǵalı Myrjyqbaı júrgizedi.

Ákim Ysqaqtyń ánderi shyrqalyp, óleńderi oqylady. Ákim Ábdiqaıymulynyń aqyndyq qasıetimen birge kompozıtorlyq qabileti de erekshe, onyń ánderi búginde elimizge keńinen taralyp ketti. Sonyń ishinde onyń:

«Bul fánıde qashanda-aı ómir qymbat,Ómir qymbat, adamdyq senim qymbat.Baılyǵyń da, dúnıe, bárinen deKóńil qymbat, kóńil qymbat»,- dep shyrqalatyn áni óner súıer qaýymnyń ystyq yqylasyna bólenip júr.

Sonymen qatar osy keshte qalamger stýdentterdiń jáne oqyrmandardyń suraqtaryna jaýap beredi dep kútilýde.

Sondaı-aq osy keshte Á. Ysqaqtyń Qazaq radıosyndaǵy avtorlyq radıohabarlaryna arnalǵan «Kóńil qymbat» atty jańa kitabynyń tanystyrylymy ótedi.

Bul sharany Eýrazııa ulttyq ýnıversıtetiniń «Káýsar» mádenı-tanymdyq birlestigi uıymdastyryp otyr.

Shyǵarmashylyq kesh atalǵan ýnıversıtettiń Prezıdent zalynda saǵat 17-00-de bastalady. Kelemin deýshilerge esik ashyq.

 

 Astanada QR QK-niń jańa avıatsııalyq-tehnıkalyq ortalyǵy salynýda

 Qazaqstannyń qorǵanys-ónerkásibi keshenin damytý sheńberinde «Qazaqstan Avıatsııalyq Indýstrııa» JShS QR Qarýly Kúshteriniń Áýe qorǵanysy kúshterimen birlesip  Astanada avıatsııalyq tehnıkany qurastyrý, jóndeý jáne tehnıkalyq qyzmet kórsetý jónindegi alǵashqy kópbeıindi kásiporyn qurýdy aıaqtaýda. Bul týraly QR Qorǵanys mınıstrliginiń baspasóz qyzmetinen habarlady.

Keleshektegi avıatsııalyq-tehnıkalyq ortalyqtyń óndiris nysandarynyń aýdany 6 000-nan asa sharshy metrdi quraıdy. Atalmysh ortalyq osy jyldyń mamyr aıynda iske qosylady. Jańa ortalyqtyń múmkindikteriniń alǵashqy kórsetilimi «KADEX-2016» qarý-jaraq pen áskerı-tehnıkalyq múlik kórmesi barysynda júzege asyrylady.

Avıaortalyq avıatsııalyq tehnıkaǵa qyzmet kórsetý boıynsha joǵary tehnologııalyq óndiris bazasyn qurýǵa baǵyttalǵan. Bul jerde Qazaqstan Áskerı-áýe kúshteri tehnıkasyna servıstik qyzmet kórsetý jáne jóndeý jumystary júrgiziletin bolady. Ortalyq paıdalanýǵa berilgennen bastap Sý-30 joıǵyshtary men S-295, An-26 jáne An-72 áskerı-kólik ushaqtaryn jóndeý úshin óndirýshi kásiporyndarǵa ushý apparattaryn jóneltý qajettiligi týyndamaıdy. Tıisti daıyndyqtan ótken qazaqstandyq tehnıkalyq personal ushaqtardyń qyzmet etýine deıin ushý qoryn qamtamasyz etedi.  

Mamandardyń aıtýynsha, Qazaqstannyń geografııalyq ornalasýy men óndiris qýaty jańa avıatsııalyq-tehnıkalyq ortalyqqa elimizdiń Qarýly Kúshteriniń múddesinde múmkindikterdi iske asyryp qana qoımaı, sonymen birge óńirlik deńgeıge shyǵýǵa múmkindik beredi.  Bul Memleket basshysy belgilegen Qazaqstannyń ındýstrıaldy-ınnovatsııalyq damý staregııasynyń aıqyn túrde júzege asýy bolmaq. 

 

 

Lázzat Ibragımova «Báıterek» holdıngi basqarma tóraǵasynyń orynbasary qyzmetine taǵaıyndaldy

 Buǵan deıin «Damý» qoryn basqarǵan Lázzat Ibragımova «Báıterek» holdıngi basqarma tóraǵasynyń orynbasary qyzmetine aýysty.

Al, Alına Aldambergen basqa jumysqa aýysýyna baılanysty «Báıterek» holdıngi basqarma tóraǵasynyń orynbasary qyzmetinen bosatyldy. Bul týraly «Báıterek» UBH-nyń baspasóz qyzmeti habarlady.

«Báıterek» Ulttyq  basqarýshy holdıngi  Qazaqstan Respýblıkasy Prezıdentiniń  2013  jylǵy  22 mamyrdaǵy  Jarlyǵymen  quryldy.

Holdıngtiń negizgi mindeti -  damý ınstıtýttaryn, qarjy uıymdaryn basqarý jáne ulttyq ekonomıkany damytý júıesin ońtaılandyrý. Holdıng  qurylymyna  tómendegi enshiles  uıymdar  enedi:

«Qazaqstannyń damý banki» AQ, «QazynaKapıtalMenedjment» AQ, «Qazaqstannyń ınvestıtsııalyq qory» AQ,«QazEksportGarant» eksport-kredıttik saqtandyrý korporatsııasy» AQ, «Memlekettik-jeke menshik seriktestik jobalaryn súıemeldeý ortalyǵy» JShS, «Tehnologııalyq damý jónindegi ulttyq agenttik» AQ, «Damý» kásipkerlikti damytý qory» AQ, «Qazaqstannyń turǵyn úı jınaqtaý banki» AQ, «Qazaqstan ıpotekalyq kompanııasy» AQ, «Báıterek development» AQ, «Ipotekalyq kredıtterdi kepildendirýdiń qazaqstandyq qory» AQ.

EKSPO-2017 kórmesiniń «Úzdik tájirıbeler aımaǵy» pavılony úshin irikteý bastaldy

 Búgin EKSPO-2017 halyqaralyq mamandandyrylǵan kórmesiniń «Úzdik tájirıbeler aımaǵy» pavılony úshin eń úzdik tájirıbelerdi irikteý bastaldy, dep habarlaıdy Astana ákimdiginiń resmı saıty.

Atalǵan pavılonda balamaly qýat kózin alý salasynda júzege asyrylǵan túrli tehnologııalar men jobalar kórsetiletin bolady. Іrikteýdi Halyqaralyq irikteý komıssııasy júzege asyrady.

«Halyqaralyq irikteý komıssııasynyń quramynda Nobel syılyǵynyń laýreaty Djordj Smýt, Halyqaralyq eksperımenttik termoıadrolyq reaktor (ITER) uıymynyń bas dırektory Bernar Bıgo, Energetıka jáne paıdaly qazbalar baǵytynyń dırektory Charlz Faınstaın, Energııa men resýrstar ınstıtýtynyń (TERI) bas dırektory Radjendra Pachaýrı jáne t.b. bar», delingen habarlamada.

Úzdik tájirıbeler aımaǵy «Bolashaq Energııasy» forýmynyń ıdeıasymen úndes. Ol energetıka salasyndaǵy úzdik jobalar men tehnologııalardy kórsetýge arnalǵan. Bul aımaq - kórmeniń ortalyǵy, onda qýat kózin alý, saqtaý, shyǵarýdaǵy úzdik jobalar, klımattyń ózgerýine qatysty kúres nemese damýshy memleketterdiń qýat kózderine qoljetimdiligi sııaqty máseleler usynylady.

Sonymen qatar, úzdik tájirıbeler aımaǵy qatysýshylarǵa energetıka salasyndaǵy úzdik jetistikterdi kórsetip qana qoımaı, tájirıbe almasý, pikir bólisý, sondaı-aq, osy tehnologııalardy, strategııalar men jobalardy damytý aımaǵyna aınalmaq. Bul EKSPO-2017 kórmesiniń taqyryptyq qundylyǵy bolady. 

Balamaly qýat kózderin paıdalanýda júzege asyrylǵan jobalary nemese tehnologııalary bar ǵalymdar, zertteýshiler, izdenýshiler toby nemese kompanııa ókilderi osy baıqaýǵa qatysýǵa ótinim bere alady. Baıqaý sharttary týraly tolyq aqparatty https://www.ebpa2017.org/ebpa saıtynan kórýge bolady.

 

 

Biryńǵaı tólem qujatyn shyǵarý «Astana - ERTs» bazasynda ǵana júzege asyrylady

 1 aqpannan bastap Biryńǵaı tólem qujatyn (BTQ) shyǵarý jáne tólemderdi óńdeý «Astana - ERTs» negizinde júzege asyrylatyn boldy. Osyǵan baılanysty tólemdi tek ekinshi deńgeıli bankterde jáne «Qazposhta» AQ-ynyń bólimshelerinde ǵana júrgizýge bolady. Bul týraly Astana ákimdiginiń resmı saıty habarlady.

Sonymen qatar, 2016 jylǵy 1 aqpannan bastap kommýnaldyq qyzmetter boıynsha kelisim jasaý jáne qaıta esepteý júrgizý úshin «Astana sý arnasy» MKK, «Astana Tazartý» JShS,  «Astanaenergosbyt» JShS abonenttik ýchaskelerine júginý qajet.

Eske sala ketsek, Astanada 2015 jyldyń qazan aıynda Biryńǵaı tólem qujaty engizilgen bolatyn. Jańa qujatta «Astanaenergosbyt» JShS jáne «Astana-ERTs» JShS túbirtekterinde bolǵan qyzmetter biriktirildi. Zamanaýı shoǵyrlandyrylǵan tólem júıesi barlyq kommýnaldyq qyzmetterdi bir túbirtekpen tólep, komıssııalyq shyǵyndarǵa jumsalatyn aqy men ýaqyt únemdeýge múmkindik beredi.

Astana ákimdigi senimsiz qurylys kompanııalarynyń tizimin jarııalady

  Astana qalasynyń ákimdigi qurylys salýshylardyń zańsyz páter satý faktilerin boldyrmaý maqsatynda Astana qalasy ákimdigi men quqyq qorǵaý organdary janyndaǵy turǵyn úı qurylysyna úlestik qatysý máseleleri jónindegi Vedomstvoaralyq komıssııanyń baqylaýyna alynǵan (odan ári - VAK) problemalyq nysandar boıynsha «Sáýlet, qala qurylysy jáne qurylys qyzmeti» týraly zań men «Turǵyn úı qurylysyna úlestik qatysý» týraly zańdy buzǵan qurylys salýshylar tizimin usynady.

Buzýshylyqtarǵa jol bergen qurylys salýshylar boıynsha aqparat qosymshada berilgen. 

Astanada №16-kirme jol 10 jyldan soń qalpyna keltirildi

 Astana stansasynda ondaǵan jyldar boıy jabyq turǵan kirme jol qalpyna keltirildi.

«QTJ» UK» AQ baspasóz qyzmetiniń habarlaýynsha, atalmysh jolda vagondardy kásiporyndardyń kirme joldaryna, onyń ishinde 2-shi jylý elektr ortalyǵyna  da vagondardy jetkizý qyzmeti atqarylady. Bul arqyly stansanyń kire berisindegi keptelister barynsha azaıatyn boldy.

«Kezinde joldyń sapalyq jaǵdaıynyń, júrý jyldamdyǵynyń tómendigine baılanysty onda qozǵalys toqtatylǵan bolatyn»,- deıdi «QTJ» UK» AQ fılıaly -Astana stansasynyń bas ınjeneri Baqythan Ábeýov.

Onyń aıtýynsha, 2015 jyly joldyń joǵarǵy qabaty tóselip, ortasha jóndeý jasalyp, qozǵalys qalpyna keltirildi. Oǵan qosa alǵanda, Astana stansasyn jańǵyrtý baǵdarlamasy aıasynda ortasha jóndeý jumystary jasaldy. Baǵyttaýysh burmalar R-65 tıpti jańasyna kóshirildi. Aǵash shpaldar temirbeton túrlerimen almastyryldy. Oǵan Desic baǵyttaýysh burmalardy ornalastyrý qondyrǵysy qoldanyldy.

Mundaı sharalar poıyzdardyń qozǵalys qaýipsizdigin saqtap, tehnıkalyq qondyrǵylardyń senimdiligin kóteredi. Astanalyq stansa mamandarynyń eńbek qatynasyn jaqsartady.

 

 Qazaqstannyń isker áıelderi astanalyqtardy aldaǵy saılaýǵa qatysýǵa shaqyrdy

 Búgin qalalyq baspasóz ortalyǵynda aldaǵy QR Parlamenti Májilisiniń, sondaı-aq, óńirlik jáne qalalyq maslıhattar saılaýyn qoldaýǵa baǵyttalǵan brıfıng ótti, dep habarlaıdy Astana ákimdiginiń resmı saıty.

Sharaǵa Qazaqstan isker áıelderi qaýymdastyǵynyń ókilderi - birlestik tóraıymy Raýshan Sársenbaeva, basqarma múshesi Baıan Toıkebaeva, Astana qalasy ákiminiń bas ınspektory Rımma Imanǵazınova, sondaı-aq elordalyq kásipker áıelder qatysty.

«Biz - Qazaqstannyń isker áıelderi muqtaj jandarǵa qol ushyn sozyp, belsendi azamattyq pozıtsııany ustanamyz. Biz Memleket basshysynyń Joldaýynda aıtylǵan barlyq bastamalar men ıdeıalardy tutastaı qoldaımyz», - dedi Raýshan Sársenbaeva.

Sharaǵa qatysýshylar qoǵamda elimizdegi áıelderdiń jaǵdaıyna tikeleı baılanysty bolyp tabylatyn turaqtylyqty qoldaýdyń mańyzdylyǵyn atap ótti. Raýshan Sársenbaeva salystyrý úshin 2012 jylǵy saılaý kórsetkishterin keltirip ótti. Bıyl partııadan usynylǵan kandıdattardyń 30% - áıelder, al 2012 jyly bul kórsetkish 27% bolǵan.

Brıfıng kezinde elordalyq kásipker áıelder elimizdiń árbir óńirindegi densaýlyq saqtaý, ekonomıka, bilim, áleýmettik jáne saıası kórsetkishterdi, sonymen qatar áıeldiń atalǵan salalardyń árqaısysynyń damýyna tıgizer áserin talqylady.

Spıkerler barshany bıyl 20 naýryzda ótetin QR Parlamenti Májilisiniń, óńirlik jáne qalalyq máslıhat saılaýyna qatysýǵa shaqyrdy.    

Astanadaǵy Jastar teatrynda álem dramatýrgııasyndaǵy ataqty komedııanyń premerasy ótedi

 Astanadaǵy Jastar teatrynda 6-7 aqpan kúni Álem dramatýrgııasynyń altyn qorynan oıyp oryn alǵan Jan Batıst Molerdiń «Jorj Danden nemese aqymaq bolǵan basym-aı...» komedııasynyń premerasy ótedi, dep habarlady teatrdyń baspasóz qyzmetinen.

 Qoıylym rejısseri - Qazaqstannyń eńbek sińirgen qaıratkeri Bekbolat Qurmanǵojaev. Al, pesany qazaq tiline tárjimálaǵan - A.Súleımenov.

Otbasyndaǵy erli-zaıyptylardyń áleýmettik teńsizdigi týdyrar qıyndyq qaı kezde de ózektiligin joıǵan emes. Jan Batıst Molerdiń «Aqymaq bolǵan basym-aı...» komedııasy - Jorj Danden esimdi keıipkerdiń otbasylyq ómirdegi basynan keshken osyndaı qıyndyqtaryn utqyr ázilmen qyzyqty etip órgen áserli shyǵarma.  Qarapaıym sharýa otbasynan shyqqan jas jigit aqylyna kórki, eńbegine minezi saı  aqsúıek qyzǵa úılenýdi armandaıdy. Biraq, ókinishke qaraı, ómirde armandaǵanyńnyń bári birdeı oryndala bermeıdi.  Amal joq, Dandenge áıeliniń kóleńkesinde ǵumyr keshýge týra keledi...

Aıta ketý kerek, atalǵan komedııa shytyrman oqıǵa, qyzyqty sıýjetiniń arqasynda sandaǵan ǵasyrlar boıy sahna tórinen túspeı, óz kórermenin úzdiksiz qýantyp keledi. 

Qoıylymda basty rólderdi teatrymyzdyń akterleri, Qazaqstannyń eńbek sińirgen qaıratkeri Ǵanı Quljanov, Beıbit Qusanbaev,  Jandáýlet Bataı, Ǵazıza Muqan, Dıana Smaǵulova, Aıman Esenqyzy, Erbol Tileýkenov somdaıdy. 

 Elordada bolashaǵy birtutas ult qalyptastyrý máseleleri talqylanýda

 Búgin QR Prezıdenti janyndaǵy Memlekettik basqarý akademııasynda Qazaqstan halqy Assambelıasynyń qoldaýymen «Qazaqstandyq biregeılik pen birlikti nyǵaıtý: «100 naqty qadam» Ult josparyn júzege asyrý mindetteri men tehnologııalary» taqyrybyndaǵy 3 kúndik respýblıkalyq semınar-trenıng óz jumysyn bastady.

«Bul - óte kúrdeli taqyryp. Degenmen, Memleket basshysynyń «100 naqty qadam» Ult josparyn, 5 ınstıtýttyq reformasynyń 4-shi baǵytyn júzege asyrý barysynda ótken jyly biraz jumys atqardyq. Normatıvtik-quqyqtyq baza quryldy, birqatar negiz qalaýshy qujattar ázirlendi. Bizdiń reformalardyń tórtinshi baǵyty aıasynda ótkizip otyrǵan  jumystarymyzdyń negizgi maqsaty, ıdeıasy  - bul bolashaǵy birtutas ult qalyptastyrý», - dedi alqaly jıyndy ashqan QR Prezıdenti janyndaǵy Memlekettik basqarý akademııasynyń rektory Bolatbek Ábdirásilov.

Aıta keteıik, semınar barysynda «100 naqty qadam» Ult jospary aıasynda aıqyndalǵan jalpyulttyq birlik pen  biregeılikti qalyptastyrý mindetteri túsindirilip,  jalpyulttyq birlik pen  biregeılikti qamtamasyz etý aýqymynda memlekettik organdar men azamattyq sektor arasyndaǵy ózara qatynastyń ádisteri men ustanymdary qarastyrylady.  Etnoáleýmettik, etnosaıası jáne etnokonfessııalyq úderisterdi tıimdi basqarýdyń teorııalyq jáne tájirıbelik quramdas bólikteri sóz bolady. Sonymen qatar «Máńgilik el» ıdeıasynyń mádenı-fılosofııalyq negizderi men memlekettik-azamattyq sáıkestilikti qalyptastyrý protsesin jetildirý joldary talqylanady.

Semınar barysynda qoǵamdyq jáne etnosaralyq kelisim máseleleri boıynsha pikir almasý ján jumys tájirıbesimen bólisý úshin pikirtalas alańdary uıymdastyrylady.  

 
Elordada «Aspannyń máńgilik nazarynda» atty 10 serııaly ǵylymı-tanymdyq derekti fılminiń tusaýkeseri ótedi

 Qazaqstan Respýblıkasynyń Ulttyq mýzeıinde Qazaq handyǵynyń 550 jyldyǵyna arnalǵan Baqyt Qaıyrbekovtiń avtorlyq jobasy «Aspannyń máńgilik nazarynda» atty 10 serııaly ǵylymı-tanymdyq derekti fılminiń tusaýkeseri ótedi, dep habarlaıdy Qazaqstan Respýblıkasy Ulttyq mýzeıiniń aqparattyq ımıdjdik qyzmeti.

Fılmdi Qazaqstan Respýblıkasy Mádenıet jáne sport mınıstrligi men Qazaq ǵylymı-zertteý mádenıet ınstıtýtynyń tapsyrysy boıynsha «Mergen» stýdııasy túsirgen. Bul biregeı joba Nursultan Nazarbaevtyń «Ǵasyrlar toǵysynda» kitaby negizinde Qazaq handyǵynyń 550 jyldyq mereıtoıyna arnaıy daıarlandy. Fılmde «Aspannyń máńgilik nazarynda» eldiń basty tarıhı oqıǵalary - Uly Jibek joly, Kereı men Jánibek handardyń 1465 jyldan bastap bılik qurǵan, ıaǵnı Qazaq handyǵynyń negizi qalanǵan kezeń, mońǵol shapqynshylyǵy men álemdik geosaıası turǵydaǵy qaıta bólisý, táýelsiz Qazaqstannyń qurylýy, ulttyq birliktiń jańa sımvolyna aınalǵan - elorda Astana jáne zamanaýı memlekettiń negizin qalaýǵa baǵa jetpes úles qosqan - Ult kóshbasshysy N.Á. Nazarbaevtyń tarıhı tulǵasy aıqyndalǵan.

Fılmniń ár serıaly óz aldyna týyndy bolyp tabylady, onda kóshpeli halyqtardyń ejelgi zamannan bergi dúnıetanymy jaıly, álemdik órkenıet pen «mádenıetter baılanysy» jetistikter men jańalyqtar, jabaıy jylqyny qolǵa úıretý men alǵashqy metallýrgııalyq peshterdiń paıda bolýy, úzeńgi men ottyń jáne ózge de álemdik órkenıettiń qundylyǵy bolyp tabylatyn noý-haýlardy asha túsedi.

Serıal tek tarıhı emes, sonymen birge qazaq halqynyń uly murasy sanalatyn mıfologııaǵa, folklor men etnografııaǵa negizdelgen fılosofııalyq, dúnıetanymdyq bolyp esepteledi.

Eske sala keteıik, 2015 jyly Vashıngton qalasyndaǵy Djordj Vashıngton ýnıversıtetinde jáne Nıý-Iork qalasyndaǵy Robert De Nıronyń Tribeca kınostýdııasynda eki serııanyń aǵylshyn tilinde tusaýkeseri ótken bolatyn. Fılm amerıkalyq aýdıtorııa arasynda úlken qyzyǵýshylyqqa ıe bolyp, Qazaqstannyń sheteldegi mádenı beınesin nyǵaıtqany sózsiz.

  «Samsung» kompanııasy Astana EKSPO-2017 seriktesi atandy

 «Astana EKSPO-2017» ulttyq kompanııasy» AQ «Samsung» kompanııasymen yntymaqtastyq memorandýmyna qol qoıdy. 

Memorandým negizinde Samsung Electronics Central Eurasia kompanııasyna «Kórmeniń Resmı seriktesi» mártebesi berildi, dep habarlaıdy atalmysh kompanııanyń baspasóz qyzmeti.

«Samsung» álemge áıgili transulttyq kompanııa. Ol óziniń myqty tehnologııalary, ınnovatsııalarymen belgili. Sondyqtan biz úshin «Samsung» jumys isteý mártebe. Kórmede barlyǵy joǵary deńgeıde jumys isteýi qajet. Bul rette, «Samsung» tehnologııasy ýaqytpen tekserilgen sapaly. Biz kórme barysynda álemdegi eń úzdik dúnıelerdiń barlyǵyn kórsete alýymyz qajet. Seriktesterimizdiń qatary kóbeıgenine qýanyshtymyz», - dedi óz sózinde Ahmetjan Esimov. 

«Álbette, EKSPO-2017 Qazaqstan Respýblıkasy úshin mańyzdy sharalardyń biri. Qazaqstan jas, qarqyndy damyp kele jatqan memleket. Ári óz óńiriniń sózsiz lıderi. «Samsung» kompanııasy óz salasynyń kóshbasshysy retinde osyndaı aýqymdy sharaǵa atsalysatyndyǵyna qýanyshty. Birlesken ynta-jigerdiń arqasynda kórmeniń abyroımen ótkiziletindigine senimdimin», - dedi Samsung Electronics Central Eurasia kompanııasynyń Bas dırektory ıÝn Chol Výng.

Budan ári Samsung Electronics Central Eurasia jáne Astana EKSPO-2017 kompanııalary halyqaralyq mamandandyrylǵan kórmeni ilgeriletý barysynda birqatar is-sharalar ótkizýge nıetti.

Sonymen qatar, Samsung Electronics Central Eurasia demeýshilik kómek retinde jeńildikpen taýar jáne qyzmetter kórsetetin bolady, kórmeniń aldyn ala kelisilgen keıbir ǵımarattaryn jabdyqtaýmen aınalysady.

Eske sala ketsek, kórmeni ótkizýge 10-nan asa iri kompanııa tartylyp otyr. Olardyń qatarynda: NCOC, Shell, Eır Astana, CISCO, Saint-Gobain, «Qazkommertsbank» AQ, «Samruq Energo» AQ, «Qazpochta» AQ jáne t.b. bar. Osy baǵytta jumystar jalǵasýda. 

 

 Elorda mektepterinde tumaýdyń aldyn alý sharalary júrgizilýde

 Astanada josparǵa sáıkes, bilim berý uıymdarynda tumaý men jiti respıratorlyq vırýsty ınfektsııanyń aldyn alý sharalary qolǵa alyndy. Bul týraly qalanyń ákimdiginiń resmı saıtynda habarlandy.

«Elordalyq bilim berý uıymdarynda tumaýdyń aldyn alý jáne onyń taralýyn boldyrmaý maqsatynda sanıtarlyq posttar uıymdastyrylyp, JRVI men tumaýdyń aldyn alý boıynsha aqparattyq buryshtar jasaldy, naýqastanǵan balalardy tirkeý jýrnaly júrgizilip, kún saıynǵy aqparat Tutynýshylardyń quqyqtaryn qorǵaý departamentine jiberiledi», delingen habarlamada.

Qańtar aıynyń sońyndaǵy jaǵdaı boıynsha, 2 156 turǵyn tumaý men JRVI-ge shaldyqqan, sonyń ishinde 1 132-i oqýshy, 1 012-i mektep jasyna deıingi balalar jáne 12-i stýdent.

Mektepterde ata-analar jınalystary ótkizilip, mamandar juqpaly aýrýlardyń taralýynyń aldyn alýdy túsindirdi. Jalpy bilim beretin mektepterde 2-9 synyp oqýshylary arasynda valeologııa sabaǵynda jazbasha jumystar júrgizilip, JRVI men tumaýdyń aldyn alý boıynsha beınerolıkter kórsetildi.

Aıta keteıik, Astanada JRVI men tumaý boıynsha epıdemıologııalyq jaǵdaı turaqty, mektepterde karantın joq. «Tumaý» dıagnozy zerthanalyq qorytyndydan keıin ǵana qoıylady.

Eske salaıyq, Astanada 180 memlekettik bilim berý mekemesi bar, sonyń ishinde 83 jalpy bilim beretin mektep (113 376 oqýshy), 85 balabaqsha (34 454 bala), 12 kolledj (11785 stýdent).

 

 

Qaterli isikke shaldyqqan ár balanyń ómiri úshin kúresýge mindettimiz - onkolog dáriger

 4 aqpan - Dúnıejúzi boıynsha qaterli isikke qarsy kúres kúni bolyp belgilengen. Ókinishtisi, qaterli isik qarshadaı balalardyń ómirin tez soldyrady, ımmýnıteti azaıǵan sábıler hımııa-terapııanyń jan shydamas protsedýralarynan keıin tipti nár tatýǵa qaýqarsyz bolyp qalady. Medıtsınanyń damýy bul derttiń tamyryn qııa almaı otyr, alaıda, bilimdi onkolog dárigerlerdiń arqasynda rak aýrýyna shaldyqqan balanyń ómirin uzartýdyń amaldary paıda bolyp jatyr.

Sondaı mamannyń biri, Qazaqstannyń  alpys dárigerine on kúndik semınar ótkizý úshin kelgen TMD elderi arasynda tanymal dáriger, D.Rogachev atyndaǵy balalar gematologııasy, onkologııa jáne ımmýnologııa Reseı federaldyq ǵylymı-klınıkalyq ortalyǵynyń  ońaltý jáne qarqyndy terepııa bóliminiń meńgerýshisi Igor Hamınmen áńgimelesýdiń reti tústi.

- Igor Gennadevıch, ókinishke qaraı, «osyndaı jastaǵy bala qaterli isikten qaıtys boldy» degen sumdyq jańalyqty kúnara estıtin boldyq. Ózińiz onkolog dárigersiz, rak aýrýyna shaldyǵyp, kúnde derlik aldyńyzǵa keletin sábılerdi kórý Sizge de aýyr shyǵar...

- Men qyzmet etip jatqan statsıonar 5 jyldan beri jumys isteıdi. Biraq, bul ortalyq 25 jyldyq tarıhy bar balalar gematologııasy, onkologııa jáne ımmýnologııa ınstıtýtynyń klınıkalyq bazasy bolyp sanalady. Muny nege aıtyp otyrmyn, bul ınstıtýt alǵash ashylǵanda qaterli isikke shaldyqqan balalardyń tek on paıyzy aman qalatyn edi, al qazir rak aýrýynyń jekelegen túrlerine shaldyqqan balalardyń  90 paıyzyna  deıin emdelip shyǵady. Bul jetistik, bul úmit  ómirge degen qushtarlyqty oıatpaıdy dep aıta alamyz ba? Joq. ıAǵnı, bolashaqqa senimmen qaraýǵa bolady. Sondyqtan, qaterli isik - sońǵy úkim emes, onkolog dárigerler árbir balanyń ómiri úshin kúresýge mindettimiz jáne kúrese alamyz!

- Siz Qazaqstanǵa on kúnge shaqyrylǵan ekensiz. Jalpy, saparyńyzdyń maqsaty týraly jáne osyndaı semınarlar men oqytý sabaqtary qandaı nátıje bere alady, sol týraly aıtyp berińizshi?

- Meni «Qasıetti jol» qaıyrymdylyq qory men demeýshi - «EksonMobıl Qazaqstan Ink» kompanııasy shaqyryp otyr. Eń aldymen, osy taraptarǵa alǵys aıtqym keledi. Sebebi, men qazaq dárigerlerine qansha dúnıe úıretsem, meniń de sonsha dúnıe úırenip keterim anyq. Joba 1-10 aqpan aralyǵyna josparlanǵan, osy ýaqyt ishinde onkolog, gematolog, anestezıolog-reanımatolog dárigerlermen, jalpy, sany alpys dárigermen áńgimelesip, olarǵa sheberlik sabaqtaryn ótkizemin. dárigerlerdiń osyndaı         tájirıbe almasýy ne beredi desek, bul birinshiden - jańalyqtan habardar bolýǵa múmkindik beredi. Balalardy qaterli isikten emdeıtin ádis-tásilder bárimizge ortaq bolý kerek, ıaǵnı, osylaı ózara semınar ótkizip, pikir almasý soǵan múmkindik beredi. Meniń semınarlarym onkologııalyq aýrýǵa shaldyqqan 0-18 jas aralyǵyndaǵy balalar men jasóspirimderdiń ómir súrý deńgeıin jaqsartýǵa baǵyttalǵan.

- Semınaryńyz Qazaqstannyń dárigerlerine ne úıretedi?

- Meniń sheberlik sabaqtarym  qaterli isiktiń eń aýyr túrin emdeıtin tásilderge arnalǵan. Erekshe atap óter jaıt, qannyń qaterli isigine shaldyqqan balalar hımııa-terepııany kótere almaı jatady, ábden áli ketken bala tamaq ta ishe almaıdy. Osyndaı jaǵdaıda balany tamyry arqyly tamaqtandyrý, dári-dármek berý mańyzdy. ıAǵnı, qazir tamyrdy jaraqattamaı, tamyrdy kúıdirmeı, teriniń astynan balany tamaqtandyrýǵa, oǵan dári-dármek berýge múmkindik bar. Balanyń ómir súrýi jaqsaryp, kıine alady. Eresekter arasynda qaterli isikke tamyr arqyly dári-dármek salý tásili 10 jyldan beri qoldanylyp keledi. Alaıda, ókinishke qaraı, balalar arasynda bul tásil damymaǵan, endi ǵana engizilip jatyr. Endi ǵana balanyń tamyryna keletin apparattar óndirilip jatyr. Bul tásil Reseıge de jýyrda ǵana kelgen, al endi on kún boıy men biletinimdi Qazaqstandaǵy áriptesterime kórsetkim keledi. Men Qazaqstanǵa úıretý úshin ǵana keldi degen túsinik teris bolar, sebebi, Qazaqstanda qaterli isikti emdeýdiń joldary jaqsaryp keledi. Meniń de bul jerden úırenerim kóp eken, tipti, múmkindik bolsa, qazaqstandyq áriptesterimdy bizdiń Máskeýge shaqyrǵym keledi.

- Osy joba aıasynda Reseıden taǵy bir áriptesińiz keledi eken.

- Iá, operatsııalyq bloktyń dárigeri Vladıslav Şýkın ekeýmiz kelesi aptanyń basynda qazaqstandyq áriptesterimizben birge onkologııalyq  aýrýǵa shaldyqqan balalarǵa joǵaryda aıtqan tásildi engizý boıynsha alǵashqy operatsııa jasaımyz.

- Operatsııa sátti ótsin! Operatsııa aıaqtalǵannan keıin nátıjesi týraly taǵy áńgimelesýge múmkindik bola ma?

- Ýaqyt tabylady dep oılaımyn. «Ana men bala» ortalyǵy óte biregeı ortalyq, sol ýaqytqa deıin ortalyq jumysymen tolyǵyraq tanysyp, budan da artyq aqparat bere alamyn dep oılaımyn.

- Onda, kezdeskenshe! 

 

Elordalyq dárigerler onkologııalyq aýrýlarmen kúresýge shaqyrdy

 Astanada qalalyq onkologııalyq ortalyqta Dúnıejúzilik qaterli isik aýrýlarymen kúres kúnine oraı fleshmob ótti, dep habarlady qalalyq ákimdiktiń baspasóz qyzmetinen.

«Bizdiń qolymyzdan keledi! Meniń qolymnan keledi!» uranymen uıymdastyrylǵan sharaǵa onkodıspanserdiń dárigerleri qatysty.Shara barysynda densaýlyq saqtaý mekemesiniń qyzmetkerleri aqparattyq plakattar arqyly aýrýdyń belgileri men ony dıagnostıkalaý ádisteri týraly aıtyp berdi.Sonymen qatar, dıspanserdiń májilis zalynda Astana qalasyndaǵy qazirgi jaǵdaı talqylandy. Onkologııalyq dıspanserdń bas dárigeri Muhtar Tóleýtaev baspasóz maslıhatyna qatysýshylardyń suraqtaryna jaýap berdi. Mekeme basshysy onkologııalyq aýrýlar máselesiniń ózekti bolýyna oraı atalmysh sharanyń mańyzdy ekendigin atap ótti.Muhtar Tóleýtaev, Onkologııalyq dıspanserdiń bas dárigeri:- Qazirgi kezde barsha álemde onkologııalyq aýrýlarǵa shaldyǵý jaǵdaılary artyp keledi. Buǵan adamdardyń ortasha ómir súrý jasynyń ulǵaıýy da septigin tıgizdi, qaterli isikke eresek adamdar jıi shaldyǵady.Búgingi tańda Qazaqstanda 150 myńnan astam adam onkologııalyq esepte tur. Jyl saıyn obyr aýrýyna shaldyǵýdyń 34 myńǵa jýyq jaǵdaıy anyqtalady.Kóbine mundaı kórsetkishter azamattardyń dárigerlerge ýaqytyly qaralmaýyna baılanysty tirkeledi. Onkologııalyq ortalyqtyń bas dárigeri mundaı jaǵdaılardy boldyrmaý úshin azamattardy skrınıngtik tekserýden ótýge shaqyrdy.Muhtar Tóleýtaev, Onkologııalyq dıspanserdiń bas dárigeri:- Qaterli isikti erte kezeńde anyqtaý joldarynyń biri - obyr aýrýlaryn erte anyqtaý boıynsha skrınıngtik baǵdarlamalar. Skrınıngten basqa, qandaı da bolmasyn hronologııalyq patologııasy bar kez kelgen adam jylyna kem degende bir ret tolyq tekserilýden ótýi kerek.Baspasóz maslıhatyna qatysýshylar onkologııalyq aýrýlarǵa, onymen kúres jáne Qazaqstanda qalyptasqan ahýalǵa qatysty suraqtaryn qoıdy.Aıta keteıik, Qazaqstannyń áleýmettik saıasatynyń basym baǵyttarynyń biri onkologııalyq aýrýlarmen kúres. Bıyl 1-10 aqpan aralyǵynda onkologııalyq aýrýlardyń aldyn alý jáne ony erte anyqtaý boıynsha onkúndik ótedi.

Bir adamnyń ómirin qutqarý úshin keminde 10 adam qan tapsyrýy kerek - Sh.Musabekova

 Astanadaǵy transfýzıologııa ǵylymı-óndiristik ortalyǵynda «Bir tamshy qan bir adamnyń ómirin qutqarady» atty aktsııa bastaldy. Sharanyń basty maqsaty - óz erkimen qan tapsyryp, donor bolatyn adamdardyń qataryn kóbeıtý. 

«Búgin «Nur Otan» partııasynyń qoldaýymen Densaýlyq saqtaý jáne áleýmettik damý mınıstrligi el Táýelsizdiginiń 25 jyldyǵyna oraı «Bir tamshy qan bir adamnyń ómirin qutqara alady» atty aktsııa bastaldy. Osy Qan ortalyǵynda (transfýzıologııa ǵylymı-óndiristik ortalyǵynda) jylyna 45 myń donor qan tapsyrady. Kúnine úsh myń lıtr qan daıyndaımyz. Biz elordadaǵy 23 klınıkany donor qanymen qamtamasyz etip otyrmyz», - deıdi ortalyq dırektorynyń medıtsınalyq jumystar jónindegi orynbasary Shaıjamal Musabekova. Dárigerdiń aıtýynsha, qan ketip, ómir men ólim arasynda jatqan bir áıel adamdy qutqarý úshin keminde 10 adam qan tapsyrýy kerek. «Ortalyqqa kelip, erikti túrde qan tapsyratyn donorlarǵa aıtar alǵysymyz sheksiz. Rasymen, bir adam kelip, bir tamshy qan tapsyrsa da, hal ústinde jatqan adamnyń ómirin qutqarýǵa bolady degen bir úmit paıda bolady. Mysaly, onkogematologııa ortalyǵy erıtrotsıtter men plazmany (qan túıirshikteri) qospaǵanda, trombotsıtterdiń 5 dozasyna muqtaj. Osy ortalyqtaǵy adamnyń hali nasharlap qan ketse, keminde bir lıtr plazma kerek bolady. ıAǵnı, keminde bes adam donor bolýy kerek. Al, ártúrli jaǵdaıda, mysaly, bosanyp bolmasa, jaraqattanyp, qan ketken áıel adamdy aman alyp qalý úshin keminde 10 adam qan tapsyrýy kerek. ıAǵnı, donordyń kómegi kún saıyn aýadaı qajet»,-deıdi Sh.Musabekova. Kez kelgen donordyń qanynda jaramdylyq merzimi bolady, sondyqtan, Sh.Musabaeva donorlarǵa, ásirese, jastarǵa bir tapsyrǵanda 450 ml qan tapsyrýǵa bolady dep keńes berip otyr. Birinshiden, qan eskirip ketpeıdi, ekinshiden, bul mólsher densaýlyqqa múlde zııan emes eken. Al, búgingi aktsııa aıasynda shamamen júz adamnan artyq donor qan tapsyrylady dep josparlandy. Tipti, jáı kúnderdiń ózinde 100-120 adam qan tapsyryp ketedi eken. Onyń ústine, Qan ortalyǵynyń mamandary aptasyna tórt ret kásiporyndar men keńselerge baryp, erikti donorlardan qan jınap ketedi. Mine, Qan ortalyǵy neshe túrli dertke shaldyqqan adamdardyń ómirin qutqarý úshin osylaı da donorlardan qan jınaıdy.     

Bıyl elordada 18 myńnan astam jumys orny ashylady

 Bıyl Astanada 18 myńnan astam jumys ornyn ashý kózdelgen, dep habarlady Jumyspen qamtý ortalyǵy.

Ústimizdegi jyldyń 1 aqpanyndaǵy jaǵdaı boıynsha, 1565 jańa jumys orny ashyldy. Onyń 121-i - ónerkásip, 336-sy - saýda, 73-i - kólik jáne baılanys, 221-i - bilim jáne densaýlyq saqtaý, 171-i - qurylys jáne kommýnaldyq sharýashylyq salasynda bolsa, qalǵan 643-i - ekonomıkalyq qyzmettiń basqa túrlerine jatady.

Sonymen qatar, qańtar aıynyń qorytyndysy boıynsha Astana qalasy ákimdiginiń Jumyspen qamtý ortalyǵy 310 adamdy jumysqa ornalastyrdy. Jastar tájirıbesinen ótýge 62 túlek jiberildi.

Aıta keteıik, 2015 jyly elordada 18 389 jańa jumys orny quryldy. Ótken jyldyń qorytyndylary boıynsha Astana qalasy ákimdiginiń Jumyspen qamtý ortalyǵymen 5 937 adam jumysqa ornalastyryldy.

 10 aqpanda Astana ákimdigi barlyq basqarmalarynyń basshylary halyqpen kezdesedi

 Astanada «Belsendi azamat» aktsııasy aıasynda ashyq esik kúni ótedi, oǵan barlyq qalalyq basqarmalardyń basshylary qatysady. Kezdesý barysynda turǵyndar óz suraqtaryn qoıyp, qalada turý sapasy men jaılylyǵyn arttyrý maqsatynda ınfraqurylym jumysyn jaqsartý boıynsha usynystaryn jetkize alady, dep habarlady elordalyq ákimdiktiń saıty.

Basqarmalardyń basshylary ótken jyly atqarylǵan jumystardyń qorytyndysyn shyǵaryp, bıylǵy jylǵa arnalǵan josparlarmen bólisedi. Qala turǵyndary óz suraqtaryn aýyzsha jáne jazbasha túrde joldaı alady.

«Biz elorda turǵyndarymen jeke kezdesip, elorda ákimdiginiń resmı saıtyndaǵy (www.astana.gov.kz) «Halyqtyq baqylaý» jáne «Vırtýaldy qabyldaý bólmesi» aıdarlary arqyly kelip túsetin suraqtarǵa jaýap beremiz», - dep atap ótti Astana qalasy Іshki saıasat basqarmasynyń basshysy E. Qanalımov.

Halyqpen esep berý kezdesýi 2016 jylǵy 10 aqpanda Kongress-hollda ótedi. Bastalýy saǵat 10:00-da.

Aldaǵy ýaqytta qala turǵyndarymen jáne basqa da múddeli turǵyndarmen tyǵyz qarym-qatynasta bolý úshin osyndaı kezdesýler turaqty túrde ótkiziletin bolady.

 

M.Maqataevtyń týǵanyna 85 jyl: Elordada ótken keshte jurtshylyq aqynymen syrlasqandaı boldy

 Elorda jurtshylyǵy Muqaǵalı jyrymen sýsyndap, aqynnyń óleńderine jazylǵan ánderdi súısine tyńdady. Astana qalasyndaǵy Kongress-Holl saraıyna lyq tolǵan kórermen qazaqtyń birtýar muzbalaq aqyny Muqaǵalı Maqataevtyń týǵanyna 85 jyl tolýyna arnalǵan ádebı-mýzykalyq kontsertti tamashalady. 

Osy mádenı sharanyń shymyldyǵyn ashqan QR Eńbek sińirgen qaıratkeri, Halyqaralyq «Alash» ádebı syılyǵynyń laýreaty, aqyn, dramatýrg Serik Turǵynbekuly kirispe sóz sóılep: «Bıyl Muqaǵalı jyrymen sýsyndaıtyn, Muqaǵalı rýhymen syrlasatyn jyl bolady dep oılaımyn. Ózim de Muqaǵalıdyń janynda júrgen inileriniń birimin. Sol kezde bárimizde oǵan elikteýshi edik. Onyń jyryna, adamı qasıetterine tánti bolmasqa bolmaıdy. Muqaǵalıdyń batyldyǵy bizge unaıtyn edi. Naǵyz talantty aqyndar qaı kezde de bılikke jaqpaǵan. Muqaǵalı da bılikke jaqqan joq»,- dep aqyn týraly, onyń shyǵarmashylyq bıik deńgeıi týrasynda oı tolǵady.

Kontserttik baǵdarlama Astana qalasy Memlekettik akademııalyq fılarmonııasynyń qazaq halyq aspaptary orkestriniń oryndaýyndaǵy Ermurat Úsenovtyń «Uran» degen kúıimen bastaldy. Orkestrdiń kórkemdik jetekshisi jáne bas dırıjeri - Aıtqalı Jaıymov. Muqaǵalıdyń kóptegen óleńderine ánder jazylǵany belgili. Osy keshte sonyń birqatary oryndaldy. Aıtalyq, T. Shapaıdyń «Qaıran Qarasazym-aı» ánin Sáken Álimhanov shyrqasa, Sáken Syzdyq T.Rahymnyń «Qazaǵym-aı» ánin oryndady.Ýálı Bekenovtyń Muqaǵalıǵa arnaǵan «Kúı ańsaǵan» kúıin Mádenıet qaıratkeri Nurlan Bekenov kórermen narazyna usyndy. Án men kúılerdiń arasynda óner sheberleri Nuraı Tanabaev pen Marjan Myrzabekova M.Maqataevtyń óleńderi men qarasózderin jáne aqynnyń kúndeligine jazyp ketken syrlaryn mánerlep oqydy.Kelesi kezekte G.Dáýkenovanyń «Kúreń kúz» ánin Dıana Maı, Janerke Hasenova jáne Janna Súıinshalına oryndap berdi. J.Artyqbaevanyń «Muńaıdym sen joqta» ánin Gúlzıra Bókeıhanqyzy naqyshyna keltire shyrqady. Ánshi Danııar Muqan T.Rahymnyń «Sanaýly kún» ánin, al Baýyrjan Nurymbetov A.Kenjebekovtyń «Jas qaıyń» ánin oryndap, kórermender qoshemetine bólendi.Aqynnyń sózine jazylǵan bir ánderdiń sazynda muń, saǵynysh, arpalys sezimderi bolsa, al jigerli, qýatty endi bir ánder kórermenderdiń rýhyn kóterip jiberedi. Elorda jurtshylyǵy aqynnyń ózimen syrlasqandaı áser aldy.Odan keıin T.Rahymnyń «Otyzdan asyp baramyn» ánin Asylhan Shalqarov, E.Ábdihalyqovanyń «Esińe meni alǵaısyń» ánin Zýlfııa Baımyrza, al T.Rahımovtyń «Aıakóz arý» ánin Perızat Turarova oryndady. Osy keshte Muqaǵalıdyń óleńderin arqaý etken Nurǵısa Tilendıevtiń birneshe ánderi shyrqaldy. Atap aıtqanda, áıgili «Sónbeıdi áje shyraǵyń» ánin Saltanat Muratbekova, «Kel, erkem, Alataýyńa» ánin Bıbigúl Januzaq, «Men senderdi izdeımin» ánin Azamat Jyltyrkózov kórermender nazaryna usyndy. Al «Sarjaılaý» ánin tanymal ánshi Altynaı Jorabaeva shyrqap, halyqty bir serpiltip tastady. Elorda fılarmonııasynyń qazaq halyq aspaptary orkestri Táttimbettiń «Sarjaılaý» kúıin oryndady, dırıjerlik jasaǵan Nurlan Bekenov.Kelesi sátte Shámshi Qaldaıaqovtyń «Taldyqorǵan» ánin Araılym Rahymqyzy tamyljyta oryndady. T. Rahımovtyń «Sábı bolǵym keledi» ánin Nurbol Balapanov, Jambyl Nurlybaı jáne Dıhan Ilıashev shyrqaǵanda, elge keń taralyp ketken osy bir júrek sezimin terbeıtin ánniń yrǵaǵyna kórermender de qosylyp otyrdy.Ánshi Estaı Muqashev Sh.Seıdahmetovtyń «Mahabbat ánin» oryndap, óner súıer qaýymnyń ystyq yqylasyna bólendi.Kórermenin án men jyrǵa bólegen osy keshtiń qorytyndysynda ártis Baqyt Hadjybaev Serik Turǵynbekulynyń «Muqaǵalıdyń sońǵy sózi» atty monologyn oqydy. Ol halyq aldynda aqyn bolyp til qatty. Jyrdyń sońy: «Taýdan túlep ushyp em,Taýǵa baryp demalam»,- dep túıindeledi.Osyndaı jyr keshin uıymdastyrý bastamasynyń avtory Astana qalasy ákimdiginiń Memlekettik akademııalyq fılarmonııasynyń bas dırektory jáne kórkemdik jetekshisi Sáken Ábdirahmanov ekenin aıta ketkenimiz jón.

 
«Astana Opera» teatrynda erekshe dýet kontsert beredi

 16 aqpanda «Astana Opera» teatrynda arfamen kontsert berýde teńdesi joq Aıdana Qarasheva men mýltıaspapshy ıÝrıı Tashtamırov «Erekshe dýet» atty kontsert beredi. Bul týraly teatrdyń baspasóz qyzmeti habarlady.

P.Chaıkovskıı atyndaǵy Máskeý memlekettik konservatorııasynda I.P.Pashınskaıa men A.Z.Bondýrıanskıı sııaqty professorlardyń klasynan bilim alǵan daryndy jas oryndaýshylar 2013 jyly A-DUO (ıtalıansha - «ekeýara oınaý») ansamblin  qurǵan. Búginde Aıdana Qarasheva - ózindik stıli bar mýzykant, al ıÝrıı Tashtamırov 10 úrmeli aspapty ıgergen. Ol óte sırek kezdesetin aspap, XVIII ǵasyrdyń aıaǵyndaǵy klarnettiń bir túri - bassetgornda oınaıdy. Qazirgi ýaqytta ártister jıi kontsertter qoıýda.

Dýet, shynymen de, erekshe - jas mýzykanttardyń shyǵarmashylyq odaǵy otbasylyq odaqqa aınalǵan. Endi kórermen aspapshylar oryndaıtyn mýzykalyq jaýharlarmen birge, súıgen júrekterdiń áýenin de tamashalaı alady.

Bul - oryndaýshylardyń «Astana Opera» sahnasyndaǵy debıýti, sondyqtan kesh baǵdarlamasyna olar úlken jaýapkershilikpen daıyndalýda. Oǵan: I.Bah, E. Vılla-Lobos, M.Ravel, K.Gılman, K.Glıýk, E.Úsenov jáne basqalardyń shyǵarmalary endi. 

M.Maqataevtyń 85 jyldyǵyna arnalǵan «Poezııa, menimen egiz be ediń...» ádebı-sazdy keshi ótedi

 Erteń QR Ulttyq mýzeıinde «Tarıhı tulǵalar» atty oqý-aǵartý baǵdarlamasy aıasynda aqıyq aqyn Muqaǵalı Maqataevtyń 85 jyldyǵyna arnalǵan «Poezııa, menimen egiz be ediń...» ádebı-sazdy keshi ótedi, dep habarlaıdy Qazaqstan Respýblıkasy Ulttyq mýzeıiniń aqparattyq-ımıdjdik qyzmeti.

Keshtiń basty maqsaty  qazaqtyń mańdaıyna bitken uly perzentiniń týǵan kúnin eskerýsiz qaldyrmaý jáne sol arqyly mýzeıge kelýshi qonaqtarǵa ádebıetimizdiń altyn qoryna engen ónegege toly aqyn óleńderin nasıhattaý. Qanshama jyldar ótse de ómirsheńdigin joımaı kele jatqan aqynnyń shyǵarmashylyǵyn kez kelgen jastaǵy qazaqstandyq súıip oqıdy. Atalmysh keshtiń ótýi soǵan bultartpas dálel bolmaq.Ádebı-sazdy keshte mýzeıdiń jastar teatr stýdııasy poetıkalyq prolog jasap, mýzeı qyzmetkerleri aqynnyń óleńderin oryndaıdy. Sharaǵa Serik Turǵynbekov, Ajar Erbolǵan syndy mádenıet jáne óner qaıratkerleri qatysady. 

«EKSPO-2017: Barlyq týlar bizde qonaqta» kórmesi ótedi

 Astana qalasyndaǵy №63 mektep-gımnazııasynda «EKSPO-2017: Barlyq týlar bizde qonaqta» kórmesi ótkiziledi. Bul týraly qalalyq bilim basqarmasynyń baspasóz qyzmetinen habarlady.

Shara EKSPO dúnıejúzilik kórmesiniń tarıhy, negizgi maqsattary men ótkizilý formalary jaıly habardar etý úshin, sondaı-aq, jastar sanasynda óz respýblıkasyna degen patrıottyq sezimdi oıatý, ulttyq sana-sezimdi qalyptastyrý, óz eliniń ultjandy azamaty bolý qaǵıdasyn nasıhattaý bolyp otyr.

Mektep oqýshylary úshin uıymdastyrylǵan kórme jumysyna Astana qalasynyń tarıh jáne qoǵamdyq pánderiniń ustazdary atsalysady. Shara birqatar bólimnen turady. Atap aıtqanda,  negizgi bóliminde oqýshylar «EKSPO: bolashaq búginnen bastalady» kórme zalynyń jumysymen tanysady. Al jas zertteýshiler toby halyqaralyq kórmeler tarıhyna sholý jasaıdy. Jobalaýshylar toby Astana qalasyndaǵy EKSPO-2017 kórme kesheniniń jobasyn usynyp, EKSPO-2017 kórmesin ótkizýdiń tıimdi jaqtaryna toqtalady. Jas ǵalymdar toby Astana qalasyndaǵy EKSPO-2017 kórmesindegi «Bolashaq qýaty» taqyryby boıynsha júzege asyrylýy múmkin ıdeıalaryn kórermen nazaryna usynady.

 
Astanada tájik-aýǵan shekarasynda qaza tapqan qazaqstandyq jaýyngerlerdi eske aldy

 Búgin «Otan Qorǵaýshylar» monýmentiniń janyndaǵy alańda 1995 jyly 7 sáýirde tájik-aýǵan shekarasynda qaza tapqan 17 qazaqstandyq jaýyngerge arnalǵan eskertkishke gúl qoıý rásimi ótti, dep habarlady astana.gov.kz. 

QR QK Joǵary Bas qolbasshysynyń 1992-2001 jj. aralyǵynda tájik-aýǵan ýchaskesinde TMD syrtqy shekarasyn qorǵaý boıynsha áskerı tapsyrmasyn oryndaǵan qazaqstandyq jeke qosyndy atqyshtar batalonynyń Tájikstan Respýblıkasynan shyǵarylǵanyna týra on bes jyl boldy.

Sharaǵa sarbazdar men ofıtserler, áskerı is-qımyldar ardagerleri, sondaı-aq, qaza tapqan jaýyngerlerdiń analary qatysty. Jınalǵandar qazaqstandyq jaýyngerlerdi bir mınýt únsizdikpen eske aldy. 

«Áskerı qyzmetshiler, elorda turǵyndary, 15 jyl buryn men osy batalondy tájik-aýǵan ýchaskesinen shyǵarǵan bolatynmyn. Shekara qyzmeti, áskerı kúshter, ishki áskerler segiz jyl boıy áskerı tapsyrmalar oryndady. Olar 18-19 jasta edi. 24 batalon óz tapsyrmasyn oryndady. Biz uldarymyzdan aıyryldyq, degenmen, biz árqashan da erlik jasaı alatynymyzdy maqtan etýimiz kerek», - dedi QR UQK shekara qyzmeti bas shtabynyń basshysy Magmed Sadykov.

Aıta keteıik, tájik-aýǵan shekarasynda qaza tapqan qazaqstandyq jaýyngerlerge arnalǵan eskertkishter elimizdiń tórt qalasynda ornatyldy: Semeıde, Pavlodarda, Shymkentte jáne Atyraýda.

      
Elordada «Aqyndar Táýelsizdikti jyrlaıdy» poezııalyq marafony bastaldy

 Astanada «Aqyndar Táýelsizdikti jyrlaıdy» poezııalyq marafony bastaý aldy, dep habarlady www.24.kz. 

Oǵan eldegi aqyn-jazýshylar qatysyp, jastarǵa elimizdiń egemendigi jaıly baıandady. Qatysýshylar «Tiregimiz - táýelsizdik, tilegimiz - turaqtylyq, bilegimiz - birlik» kórmesin tamashalaýǵa múmkindik aldy. Aıta ketsek, bul shara jyl boıy ótedi. Munda 500-ge jýyq biregeı kitap jınaqtalǵan. Olar Táýelsizdik, Qazaqstan halqy Assambleıasy, Astana jáne EXPO-2017 syndy 4 taraý boıynsha ornalastyryldy. Kórmege kez kelgen ýaqytta tegin kirýge bolady.

 «Aqyndar Táýelsizdikti jyrlaıdy» poezııalyq marafonynyń maqsaty - qazaq memlekettiliginiń san ǵasyrlar boıy damyp qalyptasqan tarıhyn, jastarǵa patrıottyq sezimdi nasıhattaý jáne kórkem ádebıetti jastar arasynda keńinen nasıhattaý. Oǵan Nesipbek Aıtuly, Serik Turǵynbek syndy aqyndar qatysady», - dedi  QR Ulttyq akademııalyq kitaphanasynyń menedjeri: - Aınagúl Ospanova.               

 

 

Elordada aktrısa Baqyt Jumaǵulova «Ana júregi» atty monospektaklin usynady

 15 aqpan keshki saǵat 18.00-de Q.Qýanyshbaev atyndaǵy Memlekettik akademııalyq qazaq mýzykalyq drama teatry sahnasynda aktrısa Baqyt Jumaǵulovanyń somdaýynda «Ana júregi» atty monospektakldiń premerasy ótedi, dep habarlady teatrdyń baspasóz qyzmeti.

Shyǵarma  jazýshy  Sh.Aıtmatovtyń «Qus joly» povesi negizinde «Ana júregi» ataýymen jaryq kórdi.  Qıyn qystaý kezdegi Ananyń týǵan jerine, halqyna, eń bastysy jary men balalaryna degen mahabbatyn, batyldyǵyn, shydamdylyǵyn qoıylym negizine arqaý etken.

Shyǵarmany qazaq tiline aýdarǵan - Sh.Murtaza. Spektakldiń rejısseri - QR halyq artısi Tilektes Meıramov.

Baqyt Botpaıqyzy Jumaǵulova - Qaraǵandy oblysy, Buqar jyraý aýdanynda dúnıege kelgen.1984 jyly qazaq orta mektebin bitirip, sol jyly Qaraǵandy mýzyka ýchılışesiniń dombyra synybynda oqydy.

1986-1988  jyldary  M. Áýezov atyndaǵy akademııalyq drama teatrynyń janyndaǵy drama stýdııasynda  Áýbákir Rahymovtyń synybyna qabyldandy.

1988-1997 jyldary   Taldyqorǵan qalasynyń qazaq  drama teatrynda aktrısa  qyzmetin atqardy. Osy teatrdaǵy on jyl eńbeginde kóptegen rólderdi sahnaǵa beınelep shyǵardy. Olar: «Pushaıman bolǵan áýlıe» - Áıel, «Aqyn-Sara» - Sara, «Shyraǵyń sónbesin» - Sveta,  «Paı-paı, jas jubaılar-aı» - Záýresh,  «Eńlik-Kebek» - Eńlik t. b

1997 jyldan Astana qalasyndaǵy  Q.Qýanyshbaev atyndaǵy Memlekettik akademııalyq qazaq mýzykalyq drama teatrynda eńbek etip keledi.

2002-2005 jyldary Qazaq mýzykalyq Ulttyq Akademııasynyń teatr jáne kıno bóliminiń akter mamandyǵyn bitirdi.

Teatrdaǵy rólderi: M.Hasenov «Qosh bol ardaǵym», M.Áýezov «Qandy azý», «Qaragóz»-Úsh áıel,  Ǵ.Músirepov «Qyz Jibek»-Dúrııa, Sh. Aıtmatov «Ana-Jer-Ana» - Jer-Ana,  «Aq keme» - kempir, Q.Baıseıitov, Q.Shańǵytbaev «Beý,qyzdar-aı» - Aısulý, B.Uzaqov«Jandaýa»-kempir, Á.Nurpeıisov «Qan men ter» - Álızá, E.Jýasbek «Úılený» - Merek, «Antıvırýs» - Fatıma, «Ázázil» - Ekinshi áıel, F.Ońǵarsynova «Dalanyń kúıshi Dınasy» - Dınanyń jeńgesi, T.Djıýdjenoglý «Kóshkin»- qaýym múshesi, M.Frısh «Don-Jýannyń dýmany» - Donna Izabella, Sh.Murtaza «Bir kem dúnıe».

 Sonymen qatar óleń jazý shyǵarmashylyǵymen aınalysady, biraz óleńderin Qazaqstannyń ánshiler tyńdaýshy kórermenderge tanytty.

 
Elordalyq polıtseıler aıyppul tóleý joldary týraly aıtyp berdi

 Astana qalasy Jergilikti polıtsııa qyzmetiniń habarlaýynsha, jol-patrýldik polıtsııa qyzmetkerleri ótken aptada Jol qozǵalysy erejelerin buzýdyń 6,5 myńnan astam jaǵdaıyn anyqtady. Bul týraly elorda ákimdiginiń saıtynda habarlady.

Kún saıyn jol qozǵalysyna qatysýshylardyń tártibin arttyrý jáne apattylyqtyń aldyn alý maqsatynda jol-patrýldik polıtsııa qyzmetkerleri Jol qozǵalysy erejelerin óreskel buzý jaǵdaılaryna erekshe nazar aýdarady. Atap aıtqanda, jyldamdyqty shamadan tys arttyrý, qaýipsizdik beldikterin taqpaý, joldyń qarsy baǵytyna shyǵý, kólikti mas kúıde basqarý.

Apta ishinde jol qozǵalysyn qadaǵalaý barysynda kólikti basqarý kezinde qaýipsizdik beldigin taqpaǵan 630 júrgizýshi ustaldy; baǵdarshamnyń qyzyl shamyna júrip ótken 200 astam kólik tirkeldi; jaıaý júrginshiler ótkelinde jaıaý júrginshilerge jol berý talabyn oryndamaýmen baılanysty 140 buzýshylyq; jyldamdyqty shamadan tys arttyrýdyń 100 jaǵdaıy, joldyń qarsy baǵytyna shyǵý men apatty jaǵdaı týdyrýdyń 70 faktisi anyqtaldy.

Sonymen qatar, kólikti mas kúıinde basqarǵany úshin 30 júrgizýshi ustaldy, 68 kólik aıyppul turaǵyna qoıyldy.

Astana qalasynyń Jergilikti polıtsııa ókilderiniń aıtýynsha, Qazaqstan Respýblıkasynyń qoldanystaǵy ákimshilik zańnamasyna sáıkes (QR ÁQK 810-811b.)Jol qozǵalysy erejelerin buzǵany úshin aıyppuldardy (avtomatty túrde baqylaý-ólsheý quraldarymen tirkelgen buzýshylyqtardan basqa)7 táýliktiń ishinde kórsetilgen aıypul somasynyń 50 paıyzy mólsherinde tóleýge bolady.

Budan basqa, aıyppuldardy Qazaqstan Respýblıkasynyń ІІM veb-portalynda «Aıyppul tóleý» bóliminde (https://mvd.gov.kz/portal/page/portal/mvd/MVD/mvd_nav_iu/oplata) ınteraktıvti qyzmetti paıdalana onlaın rejımde tóleýge bolady. Bul bólim avtomatty túrde «Elektrondy úkimet» portalyna ótedi, onda usynylǵan avtomattandyrylǵan qyzmet túrleriniń birimen tólem jasaýǵa bolady.

 

 

Astana turǵyndaryn ýchaskelik polıtseılerge kómektesýge shaqyrady

 Astana turǵyndary quqyq buzýshylyqtar men qylmystardyń aldyn alýda ýchaskelik ınspektorlarǵa kómektesý, jedel aqparat almasý máselelerin talqylady. Kezdesý barysynda qoǵamdyq kómekshiler retinde azamattardy tartý máselesi qaraldy, dep habarlaıdy qalalyq ákimdiktiń baspasóz qyzmeti.

«Kóktal» turǵyn alabynyń turǵyndary Astana qalasy memlekettik polıtsııa qyzmetiniń basshysy Baqytjanom Malybaevpen kezdesti.

«Jergilikti polıtsııa qyzmeti 2016 jylǵy 1 qańtarda quryldy. Memleket basshysy polıtseılerge halyqqa jaqyn bolý mindetin qoıdy. Birlesip jumys istegende ǵana qalada tártip ornata alamyz», - dedi B. Malybaev.

Turǵyndar keshki ýaqytta qaýipsizdikti qamtamasyz etý máselelerine alańdaýshylyq tanytty. Olardyń aıtýynsha, jastar balalar alańdaryna jınalyp, alkogoldik ishimdikter iship, qoǵamdyq tártipti buzady. Jergilikti polıtsııa basshysy mundaı jaǵdaıda «102» nomerine habarlasý qajet ekendigin jáne shaqyrý boıynsha ýchaskelik ınspektordyń keletinin túsindirip ótti.

Ýchaskelik ınspektorlar halyqpen jumys isteýge erekshe nazar aýdarýy tıis. Múlikti tonaý jaǵdaılaryn azaıtý úshin turǵyndarmen páterler men turǵyn úılerde dabyl men beınebaqylaý kameralaryn ornatý qajettiligi týraly túsindirý jumystaryn júrgizý kerek.

Kezdesýdi qoryta kele Baqytjan Malybaev turǵyndardy qalada qylmys deńgeıin qysqartý máselesinde polıtseılerge barynsha kómektesýge shaqyrdy.

Aıta keteıik, Astanada 311 ýchaskelik ınspektor, 25 ýchaskelik pýnkt bar. 25 qańtarda bastalǵan «Sálemetsiz be, men sizdiń ýchaskelik polıtsııa ınspektoryńyzbyn!» aktsııasy aıasynda ınspektorlar halyqpen kezdesýler ótkizýde. Halyqty habardar etý úshin ýchaskelik ınspektorlardyń baılanys telefondary men jadnamalar taratylyp jatyr. 

Astananyń jańa temirjol vokzaly 2017 jyldyń kókteminde tapsyrylady

 Elordanyń jańa temirjol vokzaly 2017 jyldyń kókteminde tapsyrylady. Bul týraly búgin Ortalyq kommýnıkatsııalar qyzmetindegi baspasóz máslıhatynda «Qazaqstan temir joly» UK» AQ-nyń «Temir joljelileri qurylysy jónindegi dırektsııa» fılıalynyń dırektory Baqyt Qarsaqbaev málim etti.

 «Bul jobany QTJ salyp jatyr. Osy nysan 2016 aıaǵynda,  2017 jyldyń sáýir aıyna deıin qurylys nysandary salynyp bitedi. Bir  úlken merdiger túrik kompanııasy jáne janynda qosalqy merdigerler jumys istep jatyr. Atap aıtqanda, 2017 jyldyń sáýir aıyna deıin bul nysan tolyq tapsyrylady. Osy turǵyda vokzaldyń úlken termınaly bar ǵımarat jáne oǵan kiretin 2 shaqyrymnan astam estakada qamtylady»,-dedi ol.

B. Qarsaqbaevtyń sózine qaraǵanda, búginde qurylys jumystary qarqyndy júrip jatyr.

Budan buryn habarlanǵandaı, uzyndyǵy 2550 metr estakada 87 tirekke bekitilip, nysanda qabyldaý-jóneltý joldary salynady.

Qazirgi Astana temirjol vokzaly táýligine 7000 jolaýshyǵa qyzmet kórsetse, jańa vokzaldyń jolaýshylardy qabyldaý múmkindigi táýligine 35 000 jolaýshyny quraıtyn bolady. Atap aıtqanda, Astananyń jańa temirjol vokzaly aýmaǵynyń damý tujyrymdamasy bekitilgen bolatyn.

 

 Elordadaǵy «Analar keńesi» bala tárbıeleý tájirıbesimen almasý úshin «Danalyq marjany» klýbyn qurmaq

 Elordada «Kómek-Help» áleýmettik kómek ortalyǵynda Astana qalasynyń Qazaqstan halqy Assambleıasy analar keńesiniń músheleri metsenattarmen jáne halyqtyń áleýmettik osal toptarynyń ókilderimen kezdesti, dep habarlaıdy qalalyq ákimdiktiń baspasóz qyzmeti.

Kezdesý barysynda «Qaıyrymdylyq kerýeni» aktsııasy aıasynda qaıyrymdylyq jasaýshylar alǵys hattarmen marapattaldy.

Byltyrdan beri Qazaqstan halqy Assambleıasy qaıyrymdylyq qyzmetpen aınalysyp keledi. Osyndaı jobalardyń biri «Qaıyrymdylyq kerýeni» jalpyulttyq aktsııasy bolyp tabylady, onyń basty maqsaty - qoǵamda qaıyrymdylyqty, gýmanızmdi jáne rııasyz kómekti qoǵamdyq kelisim men jalpyulttyq birliktiń basty faktory retinde bekitý.

- Analar keńesi em qabyldap jatqandarǵa jáne materıaldyq kómekke muqtaj jandarǵa kómektesedi. Elordalyq analar keńesiniń arqasynda Astananyń úsh aýdanynda da osy sııaqty keńester quryldy. Olar jer-jerlerde materıaldyq jáne basqa da kómek kórsetýdi qajet etetin otbasylardy óz baqylaýyna alady, - dedi Astana qalasynyń QHA hatshylyǵynyń meńgerýshisi Lázzat Qusaıynova.

Analar keńesine jeti adam kiredi. Aýdandyq deńgeıde de tıisti uıymdar quryldy. Keńes ókilderi balalardy tárbıeleý tájirıbesimen almasý úshin analarǵa - túrli etnos ókilderi úshin «Danalyq marjany» klýbyn qurmaq.

Astana qalasynyń Qazaqstan halqy Assambleıasy janyndaǵy analar keńesi konsýltatıvtik-keńesshi uıymy bolyp tabylady. Keńestiń basty mindeti Qazaqstan halqy Assambleıasyna otbasy ınstıtýtyn nyǵaıtý arqyly qoǵamdyq kelisim men ulttyq birlikti qamtamasyz etý, sondaı-aq, otbasylyq qundylyqtardy taratý boıynsha sharalardy júzege asyrý bolyp tabylady.

 
Astanada jaldamaly páter naryǵynda 40 mlrd. teńge «kóleńkede» qalyp otyr - Memkirister departamenti

 Memlekettik kirister departamenti Astanada jalǵa berýge qulyqty azamattardyń jeke menshik páterlerin tirkeýge alýdy jáne olarǵa "EXPO RECOMENDATION" belgisin berýdi usynyp otyr. 

Bul týraly búgin Astana qalasy boıynsha Memlekettik kirister departamentiniń basshysy Ábilxaıyr Ysqaqov málim etti.

"Astana - qarqyndy damyp kele jatqan qala. Resmı derekter boıynsha, elordada 230 myńnan astam páter bar. Olardyń ishinde zańdy túrde 9,3 myń páter jalǵa beriledi. Bul jalpy páterler sanynyń 4%-ynan da kem. Sarapshylardyń baǵalaýynsha, bul kórsetkish áldeqaıda joǵary bolýy tıis.  Elordada keminde 10% páter jalǵa beriledi. Shamamen "kóleńkeli" aınalymda 40 mlrd. teńge bar. Salyq túrinde bıýdjetke 300 mln. teńgege tarta qarajat túspeı qalyp otyr", - dep atap ótti ol Astana ákiminiń qatysýymen ótip jatqan departamenttiń keńeıtilgen otyrysynda.

Á. Ysqaqovtyń sózi boıynsha, byltyr jalǵa berilip kelgen 700 páter tirkeýge alynǵan. Degenmen salyq organdarynan jasyryn jalǵa berilip jatqan páterler odan da kóp. Sondyqtan departament basshysy EKSPO-2017 kórmesine deıin bul salany birjaqty qylý qajettigin atap ótti.

"EKSPO-2017 kórmesi barysynda qonaqúılerge degen suranys kúrt artady. Tıisinshe páterdiń jalǵa alý quny da eselep artady. Páterlerin qonaqúı retinde jalǵa berýge daıyn adam sany da kóbeıedi. Osy oraıda, Ádilbek Ryskeldiuly, jalǵa berýge qulyqty azamattardyń jeke menshik páterlerin tirkeýge alý jáne olarǵa "EXPO RECOMENDATION" belgisin berý jónindegi usynysty qoldaýyńyzdy suraımyz. Osy baǵyttaǵy "Astana EKSPO-2017" ulttyq kompanııasynyń, Rıeltorlar qaýymdastyǵynyń jáne ózge de múddeli tulǵalardyń tıisti jumystarynan keıin, jalǵa beriletin páter naryǵy ashyq bola túsedi", - dedi Á. Ysqaqov qala basshysyna qaratyp aıtqan sózinde.

Onyń aıtýynsha, jyljymaıtyn múlik pen kólik salyǵynyń jalpy salyqtaǵy úlesi 10%-dy quraıdy. 

 
Astana ákimi: EKSPO-2017 kórmesine keletin týrıster sany josparlaǵannan áldeqaıda kóp bolady

 Astana ákimi Ádilbek Jaqsybekov EKSPO-2017 kórmesine keletin týrısterdiń sany josparlaǵannan áldeqaıda kóp bolady dep topshylaýda. Bul týraly ol búgin Astana qalasy boıynsha Memlekettik kirister departamentiniń keńeıtilgen otyrysynda málim etti.

«EKSPO - bizdiń qalamyzǵa eń qıyn emtıhan men synaq bolǵaly tur. Ondaı synaqty elorda áli bastan ótkizgen emes. Bul shara 90 kún boıy ótetin bolady, 5 mıllıonnan astam týrıst keledi dep josparlanýda. Biz búgin «Astana EKSPO-2017» ulttyq kompanııasynyń basshysymen (Ahmetjan Esimovpen) birge birlesken keńes ótkizdik. Qazirdiń ózinde taldaý barysy kórsetip otyr, týrıster bul mejeden de kóp bolmaq. Astanada kúnine qosymsha 50 myń adam kelip turatyn bolady», - dep atap ótti Á. Jaqsybekov.

Onyń sózine qaraǵanda, qala basshylyǵynyń aldynda kórme kezinde qyzmet kórsetý salasyn joǵary deńgeıge kóterý mindeti tur.

«Barlyq qonaqtardy qabyldap, tamaqtandyryp, qyzmetin jasap, qalany tek jaqsy qyrynan kórsetip shyǵýymyz kerek. Sondyqtan úlken daıyndyq bolýy tıis, ınfraqurylym, elektr jelileriniń, sýmen qamtý júıeleriniń daıyndyǵy boıynsha úlken jumystar atqarý kerek», - dedi qala basshysy. 

 
EKSPO-2017 kórmesi kezinde azyq-túlik baǵasy sharyqtap ketýi yqtımal - Á.Jaqsybekov

 Astana ákimi Ádilbek Jaqsybekov EKSPO-2017 kórmesi barysynda azyq-túlik baǵalary sharyqtap ketýi múmkin ekendigin aıtty.

Bul týraly ol búgin Astana qalasy boıynsha Memlekettik kirister departamentiniń keńeıtilgen otyrysynda málim etti.

«Bizge eger týrıster kóptep aǵylyp, azyq-túlikke degen suranys kúrt artatyn bolsa, qalany azyq-túlikpen qanshalyqty qamtı alatynymyzdy anyqtap alý qajet. Onyń ústine kórme barysynda baǵalar kóterilmeý úshin logıstıkalyq máselelerdi sheship alý shart, deldaldardy qysqartý boıynsha jumystar jasalýy tıis. Alaıda ol da múmkin: suranys artady, baǵa ósedi», - dedi ol.

Onyń sózi boıynsha, kórshi aımaqtarmen azyq-túlikpen qamtamasyz etý jóninde ýaǵdalastyqtar jasalýda.

«Biz azyq-túlik óndirisin birneshe esege arttyrýymyz kerek. Sondaı-aq kóliktik-logıstıkalyq múmkindikterimizdi arttyrý shart. Búginde kókónis saqtaý qoımalary, kóliktik-logıstıkalyq ortalyqtar, azyq-túlik ónimderiniń óndirisi salalarynyń múmkindikteri zerttelip jatyr. Osy máselede úlken suraqtar baryn kórip otyrmyz», - dep túıdi oıyn qala basshysy. 

 
2015 jyly Astana memlekettik bıýdjetke 850 mlrd. teńge aýdardy - ákim

 2015 jyly Astana memlekettik bıýdjetke 850 mlrd. teńge kiris túsirdi. Bul týraly ol búgin Astana qalasy boıynsha Memlekettik kirister departamentiniń keńeıtilgen otyrysynda Astana ákimi Ádilbek Jaqsybekov málim etti.

«2015 jyly Astana respýblıkalyq bıýdjettiń donory atanǵan tórtinshi qala boldy. Memlekettik bıýdjetke túsken qarajattyń kólemi 850 mlrd. teńgeni quraıdy. Astananyń óz kirisi 200 mlrd. teńgeni qurady», - dedi ákim.

Qala basshysynyń sózi boıynsha, elordanyń negizgi 90 paıyzdyq kirisi salyq esebinen túsip otyr.

«Mańyzdy róldi qalanyń kiristerin mobılızatsııalaý baǵdarlamasy atqardy. Jergilikti bıýdjettiń kiris bóligin kóbeıtýdiń múmkindikteri qaraldy. Jyl boıy biz barlyq qarajattardy áleýmettik salaǵa, densaýlyq saqtaýǵa, bilim berýge, jol salýǵa jáne TQSh salasyna baǵyttalyp otyrdy. Departament osy turǵyda qala múmkindikterin belsendirek paıdalanýy shart», - dep atap ótti ol.

Ákimniń aıtýynsha, Astana - shıkizat óndirisine táýeldi emes aımaqtardyń ishinde kósh bastap kele jatqan qala. Shaǵyn jáne orta bıznestiń damýy, ınvestıtsııalar tartý jáne joǵary tehnologııaly óndiristi qaryshtatý arqyly elorda úlken jetistikterge jetip otyr.

«Aldaǵy ýaqyttarǵa belgilengen daǵdarysqa qarsy josparymyz da osyǵan súıenedi. Onda biz shaǵyn jáne orta bıznestiń keń óris alýyna yqpal jasaýǵa tıispiz. Qazirgi ýaqytta bizdiń jalpy aımaqtyq ónimniń 61 paıyz úlesin shaǵyn jáne orta bıznes alyp otyr. Óńirlerde onyń úlesi 20-30 paıyz ǵana. Bizde 2020 jylǵa deıin bul mejeni 50 paıyzǵa kóterý kerek dep belgilengen bolatyn. Degenmen bizge toqtaýǵa bolmaıdy, onyń kólemi jyl sanap arta berýi tıis», - dedi ákim. 

 

Astanada Almas Almatovtyń 60 jyldyq mereıtoıyna oraı «Uly Dala sazy» kontserti ótedi

 15 aqpanda Qazaq ulttyq óner ýnıversıtetiniń Jambyl Jabaev atyndaǵy kontsert zalynda «Uly dala sazy» atty QR eńbek sińirgen qaıratkeri, «Parasat» ordeniniń ıegeri, professor, jyraý Almasbek Nurmahanuly Almatovtyń 60 jyldyq merekesine oraı mereıtoılyq kontserti ótedi, dep habarlady joǵary oqý ornynyń baspasóz qyzmeti.  

Baǵdarlamada A.N. Almatovtyń oryndaýyndaǵy halyq jyraýlarynyń shyǵarmalary, óz týyndylary oryndalady. Sonymen qatar Almas Almatov qyzmet etetin oqý ornynyń professorlyq-oqytýshylyq quramynyń ujymy, Qazaqstannyń Respýblıkasynyń mádenıet qaıratkeri - Marat Núkeevtiń jetekshiligindegi «Syrly saz» folklorlyq ansambli óner kórsetedi.

Mereıtoılyq keshke Almas Almatovtyń áriptesteri men shákirtteri jyr shashý jasaıdy. Keshtiń qonaǵy retinde fılologııa ǵylymdarynyń doktorlary: Temirhan Tebegenov, aqyn Amanjol Áltaev qatysady. Sondaı-aq  Mańǵystaý jyrshylyq mektebiniń ókili - Amandyq Kómekov, Syr boıynyń jyraýlyq dástúriniń ókili - Elmura Jańabergenova, Jetisý jyrshylyq mektebiniń ókili - Elikbaı Isa, halyqaralyq baıqaýlardyń laýreaty, ónertaný magıstranty - Kúnsulý Túrikpen,  respýblıkalyq baıqaýlardyń bas júldegeri - Dına Nurabaevalar óner kórsetedi. Dástúrli mýzyka óneri fakýltetiniń ustazdary - Qazaqstannyń eńbek sińirgen qaıratkerleri - Janǵalı Júzbaev, Aıtbek Nyǵyzbaev, Ardaq Balajanova, Klara Tólenbaeva, QR eńbek sińirgen ártisi - Turar Alypbaev, QR mádenıet qaıratkeri - Raýshan Orazbaeva, Qytaı Halyq Respýblıkasynyń memlekettik syılyǵynyń ıegeri - Gúlnar Abdolla, respýblıkalyq konkýrs laýreattary - Tolǵanbaı Sembaev, Qaırat Aıtbaev qatysady.

Kontsertti júrgizýshi - Memlekettik «Daryn» jastar odaǵy syılyǵynyń laýreaty Nuraı Tanabaev.

 

Ulttyq mýzeıde aqyn Muqaǵalı Maqataevtyń 85 jyldyǵyna arnalǵan ádebı-sazdy jyr keshi ótti

 Qazaqstan Rsepýblıkasy Ulttyq mýzeıinde qazaqtyń aqıyq aqyny Muqaǵalı Maqataevtyń 85 jyldyǵyna arnalǵan «Poezııa, menimen egiz be ediń...» ádebı-sazdy jyr keshi ótti, dep habarlaıdy mýzeıdiń aqparattyq-ımıdjdik qyzmeti.

Keshtiń ashylýynda sóz sóılegen  mýzeı dırektory Darhan Qamzabekuly M.Maqataev muralarynyń ómirsheńdegi men óskeleń urpaqty tárbıeleýdegi róline toqtalyp ótti.

«Muqaǵalı Maqataevtyń aqyndyǵy bir tóbe, tulǵalyq qasıeti bir tóbe. Bárimizde onyń jyrlaryn oqyp, jattap óstik. Hákim Abaıdan bastap, Maǵjan, Qasym, Tólegen, Muqaǵalı syndy aqyndarymyzdy qazaq ádebıetindegi, qazaq rýhanııatyndaǵy erekshe qubylys dep qaraýǵa bolady. Osy keshti uıymdastyrý arqyly jas býynnyń poezııaǵa degen qyzyǵýshylyǵyn, qurmetin arttyrsaq deımiz», dedi D.Myńbaı.

Jınalǵan qaýymǵa aqynnyń ómirin baıandaıtyn derekti fılm usynyldy. Keshke arnaıy daıyndalyp kelgen jas aqyndar, astanalyq mektep oqýshylary men JOO stýdentteri Muqaǵalıdyń, Farızanyń jyrlaryn mánerlep oqydy.

Kópshilik aldynda sóz sóılegen aqyn, Halyqaralyq «Alash» ádebı syılyǵynyń laýreaty Serik Turǵynbekuly M.Maqataev týraly estelikterimen bólisti.        

 
TQSh jańǵyrtý aıasynda Astanada 43 turǵyn úı kúrdeli jóndeýden ótti

 Turǵyn úı sharýashylyǵyn jańǵyrtý aıasynda Astanada 43 turǵyn kúrdeli jóndeýden ótti. Bul týraly búgin Ortalyq kommýnıkatsııalar qyzmetinde Astana ákiminiń orynbasary Qosman Aıtmuhametov málim etti.

«Memleket basshysynyń tapsyrmasyna sáıkes, aımaqtardy damytýdyń 2020 jylǵa deıingi baǵdarlamasy júzege asyrylýda. Baǵdarlama júzege asyrylǵaly beri Astanada 43 turǵyn úı kúrdeli jóndeýden ótti. 14 úıde 26 lıft almastyryldy. Qaıtqan qarajatqa 5 úıdiń shatyry jańartylyp, 17 turǵyn úıde 31 lıft aýystyryldy», - dedi Q. Aıtmuhametov.

Onyń sózi boıynsha, qazirgi ýaqytta qaıtarylǵan qarajatty qaıta ıgerý boıynsha Astana basqa óńirlerden ozyq keledi.

Astanada jylytý maýsymy qalypty ótip jatyr - ákimdik

 Astanada jylytý maýsymy qalypty ótip jatyr.

Bul týraly búgin Ortalyq kommýnıkatsııalar qyzmetinde Astana ákiminiń orynbasary Qosman Aıtmuhametov málim etti.

«Astanada jylytý maýsymy qalypty ótip jatyr. Jylý kóleminiń parametrleri belgilengen rejımdik kartalarǵa saı berilýde. 1-shi deńgeıli apattar men isten shyǵý jaǵdaılary bolǵan joq», - dep atap ótti ol.

Ákim orynbasarynyń aıtýynsha, jylý qazandyqtary qys sońyna deıin otynnan tapshylyq kórmeıdi.

«Búgingi tańda barlyq energııa kózderi qajetti otynmen qamtamasyz etilgen: kómirdiń qory 293 myń tonnany quraıdy», - dep atap ótti ol.

Astanada 17 shaqyrym sýmen qamtamasyz etý jelisi qaıta jóndeldi

 QR Prezıdenti janyndaǵy Ortalyq kommýnıkatsııalar qyzmetinde ótken brıfıng barysynda Astana qalasy ákiminiń orynbasary Qosman Aıtmuhametov elordany sýmen jabdyqtaý júıesi týraly aıtyp berdi.

Astana qalasynyń bir ortalyqtan sýmen qamtamasyz etý júıesi sý kóterýdiń 1 deńgeıli 2 sorǵy stansasy, jalpy qýaty táýligine 300 myń tekshe metr bolatyn sý tazalaý blogy, sý kóterýdiń 2 deńgeıli 1 sorǵy stansasy, 1 199 km sýmen qamtamasyz etý jelileri, 111 káriz sorǵy stansasy, qýaty táýligine 136 myń m3 bolatyn káriz tazalaý qurylysynan turady.

«2015-2016 jyldarda jylytý maýsymyna daıyndyq aıasynda 17 km sýmen qamtamasyz etý jelileri qaıta jóndeýden ótkizildi. 2015 jyly «Taldykól sarqyndy sý jınaqtaýshysyn joıý jobasy» aıasynda táýligine 136 myń m3 kóleminde tazartylǵan aǵyn sýdy Esilge quıý bastaldy», - dedi Q.Aıtmuhametov.

Budan basqa, «Qýaty táýligine 200 myń m3 kóleminde sorap-súzgi stansasyn qaıta qurý» jobasy aıasynda qurylǵylar tolyq kólemde jetkizilip, natrıı gıpohlorıdin óndirý tsehyn salý jumystary bastaldy.

Aıta keteıik, ındýstrıaldy park pen JEO-3 tehnıkalyq sýmen qamtamasyz etý úshin uzyndyǵy 14 km bolatyn Telman kentindegi sorap stansasynan tehnıkalyq sý taratqysh paıdalanýǵa berildi.

2017 jyly Astanada JEO-3 paıdalanýǵa berilmek

 2017 jyly Astanada saǵatyna 480 Gkal/saǵat qýaty bar JEO-3 paıdalanýǵa berilmek. Bul týraly búgin Ortalyq kommýnıkatsııalar qyzmetinde Astana ákiminiń orynbasary Qosman Aıtmuhametov málim etti.

«Bıyl qýaty saǵatyna 480 Gkal bolatyn JEO-3 energotasyǵyshy qurylysynyń birinshi kezeńi bastalady. Jalpy ol 2017 jyly paıdalanýǵa beriledi dep josparlanǵan. Qazirgi ýaqytta 2016 jylǵa jumys jospary jasaldy»,-  dep atap ótti Q.Aıtmuhametov.

Sonymen qatar, «Astana-Energııa» AQ-nyń jeke qarajattary men ınvestıtsııalyq baǵdarlamalary aıasynda elordadaǵy JEO-1 men JEO-2 energotasyǵyshtary jańǵyrtylady. 

Aıta keteıik, qýattylyǵy 480 Gkal/saǵ bolatyn JEO-3 birinshi kezeginiń qurylysy 2010 jyly bastalǵan bolatyn.

Osy maqsatta 14 mlrd teńge, sonyń ishinde JEO-1 qalpyna keltirýge - 3,6 mlrd teńge, JEO-2 qalpyna keltirýge - 5,1 mlrd teńge, JEO-3 qurylysyna - 5,3 mlrd teńge bólindi. 

Astanadaǵy joldar kanadalyq tehnologııamen tóseledi

 Astanada bıyldan bastap, joldar kanadalyq tehnologııamen tóseletin bolady. Bul týraly búgin Ortalyq kommýnıkatsııalar qyzmetinde Astana ákiminiń orynbasary Qosman Aıtmuhametov málim etti.

«Jol sapasyn arttyrý maqsatynda biz jańa tehnologııalardy qoldanamyz. Bıyl jol jabyndysynyń qoldaný merzimin arttyrý maqsatynda kanadalyq tehnologııalar paıdalanady. Biz Sharl de Gol kóshesinde ony eksperıment retinde tósegen bolatynbyz. Tehnologııa ózin jaqsy qyrynan kórsetti»,- dedi Q.Aıtmuhametov.

Onyń aıtýynsha, atalmysh jańa tehnologııa joldyń «ǵumyryn» uzartpaq.

Sonymen qatar ol Astanadaǵy qazirgi joldyń sapasyna da toqtaldy jáne onyń sonshalyqty nashar emestigin atap ótti.

«Bıyl aýa temperatýrasy aýytqyp otyrǵany málim, ol ásirise jolǵa qatty áserin beredi. jol ústinde erigen qar men jańbyr sýy da jol jabynyn qatty búldiredi. Búginde kóptegen shaǵymdar aıtylyp jatyr, biraq elordada joldar sonshalyqty múshkil deńgeıde dep aıtpas edim», - dedi ákim.

 Astanada PIK tarıfteri olardyń shyǵyndaryna baılanysty belgilenedi

 Astanada Páter ıeleri kooperatıvteri qyzmetiniń tarıfteri túrli bolýyna qatysty Astana ákiminiń orynbasary Qosman Aıtmuhametov túsinikteme berdi. Ortalyq kommýnıkatsııalar qyzmetinde ótken baspasóz máslıhatynda tilshiler atalmysh másele boıynsha saýal qoıǵan bolatyn.

«Qalada tarıfter túrli bolyp keletini ras. Eń tómen tarıfter - 25 teńgeden bastalady. Ortasha tarıfter - 30-35 teńgege deıin jetedi. Sol jaǵalaýda, qymbat turǵyn úılerde konserjdiń qyzmeti usynylǵandyqtan, onda 100-150 teńge aralyǵynda. PIK tarıfteri olardyń shyǵyndaryna baılanysty belgilenedi jáne ol turǵyndardyń jalpy jınalysynda bekitiledi», - dep atap ótti ol.

Onyń sózi boıynsha, PIK turǵyndar aldynda jınalǵan qarajattardyń qaıda jumsalǵandyǵy jóninde esep berýleri tıis.

«Esep qaǵaz túrinde nemese ınternet arqyly taratyla beredi. Sol maqsatta biz qaǵazbastylyqty azaıtý úshin PIK-terge turǵyn úıdiń tolyqtaı ınternetke qosylýyn talap etemiz», - dedi ákim orynbasary. 

 
Elordada 278 saılaý ýchaskesi quryldy

 Búgin QR Ortalyq saılaý komıssııasynyń otyrysynda QR Parlamenti Májilisiniń jáne máslıhat depýtattaryn saılaýǵa daıyndyq barysy týraly Astana qalalyq saılaý komıssııasynyń esebi usynyldy.

Astana qalalyq saılaý komıssııasynyń tóraǵasy Igilik Jalbyrov otyrys barysynda qalada qalalyq máslıhat depýtattaryn saılaý boıynsha 25 saılaý okrýgi, 278 saılaý ýchaskesi qurylǵanyn, olardyń 213-i qala aýmaǵynda jáne 65-i Qazaqstan Respýblıkasynyń sheteldegi ókildikteriniń janynda ornalasqanyn atap ótti.

«Astana qalasy boıynsha saılaýdy uıymdastyrýdy jáne ótkizýdi jalpy sany 2149 múshesi bar 307 saılaý komıssııasy, olardyń ishinde 4 aýmaqtyq, 25 okrýgtik jáne 278 ýchaskelik komıssııasy júzege asyrady», - dedi ol.

Onyń atap ótýinshe, qalalyq saılaý komıssııasy saılaý komıssııalaryn oqytýdy uıymdastyrýǵa erekshe kóńil bólýde. Ol úshin semınar, trenıng, keńester ótkizýden bastap qajetti saılaý qujattarymen jáne ádistemelik quraldarmen qamtamasyz etýge deıin, túrli nysandardy qoldanýda.

«Qazirgi ýaqytta qalalyq máslıhat depýtattyǵyna kandıdattardy usyný jáne tirkeý júrgizilýde. 2016 jylǵy 9 aqpandaǵy jaǵdaı boıynsha 25 saılaý ýchaskesinde 27 kandıdat usynyldy. Onyń ekeýi Qazaqstannyń kommýnıstik partııasy atynan saılaýǵa túspek. Qazirgi ýaqytta 3 kandıdat tirkeldi. Usynylǵan kandıdattardyń barlyǵynyń da joǵary bilimi bar», - dedi I.Jalbyrov. 

 

 

QR QK áskerıleri naýqas adamdar úshin shamamen 50 lıtr qan tapsyrdy

 QR Qarýly Kúshteriniń «Astana»  aımaqtyq qolbasshylyǵynyń júzden astam áskeri «Ómir syıla» qaıyrymdylyq aktsııasy aıasynda naýqas adamdar úshin 50 lıtrge jýyq qan tapsyrdy.

QR Qorǵanys mınıstrliginen habarlaǵandaı, sharaǵa óz erkimen «Astana»  aımaqtyq qolbasshylyǵynyń 46298 jáne 85510 áskerı bólimderiniń áskerıleri qatysty. Atap ótý kerek, mundaı sharalar áskerılerdiń densaýlyǵyna da oń áserin tıgizedi - qan aınalymy jaqsarady. 

Áskerıler mundaı aktsııalarǵa jyl saıyn qatysady. Tapsyrylǵan qan qan quıý ortalyǵynda saqtalady.  

Eske sala keteıik, mundaı sharalar QR Qarýly Kúshterinde únemi ótip turady.  QR QK áskerıleri Qazaqstandaǵy donorlyqtyń damýyna ózderiniń belsendi  úlesterin qosa otyryp, donor qanyna muqtaj adamdarǵa qoldaý kórsetýde.

 

     Astanalyqtar «Belsendi azamat» aktsııasyna qatysty

 Búgin Kongress-hollda barlyq qalalyq basqarmalardyń ókilderiniń qatysýymen Ashyq esik kúni ótti. «Belsendi azamat» aktsııasy aıasynda ótken shara barysynda elorda turǵyndary qalada turý jaılylyǵy men sapasyn arttyrý maqsatynda qalalyq ınfraqurylym jumysyn jaqsartý boıynsha usynystar men saýaldaryn joldady, dep habarlady astana.gov.kz.

Qalalyq basqarmalardyń basshylary qoıylǵan suraqtarǵa jaýap berip, ótken jyldyń qorytyndysyn shyǵardy, sondaı-aq 2016 jylǵa arnalǵan josparlarǵa toqtaldy. Elordalyqtar óz saýaldaryn jazbasha jáne aýyzsha túrde joldady. Negizinen, balabaqshaǵa kezek, eski úılerdi buzý, turǵyn úı kommýnaldyq sharýashylyqty jańǵyrtý, turǵyn úı salý, PIK jumysy, qalanyń kólik júıesi, aýlalardyń aýmaǵyn abattandyrý máseleleri sóz boldy.

Turǵyn úı ınspektsııasy basqarmasyna saýaldar kóp joldandy. Mekeme basshysynyń orynbasary Azamat Ámirjanov adamdardyń basym bóligi túske deıin kelgenin atap ótti.

- Tańerteńnen beri adamdar kóptep kelip jatyr. 20-ǵa jýyq adam Turǵyn úı ınspektsııasy basqarmasyna keldi, olarǵa bárin túsindirdik. Keıbir suraqtarǵa sol jerde jaýap berdik, keıbir suraqtardy qosymsha qaraý kerek. Azamattar kóbine turǵyn úı qoryna, sanıtarlyq jaǵdaı men PIK jumysyna qatysty suraqtar qoıady, - dedi A. Ámirjanov.

Qala turǵyndarynyń aıtýynsha, mundaı kezdesýler jergilikti bılik pen turǵyndardy baılanystyratyn býyn bolyp tabylady, sondaı-aq, problemalyq máselelerdi sheshýge kómektesedi. Jalpy, kezdesý aıasynda 1541 ótinish kelip tústi.

Gúlmıra, elorda turǵyny:

- Bul kezdesýdiń nátıjesi bolady dep úmittenemin. Men Turǵyn úı ınspektsııasy basqarmasynan ózimizdiń PIK týraly suramaqpyn. Olar máseleni sheship beredi dep oılaımyn.

Marına, elorda turǵyny:

- Men óz úıimdi buzý týraly suramaqpyn. Mundaı shara qala turǵyndary úshin óte yńǵaıly. Kez kelgen adam kez kelgen departamentke jáne basqarmaǵa suraq qoıyp, sol jerde jaýap ala alady.

Amanjol, elorda turǵyny:

- Mundaı kezdesýge alǵash ret kelip otyrmyn. Nesıeni qalaı tólep, bolashaqta qalaı jumys tabýǵa bolatynyn suraý úshin keldim. Óıtkeni, qazir jumyssyz júrmin. Kezdesýdiń ótetini týraly sms-habarlamadan bildim.

Aıta keteıik, Astana qalasynyń turǵyndarymen jáne basqa da múddeli tulǵalarmen tyǵyz baılanys ornatý úshin osyndaı kezdesýler turaqty túrde ótkiziletin bolady. Turǵyndar óz saýaldaryn «Halyqtyq baqylaý» jáne «Vırtýaldy qabyldaý bólmesi» aıdarlary arqyly kez-kelgen ýaqytta joldaı alady.    

 
Astanada ardagerler keńesine jańa tóraǵa saılandy

 Búgin elorda ákimdiginde Astana qalasy ardagerler keńesiniń H eseptik-saılaý konferentsııasy ótti, dep habarlaıdy qalalyq ákimdiktiń baspasóz qyzmeti.

«Konferentsııa jumysyna Astana qalasy ákiminiń orynbasary Ermek Amanshaev, «Qazaqstan Respýblıkasynyń ardagerler uıymy» RQB Ortalyq keńesiniń tóraǵasy Ómirzaq Ozǵanbaev qatysty. Konferentsııa qorytyndysy boıynsha delegattar qalalyq ardagerler keńesiniń jańa tóraǵasyn saılady», delingen habarlamada.

Konferentsııada ótken jyly atqarylǵan jumystyń qorytyndysy shyǵarylyp, uıym prezıdıýmy men komıssııa músheleri saılandy, sonymen qatar, ardagerler uıymdarynyń respýblıkalyq sezine qatysatyndar tizimi bekitildi.

Qalalyq ardagerler keńesi elordanyń egde jastaǵy turǵyndaryna qyzmet kórsetetin barlyq basqarmalarmen jáne qurylymdarmen belsendi yntymaqtastyq ornatty. Ardagerlerge qoldaý kórsetip, uıymǵa demeýshilik kómek kórsetetin elordalyq kásipkerler men bıznesmenderge alǵys aıtyldy.

Elordalyq qart adamdar men ardagerler qalanyń tynys-tirshiligine belsendi aralasady. Olar mektep oqýshylarymen jáne stýdenttermen kezdesedi. Ardagerlerdiń demalýy úshin jyl saıyn mádenı-sporttyq sharalar uıymdastyrylady, shaǵyn ortalyqtar jumys isteıdi. Almaty aýdanynda zeınetkerlerge arnalǵan 14 shaǵyn ortalyq bar, jaqynda taǵy da bir demalys ortalyǵy Esil aýdanynda ashyldy.

Konferentsııa delegattary uıym jumysyn qanaǵattanarlyq dep baǵalady. Konferentsııa sońynda Astana qalasy ardagerler keńesiniń jańa tóraǵasy bolyp Sansyzbaı Esilov saılandy.   

Astanada 9 qonaqúı men meıramhanaǵa «Recommended by EXPO-2017» sertıfıkattary berildi

 Astana qalasynyń «Recommended by EXPO-2017» seriktestik baǵdarlamasy sheńberinde alǵashqy toǵyz qonaq úı men meıramhana maquldandy, dep habarlaıdy Elordanyń resmı saıty.

Búgin Astana qalasynyń «Recommended by EXPO-2017» seriktestik baǵdarlamasynyń birinshi qatysýshylaryna sertıfıkattar men belgilerdi saltanatty tapsyrý rásimi bolyp ótti.

Marapattaý rásimine Astana qalasynyń «Recommended by EXPO-2017» seriktestik baǵdarlamasy komıssııasynyń tóraǵasy, Astana qalasy ákiminiń orynbasary Nuráli Álıev, «Astana Konvenshn Bıýro» JShS-nyń ókilderi, sonymen qatar, elordalyq qonaq úıler men meıramhanalardyń jáne ózge de qyzmet kórsetý salasyndaǵy kásiporyndardyń basshylary qatysty.

«Halyqaralyq «EHRO-2017» kórmesine daıyndyq júrgizý jáne ótkizý kezindegi basty mindetterdiń biri - qyzmet kórsetý salasynda laıyqty servıs usyný bolyp tabylady. Kórmeni ótkizý deńgeıine qaraı qalanyń týrıstik destınatsııa retindegi damý keleshegi  aıqyn bolmaq. Sondyqtan, biz atalmysh seriktestik baǵdarlamasy sheńberinde birlese otyryp, aldymyzǵa qoıylǵan mindetterdi oryndaı alamyz dep senemin», - dedi Nuráli Álıev.

Týrıstik salanyń on kásiporny arasynda qyzmet kórsetý deńgeıin baǵalaý nátıjeleri boıynsha «Astana qalasynyń altyn seriktesi» ataǵy «Soluxe Hotel Astana», «Radisson Hotel Astana» qonaq úılerine, «Astana Marriott» oteline jáne «Korean House» meıramhanasyna berildi.

«Kúmis seriktes» belgisin «Park Inn by Radisson Hotel Astana» qonaq úıi jeńip aldy. «Qola seriktes» sanatynda «Ibis Hotel Astana», «Grand Park Esil Astana» qonaq úıleri jáne «Dýman» qonaq úı kesheni marapattaldy. Al «Peshnan» kondıterlik dúkeni berilgen upaılar sany boıynsha «Astana qalasynyń seriktesi» sanatynda sertıfıkatqa ıe boldy.

Baǵdarlamanyń onynshy qatysýshysy Astana qalasynyń «Recommended by EXPO-2017» seriktestik baǵdarlamasynyń talaptaryna sáıkes kelmedi.

Osylaısha, Astana qalasynyń resmı seriktesteri óz brendterin Astana qalasy ákimdiginiń, «Astana EKSPO-2017» Ulttyq kompanııasy» AQ, «Astana Konvenshn Bıýro» JShS saıttarynda, áýejaı men temirjol vokzalyndaǵy aqparattyq kıoskilerinde basymdyqpen ornalastyrý, týrısterge arnalǵan aqparattyq materıaldarda, sondaı-aq jaıaý júrginshilerdiń navıgatsııalyq júıesinde ornalastyrý quqyǵyna ıe bolady.

Qazirgi kezde baǵdarlamaǵa qatysýǵa 50-den astam ótinish berilgen.

Eske sala keteıik, ótken jyldyń qazan aıynda Astana qalasynyń ákimdigi «Astana EKSPO-2017» Ulttyq kompanııasy» AQ-men birlesip Astana qalasynyń «Recommended by EXPO-2017» seriktestik baǵdarlamasynyń iske qosylǵandyǵy týraly habarlady. Onyń jumys organy «Astana Konvenshn Bıýro» JShS-y bolyp tabylady. Baǵdarlamaǵa barlyq elordalyq qonaq úıler, qoǵamdyq tamaqtaný oryndary men qyzmet kórsetý salalary qatysa alady. 

 

 Elordalyq qonaq úıler men meıramhanalar resmı túrde «Recommended by EXPO-2017» mártebesin aldy

 Búgin Astana qalasynyń «Recommended by EXPO-2017» Seriktestik baǵdarlamasynyń birinshi qatysýshylaryna sertıfıkattar men belgilerdi saltanatty tapsyrý rásimi bolyp ótti.

Marapattaý rásimine Astana qalasynyń «Recommended by EXPO-2017» Seriktestik baǵdarlamasy komıssııasynyń tóraǵasy, Astana qalasy ákiminiń orynbasary Nuráli Álıev, «Astana Konvenshn Bıýro» JShS ókilderi, sonymen qatar, elordalyq qonaq úıler men meıramhanalardyń jáne ózge de qyzmet kórsetý salasyndaǵy kásiporyndardyń basshylary qatysty.

«Halyqaralyq «EHRO-2017» kórmesine daıyndyq júrgizý jáne ótkizý kezindegi basty mindetterdiń biri qyzmet kórsetý salasynda laıyqty servıs usyný bolyp tabylady. Kórmeni ótkizý deńgeıine qaraı qalanyń týrıstik destınatsııa retindegi damý keleshegi  aıqyn bolmaq. Sondyqtan, biz atalmysh Seriktestik baǵdarlamasy sheńberinde birlese otyryp, aldymyzǵa qoıylǵan mindetterdi oryndaı alamyz dep senemin», - dedi Nuráli Álıev.

Týrıstik salasynyń on kásiporny arasynda qyzmet kórsetý deńgeıin baǵalaý nátıjeleri boıynsha «Astana qalasynyń altyn seriktesi» ataǵy «Soluxe Hotel Astana», «Radisson Hotel Astana» qonaq úılerine, «Astana Marriott» oteline jáne «Korean House» meıramhanasyna berildi».

«Kúmis seriktes» belgisin «Park Inn by Radisson Hotel Astana» qonaq úıi jeńip aldy. «Qola seriktes» sanatynda «Ibis Hotel Astana», «Grand Park Esil Astana» qonaq úıleri jáne «Dýman» qonaq úı kesheni marapattaldy. Al "Peshnan" kondıterlik dúkeni berilgen upaılar sany boıynsha «Astana qalasynyń seriktesi» sanatynda sertıfıkatqa ıe boldy.

Baǵdarlamanyń onynshy qatysýshysy Astana qalasynyń «Recommended by EXPO-2017» Seriktestik baǵdarlamasynyń talaptaryna sáıkes kelmedi, ek toǵyzy buǵan laıyq dep tanyldy.

Osylaısha, Astana qalasynyń resmı Seriktesteri óz brendterin Astana qalasy ákimdiginiń, «Astana EKSPO-2017» Ulttyq kompanııasy» AQ, «Astana Konvenshn Bıýro» JShS saıttarynda, áýejaı men temirjol vokzalyndaǵy aqparattyq kıoskilerinde basymdyqpen ornalastyrý, týrısterge arnalǵan aqparattyq materıaldarda, sondaı-aq jaıaý júrginshilerdiń navıgatsııalyq júıesinde ornalastyrý quqyǵyna ıe bolady.

Qazirgi kede Baǵdarlamaǵa qatysýǵa 50-den astam ótinim berilgen.

Іs-shara sońynda Nuráli Álıev barlyq qatysýshylarǵa sapaly jumystary úshin alǵys aıtyp, uzaq merzimdi ári jemisti yntymaqtastyqqa senim bildirdi, óz kezeginde bul Qazaqstan astanasynyń bedeline oń áserin tıgizbek.

Eske sala keteıik, ótken jyldyń qazan aıynda Astana qalasynyń ákimdigi «Astana EKSPO-2017» Ulttyq kompanııasy» AQ-men birlesip Astana qalasynyń «Recommended by EXPO-2017» Seriktestik baǵdarlamasynyń iske qosylǵandyǵy týraly habarlady. Onyń jumys organy «Astana Konvenshn Bıýro» JShS bolyp tabylady. Baǵdarlama sheńberinde QR qoldanystaǵy zańnamasy men halyqaralyq tájirıbeni eskere otyryp, kórsetiletin qyzmetter deńgeıine qoıylatyn talaptar ázirlendi. Baǵdarlamaǵa barlyq elordalyq qonaq úıler, qoǵamdyq tamaqtaný oryndary men qyzmet kórsetý salalary qatysa alady.

 

 
Astana ákimi jańa Medıtsınalyq-áleýmettik ońaltý ortalyǵynda boldy

 Búgin Astana ákimi Ádilbek Jaqsybekov Medıtsınalyq-áleýmettik ońaltý ortalyǵynyń jańa ǵımaratynda bolyp, medıtsınalyq mekemeniń qyzmetkerlerimen kezdesti, dep habarlady astana.gov.kz.

Jańa ortalyq ashylǵaly materıaldyq-tehnıkalyq bazasy edáýir jaqsaryp, jańa qurylymdyq bólimsheler ashyldy - psıhoterapııa bólimshesi, áleýmettik ońaltý bólimshesi. 250 kereýet-orynǵa eseptelgen jańa Medıtsınalyq-áleýmettik ońaltý ortalyǵyn paıdalanýǵa berý qazirgi zamanǵy ǵylym deńgeıinde narkologııalyq kómek kórsetýdiń jańa standarttaryn iske asyrý jolyndaǵy mańyzdy kezeń bolyp tabylady. Ortalyqta elimizde tuńǵysh ret bilikti kómek kórsetýdiń barlyq kezeńderi engizilgen.

Qala basshysy Ortalyqtyń birneshe bólimshesin aralaǵannan keıin ujymmen áńgimelesip, olarǵa jumystary úshin alǵysyn bildirip, densaýlyq saqtaý qyzmetkerlerine júktelgen jaýapkershilikti atap ótti.

Á. Jaqsybekovtyń aıtýynsha, búginde Astanada álemdik deńgeıdegi zamanaýı medıtsınalyq klaster qurylyp, qyzmet etýde, oǵan emdelý úshin barsha Qazaqstannan ǵana emes, sondaı-aq, shetelderden de keledi.

«Elordada ınnovatsııalyq jáne joǵary tehnologııalyq medıtsınany jetildirý jáne engizý boıynsha jumystar úzdiksiz júrgiziledi. Osynyń barlyǵy Memleket basshysynyń qoldaýynyń arqasynda múmkin boldy», - dedi qala basshysy.

Aıta keteıik, ótken jyly Astanada Medıtsınalyq-áleýmettik ońaltý ortalyǵynan basqa taǵy da tórt densaýlyq saqtaý nysany paıdalanýǵa berildi - qalalyq balalar juqpaly aýrýlar aýrýhanasy, ambýlatorııalyq-emhana kesheni, BMSK ortalyǵy, onkodıspanserge japsarlastyra salynǵan ǵımarat. Jańa densaýlyq saqtaý nysandarynyń qurylysy bıyl da jalǵasatyn bolady.

Medıtsınalyq-áleýmettik ońaltý ortalyǵy emhana jáne statsıonar korpýstarynan turady.

Qazirgi kezde Ortalyqtyń mindeti - kórsetiletin qyzmetter sektoryn aldyn alý men alkogolge táýeldi, nashaqorlar, qumar oıynǵa salynǵan, destrýktıvti tártiptiń basqa da formalaryna ushyraǵan naýqastarǵa tıimdi mamandandyrylǵan kómek kórsetýge baǵyttaý.

Ortalyqta joǵary bilikti narkolog dárigerler, psıhoterapevtter, psıhologtar jumys isteıdi. Naýqastardy emdeý barysynda dári-dármekterden basqa, zamanaýı psıhoterapevttik tehnologııalar, patsıentke ońaltýdan keıingi qoldaýmen retsıdıvke qarsy sapaly em-dom keńinen qoldanylady. Sonymen qatar, naýqastyń týǵan-týystaryna da jeke jáne toptyq psıhoterapııa kýrsyn alý múmkindigi beriledi. Bul táýeldilikke shaldyqqan otbasy múshesimen syndarly ózara áreket etý daǵdylaryn meńgerýge kómektesedi.

Medıtsınalyq-áleýmettik ońaltý ortalyǵynda 228 qyzmetker bar, qazirgi kezde Ortalyqta bilikti mamandar tapshylyǵy joq.

Astana qalasy Medıtsınalyq-áleýmettik ońaltý ortalyǵynyń meken jaıy: 31-kóshe, № 7 ǵımarat (balalar juqpaly aýrýlar aýrýhanasy men №1 perınataldy ortalyqtyń arasynda).  

 

 Astanada «Bolashaq» halyqaralyq stıpendııasynyń Til mektebi ashyldy

Keshe, 11 aqpanda Astana qalasynda alǵash ret «Bolashaq» halyqaralyq stıpendııasynyń jańa Til mektebiniń resmı túrde ashylýy bolyp ótti.

 Bul jerde 2015 jyly «Memlekettik qyzmetshiler», «Ǵylymı-pedagog qyzmetkerler», «Mádenıet qyzmetkerleri», «BAQ redaktsııasynyń qyzmetkerleri» jáne «JOO túlekteri» sanattary boıynsha oqýǵa túsken alǵashqy60 stıpendıat oqýdy bastady, dep habarlaıdy «Halyqaralyq baǵdarlamalar ortalyǵy» AQ baspasóz qyzmeti.

Ashylý saltanatyna «Halyqaralyq baǵdarlamalar ortalyǵy» AQ prezıdenti Ǵanı Nyǵymetov, Ulybrıtanııanyń Qazaqstan Respýblıkasyndaǵy Elshisi, doktor Kerolına Braýn, Qazaqstandaǵy Brıtandyq keńes dırektory Djım Batterı, til mektebiniń qyzmetkerleri, sondaı-aq 2015 jyly stıpendııa taǵaıyndalǵan stıpendıattar qatysty.

«Bolashaq» stıpendııasyn iske asyrýdy jetildirý boıynsha júrgizilgen jumys sheńberinde biz tarıhta alǵash ret Almaty qalasynda 2015 jylǵy 7 qazanda jáne Astana qalasynda aǵymdaǵy jylǵy 1 aqpanda Til mektebin ashtyq.

Osy mekteptiń negizgi seriktesi Brıtandyq keńes bolyp tabylady. Mektep jumysy aǵylshyn tilin oqytýdyń «6+6»jańa formatyn usynady, onda alǵashqy 6 aıda «Bolashaqtyń» kvotalyq stıpendıattary aǵylshyn tilin Qazaqstanda, qalǵan 6 aıda shetelde oqıdy.

Osylaısha, stıpendıattardyń aǵylshyn tilin oqý tıimdiligi aıtarlyqtaı artyp, tildik daıarlyqqa jumsalatyn qarjy qarajattaryn ońtaılandyrýǵa qol jetkizildi, - dedi «Halyqaralyq baǵdarlamalar ortalyǵy» AQ prezıdenti Ǵanı Nyǵymetov mekteptiń ashylý saltanatynda.

Almaty qalasynda birinshi til mektebiniń saltanatty ashylý sharasy 2015 jylǵy 7 qazanda ál-Farabı atyndaǵy Qazaq ulttyq ýnıversıtetiniń bazasynda ótip, onda «Bolashaq» baǵdarlamasynyń 38 stıpendıaty oqýdy bastaǵan bolatyn.    

 
Astanada EKSPO-2017 kórmesiniń halyqaralyq qatysýshylary bas qosady

 Astanada EKSPO-2017 kórmesiniń halyqaralyq qatysýshylarynyń ekinshi kezdesýi ótedi. Bul týraly SІM blogynda jarııalanǵan úndeýinde QR Syrtqy ister mınıstri Erlan Ydyrysov málim etti.

«Astanada 24-25 aqpan kúnderi ótetin EKSPO-2017 kórmesiniń halyqaralyq qatysýshylarynyń ekinshi kezdesýi QR SІM men «Astana EKSPO-2017» UK» AQ-nyń birlesken qadamdaryn birizdendirýge jáne kórmege daıyndyqty pysyqtaýǵa múmkindik beredi. Ol kezdesýge EKSPO-2017 kórmesine qatysýǵa nıet bildirgen elderden 200-ge tarta qatysýshy keledi dep kútilýde», - dep atap ótti mınıstr. 

QR SІM basshysynyń málimetteri boıynsha, kórmege qatysýǵa búginde 70 memleket pen 13 iri halyqaralyq uıym kelisimin berip otyr. Qatysý týraly kelisimshart 26 elmen jasaldy.

 

Elordada «Shattyq-2016» 10-shy ashyq shyǵarmashylyq qalalyq baıqaýy ótkiziledi

 15-29 aqpan aralyǵynda Astana qalasyndaǵy Mahambet Ótemisuly atyndaǵy Oqýshylar saraıynyń kontsert zalynda QR Táýelsizdiginiń 25 jyldyq mereıtoıyna oraı qalalyq bilim basqarmasynyń uıymdastyrýymen balalar men jasóspirimder arasynda «Shattyq-2016» 10-shy ashyq shyǵarmashylyq qalalyq baıqaýy ótedi.

Oǵan Astana qalasynyń mektep, lıtseı, gımnazııa, tehnıkalyq jáne kásiptik bilim berý mekemeleriniń oqýshylary qatysady.

«Shattyq» baıqaýy memleketimizdiń mádenı áleýeti men keń aǵartýshylyq kelesheginiń kómegimen jan-jaqty shyǵarmashylyq tulǵany qalyptastyrý jáne damytý maqsatynda ótkiziledi. Shara «Baıterek» horeografııalyq ansambliniń oryndaýyndaǵy qazaq bıleriniń sıýıtasy negizindegi bı qoıylymymen ashylady.

«Óz shyǵarmashylyǵyn tanytý maqsatynda baıqaýǵa qatysýshylar sany jyl sanap kóbeıýde. Bıylǵy jyly Astana qalasynyń 100 bilim berý mekemesinen jeńiske umtylǵan 5000-nan asa qatysýshy jas daryndylarymyz ádilqazylar men kórermender aldynda óz baǵyn synap kórmekshi. «Shattyq» qalalyq baıqaýyna qatysý jáne jeńimpaz ataný - elordalyq jastar arasyndaǵy

 úlken tanymaldylyq pen zor abyroıǵa qol jetkizýge múmkindik beredi, 10 jyl ishinde baıqaý kóptegen jas ónerpazdarǵa tanymaldylyqqa jol ashyp, bilim salasynyń shyǵarmashylyq ómiriniń ózindik qoltańbasyna aınaldy. Bul baıqaý qatysýshylar darynyn ashyp, oryndaýshylyq sheberligin damytady. Baıqaý tájirıbesi kórsetkendeı, qatysýshylardyń kóbi bolashaq ómirlerin shyǵarmashylyqpen baılanystyrýǵa sheshim qabyldaıdy», - delingen qalalyq bilim basqarmasynyń habarlamasynda.

Elordanyń daryndy jastary 2 jas ereksheligi: 10-15 jas jáne 16-20 jas aralyǵynda, sonymen qatar 8 janr negizinde 15 nomınatsııa: jeke aspapta oryndaýshy/ ansambldik aspapta oryndaý; klassıka, halyq aspaptary/ hor áni, estradalyq án, vokaldyq ansambl, halyq áni, halyq bıi, qazirgi zaman bıi, poezııa, teatr óneri, fotosýret, beıneleý óneri, erekshe janr jáne kıim úlgisi boıynsha saıysqa túsetin bolady. Baıqaýdyń mereıtoılyq jylyna baılanysty alǵash ret baǵdarlamaǵa «Erekshe janr» jáne «Kıim dızaıny» qosyldy.

Bes kún boıy qalanyń ár túrli alańdarynda: (M. Ótemisuly atyndaǵy oqýshylar saraıy, Astana q. ákimdiginiń oqýshylar saraıy, №1 óner mektebi, №2 óner mektebi, №4 MG, №56 ML, №60 ML, Polıtehnıkalyq kolledj) shyǵarmashylyq saıystar uıymdastyrylady.

Balalar men jasóspirimder arasynda «Shattyq-2016» 10-shy ashyq shyǵarmashylyq qalalyq baıqaýynyń Gala-kontserti jáne mereıtoıly altyn músinshelermen marapattaý rásimi 29 aqpanda Kongress-holda ótedi.

 
Qazaqstan qurylysshylary kezekten tys saılaýdyń ótkizilýin qoldaıdy

 Elorda ákimdiginiń Astana qalasynyń saılaýaldy shtabynyń baspasóz ortalyǵynda saılaý kampanııasy aıasynda Qazaqstan qurylysshylary qaýymdastyǵynyń ókilderimen kezdesý ótti.

 Qazaqstan qurylysshylary QR Parlamenti Májilisi men barlyq deńgeıdegi maslıhattar depýtattarynyń kezekten tys saılaýyn ótkizýdi qoldaıdy.

Kezdesý barysynda Qazaqstan qurylysshylary qaýymdastyǵynyń atqarýshy dırektory Aslan Týkıev kezekten tys saılaýdy ótkizý týraly sheshimniń ýaqtyly qabyldanǵanyn atap ótti, dep habarlaıdy astana.kz.

- Ótken shaqyrylymdaǵy depýtattar kóp jumys atqardy, aldaǵy ýaqytta týyndaıtyn áleýmettik-ekonomıkalyq problemalar az emes, olar jańa kózqaras pen jańa sheshý joldaryn qajet etedi. Biz Parlament Májilisi burynǵydaı kóppartııaly bolatynyna úmittenemiz, - dedi A. Týkıev.

Onyń aıtýynsha, ekonomıkalyq daǵdarysqa baılanysty qurylys salasynda da eleýli ózgerister oryn aldy.

- Azamattar tıimdi baǵamen turǵyn úı alýǵa muqtaj. Biz ony qamtamasyz etýimiz kerek. Sondyqtan Qazaqstan qurylysshylary qaýymdastyǵy atynan biz usynystar jasap,  kandıdatýralarymyzdy usynamyz, - dedi A. Týkıev.

Astana kóktemgi sý tasqynyna daıyndalýda

 Búgin elorda ákimi Ádilbek Jaqsybekovtiń tóraǵalyǵymen ótken Astana qalasy ákimdiginiń kezekti apparat otyrysy qalany kóktemgi kezeńge daıyndaý jáne sý tasqynyna qarsy is-sharalardy qamtamasyz etýdiń ózekti máselelerine arnaldy, dep habarlady astana.gov.kz.  

Qazirgi kezde kóktemde erigen sýlardy ótkizýge daıyndyq boıynsha qalalyq keshendi jospar ázirlendi. 3 aqpannan bastap ákimniń ókimimen arnaıy jumys toby qurylyp, qajetti is-sharalarǵa daıyndyq bastalyp ketti.

Sonymen qatar, qalany mehanıkalandyrylǵan jáne qolmen jınaý jumystary da kommýnaldyq qyzmetterdiń turaqty baqylaýynda. Kún saıyn magıstraldy kósheler, joldardyń júretin bólikteri men aýla aýmaqtary kestege sáıkes qardan tazartylady. Jumystar eki aýysymmen, sondaı-aq túnde de júrgiziledi. Qys maýsymy bastalǵaly qala aýmaǵynan 2 mln. tekshe metr qar shyǵaryldy. Jalpy jınalǵan aýmaq kólemi 7,6 mln. sharshy m. qurady, sonyń ishinde qalanyń 1 000 km-den asa kóshe-jol jelisi mehanıkalandyrylǵan jolmen jınaldy.

«Bıyl normadan artyq qar tústi, sondyqtan árbir ýchaskede turaqty baqylaý júrgizý kerek. Erigen jáne tasqyn sýlardy ótkizýdi uıymdastyrýǵa tolyq daıyn bolýdy qamtamasyz etý kerek», - dedi qala ákimi.

Qazirgi kezde qalada sý basý qaýpi bar 35 áleýetti ýchaske anyqtaldy, olardyń árqaısysy baqylaýǵa alyndy, Esil, Nura jáne Aqbulaq ózenderiniń arnasyndaǵy sý tasqyny jaǵdaılaryn gıdrologııalyq baqylaý beketterinde táýlik boıǵy kezekshilik uıymdastyryldy.

Otyrys barysynda TJ departamentiniń basshysy Barat Duzaqbaev sý tasqynyna baılanysty oryn alatyn TJ-ny joıý úshin 309 adamnan, 49 birlik tehnıkadan, 12 júzý quraly men bir tikushaqtan turatyn top qurylǵanyn baıandady. Qajet bolǵan jaǵdaıda 125 adamnan jáne 48 birlik tehnıkadan turatyn jedel áreket etý otrıady tartylmaq.

Budan basqa, otyrysta 10 aqpanda ótken Ashyq esik kúni sharasynyń qorytyndysy shyǵaryldy. Atalǵan shara barysynda qalalyq qyzmetterge qala turǵyndarynan 1,5 myńnan astam ótinish kelip túsken. Qala basshysy elordalyq basqarmalar jumysynyń aıqyndylyǵy men tıimdiligin qamtamasyz etý úshin jazbasha ótinishterge jaýaptardy qalalyq ákimdiktiń saıtynda jarııalaýdy tapsyrdy.

Á. Jaqsybekovtiń aıtýynsha, ákimdik pen qala turǵyndarynyń ózara áreket etý is-sharalarynyń biri retinde halyqpen kezdesýlerdi turaqty túrde ótkizý kerek.

 
Astanada balabaqshalardy bólý bastaldy

  15 aqpannan bastap elordada balabaqshany josparly bólý bastaldy. Astana bilim berý basqarmasynyń derekterine sáıkes  8 myńnan astam oryn jınaqtaý josparlanýda.

Alty jańa balabaqshanyń  (2 -  Ilınka, 2 -   Komsomolskıı kenti, 1 -   Orynbor kóshesinde jáne 1 -   «Jaǵalaý» TK aýdanynda) salynýyna baılanysty  bıyl josparly jınaqtaý erte (2016 jylǵy 15 aqpannan bastap 11 naýryz aralyǵy boıynsha) bastalady.

«8 myńnan astam oryn berý josparlanýda. Jumys toby jınaqtaýdy Qartaly kóshesi №61 orta mektepte kórsetilgen kezektilik nómirine sáıkes jáne qatań belgilengen qabyldaý kúni boıynsha júzege asyrady», - dep túsindirdi elordanyń Bilim berý basqarmasynan.

Jumys toby balalardy jınaqtaýdy saǵat 10.00-den 17.00-ge deıin júrgizedi, úzilis - 13.00-14.00-ge deıin. Senbi jáne jeksenbi kúnderi - demalys.

Jınaqtaý aıaqtalǵannan keıin 1 maýsymda qala ákiminiń www.e.astana.kz  resmı saıtynda elektrondyq qyzmetten kezektiń jyljý barysyn baqylaýǵa bolady.

Jumys toby jeńildik sanaty boıynsha qujattardy aǵymdaǵy jylǵy 1 sáýirge deıin ǵana qabyldap, osy jınaqtaý aıasynda qaraıdy. Osy jylǵy 1 sáýirge deıin kelip túsken qujattar 2017 jyly kezekti jınaqtaý ýaqytynda qaralady.

Qaralǵan hattar nátıjelerin 1-30 naýryz aralyǵynda bilýge bolady.

«Astana turǵyndary habarlamada kórsetilgen kezektilik nómirin ár jas toby úshin jınaqtaý kestesindegi kezektiń rettik nómirimen salystyrýy qajet.

Eger nómir joq bolsa, onda jınaqtaýǵa qajettiliktiń bolmaǵany. Eger balabaqshanyń ornalasqan orny qolaıly bolmasa, joldamany almaýǵa bolady. Kezektilik ýaqyty saqtalady.

Balabaqshaǵa joldama bos oryn bolýyna qaraı beriledi. Jumys tobynyń qabyldaý rejimin buzbaýdy, qoǵamdyq tártipti saqtaýdy  suraımyz», - dep jazdy Astana qalalyq ákimdiginen.

 
Astana jastary aýǵan soǵysynda qaza tapqan qaharmandardy eske aldy

 Búgin «Nur Otan» partııasy janyndaǵy «Jas Otan» jastar qanaty men QR Aýǵanstan jáne jergilikti soǵystar ardagerleri odaǵy Aýǵanstan soǵysynda qaza bolǵan jaýynger - ınternatsıonalıster memorıaly alańynda Keńes áskeriniń Aýǵanstan jerinen shyǵarýdyń 27 jyldyǵyna arnalǵan gúl shoǵyn qoıý rásimin ótkizdi. 

Shara barysynda jınalǵan qaýym aýǵan soǵysynda qaza tapqandardy eske alyp bir mınýt únsizdik jarııalady.

«Aýǵan jerinen Keńes áskeriniń qaıtyp kelgenine 27 jyl ótti. Alaıda sol bir qasiretke toly oqıǵalar kóptiń kókeıinen áli de kete qoıǵan joq. Zulym soǵys kezinde erjúrek tanytqan azamattardyń erligine taǵzym etip, qurmet kórsetý - barlyǵymyzdyń mindetimiz», - dedi «Jas Otan» jastar qanaty Hatshylyǵynyń basshysy Aıan Sakoshev.

Gúl shoǵyn qoıý sharasyna  QR Іshki ister mınıstrligi Ulttyq gvardııasy, QR Ulttyq qaýipsizdik komıteti men «Jas Otan» jastar qanatynyń ókilderi, QR Áýe-desant áskerler keńesiniń ardagerleri, Tájik-aýǵan shekarasynda qazaqstandyq bitimgershilik batalonynyń qatysýshylary jáne Aýǵan soǵysynda qaza tapqan jaýyngerlerdiń týǵan-týystary, sondaı-aq, jastar uıym ókilderi qatysty.

Esterińizge sala keteıik, 1979 jylǵy 25 jeltoqsannan bastap 1989 jylǵy 14 aqpanǵa deıin Keńes áskerleri Aýǵanstan jerinde Otan aldyndaǵy boryshtaryn ótedi. Osy ýaqyt ishinde bul soǵysqa 22269 qazaqstandyq qatysty. Olardyń 924 qaza tapsa, 1015 múgedek boldy, al 21 jaýynger iz-túzsiz joǵaldy.   

Astanada áleýmettik jelilerdiń kómegimen qazaq tilin úırenýshiler sany artty

 Elordada Tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý aıasynda qazaq tilin oqytý boıynsha kýrstar bastaldy. Bıyl tyńdaýshylar sany 1500-den asty, dep habarlady qalalyq ákimdiktiń baspasóz qyzmetinen.

Qalalyq Tilderdi damytý basqarmasynyń habarlaýynsha, bıyl tegin kýrstar týraly aqparat buqaralyq aqparat quraldarynan basqa, áleýmettik jeliler arqyly taratylǵan. Bul tildi úırenem deýshiler sanyn ótken jyldarmen salystyrǵanda aıtarlyqtaı arttyrýǵa yqpal etken. Tildi meńgerýge memlekettik qyzmetshiler, bıýdjettik uıym qyzmetkerleri, etnomádenı birlestikterdiń ókilderi men t.b. nıet bildirgen. Olardyń basym bóligin jastar quraıdy. Bilikti mamandar ótkizetin sabaqtar aptasyna eki ret «Іsker» oqý ortalyǵynda ótedi. Aıta keteıik, qazaq tilin oqytý boıynsha tegin kýrstar jyl sońyna deıin jalǵasady.

Qazaqstandyq kompozıtorlar mektebiniń alyptary - «Astana Opera» teatrynda

 18 aqpanda «Astana Operanyń» Kameralyq zalynda zamanaýı qazaqstandyq kompozıtorlar shyǵarmalarynyń eń úzdik úlgileri usynylady. 

Belgili otandyq avtorlar qatysatyn «Darhan dala» kontserti Qazaqstan Táýelsizdiginiń 25 jyldyǵyna arnalǵan «Kompozıtorlar-zamandastar» jańa tsıklin ashady.

Qazaqstan kompozıtorlarynyń mýzykasy tek bizdiń respýblıka aımaǵynda ǵana emes, Italııa, Ulybrıtanııa, Frantsııa, Reseı jáne t.b. shet elderde oryndalyp júr, dep habarlaıdy «Astana Opera» teatrynyń baspasóz qyzmeti.

Kesh baǵdarlamasyna tyńdarmandarymyzdyń súıikti ánderi: M.Tólebaev, Ǵ.Jubanova, E.Rahmadıev, S.Muhamedjanov, B.Qydyrbek, T.Muhamedjanov, S.Erkimbekov, S.Ábdinurov, A.Ábdinurov, K.Dúısekeev, J.Tursynbaev, E.Ómirov, A.Toqsanbaev, A.Alpysbaev, D.Ostankovıch, I.Jaqanov, A.Tanı sııaqty klassıkalyq jáne zamanaýı ánderi, romanstary, arııalary endi.

QR eńbek sińirgen qaıratkeri, professor jáne kompozıtor Serik Erkimbekov osy kontsertke ataýy berilgen «Darhan dala» áni halyq aqyny Syrbaı Máýlenovpen jeke kezdesip, onyń  shyǵarmashylyq ómirbaıanynyń  mańyzdy sátterimen baılanysty ekenin atap ótti. Onyń jınaǵynan alynǵan óleń joldary joǵary poezııalyq sóz saptaýy, oı-órisiniń keńdigi, ómirge degen tamasha fılosofııalyq kózqarasymen, qazaq jeri tabıǵatynyń ásem sýretterimen kompozıtorǵa shabyt berdi. Sóıtip S.Erkimbekov tyńdarmandarymyzǵa óz basynan keshirgen tereń sezimderdi jetkizýge tyrysty.

- Mádenıetti el ómirinen bólip alý múmkin emes. Barlyq kúshimiz ben  shyǵarmashylyq shabytymyzdy biz óz Otanymyz týraly aıtýǵa baǵyttaımyz.  Kóbinese, bizdi Otanǵa degen mahabbat shabyttandyrady, sondyqtan da biz halqymyzdyń rýhy, onyń ádemiligi, jaqsylyqqa, bıik murattarǵa talpynýyn kórsetetin shyǵarmalar jazamyz. Bul kontsert bizdiń shyǵarmashylyǵymyz, rýhanı álemtanýshylyq, seziný jáne alǵa jyljýdyń tabıǵı jalǵasy bolyp tabylady. Kompozıtsııamen berilgen taqyryptar, oılar, beıneler bizdiń ómirimizdiń, onyń ómir súrý  keńistiginiń túrli qyryn kórsetedi, - deıdi Serik Erkimbekov.

Kesh qonaqtary elimizge belgili aıtýly qazaqstandyq kompozıtorlar: Keńes Dúısekeev, Balnur Qydyrbek, Serikjan Ábdinurov, Jolaman Tursynbaev jáne t.b. bolady. Serik Erkimbekov, Álibı Ábdinurov jáne Dmıtrıı Ostankovıch ózderiniń shyǵarmalaryn Kameralyq zal sahnasynda oryndaıdy. Kontsertte teatrdyń kórnekti solısteri - QR eńbek sińirgen ártisteri Jannat Baqtaı, Ǵalııa Baıǵazınova, QR eńbek sińirgen qaıratkerleri Aıgúl Nııazova, Dına Hamzına, Janat Shybyqbaev, halyqaralyq baıqaýlardyń laýreattary Aızada Qaponova, Roza Núrkeı, Ásem Sembına, Beıimbet Tańaryqov, Eskendir Ábjanov, Bolat Esimhanov sonymen qatar B.Álibekova jetekshilik etetin belgili «Eligaı» hory jáne taǵy da basqalar.

Fortepıano partııasyn - kompozıtorlar: Serik Erkimbekov, Dmıtrıı Ostankovıch, Álibı Ábdinurov, sonymen qatar halyqaralyq  baıqaýlardyń laýreaty Raýshan Beskempirova, Elena Sahno, Irına Kýrgýzkına, Gaýhar Tasbergenova oryndaıdy.  

 

 Elorda kóshelerinde belgili qazaqstandyq sportshylardyń sýretteri ilinedi

 Jetekshi otandyq komandalardyń basyn qosqan «Astana» prezıdenttik kásipqoı sport klýby áleýmettik jarnama ázirledi. Belgili qazaqstandyq sportshylar beınelengen plakattardy qalanyń adamdar kóp júretin jerlerinde ornalasqan Astana Bike veloprokatynyń 110 stantsııasynan kórýge bolady, dep habarlaıdy qalalyq ákimdiktiń baspasóz qyzmeti.

Aktsııanyń maqsaty - jankúıerler men sportqa áýes jandardy biriktirý, sondaı-aq, salaýatty jáne belsendi ómir salttaryn nasıhattaý.

Astanalyqtardyń nazaryna qazaqstandyq sportshylardyń, Astana Pro Team velokomandasy, «Barys» hokkeı klýby, «Astana» fýtbol klýby ókilderiniń, Astana Arlans boksshylarynyń, «Astana» basketbol klýby oıynshylarynyń, Astana Motorsports rallı-reıdteri boıynsha komanda músheleriniń sýretteri usynylady.

Aıta keteıik, atalǵan komandalardyń arqasynda sońǵy úsh jylda Qazaqstannyń qorjyny jańa sporttyq jetistiktermen tolyǵa tústi.

 

 2017 jyldan bastap «Altyn sapa» onlaın rejımge aýysady

 «Atameken» QR Ulttyq kásipkerler palatasy «Altyn sapa» jáne «Qazaqstannyń úzdik taýarlary» baıqaýlaryn ótkizýdiń jańa erejelerin tanystyrdy.

Búgin Astanada ótken brıfıngte jarııalanǵan málimetterge qaraǵanda, baıqaýlardy ótkizý rásiminiń negizgi qaǵıdalary saqtalǵan, biraq ta olar anaǵurlym yńǵaıly ári tıimdi jáne barlyq qatysýshylar úshin qoljetimdi bolmaq.

«Birinshiden, baıqaýǵa qatysýshylar men olar usynǵan qujattardy, sondaı-aq esepterdi baǵalaý deńgeıin arttyrý úshin «Altyn sapa» jáne «Qazaqstannyń úzdik taýary» baıqaýlaryna qatysýshylar qyzmetin baǵalaý jónindegi sarapshylyq reestri qurylady», - deıdi palata ókilderi.

Belgili bolǵandaı, reestr quramyna ený úshin sarapshylarǵa qoıylatyn biliktilik talaptaryn jasap shyǵarý josparda bar. Bul óz kezeginde baıqaý qatysýshylaryn baǵalaý sapasyn arttyrmaq.

«Ekinshiden, 2017 jylǵy baıqaýdaǵy rásimderdiń bir bóligi «Altyn sapa» saıty arqyly onlaın rejımge aýystyrylatyn bolady. Máselen, ótinimder berý, baıqaý qujattaryn usyný, sarapshylardyń baıqaý materıaldaryn baǵalaýy onlaın túrde júzege aspaq», - delingen taratylǵan málimette.

Atap aıtqanda, mundaı qyzmetti iske qosý úshin is júzinde saıtty qaıta jasap shyǵý kerek. Buǵan 4-5 aı ýaqyt ketetindikten, bıylǵy jyly baıqaý rásimderi qoldanystaǵy rejimde ótetin bolady. 2017 jylǵa qaraı baıqaýlardyń anaǵurlym joǵary deńgeıde ótýin qamtamasyz etetin saıt pen ádisnama daıyndalady.

Esterińizge sala keteıik, búginde atalǵan baıqaýlarǵa qatysý úshin ótinishterdi qabyldaý júrip jatyr. 2016 jyldyń erejeleri burynǵy qalpynda qaldy. 

 Astanada 13 jasyryn kazınonyń qyzmeti toqtatyldy

 Astanada uzaq ýaqyt boıy qala aýmaǵynda zańsyz oıyn bıznesimen aınalysqan birlesken qylmystyq toptyń qyzmeti toqtatyldy, dep habarlady elordalyq memlekettik kirister departamentinen.

«2015 jyly Astanada 13 jasyryn oıyn mekemesi jabylǵan, UQT-nyń 8 múshesi anyqtalyp, sonyń ishinde tórteýi qamaýǵa alyndy, qylmystyq is sot qaraýynda», - delingen Astana qalasy boıynsha ІІD-niń habarlamasynda.

Budan basqa, ótken jyly elordada 3 jasyryn kazıno anyqtalyp, joıyldy, 172 birlik monoblok pen protsessor, 222 lotereıalyq jáne oıyn avtomattary jáne úsh rýletka zańsyz aınalymnan shyǵaryldy. 

 

 

Astanada alǵash ret segiz myńǵa jýyq balaǵa balabaqshadan oryn beriledi

 15 aqpannan beri № 61 orta mektepte balalardy mektepke deıingi mekemelerge toptaý júrgizilip jatyr. Alǵash ret qaladaǵy 91 memlekettik balabaqshaǵa 8 myńǵa jýyq bala qabyldanbaq, sonyń ishinde bes mekeme jańadan ashylsa, bireýi 60 orynǵa eseptelgen japsarlastyra salynǵan ǵımarat, dep habarlady qalalyq ákimdiktiń baspasóz qyzmetinen.

Elorda turǵyndaryna kezek nómerleri qabyldaý kestesine sáıkes bolǵanda ǵana joldama beriledi. Eger kezekte turǵandar balabaqshadaǵy orynnan bas tartsa, Astana qalasynyń Bilim basqarmasy jańadan qosymsha toptaý týraly jarııalaıdy, ol ústimizdegi jyldyń 30 naýryzyna deıin jalǵasady.

Bıyl naýryz aıynda 240 jáne 280 oryndyq bes balabaqsha paıdalanýǵa beriledi: Orynbor kóshesindegi № 86 «Qadyr»; Komsomolskıı kenti Ulpan kóshesindegi № 88 «Baıan Sulý»; Komsomolskıı kenti Qyz Jibek kóshesindegi № 89 «Qyz Jibek»; Syǵanaq kóshesindegi № 90 «Erkejan»; Úrker sh/a № 91 «Eńlik» balabaqshasy; sondaı-aq, №4 «Arýjan» balabaqshasyna japsarlastyra salynǵan ǵımarat. Árbir balabaqshada sóıleýi buzylǵan, aýtızmi nemese psıhologııalyq damýynyń tejelýi bar balalar balalarǵa arnalǵan top qurylmaq.

«Qyz Jibek» balabaqshasy tolyq jabdyqtalǵan. Munda ınteraktıvti synyptar, sport jáne akt zaldary, defektolog jáne logoped kabınetteri bar.

Sáýle Ataqanova, № 89 «Qyz Jibek» balabaqshasynyń meńgerýshisi:

- Balabaqshany naýryz aıynda ashý josparlanǵan. Biz tolyq daıynbyz, kadrlyq áleýetimiz bar, óte jaqsy. Mekeme 280 balaǵa eseptelgen, sonyń ishinde eki top sóıleýi buzylǵan balalarǵa arnalady, sondyqtan balabaqshada dáriger-defektolog pen logoped jumys isteıdi.

Aıta keteıik, zańdy ókilderi múgedekter bolyp tabylatyn balalarǵa; jetim, ata-anasynyń qamqorlyǵynsyz qalǵan balalarǵa; kópbalaly otbasylardan shyqqan balalarǵa; áskerı qyzmetshilerdiń, sonyń ishinde qyzmeti barysynda qaza tapqan, qaıtys bolǵan nemese habar-osharsyz ketken qyzmetshilerdiń balalaryna; arnaıy memlekettik organdar qyzmetkerleriniń balalaryna, sonyń ishinde qyzmeti barysynda qaza tapqan, qaıtys bolǵan nemese habar-osharsyz ketken qyzmetkerlerdiń balalaryna balabaqshalardan oryndar kezekten tys beriledi. Atalǵan sanatqa jatatyn balalarǵa 1500 oryn bólindi.

Sonymen qatar, 4 jasqa tolǵan balalar kezekke qaramastan shaǵyn ortalyqtarǵa jiberiledi. Bul másele boıynsha qabyldaý №61 orta mekteptiń №116 kabınetinde júrgiziledi. Jeńildikti sanattar boıynsha saýaldarmen de osy kabınetke júginýge bolady. № 119 kabınette balalardy memlekettik tapsyryspen jeke menshikti balabaqshaǵa ornalastyrý boıynsha ótinishter qaralady. Bıyl memlekettik tapsyrys boıynsha 3 myńǵa jýyq balany qabyldaý kózdelgen, bul rette somanyń 15900 teńgesi bıýdjetten tólenedi, qalǵan 23000 teńgeni ata-analar beredi.

Elordada balabaqshaǵa toptaý 15 aqpanda bastalyp, 11 naýryzǵa deıin jalǵasady.

 
Astanada sımfonııalyq mýzyka kontsertteri ótedi

 Astana qalasy Memlekettik akademııalyq fılarmonııasynyń mýzykanttary elordalyq tyńdarmandar nazaryna birneshe sımfonııalyq kontsert usynbaq, dep habarlady qalalyq ákimdiktiń baspasóz qyzmetinen.

17 aqpanda Qazaq óner ýnıversıtetiniń organ zalynyń sahnasynda sımfonııalyq orkestrdiń solısteriniń, skrıpkashy Aral Baısalaqovtyń jáne fleıtıst Jibek Saparǵalıevanyń oryndaýynda tyńdaýshylar nazaryna K. Mýsın, I. Brams, E. Magalıf, P. Chaıkovskııdiń shyǵarmalary usynylatyn bolady.

Kontsert dırıjeri - Ernar Nurtazın.

18 aqpanda QR Táýelsizdiginiń 25 jyldyǵyna oraı Kongress-hollda qazaq orkestriniń «Mýzyka - tilsiz álem» kontserti ótedi.

QR Eńbek sińirgen ártisi, professor Aıtqalı Jaıymovtyń jáne dırıjer Nurlan Bekenovtyń basqarýyndaǵy qazaq orkestriniń, sondaı-aq QR Eńbek sińirgen qaıratkeri, Memlekettik syılyqtyń ıegeri Shahımardan Abılovtyń oryndaýynda qazaq, eýropalyq kompozıtorlardyń mýzykalary oryndalady.

Sımfonııalyq mýzyka tyńdarmandary «Saryarqa» halyq aspaptary ansambliniń jáne Astana qalasy Memlekettik akademııalyq fılarmonııasy solıstteriniń «Ańsaý» atty kontsertin tamashalaı alady, onda ótken jyldardyń belgili ánderi men áýenderi, súıikti kınofılmderden saýndtrekter oryndalady.

 

 Elordada jumyssyzdarǵa arnalǵan kásiptik daıarlaý kýrstary ótedi

 Astanada jumyssyz azamattardy ákimshi, gıd-ekskýrsovod, aspaz, kondıter, is júrgizýshi sııaqty mamandyqtar boıynsha qaıta daıarlaý kýrstary ashylady, dep habarlady qalalyq ákimdiktiń baspasóz qyzmetinen.

Elordada jumyssyz júrgen azamattarǵa jumysqa ornalasýǵa kómektesý úshin jyl saıyn qalalyq jumys berýshilerdiń bos oryndar týraly beretin ótinimderin taldaýdyń negizinde suranysqa ıe mamandyqtar boıynsha tegin kásiptik daıarlaý, qaıta daıarlaý jáne biliktilikti arttyrý kýrstary uıymdastyrylady.Astana qalasy Jumyspen qamtý ortalyǵynyń habarlaýynsha, 2016 jyly bilim joq jumyssyz azamattardy elektrık, elektrgaz dánekerleýshi, slesar-santehnık, daıashy, shashtaraz, kontroler-kassır, tiginshi, kran mashınısti mamandyqtary boıynsha qysqa merzimdi kýrstar uıymdastyrý kózdelgen. Budan basqa, suranysy tómen kásiptermen aınalysatyn jumyssyz azamattardy ákimshi, gıd-ekskýrsovod, aspaz, kondıter, is júrgizýshi sııaqty mamandyqtar boıynsha qaıta daıarlaý kýrstary ashylady. Óz mamandyǵy boıynsha biliktiligin, razrıadyn arttyrýǵa nemese jańa kompıýterlik baǵdarlamalardy meńgerýge nıetti jandar úshin býhgalter, qaýipsizdik tehnıkasy boıynsha ınjener mamandyqtary boıynsha kýrstar ótedi.Sonymen qatar, jeke ońaltý baǵdarlamalaryna ıe múmkindigi shekteýli jandar ishinen jumyssyz otyrǵan azamattar tólenetin qoǵamdyq jumystarǵa shaqyrylady.Ýnıversıtetter men kolledj túlekteri qarjyger, ekonomıst, esep jáne aýdıt mamandyqtary boıynsha jastar praktıkasyna qatysa alady.Jumysqa ornalasý máselesimen Beıbitshilik k-si 25, meken jaıy boıynsha Jumyspen qamtý ortalyǵyna júginýge bolady, tel. 57-88-86.

 

Astana qalasy ákiminiń orynbasary N. Álıev Ábý-Dabı SÓP vıtse-prezıdentimen kezdesý ótkizdi

2016 jylǵy 3 aqpanda QR SІM keńeıtilgen otyrysynda Memleket basshysy bergen tapsyrmalardy iske asyrý boıynsha naqty sharalar qabyldaý aıasynda BAÁ-degi  Qazaqstan Elshisi men Dýbaıdaǵy Bas Konsýldyq Ámirlikte tórt bıznes-forým ótkizýdi josparlap otyr.

Іskerlik aptany jumysyn sársenbi BAÁ astanasynda bastaǵan «BAÁ jáne Qazaqstan: qarsy qozǵalý» ekinshi qazaqstandyq-ámirlik bıznes-forýmy ashty. Sharany  Ábý-Dabı saýda-ónerkásiptik palatasy men Astana qalasynyń ákimdigi uıymdastyrǵan.

Forýmnyń ashylýynda Astana qalasy ákiminiń orynbasary N. Álıev pen Ábý-Dabı SÓP birinshi vıtse-prezıdenti Ibrahım ál-Mahmýd sóz sóıledi.

Belgili bolǵandaı, alǵashqy qazaqstandyq-ámirlik bıznes-forým Astanada 2015 jylǵy 28 qazanda BAÁ-degi QR Elshiliginiń bastamasymen ótken. Bul forýmda Ámirlik tarapy Ábý-Dabı SÓP tóraǵasy, «Arabtec» qurylys kompanııasy Dırektorlar keńesiniń tóraǵasy Muhammed  ar-Rýmeısıdiń basshylyǵymen  bıznes-qoǵamdastyq ókilderinen quralǵan delegatsııamen qatysqan. Sondaı-aq Astanaǵa Ábý-Dabı SÓP, Adjman, Fýdjeıra, BAÁ Bıznesmen áıelder keńesi, Aldar Properties», «Trillion General Trading», «Zahira», «Agthia», «Emirates Post», «Mawasim Holidays» kompanııalary jáne Ámirliktiń birqatar jetekshi BAQ ókilderi keldi. Forýmda qazaqstandyq-ámirlik kásipkerleri tájirıbemen, bıznes-ıdeıalarmen almasyp, ózara tıimdi yntymaqtastyqtyń yqtımal baǵyttaryn talqylady. Baǵdarlama aıasynda BAÁ delegatsııasy Astana Indýstrıaldyq park nysandaryna baryp, «AstanaInvest - 2015» VI halyqaralyq ınvestıtsııalyq forýmynyń jumysyna qatysty.

 «Ekonomıkalyq dıplomatııa» aktsenti jahandyq týrbýlenttilik jaǵdaıynda Qazaqstannyń ındýstrıaldyq-ınnovatsııalyq jobalaryna arab ınvestıtsııasyn tartýǵa, eki memleketter arasynda saýda baılanystaryn keńeıtýge jasalady.

Endi Ábý-Dabıde qazaqstandyq kásipkerlerde Qazaqstanda naqty bıznes-jobalardy birlesip iske asyrý úshin áleýetti ámirlik ınvestorlarymen tikeleı iskerlik baılanys ornatý múmkindigi bar. 

 

Astanada Saǵadat Nurmaǵambetovtiń sońǵy suhbatyna arnalǵan fılm tanystyryldy

 Búgin Astanadaǵy Qazaq ulttyq óner ýnıversıtetinde Sh. Aımanov atyndaǵy «Qazaqfılm» AQ-y túsirgen tolyqmetrajdy «Saǵadat Nurmaǵambetov. Sońǵy suhbat» atty derekti fılminiń kórsetilimi ótti.

Týyndy Keńes Odaǵynyń Batyry, Qazaqstannyń Halyq Qaharmany, Qazaqstan Respblıkasynyń tuńǵysh Qorǵanys mınıstri, armııa generalynyń ómirinen syr shertedi.

«Saǵadat Nurmaǵambetov ómirden óter aldyndaǵy eki aı buryn osy suhbatty alǵan edim. Búgin tusaýkeseri ótip jatqan fılmniń de taqyryby osy suhbatqa oraılastyrylyp qoıyldy. Osyndaı batyrlar týraly kıno túsirmeý qııanat dep bilemin. Barsha ómirin Qarýly Kúshterdiń qatyrynda ótkizip, eldiń qaýipsizdigi úshin ter tókken tulǵa. Sondyqtan elimizdiń abyroıly ofıtserlerin tárbılep shyqqan Halyq Qaharmany týraly fılmdi túsirý paryzymyz. Týyndyny keleshek urpaǵymyzǵa, jastarǵa úlgi-ónege kórsetý maqsatynda daıyndadyq», - dedi  stsenarıı avtory Satybaldy Tekeev.

Fılm jelisinde batyrdyń taǵdyry, týǵan eline degen patrıottyǵy, áskerı salanyń asa iri mamany retinde qalyptasýy men tulǵanyń adamı qasıetterine aıryqsha mán berilgen.

Tusaýkeser rásimine QR Qorǵanys mınıstrligi, QR Іshki ister mınıstrligi, Respýblıkalyq Ardagerler keńesiniń ókilderi jáne Ekinshi dúnıejúzilik jáne Aýǵan soǵysynyń ardagerleri, tyl eńbekkerleri,stýdent jastar qatysty.       

 
Elordalyq jastardy kezekten tys saılaýdyń ótkizilýin qoldaýǵa shaqyrdy

 Qala ákimdiginiń baspasóz ortalyǵynda jastar uıymdarynyń ókilderi elordalyq belsendilermen kezdesti. Jastardy azamattyq boryshyn oryndap, QR Parlamenti Májilisi men barlyq deńgeılerdegi maslıhat depýtattarynyń kezekten tys saılaýyna qatysýǵa shaqyrdy.

«Nur Otan» partııasy janyndaǵy «Jas Otan» jastar qanatynyń múshesi Darhan Mataev qazirgi elordalyq jastardyń asa belsendi, sondaı-aq jastardyń energııasyn qajetti arnaǵa baǵyttaý mańyzdy ekendigin atap ótti, dep jazady ákimdiktiń resmı saıty.

«Biz jastarmen volonterlyq, jumysqa ornalastyrý boıynsha jumystar júrgizemiz. Udaıy pikirtalas alańdaryn uıymdastyryp, áńgimelesemiz. Búgingi kezdesý aıasynda aldaǵy saılaýdy qoldaýǵa shaqyramyz. Álemniń damyǵan 30 eliniń qataryna ený sııaqty ortaq maqsatqa qol jetkizý úshin Qazaqstandy bolashaqqa jeteleıtin naq osy jastar. Bul joly QR Parlamenti Májilisiniń quramynda kandıdattardyń jartysynan kóbi aýysqany qýantarlyq jaıt, sonyń ishinde jastar birlestikteriniń ókilderi de bar. Belsendiler úshin bul ózin kórsetip, ilgeri qadam jasaýyna jaqsy múmkindik»,- dedi Darhan Mataev.

«Jas Ulan» respýblıkalyq balalar-jasóspirimder uıymynyń tóraıymy Dınara Sádýaqasova jahandyq ekonomıkalyq daǵdarys jaǵdaıynda memleketke jańa saıası baǵytqa túsý qajet dep esepteıdi, sondyqtan kezekten tys saılaýdy ótkizý ýaqytyly is-qımyl bolyp tabylady.

«Saılaýǵa qatysý - barsha qazaqstandyqtardyń azamattyq boryshy. Bul rette jastar erekshe rol atqarady. Erteń eldi basqaratyn biz, memlekettik tabysty jolǵa túsirý jaýapkershiligi bizge júkteledi. Sondyqtan jastardyń daýys berýge kelýi elimizdiń gúldenýi men ilgeri jyljýyna septigin tıgizedi», - dedi Dınara Sádýaqasova.

Sonymen qatar, kezdesýge qatysýshylar shetelderde oqyp júrgen qazaqstandyq stýdentterdiń saılaýǵa qatysýynyń mańyzdylyǵyn atap ótti. Sheteldegi qazaqstandyq jastardyń «QazAlıans» birlestiginiń ýákiletti ókili Arman Barmenbaevtyń aıtýynsha, Qazaqstannyń elshilikterimen birlesip, shetelde bilim alyp júrgen qazaqstandyq stýdenttermen kezdesýler uıymdastyrylady.

 
Astanadaǵy jalǵan kásiporyndarǵa bir jyldyń ishinde 1,7 mlrd.-tan astam teńge tóletildi

 2015 jyly Astananyń kóleńke ekonomıkasynan bıýdjetke 17 mlrd. astam teńge qaıtarylǵan.

Astana qalalyq prokýratýrasynyń baspasóz qyzmetiniń habarlaýynsha, 2015 jyly sotqa ótinishter berý arqyly qyzmetine qatysyn joqqa shyǵaryp otyrǵan adamdarǵa tirkelgen jeke kásipkerlik sýbektileri - 69 jalǵan kásiporynnyń tirkelýine jol berilgen joq.

«Olardy tirkemeý nátıjesinde prokýrorlyq den qoıý aktileri boıynsha jalǵan kásiporyndardyń 1658 kontragentine (salyq tóleýden jaltaryp otyrǵan) jalpy somasy 5,5 mlrd. astam teńge kóleminde salyq eseptelip, sonyń ishinde bıýdjetke 1,7 mlrd.-tan astam teńge tóletilgen», - delingen habarlamada. 

 

 
Jastar Táýelsizdiktiń 25 jyldyǵyna oraı erekshe aktsııa uıymdastyrdy

 Qazaqstan Respýblıkasy Táýelsizdiginiń 25 jyldyǵyna oraı el jastary áleýmettik jelilerdegi jeke sýretterin qazaqtyń oıýymen «órnektep», keń dalanyń kelbetimen ádemilep jatyr. Búgin Ortalyq kommýnıkatsııalar qyzmetinde 10 saǵat 25 mınýt 25 sekýnda «Bir El. Bir Taǵdyr» atty osy aktsııaǵa bastaý berildi.

Qazir 25.el.kz portalyna kirip, óz sýretin aýystyrǵan adamdardyń sany 32  296-ǵa jetti. Aktsııa uıymdastyrýshylarynyń aıtýynsha, olar jıyrma kún buryn www.25.el.kz  platformasyn jasap shyǵarǵan. Uıymdastyrýshylar 18 aqpan, saǵat 10.25.25-ke deıin kem degende 20 myń adam osy platformanyń kómegimen sýretterin aýystyrsa dep josparlaǵan eken. Áleýmettik jeliniń belsendileri bul aktsııany ilip áketse kerek, qazir sýretin táýelsizdiktiń 25 jyldyǵyna oraı ádemilegender sany 34 296 adamǵa jetken.

Ortalyq kommýnıkatsııalar qyzmetiniń aktsııasyna búgin 300 stýdent, sondaı-aq, Marjan Arapbaeva, Erlan Kókeev sııaqty ánshiler qatysyp, jastarǵa qoldaý bildirdi.

 

 «EKSPO-2017» Halyqaralyq kórmesinen túsetin tabys 300 mln. eýrodan asady

 Astanada ótetin «EKSPO-2017» Halyqaralyq kórmesinen túsetin tabys 300 mln. eýrodan asady. Bul týraly búgin Senattyń jalpy otyrysynda depýtat Olga Perepechına málim etti.

«Astanada «EKSPO-2017» halyqaralyq kórmesin ótkizýden bıýdjetke tabys túsedi. Atap aıtqanda, demeýshilerden, kórmege bıletter satýdan, tamaqtaný men basqa da qyzmet túrlerin kórsetýden túsetin tabys 300 mln. eýroǵa baǵalanyp otyr», - dedi senator O. Perepechına. Onyń aıtýynsha, Astanada ótetin halyqaralyq aýqymdaǵy shara otandyq týrıstik klasterdiń damýyna da yqpal etetin bolady.

Aıta keteıik, búgin Parlament «Qazaqstan Respýblıkasynyń Úkimeti men Halyqaralyq kórmeler bıýrosy arasyndaǵy Astana qalasynda EKSPO-2017 halyqaralyq mamandandyrylǵan kórmesin ótkizýge baılanysty resmı qatysýshylarǵa jeńildikter men preferentsııalar berý týraly kelisimdi ratıfıkatsııalaý týraly» QR Zańyn qabyldady. Atalǵan qujat negizinen «Bolashaq energııasy» taqyrybymen 2017 jyly Astanada ótetin Halyqaralyq EKSPO-2017 kórmesine qatysýshylar úshin jaǵymdy ahýal qalyptastyrýǵa baǵyttalady. Kelisim negizinen elimizde ótetin kórmege qatysýshylardy yntalandyrý maqsatynda resmı qatysýshylarǵa jeńildikter men preferentsııalar usyný úshin quqyqtyq negiz jasaıdy.

«Buǵan deıingi dúnıejúzilik mamandandyrylǵan kórmelerden ereksheligi Qazaqstan bul kelisim aıasynda tek resmı qatysýshylarǵa ǵana emes, sonymen birge olardy otbasy múshelerine de jeńildikter men preferentsııalar usynyp otyr», - dedi O.Perepechına.

 
Astanada jyl basynan beri qaraýsyz qalǵan 192 kólik anyqtaldy

 Elordada Jergilikti polıtsııa qyzmetiniń qyzmetkerleri aýdandyq ákimdikterdiń ókilderimen birlesip kólikter,  jaıaý júrginshiler jáne qar tazalaý tehnıkasynyń qozǵalysyna kedergi jasaıtyn ıesiz qalǵan kólikterdi anyqtaý boıynsha reıdterdi turaqty túrde júrgized, dep habarlady  astana.gov.kz.

Jyl basynan beri 192 kólik anyqtalyp, turaqqa qoıyldy. Qysta ıesiz qalǵan kólikter máselesi asa ózekti bolady, óıtkeni ıeleri aýlalarda jáne joldardyń jıekterine qaldyryp ketken kólikterdi qar basyp, qala turǵyndaryna kedergi keltiredi, elordanyń kelbetin buzady.

Jergilikti polıtsııa qyzmetiniń habarlaýynsha, polıtseıler nomer belgileri men shanaqtyń nomeri arqyly kólik ıesin esh qıyndyqsyz anyqtaıdy. Kólik ıelerimen áńgimelesý júrgizilip, keıbir jaǵdaılarda olar ákimshilik jaýapkershilikke tartylady.

Bir aıdan artyq ýaqyttan beri turǵan, buzylǵan, qoqys pen metaldyń jınalý oshaǵyna aınalǵan, qar jınaý tehnıkasyna kedergi jasaıtyn, gúlzarlarǵa qoıylǵan, jaıaý júrginshiler men kólik qozǵalysyna kedergi bolatyn mashınalar áketiledi.

Elorda turǵyndaryn kóshede qaraýsyz qalǵan kólikti baıqaǵan jaǵdaıda, 102 nomerine nemese elorda ákimdiginiń «Halyqtyq baqylaý» jáne «Vırtýaldy qabyldaý bólmesi» aıdarlaryna habarlasýǵa shaqyramyz. Ótinish qabyldanǵan soń anyqtalǵan kólik júrgizýshilerine qatysty qajetti sharalar qoldanylatyn bolady. 

 

 

Ótken jyly elordadan 2 myńnan astam sheteldik shyǵaryldy - G.Dónenbaeva

 2015 jyly elordadan sot sheshimimen 2247 adam shyǵaryldy. Bul týraly búgin Astana qalalyq ІІD Kóshi-qon polıtsııasy basqarmasynyń bastyǵy Gúlvıra Dónenbaeva málim etti.

«Kóshi-qon polıtsııasy zań buzýshylyqtardy anyqtaǵannan keıin ákimshilik materıaldardy jınap, sotqa jiberedi. Qazirgi ýaqytta olar boıynsha sheshim shyǵarylǵan. 2015 jyly sot sheshimimen Astana qalasynan 2247 adam shyǵaryldy», - dedi ol.

Onyń atap ótýinshe, elordadan shyǵarylǵandardyń qatarynda TMD, sonymen qatar alys shet elderdiń de azamattary bar.

«Alys shet eldiń jáne taıaý shet eldiń azamatynyń zańnamany buzýyndaǵy esh aıyrmashylyq joq. Sot sheshimi shyǵarylady. ıAǵnı, sot sanktsııasy men sheshimi kez kelgen eldiń azamatyna birdeı», - dedi ol.

G.Dónenbaevanyń atap ótýinshe, búgingi kúni Astana men Almaty qalalary sheteldik eńbek mıgranttary úshin barynsha tartymdy shaharlardyń biri bolyp otyr. 

Astanada shujyq ónimderin shyǵaratyn tseh ashyldy

 Búgin Astanada et óńdeý kásiporyndarynyń biri «Aprel» JShS-niń et ónimderin jáne jartylaı fabrıkattar shyǵaratyn taǵy da bir tsehy ashyldy. Óndiristik tseh óńdeý ónerkásibi salasynda jumys isteıtin shaǵyn jáne orta kásipkerlik sýbektilerin qoldaý jónindegi memlekettik baǵdarlama aıasynda iske qosyldy.

Memlekettik baǵdarlama aıasynda berilgen arzandatylǵan nesıe qarajaty esebinen jańa tseh barlyq álemdik sapa standarttaryna sáıkes keletin zamanaýı tehnologııalyq qondyrǵylarmen jabdyqtalǵan. Bul et ónimderiniń 110-nan astam túrin shyǵarýǵa múmkindik beredi. Tsehtyń óndiristik qýattylyǵy táýligine 5-7 tonna nemese aıyna 100 tonna daıyn ónimdi quraıdy. Aldaǵy ýaqytta óndiris kólemin 25%-ǵa arttyrý josparlanǵan. Tómen temperatýraly arnaıy tońazytqysh kameralarynda 200 tonna et shıkizatyn saqtaýǵa bolady.

Elorda ákimdigi qyzmetiniń basym baǵyttarynyń biri - otandyq óndirýshiler taýarlarynyń sapasyn arttyrý jáne óndirisin damytý boıynsha kásipkerlerdi qoldaý bolyp tabylady. «Bıznestiń jol kartasy - 2020» baǵdarlamasy aıasynda óndiristik bazany jáne oǵan jaqyn ornalasqan jeke kásipkerlik obektilerin elektr energııasymen úzdiksiz jabdyqtaýdy qamtamasyz etetin qýattylyǵy 2 mVt-tyq transformatorlyq aralyq stantsııa salyndy.

Tsehta 150 astam jumys orny ashyldy, ónim elordanyń jáne kórshi oblystardyń bazarlarynda satylady, dep habarlaıdy elorda ákimdiginiń resmı saıty. 

 
«Astana Opera» teatrynda qoıylatyn «Aıda» operasyndaǵy patsha rólin E.Chaınıkov somdaıdy

 Evgenıı Chaınıkov 21 aqpanda «Astana Operanyń» Úlken zaly sahnasynda tuńǵysh ret Dj.Verdıdiń «Aıda» operasyndaǵy Efıopııa patshasy Amonasronyń partııasyn oryndaıdy, dep habarlaıdy teatrdyń baspasóz qyzmeti.

Evgenıı Chaınıkov - Arızona (AQSh) shtaty ýnıversıteti magıstratýrasynyń «opera ánshisi» mamandyǵy boıynsha túlegi, «Metropolıten-opera» (2006, AQSh)  baıqaýy Aımaqtyq kezeńiniń fınalısi.

Bul keshte solıst basty partııany - jaqynda ǵana Krasnoıar opera jáne balet teatry sahnasynda osy roldi tamasha oryndap shyqqan astanalyq teatr prımasy Jupar Ǵabdýllınamen shyǵady. Onyń ǵashyǵy Radamesti Bolgarııadan arnaıy kelip, astanalyq kórermenderdiń súıiktisi bolǵan Kamen Chanev, Amnerısti - Gúljanat Sapaqova, Ramfısti - Armenııa halyq ártisi Barseg Týmanıan, Mysyr patshasyn - Artýr Qaıypqulov oryndaıdy. Dırıjeri - Qazaqstannyń eńbek sińirgen ártisi Abzal Muhıtdınov.

Qoıylymǵa opera solısteri, áıelder men erler hory, balet ártisteri, orkestr, mımanstan bastap, balalarǵa deıin 200-deı adam qatystyryldy.

«Áıgili qoıýshy Frank Dzeffırellıdiń mundaı aýqymdy spektakline qatysý - úlken abyroı jáne jaýapkershilik. «La Skala» tusaýkeserinen keıin men bul spektakldiń jazbasyn ǵalamtordan kórdim. Bezendirýler, kostıýmder úlken áser qaldyrdy. «Áıteýir bir kezde osy spektaklde oınasam ǵoı»,-dep oılaıtynmyn. Barlyq sahnalyq daıyndyqtarǵa qatystym. Kóp ýaqyt boıy partııamen jáne mızansahnadaǵy rólderimmen jumys istedim, endi qazaqstandyq kórermen aldynda óner kórsetýge daıynmyn», - dep atap ótti barıton. Bul Evgenıı Chaınıkovtyń teatr maýsymy kezindegi úshinshi debıýti. «Abaı» operasynan Jırenshe, «Toskadaǵy» Skarpıa kórsetildi, endi aldymyzda - «Aıdadaǵy» Amonasro beınesi. Ártis barsha jankúıerlerin, sonymen qatar opera óneriniń jankúıerlerin uly kóriniske shaqyrady.

 2006 jyly «La Skala» teatr maýsymyn «Aıda» operasymen ashqan edi, sóıtip Eýropa mádenıet ómirinde eń iri oqıǵalardyń biri bolǵan edi. 2014 jyly 19 qarashada tusaýkeser «Astana operada» ótti. Bizdiń kórermenderimiz mundaı kóriniske qatty tań qalǵan edi: 35 býtaforııa, otyz tonnalyq bezendirý, asa ádemi tigilgen kostıýmder áserli shyqty.

«Astananyń» veloshabandozy Volta Algarve dodasynyń ekinshi kezeńiniń jeńimpazy atandy

 Qazaqstandyq «Astana» komandasynyń veloshabandozy Lýıs-Leon Sanches (Luis Leon Sanchez) Volta Algarve-2016 ekinshi kezeńiniń taýdaǵy Alto-da-Foııa (Alto da Foia) dodasynyń jeńimpazy atandy, dep habarlaıdy velolive.com.

32 jastaǵy ıspandyq shabandoz márede Sky komandasynyń brıtandyq sportshysy Gerant Tomas (Geraint Thomas) pen LottoNl-Jumbo komandasynyń slovenııalyq shabandozy Prımoj Roglıchti (Primož Roglič) artta qaldyrdy.

Máre syzyǵyna deıin 10 shaqyrym qalǵanda Zdenek Shtybar (Etixx-Qiuck Step), odan keıin Robert Gesınk (LottoNL-Jumbo), Dıego Rosa (Astana) jáne Nelson Olıveıra (Movistar) birinshilikke tartysty talas júrgizdi. Sońǵy shaqyrymda Lýıs-Leon Sanchestiń sátti shabýyly oǵan jeńis ákeldi.   

 
Erteń Astanada el tarıhynda ekinshi ret dopty hokkeıden Qazaqstan chempıonaty bastalady

  Erteń, 20 aqpanda Astanada Qajymuqan muńaıtpasov atyndaǵy ortalyq stadıonda dopty hokkkeıden (bendı) eresekter arasynda  Qazaqstan chempıonaty ótedi.

Bul týraly Ulttyq shtattyq kompandalalr jáne sportshylar rezervi dırektsııasynyń baspasóz qyzmeti habarlady.

Jańa tarıhymyzda ekinshi ret boı kóterip otyrǵan dúbirli jarysqa elimizdiń 4 komandasy qatysady. Olar: Batys Qazaqstan, Soltústik Qazaqstan, Aqtóbe oblystary jáne Astana qalasynyń dopty hokkeıshileri. Jarys 20 aqpannan bastap kúnde saǵat 10:00-de bastalady. Saltanatty ashylýy 22 aqpanda saǵan 16:00 ótedi.

Uıymdastyrýshylar - Qazaqstan Respýblıkasy Mádenıet jáne sport mınıstrligi, Astana qalasynyń ákimdigi, Qazaqstannyń dopty hokkeı (bendı) federatsııasy.

 

Astana ekonomıkalyq forýmy aıasynda BAF pen AEF-tiń birlesken sessııasy ótedi

  Qazaqstannyń Qytaıdaǵy Elshisi Shahrat Nuryshev Boao azııalyq forýmynyń bas hatshysy Chjoý Venchjýnmen kezdesti. Kezdesý barysynda 2016 jyldyń 25-26 mamyr kúnderi ótetin Astana ekonomıkalyq forýmy aıasynda BAF pen AEF-tiń birlesken sessııasy men «Eýrazııalyq ekonomıkalyq odaqpen Qytaıdyń «Bir beldeý, bir jol» bastamasyn túıindestirý» taqyrybyndaǵy energetıkalyq resýstar jáne turaqty damý forýmyn ótkizý ótkizý máselesi kelisildi.

Kezdesý BAF-ty uıymdastyrý komıtetiniń Beıjińde akkredıttelgen dıplomatııalyq mıssııa basshylaryna arnalǵan brıfıngi aıasynda ótti. Shara barysynda qazaqstandyq tarapqa BAF-tyń «Azııanyń jańa keleshegi: jańa qarqyn, jańa kózqarastar» atty jyl saıynǵy konferentsııasyna shaqyrý tabystaldy. Atalǵan shara 2016 jyldyń 22-25 naýryzy aralyǵynda Haınanda ótedi.

BAF bas hatshysy Chjoý Venchjýn óz sózinde konferentsııa aıasynda 80-nen astam sessııa ótip, iri kompanııalar basshylarynyń ekijaqty suhbattary, ónerkásip ókilderiniń qatysýymen dóńgelek ústelder, qytaılyq jáne sheteldik mınıstrlerdiń, gýbernatorlar men merlerdiń kezdesýi ótedi.

Aıta keteıik, Boao forýmy - úkimettik emes, kommertsııalyq emes halyqaralyq uıym. Ol 2001 jyly qurylǵan. 2002 jyldyń sáýirinde BAF-tyń birinshi jıyny ótken bolatyn. Osy jıynnan keıin Boao forýmy jyl saıyn ótkiziletin boldy. Jyl saıynǵy konferentsııanyń turaqty ótetin orny - Haınan provıntsııasynyń ońtústik bóligindegi Boao kýrortty qalasy.

BAF-qa múshe memleketter -  Bangladesh, Avstralııa, Brýneı, Kambodja, QHR, Úndistan, Indonezııa, Japonııa, Iran, Qazaqstan, Qyrǵyzstan, Laos, Malaızııa, Mońǵolııa, Bırma, Nepal, Pákistan,  Fılıppın, Ońtústik Koreıa, Sıngapýr, Shrı-Lanka, Tájikstan, Taıland, Túrikmenstan, Izraıl, Ózbekstan, Vetnam jáne Jańa Zelandııa.

 

Astanada 4 900-den astam múlik zańdastyrylǵan

 Astana qalasy Memlekettik kirister departamentiniń málimetinshe, qazirgi kezde jalpy quny 20 666 mln. teńgeni quraıtyn 4 947 múlik nysany zańdastyrylǵan. Sonymen qatar,  11 arnaıy deklaratsııa qabyldanyp, 8 322 mln. teńge mólsherinde aqshalaı qarjy zańdastyryldy, dep habarlaıdy elorda ákimdiginiń resmı saıty.

Astana qalasynyń MKD túsindirý jumystary basqarmasynyń basshysy Sáýle Baımaǵambetova salyq tóleýshilerge arnalǵan semınar barysynda múlikti zańdastyrýdyń jańa erejeleri týraly aıtyp berdi. Onyń aıtýynsha, zańdastyrý merzimi ústimizdegi jyldyń 31 jeltoqsanyna deıin uzartýǵa jáne protsedýrany jeńildetýge qatysty ózgerister engizilgen.  

Aıta keteıik, múlikti zańdastyrýǵa qatysty kez kelgen málimetter salyqtyq jáne bakntik qupııa bolyp tabylady. Aqparatty taratqany úshin qylmystyq jaýapkershilik qarastyrylǵan. Sondaı-aq, zańdastyrý sýbektileri quqyq qorǵaý jáne basqa da memlekettik organdar tarapynan zańnan tys áreketterden qorǵalǵan. ıAǵnı, múlikti jáne aqshany zańdastyrý faktisiniń dáleli retinde paıdalanýǵa nemese qylmystyq is qozǵaýǵa tyıym salynǵan. Zańdastyrylǵan múlikti tárkileýge de bolmaıdy.

 
Elordalyq oqýshylar respýblıkalyq baıqaýda 5 altyn, 15 kúmis, 18 qola medal jeńip aldy

 Astana qalasynyń qurama komandasy jalpy bilim berý jobalary boıynsha oqýshylardyń ǵylymı jobalary respýblıkalyq konkýrsynda birinshi orynǵa ıe boldy. Birneshe jyl qatarynan astanalyq komanda «altyn» ıelenip, «Úzdik komanda» ataǵyna ıe bolýda, dep habarlady qalalyq bilim basqarmasynan.

Astanalyq oqýshylar 5 altyn, 15 kúmis, 18 qola medal men 6 gramotany qanjyǵalaryna baılady. 5 altynnyń  4-eýin №60 mektep-lıeıiniń oqýshylary, bireýin Astana qalasynyń №1 mektep-lıtseıiniń oqýshysy ıelendi. Ekinshi oryndardy №60 mektep-lıtseıiniń 5 oqýshysy men 2 oryndy «Qazaq-túrik lıtseıi» men «Nurorda» mektep-lıtseıiniń oqýshylary bólisti, bir-birden kúmis júldeni №1, 27, 54, 59, 63, 78 mektepterdiń oqýshylary aldy.

Konkýrs qorytyndysy boıynsha elimizdiń qurama komandasy óz jumystaryn bıylǵy 2016 jyly 8-13 mamyrda Fenıks qalasynda (Arızona, AQSh) ótkiziletin jyl saıynǵy Intel ISEF-2016 oqýshylardyń ǵylymı jobalar halyqaralyq baıqaýyna usynady. Intel ISEF-2016 sertıfıkatyn №60 mektep-lıtseıiniń 11 synyp oqýshysy Álibek Muqanov ıelendi.

Jas zertteýshilerdiń 600-ǵa jýyq ǵylymı jumystary Konkýrstyń qorytyndy satysyna qatysty. Onyń ishinde Astana qalasynyń 77 oqýshysy avtor bolǵan 59 astanalyq joba da bar.

Vedomstvonyń atap ótýinshe, erteń saǵat 15.40-ta konkýrs jeńimpazdaryn Bilim basqarmasynyń ókilderi, mektepterdiń basshylyǵy men ata-analar Astana vokzalynan saltanatty túrde kútip alady. 

Astanada ótetin «KADEX-2016» halyqaralyq kórmesinde 300 álemdik kompanııa áskerı ónimin usynbaq

 Álemniń ár elinen áskerı tehnıka óndiretin 300-den asa kompanııa Astanada ótetin «KADEX-2016» halyqaralyq qarý-jaraq pen áskerı-tehnıkalyq múlik kórmesine óz ónimin usynbaq.

QR Qorǵanys mınıstrligi baspasóz qyzmeti qatysýshylar sany áli naqty emes ekenin habarlady. Óıtkeni, taıaý jáne alys sheteldegi qatysýshylar men meımandardan ótinimder kún saıyn túsip jatyr. 

«Kórmeniń tanymaldylyǵymen qatar, elimizdiń qorǵanys ónerkásibi keshenin damytý jáne armııany jabdyqtaý úshin «KADEX-2016» tıimdiligin de atap ótken jón. Onyń ótkizý nátıjeleri ártúrli maqsattaǵy optıkalyq-elektrondy aspaptardy óndirý, radıolokatsııa jáne radıoelektrondyq kúres júıelerin shyǵarý men tehnıkalyq qyzmet kórsetý, úsh koordınattyq radıolokatsııalyq stantsııalardy óndirý, sondaı-aq brondi keýdeshelerdi shyǵarý jónindegi birqatar birlesken óndiris bolady», - dep habarlady vedomstvodan. Osy jyly «KADEX-2016» halyqaralyq qarý-jaraq pen áskerı-tehnıkalyq múlik kórmesi maýsymnyń 2-i men 5-i aralyǵynda ótedi. Atalǵan kórme - Orta Azııadaǵy aýqymdy is-sharanyń biri. Kórme 2010 jyldan bastap, úsh ret ótkizildi.

 

Astanada sý tasqynyna qarsy is-sharalar júrgizilýde

 Qalalyq Tótenshe jaǵdaılar departamentiniń qyzmetkerleri sý tasqyny qaýpi bar oryndardy aralap shyqty, dep habarlaıdy elordanyń resmı saıty.

«Búgingi tańda tasqyn sýlardy ótkizý jónindegi keshendi jospar ázirlendi, oǵan sáıkes qaýipti aýmaqtarda tekserý jumystary júrgizilýde», delingen habarlamada. 

«Basty mindetimiz - jeke turǵyn úı sektoryndaǵy qardy shyǵarý, sondaı-aq, aýlaishilik aýmaqty tazalaý. Jáne de erigen qar sýlaryn ótkizý jáne joldar men turǵyn úılerdi sý baspaýy úshin káriz qaqpaqtaryn, nóser júıesiniń jaqtaýlaryn muzdan tazartý kerek», deıdi Astana qalalyq TJD-nyń basshysy Barat Duzaqbaev.

Shara barysynda «Saryarqa» aýdanynda Dýlatov kóshesi, Almaty aýdanynda Qaraǵandy kóshesi tekserildi. TJD qyzmetkerleri jeke turǵyn úı sektoryndaǵy óz aýmaǵyndaǵy qardy shyǵarmaıtyn turǵyn úılerdi aralady. Osyndaı qojaıyndardyń kesirinen jyl saıyn turǵyn úılerdiń jaǵdaıy nasharlaıdy. 2015 jyly 241 úıdi sý basqan, sonyń ishinde 70 úı baq sharýashylyǵy qoǵamynda ornalasqan.

Búginde kommýnaldyq qyzmetter qala aýmaǵynan 2,1 mln tonna qar shyǵarǵan. Jeke turǵyn úıler men aýla aýmaqtaryndaǵy qar arnaıy oryndarǵa jetkiziledi. Búginde elordalyq aýmaqtyq shaǵyn júıeniń azamattyq qorǵaý qyzmetteriniń bekitilgen tizimi tótenshe sý tasqyny jaǵdaılaryn joıý jónindegi 21 qyzmetten, 238 adam men 568 tehnıkadan turady, sonyń ishinde jedel áreket etý qyzmetinde 125 adamnan qurylǵan otrıad pen 48 arnaıy tehnıka bar.

 
Elordalyq oqýshylar respýblıkalyq ǵylymı jobalar konkýrsynda top jardy

 Elordalyq oqýshylar Almatyda ótken jalpy bilim beretin pánder boıynsha Respýblıkalyq ǵylymı jobalar konkýrsynyń tórtinshi jáne sońǵy kezeńinde jalpykomandalyq esepte birinshi oryn aldy. Birneshe jyldan beri astanalyqtar altyn alyp, «Eń úzdik komanda» ataǵyn ıelenip keledi, dep habarlady astana.gov.kz.

Bul joly Astana qalasy oqýshylarynyń komandasy 5 altyn, 15 kúmis, 18 qola medalǵa, sondaı-aq, 6 gramotaǵa qol jetkizdi.

Tórt birinshi oryndy №60 jáne №1 mektep-lıtseıiniń oqýshylary aldy. Kúmis medal №60 mektep-lıtseıiniń, Qazaq-túrik lıtseıiniń jáne «Nur Orda» mektep-lıtseıiniń oqýshylaryna buıyrdy. № 1, 27, 54, 59, 63, 78 mektepteriniń oqýshylary úshinshi orynǵa taban tiredi.

Endi Astana qurama komandasy óz eńbekterin 8-13 mamyr aralyǵynda Fenıks qalasynda (Arızona, AQSh) ótetin Intel ISEF-2016 oqýshylardyń jyl saıynǵy halyqaralyq ǵylymı jobalar konkýrsynda tanystyrady.

Respýblıkalyq jarys barysynda barsha Qazaqstannan jas zertteýshiler 600-ge jýyq ǵylymı joba usyndy. Sonyń ishinde 59 jobany 77 elordalyq oqýshy daıyndaǵan.

Aıta keteıik, jalpy bilim beretin pánder boıynsha oqýshylar arasyndaǵy respýblıkalyq konkýrs «Qazaqstan-2050» strategııasyn júzege asyrý baǵytyndaǵy respýblıkanyń ekonomıkalyq jáne áleýmettik-mádenı modelder» taqyrybynda ótti. Jarys tórt baǵyt boıynsha 18 sektsııada uıymdastyryldy. Atap aıtqanda, «Ǵylymı-tehnıkalyq progress - ekonomıkalyq ósimniń qaınar kózi», «Ekonomıkalyq jáne áleýmettik protsesterdi matematıkalyq modeldeý», «Salaýatty tabıǵı orta - «Qazaqstan-2050» strategııasyn júzege asyrýdyń negizdemesi», «Qazaqstannyń tarıhı eskertkishteri jáne keleshek týrıstik baǵyttar».

Ǵylymı jobalar respýblıkalyq konkýrsyn ótkizýdiń erejelerine sáıkes QR BǴM I, II, III dárejeli dıplomdarymen marapattalǵan jeńimpazdary men júldegerleri Qazaqstan Respýblıkasynyń joǵary oqý oryndarynda bilim alý úshin bilim granttaryn alýǵa zor múmkindikke ıe bolady.

 
 «Bolashaqtyń energııasy - EXPO-2017» atty stýdentterdiń qalalyq shyǵarmashylyq kórmesi ótti

 Elordadaǵy Kólik jáne kommýnıkatsııa kolledjinde "EXPO- 2017" halyqaralyq kórmesine oraı tehnıkalyq jáne kásiptik bilim beretin oqý oryndarynyń stýdentteri arasynda "Bolashaqtyń energııasy - EXPO-2017" atty stýdentterdiń qalalyq shyǵarmashylyq kórmesi ótti. Bul týraly Astana qalalyq bilim basqarmasynan habarlady.

Kórmege Astana qalasynyń kolledjderi qatysyp, olardyń  ekonomıkanyń ártúrli salalalary boıynsha 30 jobasy usynyldy.

Kórmeniń maqsaty - tehnıkalyq-kásiptik bilim beretin oqý oryndarynyń stýdentterin energetıkanyń ózekti jáne maqsatty baǵyttaǵy jobalaryn oryndaýǵa qyzyqtyrý, kásibı jáne ǵylymı shyǵarmashylyq, ınnovatsııalyq ıdeıalary men jobalardy damytýǵa at salysýǵa shaqyrý.

Baıqaý nátıjesinde bas júldeni M.Tynyshbaev atyndaǵy Qazaq kólik jáne kommýnıkatsııa akademııasy Aqmola kolledjiniń stýdentteri ıelendi. Polıtehnıkalyq kolledj stýdentteri "Jaıly úı" jobasymen I oryndy jeńip aldy. II oryndy "Kólik jáne kommýnıkatsııa kolledji" MKQK stýdentteri jáne "Energetıka jáne baılanys kolledji" MKQK stýdentterimen  bólisti.  III oryndy "Kórmelik ortalyq" maketi boıynsha "Polıtehnıkalyq kolledji" MKQK stýdentteri jáne "Suıyq sýtegiden elektr energııasyn óndirý" taqyryby boıynsha jumysymen "Kólik jáne kommýnıkatsııa kolledji" MKQK  stýdentteri ıelendi. «Tehnıkalyq kolledj» MKQK stýdenti Ferber Gerbert úzdik «Ónertapqysh» nomınatsııasyn jeńip aldy.

 
Astanada jedel medıtsınalyq kómek shaqyrtýǵa taksı paıdalanatyn bolady

  Astanada jedel medıtsınalyq kómek shaqyrtý qyzmetin kórsetý úshin taksı paıdalanylatyn bolady. Bul týraly qalalyq ákimdikte ótken brıfıngte «Astana qalasy Densaýlyq saqtaý basqarmasy» MM basshysynyń orynbasary Ivan Lı habarlady.

«Biz Túrkııada, Ystambulda tájirıbeni zerdeledik. Onda arnaıy mashınalar joq, olar jedel járdemge kádimgi jeńil kólikti jaldaıdy da dáriger nemese feldsherdi osy jeńil kólikpen jiberedi. Eksperıment tártibinde 2 naýryzdan bastap biz osy baǵdarlamany engizemiz. Qazir baıqaý ótkizdik. 2 naýryzdan bastap jeńimpazdy anyqtaımyz. Alǵash ret 25 kólikti - 7 jergilikti taksıdi jedel járdemge tartamyz», - dedi I. Lı.

Onyń aıtýynsha, densaýlyq saqtaý basqramasynda mundaı ózgeristen keıin jedel járdem jumysynyń kórsetkishteri jaqsarady.

I. Lı sondaı-aq 1 jáne 2 sanatty shaqyrtýlar - bala týý, júrek talmasy, aýyr jaraqattar men basqa da jaǵdaılarǵa qyzmet kórsetýi úshin arnaıy sanıtarlyq kólik qajet. Ol barlyq shaqyrtýdyń nebári 30 paıyzyn ǵana quraıdy. Tutastaı, 871 myńǵa jetken Astana halqyna qyzmet kórsetý úshin 90 kólik kerek, al densaýlyq saqtaý basqarmasynda olardyń sany bar bolǵany - 52.

2016 jyly Astana jumyspen qamtý ortalyǵy 600 jumyssyzdy qysqamerzimdi kýrstarda oqytady

  2016 jyly Astana jumyspen qamtý ortalyǵy qysqa merzimdi kýrstarda  jumyssyz 600 adamdy oqytady. Bul týraly Astana qalasy «Jumyspen qamtý ortalyǵy» KMM dırektorynyń orynbasary Abaı Baımoldın qalalyq ákimdikte ótken brıfıngte habarlady.

«Bıyl 600 jumyssyz azamatty daıyndaý josparlanýda. «ıÝtarııa» kompanııasy 100 tiginshi daıyndaýǵa tapsyrys aldy. Qalǵan mamandyqtar da aıqyndaldy, olar: shashtaraz, aspaz, elektrık, elektrmen dánekerleýshi. Bul jumys naýryzda bastalady», - dedi A. Baımoldın.

Onyń aıtýynsha, mamandar daıynaý kýrsy - qysqamerzimdi. 1 aıdan 3 aıǵa deıin.

A. Baımoldın Jumyspen qamtý ortalyǵy jumyssyzdardy jastar praktıkasyna jáne áleýmettik jumysqa jiberetin habarlady.

Bıyldan bastap Astanada jylý tarıfi ózgerdi

 Ústimizdegi jyldyń 1 qańtarynan bastap «Astana-Teplotranzıt» AQ tabıǵı monopolııalar sýbektisiniń jańa tarıftik saıasaty iske qosyldy, onda bekitilgen 2016-2020 jj. arnalǵan uzaq merzimdi tarıfter boıynsha jumys isteý qarastyrylǵan, dep habarlaıdy elorda ákimdiginiń baspasóz qyzmeti.

2016 jyldyń 1 qańtarynan bastap jylý energııasyn tasymaldaý tarıfi QQS-syz 1 Gkal úshin 1070 teńge mólsherinde bekitildi, ósim 7% qurady. Qazaqstan Respýblıkasy Ulttyq ekonomıka mınıstrligi Statıstıka komıtetiniń málimetinshe, 2015 jyly naqty ınflıatsııa 13,6% bolǵan.

Jylý energııasyn tasymaldaý qyzmetiniń qymbattaýyna ınvestıtsııalyq salymdardyń artýy, jylý jelilerin ustaý men paıdalaný úshin qajetti energoresýrstar, shıkizat pen materıaldar baǵasynyń kóterilýi sebep boldy.

Aıta keteıik, «Astana-Teplotranzıt» AQ 571 km jylý trassasy men 10 sorǵy stantsııasyna qyzmet kórsetedi. Jylý jelileri qalpyna keltirilip, arnaıy tehnıka jańartylady, bul kólik quraldaryn jaldaýǵa jumsalatyn aqyny azaıtýǵa, eski quraldardy aýystyryp, zamanaýı qurylǵylar men júıeler satyp alýǵa múmkindik beredi.

Jylý jelileriniń úzdiksiz senimdi jumysyn qamtamasyz etedi.

Aıta keteıik, Astanada tarıfterdiń eń tómen ortasha kórsetkishteriniń biri tirkelgen, bul rette elorda 14-shi orynda.

 Elorda saılaýshylary óz ýchaskelerin onlaın rejımde taba alady

 20 naýryzda Qazaqstanda QR Parlamenti Májilisi depýtattarynyń kezekten tys jáne Astana qalasy máslıhaty depýtattarynyń kezekti saılaýy ótedi, dep jazady qalalyq ákimdiktiń resmı saıty.

Elorda turǵyndary óz saılaý ýchaskelerin bilý úshin Astana qalasy ákimdiginiń baılanys ortalyǵynyń qyzmetin, e.astana.kz jáne Astana.gov.kz veb-saıttaryn paıdalana alady, sondaı-aq, tıisti aqparatty aqparattyq dúńgirshekterden de alýǵa bolady.

Astana qalasy ákimdiginiń baılanys ortalyǵynyń telefony: 55-66-55. Óz saılaý ýchaskeńizdi JSN-di terip, avtomatty rejımde nemese jumys kúnderi saǵat 8:30-20:00, al demalys jáne mereke kúnderi saǵat 9:00-20:00 operatorlardan bile alasyzdar.

Sondaı-aq, saılaý ýchaskesi týraly aqparatty e.astana.kz Astana qalasy ákimdiginiń elektrondy qyzmetter veb-portalynda «Saılaý ýchaskesin izdeý» bóliminen nemese astana.gov.kz veb-portaly arqyly alýǵa bolady.

Adamdar kóp júretin qoǵamdyq oryndarda ornatylǵan aqparattyq dúńgirshekterdegi «Óz saılaý ýchaskeńdi tap» bóliminen aýdanyńyzdaǵy saılaý oryndary týraly barlyq qajetti aqparatty ala alasyzdar.

Saılaý ýchaskesi týraly aqparatty alýdyń taǵy da bir joly - 1414 nomerine [kod sóz] bos oryn [azamattyń JSN] mátinin terip, SMS-habarlama joldaý. Aqparatty memlekettik tilde alý úshin "Saılaý" nemese "Saylau" sózin terip, bos orynnan keıin JSN nomerin jazý kerek. Aqparatty orys tilinde alý úshin "Vybory" nemese "Vibory" sózin terip, bos orynnan keıin JSN nomerin jazý kerek.

Atalǵan qyzmet sailau@astana.kz meken jaıyna [azamattyń JSN nomeri] mátinimen habarlama jiberý arqyly da kórsetiledi.  

 

 Astanada elektrondy densaýlyq pasporttaryn engizý josparlanýda

  Elorda ákimdiginiń ǵımaratynda «Belsendi azamat» aktsııasy aıasyndaǵy sońǵy brıfıng ótti. Shara barysynda densaýlyq saqtaý, bilim jáne jumysqa ornalasý sııaqty ózekti máseleler talqylandy. Qalalyq basqarmalardyń ókilderi atqarylǵan jumystarǵa toqtalyp, aldaǵy ýaqytta oryn alatyn ózgerister týraly aıtyp berdi, dep habarlady Astana ákiminiń baspasóz qyzmeti.

Densaýlyq saqtaý salasynda dári-dármekter baǵasynyń ósýi, emhanalardaǵy kezekter men jedel járdemniń kelýin uzaq kútý jaǵdaılary qala turǵyndaryn alańdatyp otyr. Bul týraly Astana qalasynyń Densaýlyq saqtaý basqarmasy basshysynyń orynbasary Ivan Lı tolyǵyraq aıtyp berdi.

- Ótken jyly QR Densaýlyq saqtaý mınıstrligi, dári-dármekter jetkizýshiler men ákimdik arasynda jasalǵan memorandýmǵa sáıkes ómirlik mańyzy bar 200 preparattyń baǵasyn ustap qaldyq. Búginde jańa qujatqa qol qoımaqpyz, bul rette belgili bir qıyndyqtar týyndap tur. Dollardyń turaqsyzdyǵynan farmatsevtıkalyq naryqta baǵa saıasaty anyqtalmaǵan. Adamdarǵa endokrındik aýrýlar, qant dıabeti, búırek jetispeýshiligi jáne t.b. aýrýlar kezinde berilip kelgen preparattar burynǵydaı beriledi dep naqty aıta almaımyn. Esesine, buǵan deıin tegin alýǵa bolatyn dárilik zattardyń barlyq kepildendirilgen kólemi qalanyń birneshe dárihanasynda ǵana bolǵan, al endi adamdar ony kez kelgen dárihanadan ala alady, - dedi I. Lı.

Qalalyq emhanalardaǵy kezekti azaıtý úshin jańa ambýlatorııalyq-emhana deńgeıindegi jańa mekemelerdi salýdan basqa, qalalyq emhanalarda navıgatsııa júıesi, ıaǵnı balalarǵa, qarttarǵa jáne azamattardyń basqa da sanattaryna arnalǵan arnaıy dálizder engizilýde. Júkti áıelder úshin bólek dáliz qarastyrylǵan, turǵyndarǵa yńǵaıly bolýy úshin dárigerlerdiń qabyldaý ýaqyty ońtaılandyrylyp, saraptamalar tapsyrý ýaqyty arttyryldy.

Jedel medıtsınalyq járdem stantsııasyndaǵy jaǵdaı da jaqsardy. Qyzmetkerlerge áleýmettik kómek kórsetildi. Dárigerler táýlik boıy jumys isteı alatyndaı balabaqshadan 94 oryn bólindi, onyń ústine qyzmettik baspana usynylady. Jedel járdem mashınalarynyń jetispeýshiligi máselesi ǵana qalyp otyr.

- Kelip túsken shaqyrýlardyń 30% ǵana jedeldilikti qajet etedi. Ol úshin arnaıy sanıtarlyq kólik kerek. Al temperatýrany túsirý nemese qysymdy ólsheý úshin feldsher jaı mashınamen de bara alady. 2 naýryzdan bastap jańa joba qolǵa alynbaq, onyń aıasynda jedel járdem qyzmetine brıgadalardy shaqyrýlar boıynsha aparatyn 25 jeti oryndyq mashına-taksı beriledi, - dedi Ivan Lı.

Onyń aıtýynsha, ústimizdegi jyly iske qosylatyn eń mańyzdy joba elektrondy densaýlyq saqtaý tólqujatyn engizý bolyp tabylady. Onda adamnyń týǵanynan qartaıǵan shaǵyna deıingi aqparat saqtalmaq. Qurylǵylardaǵy barlyq aqparattar qupııa bolady, dárigerler ený kody bolǵanda ǵana elektrondy kartaǵa ózgerister engize alady.

 
Roza Rymbaeva Astanadaǵy kontsertine daıyndalýda

  Ataqty qazaqstandyq ánshi Roza Rymbaeva Astanada 8 naýryz kúni bolatyn jeke kontsertine daıyndalýda.

Eske sala keteıik, Halyqaralyq áıelder kúnindegi mýzykalyq kesh onyń shyǵarmashylyǵynyń 40 jyldyq mereıtoıyna oraılastyrylyp otyr. «Jandy daýys, jańa baǵdarlama, jańa dýetter bolady",  dep málimdedi Roza Rymbaevva.

Ázirlik sátinen beınekórinisti Instagramǵa Álı Oqapov saldy. 

Astana ekonomıkalyq forýmy aıasynda BAF - AEF birlesken sessııasy ótedi

BEIJІŃ. QazAqparat -  QHR-daǵy QR Tótenshe jáne Ókiletti Elshisi Shahrat Nuryshev Boao azııalyq forýmynyń  (BAF) bas hatshysy Chjoý Venchjýnmen kezdesti.

Kezdesý barysynda Astana ekonomıkalyq forýmy (2016 jylǵy 25-26 mamyr) jáne «Eýrazııalyq ekonomıkalyq odaqpen «Bir beldeý, bir jol» qytaılyq bastamanyń túıisýi» taqyrybynda energetıkalyq resýrstar jáne ornyqty damý forýmy aıasynda BAF jáne AEF birlesken sessııasyn uıymdastyrý máselesi kelisildi.

Kezdesý Beıjiń qalasynda tirkelgen dıplomatııalyq mıssııa basshylary úshin BAF uıymdastyrý komıteti uıymdastyrǵan brıfıng aıasynda ótti. Sharada qazaqstandyq tarap «Azııanyń jańa keleshegi: jańa serpin, jańa kózqarastar» taqyrybynda ótetin jyl saıynǵy BAF konferentsııasyna (2016 jylǵy 22-25 naýryz  Haınan provıntsııasy) qatysýǵa resmı shaqyrtý aldy.

Óz sózinde BAF bas hatshysy Chjoý Venchjýn «konferentsııa barysynda 80-nen astam sessııa, iri kompanııa basshylarynyń ekijaqty dıalogtary, ónerkásiptik orta ókilderiniń qatysýymen dóńgelek ústelder, qytaılyq jáne shetel mınıstrleri, gýbernatorlary, merlerimen kezdesýler ótedi. Talqylaý taqyryptary óńirlik yntymaqtastyqty, qurylymdyq reformalardy, «Bir beldeý, bir jol», ındýstrııalandyrý jáne ınvestıtsııa jónindegi halyqaralyq yntymaqtastyqty, «Internet+» baǵdarlamasyn, ınnovatsııa men kásipkerlikti qamtıdy», dep atap ótti.

Eske salsaq, Boao Azııa forýmy - óńirlik ekonomıkalyq ıntegratsııany jyljytý jáne Azııa memleketterin birlesip damytýǵa járdemdesýge shaqyrǵan úkimettik emes jáne kommertsııalyq emes halyqaralyq uıym.

BAF  - memleket qaıratkerleri, yqpaldy iskerlik orta jáne halyqaralyq uıymdar ókilderi, iri ǵalymdar men taldaýshylar arasyndaǵy pikirler, boljamdar, jańa ıdeıalarmen almasý úshin ámbebap alań.

BAF quryltaıshy sessııasy 2001 jyly 26 aqpanda Boao qalasynda (Haınan provıntsııasy) ótti.

 

 Astana ákimi QR táýelsizdiginiń 25 jyldyǵyna arnalǵan shańǵy festıvaline qatysty

 Astana qalasynyń ákimi Ádilbek Jaqsybekov bıyl 16-shy márte ótip  otyrǵan «Qys órnegi» atty shańǵy festıvaline qatysty. 

Bıyl jarys Qazaqstan táýelsizdiginiń 25 jyldyǵyna arnaldy. Al, dástúrli festıvalge qatysqan elorda ákimi Á.Jaqsybekov 1,6 shaqyrym jerdi shańǵymen 10 mınýtta júrip ótti. Bul dıstantsııany baǵyndyrǵandar arasynda qala ákiminiń orynbasary Ermek Amanshaev, Olımpıada chempıony Serik Sápıev, general-leıtenant Abaı Tasbolatovtar bar. Jalpy, qala turǵyndary úshin eń qyzyqty sporttyq sharaǵa aınalǵan shańǵy festıvaline bıyl úsh myńnan asa adam jınalǵan. Olardyń basym bóligi oqýshylar men stýdentter bolsa, arasynda kúsh quyrylymdarynyń qyzmetkerleri, memlekettik qyzmetkerler de bar. «QazAqparat» tilshisine suhbat bergen qatysýshylardyń biri - Arman Sultanov osy festıvalge qatysý úshin  ádeılep, Şýchınsk qalasynan kelgen eken. At terletip kelgen Arman qur qol ketpeı, kúsh qurylymdaryndaǵy qyzmetkerler arasynda birinshi oryn alyp ketti. «Sport jarystarynyń zııany joq. Búgin men 2 shaqyrym jerdi shańǵymen júrip ótip, kúsh qurylymdary arasynda jeńiske jettim. Osylaısha, janymdy  da, tánimdi de qýanttym. Árıne, áskerı qyzmetkerler kúnde tańerteń jattyǵý jasaıdy, sondyqtan bolar, jarys maǵan qıyndyq týǵyzǵan joq. Al, elordadaǵy bul festıval óte kerek», - deıdi A.Sultanov. Aıta keterligi, shańǵy festıvali aıasynda sporttyń taǵy segiz túri boıynsha jarystar uıymdastyrylady.                 

Astanada «Qys órnegi» dástúrli shańǵy festıvali ótti

 Búgin Astanada QR Táýelsizdiginiń 25 jyldyǵyna arnalǵan «Qys órnegi» shańǵy festıvali ótti. Dástúrli sharaǵa elorda ákimi Ádilbek Jaqsybekov qatysty, dep habarlady astana.gov.kz.

Bıyl 16-shy ret ótkizilip otyrǵan shańǵy merekesine 3 myńnan astam salaýatty ómir salty men belsendi demalysty tańdaıtyn qala turǵyndary jınaldy, olardyń ishinde 2700 - shańǵy jarysyna qatysýshylar. Kásipqoı sportshylarmen birge áýesqoılar da shańǵy tepti. Mektep oqýshylary, sport mektepteriniń shákirtteri, kúsh qurylymdarynyń ókilderi, balalar men ardagerler arasyndaǵy jarystar bólek uıymdastyryldy. Ádettegideı jappaı jarysqa qatysýshylardyń sany kóp boldy. Dıstantsııalar jas sanatyna qaraı 1-3 km qurady.

Esil ózeniniń boıynda naǵyz sport qalashyǵy boı kóterdi. Shańǵy jarysynan basqa, kórshi alańdarda taǵy da segiz sport túrinen jarystar ótkizildi. Atap aıtqanda, gir kóterý sporty, armrestlıng, shaǵyn fýtbol, sý astynan balyq aýlaý, arqan tartý, belbeý kúresi, hokkeı jáne motokross. Jeńimpazdar men júldegerlerdi marapattaý sharalary arasynda kontserttik baǵdarlama qoıylǵan bolatyn. Aıta keteıik, bıyl qurylǵanyna 25 jyl tolýyn atap ótetin Ulttyq Olımpıada komıteti sharaǵa belsendi qatysty.

«Búgin Astanada naǵyz qysqy sporttyq mereke ótti. 16-shy ret ótkizilip otyrǵan sharaǵa úsh myńnan astam adam qatysýda. Qala turǵyndary jarystarǵa qatysý úshin balalarmen, otbasylarymen keldi», - dedi Mádenıet jáne sport basqarmasynyń basshysy Berik Marjyqpaev.

Dástúr boıynsha Astana qalasynyń ákimdigimen uıymdastyrylǵan festıval elordada qysqy sport maýsymyn japty. Astanada bıyl shańǵy maýsymy aıasynda 15 shańǵy jarysy ótkizilip, oǵan 6 myńnan astam adam qatysqan.                   

 Astana ákimi ulttyq kompanııalarǵa jumysyn tańǵy saǵat 8.30-dan bastaýdy usyndy

 Búgin elorda ákimdiginde Astana qalasynyń ákimi Ádilbek Jaqsybekovtiń tóraǵalyǵymen ótken apparat otyrysynda dıfferentsıaldy jumys ýaqyty týraly másele qaraldy, dep habarlaıdy ákimdiktiń baspasóz qyzmetinen.

Eske salaıyq, 1 aqpannan bastap Astana qalasynyń barlyq atqarýshy organdary jańa jumys kestesine kóship, jumys tártibi saǵat 8.30-dan bastap 18.00-ge deıin belgilengen bolatyn. Bul óz kezeginde elordadyq joldarǵa túsetin júktemeni azaıtýǵa múmkindik berdi. Otyrys barysynda qala kóshelerine túsetin júktemeni odan ári azaıtý úshin osyndaı ózgerister engizýdi ortalyq memlekettik organdar da, ulttyq kompanııalar men jeke menshik kompanııalar da túsinýi kerektigi basa aıtyldy. Bul turǵyda tıisti organdarǵa ózge qurylymdarmen ózara is-áreketti kúsheıtý tapsyryldy.

Elorda basshysy halyqpen órt qaýipsizdigi taqyrybynda túsindirý jumystaryn turaqty túrde júrgizý qajet ekendigin atap ótti. Erejege sáıkes órt sóndirýshilerge oqıǵa ornyna jetý úshin 10 mınýt ýaqyt beriledi. Qalalyq órtke qarsy qyzmetter ýaqytynda kelgenimen kóp jaǵdaıda úılerge jaqyn bara almaıdy. Turǵyndar aýlalarǵa shlagbaýmdar men beton qorshaýlardy jıi qoıatyndyqtan qozǵalys shektelip, órt qaýipsizdigine qoıylatyn talaptar buzylýda.

«Bul mańyzdy másele, mundaı kezde árbir mınýt qymbat. Máslıhatpen bekitilgen órt qaýipsizdigi erejeleri bar, aýlaishilik joldar ashyq bolýy kerek» - dedi Á. Jaqsybekov.

Onyń aıtýynsha, bul másele boıynsha turǵyndar da jıi shaǵymdanady. Qala ákimi saıtyndaǵy «Halyqtyq baqylaý» jáne «Vırtýaldy qabyldaý bólmesi» aıdarlaryna óz betinshe ornatylǵan qorshaýlardy alyp tastaý týraly aptasyna keminde 5-7 ótinish kelip túsedi. Bul máseleni sheshý úshin shlagbaýmdardy zańsyz ornatý máseleleri jónindegi jumys tobyn qaıta qurý tapsyryldy. Órt qaýipsizdigi maqsatynda gaz ballondar satatyn oryndar da tekserilmek. Bul rette kez kelgen alypsatarlyq pen kúmándi óndiris degen bolmaýy kerek, - dedi ákimdiktegiler.

 

 Astana ákimi Halyqaralyq kórmeler bıýrosynyń bas hatshysymen kezdesti

 Astana EKSPO-2017 halyqaralyq mamandandyrylǵan kórmesine qatysýshylar men qonaqtardyń jaılylyǵyn, qaýipsizdigin barynsha qamtamasyz etý úshin barlyq sharalardy qabyldap jatyr. Bul týraly elorda ákimi Ádilbek Jaqsybekov Astanaǵa EKSPO-2017 halyqaralyq qatysýshylarynyń ekinshi jınalysyna kelgen Halyqaralyq kórmeler bıýrosynyń bas hatshysy Vısente Lossertalespen kezdesýde málim etti.

«Sizdiń sońǵy saparyńyzdan keıin Kórmege daıyndyq boıynsha úlken jumys atqaryldy», - dep atap ótti Á. Jaqsybekov.

Qala basshysy V. Lossertaleske Astana qalasynyń ákimdigi men «Astana EKSPO-2017» Ulttyq kompanııasynyń birlesken is-sharalar josparyn iske asyrý barysy týraly baıandady.

Atap aıtqanda, Á. Jaqsybekov jalpy, Astana qalasyn jáne EKSPO nysandaryn salý men qajetti ınjenerlik-kólik ınfraqurylymyn damytý sharalaryna toqtaldy. Elorda ákimi kólik-logıstıkalyq júıeni jetildirý boıynsha jumystarǵa, sonyń ishinde Astananyń halyqaralyq áýejaıyn keńeıtý, jańa temirjol jáne avtovokzaldar salý, qoǵamdyq kóliktiń marshrýttyq jelisin ońtaılandyrý, kólik aǵynyn basqarýdyń jańa júıelerin engizýge erekshe nazar aýdardy.

Sonymen qatar, Astana ákimi balamaly energııa kózderin engizý jáne ınnovatsııalardy damytý jónindegi birqatar jobalardy atap ótti, sondaı-aq EKSPO-2017 kórmesin ótkizý kezeńinde qalada mádenı baǵdarlamany uıymdastyrý jáne týrıstik salany damytý jónindegi ákimdiktiń josparlarymen tanystyrdy. Á. Jaqsybekov búginde Astanadaǵy EKSPO-ny qoldaıtynyn rastap otyrǵan astanalar men iri megapolısterdiń merlerimen júrgizilip jatqan jumystar týraly aıtyp berdi.

Ákim «EKSPO usynady» jobasy aıasynda servıstik qyzmetter deńgeıin kóterý jónindegi naýqannyń sátti bastalǵanyn atap ótti. Atalǵan joba boıynsha qonaq úı jáne meıramhana bıznesi salasyndaǵy úzdik kásiporyndarǵa tıisti sapa sertıfıkattar berilýde.

«2017 jylǵy kórmege daıyndyq boıynsha kóp jumys júrgizilgen eken. Alǵa qoıǵan maqsatymyzǵa jetetinimizge senimdimin. EKSPO Astananyń jańa týrıstik ortalyqqa aınalýyna septigin tıgizedi, Qazaqstandy álemge basqa qyrynan tanystyrady», dedi Lossertales myrza. Sheteldik qonaq qalany damytýda «jasyl tehnologııalardyń» qoldanylatynyna qýanyshty ekenin atap ótti.

Budan basqa, Halyqaralyq kórmeler bıýrosynyń bas hatshysy mılandyq kórmege qaraǵanda Astanadaǵy EKSPO aýmaǵynyń ereksheligi retinde onyń tıimdi ornalasýyn atap ótti: «Mılandaǵy kórme qalaǵa qosymsha retinde bolsa, Astanadaǵy EKSPO - tutas bir qala».

Bul V. Lossertalestiń 2009 jyldan beri Astanaǵa jasaǵan 13-shi sapary, buǵan deıin ol elordaǵa ótken jyly qazan aıynda kelgen bolatyn. 

Elordalyq stýdentter Seýlde tegin bilim alady

 Eki eldiń astanalary arasyndaǵy memorandým aıasynda bıyl 1 naýryzdan bastap Astana qalasyndaǵy kolledjderdiń úsh stýdenti Seýlde oqıtyn bolady, dep habarlaıdy qala ákimdiginiń resmı saıty.

2004 jyldan beri baǵdarlama boıynsha avtodánekerleýshi, jıhaz dızaıneri, vızajıst, aspaz, ınterer dızaıny, avtomobıl mehanıkasy, kýlınarııa jáne baǵdarlamalaý boıynsha jas mamandar daıarlandy.

Kelisim jasalǵaly elordalyq 70 astam stýdent Seýlde oqyp, oqýdy tabysty aıaqtaǵandary týraly sertıfıkattar aldy. Tórt jyl boıy álemniń segiz eliniń ishinen astanalyq stýdentter komandasy birneshe ret Seýl meriniń erekshe iltıpatyna ıe bolyp, oqýdaǵy úzdik jetistikteri úshin hrýstal kýbokpen marapattaldy.

Konkýrsqa irikteý kezindegi qoıylatyn basty talap - aǵylshyn jáne koreı tilderin erkin meńgerý, sondaı-aq, tańdaǵan mamandyq boıynsha odan ári jumys isteýge nıeti. Bıyl bilim granty Polıtehnıkalyq kolledj stýdentteri Damıra Tólegenova men Davıd Zabırovqa «Baǵdarlamalaý» jáne «Avtomobıl tehnıkasy», sonymen qatar «Baǵdarlamalaý» mamandyǵy boıynsha Qaztutynýodaǵynyń saýda-ekonomıkalyq kolledjiniń stýdenti Aıtýar Salıhovqa berildi.

 

 

Elordalyq Ekologııa departamenti elektrondy qyzmet kórsetýge kóshti

 Astana qalasynyń Ekologııa departamenti «E-lıtsenzııalaý» jáne vedomstvodan tys keshendi saraptamanyń biryńǵaı aqparattandyrý júıesi portaldary arqyly memlekettik qyzmetter kórsetedi, dep jazady qala ákimdiginiń saıty.

«Elektrondy túrde memlekettik qyzmet kórsetýdiń basty basymdylyǵy - ekologııalyq saraptama, ekologııalyq ruqsat jáne tirkelen qaldyqtar tólqujatyn alý protsesin tezdetýge jáne jeńildetý. Budan basqa, sarapshy men tapsyrys berýshiniń arasynda tikeleı baılanystyń bolmaýy jemqorlyqqa qarsy áreketti qamtamasyz etý prıntsıpteriniń biri bolyp tabylady. Bul rette qyzmet kórsetýshi men qyzmet alýshynyń arasynda reglamenttelmegen qarym-qatynas bolmaıdy», delingen habarlamada.

Búginde Ekologııa departamenti І sanattaǵy obektiler úshin memlekettik saraptama qorytyndysyn berý, І sanattaǵy obektiler úshin qorshaǵan ortaǵa emıssııalarǵa ruqsattar berý, sonymen qatar, qaýipti qaldyqtar tólqujatyn tirkeý boıynsha qyzmetter kórsetedi.

2015 jyldyń qorytyndysy boıynsha Ekologııa departamenti 1 147 qyzmet kórsetken.

Elordalyq Ekologııa departamenti elektrondy qyzmet kórsetýge kóshti

 Qazirgi kezde Astana qalasynyń Ekologııa departamenti «E-lıtsenzııalaý» jáne vedomstvodan tys keshendi saraptamanyń biryńǵaı aqparattandyrý júıesi portaldary arqyly memlekettik qyzmetter kórsetedi, dep habarlaıdy qalalyq ákimdiktiń baspasóz qyzmeti.

Elektrondy túrde memlekettik qyzmet kórsetýdiń basty basymdylyǵy - ekologııalyq saraptama, ekologııalyq ruqsat jáne tirkelen qaldyqtar tólqujatyn alý protsesin tezdetýge jáne jeńildetý. Budan basqa, sarapshy men tapsyrys berýshiniń arasynda tikeleı baılanystyń bolmaýy jemqorlyqqa qarsy áreketti qamtamasyz etý prıntsıpteriniń biri bolyp tabylady. Bul rette qyzmet kórsetýshi men qyzmet alýshynyń arasynda reglamenttelmegen qarym-qatynas bolmaıdy.

Búginde Ekologııa departamenti І sanattaǵy obektiler úshin memlekettik saraptama qorytyndysyn berý, І sanattaǵy obektiler úshin qorshaǵan ortaǵa emıssııalarǵa ruqsattar berý, sonymen qatar, qaýipti qaldyqtar tólqujatyn tirkeý boıynsha qyzmetter kórsetedi.

2015 jyldyń qorytyndysy boıynsha Ekologııa departamenti 1147 qyzmet kórsetken.

 

 Astanada áıelder arasynda bokstan Qazaqstan chempıonaty bastalady

  Búgin, 23 aqpanda Astanadaǵy «Dáýlet» sport kesheninde áıelder arasynda bokstan Qazaqstan chempıonaty bastalady.

Elimizdiń túkpir-túkpirinen keletin 85 qatysýshy 10 salmaq dárejesi boıynsha júldelerdi sarapqa salmaq, dep jazady 24.kz Boks federatsııasyna silteme jasap.

Bul birinshilikte top jaryp, kózge túskender 19 mamyrda elordada ótetin álem birinshiligine joldama alady. Úzdik ataǵyna talasatyndar qatarynda Nazym Qyzaıbaı, Jaına Shekerbekova, Mádına Nurshaeva, Móldir Bazarbaeva sekildi tanymal boksshylar bar. El birinshiliginiń resmı ashylý saltanaty saǵat 15:00-ge josparlanǵan. Kirý tegin.

 
Astana Lıllehammer Olımpıadasynyń qatysýshylaryn qarsy aldy

 Ótken túni Lıllehammer qalasynda jasóspirimder arasynda ótken qysqy Olımpıada oıyndaryna qatysqan sportshylarymyz elge oraldy. Olardy QR Mádenıet jáne sport mınıstirliginiń uıymdastyrýymen jýrnalıster jáne sportshylardyń týys-týǵandary baryp, arnaıy kútip aldy.

Esterińizge sala keteıik, Norvegııa eliniń Lıllehammer qalasynda 12-21 aqpan aralyǵynda ótken II qysqy jasóspirimder arasyndaǵy Olımpıada oıyndaryna 9 sport túrinen, ıaǵnı  bıatlon, konkı men júgirý, mánerlep syrǵanaý, short-trek, taý shańǵysy sporty, shańǵy sporty, tuǵyrdan shańǵymen sekirý, frıstaıl (skı-kross) jáne shana sporttarynan 15 pen 18 jas aralyǵyndaǵy  18 sportshymyz qatysyp qaıtty.

Olımpıada oıyndarynda dúnıe júziniń 70 memleketinen kelgen 1100 sportshy 16 sport túrinen 70 medal jıntyǵyn sarapqa saldy.

Qysqy Olımpıada oıyndarynan jerlesterimiz tórt medalǵa qol jetkizdi. Bıatlonshy Arına Pantova men mánerlep syrǵanaýshy Elızabet Tursynbava qola, konkıshi Anvar Mýhamadıev kúmis júldeni,  short-trekten aralas komandalyq jarys boıynsha 6-topta synǵa túsken otandasymyz Anıta Nagaı bolgar qyzy Katrın Manoılova, latysh sportshysy Karlıs Krýsbergs jáne japonııalyq Kazýkı Ioshınagamen birge óner kórsetip, Olımpıadanyń qola júldesine qol jetkizdi.

Eske alatyn bolsaq, Insbrýk qalasynda (Avstrııa) 2012 jylda ótken I qysqy jasóspirimder arasyndaǵy Olımpıada oıyndarynda bizdiń sportshylarymyz 10 sport túrine qatysyp, úsh medalǵa qol jetkizigen bolatyn. Onda shyǵysqazaqstandyq bıatlonshy qyz Galına Vıshnevskaıa kúmis pen qola medaldardy jeńip alǵan edi. Sondaı aq, shańǵyshymyz Sergeı Malyshev qosymsha qola medalǵa da ıe boldy.

Sportshylarymyzdy kútip alý saltanatynan keıin, júldegerlerimizdi sózge tartyp, az-kem suhbattasýdiń sáti túsken edi.

Erkebulan Shamýhanov, Qazaqstan delegatsııasynyń Olımpıadanyń saltanatty ashylýynda Memlekettik Tý kóterýshi, short-trekshi:

-  Olımpıada oıyndaryna birinshi ret qatysýym. Onyń ústine Olımpıadanyń saltanatty ashylýynda Memlekettik Tý kóterip shyqtym. Maǵan artylǵan úmit aýyr boldy. Ózim de sondaı aýyr jaýapkershilikti arqalaǵanymdy sezindim. Alaıda, jeńis tuǵyryna jete almadym.

-  Oǵan ne sebep boldy?

-   Jarys bolǵan soń neshe túrli bolady. Qansha degenmen Olımpıada ǵoı. Qobaljý boldy. Eki retki jarysta da jyǵylyp qaldym. Bul men úshin úlken synaq, úlken tájirıbe boldy. Bolashaqta ondaı qatelikterge boı aldyrmaımyn degen úmittemin.

-  Osyǵan deıin qandaı jetistikterge qol jetkizdiń?

-  Osyǵan deıingi eń úlken jetistigim Avstrııa elinde halyqaralyq konkıshiler odaǵy (ISU)  uıytqy bolyp ótkizgen «Danabia 1 - Austrian Open& Styrian Open 2015» jarysynda júldegeri atandym. Al Qazaqstan chempıonattarynda birneshe ret jeńimpaz atandym.

 

Anıta Nagaı, II qysqy jasóspirimder arasyndaǵy Olımpıada oıyndarynyń qola júldegeri:

- Jeńiske jetý ońaı bolǵan joq. Bapkerlerimizdiń arqasynda, solardyń nusqaýymen qola medalǵa qol jetkizdim.

- Qarsylastaryń qanshalyq myqty boldy?

- Qarsylastarymnyń osaly joq. Biraq, mende azdap tájirıbe jetispedi dep oılaımyn.

- Bolashaqta ózińnen ozyp ketken sportshylardy qýyp jetýge bolady ǵoı...

- Árıne, men bolgarııalyq Katrın Manoılova,  latvııalyq Karlıs Krýsberg, japonııalyq Kazýkı Ioshınagamen «6 komanda» sapynda 4:17.181 mınýt ýaqyt kórsetip, márege úshinshi keldim. Bul synda altyn medaldi «2 komanda» norvegııalyq Ane Baı Farshıada, ońtústikkoreıalyq Djı ıÝ Kım, belgııalyq Steına Desme jáne frantsııalyq Kventın Ferkok, 4:14.413 mınýtpen jeńip aldy. Al ekinshi oryndy «3 komanda» vengrııalyq Petra ıAzapatı, avstralııalyq Djýlııa Mýr, gollandııalyq Terk De Boer, japonııalyq Kııchı Shıgeıro, 4:14.495 mınýtpen jeńip aldy. Bul kórsetkish nátıjeler aıyrmashylyǵy asa úlken kórsetkish emes.

-  Endi aldaǵy josparlaryńmen bólise ketseń...

-  Alda áli talaı básekeler kútip tur. Ár jarysta joǵary nátıje kórsetip, elimizdiń týyn bıikten jelbiretkim keledi. Bolashaqta eresekter dýyna qatysyp, Olımpıadany baǵyndyrýdy armandaımyn.      

EXPO-2017 kórmesiniń arqasynda Astanany kóretin gollandyqtardyń sany artady - H.Drısser

 Erteń, ıaǵnı, 24  aqpanda Astanada EKSPO-2017 kórmesine qatysýshy elderdiń halyqaralyq jınalysy ótedi.  Eki kúnge jalǵasatyn jıynǵa Halyqaralyq kórmeler bıýrosynyń basshylary, EKSPO-daǵy ár pavılonnyń komıssarlary, bir sózben aıtqanda, Astana resmı shaqyrtý jibergen  90 eldiń ókilderi qatysady.

Osy rette, Astana EXPO-2017 kórmesindegi Nıderlandy pavılonynyń bas komıssary Hans Drıssermen suhbat júrgizýdiń reti túsken edi. Drısser myrza Astana EXPO-2017 kórmesiniń taqyryby-aq talaı týrısterdi tartady degen oıyn jetkizdi.

- Hans myrza, Nıderlandy eli Astana EXPO-2017 kórmesinen ne kútedi ?

- EXPO-2017 kórmesine qatysatyn elimizdiń kúteri kóp. Bul úmittiń negizgi bir sebebi osy kórmeniń taqyryby bolyp otyr.

Aıtaıyn degenim, qazir Nıderlandyda «Bolashaq energııasy» taqyryby óte ózekti. Onyń ústine, aımaqtyq energııa qaýipizdigin, qorshaǵan ortany qorǵaý men klımattyń ózgerýin esepke alsaq, bul taqyryp tipti ózektene túsedi. Sondyqtan, bul kórme ártúrli kompanııalar men ǵylymı ortalar úshin jahandyq paltformaǵa aınalady dep úmittenemin. Jahandyq plaftorma ekologııalyq máselelerdi sheshetin bıznes-jobalar men uzaqmerzimdi damýǵa jol ashary anyq.

Osy ýaqytqa deıin baıqaǵanymyz - jasyl ekonomıkany damytý jónindegi bastamalar kóbinese úkimet tarapynan aıtylyp júr. Kásiporyndar baıaý bolsa da turaqty energııa damýyna ilesip, óz taraptarynan qyzyqty usynystar men ıdeıalar bildirip júr. Mine, osy sátte uıymdastyrýshylardyń jumysyn kúsheıtý kerek, ıaǵnı barlyq jaqsy ıdeıalar men usynystardy biriktirý kerek. EXPO-2017 kórmesi turaqty energııa men jasyl ekonomıka salalaryndaǵy óz ıdeıalaryn kórsetý úshin álemniń túkpir-túkpirinen jarqyn oı ıeleri men qabiletti kásipkerlerdi  jınaıdy. Gollandyq kompanııalar, árıne, sózsiz, bul kórmege qatysady, bul bir jaǵynan Qazaqstanmen aradaǵy ekonomıkalyq baılanystardyń saqtalýy. Nıderlandy eli burynnan-aq  energetıka salasyndaǵy Qazaqstannyń iri ekonomıkalyq seriktesi ekeni anyq.

- Búkil álem úshin energııany únemdeý men balamaly  qýat kózderin damytý máselesi erekshe daralanyp otyr.  Al EXPO-2017 kórmesi -energııa tıimdilik pen  jasyl tehnologııany damytý salalaryndaǵy Sizdiń elińizdiń atqarǵan jumystaryn pash etetin alań. Bul rette, Nıderlandy pavılonynyń ereksheleni nede bolmaq? Pavılondaryńyzdyń kontenti boıynsha ıdeıalaryńyz da bar shyǵar? Bir sózben aıtqanda, álemge ne kórsetesizder?

-Batys Eýropanyń qatty damyǵan óńirindegi iri tabıǵı gaz óndirýshi bolyp otyrǵan biz  energııa óndirisi qorshaǵan ortaǵa zııan tıgizetinin kórdik.  Onyń ústine, halqy tyǵyz ornalasqan el bolǵandyqtan, Nıderlandy resýrstardy tıimdi paıdalanýǵa qatysty saıasaty men kózqarasyn qaıta qaraýǵa kúdik tanytty. Nıderlandynyń úkimeti, jekemenshik sektor men ǵylym  - energııa únemdeý men klımattyń ózgerýi salalarynda jańa sheshimder ázirleý úshin tyǵyz yntymaqtastyq ornatty.

Al EXPO-2017 kórmesinde biz aýyl sharýashylyq pen ónerkásipti jasyl ekonomıkaǵa qalaı aýystyrýǵa bolatynyn kórsetedi. Nıderlandy pavılonynyń tujyrymdamasy ázirge qaraýda jatyr.

- Sizdiń oıyńyzsha, álemde balamaly energııany damytý men jınaý boıynsha Qazaqstan halyqaralyq habqa aınala ala ma?

- EXPO 2017 kórmesiniń orny men kórmeniń ınfraqurylymyn paıdalana otyryp, jasyl tehnologııalardy damytý jónindegi Halyqaralyq ortalyq ashý týraly QR Prezdentiniń aıtqan usynysy óte mańyzdy. Mine, osy usynys arqyly Qazaqstan 2011 jyly bastalǵan «Búkil álem úshin turaqty energetıka» atty BUU-nyń bastamasyna óz úlesin qosyp otyr.

Al EXPO kórmesi Azııanyń ortalyǵyndaǵy turaqty ári órkendeýshi el retinde Qazaqstannyń halyqaralyq bedelin arttyra túseri sózsiz.

- Qazaqstan Nıderlandy halqy úshin qanshalyqty qyzyqty el bolady dep oılaısyz ba? 

- Meniń elim - álemdegi eń ashyq qoǵam qalyptasqan elderdiń biri. Jer sharynyń kez kelgen buryshynda gollandyq kásiporyndardy taba alasyz, gollandyq týrısterdi kezdestire alasyz.

Jalpy, Nıderlandy úshin Orta Azııa - týrıstik tartymdylyq týdyryp otyrǵan óńir. Sondyqtan, EXPO 2017 kórmesine kelgen nıderlandyqtar Orta Azııanyń ózge de elderine saıahattaı alady dep oılaımyn. Jáne, meniń bilýimshe, EXPO-2017 kórmesiniń uıymdastyrýshylary kelýshiler úshin osyndaı nusqalar qarastyryp jatyr.  Sondyqtan, Astanaǵa keletin gollandyqtardyń sany artady dep oılaımyn. Onyń ústine, 2016 jyldyń mamyrynan bastap Astana men Amsterdam arasynda tikeleı áýe reısy ashylady, bul da bolsa týrısterdiń legin kóbeıtetin amal.

- Tyǵyz jumysyńyzǵa qaramastan, ýaqyt bólip, áńgimeleskenińizge rahmet! 

 
Astanada 25 aqpannan bastap jańa jyldamdyq ólsheý quraldary iske qosylady

 25 aqpannan bastap Astana qalasynda kólik quraldarynyń jyldamdyǵyn ólsheıtin jańa 21 keshen iske qosylady. Qala kóshelerinde paıda bolǵan jańa «sur» tústi keshenniń burynǵy jyldamdyq ólsheý quraldarynan bir aıyrmashylyǵy - apparat jol erejesin buzǵan kólikti baıqatpaı, ıaǵnı, eshqandaı əsersiz sýretke túsiredi.

Taǵy bir artyqshylyǵy - bul «Vokord» keshenderi jol erejesin buzǵan kóliktiń memlekettik tirkeý nomerin kúndiz de, túnde de anyqtap bere alady.

«Vokord» keshenderi kóliktiń memlekettik tirkeý nómerin kúndiz de, túnde de aıyryp tanı alady. ıAǵnı,  túngi ýaqytta nómerdi taný  múmkindigi 98 paıyz»,-deıdi keshenderdi jasaǵan «Astana innovations» AQ basqarma tóraǵasy Eskendir Təjibekov.

Sonymen, «Vokord» keshenderi qalanyń apat kóp bolatyn ýchaskelerinde júrgizilgen taldaýǵa saı, myna kósheler tańdalǵan eken.

1. Eki keshen Qorǵaljyn tas jolyndaǵy tazartý qurylǵylaryna qarama-qarsy jerde;

2. Bes keshen Syǵanaq kóshesiniń boıynda (kósheniń bas jaǵynda jəne Orynbor kóshesimen qıylysatyn jerde);

3. Eki jyldamdyq ólsheý quraly Turan dańǵylynda (Ulttyq qorǵanys ýnıversıtetine qarsy);

4. Eki keshen qaladan ońtústik baǵytta shyǵa beristegi «Qarqaraly» tas jolynyń boıynda («Garden Village» qalashyǵyna qarsy bette);

5. Eki keshen Kereı men Jənibek handar kóshesi boıynsha  «Saranda» turǵyn úı keshenine qarsy aýmaqta;

6. Alty jyldamdyq ólshegish qural «Astana-Qaraǵandy» tas jolynyń boıyrda ornalasqan «Metro» saýda ortalyǵyna qarama-qarsy aımaqta, aınalma kópir men Mıchýrıno aýyly arasynda;

7. Eki jyldamdyq ólsheý quraly Baıyrqum kóshesindegi kókónis bazasyna qarsy bette ornalasady.

Astanada Aqseleý Seıdimbekti eske alýǵa arnalǵan kesh ótedi

 24 aqpanda QR Ulttyq akademııalyq kitaphanasynda belgili ǵalym, etnograf-jazýshy Aqseleý Seıdimbekti eske alýǵa arnalǵan «Aqseleý álemi» taqyrybynda kesh ótedi.

Fılologııa ǵylymdarynyń doktory, professor, QR Memlekettik syılyǵynyń ıegeri Aqseleý Seıdimbek - qazaq ádebıeti men ónerin, mádenıeti men rýhanııatyn damytýǵa ólsheýsiz úles qosyp, tól tarıhymyzǵa jarqyn qoltańbasyn qaldyrǵan kórnekti tulǵa.

Keshke qatysýshylar Aqseleý Seıdimbektiń asqar talantynyń qyr-syryn ashyp, qalamgerdiń ómir jolynan estelikter aıtatyn bolady. Sondaı-aq Aqseleý Seıdimbektiń baıandamalarynyń beınejazbasy kórsetilip, ánderi oryndalady. Budan bólek, «Aqseleý álemi» taqyrybyndaǵy kitap kórmesinde ǵalymnyń eńbekteri usynylady.   

Keshke qoǵam qaıratkerleri men jazýshy, ǵalymdar jáne Aqseleý Seıdimbektiń jubaıy men qyzdary, jaqyn dostary qatysady.

 
EKSPO-2017 kórmesiniń halyqaralyq qatysýshylarynyń ІІ jınalysyna 100-den astam el qatysady

 2016 jyldyń 24-25 aqpan kúnderi Astanada EKSPO-2017 kórmesiniń halyqaralyq qatysýshylarynyń jınalysy ótedi.

Jınalysqa Halyqaralyq kórmeler bıýrosynyń (HKB) basshylyǵy, sondaı-aq kórmege qatysý úshin resmı shaqyrtý joldanǵan álemniń 100-den astam elinen shamamen 270 delegat qatysady. Bul týraly «Astana EKSPO-2017» UK» AQ-nyń jurtshylyqpen baılanys departamentinen habarlady.

Halyqaralyq qatysýshylardyń jınalysy - jyl saıyn ótkiziletin,  EKSPO-ny uıymdastyrýdaǵy basty sharanyń biri.  Bul qabyldap otyrǵan eldiń, Halyqaralyq kórmeler bıýrosy men qatysýshylardyń olardyń ishinde bekitilgen nemese qyzyǵýshylyq tanytqan áleýetti qatysýshylarǵa kórmeni uıymdastyrýdaǵy kezeńderine qatysty aqparat almasý tuǵyrnamasy retinde paıdalanylady.

Jınalys barysynda QR Premer-mınıstriniń orynbasary Darıǵa Nazarbaeva, HKB-nyń Bas hatshysy Vısente Lossertales, «Astana EKSPO-2017» UK» AQ basqarmasynyń tóraǵasy Ahmetjan Esimov, EKSPO-2017 komıssary Rápil Joshybaev, Astana ákimdigi ókilderiniń sóz sóıleýi josparlanǵan.

Eki kún boıy uıymdastyrýshylar jobanyń basty salalary boıynsha EKSPO-qalashyqtyń qazirgi mártebesi men qurylystyń bolashaǵy, kórmeniń negizgi taqyryby, kórmeni jergilikti jáne halyqaralyq deńgeıde tanytý, sondaı-aq elderdiń EKSPO-2017 kórmesine qatysý talaptary týraly tanystyrylymdar ótkiziledi. Budan basqa, qatysýdyń 18 kelisimshartyna qol qoıý kútilip otyr, sonyń ishinde QHR, Reseı, Vengrııa jáne basqa elder bar. 

«Astana «EKSPO-2017» UK» AQ 2013 jyldyń 15 qańtarynda EKSPO-2017 Halyqaralyq mamandandyrylǵan kórmesine daıyndalý jáne ótkizý úshin qurylǵan. Kórme Astana qalasynda 2017 jyldyń 10 maýsymy men 10 qyrkúıegi aralyǵynda ótedi. Oǵan 100 el, kem degende 10 halyqaralyq uıym, ınnovatsııalyq tehnologııalar boıynsha 10 kóshbasshy kompanııanyń qatysatýy josparlanyp otyr. Jalpy alǵanda, kórmege 2 mıllıonnan astam adamnyń keledi dep kútilip otyr. 

 

Mýzeıge jádigerler beriledi

 24 aqpanda Ulttyq mýzeıde jádigerlerdi qabyldaý sharasy ótedi, dep habarlaıdy mýzeıdiń aqparattyq-ımıdjdik qyzmeti.

«Ulttyq mýzeıge syı tartý» aktsııasynyń jalǵasy retinde ótetin sharada qabyldanatyn jádigerlerdiń qatarynda Ábish Kekilbaev, Roza Baǵlanova, Zeınýlla Alshynbaev, Mádına Eralıeva, Aleksandr Vınokýrov qatarly tulǵalardyń jáne taǵy da basqa tanymal adamdardyń jeke ómiri qatysty tutynǵan zattary bar.

Sonymen qatar, Tileýjan Batanov, Sembiǵalı Smaǵulov, Erlan Sahıpuly sekildi sýretshi, músinshiler óz týyndylaryn mýzeıge syı retinde tabystamaq.

Eske sala ketsek, «Ulttyq mýzeıge syı tartý» aktsııasy 2015 jyly naýryz aıynda bastalǵan. Aktsııa osy ýaqytqa deıin Astana, Almaty, Qyzylorda qalalarynda uıymdastyryldy. Nátıjesinde 1300-deı qundy jádiger Ulttyq mýzeı zaldarynan oryn alǵan bolatyn. Aktsııa aldaǵy ýaqytta da jalǵasyn tabatyn bolady. 

 
Elordalyq stýdentter energetıka taqyrybyndaǵy ınnovatsııalyq jobalaryn tanystyrdy

 Elordalyq kólik jáne kommýnıkatsııalar kolledjinde Qazaqstanda EKSPO-2017 halyqaralyq kórmesin ótkizý qarsańynda tehnıkalyq jáne kásiptik bilim berý mekemesi stýdentteriniń shyǵarmashylyq eńbekteriniń qalalyq kórmesi ótti, dep habarlaıdy qalalyq ákimdiktiń baspasóz qyzmeti.

Kórmede ekonomıkanyń túrli salasynan 30 joba usynyldy. Stýdentter ekologııalyq ǵımarattar men tutas qalalardyń maketterin, quraldardy, kompıýterlik baǵdarlamalardy kórsetti.

Elordalyq kolledj oqytýshylary baıandama jasady. Olardyń biri «Bolashaq energııasy - jasyl ekonomıkany qalyptastyrýǵa senimdi qadam» taqyrybynda boldy.

Sharanyń qorytyndysy boıynsha M. Tynyshpaev atyndaǵy qazaq kólik jáne kommýnıkatsııalar akademııasy Aqmola kolledjiniń stýdentteri Gran-prı jeńip aldy. Birinshi júldeli oryn Polıtehnıkalyq kolledj stýdentterine «Aqyldy úı» jobasy úshin berildi.

Kórmeniń maqsaty - tehnıkalyq jáne kásiptik bilim berý stýdentterin energetıkanyń, kásibı jáne ǵylymı shyǵarmashylyqtyń edáýir ózekti jáne perspektıvti baǵyttarynda jobalardy oryndaýǵa tartý, ınnovatsııalyq ıdeıalar men jobalardy damytý. Budan basqa, ǵylymı-praktıkalyq qyzmetke, ónertapqyshtyq pen ońtaılandyrýǵa beıimdik tanytatyn daryndy jastardy anyqtaý da sharanyń mańyzdy ereksheligi bolyp tabylady.

Jarty mıllıonǵa jýyq qytaılyq týrıst Astanaǵa keledi
Ústimizdegi jyldyń qańtar aıynan bastap Qazaqstan Chinese Friendly Kazakhstan brendiniń Chinese Friendly International jahandyq halyqaralyq jobasyna endi. Joba aıasynda EKSPO-2017 halyqaralyq kórmesi ótken kezde Astanaǵa 500 myńǵa jýyq qytaılyq týrıst keledi dep kútilýde, dep habarlaıdy elordalyq ákimdiktiń baspasóz qyzmeti.
Qazirgi kezde halyqaralyq joba álemniń 40-qa jýyq memleketin qamtyp, Qytaıdan týrıstter tartýǵa baǵyttalyp otyr. Baǵdarlamada týrıstik nysandardy qytaılyq týrısterge beıimdeý, sondaı-aq árbir nysannyń personaldaryn oqý kýrstaryna jiberip, Chinese Friendly Kazakhstan sertıfıkatyn berý qarastyrylǵan. Sertıfıkat qytaılyq týrıst úshin sapa belgisi bolyp tabylady.
«Búgingi tańda Astana qalasynyń týrıstik nysandarynyń 30%-ǵa jýyǵy baǵdarlama tizimine engizildi, olardyń basty maqsaty Qytaıdan kelgen týrısterge jaıly jaǵdaı jasaýǵa baǵyttalǵan», - dep atap ótti QR Týrızm ındýstrııasy ulttyq qaýymdastyǵynyń prezıdenti Gaýhar Jeńisbek.
Erekshe sapa belgisine ıe bolǵandar Chinese Friendly International aqparattyq portalynda jáne onyń qytaılyq resýrsynda jarııalanady. Sonymen qatar, qazaqstandyq týrıstik usynystardy damytýmen atalǵan baǵdarlamamen yntymaqtastyq ornatqan qytaılyq konsaltıngtik kompanııa aınalysatyn bolady.

Halyqpen esep berý kezdesýinen keıin Astana ákimi adamdardy jeke ózi qabyldaýdy bastaıdy
Bıyl Astanada eseptik kezdesýde barynsha kóp halyqty qamtý úshin turǵyndarmen eseptik kezdesýdiń formaty ózgertildi. Bul týraly elorda ákimdiginen habarlandy.
Búgin halyqpen esep berý kezdesýiniń negizgi bóliginen keıin Astana ákimi Ádilbek Jaqsybekov adamdardy jeke ózi qabyldaýdy bastaıdy. Azamattar elorda ákimine nemese onyń orynbasarlaryna óz suraqtaryn Kongress-Holl ǵımaratynda qoıa alady. Qabyldaý kezekpen júrgiziledi. Buǵan qosa, hollda qala turǵyndary óz suraqtaryna qalalyq basqarmalar men jekelegen departamentterdiń basshylarynan jaýap ala alady.
Bıyl barynsha kóp halyqty qamtý úshin turǵyndarmen eseptik kezdesýdiń formaty ózgertildi. Qala ákimi elorda ákimdiginiń qyzmetinde halyqpen baılanys ornatyp, ózara yqpaldasa jumys isteý basymdyqty mindet bolyp tabylatynyn aıtqan bolatyn.
Osy baǵytta qala ákimshiligi tarapynan birtalaı jumys atqaryldy. Belgili bolǵandaı, ótken jyly túrli arnalar boıynsha qala turǵyndarynan ákimdikke 20 myńnan asa hat pen ótinish tústi. Sonyń ishinde jartysynan astamy qala ákimdiginiń resmı saıtyndaǵy «Vırtýaldy qabyldaý bólmesi» jáne «Halyqtyq baqylaý» aıdarlary arqyly joldanǵan.
Byltyrdyń sońynda 109 biryńǵaı nomerimen Intellektýaldy baılanys ortalyǵy iske qosyldy, ol arqyly barlyq qalalyq qyzmettermen baılanys ornatýǵa múmkindik jasalǵan. Sonymen birge, «Smart Astana» mobıldi qosymshasy engizildi, onyń mazmunyna mektep sabaǵynyń ótpeıtini týraly sol mezette habarlama alý, aıyppuldardy tekserý, qoǵamdyq kóliktiń qozǵalysyn baqylaý, áýe reısteriniń, poıyzdardyń kestesi jáne t.b. aqparat alý fýnktsııalary kirdi. Elordanyń barlyq turǵyndary men qonaqtary úshin yńǵaıly ári paıdaly bolýy úshin qosymshanyń fýnktsıonaldylyǵy turaqty negizde keńeıtilip otyrady. Birneshe aptanyń ishinde bul qosymshany 50 myńǵa jýyq turǵyn jeke telefondaryna júktep alǵan jáne olardyń sany turaqty túrde artyp keledi.
«Jyl basynan beri elorda aýdandarynyń ákimderi jalpy sany - 4 myń adammen 15 kezdesý uıymdastyrǵan. 10 aqpanda «Ashyq esik kúni» ótkizilip, oǵan bir jarym myńnan astam adam qatysty. Bul kúni qalalyq qyzmetterdiń ókilderi 600-den artyq turǵynnyń aýyzsha suraqtaryna jaýap berdi, al jazbasha ótinish bergenderdiń barlyǵy osy kúnge deıin óz suraqtaryna jaýap ala aldy. Halyqpen yqpaldasa jumys isteýdiń pármendi ádisteriniń biri retinde osyndaı sharalar elordada júıeli túrde ótkizilip turmaq»,-delingen ákimdik málimetinde.

Astana men Almaty áýejaılarynda elektrondyq otyrǵyzý talony engiziledi
2016 jyldyń sońyna deıin Astana men Almaty áýejaılarynda tekserýden ótkeni týraly belgi qoıýdyń balamaly ádisi - elektrondyq otyrǵyzý talony engiziledi.
Qazirgi ýaqytta QR IDM azamattyq avıatsııa komıteti elektrondyq otyrǵyzý talonyn engizý úshin jolaýshylardy áýe kóligimen tasymaldaý salasyndaǵy normatıvti-quqyqtyq aktilerge ózgerister engizý boıynsha bastama kóterdi, dep habarlaıdy vedomstvonyń baspasóz qyzmetinen.
Osy jáne basqa da máseleler komıtet tóraǵasynyń mindetin atqarýshy Talǵat Lastaevtyń Áýe kóligi halyqaralyq qaýymdastyǵynyń Qazaqstan Respýblıkasyndaǵy fılıaly jáne «AirAstana» áýekompanııasy ókilderimen kezdesýde talqylandy.
Atalǵan ádis qajetti avıatsııalyq qaýipsizdik deńgeıin saqtaýǵa, ınternet arqyly tirkelip, biraq reıske kelmeı qalǵan jolaýshylardy anyqtaýǵa múmkindik beredi. Bul óz kezeginde reısterdiń jolaýshylardy kútip, keshigý jaǵdaılaryn azaıtady.

Astana ózine salynǵan qarajatty aqtap, el bıýdjetine paıda ákele bastady - Á. Jaqsybekov
Búgin Astanada qalasy ákimi Ádilbek Jaqsybekov halyq aldynda esep berý jıynyn ótkizýde.
«Elorda osy ýaqyt aralyǵynda dotatsııalyq qaladan, donorlyq qalaǵa aınaldy. Ózine salynǵan qarajatty aqtap, el bıýdjetine paıda ákele bastady. Qalamyzda shaǵyn jáne orta bıznesti damytýǵa arnalǵan júıeli jumystar jalǵasýda. Qazir Astanany aqyldy qalalar qataryna qosý úshin kóp jumys jasalýda. Munyń barlyǵy - qalamyzdyń búgini men keleshegine jasalǵan ınvestıtsııa», - dep bastady baıandamasyn qala basshysy.
«Keler jyly EKSPO kórmesin ótkizemiz. Qazirgi tańda bul sharany joǵary deńgeıde ótkizý úshin jan-jaqty jumys júrgizilýde. Elordamyzda zamanýı tehnologııalardyń bilim men ǵylym ortalyǵy boı kóteredi. Týrızmimiz órkendep, el paıdasyna úles qosady. Búginde astanada álemniń ekonomıkalyq jáne saıası alpaýyttary jınalyp, mańyzdy sheshimderdi qabyldaýda. Ótken jyly da atqarylǵan jumystar az emes. Árbir jetistik bizge jańasha kúsh pen qosymsha jiger beredi. Aldymyzda Elbasy qoıǵan bıik josparlar men halyq úmit artqan mańyzdy jobalar bar. Keleshekte Astanany kórkeıtýge arnalǵan jumystardy abyroımen oryndaımyz dep senemin», - dedi ákim.
Bıyl barynsha kóp halyqty qamtý úshin turǵyndarmen eseptik kezdesýdiń formaty ózgertildi. Halyqpen esep berý kezdesýiniń negizgi bóliginen keıin Astana ákimi Ádilbek Jaqsybekov adamdardy jeke ózi qabyldaýdy bastaıdy. Azamattar elorda ákimine nemese onyń orynbasarlaryna óz suraqtaryn Kongress-Holl ǵımaratynda qoıa alady. Qabyldaý kezekpen júrgiziledi. Buǵan qosa, hollda qala turǵyndary óz suraqtaryna qalalyq basqarmalar men jekelegen departamentterdiń basshylarynan jaýap ala alady.



Mamyr aıynda Astana jol júrý aqysyn tóleýdiń elektrondy júıesine kóshedi - Á. Jaqsybekov
Mamyr aıynda elorda jol júrý aqysyn tóleýdiń elektrondy júıesine kóshedi. Bul týraly búgin halyqqa esep berý kezdesýinde Astana qalasynyń ákimi Ádilbek Jaqsybekov málim etti.
«Bul tasymaldaýdy uıymdastyrý sapasyna oń yqpalyn tıgizedi. Avtobýs parki 65 paıyzǵa jańartyldy, bul rette jańa avtobýstar aqparattandyrý, aýa baptaý, jylytý, beınebaqylaý júıelerimen, sondaı-aq, múmkindigi shekteýli jandarǵa jáne balalarǵa arnalǵan arbalarmen júretin ata-analar úshin pandýstarmen jabdyqtalǵan», - dedi ákim.
Ákimdik málimetine qaraǵanda, 2015 jyly 27 jabyq aıaldama pavılony ornatyldy, bıyl osyndaı 55 aıaldama ornatylady. Jazda «jyly» aıaldamalarda qala turǵyndaryna yńǵaıly bolýy úshin, kerisinshe, aýabaptaǵyshtar jumys isteıtin bolady.

Astanada avtobýstardyń jyldamdyǵyn arttyrý úshin birqatar kóshede jolaqtar bólinedi
Bıyl Astanada 8 kóshede avtobýstarǵa qosymsha jolaqtar bólý josparlanǵan. Bul týraly búgin halyqqa esep berý kezdesýinde Astana qalasynyń ákimi Ádilbek Jaqsybekov málim etti.
«Elordanyń 6 kóshesinde «Bus Lane» jobasy engizilgen soń, oń ózgerister oryn aldy. Avtobýstardyń ortasha jyldamdyǵy 12-15 paıyzǵa artty. Jyl sońyna deıin 8 kóshede qosymsha jolaqtar bólý josparlanǵan»,-dedi qala ákimi.
Qala basshylyǵy joldardaǵy keptelister jas qalalar úshin ádettegi másele bolyp tabylatynyn, sondaı-aq, bul másele keshendi túrde sheshiletin atap ótti.
Munymen qosa, Á. Jaqsybekov qoǵamdyq kólik servısi úshin júrgizýshiler men kondýktorlardyń kásipqoılyǵy asa mańyzdy bolyp tabylatynyn aıta kele, qalada kásibı júrgizýshilerdiń jetispeıtinin jetkizdi.
2015 jyly Kólik mamandarynyń biliktilik ortalyǵynda júrgizýshilerdiń jalpy sanynyń úshten biri ǵana biliktilikti arttyrýdyń birinshi deńgeıinen ótti. Jolaýshylar kóligi salasyndaǵy bilikti jumyskerler sanyn arttyrý boıynsha jumystar jalǵasady.

Elorda basshylyǵy túrli sala jumyskerlerine qyzmettik páterler salyp bermek
Astana ákimdigi túrli sala jumyskerlerine qyzmettik páterler salý boıynsha baǵdarlama ázirlep jatyr. Bul týraly búgin halyq aldynda esep berý jıynynda Astana qalasynyń ákimi Ádilbek Jaqsybekov málim etti.
«Elordadaǵy qurylys qarqyny óte joǵary. Jyl saıyn 1 mıllıon sharshy metr turǵyn úı paıdalanýǵa beriledi. Byltyr rekordtyq 1 mln. 759 myń sharshy metr turǵyn úı salynǵan. Astananyń alǵashqy jyldarynda bizde 150 myń sharshy metr úı salynyp otyrsa, 1 mıllıon sharshy metr úı salý kórsetkishine 2003 jyly qol jetkizgen bolatynbyz. Qalada «Qoljetimdi baspana - 2020» baǵdarlamasy sátti iske asyrylyp jatyr. Jeńildikpen beriletin úıler Qazaqstannyń ıpotekalyq kompanııasy, «Turǵyn úı qurylys jınaq banki», «Samuryq-Qazyna» baspana qory, «Nurly jol» baǵdarlamasy arqyly beriledi. Sonymen qatar, bizde eski úılerdi buzý baǵdarlamasy da bar. Baspana qurylysynyń 2008-2010 jyldarǵa arnalǵan baǵdarlamasyna keletin bolsaq, bıyl biz qalyp qoıǵan eki turǵyn úıdi paıdalanýǵa beretin bolamyz», - dep atap ótti Á.Jaqsybekov.
Degenmen, onyń sózi boıynsha, ókinishke oraı, atalǵan baǵdaralamalar azamattardyń barlyq sanattaryn qamtı almaı otyr. «Kommýnaldyq kásiporyndardyń, kólik jáne energetıkalyq salalardyń jumyskerlerine, qalanyń ózge de uıymdarynda isteıtin azamattarǵa, elektrıkterge, júrgizýshilerge, qurylysshylarǵa, polıtseılerge baspana alý qıyn. Sol sebepti biz qala deńgeıinde jańa baǵdarlama jasap shyǵaramyz. Úıler salyp, ol kisilerge baspanany qyzmettik páterler retinde beretin bolamyz», - dep atap ótti ákim.

2015 jyly elimizde shamamen 700 mln. kılovatt-saǵat «jasyl» energııa óndirildi
2015 jyly elimizde shamamen 700 mln. kılovatt-saǵat «jasyl» energııa óndirildi. Bul týraly búgin EKSPO-2017 halyqaralyq qatysýshylarynyń ekinshi jıynynda QR Premer-Mınıstriniń orynbasary Darıǵa Nazarbaeva aıtty.
«2015 jyly jalpy qýaty shamamen 120 megavatty quraıtyn jańaratyn energııa kóziniń 14 jobasy iske qosyldy. Tolyqtaı alǵanda ótke jyly jańaratyn energııa kózderinen óndirilgen energııa kólemi shamamen 700 mln. kılovatt-saǵatty qurady», - dedi ol.
Onyń atap ótýinshe, kórmege halyqaralyq qatysýshylardy tartý jumystary qarqyndy júrgizilýde. Búgingi kúni 75 el men 14 halyqaralyq uıym qatysatyndyǵyn resmı qýattap, 27 shartqa qol qoıyldy. Al jıyn qorytyndysynda taǵy 13 shart resimdeledi.
«EKSPO-2017 jasyl energııa salasyndaǵy adamzat jetistigin pash etetin, energııa resýrstaryn ulttyq paıdalaný máselelerin sheshetin alańǵa aınalady", - dedi D. Nazarbaeva.
Aıta keterligi atalǵan jıynǵa qatysý úshin elordaǵa 102 elden 278 delegat keldi.

Astanada turǵyn úılerdi zańsyz satýdyń 37 áreketi anyqtaldy - ákim
Astanada turǵyn úılerdi zańsyz satýdyń 37 áreketi anyqtaldy. Bul týraly búgin halyq aldynda esep berý jıynynda Astana qalasynyń ákimi Ádilbek Jaqsybekov málim etti.
«Qalada zańdy aınalyp, halyqty aldaǵan qurylys kompanııalary týraly jeke toqtalǵym keledi. Bul zalda osy saýalmen kelgen azamattar az emes shyǵar. Byltyr qurylys boıynsha 909 zań buzýshylyq tirkeldi. Turǵyn úıdi zańsyz satýdyń 37 áreketi anyqtaldy. Ospadarsyz qurylys kompanııalardyń attaryn barlyǵy biledi. Bul - «Azbýka jılıa», «Baraqat», «Tólendi» jáne ózge de kompanııalar. Barlyq tizim ákimdik saıtynda bar. Barlyǵyna zańdy sharalar qabyldanady. Úkimetke úleskerlik qurylys salasyn qadaǵalaý sharalaryn kúsheıtý boıynsha naqty usynystar engizildi», - dep atap ótti Astana ákimi.
Á.Jaqsybekovtyń aıtýynsha, aldanyp qalǵan úleskerlerge qala bıligi kómektesetin bolady.
«Qalada nysandardyń qurylysy aıaqtalmaýy, azamattarymyzdyń sońǵy aqshasynan aıyrylyp, baspanasyz qalýy bizdi alańdatady. Biraq olardyń barlyǵy úleskerlik qurylysta qaýip-qaterler baryn bildi. Merdigerdi tańdaǵan ózderi. Biz olarǵa kóp márte eskerttik, biraq halyqtyń deni jalǵan ýáde men jarnama sońynan erip, arzan baǵaǵa elitip, naqty faktorlardy eskermesten aqsha saldy. Keıin aldanyp qalǵanyn bilgende, ony zań arqyly sheshýdiń ornyna, tikeleı ákimdikke júgirip keledi. Biraq olardy qurylys kompanııalarymen kelisimshart jasaýǵa eshkim ıtermelegen emes. Osynyń barlyǵy ózderiniń kelisimen jasaldy. Alaıda biz bul máselege kelgende syrt aınalmaıyq dep sheshtik. Adamdarǵa kómektesýge tyrysamyz. Árbir túıtkil boıynsha naqty sheshimder jasalyp otyr», - dedi Á.Jaqsybekov.

Kóktemde Astanadaǵy Áýezov, Jeltoqsan, Abaı jáne Kenesary kóshelerinde birjaqty qozǵalys engiziledi
Elordada dıfferentsııalanǵan jumys ýaqytyn engizý jospary ázirlendi. Bul týraly búgin halyqqa esep berý kezdesýinde Astana qalasynyń ákimi Ádilbek Jaqsybekov málim etti.
«Búgin kólik keptelisin tómendetý maqsatynda, sondaı-aq álemdik tájirıbege súıene otyryp, qalada dıfferentsııalanǵan jumys ýaqytyn engizý jospary ázirlendi. Qala ákimdiginiń barlyq qurylymdary jańa kestege kóshti, qazirgi kezde ortalyq memlekettik organdarmen, ulttyq kompanııalarmen jáne jeke menshikti uıymdarmen, JOO-larmen, mekteptermen jumystar júrgizilýde. Atalǵan jospardy júzege asyrý júktemeni 20 paıyzǵa tómendetýge múmkindik beredi», - dep toqtaldy ákim.
Sonymen qatar ol jol jelisine túsetin júktemeni azaıtý úshin bıyl kóktemde Áýezov, Jeltoqsan, Abaı jáne Kenesary kóshelerinde birjaqty qozǵalys engiziletinin atap ótti.

Astana ákimi úkimettik balabaqshalardyń aqysyn jekemenshik balabaqshalarmen teńestirýdi usyndy
Uzyn-sonar kezekten arylý úshin, úkimettik balabaqshalardyń aqysyn jekemenshik balabaqshalarmen teńestirý qajet. Bul týraly búgin halyq aldynda esep berý jıynynda Astana qalasynyń ákimi Ádilbek Jaqsybekov málim etti.
Onyń sózi boıynsha, qala ákimdigi balabaqsha kezekterden arylý boıynsha jumystardy atqarýda.
«Jaqyn kúnderi balabaqshaǵa 8 myń oryn úlestiriletin bolady. Mundaı kóp kólmdegi oryndardyń úlestirilýi qalada alǵash ret bolǵaly tur. Bıyl biz 3-6 jastaǵy balalardy mektepke deıingi bilimmen qamtýdy 95 paıyzǵa jetkizýdi josparlap otyrmyz. Biraq bul máseleni bir mezette sheshý múmkin emes ekendigin túsiný kerek. Jyl saıyn balabaqshalar paıdalanýǵa berilip keledi. Qalada bala týý men mıgratsııa kórsetkishi de artýda. Kúnine jaryq dúnıeniń esigin 60 bala ashady, kún saıyn 90-100 bala balabaqshaǵa kezekke turady. Bul - jylyna 30-35 myń bala degen sóz», - dep atap ótti ákim.
«Sondyqtan, bul máseleni keshendi sheshý kerek. Birinshiden, úkimettik balabaqshalardyń aqysyn jeke-menshik balabaqshalarmen teńestirý kerek, sebebi balabaqshalardy kútýge bıýdjetten qyrýar qarajat bólinedi, al ár balaǵa taǵaıyndalǵan tólemder balalardyń tamaqtanýyna qajetti qarajatty da aqtaı almaıdy. Bul óz kezeginde mektepke deıingi mekemelerdi salýǵa jeke ınvestorlardy tartýǵa jol ashady. Ákimdik osy maqsattarǵa jer ýchaskeleri men daıyn jobalar usynýǵa daıar. Bul salany ashyq básekelestik ortaǵa bersek, balabaqshalardaǵy kezek te, oryn tapshylyǵy da ózdigimen joıylady», - deıdi Á.Jaqsybekov.

Jaqsybekov: Astanada jedel járdemniń kelý ýaqytyn 10 mınýtqa deıin qysqartý tapsyrmasy qoıylyp otyr
Astanada jedel járdemniń kelý ýaqytyn 10 mınýtqa deıin qysqartý tapsyrmasy qoıylyp otyr. Bul týraly búgin halyq aldynda esep berý jıynynda Astana qalasynyń ákimi Ádilbek Jaqsybekov málim etti.
Ákimniń aıtýynsha, qala halqynyń qarqyndy ósýi medıtsınalyq mekemelerge úlken salmaq salyp otyr.
«Medıtsınalyq qyzmetke qatysty kóptegen shaǵymdar túsýde. Ásirese, jedel járdemniń ýaqytyly kelmeýine qatysty nala kóp. Osy máseleni sheshý úshin byltyr biraqatar sheshimder qabyldandy. Qalanyń túrli aýdandarynda jedel medıtsınalyq járdemniń qosymsha pýnkteri ashyldy, 40 kólik satyp alyndy, dárigerdiń áleýmettik jaǵdaıyn jáne mártebesin jaqsartý baǵytynda da birqatar sharalar jasaldy. Bıyl sáýir aıynan bastap, densaýlyq saqtaý basqarmasyna jedel járdemniń kelý ýaqytyn 10 mınýtqa deıin qysqartý tapsyrmasy qoıylyp otyr. 10 mınýttyń ishinde jedel járdem kóligi kelip jetýi tıis, biz ony qadaǵalap otyramyz, ol úshin barlyq jaǵdaılar jasalǵan», - dep atap ótti qala basshysy.

2015 jyly elordada 70 shaqyrymnan astam jol salyndy
Byltyr elordada myńnan astam jol belgisi ornatyldy. Bul týraly búgin halyqqa esep berý kezdesýinde Astana qalasynyń ákimi Ádilbek Jaqsybekov málim etti.
«Ótken jyly 70 shaqyrymnan astam jol salynyp, qalpyna keltirildi, jóndeldi. Alty jolaqty joldyń bir shaqyrymyna bıýdjetten 600 mln. teńge qarjy kerek ekenin árqaısysy bile bermeıdi. Al eger ınjenerlik jelilermen eseptesek, onyń quny 1,4 mlrd. teńgege deıin jetedi. Fınlıandııa nemese Germanııa sekildi elderde osyndaı araqashyqtyqtaǵy jumystar 4 mlrd. teńgeden bastalady», - dedi ákim.
Onyń sózine qaraǵanda, Kishi aınalma joldyń qurylysy jalǵasýda. Búginde 23 shaqyrym jol tósemi, 4 kóliktik aıyrym, 3 jol ótkeli jáne 2 kópir salyndy.
«Bul rette joldardaǵy qaýipsizdik máselesi burynǵydaı nazarda bolady. 2015 jyly jyly qala turǵyndarynyń ótinishimen 6 jaıaý júrginshiler jáne 12 kóliktik baǵdarsham obektisi, 42 kóliktik jáne 110 jaıaý júrginshilerge arnalǵan esepteý tablosy men myńnan astam jol belgisi ornatyldy. «Balalar qaýipsizdigi» baǵdarlamasy aıasynda oqý oryndarynyń janynda jasandy jol budyry jóndeldi, 10 «Mektep» eskertý belgisi qoıyldy. Sonymen qatar, kóshelerde uzyndyǵy 540 shaqyrym jol belgileri salyndy»,-dedi Á. Jaqsybekov.

Astanada jumyssyzdyq joq dese de bolady - ákim
Mıgratsııanyń kóptigine qaramastan, eloradada jumyssyzdyq kórsetkishi el boıynsha eń tómen bolyp sanalady.
Bul týraly búgin halyq aldynda esep berý jıynynda Astana qalasynyń ákimi Ádilbek Jaqsybekov málim etti.
«Astanada halyq aldyndaǵy memlekettik áleýmettik mindettemeleri atqarylyp otyr. 2015 jyly 100 myńnan astam azamat áleýmettik qoldaýdyń túrli sharalarymen qamtyldy. Oǵan 4,3 mlrd. teńge bólingen bolatyn», - dep atap ótti Á.Jaqsybekov.
«Mıgratsııanyń kóptigine qaramastan, eloradada jumyssyzdyq kórsetkishi el boıynsha eń tómen bolyp sanalady. Qalada jumyssyzdyq joq dese de bolady. Sebebi 1 mıllıonǵa jýyqtaıtyn qalada 3 myń adam ǵana jumyssyzdar qatarynda. Olar qaıta oqytylýda jáne basqa qoǵamdyq jumystarǵa jiberilip jatyr. Jumys izdegen adamǵa jumys tabylady», - dedi ákim.
Ákimniń sózine qaraǵanda, qalada jumyssyz otyrý, ómir súrýge qajetti qarajatsyz qalý degen másele joq.

Á. Jaqsybekov turǵyndardy energııany únemdeýge shaqyrdy
Búgin halyqqa esep berý kezdesýinde Astana ákimi Ádilbek Jaqsybekov turǵyndardy elektr jáne jylý energııasyn únemdeýge shaqyrdy.
«Energııa únemdeý ózekti máselege aınalyp otyr. Energııa resýrstarynyń qory sheksiz emes. Bul turǵyda jaýapkershilikpen qaraǵan jón. Jyl saıyn otynnyń eleýli bóligi bosqa jaǵylady. Sarapshylardyń esepteýine qaraǵanda, jylýdy ysyrap etýdiń 70 paıyzy tutynýshylardyń salǵyrt qaraýynyń saldarynan bolady»,-dedi ákim.
Onyń sózinshe, jylý rettegishi joq batareıalary bar páterlerdiń ıeleri bólmeni salqyndatý úshin terezelerin ashady. Osy oraıda klımattyń jaǵdaıy uqsas Fınlıandııa jáne Islandııa elderimen salystyrǵanda turǵyn úıdi jylytýǵa jumsalatyn shyǵyndar birneshe esege artyq bolyp otyr.
«Olar qyzatyn shamdardan bas tartqaly kóp ýaqyt ótti. Kádimgi lampalar tutynatyn energııanyń tek 5-10 paıyzyn ǵana jaryqqa jumsaıdy, al qalǵany aýany jylytady. ıAǵnı, turǵyndar kerek emes shyǵystar jasap, al qalanyń energııa júıesi qýatyn bosqa jumsaýda. Barshamyz energııa resýrstaryn paıdalanýda qadamdardy qaıta qarap shyǵýymyz qajet. Bul óz kezeginde shaharymyz úshin shynymen de eleýli ári paıdaly is bolar edi»,-dep túıdi Á. Jaqsybekov.

Astana ákimi turǵyndardy PIK jumystaryn tekserýge shaqyrdy
Búgin halyqqa esep berý kezdesýinde Astana ákimi Ádilbek Jaqsybekov turǵyndardy páter ıeleri kooperatıvterine (PIK) talapty kúsheıtýge shaqyrdy.
«PIK jumysyna shaǵymdar jıi estilip jatady. Zalda otyrǵan adamdardyń árqaısysy kem degendi bir ret óz úıiniń basqarýshy kompanııasyna kóńili tolmady dep oılaımyn. Alaıda turǵyndar PIK jumysy birinshi kezekte ózderine baılanysty ekenin túsinýi tıis. Ár adam óz úıi men aýlasynyń ahýalyna múddeli bolýy kerek. Osy oraıda belsendi bolyp, talap etip, jalpy jıyndarǵa qatysý mańyzdy»,-dedi ákim.
Onyń sózine qaraǵanda, turǵyndardyń negizgi bóligi jınalystarǵa qatyspaıdy. Bundaı jıyndarǵa tek ýaqyty bolǵandar nemese PIK tóraǵasyn qoldaıtyndar barady.
Atap aıtqanda, búginde Astanada 2356 kóp páterli turǵyn úı ornalasqan, olarǵa 379 uıym qyzmet kórsetedi.
Ákimdik tarapynan turǵyn úı ınspektsııasynyń jumysy kúsheıtiledi, bul elordanyń turǵyn úı qoryn kútip ustaýdy jaqsartý boıynsha birlesken jumystardy jolǵa qoıýǵa múmkindik beredi.

«EKSPO-2017» kórmesine oraı elordada 24 jańa qonaq úı men 4 jataqhana salynady
«EKSPO-2017» halyqaralyq kórmesine kelýshilerdi baspanamen qamtamasyz etý úshin elordada 24 jańa qonaq úı men 4 jataqhana salynady. Bul týraly búgin kórmeniń halyqaralyq qatysýshylarynyń ekinshi jıyny barysynda Astana qalalyq kásipkerlik jáne ónerkásip basqarmasynyiń basshysy Malıka Bekturova málim etti.
«Biz olardy (EKSPO-ǵa keletin qonaqtar) turǵylyqty jermen qamtamasyz etý úshin zor jumystar atqardyq. Qazirgi ýaqytta shamamen 30 myń qonaq úı nómiri bar. Buǵan qosymsha 2017 jyly 5 myń oryn paıdalanýǵa beriledi. Oǵan 24 jańa qonaq úı men 4 jataqhana salý arqyly qol jetkizemiz. Sondyqtan turǵyn úımen qamtamasyz etý tolyǵymen jabylady», - dedi ol.
Esterińizge sala keteıik, «EKSPO-2017» Halyqaralyq mamandandyrylǵan kórmesi 2017 jyldyń 10 maýsymy men 10 qyrkúıegi aralyǵynda Astanada ótedi. Dál osy aralyqta kórmeni tamashalaýǵa keletin adamdar sany 2,1 mıllıonǵa jetedi dep kútilýde.

Bıyl Astanada qosymsha 7 ekspress-marshrýt iske qosylmaq
Bıyl Astanada qosymsha 7 ekspress-marshrýt iske qosylmaq. Bul týraly búgin halyqqa esep berý kezdesýinde Astana ákimi Ádilbek Jaqsybekov aıtty.
«Balama retinde qalada 6 ekspress-marshrýt júredi, olardyń aıaldamalar sany az. Bıyl qosymsha 7 ekspress-marshrýt iske qosylmaq»,-dedi Astana ákimi.Sonymen qatar, ol qoǵamdyq kólikterdiń jumysyna shaǵymdar kóp ekenin aıtty. «Biz osy máseleni jaqsy bilemiz. Turǵyndar aıaldamada avtobýstardy uzaq kútip qalady. Júrgizýshiler jol júrý erejesin buzyp, dórekilik tanytqan jaǵdaılar da kezdesedi. Bul saladaǵy problemalar qordalanyp qaldy»,-dedi ákim. Onyń aıtýynsha, qala basshylyǵy ótken jyly saladaǵy tutas máseleler keshenin sheshýge kiristi. Baǵdarlar júıesin jetildirýdiń aýqymdy jumysy júrgizildi. «39 qalalyq marshrýt ózgertildi, asa uzyn 14 baǵdar bólindi. Osylaısha, marshrýttar sany 52-den 63 deıin kóbeıdi»,-dedi ákim.

Á. Jaqsybekov: Elorda avtobýstaryna bilikti júrgizýshiler jetispeıdi
Elorda avtobýstaryna kásibi bilikti júrgizýshiler jetispeıdi. Bul týraly búgin halyqqa esep berý kezdesýinde Astana ákimi Ádilbek Jaqsybekov málim etti.
«Qoǵamdyq kólik servısi úshin júrgizýshiler men kondýktorlardyń kásipqoılyǵy asa mańyzdy bolyp tabylady. Bilikti júrgizýshilerdiń jetispeıtini ras»,-dep toqtaldy ákim.
Onyń aıtýynsha, 2015 jyly Kólik mamandarynyń biliktilik ortalyǵynda biliktilikti arttyrýdyń birinshi deńgeıinen 1300 júrgizýshi men 500 kondýktor ótti.
«Júrgizýshilerdiń jalpy sanynyń úshten biri ǵana, al kondýktorlar arasynda jartysynan sál astamy ruqsat aldy»,-dedi Á. Jaqsybekov.
Onyń sózine qaraǵanda, aldaǵy ýaqytta qalada jeńil relsti tramvaı sekildi qoǵamdyq kóliktiń jańa túri paıda bolady. «Bolashaqta ol qala turǵyndary tarapynan úlken suranysqa ıe bolatynyna senimdimin»,-dedi ol.

EKSPO qarsańynda elordada 900-den astam jańa avtobýs jolǵa shyǵady
«EKSPO-2017» halyqaralyq kórmesi qarsańynda elordada 900-den astam jańa avtobýs jolǵa shyǵady. Bul týraly búgin kórmeniń halyqaralyq qatysýshylarynyń ekinshi jıyny barysynda Astana qalalyq kásipkerlik jáne ónerkásip basqarmasynyiń basshysy Malıka Bekturova málim etti.
«350 jańa avtobýs qatynap júr. Kórme qatysýshylary men qonaqtar qoǵamdyq kólik qyzmetin tıimdi paıdalana alýy úshin gıbrıdti otynmen júretin qosymsha 600 avtobýs jolǵa shyǵaramyz», - dedi ol.
M.Bekturovanyń atap ótýinshe, EKSPO ornalasqan jerge aparatyn jańa joldyń qurylysy aǵymdaǵy jyldyń qyrkúıeginde aıaqtalady. Sonymen qatar ol qazirgi qoldanystaǵy áýejaı keńeıtilip, jańa temir jol vokzalynyń salynatyndyǵyn atap ótti.
«EKSPO-2017 kórmesi jyldyń eń qolaıly kezinde óteıin dep tur. Ol kezde Astanadaǵa aýa temperatýrasy shamamen 25 gradýs bolady. Biz bul jaıt týrıster men qonaqtar úshin kórme tartymdylyǵynyń bir sebebi bolady dep esepteımiz. Sondyqtan da ózimizdiń ótinimizde kórmeni tamashalaýshylar shamamen 5 mln., al kelýshiler shamamen 2,5 mln. adam bolady dep kórsetpekpiz. Onyń 95 paıyzy elimizdiń túrli óńirlerinen keletin jergilikti týrıster, al 15 paıyzy sheteldik týrıster bolady», - dedi M.Bekturova.
Esterińizge sala keteıik, «EKSPO-2017» Halyqaralyq mamandandyrylǵan kórmesi 2017 jyldyń 10 maýsymy men 10 qyrkúıegi aralyǵynda ótedi. Búgingi kúni bul kórmege 75 el men 14 halyqaralyq uıym resmı qatysatyndyǵyn qýattady.
Astana ákimi jańa jumys ýaqytyna kóshý sebebin túsindirdi
Búgin halyqqa esep berý kezdesýinde Astana ákimi Ádilbek Jaqsybekov elordada engizilip jatqan jańashyldyqtardy, onyń ishinde jańa jumys ýaqytyna kóshý sebebin túsindirdi.
«Balalardy mektepke 15 mınýt buryn jetkizý úshin biz aıqaı-shýǵa basyp, ony qandaı da bir problemaǵa jetkizip jatamyz. Búginde kóptegen ata-analar ózderiniń balalaryn kýrstarǵa nemese sporttyq úıirmelerge tańǵy 6-7-den bastap aparatynyn bilemiz. Bul óz kezeginde bárinen buryn ózderińizge kómektesedi jáne balalar erte turýǵa daǵdylanady. Sonymen qatar balaǵa da paıdaly, erte turyp, erte uıqyǵa jatady. Al biz bolsaq osy sharalardy teris qabyldap, ony qısynsyz iske balap jatamyz»,-dep toqtaldy ákim.
Onyń sózine qaraǵanda, saýda ortalyqtarynyń jumysyn sál keshteý bastaýǵa bolady. «Saýda ortalyqtarynyń jumysyn saǵat 9-da bastaý mindetti me? Adamdardyń saǵat 9-dan bastap dúkenge barýy ekitalaı, ıaǵnı, sál keshteý - 10-11 kezinde bara bastaıdy»,-deıdi Á. Jaqsybekov.
Sonymen qatar ol qala turǵyndaryn kóliktik júıeni reformalaý boıynsha sharalardy qoldaýǵa shaqyrdy. Bul turǵyda keıbir kóshelerde birjaqty qozǵalysty engizý kózdelýde.
«Búgin kólik keptelisin tómendetý maqsatynda, sondaı-aq álemdik tájirıbege súıene otyryp, qalada dıfferentsııalanǵan jumys ýaqytyn engizý jospary ázirlendi. Qala ákimdiginiń barlyq qurylymdary jańa kestege kóshti, qazirgi kezde ortalyq memlekettik organdarmen, ulttyq kompanııalarmen jáne jeke menshikti uıymdarmen, JOO-larmen, mekteptermen jumystar júrgizilýde. Atalǵan jospardy júzege asyrý júktemeni 20 paıyzǵa tómendetýge múmkindik beredi», - dep toqtaldy ákim.
Onyń sózinshe, jańashyldyqtar boıynsha sheshim qabyldaý turǵyndardyń ómirine áser etedi jáne bul qadamdar sarapshylar men qoǵamnyń pikirlerin eskere otyryp iske asyrylady.
«Osy sharalardyń barlyǵy qoǵammen kelisiledi. Jalpy, qabyldanǵan sharalar bıyldan qozǵalys kestesin retke keltirip, baǵdarlar júıesin jaqsartýǵa, jolaýshylarǵa qyzmet kórsetý sapasyn arttyrýǵa múmkindik beredi. Osy oraıda turǵyndardy osy baǵytta bizge qoldaý bildirýge shaqyramyn»,-dep túıdi Á. Jaqsybekov.


Astanada jeke sektordaǵy 22 myńnan astam turǵyn úı gazben jylytylady - ákim
Astanada jeke sektordaǵy 22 myńnan astam turǵyn úı gazben jylytylady. Búgin halyqqa esep berý kezdesýinde Astana ákimi Ádilbek Jaqsybekov osylaı málim etti.
Ákim shahardyń ekologııalyq ahýaly ózin alańdatatynyn aıta kele, ásirese aýanyń tazalyǵyna aıryqsha nazar aýdarý kerektigin atap ótti. Esepteýlerge qaraǵanda, kún saıyn qala atmosferasyna 100 tonnaǵa tarta zııandy zattar shyǵarylady eken.
«Osy jaǵdaıǵa baılanysty sharalardyń keshendi jospary qabyldandy. Eki jyldyń barasynda biz avtonomdy qazandyqtar men jeke sektordy, ıaǵnı 22 myńnan astam úıdi gazben jylytýǵa tolyqtaı kóshiremiz. Qalanyń kommýnaldyq qyzmetteriniń kólikteri gazomotorlyq otyndy paıdalanatyn bolady»,-dedi Á. Jaqsybekov.

Elordada kóshe saýdasyn uıymdastyrýǵa 1 myń oryn bólinedi
Elordada kóshe saýdasyn uıymdastyrýǵa bıznesmenderge 1 myń ýchaske bólinedi.Bul týraly búgin halyqqa esep berý kezdesýinde Astana qalasynyń ákimi Ádilbek Jaqsybekov málim etti.
«Biz kóshe saýdasyn damytý jobasyn júzege asyrýdamyz. Qazirgi kezde kóshe saýdasyn uıymdastyrý úshin 1000 oryn anyqtaldy. Bul turǵyda tamaqtaný oryndary men ózge de shaǵyn bıznestiń túrlerin qamtý úshin kásipkerlerge bólinedi. Óz isin ashýǵa nıetti nemese bıznesin keńeıtýdi josparlaǵan turǵyndardy osy jobaǵa belsendi qatysýǵa shaqyramyn»,- dedi ákim. Búginde shaǵyn jáne orta bıznestiń Astananyń jalpy óńirlik ónimindegi úlesi 61% qurady. Bul elimizdiń óńirleriniń ishindegi eń úzdik kórsetkish. Osy baǵyttaǵy elorda kásipkerler múddeleriniń bastaýshysy Astana qalasy kásipkerler Palatasynyń jumysy zor. Qazirgi kezde óńirlik kásipkerler Palatasy men elorda ákimdiginiń arasyndaǵy birlesken jumystyń barlyq salalardaǵy yqpaldastyqtyń tıimdi formaty qalyptasqan bolatyn.2016 jylǵy 1 qańtardaǵy jaǵdaı boıynsha qyzmet etetin ShOB sýbektileriniń sany 99,2 myńǵa deıin artqan. 2010 jyldan osy kúnge deıin «BJK-2020» Bıznesti qoldaý jáne damytýdyń biryńǵaı baǵdarlamasy aıasynda jalpy quny 84,7 mlrd. teńgeni quraıtyn 480 jobaǵa qoldaý kórsetildi, sonyń ishinde 2015 jyly quny 12,1 mlrd. teńgeniń 67 jobasy maquldandy.

Elorda oqýshylary arasynda «Ǵasyrdan ǵasyrǵa» atty qalalyq zııatkerlik baıqaýy ótedi
Astana qalalyq bilim basqarmasy «Astana daryny» óńirlik ǵylymı-praktıkalyq ortalyǵynyń uıymdastyrýymen 26 aqpanda Daryndy balalarǵa arnalǵan №81 «Astana English School» gımnazııasynda «Ǵasyrdan ǵasyrǵa» zııatkerlik baıqaýyn ótkizedi.
Baıqaý M.Áýezovtiń «Abaı joly» roman-epopeıasy (3-4 kitap) taqyrybynda uıymdastyrylady. Negizgi maqsat - ósip kele jatqan jastardyń boıyna ulttyq patrıotızmdi qalyptastyrý, álem ádebıetin moıyndatqan qalamger murasyn keńinen tanystyrý, sahnalyq qoıylymdar arqyly tól ádebıetimizge degen qyzyǵýshylyqtaryn arttyrý.
Konkýrstyń aqtyq kezeńine irikteý barysynda joǵary upaı alǵan oqýshylar komandasy qatysa alady. «Ǵasyrdan ǵasyrǵa» ıntellektýaldyq konkýrsynyń sharty boıynsha qatysýshylar 3 aınalym tapsyrmalaryn oryndaıdy. «Tusaýkeser» dep atalatyn birinshi aınalymda berilgen taqyryp boıynsha sahnalyq kórinis daıyndalady. Uzaqtyǵy - 5 mınýt jáne 25 upaımen baǵalanady. Al ekinshi aınalymda M.Áýezovtiń «Abaı joly» roman-epopeıasynyń 3-4 kitaptary boıynsha suraqtar beriledi. 1 suraqqa - oılanýǵa - 20 sek. 5 upaımen baǵalanady.
Úshinshi aınalym - «Sıqyrly sandyq" dep atalady. Onyń tapsyrmasyn oryndaýǵa 1 mınýt ýaqyt berilip, jaýap 10 upaımen baǵalanady. Konkýrstyń jeńimpazdary men júldegerleri І, ІІ, ІІІ dárejeli dıplomdarmen marapattalady, sonymen qatar syılyqtar tapsyrylady.

Astanada J.Jabaevtyń 170 jyldyǵyna arnalǵan ádebı kesh ótedi
Erteń Qazaqstan Respýblıkasynyń Ulttyq mýzeıinde Jambyl Jabaevtyń 170 jyldyǵyna arnalǵan «Álem aqyny» atty ádebı kesh ótedi, dep habarlaıdy Ulttyq mýzeıdiń aqparattyq-ımıdjdik qyzmeti.
Bıyl Qazaqstan Respýblıkasy jáne álemdik qaýymdastyq qazaqtyń uly aqyny Jambyl Jabaevtyń 170 jyldyǵyn atap ótedi. Aqyn shyǵarmashylyǵy jalǵyz maqsatqa - týǵan halqynyń múddesine qyzmet etýge arnalyp, uly aqyn halqynyń jadynda «HH ǵasyrdyń Gomeri» degen atpen máńgi qalady.
Kesh aıasynda J.Jabaev shyǵarmalaryn mánerlep oqý boıynsha qalalyq baıqaýǵa qatysqan Astana qalasy mektepteriniń oqýshylarynyń oryndaýyndaǵy J.Jabaev shyǵarmalarynan quralǵan poezııalyq kompozıtsııa kórsetiledi, uly aqynnyń atymen atalǵan Reseı qalalaryndaǵy kósheler jaıly beınesıýjetter kórsetiledi.
Reseıdiń kóptegen qalalarynda Jambyl Jabaevtyń esimi berilgen kósheler bar.

Halyq aldynda esep bergen Ádilbek Jaqsybekov 45 azamatty jeke qabyldady
Astana ákimi Ádilbek Jaqsybekov halyqpen esep berý kezdesýi aıasynda jeke qabyldaýyna jazylǵan 45 azamatpen kezdesti, dep habarlady qalalyq ákimdiktiń baspasóz qyzmetinen.
Qala basshysy óziniń baıandamasynan keıin bes saǵat boıy jeke ózi elorda turǵyndarynyń turǵyn úı, jer ýchaskelerin bólý, qurylys pen úlestik qatysýshylardyń problemalary, bilim, PIK jáne jolaýshylar tasymaly máselelerine qatysty suraqtaryna jaýap berdi.Ondaǵan azamat kommýnaldyq turǵyn úı qorynan turǵyn úı alýǵa muqtajdylar tizimi boıynsha kezekti kútpeı baspana berýdi surady. Alaıda, zańnama boıynsha múgedekter men UOS qatysýshylar, sondaı-aq, jetim jáne ata-anasynyń qamqorlyǵynsyz qalǵan balalar ǵana mundaı basymdyqqa ıe bolady.Qala ákiminiń qabyldaýynda jıi kóterilgen máselelerdiń biri - úlestik qurylys sektoryndaǵy problemalar. Osy máselege qatysty segiz saýal joldandy, bul rette qabyldaýǵa jazylǵan eki turǵyn - úleskerler tobynyń ókilderi. Elorda basshysy halyqpen kezdesý barysynda óz baıandamasynda árbir problemalyq nysan boıynsha sheshim algorıtmi ázirlengenin, sondaı-aq, barlyq máseleler qala basshysynyń birinshi orynbasary Sergeı Horoshýnnyń tóraǵalyǵymen úlestik qurylys máseleleri jónindegi vedomstvoaralyq komıssııada qaralatynyn atap ótken bolatyn. Aıta keteıik, búgin ákimge qurylysshylar da jolyqty.Turǵyn úı, sporttyq jáne aýla klýbyn, shyny men keramıkany paıdaǵa asyratyn zaýyttyń qurylysy úshin jáne t.b. maqsattarda jer ýchaskelerin bólýge qatysty ótinishter de boldy. Turǵyndar qalany abattandyrý boıynsha jobalaryn usyndy, keıbireýleri elordany kógaldandyrý máselesine alańdaýshylyq tanytty. Elordalyqtardyń biri ákimniń jeke qabyldaýynda ortalyq parkte «Sholý dóńgelegi» jobasyn iske asyrýdy usyndy, ekinshisi Sývorov kóshesinde gúlbaq jasaýdy surady. Aıta keteıik, sońǵy másele boıynsha jobalyq-smetalyq qujattama tabıǵı resýrstar jáne tabıǵat paıdalanýdy retteý basqarmasymen ázirlenip, joba keler jyldyń mamyr aıynda qolǵa alynatyn bolady.Qalalyq emhana qyzmetkeri Aınash Saǵadıeva qyzmettik páterin aýystyrý týraly ótinish jasady. DTsP-ǵa shaldyqqan balasy bar ana úshin altynshy qabattaǵy páter men lıfttiń bolmaýy biraz qıyndyqtar týdyrady, sondyqtan ol basqa qabattan páter berýdi ótindi. Bul másele oń sheshimin taýyp, turǵyn úı jáne densaýlyq saqtaý basqarmalaryna tıisti tapsyrmalar berildi.Ákimniń qabyldaýyna sońǵy bolyp jazylǵandardyń biri 72 jasar sportshy Saltanat Túıtebaev. Bul qala basshysyna alǵysyn bildirgen jalǵyz turǵyn. Jeńil atletıkalyq júgirýdi unatatyn Túıtebaev Á. Jaqsybekovtiń de júgirýge áýes ekendigin biledi jáne astanalyq marafonda onymen birge júgirýge nıet bildirdi. Elorda ákimi S. Túıtebaevpen qyrkúıek aıynda Astanada ótetinin qaıyrymdylyq halyqaralyq marafonda kezdesýge ýaǵdalasty.Ákimniń orynbasarlary ózderiniń jeke qabyldaýlary aıasynda qyryqtan astam turǵyndy qabyldady. Búgin ákimniń nemese onyń orynbasarlarynyń qabyldaýyna jazylǵandardyń barlyǵy tyńdaldy. Jeke qabyldaý arqyly ákimniń esep berý kezdesýin ótkizýdiń jańa formaty turǵyndar tarapynan qoldaý tapty.Sonymen qatar, Kongress-Holl hollynda qala turǵyndaryn mazalaǵan suraqtarǵa qalalyq basqarmalar men departamentterdiń ókilderi de jaýap berdi.Kúni boıy turǵyndardan jetpiske jýyq jazbasha ótinish kelip túsken, olarǵa jaqyn arada jaýaptar beriletin bolady.
Elordalyq dárigerler týberkýlezdi 10-15 mınýtta anyqtaıtyn jańa ádisti engizdi
2016 jyldan bastap, elordalyq dárigerler týberkýlezdi anyqtaýdyń jańa ádisin qoldanady. Bul týraly búgin Astana qalasy týberkýlezke qarsy dıspanserdiń bas dárigeri Anna Tsepke málim etti.
«2016 jyldan bastap, Astana qalasynda týberkýlezdi anyqtaýdyń Bıotreıser shuǵyl ádisi engiziledi. Adam qan tapsyrsa bolǵany, osy aýrýǵa shaldyǵyp, ne shaldyqpaǵanyn arnaıy jolaq testter arqyly 10-15 mınýttyń ishinde anyqtaýǵa bolady. Bul ádisti qoldanýdaǵy basty maqsat - emdi der kezinde bastap, juqtyrý qaýpin azaıtý úshin aýrýdyń erte kezeńde anyqtalýyn qamtamasyz etý», - dedi maman.
Onyń aıtýynsha, balalarda týberkýlezdi anyqtaý úshin Mantý 2TE týberkýlın úlgisin salynady. Bul ádis balanyń týberkýlez aýrýyn juqtyryp, juqtyrmaǵanyn anyqtaýǵa múmkindik beredi. Mantý 2TE úlgisin balalar mektepte, balabaqshada, turǵylyqty jerine sáıkes emxanalarda ala alady. Mantý úlgisi oń nátıje bergen jaǵdaıda, Dıaskın test júrgiziledi. Bul - týberkýlezdi anyqtaýdyń jańa úzdik ádisi, ol balaǵa profılaktıkalyq em jasaý qajet pe, joq pa, sony anyqtaýǵa múmkindik beredi.
Elordada aýyl sharýashylyq jármeńkeleri ótedi
QR Táýelsizdiginiń 25 jyldyǵyna oraı «Aýyldyń órkendeýi - Qazaqstannyń órkendeýi» aktsııasy aıasynda 29 aqpan - 6 naýryz aralyǵynda kún saıyn «Dýman» oıyn-saýyq ortalyǵy aldynda (avtoturaq) aýyl sharýashylyq jármeńkeleri ótedi. Bul týraly elorda ákimdiginiń resmı saıtynda habarlady.
Jármeńkede Astana qalasynyń jáne Aqmola oblysynyń jaqyn aýdan taýar óndirýshileri men jetkizýshileri óz ónimderin usynady. Negizgi azyq-túlik ónimderiniń túr-túri, atap aıtqanda kartop, pııaz jáne kókónisterdiń basqa túrleri, sonymen qatar qyshqyl sút ónimderi, kondıterlik jáne makaron ónimderi satylady.
Jármeńkede usynylǵan taýarlardyń baǵasy qalalyq bazarlardaǵy bólshek saýda baǵalarynan tómen bolady. Ótkizilý ýaqyty tańǵy 9:00-den keshki 18:00-ge deıin.

Elordalyq stýdentter ardagerlerge kómektesýde
QR Táýelsizdiginiń 25 jyldyǵyna oraı «Táýelsizdiktiń 25 izgi isi» aktsııasy aıasynda aýdan ákimdikteriniń ókilderi stýdenttermen jáne jas belsendilermen birge ardagerler men zeınetkerlerge aýladaǵy qary tazalaýǵa kómektesip jatyr, dep habarlaıdy qala ákimdiginiń baspasóz qyzmeti.
«Almaty» aýdanynyń ákimdigi tıisti aktsııany L.N. Gýmılev atyndaǵy Eýrazııa ulttyq ýnıversıteti janynan qurylǵan «Qolǵanat» qaıyrymdylyq qorynyń stýdentterimen birlesip uıymdastyrdy. Jastar tyl eńbekkerleri men jalǵyzbasty zeınetkerlerdiń úıleriniń janyndaǵy qardy tazalady. Qolyna kúrek ustaǵan stýdentter toptarǵa bólinip, barlyq sharýany birneshe saǵattyń ishinde bitirdi. Aýla men tóbeden jınalǵan qar tıegish kóliktiń kómegimen shyǵaryldy.Aktsııaǵa «Saryarqa» aýdany ákimdiginiń qyzmetkerleri men «Jas Otan» ókilderi de qatysýda. Aýdan ákimdigi Óndiris, Kóktal turǵyn alaptarynda turatyn 15 jalǵyzbasty zeınetkerge kómektesedi. Jastarǵa qajetti múlik beriledi, al qardy shyǵarý úshin arnaıy tehnıka tartylady.Tıisti jumystar «Esil» aýdanynda da qolǵa alyndy. Aýdan ákimdiginiń abattandyrý bóliminiń basshysy Jarqyn Aıtjanovtyń aıtýynsha, 1 aqpannan bastap merdigerlik uıymdar kómekke muqtaj qart adamdarǵa járdemdesýde.«Biz 14 zeınetkerge kómektesemiz. Aýlany tazalap, qar shyǵaramyz. Tıisti jumystardy múmkindiginshe jıi júrgizýge tyrysamyz. Qarııalar kómektesip, qamqorlyq kórsetkenimiz úshin alǵystaryn bildirip jatady», - dedi J. Aıtjanov.

Astana qalasynyń qoǵamdyq keńesiniń birinshi otyrysy ótti
Astana qalasy máslıhatynyń hatshysy, qoǵamdyq keńesti qurý jónindegi Jumys tobynyń basshysy Sansyzbaı Esilovtyń tóraǵalyǵymen Astana qalasynyń qoǵamdyq keńesiniń birinshi otyrysy ótti.
Jumys tobynyń basshysy Qazaqstan Respýblıkasynyń «Qoǵamdyq keńester týraly» Zańyna jáne Qoǵamdyq keńester týraly tıptik erejelerge sáıkes qalalyq máslıhat Astana qalasynyń qoǵamdyq keńesin qurý jáne bekitý boıynsha qajetti is-sharalardy ótkizgenin baıandady. Balama negizde Jumys toby usynylǵan 61 kandıdatýranyń 25-in qoǵamdyq keńeske múshe etip saılady, dep habarlaıdy astana.kz.
Qoǵamdyq keńestiń qaraýyna úsh másele usynyldy. Atap aıtqanda, Astana qalasynyń Qoǵamdyq keńesiniń tóraǵasyn, hatshysyn jáne prezıdıýmyn saılaý.
Bul rette aıta keteıik, «Qoǵamdyq keńester týraly» zańǵa sáıkes Qoǵamdyq keńestiń joǵary organy otyrys bolyp tabylady. Qoǵamdyq keńestiń qyzmetin basqarý úshin onyń otyrystarynyń arasynda Qoǵamdyq keńes prezıdıýmy saılanady. Onyń quramyna Qoǵamdyq keńestiń tóraǵasy, hatshysy, Qoǵamdyq keńesti qurýǵa qatysqan memlekettik organ basshysy, komıssııalardyń tóraǵalary, Qoǵamdyq keńestiń jekelegen músheleri kiredi.
Qoǵamdyq keńes múshesi N.I. Meşerıakov Esilov Sansyzbaı Seıtjanuly - Jumys tobynyń jetekshisi, Astana qalasy máslıhatynyń hatshysyn Qoǵamdyq keńes tóraǵasy qyzmetine usyndy. Qoǵamdyq keńes músheleri Aıman Musaqojaeva, Altaı Nesipbek, Sársenbaı Myńbaı Sansyzbaı Seıtjanulynyń eńbek jolyn temirjolshy bolyp bastaǵanyn atap ótip, bul usynysty biraýyzdan qoldady. Onyń ómiri elordamen, Aqmola oblysymen baılanysty. Astana qalasy ákiminiń orynbasary, birinshi orynbasary bolyp istegen, Qazaqstan Respýblıkasy Parlamenti Májilisiniń depýtaty bolyp saılanǵan. Qalany biledi, elordanyń qalyptasýymen baılanysty barlyq máselelerdi sheshýge atsalysqan, Qoǵamdyq keńes músheleri Esilov Sansyzbaı Seıtjanulyn Astana qalasynyń Qoǵamdyq keńesiniń tóraǵasy etip biraýyzdan saılady.
Óz kezeginde, Sansyzbaı Seıtjanuly jańa qoǵamdyq birlestiktiń mańyzdy ókilettikterge ıe jáne jergilikti ózin-ózi basqarý júıesinde óz ornyn tabýy tıis ekendigin atap ótti. Qoǵamdyq keńes bıýdjet jobasyn, bıýdjetti oryndaý týraly esepti, elordany damytý josparlaryn qaraıtyn bolady, atqarýshy jáne ókildik organdar engizetin normatıvtik-quqyqtyq aktiler boıynsha qorytyndylar beredi.
Sonymen qatar, Qoǵamdyq keńes hatshysy qyzmetine Pyteva V.P. saılandy. Qoǵamdyq keńes komıssııalarynyń jumysyn úılestiretin, otyrystardy ótkizýge daıyndyqty uıymdastyratyn, Qoǵamdyq keńes qyzmetine uıymdastyrýshylyq jáne aqparattyq qoldaýdy qamtamasyz etetin qoǵamdyq keńes prezıdıýmynyń quramyna «Jaına Astana» qoǵamdyq birlestiginiń tóraǵasy Muhtar Erketaev, máslıhat depýtaty Nıkolaı Meşerıakov, «Astana Bas jospar» bas dırektorynyń orynbasary Gúlnar Qusaıynova, Astana qalasy kásipkerler palatasynyń dırektory Ǵanı Tasmaǵanbetov pen qalalyq Ekonomıka jáne bıýdjettik josparlaý basqarmasynyń basshysy Janat Nurpeıisov saılandy.
Astanadaǵy EKSPO Mılan kórmesinen de kúshti ótedi - HKB basshysy
Halyqaralyq kórme bıýrosynyń basshysy Vısente Lossertales Astanada ótetin EKSPO-2017 kórmesi Mılandaǵydan da sátti bolady dep esepteıdi. Bul týraly ol búgin Astanada ótken baspasóz máslıxatynda málim etti.
«Mılanda 2015 jyly ótken EKSPO kórmesi sátti ótti. Italııa úkimeti kórme barysynda xalyqaralyq qarym-qatynastardy jaqsartýǵa kóp mán berdi. Astanaǵa keletin bolsaq, EKSPO-2017 kórmesi aýqymy basqa bolǵanymen, odan da sátti ótedi. Eń birinshiden, «Bolashaq energııasy» taqyrybynyń arqasynda. Biz qazir energııa men qorshaǵan ortany qorǵaý máselesi ózekti zamanda ǵumyr keship jatyrmyz. Ekinshiden, bul osy óńirde uıymdastyrylyp otyrǵan alǵashqy EKSPO. Aıta keteıik, Mılandaǵy ǵımarattar tek alty aıǵa ǵana salyndy, al Astanada bul ǵımarattar bolashaqqa salynýda. Biz jańa qala salyp jatyrmyz», - dedi HKB basshysy Ortalyq kommýnıkatsııalar qyzmetiniń brıfıngisinde.
Onyń oıynsha, elordalyqtar EKSPO kórmesin qala qurylysynyń bir kezeńi retinde eske alatyn bolady.
Qazaqstandaǵy kórme uıymdastyrýshylary bıýronyń oń baǵasyna ıe boldy. Vısente Lossertales qurylys barysy merziminen buryn oryndalyp jatqandyǵyn aıtty.
«Biz úlken jetistikke qol jetkizetindigimizde kúmán qalmady», - dep atap ótti V. Lossertales.
«Mende óte jaǵymdy áser qalyptasty. EKSPO-2017 qurylysy óte qarqyndy júrip jatyr. Qurylys mejelegen merzimin buryn iske asyrýda. Qalashyqtyń qurylys alańy tań qaldyrdy. Menińshe, ol óte sulý ári zamanaýı arxıtektýra bolǵaly tur», - dedi ol.

Ulttyq mýzeıde kúıshi Janǵalı Júzbaıdyń dáris-kontserti ótedi
2016 jylǵy 26 aqpan kúni saǵat 16:00-de Qazaqstan Respýblıkasy Ulttyq mýzeıinde Janǵalı Júzbaıdyń dáris-kontserti ótedi, dep habarlaıdy Ulttyq mýzeıdiń aqparattyq-ımıdjdik qyzmeti.
Dáris-kontsertti Qazaqstan Respýblıkasynyń Eńbek sińirgen qaıratkeri, Qazaq Ulttyq óner ýnıversıtetiniń professory, kúıshi Janǵalı Júzbaı júrgizedi. Bul is-sharaǵa Qazaq Ulttyq óner ýnıversıtetiniń «Dombyra» kafedrasynyń stýdentteri jáne óner men mádenıet ókilderi qatysady.Kúıshilik óner atadan balaǵa mıras bolyp kele jatqan qazaqtyń asyl murasy. Kıeli qobyz aspabyna jan bitirgen Qorqyt atadan bastaý alatyn, uly joldy jalǵastyrýshy Asan qaıǵy, Shyńǵys hannyń joqtaýyn kúımen jyrlaǵan Ketbuǵadan qalǵan kúıshilik joldyń sońyna túsken jalǵastyrýshylar qaı dáýirde bolsyn kóp bolǵan. Ór aqyn Mahambettiń adýyndy kúıleri, kúı atasy men anasy atanǵan Qurmanǵazy jáne Dınanyń tókpe kúıleri, han Abylaıdyń janynan tabyla bilgen Baıjigittiń sherli kúıleri, shertpe kúıdiń atasy atanǵan Táttimbettiń shoqtyǵy bıik týyndylary qazaqtyń biregeı murasyna aınala bildi.Bul Qazaqstan Respýblıkasy Ulttyq mýzeıi janynda jumys isteıtin «Halyq qazynasy» ǵylymı-zertteý ınstıtýtynyń qazaq halqynyń dástúrli mýzykalyq ónerin jańǵyrtý men nasıhattaýǵa arnalǵan «Dástúrli mýzykalyq mura» atty baǵdarlamasy aıasynda ótkizgeli otyrǵan kezekti sharasy. Lektsııa-kontsert búgingi kúnge qaımaǵy buzylmaı jetken qazaqtyń kúıshilik ónerin, onyń ókilderi men shyǵarmalaryn qalyń kópshilikke nasıhattaý maqsatynda uıymdastyrylyp otyr.

Astanada týberkýlezdi anyqtaý úshin ekspress-testiler qoldanylady
Búgin Astana qalasynyń týberkýlezge qarsy dıspanserinde týberkýlezdiń aldyn alý jáne ony ýaqtyly anyqtaý máseleleri talqylandy. Atalǵan aýrýdy anyqtaýdyń jańa ádisteriniń biri ekspress-test bıotreıser bıyldan bastap qoldanysqa engizilmek, dep jazady elordanyń resmı saıty.
«Sońǵy eki jyldyń qorytyndysy boıynsha eresekter arasynda týberkýlezge shaldyǵý jaǵdaılary 12%-ǵa tómendep, 100 myń adamǵa shaqqanda 58,7 jaǵdaıda qurady. Balalar arasynda kórsetkish 20%, jasóspirimder arasynda eki esege kemigen - 46%. Búginde Astana óńirler arasynda týberkýlezge shaldyǵý jaǵdaılary boıynsha 10-shy orynda, bul elimizdegi eń tómen kórsetkishterdiń biri.
Týberkýlezdi ýaqtyly anyqtaý mańyzdy. Bul úshin josparly flıýoroografııalyq tekserýler júrgiziledi, naýqastar tekseriledi. Erte dıagnostıkalaýdy qamtamasyz etý, em-domdy der kezinde bastaý jáne ınfektsııany juqtyrýdy azaıtý úshin aýrýdy anyqtaýdyń ekspress-ádisi engizilmek. Adam qan tapsyrǵan soń arnaıy test syzyqtardyń kómegimen týberkýlezdiń bar-joǵyn bilýge bolady», - dedi Astana qalasynyń týberkýlezge qarsy dıspanseriniń bas dárigeri Anna Tsepke.
Onyń aıtýynsha, ázirge táýekeldi topqa kiretinder tekseriledi, oǵan turǵylyqty jeri joq jandar, mıgranttar, turmysy tómen otbasylar jatady.
Balalarǵa qatysty jańashyldyqtar da bar. Eger Mantý 2TE týberkýlın synamasynyń nátıjesi oń bolsa, Dıaskın test jasalady. Bul reaktsııanyń týberkýlezdik juqpa nemese allergııa ekendigin anyqtaýǵa múmkindik beredi.
Aıta keteıik, kesheden beri elordada týberkýlezdiń aldyn alý boıynsha aılyq bastaldy. Medıtsına qyzmetkerleri azamattarmen aldyn alý jumystaryn kúsheıtedi.
Bıyl qurylys nysandarynda jumys isteıtin jáne bazarlarda saýda jasaıtyn mıgranttar arasynda da týberkýlezdiń aldyn alý boıynsha jumystar qolǵa alynady.
Qazirgi kezde statsıonarda emdelip shyqqannan keıin úılerinde túrli máselelerge tap bolatyndarǵa áleýmettik qoldaý kórsetiledi. Aı saıyn naýqastarǵa em-dom qabyldaý úshin emhanaǵa barýǵa 340 jol júrý bıleti men 570 azyq-túlik salynǵan qalta beriledi.

Astanada úsh qurylys kompanııasynyń kesirinen 18 turǵyn úı kesheninen páter satyp alǵandar zardap shekken - prokýratýra
Astanada úsh josyqsyz qurylys salýshy kompanııa kesirinen 18 turǵyn úı kesheninen páter satyp alýshylar zardap shekti, dep habarlaıdy qalalyq prokýratýranyń baspasóz qyzmeti.
Búgingi tańda qylmystyq qadaǵalaý organdarynyń óndirisinde qurylys salýshylardyń jeke tulǵalardyń aqsha qarajattaryn tartýy jáne qurylystyń uzaq ýaqyt boıy aıaqtalmaýy boıynsha 12 qylmystyq is bar (sonyń ishinde Astana qalasy boıynshamemlekettik kirister departamentinde - 2 is, Astana qalasy boıynsha ishki ister departamentinde - 8 is, QR Syrtqy ister mınıstrliginde - 2 is).
Qylmystyq qýdalaý organdary «SheıhKazInvest» JShS, «AlBarakatCompany» JShS basshylaryna jáne «Azbýka jılıa» qurylys kompanııalary tobynyń basshysyna qatysty turǵyn obektilerin salý barysynda azamattardyń aqsha qarajattaryn talan-tarajǵa saldy dep seziktený boıynsha qylmystyq isterdi tergeýde.
Naqtylaı ketsek, «SheıhKazInvest» JShS-nyń basshysy Olga Shnaıderge, «AlBarakatCompany» JShS-nyń basshysy Baqytjan Toıymbetovke jáne «Azbýka jılıa» qurylys kompanııalary tobynyń basshysy Erqanat Taıjanovqa qamaýda ustaý týraly bultartpaý sharasy bekitilgen. Erqanat Taıjanovqa izdeý jarııalandy.

24 eldiń sportshylary olımpıadalyq lıtsenzııalar úshin Astanaǵa keledi
Qazaqstannyń kúres federatsııasynda Azııalyq olımpıadalyq biliktilik týrnırine daıarlyq qyzý júrgizilýde. Osy jylǵy 18-20 naýryz kúnderi Astanada josparlanǵan sport sharasy Rıo-de-Janeırodaǵy olımpıdalyq oıyndarǵa lıtsenzııalar sarapqa salynatyn eń alǵashqy biliktilik jarysy (álem chempıonatyn eseptemegende) bolmaq.
Sondyqtan da bıylǵy jyldyń eń mańyzdy sport jarysyna Qazaqstan astanasynda azııalyq qurlyqtyń barlyq úzdik palýandary bas qosady, dep habarlandy federatsııanyń saıtynda.
Federatsııanyń halyqaralyq bóliminiń málimetteri boıynsha, aldyn ala tizimge 24 el kirdi, olardyń arasynda qazaqstandyq sportshylarǵa eleýli básekeles bolyp tabylatyn kóshbasshy quramalar bar: Iran, Qytaı, Japonııa, Mońǵolııa, Ońtústik Koreıa, Úndistan.
«Taǵy eki el tirkelip úlgergen joq, biraq ta týrnırge qatysýdy josparlap otyr, olar: Fılıppın men Iordanııa», - dep túsindirdi federatsııadan. Qazirgi kezde bul komandalardyń barlyǵy ózderiniń kóshbasshy-sportshylaryn alty salmaq sanaty, ártúrli stıl boıynsha úkilep báıgege qosady, óıtkeni Olımpıada oıyndarynyń talaby osyndaı.
Grek-rım kúresi: 59, 66, 75, 85, 98, 130 keli; Erkin kúres: 57, 65, 74, 86, 97, 125 keli; Áıelder kúresi: 48, 53, 58, 63, 69, 75 keli. Joǵaryda kórsetilgen úsh salmaq sanattary boıynsha Qazaqstannyń tórtjyldyqtyń basty saıysyna qazirdiń ózinde lıtsenzııalary bar.
Alǵashqy lıtsenzııany 59 keli salmaq sanatyna deıingi grek-rım kúresiniń palýany Almat Kebisbaev aldy. Ol Rıoǵa joldamaǵa 2015 jylǵy Las-Vegastaǵy álem chempıonatyndaǵy qola medali esebinen qol jetkizdi. Osy jarystarda ekinshi lıtsenzııany klassıkalyq kúresten 75 keli salmaq sanatynda Dosjan Qartyqov jeńip aldy. Rıodaǵy úshinshi joldamaǵa 57 kelige deıingi salmaq sanatynda erkin kúres sheberi Sanaa Artas ıe boldy. Ol Vegastaǵy álem chempıonatynda kúshtilerdiń bestigi qataryna kirdi. Bul sportshylar sondyqtan da Astanadaǵy jarystarǵa qatyspaıdy, al qalǵan salmaq sanattary boıynsha Qazaqstan óziniń úzdik palýandaryn saıysqa salady.

Qytaı «Astana» HQO-nyń aktsıoneri bolýǵa qyzyǵýshylyq tanytyp otyr
Qytaı «Astana» halyqaralyq qarjy ortalyǵynyń aktsıoneri bolýǵa jáne jańadan qurylatyn bırjada jumys isteýge qyzyǵýshylyq tanytyp otyr. Bul týraly Beıjińge barǵan Qaırat Kelimbetov málimdedi, dep habarlady www.24.kz.
Al atalmysh ortalyq bıyldan bastap qurylady. Sondyqtan osy salada kórshi eldermen, ásirese Qytaımen áriptestik ornatý mańyzdy. Kelimbetov birqatar kezdesý ótkizdi. Sonyń ishinde Qytaı ortalyq banki qundy qaǵazdardy retteý komıssııasymen, «Jibek Joly» qory jáne osyndaǵy ınvestıtsııalyq korporatsııanyń basshylyǵymen júzdesti. Sonymen qatar Qytaı elindegi jumys sapary aıasynda Shanhaı jáne Gonkong qalalaryna da barýdy josparlap otyr.
«Birqatar uıymdar Astana HQO-nyń aktsıoneri bolýǵa jáne bırjada jumys isteýge ynta bildirip otyr. Bul biz úshin óte mańyzdy. Óıtkeni biz jergilikti bırjalarmen birlesip jumys isteıtin bolamyz. Búginde Shanhaı jáne Gonkong bırjalarymen kelissózder júrgizip jatyrmyz. Sondaı-aq, biz qytaılyq ınvestıtsııalyq korporatsııamen de áriptestik ornattyq, olardyń elimizdiń qarjy sektoryna ınvestıtsııa salmaq oılary bar», - dedi «Astana» halyqaralyq qarjy ortalyǵynyń basqarýshysy Qaırat Kelimbetov.

Astanada Kýveıt memleketi Táýelsizdiginiń 55 jyldyǵyna oraı shara ótti
Keshe Táýelsizdiginiń 55 jyldyǵy men azattyǵynyń 25 jyldyǵyn merekeleý qarsańynda Kýveıt Memleketiniń elshiligi Astanada Rıksos - Astana qonaqúıinde saltanatty qabyldaý ótkizý qurmetine ıe boldy, olar qonaq retinde dıplomatııalyq korpýs ókilderi, kórnekti qazaqstandyq saıasat, ekonomıka, qoǵam qaıratkerlerin, jergilikti qoǵamdyq uıymdar, kompanııalar, BAQ ókilderin, onyń ishinde qurmetti qonaq - QR Qarjy mınıstrliginiń jaýapty hatshysy, mártebeli hanym Natalıa Korjovany qabyldady.
Qazaqstan Respýblıkasyndaǵy Kýveıt Memleketi isterinde ýaqytsha senimdi tulǵa Halıd Al-Ýazzan myrza qonaqtar aldynda kirispe sóz sóıledi. Ol Kýveıttiń qalyptasý tarıhy jaıly, ekonomıkalyq damý kózderi men túrli elderdegi kóptegen syrtqy ınvestıtsııalary týraly qysqasha aıtyp ótti. Sondaı-aq qurmetti Halıd Al-Ýazzan myrza álemniń kóptegen eline, onyń ishinde sırııa halqyna kórsetken gýmanıtarlyq jumystary men kómekterinde el men onyń basshylyǵynyń jetekshilik rólin erekshe atap ótti. Sonymen birge, 1997 jyly Qazaqstan Prezıdenti N. Nazarbaevtyń Kýveıt Memleketine saparyna erekshe toqtalyp ótip, qazaqstandyq-kýveıttik qatynastardyń jaı-kúıi men perspektıvalaryna toqtaldy. Osyǵan oraı spıker Kýveıttiń QR Aýyl sharýashylyǵy mınıstrliginiń qazirgi ǵımaratyn salýǵa 10 mln dollar jáne Aral mańyn sýmen jabdyqtaý jobasynyń TEN ázirleýge 1,3 mln dollar bólý sııaqty túrli granttar retinde Qazaqstan ekonomıkasyna úlesin eske saldy.
QR Qarjy mınıstrliginiń jaýapty hatshysy, saýda-ekonomıkalyq yntymaqtastyq boıynsha qazaqstandyq-kýveıttik birlesken komıssııasynyń teń tóraǵasy Natalıa Korjova, óz kezeginde, Kýveıt memleketin erekshe merekesimen quttyqtap, 1997 jyly Kýveıt Memleketine resmı sapary ýaqytynda Qazaqstan men Kýveıt arasyndaǵy qatynastardy nyǵaıtýda Elbasynyń úlesin erekshe atap ótip, ekijaqty yntymaqtastyqtyń negizgi aspektileri týraly sóz etti.
Qabyldaý kezinde qonaqtar kýveıttik dámnen, merekelik torttan dám tatty, sondaı-aq kýveıt halqynyń dástúrli mýzykasyn tyńdady.

Astanada IV búkilqazaqstandyq «Choreo» qazirgi zamanǵy horeografııa baıqaýy ótýde
Astanada IV búkilqazaqstandyq «Choreo» qazirgi zamanǵy horeografııa baıqaýy bastaldy.
«Choreo» - Astanada eń jarqyn ári talantty bıshilerdi jyl saıyn jınaıtyn bı baıqaýy. Aýqymdy horeografııalyq shoý óziniń kólemi men mártebesi jaǵynan elimizde eń bedeldi bolyp tabylady.
Aıta keteıik, eń alǵashqy búkilqazaqstandyq baıqaý 2013 jyly uıymdastyrylǵan bolatyn jáne osy ýaqytqa deıin «Luxury Dolls» dep atalyp keldi. Sharanyń jańa deńgeıge ótýine baılanysty atalmysh baıqaýǵa tolyǵymen rebrendıng jasaý týraly sheshim jasaldy. Endi ol alǵash ret «Choreo» ataýymen ótkizilýde. Úsh kún ishinde shoýdy shamamen 400-ge tarta adam tamashalaıdy dep kútilip otyr.
Sharany Istina bı akademııasy men Logovo atty shyǵarmashylyq joba uıymdastyrýda.
Baıqaý maqsaty - túrli stılderde óner kórsetetin talantty ujymdar men áleýeti zor sportshylardy anyqtaý jáne qazaqstandyq bıshilerge halyqaralyq horeograftarmen tájirıbe almasýǵa múmkindik berý.
Aldyńǵy jyldarda jeńiske jetken qatysýshylar úlken sahnaǵa shyǵýǵa múmkindik alǵany belgili. Mysaly, temirtaýlyq Marııa Glavatskıh Máskeý qalasyndaǵy «Girls Community» bı ujymynyń quramyna ótse, Madına Beısekeeva «TNT» telearnasynyń «Tantsy» baǵdarlamasyna qatysýǵa múmkindik aldy. Kóptegen qatysýshylar shetelde bilim alýda.
Baıqaýdyń bıylǵy júlde qory jarty mıllıon teńgeni qurap otyr.
«Choreo» aıasynda 26 aqpan aıynda 6 men 11 jas aralyǵyndaǵy balalar jáne 12 men 15 jas aralyǵyndaǵy jasóspirimder arasynda CHOREO Champ atty chempıonat ótedi. Al 27 aqpan kúni Istina bı akademııasynda Qazaqstan men Reseı horeogravtarynyń sheberlik-synyptary ótkiziledi. Baıqaýdyń aqtyq syny 28 aqpanda Astana Mall saýda úıinde ótedi. THE FINAL GRAND SHOW CHOREO júrgizýshileri Ivan Ernst pen Grıgorıı Hlystýn bolady. Mýzykany astanalyq tanymal dı-djeıler AST Production men DJ Lustoff qamtamasyz etedi.

Qazaqstanǵa resmı saparmen Mysyr Prezıdenti keldi
Astanaǵa Mysyr Arab Respýblıkasynyń Prezıdenti Ábdel Fattah As-Sısı keldi.
Elordanyń halyqaralyq áýejaıynda Mysyr basshysyn QR Mádenıet jáne sport mınıstri Arystanbek Muhamedıuly men QR Syrtqy ister vıtse-mınıstri Asqar Mýsınov qarsy aldy.
Aqordanyń baspasóz qyzmetinen habarlaǵandaı, Mysyr Prezıdentiniń elimizge resmı sapary onyń Azııaǵa týrnesi aıasynda Qazaqstan-Mysyr yntymaqtastyǵyna serpin berýge baǵyttalǵan.
Sondaı-aq saýda-ekonomıka, aýyl sharýashylyǵy, farmatsevtıka, sondaı-aq ınfraqurylym jáne kólik-logıstıka salalaryndaǵy ózara is-qımyl sııaqty baǵyttar boıynsha shaǵyn jáne keńeıtilgen quramda kelissózder ótkizý josparlanǵan. Foto: I.Omarov

Astanada «Jyr alyby - Jambyl» atty ádebı-sazdy rýhanı kesh ótti
Búgingi kúni elimizdiń túkpir-túkpirinde, árbir qalasy men árbir aýylynda, bilim shańyraqtary men rýhanı ortalarda qazaq halqynyń maqtanyshy, jyr alyby - Jambyl babamyzdyń 170 jyldyq torqaly toıy keńinen atap ótilýde.
Táýelsizdigimizdiń 25 jyldyǵymen tuspa-tus kelip otyrǵan osy dúbirli mereke 26 aqpan kúni Qazaq ulttyq agrarlyq ýnıversıtetinde «Jyr alyby - Jambyl» atty ádebı-sazdy rýhanı keshke ulasty. Rýhanı sharanyń basty maqsaty - sóz máıegin kıe tutqan abyz jyraýdyń shyǵarmashylyǵyn, rýhanı baı murasyn nasıhattaý.
Ýnıversıtet rektory, akademık Tilektes Espolovtyń quttyqtaý sózimen ashylǵan mádenı sharaǵa «Qazaq ádebıeti» gazetiniń bas redaktory, Halyqaralyq «Alash» ádebı syılyǵynyń laýreaty, jazýshy - Jumabaı Shashtaıuly, M.Áýezov atyndaǵy ádebıet jáne óner ınstıtýtynyń dırektory, jazýshy-pýblıtsıst - Ýálıhan Qalıjan, QazUPÝ professory, ádebıettanýshy ǵalym - Temirhan Tebegenov, Medeý aýdany ákiminiń orynbasary Ǵanı Maılybaev, jyrshy-termeshi, J. Jabaevtyń shóberesi - Bekmurat Jambyl, Jambyl atyndaǵy Qazaq memlekettik fılarmonııa dırektory, jyrshy-termeshi Aqan Ábdýálı syndy ult rýhanııatynyń belgili ókilderi qatysty.
«Qazaqtyń aqyndyq óneriniń alyby, shabytty jyrlarymen esimi álemge áıgili bolǵan jyraý - Jambyl Jabaevtyń shyǵarmalary - ultymyzdyń uly qazynasy. Olaı bolsa, Jákeńniń toıy - ádebıettiń toıy, búkil halqymyzdyń toıy dep bilemiz.
Qazirgi kezde biz bilim men ǵylymdy damytýmen qatar, ýnıversıtet jastaryn ulttyq tulǵalar arqyly tárbıeleý, solardyń shyǵarmashylyq eńbekteri men ómir joldaryn ónege etý jolynda júıeli jumys júrgizip kelemiz. Bul rette Jambyl babamyzdyń baı murasyn búgingi urpaqtyń jadyna sińirip, sanasyna zerdeleýdi azamattyq paryzymyz dep bilemiz. Búgingi kúnge deıin danagóı aqynnyń mereıtoıyna oraı ýnıversıtettiń ár fakýltetinde, Stýdentter úılerinde Jambyl shyǵarmashylyǵyn arqaý etken maǵynaly ádebı sharalar, rýhanı kezdesýler bolyp ótti. Belsendi jastarymyz jýyrda ǵana Jambyl murajaıyna arnaıy baryp, tárbıelik máni zor áser alyp qaıtty.
Jambyl babamyzdyń qaı sózin alyp qarasaq ta onyń maǵynaly, tereń ekenin túsinemiz. Ár sózi ulaǵatqa aınalǵan abyz aqynnyń rýhanı baı dúnıesi ultymyz úshin baǵa jetpes qundylyq ekeni sózsiz. Osyny keıingi jas býyn oı-zerdesine tereń toqyp júrse lázim»,-dedi óz sózinde QazUAÝ rektory, akademık Tilektes Espolov.

Astana turǵyny óz saılaý ýchaskesin WhatsApp jáne Telegram messendjeri arqyly bile alady
43 myńnan astam astanalyq saılaýda daýys berý ýchaskelerin naqtylaý úshin qala ákimdiginiń qyzmetin paıdalanǵan, dep habarlaıdy elordanyń resmı saıty.
20 naýryzda QR Parlamenti Májilisi depýtattarynyń kezekten tys jáne Astana qalasy máslıhaty depýtattarynyń kezekti saılaýynda daýys berý ýchaskelerin naqtylaý úshin turǵyndardyń basym bóligi - 22 myńnan astamy ákimdiktiń e.astana.kz elektrondy qyzmetter veb-portalyn («Saılaý ýchaskeschin izdeý» bólimi) paıdalanǵan. Al 19 myńǵa jýyq azamat 55-66-55 nómiri boıynsha qala ákimdiginiń baılanys ortalyǵyna habarlasqan.
Astana qalasy ákimdiginiń baılanys ortalyǵy, e.astana.kz jáne astana.gov.kz veb-saıttary, qala boıynsha qoǵamdyq oryndarda ornalasqan aqparattyq dúńgirshekter, sondaı-aq, 1414 qysqa nómiri boıynsha SMS-servısinen bilýge bolady. Sondaı-aq, osy aptada elorda ákimdigi qala turǵyndaryna yńǵaıly bolýy úshin «pılottyq» rejımde WhatsApp jáne Telegram qosymshalary arqyly habar almasý úshin ınteraktıvti servısin iske qosty. Onyń nómiri - +7 (747) 955 66 55.
Atalǵan servıs ár azamatqa saılaýda daýys berý ýchaskesiniń nómirin, meken jaıyn, telefony men saılaý ýchaskesi ornalasqan ǵımaratty kórsete otyryp, daýys berý ýchaskesi týraly aqparatty usynady, sondaı-aq, elektrondy karta arqyly ǵımarattyń ornalasqan jerine silteme beredi.

Elorada aýla klýbtarynyń festıvali ótti
Astanada «Aýla juldyzdary» festıvaline 11 aýla klýby qatysty. «Astana jastary» jastar resýrstyq ortalyǵy atalǵan sharany oqýshylar arasynda alǵash ret ótkizip otyr, dep habarlaıdy astana.gov.kz.
Jasóspirimder shyǵarmashylyǵy festıvali Nazarbaev Intellektýaldyq mektebinde uıymdastyryldy. Sharaǵa qatysýǵa ótinimder bir aı boıy qabyldandy. Jastar vokal, horeografııa, ınstrýmentaldy mýzyka, sporttyq-kórneki nomer jáne beıneleý-qoldanbaly óner baǵyttary boıynsha saıysqa tústi.
«Bul tájirıbemizde alǵash ret, balalardyń barlyǵy óz mashyqtaryn qoldanýy kerek dep oılaımyz. Sahna - tájirıbeni, oqytýshylyq pen bilimdi nyǵaıtý úshin laıyqty alań. Búgin balalardyń áleýetin baıqap otyrmyz. Kún saıyn ózińdi jetildirip otyrý kerek», - dedi «Astana Jastary» ortalyǵynyń basshysy Ánýar Nurpeıisov.
Onyń aıtýynsha, aýla klýbtarynyń arasynda spartakıada ótkizý josparlanǵan, al shyǵarmashylyq ujymdar Naýryz merekesin toılaýǵa qatysady.
Jasóspirimder shyǵarmashylyǵy festıvali qazylar alqasynyń quramyna erkin kúresten sport sheberi, Azııa chempıony Qaırat Barsaev; Superstar.kz jobasyna qatysýshy, ánshi Rınat Maltsagov; «Daryn» memlekettik syılyǵynyń laýreaty, QR Sýretshiler odaǵynyń múshesi Ásemgúl Beıbit jáne Ánýar Nurpeıisovtyń ózi kirdi.
Kórermender nazaryna bıler, mýzykalyq jáne sporttyq nomerler usynyldy. Baıqaý qorytyndysy boıynsha «horeografııa» nomınatsııasynda «Zamandas» AK «Zamandas» ansambli «Modern» bıimen top jardy; 2-shi orynda úndi bıimen «Alaqaı» ansambli, «Armandastar» AK; «Shaǵala» AK tatar bıimen 3-shi oryn aldy.
«Vokal» nomınatsııasynda «Esil» AK (Aıana Esirkepova) 1-oryn; «Mıras» AK (Nargız Ýrýstemova) 2-oryn; «Armandastar» AK (Dosjan Sarbasov) 3-oryn aldy.
«Instrýmentaldy mýzyka» nomınatsııasynda «Sekirtpe» halyq kúıin oryndaǵan «Zamandas» AK 1-orynda; 2-orynda «Tepen kók» kúıimen «Esil» AK; 3-orynda «Bereke» AK - «Erke sylqym».
«Sport» nomınatsııasynda «Armandastar» AK 1-orynda; «Astana» AK 2-orynda; «Bereke» AK 3-shi orynda.
«Beıneleý-qoldanbaly óner» nomınatsııasynda «Asar» AK 1-oryn; «Shaǵala» AK 2-oryn; «Zamandas» AK 3-oryn aldy.

Qazaqstanda «#MenElimdiSúıemin» aktsııasy ótýde
26 aqpanda «#MenElimdiSúıemin» aktsııasyna arnalǵan telekópir ótti.
Aktsııanyń maqsaty - týǵan jerge degen óziniń súıispenshiligi men qurmetin kórsetý.
Eki apta ishinde #MenElimdiSúıemin heshtegimen Qaznette elimizdiń ártúrli óńirinen 200 posttar men rolıkter jarııalanǵanyn atap ótken jón
Aktsııaǵa júrgizýshiler Azamat Satybaldy, Dılıara Álenova, Irına Ten, «Qazaqstannnyń MMA aralas jaýyngerlik jekpe-jek federatsııasy RQB basshysy Anatolıı Kım, grek-rım stılindegi qazaqstandyq balýan, jattyqtyrýshy, Azııanyń eki dúrkin chempıony, álemniń eki dúrkin chempıony, Olımpıada oıyndarynyń chempıony ıÝrıı Melnıchenko, ǵalym-bıotehnolog Dámel Mektepbaeva, bloger Vıtalıı Perov, operator, Valerıı Zadarnovskıı, «Astana Opera» teatrynyń tanymal oryndaýshylary, Ánel Rústemova jáne Taıyr Gataýov, tanymal medıalyq tulǵalar Nurlan Qoıanbaev, Qýandyq Qystyqbaev, Búrkit qatysty.
Telekópir aıasynda aktsııany qoldaý úshin fleshmob uıymdastyrǵan Mańǵystaý, Ońtústik Qazaqstan, Shyǵys Qazaqstan oblystary jáne Almaty qalasy baılanys arqyly qosyldy.
Óńirlerdegi sharalarǵa qazaqstandyq juldyzdar, olımpıada chempıondary, belsendiler Olga Rypakova, Birjan Jaqypov, Mersıeva Dıana, Ádilbek Nııazymbetov, Musaev Islam, «All Davaı» toby, Aıdana Jumaǵulova, Murat Mutyrǵanov, Ermahan Ibraıymov, Mádına Sádýaqasova, Týral Everest, Turar Rahymberlın qatysty. .
Aktsııaǵa #MenElimdiSúıemin, #PochemýıAlıýblıýKazahstan heshtegpen ózderiniń jeke rolıkteri men jazbalaryn qandaı da bir shekteýsiz ornalastyra otyryp, Qaznettiń paıdalanýshylary da qatysa alady.
Telekópirdi Ortalyq kommýnıkatsııalar qyzmeti, «Qazaqstan» RTRK uıymdastyrdy. «24kz» teklearnasy aqparattyq qoldaý kórsetti.
Aktsııa qatysýshylary qazaqstandyqtardy jobaǵa belsene qatysýǵa qatysýǵa shaqyrdy.

Astanada mektep avtobýstary iske qosylady
Qazirgi kezde elordada kólik kesheniniń jumysyn jetildirý boıynsha joba sátti iske asyrylyp jatyr, dep habarlady Astana ákiminiń baspasóz qyzmeti.
Joba aıasynda jyljymaly quramdy kezeń-kezeńmen jańartý josparlanyp, jartylaı oryndaldy. Eski jyljymaly quramdy almastyrý úshin 358 avtobýs satyp alynyp, baǵdarlar boıynsha jiberildi. Joba aıasynda Astanada alty express-marshrýt júre bastady:
- № 100 TJ vokzaly - Áýejaı
- № 101 Aýdanaralyq aýrýhana - Jaǵalaý-3
- № 102 Kóktal-2 - Klınıkalyq-ońaltý kesheni
- № 103 «Sharyn» bazary - Qaraótkel-2
- № 104 Bolashaq k-si - «Saraıshyq» TK
- № 105 «Bal bala» - «Jibek joly»
Sonymen qatar, oqýshylardy qaýipsiz tasymaldaýdy qamtamasyz etetin arnaıy avtobýstar engiziledi, bul elorda joldaryna túsetin júktemeni azaıtady. Búginde oqý oryndarynyń pedagogtar quramymen jáne ata-analar komıtetimen qajetti birlikter sany men baǵdarlar boıynsha kelissózder júrgizilýde.
Budan basqa, jańa qalalyq taksı júıesin iske qosý kózdelgen. Avtokólikter zamanaýı tehnologııalarmen (qolma-qol aqshasyz tólem, eseptik qujattama, mobıldi qosymshalarmen ıntegratsııa) jabdyqtalady, bul jolaýshylarǵa qyzmet kórsetý sapasyn arttyrýǵa múmkindik beredi.
Astanada qoǵamdyq kólik jolaýshylaryna yńǵaıly bolýy úshin qala mańyna qatynaıtyn 12 baǵdar ashyldy, olar Astanany qala syrtyndaǵy 16 eldi mekenmen baılanystyrady:
- № 302 Astana - Taıtóbe
- № 303 Astana - Qosshy
- № 304 Astana - Jibek joly
- № 306 Astana - Talapker
- № 307 Astana - Qoıandy
- № 311 Astana - Vozdvıjenka
2015 jyly «Astra Bus» mobıldi qosymshasy paıdalanýǵa engizildi. Atalǵan baǵdarlama jolaýshylarǵa ońtaıly baǵytty tańdap, mańyzdy qalalyq avtobýstar týraly aqparat alýǵa, onlaın rejımde avtobýstar qozǵalysyn baqylaýǵa múmkindik beredi. 1 qańtar - 20 aqpan aralyǵynda qosymshany 95,5 myń paıdalanýshy mobıldi telefonyna júktegen.
Budan basqa, qoǵamdyq kólik jumysyn baqylaý maqsatynda Kóliktik baqylaý qyzmeti (KBQ) quryldy. Atalǵan uıym qyzmetkerleri qoǵamdyq kólikterdiń jolaýshylar men júk tasymaldaý erejelerin buzý jaǵdaılaryna monıtorıng júrgizedi, avtobýstardyń sanıtarlyq-tehnıkalyq jaǵdaılaryn tekseredi, qalalyq qoǵamdyq kólikte jolaýshylardyń jol júrý aqysyn tóleýine baqylaýdy júzege asyrady. Tıisti jumystardyń nátıjesinde 2015 jyly QBQ ınspektorlary jolaýshylar men júk tasymaldaý erejelerin buzýdyń 200 faktisin tirkegen.
Sonymen qatar, bıyl kólik mamandarynyń biliktilik ortalyǵynda 1641 júrgizýshi men 1108 kondýktor oqytylady.


Bokstan Qazaqstannyń chempıon qyzdary anyqtaldy
Elordada áıelder arasynda bokstan el chempıonaty óz máresine jetti. Jeńimpaz atanǵandar qatarynda taıaýda Astanada ótetin álem chempıonatynda el namysyn qorǵaıtyn jáne Rıo Olımpıadasyna baratyn sportshylar da bar, dep habarlady QR Boks federatsııasynyń baspasóz qyzmetinen.
Bul chempıonattyń kópten kútken jańalyǵy jańa salmaq sanatyna kóshken álem chempıony Nazym Qyzaıbaıdyń baıraqty básekede bas júldege qol jetkizý bolǵany anyq. Nazym 48 keliden Olımpıada oıyndary baǵdarlamasyna engizilgen 51 salmaqqa aýysqan bolatyn. Sol sátten beri onyń bapkerleri sportshynyń jańa salmaq sanatyna beıimdelip ketýine kúdikpen qaraǵan edi. Degenmen, chempıonattyń fınaldyq kezdesýinde elimizdiń taǵy bir myqty boksshysy Jaına Shekerbekovaǵa qarsy shyqqan Nazym óziniń babynda ekendigin dáleldeı aldy. Endigi ýaqytta N.Qyzaıbaı Olımpıadaǵa joldama alý úshin baryn salatyn bolady. Al Rıo joldamasy sarapqa salynatyn kelesi týrnır naýryz aıynda Qytaıda ótedi.
«Lıtsenzııa úshin osy chempıonatta birinshi oryn alǵan qyzdar jarys jolyna shyǵady. Olar Nazym Qyzaıbaıdan bólek Nazym Işanova (60 keli) men Darıǵa Shakımovalar (75 keli). Mamyrda ótetin álem chempıonatyna kimderdiń qatysatyndyǵyn ázirshe aıtpaımyn. Daıyndyǵy joǵary sportshy jarys jolyna shyǵatyn bolady», - dedi áıelder quramasynyń bas jattyqtyrýshysy Vadım Prısıajnıýk.
Sonymen 2016 jyly áıelder bokstan Qazaqstan chempıonatynda jeńiske jetken sportshylar mynalar:

48 keli
I Alına Turlybaeva (Pavlodar oblysy)
II Alýa Balqybekova (Jambyl oblysy)
III Dınara Jamırova (Almaty oblysy)
III Áıgerim Qasenaeva (Astana)
51 keli
I Nazym Qyzaıbaı (Almaty)
II Jaına Shekerbekova (OQO)
III Balaýsa Muzdıman (Almaty oblysy)
III Sevara Tájiqulova (OQO)
54 keli
I Dına Jolaman (Aqmola oblysy)
II Rano Parhatova (Almaty)
III Aıaýlym Boranbaeva (Astana)
III Gúljan Ákimova (Almaty)
57 keli
I Sanııa Sultanqyzy (Astana)
II Oksana Koroleva (Qaraǵandy oblysy)
III Aıagóz Áben (Astana)
III Dámetken Kelimbet (Qyzylorda oblysy)
60 keli
I Nazym Işanova (Atyraý oblysy)
II Rımma Volosenko (Astana)
III Zarına Tsoloeva (Aqmola oblysy)
III Fırýza Sharıpova (Jambyl oblysy)
64 keli
I Madına Nurshaeva (OQO)
II Álııa Ábdiraıymova (Astana)
III Aıda Satybaldınova (Astana)
III Ámına Amanqul (Jambyl oblysy)
69 keli
I Valentına Halzova (Astana)
II Zýra Qusaıynova (Pavlodar oblysy)
III Ekaterına Bratýhına (Qaraǵandy oblysy)
III Lıýbov Hasıeva (OQO)
75 keli
I Darıǵa Shakımova (Almaty)
II Farıza Sholtaı (Jambyl oblysy)
III Anastasııa Rylına (Qostanaı oblysy)
III Anastasııa Zaıkına (OQO)
81 keli
I ıÝldýz Mamatqulova (Jambyl oblysy)
II Móldir Bazarbaeva (Aqmola oblysy)
III Mereke Júnisova (Astana)
III Aqbota Isaǵulova (Qaraǵandy oblysy)
+81 keli
I Lıazzat Kúngeıbaeva (Astana)
II Ýmıda Sadyqova (Almaty oblysy)
III Toǵjan Syzdyqova (Almaty)
III Meńsulý Rysova (Aqtóbe oblysy).

Ulttyq mýzeıde Janǵalı Júzbaıdyń dáris-kontserti ótti
QR Ulttyq mýzeıinde dástúrli kúıshi Janǵalı Júzbaıdyń dáris-kontserti ótti. Bul týraly mýzeıdiń baspasóz qyzmetinen habarlady.
Shertpe kúıdiń sheberi Janǵalı Júzbaı búgingi tańda qazaqtyń ulttyq óneriniń damý barysyn sóz ete kele, qazaq halqynyń ómirinde dombyranyń úlken ról atqaratynyna toqtalyp ótti.
«Qazaq kúıleri el tarıhynyń jylnamasy, shejiresi dep jatamyz. Sondyqtan daKetbuǵa, Súgir sekildi babalarymyzdyń murasyn jańǵyrta berýimiz kerek. «Ulttyq óner damymaı jatyr» degen sózderdi estip qalyp jatamyz. Biraq olaı emes, jetispeı jatqany jarnama ǵana. Dese de ónerdiń joly, onyń ishinde ulttyq ónerdiń joly óte aýyr.Onyń ózindik qıyndyqtary bar. Alaıda qazaqtyń ulttyń bolmys-bitimi, jalpy tabıǵaty osy kúı ónerinde kórinis tapqan, saqtalǵan. Sol sebepti de keshegi ulylardan qalǵan mýzykanyń bir dybysyn da buzbaı oınaý úlken jaýapkershilikti qajet etedi», - dedi J.Júzbaı.
Keshte Janǵalı Júzbaıdyń Abylaıhan Ormanbek, Talǵar Ǵalymjan, Aqjýsan Imanǵazyqyzy sekildi shákirtteri tehnıkalyq turǵydan asa qıyn kúılerdi oryndap, jınalǵan qaýymdy erekshe kúıge bóledi.
Aıta óteıik,«Halyq qazynasy» ǵylymı-zertteý ınstıtýtynyń qazaq halqynyń dástúrli mýzykalyq ónerin jańǵyrtý men nasıhattaýǵa arnalǵan «Dástúrli mýzykalyq mura» atty baǵdarlamasy aıasynda ótken mundaı sharalar aldaǵy ýaqytta da jalǵasyn tabady.

Maıra Muhamedqyzy jeke kontsertin Naýryz merekesine arnaıdy
22 naýryz kúni «Astana Opera» teatrynda Qazaqstannyń eńbek sińirgen ártisi, P. Chaıkovskıı atyndaǵy HI halyqaralyq baıqaýdyń laýreaty, Memlekettik syılyqtyń laýreaty Maıra Muhamedqyzynyń «Shyrqar ánim - Astana kóktemi» atty jeke kontserti ótedi.
Teatrdyń baspasóz qyzmetinen habarlaǵandaı, Naýryzǵa arnalǵan kontsert «Astana Opera» teatrynyń balet ártisteri, sımfonııalyq orkestri men horynyń qatysýymen ótedi.
Kontsertti júrgizýshiler - Dana Nurjigit, Evgenıı Chaınıkov.
Baǵdarlamanyń birinshi bóliminde - Dj. Verdı, J. Massne, G. Donıtsettı, S. Frank, I. Kalman, J. Offenbahtyń klassıkalyq opera jáne operettalarynan arııalar men dýetter oryndalady.
Ekinshi bólimde qazaq halyq ánderi men zamanaýı ánder, sondaı-aq A. Jubanov pen L. Hamıdı, E. Rahmadıev, S. Muhamedjanov, A. Muhıtdınovtyń operalarynan arııalar men dýetter oryndalady.
Dırıjer - Qazaqstannyń eńbek sińirgen qaıratkeri Abzal Muhıtdınov. Bas hormeıster - Qazaqstannyń eńbek sińirgen qaıratkeri Erjan Dáýitov.

Elordada «Qazaqstan - Uly dala eli» fotokórmesi ótip jatyr
Astanada Qazaqstannyń 25 jyldyǵyna arnalǵan «Qazaqstan - Uly dala eli» fotokórmesi ashyldy. Shara Astana qalasynyń mádenıet, muraǵattar jáne qujattama basqarmasynyń uıymdastyrýymen Táýelsizdik saraıynda ótip jatyr. Bul týraly elorda ákimdiginiń resmı saıtynda habarlady.
Fotokórmege Astana men Shyǵys Qazaqstan oblysy fotograftarynyń qyryqqa jýyq eńbegi qoıylǵan. Onda elimizdiń kórikti jerleri beınelengen. Barlyq týyndylar shyǵarmashylyqpen jáne kreatıvtilikpen oryndalǵan.
«Maǵan fotograftardyń jańa tásili unaıdy. Kórmede elimizdi basqa qyrynan tanımyz. Astananyń sýretterine qarap turyp, múldem basqa qalany kóresiń. Elorda múldem basqasha beınelengen», - dedi kórmege kelýshilerdiń biri Ánýar.
Qazaq dalasynyń tabıǵaty men keńdiginen shabyt alǵan qazaqstandyq fotograftar erekshe peızajdardy fotoǵa túsirip, kórermender nazaryna usynyp otyr. Kórmede A. Baısydyqov, G. Kýprııanov jáne S. Aıazbaı syndy fotograftardyń Qazaqstan boıynsha túsirgen erekshe kadrlary qoıylǵan.

Balalar men jasóspirimderdiń «Shattyq-2016» shyǵarmashylyq baıqaýynyń gala-kontserti ótedi
Qazaqstan Respýblıkasy Táýelsizdiginiń 25 jyldyq mereıtoı aıasynda Astana qalasy Bilim basqaramasynyń uıymdastyrýymen aqpan aıynyń 15-29 juldyzy aralyǵynda balalar men jasóspirimder arasynda «Shattyq-2016» 10-shy ashyq shyǵarmashylyq qalalyq baıqaýy ótti. Astana qalasynyń mektep, lıtseı, gımnazııa, tehnıkalyq jáne kásiptik bilim berý mekemeleriniń oqýshylary qatysqan sharanyń qorytyndysy 29 aqpanda Astana qalasyndaǵy Kongress-holl saraıynda gala-kontsertpen shyǵarylyp, júldegerler mereıtoılyq altyn músindermen jáne ózge de syılyqtarmen marapattalady. Bul týraly qalalyq bilim basqarmasynyń baspasóz qyzmetinen habarlandy.
«Shattyq» baıqaýy memleketimizdiń mádenı áleýeti men keń aǵartýshylyq kelesheginiń kómegimen jan-jaqty shyǵarmashylyq tulǵany qalyptastyrý jáne damytý maqsatynda ótkiziledi. Qalalyq baıqaýǵa qatysý jáne jeńimpaz ataný - elordalyq jastar arasyndaǵy úlken tanymaldylyq pen zor abyroıǵa qol jetkizýge múmkindik beredi.«Ótken on jyl ishinde baıqaý kóptegen jas ónerpazdarǵa tanymaldylyqqa jol ashyp, bilim salasynyń shyǵarmashylyq ómiriniń ózindik qoltańbasyna aınaldy. Baıqaý qatysýshylar darynyn ashyp, oryndaýshylyq sheberligin shyńdaıdy. Ony ótkizý tájirıbesi kórsetkendeı, qatysýshylardyń kóbi bolashaq ómirlerin shyǵarmashylyqpen baılanystyrýǵa sheshim qabyldaıdy. Rústem jáne Muhammedálı Júginisovter, Aleksandra Samarına, Álibek Álmadıev, Dılnýr Bırjanova - bul esimder mindetti túrde elorda turǵyndarynyń nazarynda bar. Bul balalar úshin «Shattyq» baıqaýy «bastama alańyna» aınala bildi. Baıqaýdyń jaqsy nátıjesi pedagogtar men kontsertmeısterlerge de óte mańyzdy, sebebi bul óz eńbeginiń jemisin baǵalaýǵa múmkindik beredi», delingen baspasóz baıanynda.Elordanyń daryndy jastary 2 jas ereksheligi: 10-15 jas jáne 16-20 jas aralyǵynda, sonymen qatar 8 janr negizinde 15 atalymmen saıysqa túsken edi. Olar: jeke aspapta oryndaýshy/ ansambldik aspapta oryndaý; klassıka, halyq aspaptary/ hor áni, estradalyq án, vokaldyq ansambl, halyq áni, halyq bıi, qazirgi zaman bıi, poezııa, teatr óneri, fotosýret, beıneleý óneri, erekshe janr jáne kıim úlgisi. Baıqaýdyń mereıtoılyq jylyna baılanysty alǵash ret baǵdarlamaǵa «Erekshe janr» jáne «Kıim dızaıny» qosyldy. Konkýsqa 5000-nan astam úmitker qatysty. 200-den astam qatysýshy kúmis jáne altyn músinderdiń jeńimpazdary atandy.

Astanada «Astana»-«Qaırat» matchyna baılanysty jol qozǵalysy shekteledi
2016 jyly 8 naýryzda «Astana»-«Qaırat» komandasynyń arasynda QR Sýper kýbogy úshin fýtbol matchyn ótkizýge baılanysty elordada kólik qozǵalysy shekteledi, dep habarlady Astana qalalyq ІІD-niń jergilikti polıtsııa qyzmeti.
Kólik qozǵalysy 13.00-den bastap Qabanbaı batyr men Turan dańǵyldary boıynsha Kereı men Jánibek handar kóshesinen Hýseın Ben Talal kóshesine deıin aralyqta shekteledi. Shara aıaqtalǵansha jol jabyq bolady. Atalǵan aýmaqty aınalyp ótý úshin - Orynbor kóshesimen júrý kerek.
Jankúıerlerdi jınaý men jetkizý bes arnaıy baǵdar boınysha tómendegi mekenjaılarda júzege asyrylady.
1) «Qazaqstan» SK mańynda (Qajymuqan kóshesi boıynsha);
2) «Haziret Sultan» meshiti mańynda (Qoshqarbaev dańǵyly boıynsha);
3) «Nur Astana» meshiti mańynda (shyǵys jaq avtoturaqtan);
4) Elordalyq tsırk mańyndaǵy avtoturaq (Qorǵaljyn tas joly boıynsha avtoturaq)
5) Muńaıtpasov stadıony mańyndaǵy avtoturaq (Kenesary kóshesi boıynsha);

«Astana Opera» teatry áıelder merekesine oraı álemdik opera klassıkasynyń shyǵarmalaryn usynady
«Astana Opera» teatry Halyqaralyq áıelder kúni merekesine oraı arýlardyń nazaryna álemdik opera klassıkasynyń eń jarqyn shyǵarmalaryn jáne qazaq, orys, neapolıtan ánderi men romanstaryn usynady. Kameralyq zal sahnasynda 5 naýryzda tanymal «Bel Canto mýzykalyq salony» abonementiniń aıasynda «Be my love» kontserti ótedi.
«Kontsert baǵdarlamasynda - mahabbat sezimine arnalǵan eń úzdik shyǵarmalar: M. Ponseniń «Estrelıta» (Meksıka serenadasy), N. Brodskııdiń «Be My Love», P. Chaıkovskııdiń «Ertee kóktemde bolǵan edi...», G. Svırıdovtyń «Kýpıdon qudaı», N. Tilendıevtiń «Ájeme», «Aq sunqar» jáne taǵy basqa án men romanstar bar. E. Elgardyń skrıpka men fortepıanoǵa arnalǵan «Salut d'Amour» («Mahabbat sálemi») atty shyǵarmasy oryndalady. Ony nekelesý kúni aǵylshyn romantık-kompozıtory óziniń súıiktisi, jazýshy Kerolaın Ellıs Robertske syılaǵan», dep habarlaıdy teatrdyń baspasóz qyzmeti.
«Qazaq ónerinde bizdiń halqymyzǵa tán áıel zatyna degen qurmet kórsetý erekshe. Mysaly, «Gaýhar tas» halyq áninde berilgen mahabbat seziminiń páktigi, ulylyǵy men sulýlyǵy talaı býyn tyńdaýshylarynyń júregin tebirentedi» deıdi mýzykatanýshy Marjan Jákenova. Bul mýzykalyq shyǵarmany daryndy jas tenor Narul Toıkenov oryndaıdy.
Vokal janrynyń sheberleri - Qazaqstannyń eńbek sińirgen ártisi Ǵalııa Baıǵazınova, Qazaqstannyń eńbek sińirgen qaıratkeri Bıbigúl Januzaq, Roza Núrkeı, Elena Nızamýtdınova, Elena Ganja, Ásem Sembına, Mádına Islamova, Tatıana Vıtsınskaıa, Beıimbet Tańaryqov, Narul Toıkenov, Almat Izbambetov, Eskendir Ábjanov, Qazbek Dasmuhambetov, Ómirjan Qadyrov, Bolat Esimhanov jáne Maııa Beknazardyń (skrıpka) qatysýymen qoıylatyn kontsert súıikti jandarǵa tamasha syılyq bolyp tabylady.
Fortepıano partııasynda - halyqaralyq baıqaýlardyń laýreattary Raýshan Beskempirova, Gaýhar Tasbergenova, Irına Kýrgýzkına, Aleksandra Egorova.

Memlekettik tildi damytý qory Astanadaǵy mektep kitaphanasyna 300-ge jýyq kitap syılady
Alǵys aıtý kúni qarsańynda Memlekettik tildi damytý qory Astana qalasynyń №48 mektep-lıtseıinde aktsııa ótkizip, mektep kitaphanasyna 300-ge jýyq qazaq tilindegi ádebı shyǵarmalar men sózdikterdi tartý etti.
Qor baspasóziniń habarlaýynsha, sharanyń maqsaty - óskeleń urpaqtyń memlekettik tildi úırenýge, tarıh pen mádenıetti bilýge degen qyzyǵýshylyǵyn arttyrý, olardy qazaqstandyq otansúıgishtikke tárbıeleý, qazaq ádebı tilin úırenýge baýlý jáne balalardyń shyǵarmashylyq qabiletin arttyrý.
Sondaı-aq, mektep oqýshylary qordyń qyzmeti jáne jobalarymen tanysty. Olar: qazaq tilin onlaın rejıminde úıretetin Soyle.kz portaly, onyń Soyle mobıldik qosymshasy, balalarǵa arnalǵan Bala.soyle.kz saıty, Abaialemi.kz onlaın-entsıklopedııasy, Tattialma.kz atty qazaq tilindegi balalar ádebıeti saıty, «Meniń Qazaqstanym» mobıldi qosymshasy, UBT-ǵa daıyndalýǵa bolatyn qazaq jáne orys tilderindegi «Kim bilgish» mobıldi oıyny.

Astana turǵyndary 4 naýryzdan bastap ózderin saılaýshylar tiziminen teksere alady
Astana turǵyndary 4 naýryzdan bastap saılaýshylar tiziminen ózin izdep taba alady. Qalalyq saılaý komıssııasynyń málimetinshe, tizimge tıisti saılaý ýchaskeleri aýmaǵynda turatyn jeri boıynsha tirkelgen Qazaqstan azamattary engizildgen, dep habarlaıdy qalanyń resmı saıty.
Elordalyqtar tizimmen óz saılaý ýchaskesinde tanysýyna bolady, sondaı-aq, málimetterdiń durystyǵyn tekserip, qate berilgen málimetterge, dálsizdikterge, ózderi týraly málimetterdiń bolmaýyna baılanysty shaǵym bere alady.
Tizimge qosý, odan alyp tastaý nemese túzetý týraly ótinishti ýchaskelik saılaý komıssııasy ótinish berilgen kúni qaraıdy. Oń sheshim qabyldanǵan jaǵdaıda, saılaý komıssııasy saılaýshyny birden tizimge qosady nemese málimetterdi túzetedi. Al ótinish qabyldanbaǵan jaǵdaıda, onyń sebebi kórsetilgen sheshimniń kóshirmesi usynylady, ol boıynsha sotqa shaǵymdanýǵa bolady.
Astana turǵyndary qaladan tys jerge shyqqan jaǵdaıda, ýchaskelik saılaý komıssııasynan daýys berý quqyǵy boıynsha esepten shyǵarý kýáligin alady. Bul úshin 4-19 naýryz aralyǵynda ótinish jazyp, jeke kýálikti usyný kerek.
Aıta keteıik, ýchaskelik saılaý komıssııalary kún saıyn saǵat 09.00-20.00 aralyǵynda úzilissiz jumys isteıdi. Olardyń ornalasqan jerleri men baılanys telefondaryn myna siltemedegi tizimde kórsetilgen.

Elordada «Mýzeı kitaphanasyna kitap syıy» aktsııasy ótedi
QR Ulttyq mýzeıinde 1 naýryzda Alǵys aıtý kúnine oraı «Mýzeı kitaphanasyna kitap syıy» aktsııasy ótedi, dep habarlaıdy mýzeıdiń aqparattyq-ımıdjdik qyzmeti.
Aktsııa Ulttyq mýzeıdiń Ǵylymı kitaphanasyna turaqty qoldaný úshin tarıh, arheologııa, etnografııa, mádenıettaný, qalpyna keltirý, mýzeıtaný jáne basqa baǵyttar boıynsha kitaptar, maqalalar jınaǵy, konferentsııa materıaldary, monografııalardy tabystaýǵa shaqyrady.
Aktsııaǵa qatysýshy ár bir eriktiniń belsendiligi mýzeıdiń aǵartýshylyq, ǵylymı-zertteý, bilim berý qyzmetine qosqan úlesi bolyp sanalady. Osy ýaqytqa deıin tapsyrylǵan barlyq eńbekter mýzeıdiń Ǵylymı kitaphanasynda saqtalady.
Aıta keteıik, QR Prezıdenti N.Á.Nazarbaevtyń 2016 jylǵy 14 qańtarynda bekitken №173 Jarlyǵyna sáıkes 1 naýryz - Alǵys aıtý kúni bolyp jarııalandy. Elimizde alǵash ret toılanǵaly otyrǵan atalmysh mereke ulttar tatýlyǵyn bekemdep, turaqtylyqty nyǵaıtýǵa negizdelgen.

1 naýryzda elordada «Bir shańyraq astynda» atty Qazaqstan halqy festıvali ótedi
QR Ulttyq mýzeıinde naýryzdyń 1-inde Alǵys aıtý kúni merekesine oraı «Bir shańyraq astynda» atty Qazaqstan halqy festıvali ótedi, dep habarlaıdy mýzeıdiń aqparattyq-ımıdjdik qyzmeti.
Іs-shara barysynda etno-mádenı dástúrde jasalǵan balalar shyǵarmashylyǵy ortalyqtary men mektep oqýshylarynyń qolóner jumystarynyń jármeńkesi uıymdastyrylady.
Sonymen qatar, atalǵan festıval aıasynda Astana qalasynyń orta jáne mýzykalyq mektepteriniń oqýshylary merekelik kontsert usynady.
Aıta keteıik, QR Prezıdenti N.Á.Nazarbaevtyń 2016 jylǵy 14 qańtarynda bekitken №173 Jarlyǵyna sáıkes 1 naýryz - Alǵys aıtý kúni bolyp jarııalandy. Elimizde alǵash ret toılanǵaly otyrǵan bul mereke ulttar tatýlyǵyn bekemdep, el birligin saqtaý maqsatynda júzege asyrylǵan.

Astana ákimdigi qalanyń azyq-túlik beldeýinde klasterlik kooperatıvter qurýdy usynyp otyr
Elordada azyq-túlik tapshylyǵy tirkelmegenimen, qala bazarlarynda áleýmetke eń kerekti 33 taǵam túriniń barlyǵy satylyp jatqan joq. Bul týraly búgin Astana ákimdiginde azyq-túlik beldeýindegi aýyl sharýashylyǵy taýarlaryn óndirýshilerdiń konferentsııasynda Astana qalasy aýyl sharýashylyǵy basqarmasynyń jetekshisi Áset Qurmanǵalıev málim etti.
«Jalpy, Astanada azyq-túlik tapshylyǵy tirkelgen joq. Tek, qala bazarlarynda áleýmetke asa qajetti 33 taǵam túriniń barlyǵy satylmaıdy. Azyq-túlik beldeýi avtonomdy bola almaı otyr jáne ekonomıkalyq táýelsizdigi qamtylmaǵan. ıAǵnı, elordanyń bazary maýsymdyq, aýa raıynyń jáne ózge de faktorlardyń qubylýyna táýeldi. Baǵa balansyn da baqylaý múmkin emes. Búginde elordanyń azyq-túlik beldeýi qala suranysynyń tek 35 paıyzyn qamtyp otyr»,-deıdi basqarma jetekshisi.
Alaıda, Á.Qurmanǵalıevtiń aıtýynsha, nan, un ónimderi qala bazarlarynda 200 paıyz, et pen et ónimderi 100 paıyz, sút jáne sút ónimderi 100 paıyz, jumyrtqa 200 paıyz, kartop 106 paıyzǵa tolyp tur. «Biraq, bul kórsetkishter azyq-túlik baǵasyn qalyptastyrýda ekonomıka men marketıngtiń zańyna saı, bir baǵany qalyptastyrýǵa áser ete almaıdy. Dúken sóreleri ózge óńirlerden, tipti, ózge elderden kelgen tamaqqa tolyp tur»,-deıdi Á.Qurmanǵalıev.
Osyǵan baılanysty qala ákimdigi azyq-túlik beldeýiniń radıýsyn 60-100 shaqyrymǵa deıin qysqartyp, óndiristi, saqtaý men satýdy bir júıege biriktirý arqyly klasterlik kooperatıvter qurýdy usynyp otyr.
Aýyl sharýashylyǵy basqarmasynyń basshysy myna bir derekti de jasyrmady: ózge óńirlerdiń ónim ákelý úshin keminde jarty kún, tipti, birneshe kún ýaqyt ketedi, sondyqtan, kez kelgen azyq-túliktiń, mysaly, kókónis pen jemis-jıdektiń jaramdyq merzimi ótip te ketedi. ıAǵnı, halyq buzylǵan azyq-túlikti tutynady. «Azyq-túlik qaýipsizdiginiń shartyna saı, kez kelgen óńirdiń ózi shyǵaratyn ónim 80 paıyzdy, syrttan tasymaldanatyn ónim 20 paıyzdy quraýy kerek. Al, bizde azyq-túliktiń 60 paıyzǵa jýyǵy elordanyń azyq-túlik beldeýinen tys aýmaqtan tasymaldanady»,-dep málimdedi Á.Qurmanǵalıev.

Astanada negizgi azyq-túlikter baǵasynyń qunyna qosylatyn baǵa azaıady
Astana dúkenderinde negizgi azyq-túlik baǵasynyń bastapqy qunyna qosylatyn baǵa azaıady. ıAǵnı, taýar óndirýshilerge óz ónimin deldaldarsyz satýǵa múmkindik beriledi. Bul týraly búgin Astana ákimdiginde ótken azyq-túlik beldeýindegi aýyl sharýashylyǵy taýarlaryn óndirýshilerdiń konferentsııasynda Aýyl sharýashylyǵy vıtse-mınıstri Ermek Kósherbaev málim etti.
«Azyq-túlik baǵasyna toqtalar bolsaq, sheshimin tappaǵan birqatar júıeli máseleler bar. Mysaly, tutynýshy men óndirýshi arasyndaǵy deldaldardyń máselesi. Mysaly, óndirýshiden shyqqan on jumyrtqanyń baǵasy 180 teńge bolsa, dúkende ol 300 teńgege satylady, ıaǵnı, 76 paıyz qymbat. Astanada 50 shaqyrym jerlerden ákelip satylatyn sıyr etiniń baǵasy 700 teńge bolsa, bazarda ol 1200 teńgege satylady»,-deıdi vıtse-mınıstr.
E.Kósherbaevtyń aıtýynsha, saýdagerler arasyndaǵy básekelestik joqtyń qasy, salyq júıesinde de saýdagerdi yntalandyratyn tetikter az, kókónis saqtaıtyn qoımalar da tapshy, otandyq fermerler úshin memlekettik satyp alý naryǵyna joq. Munyń barlyǵy óndirýshiniń baǵasyna óte kóp qosymsha baǵa qosýǵa sebep bolyp otyr.
«Mınıstrlik bul máseleni qala aınalasyndaǵy óndiristi kontsentratsııalaý arqyly, Qazaqstannyń taýar óndirýshileri úshin naryqqa shyǵatyn kedergilerdi azaıtý arqyly sheshpek», - dep túıindedi sózin vıtse-mınıstr.

Astanada «Aq jol» turǵyn keshenin salýshy qamaýǵa alyndy
Apta saıyn elordalyq ákimdikte turǵyn úı qurylysyna úleskerlik qatysý máseleleri boıynsha vedomstvoaralyq komıssııanyń otyrystary bolyp ótedi, onda árbir problemalyq nysan boıynsha sheshý algorıtmi shyǵarylǵan, dep habarlaıdy Astana ákiminiń baspasóz qyzmetinen.
Osylaısha, otyrysta Astana qalalyq Іshki ister departamenti birqatar kásiporyndar - «ASÝA-2006», «RSR jáne K», «AdvancedTechnologyltd» JShS-niń basshysy, 1966 jyly dúnıege kelgen Manashov Erbol Bilisbekulyn ustaǵany belgili boldy. Bul adam aldaý jolymen ınvestorlardan Astana qalasyndaǵy І.Esenberlın (Aqjaıyq kóshesi, №15/2 úıdiń aýdany) kóshesinde ornalasqan «Aq jol» turǵyn kesheniniń qurylysyna aqsha jınap, senip tapsyrylǵan asa iri kólemdegi aqshalaı qarajatty jumsaǵan. Atalǵan turǵyn kesheni problemalyq bolyp tabylady, qazirgi ýaqytta onyń qurylysy toqtap qalǵan.
Budan basqa, E.B. Manashov qosalqy merdiger bolyp tabylatyn «SultanB» JShS-niń aldynda qaryzy joq ekeni týraly jalǵan anyqtama jasap, aldaý jolymen jábirlenýshilerge turǵyn bólmelerin qaıta satqan, sol arqyly 45 696 000 teńge kóleminde shyǵyn keltirdi. Saryarqa aýdanynyń №2 soty E.Manashovqa qatysty qamaýǵa alý túrindegi bultartpaý sharasyn taǵaıyndady.
Astana qalalyq ІІD qurylys salýshy E.Manashovtyń áreketterinen zardap shekken adamdardy, sondaı-aq atalǵan is úshin mańyzdy qandaı da bir aqparaty bar azamattardy 71-62-28, 71-60-10, 8-702-438-67-67 telefon nómirlerine habarlasýdy suraıdy.
Budan basqa, «Tólendi» TQK-niń tóraǵasy, «Stolıchnyı-2» (Abaı kóshesi men Saryarqa dańǵylynyń qıylysy), «Anısa» (Qorǵaljyn tas joly) jáne «Kóktal-2» (Tilendıev kóshesi men Ulytaý kóshesiniń qıylysy) kóppáterli turǵyn keshenderiniń salýshysy bolyp tabylatyn jáne 2013 jyldan bastap 2015 jylǵa deıin páterlerdi eki ret satyp, sol arqyly birinshi satyp alýshylardyń quqyqtaryn buzǵan 1991 jylǵy Baıjumanov Aıdyn Saıatulyna qatysty qylmystyq is tergelý ústinde.
Sot aldyndaǵy tergeý amaldarynyń barysynda joǵaryda atalǵan turǵyn keshenderine quqyq belgileýshi qujattar, jarnalar týraly kelisimder jáne «Tólendi» TQK-niń móri alyndy, sot saraptamalary taǵaıyndaldy, tergeý amaldary júrgizilip jatyr.
Osyǵan baılanysty azamattardyń qurylys salýshysy «Tólendi» TQK bolyp tabylatyn turǵyn keshenderinen páterlerdi satyp alýdan tartyný suralyp otyr. «№1 Satý ortalyǵy» JShS-ǵa, Astana qalasynda jyljymaıtyn múlik boıynsha basqa agenttikter men rıeltorlarǵa qylmystyq is boıynsha sońǵy protsessýaldyq sheshim shyǵarylǵansha «Tólendi» TQK-niń páterlerin satý boıynsha konsaltıngtik qyzmetterdi kórsetýden tartynýǵa keńes berilgen.
Astana qalalyq ІІD «Tólendi» TQK salýshysynyń áreketterinen zardap shekken, sondaı-aq atalǵan is úshin mańyzdy qandaı da bir aqparaty bar azamattardy 71-62-13, 71-60-10, 8-702-438-67-67 telefon nómirlerine habarlasýdy suraıdy.

Astanada fýtbol matchy ótetin ýaqytta kólik qozǵalysy shekteledi
8 naýryzda "Astana Arena" stadıonynda elimizdiń qazirgi chempıony «Astana» komandasy men almatylyq «Qaırat» FK QR sýperkýbogyn sarapqa salatyn bolady. Match ótetin ýaqytta qalada kólik qozǵalysy shekteledi, dep habarlady Astana ákiminiń baspasóz qyzmeti.
Oıyn elordalyq stadıonda saǵat 15:00-te bastalady. Saǵat 13:00-te Qabanbaı batyr jáne Turan dańǵyldary boıynda Kereı men Jánibek handar kóshesinen Hýseın ben Talal kóshesine deıingi bóliginde kólik qozǵalysy toqtatylady. Joldar match sońyna deıin jabyq bolady. Sondyqtan áýejaıǵa baratyn astanalyqtarǵa jáne jaqyn mańdaǵy eldi mekenderdiń turǵyndaryna polıtseıler aınalyp ótý joldaryn aldyn ala josparlaýdy usynady. Eń yńǵaıly jol - Orynbor kóshesi arqyly júrý.
Dástúr boıynsha fýtbol áýesqoılary úshin arnaıy transfer uıymdastyrylady. Avtobýstar jankúıerlerdi bes jerden alyp ketedi: «Qazaqstan» sport saraıynyń janyndaǵy turaq, Q. Muńaıtpasov atyndaǵy stadıonnyń, «Áziret Sultan» jáne «Nur Astana» meshitteriniń janyndaǵy turaqtar, sondaı-aq, elordalyq tsırk janyndaǵy turaq.
Astana qalasy ІІD jergilikti polıtsııa qyzmeti jankúıerlerden bul kúni qoǵamdyq kólikti paıdalanýǵa shaqyrady.

Astana men Býrabaı aralyǵyndaǵy aqyly jolda «mobıldi kassırler» paıda boldy
Kesheden bastap Astana-Şýchınsk aqyly avtojolynda tólem qabyldaý beketterindegi barlyq operatorlar mobıldi kassalyq apparattarmen jabdyqtalyp, júrgizýshilerden qolma-qol tólem qabyldaı bastady.
«Tólem qabyldanǵannan keıin kólik toqtamastan ótýi úshin arnaıy jolaqqa baǵyttalady. Ol úshin paıdalanýshy operatorǵa óz kóliginiń memlekettik nómirin aıtyp, beketten bir ret nemese birneshe márte ótýge qajetti tólemdi jasaıdy», dep habarlady «QazAvtoJol» kompanııasynan.
Mamandardyń sózine qaraǵanda, jańa ádis qalaǵa baǵyt alǵan kólikter tólem qabyldaý beketterinde kóptep jınalǵan kezde avtokólikter sanyn azaıtýǵa múmkindik beredi.
Esterińizge sala keteıik, ótken jyldan beri aqyly jolda «Kassa 24» jáne«QIWI» tólem termınaldary arqyly aldyn ala tólem júıesi iske qosylǵan bolatyn. Endi beketterde kezekte turmas úshin sapar aldynda júrgizýshiler kóliktiń memlekettik nómiri boıynsha atalǵan termınaldar men «Mobıldi kassır» qyzmeti kómegimen aldyn ala balansty toltyra alady.

Búgingi merekege oraı Qazaqstan boıynsha 800-den astam is-shara uıymdastyryldy
Búgin Alǵys aıtý kúnine oraı Qazaqstan boıynsha 800-den astam is-shara uıymdastyryldy. Bul týraly búgin Ortalyq kommýnıkatsııalar qyzmetindegi baspasóz máslıhatynda Qazaqstan halqy Assambleıasy Hatshylyǵynyń sektor meńgerýshisi Názıpa Shanaı málim etti.
«Búgin - keremet kún. Sebebi, alǵys aıtý tarıhynyń ózi keremet. 1 naýryzda alǵash atalyp ótip jatqan bul mereke aıasynda Qazaqstan boıynsha 800-den astam shara qamtylǵan. Ózderińiz bilesizder, búgin Astanada Elbasynyń qatysýymen Alǵys aıtý kúnine arnalǵan is-shara ótti. Búgingi sharanyń mańyzdylyǵyna toqtalsaq, jalpy meırimdilik pen qaıyrymdylyqqa arnalǵan bul merekeniń tárbıelik máni óte zor», - dep toqtaldy N. Shanaı.
Osy oraıda ol ótken ǵasyrdyń náýbetti jyldarynda Qazaqstan jerine kelgen ulttar men ulystarǵa kómek qolyn sozǵan qazaq halqyna sheksiz alǵysyn aıtyp jatqandyǵyn atap ótti.
«Búginde sol ult pen ulystar Qazaqstanda óz ornyn taýyp, ortaq Otany úshin eńbegin aıamaı qyzmet etýde. Elimizdiń damýyna, bolashaǵyna barshamyz birlese jumylyp qyzmet atqarýdamyz», - dedi N. Shanaı.
Búgin - Qazaqstanda Alǵys aıtý kúni. Qazaqstan Respýblıkasynyń Prezıdenti Nursultan Nazarbaevtyń 2016 jylǵy 14 qańtardaǵy Jarlyǵymen Qazaqstanda Alǵys aıtý kúni bekitildi. 1995 jyldyń 1 naýryzynda elimizde Qazaqstan halqy Assambleıasy quryldy jáne 2015 jyly Assambleıanyń jıyrma jyldyǵyn merekeleý aıasynda Memleket basshysy bul kúndi halyqtardyń bir-birine jáne qazaqtarǵa kóptegen halyqtar elge kúshtep qonystandyrylǵan kezde tózimdilik pen qonaqjaılylyq tanytqany úshin alǵys bildire alatyn kún dep jarııalaýdy usyndy.
Elimizde 130-dan astam ult pen ulys ókilderi bir úıdiń balasyndaı ǵumyr keshýde.

«Astananyń» velosportshysy Andrea Gýardını «Langkavı týrynyń» kezeńinde jeńiske jetti
«Astana» komandasynyń múshesi ıtalııalyq Andrea Gýardını «Langkavı týry» velokópkúndiginiń jetinshi kezeńiniń jeńimpazy atandy, dep habarlady Sports.kz.
Ekinshi jáne úshinshi orynǵa sáıkesinshe otandastary ıAkýb Marejko («Southeast-Venezuela») jáne Andrea Palını («SkyDive Dubai») ıe boldy. Bas irikteý synynda alǵashqy úshtik ózgerissiz qaldy: kósh basynda ońtústik afrıkalyq Reınardt Rensbýrg («Dimension Data»), odan keıin kolýmbııalyqtar Danıel Alehander Haramılo Dıez («UnitedHealthCare Professional») jáne Mıgel Anhel Lopes («Astana»).
«Langkavı týry». Jetinshi kezeń. Seremban - Parit Sulong, 202,3 km 1. Andrea Gýardını (Italııa, «Astana») - 4:47:12 2. ıAkýb Marejko (Italııa, «Southeast-Venezuela») 3. Andrea Palını (Italııa, «SkyDive Dubai») 25. Mıgel Anhel Lopes (Kolýmbııa, «Astana») 40. Loýrens de Vrız (Belgııa, «Astana») 58. Dıas Ómirzaqov (Qazaqstan, «Astana») 92. Arman Qamyshev (Qazaqstan, «Astana») - +0:25 Jetinshi kezeńnen keıingi jalpy esep: 1. Reınardt Rensbýrg (OAR, «Dimension Data») - 25:48.29 2. Danıel Alehander Haramılo Dıez (Kolýmbııa, «UnitedHealthCare Professional») - +0:11 3. Mıgel Anhel Lopes Moreno (Kolýmbııa, «Astana») - +0:12 28. Loýrens de Vrız (Belgııa, «Astana») - +2:02 100. Andrea Gýardını (Italııa, «Astana») - +28:30 103. Arman Qamyshev (Qazaqstan, «Astana») - +29:43 122. Dıas Ómirzaqov (Qazaqstan, «Astana») - +52:32.

Jańa standarttardy engizý Qazaqstan naryǵyn sapasyz ónimderden qorǵaıdy - A.Lýkın
Búgin elorda ákimdiginde Tehnıkalyq retteý máseleleri jónindegi óńirlik shtabtyń kezekti otyrysy ótti.
Jıyn barysynda negizinen 2020 jylǵa deıin tehnıkalyq retteý jáne metrologııa júıesin jetildirýdiń keshendi josparyn júzege asyrý máselesi jan-jaqty talqyǵa tústi. Otyrysqa qatysqan Astana qalasy ákiminiń orynbasary Andreı Lýkın óz sózinde jańa standarttardy engizý Qazaqstannyń naryǵyn sapasyz ónimderden qorǵaıtyndyǵyn basa aıtty. «Sońǵy nátıjede bul otandyq naryqty sapasyz ári qaýipti ónimnen qorǵaýǵa, álemdik standartqa saı ónimderdi shyǵarý úshin qajetti jaǵdaı jasaýǵa, sonymen birge ishki naryqty erkin qamtýǵa múmkindik beretin bolady. Bul Indýstrııalandyrý kartasy men «EKSPO-2017» halyqaralyq mamandandyrylǵan kórmesin tabysty ótkizýge óz septigin tıgizedi», - dedi ol.Otyrysqa QR IDM Tehnıkalyq retteý jáne metrologııa komıtetiniń tóraǵasy Ǵ.Doǵalov, «Qazaqstandyq standarttaý jáne sertıfıkattaý ınstıtýty» RMK, «Qazaqstandyq metrologııa ınstıtýty» RMK basshylary, Astana qalalyq kásipkerler palatasynyń ókilderi qatysty.

Ár etnostan shyqqan Astana sýretshileri «Alǵys aıtý» kúnine oraı Qazaqstanǵa arnaǵan týyndylaryn kórmege qoıdy (FOTO)
Búgin elordada túrli etnostardan shyqqan Astana sýretshileri «Alǵys aıtý» kúnine oraı Qazaqstanǵa arnaǵan týyndylaryn ekspress-kórmege qoıdy.
«Alǵys aıtý» kúnine jáne QR Táýelsizdiginiń 25 jyldyǵyna oraı ótkizilgen kórme «Astana» Ulttyq sýret galereıasynda ashyldy. Sonymen qatar osynda «Birlik túbi - bereke» atty Astana qalasynyń sýretshileri jáne stýdentterdiń qatysýymen dóńgelek ústel ótti.
«Búgingi birlik týynyń astynda ótip jatqan osynaý merekeniń maǵynasy óte joǵary. Sebebi bizdiń Elbasymyzdyń bastamasymen kóterilgen meıramdy bizdiń elimizde ómir súrip jatqan 130-dan astam halyq pen ult ókilderi atap ótýde. Bul shara Naýryz merekesiniń aldynda ótip jatqan, jalpy kóktem merekesiniń jańa úrdisi sekildi. Elbasynyń osyndaı merekeni elge alyp kelýiniń astarynda - halyq birin-biri dos kórsin, bir-birin árqashan da syılap júrsin degen maǵyna jatyr. Sebebi birin-biri syılaǵan, birin-biri shyn nıetpen jaqsy kórgen halyq qana ósip-órkendeıdi», - deıdi sýretshi Januzaq Músápir.
Týyndylardyń taqyryby ár túrli, qoldanǵan janrlarda san alýan: portretter, natıýrmort, músinder. Sýret óneriniń klassıkadan bastap, qazirgi zamanǵa deıingi tehnıkalary qoldanylǵan. Munda belgili bir kontseptsııa joq, ár sýretshi ózin erkin taqyrypta kórsetýge tyrysqan.
«Bul kórme sonysymen de qyzyqty, sebebi olardyń týyndylary túrli halyqtardyń mádenıetinen sýsyndaıdy», - deıdi «Astana» galereıasynyń bólim basshysy Elena Chernova.
Aıta keteıik, bıyl 1 naýryzda Qazaqstan halqy alǵash ret «Alǵys aıtý» kúnin merekeleýde.

Astanada kanadalyq hokkeı keshi ótedi
Qazaqstan Respýblıkasyndaǵy Kanada Elshiligi QR shaıbaly hokkeı federatsııasynyń qoldaýymen "Barys Arena" muz aıdyny saraıynda kanadalyq hokkeı keshin ótkizedi.
Jankúıerler jáne kórermender oıyndy tegin tamashalaı alady.
Onda "Kanada-Qazaqstan" kýbogi úshin eki eldiń quramalary kúsh synasady. Bul match 2012 jyldan uıymdastyrylyp, ıgi dástúrge aınaldy. Ol ekijaqty qarym-qatynasty nyǵaıtýǵa septesedi. Kanada komandasyn Qazaqstandaǵy Kanadanyń Tótenshe jáne Ókiletti Elshisi Shon Perrı Staıl basqarady. Jarys barysynda qaıyrymdylyq lotereıasy oınatylady. Basty syılyq NAFA aýktsıonynyń (markasynyń) kanadalyq qarakúzen tony (quny 5500 AQSh dollary) bolmaq.
Ekinshi syılyq - Bauer sporttyq kompanııasynyń hokkeıshiniń kıim-keshegi, úshinshi - kanadalyq stıldegi hokkeı kúrtesi. Lotereıadan jınalǵan qarajat Qazaqstandaǵy áýesqoı hokkeıdiń damýyna jumsalady.
Shara 2016 jyly 7 naýryzda saǵat 18.00-de ótedi.

EKSPO-2017 kórmesinde ıtalııalyqtar elektr qýatynyń damý tarıhyna arnalǵan ekspozıtsııany usynbaq
Búgin Astana qalasy ákiminiń orynbasary Qosman Aıtmuhametov ıtalııalyq Komo qalasy delegatsııasynyń ókilderimen kezdesti. Taraptar energetıka, qalalyq ınfraqurylym salasyndaǵy ekijaqty yntymaqtastyq máselelerin, sondaı-aq, elordany EKSPO-2017 halyqaralyq kórmesine daıyndaý máselesin talqylady, dep habarlady qalalyq ákimdiktiń baspasóz qyzmeti.
Kezdesý barysynda Qosman Aıtmuhametov eki eldiń áleýmettik-ekonomıkalyq ózara is-qımyly nátıjeli ekendigin atap ótti.
- Qazaqstan men Italııa tyǵyz dostyq qarym-qatynas ornatty. Bizdiń memleketterimizde saýda-ekonomıkalyq, mádenı-gýmanıtarlyq qatynas salalarynda ózara yqpaldastyq etý úshin barlyq jaǵdaılar jasalǵan, memleketaralyq baılanystardyń ártúrli deńgeılerinde baılanys belsendi damytylyp jatyr, - dedi Q. Aıtmuhametov.
Qazaqstandyq-ıtalıandyq ónerkásiptik jáne ekonomıkalyq yntymaqtastyq pen almasý jónindegi Úkimetaralyq jumys toby saýda-ekonomıkalyq salada ekijaqty qarym-qatynasty damytýdyń mańyzdy quraly bolyp tabylady. Italııa - eýropalyq elder arasynda Qazaqstannyń saýda salasyndaǵy basty seriktesi.
Italıandyq delegatsııalar elordada birneshe ret boldy. Ótken jyly Elorda kúni aıasynda Astanaǵa Mılan meri Djýlıano Pızapıa resmı saparmen kelgen bolatyn. Al astanalyq delegatsııanyń Mılanǵa sapary barysynda eki qalanyń arasyndaǵy ózara túsinistik týraly memorandýmǵa jáne Qalalyq azyq-túliktik saıasat boıynsha mılandyq tujyrymdamaǵa qol qoıyldy. 2015 jylǵy 30 qarasha men 2 jeltoqsan aralyǵynda Astanaǵa Italııanyń eń damyǵan óńirleriniń biri Frıýlı-Venetsııa-Djýlııa delegatsııasy keldi. Óńirdiń ókilderimen týrızm salasyndaǵy yntymaqtastyqtyń perspektıvalary talqylandy.
Sheteldik qonaqtar elordany halyqaralyq kórmege daıyndaýǵa erekshe qyzyǵýshylyq tanytty, atalǵan shara «bolashaq energııasynyń» ózekti máselelerin talqylaýdyń aýqymdy dıalog alańyna aınalmaq.
Bul taqyryp Komo ókilderine óte jaqyn, óıtkeni bul qala belgili ǵalym-fızık, elektr iliminiń negizin qalaýshylardyń biri, alǵashqy bolyp turaqty tok kózin ashqan Alessandro Voltanyń týǵan jeri. Elektr kerneýiniń ólshem birligi onyń qurmetine atalǵan. Komo qalasynyń kórikti jerleriniń biri - Volta shirkeýi, onda uly fızık ashqan jańalyqtarǵa arnalǵan mýzeı ornalasqan. Sheteldik qonaqtar ıtalıandyq pavılon aıasynda elektr qýatynyń damý tarıhyna arnalǵan ekspozıtsııany usynýǵa daıyn ekendikterin jetkizdi.
Qala basshysynyń orynbasary Q. Aıtmuhametov bul bastamany qoldap, EKSPO-2017 kórmesiniń «Bolashaq energııasy» taqyryby jahandyq ekendigin jáne álemniń úzdik energııa únemdeý tehnologııalaryn, qazirgi balamaly energııa kózderin paıdalaný tehnologııalary men jańa jobalardy tartýǵa múmkindik beretinin atap ótti. Sonymen qatar, kezdesý aıasynda qalalyq ınfraqurylymdy jaqsartý jónindegi máseleler talqylandy.

Astanada kóliktik baqylaý bóliminiń bas mamany ustaldy
Astana qalasy boıynsha sybaılas jemqorlyqqa qarsy kúres boıynsha ulttyq departamenti qalalyq kóliktik baqylaý ınspektsııasynyń avtomobıl kóligindegi baqylaý bóliminiń bas mamany B.Muhambetqalıevti ustady.
Departamenttiń baspasóz qyzmetiniń habarlaýynsha, B.Muhambetqalıev bopsalaý arqyly jeke tulǵadan 5 júk kólikti Qyzyljar kólik beketinen kedergisiz ótkizip berý úshin jarty mıllıon teńge kólemindegi somany alǵany anyqtaldy.
Ustalýshy óz kinásin tolyq moıyndady.
Qazir sot aldyndaǵy tergeý amaldary júrgizilýde.

Elordada japon sýretshileriniń kórmesi ótedi
QR Ulttyq mýzeıinde 3 naýryzda japon sýretshileriniń «Bes sýretshi - bes qubylys: dástúrler men jańashyldyq» kórmesi ashylady.
Kórmede Mııata Reheı, Mıtamýra Arısýma, Saıto Norıhıko, Mızogýchı Bokýdo, Kavachı Kýnpeı sekildi sýretshilerdiń japon ultynyń bolmys-bitiminen habar beretin shyǵarmashylyq jumystary kópshilik nazaryna usynylady.
Atap aıtsaq, nıhong sýretteri, japon kallıgrafııasy, týshpen salynǵan sýretter, shaǵyn músinder men laktalǵan týyndylar, bas-aıaǵy 37 jumys qamtylǵan. Osy týyndylar arqyly japon mádenıetinde erekshe oryn alatyn jer, sý, ot, aǵash jáne metaldyń qupııa mánderi tanystyrylady.
Kórmege Qazaqstandaǵy Japonııa elshiligi demeýshilik jasap otyr. Nátıjesinde Ulttyq mýzeı men Japonııanyń kórkem óner mekemeleri arasyndaǵy rýhanı tájirıbe sabaqtastyǵy qalyptasady dep kútilýde.
Aıta keteıik, atalǵan kórme naýryz aıy boıy jumys isteıdi.

T.Qulybaev sheteldik ınvestorlardy balabaqsha salýǵa emes, ǵylymı qamtymdy jobalardy júzege asyrýǵa shaqyrýdy usyndy
Sheteldik ınvestorlar kapıtalyn ǵylymı qamtymdy jobalardy júzege asyrýǵa shaqyrǵan durys. Bul týraly búgin Astana qalasy kásipkerleriniń 3-shi konferentsııasynda «Atameken» Ulttyq kásipkerler palatasy tóralqasynyń tóraǵasy Tımýr Qulybaev aıtty.
«Men memlekettik-jeke áriptestik boıynsha kásiporyndardyń tizimin qarap shyqtym, onda avtobeketter, turaqtar, balalardyń mektepke deıingi mekemeleri bar. Maǵan balalardyń mektepke deıingi mekemesin salýǵa 4 sheteldik, qytaılyq usynystyń bolýy qyzyqty kórindi. Qurmetti áriptester, qytaılyq ınvestorlarymyzdyyń kapıtalyn ǵylymı qamtymdy jobalarǵa shaqyraıyq ta», - dedi ol jıynǵa qatysýshylarǵa qarata.
Onyń atap ótýinshe, Astana qalalyq isker áıelder keńesi jumys isteıdi. Olardy «Damý» qory arqyly qarjy bólip, mektepke deıingi mekemeler salýǵa tartýǵa bolady. ıAǵnı, balabaqshalar salý isi elordanyń isker áıelderiniń de qolynan keledi.
«Men ınvestorlardy ekonomıkanyń barynsha sezimtal sektorlaryna shaqyrýdy usynamyn. Al mundaı ister (mektepke deıingi mekemelerdi salý) ózimizdiń de qolymyzdan keledi dep oılaımyn», - dedi T.Qulybaev.

Astananyń sol jaǵalaýynan kásipkerlerge qyzmet kórsetý ortalyǵyn ashý kerek - Ǵ.Tasmaǵanbetov
Astananyń sol jaǵalaýynan kásipkerlerge qyzmet kórsetý ortalyǵyn ashý kerek. Mundaı usynysty búgin elorda kásipkerleriniń 3-shi konferentsııasynda Astana qalalyq kásipkerler palatasynyń dırektory Ǵanı Tasmaǵanbetov jasady.
«Ádilbek Ryskeldiuly, eger siz qoldaý bildirseńiz sol jaǵalaýdan tolyqqandy Kásipkerlerge qyzmet kórsetý ortalyǵyn ashsaq dep edik», - dedi ol qala ákimi Á.Jaqsybekovke qarata.
Onyń atap ótýinshe, búginde kóptegen memlekettik organdardyń jekelegen qoldaý kórsetý ortalyqtary jumys istep tur.
«Investıtsııalar jónindegi basqarmanyń Investorlarǵa qyzmet kórsetý ortalyǵy, sáýlet salasynyń da qyzmet kórsetý ortalyǵy bar. Bankterdiń ortalyqtary qalanyń túrli bólikterinde ornalasqan. bizde bir orynnan kásipkerlerge barlyq qyzmetterdi alýǵa múmkindik jasasaq. Eger qoldaý kórsetseńiz, birge otyryp talqylaýǵa daıynbyz. Menińshe, bul kásipkerler úshin yńǵaıly bolar edi», - dedi Ǵ.Tasmaǵanbetov.

Astana ákimdiginiń kóshe saýdasyna 1000 oryn bólý boıynsha jobasy óńirlerge de usynylady
Astana qalasy kásipkerleriniń ІІІ jyl saıynǵy konferentsııasynda bıznes ókilderi kóshe saýdasy obektilerine 1000 oryn bólý týraly elorda ákimdiginiń bastamasyn joǵary baǵalady, dep habarlady qala ákiminiń baspasóz qyzmeti.
«Respýblıka boıynsha jer qatynastary, qurylysqa ruqsat berý boıynsha máseleler kóp. Bul máseleler Astanada oń sheshimin tabýda. Tipti, elordanyń tájirıbesin barsha respýblıka boıynsha qoldanamyz demekpin, ásirese, 1000 saýda ornyn bólý jobasyn», - dedi «Atameken» QR UKP Tóralqasynyń tóraǵasy Tımýr Qulybaev.
Onyń aıtýynsha, atalǵan joba qalaǵa da, kásipkerge de qajet. Bir jaǵynan bul kóshe ınfraqurylymyn jaqsartýǵa, sondaı-aq, 7 jyldyń ishinde salynǵan ınvestıtsııany qaıtarýǵa múmkindik beredi. «1000 orynǵa 1800 ótinish kelip túsken», dedi «Atameken» QR UKP tóraǵasy.
Qala basshysy Ádilbek Jaqsybekov qyzmettiń bul túrlerine arnalǵan jer ýchaskeleri kásipkerlerge teń konkýrstyq negizde jalǵa beriletinin atap ótti.

Astana men Bavarııa iskerlik yntymaqtastyqty odan ári jalǵastyrýǵa nıetti
Astana qalasynyń ákimdigi ǵımaratynda elorda basshysynyń orynbasary Andreı Lýkın jáne Bavarııa (Germanııa) Ekonomıka, kommýnıkatsııa, energetıka jáne tehnologııa mınıstrliginiń memlekettik hatshysy Frants Iozef Pshırer birlesken jumys baǵyttaryn talqylady, dep habarlady qala ákiminiń baspasóz qyzmeti.
«Qalanyń ekonomıkalyq kórsetkishterin sıpattaıtyn negizgi ındıkatorlar men kórsetkishter boıynsha Astana kóshbasshylar qatarynda. Astana iskerlik jáne gýmanıtarlyq yntymaqtastyqty damytý úshin jaqsy múmkindikterge ıe. Jas elordamyz kez kelgen usynystarǵa daıyn jáne baǵyttardyń keń spektri boıynsha yntymaqtastyq ornatýǵa daıyn», - dedi A. Lýkın kezdesý barysynda.
Bavarlyqtar qurylys, densaýlyq saqtaý, energııa tıimdiligi, ıntellektýaldy tehnologııalardy engizý, elektrondy úkimet qyzmeti, jeńil ónerkásip jáne týrızm salalaryna qyzyǵýshylyq tanytty.
«Biz nemis bıznes-qaýymdastyǵyna Astananyń zor áleýeti men ınvestıtsııalyq tartymdylyǵyn taǵy da bir túsindirýge tyrysamyz. Bavarııa Qazaqstanǵa eksporttaýǵa múddeli, sondaı-aq Germanııa Qazaqstandy Eýrazııalyq Ekonomıkalyq Odaq keńistigine esik retinde qarastyrady», - dedi Frants Iozef Pshırer.
Qazaqstandyq tarap Mıýnhende jáne Nıýrnbergte ótetin Bauma, IFAT jáne Free sııaqty Dúnıejúzilik kórmelerge shaqyryldy.
Taraptar ózara yqpaldastyqtyń eń basymdy baǵyttarynyń biri «EKSPO-2017» halyqaralyq mamandandyrylǵan kórmesine daıyndaýda yntymaqtastyq ornatý jáne týrızmdi damytý ekendigin atap ótti.

Elordada Búkilálemdik azamattyq qorǵanys kúnine arnalǵan sharalar ótti
Astanada Búkilálemdik azamattyq qorǵanys kúnine oraı ashyq esik kúni uıymdastyryldy. Qalalyq Ortalyq óńirlik aeromobıldi jedel qutqarý otrıadynyń qyzmetkerleri «Almaty», «Saryarqa», «Esil» aýdandary TJ bólimderimen birge № 19, 59, 60, 66, 73 mektep oqýshylary úshin ashyq esik kúnin ótkizdi.
Qutqarýshylar balalardy Azamattyq qorǵaýdyń Halyqaralyq mekemesiniń tarıhymen tanystyryp, Qazaqstandaǵy TJ qyzmetteriniń qurylýy jaıynda aıtty, dep habarlaıdy elorda ákimdiginiń baspasóz qyzmetinen.
Sonymen qatar, ekskýrsııa sheńberinde oqýshylarǵa qutqarý tehnıkasy men qurylǵylary kórsetilip, olardy qoldaný aıasy jaıynda túsinik berildi. Balalar súńgýirshiniń sýǵa súńgýin, jedel kólikterge minip kórip, kınalogtardyń ıtterimen tanysty. Ekskýrsııa balalar úshin óte qyzyqty ótti. Olar qyzyqtyrǵan suraqtaryn qoıyp otyrdy. Іs-shara aıaqtalǵan soń, qonaqtar qutqarýshylarǵa qyzyqty is-shara úshin alǵystaryn bildirip, merekelerimen quttyqtady.
Jyl saıyn 1 naýryzda Búkilálemdik azamattyq qorǵanys kúni atalyp ótedi. Ataýly data 1992 jyly Halyqaralyq azamattyq qorǵanys uıymynyń sheshimimen belgilendi. Azamattyq qorǵanysty uıymdastyrý men júrgizý kez kelgen memlekettiń basty fýnktsııalarynyń biri deýge bolady. Azamattyq qorǵanys memlekettiń qaýipsizdigin qalyptastyrýǵa eleýli úlesin qosady.
Astananyń LRT jobasyna qytaı kompanııalarynyń konsortsıýmy tartylady
«Astana qalasynyń jańa kólik júıesi. LRT (áýejaıdan jańa temirjol vokzalyna deıingi ýchaske)» jobasyna qytaı kompanııalarynyń konsortsıýmy tartylady. Qazaqstan Respýblıkasy Úkimetiniń osyndaı qaýlysyna Qazaqstan Respýblıkasynyń Premer-Mınıstri Kárim Másimov qol qoıdy.
«QazAqparat» HAA qujattyń tolyq mátinin usynady.
«Astana qalasynyń jańa kólik júıesi. LRT (áýejaıdan jańa temirjol vokzalyna deıingi ýchaske)» jobasynyń keıbir máseleleri týraly Qazaqstan Respýblıkasy Úkimetiniń 2016 jylǵy 19 aqpandaǵy № 93 qaýlysy
«Memlekettik satyp alý týraly» 2015 jylǵy 4 jeltoqsandaǵy Qazaqstan Respýblıkasy Zańynyń 39-baby 3-tarmaǵynyń 34) tarmaqshasyna, Qazaqstan Respýblıkasy Prezıdentiniń 2015 jylǵy 12 qarashadaǵy № 4640 tapsyrmasyna sáıkes Qazaqstan Respýblıkasynyń Úkimeti QAÝLY ETEDІ:1. «China Railway Asia-Europe Construction Investment Co., Ltd», «Beijing State-Owned Assets Management Co., Ltd», «China Railway No.2 Engineering Group Co., Ltd» qytaı kompanııalarynyń quramyndaǵy konsortsıým odan «Astana LRT» jaýapkershiligi shekteýli seriktestigi «Astana qalasynyń jańa kólik júıesi. LRT (áýejaıdan jańa temirjol vokzalyna deıingi ýchaske)» jobasyn iske asyrý sheńberinde taýarlardy, jumystar men kórsetiletin qyzmetterdi satyp alatyn ónim berýshi bolyp aıqyndalsyn.2. Osy qaýlynyń oryndalýyn baqylaý Astana qalasy ákiminiń orynbasary N.R.Álıevke júktelsin.3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.Másimov
Qazaqstanda energotıimdilik salasynda xalyqty xabarlandyrýdy arttyrý baǵdarlamasy iske qosylmaq
Qazaqstanda xalyqty jaryqtandyrý tıimdiligi salasyndaǵy xabardarlyǵyn arttyrý jónindegi dıskonttyq baǵdarlamasy iske qosylady.
Búgin Astanada ótken baspasóz máslıxatynda atalǵan jobany BUU Baǵdarlamasy jáne QR Investıtsııalar jáne damý mınıstrligi tanystyrdy. Baǵdarlama Ǵalamdyq Ekologııalyq qordyń qarjylyq qoldaýymen Halyqtyń jaryqtandyrý tıimdiligi salasyndaǵy xabardarlyǵyn arttyrý maqsatynda ótkizilýde.
Baǵdarlama Qazaqstannyń Almaty, Astana, Qaraǵandy, Aqtóbe qalalarynda ótkiziledi. Onyń negizinde tórt qalanyń turǵyndary quramynda energotıimdi, quramynda synaby joq jaryq-dıodty shamdardy edáýir jeńildikpen Chocolife kýpondary arqyly satyp ala alady. Joba áleýmettik mańyzǵa ıe jáne naýryzdyń 15-nen bastaý alyp, mamyr aıyna deıin jalǵasady.
«Qazirgi shamdardyń eń qaýipsizi - jaryq-dıodty shamdar. Ókinishke oraı, mundaı shamdar uzaq merzimge shydaıtynyn paıdalaný, qoldaý kórsetý, ony alýdyń paıdasy týraly da kóbisi bile bermeıdi. Bizdiń maqsatymyz - adamdarǵa atalǵan shamdardyń ózge shamdardan ekonomıkalyq turǵyda áldeqaıda únemdi jáne qaýipsiz ekendigin jetkizý. Endi osyndaı dıskonttyq baǵdarlamanyń arqasynda jaryq tıimdi shamdar adamdarǵa qoljetimdirek bolady», - dedi BUU DB turaqty ókiliniń orynbasary Mýntxýı Altangerel.
Aıta ketý kerek, BUU Damý baǵdarlamasy 10 jyl boıy Qazaqstandaǵy energoúnemdi texnologııalardy damytýǵa baǵyttalǵan jobalardy júzege asyryp kele jatyr.

Elordada 5 myńnan astam nysan zańdastyryldy
Astana qalasynda 5 385 nysan zańdastyryldy, dep habarlaıdy qalanyń resmı saıty.
Astana qalasy memlekettik kirister departamentiniń málimetinshe, qazirgi kezde elordada jalpy quny 21,2 mlrd teńgeniń 5 385 nysany, sondaı-aq, jalpy somasy 122,2 mlrd teńgeniń qarjysy zańdastyryldy.
Jalpy alǵanda, jergilikti atqarýshy organdar janyndaǵy komıssııalarǵa elmizdiń aýmaǵynda ornalasqan múlikti zańdastyrý boıynsha jalpy quny 76,2 mlrd teńgeniń 5 775 ótinishi kelip túsken.
Astana qalasynyń memlekettik kirister departamentine alym tólemesten ekinshi deńgeıli bankte ashylǵan aǵymdyq shotqa aqsha salý arqyly aqsha qarajatyn zańdastyrý boıynsha jalpy somasy 122,2 mlrd teńgeniń 45 arnaıy deklaratsııasy usynylǵan.
Elordalyq qarjy qyzmetkerleri azamattardy múlikti, aqsha qarajatyn zańdastyrýǵa belsendi qatysýǵa shaqyrady. Aqshany jáne baǵaly qaǵazdardy zańdastyrý úshin Astana qalasynyń memlekettik kirister organdaryna, al rásimdelmegen jyljymaıtyn múlikti zańdastyrǵanda ákimdikter janyndaǵy komıssııalarǵa júginý kerek. Qujattar bir aıdyń ishinde óńdeledi jáne sheshim shyǵarylady. Sodan keıin tizilimge engiziledi jáne múlikti tirkeý júrgiziledi.

Astanada eńbek jármeńkesinde 2 myńǵa jýyq jumys orny usynyldy
Búgin Astana qalasynyń Jumyspen qamtý ortalyǵynda turǵyndarǵa arnalǵan bos oryndar jármeńkesi ótti. Shara barysynda 25-ke tarta jumys berýshi eki myńǵa jýyq jumys ornyn usyndy, dep habarlaıdy elorda ákimdiginiń resmı saıty.
Bul bıyl birinshi márte ótkizilip otyrǵan bos jumys oryndar jármeńkesi. Onda «Tselıngıdromash» ÓK, «2Day Telecom» JShS, «PIK «ıÝtarııa LTD» JShS, «Monolıt» JShS, «SMEÝ Astana» JShS, «Rixos President Astana» qonaq úıi, «Tsesnabank» AQ, «Alma TV» JShS, «Astana-Zelenstroı» AQ, «Astana-Teplotranzıt» AQ, «Uniserv» JShS, QR ІІM Astana qalasynyń «Mamandandyrylǵan kúzet qyzmeti basqarmasy» jáne t.b. uıymdar bos jumys oryndaryn usyndy.
«Bıyl on ret bos oryndar jármeńkesin ótkizý kózdelgen. Tıisti sharalardyń nátıjesi bar. Bul jumys berýshiler úshin de, jumys izdeýshiler úshin de yńǵaıly. Bir saǵattyń ishinde 20 jumys berýshimen áńgimelesýge bolady, bir kúnniń ishinde jumys berýshiler júzdegen túıindeme jınaıdy. Biz jaı jumys berýshi men jumys izdeýshini kezdestiretin alań usynamyz», - dedi Astana qalasy Jumyspen qamtý ortalyǵynyń dırektory Oljas Omar.
Búgin elordalyq jumys berýshiler bilim, densaýlyq saqtaý, qurylys, qyzmet kórsetý salalary boıynsha bos jumys oryndaryn usyndy, sondaı-aq tehnıkalyq mamandardy da jumysqa shaqyrdy.
Eske salaıyq, ótken jyly elordalyq Jumyspen qamtý ortalyǵy 13 bos oryndar jármeńkesin uıymdastyrǵan, sonyń nátıjesinde 6 myńǵa jýyq qala turǵyny jumysqa ornalasty.

Elordadaǵy QR Ulttyq mýzeıinde «Meniń anam» balalar kórkemsýret kórmesi ashylady
QR Ulttyq mýzeıinde 4 naýryz kúni saǵat 11:00-de Halyqaralyq áıelder kúni merekesine oraı «Meniń anam» balalar kórkemsýret kórmesi ashylady, dep habarlaıdy mýzeıdiń aqparattyq-ımıdjdik qyzmeti.
Mýzeıdiń pedagogıka jáne balalar shyǵarmashylyǵy bóliminiń estetıkalyq tárbıe berý sektory uıymdastyryp jatqan sharanyń basty maqsaty balalardyń shyǵarmashylyq jumys nátıjelerin kórsetý jáne jasóspirimderdiń estetıkalyq tárbıesin qalyptastyrý.
«Sheber» stýdııasynyń «Keskindeme jáne grafıka» úıirmesi 2015 jyldyń maýsymynda jumys isteı bastady. Úıirmede QR sýretshiler Odaǵynyń múshesi Muhtar Baıbosynov dáris beredi.
Aıta keteıik, jarty jyl ishinde balalardyń jumystary Rotarı qaıyrymdylyq qory uıymdastyrǵan «Astana Art Festival» baıqaýynyń arnaıy sertıfıkattaryn jeńip aldy.


Astanada 8 naýryzǵa arnalǵan merekelik kontsertter ótedi
«Astana Opera» teatrynyń Úlken zalynda «Mahabbat áni» atty Halyqaralyq áıelder kúnine arnalǵan merekelik kontsert ótedi.
Teatrdyń opera solısteri, hory men orkestri álemdik opera klassıkasynan eń jarqyn da qushtarlyqqa toly lırıkalyq ári júrekten túrli oı salar arııalardy, sonymen qatar qazaq, orys, neapolıtandyq ánder men romanstardy oryndaıdy. Kontsertke balet ártisteri de qatysady, dep habarlady qala ákiminiń baspasóz qyzmeti.
Súıkimdi jandarǵa mahabbat sezimi: J. Bızeniń «Karmen» operasynan Eskamılo shýmaqtary, S. Gastoldonıdiń «Tyıym salynǵan áýeni», J. Massneniń «Sevılıanasy», M. Tólebaevtiń «Birjan - Sara» operasynan Birjan men Saranyń jáne L. Delıbtiń «Lakme» operasynan Lakme men Malıkanyń dýetteri, sonymen qatar F. Legardyń «Kúlki álemi» operettasynan Sý-Chongtyń arııasy, S. Smırnovtyń «Besik jyry», Estaıdyń «Qusnı Qorlan», M. Erjanovtyń «Qýanamyn» ánderi arqyly bildiriledi.
V.A. Motsarttyń «Sıqyrly fleıta» operasynan Papageno men Papagenanyń ázilqoı dýeti, Dj. Verdıdiń «Rıgoletto» operasynan Gertsogtyń áıgili áni, kóktem ánderine jáne neapolıtandyq - «Tarantella», «Marıtanna», «Skajıte devýshkı», «Gordaıa prelest osankı», «Vlıýblennyı soldat» ánderine jasalynǵan popýrrıler kórermenderdiń kóńil-kúıin ábden kóteredi.
Kesh baǵdarlamasyn balet ártisteri de óz sheberligimen áserlendire túsedi. Olardyń oryndaýyndaǵy «Baıaderka» baletinen Úndi bıi, Dj. Vılıamstyń «Joǵalǵan jumaǵy» sııaqty nómirler kórermenderdi shattyqqa bóleıdi.
6 naýryzda «Astana Opera» teatrynda A. Jubanov pen L. Hamıdıdiń «Abaı» operasy, «Jastar» saraıynda Máskeý operetta teatrynyń oryndaýyndaǵy «Bryzgı shampanskogo» mıýzıkli kópshilik nazaryna usynylady, al M. Gorkıı atyndaǵy Memlekettik akademııalyq orys drama teatry «Qar patshaıymy» ertegisin kórsetedi.
7 naýryzda merekelik is-sharalar aıasynda «Jastar» saraıynda JasArt balalar estrada teatrynyń tanystyrylymy ótedi.
Halyqaralyq áıelder kúni Kongress-hollda «Kóktem shaqyrady» atty kontsert ótedi. Bul kúni M. Gorkıı atyndaǵy Memlekettik akademııalyq orys drama teatrynda «Smeshannye chývstva» melodramasyn jáne Qýyrshaq teatrynda «Sý perisi» ertegisin tamashalaýǵa bolady.

Astanada japon sýretshileriniń kórmesinde «Kúnshyǵys» eliniń sırek óneri usynyldy
Qazirgi zamannyń eń úzdik japon sýretshileri ózderiniń týyndylaryn qazaqstandyq jurtshylyqtyń nazaryna usyndy. Astanadaǵy «Bes sýretshi - bes element: dástúr jáne ınnovatsııa» atty kórme QR Ulttyq mýzeıinde naýryzdyń sońyna deıin jalǵasady.
Kórmege ákelingen 35 týyndy japondardyń dástúrli «nıhonga» atty keskindeme ónerindegi, sonymen qatar «ýrýshı» sııa keskindemesi men shaǵyn nysandar músini ónerindegi qazirgi zamanǵy sýretshilerdiń jańasha maqamyn kórýge bolady.
«Japonııanyń eń úzdik bes sýretshisi osyndaı kórmeni alǵash ret uıymdastyryp otyr. Túrli tehnıkalarǵa qaramastan, beseýiniń de óneri óz elderiniń tereń tarıhymen astarlasyp jatyr», - deıdi «sýmı-e» sııasymen salynǵan sýretterdiń avtory, Azııa óneri qaýymdastyǵynyń prezıdenti Mızogýchı Bokýdo.
Ekspozıtsııada Mızogýchı Bokýdonyń týyndylarymen qatar, ýrýshı ónerin atadan balaǵa qaldyryp kele jatqan dástúrli sýret óneriniń shyraqshylary áýletiniń urpaǵy Mıtamýra Arısýmanyń, músinshi, Tokıonyń óner ýnıversıtetiniń rektory Mııata Reheıdiń, Mádenıet ýnıversıtetiniń professory Daıto Kavachı Kýnpeı men nıhonga sýret óneriniń ókili Saıto Norıhıkonyń kartınalary men músinderi usynylyp otyr.
Qazaqstandaǵy Japonııa elshisi Kamohara Masaesıdiń atap ótkenindeı, barlyq shyǵarmalarda japondyqtardyń kórkemsýret ónerin názik túısiný qabileti baıqalady.
Ýrýshı tehnıkasynyń keremet týyndylary osynda. Japondyq sheberlerden bólek, bul ónerdi álemde saýsaqpen sanarlyq adam meńgergen. Eýropada shamamen 10 adam, Reseıde - 3-5 adam sala alady», - deıdi Qazaq Ulttyq Óner ýnıversıteti kórkemsýret fakýltetiniń dekany Ardaq Júsipova.
Ýrýshı termıni - aǵash degen sózden shyqqan. Ýrýshı aǵashynyń sóli («lak» oryssha) qarý-jaraq, dýlyǵa, ydys-aıaq, sandyqshalar men sháı saltanatyna qajetti keselerdi árleý óndirisinde qoldanylǵan.
Elordada aýyl sharýashylyǵy jármeńkeleri ótip jatyr
29 aqpannan bastap kún saıyn elordadaǵy «Dýman» oıyn-saýyq ortalyǵynyń aldyndaǵy avtoturaqta aýyl sharýashylyǵy ónimderiniń jármeńkesi ótkizilip jatyr. Shara QR Táýelsizdiginiń 25 jyldyǵyna oraı «Aýyldyń órkendeýi - Qazaqstannyń órkendeýi» aktsııasy aıasynda uıymdastyrylýda, dep habarlady qala ákiminiń baspasóz qyzmeti.
Jármeńkede Astana qalasynyń jáne Aqmola oblysynyń jaqyn aýdandary taýar óndirýshileri men jetkizýshileri óz ónimderin usynady. Negizgi azyq-túlik ónimderiniń túr-túri, atap aıtqanda kartop, pııaz jáne kókónisterdiń basqa túrleri, sonymen qatar qyshqyl sút ónimderi, kondıterlik jáne makaron ónimderi satylady.
Jármeńkede usynylǵan taýarlardyń baǵasy qalalyq bazarlardaǵy bólshek saýda baǵalarynan 10-15 paıyzǵa tómen. Bir keli kartop 60 teńge, pııaz - 50-60 teńge, qyzanaq - 750-850 teńge jáne t.b. satylýda.
Aıta keteıik, aýyl sharýashylyq jármeńkesi 6 naýryzǵa deıin ótedi. Ótkizilý ýaqyty tańǵy 9:00-den keshki 18:00-ge deıin.
Astanada «Kóktem-2016» respýblıkalyq komandalyq-shtabtyq oqý-jattyǵýlary ótti
Búgin kóktemgi sý tasqynyna daıyndyq sheńberinde Astana qalasy TJ departamenti respýblıkalyq komandalyq-shtabtyq oqý-jattyǵýlaryn ótkizdi.
Oqý-jattyǵýlar Astana qalasynyń Jeleznodorojnyı kentinde ótti. Atalmysh oqý-jattyǵýlardyń Ortalyq respýblıkalyq shtaby Aqmola oblysynda ornalasqan.
Praktıkalyq jattyǵýlar «Jaǵalaý» shaǵyn aýdanynda №81 mektep-gımnazııasy aýmaǵynda uıymdastyryldy. Shara barysynda TJ departamentinde aýdan ákimderiniń ókilderimen, Astana qalasy TJ jáne AQ qyzmetteriniń basshylarymen uıymdastyrýshylyq tapsyrmalar, daıyndyq josparyn talqylaý boıynsha keńester ótkizildi, dep habarlaıdy elorda ákimdiginiń resmı saıty.
Oqý-jattyǵýlardy ótkizý barysynda jedel áreket etetin avarııalyq-qutqarý jasaqtarynyń, Astana qalasy AQ qyzmetteriniń, TJD, ІІD bólimsheleriniń, QR Ulttyq gvardııasynyń 5573 áskerı bóliminiń daıyndyǵy qaraldy.
«Kóktem-2016» respýblıkalyq komandalyq-shtabtyq oqý-jattyǵýlary naqty sý tasqyny bolǵan qala qyzmetterimen jedel is-áreketti naqyshtaý jáne opat bolý men zardap shyǵyndaryn boldyrmaý maqsatynda ótkiziledi. Bıyl sharaǵa jeke quramnan 114 adam men 34 tehnıka birligi jumyldyrylyp otyr. Qalamyzdyń qyzmetteri kez kelgen ýaqytta dereý áreket etýge qashanda daıar bolýlary tıis», - dedi Astana qalasy TJ departamentiniń bastyǵy, azamattyq qorǵaý polkovnıgi Barat Duzaqbaev.
Avarııalyq-qutqarý jasaqtary qumǵa toly qaptardan qorǵanys úıindilerin jasaýdy kórsetti; qar tazalaý jáne shyǵarý, sý tasqyny oryn alǵan jerlerden sýdy soryp alý jumystaryn júrgizdi. Sondaı-aq zardap shekkenderge jylytý men tamaqtandyrý pýnkterin uıymdastyrý, tótenshe jaǵdaı ornynan adamdardy qaýipsiz jerge kóshirý, isten shyqqan elektr jelilerin qalpyna keltirý, adamdardy muz qursaǵynan qutqarý jumystaryn oryndady.

Astanada jumys isteıtin baıqaýshylardyń basym bóligi daıarlyqtan ótti
Astana qalasy boıynsha saılaýdy baıqaýǵa járdemdesý óńirlik ortalyǵy «Baıqaýshylardyń quqyqtary men mindetteri. QR Parlamenti Májilisi men máslıhat depýtattarynyń saılaýyndaǵy baıqaýshylar qyzmetindegi ádister jáne tásilder» taqyrybynda semınar-trenıng uıymdastyrdy.
«Bizdiń negizgi mindetimiz qajetti túsindirý jumystaryn júrgizýge negizdelgen. Búginde 100-den astam adam oqytý kýrstarynan ótti. Atap aıtqanda, tyńǵylyq daıarlyqtan ótkizýge bilikti mamandardy shaqyrylýda. Astana qalasy boıynsha 178 saılaý ýchaskesi bar, osy oraıda saılaý kúninde árbir ýchaskege bir baıqaýshydan shaqyrýdy kózdep otyrmyz. ıAǵnı, bul turǵyda ár ýchaske baıqaýshymen qamtylady»,-dedi atalǵan óńirlik ortalyqtyń jetekshisi Jumaǵalı Arystan.
Onyń sózine qaraǵanda, búgingi semınar barysynda 40-tan astam adam kelip, tıisti daıyndyqtan ótedi.
Semınarǵa qatysýshylarǵa dáristi L.N.Gýmılev atyndaǵy Eýrazııa ulttyq ýnıversıtetiniń oqytýshysy, Saıası ǵylymdarynyń kandıdaty M. Onýchko, sondaı-aq Saılaýdy baqylaý jónindegi respýblıkalyq qoǵamdyq komıssııasynyń músheleri oqydy.
Spıkerler semınar-trenıngke qatysýshylardyń nazaryn saılaýdyń ashyq ári zańnama normalaryna sáıkes ótkizilýi baǵytynda qoǵamdyq baıqaý ınstıtýtynyń mańyzdy rólin atap ótti. Shara barysynda baıqaýshylardyń ókilettigi, quqyqtary men mindetteri egjeı-tegjeıli talqylandy.

Astanada arýlar merekesi kúni ulttyq naqyshta daıyndalǵan balet óneri kórsetiledi
8 naýryzda «Astana Opera» teatrynyń Úlken zalynda Halyqaralyq áıelder kúnine arnalǵan «Ǵashyqtyq sezimin bildirý» atty romantıkalyq merekelik kontserti ótedi, dep habarlaıdy teatrdyń baspasóz qyzmeti.
Sımfonııalyq orkestrdiń sheber mýzykanttary, erekshe hor quramy, balalar stýdııasynyń jas ártisteri, opera jáne balet óneriniń úzdik sheberleri elordanyń sahnasynan arýlarǵa degen yqylasty sazben jetkizedi.
Kórermenderdi ataqty tenor, Qazaqstannyń eńbek sińirgen qaıratkeri, Tatarstannyń eńbek sińirgen ártisi Nurlan Bekmuhambetov, sonymen qatar teatrymyzdyń opera juldyzdary: Armenııanyń halyq ártisi Barseg Týmanıan, Qazaqstannyń eńbek sińirgen qaıratkerleri: Talǵat Musabaev, Janat Shybyqbaev, Jámılá Jarqymbaeva, halyqaralyq baıqaýlardyń laýreattary: Saltanat Muratbekova, Beıimbet Tańaryqov, Bolat Esimhanov, Narul Toıkenov, Galına Cheplakova, Roza Nurkeı, Ásem Sembına, Elena Ganja, Qazbek Dosmuhambetov, Mádına Islamova sııaqty ártisterimiz ónerlerimen tańqaldyrady.
Tyńdaýshylardyń nazaryna opera klassıkasynyń kórnekti shyǵarmalary: L.Delıbtiń «Lakme» operasynan Lakme men Malıkanyń názik «Tsvetochnyı» dýeti, J. Bızeniń «Karmen» operasynan qyzý qandy toreador Eskamılonyń shýmaqtary, P. Chaıkovskııdiń «Iolanta» operasynan Robertonyń arııasy, R. Shtraýstyń «Serenada», S.Gastoldonıdiń «Tyıym salynǵan áýen», Estaıdyń «Qusnı-Qorlan», kópshilik súıip tyńdaıtyn halyq ánderi - «Aqbaqaı», «Vdol po Pıterskoı» jáne basqalary.
Opera nómirleriniń kezegine ulttyq naqyshta daıyndalǵan balet óneri keledi: ulttyq naqyshtaǵy bıler, zamanaýı horeografııalyq nómirler, klassıkalyq balet jaýharlarynan sahnalyq kórinister qoıylady.
Teatrdyń rejısseri Natalıa Kagadıı osy saltanatty keshte klassıkalyq óner tabynýshylaryn shyǵarmashylyq ujymnyń taǵyda qandaı ónerlerimen qýantatynyn aıtyp ótti.
«Merekelik keshte biz tolǵanarlyq tosyn syılarmen birge mýzykalyq tusaýkeserler daıyndap otyrmyz, kóptegen shyǵarmalar jańasha túrde oryndalatynyn bolady. Sonymen qatar kórermenderdi operetta mýzykasy da kútýde. Jalpy, biz klassıkalyq akademııalyq kontsert úlgisinen sál alshaqtaımyz - bul jan-dúnıe, kóńil-kúıdi baýrap alatyn, óte ádemi kórinis, mýzykalyq feerııa bolmaq», - dep atap ótti Natalıa Kagadıı.

Astanada aldaǵy mereke kúnderi qaıyrymdylyq sharalary ótedi
Aldaǵy mereke kúnderi elordalyqtar qaıyrymdylyq sharalaryna qatysyp, muqtaj jandarǵa qol ushyn sozady, dep habarlaıdy Astananyń resmı saıty.
6-8 naýryzda Astana Mall saýda, oıyn-saýyq ortalyǵynda «Áıelderge gúlder, balalarǵa balmuzdaq» kórme-jármeńkesi ótedi. Shara kún saıyn saǵat 10:00-da bastalyp, 21:00-ge deıin jalǵasady. Jármeńkede jınalǵan qarjy DTsP-men aýyratyn jáne turmysy tómen otbasylardan shyqqan balalarǵa qaıyrymdylyq kómekke jumsalady.
Qala turǵyndary otbasylarymen demalyp, qıyr jáne taıaý shetelden kelgen sarapshylardyń sheberlik-dáristerine qatysady, qyzyqty taýarlar men búkil otbasyǵa arnalǵan kıimder satyp ala alady, sondaı-aq, balalarǵa arnalǵan ıntellektýaldyq oıyndar uıymdastyrylady. Kórme-jármeńkede 67 kompanııa toǵyz sala boıynsha óz ónimin usynady.
Sonymen qatar, Halyqaralyq áıelder kúni qarsańynda 5-8 naýryz aralyǵynda «Balalrdyń ómirin gúldeı jaınat!» qaıyrymdylyq sharasy ótedi. Kún saıyn saǵat 09.00-18.00 aralyǵynda «Saryarqa» saýda, oıyn-saýyq ortalyǵynyń aldyndaǵy turaqta eriktiler qala turǵyndaryna qyzǵaldaqtar usynady. Gúl shoqtary naryqtyq baǵamen satylady, biraq túsken qarjy aýyratyn balalar úshin ońaltý qondyrǵysyn satyp alýǵa jumsalady.
Erteń, 5 naýryzda, saǵat 10:30 «Kerýen» SOO múmkindige shekteýli jandar qoldan jasaǵan buıymdardyń kórme-satylymy ótedi. Onda qalalyq múgedekter qoǵamdyq birlestikteri óz ónimderin usynady. Elordalyqtar sazdan, aǵashtan, teriden jasalǵan buıymdar men ulttyq naqyshtaǵy kádesyılar men monshaqtan jasalǵan áshekeıler satyp ala alady.
Al 6 naýryzda qala turǵyndary saǵat 12.00-17.00 deıin «Bochonok» meıramhanasynda (Respýblıka dańǵyly, 33A) kúni jetpeı týylǵan balalarǵa kıim toqý úshin jınalady. Daıyndalǵan buıymdar elimizdegi neonatologııa bólimderine taratylady. Kelýshiler ózderimen birge jip (100% jún nemese balalarǵa arnalǵan kez kelgen jip) pen shulyq toqýǵa arnalǵan biz ala kelýi kerek.
Osy kúni «Rahmet» saýda ortalyǵynda úshinshi qabatta saǵat 14.00-20.00 deıin merekelik qaıyrymdylyq jármeńke ótedi. Elordalyqtar qoldan jasalǵan buıymdardy, kádesyılar, kitaptar, oıynshyqtar satyp ala alady. Sonymen qatar, balalar úshin qyzyqty sheberlik dáristeri ótkiziledi. Jınalǵan qarjy Astana qalasy balalar úıleriniń tárbıel

Elordada kóp balaly analarǵa «Altyn alqa» jáne «Kúmis alqa» tabystaldy
Halyqaralyq áıelder kúni qarsańynda elordadaǵy №72 orta mektepte «Almaty» aýdanynyń kóp balaly analaryna «Altyn alqa» jáne «Kúmis alqa» tabystaldy, dep habarlaıdy qalalyq ákimdiktiń baspasóz qyzmeti.
«Almaty» aýdanynyń ákimi Ermaǵanbet Bólekpaev áıelderdi kele jatqan merekemen quttyqtap, olarǵa jáne balalaryna densaýlyq, baqyt pen bar jaqsylyqty tiledi.
Kóp balaly 21 ana marapattarǵa ıe boldy. Saltanatty shara barysynda jeti baladan artyq tábıelep otyrǵan beseýine «Altyn alqa» tabystaldy. Al 16 ana kúmis alqa aldy.
- Meniń alty balam bar, úlken qyzym aýylda turady, qalǵany osynda janymda. Onyń ústine segiz nemerem bar. Shynymdy aıtsam, tek solar úshin ǵana ómir súremin. Olar kishkentaı bolǵanda qınaldym, al búgin maǵan kómektesip júredi, - dedi Irına Nastych.
Shara sońynda mektep oqýshylary kóp balaly analarǵa mýzykalyq tartý jasap, merekelik kontsert uıymdastyrdy.
Sonymen qatar, Saryarqa aýdanynda turyp jatqan 13 kóp balaly ana aýdan basshysy Pavel Kýlagınniń qolynan marapattarǵa ıe boldy. «Altyn alqa» úsh, al «Kúmis alqa» - 10 áıelge tapsyryldy.
Aıta keteıik, Halyqaralyq áıelder kúni qarsańynda «Esil» aýdanynda da eń belsendi 50 áıel men ardagerler aýdan basshysy Sabıla Mustafınanyń atynan quttyqtaýlardy qabyl aldy.

Astanadaǵy Qarttar úıinde «Anań - seniń jumaǵyń» atty qaıyrymdylyq sharasy ótedi
«Áziret Sultan» meshiti 5 naýryz kúni Astana qalasyndaǵy Qarttar úıinde «Anań seniń-jumaǵyń» atty qaıyrymdylyq sharasyn ótkizedi.
Bul shara aıasynda Qarttar úıindegi 310 janǵa arnaıy syılyqtar úlestiriletin bolady. Sondaı-aq, qamkóńil qarttarymyzǵa merekelik kóńil-kúı syılaý maqsatynda arnaıy kontserttik baǵdarlama ótkiziledi.
Oǵan elimizge belgili Qaraqat pen Qydyráli, Ibragım Eskendir, Dosymjan Tańatarov, Erlan Kókeev syndy ánshiler qatysatyn bolady. Sondaı-aq, «Taǵylym tamshylary» balalar teatry sahnalyq qoıylymdar kórsetedi.

Astana: Tumaýmen kúresý úshin emdeý mekemeleriniń jumys ýaqyty uzartyldy
Tumaýdyń taralýynyń ekinshi tolqynynyń bastalýyna baılanysty elorda turǵyndary úshin qalalyq emhanalarda qyzýy kóterilgen naýqastardy jeke qabyldaıtyn kabınetter ashyldy, dep habarlaıdy qalanyń resmı https://astana.gov.kz/kk/modules/material/10090 .
Sonymen qatar, emdeý mekemelerinde jumys kúni saǵat 20:00-ge, al senbi kúni saǵat 18:00-ge uzartyldy. Qosymsha kólik bólinip, jumysqa jaramsyzdyq qaǵazyn birden 7 kúnge berý tártibi ornatyldy.
Búgingi tańda elordada tumaýdyń aldyn alý boıynsha tıisti jumystardy júrgizý maqsatynda 20 mobıldi top uıymdastyryldy. 1 qazanda JRVI maýsymy bastalǵaly 41 balabaqsha, 65 mektep, 4 JOO, 9 OOM profılaktıkalyq jumyspen qamtyldy.
Aıta keteıik, bıyl 21 qańtarda bastapqy medıtsınalyq-sanıtarlyq kómek uıymdary JRVI-ge shaldyqqan júkti áıelderdi anyqtaý úshin úılerdi aralap, túsindirý jumystaryn júrgizdi. Qazirgi kezde 95 myńnan astam adam qaraldy. Sondaı-aq, Astana qalasynyń statsıonarlarynda maska kııý tártibi belgilenip, naýqastarǵa kelýshilerge shekteý qoıyldy.
Qabyldanǵan profılaktıkalyq sharalardyń arqasynda elordada tumaýǵa shaldyǵý jaǵdaıy turaqty bolyp qalýda.
Dárigerler qala turǵyndaryna epıdemıologııalyq maýsymda ózin-ózi ustanýdyń qarapaıym erejelerin saqtaý qajettiligin eskertedi. Aýrýǵa shaldyǵýdy boldyrmaý úshin dárigerler buqaralyq sharalarǵa barǵan kezde maska kııýge, qoldy sabynmen nemese basqa da zalalsyzdandyrýshy zattarmen jıi jýýǵa, tumaýdy erte anyqtaǵan jaǵdaıda sátti emdeýge bolatyndyqtan aýrýdyń alǵashqy belgileri bilingen kezde ýchaskelik nemese otbasylyq dárigerge júginýge shaqyrady.

Astanada tek otandyq azyq-túlik ónimderin satatyn alǵashqy dúken ashyldy
Astanada tek qana otandyq taýar óndirýshilerdiń azyq-túlik ónimderin satatyn alǵashqy dúken ashyldy. Bul kileń otandyq azyq ónimderin satatyn elordadaǵy ǵana emes Qazaqstandaǵy tuńǵysh dúken.
Aldaǵy ýaqytta Qazaqstannyń barlyq aımaqtarynda bundaı 22 dúken ashý josparlanýda.
Qazaqstan saýda kásiporyndary qaýymdastyǵynyń vıtse-prezıdenti Jibek Ájibaevanyń aıtýynsha, dúkendegi azyq túlik taýarlarynyń ústeme baǵasy 15 paıyzdan aspaıdy. Al «Halyq markasy» jobasynyń jetekshisi Rımma Tájibaevanyń sózine qaraǵanda, dúkennen elimizdiń barlyq oblystarynyń azyq-túlik taýarlaryn tabýǵa bolady. «Dúkennen Qazaqstannyń barlyq aýmaqtarynan, Ońtústik Qazaqstannan bastap Mańǵystaýǵa deıingi barlyq óńirlerinen ákelingen azyq túrleri bar. Úsh júzden astam otandyq taýar brendteriniń 2 myńnan astam atalymy qoıylǵan. Tutastaı alǵanda, bular árbir óńirde halyqtyń arasynda tanymal bolǵan súıikti taýar markalary. Qazaqstandaǵy birinshi dúken Astanada ashylǵandyqtan «Astana Halyq markasy» dep atalyp otyr. Biz respýblıka boıynsha barlyq óńirlerden dúkender jelisin ashpaqshymyz. Sondyqtan da, 22 óńirdegi dúkenderdiń árqaısysynda óz ataýy bolady», - dedi «Halyq markasy» jobasynyń jetekshisi Rımma Tájibaeva.
Aıta keteıik, tuńǵysh otandyq azyq-túlik dúkeni Astana qalasynda Qoshqarbaev kóshesinde (Qoshqarbaev kóshesi 41) ornalasqan. Eske salsaq, byltyrǵy jyly Astanada qazaqstandyq jeńil ónerkásip taýarlarynyń ámbebap dúkeni ashylǵan bolatyn.

Astana qalasynyń 64 stýdenti WorldSkills Kazakhstan qalalyq chempıonatyna qatysady
11-12 naýryzda Kásiptik-tehnıkalyq kolledjde WorldSkills Kazakhstan qalalyq chempıonaty ótedi. Konkýrsqa 18-22 jas aralyǵyndaǵy 64 kolledj stýdenti men kásiporynnyń jas mamandary qatysady, dep habarlaıdy astana.gov.kz.
Konkýrsqa qatysýshylar aspaz isi, jelilik jáne júıelik ákimshilik etý, veb-ázirleme, shashtaraz óneri, kıim dızaıny, meıramhana servısi, dánekerleý tehnologııasy, kondıter isi, mektepke deıingi tárbıe boıynsha ózara saıysqa túsedi.
Chempıonattyń maqsaty - mamandyq mártebesin, stýdentterdiń jáne jas mamandardyń kásibı sheberligin arttyrý, bilim alýshylardyń shyǵarmashylyq qabiletteri men qyzyǵýshylyǵyn qoldaý, jumys daǵdysy men tásilderin jańǵyrtý jáne respýblıkalyq konkýrsqa qatysýshyny anyqtaý.
Eske salaıyq, Qazaqstan WorldSkills International halyqaralyq qozǵalysyna 2014 jyly qosyldy. Astanada qalalyq chempıonat alǵash ret byltyr ótkizildi.

EKSPO-2017 kórmesiniń gıdteri shet tilderin meńgergen kásibı maman bolýy tıis
EKSPO-2017 halyqaralyq mamandandyrylǵan kórmesine deıin az ýaqyt qaldy. Elordada qyzmet kórsetý salasynyń sapasyn arttyrý boıynsha jumystar belsendi júrgizilip jatyr. Qonaq úılerdi, meıramhanalardy daıyndaýmen qatar, sheteldik qonaqtardy bizdi mádenıetimizben tanystyratyn kásipqoı gıdterdiń biliktiligin arttyrýǵa da basa nazar aýdarylady, dep habarlaıdy qalanyń resmı saıty.
«Astana Konvenshn Bıýro» JShS jobalar bóliminiń bas mamany Aınur Janábilovanyń aıtýynsha, qazirgi kezde gıd-ekskýrsovodtardy Astana qalasynyń Recommended by EXPO-2017 seriktester baǵdarlamasyna engizý boıynsha jumys júrgizilýde. Gıdter de qonaq úıler, qoǵamdyq tamaqtaný pýnkteri men basqa da qyzmet kórsetý salasynyń kásiporyndary sekildi usynylady. Jaqyn arada bul tizimge hostelder men kólik kompanııalary engiziledi.
«Qazirgi kezde gıdterge qoıylatyn talaptar ázirlenýde. Olar memleket pen qala tarıhyn, kórikti jerlerdi biletin, aǵylshyn jáne ózge tilderdi meńgergen kásibı maman bolýy tıis. Biz qytaı tilin oqytýǵa erekshe nazar aýdaryp otyrmyz. Óıtkeni osy elden keletin qonaqtar kóp bolady dep kútilýde. Budan basqa, týrıstke sharany qyzyqty ótkizetinder onyń boıynda ártistik qasıet bolýy kerek. Jalpy alǵanda, qalamyzdyń kelbeti, elordanyń oń ımıdjin qalyptastyrý tikeleı solarǵa baılanysty», - dedi Aınur Janábilova.
«Astana Konvenshn Bıýro» JShS ókilderiniń aıtýynsha, búginde jumys istep júrgen gıdtermen jekelep, týrfırmalar, murajaılar negizinde kezdesý ótkizemiz. Tarıh burmalanbaýy tıis, bul óte mańyzdy, sondyqtan kezdesýge ǵalymdar, ólketanýshylar, geograftar da shaqyrylady. Olar qala týraly egjeı-tegjeıli jáne tolyq aqparattar beredi. Ótkiziletin is-sharalardyń maqsaty - ótken jáne qazirgi zamanǵy týrısttiń barlyq talaptaryna saı, qala týraly durys jáne qyzyqty aıtyp bere alatyn kásipqoı mamandarmen qamtamasyz etý.
Úmitkerlerdi irikteý qatań túrde júrgiziledi,sondyqtan elordalyq gıdter qaıta oqyp, biliktilikti arttyrý kýrstaryna belsendi qatysýda. Bul rette úzdik gıdterge Astana týraly naqty málimetter men derekter kórsetilgen basylymdar beriledi.
Aıta keteıik, EKSPO-2017 halyqaralyq mamandandyrylǵan kórmesine daıyndyq aıasynda ótken jyly elordalyq áýejaıda jáne temirjol vokzalynda týrısterge arnalǵan aqparattyq dúńgirshekter ashyldy. Onda birinshi bolyp irikteýden ótken gıdter elordaǵa kelgen qonaqtardy qarsy alyp, olarǵa qajetti, sonyń ishinde ornalasý, tamaqtaný oryndary men jol júrý týraly aqparatty usynady.

Ulttyq mýzeıde qyz-kelinshekterge qurmet kórsetildi
Búgin Qazaqstan Respýblıkasy Ulttyq mýzeıinde 8 naýryz Halyqaralyq áıelder merekesine arnalǵan «Shyn júrekten» atty merekelik is-shara ótti, dep habarlaıdy Ulttyq mýzeıdiń aqparattyq-ımıdjdik qyzmeti.
Ulttyq mýzeı dırektorynyń mindetin atqarýshy Jáken Taımaǵambetov ár salada úzdik dep tanylǵan áıel azamattardy quttyqtap, shyǵarmashylyq jumystaryna úlken tabystar tiledi.
- Sizderdi búgingi kóktem merekesimen shyn júrekten quttyqtaımyn. Osy mereke kóńilderińizge qýanysh syılap, júzderińizge nur shashsyn. Áıel adamdardyń qýanyshy Otanymyzdyń mereıi. Osynaý bizdiń ystyq lebizimizdi qabyl alyńyzdar, - dedi J.Taımaǵambetov.
Saltanatty sharada 30 jyldan astam ýaqyt mýzeı salasynda qyzmet atqaryp kele jatqan Tursynkúl Jaılaýbaeva, 40 jyl mýzeı salasynda qyzmet etken Saǵymjan Sadýaqasova, Ulttyq mýzeı dırektorynyń orynbasary Jazıra Kúlbaeva, «ıÝnýs Emre» atyndaǵy túrik mádenı ortalyǵynyń dırektory mindetin atqarýshy, f.ǵ.d., professor Almagúl Isına, «Altyn alqa» ıegerleri Uldanaı Álimbaeva, Baqyt Kúzembaeva sekildi eńbegimen elge tanylǵan jáne otbasylarynyń mereıin asyryp júrgen áıelder qaýymyna QR Ulttyq mýzeı dırektory Darhan Myńbaıdyń atynan alǵys hattar tabystaldy.
Merekelik dóńgelek ústelden keıin arnaıy kontserttik baǵdarlama usynyldy. Otandyq ánshilermen qatar Ulttyq mýzeıde qyzmet etip júrgen

Memleket basshysy «Makdonalds» korporatsııasynyń Qazaqstandaǵy alǵashqy kásiporny jumysymen tanysty
Memleket basshysy Nursultan Nazarbaev «Makdonalds» korporatsııasynyń Qazaqstandaǵy alǵashqy kásiporny jumysymen tanysyp, eńbek ujymymen áńgimelesti, dep habarlaıdy Aqordanyń baspasóz qyzmeti.
Meıramhana aýdany 863 sharshy metr aýmaqty alyp jatyr, kelýshiler úshin otyrýǵa laıyqtalǵan 206 oryn bar. Ony bezendirýge jańa tujyrymdarǵa negizdelgen dızaındar, sondaı-aq kelýshilerge qyzmet kórsetýdegi eń zamanaýı júıeler qoldanylǵan.
Kompanııanyń ekinshi meıramhanasyn da 2016 jyly ashý josparlanǵan, al taıaý bes jylda taǵy 15 meıramhana ashý kózdelip otyr.
«Makdonaldstyń» Qazaqstandaǵy meıramhanalaryna azyq-túlik synnan ótken ónim jetkizýshilerden keletin bolady. Sonymen birge jergilikti óndirýshiler bazasyn damytý jumystary jalǵasýda.
Meıramhananyń Astanadaǵy resmı ashylý rásimi 8 naýryzda ótedi.
Aıta keteıik, «Makdonalds» - qoǵamdyq tamaqtaný jáne jyldam qyzmet kórsetý salasyndaǵy álemdik kóshbasshynyń biri. Álemniń 120 elinde kompanııanyń 36 myń kásiporny kelýshilerge qyzmet kórsetedi.

Elordada mektep medıtsınasy densaýlyq saqtaý júıesine beriledi
Elordada jalpy bilim berý uıymdaryndaǵy mektep medıtsınasy Densaýlyq saqtaý basqarmasyna beriledi, dep habarlady qala ákiminiń baspasóz qyzmeti.
Astana qalasy ákiminiń tapsyrmasymen Densaýlyq saqtaý basqarmasy Bilim basqarmasymen jáne Tutynýshylardyń quqyǵyn qorǵaý departamentimen birlesip mektep medıtsınasyn Densaýlyq saqtaý basqarmasynyń vedomstvolyq qaraýyna berý týraly Jol kartasyna qol qoıdy.
Qujatqa sáıkes, mektep medıtsınasynyń Densaýlyq saqtaý basqarmasynyń qaraýyna ótýi kezeń-kezeńmen júrgiziledi. Mekteptegi medıtsına qyzmetkeriniń fýnktsıonaldyq mindetteri men roli qaıta qaralady, medıtsına qyzmetkerleriniń shtattyq normatıvterin esepteý qaıta júrgiziledi, medıtsına qyzmetkerleriniń bilim deńgeıin arttyrýdyń biryńǵaı keshendi ádistemelik tásili qamtamasyz etiledi.
«Sońǵy jyldary mekteptegi medıtsınalyq kabınetterge tıisti lıtsenzııalar men qajetti qondyrǵylar, jıhaz, dári-dármekter alyndy.Mektep medıtsınasyn Densaýlyq saqtaý basqarmasynyń qaraýyna ótkizgennen keıin de biz bul máselege jaýapty bolamyz. Bastysy, bul ózgeris mektepterde jumys isteıtin medıtsınalyq kadrlardyń ózderine oń áserin tıgizbek. Demek, kórsetiletin qyzmetter sapasy artady», - dedi Bilim basqarmasynyń basshysy Elmıra Sýhanberdıeva.
Ótken jyldary mektepterdegi medıtsına qyzmetkerleri attestatsııadan densaýlyq saqtaý júıesinde ótip keldi. Sońǵy ózgeristerden keıin olardyń eńbekaqysy ósedi, al júktemesi azaıady. Densaýlyq saqtaý júıesinde normatıvter boıynsha bir meıirbıkege 600 baladan keledi. Al qazirgi model boıynsha 3000 astam bala oqıtyn naqty mektepte bir ǵana meıirbıke (bir jarym stavkaǵa) jumys isteıdi.Sonymen qatar, densaýlyq saqtaý júıesine ótý búginde 37 jýrnal toltyryp júrgen medıtsına qyzmetkerleriniń fýnktsıonaldyq mindetterin qaıta qaraýǵa múmkindik beredi.
Densaýlyq saqtaý basqarmasynyń basshysy Erik Baıjúnisovtyń aıtýynsha, bul eń aldymen óskeleń urpaqtyń densaýlyǵyn qorǵaýǵa baǵyttalǵan óte mańyzdy sheshim.
«Astana bul jumysty respýblıka boıynsha birinshi bolyp qolǵa alyp otyr. Áńgime bizdiń balalarymyz týraly bolǵandyqtan bul másele bilim berý júıesinde de, densaýlyq saqtaý júıesinde de eń mańyzdylardyń biri bolyp tabylady. Bárimiz de olardyń densaýlyǵyna alańdaımyz, sondyqtan dárigerlerdiń biliktiligine basa nazar aýdaramyz. Birinshi kezekte, mekteptegi medıtsına qyzmetkerleriniń barlyǵy óz biliktilikterin arttyrady», - dedi E. Baıjúnisov.
Densaýlyq saqtaý basqarmasy basshysynyń aıtýynsha, árbir oqýshymen jeke jumys isteýge tıis bolatyn, qajet bolǵanda júktemeni anyqtaıtyn - dene shynyqtyrýmen aınalysý saǵattaryn, em-dám, parta qataryn jáne t.b. belgileıtin mekteptegi medıtsına qyzmetkeriniń statýsyn qaıta qaraý qajet. Bul rette dárigerlerdiń barlyǵy qalalyq emhanalarda dep esepteledi.
Profılaktıkalyq tekserý málimetteri boıynsha sońǵy úsh jylda oqýshylardyń aýyrý qurylymynda birinshi orynda tynys alý organdary aýrýlary, ekinshi orynda - as qorytý organdary aýrýlary, úshinshi orynda - kóz aýrýlary, tórtinshi orynda - júıke júıesi aýrýlary jáne besinshi orynda - qan, qan jasaý organdary aýrýlary, sonyń ishinde qanazdyq.
Birneshe jyldan beri zamanaýı stomatologııalyq qyzmetter kórsetý jaǵynan oqýshylardy saýyqtyrý máselesi ózekti bolyp keledi, óıtkeni tis jegi balalar arasynda keńinen taraǵan aýrýlardyń biri. Búgingi tańda 80 astam qalalyq mekteptiń tek 11 ǵana 2004 jyly satyp alynǵan stomatologııalyq quraldar bar. 70 mektepti stomatologııalyq quraldarmen jabdyqtaý máselesi qalalyq densaýlyq saqtaý basqarmasymen sheshiletin bolady. 2016-2019 jj. arnalǵan «Densaýlyq» memlekettik baǵdarlamasyna sáıkes oqýshylardy tamaqtandyrýdy jaqsartýǵa da nazar aýdarylmaq.
Osy ózgerister densaýlyq saqtaý uıymdary tarapynan biryńǵaı jetekshilik etýdi qajet etedi. Qabyldanǵan sharalar mektep jasyndaǵy balalarǵa kórsetiletin medıtsınalyq qyzmetterdiń sapasyn jaqsartýǵa múmkindik beredi.

Astanada 14 taksopark jolaýshylar tasymaldaıdy
Astana qalasynda qazirgi tańda jolaýshylardy tasymaldaý jáne jol kólik transportymen (taksı) tasymaldaýdy 556 avtotaksıi bar 14 taksopark qamtamasyz etedi. Olardyń qyzmeti QR Úkimetiniń Qaýlysy boıynsha elordadaǵy jolaýshylardy tasymaldaý jáne bagajdy kólik transporty erejesimen bekitilgen, dep habarlaıdy qalalyq ákimdiktiń baspasóz qyzmeti.
Munymen qosa, jaqyn arada halyqqa qyzmet kórsetý sapasyn arttyrý úshin «City Taxi Astana» jobasy qolǵa alynbaq. Joba aıasynda kólikter barlyq halyqaralyq standarttarǵa sáıkes bolady, al júrgizýshiler QR JQE, Jolaýshylar men júk tasymaldaý erejeleri, jolaýshylarǵa qyzmet kórsetý mádenıeti sııaqty pánder boıynsha Kólik mamandarynyń biliktiligin arttyrý ortalyǵynda oqytylady, sonymen qatar, sheteldik qonaqtarǵa qyzmet kórsetý maqsatynda aǵylshyn tilin meńgeredi
Bul qyzmetti resmı kompanııalardan bólek Jolaýshylar kóligi basqarmasynan ruqsat almaǵan jeke kásipkerler, jekemenshik taksı júrgizýshileri atalǵan qyzmetti kórsetip júr. Atalǵan júrgizýshiler zańsyz kólik turaǵyn, júrgizýshiler ózderine jáne de qala turǵyndary men qonaqtaryna qolaısyzdyq týdyrady. Ereje boıynsha mundaı tasymaldaýshylar TS kategorııasyna jatatyn tasymaldaý shartyna sáıkes kelmeıdi (tús gammasyn buzý, shahmat tárizdes beldeýdiń joqtyǵy, baılanys radıolary, dıspetcherlik qyzmet jáne t.b.). Sonymen qatar, jeke menshik tasymaldaýshylar esh jerde tirkeýde joq, bul taksı qatysýymen bolǵan qylmystardy ashýǵa kedergi keltiredi.
Aıta keteıik, ótken aptada elorda ákimdiginiń apparat otyrysynda Jergilikti polıtsııa qyzmetine jol qozǵalysy qaýipsizdigin aldyn-alý maqsatynda taksı júrgizýshileriniń qylmys buzýshylyqtaryn anyqtaý boıynsha reıdter júrgizý tapsyrylǵan bolatyn. Sonymen, jyl basynan bastap 300-den astam jol qozǵalysy erejesin buzý faktisi anyqtaldy. Sonymen qatar, qoǵamdyq oryndarda qoǵamdyq tártipti buzǵany úshin kásipkerlik sýbektige jatpaıtyn taksı júrgizýshilerine 400 jýyq ákimshilik hattama toltyryldy.
Eske sala keteıik, QR ÁQBK 449-babyna sáıkes qoǵamdyq oryndarda qyzmet kórsetý maqsatynda adamnyń mazasyn alý úshin 5 AEK kóleminde aıyppul, al qaıtalanǵan jaǵdaıda 10 AEK aıyppul nemese bes táýlik merzimine tutqyndaý qarastyrylǵan.

Astana ákimi áıelderdi 8 naýryzben quttyqtady
Astana qalasynyń ákimi Ádilbek Jaqsybekov áıelderdi tól merekelerimen quttyqtady, dep habarlaıdy astana. kz.
«Kóktemniń shýaqty sáti analarymyz ben arýlarymyzdyń meıramynan bastaý alady. Іzgi nıet pen sulýlyqqa, syrbaz sezim men syılastyqqa toly osy kún jan-dúnıeni jadyratyp, júrekterge jylý beredi. Áıel baqyty - jar súıý, ana bolý, elge tutqa, urpaqqa pana bolý.
Bir qolymen besikti, ekinshi qolymen álemdi terbegen analar qaýymy el erteńine nár, tirshilikke ár beretin aıryqsha kúshke ıe. Sizderdi merekelerińizben quttyqtaı otyryp, zor densaýlyq, otbasylaryńyzǵa baq-bereke, eńbekterińizge tabys tileımin! Árdaıym jadyrap, gúldeı qulpyryp júre bergeısizder!»,-delingen quttyqtaýda.

Áıelder ardaıym ýaqyt talabyna saı bolýy kerek - S. Mustafına
Astana qalasy «Esil» aýdanynyń ákimi Sabıla Mustafınanyń paıymynsha, qazaqstandyq áıelder aǵymdaǵy ýaqyt talabyna saı bolýy kerek.
«Bizdiń názik jandylar elimizben birge, ýaqyt talabyna saı alǵa jyljýyna, ózderin damytýlaryna tilektespin. Sondyqtan qazirgi qarqyndy ári qyzyq zamanda bizge múmkindikterdi qalt jibermeýimiz mańyzdy. Osy oraıda jobalardy nemese bastamalardy júzege asyrýda erlerden qalmaýymyz kerek»,-dedi ol QazAqparatqa bergen suhbatynda.
Munymen qosa, S. Mustafına ár jyl saıyn Halyqaralyq áıelder kúninde óziniń otbasy músheleri qandaı dástúrdi ustanatynyn aıtyp berdi.
«8 naýryzda tańerteń kúıeýimmen birge aldymen úlkenderdi, ıaǵnı ájeılerdi, apalarymyzdy jáne ápkelerimizdi quttyqtaýǵa baramyz. Al túske qaraı balalarym meni quttaqtaý keledi»,-dedi ol.

«Astana» FK Sýperkýbok matchyna tolyǵymen daıyn - S. Stoılov
«Astana» fýtbol komandasy Qazaqstan Sýperkýbogy úshin bolatyn matchqa esh jaraqatsyz jetip otyr. Bul týraly búgin match aldyndaǵy baspasóz máslıhatynda «Astana» komandasynyń bas bapkeri Stanımır Stoılov málim etti.
«Bizdiń qýanyshymyzǵa oraı, fýtbolshylarymyzda esh jaraqat joq, jattyǵýdan birde-bir fýtbolshy tys qalǵan joq. Menińshe, komanda erteń byltyr kórsetken óziniń fýtbolyn pash ete alady. Jáne bul synda myqty komandanyń basymdyǵy bolady», - dep atap ótti bapker.
Onyń sózi boıynsha, «Astana» komandasynyń barlyq oıynshylary joǵary daıyndyqpen kelip otyr.
«Astana» men «Qaırat» oınaǵanda, joldastyq match bolýy múmkin emes. Úlken fýtbol qaqtyǵysy oryn alady. Biz bul sýperkýbokqa daıyndaldyq. Fýtbolshylar barlyq kúshin kórsetýi tıis», - dedi S. Stoılov.

S. Stoılov: Jolshıev ázirshe «Astana» komandasynda oınaýǵa nıet tanytyp otyrǵan joq
Baýyrjan Jolshıev ázirshe «Astana» fýtbol komandasynda oınaýǵa nıet tanytyp otyrǵan joq. Bul týraly búgin Qazaqstan Sýperkýbogy úshin bolatyn match aldyndaǵy baspasóz máslıhatynda «Astana» komandasynyń bas bapkeri Stanımır Stoılov málim etti.
«Onyń óz oılaǵany bar, onyń basynda ne bolyp jatqanyn eshkim bilmeıdi. Ázirge ol «Astana» komandasynda oınaýǵa nıet bildirgen joq. Men ondaı oıynshylardyń artynan júgirmeımin jáne jalynbaımyn da. Kez kelgen fýtbolshyǵa «Astana» klýbynda oınaý - úlken basymdyq», - dedi S. Stoılov.
Bas bapkerdiń oıynsha, B.Jolshıev Eýropada oınaýdy josparlap otyrsa kerek.
«Ol Eýropada oınaýdy oılap júrgende, transferttik aýysýlar totatyldy. Onyń ne oılap júrgenin eshkim bilmeıdi», - dep atap ótti S. Stoılov.

«Qaırat» pen «Astana» taǵy da sýperkýbokqa talasady
Erteń Qazaqstan fýtbolynyń jańa maýsymy bastalady, dep habarlaıdy alaman.kz.
8 naýryzda saǵat 15:00-de «Astana Arena» stadıonynda byltyrǵy maýsymnyń jeńimpazy «Astana» men kýbok ıegeri almatylyq «Qaırat» arasynda Sýperkýbok oıyny ótedi.
Oıyndy tikeleı «Qazaqstan» telearnasy kórsetedi. Oǵan ózbek referıi Ravshan Irmatov qazylyq etedi.

Astanada M.Tólebaevtyń «Qozy Kórpesh pen Baıan sulý» operasy qoıylady
Kórnekti qazaq kompozıtory Muqan Tólebaevtyń aıaqtalmaǵan «Qozy Kórpesh pen Baıan sulý» shyǵarmasynyń tusaýkeseri 13 naýryzda «Astana Opera» teatrynyń Úlken zalynda ótedi, dep habarlaıdy teatrdyń baspasóz qyzmeti.
«Qazaqstan Respýblıkasy Táýelsizdiginiń 25 jyldyǵyna arnalǵan «Klassıkter men zamandastar» atty kontsertte otandyq klassıkter E.Rahmadıevtiń, T.Qajyǵalıevtiń sımfonııalyq mýzykalary jáne qazirgi zamanǵy qazaqstandyq avtorlardyń shyǵarmalary oryndalatyn bolady», delingen habarlamada.
Ǵ.Músirepovtiń lıbrettosyna jazylǵan M.Tólebaevtyń aıaqtalmaǵan «Qozy Kórpesh pen Baıan sulý» operasy jas ǵashyqtardyń tragedııalyq mahabbaty týraly kóne ańyz jelisinen alynǵan XIII-XIV ǵasyrlardaǵy lıro-epostyq poemasynyń jelisinde jazyldy. Mýzykalyq keshtiń birinshi bóliminde kontserttik oryndalýdaǵy opera usynylatyn bolady.
Ónertaný ǵylymdarynyń kandıdaty, Qazaqstan kompozıtorlar odaǵynyń múshesi, professor, mýzykatanýshy, tólebaevtanýshy Altyn Ketegenova kóptegen jyldar boıy kórnekti qazaq kompozıtory Muqan Tólebaevtyń shyǵarmashylyǵyn zerttedi. Ol aıaqtalmaǵan «Qozy Kórpesh pen Baıan sulý» operasyn taýyp, búgingi tańda osy mýzykanyń oryndalýyna bar kúshin saldy. Altyn Sálimqyzy notalardy saqtap, túzetýlerin jasap, kompozıtorlardyń shyǵarmanyń sımfonıkalyq aspaptyq oryndalýyna bastamashylyq etti. Qazaqstan Respýblıkasynyń Eńbek sińirgen qaıratkeri, professor, kompozıtor Serik Erkimbekov osy bir qıyn dúnıeni qolǵa aldy. Ol týyndyny orkestrlik oryndaýda avtordyń anyq, ádemi, úılesimdi stılin ustandy.
«Biz Altyn Sálimqyzyna qazaq óneriniń damýyna úles qosqany úshin rızashylyǵymyzdy bildiremiz. A.Ketegenovanyń bastamasy boıynsha osy bir ǵajaıyp týyndy «Astana Opera» teatry Úlken Zalynyń sahnasynda oryndalatyn bolady», - deıdi mýzykatanýshy Marjan Jákenova.
Budan basqa, kontserttiń birinshi bóliminde úlken ónerdi baǵalaýshylarǵa «Astana Opera» sımfonııalyq orkestriniń asqan sheberligimen oryndalatyn, jaqynda ǵana Marıın teatrynda gastroldik saparda bolyp, peterbýrgtik qaýymnyń zor yqylasyna ıe bolǵan «Dala ańyzy» aıaqtalmaǵan baletinen sıýıta kórsetiletin bolady.
Keshtiń ekinshi bóliminde qazirgi zamandastarymyzdyń shyǵarmalary shyrqalatyn bolady: Balnur Qydyrbek, Aqtoty Raıymqulova, Serik Erkimbekov, Serikjan Ábdinurov, Abzal Muhıtdınov, Rahat-Bı Ábdisaǵın jáne t.b.
«Qozy Kórpesh pen Baıan Sulý» operasyndaǵy partııalardy daryndy vokalıster - Qazaqstannyń eńbek sińirgen qaıratkerleri Janat Shybyqbaev jáne Jan Tapın, halyqaralyq baıqaýlardyń laýreaty Mádına Islamova, Bolat Esimhanov, Ramzat Balakıshıev, «Astana Opera» sımfonııalyq orkestri jáne hory oryndaıtyn bolady, dırıjeri - Qazaqstannyń eńbek sińirgen qaıratkeri Abzal Muhıtdınov.

Astana ákimi áıelder qaýymyn 8 naýryz merekesimen quttyqtady
Astana qalasynyń ákimi Ádilbek Jaqsybekov barsha názik jandylardy Halyqaralyq áıelder kúni merekesimen quttyqtady.
«Ardaqty analar, aıaýly arýlar!
Sizderdi 8 naýryz - Halyqaralyq áıelder kúni merekesimen shyn júrekten quttyqtaımyn!
Kóktemniń shýaqty sáti analarymyz ben arýlarymyzdyń meıramynan bastaý alady. Іzgi nıet pen sulýlyqqa, syrbaz sezim men syılastyqqa toly osy kún jan-dúnıeni jadyratyp, júrekterge jylý beredi. Áıel baqyty - jar súıý, ana bolý, elge tutqa, urpaqqa pana bolý.
Bir qolymen besikti, ekinshi qolymen álemdi terbegen analar qaýymy el erteńine nár, tirshilikke ár beretin aıryqsha kúshke ıe. Sizderdi merekelerińizben quttyqtaı otyryp, zor densaýlyq, otbasylaryńyzǵa baq-bereke, eńbekterińizge tabys tileımin! Árdaıym jadyrap, gúldeı qulpyryp júre bergeısizder!» - delingen elorda ákiminiń quttyqtaý hatynda.

Elmıra Sýhanberdıeva: Óz balalaryma qalaı alańdasam, ózgeniń balasyna da solaı alańdaımyn
Elordanyń bilim salasy - tolǵaýy toqsan tirshiliktiń toǵysqan jeri. Áleýmetpen tikeleı baılanysty sala bolǵandyqtan, jaýapkershiligi de úlken. Osy salanyń san qatparly sharýasyn Elmıra Sýhanberdıeva dóńgeletip otyr. Ol negizi bala kezinde muǵalim bolam dep oılamasa kerek. Biraq qoǵamǵa paıdaly is jasaýdy jastaıynan armandaǵan. Bul týraly «Astana aqshamy» gazetinde jaryq kórgen maqalada jazylǵan.
«Bala kezimde bireýge tıtteı kómegim tıse, máz bolyp qalatyn edim. Qaıyrymdylyq jasaýdy qasıet tuttym. Qalalyq máslıhattyń depýtaty bolǵan kezde jurtshylyqtyń muń-muqtajyn sheshýge kómektesip, elge paıdamdy tıgizemin degen balalyq armanyma qol jetkizgendeı boldym», - deıdi ol.
Nebary 24 jasynda mektep dırektory bolǵan Elmıra Amangeldiqyzy bala tárbıesine asa yjdahattylyqpen qaraıdy. Ásirese, óskeleń urpaqtyń qaýipsizdigi ol úshin eń mańyzdy másele. Osy iske nemquraıly qaraǵan talaı pedagogty tájirıbesine, bilimine qaramaı jumystan shyǵarǵan kezderi bolypty. «Bilesiz be, ata-analar dúnıedegi eń qımasyn, eń qymbattysyn bizge, muǵalimderge senip tapsyryp otyr. Árbir mektep, árbir balabaqsha balalardyń qaýipsizdigine basymen jaýapty. Bul - óte názik másele. Buǵan kelgende men tym qatalmyn jáne jazam da qatal. Men óz balalarymnyń qaýipsizdigine qanshalyqty alańdasam, basqa jetkinshekterge de sondaı alańdaımyn. Bilim uıymdarynda oqyp jatqan árbir oqýshy meniń jalǵyzym sekildi», - deıdi basqarma basshysy.
Balalar demekshi, Elmıra Sýhanberdıeva qat-qabat jumysy bastan asyp jatsa da ana, jar ekendigin eshqashan esinen shyǵarǵan emes. Joldasy Berik ekeýi tórt perzentti dúnıege ákelip, tárbıelep otyr. Tuńǵyshy Gaýhar Anglııada oqıdy. Ekinshi qyzy Zarema - mektep oqýshysy. Úshinshi perzenti - Jánibek tórt jasta bolsa, onyń artynan kishkentaı inisi Іlııas ósip keledi. Al otaǵasy - sportshy. Fýtbol federatsııasynda jumys isteıdi, shaǵyn kásibi bar.
- Maǵan Berikteı azamatty jolyqtyrǵan taǵdyryma rızamyn. Ekeýmizdiń otasqanymyzǵa 26 jyl boldy. Ýnversıtette birge oqydyq. Ekinshi kýrsta úılendik. Sodan beri ómirdiń aşy-tuşysyn birge kórip kelemiz. Ómirlik jartyńnyń saǵan únemi qoldaý bildirip, súıeý bolyp, túsinistikpen qarap otyrsa, áıelge odan artyq qandaı baqyt kerek?! - deıdi Elmıra Amangeldiqyzy.
Keıbir áıelder jumysyn buldap, ana, jar retindegi mindetin bosańsytyp jiberetini bar. Al Elmıra Sýhanberdıeva olardyń qatarynan emes. Onyń kúndelikti jumys kestesiniń ár saǵaty men mınýty naqty josparlanǵan. Onyń ishinde otbasyna mindetti túrde ýaqyt bar. Basqarma basshysynyń pikirinshe, ár bala tańerteń oıanǵanda jáne uıyqtar aldynda mindetti túrde anasyn kórýi kerek. Ózi osy qaǵıdatty buljytpaı oryndaýǵa tyrysady. «Qyzmettegi áıelder jumysyn da, otbasy tárbıesin de qatar alyp júrýi kerek. Eger adam kúndelikti is-áreketin durys josparlasa, qaı-qaısysyna da úlgerýge bolady» deıdi ol. Esesine, keıipkerimiz tamaq jasaý, úı jınaý sekildi jumystarǵa osaldaý ekenin moıyndady. «Qazir qyzdarym ósti, qolymda sińlilerim bar. Úı sharýasy, tamaq jasaý - solardyń moınynda. Biraq anda-sanda as ázirleýge degen «mahabbatym» oıanyp ketetini bar. Ondaı kezde ázirlegenim ǵurly aınalamdaǵy jaqyndarymdy «sen sábiz tazala, al sen sarymsaq arshy» dep jumsap bitemin. Sonda qyzdarym: «túý, mama, tamaqty kim solaı jasaıdy?» dep kúledi. Biraq aıyna-jylyna bir tamaq jasap qoısań, «tamaǵyńyz qandaı dámdi bolǵan?» degen iltıpatty sózderdiń astynda qalyp, qadiriń artyp-aq qalady ǵoı» dep ázildep qoıdy.
Áıel - ár úıdiń qut-berekesi. Elmıra Amangeldiqyzy da úlken bir áýlettiń yrysy bolyp otyr. Ózi únemi janashyrlyq tanytyp júretin jaqyndary buǵan da qamqorlyǵyn aıaǵan emes. Elmıra Sýhanberdıevanyń, ásirese, enesine degen qurmeti erekshe. «Men kelin bolyp túsken kúnnen bastap maǵan aqylshy-keńesshi bolǵan, kerek kezde únemi qasymnan tabylatyn eneme rızashylyǵym sheksiz. Aıtpaqshy, 8 naýryz - ol kisiniń týǵan kúni. 70 jasqa tolyp otyr. Gazetterińiz arqyly enemdi quttyqtap, oǵan bar jaqsylyqty tilegim keledi» dedi ol.
Elmıra Amangeldiqyzynyń jurtshylyq bile bermeıtin taǵy bir qyry - ánshiligi. Kezinde mýzykalyq mektepti bitirgen ol fortepıano men gıtarada da sheber oınaıdy. Jýrnalıstik qyzyǵýshylyqpen qoıarda-qoımaı, basqarma basshysynyń telefon jadyna saqtalǵan bir ánin tyńdap qaıttyq.
8 naýryzdy bizdiń keıipkerimiz jaqyndaryn, qurbylaryn quttyqtaý úshin taǵatsyzdana kútedi. «Óz basym qyzǵaldaq, injýgúl sııaqty qarapaıym gúlderdi jaqsy kóremin. Minezim bylaı qataldaý, qyzba kóringenimen, talǵamǵa kelgende ustamdy adammyn. Jaqsy kóretin gúlderim de talǵamyma saı», - deıdi ol.

Sýperkýbok: «Astana» men «Qaırat» birinshi taımda esep ashqan joq
Búgin elordanyń «Astana Arena» stadıonynda Qazaqstan fýtbolynyń jańa maýsymy bastalýyna oraı «Astana» men almatylyq «Qaırat» arasynda Sýperkýbok matchy ótýde. Oıynnyń birinshi taımynda esep ashylǵan joq.
Qos komanda arasynda oıyn tartysty ótýde. Alǵashqy 45 mınýtta eki komandada da gol soǵý múmkindikteri bolǵanymen, esep ashylmady. Oıyn tártibin buzǵany úshin bas tóreshi ózbekstandyq qazy Ravshan Irmatov oıynshylarǵa «sary qaǵazdy» úsh márte sýyrýǵa májbúr boldy.
Aıta keterligi, bul - osy maýsymdaǵy alǵashqy match. «Qaırat» óz tarıhynda el Kýbogyn 7 márte jeńip, Sýperkýbok fınalyna osymen ekinshi ret shyǵyp otyr. Aıta keterligi, byltyrǵy jyly «Astana Arenada» «Astana» men «Qaırat» shyǵyp, penaltı serııasy boıynsha elordalyqtar jeńiske jetken bolatyn. "Astana Arena" stadıonynda shamamen on bes myńǵa tarta jankúıer fýtboldy tamashalaýda.
M.Tólebaevtyń aıaqtalmaǵan «Qozy Kórpesh pen Baıan sulý» shyǵarmasynyń tusaýkeseri ótedi - «Astana Opera»
Kórnekti qazaq kompozıtory Muqan Tólebaevtyń aıaqtalmaǵan «Qozy Kórpesh pen Baıan sulý» shyǵarmasynyń tusaýkeseri 13 naýryzda «Astana Opera» teatrynyń Úlken zalynda ótedi. Qazaqstan Respýblıkasy Táýelsizdiginiń 25 jyldyǵyna arnalǵan «Klassıkter men zamandastar» atty kontserttiń aıasyndaǵy sharada otandyq klassıkter E.Rahmadıevtiń, T.Qajyǵalıevtiń sımfonııalyq mýzykalary jáne qazirgi zamanǵy qazaqstandyq avtorlardyń shyǵarmalary oryndalatyn bolady. Bul týraly «Astana opera» teatrynyń baspasóz qyzmetinen habarlandy.
Ǵ.Músirepovtiń lıbrettosyna jazylǵan M.Tólebaevtyń aıaqtalmaǵan «Qozy Kórpesh pen Baıan sulý» operasy jas ǵashyqtardyń tragedııalyq mahabbaty týraly kóne ańyz oqıǵalar jelisinen alynǵan, XIII-XIV ǵasyrlardaǵy lıro-epostyq poemasy jelisi negizinde jazyldy. Mýzykalyq keshtiń birinshi bóliminde kontserttik oryndalýdaǵy opera usynylatyn bolady. Uly kompozıtordyń ózi «ony altyn notamen jazatyny» týraly aıtqan-dy.
«Ónertaný ǵylymdarynyń kandıdaty, Qazaqstan kompozıtorlar odaǵynyń múshesi, professor, mýzykatanýshy, «tólebaevtanýshy» Altyn Ketegenova kóptegen jyldar boıy kórnekti qazaq kompozıtory Muqan Tólebaevtyń shyǵarmashylyǵyn zerttedi.
Ol aıaqtalmaǵan «Qozy Kórpesh pen Baıan sulý» operasyn taýyp, búgingi tańda osy mýzykanyń oryndalýyna bar kúshin salǵan bolatyn. Altyn Sálimqyzy notalardy saqtap, túzetýlerin jasap, kompozıtorlardyń shyǵarmanyń sımfonıkalyq aspaptyq oryndalýyna bastamashylyq etti. Qazaqstan Respýblıkasynyń Eńbek sińirgen qaıratkeri, professor, kompozıtor Serik Erkimbekov osy bir qıyn dúnıeni qolǵa aldy. Ol týyndyny orkestrlik oryndaýda avtordyń anyq, ádemi, úılesimdi stılin ustandy», - delingen baspasóz baıanynda.Budan basqa, kontserttiń birinshi bóliminde úlken ónerdi baǵalaýshylarǵa «Astana Opera» sımfonııalyq orkestriniń asqan sheberligimen oryndalatyn, jaqynda ǵana Marıın teatrynda gastroldik saparda bolyp, peterbor qaýymynyń zor yqylasyna ıe bolǵan «Dala ańyzy» aıaqtalmaǵan baletinen sıýıta kórsetiletin bolady. Marıın teatrynyń kórkemdik jetekshisi ári bas dırektory Valerıı Gergıev osy shyǵarmanyń qazirgi qazaq mýzykasynyń betke ustarlyqtaı laıyqty týyndylarynyń biri bolatynyn atap ótken-di.Keshtiń ekinshi bóliminde qazirgi zamandastarymyzdyń shyǵarmalary shyrqalatyn bolady: Balnur Qydyrbek, Aqtoty Raıymqulova, Serik Erkimbekov, Serikjan Ábdinurov, Abzal Muhıtdınov, Rahat-Bı Ábdisaǵın jáne t.b.
«Qozy Kórpesh pen Baıan Sulý» operasyndaǵy partııalardy daryndy vokalıster - Qazaqstannyń eńbek sińirgen qaıratkerleri Janat Shybyqbaev jáne Jan Tapın, halyqaralyq baıqaýlardyń laýreaty Mádına Islamova, Bolat Esimhanov, Ramzat Balakıshıev, «Astana Opera» sımfonııalyq orkestri jáne hory oryndaıtyn bolady, dırıjeri - Qazaqstannyń eńbek sińirgen qaıratkeri Abzal Muhıtdınov.

Astanada tez tamaqtanýǵa arnalǵan «Makdonalds» meıramhanasy ashyldy
Astana ákimi Ádilbek Jaqsybekov Qazaqstandaǵy alǵashqy tez tamaqtanýǵa arnalǵan «Makdonalds» meıramhanasynyń ashylýyna qatysty. Bul oqıǵadan keıin belgili korporatsııa álemdik naryqta 120-shy orynǵa shyqty, dep habarlady Astana qalasy ákiminiń baspasóz qyzmeti.
Elorda ákimi birinshi kezekte názik jandylardy Halyqaralyq áıelder kúnimen quttyqtady. Á. Jaqsybekov kásiporynnyń ashylýy qalaǵa jańa ınvestıtsııalar tartyp, jańa jumys oryndaryn qurǵanyn atap ótti. Astanada taǵy da bir álemge áıgili brendtiń ashylýy óńirdegi bıznes klımattyń qolaıly ekendiginiń belgisi, bul halyqaralyq ınvestorlar úshin jaqsy sıgnal bolmaq.
Saltanatty sharaǵa «Makdonalds» korporatsııasynyń prezıdenti jáne basqarý dırektory Stıv Isterbrýk ta qatysty. «Biz jergilikti mádenıettiń bir bólshegine aınalý jáne meıramhana bıznesin júrgizýdiń ozyq tájirıbesin Qazaqstanǵa úıretý úshin qolymyzdan kelgenniń bárin jasaımyz. Bul bizdiń brendtiń halyqaralyq damýyndaǵy mańyzdy qadam bolmaq», - dedi S. Isterbrýk.
«Makdonalds» qazaqstandyq franshızasynyń ıesi Q. Boranbaevtyń aıtýynsha, meıramhanalar jelisi jergilikti kadrlardy damytý perspektıvasyn beredi, sondaı-aq, qalalyq bıýdjetke turaqty salyq aýdarymdaryn jasaıdy. Aıta keteıik, Qazaqstanda meıramhanalar jelisin damytý kózdelgen - aldaǵy bes jylda 15-ke jýyq meıramhana ashylmaq.
Meıramhananyń jalpy aýdany 863 sharshy metr. Oryndar sany - 206. Kásiporynda 200 astam jumys orny quryldy. Qazaqstandyq meıramhanalarǵa ónimder maquldanǵan jetkizýshilerden ǵana alynady. Bolashaqta ony jergilikti azyq-túlikterden jasaý josparlanǵan. Qazirgi kezde jergilikti óndirýshilerdiń bazasyn damytý jumystary júrgizilýde.
Keshe jeke menshikti balalar úıiniń tárbıelenýshileri meıramhanada birinshi bolyp dám tatty.
Astanada shokoladtan jasalǵan buıymdar kórmesi ótedi
18 naýryzda álemdik týr aıasynda elordada «Nikolya» shokolad mýzeıi» tanymal avtorlyq kórmesiniń ashylýy ótedi. Qala turǵyndary men qonaqtary shokolad tarıhymen jáne tanymal sheber-shokolate Nıkolaı Popovtyń shokoladtan jasalǵan zattarymen tanysyp, óz qoldarymen shokoladtan túrli biregeı zattar jasaý múmkindigine ıe bolady.
Áıgili kórme álemniń 40-tan astam qalasynda bolyp, ony jarty mıllıonǵa jýyq adam tamashalaǵan.Astanada óte joǵary sapadaǵy shokoladtan jasalǵan 300 astam óner týyndysy kópshilik nazaryna usynylady. Jalpy salmaǵy 700 kg artyq shokolad pen martsıpan músinder, shokolad bagettermen jıektelgen kartınalar, shokolad mınıatıýralar, ınstallıatsııalar, kompozıtsııalar jáne t.b. buıymdar bolady.Basty erekshelik - Qazaqstanǵa, sonyń ishinde Astanaǵa arnalǵan shokolad zattardyń arnaıy serııasy jasalady.Kórmede sheberdiń biregeı tehnologııasymen oryndalǵan eksklıýzıvti shokolad kádesyılar satyp alýǵa bolady. Sondaı-aq, kelýshiler sheberlik dáristerine qatysyp, óz qolymen tátti-dámdiler ázirleýdi úırenedi. Shokolad tarıhy týraly qyzyqty fılm kórsetiledi. Kórme Táýelsizdik saraıynda ótedi.

Elordanyń Sáýlet jáne Jer qatynastary basqarmalary memlekettik qyzmet kórsetý standarttaryn buzýǵa jol bergen
Astana qalalyq prokýratýra men qalalyq kásipkerler palatasy birlesip, byltyrǵy jyly Sáýlet jáne qala qurylysy basqarmasy men Jer qatynastary basqarmalarynyń memlekettik qyzmet kórsetýdegi zańdylyǵyna taldaý jasaǵan bolatyn. Taldaýdyń nátıjesinde memlekettik qyzmet kórsetý standarttaryn buzýǵa jol berilgeni anyqtaldy. Bul týraly qalalyq prokýratýranyń baspasóz qyzmetinen habarlandy.
Atap aıtqanda, prokýratýranyń habarlaýynsha qos basqarma kásipkerlik sýbektilerinen standartta kózdelmegen qujattardy talap etip, memlekettik qyzmet kórsetý merzimderin buzyp kelgen.
«Naqtylaı aıtqanda, Sáýlet jáne qala qurylysy basqarmasy «Air Point Communication» JShS-ne syrtqy jarnama nysanynyń qalypty qyzmetin qamtasamyz etetin ınjenerlik ruqsattyń bolmaýyna baılanysty, syrtqy jarnama ornatýǵa ruqsat berýden bas tarqan. Alaıda qujattyń bul túrin talap etý memlekettik qyzmet kórsetý standartynda qarastyrylmaǵan. Atalǵan basqarmada 6 kásipkerlik sýbektilerine qyzmet kórsetý merzimderi 5 jáne odan da kóp kúnge keshiktirilip kórsetildi», - delingen baspasóz baıanynda.
Prokýratýranyń habarlaýynsha, qyzmet kórsetý merzimderi Jer qatynastary basqarmasynda da saqtalmaǵan. Máselen, eger memlekettik qyzmet kórsetý merzimi 37 jumys kúninen aspaýy tıis bolsa, basqarmada bul merzimder 2 aıdan asqan jaǵdaılar anyqtalǵan.
«Taldaýdyń nátıjesinde qalalyq prokýratýra jergilikti atqarýshy organ basshylaryna áser etý aktisin joldady. Sonyń nátıjesinde 7 laýazymdy tulǵa tártiptik jaýapkershilikke tartyldy. Jalpy, júrgizilgen taldaý mundaı burmalaýshylyqtardyń júıeli túrde oryn alatyndyǵyn kórsetken. Munyń saldary bıznestiń damýyna keri áser etip otyr», - delingen baspasóz baıanynda.
Aıta keterligi, kásipkerlerdiń qyzmetine memlekettik organdardyń, sonyń ishinde quqyq qorǵaý organdarynyń zańsyz aralasýyn boldyrmaý maqsatynda, qalalyq prokýratýrada kásipkerler quqyǵynyń buzylý faktilerine jedel áser etetin 4 mobıldi top qyzmet etedi.
Jyl basynan beri mobıldi toptarǵa 48 habar kelip túsken, onyń 15 rastalyp, prokýrorlyq den qoıý sharalary qabyldanǵan. Nátıjesinde 16 laýazymdy tulǵa tártiptik jaýapkershilikke tartylyp, 4 quqyqtyq aktiniń kúshi joıyldy.

Respýblıkalyq dıagnostıkalyq ortalyǵy jylyna xalyqaralyq standarttar boıynsha mıllıonǵa tarta saraptama jasaıdy
Astanadaǵy Respýblıkalyq dıagnostıkalyq ortalyǵy jaqyn arada ISO 15189:2012 xalyqaralyq standart akkredıtatsııasyn alady. Bul týraly ortalyq dırektory Qamaljan Nadyrov málim etti.
«Jalpy bizdiń ortalyqta kúnine 3 myńǵa tarta medıtsınalyq saraptama jasalady. Demek, jylyna mıllıonǵa jýyq saraptama ótkiziledi. Bul - óte úlken kórsetkish. Sondyqtan jumys aýqymyn eskere otyryp, saraptamalardyń xalyqaralyq standarttarǵa sáıkestiligin qamtamasyz etýge tyrysamyz», - deıdi ol.
Onyń sózine qaraǵanda, xalyqaralyq standarttarǵa saı jasalatyn saraptamalar meılinshe dál keledi.
«Ol patsıentterge ne beredi? Ol zertxanalyq qyzmetterdiń dáldigine senimdilik beredi. Dıagnoz durys qoıylsa, em de tıimdi bolady», - dep atap ótti ortalyq dırektory.
Atalmysh akkredıtatsııany alý úderisi eki jylǵa sozylǵan. Búgin sońǵy kezeń aıaqtaldy. Halyqaralyq aýdıtorlar qazaqstandyq qyzmetkerlerdiń biligine, ortalyqtaǵy texnologııalyq protsessterge, sondaı-aq menedjment júıesine joǵary baǵa berdi.
Aıta ketý kerek, xalyqaralyq standarttardy respýblıkada alǵash ret atalmysh klınıkaǵa berilgeli otyr.

Elordanyń Almaty aýdandyq soty respýblıkalyq konkýrsta jeńimpaz atandy
Qazaqstan Respýblıkasynyń Joǵarǵy Soty men Qazaqstan Respýblıkasynyń Sýdıalar odaǵy óz jumysyn úzdik uıymdastyrǵan aýdandyq jáne oǵan teńestirilgen sottardyń arasyndaǵy konkýrstyń qorytyndysyn jarııalady, dep habarlaıdy Astana qalalyq sotynyń baspasóz qyzmeti.
Osymen ekinshi jyl uıymdastyrylyp otyrǵan baıqaý sot keńseleriniń sot tóreligin júzege asyrý talaptaryna sáıkestigi, sot jumysyn josparlaý jáne taldaý jumysynyń deńgeıi, sot protsesterin uıymdastyrý, sot tóreligin júzege asyrý sapasy, aqparattyq tehnologııalardy engizý, ujymdaǵy mıkroklımat jáne sot qyzmetkerleriniń áreketterine shaǵymdardyń bolmaýy syndy krıterııler boıynsha baǵalanyp, bas júlde Astana qalasynyń Almaty aýdandyq sotyna buıyrdy. Ótken jyly bul júlde Semeı qalalyq sotynyń enshisinde bolǵan edi.
Baıqaýǵa Almaty qalasynyń Jetisý aýdandyq soty, Aqmola oblysynyń qylmystyq ister jónindegi mamandandyrylǵan aýdanaralyq soty, Aqtóbe oblysynyń mamandandyrylǵan aýdanaralyq ekonomıkalyq soty, Shyǵys Qazaqstan oblysynyń Semeı qalalyq soty, Jambyl oblysynyń Taraz qalalyq soty, Batys Qazaqstan oblysynyń Syrym aýdandyq soty, Qaraǵandy oblysynyń Saran qalalyq soty, Qyzylorda oblysynyń Aral aýdandyq soty, Pavlodar oblysynyń Pavlodar qalalyq soty, Soltústik Qazaqstan oblysynyń mamandandyrylǵan aýdanaralyq ekonomıkalyq soty, Ońtústik Qazaqstan oblysynyń Báıdibek aýdandyq soty qatysqan bolatyn.
Saltanatty marapattaý rásimde Qazaqstannyń Sýdıalar odaǵy Ortalyq keńesiniń hatshysy Sansyzbek Raıymbaev Almaty aýdandyq sotynyń ujymyn quttyqtaı otyryp, ádil sot tóreliginiń atqarylýy - bul adamdardyń Konstıtýtsııalyq quqyqtarynyń qorǵalýy, quqyqtyq memlekettiń órkenıetti qalyptasýyna yqpal etetin ahýal ekenin atap ótti.
- «2016 jyldyń qańtarynda respýblıkalyq komıssııa joǵaryda atalǵan sottardyń arasynan baıqaý-konkýrstyń jeńimpazyn anyqtap, respýblıka boıynsha Almaty aýdandyq sotyn laıyq dep tapty. Ǵalymjan Nasırdınovtyń tóraǵalyǵymen basqarylyp, respýblıka boıynsha úlken nátıjege qol jetkizý ujym arasyndaǵy aýyzbirshilik pen tatýlyqtyń, áriptesterdiń biliktiliginiń, ári sot mamandarynyń belsendiliginiń arqasy. Kóp quramdy sotty basqarý, áriptesterdiń arasyndaǵy yntymaqtastyqty saqtaý, sapaly sot tóreligin júzege asyrýdy qamtamasyz etý úlken parasattylyq. Sottaryńyzdyń bedeli, mártebesi árdaıym bıik bolǵaı»,- dedi Sýdıalar odaǵynyń hatshysy Sansyzbek Raıymbaev.
Sharada Almaty aýdandyq sotynyń tóraǵasy Ǵalymjan Nasırdınov sot júıesin jylyna bir ret saraptap, tarazyǵa salý arqyly jetistiktermen qatar, kemshilikterdi de túzetip, sot jumysyn alǵa bastyrýdyń joly ekenin atap ótti.
- Astana qalalyq sotynyń tóraǵasy T.Bárpibaev sot júıesin odan ári jetildirýdi nazarda ustap, aýdandyq sottar aldyna sot tóreligin ýaqytyly, zań talaptaryna sáıkes ádiletti júzege asyrýdy tapsyrǵan bolatyn. Osy tapsyrmalardyń kezeń kezeńimen josparly oryndalýy búgingi jetistigimizdiń nátıjesi dep bilemiz. Aldaǵy ýaqytta da sot tóreligin tıimdi, ári sapaly júzege asyrýǵa, sýdıalyq qyzmette jumys ótili joǵary sýdıalardyń oń tájirıbesin paıdalanyp, ádil sot tóreligin artqarýǵa, sondaı-aq, sot óndirisindegi kúrdeli jáne ózekti azamattyq isterdiń sanattary boıynsha sot praktıkasyn qalyptastyrý boıynsha jumysymyzdy jandandyratyn bolamyz, - dedi sot tóraǵasy Ǵalymjan Nasırdınov.

Elordada fýtzaldan Stýdenttik lıga bastaldy
Búgin elordalyq ýnıversıtetterde fýtzaldan Stýdenttik lıga oıyndary bastaldy. Bul kezeńde segiz komanda eki-eki matchtan ótkizedi. Úzdik tórt komanda aqtyq kezeńde sheberlik baıqasady, dep habarlady qalalyq ákimdiktiń baspasóz qyzmetinen.
Stýdenttik lıganyń alǵashqy maýsymy 12 mamyrǵa deıin jalǵasady. Týrnır L.N. Gýmılev atyndaǵy Eýrazııa ulttyq ýnıversıtetiniń sportzalynda bastaý alady, al aqtyq kezdesýlerdi Nazarbaev ýnıversıtetinde ótkizý josparlanǵan.Jarysqa «Astana» medıtsına ýnıversıtetiniń, Qazaq ekonomıka, qarjy jáne halyqaralyq saýda ýnıversıtetiniń, «Turan-Astana» ýnıversıtetiniń, Qarjy akademııasynyń komandalary, sondaı-aq, L.N. Gýmılev atyndaǵy Eýrazııa ulttyq ýnıversıteti men Nazarbaev ýnıversıtetinen eki-eki komandadan qatysady. Ár komandada 18 jýyq stýdent oınaıdy. - Astanada stýdentter arasynda fýtboldan týrnırler jıi ótkiziledi. Astana Fýtbol federatsııasynyń maqsaty - Stýdenttik lıgany jańa sapaly deńgeıge kóterý. Kezdesýlerde qazaqstandyq Premer-lıga men Qazaqstannyń Birinshi lıgasynda jumys istegen arbıtrlar tóreshilik etedi, - dedi Astana Fýtbol federatsııasynyń menedjeri Erik Chınchalınov.

Nikolya-nyń shokolad mýzeıi Astanadaǵy kórme úshin jańa eksponattarmen tolyqty
Tanymal shokolate Nikolya-nyń biregeı jyljymaly shokolad mýzeıi alǵash ret Astanaǵa keldi. Ol kórmege arnap Qazaqstanǵa arnalǵan týyndylar toptamasyn daıyndap ákeldi.
Bul - kóne zergerlik buıymdar, sondaı-aq Qazaqstan aýmaǵynda turyp jatqan halyqtardyń bas kıimderi. Olardyń barlyǵy Almatyda qazaqstandyq shokoladtan jasalǵan. Túpnusqalary QR Ortalyq memlekettik murajaıynyń qorynda saqtalyp otyr.
«Murajaı qyzmetkerlerine rahmet! Men altyn qorlar, jabyq bólmelerge barǵandy, eldiń ulttyq ıgilikterin tamashalaǵandy unatamyn. Olardyń arqasynda Qazaqstannyń altyn jaýharlarynyń nusqalaryn jasap shyqtym», - dedi Nıkolaı Popov Astanada ótken baspasóz konferentsııasynda.
Budan basqa, tanymal shokolate kishkentaı astanalyqtar úshin kádesyılar daıyndaýdan sheberlik sabaǵyn ótkizdi.
Atap óteıik, elorda - respýblıkamyzda «Nikolya shokolad murajaıy» kelip otyrǵan tórtinshi qala. Álemdik týr aıasynda avtorlyq kórme tórt eldiń 40-tan astam qalasyna, sonyń ishinde Almaty, Shymkent, Atyraýǵa baryp, 500 myńnan astam adamdy tartty.
Astanadaǵy kórme 2016 jyldyń 18 naýryzy men 13 sáýir kúnderi aralyǵynda Táýelsizdik saraıynda ótedi. Ekspozıtsııada arasynda jańa eksponattar da bolatyn jalpy salmaǵy 700 kelini quraıtyn 300 týyndy usynylmaq.

Elorda balabaqshalarynda bos oryndarǵa qosymsha ornalastyrý júrgizilip jatyr
Balabaqshalarǵa toptaý barysynda №61 mektepte qabyldaıtyn jumys tobyna kezek boıynsha ata-analar túgel habarlaspaǵandyqtan memlekettik balabaqshalarda bos oryndar qaldy, dep habarlady qalalyq ákimdiktiń baspasóz qyzmetinen.
Búgin, 10 naýryzda saǵat 10.00-18.00 aralyǵynda kezekte 1 - 400 deıingi orynda turǵan ata-analar, al 11 naýryzda - 401-600 bolyp turǵandar joldama ala aldy. Kezekte 600 orynnan keıin turǵan 2014 jyly týǵan balalar úshin balabaqshalardan oryn 14 jáne 15 naýryzda beriletin bolady. 2013 jyly týǵan balalardyń ata-analary joldamany 16 naýryzda (kezektiń nomeri - 1 - 3500) jáne 17 naýryzda (3500 - 5000) alady.2012 jyly týǵan balalar úshin joldamalar 18 naýryzda (1 - 6000) jáne 24 naýryzda (6000 - 8000) beriledi. 25 naýryzda (1-6000) jáne 28 naýryzda (6000 joǵary) jumys tobyna 2011 jyly týǵan balalardyń ata-analary jolyǵa alady. Al 29 jáne 30 naýryzda jańa balabaqshalarǵa joldamalar bıylǵy jyldyń 1 qyrkúıeginde 6 jasqa tolmaıtyn balalarǵa joldamalar beriledi.Toptaý aıaqtalǵan soń 1 maýsymda www.e.astana.kz saıtynan kezektiń jyljyǵanyn kórýge bolady. Jeńildikti sanattar boıynsha qujattardy jumys toby 1 sáýirge deıin qabyldaıdy jáne osy toptaý aıasynda qaraıdy. Qaralǵan ótinish hattardyń nátıjesin 1 - 30 naýryzda bilýge bolady.Eger qujattar 1 sáýirden keıin tapsyrylsa, olar kelesi toptaý kezinde 2017 jyly qaralatyn bolady.Elorda turǵyndary habarlamada kórsetilgen kezek nómirin toptaý kestesinde árbir jas toby úshin kórsetilgen rettik nomermen salystyrýy kerek. Eger balabaqshanyń ornalasqan jeri unamasa, joldamany almaýǵa bolady, bul rette kezek saqtalady. Sondaı-aq, balabaqshalarǵa joldamalar turǵylyqty jeri boıynsha emes, bos oryndardyń bolýyna qaraı beriledi.

Elordalyq bes oqýshy halyqaralyq konkýrsta birinshi oryn aldy
Almatyda Ó. Joldasbekov atyndaǵy matematıka jáne mehanıkadan oqýshylardyń zertteý jumystarynyń VІ halyqaralyq konkýrsy aıaqtaldy. Baıqaý nátıjesi boıynsha elordalyq 5 oqýshy birinshi, 8 oqýshy ekinshi jáne beseýi úshinshi oryn aldy, dep habarlady qalalyq ákimdiktiń baspasóz qyzmetinen.
Halyqaralyq bilim dodasynda № 66 mektep-lıtseıiniń, «Kógildir jelken», Daryndy balalarǵa arnalǵan qazaq-túrik lıtseı-ınternatynyń, «Mıras» halyqaralyq mektebiniń, № 17, № 75, № 51, № 4 mektep-gımnazııalarynyń jáne t.b. mektepterden 22 oqýshy baq synasty. Daryndy balalar aldymen qalalyq irikteý kezeńinde óz jobalaryn usyndy. Sodan keıin Ó. Joldasbekov atyndaǵy jyl saıynǵy konkýrsta júldeli oryndarǵa talasty.Konkýrstyń basty mindeti - oqýshylar arasynda zertteý qyzmetin uıymdastyrý júıesin jetildirý, sondaı-aq matematıka ǵylymdary salasyndaǵy zertteýlerge qyzyǵýshylyq pen qabilettilik tanytatyn oqýshylardy anyqtaý.- Týrnır halyqaralyq deńgeıde ótkiziledi, oǵan Qazaqstannyń 16 óńirinen, Astana men Almaty qalalarynan, Ázerbaıjan men Qyrǵyzstan elderinen kelgen joǵary synyp oqýshylary qatysady. Úzdik oqýshylar aldymen zertteý jumystaryn oblystyq jáne qalalyq deńgeıde tanystyrady, sodan keıin myqtylary konkýrsqa qatysady, - dedi «Astana daryny» respýblıkalyq ǵylymı-praktıkalyq ortalyǵynyń ádiskeri Rash Ermaǵanbetova.Týrnır qorytyndysy boıynsha konkýrs jeńimpazdaryna dıplomdar tabystaldy.

Astanada «Fashion Park» otandyq kıimder dúkeni ashyldy
Astanada qyryqtan astam dızaınerdiń ónimin biriktirgen otandyq kıimder dúkeni ashyldy. Fashion Park dúkeni «Atameken» ulttyq kásipkerler palatasynyń qoldaýymen ashylyp otyr.
Atalǵan saýda núktesin qurýdyń basty maqsaty - otandyq ónim shyǵarýshylardy qoldaý jáne qazaqstandyq taýarlardyń naryqtaǵy úlesin arttyrý. Fashion Park - zamanaýı jabdyqtarda tigilgen joǵary sapaly qazaqstandyq kıim men aksessýarlardyń keń kólemin usynatyn mýltıbrendtik dúken. Dúken aýmaǵy boıynsha Astanada eń úlken saýda ornyna bolmaq. Onyń jalpy aýmaǵy 400 sharshy metrdi quraıdy. Taýarlardyń baǵa saıasaty da ıkemdi, bul jerde qalyń buqaraǵa arnalǵan kıimderden bastap, eksklıýzıvti qymbat kıimder de satylady. «Fashion Park» dúkeni otandyq taýar óndirýshilerge onlaın-satylym jasaýǵa da úlken múmkindikter ashyp otyr. «fashionpark.kz» saıtynda barlyq kıimder ınternet arqyly satylymǵa shyǵarylady. Dúkenniń ashylý qurmetine oraı, Quralaı Nurqadilova sheberlik synybyn ótkizedi dep josparlanǵan. Sonymen qatar dızaıner Dılbar Áshimbaeva kollektsııalarynyń kórsetilimi ótedi. «Bizdiń komanda táýlik boıy qyzmet etti. Munda óte qyzyqty jobalar usynyldy. Jaqsy ıdeıa. Bul Astana úshin arzan baǵamen usynylǵan eksklıýzıvti kıimder. Sondyqtan barlyqtaryńyzdy dúkenniń ashylýymen quttyqtaımyn», - dedi Q. Nurqadilova.

Astanada 2016 jylǵy bıýdjetti naqtylaý jóninde otyrys ótti
Astanada 2016 jylǵa arnalǵan bıýdjetti naqtylaý máselesi boıynsha Qoǵamdyq keńes otyrysy ótti, dep habarlady qalalyq ákimdiktiń baspasóz qyzmetinen.
QR Bıýdjet kodeksiniń 104-babyna sáıkes naqtylaý jyl basyndaǵy bıýdjet qarajatynyń qaldyqtaryn úlestirýge baılanysty júrgiziledi.Jergilikti bıýdjet qarjysyn ıgerýdiń monıtorıngi nátıjeleriniń negizinde ishteı qaıta úlestirý arqyly jekelegen bıýdjettik baǵdarlamalar boıynsha josparly taǵaıyndaýlar qaıta qaraldy, olardy áleýmettik saladaǵy - bilim, densaýlyq saqtaý, áleýmettik qorǵaý jáne qalany damytýdaǵy tyǵyz máselelerdi sheshýge baǵyttaý usynyldy. Atap aıtqanda, qaıta tapsyrylǵan bilim nysandaryn ustaýǵa, muqtaj azamattardyń jekelegen sanattaryna áleýmettik kómek kórsetýge, joldardy orta jáne aǵymdyq jóndeý jumystaryna, sondaı-aq sý tasqynyna qarsy is-sharalarǵa jumsalatyn qarjy qarastyryldy.Otyrys barysynda Ekonomıka jáne bıýdjettik josparlaý basqarmasy basshysynyń mindetin atqarýshy Gúlnar Júsipova, Densaýlyq saqtaý basqarmasynyń basshysy Erik Baıjúnisov, Sáýlet jáne qala qurylysy basqarmasynyń basshysy Vıtalıı Sıletskıı, Bilim basqarmasy basshysynyń orynbasary Gúljan Aıtjanova jáne t.b. baıandama jasady.Eske salaıyq, azamattardyń quqyqtaryna, bostandyǵy men mindetterine qatysty jobalar talqylaý jáne usynystar jasaý úshin tıisti ortalyq memlekettik organdarmen nemese oblystyq, respýblıkalyq mańyzdaǵy qalalyq jáne elordalyq máslıhattarmen birlesip qurylǵan Qoǵamdyq keńesterge joldanady.

Ulybrıtanııanyń iri kompanııasy «Astana» HQO-men yntymaqtastyqqa múddelik tanytýda
«Astana» halyqaralyq qarjy ortalyǵynyń basqarýshysy Qaırat Kelimbetov jumys saparymen Londonda júr.
Sapar aıasynda Q.Kelimbetov birqatar brıtandyq úkimettik qurylymnyń, ınvestıtsııalyq kompanııalardyń jáne halyqaralyq qarjy uıymdarynyń basshylarymen, onyń ishinde Eýropalyq qaıta qurý jáne damý banki prezıdenti Sýma Chakrabartımen, London qalasynyń burynǵy lord-meri Devıd Výttonmen, Innovate Finance, Clifford Chance, Boston Consulting Group, UBS, Morgan Stanley, JPMorgan syndy kompanııalardyń jetekshileri bar.
Kezdesý barysynda Q.Kelimbetov brıtandyq seriktesterine «Astana» halyqaralyq qarjy ortalyǵy jaıynda aqparat berip, onyń maqsaty men mindetteri, qyzmetiniń basym baǵyttary jaıynda tarqata aıtyp berdi. Ortalyqtyń aǵylshyndyq quqyq júıesine negizdelgen erekshe quqyqtyq rejimi bar erkin saýda aımaǵy bolatyndyǵy, al onyń qyzmeti álemdik jetekshi qarjy ortalyqtarynyń tájirıbesine arqa súıeıtindigi basa aıtyldy.
Brıtandyq bıznes qoǵamdastyq basshylyǵy aǵylshyn quqyǵy ustanymdary negizindegi normatıvtik-quqyqtyq baza qurý, ınvestıtsııa tartý, aktıvter men kapıtaldardy basqarý, halyqaralyq arbıtrajdyq ortalyqty qurý jáne damytý, halyqaralyq deńgeıdegi mamandardy daıyndaý salalaryna barynsha qyzyǵýshylyq tanytty.
QR SІM baspasóz qyzmetiniń atap ótýinshe, bul sapar aıasyndaǵy mańyzdy is-sharalardyń biri - elimizdiń Ulybrıtanııadaǵy Elshiligi uıymdastyrǵan «Astana» halyqaralyq qarjy ortalyǵyna arnalǵan forým boldy. Shara barysynda Qazaqstannyń Ulybrıtanııadaǵy Elshisi Erjan Qazyhanov sóz sóılep, atalǵan ortalyqtyń elimizdiń órshil jobalarynyń biri ekendigine, Ortalyq Azııanyń qarjylyq habyna aınalýǵa ári álemniń úzdik qarjy ortalyqtarynyń 20-lyǵyna kirýge umtylatyndyǵyna basa nazar aýdardy.
Óz kezeginde Q.Kelimbetov «Astana» HQO Qazaqstan ekonomıkasyna sheteldik ınvestıtsııa tartý úshin jaıly qarjylyq orta qurý maqsatyndaǵy Elbasy N.Nazarbaevtyń «5 ınstıtýttyq reformany júzege asyrýdyń 100 naqty qadamy» Ult josparyna saı keletindigin basa aıtty. Ortalyq qyzmeti Dýbaıda, Nıý-Iorkte, Londonda, Gonkong pen Sıngapýrda ornalasqan úzdik qarjy ortalyqtary úlgisinde damıtyndyǵyn atap ótti.
Forým jumysyna qatysqan kompanııa basshylary «Astana» halyqaralyq qarjy ortalyǵynyń qyzmetine qyzyǵýshylyq tanytyp, yntymaqtastyqqa daıyn ekendikterin bildirdi.
Shara barysynda «Astana» halyqaralyq qarjy ortalyǵyn damytý jónindegi ózara túsinistik memorandýmyna AHQO, EQDB jáne The City UK korporatsııasy basshysy qol qoıdy.
Aıta keterligi, Q.Kelimbetov óz sapary aıasynda Ulybrıtanııada bilim alyp jatqan qazaqstandyq stýdenttermen de kezdesti. Kezdesý barysynda ol stýdentterge halyqaralyq qarjy ortalyǵynyń maqsattary men mindetterin túsindirip, ortalyqtyń aldaǵy josparlarymen bólisti.
Astanada aýyl sharýashylyq jármeńkesinde 37 tonna ónim satyldy
Elordada 29 aqpan - 6 naýryz aralyǵynda «Dýman» oıyn-saýyq ortalyǵynyń aldyndaǵy turaqta aýyl sharýashylyq jármeńkesi ótkizildi. Bir aptanyń ishinde astanalyq aýyl sharýashylyq taýar óndirýshiler 3 mln 990 myń teńgeniń 37 tonna ónimin ótkizgen, dep habarlady qalalyq ákimdiktiń baspasóz qyzmetinen.
Shara Qazaqstan Respýblıkasy Táýelsizdiginiń 25 jyldyǵyn merekeleýge arnalǵan «Aýyldyń órkendeýi - Qazaqstannyń órkendeýi» aktsııasy aıasynda uıymdastyryldy. Jármeńkede Astana qalasynyń jáne Aqmola oblysynyń jaqyn aýdan taýar óndirýshileriniń jemister men kókónisteri, sonymen qatar qyshqyl sút ónimderi, kondıterlik jáne makaron, shujyq ónimderi satyldy.Azyq-túlikterdiń baǵasy qalalyq bazarlardaǵy bólshek saýda baǵalarynan 10-15 paıyzǵa tómen boldy. Bir kılogramm kartop 60 teńgeden, pııaz - 50-60 teńgeden, qyzanaq - 750-850 teńgeden jáne t.b. satyldy.Eske salaıyq, osyndaı aýyl sharýashylyq jármeńkeleri elordada otandyq taýar óndirýshilerdi qoldaý jáne satyp alýshylarǵa yńǵaıly bolýy úshin júıeli túrde ótkiziledi.

Astanadaǵy Ulttyq mýzeıde «Naýryz-Dýman» merekelik is-sharasy ótedi
Qazaqstan Respýblıkasynyń Ulttyq mýzeıinde naýryzdyń 14-inde saǵat 16.00-de Ulystyń uly kúnin atap ótýge arnalǵan «Naýryz-Dýman» merekelik is-sharasy bastalady, dep habarlaıdy Ulttyq mýzeıdiń aqparattyq-ımıdjdik qyzmeti.
Іs-sharanyń basty maqsaty - Amal meıramyn atap ótý arqyly dástúrli rýhanı qundylyqtarymyzdy keńinen nasıhattaý, ata saltyn ardaqtaı otyryp, ult mártebesin kóterý.
Merekelik is-shara aıasynda áz-Naýryz merekesiniń atrıbýty retinde jasalǵan «Jolterek» jobasynyń tanystyrylymy ótedi. Asyq atýdan, arqan tartýdan jarys uıymdastyrylady. Arnaıy tigilgen kıiz úıde dastarhan jaıylyp, qonaqtar naýryz kójeden dám tata alady.
Merekelik is-sharaǵa QR Parlamentiniń senatorlary, ǵalymdar, qoǵam qaıratkerleri qatysady.
Sonymen qatar, mýzeı qyzmetkerleriniń ónerpazdary kontserttik baǵdarlama usynady.

Astanada jyly aıaldamalar bıýdjet qarajatyna salynbaıtyn boldy
Astanada 10 mıllıon teńgege baǵalanyp, halyq arasynda daýǵa qalǵan jabyq aıaldamalar bıýdjet qarajatyna salynbaıtyn boldy.
Bul týraly «QazAqparat» halyqaralyq aqparat agenttigine bergen resmı saýalynda «Astana LRT» AQ málim etti.
Aıta keteıik, 2015 jyly Astanada qysta sýyqtan, jazda ystyqtan qorǵaıtyn jabyq aıaldamalar salyna bastaǵan bolatyn. Halyq arasynda onyń qunyna qatysty taqyryp úlken daý týdyrǵany málim.
Kompanııanyń habarlaýynsha, sodan beri Astana qalasynyń kólik keshenin jańartý aıasynda jabyq tıpti 27 aıaldama pavılony ornatyldy.
«Jalpy alǵanda qalada jolaýshylar kóp jınalatyn jáne qalanyń áleýmettik mańyzdy aıaldama pýnktterinde 80-nen artyq aıaldama pavılondary ornatylatyn bolady. Pavılon qurylysynyń qunyna qatysty, jabyq tıpti pavılondardy ornatý ınvestıtsııalar esebinen júzege asyrý josparlanǵandyǵyn habarlaımyz», - delingen «Astana LRT» AQ-nyń resmı jaýabynda.

Jańa oqý jylynda Astanada mektep avtobýstary qatynaı bastaıdy
«Astana School Bus» jobasyn júzege asyrý aıasynda 2016-2017 oqý jylynda Astanada mektep avtobýstary qatynaı bastaıdy.
Bul týraly «QazAqparat» halyqaralyq aqparat agenttigine bergen resmı saýalynda «Astana LRT» AQ málim etti.
Eske sala keteıik, qala ákimdiginiń tapsyrysy boıynsha «Astana School Bus» jobasyn «Astana LRT» júzege asyrýda.
«Qazirgi ýaqytta qalada jalpy bilim beretin 94 mektep jumys jasaýda, onda 117 myńnan artyq oqýshy oqıdy, onyń shamamen 40%-y jeke, sondaı-aq qoǵamdyq kólikpen mektepke barady, bul qala jolynyń toly bolýyna sebep bolyp tabylady. Osyǵan baılanysty elordaǵy mektep tasymaldaryn engizý jobasyn ázirleý boıynsha jumys júrgizilýde», - delingen resmı jaýapta.
Onyń basty maqsaty - oqýshylardy tasymaldaý qaýipsizdigin qamtamasyz etý, qaladaǵy kólik jaǵdaıyn jaqsartý, mektepterden alys turatyn oqýshylar úshin jaǵdaı jasaý.
«Búgingi tańda jumys jasap jatqan mektep tasymaldaryna taldaý jasaldy, oqýshylardyń ata-analary arasynda saýalnama júrgizildi, olardyń mektep tasymaldaryna jáne jol júrý korrespondentsııasyna degen pikiri anyqtaldy, sondaı-aq halyqaralyq tájirıbe jan-jaqty zertteldi. Baǵdar torabyn ázirleý jáne ulttyq standarttar men Kedendik standarttarǵa sáıkes keletin jyljymaly quram sanyn anyqtaý boıynsha jumys jasalýda. Bul jobany engizý 2016 jyldyń qyrkúıegine josparlanǵan», - dep jazady «Astana LRT» kompanııasy.

Astanada qalalyq taksoparkke elektromobılder satyp alý josparlanýda
«Astana City Taxi» jobasyna elektr avtomobılderdi qoldaný josparlanýda.
Bul týraly «QazAqparat» halyqaralyq aqparat agenttigine bergen resmı saýalynda «Astana LRT» AQ málim etti.
Kompanııanyń habarlaýynsha, aǵymdaǵy jyly qalanyń taksı tapshylyǵyna taldaý jasaldy. Ol boıynsha qalaǵa qosymsha 1500 taksı qajet.
«Astana City Taxi» jobasy jolaýshylar tasymaldaý qaýipsizdigin qamtamasyz etýge, quqyq buzýshylyqtardy azaıtýǵa, qyzmet sapasyn jáne deńgeıin jaqsartýǵa, elordanyń abyroıyn joǵarylatýǵa, qoljetimdilikti qamtamasyz etýge, taksı salasynda qosymsha qyzmet kórsetýdi damytýǵa septigin tıgizedi.
«Sondaı-aq jobany iske asyrý barysynda qalada elektr avtomobılderin qoldaný máselesi alǵashqy ret pysyqtalyp jatqandyǵyn atap ótý qajet. Qazirgi ýaqytta tarıftik saıasat esebi boıynsha jumys júrgizilýde, taksı qyzmetine, júrgizýshilerdi mamandandyrylǵan oqytý baǵdarlamasyna qoıylatyn keshendi talaptar ázirlenýde», - delingen habarlamada.

QR Ulttyq mýzeıi áz-Naýryz meıramyna arnalǵan 10 kúndik is-sharalar legin ázirleýde - J.Kúlbaeva
Qazaqstan Respýblıkasynyń Ulttyq mýzeıi áz Naýryzdy Ulystyń uly kúni - əz Naýryzdy alǵash ret keń kólem de atap ótkeli otyr. Oǵan arnaıy baǵdarlama daıyndalyp, is-sharalar legi 10 kúnge josparlanǵan. Bul týraly «Egemen Qazaqstan» respýblıkalyq gazetine bergen suhbatynda QR Ulttyq mýzeıi dırektorynyń birinshi orynbasary Jazıra Kúlbaeva málim etti.
«Kez kelgen ulttyń ózine tən qanshama jyldan beri qaraı qalyptasyp kele jatqan salt-dəstúri, ata tanymy bolady. Alaıda, ony berik ustaný myna jahandaný kezeńinde tym qıynǵa soǵyp barady. Qalaı desek te, ult ult retinde saqtalyp qalýy úshin sonyń bəri mańyzdy. Bizdiń qazaq halqynyń búgingi tańdaǵy berekeli tirshiligi, baıandy birligi bir jaǵynan osynaý baba amanatyna asa jaýapkershilikpen qaraǵanynan bolsa kerek. Əlbette, joǵyn túgendep, baryn qasterleı bilgen halyqtyń bolashaǵy da jarqyn bolmaq. Sondaı qasterli, qadirli muramyzdyń biri - Ulystyń uly kúni. Qazaqstan Respýblıkasynyń Ulttyq mýzeıi əz Naýryzdy alǵash ret keń kólemde atap ótkeli otyr. Oǵan arnaıy baǵdarlama daıyndalyp, is-sharalar legi 10 kúnge josparlanǵan. Dittegenimiz - ulttyq qundylyqtarymyzdyń damýyna kúsh sala otyryp, salt-dəstúrimizdiń nasıhat jumystaryn jańǵyrtý. Jańarýdyń bastaýy bolyp tabylatyn jyl basyn búkil ujym bolyp sən-saltanatpen qarsy almaq. Endigi kezekte baǵdarlama barysyna qysqasha toqtalyp ótsek.
14 naýryz Amal kúnimen bastaý alatyn sharalardyń jalpy mazmuny tekti qazaq halqynyń tarıhynan syr shertedi. Onyń ústine, mýzeı qyzmetkerlerinen quralǵan komandalar arqan tartýdan, asyq atýdan ózara jarysqa túskeli otyr. Osylaısha naýryz aıy - ulttyq oıyn túrleriniń ulyqtalatyn ýaqyty ekenin ispen kórsetý.
16 naýryz kúni «Naýryz - jyl basy» degen taqyrypta dóńgelek ústel ótedi. Oǵan etnograftar, tarıhshylar qatysady. Sharanyń basty maqsaty - Naýryz meıramyn toılaýdy ýaqyt talabyna saı túrlendirý jumystaryn aqyldasý, ózara talqyǵa salý. Zııaly qaýymnyń usynystary qoǵam talqysyna salynyp, Ulystyń uly kúnin jalpyhalyqtyq merekege aınaldyrý úshin barynsha jumys júrgiziletin bolady.
Osynaý 10 kúndik baǵdarlamanyń ishinde qaıyrymdylyq sharasy da qamtylǵan. Atap aıtqanda, 15 naýryz kúni balalar úıinde tərbıelenip jatqan balalar «Tusaýkeser» rəsi mine qatysady. Qoǵam qaıratkerleriniń qatysýymen ótetin bul dəs túrimizdiń Ulttyq mýzeıdiń shańyraǵy astynda kórinis tabýy jańa bastamalardyń basy bolaı yn dep tur. Atalǵan sharada balalar úıiniń birneshe tərbıelenýshisiniń tusaýy kesiledi. Budan bólek, jańadan shańyraq kó tergen jas jubaılarǵa arnap «Aq bosaǵa» rəsimi uıymdastyrylady. El aǵalary jastarǵa bata berip, otbasy bolýdyń mańyzy týraly aqyl-keńester aıtady. Bul jobalar mýzeıdiń əleýmettik paryzyn atqarý úshin aldaǵy ýaqytta dəstúrli túrde ótetin bolady.
17 naýryz kúni mektep oqýshylary men kolledj stýdentteriniń qatysýymen «Qazaq halqynyń ulttyq oıyndary» taqyrybynda ashyq sabaq ótedi. Ashyq sabaqtyń bas ty maqsaty - ulttyq muralarymyzdy əspetteı otyryp, jas urpaqtyń kóńiline oı salyp,júregine qazaqy reń berý. Sonymen qatar, 10 kún boıy balalardyń qurmetine arnalǵan «Qosh keldiń, əz Naýryzym!» is-sharasy júrgiziledi. Bul rette balaqaılardy merekelik kontsertter men qyzyqty qoıylymdar kútip tur.
Aıta keteıik, Ulttyq mýzeı qonaqtary naýryz aıy boıy Ulystyń uly kúnine arnalǵan kórmelerge qatysýǵa múmkindigi bar. Merekeniń qurmetine tigilgen kıiz úıdi tamashalap, aqtan dəm tata alady.
Osynaý tyń bastamalardyń daıyndyq jumystary bastalyp ta ketti. Oǵan barlyq mýzeı qyzmetkeri jumyldyrylǵan. Dala zańyn tereń meńgergen ata-babalarymyzdyń amanattap tapsyrǵan osynshama dúnıesine jaýapkershilikpen qaraý jəne onyń ómirsheńdigi jolynda jumys jasaý elimizdegi eń úlken mədenıet ordasynyń basty mıssııasy. Sonyń bərin abyroımen ótkizsek, alǵa qoıǵan maqsat tarymyzdyń oryndalǵany. Ulttyq na qyshtaǵy ıgilikti is-sharalardyń kórermeni bolyp, jyl basyn bizben birge qarsy alýǵa shaqyramyz.
Əz Naýryz qutty bolsyn, aǵaıyn!», - delingen suhbatta.
Astana qalalyq máslıhatynyń depýtattyǵyna 121 kandıdat tirkeldi
Astana qalalyq máslıhatynyń depýtattyǵyna 121 kandıdat tirkeldi. Bul týraly búgin Ortalyq saılaý komıssııasynda ótken brıfıngte Astana qalalyq saılaý komıssııasynyń tóraǵasy Igilik Jalbyrov aıtty.
«Astana qalalyq máslıhatynyń depýtattyǵyna 121 kandıdat tirkeldi. Onyń ishinde saıası partııalardan 33, qoǵamdyq birlestikterden 6 kandıdat bar jáne 82 kandıdat óz-ózin usyný arqyly tirkeldi. Qalalyq saılaý komıssııasy partııalyq tizimderin usynǵan saıası partııalar men qalalyq máslıhat depýtattyǵyna kandıdattardyń úgit jumystaryn júrgizýine jaǵdaı jasaıdy jáne qalalyq ákimshilikpen kelisip, partııalardyń úgit baspa materıaldaryn ornalastyrý úshin 31 oryn jáne máslıhat depýtattyǵyna kandıdattardyń úgittik baspa materıaldary úshin 54 oryn aıqyndalyp jabdyqtaldy», - dedi ol.
Komıssııa tóraǵasy sonymen qatar saıası partııalar men kandıdattardyń saılaýshylarmen kezdesýlerin ótkizý úshin sharttyq negizde usynylatyn 13 úı-jaıdyń tizimi bekitilgenin aıtty.
«Saılaý komıssııalary úgit materıaldarynyń zańnamaǵa sáıkes ornalastyrylýyn baqylaýdy júzege asyrady», - dedi I.Jalbyrov.
QR Premer-Lıgasy: «Astana» qaraǵandylyq «Shahter» komandasynan basym tústi
Búgin Premer-Lıga komandalary arasyndaǵy Qazaqstan chempıonatynyń birinshi týry aıasynda elordalyq stadıonda «Astana» FK men qaraǵandylyq «Shahter» FK sheberlik baıqasty. Oıyn nátıjesinde alań ıeleri 2:1 esebimen qarsylastarynan basym tústi, dep jazady elorda ákimdiginiń resmı saıty.
Kezdesý jaǵymdy jańalyqtardan bastaldy. Aldymen qazaqstandyq Premer-Lıga-2015 úzdik bapkerdiń esimi belgili boldy. «Astana» FK jattyqtyrýshysyna marapatty QR Kásipqoı fýtbol lıgasynyń prezıdenti Oljas Abraev tabystady.
Kezdesý tartysty bastaldy, segizinshi mınýtta-aq qaraǵandylyqtar mergendik tanytyp, esep ashty. Goldy oryndaǵan - Desleı Ýbbınk. Birinshi bólimniń sońyna deıin negizinen «Shahter» fýtbolshylary basymdyqqa ıe boldy, úziliske deıin esep ózgergen joq.
Al ekinshi taım bastalǵanda «Astana» komandasynyń jańa oıynshysy Djordje Despotovıch esepti teńestire aldy. Qazirgi el chempıony shabýyldy toqtatpady, alaıda elordalyq komanda kapıtany Tanat Nóserbaev oıynnyń 65-shi mınýtynda ǵana gol soǵa aldy, esep - 2:1.
"Astana" FK kelesi kezdesýin 20 naýryzda Shymkentte «Ordabasy» komandasymen ótkizedi.
Astanada úı janýaryn asyraýshylarǵa talap kúsheıtildi
Endi Astanada ıtin qydyrtýǵa alyp shyqqandar mindetti túrde onyń qujaty men sanıtarlyq kitapshasyn da birge alyp júrýi tıis, dep habarlaıdy ktk.kz.
Tabıǵatty qorǵaý polıtseıleri jurtqa osy erejelerdi túsindirip, ony elemegenderge aıyppul saldy. Osyǵan deıin tumyldyryq pen qarǵybaýy bolsa ıtti emin-erkin alyp júrýge kedergi qoıylmaıtyn. Al jańa ereje ıt asyraýshylardy biraz ábigerge salatyn túri bar. Óıtkeni qujat pen aýyrmaıtyny týraly medıtsınalyq anyqtamadan bólek, tórt aıaqtylardan qalǵan qoqysty endi ıesi tazalap júrýge mindetti. Ári ıtin qoǵamdyq orynda serýendetý úshin ol mindetti túrde úıretilgen jáne sóz uǵatyn bolýy kerek. Budan bólek, qarǵybaýǵa baılanǵan jip bir jarym metrden aspaýy tıis. Bul talap saqtalmasa jappaı aıyppul salynady.
"Eskertý beriledi nemese 3 aılyq eseptik kórsetkish boıynsha aıyppul salynady. Al eger ıt adam ómirine qaýip tóndirip, tistep alǵan jaǵdaıda 10 aılyq, ıaǵnı 20 myń teńge aıyppul salynady", - deıdi Astana qalalyq ІІD tabıǵatty qorǵaý bóliminiń ınspektory Asan Qadyrov.

Elordada Maslenıtsa merekesi atalyp ótiledi
Apta boıy qazaqstandyq slavıandar halyq merekesi Maslenıtsany toılaýda. Jeksenbi kúni, 13 naýryzda saǵat 11:00 «Jastar» saraıynyń aldyndaǵy alańda elorda turǵyndary qysty shyǵaryp salady, dep habarlady qala ákiminiń baspasóz qyzmeti.
Merekelik serýenge «Lad» respýblıkalyq slavıandar qozǵalysynyń elordalyq fılıaly, qalalyq Qazaqstan halqy Assambleıasynyń músheleri, etnomádenı birlestikterdiń ókilderi, Astana qalasynyń turǵyndary men qonaqtary qatysady.
Jınalǵan qaýym halyqtyq merekeni kóńildi ótkizip, oıyndarǵa, konkýrstarǵa qatysady, sporttyq jarystarda kúsh synasady. Alańda uıymdastyrylatyn sheberlik dáristeri barysynda quımaq jasaýdyń qupııalarymen tanysýǵa bolady.
Munymen qosa, Maslenıtsa merekesi elordada Ýspensk kafedraldy sobory aýmaǵynda da atalyp ótiledi. Tańerteńnen bastap jármeńke ótip, quımaqtar men qoldan jasalǵan buıymdar satylady, elorda turǵyndary men qonaqtarynyń nazaryna merekelik kontsert usynylady. Sondaı-aq, haskı ıtteri jegilgen shanamen syrǵanaýǵa da bolady.


«Astana» - «Shahter» matchyna qoldan jasalǵan bıletter satylýyna júıeniń aqaýy sebep bolǵan
ASTANA. QazAqparat - «Astana» fýtbol klýby qaraǵandylyq «Shahtermen» ótetin matchqa júıedegi aqaýǵa baılanysty qoldan jasalǵan bıletter satqan.
«ticketon arqyly elektrondyq bıletterdiń jańa júıesin engizdik. Halyq bul júıege daǵdylanbaǵan. Sondyqtan onlaın rejiminde eshkim bılet satyp almady. Internet arqyly bar bolǵany 100 bılet satyldy. Qalǵan bıletter kassada satyldy. Tehnıkalyq jaǵdaılar týyndap, júıe istemeı qaldy. Sondyqtan osy joldy tańdaýǵa týra keldi», - dedi elordalyq komanda baspasóz hatshysy Dmıtrıı Nesterenko.
Atap ótsek, «Astana Arenasynda» kezdesý 2:1 esebimen alań ıeleriniń paıdasyna aıaqtalǵan. Kórermender áleýmettik jelide oıyn qorytyndysyn emes, qoldan jasalǵan bıletti talqyǵa saldy. Bul fýtbol súıer qaýymdy suraqtyń astynda qaldyrdy.
Budan buryn aıtylǵandaı, bılet satýdyń jańa júıesi álemniń ár túpkirinen ınternet, mobıldik qurylǵy, termınaldar arqyly táýligine 24 saǵat boıy bılet satyp alýyna múmkindik beredi.

QHKP belsendileri jasóspirimderdiń temeki shegý problemalaryna halyqtyń nazaryn aýdarý maqsatynda aktsııa ótkizdi
Astanada QHKP shtabynyń belsendileri jasóspirimderdiń temeki shegý, alkogol tutyný problemalaryna qalalyqtardyń nazar aýdarǵa baǵyttalǵan «Toqta. Satýshy zańdy saqta!» aktsııasyn ótkizdi.
Shara barysynda kommýnıster birqatar elordalyq shaǵyn marketterge bardy. Dúkenshilermen túsindirý jumystaryn júrgizdi, dep habarlady QHKP baspasóz qyzmetinen.
QHKP saılaý aldy shtabynyń basshysy Aıqyn Qońyrov temeki ónimderi men alkogol satýdy retteý salasyndaǵy zańnamany saqtaýǵa azamattyq baqylaý qajet ekenine senimdi.
«Búginde biz bólshek saýda dúkenderiniń satýshylaryn Zań talaptaryn saqtaýǵa, jasóspirimderge alkogol, temeki satpaýǵa úgittedik. Ata-analar men eresekter balalarynyń densaýlyǵyn qorǵaý qajettigin túsinýi qajet. Biz óskeleń urpaq tárbıeleýmen qatar, eldiń salaýatty tektik qoryn saqtaýdy.

Astanada Maslenıtsa merekesinde qysty shyǵaryp salýǵa aýa raıy bóget bola almady
Búgin kóptegen elderde qysty shyǵaryp salý slavıan merekesiniń sońǵy kúni - Maslenıtsa. Qazaqstan astanasynda bul kún jaýyndy boldy.
Saǵat 11-ge qaraı merekelik kontsert bastalýy tıis edi, alańda uıymdastyrýshylar men satýshylardan basqa eshkim bolmady, olar jańbyr men qarǵa ushyrady.
Kóktemdi qarsylaý merekesin dástúrli túrde qýanyshpen ótkizetin astanalyqtar halyq serýenin «Jastar» saraıynyń ishine aýystyrdy. Ázirge ártister jańa jaǵdaıda kontsertke ázirlenip jatqanda, qonaqtar Uly oraza bastalýy aldynda renjitken adamdarynan keshirim surap jatty. Pravoslav halqynda bul kún Keshirý jeksenbii dep atalady.
«Búgin tamasha mereke - Keshirim jeksenbisi - Maslenıtsa aptasynyń sońǵy kúni, al erteń Uly oraza bastalady. Aýa raıy tosyn minez tanytqanmen biz merekeni oıdaǵydaı ótkizýge bar kúshimizdi saldyq», - dedi respýblıkalyq «Lad» slavıan qozǵalysynyń orys-kazak jeksenbilik mektebiniń jetekshisi Natalıa Ivanova.
Uıymdastyrýshylar kóktem merekesine jaqsy ázirlengen: merekege jıanlǵandar án salyp, bı bılep, quımaqtardan dám tatty.
Sharany uıymdastyrýǵa 100-den astam adam qatysty. Olardyń arasynda slavıan qozǵalysynyń ókilderinen basqa, tatar, ýkraın, nemis, belarýs ulttyq birlestikteriniń ókilderi, bı ujymdary boldy.
«Biz mundaı merekelerdi árqashan da jaqsy ótkizýge tyrysamyz. Merekeler arqyly ózimizdiń tarıhymyzdy eske túsiremiz, halyq ánderin, óleńderi men kolıada shyrqap, turmys-salttarymyz ulyqtaımyz. Sóıtip, jas urpaqqa ózimizdiń dástúrlerimizdi jalǵastyramyz», - dedi Natalıa Ivanova.

Astanada Qazaqstanda tigilgen áıelder kıimi satylatyn dúken ashyldy
Astanada Garderob A1 atty qazaqstandyq kıim tigýshilerdiń ónimi satylatyn áıelder kıimi dúkeni ashyldy.
Munda áıelge tán náziktikti, sulýlyq pen symbatty, sándi baǵalaıtyn jandarǵa kıimder, aıaq kıimder, aksessýarlar, sándi áshekeı buıymdar jáne óner men sánge qatysty basylymdar usynylatyn bolady.
Sondaı-aq, jańa dúkende turaqty túrde sánge qatysty túrli sheberlik synyptary men trenıngter uıymdastyrylyp turmaq.
Aıta keteıik, dúkende «AtelierA1» qazaqstandyq kıim brendi tanystyryldy.

Naýryz meıramynda Astanada 70-ten astam shara ótkiziledi
Búgin elorda ákimdiginde apparat otyrysynyń basty taqyryby QR Parlamenti Májilisiniń kezekten tys jáne Astana qalasy máslıhatynyń kezekti saılaýy, sondaı-aq, Naýryz meıramyna daıyndyq máseleleri boldy, dep habarlady qalalyq ákimdiktiń baspasóz qyzmetinen.
Jeksenbi kúni, 20 naýryzda elordada 213 saılaýda daýys berý ýchaskesi jumys isteıtin bolady.Astana ákimi Ádilbek Jaqsybekov bul oqıǵanyń mańyzdylyǵyn atap ótip, ákimdiktiń barlyq qyzmetkerlerine úlken jaýapkershilik júkteletinin taǵy da eskertti.Aıta keteıik, elý myń qala turǵyny óz saılaý ýchaskesin anyqtaý úshin Astana qalasy ákimdiginiń qyzmetterin paıdalanǵan. Adamdarǵa yńǵaıly bolýy úshin saılaý ýchaskesin anyqtaýdyń birneshe joly usynylǵan - e.astana.kz ákimdiginiń elektrondy qyzmetter veb-portalynyń jáne astana.gov.kz ákimdik saıtynyń servısi, Baılanys ortalyǵy, qoǵamdyq oryndarda ornalasqan aqparattyq dúńgirshekter, sonymen qatar, 1414 qysqa nomerine SMS joldaý servısi, WhatsApp jáne Telegram mobıldi qosymshalary. Barlyq sharalar 20 naýryzda ár turǵynnyń óziniń azamattyq quqyǵyn júzege asyrýyna baǵyttalǵan.Bıyl demalys jáne mereke kúnderi naýryzdyń 19-nan 23-ne deıin jalǵasady. Sondyqtan, elordalyqtardyń demalysyna jáne qoǵamdyq qaýipsizdikke basa nazar aýdarylatyn bolady. Qalada Naýryz meıramy 14 jerde atalyp ótiledi. Basty shara 21 naýryzda «Saryarqa» respýblıkalyq velotreginde uıymdastyrylady. Sondaı-aq, «Astana Arena» stadıonynyń aldyndaǵy alańda halyqtyq serýen ótip, Etnoaýl ashylady. Atalǵan meıramǵa oraılastyrylǵan sharalar «Qazaq eli» jáne «Báıterek» monýmentteriniń aldyndaǵy alańdarda, Qalalyq alańda, «Stýdenttik» jáne «Jeruıyq» parkterinde de ótedi. Merekelik baǵdarlama aıasynda kontserttik baǵdarlamalar, sporttyq jarystar ótkizilip, kıiz úıler tigilip, altybaqandar ornatylady, ulttyq taǵamdar usynylady.«Baǵdarlama qanyq ári qyzyqty bolýy tıis, ár adam óziniń bul iske ortaq ekendigin sezinýi kerek. Bul rette barlyq qalalyq qyzmetter kúsheıtilgen rejimde jumys isteýi qajet», - dedi elorda ákimi.Jalpy, Naýryz meıramy aıasynda Astanada 70 astam shara ótkizý josparlanǵan.

Ulttyq mýzeıde Ulystyń uly kúnine oraı merekelik is-sharalar bastaldy
Búgin Qazaqstan Respýblıkasy Ulttyq mýzeıinde Ulystyń uly kúnine oraı bastaýysh jáne orta synyp oqýshylaryna arnalǵan «Armysyń, áz Naýryz!» atty merekelik is-sharasy bastaldy, dep habarlaıdy Ulttyq mýzeıdiń aqparattyq-ımıdjdik qyzmeti.
Shara aıasynda mektep oqýshylary teatrlandyrylǵan qoıylym tamashalady. Ańyz keıipkerleri Qydyr ata men Umaı ana balalarǵa bata berdi, Aldar kóse merekemen quttyqtady. Sonymen qatar, ájelerden quralǵan top ánnen shashý shashty.
Merekelik jıynda qol kúresinen, asyq atýdan, arqan tartýdan jarys ótkizilip, jeńimpazdarǵa syılyqtar úlestirildi.
«Armysyń, áz Naýryz» merekelik is-sharasyn ótkizýdegi basty maqsat - Ulystyń uly kúnin tárbıe tetigi retinde paıdalana otyryp, jas urpaqqa qazaq halqynyń baı mádenı murasyn tanytýǵa, salt-dástúrin qurmetteýge baýlý.
Aıta keteıik, Ulttyq mýzeıde Ulystyń uly kúnine oraı balalarǵa arnalǵan erteńgilikter 14-24 naýryz aralyǵynda ótedi.

Astana bazarlarynda saraptama ortalyǵynyń mamandary turǵyndarǵa azyq-túliktiń sapasyn tekserip beredi
Dúnıejúzilik tutynýshylardyń quqyǵyn qorǵaý kúnine oraı «Astanalyq» bazarynda «Árbir tutynýshyǵa qaýipsiz ónimder» aktsııasy ótkizildi.
Qala ákimdiginiń baspasóz qyzmetiniń habarlaýynsha, Tutynýshylardyń quqyqtaryn qorǵaý departamenti uıymdastyrǵan shara 2009 jyly alǵash ret qolǵa alynǵan bolatyn.
Aktsııa aıasynda satyp alýshylar taǵam ónimderiniń qaýipsizdigi men sapasyn anyqtaı alady. Ulttyq sanıtarlyq-epıdemıologııalyq saraptama ortalyǵy kókónister men jemister quramyndaǵy nıtrattardyń mólsherin anyqtaý úshin zerthanalyq zertteýlerdi tegin júrgizedi, azyq-túlikti termııalyq óńdeýdi baqylaıdy, sonymen qatar, sút ónimderiniń qyshqyldylyǵyn anyqtap beredi.
«Ótken jyly 1000 adamǵa konsýltatsııa berildi, 800 astam taldaý jasaldy. Zerthana ekspress-rejımde jumys isteıdi. Eger qıyndyqtar týyndasa, zertteýler qaıta júrgiziledi. Munda bakterıologııalyq jáne fızıka-hımııalyq zerthana ókilderi de bar. Eger nıtrattar kóp mólsherde anyqtalsa, ónimder satylymnan alynyp tastalady», - dedi Astana qalasynyń Tutynýshylardyń quqyqtaryn qorǵaý departamenti dırektorynyń orynbasary Meıramǵalı Moldashev.
Jyl saıyn ótkiziletin aktsııanyń maqsaty - halyq kóp tutynatyn taǵamdardyń qaýipsizdigin qamtamasyz etý máselesi boıynsha quqyqtary men olardy qorǵaý joldary týraly quqyqtyq saýattylyq pen aqparattylyqty arttyrý.
Munymen qosa, aktsııa barysynda qala turǵyndaryna óz quqyqtaryn qorǵaý máseleleri boıynsha keńester beriledi. Aktsııa erteń saǵat 10.00 bastap «Shapaǵat» bazarynda jalǵasady. Bıyl «Árbir tutynýshyǵa qaýipsiz ónim» aktsııasy 7 qalalyq bazarda ótkiziledi.

Mysyr Qazaqstannyń elordasyn kóshirý tájirıbesine qyzyǵýshylyq tanytty
Elorda ákimi Ádilbek Jaqsybekov Turǵyn úı isteri, kommýnaldyq sharýashylyq jáne qalalyq damý mınıstri Mustafa Madbýlı bastaǵan MysyrArab Respýblıkasynyńdelegatsııasymen kezdesti. Sheteldik qonaqtardyń elordaǵa kelýiniń negizgi maqsaty - Qazaqstannyń elordany aýystyrý boıynsha tájirıbesin qabyldaý, dep jazady qalanyń resmı saıty.
Týra bir jyl buryn mınıstr M. Madbýlı Sharm esh-Sheıhte ekonomıkalyq damý jáne ınvestıtsııalar jónindegi halyqaralyq konferentsııada barsha álemge Kaırden shyǵysqa qaraı ornalasqan Mysyrdyń jańa astanasyn salý týraly jospardy tanystyrǵan bolatyn. Qala halqynyń kóptigi el astanasyn aýystyrýǵa septigin tıgizip otyr. Jańa astana Kaırdiń jalǵasy retinde qaıtadan salynady. Kezdesýde Mysyrda Turǵyn úı isteri, kommýnaldyq sharýashylyq jáne qalalyq damý mınıstrligi men Qorǵanys jáne áskerı ónerkásip mınıstrligi elordany aýystyrý boıynsha ýákiletti organdar bolyp tabylatyny atap ótildi.
Mysyrdyń Turǵyn úı isteri, kommýnaldyq sharýashylyq jáne qalalyq damý mınıstri az ýaqyttyń ishinde eýrazııalyq óńirdiń ortalyǵyna aınalǵan qazaqstandyq elordany aýystyrý tájirıbesine múddelilik tanytty.
«Eki el arasynda dostyq qarym-qatynas ornaǵan, Prezıdentimizdiń aıtýymen munda Astanamen tanysý úshin keldik», - dedi M.Madbýlı. Sheteldik qonaq mysyrlyq taraptyń elordany aýystyrýdyń bastapqy kezeńinde osy protsessterdi uıymdastyrýdy basqarýdyń qalaı ótkenine qyzyǵýshylyq tanytyp otyrǵanyn atap ótti.
Á. Jaqsybekov Qazaqstannyń jańa elordasyn salý týraly sheshimdi Memleket basshysy qabyldaǵanyn jetkizdi. Qaıta qurylý kezinde qabyldanǵan sheshimge obektıvti ekonomıkalyq jáne basqa da faktorlar da yqpal etti. Astana qysqa ýaqyttyń ishinde ekonomıkalyq jáne áleýmettik turaqty, gúldengen demokratııalyq memlekettiń zamanaýı Qazaqstannyń jańa kelbetine aınalýy josparlanyp, ol júzege asty.
«Alǵashqy kúnnen bastap qurylystyń joǵary qarqyny belgilenip, alǵa birqatar mindetter qoıyldy. Búginde Astana ulttyq ıdeıanyń kórinisine, Qazaqstan tarıhyndaǵy jańa dáýirdiń sımvolyna aınaldy», - dedi qala basshysy. Bul rette ol elordanyń óz tájirıbesimen qýana bólisetinin atap ótti.
Keshe, 13 naýryzda sheteldik delegatsııa Astananyń mańyzdy jerlerin aralap, jalǵasyp jatqan qurylystyń aýqymymen tanysty.
Mysyr Qorǵanys jáne áskerı ónerkásip mınıstriniń orynbasary, qarýly kúshterdi ınjenerlik basqarýdyń bastyǵy Kamel Abdelhadı Farag Ýazır Astanadan shabyt alǵandaryn aıtty.
«Qurylys salasynda 38 jylǵa jýyq ýaqyttan beri eńbek etip kelemin, sondyqtan Astanany salýǵa joǵary bilikti mamandar, qurylysshylar, sáýletshiler tartylǵanyn aıta alamyn. Bizben bóliskeli otyrǵan tájirıbelerińizdi jańa astanamyzdyń qurylysynda paıdalanatyn bolamyz»,- dedi Mysyr Qorǵanys jáne áskerı ónerkásip vıtse-mınıstri.
Á. Jaqsybekovtiń atap ótýinshe, Astananyń qala qurylysy saıasaty birneshe kezeńnen turady, olardy júzege asyrýǵa birtindep barsha álemnen úzdik mamandar tartyldy. Mysaly, qalanyń Bas josparynyń ıadrosyn salǵan belgili japon sáýletshisi Kıse Kýrokavo.
Kezdesý barysynda qala qonaqtary elordanyń 18 jyldyń ishindegi damý úrdisimen tanysyp, qurylys josparlaryn jáne ındýstrıaldy áleýetti iske asyrýdy, abattandyrý, kógaldandyrý jáne qalanyń tynys-tirshiligine ınnovatsııalyq tehnologııalardy engizý máselelerin talqylady. Aldaǵy ýaqytta ótetin EKSPO-2017 halyqaralyq mamandandyrylǵan kórmesine erekshe nazar aýdaryldy.
Mysyr mınıstri Astana qalasynyń ákimdigine qonaqjaılylyǵy men Qazaqstannyń jas astanasynyń qalyptasýymen tanysýǵa múmkindik bergeni úshin alǵysyn bildirdi.
Kezdesýden keıin mysyrlyq delegatsııa «Astanabasjospar» ǴZJI-ynda boldy. Astana qalasy ákiminiń birinshi orynbasary Sergeı Horoshýn sheteldik qonaqtardy qalanyń damýymen egjeı-tegjeıli tanystyrdy. Sondaı-aq, sheteldik qonaqtar qaladaǵy tirshilikti qamtamasyz etý mekemeleri men EKSPO kórme kesheniniń obektilerin tamashalaıdy.

Astanada múmkindigi shekteýli qala turǵyndary bos oryndar jármeńkesine qatysady
Astanada 17 naýryzda «Astana Mall» saýda, oıyn-saýyq ortalyǵynda múmkindigi shektýli jandarǵa arnalǵan «Kedergisiz keleshek» bos oryndar jármeńkesi ótedi. Sharany qalalyq Jumyspen qamtý ortalyǵy uıymdastyrady, dep habarlady qalalyq ákimdiktiń baspasóz qyzmetinen.
Bos oryndar jármeńkesinde 20 jumys berýshiden 120 bos jumys orny usynylady. Jumys izdeýshiler konsýltatsııalar alyp, jumysqa ornalasý, jastar praktıkasy, áleýmettik jumys oryndary, sondaı-aq, «Jumyspen qamtý jol kartasy - 2020» baǵdarlamasy aıasynda qaıta daıarlaýdan ótý týraly tolyq aqparat ala alady.Sharanyń maqsaty múmkindigi shekteýli jandarǵa jumysqa ornalasýǵa kómektesý jáne olardy áleýmettik qorǵaý týraly habardar etý bolyp tabylady.

Astananyń jumyssyz júrgen turǵyndaryna psıhologııalyq konsýltatsııa beriledi
Astanada Jumyspen qamtý ortalyǵynda jumyssyz júrgen adamdarǵa psıhologııalyq kómek kórsetiledi. «Qasıet» psıhologııa ortalyǵynyń jetekshisi Aıqyn Dúısembaev ótkizetin trenıng úsh kúnge jalǵasady, dep habarlady qalalyq ákimdiktiń baspasóz qyzmetinen.
Sharanyń maqsaty - jumyssyz júrgen azamattarǵa psıhologııalyq kómek kórsetý jáne odan ári jumysqa ornalasýǵa qol ushyn sozý.Búgingi tańda Jumyspen qamtý ortalyǵynda psıhologııalyq trenıngtiń bir kýrsy ótkizildi. Oǵan 12 adam qatysty. Tyńdaýshylarǵa belsendi jumys izdeý, jumysqa ornalasý, sondaı-aq, ózin-ózi baǵalaýdy arttyrý men jumys berýshimen áńgimelesý kezinde ózin senimdi ustaný máseleleri boıynsha keńester berildi.Kýrs sońynda qatysýshylar trenıngke oń baǵalaryn berip, kóbi jumysqa degen qatynastaryn ózgertti. Úsh kúndik trenıngke Beıbitshilik k-si, 25 meken jaıy boıynsha Jumyspen qamtý ortalyǵynda jazylýǵa bolady.

Elordada qyzmet kórsetý salasynyń úzdik mamandary marapattaldy
Búgin Astana qalasynyń ákimdiginde Dúnıjúzilik tutynýshylardyń quqyǵyn qorǵaý kúnine arnalǵan kezdesý ótti, dep habarlady qalalyq ákimdiktiń baspasóz qyzmetinen.
Kezdesý barysynda «Ádilet» tutynýshylar quqyǵyn qorǵaý qoǵamynyń tóraǵasy Qabyken Zakarıanov qozǵalystyń sońǵy jyldary atqarǵan jumystarynyń qorytyndysyn shyǵaryp, astanalyqtardyń pikirinshe úzdik dep tanylǵan dárigerlerdi, kondýktorlardy, kólik qyzmetkerlerin, slesar jáne t.b. maman ıelerin marapattady.- Biz tutynýshylardyń quqyqtaryn qorǵap, úlken is atqaramyz, adamdardyń alǵysy - biz úshin eń joǵary marapat. 1991 jyly KSRO-da Tutynýshylardyń quqyǵyn qorǵaý jónindegi qoǵamdyq qozǵalys quryldy, al ydyraǵannan keıin biz Qazaqstanda alǵash ret «Ádilet» qoǵamdyq qozǵalysyn uıymdastyrdyq, ol 23 jyldan beri jumys istep keledi. Osy ýaqyttyń ishinde biz tutynýshylardyń naǵyz quqyq qorǵaýshylaryna aınaldyq, elordada túrli máseleler boıynsha 100 myńnan astam adamǵa kómek kórsettik, - dedi K. Zakarıanov.Onyń aıtýynsha, sońǵy jyly kómek suraǵan azamattar sany aıtarlyqtaı azaıdy. 2014 jyly shaǵym bildirgender sany 4 myńnan assa, ótken jyly 2 myńǵa jýyq bolǵan. Bul rette buzýshylyqtar sanynyń azaımaǵanyn aıta ketkenimiz jón. Halyqtyń saýattylyǵy artyp, adamdardyń kóbi óz quqyqtaryn biledi, kóp jaǵdaıda máseleler sol jerde sheshiledi.Jyl saıyn kásipqoılar azamattardyń oń pikirleriniń nátıjesinde irikteledi. Kezdesý sońynda eń úzdik mamandar marapattaldy. Belsendiler arasynda dárigerler, avtobýs júrgizýshileri, kondýktorlar, kásipkerler, slesarlar bar. Sonymen qatar, eń úlgili kásiporyndar - aýrýhanalar, PIK jáne t.b. marapattarǵa ıe boldy.

Ulttyq mýzeıde ata-anasynyń qamqorlyǵynsyz qalǵan sábılerdiń tusaýyn kesý rásimi ótti
Búgin QR Ulttyq mýzeıinde Naýryz merekesine oraı ata-anasynyń qamqorlyǵynsyz qalǵan sábılerdiń tusaýyn kesý rásimi ótti, dep habarlaıdy mýzeıdiń aqparattyq-ımıdjdik qyzmeti.
Sábılerdiń tusaýyn kesýge Qazaqstannyń Eńbek sińirgen ártisi, birneshe halyqaralyq baıqaýlardyń jeńimpazy Maıra Muhamedqyzy, «Astana aqshamy» JShS dırektorynyń orynbasary, belgili jýrnalıst Zeıin Álipbek, halyqaralyq baıqaýlardyń jeńimpazy, aqyn Qalqaman Sarın, «Balapan» telearnasynyń dırektory, telejúrgizýshi Láılá Sultanqyzy, belgili saıasattanýshy-jýrnalıst Jarqyn Túsipbekuly tárizdi tanymal tulǵalar shaqyryldy.
«Tusaýkeser» rásimi» jobasynyń jetekshisi, mýzeıtanýshy Nurserik Jolbarys jýrnalısterge bergen suhbatynda atalǵan sharanyń mańyzyna toqtalyp ótti.
«Qarııasyn «qazynam», ulyn «urpaq jalǵastyrarym», qyzyn «órisimdi keńeıterim» dep bilgen halqymyz úshin ár salt-dástúrdiń orny erekshe bolǵan. Dúnıege kelgen sátinen bastap sábıin eli men jerin súıýge, halqynyń murasyn qasterleýge tárbıeleıtin asyl dástúrlerimiz Ulttyq mýzeıdiń qaıyrymdylyq jobasynda óz jalǵasyn taýyp otyr. Bul joba memlekettik deńgeıde bastalǵan «Jaqsylyq Jasa» atty halyqtyq jobasynyń aıasynda ótkizildi. Osydan biraz ýaqyt buryn bastalǵan bul jobaǵa búkil qazaqstandyqtar atsalysty. Joba óz jalǵasyn taýyp keledi. Ulttyq mýzeı ujymy da bul jobadan qalys qalmaı ata-anasynyń qamqorlyǵynsyz qalǵan balalar úshin «Tusaýkeser» rásimi» jobasyn qolǵa aldy. Joba aldaǵy ýaqytta dástúrli túrde ótip turatyn bolady. Jetimin jylatpaǵan babalarymyzdyń asyl qasıetiniń osyndaı joba arqyly kórinis tapqanyna qýanyshtymyz, - dedi N.Jolbarys.
Qazaqstannyń Eńbek sińirgen ártisiMaıra Muhamedqyzybalalardyń bolashaǵyna aq jol tilep, óziniń analyq lebizin bildirdi.
«Ózim ana bolǵan soń, osy is-sharaǵa arnaıy keldim. Naýryz merekesine oraı ótkizilip jatqan «Tusaýkeser» rásimine qatysqanym úshin de óte qýanyshtymyn. Mundaı is-sharalar dástúrli túrde jolǵa qoıylsa nur ústine nur bolar edi. Biraq bizdiń qazaq jastary bala máselesine jeńil qaramasa eken deımin. Ol úlken jaýapkershilikti qajet etetin dúnıe. Sonymen qatar, jetimder úıi bolmasa eken deımin. Bul búldirshinder mahabbatqa, meıirimge zárý keledi. Sondyqtan da olardy súıispenshilikke bóleý bárimizdiń adamdyq boryshymyz», - dedi M.Muhamedqyzy.
Sonymen qatar, Qalqaman Sarın, Láılá Sultanqyzy, Zeıin Álipbek, Jarqyn Túsipbekuly balalardyń tusaýyn kesip, aq tilekterin arnady. Joba aıasynda Astanadaǵy sábıler úıiniń 5 tárbıelenýshisiniń tusaýy kesildi. Tusaýkeser rásimindegi fotosýretter men tapsyrylatyn sertıfıkattar balalardyń jeke is-paraǵyna tigilip, bolashaqta ózderiniń tusaýyn kesken tulǵalardy bilip júrýi úshin saqtalatyn bolady.
Naýryz merekesine oraı ótkizilgen bul shara aldaǵy ýaqytta ár mereke saıyn óz jalǵasyn tappaq.

Astanada saılaý ótetin kúni qoǵamdyq kólikpen júrý tegin bolady
2016 jylǵy 20 naýryzda Qazaqstan Respýblıkasy Parlamenti Májilisi men Astana qalasy máslıhatynyń depýtattaryn saılaý ótetin kúni qala turǵyndarynyń barlyq sanaty úshin qoǵamdyq kóliktermen jol júrý tegin bolady. Bul týraly elordanyń resmı saıty habarlady.
Aıta keteıik, qazirgi kezde Astanada 63 qalalyq baǵdar jáne aıaldamalar sany az, týra qozǵalatyn 6 ekspress-marshrýt, sondaı-aq, jolaýshylar tasymalynyń barlyq normatıvterine sáıkes keletin qala mańyna qatynaıtyn 15 marshrýt júredi.
Eske salaıyq, QR Parlamenti Májilisiniń depýtattary men Astana qalasy máslıhatynyń depýtattary úshin 213 saılaý ýchaskesinde daýys berýge bolady.

Astana ákimdigi úleskerlerdiń qatysýymen salynyp jatqan 12 nysanǵa qatysty máseleni qarady
Búgin Astana qalasy ákiminiń birinshi orynbasary Sergeı Horoshýnnyń tóraǵalyǵymen úleskerlik qurylys barysynda zań buzýshylyqqa jol bergen kompanııalardyń isi qaraldy.
«Júrgizilgen monıtorıng nátıjesinde búgingi kúni «QR-daǵy sáýlet, qala qurylysy jáne qurylys qyzmeti týraly» jáne «Turǵyn úı qurylysyna úlestik qatysý týraly» Zańdardyń buzylýyna jol bergen 12 nysan anyqtalyp otyr», - dedi kóp páterli turǵyn úı keshenderiniń qurylysyna úlestik qatysý máselesi jónindegi vedomstvoaralyq komıssııa otyrysyn ashqan S.Horoshýn.
Otyrysy barysynda qurylys barysynda zań buzýshylyqqa jol bergen, onyń ishinde tıisti ruqsat qujatsynsyz páterleri satylǵan 12 nysannyń isi qaralyp, olarǵa qatysty naqty usynystar jasaldy. Problemaly nysandar qatarynda «Beıbarys», «Elim-aı», «Kórkem-Taýer», «Semeınyı», «Zere-2», «Lazýrnyı bereg», «EkoDom» syndy turǵyn úı keshenderi bar.
Aıta keterligi, búgingi kúni qurylys barysynda zań buzyshýlyqtarǵa jol bergen nysandar tizimine 41 nysan engizilgen. Qala turǵyndary tarabynan shaǵymdardyń kóp túsýine baılanysty turaqty baqylaýdy qajet etetin jáne jumystardy júrgizý kestesinen aıtarlyqtaı qalyp qoıǵan ári qurylys barysynda zań buzýshylyqtarǵa jol bergen 14 nysan da tizimge alynyp otyr.

Elorda Naýryz meıramyna daıyndyq ústinde
Bıyl Naýryz meıramy bes kún boıy toılanady. Naýryzdyń 19-y men 23-i aralyǵynda qalada 70 jýyq mádenı-buqaralyq shara uıymdastyrylady.
Elorda qazirden bastap kóktem merekesine daıyndyq ústinde, dep habarlaıdy astana.kz. Ǵımarattardyń qasbetteri bezendirilip, jarqyraǵan konstrýktsııalar men ulttyq naqyshtaǵy shaǵyn arhıtektýralyq pishinder ornatylady.
Elorda kóshelerinde jaryq ıllıýmınatsııalyq arkalar, jaryq dınamıkalyq panno men joldardyń boıynda jarqyraǵan aǵashtar jasalady. Barlyq qalalyq saıabaqtarda shaǵyn arhıtektýralyq pishinder qoıylady. «Astanalyq» parkte «Jar Jar», Qabanbaı batyr dańǵyly men Kereı jáne Jánibek handar kóshesiniń qıylysynda «Jelpýishter» dekoratsııasy, sondaı-aq, «Kerýen», «Sharlar órnegi», «Toı», «Órnektelgen aǵashtar» jáne t.b. shaǵyn arhıtektýralyq pishinder ornatylady.
Qalalyq alańda merekelik kıiz úıler tigilip, altybaqandar bolady, Jeńis dańǵyly men Kenesary kóshesiniń, Jeńis dańǵyly men Abaı dańǵylynyń, Jeńis dańǵyly men Jangeldın kóshesiniń, Jeńis jáne Bógenbaı batyr dańǵyldarynyń, Jeńis dańǵyly men Máskeý kóshesiniń qıylystarynda, temirjol vokzalynyń aýmaǵynda 20 «Báısheshekter» kompozıtsııasy ornatylady.
Elordany merekelik bezendirýdiń Astana turǵyndary men qonaqtarynyń kóńilinen shyǵatyny sózsiz.
Mereke kúnderi halyqtyq serýen uıymdastyrylady. «Astana Arena» stadıonynyń aldyndaǵy alańda, «Qazaq eli» monýmentiniń aldynda, qalalyq alańda, «Stýdenttik» jáne «Jeruıyq» saıabaqtarynda, «Jastar» teatrynyń aldyndaǵy alańda, Mıchýrıno jáne Jeleznodorojnyı kentterinde, «Shyǵys Ilınka», «Prıgorodnyı», «Óndiris» turǵyn alaptarynda, № 20 OM aýmaǵynda, sondaı-aq, «Naz» memlekettik bı teatrynyń aldynda merekelik sharalar ótedi. Qala turǵyndarynyń nazaryna shyǵarmashylyq ujymdardyń kontsertteri men kıiz úılerde ulttyq taǵamdar usynylatyn bolady, ulttyq oıyndardan jarystar ótkiziledi.
22-27 naýryzda Kongress-hollda kún saıyn saǵat 10.00-20.00 «Naýryz - 2016» kórme-jármeńkesi, al 21-23 naýryzda «Jastar» saraıynda «Jastar kóktem lebi» festıvali aıasynda qoldanbaly óner kórmesi ótedi.
Sonymen qatar, Naýryz meıramyna oraı «Jastar» teatrynda, M. Gorkıı atyndaǵy Memlekettik akademııalyq orys drama teatrynda jáne Qýyrshaq teatrynda merekelik qoıylymdar kórsetiledi. 21 naýryzda «Saryarqa» respýblıkalyq velotreginde saǵat 12.00 úlken merekelik kontsert, sondaı-aq Kongress-hollda saǵat 18.00 taǵy da bir kontsert ótedi.

17 astanalyq oqýshy Ońtústik Koreıada konkýrsynan júldeli qaıtty
Dedjon qalasynda ótken «Jas ǵalym» halyqaralyq baıqaýyna qatysqan joǵary synyptardyń 32 oqýshysy elordaǵa oraldy. Týrnır qorytyndysy boıynsha eki oqýshy birinshi oryn, jeteýi ekinshi, segiz oqýshy úshinshi oryn aldy, dep habarlaıdy elordanyń resmı saıty.
Konkýrsqa bes sektsııa boıynsha 16 qalalyq mektep oqýshylary qatysty. Olar matematıka, fızıka, hımııa, bıologııa, geografııa, tarıh, til bilimi, ekonomıkadan óz jobalaryn orys jáne aǵylshyn tilderinde usyndy.
№17 mektep-gımnazııasynyń oqýshysy Aıda Qasymova hımııadan «Qorshaǵan ortany qorǵaý jáne adam densaýlyǵy» sanaty boıynsha jáne № 51 mektep-gımnazııasynyń oqýshysy Dana Ismaǵulova fızıkadan «Jańartylatyn energetıka - bolashaq energııasy» sektsııasynda birinshi oryn aldy.
«Fýndamentaldy matematıka jáne qazirgi zamanǵy ekonomıkadaǵy matematıkalyq ádister» sanatynda Daryndy balalarǵa arnalǵan qazaq-túrik lıtseıiniń ókili Abylaı Aqylbek, №17 mektep-gımnazııasynyń oqýshysy Adelaıda Allahverdıeva men №75 mektep-gımnazııasynyń oqýshysy Mıra Shaýalı kúmis júlde ıelendi. Daryndy balalarǵa arnalǵan QTL oqýshysy Aqyl Zaıdilbek qola júldege qol jetkizdi.
Oqýshylar hımııa men bıologııadan jobalardy «Qorshaǵan ortany qorǵaý jáne adam densaýlyǵy» sektsııasynda qorǵady. Bul salada «kúmis» № 60 mektep-lıtseıiniń oqýshysy Janııa Baımaǵambetova jáne Daryndy balalarǵa arnalǵan QTL oqýshysy Álibek Darkembaevqa buıyrdy. № 73 mektep-lıtseıiniń oqýshysy Sanjar Ahmetov pen Daryndy balalarǵa arnalǵan QTL oqýshysy Іlıas Ahmýrzın úshinshi oryn aldy.
«HHІ ǵasyrdaǵy til, mádenıet jáne quqyq: taný satylary» sanatynda tarıhtan № 3 mektep-gımnazııasynyń oqýshysy Ádil Zeınelǵabı jáne №1 mektep-lıtseıiniń ókili Toty Nurtaı «kúmis» oljalady, «qola» №59 mektep-lıtseıiniń oqýshysy Aıala Orazbaevanyń enshisinde. Daryndy qyzdarǵa arnalǵan QTL ókili Danelııa Musabekova til bilimi boıynsha jobasyn qorǵap úshinshi oryn aldy, №60 mektep-lıtseıiniń oqýshysy Ańsar Rahmetov aǵylshyn tilinen qola aldy. №60 mektep-lıtseıiniń oqýshysy Asan Sovetqalıev pen №38 mektep-lıtseıiniń oqýshysy Saıan Kemeńger de úshinshi oryn aldy. Bul ekeýi de «Jańartylatyn energetıka - bolashaq energııasy» sektsııasynda fızıkadan óz jobalaryn qorǵady.
Jarys júldegerleriniń biri Janııa Baımaǵambetova óz pikirimen bólisti:
«Men óz jobamdy hımııa páninen usyndym, ózim hımııa-bıologııa synybynda oqımyn. Shynyn aıtsam, qıyn boldy. Jumysymdy orys tilinde jazǵandyqtan ony aǵylshyn tiline aýdaryp, qorǵaýǵa týra keldi. Tórt jyldan beri hımııany tereńdetý tobynda oqyp júrmin, olımpıadalarǵa, týrnırlerge jıi qatysamyn, mektepten keıin ǵylymmen aınalyspaqpyn».
Aıta keteıik, oqýshylar sapar aıasynda bıznes mektebiniń professorlarynyń «Kásipkerlik shyǵarmashylyq» jáne «Innovatsııalyq menedjment» taqyryptary boıynsha dáristerin tyńdady.
17 astanalyq oqýshy Ońtústik Koreıada «Jas ǵalym» konkýrsynan oljaly qaıtty
Ońtústik Koreıanyń Dedjon qalasynda ótken «Jas ǵalym» halyqaralyq baıqaýyna qatysqan elordalyq 32 joǵary synyp oqýshysy elge oraldy. Týrnır qorytyndysy boıynsha eki oqýshy birinshi oryn, jeteýi ekinshi, segiz oqýshy úshinshi oryn aldy.
Konkýrsqa bes sektsııa boıynsha 16 qalalyq mektep oqýshylary qatysty. Olar matematıka, fızıka, hımııa, bıologııa, geografııa, tarıh, til bilimi, ekonomıkadan óz jobalaryn orys jáne aǵylshyn tilderinde usyndy.
№17 mektep-gımnazııasynyń oqýshysy Aıda Qasymova hımııadan «Qorshaǵan ortany qorǵaý jáne adam densaýlyǵy» sanaty boıynsha jáne № 51 mektep-gımnazııasynyń oqýshysy Dana Ismaǵulova fızıkadan «Jańartylatyn energetıka - bolashaq energııasy» sektsııasynda birinshi oryn aldy.
«Fýndamentaldy matematıka jáne qazirgi zamanǵy ekonomıkadaǵy matematıkalyq ádister» sanatynda Daryndy balalarǵa arnalǵan qazaq-túrik lıtseıiniń ókili Abylaı Aqylbek, №17 mektep-gımnazııasynyń oqýshysy Adelaıda Allahverdıeva men №75 mektep-gımnazııasynyń oqýshysy Mıra Shaýalı kúmis júlde ıelendi. Daryndy balalarǵa arnalǵan QTL oqýshysy Aqyl Zaıdilbek qola júldege qol jetkizdi.
Oqýshylar hımııa men bıologııadan jobalardy «Qorshaǵan ortany qorǵaý jáne adam densaýlyǵy» sektsııasynda qorǵady. Bul salada «kúmis» № 60 mektep-lıtseıiniń oqýshysy Janııa Baımaǵambetova jáne Daryndy balalarǵa arnalǵan QTL oqýshysy Álibek Darkembaevqa buıyrdy. № 73 mektep-lıtseıiniń oqýshysy Sanjar Ahmetov pen Daryndy balalarǵa arnalǵan QTL oqýshysy Іlıas Ahmýrzın úshinshi oryn aldy.
«HHІ ǵasyrdaǵy til, mádenıet jáne quqyq: taný satylary» sanatynda tarıhtan № 3 mektep-gımnazııasynyń oqýshysy Ádil Zeınelǵabı jáne №1 mektep-lıtseıiniń ókili Toty Nurtaı «kúmis» oljalady, «qola» №59 mektep-lıtseıiniń oqýshysy Aıala Orazbaevanyń enshisinde. Daryndy qyzdarǵa arnalǵan QTL ókili Danelııa Musabekova til bilimi boıynsha jobasyn qorǵap úshinshi oryn aldy, №60 mektep-lıtseıiniń oqýshysy Ańsar Rahmetov aǵylshyn tilinen qola aldy. №60 mektep-lıtseıiniń oqýshysy Asan Sovetqalıev pen №38 mektep-lıtseıiniń oqýshysy Saıan Kemeńger de úshinshi oryn aldy. Bul ekeýi de «Jańartylatyn energetıka - bolashaq energııasy» sektsııasynda fızıkadan óz jobalaryn qorǵady, dep habarlaıdy elorda ákimdiginiń baspasóz qyzmeti.
Jarys júldegerleriniń biri Janııa Baımaǵambetova óz pikirimen bólisti:
«Men óz jobamdy hımııa páninen usyndym, ózim hımııa-bıologııa synybynda oqımyn. Shynyn aıtsam, qıyn boldy. Jumysymdy orys tilinde jazǵandyqtan ony aǵylshyn tiline aýdaryp, qorǵaýǵa týra keldi. Tórt jyldan beri hımııany tereńdetý tobynda oqyp júrmin, olımpıadalarǵa, týrnırlerge jıi qatysamyn, mektepten keıin ǵylymmen aınalyspaqpyn».
Aıta keteıik, oqýshylar sapar aıasynda bıznes mektebiniń professorlarynyń «Kásipkerlik shyǵarmashylyq» jáne «Innovatsııalyq menedjment» taqyryptary boıynsha dáristerin tyńdady.

Londondaǵy Olımpıada chempıondary Astanadaǵy lıtsenzııalyq týrnırge keledi
London Olımpıadasynyń grek-rım kúresi boıynsha jeńimpazdary ońtústikkoreıalyq Kım Hen-Vý jáne ırandyq Hamıd Sorıan Qazaqstannyń elordasy Astanada Azııalyq lıtsenzııalyq týrnırde óz múmkindikterin synaıdy, dep habarlandy VKontakte jelisindegi Kazakhstan Wrestling Online paraqshasynda.
Sondaı-aq Olımpıadaǵa joldama alý úshin grek-rım kúresi boıynsha álem chempıonatynyń júldegerleri Omıd Noýrýzı (Iran) jáne Elmýrat Tasmýradov (Ózbekstan) keledi. Erkin kúres boıynsha álem birinshiliginiń júldegerleri Sosýke Takatanı (Japonııa), Komeıl Gasemı (Iran) jáne t.b. astanamyzǵa taban tireıdi.
Jarystyń ár kúninde ár túrinen eki salmaqta kúsh synasady. Týrnır 18-20 naýryzda ótedi. Ár salmaq dárejesindegi fınalǵa shyqqandar olımpıadalyq lıtsenzııalardyń ıegeri atanady.

Astana áýejaıy EKSPO-2017 kórmesine daıyndalýda
EKSPO-2017 halyqaralyq mamandandyrylǵan kórmesine daıyndalý maqsatynda, sonymen qatar «Nurly jol» memlekettik baǵdarlamasyn iske asyrý sheńberinde, 2015 jyly jalpy aýdany 40 myń sharshy metr jańa jolaýshylar termınalynyń qurylysy bastaldy.
Qurylys aıaqtalǵannan keıin áýejaıdyń ótkizý qabilettiligi jylyna 7 mln-nan astam jolaýshyǵa jetedi. Qarbalas kezderde reısterdi kútý zaldaryna bir ýaqytta 2,525 jolaýshyny syıǵyzýǵa bolady.
Búgingi kúni qurylystyń bastapqy kezeńi aıaqtaldy, termınal ǵımaratynyń jer betindegi bóliginde lıfti shahtalary men baspaldaq aralyqtary ornatyldy, metaldan jasalǵan qurylymdar men aralyqtardyń montajy oryndalyp jatyr. 2015 jyly perrondy aýqymdy qaıta jańartý júrgizildi, jańa bıznes termınaly qoldanysqa engizildi.
Astana qalasynyń halyqaralyq áýejaıy óndiristik kórsetkishter boıynsha Qazaqstannyń ekinshi basty áýejaıy bolyp tabylady.
Qazirgi ýaqytta iri álemdik avıakompanııalar Amerıka, Taıaý Shyǵys elderi, Eýropa men Ońtústik - Shyǵys Azııa elderiniń arasynda kontınent aralyq tasymaldaýlardy oryndaı otyryp, Astana qalasynyń áýejaıynda aralyq ushaq otyrǵyzýlaryn júzege asyrady.
Áýejaı Air Astana, Etihad, Asiana Airlines, flydubai, Aeroflot, Lufthansa, Turkish Airlines, Russia, SCAT, Uzbekiston Hava Yollary sııaqty jáne basqa da avıakompanııalarǵa qyzmet kórsetedi. Olar kún saıyn Qazaqstan boıynsha 15 baǵytta jáne taıaý jáne qıyr shetel elderine 22 baǵytta turaqty jolaýshylar reısin júzege asyrady.
Naryqta QAZAQ Air qazaqstandyq tasymaldaýshysynyń paıda bolýy elimizdiń túrli óńiriniń halqy úshin jaǵymdy jaǵdaı jasady. Jaqyn arada halyqaralyq masshtabtaǵy tasymaldaýshy KLM ROYAL DUTCH AIRLINES Astana qalasy men Gollandııanyń astanasy Amsterdam qalasyn baılanystyra otyryp, jańa baǵyt ashýdy josparlap otyr.
Áýejaı nyq qadamdarmen áýejaıdy Ortalyq Azııa óńiriniń HAB-y retinde damyta otyryp, óziniń alǵa qoıylǵan maqsattary men mindetterine qol jetkizýge talpynýda.
Jolaýshylarǵa qyzmet kórsetý, perronda qyzmet kórsetý, júkti jáne bagajdy óńdený sapasyn arttyrý jáne Astana halyqaralyq áýejaıyna halyqaralyq standarttardy engizý, birlesken qyzmetti júzege asyrý úshin shveıtsarııalyq Swissport International kompanııasy tartylǵan bolatyn.
Respýblıkanyń tranzıttik - kólik áleýetin damytý mańyzdylyǵyn nazarǵa ala otyra, Astana halyqaralyq áýejaıy kólik salasyn damytý boıynsha memlekettik baǵdarlamalardyń mindetterin basshylyqqa ala jáne súıene otyryp, Qazaqstannyń jańa býyndaǵy kólik ınfraqurylymyn qalyptastyrýǵa óz úlesin qosady.

Daǵystandyq legıoner Qazaqstan atynan joldamaǵa talasady
18-20 naýryzda Astanada ótetin kúres túrlerinen olımpıadalyq irikteýge qatysatyn grek-rım kúresinen qurama belgili boldy, dep habarlaıdy alaman.kz saıty.
66 keli salmaqta 2016 jylǵy Qazaqstan chempıony, Daǵystannan kelgen Magomed Chýhalov joldamaǵa talasady.
Al 85 kelide el chempıony bolǵan Nursultan Tursynovtyń jaraqatyna baılanysty onyń ornyna bıyl el chempıonatynda úshinshi oryn alǵan Azamat Qustybaev kilemge shyǵady.
Al 98 kelide el chempıony Marǵulan Ásembekov, 130 kelide Azııa oıyndarynyń chempıony Nurmahan Tynalıev qatysady.
Qazaqstan quramasynda ázirge bir joldama bar. Ony byltyrǵy álem chempıonatynda 56 kelide Almat Kebispaev ıelengen.
Olımpıada joldamasyn alý úshin balýandar fınalǵa shyǵýy tıis.

Astana Bike velosıpedteri jazǵy maýsymǵa daıyndaldy
Kóktemde Astana Bike avtomattandyrylǵan veloprokat júıesin iske qosýǵa daıyndyq jumystary bastalady, dep habarlaıdy elordanyń resmı saıty.
«Qazirgi kezde qala boıynsha stantsııalardy tazalaý, velojabdyqtardy daıyndaý - jumys jaǵdaıyn tekserý, jalpy dıagnostıkalaý, velosıpedterdi jóndeý jáne qurastyrý, júıeniń baǵdarlamalyq qamtylymyn tekserý - koordınattardy salystyrý jáne velostansalarda sıgnaldardyń ótýin dıagnostıkalaý jumystary júrgizilip jatyr», delingen habarlamada.
Bıylǵy maýsymda qalaǵa jalpy uzyndyǵy 85 shaqyrymdyq 45 kóshede 1 myń velosıpedi bar 150 velostansa qyzmet kórsetedi.
Paıdalanýshylar qajetti aqparatty, sonyń ishinde qazirgi kezde belsendi jáne belsendi emes stansalar týraly prokat saıtynan bile alady. Sonymen qatar, onlaın-tólem júıesi de jumys isteıdi, qosymsha Android jáne IOS negizinde ázirlengen jáne veloprokat júıesin ýaqytsha paıdalaný qyzmeti qoljetimdi.
Eske sala ketsek, aýa raıyna baılanysty 2015 jyly velosıped tebý maýsymy 15 sáýirde bastalǵan bolatyn. Bıyl da onyń ashylýy aýa raıynyń qolaılylyǵyna baılanysty bolady.
Astana Bike avtomattandyrylǵan veloprokat júıesi 2014 jylǵy 7 shildede iske qosylǵan. Astana Bike júıesin engizýdiń arqasynda elorda turǵyndary men qonaqtary ekologııalyq kólikpen júre alady, osylaısha qorshaǵan orta jaǵdaıy jaqsara túsedi.

Astanada «Jumyspen qamtý jol kartasy - 2020» baǵdarlamasy aıasynda 26 joba maquldandy
Astana qalasynyń údemeli ındýstrıaldy damýynyń úılestirý keńesi «Jumyspen qamtý jol kartasy - 2020» Bıznesti qoldaý jáne damytýdyń biryńǵaı baǵdarlamasy aıasynda bankterdiń, lızıngtik kompanııalardyń nesıeleriniń paıyzdyq mólsherlemelerin sýbsıdııalaý boıynsha 26 jobany maquldady. Nesıe jelisiniń jalpy somasy - 3,4 mlrd. teńge, sonyń ishinde 9 jobaǵa 549,3 mln. teńge kóleminde nesıelerdi jartylaı kepildendirý boıynsha qoldaý kórsetildi, dep habarlady qalalyq ákimdiktiń baspasóz qyzmetinen.
Jalpy alǵanda baǵdarlama júzege asyryla bastaǵaly 88 107,9 mln. teńgeniń 506 jobasy maquldandy.Jalpy quny 85 316,7 mln. teńgeni quraıtyn 451 joba paıyzdyq mólsherlemeni sýbsıdııalaý boıynsha maquldandy, 100 adamǵa 4 417,4 mln. teńge kóleminde nesıeler boıynsha kepilder berildi. Óndiristik ınfraqurylymǵa kelsek, elektr qýatymen jabdyqtaý, jol jóndeý, káriz júıeleri, sýmen jabdyqtaý, bý trassasyn aýystyrý boıynsha respýblıkalyq bıýdjet esebinen jalpy somasy 2 791,23 mln. teńgeni quraıtyn 35 joba maquldandy. Munymen qosa, 59,9 mln. teńgeniń 20 jobasyna grant aıasynda ruqsat berildi.

Astanada «Aýyl» partııasynyń jastar qanaty «Biz esirtkige qarsymyz» taqyrybynda aktsııa uıymdastyrdy
Astana qalasynda «Aýyl» Halyqtyq-demokratııalyq patrıottyq partııasynyń jastar qanaty «Biz esirtkige qarsymyz» taqyrybynda aktsııa uıymdastyrdy, dep habarlaıdy partııanyń baspasóz qyzmetinen.
Іs-sharanyń maqsaty jastardyń nazaryn ǵasyr derti - esirtkiniń keltirer zalaldaryna aýdarý. Jaman ádettiń árbir adamnyń keleshegine balta shabatynyn túsindirý ári salaýatty ómir saltyn nasıhattaý.
Sharaǵa jaǵymsyz teris ádetterge tez eliktegish, solqyldaq kezeń 16-29 jas aralyǵyndaǵy jastar qatysty.
Sonymen qatar salaýatty ómir saltyn qalyptastyrý ortalyǵynyń mamandary men «Aýyl» partııasynyń respýblıkalyq qoǵamdyq shtabynyń ókilderi qatysty.
Esirtkiniń kesiri jáne onyń adamnyń júıke júıesine tıgizer zardaby týraly Astana qalasynyń medıtsınalyq-áleýmettik ońaltý ortalyǵynyń dáriger-narkology tolyqqandy aıtyp berdi.
Depýtattyqqa úmitker Tolymbek Ǵabdiláshimovtiń aıtýynsha, otbasy qundylyqtaryn saqtap, ony jańǵyrtý mańyzdy. Árbir otbasyndaǵy turaqtylyq pen tatýlyq ondaǵy balanyń damýyna da oń áserin beredi. Sebebi bala uıada kórgenin ushqanda iledi. «Aýyl» partııasynyń saılaýaldy baǵdarlamasynda otbasy qundylyqtaryn jańǵyrtý máselesine erekshe kóńil bólingen. Sonymen qatar baǵdarlamada salaýatty ómir saltyn qalyptastyrý, ulttyń saýlyǵyn qamtamasyz etý máselesi de nazardan tys qalmaǵan.
Іs sharalardyń qorytyndysynda esirtkige degen tózbeýshilk sezimin bildirý maqsatynda jastar aspanǵa áýe sharlaryn jiberdi.
Astanada 300 adam tegin qazaq tilin úırene alady
Jyl basynan beri elordada azamattarǵa qazaq tilin úıretý kýrstary uıymdastyrylýda. Aldaǵy ýaqytta tegin kýrstarǵa taǵy da 300 adam jazyla alady. Ol úshin 29 naýryzǵa deıin Tilderdi damytý basqarmasyna ótinish berý kerek, dep habarlaıdy qala ákimdiginiń resmı saıty.
Memlekettik tildi meńgerý boıynsha tegin kýrstarǵa jazylý úshin ótinish berip, anketa toltyrý qajet, ózińizben birge jeke kýáliktiń kóshirmesin ala kelýińiz kerek.
Oqytý kýrsy 1 sáýirde bastalady. Sabaqtar kúndiz «Іsker» ortalyǵynda saǵat 09.00-18.00 aralyǵynda ótkiziledi. Aıta keteıik, kýrstarǵa tek eresekter ǵana jazyla alady. Jyl sońyna deıin til úırený kýrstary tegin bolady.

UWW prezıdenti: Astanadaǵy týrnırde naǵyz kúresti kórsetýimiz kerek
Álem kúresteri birlestiginiń (UWW) prezıdenti Nenad Lalovıch erteń Astanada ótetin azııalyq lıtsenzııalaý týrnıriniń qatysýshylaryn taza jáne ádil kúreske shaqyrdy.
«Tehnıkalyq delegattar, jarys tóreshileri jumystaryna qatysty nusqaýlyqtar aldy. Birinshi orynda naǵyz jáne taza kúres bolý kerek. Bir-biriniń saýsaqtaryn syndyratyn tásilderdi umytýlaryńyz qajet. Palýandar álemge ádil kúresti kórsetedi dep úmittenemin», - dedi N.Lalovıch túrli delegatsııalardyń ókilderine.
Astanada kúres túrleri boıynsha Azııalyq lıtsenzııalaý týrnıri 18 - 20 naýryz aralyǵynda ótedi. Jarystarǵa 20-dan astam eldiń sportshylary qatysady. Solardyń ishinde Iran, Qytaı, Japonııa, Mońǵolııa, Ońtústik Koreıa jáne Úndistan quramalary bar.
Onda Rıo-de-Janeırodaǵy Olımpıadaǵa 36 joldama sarapqa salynady.

Elordadaǵy azııalyq lıtsenzııalyq týrnırdi búkil álem tamashalaıdy
18 naýryz kúni Qazaqstan elordasynda bastalatyn kúresten baıraqty básekeni búkil álem jurtshylyǵy ǵalamtor arqyly tamashalaı alady.
Bul týraly Álem kúresteri birlestiginiń (UWW) prezıdenti Nenad Lalovıch elordada ótken baspasóz máslıhaty barysynda málim etti.
«Bul saıysty búkil álem jurtshylyǵy tamashalaı alatyndyǵyn esterińizge salǵym keledi. Bireýler telearnalar arqyly, degenmen, basym bóligi Video Stream arqyly onlaın-kórsetilimdi kóredi. Týrnırdi tikeleı kórsetetin telearnalardyń sany búgin belgili bolady. Qalaı desek te, vıdeokórsetilimdi álemniń kez kelgen núktesinen kórýge bolady».
Sonymen qatar ol sońǵy álem chempıonatynda jalpy 40 mln, onyń ishinde Tashkent týrnırin 1 mıllıonnan astam, Las-Vegas týrnırin 14 mıllıonnan astam, al Latvııa týrnırin 5 mıllıonnan astam adam tamashalaǵandyǵyn jetkizdi.
Aıta keterligi, Astanaǵa shamamen 400-ge jýyq sportshylar, jattyqtyrýshylar, tehnıkalyq qyzmetkerler, jýrnalıster men jankúıerler keldi. Astanada kúres túrleri boıynsha Azııalyq lıtsenzııalaý týrnıri 18 - 20 naýryz aralyǵynda ótedi. Jarystarǵa 20-dan astam eldiń sportshylary qatysady. Solardyń ishinde Iran, Qytaı, Japonııa, Mońǵolııa, Ońtústik Koreıa jáne Úndistan quramalary bar. Onda Rıo-de-Janeırodaǵy Olımpıadaǵa 36 joldama sarapqa salynady. Grek-rım kúresinen erler 59, 66, 75, 85, 98, 130 kelide, al erkin kúreste 57, 65, 74, 86, 97, 125 kelide beldesedi. Al áıelder 48, 53, 58, 63, 69 jáne 75 keli salmaq sanatynda úzdikterdi anyqtaıdy.

Nazarbaev Ýnıversıtetinde AQSh-tyń jetekshi kompanııalarynyń kóshbasshy áıelderimen kezdesý ótti
Qazaqstandaǵy AQSh Elshiligi bizdiń elimizge ǵylym, tehnologılar, ınjenerııa jáne matematıka salasyndaǵy kóshbasshy áıelderdiń úlken delegatsııasyn uıymdastyrdy.
Shara 14-18 naýryz aralyǵynda AQSh pen Qazaqstan arasyndaǵy ınnovatsııa salasyndaǵy yntymaqtastyqtyń 25 jyldyǵy aıasynda ótýde. TechWomen delegatsııasyna qatysýshylar Astana jáne Almaty qalalarynda mektepterdiń oqýshy qyzdary úshin sheberlik sabaqtaryn ótkizedi, jas kásipker áıelder úshin «speed geek» netvorkıng kezdesýlerine, stýdentter men áıelderge arnalǵan beıresmı netvorkıng kezdesýleri úshin bos oryndar jármeńkesine qatysady. Olarda mansap retinde joǵary tehnologııalar salasy qaralady.
TechWomen maqsaty STEM salasynda qol jetimdilik pen múmkindikter usyný arqyly kóshbasshy-áıelderdiń kelesi urpaǵyna qoldaý kórsetý, baılanys ornatyp, olardy jigerlendirý.
Búgin Astanada TechWoman delegattarynyń «Nazarbaev Ýnıversıtetiniń» stýdentterimen jáne oqytýshylarmen kezdesýi ótti. Áıelder AQSh-tyń kóshbasshy tech kompanııalarynda: Apple, LinkedIn, Mozilla, Symantec jáne Yahoo kásiporyndarynda jumys jasaıtyndyqtaryn aıtty. Delegatsııa quramynda Ortalyq Azııadan, sonyń ishinde Qazaqstannan aqparattyq tehologııalar salasyndaǵy jeke kompanııalardan jáne tehnıkalyq ýnıversıtetterden tórt qyz bar. Olar AQSh-taǵy 2015 jylǵy TechWomen almasý jáne mentorlyq baǵdarlamalarynyń túlekteri. Bular osy kompanııalarda taǵylymdamalyq jobalarǵa jáne kásibı damý semınarlaryna qatysty.
Oǵan qatysqan qazaqstandyqtardyń biri Dıana Tsoı baǵdarlama Qazaqstannyń jas qyzdarynyń ártúrli salalarda mansaptyq ósýine jol ashýǵa jigerlendiretinin aıtty.
Bul TechWomen delegatsııasynyń Ortalyq Azııaǵa alǵashqy sapary. Qazaqstandaǵy AQSh dıplomatııalyq mıssııasy bul sapar aımaqta tıimdi yntymaqtastyqty qurýǵa oń yqpal etedi jáne ǵylymı ınnovatsııalar salasyndaǵy adamdar men elder arasyndaǵy jumysty nyǵaıtady degen senimde.

Astanada EKSPO-2017 kórmesine eń úzdik kádesyı ónimine respýblıkalyq konkýrs jarııalanady
Búgin saǵat 11.00-de elordadaǵy «Kerýen» SOO-da І Respýblıkalyq «Uly dala kórme-jármeńkesiniń» ashylý saltanaty ótkiziledi. Іs-sharanyń aıasynda qolóner buıymdary men kádesyı ónimderiniń kórmesi men satylymy jáne ulttyq erekshelikpen jasalynǵan sándik kıimderdiń kórsetilimi qarastyrylǵan. Sonymen qatar barlyq nıet bildirýshiler úshin beıneleý óneri, kıizben jumys isteý, aǵash oıý, sebetter toqý, qysh zattar jasaý boıynsha tegin sheberlik sabaqtary ótkiziledi.
Bul týraly BUU Damý baǵdarlamasynyń Qazaqstandaǵy ókildiginiń baspasóz qyzmeti habarlady.
Sándik kórsetilimde belgili qazaqstandyq dızaınerler «Asyl Dızaın» sán úıinen óziniń eksklıýzıvti toptamasymen Aıdarhan Qalıev (Taraz q.) jáne «Tarbııa» qazaqtyń ulttyq kıiminiń sán salonynyń basshysy Tarbııa Aıdymbaeva qatysady.
«Uly dala kórme-jármeńkesiniń» maqsaty - halqymyzdyń qolónerlik dástúrlerin saqtaý jáne tanymaldandyrý, sonymen qatar óziniń buıymdarymen EKSPO-2017 kórmesine qatysýǵa nıet bildirgen Qazaqstannyń qolóner sheberleriniń áleýetin kórsetý bolyp tabylady. Kórme-jármeńkege Qazaqstannyń barlyq óńirlerinen 70-ten asa qolónershiler qatysady.
І Respýblıkalyq «Uly dala kórme-jármeńkesinde» «Astana Expo-2017» logotıpin tapsyrý úshin eń sapaly ónimdi anyqtaý maqsatymen EKSPO-2017 kórmesine eń úzdik kádesyı ónimine respýblıkalyq konkýrstyń bastalýy jarııalanatyn bolady.
2005 jyldan bastap BUU DB turaqty tabystaryn qamtamasyz etý úshin qolónershilerdiń sheberligin joǵarylatýda jáne halyq shyǵarmashylyǵyn qaıta jandandyrýda Qazaqstannyń óńirlerindegi qolónershilerge (negizinen áıelderge) belsendi qoldaý kórsetti. Kórme-jármeńkede Qazaqstan Respýblıkasy Úkimetiniń jáne BUU Birlesken baǵdarlamalary júzege asyrylatyn Shyǵys Qazaqstan, Qyzylorda jáne Mańǵystaý oblystarynyń aýmaqtaryndaǵy jobalardyń aıasynda BUUDB qoldaýyna ıe bolǵan jáne kıizben aınalysatyn qolónershiler erekshe orynǵa ıe bolady dep kútilýde.
Іs-sharanyń uıymdastyrýshylary - Qazaqstandaǵy BUU Damý Baǵdarlamasy, «EXPO&WOMEN» halyqaralyq uıymy jáne G-Global halyqaralyq hatshylyǵy.
Bos oryndar jármeńkesine 2000-nan astam jas astanalyq qatysty
Elordada jumyssyz júrgen jastarǵa, JOO stýdentteri men túlekterine arnalǵan alǵashqy salalyq bos oryndar jármeńkesi ótkizildi. Jumys berýshiler tehnıkalyq saladaǵy 200 artyq mamandyq boıynsha bos jumys oryndaryn usyndy. Bul týraly elorda ákimdiginiń baspasóz qyzmetinen habarlady.
Elordalyq jumyssyz júrgen jastar men tehnıkalyq mamandyqtar boıynsha bitirgen túlekter «Teplotranzıt» JShS, «Transtelekom» AQ, «Bazıs-A» JShS, «KazTransGaz» AQ, «AstanaEnergoSbyt» JShS, «ArabTec» JShS jáne t.b. kompanııalardyń ókilderimen kezdesti. Jumys berýshiler jumys izdeýshilerdi usynylǵan bos oryndar tizimimen tanystyryp, óz uıymdary men kásiporyndary týraly tolyq aqparat usyndy.
Jármeńke qorytyndysy boıynsha 200 astam adam áńgimelesýge shaqyryldy.
Aldaǵy ýaqytta sala boıynsha bos oryndar jármeńkesin eki aıda bir ótkizý josparlanyp otyr. Basty maqsaty - ekonomıkanyń belgili bir salasyn kásiporyndar kadrlarymen qamtamasyz etý. Astana qalasy ákimdiginiń «Astana jastary» KMM, habarlaýynsha, sharanyń basty mindeti bos oryndar jármeńkesinde jumys izdeýshilerdi naqty sanattar boıynsha biliktiligine qaraı áńgimelesýge jiberý úshin belgili bir saladaǵy jumys berýshilerdi jınaý bolyp tabylady.

Qazaqstannyń úzdik qolónershileri ózderiniń ónimderin EKSPO-qalashyqta satady
Astanadaǵy «Kerýen» saýda oıyn-saýyq ortalyǵynda «Uly Dala jármeńkesi» atty respýblıkalyq kórme-jármeńkesi ótip jatyr.
Shara barysynda qolóner buıymdary men kádesyı ónimderi, ulttyq naqyshtaǵy sándik kıimderdiń kórsetilimi uıymdastyryldy. Sonymen qatar qyzyǵýshylyq tanytqan turǵyndarǵa beıneleý óneri, kıizben jumys isteý, aǵashtan jáne qyshtan biregeı zattardy jasaýdan tegin sheberlik sabaqtary ótkiziledi.
«Bul jármeńke aıasynda «Uly Dala óneri» qolónershileriniń respýblıkalyq baıqaýy ótkiziledi. Osy oraıda úzdik buıymdar iriktelinedi. Keıinnen biz bul jumystardy jınap, EKSPO-qalashyq aýmaǵynda satýǵa múmkindik jasaımyz. Atap aıtqanda, ónimder ózderiniń biregeıligimen, sapasymen erekshelenip, ulttyq naqyshqa saı bolýy tıis»,-dedi QazAqparat tilshisine bergen suhbatynda «EXPO & Women» halyqaralyq uıymynyń dırektory Saltanat Rahymbekova.
Baıqaýdy uıymdastyrýshylardyń habarlaýynsha, jeńimpazdardyń buıymdaryna Astana EXPO-2017 logotıpi beriledi.
Aıta keteıik, is-sharany Qazaqstandaǵy BUU Damý Baǵdarlamasy, «EXPO&WOMEN» halyqaralyq uıymy jáne G-Global halyqaralyq hatshylyǵy uıymdastyrdy.

Astanadaǵy týrnırde qazaqstandyq eki balýan Rıo Olımpıadasyna joldama jeńip aldy
Astana qalasynda búgin «Dáýlet» sport kesheninde grek-rım, erkin jáne áıelder kúresi boıynsha Azııalyq Olımpıadalyq irikteý týrnıri ótip jatyr. Jarystyń túske deıingi qorytyndysy boıynsha eki qazaqstandyq fınalǵa shyǵyp, Rıo Olımpıadasyna joldamany jeńip aldy.
Birinshi joldamany áıelder arasyndaǵy 69 keli salmaqta beldesken Elmıra Syzdyqova fınalǵa ótip qanjyǵasyna baılady. Al erkin kúresten 74 keli salmaqta óner kórsetken Ǵ. Óserbaev fınalǵa súrinbeı jetip, Qazaqstan qorjynyna ekinshi joldamany saldy.
53 kelide synǵa túsken Z. ıAhıarova men 85 kelide «klassık» A. Qustybaev jarysty erte aıaqtady.
Endi fınal keshki saǵat 18:00-de bastalady. Joldama alǵan qos sańlaǵymyz búgin keshte altynǵa talasady.
Esterińizge sala keteıik, fınalǵa joldama alǵan balýandar lıtsenzııaǵa qol jetkizedi.
Astanadaǵy týrnırge qatysatyn Azııanyń 168 balýany Rıo Olımpıadasyna 36 joldamany sarapqa salady.
Astanaǵa gaz tartý jumystary belgisiz merzimge toqtatyldy - Energetıka mınıstrligi
Astanaǵa gaz tartý jónindegi másele belgisiz merzimge toqtatyldy. Bul týraly búgin Ortalyq kommýnıkatsııalar qyzmetinde ótken baspasóz máslıxatynda QR Energetıka mınıstrligi gaz ónerkásibin damytý departamentiniń basshysy Ǵalym Nurǵazıev málim etti.
«Búgingi tańda Astanaǵa gaz qubyryn tartýdyń eki jobasy bar. Olar: Qostanaı oblysynan tartylatyn «Qartaly - Tobyl - Kókshetaý - Astana» magıstrali men «Beıneý - Bozoı - Shymkent» qubyryna «Qyzylorda - Jezqazǵan - Temirtaý - Qaraǵandy - Astana» magıstralin jalǵaý arqyly elordaǵa gaz jetkizý. Birinshi joba boıynsha jumystar atqaryldy, jobalyq-smetalyq qujattamasy da bar. Ekinshi magıstral boıynsha azdaǵan texnıkalyq-ekonomıkalyq esepteýler jasaldy. Qazirgi ýaqytta eki jobany da toqtata turý týraly sheshim shyǵaryldy. Ázirge belgisiz merzimge», - dep atap ótti departament dırektory.

Astana memlekettik akademııalyq fılormonııasy kópshilikke jańa týyndylardy tanystyrdy
Naýryz meıramy qarsańynda Astanadaǵy «Kongress-Holl» saraıynda Astana memlekettik akademııalyq fılormonııasynyń qazaq halyq aspaptary orkestriniń «Ǵasyrlar úni» atty kontserti ótti. Eń bastysy, bul kontsert birneshe jańa týyndylardyń alǵash ret oryndalýymen erekshe boldy.
Atap aıtqanda, Maǵjan Jumabaıulynyń «Batyr Baıan» poemasy boıynsha jazylǵan kompozıtor Dýlat Ábildınovtyń «Batyr Baıan» mýzykalyq shyǵarmasy alǵash ret kórermender nazaryna usynyldy.
Sol sekildi kompozıtor Toǵjan Jahınniń «Edil patsha», «Jańa zaman» atty mýzykalyq poemalaryn elordalyqtar jyly qabyl aldy.
Kompozıtor Mádına Tursynbaevanyń «Samǵa, Astana» áni de halyqaralyq baıqaýlardyń laýreaty Kúnsulý Turlybekovanyń oryndaýynda alǵash ret shyrqaldy. Budan keıin orkestr kompozıtor Ardaq Táńirbergenulynyń «Joryqta» shyǵarmasyn da alǵash ret tyńdarmandarǵa tanystyrdy. Dırıjerlik jasaǵan Mádenıet qaıratkeri Nurlan Bekenov.
Budan bir-eki jyl buryn kompozıtor Nurlan Bekenov qazaqtyń ór rýhty aqyny, batyry Mahambet Ótemisulyna arnap «Qyzǵysh qus» degen kúı shyǵarǵan bolatyn. Mine, osy kúıdi atalǵan orkestr alǵash ret kórermenderge tartý etti. Jeke dombyrada Memlekettik «Daryn» jastar syılyǵynyń ıegeri Anar Muzdahanova oryndady. Orkestr men jeke oryndaýshy arasyndaǵy úılesim kúrdeli kúıdiń kórkin asha tústi.
Ánshi, respýblıkalyq baıqaýlardyń laýreaty Danııar Muqan kompozıtor Bazaraly Túsipjanovtyń «Dombyra» ánin naqyshyna keltire shyrqap, án súıer qaýymnyń qoshemetine bólendi.
Sonymen qatar kompozıtor Janar Júsipovanyń «Gúlsim hanymǵa» áni tuńǵysh ret shyrqaldy. Bul án Maǵjan Jumabaıulynyń sózine jazylǵan.
Kelesi kezekte kompozıtor Arman Jaıymnyń «Áz-Táýke», Tóle bı kantatasynan «Qarlyǵashtyń áni», Bıbarys operasynan «Aıdananyń arııasy» sııaqty birqatar mýzykalyq shyǵarmalary oryndaldy. Bul shyǵarmalardaǵy tereń tebireniske toly ánderdiń sózderin orkestrdiń súıemeldeýimen ánshi, respýblıkalyq baıqaýlardyń laýreaty Shahrızada Tynyshtyq kórermenderge jetkizdi.
Orkestrdiń kórkemdik jetekshisi jáne bas dırıjeri, Qazaqstannyń eńbek sińirgen qaıratkeri, professor Aıtqalı Jaıymovtyń dırıjerlik etýimen birneshe shyǵarmalar oryndaldy. Sonyń biri - Arman Jaıymnyń fortepıano men orkestrge arnalǵan «Mahambet» atty № 2 kontsertten fınal. Bul týyndyny orkestrdiń qoldaýymen avtor Arman Jaıymnyń ózi oryndap berdi. Osy shyǵarma da kórermender nazaryna alǵash ret usynylǵanyn aıta ketkenimiz jón.
Ár kórermenniń janyna shabyt berip, kóńilin kúıge bólegen kontsertte basqa da ánder shyrqaldy, kúıler tartyldy.

Elordalyq oqýshylar «Zerde» respýblıkalyq baıqaýynda birinshi oryn aldy
«Baldáýren» respýblıkalyq oqý-saýyqtyrý ortalyǵynda 1-7 synyp oqýshylarynyń arasynda HІ «Zerde» respýblıkalyq konkýrsy ótti, dep habarlaıdy elordanyń resmı saıty.
Elordalyq 40 oqýshy 8 sektsııa boıynsha óz jobalaryn qorǵady. Balalar taǵy da jalpy komandalyq esepte birinshi oryn alyp «Úzdik komanda» atandy.
Konkýrs nátıjesinde, 19 astanalyq oqýshy altyn, 13-i kúmis, jeteýi qola aldy.
Konkýrs qazaq tili jáne ádebıeti, orys tili jáne ádebıeti, matematıka-ınformatıka, fızıka-tehnıka, medıtsına, psıhologııa, tarıh, ólketaný, etnomádenıettaný; bıologııa, hımııa; valeologııa, ekologııa pánderinen ótti.
Aıta keteıik, «Astana daryny» óńirlik ǵylymı-praktıkalyq ortalyǵy oqýshylardyń ıntellektýaldyq-shyǵarmashylyq áleýetin jáne zertteý qyzmetin damytý, álemdi, ǵylymdy tanýǵa degen qyzyǵýshylyǵyn oıatý maqsatynda túrli ıntellektýaldyq jáne ǵylymı konkýrstardy turaqty túrde ótkizedi.

Astanada Dinı birlestikter ókilderi jınalysynyń kezekti otyrysy ótti
Búgin Astanadaǵy «Áziret Sultan» meshitinde Dinı birlestikter ókilderi jınalysynyń kezekti otyrysy ótti, dep habarlaıdy QR Mádenıet jáne sport mınıstrliginiń Din isteri komıteti.
«Іs-sharaǵa Qazaqstanda tirkelgen dinı birlestikterdiń, Qazaqstan dintanýshylar Kongresiniń, Mádenıetter men dinderdiń halyqaralyq ortalyǵy jáne QR MSM Din isteri komıtetiniń basshylary men ókilderi qatysty», delingen habarlamada.
Jınalys jumysynyń aıasynda memleket pen dinı birlestikter arasyndaǵy yntymaqtastyqtyń, rýhanı kelisimdi nyǵaıtýdyń ózekti máseleleri talqylandy, sonymen qatar Qazaqstannyń dinı birlestik ókilderiniń atynan Naýryz meıramyna baılanysty Qazaqstan halqyna quttyqtaý haty bekitildi.
Resmı baǵdarlama aıaqtalǵannan keıin Jınalystyń músheleri men qonaqtary úshin «Áziret Sultan» meshitine ekskýrsııa uıymdastyryldy. Іs-sharanyń resmı bóliginen keıin oǵan qatysýshylarǵa ystyq sháı, «Naýryz kóje» dástúrli taǵamy, shyǵys tamaqtary usynyldy.
Sondaı-aq túrli konfessııa ókilderi «Asyq atý», «Arqan tartý» ulttyq oıyndaryna belsene qatysty.

Elordalyq ardagerlerge Jeńis kúnine oraı 1 mıllıon teńgeden tólenedi
Búgin Astanada besinshi shaqyrylymdaǵy qalalyq máslıhattyń sessııasy ótti. Otyrys barysynda Astana qalasy ákiminiń orynbasary Andreı Lýkın jaqyn arada qandaı jobalarǵa qarjy bólinetini týraly baıandady, dep habarlady astana-akshamy.kz.
2015 jylǵy 11 jeltoqsandaǵy «Astana qalasynyń 2016-2018 jyldarǵa arnalǵan bıýdjeti týraly» Astana qalasy máslıhatynyń sheshimine ózgerister men tolyqtyrýlar engizý máselesin qarastyra kele, A. Lýkın Táýelsizdiktiń 25 jyldyǵyna arnalǵan monýmentti jasaýǵa jáne ornatýǵa jergilikti bıýdjetten 100 mıllıon teńge bólinetinin atap ótti. Onyń aıtýynsha, sondaı-aq, bıýdjette Trıýmfaldy arkanyń janyndaǵy dóńgelek alańdy abattandyrý qarastyrylǵan.
Astana ákiminiń baspasóz qyzmeti habarlaǵandaı, otyrys barysynda Astanada múgedekterdi, qarttar men aýrý jandardy kútý boıynsha jańa kásiporyn ashylatyny málim boldy.
- Qazirgi kezde áleýmettik jumyskerler úsh aýdandyq ákimdiktiń quramynda. Olardyń jalpy sany - 112 adam. Endi bul jumyskerler bir memlekettik-kommýnaldyq kásiporynǵa biriktiriledi, ol múgedekterdi, qarttar men syrqat jandardy kútý boıynsha qyzmetter aýqymyn keńeıtedi. Muqtaj jandarǵa úılerinde áleýmettik kómek kórsetý jónindegi memlekettik baǵdarlama aıasynda aýdan ákimdikterine 185 mıllıon teńge kóleminde qarjy bólinip, Jumyspen qamtý jáne áleýmettik qorǵaý basqarmasynyń fýnktsııalary Áleýmettik qyzmet kórsetý ortalyǵyna beriledi. Bul kásiporynǵa aýrý adamdardy, qarttardy kútýdi qajet etetinderdiń barlyǵy júgine alady. Aldaǵy ýaqytta qyzmetter aýqymy keńeıe túspek, - dedi Andreı Lýkın.
Astana qalasy ákiminiń orynbasary túsken qarjy azamattyq qyzmetshilerge eńbekaqy tóleýge jumsalatynyn jetkizdi. Bul maqsattarǵa qosymsha qarjylar bólinbeıdi, ol qaıta úlestiriledi.
Kásiporyn óz jumysyn bıyl sáýir aıynda bastaıdy.
Sonymen qatar, psıhonevrologııalyq dıspanser salý týraly sheshim qabyldandy. A. Lýkın eń jaqyn psıhonevrologııalyq dıspanserdiń Aqmola oblysynyń Aqkól qalasynda ornalasqanyn atap ótti.
Kezekten tys sessııa barysynda bıyl elordalyq ardagerlerge 9 mamyr merekesine oraı taǵy da 1 mıllıon teńgeden tólenetini aıtyldy. Jalpy, Astanada Uly Otan soǵysyna qatysqan 172 adam turyp jatyr. Qalalyq máslıhat depýtattary bul bastamany biraýyzdan qoldady.
Otyrys sońynda jergilikti bıýdjetke engiziletin túzetýler bekitildi. Andreı Lýkınniń málimetinshe, 2016 jyldyń basynda qalalyq qazynada 9 mıllıard 200 mıllıon teńge kóleminde bos qarajat qalǵan. Kiris bóligi negizgi áleýmettik-ekonomıkalyq kórsetkishterdiń artýymen baılanysty. Onyń aıtýynsha, bul qarjydan qalanyń qajettilikterine 8 mıllıard teńge jumsaý kózdelgen.

Astana: «Naýryz meıramy» aıasyndaǵy 19 naýryzda ótetin sharalar
Astanada Ulystyń Uly kúni - Áz-Naýryz meıramyna arnalǵan merekelik sharalar bastaldy. QazAqparat búgin, 19 naýryz kúni ótetin mádenı sharalar kestesin usynady.
19 naýryz
10:00 - Buqaralyq shara Internatsıonalnyı eldimekeni
11:00 - E.Shvarts «Qyzyl telpek» (ertegi) M.Gorkıı atyndaǵy memlekettik akademııalyq orys drama teatry
12:00 - S.Qasymbek «Naýryz arý» (ertegi) «Jastar» teatry
12:00, 14:00 - A.Salaeva «Armysyń, áz-Naýryz!» Astana qalasynyń qýyrshaqtar teatry
16:00 - «Jyrtqyshtar ımperııasy» baǵdarlamasy Astanalyq tsırk
18:00 - N.Gogol «Munda bárimiz de ózimiz», «Revızor» pesasy boıynsha ımprovızatsııa M.Gorkıı atyndaǵy memlekettik akademııalyq orys drama teatry
18:00 - QR eńbek sińirgen qaıratkeri Ramazan Stamǵazıevtiń «Aıttym sálem, saǵynyp!» kontserti Kongress-holl
19:00 - «Armysyń, Áz Naýryz!» baıqaýynyń gala kontserti «Qobyz» saraıy

Astana «Jer saǵaty» dúnıejúzilik ekologııalyq aktsııasyna qatysty
‪ Búgin, 19 naýryzda, elorda «Jer saǵaty» halyqaralyq aktsııasyna qatysty, dep habarlady qalalyq ákimdiktiń baspasóz qyzmetinen. ‬‬‬‬‬
Barsha álemde mıllıardtaǵan adam planetamyzdyń bolashaǵyna nemquraıly qaramaýdyń belgisi retinde óz úıleri men páterlerinde jaryq pen elektr quraldaryn bir saǵatqa óshirdi. Sonymen qatar, basty obektiler men týrıstik kórikti jerlerde de jaryq sóndirildi.Astanada saǵat 20.30 - 21.30 aralyǵynda 300 astam ǵımarattyń syrtqy jaryqtandyrylýy toqtatyldy, sonyń ishinde «Báıterek» monýmentinde, «Han Shatyr» oıyn-saýyq ortalyǵynda, Beıbitshilik jáne kelisim saraıynda, «Astana Opera» memlekettik opera jáne balet teatrynda.Sharaǵa «Qazaqstan» sport kesheni, «Astana Arena» stadıony, «Alaý» muz aıdyn saraıy, «Barys Arena» sııaqty sporttyq nysandar da qosyldy. M. Gorkıı atyndaǵy memlekettik akademııalyq orys drama teatry, Elordalyq tsırk, Q. Qýanyshbaev atyndaǵy qazaq mýzykalyq drama teatry, «Jastar» saraıy, Qýyrshaq teatry men «Naz» bı teatry da aktsııaǵa qoldaý kórsetti.«Jer saǵaty» - Dúnıejúzilik jabaıy tabıǵat qorynyń (WWF) barsha álemde júzdegen memleketti qamtyǵan jáne tabıǵatty saqtaýdyń, planetamyzdyń shekteýli resýrstaryna qamqor bolýdyń belgisi bolyp tabylatyn aýqymdy aktsııasy. Ótken jyly aktsııaǵa 172 memleket pen 2 mıllıardtan astam adam qatysqan.Bıyl elimizde «Jer saǵaty» 16 sáýir - 16 mamyr aralyǵynda ótetin «Ulttyq orman otyrǵyzý kúni» respýblıkalyq aktsııasynyń qamqorlyǵymen uıymdastyryldy. Aktsııaǵa Qazaqstannan 80 qala qatysty. Elorda atalǵan halyqaralyq sharany birneshe jyldan beri qoldap keledi.Aktsııa qoǵam nazary balamaly energııa kózderin paıdalanýǵa baǵyttalǵan «EKSPO-2017» halyqaralyq kórmesi qarsańynda asa mańyzdy bolyp tabylady. Memleket energııa únemdegish tehnologııalardy paıdalanyp, «jasyl ekonomıkany» damytýda, osy maqsatta jasalǵan alǵashqy qadam - resýrstardy paıdalanýdy ońtaılandyrý jáne tabıǵat qorǵaý qyzmetiniń tıimdiligin arttyrý, sondaı-aq, «jasyl» ınfraqurylymdy qurý.

Astanada 20 naýryz kúni ótetin merekelik sharalar
Astana qalasynda «Naýryz meıramy - 2016» toıy aıasynda 20 naýryz kúni ótetin sharalar:
11-00-de M.Gorkıı atyndaǵy Memlekettik akademııalyq orys drama teatry. O.Rozým «Marǵaýdyń jańa jyldy qutqarý hıkaıasy /Ertegi/.12-00, 14-00-de Astana qalasynyń Qýyrshaqtar teatry. A.Salamova. «Armysyń, áz-Naýryz!»16-00-de Astanalyq tsırk. «Jyrtqyshtar ımperııasy» baǵdarlamasy.«Astana aqshamy» gazetinen alyndy.

Elordalyq qýyrshaq teatry halyqaralyq festıvalǵa qatysady
Astana qalalyq Qýyrshaq teatry naýryzdyń 19-y men 25-i aralyǵynda Tambov qalasynda (RF) ótetin halyqaralyq festıvalǵa daıyndalý ústinde, ártister kópshilik nazaryna «Atameken» tragedııasyn usynbaq, dep habarlady qalalyq ákimdiktiń baspasóz qyzmetinen.
21 naýryzda Halyqaralyq qýyrshaqtar teatry kúni atalyp ótiledi. Atalǵan mereke barsha álemde 2003 jyldan beri toılanyp keledi. Astana qalalyq Qýyrshaq teatryna bıyl 9 jyl bolady, onda 30 astam akter, qoıýshy-rejısser, sýretshi men qýyrshaqtar sheberi eńbek etedi. Teatr trýppasy árbir qoıylymǵa muqııat daıyndalady, óıtkeni spektaklge eń muqııat jas kórermen óz baǵasyn beredi.Qazirgi kezde ártister naýryzdyń 19-y men 25-i aralyǵynda Tambov qalasynda (RF) ótetin halyqaralyq festıvalǵa daıyndalý ústinde, ártister kópshilik nazaryna «Atameken» tragedııasyn usynbaq. Qoıylymda taýlardy qar basyp, týǵan jerine jete almaı otyrǵan shaǵyn qazaq aýylynyń turǵyndary jaıly baıandalady. Spektaklde qazaq halqynyń turmysy men mádenıeti sıpattalady.Teatrdyń qoıýshy-rejısseri ártisterdiń árbir daıyndyǵyn muqııat baqylaıdy.Teatr repertýarynda túrli janrdaǵy qoıylymdar bar, balalar tragedııalardy da, kóńildi komedııalardy da unatady. Ár spektakl belgili bir jastaǵy balalarǵa arnalǵan. «3+» toby - eń kishkentaı balalarǵa arnalǵan, barlyq jastaǵy oqýshylarǵa usynylatyn qoıylymdar da bar. Sanatyna qaraı spektakldiń uzaqtyǵy da ózgeredi.Elordalyq qýyrshaqtar teatry óz jumysyn «Qyz Jibek» poemasynyń jelisi boıynsha «Mahabbat týraly poema» spektakliniń premerasynan bastady. Teatr arsenalynda jarqyn jáne erekshe qýyrshaqtar bar, eń úlkeni bıyl 9-ǵa keledi. Jańa qýyrshaq keıipkerin jasaý protsesi kóp eńbekti qajet etedi. Aldymen, keıipkerdi rejısser oılap tabady, sodan keıin sýretshi onyń beınesiniń eskızin salady, al sońǵy kezeńde tiginshi qýyrshaqtyń árbir elementin jasaıdy.Aıjan Salaeva, Astana qalasynyń Qýyrshaq teatrynyń qoıýshy-rejısseri:- Bizde arnaıy sýretshi men tigin tsehy bar. Aldymen bárin solarmen kelisemiz. Biz ne qalaıtynymyzdy jáne qýyrshaqtyń qandaı bolatynyn aıtamyz. Sodan keıin eskız ben qýyrshaq jasalady.Qazirgi kezde teatr barlyq respýblıkalyq merekelik sharalarǵa belsendi qatysady, teatr qorjynynda «Úzdik spektakl» jáne «Úzdik akterlik jumys» boıynsha halyqaralyq festıvaldardyń marapattary bar.Elordalyq teatr qyzmetkerleri tól merekelerin zor maqtanyshpen qarsy alady. Olardyń árqaısysy eńbekteriniń jas kórermenderdiń tárbıesine oń áserin tıgizgenin qalaıdy.

KÚRES: Qazaqstan quramasy Olımpıadanyń taǵy tórt joldamasyn ıelendi
Astanada kúres túrlerinen ótip jatqan azııalyq lıtsenzııalyq týrnırdiń úshinshi kúni Qazaqstan quramasy Rıo-de Janeıroda ótetin Olımpıada oıyndaryna taǵy tórt lıtsenzııa jeńip aldy.
Atap aıtqanda, áıelder kúresinen jeńil salmaqtaǵy (48 keli) Juldyz Eshımova shırek fınalda ózbek qyzy Jaqsymuratovany 10:0 esebimen, al jartylaı fınalda úndis arýy Vıneshti 5:4 esebimen utty. Sonymen qatar, 63 kelidegi Ekaterına Larıonova da jeńis tuǵyrynan kórinip, lıtsenzııany qanjyǵasyna baılady.
Al erkin kúresten 86 kelide kúresken Aslan Kahıdze jartylaı fınalda japondyq palýandy 6:3 esebimen utyp, joldamaǵa qol jetkizdi. Sondaı-aq, erkin kúresten asa aýyr salmaqtaǵy (125 keli) Dáýlet Shabanbaı jartylaı fınalda qyrǵyz Aıal Lazarevti 10:8 esebimen jeńip fınalǵa shyqty. Osylaısha ol ekinshi márte Olımpıada oıyndaryna barý múmkindigine ıe bolyp otyr.
Ókinishtisi, grek-rım kúresinen palýandarymyzdyń joly bolmady. 66 kúresken legıoner Magomed Chýhalov jartylaı fınalda japon balýanyna ese jiberdi. Al 98 kelide beldesken elimizdiń on dúrkin, Azııanyń eki márte chempıony Marǵulan Ásembekov te ýysyndaǵy joldamany jiberip aldy. Ol jartylaı fınalda úndis balýany Hardeepten 11:2 esebimen jeńildi.
Aıta keteıik, kelesi irikteý týrnırleri Ulan-Batyrda (Mońǵolııa) 22-24 sáýirde jáne ekinshi irikteý Stambulda (Túrkııa) 6-8 mamyr kúnderi bolady.

Lıtva baıqaýshysy: Bıylǵy saılaý - Qazaqstandaǵy demokratııalyq úderisterdiń ózgerý úlgisi
Bıylǵy saılaý - Qazaqstandaǵy demokratııalyq úderisterdiń ózgerý úlgisi. Bul týraly búgin QR Parlamenti Májilisiniń saılaýy barysyn baqylaýǵa kelgen sheteldik delegattardyń baspasóz máslıxatynda Lıtva atynan kelgen xalyqaralyq baıqaýshy, Lıtva Seıminiń depýtaty, EKPA-daǵy Lıtva delegatsııasynyń múshesi Gedımınas ıAkavonıs málim etti.
«Qazir saılaý barysynda Sizderdiń memleketterińiz bolashaqqa, keleshek basymdyqtarǵa mańyz berip kele jatqandyǵyn baıqaýǵa bolady. Memlekette uzaq merzimdik strategııa bar. Birinshi kezekte ol - 2050 strategııasy. Ol álemdegi daǵdarys jaǵdaıynan tıimdi shyǵýdyń sheshimin usynady. Sizderdiń memleketterińiz ben bılikterińizdiń saıasaty eshkimge táýeldi emestigi unaıdy. Sizderdiń Prezıdentterińiz eldi óte aqyldy basqarýda. Bıylǵy saılaý - Qazaqstandaǵy demokratııalyq úderisterdiń ózgerý úlgisi», - dedi ol.
Aıta keteıik, QR Parlamenti Májilisiniń depýtattaryn saılaý barysyn baqylaýǵa 817 xalyqaralyq baıqaýshy men 147 sheteldik BAQ ókilderi kelip otyr.

Italııa baıqaýshylaryn Qazaqstannyń qonaqjaılylyǵy tánti etti
Italııa baıqaýshylaryn Qazaqstannyń qonaqjaılylyǵy tánti etti. Bul týraly búgin QR Parlamenti Májilisiniń depýtattaryn saılaý barysyn qadaǵalaýǵa kelgen Italııa delegatsııasynyń ókili Adel Gambaro aıtty.
«Bizde saılaý ýchaskelerine barý múmkindigi boldy. Keıbirimiz Qazaqstanǵa birinshi ret kelip otyrmyz. Sizderdiń qonaqjaılylyqtaryńyz qatty tántti etti, bizge unady», - dep atap ótti A.Gambaro Astanada ótken baspasóz máslıhatynda.
Onyń atap ótkenindeı, Qazaqstandaǵy Parlament saılaýy týraly zańǵa saı ótýde.
«Men bunyń aldynda kóptegen elderde saılaý barysyn baqylap keldim. Bir baıqaǵanym, Qazaqstandaǵy saılaýdyń barysy óte ashyq ótýde, barlyq talaptar oryndalýda. Biz birqatar ýchaskelerde boldyq. Túske deıin 700 myń adamnyń daýys berýi bizdi tańqaldyrdy. Bul óte jaqsy kórsetkish dep esepteımiz»,- dedi ıtalıandyq baıqaýshy.
Sonymen qatar, Adel Gambaro saılaýǵa jastardyń kóp kelýin erekshe atap ótti.
«Jas saılaýshylar erte kelip, óz daýystaryn berip jatty. Menińshe bul óte jaǵymdy úrdis», - dep atap ótti ol.

Qazaqstan shynaıy demokratııa qurý jolynda ilgerileý ústinde - koreılik baıqaýshy
Qazaqstan shynaıy demokratııa qurý jolynda ilgerileý ústinde. Bul týraly búgin Koreıa Respýblıkasy Ulttyq saılaý komıssııasynyń bólim bastyǵy Lım Chaı Men aıtty.
«Eń aldymen sizderdi Naýryz meıramymen quttyqtaımyn. Al saılaý protsesine keler bolsaq, ol Qazaqstan Respýblıkasynyń saılaý zańnamasyna saı, merekelik kóńil-kúıde ótip jatyr. Men bul saılaýlardyń nátıjesinde el barynsha turaqtalyp, óziniń ishki ulttyq ıntegratsııasyn nyǵaıta túsedi dep senemin», - dedi ol.
Sonymen qatar koreılik baıqaýshy Qazaqstan men Koreıa saılaýdy baıqaý salasyndaǵy yntymaqtastyǵyn nyǵaıtý arqyly ózara baılanystaryn kúsheıte túsetindigin atap ótti.
«Qazaqstan shynaıy demokratııa qurý jolynda ilgerilep keledi. Aıta keterligi, Koreıanyń saılaý barysynda zamanaýı elektrondy tehnologııalardy qoldanýda mol tájirıbege ıe. Biz saılaý protsesinde aqparattyq tehnologııalardy qoldaný boıynsha tájirıbe bólispek oıymyzda bar. Sonymen qatar bizdiń elderimizdiń arasyndaǵy ekonomıkalyq yntymaqtastyqtyń da keńeıe túskenine múddelimiz», - dedi Lım Chaı Men.

Reseılik baıqaýshyny saılaýǵa kelgen halyqtyń qalyń nópiri tańqaldyrdy
Reseı baıqaýshysy, RF Memlekettik dýmasy tóraǵasynyń orynbasary, UQShU PA ókili Vladımır Vasılevti QR Parlamenti Májilisiniń depýtattaryn saılaýǵa kelgen halyqtyń kóptigi tańqaldyrdy.
Bul týraly ol búgin Astanada ótken baspasóz máslıhatynda málim etti.
«Saılaý jaqsy ótip jatyr. Halyqqa basty Konstıtýtsııalyq mindetterin oryndaýǵa barlyq jaǵdaılar jasalǵan. Biz saılaý bastalmaı jatyp, 7 saılaý ýchaskesinde boldyq. Barlyq jaǵdaılar qamtamasyz etilgen. Men jáne ózge de sheteldik baıqaýshylar eshbir zańbuzýshylyqty anyqtaǵan joqpyz», - dedi V.Vasılev.
Ol sonymen qatar Qazaqstan halqynyń saılaýdaǵy belsendiligine de joǵary baǵa bere ketti.
«Saılaý ýchaskesine kelgenimizde, onyń aldynda daýys berýge nıet tanytqan halyqtyń sany óte kóp ekendigin kórdik. Meniń barlyq áriptesterim osy bir erekshelik basqa da saılaý ýchaskelerinde bolǵanyn atap ótti. Olardyń aıtýynsha, barlyq saılaý ýchaskelerinde tańǵy 7-den bastap, uzynsonar kezek turǵan», - dedi ol.
Daýys berý úderisinde zańbuzýshylyqtar anyqtalǵan joq - S. Markov
Daýys berý úderisinde zańbuzýshylyqtar anyqtalǵan joq. Bul týraly búgin Astanada bergen baspasóz máslıhatynda Reseı baıqaýshysy, Máskeýdiń Saıası zertteýler ınstıtýtynyń dırektory Sergeı Markov málim etti.
«Qazaqstan halqyn parlamenttik saılaýdyń sátti ótkizilip jatqanymen quttyqtaımyn! Saılaýdyń nátıjeleri boıynsha da sizderdi quttyqtaýǵa bolady dep senemiz», - dedi S.Markov.
Onyń aıtýynsha, ol Astanada 6 saılaý ýchaskesinde bolǵan jáne onda saılaý zańnamasyna qaıshy keletin eshbir zańbuzýshylyq anyqtalmaǵan.
«Saılaý barysynda biz 6 saılaý ýchaskesinde boldyq. Bul bizdiń azdaǵan mıssııamyzdyń aıasynda ǵana, bizdiń basqa da áriptesterimiz ýchaskelerde bolyp qaıtty. Bizdiń baqylaýymyzsha, saılaý barysy zań aıasynda ótýde. Saılaý úderisine qatysty eshqandaı zańbuzýshylyqtar anyqtalmady. Sonymen qatar halyqtyń joǵary belsendiligin atap ótkim keledi. Olardyń memlekettik ınstıtýtqa ózderiniń daýystary arqyly qoldaý kórsetýge nıetti ekendikteri kórinip turdy», - dep túıdi sózi reseılik baıqaýshy.

Qazaqstanda saılaý ashyq, ári ádil ótýde - Grekııa baıqaýshysy
Qazaqstanda saılaý ashyq, ári ádil ótýde. Bul týraly búgin Astanada bergen baspasóz máslıhatynda Grekııa atynan kelgen halyqaralyq baıqaýshy, Tennıs federatsııasynyń prezıdenti Zanııas Spırıdon málim etti.
«Biz keshe saılaýaldy daıyndyqty pysyqtadyq. Daýys berý úderisi bastalmaı turyp, saılaý ýchaskeleriniń daıyndyǵyn qarap shyqtyq. Búgin 5-6 saılaý ýchaskesin araladyq. Saılaý barysy joǵary deńgeıde uıymdastyrylǵan. Jeke ózim eshqandaı zańbuzýshylyqty kórgen joqpyz. Barlyǵy ashyq jáne ádil ótip jatty», - dep atap ótti Z.Spırıdon.
«Sońǵy jyldary bizdiń memleketter arasynda qarym-qatynastar jaqsara bastady. Bizdiń osy elge kelýimiz bul baılanystardy tereńdete túsedi dep senemin», - dedi halyqaralyq baıqaýshy.

Elordalyq etnomádenı birlestikterdiń tóraǵalary saılaýda daýys berdi
Elordalyq etnomádenı birlestikterdiń tóraǵalary QR Parlamenti Májilisi men Astana qalasy máslıhaty depýtattaryn saılaýǵa qatysty, dep habarlaıdy qala ákimdiginiń resmı saıty.
QR Armıan dıasporasynyń ókili, «Van» etnomádenı ortalyǵynyń hatshysy Saak Salýmıan alǵashqylardyń biri bolyp №51 saılaý ýchaskesinde daýys berdi.
- Memleketimizdi jáne Prezıdentimizdi tolyǵymen qoldaımyn. Uly Naýryz meıramy qarsańynda erteńgi kúnge senimdi qadam basyp, árqashan da tek alǵa ǵana jyljý úshin Qazaqstan halqy óz tańdaýyn jasamaq. Durys tańdaý jasaǵanyma senimdimin, - dep bólisti óz pikirimen Saak Salýmıan.
«Dostyq» ózbek etnomádenı ortalyǵynyń tóraǵasy Hasan Sháripov №17 mektep ǵımaratyndaǵy № 92 saılaý ýchaskesinde daýys berdi.
- Bárimiz úshin asa mańyzdy oqıǵa - saılaýǵa búkil otbasymyzben keldik. Qazaqstannyń bolashaǵy, birlik pen yntymaq úshin daýys berdik, - dedi Hasan Sháripov. Ol Májilistiń kezekten tys saılaýyn ótkizý álemde qalyptasqan ekonomıkalyq jaǵdaıǵa baılanysty durys qabyldanǵan sheshim ekendigin atap ótti.
«Polıaktar» qoǵamdyq birlestiginiń tóraıymy Elena Rogovskaıa elimizdegi úlken saıası oqıǵany qoldap, óz tańdaýyńdy jasaý mańyzdy dep sanaıdy.
- Memleketke jańa serpin qajet, Parlament Májilisi men barlyq deńgeılerdegi máslıhattyń jańartylǵan quramy ekonomıkamyzdy modernızatsııalaıdy. Bizdiń qoǵam durys jolmen keledi, adamdar úlken ózgeristerdi kútýde, saılaýǵa da shyn nıetpen kelip jatyr.
№8 saılaý ýchaskesinde kisi kóp boldy, daýys berý úshin kezekte turýǵa týra keldi, - deıdi Elena Rogovskaıa.
Aıta keteıik, erteń Qazaqstan halqy Assambleıasy atynan kandıdattardy saılaý ótedi.


Ázerbaıjan baıqaýshysy: Gúldengen Qazaqstan úshin bul saılaý - demokratııaǵa qaraı taǵy bir qadam ilgerileýshilik
Qazaqstannyń Ortalyq saılaý komısııasy óz jumystary barysynda kásibılik tanytty. Bul pikirdi búgin Ázerbaıjan Ortalyq saılaý komıssııasynyń bólim meńgerýshisi Rashıd ıÝsıfbeılı bildirdi.
«Biz Astana qalasyndaǵy ýchaskelerde daýys berý barysyn baıqadyq. Ashylýynda da boldyq, kúni boıy túrli ýchaskelerdegi daýys berý barysyn baqyladyq. Ýchaskelerdiń jabylýyna da kýá bolyp, daýystardy sanaý barysyn kórdik. Tolyqtaı alǵanda, biz saılaýdyń óte uıymshyldyqpen ótkenin, QR Ortalyq saılaý komıssııasynyń músheleri óz jumystarynda kásibılik tanytqandyǵyn aıta alamyz», - dedi ol.
Sonymen qatar ázerbaıjandyq baıqaýshy daýys berý barysy tynysh ári esh oqys jaıttarsyz ótkendigin basa aıtty.
«Biz saılaýshylardyń qalaýy eskerilgendigin kórdik. Bizdińshe, gúldengen Qazaqstan úshin bul saılaý demokratııaǵa qaraı taǵy bir qadam boldy», - dedi R.ıÝsıfbeılı.

Astanada saılaýshylardyń 74,65 paıyzy daýys bergen
QR Parlamenti Májilisi men barlyq deńgeılerdegi máslıhat depýtattaryn saılaý úshin daýys berý aıaqtaldy. QR Ortalyq saılaý komıssııasy usynǵan málimetterge sáıkes, Astanada saılaýshylardyń 74,65%-y daýys bergen. Jalpy, Respýblıka boıynsha saılaýshylar sany 7 mıllıon 500 myńdy quraǵan, halyqtyń 77,1%-y saılaýǵa qatysqan.
Elimizde daýys berý protsesi 9 840 saılaý ýchaskesinde ótti, astanalyqtar 178 ashyq saılaý ýchaskesinde daýys berdi.
Saılaýda daýys berýge ártúrli jastaǵy jáne túrli kásip ıeleri keldi. 18 jasqa tolǵan jáne búgin týǵan kúnin merekelegen azamattar da daýys berý bıýlletenderin saılaý jáshikterine saldy. Zeınetkerler, ardagerler jáne múmkindigi shekteýli jandar da memleket úshin mańyzdy oqıǵadan tys qalǵan joq. Halyqtyń atalǵan sanattaryna jatatyn jáne densaýlyǵynyń jaǵdaıyna baılanysty saılaý ýchaskesine kele almaǵan azamattar úılerinde daýys berdi.
Qazirgi kezde barlyq saılaý ýchaskelerinde saılaýshylardyń daýysyn esepteý júrgizilip jatyr. Saılaý zańnamasyna sáıkes buǵan 12 saǵat ýaqyt beriledi.
Astanada «Naýryz» merekesin toılaýǵa arnalǵan sharalar
Astana qalasynda «Naýryz meıramy - 2016» merekesin toılaýǵa arnalǵan sharalar baǵdarlamasyn oqyrman nazaryna usynamyz.
10:00-de Ashyq alańdarda ótetin buqaralyq sharalar
Ótetin oryndary:
«Qazaq eli» monýmenti,
«Jastar» teatry aldyndaǵy alań,
«Jeleznodorojnyı» aýyly,
«Shyǵys Ilınka» turǵyn alaby,
«Prıgorodnyı» eldi mekeni,
«Naz» teatrynyń aldyndaǵy alań,
«Óndiris» turǵyn alaby.
11:00-de
«Stýdenttik» saıabaǵy,
«Jeruıyq» saıabaǵy.
12:00-de
Qalalyq alań
«Astana-Báıterek» monýmenti.
14:00-de
«Astana-Arena» stadıony.
12:00-de
Naýryz meıramyna arnalǵan merekelik kontsert
Ótetin orny: «Saryarqa» respýblıkalyq velotregi.
12:00 jáne 14:00-de
A.Salaeva, «Armysyń áz-Naýryz!»
Ótetin orny: Astana qalasynyń Qýyrshaqtar teatry.
Qazaqstan halqy Assambleıasynyń kezekten tys sezi
Ótetin orny: Beıbitshilik jáne kelisim saraıy
18:00-de «Qazaqtyń myń kúıi» kontsert.
Ótetin orny: Kongress-holl
18-00-de
«Jastar kóktem lebi» festvıali aıasynda qoldanbaly óner kórmesi
Ótetin orny: «Jastar saraıy» "Astana aqshamy" basylymynan alyndy.

Astanada Elbasynyń qatysýymen jeńimpazdar forýmy bastaldy
Memleket basshysy Nursultan Nazarbaevtyń qatysýymen keshe, 20 naýryz kúni ótken QR Parlamenti Májilisiniń saılaýynda halyqtyń basym daýysyn jınaǵan «Nur Otan» partııasynyń jeńimpazdar forýmy ótýde.
Forýmǵa «Nur Otan» partııasy Tóraǵasynyń birinshi orynbasary Asqar Myrzahmetov, partııaǵa múshe tanymal azamattar, sportshylar men ánshiler qatysýda. Jeńimpazdar forýmy Astanadaǵy «Saryarqa» velotreginde ótip jatyr.
Esterińizge sala keteıik, búgin QR Ortalyq saılaý komıssııasy Májilis saılaýynyń naqty nátıjelerin jarııa etti. Saılaý qorytyndysy boıynsha, «Nur Otan» partııasyna 82,15, Qazaqstan Kommýnıstik halyq partııasyna 7,14, Qazaqstannyń «AQ JOL» Demokratııalyq partııasyna 7,18, «Birlik» Saıası partııasyna 0,29, Jalpyulttyq sotsıal-demokratııalyq partııaǵa 1,18, «Aýyl» Halyqtyq-demokratııalyq patrıottyq partııasyna 2 paıyz saılaýshylardyń daýysy berilgen.

Bizdiń ortaq mindetimiz - Qazaqstandy bárimiz úshin jaıly mekenge aınaldyrý - QR Prezıdenti
Qazaqstan Respýblıkasynyń Prezıdenti Nursultan Nazarbaev Beıbitshilik jáne kelisim saraıynda ótken Qazaqstan halqy Assambleıasynan Parlament Májilisine saılanatyn depýtattarǵa daýys berý rásimine qatysty, dep habarlaıdy Aqordanyń baspasóz qyzmeti.
Elbasy saılaýda daýys berdi jáne baıqaýshylarmen áńgimelesti.
Nursultan Nazarbaev Qazaqstan halqy Assambleıasynyń múshelerimen kezdesti. Áńgime barysynda Memleket basshysy bul ınstıtýttyń biregeıligin, sonyń arqasynda Qazaqstan 20 jyl boıy tynyshtyq pen tatýlyqta ómir súrip, ósip-órkendep kele jatqanyn atap ótti.
«Assambleıa 100-den asa etnos atynan ózderiniń múddesin qorǵaıtyn 9 depýtatyn saılaıdy. Respýblıkamyzdyń barlyq oblystarynda dostyq úıleri jumys isteıdi, 960-qa jýyq etno-mádenı birlestik bar. Jastarǵa, balalarǵa óz tilin, mádenıeti men tarıhyn oqyp-úırený múmkindigi berilgen.
Sol arqyly biz búkil Qazaqstan halqyn baıyta túsemiz. Mundaı tájirıbe esh jerde joq. Álemniń ár túpkirinen kelgen baıqaýshylar Assambleıanyń biregeı tájirıbesin ózge elderge taratý kerektigin aıtýda. Biz memleketimizdi sizdermen birge quryp jatyrmyz, bizdiń ortaq mindetimiz - Qazaqstandy bárimiz úshin jaıly mekenge aınaldyrý», - dedi Nursultan Nazarbaev.

Álemge aıqyn ári ádil saılaý ótip jatqanyn kórsettik - Elbasy
Qazaqstan Respýblıkasynyń Prezıdenti Nursultan Nazarbaev «Saryarqa» respýblıkalyq velotreginde ótken jeńimpazdar forýmyna qatysty, dep habarlaıdy Aqordanyń baspasóz qyzmeti.
Qazaqstan Prezıdenti forýmǵa qatysýshylarǵa arnaǵan sózinde barshany «Nur Otan» partııasynyń Parlament Májilisi saılaýyndaǵy jeńisimen quttyqtady.
«Saılaýǵa qatysý kórsetkishi 77 paıyzdan asty, qazaqstandyqtardyń 82 paıyzy «Nur Otan» partııasyna daýys berdi. Bul - elimiz úshin rekordtyq kórsetkish. Biz búkil álemge respýblıkamyzda ashyq, aıqyn ári ádil saılaý ótip jatqanyn, sonyń nátıjesinde Parlamentte kóppartııaly júıe jumys isteıtinin pash ettik.
Saılaýdyń ótý barysyn jan-jaqty jazyp-jarııalap, álemdik qoǵamdastyqqa kórsetken sheteldik jáne qazaqstandyq buqaralyq aqparat quraldarynyń ókilderine alǵys aıtamyn.
Bul - el Táýelsizdiginiń 25 jyldyǵynda qol jetken zor demokratııalyq jetistigimiz. Osyǵan baılanysty respýblıkalyq jáne óńirlik shtab múshelerine, árbir saılaýshyǵa saıasatymyzdy túsindirgen jáne jurtty birlik pen bolashaq tabystarǵa jigerlendirgen saılaý aldyndaǵy jumysqa qatysýshylardyń barlyǵyna alǵys bildiremin. Bizdiń ustanǵan baǵytymyzdy qoldaǵany úshin barlyq qazaqstandyqtarǵa rahmet. Biz birtutas ekenimizdi, kez kelgen qıyndyqty eńserip, Qazaqstandy gúldengen elge aınaldyra alatynymyzdy kórsettik», - dedi Memleket basshysy.
Sondaı-aq, Nursultan Nazarbaev Qazaqstan jastaryna da sóz arnady.
«Men bolashaq urpaqqa halqymyzdyń birligi men tutastyǵyn saqtaýdy amanattaımyn. Biz Qazaqstannyń ósip-órkendep, búkil álemde bedeldi bolýy úshin tynyshtyq pen kelisimniń negizin qaladyq. Osynyń bárin biz Qazaqstan jastary úshin jasap jatyrmyz», - dedi Memleket basshysy.
Sońynda Elbasy eldiń barsha halqyn Naýryz merekesimen quttyqtap, baq-bereke tiledi.

Elbasy elordada Naýryzǵa arnalǵan merekelik sharany tamashalady
Elbasy Nursultan Nazarbaev elordada Naýryz toılanyp jatqan alańǵa kelip, halyqpen birge osynda meıramdyq kórinisterdi tamashalady.
Qazirgi ýaqytta «Astana Arena» mańyndaǵy alańda ornalasqan etnoaýylda elorda turǵyndary men qala qonaqtary nazaryna kontserttik baǵdarlama usynylyp, sporttyq jarystar ótip jatyr. Taıqazan janynda teatrlandyrylǵan qoıylym kórsetilip, jınalǵan jurtshylyq «Naýryz kójeniń» dámin tatty.
Osynda «Tusaý keser», «Besikke salý», «Syrǵa salý», «Qyz uzatý», «Quda túsý» salt-dástúri kórsetildi, sondaı-aq «Toǵyz qumalaq» jáne basqa ulttyq oıyndardan saıys ótti.
Sport alańynda jınalǵan qaýym qazaqsha kúresten, arqan tartý, gir sporty jáne armrestlıng jarystaryna qatysty.
Munymen qosa, Shyǵys bazarynda sheberler qyshtan jasalǵan buıymdardy, zergerlik, kıizden, aǵashtan jasalǵan ónimderin kópshilik nazaryna usyndy. Ornatylǵan altybaqandarda qyz-jigitter arasynda án-aıtys uıymdastyryldy.

Nursultan Nazarbaev Qazaqstan halqyn Ulystyń Uly kúnimen quttyqtady
Búgin Elbasy Nursultan Nazarbaev elordada Naýryz toılanyp jatqan etnoaýylda Qazaqstan halqyn Ulystyń Uly kúnimen quttyqtady.
«Áz-Naýryz barsha halqymyzǵa qutty bolsyn! Osy jerge jınalǵan halyqqa, barlyq qazaqstandyqtarǵa shyn júregimmen baq-bereke tileımin. Ulystyń Uly kúni keshegi saılaýdaǵy uly jeńisimizben qatar keldi. Sondyqtan Qazaqstan halqy bir úıdiń balasyndaı aman-esen júrip jatqan jaǵdaıymyz bar. Osy birlikten Jaratqan bizdi ár ýaqytta ajyratpasyn. Barlyq istep jatqan jumys - keler urpaqtyń qamy. Keler urpaqqa beretin amanatymyz eldiń birligin saqtap, Táýelsizdigimizdi kózdiń qarashyǵyndaı qorǵap, bolashaqqa jol salatyn bolsyn», - dedi Prezıdent.
Osy oraıda Elbasy Qazaqstan tynyshtyq jaǵdaıynda órkendep ósip jatqandyǵyn atap ótti.
«Osy kúni adamdar bir-birine qandaı da bir renishterin keshirip, kóshet otyrǵyzyp, bulaqtardyń kózin ashqan, muqtajdar men kedeılerge kómek kórsetken. Sonymen qatar meıirimdilikke shaqyryp, jaqsy tilekter aıtqan. Men barshamyzǵa amandyq, ár otbasyǵa, ár adamǵa baqyt pen barlyq jaqsylyqty tileımin», - dedi Memleket basshysy.
Aıta keteıik, Qazirgi ýaqytta «Astana Arena» mańyndaǵy alańda ornalasqan etnoaýylda elorda turǵyndary men qala qonaqtary nazaryna kontserttik baǵdarlama usynylyp, sporttyq jarystar ótip jatyr. Osynda «Tusaý keser», «Besikke salý», «Syrǵa salý», «Qyz uzatý», «Quda túsý» salt-dástúri kórsetildi, sondaı-aq «Toǵyz qumalaq» jáne basqa ulttyq oıyndardan saıys ótti.

IYU Qazaqstanda saılaý joǵary uıymdastyrýshylyq deńgeıde ótti dep baǵa berdi
Islam yntymaqtastyq uıymy Qazaqstandaǵy saılaýshylar keleshekke degen jaýapkershilikti jaqsy túsinedi dep sanaıdy. Bul týraly búgin Parlament Májilisi men máslıhat depýtattarynyń saılaýyna qatysty halyqaralyq baıqaýshylardyń brıfınginde málim boldy.
«Bul - Islam yntymaqtastyq uıymy baıqaýshy retinde qatysyp kele jatqan Qazaqstandaǵy tórtinshi saılaý. Osynyń bárinde Qazaqstan halqy saılaý sekildi asa mańyzdy saıası máselede oń tájrıbe jınaqtaǵanyn kórsetti», - dedi Islam yntymaqtastyq uıymy hatshylyǵynyń Saıası máseleler departamentiniń dırektory Abolhassanı Shahreza Álı.
IYU -da basqa baıqaýshylar sekildi saılaýshylardyń kóptigi men belsendiligine tánti bolǵan. «Qazaqstan halqy ózderiniń keleshegine jaýapkershiligin túsinedi, sol úshin daýys berýge kelip jatyr, dep túıdik. Keshegi saılaý tynysh, joǵary uıymdastyrýshylyq deńgeıde ótti. Ádil, ashyq boldy. Eshqandaı da óreskel qatelikter men kemshilikterdi baıqaǵan emespiz. Bizge saıası partııalar atynan da, azamattar atynan da eshqandaı shaǵymdar túsken joq. Jergilikti partııa baıqaýshylarymen júzdestik. Men Qazaqstan halqyn saılaýdyń sátti ótýimen quttyqtaǵym keledi. Bolashaqtaryńyz jarqyn bolsyn», - dedi Abolhassanı Shahreza Álı.


Bolashaqqa aparatyn jolymyz Táýelsizdigimizdiń ıgilikteri arqyly jarqyrap turatyn bolsyn - Elbasy
Memleket basshysy Nursultan Nazarbaev elordadaǵy «Astana Arena» stadıony aldyndaǵy alańda ótip jatqan Naýryz merekesine qatysty.
Bul týraly Aqordanyń baspasóz qyzmetinen habarlady.
Elbasy etno-aýyldy aralap kórdi. Munda kontserttik baǵdarlama, teatrlandyrylǵan kórinister, sport saıystary, kolónershiler aýyly men ulttyq salt-dástúrdi tanystyrý sharalary uıymdastyryldy. Nursultan Nazarbaev barsha qazaqstandyqtardy Naýryz merekesimen quttyqtap, baqyt pen baq-bereke tiledi.
«Osynaý izgi mereke Parlament saılaýyn ótkizý sharasymen qatar keldi. Qazaqstandyqtar bir úıdiń balasyndaı tutastyǵyn kórsetti. Halqymyzdyń osy birligi myzǵymaıtyn bolsyn. Bizdiń jasap jatqanymyzdyń bári qazaqstandyqtardyń keıingi urpaǵyna mura bolyp qalady. Bizdiń bolashaqqa aparatyn jolymyz zor jetistikter men Táýelsizdigimizdiń ıgilikteri arqyly jarqyrap turatyn bolsyn. Barsha tabıǵat jańarǵan Naýryz merekesinde adamdar árdaıym bir-birine degen ókpe-renishin keshirgen, muqtajdarǵa kómektesken, baqyt tilep, aǵash otyrǵyzǵan jáne bulaq kózin ashqan. Halyq bul kúni tilegen tilekter mindetti túrde oryndalatynyn aıtady. Men árbir shańyraqqa baqyt, shattyq shýaǵyn jáne bar jaqsylyqty tileımin», - dedi Qazaqstan Prezıdenti.

Astanada Naýryz merekesinde jedel járdem dárigerleri baspanaly boldy
Astana qalasy ákiminiń orynbasary Ermek Amanshaev Jedel medıtsınalyq járdemniń 30 dárigerine páter kiltin tabystady. Saltanatty shara Naýryz meıramyn merekeleý aıasynda ótti, dep jazady elordanyń resmı saıty.
Merekelik shara jedel medıtsınalyq járdem stansasy aýmaǵynda uıymdastyryldy. Ártister men qyzmetkerler ulttyq kıimder kıip, Naýryz meıramyn qarsy alýǵa jınaldy.
«Sizderdi Naýryz meıramymen quttyqtaımyn. Bıyl qala boıynsha kóptegen máselelerdi sheshýge yqpal etetin keshendi jospar ázirlendi. Búgin páterlerdiń kiltin tabystap otyrmyz. Sonymen qatar, atalǵan keshendi josparǵa sáıkes, jedel medıtsınalyq járdemniń úlken kesheniniń qurylysy qolǵa alynǵan. Medıtsınalyq qyzmetter sapasyn arttyrý úshin sizderge barynsha jaǵdaılar jasalady», - dedi Astana qalasy ákiminiń orynbasary.
Ermek Amanshaevtyń aıtýynsha, qala aýdandarynda medıtsınalyq kómek kórsetý sapasyn arttyrý úshin qosymsha shaǵyn «jedel járdem» stansalary quryldy, jańadan 40 avtokólik satyp alyndy, áleýmettik-turmystyq jaǵdaılardy jaqsartý jáne dáriger mamandyǵynyń tartymdylyǵyn arttyrý boıynsha birqatar sharalar qabyldanýda.
«Medıtsınalyq kadrlardyń jetispeýshiligi sebepteriniń biri - baspananyń bolmaýy. Bıyl medıtsına qyzmetkerlerin turǵyn úımen qamtamasyz etý boıynsha júıeli jumystar bastaldy. Ázirge, qalalyq turǵyn úı qorynan jedel járdem qyzmetkerlerine osy 30 páter berilip otyr. Sonymen qatar, medıtsına qyzmetkerlerine arnalǵan otbasylyq tıptegi jataqhananyń qurylysyn bastaý josparlanǵan, bul turǵyn úı máselesin sheshýge tıis», - dedi E. Amanshaev.
Qala basshysynyń orynbasary páter kiltine ıe bolǵan medıtsına qyzmetkerlerin quttyqtady.
« Bul kúndi uzaq kúttim, meniń armanym oryndaldy - páterdiń kilti qolymda. Jedel járdem stantsııasynda 11 jyl boıy jumys istedim. Qala ákimi bizdiń eńbegimizdi baǵalaıdy, bizge osyndaı syı jasap otyr», - dedi jedel medıtsınalyq járdem qyzmetkeri Raısa Qaıyrbekova.
Qazirgi kezde, jedel medıtsınalyq járdem stantsııasy - jańa qondyrǵylarmen jabdyqtalǵan iri kásiporyn. Munda 1 239 adam eńbek etedi. Ótken jyly elordalyq jedel medıtsınalyq járdem stantsııasy medıtsınalyq uıymdardyń akkredıtatsııasynan sátti ótip, sertıfıkat alǵan bolatyn.
Sonymen qatar, Ermek Amanshaev mekemege 8 arnaıy jedel medıtsınalyq járdem kólikteriniń kiltin tabystady.
Aıta keteıik, 2016 jyly qyrkúıek aıynda Astanada jedel medıtsınalyq járdem stantsııasynyń jańa zamanaýı ǵımaratyn paıdalanýǵa berý josparlanǵan.

Elordada merekelik halyqtyq serýen ótip jatyr
Elordada Naýryz meıramyna oraı halyqtyq serýender ótip jatyr. Mereke eki kún boıy toılanady, dep jazady elordanyń resmı saıty.
Basty sharalardyń biri «Qazaq eli» monýmenti aldyndaǵy alańda ótti. Ádettegideı, kıiz úıler tigilip, sport jarystary uıymdastyryldy, altybaqan ornatylyp, kontserttik baǵdarlama kópshilik nazaryna usynyldy.
«Jyl saıyn kıiz úıler tigip, baýyrsaq taratamyz, naýryz kóje men qymyz usynamyz. Kıiz úılerde dastarhandar jaıyldy. Eń basty merekelerdiń biri - gúldený men halyq birigetin kún. Búgin qonaqtardy tańǵy saǵat 8-den bastap qarsy alýdamyz. Úlken-kishiniń barlyǵy kep jatyr», - dedi qalalyq basqarmalardyń ókilderiniń biri Aıman Shynbaeva.
Halyq arasynda kúres, gir sporty, armrestlıng, arqan tartý, asyq atý jarystary ótkizildi. Qalalyq mádenıet mekemeleri adamdarǵa merekelik kóńil kúı syılaýda. Jas teatr ártisteri astanalyqtardyń nazaryna taqyryptyq kórinister usynýda.
Merekelik sharalar «Báıterek» monýmentiniń aldyndaǵy alańda, sondaı-aq, qalalyq alańda da ótip jatyr. Qalalyq qyzmetter kıiz úıler tigip, tátti-dámdiler taratyp, sándik buıymdardy kópshilikke kórsetýde.
Aıta keteıik, elordada halyqtyq serýen erteń de ótedi. Merekelik sharalar «Stýdenttik» jáne «Jeruıyq» parkterinde, «Astana-Arena» stadıony janyndaǵy etnoaýylda, qalalyq alańda, Qazaq eli monýmentiniń jáne Báıterek monýmentiniń janyndaǵy alańdarda uıymdastyrylady.

Astana turǵyndary men qonaqtary Naýryz meıramyn toılaýda
Elorda turǵyndary men qonaqtary Naýryz meıramyn halyqtyq serýenmen, án aıtyp, bı bılep dástúrli taǵamdarmen qarsy alýda.
Qalanyń birneshe alańdarynda merekelik sharalar ótip jatyr. Basty sharalardyń biri «Qazaq eli» monýmenti aldyndaǵy alańda boldy. Munda ádettegideı, kıiz úıler tigilip, sport jarystary uıymdastyryldy, altybaqan ornatylyp, kontserttik baǵdarlama kópshilik nazaryna usynyldy.
Halyq arasynda kúres, gir sporty, armrestlıng, arqan tartý, asyq atý jarystary ótkizildi. Qalalyq mádenıet mekemeleri bolsa, adamdarǵa kóterińki kóńil-kúı syılaýda. Ashyq aspan aıasynda ótip jatqan merekege elimizdiń basqa óńirlerinen jáne shet elderden kelgen qonaqtar da qatysýda.
Aıta keter jaıt, merekelik sharalar «Báıterek» monýmentiniń aldyndaǵy alańda, sondaı-aq qalalyq alańda da ótip jatyr.


Búgin elordada ótetin «Naýryz» merekesin toılaýǵa arnalǵan sharalar
Astana qalasynda búgin «Naýryz meıramy - 2016» merekesin toılaýǵa arnalǵan sharalar baǵdarlamasyn oqyrman nazaryna usynamyz.
10:00-de Ashyq alańdarda ótetin buqaralyq sharalar
Ótetin oryndary:
«Qazaq eli» monýmenti
«Jastar» teatry aldyndaǵy alań
«Astana-Arena» stadıony
«Astana-Báıterek» monýmenti
Qalalyq alań
10:00-de
«Naýryz-2016» kórme-jármeńke
Ótetin orny:
Kongress-holl dálizi
11:00-de
«Stýdentter» saıabaǵy,
«Jeruıyq» saıabaǵy.
12:00, 14:00-de-de
A.Salaeva, «Armysyń áz-Naýryz!»
Ótetin orny: Astana qalasynyń Qýyrshaqtar teatry.
17:00-de
«Shekarasyz shyǵarmashylyq» atty múmkindigi shekteýli adamdarǵa arnalǵan gala-kontsert pen marapattaý rásimi
Ótetin orny: Jastar saraıy
18:00-de
Kasona «Jabaıy. Úshinshi sóz», melodrama.
Ótetin orny: Gorkıı atyndaǵy memlekettik akademııalyq orys drama teatry
18:30-da
E. Jýasbek «Sen úshin» (komedııa)
Q. Qýanyshbaev atyndaǵy memlekettik akademııalyq qazaq mýzykalyq teatry

«Astana aqshamy» basylymynan alyndy
Astana qalalyq sotynda «Eń úzdik kıiz úı» básekesi uıymdastyryldy
Danalyqtyń uly meıramy áz-Naýryz alty Alashtyń aq ordasy - elorda tórindegi Astana qalalyq sotynda atalyp ótilýde,- dep habarlaıdy Astana qalalyq sotynyń baspasóz qyzmeti.
Keshe sot mańyna Tóle bı, Qazybek bı, Áıteke bı, Máńgilik Alash eli jáne Esil aýyly atanǵan 5 kıiz úı qurylyp, dýmandy kesh ásem sazdy án men kúmbirlegen tátti kúıge ulasty.
Saltanatty sharany QR Joǵarǵy sotynyń tóraǵasy Qaırat Mámı ashyp, Ulystyń Uly kúni áz Naýryz meıramymen quttyqtady.
Astana qalalyq sotynyń tóraǵasy Tilektes Bárpibaev Naýryz bereke men birliktiń, tazalyq pen tatýlyqtyń, rııasyz shattyqtyń, kóterińki kóńildiń bastaýy bolyp, elge qut-bereke darytatyn, rýhanı tazartatyn, adamzatty baqytqa, qýanyshqa bóleıtin tamasha mereke ekenin aıtyp, barsha qaýymdy Ulys meıramymen quttyqtady.
«Ulystyń uly kúni elimizge, jerimizge qut - bereke ala kelsin! Ulys oń bolyp, árbir kúnimiz Naýryz kúnindeı shýaqty bolsyn! Shańyraǵyńyzǵa Qydyr qonyp, baq darysyn!»,- dedi sot tóraǵasy Tilektes Bárpibaev.
Shara aıasynda «Eń úzdik kıi úı» saıysynan jarys uıymdastyrylyp, birinshi oryn «Máńgilik el», ekinshini Áıteke bı, al úshinshi oryndy Esil aýyly enshiledi. «Arqan tartýdan» Astana qalasy mamandandyrylǵan aýdanaralyq ákimshilik soty úzdik shyqty.
Dýmandy sharaǵa qatysqan Joǵarǵy Sot tóraǵasy qyzmetin atqarǵan, ardager sýdıa Mıhaıl Fedorovıch, Parlament Senatynyń depýtaty B.Beknazarov ózderiniń júrekjardy tilekterin arnady, dep habarlaıdy Astana qalalyq sotynyń baspasóz qyzmeti.

Qutqarýshylar «Naýryz» meıramyn atap ótti
Búgin azamattyq qorǵaý organdarynyń qyzmetkerleri «Naýryz» meıramyn toılady. Áriptesterin kóktem merekesimen quttyqtaýǵa QR Іshki ister mınıstriniń orynbasary V.Bojko, Tótenshe jaǵdaılar komıtetiniń tóraǵasy V.Bekker, azamattyq qorǵaý organdarynyń ardagerleri keldi.
TJK-nyń baspasóz qyzmeti habarlaýynsha, saltanatty is-shara kezinde jeke quram kúshimen uıymdastyrylǵan merekelik kontsert ótkizilgen. Astana qalasyndaǵy «Qulager» sport kesheninde kıiz úı tigilip, altybaqan ornatyldy, dala ashanasy qoıyldy.
«Naýryz» meıramyn toılaý aıasynda armrestlıng, qazaq kúresi jarystary ótkizildi.
«Naýryz - bul ómir saltanatynyń merekesi, jańa jyl bastalýynyń jarshysy kóktemgi tepe-teńdik kúni. Kóktem adamdardyń boıyna úmit uıalatady, Naýryz qazaqstandyq qoǵamda beıbitshilik pen kelisimdi nyǵaıtýǵa shaqyrady», - dep V.K. Bojko óz sózinde atap ótti.
Azamattyq qorǵaý organdarynyń qyzmetkerleri jaqsy ótkizilgen is-shara men saltanatty baǵdarlamanyń arqasynda merekelik kóńil-kúı syılady.
Á. Jaqsybekov elordalyqtardy Naýryz meıramymen quttyqtady
Elorda ákimi Á. Jaqsybekov qala turǵyndary men qonaqtaryn Naýryz meıramymen quttyqtady. Bul týraly elordanyń resmı saıty habarlady.
«Qurmetti astanalyqtar jáne qala qonaqtary!
Sizderdi Ulystyń uly kúni - Naýryz merekesimen shyn júrekten quttyqtaımyn!
Áz Naýryz halqymyzda jańa jyldyń bastaýyn, tabıǵat ananyń qaıta jańǵyrýyn bildiredi. Kóktemniń osynaý ǵajaıyp merekesi ejelden yrys pen berekeniń, molshylyq pen jańashyldyqtyń jarshysy sanalǵan. Kún men túnniń teńesip, dúnıeniń jaınaıtyn sáti Qazaq eline jaqsylyǵyn ala kelsin. Ulys oń, aq mol bolsyn! Naýryz meıramy barshamyzǵa qutty bolsyn!
Sizderge zor densaýlyq, shańyraqtaryńyzǵa yrys pen bereke, eńbekterińizge mol tabys tileımin!», delingen qala ákiminiń quttyqtaýynda.



Búgin elordada ótetin «Naýryz» merekesin toılaýǵa arnalǵan sharalar
Astana qalasynda 23 naýryzda «Naýryz meıramy - 2016» merekesin toılaýǵa arnalǵan mádenı-buqaralyq sharalar baǵdarlamasyn oqyrman nazaryna usynamyz.
10:00-de «Naýryz - 2016» kórme jármeńke
Ótetin orny: Kongress-holl dálizi
12:00, 14:00-de A.Salaeva «Armysyń, áz Naýryz! »
Ótetin orny: Astana qalasynyń qýyrshaqtar teatry
17:00-de «Jastar kóktem lebi» festıval baıqaýdyń gala-kontserti
Ótetin orny: Jastar saraıy
17:00:de «Kóktemniń shýaǵy»
Ótetin orny: QazUÓÝ Organ zaly
18:00-de «Juldyzdar aıtysady» shoý kontserti
Ótetin orny: Kongress-holl
18:30-da O.Janaıdarov «Jut» (drama)
Ótetin orny: Q.Qýanyshbaev atyndaǵy Memlekettik akademııalyq qazaq mýzyka drama teatry
18:30-da T.Ahmetjan «Sulý men sýretshi» (noktrıýn)
Ótetin orny: Jastar teatry
19:00-de Irına Astahovanyń ádebı keshi
Ótetin orny: M.Gorkıı atyndaǵy Memlekettik akademııalyq orys drama teatry«Astana aqshamy» gazetinen kóshirildi

«Astana Arlans» «Puerto-Rico Hurricanes» komandasymen kezdespes buryn bir upaı enshiledi
«Puerto-Rico Hurricanes» boks komandasy Astanaǵa kelip jetti. Alaıda komanda quramynda 64 keli salmaqta boksshysy joq. Osyǵan baılanysty atalǵan salmaqtaǵy qazaqstandyq bylǵary qolǵap sheberi Samat Bashenovtiń enshisine bir upaı jazyldy. Ol ıAnkarlos Rıveramen jekpe-jekke shyǵýy tıis bolǵan.
24 naýryz kúni pýertorıkalyqtar Petropavl qalasyna barady, osy qalada 26 naýryz kúni 17:00-de «Astana Arlans» VS «Puerto-Rico Hurricanes» kezdesýi ótedi, dep habarlaıdy sports.kz.
Astana qalalyq máslıhatyna saılanǵan depýtattar tizimi jarııalandy
«Qazaqstan Respýblıkasyndaǵy saılaý týraly» Konstıtýtsııalyq zańnyń 44-shi, 111-shi baptaryna sáıkes, okrýgtik saılaý komıssııalarynyń hattamalarynyń negizinde qalalyq saılaý komıssııasy Astana qalalyq máslıhaty depýtattaryn saılaýdyń qorytyndysyn shyǵardy, dep habarlady qalalyq ákimdiktiń baspasóz qyzmetinen.
2016 jylǵy 20 naýryzda altynshy shaqyrylymdaǵy Astana qalalyq máslıhatynyń depýtattaryn saılaý ótti. Daýys berý 213 saılaý ýchaskesinde júrgizildi.Astana qalalyq máslıhatynyń habarlaýynsha, saılaýshylar tizimine 400445 saılaýshy engizildi, daýys berýge 296364 saılaýshy nemese saılaýshylar tizimine engizilgen azamattardyń 74,0 paıyzy daýys bergen. 1821 saılaýshy daýys berýge arnalǵan orynnan tys jerde daýys bergen. Qalalyq máslıhat depýtattaryn saılaý 25 saılaý okrýgi boıynsha ótti. Saılaý bıýlletenderine máslıhat depýtattyǵyna 56 kandıdat engizildi. Altynshy shaqyrylymdaǵy Astana qalasy máslıhatynyń birinshi uıymdastyrý sessııasy 25 naýryzda saǵat 16.00 qalalyq ákimdik ǵımaratynda ótedi.Saılanǵan depýtattardyń esimderimen silteme arqyly tanysýǵa bolady.

A.Jamhan men Sh.Aıdostyń «Jambyl Jabaev» kartınasynyń tusaýkeseri ótedi
Búgin QR Ulttyq mýzeıinde «Daryn-2008» memlekettik jastar syılyǵynyń laýreaty Aıdar Jamhan men Astana qalasy Qazaq sýretshiler qaýymdastyǵynyń múshesi Shahmardan Aıdostyń «Jambyl Jabaev» kartınasynyń tusaýkeseri ótedi, dep habarlaıdy Ulttyq mýzeıdiń aqparatyq-ımıdjdik qyzmeti.
Kartınada qolynda dombyrasy bar, basyna qara-qońyr tústi bórik, ústine ulttyq shapan kıgen aqyn beınelengen. Sonymen qatar, týyndydan qyzyl jolbarystyń beınesin jáne basqur, kilem, túskıizdiń elementterin kórýge bolady. Kompozıtsııanyń oń jaǵynda qazaqtyń keń dalasy men aspany, asqar taýdyń beınesi bar.
Іs-sharaǵa aqyn-jazýshylar, ǵalymdar men qoǵam qaıratkerleri qatysady.

QR ІІM reseılik qutqarýshylarmen birlese otyryp apatpen kúresý úshin yntymaqtastyq jónindegi kelisim jasasty
Astana qalasynda Qazaqstan Respýblıkasy Іshki ister mınıstri Qalmuhanbet Qasymov Reseı Federatsııasynyń Azamattyq qorǵanys, tótenshe jaǵdaılar jáne apatty oqıǵalardyń saldarlaryn joıý isteri jónindegi mınıstri Vladımır Pýchkovpen kezdesti.
Mınıstrliktiń baspasóz qyzmetiniń habarlaýynsha, kezdesý barysynda eki eldiń vedomstvo basshylary yntymaqtastyqty jandandyrý týraly hattamaǵa qol qoıdy.
«Hattama halyqty tótenshe jaǵdaılardan qorǵaý salasynda qazaqstan-reseı arasyndaǵy ózara is-qımyl jasasý deńgeıin arttyrýǵa baǵyttaldy.
Onda eki eldiń tıisti vedomstvolarynyń apatty oqıǵalardy boljaý, aldyn alý jáne saldaryn joıý máseleleri boıynsha yntymaqtastyǵyn jandandyrý kózdeledi», delingen habarlamada.
Sonymen birge Hattamada halyqty jáne aýmaqty tabıǵı apattardan, tehnogendik apattardan qorǵaý salasynda tájirıbe almasý, sondaı-aq tótenshe jaǵdaılarǵa yqpal etý máselelerinde keshendi sharalardy pysyqtaý maqsatynda turaqty túrde kezdesýler men keńeıtilgen keńester ótkizý sharalary qamtylǵan.
Transshekaralyq sıpattaǵy tótenshe jaǵdaılardyń aldyn alý maqsatynda shekaralyq deńgeıde ózara is-qımyl jasasýǵa erekshe nazar aýdarylatyn bolady.
Kezdesý dostyq jaǵdaıda ótti jáne tótenshe jaǵdaılardyń aldyn alý jáne saldarlaryn joıý boıynsha jan-jaqty ózara is-qımyl jasasýdy arttyrýǵa eki taraptyń da múddeli ekenin kórsetti.

Astana oqýshylary Kókshetaýdaǵy olımpıadada úzdik atandy
Kókshetaýda jalpy bilim beretin pánder boıynsha respýblıkalyq olımpıada aıaqtaldy. Bes kún boıyelimizdiń barlyq óńirlerinen jınalǵan 735 oqýshy túrli baǵyttar boıynsha saıysty. Jaratylystaný-polıtehnıkalyq baǵytta astanalyqtar jalpykomandalyq esepte birinshi oryn alyp, «Úzdik komanda» atandy, dep habarlaıdy elordanyń resmı saıty.
Olımpıadanyń irikteý týrlaryna respýblıkanyń 350 myń oqýshysy qatysty. Aqtyq synǵa matematıka, fızıka, hımııa, bıologııa, geografııa jáne ınformatıkadan eń úzdik oqýshylar ótti.
Tehnıka salasyndaǵy jańashyldyqtar da tys qalǵan joq. Olımpıadanyń ashylý saltanatynda oqýshylar men stýdentterdiń ınnovatsııalyq jobalarynyń kórmesi uıymdastyryldy.
Sońǵy kezeńniń qorytyndysy boıynsha elordalyq oqýshylar jaratylystaný-polıtehnıkalyq baǵytta jalpykomandalyq esepte birinshi oryn aldy, sonyń ishinde 5 altyn, 11 kúmis jáne 16 qola medalǵa qol jetkizdi.
Sonymen qatar, eki bala Almaty qalasynyń Halyqaralyq aqparattyq tehnologııalar ýnıversıtetiniń grantyna ıe boldy.

Amerıkandyq The Exchange toby Qazaqstanǵa gastrolmen keledi
The Exchange zamanaýı amerıkandyq akapella toby Qazaqstannyń 3 qalasyna (Astana, Qyzylorda, Almaty) 2016 jyldyń naýryz aıynynyń 28-nen sáýirdiń 5-ne deıin sapar shegedi.
«Bul AQSh Memlekettik Departamentiniń «Sheteldegi amerıkandyq mýzyka» baǵdarlamasy jáne bıylǵy jyly toılanatyn AQSh pen Qazaqstan arasyndaǵy qarym-qatynastyń 25 jyldyǵyna arnalǵan Qazaqstandaǵy AQSh mıssııasynyń mádenı sharalarynyń biri», - dep habarlvady AQSh-tyń qazaqstandaǵy elshiliginiń baspasóz qyzmeti.
2012 jyly jigitterden quralǵan top erekshe qaıtalanbas stılimen jáne rok, opera, R&B, hıp-hop baǵytynda akapella repertýarlarymen kózge tústi. Toptyń bes múshesiniń árqaısysy - Aaron Sperber, Alfredo Ostın, Krıstofer Dıaz, Djamal Mýr, Rıchard Shtaıner - ózderine tán anyq tústi daýystarymen mýzykany árlendire túsedi. The Exchange toby bir sahnada tanymal Olly Murs, Flo Rida, Sara Bareilles, Wynton Marsalis, Boyz II Menmen birge óner kórsetti; McDonalds, Kraft, jáne NY Giantspen birigip jumys jasady; sondaı-aq, The Daily Show, Rolling Stone, Ryan Seacrest, Perez Hilton, jáne Entertainment Weekly atty tanymal túsirilimderge qatysty. Kóp uzamaı the Backstreet Boys tobymen álemniń 32 qalasyn sharlap, birge ónerlerin somdady.
Baǵdarlama jaıynda aıtatyn bolsaq, Qazaqstandaǵy AQSh Mıssııasynyń baspa, bilim jáne mádenıet konsýly bylaı deıdi: "Mádenıet pen mýzykaǵa óte baı Qazaqstan eline The Exchange tobyn ákeletinimizdi maqtanysh etemiz. Toptyń ár múshesi mýzykadaǵy ózindik aıqyn stılimen kórermenniń kóńilin jaýlap, nátıjesinde ónerge tánti bolǵan kórermendi aıaǵyna tik turǵyzady. Top ánshileriniń ómirbaıandarynyń ártúrliligi túrli salt-dástúrge baı kópultty Qazaqstannyń kóńilinen shyǵady dep senemin. Sondaı aq, The Exchange tobynyń sapary barysynda kóptegen sheberlik s abaqtary men semınarlar ótkiziletindigine de qýanyshtymyz, sebebi ol jergilikti oqýshylarǵa, stýdentterge, mýzykanttarǵa, jalpy jastarǵa ári qaraı toppen birigip qarym-qatynas jasaýǵa jáne olardan tálim alýǵa zor múmkindik beredi."
The Exchange tobynyń Qazaqstanǵa saparynyń baǵdarlamasynda
Astanada: 28 naýryzda 14:00: Ýrıýpın balalar úıinde semınar,, 29 naýryzda 13:00-te - Qazaq Ulttyq óner ýnıversıtetinde stýdentterge arnalǵan sheberlik sabaǵy, 29 naýryzda 17:00te - Amerıkandyq Buryshta jastarmen kezdesý, 30 naýryzdv 19:00-da - Beıbitshilik jáne kelisim saraıynda tegin kontsert ótedi (bıletterdi https://ticketon.kz/event/the-exchange-usa arqyly alýǵa bolady).
Astanada The Exchange toby Qazaqstandyq A Capella Apriori, Ardana, Láılá Tájibaeva sııaqty oryndaýshylarmen birge óner kórsetedi.
Qyzylordada: 2 sáýirde, 18:00-de Bekejanov atyndaǵy Qazaq drama teatrynda tegin kontsert ótedi.
Almatyda: 4 sáýirde: Naýryzbaı eldi mekenindegi stýdenttermen kezdesý bolady.

Astanada Erkeǵalı Rahmadıev atyndaǵy І halyqaralyq baıqaý ótedi
Erteń elordada KSRO jáne Qazaq KSR halyq ártisi, Qazaqstan Memlekettik syılyǵynyń laýreaty, professor erkeǵalı Rahmadıev atyndaǵy І halyqaralyq baıqaý bastalady.
Bul sharany QR Mádeneıet jáne sport mınıstrligi men «Qazaq ulttyq óner ýnıversıteti uıymdastyryp otyr.
Baıqaý vokaldyq óner jáne hordy dırıjerleý degen eki atalym boıynsha júrgiziledi.
Baıqaýdyń salatantty ashylýy «Shpabyt» ǵımaratynda, Jambyl jabaev atyndaǵy zalda bolady. Baıqaý vokaldyq óner jáne hordy dırıjerleý degen eki atalym boıynsha júrgiziledi.
Erkeǵalı Rahmadıuly Rahmadıev - KSRO jáne qazaqstandyq kompozıtor, pedagog, qoǵamdyq jáne saıası qaıratker, QSRO men elimizdiń halyq ártisi, QazSSR memlekettik syılyǵynyń laýreaty, professor, Qurmanǵazy atyndaǵy Memlekettik konservatorııany segiz jyl boıy basqarǵan, 27 jyl boıy Qazaqstan kompozıtorlar Odaǵynyń tóraǵasy bolǵan, sondaı-aq QSRO kompozıtorlar Odaǵynyń hatshysy jáne respýblıkanyń Mádenıet mınıstri boldy.. Qamar-sulý» (1963 j.), «Alpamys» (1972 j.), «Abylaı han» (1999 j.) operalarynyń, kóptegen orkestrlik, vokaldyq-hor, teatr-sahnalyq kamera-aspaptyq shyǵarmalar men romanstardyń avtory. Mýzykalyq ónerdiń damýyna qosqan zor úlesi úshin 2005 jyly E.R.Rahmadıev Jyl tulǵasy atandy.
Erkeǵalı Rahmadıev atyndaǵy birinshi halyqaralyq baıqaýdyń ýnıversıtettiń irgesinde ótkizilýi kezdeısoq emes. Abzal ustaz árdaıym daryndy jastardy qoldap, otandyq kompozıtorlar men mýzyka qaıratkerleriniń talaı sańlaqtaryn tárbıelegen. Sońǵy jyldary ýnıversıtettiń damýy úshin aıanbaı eńbek etti. Al onyń qazaq mýzykasynyń baı murasyn klassıkalyq mýzykamen sheber baılanystyrǵan kompozıtorlyq eńbegi ózinshe bir bólek. Erkeǵalı Rahmadıuly - ánimen de, azamattyǵymen de, ómirimen de, kisilik úlken jolymen tanymal iri adam, birtýar tulǵa. Shyǵarmalary - halyq júreginde óshpes iz qaldyrǵan asyl mura. Olar opera teatrlarynyń sahnalarynda, kontsert pen radıoda, teledıdarda jıi oryndalady

Astanalyq oqýshylar Kókshetaýdaǵy olımpıadada úzdik atandy
Kókshetaýda jalpy bilim beretin pánder boıynsha respýblıkalyq olımpıada aıaqtaldy. Bes kún boıyelimizdiń barlyq óńirlerinen jınalǵan 735 oqýshy túrli baǵyttar boıynsha saıysty. Jaratylystaný-polıtehnıkalyq baǵytta astanalyqtar jalpykomandalyq esepte birinshi oryn alyp, «Úzdik komanda» atandy, dep habarlady astana.gov.kz.
Olımpıadanyń irikteý týrlarynda barsha Qzaqstannan 350 myń oqýshy baǵyn synady. Aqtyq synǵa matematıka, fızıka, hımııa, bıologııa, geografııa jáne ınformatıkadan eń úzdik oqýshylar ótti.
Tehnıka salasyndaǵy jańashyldyqtar da tys qalǵan joq. Olımpıadanyń ashylý saltanatynda oqýshylar men stýdentterdiń ınnovatsııalyq jobalarynyń kórmesi uıymdastyryldy.
Sońǵy kezeńniń qorytyndysy boıynsha elordalyq oqýshylar jaratylystaný-polıtehnıkalyq baǵytta jalpykomandalyq esepte birinshi oryn aldy, sonyń ishinde 5 altyn, 11 kúmis jáne 16 qola medalǵa qol jetkizdi.
Sonymen qatar, eki bala Almaty qalasynyń Halyqaralyq aqparattyq tehnologııalar ýnıversıtetiniń grantyna ıe boldy.
Elordada «BI Juldyzaı 2016» múmkindigi shekteýli balalar shyǵarmashylyǵynyń XI respýblıkalyq festıvali ótedi
Elordada «BI Juldyzaı 2016» múmkindigi shekteýli balalar shyǵarmashylyǵynyń XI respýblıkalyq festıvali ótedi.
2016 jylǵy 28 naýryzdaǵy saǵ. 15.00-de Qazaqstan Respýbıkasy Tuńǵysh Prezıdentiniń Mýzeıinde «BI Juldyzaı 2016» múmkindigi shekteýli balalar shyǵarmashylyǵynyń XI Respýblıkalyq festıvaliniń bastalýyna arnalǵan baspasóz konferentsııasy ótedi.
Baspasóz konferentsııasyna sharanyń uıymdastyrýshylary men áriptesteriqatysady.
Uıymdastyrýshy - «BI Juldyzaı» korporatıvtik qory. Qordy 2005 jyly «BI-Group» ınvestıtsııalyq-qurylys holdıngi qurǵan.
«BI Juldyzaı» balalar shyǵarmashylyǵynyń respýblıkalyq festıvali jyl saıyn Qazaqstannyń barlyq óńirleriniń balalaryn biriktiredi. Festıvaldiń negizgi maqsaty - múmkindigi shekteýli balalardy shyǵarmashylyq áleýmettendirý. 11 jyl ishinde festıvalge 36 583 balalar qatysty. Festıval túlekteri Bala Tukvisyon baıqaýynyń, Belaıa Trost festıvaliniń, 2015 jylǵy MÝZ-TV syılyǵynyń qatysýshylary jáne Qazaq Ulttyq Óner Ýnıversıtetiniń stýdentteriniń qatarynda. Festıval jyl saıyn Qazaqstan Respýblıkasy Bilim jáne ǵylym mınıstrliginiń, sondaı-aq oblystyq jáne qalalyq Bilim basqarmalarynyń qoldaýymen ótkizilip keledi.
Bıylǵy jyly birinshi irikteý týry 5 sáýirde bastalady. Ádilqazy alqasy quramyndaǵy Qor jetekshileri men qazaqstandyq estrada juldyzdary elimizdiń 16 qalalaryn: Almaty, Taldyqorǵan, Shymkent, Taraz, Qyzylorda, Atyraý, Aqtaý, Aqtóbe, Oral, Óskemen, Pavlodar, Kókshetaý, Petropavl, Qostanaı, Qaraǵandy jáne Astanany aralap shyǵady.
Ádilqazy alqasy qatysýshylardyń ónerin: «horeografııa», «vokaldyq oryndaý», «aspaptyq oryndaý», «ándi ısharalyq oryndaý», «sándik-qoldanbaly shyǵarmashylyq», «beıneleý óneri» nomınatsııalary boıynsha baǵalaıdy. Aralyq qorytyndylar men jeńimpazdar pleneri respýblıkalyq «Baldáýren» balalar lagerinde ótkiziledi.
Ekinshi irikteý týryna ótken qatysýshylardy qyzyq mazmundy baǵdarlama - elimizdiń basty sahnasynda óner kórsetý, sheberlik synyptary, ekskýrsııalar, kórmeler, tanymal otandyq juldyzdarmen, jańa dostarmen kezdesý jáne tamasha merekelik atmosfera kútip tur.
Balalar shyǵarmashylyǵynyń respýblıkalyq festıvali dástúr boıynsha Balalardy qorǵaý kúni - 1 maýsymda «Qazaqstan» Ortalyq kontsert zalynda támamdalady.
Bul jolǵy festıval múmkindigi shekteýli balalar úshin jaǵymdy orta jasaý boıynsha festıvaldi uıymdastyrýshymen biryńǵaı kózqarastaǵy birqatar jańa seriktestermen yntymaqtastyqta ótkizilýde.
Festıval áriptesteri: Qazaqstan Respýblıkasy Tuńǵysh Prezıdentiniń Mýzeıi balalarmen áleýmettik jumys júrgizýge barynsha kóńil bólip keledi.
Qazaqstan Respýblıkasynyń Ulttyq Olımpıada komıteti 1990 jylǵy 3 aqpanda qurylǵan jáne 1992 jylǵy naýryz aıynda Halyqaralyq Olımpıada komıtetiniń tanymaldyǵyna ıe boldy. QR Ulttyq Olımpıada komıtetiniń ókilderi, ataqty sportshylar sport taqyrybyn jáne qazaqstandyqtardyń jetistikterin erekshe atap kórsete otyryp, festıval qorytyndylaryn shyǵarýǵa jáne jeńimpazdardy saltanatty marapattaýǵa qatysady.
Astana q. Balalar Kórkemsýret mektebi - ıÝNESKO klýbynyń negizi 1983 jyly qalandy. ıÝNESKO klýby mártebesin 2008 jyly aldy. Astana q. BKSM - ıÝNESKO klýbynyń oqytýshylary sarapshylar qyzmetin atqarady jáne jumystardy baǵalaýǵa, festıval jeńimpazdaryn anyqtaýǵa qatysady. Vernısaj kezinde Mýzeıde BKSM tárbıelenýshileriniń qatysýymen festıvalge qatysýshylar pleneri ótkiziledi.

Elordada «Jambyl Jabaev» kartınasynyń tusaýkeseri ótti
Búgin Ulttyq mýzeıinde memlekettik «Daryn-2008» jastar syılyǵynyń laýreaty Aıdar Jamhan men Astana qalasy Qazaq sýretshiler qaýymdastyǵynyń múshesi Shahmardan Aıdostyń «Jambyl Jabaev» kartınasynyń tusaýkeseri ótti, dep habarlaıdy Ulttyq mýzeıdiń aqparatyq-ımıdjdik qyzmeti.
Sharanyń saltanatty ashylýynda sóz alǵan Ulttyq mýzeıdiń dırektory Darhan Myńbaı Jambyl Jabaevtyń aqyndyq murasy týraly aıta kele, jańa týyndynyń avtorlaryna alǵys bildirdi.
«Jyr alyby Jambyl babamyzdyń keıingi urpaǵyna mıras retinde qaldyrǵan shyǵarmashylyq murasy qazaq ádebıetiniń altyn qazynasy bolyp tabylady. Qansha jyldar ótse de Jambyl Jabaevtyń óleńderi ómirsheńdigin joǵaltqan emes. Qaıta kerisinshe, birneshe tilderge aýdarylyp, áli kúnge deıin kitap bolyp basylyp shyǵyp jatyr. Qazaq degen el barda jyr alybynyń jyrlary jasaı bermek. Sondyqtan da Jambyl atamyzdyń kórgen túsiniń jelisimen salynǵan mundaı kartınanyń Ulttyq mýzeıdiń tórinen oryn alýy oryndy dep oılaımyn», - dedi D.Myńbaı.
Kartına avtorlarynyń biri Shahmardan Aıdos Ulttyq mýzeıdiń sýretshiler jumysyna jasaǵan qoldaýyna alǵys bildire kele, jańa týyndynyń ereksheligine toqtalyp ótti. «Bul jumysqa kirispes buryn, Jambyl Jabaevtyń ómiri men shyǵarmashylyǵyna tereń tanysyp shyqtyq. Aıdar Jamhanmen aqyldasa kele, aqynnyń 170 jyldyǵyna oraı osyndaı dúnıe jasap shyǵardyq. Ulttyq mýzeıdiń qazaq sýretshilerine jasaǵan qamqorlyǵyna erekshe alǵys bildiremiz», - dedi Sh.Aıdos.
sonymen qatar shara barysynda Qazaqstannyń eńbek sińirgen qaıratkeri, sýretshi Sembiǵalı Smaǵulov atalǵan kartına avtorlaryn quttyqtap, jastarǵa aqjol tiledi. «Osynshama jurtty jınap, bir ǵana kartınany tanystyrý dástúri bizdiń elimizde de keńinen úrdis alyp kele jatqany kóńil qýantady. Baıqap otyrmyn, sýretshiler óte jaqsy jumys istegen. Bárinen buryn ónerli jastarǵa jasalyp jatqan qoldaýlardy kórip kóz qýanady. Shákirtterime shyǵarmashylyq tabys tileımin», - dedi S.Smaǵulov.
Aıta keteıik, kartınada qolynda dombyrasy bar, basyna qara-qońyr tústi bórik, ústine ulttyq shapan kıgen aqyn beınelengen. Sonymen qatar, qyzyl jolbarystyń beınesin jáne basqur, kilem, túskıizdiń elementterin kórýge bolady. Kompozıtsııanyń oń jaǵynda qazaqtyń keń dalasy men aspany, asqar taýdyń beınesi sýrettelgen.
Іs-shara barysynda Jambyl Jabaev týraly derekti fılmder kórsetilip, Astana qalasy orta mektepteriniń oqýshylary jyrdan shashý shashty.

Arnaıy keńes Astanadaǵy «Ǵashyqtar» eskertkishiniń taǵdyryn áli sheshken joq - Mádenıet mınıstri
Mádenıet jáne sport mınıstrliginiń kórkemdik keńesi Astanadaǵy atyshýly «Ǵashyqtar» eskertkishiniń taǵdyryn áli sheshken joq, dep habarlady Arystanbek Muhamedıuly Parlament palatalarynyń birlesken otyrysynan keıin tilshilerge bergen suhbatynda.
«Oqıǵanyń sońyn baǵý kerek. Eskertkishterdiń damýy jónindegi kórkemdik keńestiń birinshi otyrysy ǵana ótti. Eskertkishti ornatpastan buryn komıssııa óziniń kelisimin berýi tıis. Biraq, meniń oıymsha, olar eskertkishke oramal taqqan blogerlerge qaraǵanda optımıstik kózqaras tanytyp otyr. Komıssııa músheleriniń kózqarasy boıynsha, anaý aıtqandaı buzýshylyq joq. Men azdap sabyrlyq tanytýdy suraımyn jáne keńestiń qorytyndy sheshimin kúteıik», - dedi mınıstr.
A.Muhamedıulynyń sózi boıynsha, eger keńes músheleri eskertkishtiń turpaty jónsiz dep tapsa, ol edáýir ózgeristerge ushyraıdy.
«Bul komıssııanyń birinshi otyrysy ǵana ótti. Qazirgi ýaqytta biz eskertkish avtorynyń usynystaryn kútip otyrmyz. Barlyǵy jiti zerdelenedi, basqa mamandardyń pikiri de sarapqa salynady. Alaıda másele ońaı emes», - deıdi QR Mádenıet jáne sport mınıstri.
Onyń sózi boıynsha, eger eskertkish talapqa saı bolmaı shyqsa, onda Qazaqstandaǵy barlyq eskertkishter revızııadan ótpek.
Eske sala keteıik, Astana ortalyǵynda ornalasqan «Ǵashyqtar» atty eskertkish elordanyń keıbir turǵyndary arasynda úlken daý týǵyzdy. Ol keıin halyq arasynda áleýmettik jelide qyzý talqyǵa da salyndy. Jekelegen blogerlerdiń oıynsha, eskertkishtegi qazaq qyzynyń obrazy tym jeńiltek kórinedi. Aıta ketken jón, eskertkish 2005 jyly ornatylǵan bolatyn.

Elordada kórkem gımnastıkadan el Kýbogy ótti
Astanada kórkem gımnastıkadan Qazaqstan Kýbogy ótti. Jarysqa elimizdiń 13 óńirinen 230 sportshy qatysty. Bul týraly elordanyń resmı saıty habarlady.
Elordalyq sportshylar 39 medal enshiledi: 18 altyn, 12 kúmis jáne 9 qola.
Komandalyq esepte astanalyq gımnastshylar 2001-2003 j.t., 2004 j.t. jáne odan kishi jas sanattarynda birinshi orynǵa taban tiredi. Jas sport sheberleri kópsaıystan jeke jarysta da, toptyq jattyǵýlarda da (2001-2003 j.t.) tuǵyrǵa kóterildi.
Qalalyq kórkem gımnastıka mektebiniń shákirtteri de kópsaıystan birinshi oryn aldy, al doppen jattyǵýda básekelesterine ese jiberdi.
«Ótken jyly el Kýbogy Qaraǵandyda ótken bolatyn, endi týrnırdi ózimizde elordada ótkizip jatyrmyz. Elordalyq gımnastshylar óz sheberlikterin kórsetti, ádettegideı olar barlyq shaǵyn toptarda kósh bastady», dedi Astana qalasynyń kórkem gımnastıkadan aǵa bapkeri Láılim Omarova.
Onyń aıtýynsha, sportshylar sáýir aıynyń sońynda Astanada uıymdastyrylatyn Azııa birinshiligine qatysady.

OQO-da kámeletke tolmaǵandar arasynda erte júktiliktiń 800-den astam faktisi tirkeldi - Ulasbek Sádibekov
Jasóspirimder arasyndaǵy erte júktilik máselesinde ata-analardyń bala tárbıesindegi rólin kúsheıtý qajet. Bul týraly búgin Astanada OQO ákiminiń orynbasary Ulasbek Sádibekov málim etti.
«Jas qyzdarymyzdyń erte ana bolýy turǵysynda kókeıkesti másele bar. Árıne, bul baǵytta tıisti jumystar júrgizilip jatyr, ıaǵnı úkimettik emes uıymdardyń, ata-analardyń, muǵalimderdiń jumystary qamtylýda. Degenmen de, bul saladaǵy jumystar jetildirýdi qajet etedi. Atap aıtqanda, ata-analardyń bala tárbıesindegi rólin kúsheıtý qajet. Qyz tárbıesindegi ananyń, ul tárbıesindegi ákeniń róline erekshe mán bergen durys. Sonymen qatar jas qyzdardyń erte ana bolýy turǵysynda jigitterdiń de arasyndaǵy tıisti jaýapkershilik máselesin nazardan tys qaldyrýǵa bolmaıdy. Jigitterde qyzdardyń bolashaq ómirine jaýapkershilikpen, namyspen qaraý degen másele umyt bolyp bara jatqan sekildi», - dedi U. Sádibekov Áıelder isteri jáne otbasylyq-demografııalyq saıasat jónindegi ulttyq komıssııa otyrysynyń aldynda tilshilerge bergen suhbatynda.
Osy oraıda ol balalar áleýmettik jelilerdi kóbirek paıdalanatynyn, sol arqyly tanys taýyp, onyń saldary ókinishti jaǵdaılardy týyndatatynyn atap ótti.
U. Sádibekov óńirde jastardyń sany 700 myńǵa jýyq ekenin aıta kele, onyń ishinde 90 myńnan astamy 15-17 jas aralyǵyndaǵylar ekenin jetkizdi.
Onyń sózine qaraǵanda, 2015 jyl men bıylǵy jyldy qosa eseptegende OQO-da kámeletke tolmaǵandar arasynda erte júktiliktiń 800-den astam faktisi tirkeldi. Olardyń negizgi bóligi 17 jastaǵy qyzdardyń úlesinde eken.Óz kezeginde Aqtóbe oblysy ákiminiń orynbasary Asqar Sherııazdanov jasóspirimder arasyndaǵy erte júktilik máselesi Aqtóbe oblysy boıynsha ózekti bolyp otyrǵanyn jetkizdi.
«Sebebi, 2015 jyldyń qorytyndysy boıynsha óńirde jasóspirimder arasyndaǵy júktilik jaǵdaılary 175-ke jetti. Aǵymdaǵy jyldyń eki aıynda 28 fakti tirkeldi. Árıne, bul oqıǵalar bizdi alańdatyp otyr. Osy máselemen memlekettik organdar aınalysyp kelse, endi qoǵamdy kóbirek tartýdy kózdep otyrmyz. Óıtkeni, buny tek memlekettik organdardyń kúshimen eńserý múmkin emes, ıaǵnı osy ózekti máselege qoǵam aralasýy kerek. Bul turǵydaǵy problemalarǵa jahandaný úderisi, Internettegi aqparattyń jastarǵa qoljetimdiligi áser etýde»,-dedi A. Sherııazdanov
Onyń paıymynsha, júkti bolyp qalǵan jasóspirimderdi synǵa alyp, jazǵyrǵannan góri túsindirý jumystaryn júrgizgen durys bolady.
«Qazirgi kezde ata-analarmen tıisti sharalar qamtylyp, joǵary synyp oqýshylarymen, jasóspirimdermen tárbıe jumystaryna erekshe mán berilip otyr. Sonymen qatar olardyń arasynda saýalnama júrgizilip, jastarǵa senim telefondary arqyly bilikti psıhologtardyń kóbirek aqparat berýi baǵytynda jumystardy uıymdastyryp jatyrmyz»,-dedi ákimniń orynbasary.

Úzdik bıznes-keıs oıynynyń jeńimpazdary qomaqty qarjylaı júldege ıe boldy
Nazarbaev ýnıversıtetiniń joǵarǵy bıznes mektebinde Qazaqstandaǵy JOO stýdentteri men bızneske qumar jastardyń komandalary «Bolashak Business Competition» bıznes keısterin sheship, qomaqty qarjylaı júldege ıe boldy.
Oıynnyń jeńimpazdary 400 myń teńge, 2-oryn ıelengen komanda 200 myń teńge, 3-oryn alǵan top 120 myń teńge utysqa ıe boldy.
«Oıynǵa ártúrli jastaǵy azamattar qatysty. Tipti, keıbir komandada jasy 18-degi qatysýshy bar. Ádette, mundaı konkýrstarǵa biraz tájirıbesi bar adamdar qatysady. Bıznes-keısterdiń formaty da ártúrli, olar «Báıterek» qorynyń qoldaýymen arnaıy ázirlendi. Bıznes-keısterdiń barlyǵy qazaqstandyq kompanııalardyń úlgisi boıynsha daıyndalǵan»,-deıdi Qostanaıdaǵy «Jas Atameken» jas kásipkerler klýbynyń ókili Nıkıta Kartsev.
Al, oıynnyń qorytyndysyna keler bolsaq, 1-oryndy Almatydan kelgen "Dream Team" komandasy, ekinshi oryndy «Jas Atameken» jas kásipkerler klýby, 3-oryndy Astananyń "Optımýs" komandasy jeńip aldy.
Jalpy, «Bolashak Business Competition» oıyny jınaq materıaldar negizinde, jastardyń kásipkerligin damytýǵa baǵyttala otyryp, jastardyń taldaý qabiletin damytý maqsatynda ótkizilip otyr, deıdi uıymdastyrýshylar. Oıynǵa árqaısysy 4 adamnan quralǵan 10 top qatysty. N.Kartsevtiń aıtýynsha, bul on top 71 komandanyń arasynda alǵyrlyǵyn baıqatyp, fınalǵa shyqqan toptar.


Astanada altynshy shaqyrylymdaǵy qalalyq máslıhattyń birinshi sessııasy ótti
Búgin Astana qalasynyń ákimi Ádilbek Jaqsybekovtiń qatysýymen altynshy shaqyrylymdaǵy Astana qalalyq máslıhattyń birinshi kezekti sessııasy ótti.
Elordanyń resmı saıtynyń habarlaýynsha, sessııanyń kún tártibinde altynshy shaqyrylymdaǵy qalalyq máslıhat hatshysyn saılaý, altynshy shaqyrylymdaǵy qalalyq máslıhattyń turaqty komıssııalaryn qurý, altynshy shaqyrylymdaǵy qalalyq máslıhattyń turaqty komıssııalarynyń quramyn saılaý týraly máseleler qaraldy.
Astana qalasy saılaý komıssııasynyń tóraǵasy Igilik Jalbyrov Astana qalalyq máslıhaty depýtattaryn saılaý qorytyndysymen tanystyryp, saılanǵan depýtattarǵa kýálikter men belgiler tabystady.
Birinshi sessııada depýtattar Astana qalalyq máslıhatynyń turaqty komıssııalarynyń tóraǵalary men quramyn saılady. Gaıdar Kasenov zańdylyq, quqyqtyq tártip jáne qoǵammen jumys máseleleri jónindegi komıssııa tóraǵasy bolyp saılandy; bıýdjet, ekonomıka, ónerkásip jáne kásápkerlik máseleleri jónindegi komıssııaǵa Mıras Shekenov tóraǵalyq etedi; qurylys, ekologııa, kólik jáne turǵyn úı sharýashylyǵy máseleleri jónindegi komıssııaǵa Sársenbek Júnisov tóraǵa bolady; áleýmettik-mádenı damý máseleleri jónindegi komıssııa tóraǵasy bolyp Majıt Shaıdarov saılandy.
Astana qalalyq máslıhatynyń hatshysy bolyp Janat Nurpeıisov biraýyzdan saılandy.
Elorda ákimi Á. Jaqsybekov qaıta saılanǵan depýtattardy quttyqtap, besinshi shaqyrylymdaǵy máslıhat hatshysy Sansyzbaı Esilovtyń kóp jyl boıy eńbek etkenin erekshe atap ótti, sondaı-aq, besinshi shaqyrylymdaǵy qalalyq máslıhat depýtattaryna jemisti eńbekteri úshin alǵysyn bildirdi.
«Elordanyń tynys-tirshiligine belsendi qatysý kerek, óz jumysyńda qala turǵyndarynyń senimin aqtaý qajet. Búgin Prezıdent Parlament Májilisiniń aldyna birqatar mindetter qoıdy, osy tapsyrmalardy oryndaý barysynda bizge da júkteletin ortaq jaýapkershilik mol», - dedi Á. Jaqsybekov jańa shaqyrylymdaǵy qalalyq máslıhat depýtattaryna qaratyp aıtqan sózinde.
Aıta keteıik, 2016 jylǵy 20 naýryzda altynshy shaqyrylymdaǵy Astana qalalyq máslıhattynyń depýtattaryn saılaý ótti. 213 saılaý ýchaskesinde daýys berý júrgizildi.
Saılaýshylar tizimine 400445 saılaýshy engizildi, daýys berýge 296364 saılaýshy nemese saılaýshylar tizimine engizilgen azamattardyń 74,0 paıyzy daýys bergen. 1821 saılaýshy daýys berýge arnalǵan orynnan tys jerde daýys bergen. Qalalyq máslıhat depýtattaryn saılaý 25 saılaý okrýgi boıynsha ótti. Saılaý bıýlletenderine máslıhat depýtattyǵyna 56 kandıdat engizildi.

Elordada Halyqaralyq teatr kúnine arnalǵan merekelik sharalar ótedi
Erteń, 27 naýryzda elordadaǵy Jastar teatrynda Halyqaralyq teatr kúnine oraı merekelik sharalar uıymdastyrylady.
«Keshke Jastar teatry, Q.Qýanyshbaev atyndaǵy Qazaq akademııalyq mýzykalyq-drama teatry, M.Gorkıı atyndaǵy orys akademııalyq teatry, Astana qalasy Kóńildi tapqyrlar teatry, Qýyrshaq teatry jáne «Naz» memlekettik bı teatrlary qatysady», dep habarlaıdy teatrdyń baspasóz qyzmeti.
Teatr kúnin toılaý - bas qalanyń mádenı ómirinde dástúrge aınalǵan. Bul kúni Astana qalasynyń teatrlary sahna men sahna syrtyndaǵy qyzyqty sátter, ádemi áýen men kóńildi mınıatıýralar kórsetedi. Sonymen qatar, Astana qalasy Mádenıet basqarmasynyń basshysy Bolat Majaǵulov shyǵarmashylyq ujymdardy quttyqtap, úzdik akterlerge jáne teatr salasynyń mamandaryna alǵys hattar tabys etiledi. Kesh sońynda Astana qalalyq memlekettik fılarmonııasynyń shyǵarmashylyq ujymy Óner ıelerine arnap kontsert beredi.
Sondaı-aq, teatr foıesinde teatrlar kórmesi ótedi.
27 naýryz Mereke mártebesine 1961 jyly Venada ótken, ıÝNESKO janyndaǵy Halyqaralyq teatr ınstıtýtynyń ІH Kongresinde qol jetkizdi. Sol ýaqyttan beri bul kúndi búkil álemde mereke retinde atap ótedi.
Astanada «Naýryz meıramy-2016» baıqaýynyń jeńimpazdary marapattaldy
Astanada Oqýshylar saraıy ǵımaratynda Qazaqstan Respýblıkasy Táýelsizdiginiń 25 jyldyǵyna oraı ótkizilgen «Naýryz meıramy - 2016» qalalyq baıqaýynyń jeńimpazdary marapattaldy.
Astana qalasy ákimdiginiń uıymdastyrýymen Naýryz meıramyn merekelegen kúnderi memlekettik organdar, kásiporyndar men uıymdar arasynda, jalpy 40-tan astam mekeme arasynda qalalyq baıqaý ótkizildi.
Belgili qoǵam qaıratkerleri, ǵalymdar men qalamgerlerden quralǵan komıssııa mereke kúnderi qalanyń barlyq alań, saıabaq, turǵyn alaptaryn aralap, kıiz úılerdiń ulttyq naqyshta bezendirilýi, Naýryz meıramyn qarsy alý rásimderi men ulttyq dástúrlerdi kórsetýi, ulttyq taǵamdardy usynýy, is-sharanyń mazmundylyǵy, kıimderdiń ulttyq naqyshtaǵy deńgeıi sııaqty sharttarǵa nazar aýdaryp, óz baǵalaryn berdi.
Jeńimpazdardy marapattaý saltanatyn Astana qalasy Tilderdi damytý basqarmasynyń basshysy Tileýǵalı Qyshqashbaev ashty. Basqarma basshysy jınalǵan qaýymdy merekemen quttyqtady.
«Barshańyzdy ákimdik atynan merekemen quttyqtaımyn. Halqymyzǵa birlik, kelisim men densaýlyq tileımin. Baıqaýǵa qatysqandaryńyz úshin alǵys aıtamyn», - dedi T. Qyshqashbaev.
Baıqaýda Astana qalasynyń Kommýnaldyq múlik jáne memlekettik satyp alýlar basqarmasy gran-prı ıegeri atandy. 1-oryn Astana qalasynyń jastar saıasaty máseleleri basqarmasyna, 2-oryn - Astana qalasynyń tabıǵı resýrstar jáne tabıǵat paıdalanýdy retteý basqarmasyna, 3-oryn Astana qalasynyń memlekettik sáýlet-qurylys baqylaý basqarmasyna berildi.
Sonymen qatar, qazylar alqasy Astana qalasynyń jolaýshylar kóligi basqarmasyn, Astana qalasynyń jumyspen qamtý jáne áleýmettik qorǵaý basqarmasyn, Astana qalasynyń sáýlet jáne qala qurylysy basqarmasyn, sondaı-aq, Kólik jáne kommýnıkatsııalar kolledjin arnaıy nomınatsııalar boıynsha atap ótti.
Shara sońynda kópshilik nazaryna merekelik kontsert usynyldy.
Aıta keteıik, atalǵan is-sharaǵa zııaly qaýym ókilderi, belgili ǵalymdar men qalamgerler, qala basshylyǵy, memlekettik mekeme jetekshileri, úkimettik emes uıym jáne jastar qozǵalystary, oqý oryndarynyń ókilderi, stýdentter, elorda turǵyndary men qonaqtary, BAQ ókilderi shaqyryldy, dep habarlaıdy astana.kz.

Elordanyń teatr ártisteri tól merekelerin toılaýda
Dúnıejúzilik teatr kúnine oraı elordanyń úzdik ártisteri «Jastar» teatrynda bas qosty. Atalǵan sharany ótkizý dástúrge aınalǵan.
«Teatr óneriniń juldyzdary qyzyl kilemmen júrip ótip, quttyqtaýlar qabyldady, áriptesteriniń merekelik qoıylymdaryn tamashalady», dep habarlaıdy qalanyń resmı saıty.
Merekelik baǵdarlama basynda Astana qalasy ákiminiń orynbasary Ermek Amanshaev elordalyq teatrlardyń shyǵarmashylyq ujymdaryn quttyqtap, olarǵa shyǵarmashylyq tabys pen shabyt tiledi.
«Teatr - jańa boıaýlarmen, sıqyrly dybystarmen jáne sahnalyq qubylystarmen baýrap alatyn uly óner. Sizderdi, áriptesterimdi osy bir keremet merekemen quttyqtaımyn. Munda elordanyń mádenı ómiriniń mańyzdy bóligine aınalǵan teatr qyzmetkerleri jınaldy. Sońǵy jyldary teatrlarymyz halyqaralyq festıvaldarda Gran-prı ıelenip júr, bul qajyrly eńbekteriizdiń jáne talanttaryńyzdyń arqasy, barshańyzǵa tabys tileımin», - dedi E. Amanshaev.
Elordalyq úzdik jeti teatrdyń ártisteri elorda ákimi Ádilbek Jaqsybekovtiń atynan alǵys hattarmen marapattalyp, syılyqtar qabyl aldy.
Shara barysynda teatrlardyń jas shyǵarmashylyq ujymdary kópshilik nazaryna merekelik baǵdarlama usyndy: Q.Qýanyshbaev atyndaǵy memlekettik akademııalyq qazaq mýzykalyq drama teatry, M. Gorkıı atyndaǵy memlekettik akademııalyq orys drama teatry, «Jastar» teatry, Kóńildi tapqyrlar teatry, Qýyrshaqtar teatry, «Naz» memlekettik bı teatry.
«Bizdiń teatrdyń jas ártisteri óte daryndy. Qyzdar da, jigitter de kreatıvti, yntaly. Óz atymnan osy salanyń barlyq qyzmetkerlerin Halyqaralyq teatr kúnimen quttyqtaımyn! Barlyǵyna densaýlyq, beıbitshilik, shyǵarmashylyq tabys tileımin», - dedi Q. Qýanyshbaev atyndaǵy Memlekettik akademııalyq qazaq mýzykalyq drama teatrynyń aktrısasy Aınur Júginisova.
Aıta keteıik, Dúnıejúzilik teatr kúni - jyl saıyn barsha álemde 27 naýryzda atalyp ótedi.

Elordalyq aspazdar Daýn sındromyna shaldyqqan balalarǵa sheberlik sabaǵyn ótkizdi
26-27 naýryz, demalys kúnderi «Kafe Tselınnıkov» meıramhanasy men «ArtıShOK» kondıterler klýbynyń aspazdary Daýn sındromyna shaldyqqan balalarǵa sheberlik sabaǵyn ótkizdi.
26 naýryz kúni «Kafe Tsellınıkov» meıramhanasynda 5-9 jastaǵy balalar «ArtıShOK» kondıterler klýby aspazdarynyń jetekshiligimen shokolad táttilerin jasap, olardy keıinnen ata-analarymen birge dám tatty.
Al búgin jasóspirimderdi meıramhananyń bas aspazy Eka Nadıradze qarsy alyp, ol balalarǵa naǵyz hachapýrı daıyndaýdy úıretti.
Aıta keterligi, sheberlik sabaqtary balalarǵa tegin ótkizildi. Munan bólek, olar biregeı taǵamnan dám tatyp, tort jasaýdyń qyr-syryn da úırendi.
Búginde elordada Daýn sındromyna shaldyqqan shamamen 300 bala bar. Jyl saıyn Astanada dál osyndaı dıagnozben 30 sábı dúnıege keledi. 2015 jyldyń jeltoqsanynda ata-analardyń kúshimen «Solnechnyı mır» qoǵamdyq qory quryldy. Onyń basty maqsaty - Daýn sındromyna shaldyqqan balalardy ońaltý jáne olarǵa kómek kórsetý.

Astanada kúı aptalyǵy ótedi
Qazaq Ulttyq óner ýnıversıtetiniń kúıshileri kúı aptalyǵyn ótkizedi. Úsh kúnde alty birdeı kúı keshin tamashalaı alasyzdar, dep habarlaıdy shynyrau.kz.
Dúısenbi, 28 naýryz
Rymhan Ábilhanuly - bastalýy saǵat 15.00-de
Nurbek Tapalov - bastalýy saǵat 16.30-da
Seısenbi, 29 naýryz
Janǵalı Júzbaı - bastalýy saǵat 15.00-de
Aqjýsan Imanǵazyqyzy - bastalýy saǵat 16.30-da
Sársenbi, 30 naýryz
Edil Basyǵaraev - bastalýy saǵat 15.00-de
Jumabek Qadyrqulov - bastalýy saǵat 16.30-da
Ótetin oryn - Qazaq Ulttyq óner ýnıversıtetiniń (Shabyt) F. Shopen atyndaǵy kontsert zaly .

Qazirgi tańda ulttyq mýzykaǵa degen suranys bar - «HasSaq» ansambli
«HasSaq» etno-folklorlyq ansambli qazir kóptiń nazaryna túsip, oqyrman yqylasyna bólenip júr. Top óziniń ulttyq ereksheligimen kórermen nazaryn birden ózine aýdartty. Osy oraıda ansambl múshesi Qurmanǵazy atyndaǵy Qazaq ulttyq konservatorııasynyń túlegi, Ahmet Jubanov atyndaǵy daryndy balalarǵa arnalǵan mýzyka mektep-ınternatynda oqytýshy, osy oqý ornynda «Jetigenshiler» ansambliniń jetekshisi, «QR Tuńǵysh Prezıdenti- Elbasynyń qory» grantynyń ıegeri, «Jetigenge arnalǵan hrestomatııa» atty kitabynyń avtory Músirepova Jadyrany áńgimege tartqan edik.
- Jadyra, «HasSaq» etno-folklorlyq ansambli qashan quryldy? Suhbatymyzdy osydan bastasaq.
- 2010 jyly Qazaqstannyń eńbek sińirgen ártisi Maıra Іlııasova apaıymyzdyń bastaýymen «Saq» toby qurylǵan bolatyn. Ol ansambldiń bastapqyda baǵyty ózgeshe, kóbine estradalyq mýzyka bolatyn. 2013 jyldan bastap, ataýymyzdy «HasSaq» etno-folklorlyq ansambli dep ózgertip, óz betimizshe jumys jasap kelemiz.
- Ansambldi qurý týraly ıdeıa qaıdan bastaý alady?
- Qazaq mýzyka ónerine úlken jańalyq, jańa lep bolyp kelgen, qazaqtyń tól aspaptaryn keremet sheberlikpen úndestire bilgen, talaıdyń tańdaıyn qaqtyrǵan, attary álemge jaıylǵan «Turan» etno-folklorly ansambli bar ekenin bilesizder. Árqaısysy birneshe aspapta erkin oınaıtyn mýltı- ınstrýmentalıster. Shyǵarmalarynda áni, kúıi, bıi de bar. Munyń barlyǵyn bes-aq adam oryndaıdy. Bundaı ansamblder, qazaq sahnasynda buryn-sońdy bolǵan emes. Sondyqtan, bolar «Turan» ansambline qyzyǵyp, eliktegender az emes. Biz de osy ansamblge qarap boı túzeımiz. Ideıa - «Turannan» bastaý alady.
- Ulttyq mýzykany jańǵyrtýshylar az emes, «HasSaq» nesimen erekshelenbek?
- Qazirgi tańda ulttyq mýzykaǵa degen suranys bar. Suranys bar jerde básekelestik bar. Básekelestik bolǵan jerde ósý bar. Sondyqtan, ulttyq mýzykamyzdy nasıhattaýshylar kóbeıgen saıyn sapaly, baǵaly, maǵynaly dúnıeler de artady dep oılaımyn.
Ulttyq mýzykany jańǵyrtyp júrgender az emes. Ár oryndaýshynyń ózindik baǵyty bar, ózindik oryndaýshylyq ereksheligi bar, halyqqa aıtar oıy bar, tyńdarmandary bar. «HasSaq» ansambline keletin bolsaq, bul ansambldiń oryndaýshylary - kásibı mýzykanttar, birneshe aspapty erkin meńgergen mýltı- ınstrýmentalıster, dástúrli ánshiler. Jalpy keıde bireýler «HasSaqty» «Turan» ansamblimen salystyryp jatady. Aspaptarymyz bir, eki ansamblde de bes oryndaýshy bolǵandyqtan, uqsastyqtardyń bolýy zańdy. Alaıda syrt kózge uqsas kóringenmen, kásibı mýzykanttar, shyǵarmalarymyzdyń qurylymyndaǵy aıyrmashylyqty, mýzykalyq ıdeıanyń ártúrli ekenin, oryndaý ereksheligin, shyǵarmalardyń taqyryptarynyń bólek ekendigin, jalpy ansamblderdiń tabıǵaty bir- birinen ózgeshe ekendigin birden baıqaıdy. Sondyqtan, qazirgi tańda «HasSaq» ansambli ózindik qaıtalanbas boıaýy bar mýzykasymen, oryndaýshylyq sheberligimen, ulttyq naqyshta, zamanaýı stılde tigilgen áserli kıimderimen erekshelenedi dep tolyq senimmen aıtýǵa bolady!
- Jadyra, negizgi dittegen maqsattaryńyz ne?
- Bala kúnnen ulttyq mýzykany boıymyzǵa sińirip óskendikten, kishkentaıymyzdan qolymyzǵa aspap ustap, úlken sahnany armandap, ónerdiń qıyny men qyzyǵyn kórip qalyptasqandyqtan, mýzyka bizdiń - barymyz, ómirimiz! Sondyqtan da armandarymyz kóp, maqsattarymyz bıik! «HasSaq» kommertsııalyq joba emes. Basty maqsatymyz - qazaqtyń ulttyq mýzykasyn, dástúri men saltyn nasıhattaý. Umyt bola bastaǵan, umyt bolyp ketken qazaqtyń tól aspaptaryn qaıta jańǵyrtyp, qoldanysqa engizip, halyqqa qaıtarý. Keler urpaqtyń, qazirgi jastardyń, ulttyq mýzykaǵa, ulttyq aspaptarǵa degen qyzyǵýshylyǵy men eline degen patrıottyq sezimin oıatý. Mıras bolyp qalǵan asyl muralarymyzdy saqtap, keler urpaqqa amanat etý. Qazaqtyń ulttyq ónerin álemge tanystyrý.
- Ansambl múshelerimen tanystyryp ótseńizder?
- Ansambl músheleri Qurmanǵazy atyndaǵy Qazaq ulttyq konservatorııasy men Temirbek Júrgenov atyndaǵy óner akademııasynyń stýdentteri men túlekteri. Ansambl jetekshisi: kóptegen halyqaralyq jáne Respýblıkalyq baıqaýlardyń laýreaty, Qurmanǵazy atyndaǵy Qazaq ulttyq konservatorııasynyń doktarantýrasynda oqyp, osy oqý ornynda shákirt tárbıelep júrgen, daryndy kúıshi - Erjan Jámeńkeev.
Shyǵarmashylyq ujymymyz: Aqjol Júsipuly - T.Júrgenov atyndaǵy óner akademııasynyń úshinshi kýrs stýdenti. Dástúrli án mamandyǵy boıynsha, Dánesh Raqyshevtiń mektebinde bilim alady. Aqjol dástúrli ánmen qatar, estradalyq ánderdi de, gıtaranyń súıemeldeýimen de keremet oryndaıdy. Sonymen qatar, sybyzǵynyń kóne oryndaýshylyq dástúrin meńgergen. Sondaı-aq, shańqobyz, barbyt, sherter, shińkildek t.b aspaptarda oınaıdy. Birneshe tilde (qytaı, aǵylshyn tilderi) erkin sóıleıdi. (Aqjoldyń birinshi dıplomy boıynsha mamandyǵy - hırýrg).
Baqııa Azamat - Qurmanǵazy atyndaǵy Qazaq ulttyq konservatorııasynyń úshinshi kýrsynda sybyzǵy mamandyǵy boıynsha bilim alyp jatyr. Azamat ta sybyzǵydan bólek kóptegen aspaptarda erkin oınaıdy. Bala kezinen, aǵashtan aspaptar jasaýdy ermek qylǵan. Búgin de Azamattyń ulttyq aspaptar jasaıtyn jeke sheberhanasy bar. Bizdiń ansambldi alýan túrli aspaptarmen qamtamasyz etetin osy jigit.
Erbol Móldir - Qurmanǵazy atyndaǵy Qazaq ulttyq konservatorııasynyń túlegi. Halyqaralyq jáne respýblıkalyq konkýrstardyń laýreaty. Ansambldiń qobyzshysy. Sonymen qatar, Móldir qyzymyz estradalyq baǵytta án aıtady. Jáne ózim.
- Repertýarlaryńyzda qazir qansha shyǵarma bar?
- Qazirgi tańda, repertýarymyzda onnan astam shyǵarmalarymyz bar.
- Án-jyr mektepterinde negizine qaı mektepke súıenesizder?
- Biz aspaptyq ansambl bolǵandyqtan, kúılerge kóbirek kóńil bólemiz. Alaıda, ansambl repertýarynda ánder de joq emes. Ánshilik mektepterdiń barlyǵyn súıip tyńdaımyz. Degenmen, jetisý men arqanyń ánderi janymyzǵa jaqyn.
- Repertýar tańdaǵanda qandaı talaptarǵa súıenesizder?
- Ansambl repertýarynda túrli taqyryptaǵy shyǵarmalar bar. Olar: halyq kompozıtorlarynyń shyǵarmalary, halyq ánderi, qazirgi zaman kompozıtorlary men ansambldiń avtorlyq shyǵarmalary bar.
- Alǵashqy beınebaıandaryńyz da shyqty, osydan keıin qandaı kompozıtsııany túsirmeksizder?
- Kópten kútken alǵashqy beınebaıanymyz, «Amanat» dep atalatyn ózimizdiń tól týyndymyzǵa túsirilip, halyq nazaryna usynyldy. Sózi Mıras Qadyrmurattiki. «HasSaqty» halyqqa tanystyratyn alǵashqy beınebaıanymyz bolǵandyqtan barynsha sapaly, maǵynaly dúnıe jasaýǵa tyrystyq. Beınebaıanymyz kópshiliktiń kóńilinen shyǵyp, jaqsy pikir- tilekterge ıe bolyp jatqany qýantady. Endigi josparda turǵan kelesi beınebaıanymyz, ónerdegi, ómirdegi jaqyn dosymyz, jas ta bolsa óte tájirıbeli, myqty mýzykant, daryndy kompozıtor Serik Nurmoldaevtyń «Ana júregi» dep atalatyn shyǵarmasyna túsirilmek.
- Bolashaq josparlaryńyzben bólisseńizder?
- Jospar kóp! Qazirgi ýaqytta alǵashqy kúıtabaǵymyzdy jazý ústindemiz, jańa shyǵarmalar shyǵaryp jatyrmyz. Ekinshi beınebaıanymyzdy túsirýge daıyndalyp júrmiz. Sonymen qatar, jýyq arada jeke kontsertimizdi bermekpiz.
- Jadyra, sóz sońynda bastaryńyzdan ótken bir qyzyq oqıǵany oqyrmanmen bólise otyrsańyzdar?
- Óner jolynda júrseń, únemi qyzyq oqıǵalarǵa tap bolyp júresiń ǵoı. «HasSaqtyń» qyzyq oqıǵalarynyń birin aıtyp bereıin...
Chehııanyń Karlovy Vary qalasyna kezekti gastroldik saparmen barǵan bolatynbyz. Kontsertimizdi sátti ótkizgennen soń, Chehııaǵa kelip turyp eki saǵattyq jerdegi astanasy Pragany kórmeı ketý bolmas dep sheshtik. Ushaǵymyz Karlovy Varydan ushatyndyqtan, kelesi kúni qaıtyp kelý úshin avtobýsqa bılet alyp qoıdyq... Sonymen, Praga qalasyn ábden araladyq. Biraq qydyryp júrip bir-birimizdi joǵaltyp alyp, biraz izdedik. Áıteýir, taksofonmen «zvondap» júrip taptyq. Avtobýsymyzdyń ketetin ýaqyty taıap qalǵandyqtan, bárimiz júgirip metroǵa kirip bılet aldyq. Bir kezde aldymyzdan tekserýshiler shyǵyp bıletimizdiń tirkelmegendigin aıtyp, aıyppul saldy (bıletterdi kassadan satyp alǵannan soń, taǵy apparatqa salyp tirkeý kerek eken) . Ol adamdarǵa mán-jáıdi túsindirip turatyn ýaqytymyz bolmaǵandyqtan, aıyppulyn tóleı salyp, ary qaraı júgirip kettik. Sonymen, avtobýsymyzdy taýyp alyp, júgirip kirgen sátte esikter jabylyp, avtobýs júrip ketti. Týra bizdi kútip turǵandaı boldy. Barlyǵymyz entigimizdi basa almaı, bir-birimizge qarap kúlgenimiz bar...

Astana men Ábý-Dabı baýyrlas qalalar bolady
Taıaýdaǵy ýaqytta Birikken Arab Ámirlikteriniń elordasy Astanamen áriptestik qatynastar ornatýǵa nıetti. Bul týraly QR-niń BAÁ-degi elshisi Qaırat Lama Sharıfpen kezdesý barysynda Mýnıtsıpalıtet isteri boıynsha departamenttiń basshysy (Ábý-Dabı qalasynyń meri) Avaıda Mýrshed Ál Marar málim etti.
Qalalar arasyndaǵy baýyrlastyq baılanystar ekijaqty qatynastardy damytýdyń tıimdi quraly bolyp tabylady. Qalalar arasyndaǵy mýnıtsıpaldyq áriptestik saýda-ekonomıkalyq, ınvestıtsııalyq, mádenı-gýmanıtarlyq baılanystardy nyǵaıtýǵa járdemdesetin bolady.
QR Elshisi Q.Lama Sharıf qazirgi kezde Astananyń 42 baýyrlas qalalarmen jáne áriptestermen sharttyq qatynastary jolǵa qoıylǵanyny atap kórsetti. Eki astana arasyndaǵy týysqandyq qatynastarynyń aıǵaǵy - qazirdiń ózinde Astanada salynyp jatqan kópfýnktsıonaldy «Ábý-Dabı Plaza» kesheniniń jáne Sheıh Halıfa atyndaǵy qazaq-ámirlik zııatkerlik orta mektebiniń qurylysy. Astana men Ábý-Dabıdyń jemisti yntymaqtastyǵynyń kórinisi 2015 jylǵy 28 qazanda Astanada alǵashqy qazaqstandyq-ámirlik bıznes-forýmy jáne osy jylǵy 16 aqpanda BAÁ astanasynda Ábý-Dabı saýda-ónerkásiptik palatasy men Astana qalasy ákimdiginiń ekinshi qazaqstandyq-ámirlik «BAÁ jáne Qazaqstan: Bir-birine qaraı qozǵalys» bıznes-forýmnyń ótýi boldy.
Ábý-Dabı mýnıtsıpalıteti isteri jónindegi departament Birikken Arab Ámirlikteriniń jergilikti ózin-ózi basqarý organy. Ábý-Dabı mýnıtsıpalıteti 1962 jyly qurylǵan bolatyn. 1969 jyly BAÁ Prezıdentiniń jarlyǵymen qalanyń alǵashqy mýnıtsıpaldyq keńesi taǵaıyndaldy.
Departament halyqqa keshendi qyzmet kórsetýge, tıisti josparlaýdy qamtamasyz etýge, sondaı-aq jol jelilerin, qalaǵa tehnıkalyq qyzmet kórsetýge, aýyl sharýashylyǵyn damytýǵa jáne ártúrli salalardaǵy qoǵamdyq naryqtardy qurýdy retteýge jaýap beredi.

Astanada elektr energııasyn zańsyz tutynǵandarmen kúres belsendi júrgizile bastady
Elektr energııasyn zańsyz tutynýǵa qarsy kúres boıynsha belsendi jumystar aıasynda «Astana-AEK» AQ mamandary josyqsyz tutynýshylardy anyqtaý jóninde júıeli is-sharalar júrgizip keledi. Mysaly, jyl basynan beri elektr jelisine ruqsatsyz jalǵanǵan tutynýshylardy anyqtaý boıynsha jumys kestesi quryldy. Tekserý nátıjesinde elektr energııasyn paıdalaný qaǵıdasyn buzý týraly 190 akti jasaldy. Atomdyq jáne energetıkalyq qadaǵalaý men baqylaý komıtetiniń Astana qalasy aýmaqtyq departamentine tulǵalardy ákimshilik jaýapkershilikke tartý úshin 10-nan astam materıaldar joldandy. Bul týraly kompanııanyń baspasóz qyzmetinen habarlandy.
Elektr energııasyn urlaýshylardy anyqtaý «Astana-AEK» AQ qyzmetiniń basym baǵyttarynyń biri bolyp tabylady. Kompanııa ókilderi Astana qalasynyń aýdan ákimdikterimen, jergilikti atqarýshy jáne memlekettik organdarmen, sondaı-aq kóp páterli turǵyn úılerge qyzmet kórsetetin uıymdarmen kezdesýler ótkizdi. Osyndaı kezdesýlerdiń qorytyndysy boıynsha qyzmet kórsetetin uıymdardyń ókilderine tek qana quqyq belgileıtin qujattar, tehnıkalyq sharttar, energııamen jabdyqtaý sharty jáne t.b. sáıkes qujattardy usynǵan kezde tutynýshylardy turǵyn úılerdiń kiristegi taratý qurylǵysyna jalǵaý tártibi túsindirilgen bolatyn», - delingen baspasóz baıanynda.
«Elektr energııasyn zańsyz tutyný jáne esepteý quraldarynyń jumysyna aralasý zańdy buzý bolyp tabylady. Esepke alynbaǵan tutynýǵa jol bergen, onyń ishinde elektr energııasyn zańsyz qoldaný aıyby ashylǵandarǵa akti toltyrylyp, olar keltirgen materıaldyq shyǵyndy tóleýdi mindetteledi», - deıdi kompanııanyń elektr energııasyn tutynýdy baqylaý qyzmetiniń bastyǵy Denıs Nehodtsev.
Budan basqa, elektr energııasyn zańsyz tutyný jelide shamadan tys júktemege ákeledi, ol zańǵa baǵynatyn tutynýshylardy elektrmen jabdyqtaýǵa tikeleı yqpal etedi. Tájirıbe kórsetkendeı, elektr toǵy soǵyp adamdardyń qaza bolý oqıǵalary elektr qondyrǵylarǵa zańsyz kirý áreketi, sondaı-aq elektr jelilik keshen obektilerine zańsyz jalǵaný kezinde jıi bolady.

Elordalyq qyzmetterge Astanadaǵy joldardy jóndeýge bir aı ýaqyt berildi
Elorda ákimdiginde apta saıynǵy apparat otyrysy QR Parlamenti Májilisi men Astana qalasy máslıhatynyń depýtattaryn saılaýdy uıymdastyrý jumystarynyń, sondaı-aq, Naýryz meıramyna arnalǵan is-sharalardy ótkizýdiń qorytyndysyn shyǵarýdan bastaldy, dep habarlady qala ákiminiń baspasóz qyzmeti.
Elorda ákimi Ádilbek Jaqsybekovtiń atap ótýinshe, Astana «Nur Otan» partııasyn qoldaý boıynsha eń úzdik nátıjege (85,18%) qol jetkizgen. Saılaýshylardyń saılaýǵa qatysý kórsetkishi 75%-dy qurady, bul Astana turǵyndarynyń azamattyq belsendiliginiń jaqsy kórsetkishi bolyp tabylady.
Otyrys barysynda qalany abattandyrý jáne sanıtarlyq tazartý máseleleri de qaraldy. Astana aýdandarynyń ákimderi jol tóseminiń jaǵdaıy týraly tolyq foto-esep usyndy. Avtomobıl joldary basqarmasyna bir aıdyń ishinde joldardy jóndeý-qalpyna keltirý jumystaryn barynsha júrgizý tapsyryldy. Atalǵan másele qalalyq qyzmetterdiń nazarynda bolýy tıis, dep atap ótildi otyrys barysynda.
Elorda ákiminiń aıtýynsha, kúnniń jylynýyna oraı qala turǵyndary men qonaqtary saıabaqtarǵa, gúlbaqtarǵa jáne Esildiń jaǵalaýyna jıi baratyn bolady. Sondyqtan bul jerlerdi abattandyrýdy qolǵa alý kerek. Aýdan ákimdikteri men beıindik qalalyq qyzmetter bir aptanyń ishinde saıabaqtar men aýmaqtarda qalpyna keltirý jumystaryn júrgizýi kerek.
Bul rette bıznes ókilderi óz obektileriniń syrt kórinisine muqııat bolyp, qalany abattandyrýǵa belsendi qatysýy tıis. Sonymen qatar, aldaǵy ýaqytta uıymdastyrylatyn abattandyrý aılyǵy aıasynda temirjol mańyndaǵy aýmaqtarda sanıtarlyq tazartý jumystaryn júrgizý qajet.
Qala basshysy kóshede saýda jasaý úshin 1000 oryn bólýge de erekshe nazar aýdardy. Á. Jaqsybekov bul protsestiń kásipkerler úshin eń az bıýrokratııalyq prodýralarmen jáne barynsha aıqyn ótkizilýi tıis ekendigin atap ótti. Bul rette uıymdastyrylǵan kóshe saýdasynyń artyqshylyqtary bıylǵy jazda qala turǵyndary men ShOB ókilderi sezile alatyn bolýy tıis.

Astanada konkımen júgirý kópsaıysy boıynsha Qazaqstan Respýblıkasynyń chempıonaty bastaldy
Astanada áıelder men erler arasynda konkımen júgirý kópsaıysy boıynsha Qazaqstan Respýblıkasynyń chempıonaty jáne jasóspirimder arasynda jeke qashyqtyq boıynsha QR-nyń chempıonaty bastaldy.
Jarys 28-30 naýryz aralyǵynda «Alaý» muz aıdynynda ótedi.
«Birinshilikke 105 sportshy qatysyp otyr, bul QR-nyń kópsaıystan áıelder men erler arasyndaǵy chempıonaty. Jasóspirimder arasynda jeke qashyqtyq boıynsha QR-nyń chempıonaty da qatar ótedi. Jarysqa 8 aımaqtan sportshylar kelip otyr», - dep atap ótti QR Memlekettik jattyqtyrýshysy Kenje Sársekenova.
Onyń aıtýyna qaraǵanda, chempıonattyń nátıjesi boıynsha, ulttyq quramaǵa jeńiske jetken 10-ǵa tarta sportshy alynady. Tanymal sportshylardan búgingi jarysqa Aleksandr Jıgın, Denıs Kýzın, Fedor Mezentsev, Ekaterına Aıdova qatysyp jatqandyǵyn da aıta ketken jón.
«Erler 500, 3000, 1500, 5000 metr qashyqtyqta, áıelder 500, 1000, 1500, 3000 metr qashyqtyqta saıysady. Tórt qashyqtyqtyń qorytyndysy boıynsha chempıondardy anyqtaımyz. Osy jaryspen 2015-2016 jylǵy jarys maýsymy aıaqtalady. Bul 2016-2017 jylǵy jarys kezeńine irikteý bolyp sanalady. Osy chempıonattyń qorytyndysy boıynsha, 1, 2, 3 oryndarǵa ıe bolǵan sportshylardan kelesi jylǵa ulttyq qurama men jastar komandasyn quramyz», - deıdi memlekettik jattyqtyrýshy.

Astanada aýdan ákimderi joldyń jaǵdaıy týraly tolyq esep jasady
Elorda ákimdiginde apta saıynǵy apparat otyrysynda qalany abattandyrý jáne sanıtarlyq tazartý máseleleri de qaraldy. Astana aýdandarynyń ákimderi jol tóseminiń jaǵdaıy týraly tolyq foto-esep usyndy, dep habarlady qalalyq ákimdiktiń baspasóz qyzmetinen.
Avtomobıl joldary basqarmasyna bir aıdyń ishinde joldardy jóndeý-qalpyna keltirý jumystaryn barynsha júrgizý tapsyryldy. Atalǵan másele qalalyq qyzmetterdiń nazarynda bolýy tıis, dep atap ótildi otyrys barysynda.Elorda ákiminiń aıtýynsha, kúnniń jylynýyna oraı qala turǵyndary men qonaqtary saıabaqtarǵa, gúlbaqtarǵa jáne Esildiń jaǵalaýyna jıi baratyn bolady. Sondyqtan bul jerlerdi abattandyrýdy qolǵa alý kerek. Aýdan ákimdikteri men profıldi qalalyq qyzmetter bir aptanyń ishinde saıabaqtar men aýmaqtarda qalpyna keltirý jumystaryn júrgizýi kerek.Bul rette bıznes ókilderi óz obektileriniń syrt kórinisine muqııat bolyp, qalany abattandyrýǵa belsendi qatysýy tıis. Sonymen qatar, aldaǵy ýaqytta uıymdastyrylatyn abattandyrý aılyǵy aıasynda temirjol mańyndaǵy aýmaqtarda sanıtarlyq tazartý jumystaryn júrgizý qajet.Qala basshysy kóshede saýda jasaý úshin 1000 oryn bólýge de erekshe nazar aýdardy. Á. Jaqsybekov bul protsestiń kásipkerler úshin eń az bıýrokratııalyq prodýralarmen jáne barynsha aıqyn ótkizilýi tıis ekendigin atap ótti. Bul rette uıymdastyrylǵan kóshe saýdasynyń artyqshylyqtary bıylǵy jazda qala turǵyndary men ShOB ókilderi úshin sezilýi kerek.

Astanada balalar shyǵarmashylyǵy kórmesine 250 oqýshy qatysty
Astanada M.Ótemisuly atyndaǵy Oqýshylar saraıynda Qazaqstan Respýblıkasy Táýelsizdiginiń 25 jyldyǵyna arnalǵan balalar shyǵarmashylyǵy men beıneleý óneriniń «Tumar-2016» qalalyq kórmesiniń qorytyndysy shyǵaryldy. Kórmege 250 oqýshy qatysty, dep habarlady qalalyq ákimdiktiń baspasóz qyzmetinen.
Jas sheberler kollajdar, applıkatsııalar, oıý-órnekter, músinder, as úı zattaryn jáne t.b. jasaǵan.
Baıqaý qorytyndysy boıynsha «Art-ınstallıatsııa» nomınatsııasynda «Nur Orda» mektebiniń ókili segiz jasar Ahmet Qabdolla úzdik atandy. «Sándik-qoldanbaly óner» sanatynda №2 mektep-gımnazııasynyń oqýshysy Aıym Qaıorǵazınova kósh bastady. «Maketter, kollajdar, qaǵazbastylyq» nomınatsııasynda №27 mektep-lıtseıiniń shákirti Kamıll Kamalovtyń jáne Elena Kırpıchevanyń eńbekteri erekshe dep tanyldy. Eń kreatıvti músinniń avtory №1 matematıkalyq-ekonomıkalyq lıtseıdiń oqýshysy on alty jasar Ermek Turǵymbaev bolyp shyqty.- Baıqaý elordada ekinshi ret ótkizilip otyr. Ár mektepte tehnologııa sabaǵy ótkiziledi, balalarǵa bar úırengenin kórsetetin alań qajet. Kórmege ártúrli jumystar usynylady, barlyǵy ulttyq óner túrlerine arnalady. Ótken jyly negizinen ulttyq naqyshtaǵy buıymdar jasaldy, bul joly Qazaqstannyń bolashaǵyna arnalǵan zattar kóp boldy, - dedi M. Ótemisuly atyndaǵy Oqýshylar saraıy dırektorynyń orynbasary Almagúl Japarova.

Astanada aýtızmge shaldyqqan balalarǵa qoldaý kórsetý sharasy ótedi
2 sáýir - Búkilálemdik aýtızm jaıly aqparat taratý kúni. Bul kúni jyl saıyn Light It Up Blue fleshmoby ótkiziledi. Astana atalǵan sharaǵa alǵash ret qosylmaq, dep habarlady qalalyq ákimdiktiń baspasóz qyzmetinen.
Shara aıasynda «Báıterek» monýmenti men «Han Shatyr» SOO syrtqy jaryqtandyrylýy kók túske boıalady. Sonymen qatar, aýtızmge shaldyqqan balalardyń, qalalyq sporttyq jáne shyǵarmashylyq ujymdardyń qatysýymen aktsııa uıymdastyrylady.Bul sharalardy ótkizý týraly bastamany «Senim» psıhologııalyq-pedagogıkalyq túzeý ortalyǵy kóterip otyr. Aktsııaǵa Astana qalasynyń ákimdigi, psıhologııalyq túzeý ortalyqtary, aýtızmge shaldyqqan balalardyń ata-analary men eriktiler qoldaý kórsetip otyr. - Bizdiń basty maqsatymyz - qoǵam nazaryn aýtızm problemasyna aýdarý, osyndaı balalar men olardyń ata-analaryna qurmetpen qaraýdy qalyptastyrý. Halyq aýtızm týraly múldem habarsyz, adamdar onyń aýrý emestigin, ony túzeýge bolatynyn bilmeıdi. Mundaı balalar kez kelgen salada jetistikke jete alady, óz eliniń ıgiligi úshin eńbek etedi, olar úshin ózderin túsinbeıtin qoǵamda bolý asa qıyn. Biz osy jandardyń erekshe álemin kórsetpekpiz, sol týraly sóz qozǵaımyz, - dedi uıymdastyrýshylardyń biri Gúlfııa Álıeva.Aktsııa «Qazaqstan» sport saraıynda saǵat 11.00 bastalady. Sonymen qatar, 6 sáýirde byltyr Astanada ashylǵan aýtızmi bar balalarǵa arnalǵan «Altyn mıras» ortalyǵynyń uıymdastyrýymen qaıyrymdylyq keshki as beriledi. Jınalǵan qarjy aýtıst balalarǵa arnalǵan shyǵarmashylyq sheberhanalar jasaýǵa jumsalady.

Astanada eki birdeı halyqaralyq qurylys kórmesi ashyldy
Astanada «Ónerkásipqurylys - Astana» jáne «EkspoJyljymaıtyn múlik - 2016» atty qurylys salasyndaǵy eki halyqaralyq kórme ashyldy. Kórmege qatysý úshin Qazaqstanǵa 10 eldiń kompanııalary keldi.
«Ónerkásipqurylys - Astana» kórmesinde jurtshylyq nazaryna qurylys materıaldaryn, taý-ken óndiris ónerkásibine arnalǵan tehnıkany jáne basqa da ónimder usynylyp otyr. Iran kompanııalary kórmege alǵash ret qatysýda.
Kóp jyldar boıy osy kórme barysynda kóptegen iskerlik baǵdarlamalar iske asyrylyp keledi.
«EkspoJyljymaıtyn múlik - 2016» kórmesine toqtalatyn bolsaq, bul shara Qazaqstan men sheteldiń jyljymaıtyn múligi naryǵy jaıynda aqparat usynýdyń biregeı múmkindigine aınalyp otyr. Kórmege kelýshiler turǵyn úı jáne kommertsııalyq jyljymaıtyn múlikti, jer telimderin satyp alý, bıznesti shetelde júrgizý máseleleri boıynsha keńes alady.
Aıta keteıik, qurylys salasyndaǵy bul sharalardy «Atakent-Ekspo» HKK tarapy QR Ulttyq ekonomıka mınıstrliginiń, Astana ákimdiginiń qoldaýymen ótkizip jatyr. Kórmeler 31 naýryzǵa deıin jalǵasady.

Qazaqstan jáne AQSh ǵalymdarynyń qatysýymen kezdesý ótedi - QR Ulttyq mýzeıi
QR Ulttyq mýzeıinde naýryzdyń 30-y kúni saǵat 12.00-de «National Geographic Qazaqstan» jýrnalynyń jaryq kórýine oraı Qazaqstan jáne AQSh ǵalymdarynyń qatysýymen kezdesý ótedi, dep habarlaıdy Ulttyq mýzeıdiń aqparattyq-ımıdjdik qyzmeti.
Kezdesýge eki dúrkin Pýlıtser syılyǵynyń ıegeri Pol Salopek pen tanymal AQSh ǵalymy Aleksandr Moen qatysady. P.Salopek - búkil álemdi jeti jyl ishinde jaıaý sharlap ótýdi maqsat etip kele jatqan zertteýshi, jıhangez-jazýshy. Sol sapary aıasynda ol qazir Qazaqstanǵa kelip jetti. Al, A.Moen «Out of Eden Walk», ıaǵnı «Edennen bastalǵan saıahat» nemese «Álemdik serýen» jáne «Genography» jobalaryna jetekshilik etip kele jatqan ǵalym. Sondaı-aq, sharaǵa antropologııa, arheologııa salasyndaǵy belgili qazaqstandyq ǵalymdar, jazýshylar men fotograftar qatysady.
Kún tártibindegi basty másele - «National Geographic Qazaqstan» jýrnalynyń tuńǵysh ret qazaq tilinde jaryq kórýi jáne bedeldi basylym qozǵaıtyn taqyryptar. Sonymen qatar, geografııa, arheologııa, antropologııa salalaryndaǵy sońǵy jańalyqtar sóz etilmek.
Aıta keteıik, «National Geographic» - álemdegi eń bedeldi qoǵamdyq uıymdardyń biri. Negizi HІH ǵasyrda qalanǵan uıymnyń menshigine birqatar telearna, jýrnal, baspa úıleri kiredi. «National Geographic-tiń» búginde 700 mıllıon aýdıtorııasy bar. 128 jylda qoǵamdyq uıym 11 000 grant bólip, ǵylymı-zertteý jumystaryn júrgizdi. Basylym betindegi maqalalar shynaıy ári túbegeıli ǵylymı zertteýlerge negizdelgen. Búginde dúnıejúzi boıynsha jýrnal álemniń 38 tilinde shyǵarylyp, 80-nen astam elge taraıdy. «National Geographic» Ortalyq Azııada birinshi bolyp Qazaqstanda jaryq kórip otyr.

Astanada áskerıler arasynda AIBA qaǵıdasy boıynsha bokstan ashyq týrnır ótýde
Búgin Astanada «Jas ulan» respýblıkalyq mektebinde QR QK Qurlyq áskerleriniń boksynan ІІІ ashyq týrnır bastaldy. Týrnırge ofıtserler, kelisimshart boıynsha áskerı qyzmetshiler, merzimdi qyzmettegi áskerı qyzmetshiler qatysa alady.
«Boks - bul elimizdegi suranysqa ıe sporttyń bir túri. Bul sport túrinde bylǵary qolǵap sheberlerimiz halyqaralyq arenada úlken jetistikterge qol jetkizdi. Sporttyń atalmysh túri Qarýly kúshteriniń júıesinde de tanymal bolyp keledi. Bul týrnırdiń aldynda bólimder men quramalarda, óńirlik qolbasshylyqtarda, tikeleı baǵynysty bólimderde úzdik boksshylardy irikteý boıynsha úlken jumys atqaryldy. Búginde biz boksty ǵana emes, sonymen birge Qarýly kúshteri qyzmetkerleriniń dene daıarlyǵyn tamashalaımyz. Sebebi, tózimdilik - bul jaýyngerlik daıarlyqtyń, Qarýly kúshterimizdiń jaýyngerlik ázirliginiń bir bóligi», - dedi Qurlyq áskerleri bas qolbasshysynyń jaýyngerlik daıarlyq jónindegi orynbasarynyń mindetin atqarýshy - QR QK QÁ BQB jaýyngerlik daıarlyq bas basqarmasynyń bastyǵy general-maıor Sábıt Qudaıbergenov.
Týrnır AIBA halyqaralyq boks federatsııasynyń halyqaralyq erejeleri boıynsha ótkiziledi. Komandanyń quramy - 10 adam (8 sportshy, 1 ókil jáne 1 tóreshi). Saıysqa 56, 60, 64, 69, 75, 81, 91 kelige deıingi jáne 91 keliden joǵary salmaqtaǵy qatysýshylar qatysa alady.

Elorda kóktemgi sý tasqynyna daıyndalýda
Kóktemde Astananyń keıbir aýdandaryn sý basýy múmkin. Qazirgi kezde qaladaǵy sý tasqyny bolýy yqtımal ýchaskelerdiń kartasy ázirlendi. Bul týraly elordanyń resmı saıty habarlady.
Osyǵan baılanysty Tótenshe jaǵdaılar departamenti sý tasqynyn joıý úshin 309 adamnan turatyn top qurdy, sondaı-aq oǵan 49 tehnıka, 12 júzý quraly men tikushaq tartylmaq.
Jalpy, sý tasqyny kezeńine daıyndyq jumystary belsendi túrde júrgizilip jatyr. Keshendi is-sharalar josparyna sáıkes, adamdar kóp júretin 266 nysanda qar tazalaý jumystary aıaqtaldy.
Astana qalasynyń Ortalyq óńirlik aeromobıldi jedel qutqarý otrıady Esil jáne Aqbulaq ózenderinde muz jaǵdaıyn baqylaý jáne jaǵany patrýldeý boıynsha kezekshilik etedi.
Tótenshe jaǵdaıdyń oryn alý qaýpi bolǵan jaǵdaıda qalalyq kommýnaldyq qyzmetterde, sharýashylyq organdarda, tártipti qorǵaý organdarynda baqylaý beketterinde táýlik boıy kezekshilik pen baqylaý málimetteri óńdeý, jaǵdaıdy baqylaý jáne onyń úrdisin boljaý uıymdastyryldy.
Sonymen qatar, sý tasqyny saldaryn joıýǵa qosymsha 125 adamnan turatyn jedel áreket etý otrıady, 48 ınjenerlik tehnıka (býldozer, ekskavator, kran, tıegish pen KamAZ) tartylmaq.
Departament qyzmetkerleri azamattardy sý tasqynynyń qaýpi men sý basýǵa qarsy kúres sharalary týraly habardar etý maqsatynda reıdter ótkizýde. TJD sý tasqyny kezindegi áreketter týraly jadynamalar basyp shyǵardy. Jedel aqparatty turǵyndarǵa jetkizý úshin qalalyq habardar etý júıesi daıyndaldy.

Astanalyq órt sóndirý bólimi elimizdegi úzdik bólimderdiń qatarynda
«Qazaqstan Respýblıkasyndaǵy 2016 jylǵy úzdik órt sóndirý bólimi» baıqaý-konkýrsynda Astana qalasy Órt sóndirý qyzmetiniń №8 órt sóndirý bólimi 2-shi oryn aldy. Bul týraly elordanyń resmı saıty habarlady.
Alǵashqy vedomstvoishilik kezeńde órt deposy ǵımaratynyń ishi, órt tehnıkasy, baılanys quraldary, órt sóndirý bóliminiń órt-tehnıkalyq jabdyqtalýy baǵalandy. Bul kezeńniń qorytyndysy boıynsha Astana qalasy Órt sóndirý qyzmetiniń №8 órt sóndirý bólimi úzdik dep tanyldy.
Konkýrstyń ekinshi kezeńinde normatıvtik quqyqtyq aktilerdi bilý boıynsha testileý ótkizilip, qatysýshylar ázirlegen referattar, fotoalbomdar, beıne materıaldar, birinshi kezeń boıynsha baǵalaý vedomostileri qaraldy.
Budan basqa, qatysýshylardyń dene shynyqtyrý daıyndyǵyn tekserý maqsatynda bıylǵy jyly úmitkerler órt-qutqarý sporty boıynsha kelesideı normatıvterdi tapsyrdy: oqý munarasynyń 4-shi qabatyna shabýyl baspaldaǵymen kóterilý, 100 metrlik kedergisi bar joldy júgirý men qysymdy aýa apparatyn tekserý.
Baıqaý qorytyndysy boıynsha, elordalyq qutqarýshylar 1274 upaı jınap, ekinshi orynǵa turaqtady. Órt sóndirý bólimi Qazaqstan Respýblıkasy ІІM Tótenshe jaǵdaılar komıtetiniń Qurmet gramotasymen marapattaldy.

Á.Jaqsybekov Reseıdiń Penza oblysynyń delegatsııasyn qabyldady
RF Penza oblysynyń gýbernatory Ivan Belozertsev bastaǵan delegatsııa Astanaǵa úsh kúndik resmı saparmen keldi, dep habarlaıdy Elordanyń resmı saıty.
Sapardyń basty maqsaty - ekonomıkalyq jáne gýmanıtarlyq ekijaqty qarym-qatynasty nyǵaıtý.
Búgin reseılik delegatsııa Astana qalasynyń ákimi Ádilbek Jaqsybekovpen kezdesti. Elorda basshysy aımaqtar arasyndaǵy saýda-ekonomıkalyq jáne áleýmettik-mádenı ózara qarym-qatynastyń negizi dástúrli tarıhı baılanystar ǵana emes, sondaı-aq, naqty is júzindegi baılanysta bolatynyn atap ótti.
«Biz Penza oblysymen seriktestik qarym-qatynasty tereńdetýge jáne júıeli túrde keńeıtýge kóp mán beremiz», - dedi Á. Jaqsybekov. Elorda ákimi aımaq basshysynyń sapary kórshi memleketterdiń aımaqtary arasyndaǵy dostyqty nyǵaıtýǵa jáne ony odan ári damytýǵa qosymsha serpin beretinine senim bildirdi.
Tórt jyldan beri Astana men Penza oblysynyń arasynda saýda-ekonomıkalyq, ǵylymı-tehnıkalyq jáne mádenı yntymaqtastyq týraly eki jaqty kelisim áreket etýde. Atap aıtqanda, aımaqtar arasynda azyq-túliktik jáne aýyl sharýashylyq salalarda belsendi saýda júrgiziledi.
Penza oblysynyń gýbernatoryAstana qalasynyń ákimine qonaqjaılylyǵy men Qazaqstannyń jas astanasynyń damýymen tanysýǵa múmkindik bergeni úshin alǵys aıtty.
«Búginde Astana jetistikke qol jetkizdi. Qazirgi zamanǵy turǵyn úı, mádenıet jáne sport nysandary qurylysynyń qarqyny tań qaldyrady. Buǵan keshe qalany aralaǵan kezde taǵy da kóz jetkizdik. Bul qonaqjaı jer, adam kapıtalyn tartatyn ortalyq, qarqyndy ekonomıkalyq damý aýmaǵy bolyp tabylatyny sózsiz», - dedi I. Belozertsev. Gýbernator Penza oblysy úshin aımaqtar arasyndaǵy yntymaqtastyqty nyǵaıtý mańyzdy ekendigin atap ótti.
Búgin Astana ákimdigi men Penza oblysy Úkimetiniń densaýlyq saqtaý, bilim, mádenıet jáne týrızm salalaryndaǵy profıldi qurylymdarynyń ókilderi jumys kezdsýlerin ótkizedi. Sonymen qatar, delegatsııa EXPO-2017 kórme kesheniniń aýmaǵynda bolady.
Penza oblysynyń gýbernatoryAstana qalasy ákiminiń keler jyly keńeıtilgen delegatsııamen Astanaǵa kelýge shaqyrýyn qabyl aldy. I.Belozertsev aımaq turǵyndarynyń aldaǵy jyly ótetin kórmege qýana keletinin jetkizdi. Sondaı-aq, taraptar EHRO-2017 halyqaralyq mamandandyrylǵan kórmesi barysynda Penza oblysynyń Astanadaǵy kúnderin ótkizý týraly ýaǵdalasty.
Astana ákimdigi men «Damý» qory kásibin jańa bastaǵan kásipkerlerge 2 mlrd. teńge bóledi
Búgin, 30 naýryz kúni, Astana qalasynyń ákimi Ádilbek Jaqsybekov pen «Damý» kásipkerlikti damytý qory» AQ Basqarma tóraǵasy Qanysh Tóleýshın shaǵyn jáne orta kásipkerlikti qoldaý baǵdarlamasyn iske asyrýda yntymaqtastyq ornatý týraly memorandýmǵa qol qoıdy, dep habarlady elordalyq ákimdiktiń baspasóz qyzmeti.
Memorandým aıasynda ákimdik pen «Damý» qory salalyq shekteýsiz ShOB salasynda startap-jobalardy qoldaý jónindegi jańa baǵdarlamany júzege asyrýǵa 2 mlrd. teńge (árqaısysy 1 mlrd. teńgeden) bóledi.
Kásipkerliktiń joǵary áleýeti kez kelgen qalanyń ekonomıkasy ilgerileýiniń basty faktory bolyp tabylady. Sondyqtan Astana qalasy ákimdigi qyzmetiniń basty mindetteriniń biri - bıznesti damytý men qoldaý bolmaq. Jańa Memorandýmǵa Astana qalasy ákimdiginiń jáne «Atameken» Ulttyq Palatasynyń elordalyq shaǵyn jáne orta bıznesti qarjylandyrý týraly aldyn ala kelisimi aıasynda qol jetkizildi.
Qalada kásipkerlik ortany jetildirý boıynsha barlyq qajetti jaǵdaılar jasalyp jatyr jáne memlekettik-jeke menshik áriptestik prıntsıpterimen bıznes-aýhaldy jaqsartý boıynsha turaqty jumystar júrgizilýde. Búgingi kúni Astananyń JÓÓ-daǵy ShOB-tyń úlesi 61 paıyzǵa jetken. Bul respýblıkalyq kórsetkishten úsh esege artyq. Astana nesıelerdi kepildendirý boıynsha respýblıka boıynsha birinshi orynda, sýbsıdııalaý boıynsha - ekinshi orynda tur. Sonymen qatar, kásipkerlik sektorynda salyqtar esebinen túsetin túsimder de oń nátıjesin berýde. Qazirgi kezde jergilikti bıýdjetke túsetin salyqtyń 65%-y elordalyq shaǵyn jáne orta bıznestiń úlesinde.
ShOB salasynda startap-jobalardy qoldaý ıdeıasyn Astana qalasynyń Ulttyq kásipkerler palatasy ótkizgen ІІІ jyl saıynǵy konferentsııasynda elorda basshysy usynǵan bolatyn. Jańa baǵdarlamaǵa qoldanystaǵy memlekettik baǵdarlamalarǵa qatysý úshin qyzmeti ekonomıkanyń basymdy salalarynyń tizimine enbegen kásipkerler qatysa alady. Nesıeniń eń kóp somasy - 50 mln. teńgege deıin. Syıaqy mólsherlemesi - jyldyq 7,9%, nesıe merzimi - 7 jylǵa deıin. Jobalardy irikteýdi óńirlik Kásipkerler palatasy júzege asyrady.
Aıta keteıik, qazirgi kezde elordada shaǵyn jáne orta bızneske qosymsha qoldaý kórsetý jáne damytý maqsatynda «Damý» qorymen birlesip 29 jasqa deıingi tulǵalar qatysa alatyn jastar kásipkerligin damytý baǵdarlamasy men saýda salasyn maqsatty nesıeleý boıynsha baǵdarlamalar júzege asyrylýda. Atalǵan baǵdarlamalar boıynsha qarjyny ıgerý 100%-dy qurady, olardy júzege asyrý jumystary odan ári jalǵasady.


«Alaý» muz aıdynynda konkımen júgirýden Qazaqstan chempıondary anyqtaldy
Búgin Astanada konkımen júgirý kópsaıysy boıynsha Qazaqstan chempıonaty aıaqtaldy. Jarys qorytyndysy boıynsha erler arasynda Denıs Kýzın, áıelder arasynda - Ekaterına Aıdova chempıon atandy, dep habarlady qalalyq ákimdiktiń baspasóóz qyzmetinen.
Úsh kún boıy «Alaý» muzaıdyny saraıynda ótken chempıonatqa segiz aımaqtan kelgen sportshylar qatysty. Jarystar eresekter arasynda da, jasóspirimder arasynda da uıymdastyryldy. Jalpy, 13 medal jıyntyǵy sarapqa salyndy.500, 1500, 1000 jáne 3000 metrge júgirýde jınalǵan upaı sany boıynsha Ekaterına Aıdova kósh bastady, Tatıana Klımchýk ekinshi, Marııa Sızova úshinshi orynda.Erler arasynda barlyq qashyqtyqtar boıynsha jarystarda Denıs Kýzın úzdik boldy, Dmıtrıı Morozov kúmis, Aleksandr Klenko qola medal enshiledi.Jasóspirimder arasynda klassıkalyq kópsaıystan Demıan Gavrılov, qyzdar arasynda Aleksandra Prımak top jardy.Konkımen júgirý sportynan memlekettik bapker Kenje Sársekenovanyń aıtýynsha, chempıonat qorytyndysy boıynsha Qazaqstan quramasynyń aldaǵy maýsymdaǵy quramy anyqtalady.- Bizdiń sportshylar úshin bul maýsym jaqsy ótti. Jasóspirimder rezervi artyp keledi. Mysaly, Stanıslav Palkın Álem kýbogynyń birneshe kezeńinde, halyqaralyq jarystarda baǵyn synady, Álem chempıonatynda «erkin» saıysta jalpykomandalyq esepte 5-orynǵa turaqtadyq, Álem kýbogy kezeńinde Palkın qola medal oljalady. Negizgi quramaǵa toqtalsaq, sprıntten Qazaqstanda kósh bastap turǵan Roman Krech bıyl Álem chempıonatynda 500 m qashyqtyqta 5-oryn aldy. Kelesi maýsymda sportshylarymyzdyń úzdik nátıjelerge qol jetkizetinine úmittenemiz, - dedi memlekettik bapker.Kelesi maýsymda sportshylar basty jarys - Almaty qalasynda ótetin Ýnıversıadaǵa daıyndalatyn bolady.

«Astana» HQO halyqaralyq 3 qarjy ortalyǵymen yntymaqtastyqty bastady
«Astana» halyqaralyq qarjy ortalyǵy halyqaralyq 3 qarjy ortalyǵymen yntymaqtastyqty bastady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ulttyq ekonomıka mınıstri Erbolat Dosaev málim etti.
«2015 jylǵy jeltoqsanda Ulttyq Bank «Astana halyqaralyq qarjy ortalyǵy ákimshiligi» aktsıonerlik qoǵamyn qurdy jáne Dýbaı halyqaralyq qarjy ortalyǵymen, CityUK (London-Sıtı) brıtandyq korporatsııamen, Katar qarjy ortalyǵymen yntymaqtastyqty bastady», - dedi mınıstr.
Astana qalasynyń Saryarqa aýdandyq soty jetim balalardyń quqyǵyn qorǵady
Astana qalasynyń Saryarqa aýdandyq soty azamat D-nyń tórt azamatqa jáne «Aqmola vagon jóndeý zaýyty» AQ-na, «Astana qalasynyń Bilim basqarmasy» memlekettik mekemesiniń qorǵanshylyq jáne qamqorshylyq organyna qatysty jekeshelendirý shartyn jáne satý-satyp alý shartyn zańsyz dep taný týraly talap aryzy boıynsha azamattyq isti qarady.
Sot «Aqmola vagon jóndeý zaýyty» AQ ákimshiligi 1982 jyly óz jumysshysy R-ǵa úsh bólmeli páter túrinde turǵyn úı bergenin, ol úıdi R. keıinnen óziniń qyzyna, kúıeý balasy men jıenderine tirkegenin anyqtady.
Páter ıesi qaıtys bolǵannan keıin onyń qyzy men kúıeý balasy ata-analyq quqyǵynan aıyrylýyna baılanysty qarııanyń nemereleri «Svetoch» balalar úıinde tárbıelengen. Zań boıynsha ata-anasynyń qamqorlyǵynsyz qalyp, memleket qorǵaýyna alynǵan balalardyń ózderine muraǵa qalǵan turǵyn úıge menshik quqyǵy saqtalady.
Jaýapkerler daýly páterdi zańsyz jekeshelendirip, qaıta satyp jibergen.
Saryarqa aýdandyq soty isti talqylaý barysynda jaýapkerlerdiń mámilesimen ata-anasynyń qamqorlyǵynsyz qalǵan balalardyń quqyǵy buzylǵanyn, tıisinshe jekeshelendirý sharty men satý-satyp alý sharty zańsyz bolyp tabylatynyn anyqtady.
Sot mámileniń quqyq tártibiniń negizderin kórineý buza otyryp rásimdelgenin jáne adamgershilikke qaıshy faktiniń oryn alǵandyǵyn dáleldedi, osyǵan baılanysty talapkerdiń talap aryzy qanaǵattandyryldy.
Sot sheshimi zańdy kúshine engen joq.

Amerıkandyq «The Exchange» tobynyń Astanadaǵy shoýy asa áserli boldy
Qazaqstandaǵy AQSh elshiligi Qazaqstan men AQSh arasyndaǵy dıplomatııalyq qatynastardyń ornaýyna 25 jyl tolýyna arnalǵan sharalar ótkizýde.
Bul sharalar negizinen: ınnovatsııa, dostyq jáne áriptestik taqyryptaryn qamtyp otyr. Osynaý ataýly kúnge oraı Astanada AQSh elshiliginiń American Music Abroad» baǵdarlamasy boıynsha qarjylaı qoldaýymen amerıkandyq «The Exchange» toby óner kórsetti. Sondaı-aq bul kontsertke qazaqstandyq ártister: «Akapello Aprıorı» toby, qobyzshy Láılá Tájıbaeva jáne ánshi Ardana ( Artemıs toby) qatysty.
Óner keshi Beıbitshilik jáne kelisim saraıynda boldy.

Astanada búgin «Álıhan Bókeıhanov jáne ult rýhanııaty» taqyrybynda dóńgelek ústel ótedi
Búgin 31 naýryzda QR Ulttyq akademııalyq kitaphanasynda memleket jáne qoǵam qaıratkeri, «Alash» ult-azattyq qozǵalysynyń negizin qalaýshy ári kósemi Álıhan Bókeıhanovtyń 150 jasqa tolǵan mereıtoıyna baılanysty «Álıhan Bókeıhanov jáne ult rýhanııaty» taqyrybynda dóńgelek ústel ótedi.
ıÝNESKO Bas konferentsııasynyń 38-shi sessııasynyń sheshimine sáıkes, Álıhan Bókeıhanovtyń mereıtoıy 2016 jylǵy ıÝNESKO-nyń Ataýly kúnder kúntizbesine engizildi.
Dóńgelek ústel barysynda L. N. Gýmılev atyndaǵy EUÝ janyndaǵy «Alash» ǵylymı-zertteý ınstıtýty (dırektory Sultan Han Aqqululy). tarapynan qazaq, aǵylshyn jáne orys tilderinde daıyndalǵan «Álıhan Bókeıhan. Alikhan Bukeikhan. Alıhan Býkeıhan» atty zertteýler, pýblıtsıstıkalyq maqalalar, suhbattar jáne dóńgelek ústel materıaldarynyń jınaǵy kitaphanaǵa syıǵa tartylady. Bıyl bul ınstıtýt Álıhan Bókeıhanovtyń ómiri men qyzmeti týraly 2 tomdyq monografııasynyń birinshi tomyn, onyń 16-18 tomdyq shyǵarmalar jınaǵynyń tolyq jınaǵyn, «Alashtyń Álıhany», «Álıhan taǵylymy» jınaqtaryn, sondaı-aq basqa da kitaptar men jınaqtaryn jaryqqa shyǵarýdy josparlap otyr.
Dóńgelek ústel jumysyna «Otyrar kitaphanasy» ǵylymı-zertteý ortalyǵynyń dırektory, alashtanýshy ǵalym Tursyn Jurtbaı, Memlekettik tarıh ınstıtýtynyń dırektory, tarıh ǵylymdarynyń doktory, professor Búrkit Aıaǵan, QR Parlamenti Májilisiniń depýtaty Saýytbek Abdrahmanov, L. N. Gýmılev atyndaǵy EUÝ professorlary Zııabek Qabyldınov, Danagúl Mahat qatysady.
«Alash qozǵalysynyń kósemi» atty kitap kórmesi Álıhan Bókeıhanovtyń qoǵamdyq-saıası, memlekettik, ǵylymı, pýblıtsıstıkalyq jáne jýrnalıstik qyzmeti jáne onyń baı murasyna arnalady. Kórmede avtordyń kitaptary, jınaqtary, sondaı-aq merzimdi basylymdarda jarııalanǵan maqalalary usynylady. Sondaı-aq «Alash ardaqtylaryna taǵzym» taqyrybymen Alash qaıratkerleri sýretteriniń kórmesi ótedi

Japonııanyń bes tanymal sýretshisi QR Ulttyq mýzeıine týyndylaryn syıǵa tartty
QR Ulttyq mýzeıine japondyq bes sýretshi ózderiniń toǵyz kartınasyn syıǵa tartty.
Bul syı-sııapat 3-31 naýryz aralyǵynda «Bes sýretshi - bes qubylys: dástúrler men jańashyldyq» kórmesi uıymdastyrylýyna oraı japondyq taraptyń rızashylyǵymen tabystaldy.
Mııata Reheı, Mıtamýra Arısýma, Saıto Norıhıko, Mızogýchı Bodýko jáne Kavachı Kýnpeı sekildi sýretshiler elordanyń óner súıer qaýymynyń nazaryna 35 týyndysyn usyndy.
Bul kórmede kallıgrafııa, nıhong kórkem sýretterin, týshpen salynǵan týyndylardy, shaǵyn músinderdi, sondaı-aq ózge de japondyq ónerdiń jetistikterin baıqaýǵa bolady.
QR Ulttyq mýzeıiniń dırektory Darhan Myńbaı kórmege Japonııanyń ónerdegi úzdik sheberleriniń týyndylary usynylǵan atap ótti.
«Bul kórmeni mádenı dıalogtyń bastaýy, elderimiz mádenıetteriniń jaqyndasýy retinde baǵalap otrymyz. Óz kezeginde Qazaqstan da Japonııanyń kórme alańdary men mýzeılerinde elimizdiń sýretshilerin tanystyra alady», - dedi ol.
Syıǵa tartylǵan 9 kartınanyń arasynda japondyq JOO rektory Mııata Reheıdiń de eńbegi bar. Sonymen qatar ol «Tokıo-2020» Olımpıadalyq oıyndary uıymdastyrý komıtetine basshylyq etýde.
Aıta keteıik, bul kórmeni uıymdastyrýǵa Japon qory, Sýretshilerdiń Azııa-Tynyq muhıttyq qaýymdastyǵy, Japonııanyń Qazaqstandaǵy Elshiligi qoldaý jasady.

Elordada «Mereıli otbasy» ulttyq konkýrsy ótedi
Bıyl «Mereıli otbasy» ulttyq konkýrsy tórtinshi ret ótkiziledi, oǵan eńbek, sport, shyǵarmashylyq, ıntellektýaldyq jáne ǵylym salalarynda joǵary jetistikterge qol jetkizgen otbasylar qatysa alady, dep habarlaıdy elordanyń resmı saıty.
Erteńnen bastap ulttyq konkýrsty daıyndaý jáne ótkizý boıynsha uıymdastyrý komıssııasy qatysýshylardan ótinimderdi qabyldaı bastaıdy.
«Mereıli otbasy» konkýrs 3 kezeńmen ótkiziledi: birinshi kezeń - aýdandyq (qalalyq); ekinshi kezeń - oblystyq; úshinshi kezeń - respýblıkalyq.
Konkýrsqa qatysýǵa ótinimder tıisti qujattar qosa tirkelgen arnaıy nysan boıynsha aýdandyq ákimdikterdiń ishki saıasat bólimderi men Astana qalasynyń Іshki saıasat basqarmasynda 2016 jylǵy sáýirdiń 1-nen 30-na deıin qabyldanady.
Aıta keteıik, ótinimderdi qaraý barysynda komıssııa ókilderi otbasy músheleriniń jetistikteriniń mańyzdylyǵy men sanyna, otbasylyq dástúrler men jádigerlerge, rýhanı-adamgershilik qundylaqtarǵa, arǵy tekterin bilýine jáne t.b. nazar aýdaratyn bolady.
Ótken jyly shyǵarmashyl Júginisovtar men sportshy Eleýsinovter áýleti «Mereıli otbasy» ulttyq konkýrsynyń elordalyq kezeńiniń jeńimpazdary atanǵan bolatyn.
Tolyq aqparatty 556708, 556701 telefondary arqyly alýǵa bolady.

«Jastar jalyny - 2016» stýdentter festıvaline jańashyldyqtar engizildi - Z. Aryqbaeva
Astanada jyl saıyn kóktemde stýdentter arasyndaǵy «Jastar jalyny - 2016» festıvali ótedi, bıyl tórtinshi ret ótkiziletin shara elordalyq jigerli ári shyǵarmashyl jastardyń basyn qospaq, dep habarlady qalalyq ákimdiktiń baspasóz qyzmetinen.
Alǵashqy «Jastar jalyny» festıvali 2013 jyly uıymdastyrylǵan bolatyn. Oǵan Astanadaǵy barlyq oqý oryndarynan júzdegen daryndy stýdent qatysty. Sol sátten bastap kóktem men dostyq merekesin ótkizý dástúrge aınaldy.Búginde qalalyq JOO-lar men kolledjderde shyǵarmashylyq atmosfera ornady, kreatıvti ıdeıalar usynylyp, nomerler men qoıylymdar ázirlenýde, kostıýmder tigilip jatyr. «Jastar jalyny» festıvaliniń ashylýy 8 sáýirde ótedi. Bıyl shyǵarmashylyq festıval erekshe saltanatty formatta ótedi jáne QR Táýelsizdiginiń 25 jyldyǵyna arnalady.«Nur Otan» partııasy janyndaǵy «Jas Otan» jastar qanatynyń jastar jobalary bóliminiń sarapshysy Zúlfıra Aryqbaevanyń aıtýynsha, bıyl sharaǵa biraz jańashyldyqtar engizilgen. Burynǵy alty nomınatsııaǵa «Úzdik volonterlyq joba», «Avtorlyq oqý», «Chto? Gde? Kogda?» ıntellektýaldy oıyny, sondaı-aq, «Kvest» shytyrman oıyny qosyldy.- Bul joly festıval keńeıdi, jastar shyǵarmashylyq jáne zııatkerlik baǵyttardaǵy saıystarǵa qatysady. Bıyl sharaǵa qatysýshylar sany artady dep oılaımyz, - dedi Z. Aryqbaeva.«Jastar jalyny-2016» jastar festıvali 8-12 sáýir aralyǵynda qalanyń túrli alańdarynda ótedi.13 sáýirde saǵat 18.00 Kongress-hollda ótetin gala-kontsertte 10 nomınatsııa boıynsha jeńimpazdardyń esimi belgili bolady.

Astanada N.Tilendıevtiń shyǵarmashylyǵyna arnalǵan gala-kontsert ótedi
1 sáýirde Kongress-hollda qazaq eliniń birtýar perzenti, halqymyzdyń mádenıeti, mýzyka ónerinde kompozıtor, dırıjer retinde óshpes iz qaldyrǵan, kúıshi, Nurǵısa Tilendıevtiń shyǵarmashylyǵyna arnalǵan «Nur aǵa» gala-kontserti ótedi. Bul týraly elordanyń resmı saıty habarlady.
Nurǵısa Tilendıev kóziniń tirisinde-aq qazaq mýzykasynyń saıypqyrany atanǵan edi. Onyń talaı sazy tyńdarmannyń júreginen oryn taýyp, qazaq kınosyn ásem áýenmen árlegen bolatyn. Ol 500-den astam mýzykalyq tól týyndynyń avtory. Onyń «Aqqý», «Ańsaý», «Arman», «Kósh kerýen», «Mahambet», «Sarjaılaý» sııaqty ánderi men kúıleri halqynyń súıip tyńdaıtyn rýhanı qazynasyna aınalǵan.
Nurǵısa Tilendıevke arnalǵan kontserttiń ereksheligi - avtordyń halyq ujymdaryna arnap jazǵan shyǵarmalaryn Astana qalasy ákimdigi Memlekettik akademııalyq fılarmonııasynyń sımfonııalyq orkestriniń oryndaıtynynda. Dırıjeri - Ernar Nurtazın jáne Berik Batyrhan.
Án-jyr keshine KSRO halyq ártisi Bıbigúl Tólegenova, QR halyq ártisi Nurǵalı Núsipjanov pen Maıra Muhamedqyzy, QR eńbek sińirgen qaıratkerleri Aıgúl Úlkenbaeva, Altynaı Jorabaeva, Aıgúl Qosanova, Azamat Jyltyrkózov, Bıbigúl Januzaq, Qazaqstannyń jastar syılyǵynyń ıegeri Nurǵalı Turlybekov, sondaı-aq, respýblıkalyq jáne halyqaralyq baıqaýlardyń laýreattary Aızada Kaponova, Nurbol Balapanov, Shahrızada Tynyshtyq qatysady.
Gala-kontsert saǵat 19.00-de bastalady.

«Eır Astana» áýe kompanııasy London - Astana, Astana - London baǵytyndaǵy reıster sanyn ulǵaıtady
«Eır Astana» áýe kompanııasynyń aqparatyna sáıkes, 2016 jylǵy 2 maýsymnan bastap áýe kompanııasy London - Astana, Astana - London baǵytynda jasalatyn apta saıynǵy reısteriniń sanyn tórtke deıin kóbeıtýdi josparlap otyr.
Bul týraly Qazaqstannyń Ulybrıtanııadaǵy Elshiligi habarlady.
Qazaqstanǵa aptasyna úsh ret oryndalatyn reısterge qosymsha «Eır Astana» áýe kompanııasynyń «Boıng 757» laıneri London qalasynyń «Hıtroý» áýejaıynan Qazaqstan astanasyna dúısenbi kúnderi attanady.
Qazirgi tańda, «Eır Astana» reısteri Qazaqstanǵa aptasyna úsh ret: seısenbi, beısenbi jáne senbi kúnderi ushady.

Astana turǵyndary «qupııa» belginiń jaýabyn izdep, bas qatyrýda
Elorda halqynyń, tipti, Astanaǵa keletin kez kelgen qonaqtyń kóp baratyn orny - Esil ózeniniń jaǵasy, jaǵalaý boıyndaǵy ádemi saıabaq. Mine, kóktem kele, kúnniń salqyndyǵyna qaramastan, jaǵalaýda serýendeı bastaǵan jurt bir aptadan beri áleýmettik jelide de, sóz arasynda da bir suraqtyń jaýabyn tappaı álek - myna sýrettegi belgi qandaı maǵyna beredi?
Áleýmettik jelidegi belsendi jurttyń biri bul belgi «kópirdiń astymen júrme» dep eskertip tur dese, endi biri «sýǵa qoqys laqtyrýǵa bolmaıdy», «kememen júzýge tyıym salynǵan» degen boljamyn aıtyp jatyr. Tipti, qaljyńǵa basqan elorda jastary «qaıyr suraýǵa bolmaıdy», «muz erigen», «sýǵa kilem jýýǵa bolmaıdy» degen boljamdaryn usynýda. Tipti, bir «tapqyr» «elegenge úsh úshburysh, eki bolty, bir temir men eki sım-karta salýǵa bolmaıdy» dep, belginiń sýretin jelige júktegen.
Bul belginiń qandaı maǵyna beretini QazAqparat tilshisine de qyzyq boldy. Anyqtaǵanymyz joǵarydaǵy boljamdardyń mańyna da jýymaıtyn maǵyna eken.
Onda bile júrińiz, bul belgini QR Aýyl sharýashylyǵy mınıstrliginiń Sý resýrstar jónindegi komıteti ornatqan eken.
«Durystap qarasańyzdar, ózenniń jaǵasy osy belgige qosymsha kók taqtaısha ornatyp, «Sý qorǵaıtyn aýmaq» dep jazǵanbyz. Ol belgi QR ST 1742-2008 standarty boıynsha bekitilgen. Standart 2008 jyly QR Investıtsııalar jáne damý mınıstrligi Tehnıkalyq retteý jáne metrologııa komıtetinde tirkeýden ótken»,-dep habarlady AShM Sý resýrstar komıteti.
Sonymen, sýrettegi belginiń maǵynasy - bul jerge ónerkásiptik, turmystyq jáne aýyl sharýashylyǵy qaldyqtaryn kómetin oryn men qoıma ornalastyrýǵa bolmaıdy degen sóz.


«Bul kitap əlemi» atty aılyq aıasynda Astanada 60 is-shara ótedi
Búginnen, ıaǵnı, 1 səýirden bastap "Bul kitar əlemi..." atty aılyq aktsııa aıasynda Ulttyq akademııalyq kitaphanada 62 is-shara ótedi. Bul týraly búgin aktsııaǵa oraı ótken baspasóz məslıhatynda belgili boldy.
Sharalardyń sany qanshalyqty kóp bolsa, olardyń mən-mazmuny da sonshalyqty tereń bolmaq. Mysaly, ol is-sharalardyń arasynda abaıtanýshy, shəkərimtanýshy, aqyn, jazýshy, QazSSR ənuranynyń avtory Qaıym Muhamedjanovtyń 100 jyldyq mereıtoıyna baılanysty "Alash murasynyń kózi" taqyrybyndaǵy eske alý keshi, kitap mereıtoılary - Júsipbek Aımaýytovtyń "Qartqoja" romanynyń (90 jyl), Əkim Tarazıdiń "Quıryqty juldyz" (50 jyl), Ənýar Əlimjanovtyń "Sývenır ız Otyrara" (50jyl) povesiniń benefısi, sondaı-aq, "Meniń súıikti shyǵarmam" atty kitap konferentsııasy, "Meniń ómirimdi ózgertken kitap" atty oqyrmandardyń benefısi ótedi eken.
"Kórkem ədebıet, kórkem oılar uly memlekettik, ulttyq ıdeıalarǵa bastaǵan. Ulttyń bolashaǵy kórkem shyǵarmalardaǵy aqıqatpen tyǵyz baılanysty. Tipti, təýelsizdigimizdiń bastaýy sonaý jyraý-aqyndarymyzdyń dana sózderinen bastap 20 ǵasyrdaǵy ataqty qazaq jazýshylarynyń shyǵarmalarynda jatyr",-deıdi baspasóz məslıhatyna qatysqan aktsııanyń uıymdastyrý komıtetiniń tóraǵasy, jazýshy Ǵarıfolla Esim.
Aıta keteıik, aktsııa QR Mədenıet jəne sport mınıstrliginiń qoldaýymen Ult josparyn júzege asyrý jónindegi is-sharalar aıasynda jəne Halyqaralyq balalar kitaby kúni men Búkiləlemdik kitap jəne avtorlyq quqyq kúnine oraı ótkizilip otyr.

Elordada AITV ınfektsııasyna shaldyqqandardyń deni 20-29 jasta
Astana qalasynyń JITS ortalyǵynda atalǵan mekemeniń mamandary men mektep jáne arnaıy-orta oqý oryndarynyń basshylary bas qosqan jıyn ótti.
Bul týraly ortalyqtyń aqparat bóliminen habarlady.Shara barysynda qoǵamdaǵy qaterli derttiń aldyn alý, ıaǵnı, el erteńi búgingi jas urpaqty AITV-juqpasynan saqtaý máselesi keńinen talqyǵa tústi. Mamandardyń bulaı dabyl qaǵýyna, bul derttiń ásirese jastardyń arasynda dendep kele jatqany sebep bolsa kerek. Máselen, ortalyq derekterine qaraǵanda, búginde Astana qalasynda bul aýrýdy juqtyrǵan adamdardyń sany myńǵa jýyqtasa, onyń deni 20-29 jas shamasyndaǵy azamattardy qurap otyr. Al sońǵy jyldarda atalǵan derttiń quryǵyna ilingenderdiń 70 paıyzy juqpany jynystyq jolman juqtyrǵandary dáleldengen. Sol sebepti dóńgelek ústelge qatysýshylar óskeleń urpaqty erte, beıbereket jynystyq qatynastan saq bolýǵa shaqyrý ortaq mindetteri ekendikterin atap ótti. Atap aıtqanda, №6 mektep-gımnazııasynyń tárbıe isi jónindegi meńgerýshisi Qamajaı Qýanyshqyzy qoǵamdaǵy asqynǵan aýrýǵa ustaz retinde ǵana emes, ana retinde de qatty alańdaıtynyn basa aıtty.«AITV-tiń juǵý joldaryn oqýshylarymyzǵa, ásirese, joǵarǵy synyp oqýshylaryna ár tárbıe saǵaty saıyn aıtyp otyrýǵa tyrysamyz. Alaıda, sol tárbıe saǵatyn ótkizetin ár ustaz aýrýdyń juǵý joldary men onyń qanshalyqty qaterli ekeni týraly tolyq, naqty aqparatty bilýi tıis. Sondyqtan pedagogtarmen osyndaı trenıngter jıi ótkizilip tursa durys bolar edi», - dedi ol. Al, dárigerler qazirgi ýaqyttaǵy AITV-ınfektsııasyn juqtyrýdyń qarqyny, jumyla jumys isteýdi qajet etetin medıtsınalyq qana emes, sonymen qatar áleýmettik-psıhologııalyq fenomendik epıdemıologııalyq sıpatqa ıe bolyp otyrǵanyn atap ótti. Jıynnyń sońynda ortalyq mamandary aldaǵy ýaqytta JITS-ke qarsy kúresý jumystaryn kúsheıtetinin, osy maqsatta bilim berý mekemelerine jıi baryp turatyndyqtaryn aıtty.

Astanada jumyssyzdarǵa arnalǵan tegin kýrstar ótedi
Jumyspen qamtý ortalyǵynyń habarlaýynsha, Astanany damytý baǵdarlamasyn iske asyrý aıasynda qalada turaqty tirkeýi bar jumyssyz júrgen azamattardy tegin kýrstarǵa aldyn ala jazý júrgizilip jatyr, dep habarlaıdy elorda ákimdiginiń baspasóz qyzmeti.
Elordanyń jumyssyz júrgen, kásibi joq, biraq mamandyq meńgerýge nıetti turǵyndary manıkıýr masteri, shashtaraz, elektrogazdánekerleýshi mamandyqtary boıynsha kásiptik daıyndyqtan óte alady.
Qaıta daıarlaý kýrstary suranysy joq mamandyqtar boıynsha jumyssyz júrgen azamattarǵa arnalǵan. Osy sanatqa jatatyn azamattardyń bilimi týraly dıplomy bolýy kerek, nıet bildirgender ákimger, gıd-ekskýrsovod, is júrgizýshi, kondıter, aspaz, elektrogazdánekerleýshi jáne t.b. mamandyqtardy meńgere alady.
Kásibı sheberlikterin jetildirgisi keletinder úshin býhgalterııa jáne salyq boıynsha biliktilikti arttyrý kýrstary ashylady, atalǵan mamandyqtar boıynsha oqý úshin býhgalterlik, ekonomıkalyq nemese qarjylyq bilim bolýy kerek. Tehnıkalyq bilimi bar qala turǵyndary qaýipsizdik tehnıkasy jáne eńbekti qorǵaý jónindegi ınjenerlerge arnalǵan kýrstarǵa jazyla alady.
Barlyq suraqtar boıynsha «Beıbitshilik kóshesi, 25» mekenjaıynda ornalasqan «Órken» iskerlik ortalyǵyndaǵy Jumyspen qamtý ortalyǵyna habarlasýǵa bolady.


Darıǵa Nazarbaeva elordadaǵy №10 qalalyq emhananyń jumysymen tanysty
Búgin QR Premer-Mınıstriniń orynbasary Darıǵa Nazarbaeva elordadaǵy №10 qalalyq emhanada Astana qalasynyń medıtsına qyzmetkerlerimen kezdesti.
Kezdesý aldynda Úkimet basshysynyń orynbasary emhanany aralap, dárigerlerdiń medıtsınalyq jańa qural-jabdyqtarmen jumys barysymen tanysty.
D. Nazarbaeva bundaı kezdesýler óte mańyzdy ekenin aıta kele, ıaǵnı medıtsına salasyndaǵy kásibı qoǵamdastyqtyń máseleleri, salada tolǵandyryp otyrǵan baǵyttar keńinen talqylanatynyn jetkizdi.
«Jańa osy emhananyń jumysymen tanysyp óttim. Qazirgi zamanǵy bul medıtsınalyq ortalyq jáne sońǵy býyndy quraldarmen jabdyqtalǵan. Jalpy, osynda aqparattandyrý tolyqtaı júrgizilgen. Onlaın rejimde dárigerge jazylyp, úıden shyqpastan konsýltatsııa alýǵa bolady. Meniń oıymsha, jaqyn arada osyndaı múmkindikter elimizdegi barsha medıtsınalyq mekemelerde bolýy tıis»,-dedi ol.
Aıta keteıik, bul medıtsınalyq mekeme «100 mektep - 100 aýrýhana» memlekettik baǵdarlamasynyń aıasynda salynyp, 2014 jyldyń aqpan aıynan jumysyn bastady. Emhana bir aýysymda ortasha eseppen alǵanda 500 adam qabyldaıdy, onyń 350-i eresek turǵyndar bolsa, 150-i - balalar. Medıtsınalyq mekemede jańasha quraldarmen jabdyqtalǵan ota jasaý kabıneti bar.
QR Premer-Mınıstriniń orynbasary dárigerlerdi nashar statıstıkany jasyrmaýǵa shaqyrdy
Búgin QR Premer-Mınıstriniń orynbasary Darıǵa Nazarbaeva Astana qalasynyń medıtsına qyzmetkerlerimen kezdesý barysynda aq halattylardy medıtsına salasyndaǵy nashar statıstıkalardy jasyrmaýǵa shaqyrdy.
Osy rette ol saladaǵy sapa deńgeıin baǵalaýdy qaıta qarastyrý qajet ekenin atap ótti.
«Jalpy sapany baǵalaý ólshemin ózgertý kerek. Qazirgi ólshemder kóptegen jaǵymsyz faktilerdi jasyrýǵa alyp keledi. Bul óz kezeginde bıýdjetti josparlaýǵa teris áser etedi. ıAǵnı, problema kórsetilmegennen keıin qarjy bólinbeıdi»,-dep toqtaldy D. Nazarbaeva.
Osy oraıda Premer-Mınıstrdiń orynbasary qazirgi kezde QR Densaýlyq saqtaý jáne áleýmettik qorǵaý mınıstrligi aldynda anyqtalǵan senimdi statıstıkany barynsha kórsetý maqsaty qoıylyp otyrǵandyǵyn atap ótti. Bul baǵyttaǵy jumystar densaýlyq saqtaýdy damytý baǵdarlamasynda, bıýdjettik josparlarda atalǵan problemalardy sheshý sharalaryn barynsha qamtýǵa negizdelip otyr.
Sóz sońynda D. Nazarbaeva salada bar problemalardy jasyrmaý qajet ekenin jáne oǵan jaıbaraqat qaramaý kerektigin qadap aıtty.

Qazaqstanda týberkýlezdi rentgensiz anyqtaýdyń jańa ádisi engizilip jatyr
Elorda densaýlyq saqtaý basqarmasynyń basshysy Erik Baıjúnisov flıýorografııaǵa túspesten týberkýlezdi anyqtaýǵa baǵyttalǵan qanatqaqty joba týraly aıtyp berdi.
Búgin QR Premer-Mınıstriniń orynbasary Darıǵa Nazarbaevanyń Astana qalasynyń medıtsına qyzmetkerlerimen kezdesýi barysynda E. Baıjúnisov bul tehnologııa Ońtústik Koreıadan jetkizilgenin atap ótti.
«Bıyldan bastap týberkýlezdi qan arqyly anyqtaý ádisine alǵash ret kóshkenimizdi atap ótkim keledi. Ońtústik Koreıa tarapymen tıisti kelisimge qol qoıyp, olar jabdyqtardy jetkizip, ornatty. Qazirgi kezde biz eki emhanada qanatqaqty rejimde zertteýler júrgizip jatyrmyz. Eger de bul baǵyttaǵy jumystar nátıje kórsetse, onda skrınıngtik zertteýler júrgizemiz. ıAǵnı týberkýlezdi qan arqyly anyqtaıtyn bolamyz», - dedi basqarma basshysy.
Osy rette ol bul ádis naýqastardan týberkýlezdi naqty anyqtaýǵa, sondaı-aq emdelýshilerdiń antıbıotıkterge sezimtaldyǵyn baıqaýǵa múmkindik beretindigin jetkizdi.
«Bıyl biz týbdıspanserdiń jańa ǵımaratyn salatyn bolamyz. Meniń oıymsha, onda em-dom jasaýdyń barlyq tsıkli qamtylady. Osy rette týberkýlezdi túbegeıli jeńýge bolady», - dedi E. Baıjúnisov.


D. Nazarbaeva mektepten tys jerlerde balalardyń nemen tamaqtanatynyn baqylaýdy tapsyrdy
QR Premer-Mınıstriniń orynbasary Darıǵa Nazarbaeva mektepterden tys jerlerde balalar tamaqtanatyn taǵamdardy baqylaý kerektigin tapsyrdy. Bul týraly ol búgin Astana qalasynyń medıtsına qyzmetkerlerimen kezdesýi barysynda málim etti.
«Balalardyń densaýlyǵy máselesine toqtalatyn bolsaq, densaýlyq saqtaý qyzmetteri balalar bolatyn barlyq jerde, onyń ishinde mektepten tys oryndarda baqylaý júrgizýi tıis. Atap aıtqanda, býfetter men dámhanalarda satylyp jatqan taǵamdardy baıqaý kerek. Jalpy, satylatyn jáne bizdiń balalardy tamaqtandyrýǵa jiberiletin ónimderdiń sapasyna talaptardy qataıtqan durys bolady dep sanaımyn», - dedi Úkimet basshysynyń orynbasary.
Elordadaǵy № 5 qalalyq emhananyń bas dárigeri Altynshash Tabyldınanyń aıtýynsha, mektep dárigeri oqýshylardy saýyqtyrý jumystarymen tyńǵylyqty aınalysatyn bolady, onyń ishinde durys tamaqtandyrý sharalary da qamtylady. Osy oraıda ol paıdaly tamaqtandyrý baǵytyndaǵy jetkiliksiz baqylaý mektepterdegi problemalardyń biri bolyp tabylatynyn atap ótti.

Astanadaǵy árbir úshinshi oqýshyda tisjegi bar
Astanadaǵy árbir úshinshi oqýshyda tisjegi bar. Bul týraly búgin QR Premer-Mınıstriniń orynbasary Darıǵa Nazarbaevanyń Astana qalasynyń medıtsına qyzmetkerlerimen kezdesýi barysynda № 5 qalalyq emhananyń bas dárigeri Atynshash Tabýldına málim etti.
«Búginde mektepterde balalardyń densaýlyǵy máselesi óte ózekti. Árbir úshinshi balada tisjegi bar ekenin bilemiz. Balalardyń músini men kózderiniń buzylýy problemalary bar. Sonymen qatar balalardyń paıdaly tamaqtanýy jetkilikti qadaǵalanbaýda, salaýytty ómir saltyn nasıhattaý da tıisti deńgeıde emes», - dedi ol.
Osy oraıda bas dáriger qala ákiminiń tapsyrmasy boıynsha densaýlyq saqtaý jáne bilim berý basqarmalary mektep medıtsınasyn Densaýlyq saqtaý jáne áleýmettik damý mınıstrligine berýdiń jol kartasyn ázirlegenin atap ótti.
Onyń sózine qaraǵanda, jumys komıssııasy mektep dárigeriniń, medbıkelerdiń qyzmettik mindetterin, mektep medıtsınasy týraly erejeni daıarlady.
«Mektepterde profılaktıkalyq tekserýlerdi ońtaılandyrý boıynsha kóp usynystar bar. Máselen, mektep dárigeri balalardyń tisjegisin tekserip, anyqtalǵandardy tikeleı mamandarǵa baǵyttaı alady. Mektep dárigeri tyńǵylyqty túrde oqýshylardy saýyqtyrýmen, durys tamaqtaný jáne basqa da sharalarmen aınalysady»,-dep túıdi ol.

Bizdiń emhanalarda kezekter joıyldy - Astana ákiminiń orynbasary
Astana qalasy ákiminiń orynbasary Ermek Amanshaevtyń aıtýynsha, elorda emhanalarynda kezekter joıyldy. Bul týraly búgin ol QR Premer-Mınıstriniń orynbasary Darıǵa Nazarbaevanyń Astana qalasynyń medıtsına qyzmetkerlerimen kezdesýi barysynda málim etti.
«Búginde qala boıynsha naqty nátıjeler bar, ıaǵnı shaǵymdardyń tómendeýi baıqaldy. Búginde emhanalyq keshenderde kezekter joq dep aıta alamyz. Buǵan sońǵy jarty jylda júrgizilgen aqparattandyrý boıynsha jobany júzege asyrý yqpal etti», - dedi ákimniń orynbasary.
Budan bólek E. Amanshaev «Elektrondy medıtsınalyq karta» jobasyn iske qosý taqyrybyna toqtaldy.
«Jyldyń sońyna qaraı elektrondy medıtsınalyq kartasymen qalanyń barlyq halqyn qamtýdy josparlap otyrmyz. Joba túrli formattarda júzege asyrylady, onyń ishinde onlaın rejimde birneshe tilde iske qosylady», - dedi ol.
Astanada 4 myńnan astam jumys orny ashyldy
Astana qalasynda 2016 jyldyń 1 sáýirdegi jaǵdaı boıynsha 4 849 jańa jumys orny ashyldy, dep habarlady astana.gov.kz.
Onyń ishinde 349-y - ónerkásip, 1 103-i - saýda, avto jáne mototsıklderdi jóndeý, 238-i - kólik jáne qoıma, 771-i - bilim jáne densaýlyq saqtaý, 660-y - qurylys bolsa, qalǵan 1 728-i - ekonomıkalyq qyzmettiń basqa túrlerine jatady.Jyl basynan beri Astana qalasy ákimdiginiń jumyspen qamtý ortalyǵy 1478 adamdy jumysqa ornalastyrǵan. Sondaı-aq, jastar tájirıbesinen ótýge 218 túlek jiberilse, 39 adam áleýmettik jumys oryndaryna ornalastyryldy.

Astanada jol qaýipsizdigi erejesi boıynsha aktsııa ótti
Búgin Astana qalasynyń jergilikti polıtsııa qyzmetiniń qyzmetkerleri jas ınspektorlarmen eń jas jaıaý júrginshilerge shaǵylystyrǵysh elementteri bar zattar taratty. Elordada «Nazar aýdaryńyz, júrginshi» atty aımaqtyq aktsııa 29 naýryzda bastalyp, 4 sáýirge deıin jalǵasady, dep habarlady qalalyq ákimdiktiń baspasóz qyzmetinen.
Polıtseılerdiń aıtýynsha, atalǵan aktsııalar balalar zardap shegetin apattar sanyn azaıtýǵa yqpal etken.- Ótken jylmen salystyrǵanda bıyl statıstıka boıynsha «Nazar aýdaryńyz, júrginshi», «Jaıaý júrginshi, ótkelmen júr!» aktsııalaryn ótkizýdiń arqasynda balalar zardap shegetin jol-kólik apattar sany 18% tómendegen, - dedi Astana qalasynyń ІІD jergilikti polıtsııa qyzmeti ıývenaldy polıtsııa bóliminiń ınspektory Aıymgúl Valeeva.Aktsııa aıasynda jas ınspektorlar jaıaý júrginshilerge shaǵylystyrǵysh elementteri bar beldeýler, baılamdardaǵy belgisheler, bilezikter taratty.Ekspertter shaǵylystyrǵysh elementteri bar jaıaý júrginshilerdi júrgizýshiler jaqynnan 50 metr qashyqtyqta, alystan 150 m qashyqtyqta kóre alatynyn dáleldegen.Astanalyq polıtseıler búldirshinderge kishkentaı bala kezden jol qaýipsizdigi erejesin úıretýge shaqyrady, al júrgizýshilerge joldarda saq bolýǵa keńes beredi.

Astanada 17 mektep úsh tilde bilim berip jatyr
Astanada úsh tildi ilki tártipte jalpy bilim beretin 17 mektepte engizildi. Búgin QR Premer-Mınıstriniń orynbasary Darıǵa Nazarbaevanyń Astanadaǵy № 81 «Astana English School» mamandandyrylǵan gımnazııasy muǵalimderimen jáne oqýshylarymen kezdesý barysynda Astana qalalyq bilim basqarmasynyń basshysy Elmıra Sýhanberdıeva osylaı málim etti.
«Qazirgi kezde elordadaǵy mektepterde úsh tildi bilim berýdi engizý boıynsha maqsatty jumystar júrip jatyr. Tıisti kadrlardyń qajettiligine monıtorıng jasalýda. Úsh tilde bilim berýge aýysýdyń normatıvtik-quqyqtyq ádisnamalyq negizin josparly zertteý júrýde. Búginde úsh tilde bilim berýdi engizý turǵysynda qanatqaqty mektepter retinde 17 oqý orny iriktelindi. Bul 17 mektepte pánder ishinara aǵylshyn tilinde ótkiziledi, ıaǵnı matematıka, bılogııa, hımııa, geografııa pánderi aǵylshynsha oqytylýda»,-dedi ol.
Sonymen qatar basqarma basshysy qaladaǵy bilim berý salasyndaǵy keıbir kórsetkishterge toqtaldy. Jyl saıyn Astanaǵa ortasha eseppen alǵanda mektep jasyndaǵy 6,5 myń bala kóship keledi. Osy rette bir muǵalimge 86 oqýshy tıesili bolady, al 2015 jyly kóshi-qondy eskere otyryp, elordada balalardy bilim berýmen qamtý 103 paıyzdy qurady.

QR Vıtse-premeri ashanalar mekteptiń qosymsha tabys kózi bolýy kerek dep sanaıdy
QR Premer-Mınıstriniń orynbasary Darıǵa Nazarbaeva mektepter ashanalaryn jalǵa berý arqyly eleýli tabystan qaǵylyp otyrǵanyn aıtty.
«Sizder ashanany jalǵa bergendi qalaısyzdar, biraq ta bul turǵyda eleýli tabystan qaǵylyp otyrsyzdar. Meniń oıymsha, ózgeris engizip, mekteptiń mindetine júkteý kerek. Oqý orny qyzmetkerlerdi ózi jaldap, tabys alýy qajet», - dedi Úkimet basshysynyń orynbasary búgin Astanadaǵy № 81 «Astana English School» mamandandyrylǵan gımnazııasy muǵalimderimen jáne oqýshylarymen kezdesý barysynda.
Bul rette D. Nazarbaeva ashanadan kelgen kiristi mekteptegi materıaldyq-tehnıkalyq qamtamasyz etýge, ustazdarǵa qosymsha tólem jasaý, balalar úshin ekskýrsııalar men saparlardy uıymdastyrý sekildi maqsattarǵa jumsaýǵa bolatynyn atap ótti.
«Sondyqtan da ashanany mektepke qaıtarǵan durys dep sanaımyn», - dedi ol.

Astana kásipkerleri birlesip, taýarlaryn eksportqa shyǵarmaq
Astana kásipkerleri shetelge óz taýarlaryn eksporttaý úshin kooperatıvke bilesýdiń barlyq múmkinshilikterin qarastyrýda. Bul máseleni búgin elordada 500-den astam shaǵyn jáne orta bıznes kompanııalary bas qosqan «Elorda» bıznes forýmyn uıymdastyrýshylar kóterdi.
«Máselen, syrtqy saýda palatasy kásipkerlermen birge Qytaıǵa bardy. Qytaı Qazaqstannan ne qalaıtyndyǵyn aıtyp, kólemin usynǵan kezde bizdiń birde-bir kompanııa ony ıgere almaıtyndyǵy belgili boldy. Sol sebepti kompanııalardy sektor boıynsha kooperatsııaǵa biriktirý ıdeıasy usynyldy. Buǵan qosa, kooperatsııalar týraly zań qabyldandy. Bul zań aıasynda kompanııalardy kooperatsııaǵa birigip, taýarlardy bir markamen satýdy usynamyz. Sol kezde Qytaımen kelisimshart jasasýǵa shynaıy múmk3ndik bar», - dedi Astana kásipkerleriniń «Saryarqa» qaýymdastyǵy basqarmasynyń tóraǵasy Danııar Ahtaev.
Onyń atap ótýinshe, taýarlardyń qatarynda et, astyq, bıdaı jáne maıly dándi-daqyldar da bolýy múmkin. Sondyqtan da búgingi forým shaǵyn jáne orta bıznes kásipkerleri men sharýa qojalyqtarynyń basshylaryn bir-birimen tanystyrý maqsatynda uıymdastyrylyp otyr. Sondaı-aq forým aıasynda kórme ótip, onda 100-den astam kompanııa óz ónimderi men qyzmetterin usyndy.
«Biz qaýymdastyq músheleri bir-birimen jaqyn tanysqanyn qalaımyz. Kóp jaǵdaıda bizdiń qaýymdastyq músheleri bir-birin bilmeıdi. Máselen, ımporttalatyn shıkizat paıdalanatyn kompanııa bar. Al biz qazaqstandyq kompanııalar bir-birinen satyp alǵanyn, sol arqyly ımportty otandyq taýarmen almastyrýǵa umtylǵanyn qalaımyz», - dedi ol.

Organıkalyq ónim óndirisi Qazaqstan úshin ekinshi munaı bola alady - A.Omarov
Organıkalyq ónim óndirisi Qazaqstan úshin ekinshi munaı bola alady. Bul týraly búgin elordada 500-den astam shaǵyn jáne orta bıznes kompanııalary bas qosqan «Elorda» bıznes forýmynda QR Syrtqy saýda palatasy basqarmasy tóraǵasynyń orynbasary Aıtýǵan Omarov aıtty.
«Álemde tutyný kólemi artyp keledi. Óıtkeni, halyq sany úzdiksiz ósý ústinde jáne Qazaqstan úshin organıkalyq ónimder ekinshi munaı bola alar edi. Men áriptesterime osy jaıynda oılanýǵa keńes beremin. Sebebi Úndistan, Qytaı halqy ósýde. Ózderińiz de biletindeı, Qytaıda ekinshi balanyń týýyna ruqsat beretin zań taıaýda ǵana qabyldandy. Soǵan sáıkes demografııalyq dúmpý bolatyndyǵy kútilýde», - dedi ol.
Onyń atap ótýinshe, ótken jyly Qazaqstannan Qytaıǵa jetkizilgen azyq-túlik taýarlary eksportynyń kólemi 106 mln. dollardan sál ǵana asqan. Al Qytaıdyń shetelderden alatyn azyq-túlik ónimderiniń kólemi 104 mlrd. dollarǵa jetip otyr. ıaǵnı, Qytaı ımportyndaǵy Qazaqstan eksportynyń úlesi ne bári 0,1 paıyzdy ǵana qurady.
«Munan bólek, Azııa men Taıaý Shyǵys bar. Demek, búkil álemge eksportqa shyǵarýda qazaqstandyq agrobıznestiń múmkinshiligi óte zor», - dedi ol.
Sondyqtan da A.Omarov qazaqstandyq kásipkerler tarıhı turǵyda saýda-sattyq qarym-qatynas jolǵa qoıylǵan kórshi elderdiń naryǵyna nazar aýdarýy qajettigin basa aıtty jáne qazaqstandyq kompanııalar shyǵaratyn ónimderiniń básekege qabilettigin artyrýy kerektigin eskertti.

Astanada barlyq salyq túsimderiniń 65 paıyzy shaǵyn jáne orta bızneske tıesili
Astanada barlyq salyq túsimderiniń 65 paıyzy shaǵyn jáne orta bızneske tıesili. Bul týraly búgin «Elorda» bıznes forýmynda Astana qalalyq kásipkerler palatasynyń dırektory Ǵanı Tasmaǵambetov málim etti.
«Tolyqtaı alǵanda Astananyń ishki jalpy ónimi 4,2 trln. teńgeni quraıdy. Shaǵyn jáne orta bıznes óndiretin ónim úlesi 61 paıyzǵa teń. Al barlyq salyq túsimderiniń 65 paıyzy shaǵyn jáne orta bızneske tıesili. qala ekonomıkasyna shaǵyn jáne orta bıznestiń qatysýy Qazaqstan boıynsha ortasha kórsetkishten 3 ese artyq. Astanadaǵy shaǵyn jáne orta bıznes barynsha belsendi», - dedi ol. Ǵ.Tasmaǵambetovtiń atap ótýinshe, qala ınnovatsııa boıynsha da kósh bastap keledi. Elimizde óndiriletin barlyq ınnovatsııalyq ónimderdiń besten birin elordalyq kompanııalar óndiredi. Jalpy, búginde Astana Qazaqstannyń jalpy óniminiń onnan birin berip otyr. Sonymen qatar ol aǵymdaǵy jyly jas kásipkerlik pen saýdany qoldaýǵa 600 mln. teńge bólingenin atap ótti. Buǵan qosa, ekinshi jartyjyldyqta jańa baǵdarlamany qarjylandyrylýy bastalady. Onyń aıasynda startap-jobalarǵa 2 mlrd. teńge baǵyttalady.

Astanada «Qazaqstan barysynyń» irikteý kezeńi ótedi
Búgin Astanada qazaqsha kúresten «Qazaqstan barysy» respýblıkalyq týrnıriniń irikteý kezeńi ótedi.
Týrnırdi uıymastyrýshylardyń habarlaýynsha, irikteý saıystaryna barlyǵy 38 palýan qatyspaq.
Bul kezeńniń jeńimpazdary Qazaqstan astanasynda 2016 jylǵy 3 shildede ótetin QR Prezıdentiniń júldesi úshin «Qazaqstan barysy» respýblıkalyq týrnıriniń fınalyna joldama alady.
Іrikteý kezeńine ótken jyldardaǵy týrnırdiń birneshe fınalısteri qatysady, olardyń arasynda 2015 jylǵy qola belbeý júldegeri Ǵanı Seıdildaev bar.
Ótkizý orny:«Dáýlet» Sportkombınaty» MKQK, Turan dańǵyly 4/2, Astana q. Ótkizý ýaqyty: 10:00 den 18:00 deıin (kirý tegin).
Týrnırdiń uıymdastyrýshylary:«Qazaqstan Barysy» qazaq kúresin damytý qory, Qazaqstan Respýblıkasy qazaq kúresi federatsııasy,Astana qalasy qazaq kúresi federatsııasy, Qazaqstan Respýblıkasy Mádenıet jáne sport mınıstrliginiń sport jáne dene shynyqtyrý komıteti, Astana qalasy ákimdiginiń sport jáne dene shynyqtyrý basqarmasy.
Bokstan Qazaqstannyń erler quramasy Olımpıadaǵa barlyq salmaq sanattary boıynsha qatysady
Búgin Astana áýejaıynda Qytaıdaǵy irikteý týrnırinde Qazaqstan úshin 7 olımpıadalyq joldamany jeńip alǵan boksshylardy qarsylady, olardyń 6-ýy - erler quramasynda, bireýin qyzdar arasynda Darıǵa Shákimova jeńip aldy, dep habarlady QBF baspasóz qyzmeti.
«Jalpy alǵanda Qazaqstanda 11 boks joldamasy bar, bizdiń erler quramamyz Olımpıadaǵa tuńǵysh ret barlyq salmaq sanaty boıynsha qatysady», - delingen habarlamada.
Abylaıhan Júsipov Rıoǵa joldama alýmen qatar, týrnırdiń altyn júldegeri atandy, bul onyń eresekter komandasy quramynda alǵash ret saıysqa qatysýy.
- Bes urys júrgizdim, qarsylastar da kileń myqtylar boldy. Alǵashqy urysta azdap tolqydym, óıtkeni deńgeı basqa. Odan keıin shırap kettim. Urystardyń bári de aýyr boldy. Eń kúrdelisi koreılikpen ekinshi urys boldy, ol týrnırde birinshi bolyp turǵan edi. Barlyǵy da sátti aıaqtaldy, biz jospardy oryndadyq, - dedi A.Júsipov. Týrnırdiń altyn júldegeri Ivan Dychko da óz oıyn bylaısha bildirdi:
- Azııada boksshylar ósip kele jatqanyn kórdim, tájirıbe jınap, tehnıkany da, taktıkany da meńgerýde. Jartylaı fınalda qıyn boldy, men qarsylasymmen biraz áýrelendim. Al fınal jaqsy ótti. Joldamalardyń tolyq jıyntyǵyn alý - bul jaqsy, endi osy jetistikti ustaı bilýimiz, Olımpıadaǵa jaqsy ázirlikpen barýymyz qajet.
Komandanynyń aǵa jattyqtyrýshysy Nurǵalı Safıýllın komanda Dohadaǵy álem chempıonatyndaǵy sátsizdikterinen keıin qaıtadan sabasyna tústi, dep sanaıdy.
Quramanyń bas jattyqtyrýshysy Myrzaǵalı Aıtjanov Rıoǵa deıin birde-bir kúndi bos jibermeý qajettigin aıtady. «Olımpıadaǵa ázirlik jospary árkimde bólek. Árıne, kemshlikterimizdi aıqyndap, sony joıýdy qaraýǵa tıispiz. Birlesken jıyndar da ótkizetin bolamyz, sergektikti saqtaý úshin birneshe halyqaralyq týrnırlerge de qatysamyz. Kelesi jıyn 10 sáýirde ótedi», - dedi ol.

«Astana Opera» kameralyq zalynda «Bı yrǵaǵynda» kontserti ótedi
Kóktemgi sáýir aıynda ásem menýet, jeńil valsterden shıraq regtaımǵa, ekpindi tangoǵa deıin alýan túrli bı áýenderi eloradalyqtardyń nazaryna usynylady. «Astana Opera» kameralyq zalynda 7 sáýirde «Bel Canto mýzykalyq salony» abonementiniń aıasynda «Bı yrǵaǵynda» kontserti ótedi.
Otandyq jáne sheteldik kompozıtorlardyń mýzykasyn belgili opera ánshileri oryndaıdy - Qazaqstannyń eńbek sińirgen artısi Ǵalııa Baıǵazınova, Qazaqstannyń qurmetti qaıratkeri Aıgúl Nııazova, Halyqaralyq konkýrstardyń laýreattary Aızada Kaponova, Elena Nızamýtdınova, Roza Nurkeı, Ásem Sembına, Azat Málik, daryndy skrıpkashylar Maııa Beknazar, Shynar Barlyqova jáne t.b.
«Vals koroli» Iogann Shtraýstyń, «qazaq valsiniń koroli» Shámshi Qaldaıaqov týyndylary, S. Djoplınniń «Regtaımy», A. Pıatstsollanyń «Lıbertangosy», L. Delıbtiń «Ispan áni», Sh. Lekoktyń «Madam Ango qyzy» operettasynan «Gavot», N. Dostaldyń «Monıka» operettasynan Monıka valsi, F. Legardiń «Kóńildi jesir» operettasynan Ganna men Danılo dýeti jáne t.b. oryndalady.
Soprano Elena Nızamýtdınova Dj. Rossınıdiń «Mýzykalyq keshiniń» tsıklynan «Neapolıtanskaıa tarantellany» oryndaıdy.
- Dj. Rossını - súıikti kompozıtorlarymnyń biri, onyń shyǵarmashylyǵyna tántimin. Adamnyń kóńil-kúıin erekshe sezimge bóleıdi. Sonymen birge, Imre Kalmannyń «Koroleva chardasha» operettasynan Sılvanyń arııasyn oryndaımyn, - dedi Elena Nızamýtdınova.
Fortepıano partııasynda - halyqaralyq baıqaýlardyń laýreattary Raýshan Beskempirova, Merýert Jekenova.
Kontsert 19:00 bastalady, bılet quny - 2000 teńge.

Máshhúr Júsip muralary Astanada
6 sáýir kúni saǵat 15.00-de Qazaqstan Respýblıkasy Tuńǵysh Prezıdentiniń Mýzeıinde «Máshhúr jaıly sóz etkende...» atty belgili folklor tanýshy, kórnekti aqyn Máshhúr-Júsip Kópeıulynyń tarıhı-mádenı murasyn nasıhattaýǵa arnalǵan ádebı kesh jáne kórmeniń ashylady. Bul týraly Mýzeıdiń baspasóz qyzmetinen habarlady.

Atalǵan shara Mýzeıdiń Qazaqstan Respýblıkasy Táýelsizdiginiń 25 jyldyǵyn merekeleýge arnalǵan kórmeler kezeńin ashady. Jáne bul kezdeısoq emes: Máshhúr Júsip Kópeıulynyń ádebı murasy táýelsizdik pen erkin oılaý ıdeıalarynynyń irgetasy bolyp tabylatyn qazaq folklorynyń ózindigi men mádenı áralýandyǵynyń fılosofııalyq taldaýyn beıneleıdi.
Ádebı kesh jáne kórme - QR Tuńǵysh Prezıdenti Mýzeıiniń «Ulttyq ıgilik» mýzeıaralyq jobasy negizindegi seriktesterdiń murajaıtanýshylyq jumysynyń nátıjesi.
Kórmede Mýzeı qyzmetkerleriniń jınaqtaý jumystarynyń barysynda júıelengen Buhar jyraý atyndaǵy Pavlodar oblystyq ádebıet jáne óner mýzeıi, Q. Sátpaev atyndaǵy memorıaldyq mýzeıi, L.N. Gýmılev atyndaǵy Eýrazııa Ulttyq ýnıversıteti jáne «Otyrar kitaphanasy» ǵylymı ortalyǵy qorlarynyń materıaldary usynylady.
Negizgi is-shara Buhar jyraý atyndaǵy mýzeıdiń qazaq aqyndary men oıshyldarynyń murasyn, onyń ishinde Máshhúr Júsip Kópeıulynyń murasyn nasıhattaý baǵytyndaǵy uıymdastyrýshylyq-ádistemelik jumysynyń arqasynda jasaldy.
Máshhúr-Júsip Kópeıuly: (1858-1931jj.) Pavlodar oblysy, Baıanaýyl aýdanynda týǵan. Folklortanýshy, etnograf, tarıhshy, talantty aqyn, arab jáne parsy tilderin jetik meńgergen. Onyń ádebı jáne ǵylymı murasy - Táýelsizdik ıdeıasynyń tuǵyryna aınalǵan, altyn qazynaly qazaq mádenıetiniń ajyramas bóligi.

Astanada saıajaı nemese keńsege azamattardy tirkeýge tyıym salý usynyldy
Búgin elorda ákimdiginde ótken apparat otyrysynda halyqty tirkeý jáne esepke alýdy jetildirý máselesi talqylandy, dep habarlady qalalyq ákimdiktiń baspasóz qyzmetinen.
Astanada kóshi-qon polıtsııasynyń qyzmetin retteıtin arnaıy erejeler bekitilýi múmkin. Elorda ákimdiginiń apparat otyrysynda turǵyn úıde bir adamǵa eseptelgen belgili bir sharshy metrler bolǵan jaǵdaıda ǵana azamattardy tirkeý, sondaı-aq, turýǵa arnalmaǵan orynjaılarda (mysaly, saıajaı nemese keńse) tirkeýge tyıym salý usynyldy.Barlyq astanalarda keńinen taraǵan máselelerdiń biri - azamattardyń tirkeýsiz jáne esepke alynbaı turýy, sonymen qatar, azamattardyń baqylanbaıtyn ishki kóship-qonýy bolyp tabylady.Astanada shekteý sharalarynyń bolmaýy jekelegen úı ıelerine bir meken jaı boıynsha, shyn máninde onda turmaıtyn ondaǵan jáne júzdegen adamdy tirkeýge múmkindik beredi. Qalada keıbir páterlerde 400-den astam azamat tirkelgen jaǵdaılar da boldy, bul rette bir páterge 100-200 adam tirkelý keńinen taraǵan qubylys. Kóptegen páter ıeleri osylaısha aqsha taýyp keledi, alaıda olar tipti ákimshilik aıyppul tólegennen keıin de adamdardy tirkeýdi toqtatpaıdy. «Tutastaı bir kóleńkeli ındýstrııa jumys isteýde. Bul tártipsizdikke zań júzinde rettelmeýi yqpal etedi», - dedi Astana ákimi Á. Jaqsybekov. Elorda basshysy tıisti memlekettik organdarmen osy máseleni qaraýdy jáne «Astananyń mártebesi týraly» zańǵa tolyqtyrýlar men ózgertýler engizý boıynsha tıisti usynystar engizýdi tapsyrdy.

Astanada jalpyqalalyq senbilikter 23 sáýirde bastalady
23 sáýirde Astanada ekologııalyq aılyq pen jalpyqalalyq senbilikter bastalady. Bul týraly búgin Ádilbek Jaqsybekovtiń tóraǵalyǵymen ótken apparat otyrysynda aıtyldy, dep habarlady qalalyq ákimdiktiń baspasóz qyzmetinen.
Otyrys barysynda elordanyń syrtqy kelbetine qatysty máseleler kóterilip, osy baǵyttaǵy jumystar aıtýly datalarǵa oraılastyrýmen ǵana shektelmeýi tıis ekendigi atap ótildi.Astanada halyq pen bıznestiń belsendi qatysýymen «taza beısenbi» sharalary, ekologııalyq polıtsııamen birge reıdter turaqty túrde ótkizilýi kerek.Bul rette árbir qala turǵyny, árbir kásipker nemese uıym elordany abattandyrýǵa qatysty ekendigin sezinýi kerek.

«ASPA» Astanadaǵy memlekettik qyzmet salasyndaǵy óńirlik habty damytýǵa járdem bermek
Amerıkandyq memlekettik basqarý jónindegi qoǵamy men Astanadaǵy memlekettik qyzmet salasyndaǵy óńirlik hab ózara is-qımyl jáne yntymaqtastyq týraly memorandýmǵa qol qoıdy.
«Biz rásimdegen memorandýmda uıymymyzdyń Astana habyna qalaı járdem kórsetetindigin naqty qadamdary jazylǵan. Bul yntymaqtastyqtan Astana haby ǵana emes, sonymen birge 7 myń múshesi bar bizdiń qoǵam da óte qajetti dúnıelerdi alady dep sanaımyz», - dedi ASPA-nyń atqarýshy dırektory Ýılıam Shılds.
Óz kezeginde Astanadaǵy memlekettik qyzmet salasyndaǵy óńirlik hab Basqarýshy komıtetiniń tóraǵasy Álıhan Baımenov kelesi jylǵa arnalǵan jospar qazirden bastap jasalyp jatqanyn aıtty. Aıta keterligi, ASPA óziniń jyl saıynńy konferentsııasy aıasynda Astana óńirlik habynyń qyzmetine arnalǵan arnaıy sessııa uıymdastyrýdy josparlap otyr.

Astana óńirlik haby EYDU-men yntymaqtastyq týraly kelisimge qol qoıdy
Búgin elordada Astanadaǵy memlekettik qyzmet salasyndaǵy óńirlik hab Ekonomıkalyq yntymaqtastyq jáne damý uıymymen yntymaqtastyq týraly kelisimge qol qoıdy.
«EYDU qatarynda álemniń barynsha damyǵan 34 ekonomıkasy bar jáne EYDU elderiniń memlekettik basqarýdaǵy tájirıbesi men dırektoraty óńirdegi reformalar boıynsha óz baǵdarlamasyn júzege asyryp jatqan barlyq elder úshin mańyzdy. Biz bul yntymaqtastyǵymyz barlyq úkimetterdiń ıgiligi úshin jumys isteıdi dep úmit artamyz», - dedi Astanadaǵy memlekettik qyzmet salasyndaǵy óńirlik hab basqarýshy komıtetiniń tóraǵasy Álıhan Baımenov.
Óz kezeginde EYDU memlekettik basqarý jáne terrıtorııalyq damý máseleleri jónindegi dırektory Rolf Alter Qazaqstan uıym úshin tamasha seriktes ekendigin basa atap ótti.
«Biz Qazaqstanmen tamasha yntymaqtastyqty jolǵa qoıyp, keremet dostarǵa aınaldyq. Bul jaqtyń adamdary bar ynta-jigerimen Qazaqstandaǵy memlekettik qyzmetti reformalaýǵa umtylatyndyǵy baıqalady. Biz, EYDU tarabynan bul saladaǵy oń tájirıbelerdi tek Qazaqstanǵa ǵana emes, sonymen birge kórshi elderge de bere alamyz», - dedi ol.
Aıta keterligi, shara barysynda EYDU men Qazastandaǵy BUU Damý baǵdarlamasy arasynda 4 jyldyq kezeńge arnalǵan kelisim de rásimdeldi. Qazaqstandaǵy BUU Damý baǵdarlamasynyń turaqty ókili Norımasa Shımomýranyń atap ótýinshe, qol qoıylǵan qujat Qazaqstanǵa álemniń damyǵan 30 eliniń qataryna qosylýyna járdem beretin bolady.

Joǵary synyp oqýshylaryna eksternat formasynda oqýǵa ruqsatty «Azamattarǵa arnalǵan úkimet» beredi
Elordanyń Qoǵamdyq keńesiniń kezekti otyrysy ótti. Qoǵamdyq keńestiń qaraýyna 10 másele engizildi, dep habarlaıdy Astana qalasynyń resmı saıty.
Keńes músheleri QR IDM Baılanys, aqparattandyrý jáne aqparat komıteti «Halyqqa qyzmet kórsetý ortalyǵy» sharýashylyq júrgizý quqyǵyndaǵy RMK-syn «Azamattarǵa arnalǵan úkimet» memlekettik korporatsııasy» komertsııalyq emes aktsıonerlik qoǵamyna qaıta qurýmen baılanysty ózgerister engizilgen qala ákimi qaýlylarynyń keıbir jobalaryn talqylady.
Jer qatynastary jáne jerdi paıdalanýdy jáne qorǵaýdy baqylaý basqarmasynyń basshysy Tóleýǵazy Núrkenov mekeme ataýynyń ózgertilýine oraı Astana qalasy aýmaǵynda jer qatynastary salasynda jeke jáne zańdy tulǵalarǵa usynylatyn memlekettik qyzmetter reglamentine ózgerister engizilgenin baıandady.
Sonymen qatar, Aýyl sharýashylyǵy basqarmasynyń basshysy Áset Qurmanǵalıev keńes músheleriniń qaraýyna qala ákimdiginiń karantındik rejım engizý úshin karantındik aımaqtardy belgileý týraly qaýlysynyń jobasyn usyndy.
Keńes músheleri qalalyq Jumyspen qamtý ortalyǵynyń dırektory Oljas Omardyń baıandamasyn tyńdady. Mekeme basshysy mamandyqtar bólinisinde oqýdyń qunyn kórsete otyryp, kásiptik oqytýdy júzege asyratyn oqý uıymdarynyń tizimimen tanystyryp ótti.
Otyrys barysynda baǵdarlamaǵa qatysýshylardyń árqaısysynyń oqýyna jumsalatyn qarjyny esepteý máselesi talqylandy. Túrli mekemelerde oqý merzimderi men oqýdyń qunyna baılanysty aıyrmashylyqtar bar ekendigine basa nazar aýdaryldy. Keńes tóraǵasy Sansyzbaı Esilovtyń usynysymen «Jumyspen qamtý jol kartasy-2020» baǵdarlamasynyń osy baǵyty boıynsha qarjyny ishki úlestirý mehanızmin keńes músheleri jeke qaraıtyn bolady.
Sondaı-aq, otyrys barysynda qalalyq Bilim basqarmasynyń basshysy Elmıra Sýhanberdıeva da baıandama jasady. Shetelge oqýǵa túsetin joǵary synyp oqýshylaryna eksternat formasynda oqýǵa ruqsat berý boıynsha memlekettik qyzmetterdi bilim mekemelerinen endi «Azamattarǵa arnalǵan úkimet» memlekettik korporatsııasy dep atalatyn HQKO-larǵa berý týraly qala ákimdigi jobalarynyń qaýlylary jáne t.b. biraýyzdan qoldaý tapty.
Otyrys barysynda elordalyq Sáýlet jáne qala qurylysy basqarmasynyń basshysy Vıtalıı Sıletskııdiń «QR aýmaǵynda jyljymaıtyn múlik obektisiniń meken jaıyn naqtylaý boıynsha anyqtama berý», «Sáýlet-josparlaý tapsyrmasyn berý» jáne «Tireý jáne qorshaý konstrýktsııalaryn, ınjenerlik júıeler men jabdyqtardy ózgertýge baılanysty emes qoldanystaǵy ǵımarattardyń úı-jaılaryn (jekelegen bólikterin) rekonstrýktsııalaýǵa (qaıta josparlaýǵa, qaıta jabdyqtaýǵa) ruqsat berý» memlekettik qyzmetteriniń reglamentterin bekitý týraly» qala ákimdiginiń qaýlysyna ózgerister engizý týraly baıandamasy tyńdaldy
«Tireý jáne qorshaý konstrýktsııalaryn, ınjenerlik júıeler men jabdyqtardy ózgertýge baılanysty emes qoldanystaǵy ǵımarattardyń úı-jaılaryn (jekelegen bólikterin) rekonstrýktsııalaýǵa (qaıta josparlaýǵa, qaıta jabdyqtaýǵa) ruqsat berý» reglamentin talqylaý barysynda kóptegen daýly máseleler týyndaǵandyqtan ony qoǵamdyq keńestiń kelesi otyrysynda qaraý týraly sheshim qabyldandy.

Elordada jyl saıynǵy Lomonosov oqýlary ótedi
15 sáýirde M.V. Lomonosov atyndaǵy Máskeý memlekettik ýnıversıtetiniń Qazaqstandaǵy fılıalynyń ǵımaratynda «Lomonosov - 2016» halyqaralyq konferentsııasynyń saltanatty ashylýy ótedi, dep habarlaıdy elorda ákimdiginiń baspasóz qyzmeti.
Stýdentter, magıstranttar jáne jas ǵalymdardyń «Lomonosov-2016» HІІ konferentsııasy Qazaqstan Respýblıkasy Táýelsizdiginiń 25 jyldyǵyna jáne Máskeý memlekettik ýnıversıtetiniń Qazaqstandaǵy fılıalynyń 15 jyldyǵyna oraılastyrylyp otyr.
Konferentsııa eýrazııalyq keńistikte halyqaralyq jáne ýnıversıtetter arasyndaǵy baılanysty nyǵaıtýǵa yqpal etetin ǵylym men mádenıet salasyndaǵy mańyzdy shara bolyp tabylady. Qazirgi kezde Qazaqstan, Reseı jáne Belarýs memleketterinen 400-den astam adam oqýlarǵa qatysýǵa ótinim bergen.
«Ǵylymı konferentsııanyń negizgi maqsaty - stýdentter, magıstranttar jáne jas ǵalymdardyń shyǵarmashylyq belsendiligin arttyrý, jańa zaman ǵylymynyń ózekti máselelerin sheshý joldaryn izdestirý isine jas ǵalymdardy jumyldyrý, Qazaqstan men Reseı stýdentteri arasyndaǵy ǵylymı baılanysty nyǵaıtý», - deıdi M.V. Lomonosov atyndaǵy Máskeý memlekettik ýnıversıtetiniń Qazaqstandaǵy fılıaly dırektorynyń orynbasary, professor Nursulý Sháımerdenova.
«Lomonosov-2016» konferentsııasyna Qazaqstan, Reseı jáne t.b. elderden kelgen 35 jasqa deıingi stýdentter men jas ǵalymdar qatysady. Avtorlar tirkelgen baıandamalaryn bes sektsııa boıynsha usynady: «Matematıkalyq modeldeý jáne aqparattyq tehnologııalar», «Qazirgi zamanǵy damý kezeńinde turaqty jáne tıimdi ekonomıka qalyptastyrý problemasy», «Qazirgi zamandaǵy til men ádebıet», «Aımaqtyq ekologııalyq problemalar», sonymen qatar «Eýrazııalyq keńistik: yqpaldastyqtyń qundylyqtary men dástúrleri».
«Lomonosov-2016» XII halyqaralyq konferentsııasynyń qorytyndysy kelesi kúni plenarlyq jınalys barysynda shyǵarylady. Úzdik baıandamashylar úshin I, II jáne III dárejeli dıplomdarmen marapattalady. Osy kúni halyqaralyq konferentsııanyń saltanatty jabylýy ótedi.

Astanada aýyl sharýashylyq taýar óndirýshilerdiń jármeńkeleri óte bastaıdy
Astanada 22 sáýirde aýyl sharýashylyq jármeńkeler maýsymy ashylady, alǵashqy sharalar «Dýman» oıyn-saýyq ortalyǵynyń aldyndaǵy alańda ótedi, dep habarlady qalalyq ákimdiktiń baspasóz qyzmetinen.
Elorda turǵyndary kún saıyn saǵat tańǵy 9:00-den keshki 18:00-ge deıin ónimderdi qalalyq bazarlardaǵy baǵalardan 10-15 paıyzǵa tómen baǵamen satyp ala alady.Jármeńkede negizgi azyq-túlik ónimderiniń túr-túri, atap aıtqanda Aqmola men Qaraǵandy oblystarynan ákelingen kókónis, jemis, et, sonymen qosa qyshqyl sút ónimderi, kondıterlik jáne makaron ónimderi satylady.Astana qalasynyń ákimdigi áleýmettik mańyzdy azyq-túlik ónimderi baǵasynyń qymbattaýyna jol bermeý jáne otandyq taýar óndirýshilerge qoldaý kórsetý maqsatynda jyl saıyn aýyl sharýashylyq jármeńkelerin ótkizedi. Aýyl sharýashylyq jármeńkeleri elordada kúzdiń sońyna deıin jalǵasady.

ıÝrıı Melnıchenko men Ermahan Ybraıymov oqýshylarǵa dene shynyqtyrýdan ashyq sabaq ótkizdi
Olımpıada chempıondary ıÝrıı Melnıchenko, Olga Shıshıgına men Ermahan Ybraıymov Astana mektepteriniń birinde oqýshylar men ustazdarǵa dene shynyqtyrý páninen ashyq sabaq ótkizdi.
Atalǵan shara 7 sáýir kúni toılanatyn Densaýlyq kúni qarsańynda uıymdastrylýy tegin emes. Oqýshylarǵa arnalǵan alǵashqy sabaq Astana qalasy №56 mektepte ótti. Aıta ketý kerek, osyndaı sabaqtar 7 sáýirde ǵana emes, oqý jyly aıaqtalǵansha ótkizilip turmaq. Osylaısha, 9 jáne 16 jas aralyǵyndaǵy oqýshylar Olımpıada chempıondarynyń sabaqtaryna qatysatyn bolady. Sabaqtyń basty ereksheligi - onda túrli fıtnes-tehnologııalar qoldanylady. Bul oqýshylardyń sportqa, salaýatty ómir saltyn ustanýǵa degen qyzyǵýshylyǵyn arttyrady, dep sanaıdy uıymdastyrýshylar.Elordada dańqty sportshylar 5 mektepte 25 sabaq ótkizbek. Bul týraly 1996 jylǵy Atlanta Olımpıadasynyń chempıony, «Astana» prezıdenttik sport klýbynyń menedjeri ıÝrıı Melnıchenko málim etti. «Eger bala jastaıynan sportqa berilse, dene shynyqtyrýmen shyndap kirisse jáne ol oǵan qýanysh syılasa, olar sporttyq pánderdiń kúndelikti ótýin ózderi-aq suraıtyn bolady. Sabaqtyń qyzyqty ótýi onyń ádisine, uıymdastyrylýyna qatty baılanysty. Biz tek oqytýshylar men balalarǵa biz biletin qyzyqty dene shynyqtyrý ádisterin kórsetkimiz keledi», - deıdi ıÝ. Melnıchenko. «Balalardyń deni qazir óte sylbyr. Osy sabaqtar arqyly biz balalardyń kóńilderin kóterip, sporttyq úıirmelerge qatysýǵa ıtermeleı alamyz dep oılaımyn», - deıdi QR Parlamenti Májilisiniń depýtaty, Sıdneı-2000 Olımpıadasynyń chempıony Olga Shıshıgına.Atalǵan jobanyń avtorlary osy tájirıbeni keıin respýblıkanyń barlyq aımaqtaryna taratýdy kózdep otyr.

Densaýlyq kúni Qazaqstanda tańerteńgilik gımnastıka ótedi
7 sáýirde, Halyqaralyq Densaýlyq kúni Qazaqstanda jappaı tańerteńgilik gımnastıka ótedi. Bul týraly búgin baspasóz máslıhatynda Astana qalasynyń Salaýatty ómir saltyn qalyptastyrý ortalyǵynyń atqarýshy dırektory Aqmaral Qurmanbaeva málim etti.
«Qazaqstanda 7 sáýir kúni jyl saıyn Halyqaralyq Densaýlyq saqtaý kúni atalyp ótiledi. Bıyl Salaýatty ómir saltyn qalyptastyrý ortalyǵynyń bastamasymen 7 sáýirde medıtsınalyq jáne medıtsınalyq emes uıymdardyń qatysýymen «Bes mınýttyq saýlyq» atty aktsııa ótedi. Bizdiń sharaǵa bankter, mektepter jáne ózge de jekemenshik uıymdar qoldaý tanytyp otyr. Menińshe, 7 sáýir kúni gımnastıka jasaýǵa ynta tanytqandar sany kóp bolady», - dep atap ótti ol.Uıymdastyrýshylar atalǵan aktsııa jappaı tańerteńgilik gımnastıka túrinde ótkizýdi josparlap otyr. Sharanyń basty urany - «Densaýlyq tańǵy jattyǵýdan bastalady!» Aıta ketken jón, Halyqaralyq Densaýlyq kúni merekesi álem boıynsha 1905 jyldan beri toılanyp keledi.

Astanada vokzal aýmaǵyndaǵy aqyly turaq pılottyq jobasy iske qosyldy
Búgin elordada vokzal aýmaǵyndaǵy alańda «Astana qalasynda turaq keńistigin basqarý» jobasy testilik rejimde jumys isteı bastady, dep habarlady qalalyq ákimdiktiń baspasóz qyzmetinen.
Vokzal aýmaǵynda kólik qozǵalysyn uıymdastyrýdy ózgertýdiń maqsaty - kez-kelgen kólik túrlerinen jolaýshylardy otyrǵyzýǵa jáne túsirýge qolaıly jaǵdaı jasaý, sondaı-aq, vokzal mańynda kólik júıesin jáne kólik aǵynyn tártipke keltirý. Mamandardyń aldyn ala baǵalaýy boıynsha, joba jolaýshylardy zańsyz tasymaldaý qyzmetin 70-80% azaıtýǵa, kólik quraldarynyń aınalymyn 30-40% ulǵaıtýǵa, vokzal mańy aýmaǵynda jol jelisine túsetin salmaqty 20-30% azaıtýǵa, sondaı-aq, turaq oryndarynyń júktemesin 40-50% tómendetýge yqpal etedi.Aıta keteıik, búgingi tańda atalǵan aýmaqta kólik quraldarynyń qozǵalysy men ýaqytyn esepke alatyn avtomattandyrylǵan júıe (beınetirkeý júıesimen), sondaı-aq, nomer belgilerin avtomatty túrde taný júıesi ornatylyp, iske qosyldy. Qazirgi kezde kólikti turaqta 2 kúnnen artyq ýaqytqa qaldyrýǵa bolmaıdy.Testilik rejımde qondyrǵynyń jumysyn tekserý jáne onyń kemshilikterin anyqtaý júzege asyrylady. Osy kezeńde vokzal mańy aýmaǵyna kirgen kólikterden tólem alynbaıdy. Vokzal mańyndaǵy turaqtyń kólik syıymdylyǵy - 251 birlikti quraıdy.Statıstıkalyq málimetterge súıensek, qazirgi kezde osy ýchaskede kún saıynǵy jolaýshylar aınalymy 7500 adamdy quraıdy. Táýligine poıyzdyń 30 quramy keledi. Sonymen qatar, qala mańyna 18 marshrýt qatynaıdy.

Búginnen «Smart Astana» tegin mobıldik qosymshasy astanalyqtar úshin qoljetimdi boldy
«Smart Astana» qosymshasy arqyly qalalyq avtobýstardyń qozǵalysyn onlaın rejımde baqylaý, Jol qozǵalysy erejeleri aıyppuldaryn tekserý, Intellektýaldyq baılanys ortalyǵyna ótinish bildirý jáne basqa da múmkindikter bar. Búginnen bastap baǵdarlama Apple Store jáne Play Market-te qoljetimdi bolyp otyr, dep habarlady qalalyq ákimdiktiń baspasóz qyzmetinen.
Qosymsha arqyly paıdalanýshylar naqty ýaqyt tártibinde qoǵamdyq kólik qozǵalysyn, halyqaralyq jáne ishki áýe reısteriniń ushý jáne ushyp kelý ýaqytyn baqylaıdy, sondaı-aq poıyz, elektrıchka jáne qalaaralyq avtobýstardyń kestesimen tanysady. Qalalyq avtokólik áýesqoılary Jol qozǵalysy erejeleri aıyppuldaryn teksere alady.«Astana 109» aıdary Astana qalasynyń Intellektýaldyq baılanys ortalyǵyna kommýnaldyq-turmystyq máseleler boıynsha ótinish bildirýge jáne Ákimdik kórsetetin memlekettik qyzmetter jóninde keńes alýǵa múmkindik beredi.«Smart tickets» aıdarynda 11 mádenıet nysanynda ótetin is-sharalarǵa bıletti onlaın satyp alýǵa bolady. Jaqynda sporttyq sharalarǵa da bılet satyp alý múmkindigi usynylmaq.Buǵan qosa, qosymsha mektepterdegi sabaqtardyń bolmaýy, tas joldardyń jabylýy men ashylýy jáne qaladaǵy qolaısyz aýa raıy týraly push-habarlamalardy lezde alý fýnktsııasymen yńǵaıly. Astanalyqtar úshin usynylatyn mańyzdy aqparat tizimi budan ári de tolyqtyryla túsedi.Sondaı-aq, qosymshany kommýnaldyq jáne basqa da tólemderdi onlaın túrde tóleý, óz ýchaskelik ınspektoryn nemese ýchaskelik dárigerin qaraý aqparattyq servısi, sondaı-aq qazaq-orys elektrondyq sózdigi sııaqty jańa qyzmet túrlerimen júıeli túrde tolyqtyryp otyrý josparlanǵan.

Astana men Almaty qalalarynan Sochıge tikeleı əýe reısi ashylady
Aldaǵy maýsym aıynan bastap, Astana jəne Almaty qalalarynan Reseıdiń Sochı qalasyna tikeleı əýe reısteri ashylady. Bul týraly búgin Astanada Sochı qalasynyń meri Anatolıı Pahomovtyń qatysýymen ótken baspasóz məslıhatynda «Alean» týr-agenttiginiń prezıdenti Ilıa Ýmanskıı məlim etti.
«Qazaqstan tarapynan jaǵajaı baǵytyna qyzyǵýshylyq kóp ekenin baıqadyq. Sondyqtan, Sochı qalasynyń meri Anatolıı aqyldasa otyryp, Reseı tutynatyn naryqtyń jartysyn Qazaqstannyń naryǵyna bólý kerek degen sheshimge keldik. Sochı kýrorty bireýdiń kóńiline jaqpaı qalady degen qorqynysh joq. Sebebi, Sochı kýrorty - Olımpıada oıyndarynan keıin, jalpy, sońǵy 5-6 jylda qatty ózgerdi»,-deıdi I.Ýmanskıı. Onyń aıtýynsha, Qazaqstannan keletin týrısterdiń sanyn arttyrý úshin tikeleı əýe reısin ashý məselesi týyndaǵan.«Qazaqstan men Reseıdiń ekonomıkalyq jaǵdaıynda qandaı ózgerister bolǵany belgili. Sondyqtan, Qazaqstannyń týrısteri úshin kórshiles elderdiń kýrorty qyzyǵýshylyq týdyra bastaıtyny anyq. Biz qazir «Scat əýe» kompanııasymen birge 10 maýsymnan bastap aptasyna bir ret Astana jəne Almaty qalasynan tikeleı əýe reısin ashpaqpyz. Astanadan apta saıyn reıs ushady. Bul reısterdi jyl boıy ushyrýǵa bar kúshimizdi salamyz»,-dedi I.Ýmanskıı.

Astanada avtomattandyrylǵan aqyly turaq paıda boldy
Búgin elorda vokzalynyń aýmaǵyndaǵy alańda «Astana qalasynda turaq keńistigin basqarý» jobasy testilik rejimde jumys isteı bastady, dep habarlaıdy qalanyń resmı saıty.
Vokzal aýmaǵynda kólik qozǵalysyn uıymdastyrýdy ózgertýdiń maqsaty - kez kelgen kólikten jolaýshylardy otyrǵyzýǵa jáne túsirýge qolaıly jaǵdaı jasaý, sondaı-aq, vokzal mańynda kólik aǵynyn tártipke keltirý.
Mamandardyń aldyn ala baǵalaýy boıynsha, joba jolaýshylardy zańsyz tasymaldaýdy 70-80%-ǵa azaıtýǵa, kólikterdiń aınalymyn 30-40%-ǵa ulǵaıtýǵa, vokzal mańy aýmaǵynda jolǵa túsetin salmaqty 20-30%-ǵa azaıtýǵa, sondaı-aq, turaq oryndarynyń júktemesin 40-50%-ǵa tómendetýge yqpal etedi.
Aıta keterligi, búgingi tańda atalǵan aýmaqta kólik quraldarynyń qozǵalysy men ýaqytyn esepke alatyn avtomattandyrylǵan júıe (beınetirkeý júıesimen), sondaı-aq, nómir belgilerin avtomatty túrde taný júıesi ornatylyp, iske qosyldy. Qazirgi kezde kólikti turaqta 2 kúnnen artyq ýaqytqa qaldyrýǵa bolmaıdy.
Testilik rejımde qondyrǵynyń jumysyn tekserý jáne onyń kemshilikterin anyqtaý júzege asyrylady. Osy kezeńde vokzal mańy aýmaǵyna kirgen kólikterden tólem alynbaıdy. Vokzal mańyndaǵy turaqtyń syıymdylyǵy - 251 kólik.
Statıstıkalyq málimetterge súıensek, qazirgi kezde osy ýchaskede kún saıynǵy jolaýshylar aınalymy - 7,5 myń adam. Táýligine poıyzdyń 30 quramy keledi. Sonymen qatar, qala mańyna 18 baǵdar qatynaıdy.

Astanada quny 25 mlrd teńgeden asatyn 5,5 myń nysan zańdastyryldy
Zańdastyrý jəne múlikti jarııa etý aktsııasy bastalǵannan beri Astana qalasy boıynsha quny 25 mlrd 940 mln teńge bolatyn 5 569 nysan zańdastyrylǵan. Bul týraly búgin Astana qalasy əkimdiginde osy məselege qatysty ótken baspasóz məslıhatynda Astana qalasy qarjy basqarmasynyń basshysy Rýslan Dosaev məlim etti.
«Astana turǵyndaryna yńǵaıly bolý úshin Astana qalasyndaǵy ərbir aýdannyń əkimdigi janynan jarııa etý jónindegi komıssııalar quryldy. Jarııa etý aktsııasynyń birinshi kúninen bastap qazirgi ýaqytqa deıin osy komıssııalarǵa zańdastyrý məselesi boıynsha on bes myńnan astam ótinish kelip túsken. Ótinishterge qatysty túsiniktemeler men keńes berildi», - dep məlim etti R.Dosaev.
Basqarma basshysynyń aıtýynsha, Astana qalasy boıynsha bes zańdy tulǵaǵa 458 mln teńge zańdastyrylǵan.
«2014 jyldyń 1 qyrkúıeginen bastap búgingi kúnge deıin Astana qalasy boıynsha jalpy quny 81 mlrd 534 mln teńge bolatyn jyljymaıtyn múlik 6 013 ótinishpen tirkeldi. Komıssııalar tirkelgen ótinishterdiń ishinen 2 544-in qarap, olar boıynsha 25 mlrd 940 mln teńgeniń 5 569 nysandy zańdastyrý týraly sheshim qabyldady. Osydan bólek, Astana qalasy boıynsha bes zańdy tulǵaǵa 458 mln teńge zańdastyryldy.
Sondaı-aq búgingi kúni Astana qalasynda zańdastyrý bastalǵannan beri 127 mlrd teńgeden astam qarajatty zańdastyrý jóninde 59 deklartsııa usynyldy. Sondaı-aq, 8 mln 110 myń teńge somanyń qundy qaǵaz zańdastyryldy», - dep məlim etti basqarma basshysy.

Bilim mınıstri oqýshylardyń mektep formasy qandaı bolý kerektigin aıtyp berdi
Astanada mektep oqýshylarynyń mektep formasyn tigetin otandyq óndirýshilerdiń kórme-forýmy ótýde. Onda QR Bilim jáne ǵylym mınıstri Erlan Saǵadıev oqýshylardyń mektepge kıetin formasy qandaı bolý kerektigin aıtyp berdi.
Mınıstrdiń aıtýynsha, ata-analar Qazaqstanda oqýshylar úshin biryńǵaı mektep formasynyń engizilýin quptap otyr.
«Biz buny qýana aıtamyz. Ata-analardyń sózi boıynsha, forma balalardyń syrt-kelbetin kóriktendiredi, tártipke salady, oqýǵa mán berýge yqpal etedi, balalardy teńestiredi. Oqýshylar forma olardyń tulǵalyq daralyqtaryn esh kemitpeıdi», - deıdi ol.
E.Saǵadıev, sonymen qatar, ár mektepte ózine tán formanyń bolǵanyn durys kóretindigin jáne ony qoldaıtyndyǵyn aıtty.
«Menińshe, ol durys, ár mektep daralanyp turǵany durys. Mektepti oqýshylardyń formasynan-aq tanýǵa bolsa, ol tipti jaqsy. Sebebi forma mektep brendine aınalýy tıis. Sondyqtan men ony qoldaımyn. Degenmen olar jalpyǵa birdeı iskerlik stıldiń normalaryna jaýap berýi kerek, bizdiń balalarymyzdy durys dress-kodqa úıretýi tıis», - dedi E. Saǵadıev.

«Astanaenergosbyt» qyzmetkerleriniń mindetine azamattardyń páterge tirkelýin tekserý kirmeıdi - Astana qalalyq ІІD
Elorda turǵyndary «Astanaenergosbyt» qyzmetkerleriniń turǵyn úıge tirkelýine qatysty suraqtaryna jaýap bermeýge quqyly.
Bul týraly búgin Astana qalalyq ishki ister departamenti Jergilikti polıtsııa qyzmetiniń bastyǵy Baqytjan Malybaev málim etti.
Aıta keterligi, baspasóz máslıhaty barysynda sońǵy ýaqytta «Astanaenergosbyt» qyzmetkerleriniń kommýnaldyq qyzmet derekterin teksere kele azamattardan turyp jatqan úıde tirkelgen-tirkelmegenin surap, sáıkesinshe qujat talap etetindigi jıi oryn alyp jatqandyǵy aıtyldy.
«Onyń esh qylmystyq sıpaty joq. Sondyqtan da múmkindik bolyp jatsa, qujattardy kórsetip, saýaldaryna jaýap bergen jón. Degenmen, azamattar jaýap berýge mindetti de emes», - dep túsindirdi B.Malybaev.
Sonymen qatar ol ýchaskelik polıtsııa qyzmetkerleri azamattardyń tirkelýin tekserý jumystaryn júrgizip jatqanyn jáne páterin zańsyz jalǵa beretinderdi jıi anyqtaıtyndyǵyn atap ótti.
«Jalpy, olar (Astanaenergosbyt) sáıkesinshe saýalmen júginetin bolsa, onda biz ózimiz-aq jaýap bere alamyz», - dep qosty ol.
Astanada azamattarǵa «jabysqan» taksı júrgizýshileri jazalandy
Astanada azamattarǵa «jabysqan» taksı júrgizýshileri jazalandy. Bul týraly búgin Astana qalalyq ІІD Jergilikti polıtsııa qyzmetiniń bastyǵy Baqytjan Malybaev málim etti.
«Memleket basshysynyń qoǵamdaǵy buzýshylyqtar men tártipsizdikterge «nóldik tózimdilik» qalyptastyrý jónindegi tapsyrmasyn júzege asyrýǵa baǵyttalǵan sharalardy atqarýǵa aıryqsha nazar aýdaryldy», - dedi ol.Onyń atap ótýinshe, bul máselede jergilikti polıtsııa barlyq múddeli memlekettik organdarmen yntymaqtasa jumys isteýde. «Máselen, memlekettik kirister departamentimen birlesip, vokzal mańy men áýejaıda taksı qyzmetin kórsetetin júrgizýshilerdiń azamattarǵa «jabysýyn» aldyn alý boıynsha sharalar júrgizildi. Ákimshilik kodekstiń 449 babyna sáıkes 1 194 tulǵa jaýapkershilikke tartyldy», - dedi B.Malybaev. Jergilikti polıtsııa qyzmeti bastyǵynyń aıtýynsha, ákimshilik sottyń qoldaýymen kóshpeli sot otyrysyn júrgizý qolǵa alynǵan. Búginde 9 sot otyrysy ótti.

Erteń Astanada aıtys ótedi
Erteń, 6 səýir kúni Qazaq Ulttyq óner ýnıversıteti Qazaqstan Respýblıkasy táýelsizdiginiń 25 jyldyǵyna jáne Alash qaıratkerleriniń biri Á.Bókeıhanovtyń 150 jyldyq mereıtoıyna oraı «Uly dalanyń ulanymyn» atty stýdentter aıtysyn ótkizgeli otyr.
Ýnıversıtettiń baspasóz qyzmeti habarlaǵandaı, aıtysqa oqý ornynyń «Dástúrli án» kafedrasyndaǵy aıtys ónerine mamandanyp júrgen stýdentter men Astana qalasy joǵary oqý oryndarynyń tańdaýly aıtyskerleri qatysady.
"Qazaq Ulttyq Óner ýnıversıtetiniń rektory, QR Eńbek Eri, Álem ártisi Aıman Musaqojaevanyń qoldaýymen 2014 jyly ashylǵan «Aıtys» mamandyǵynda qazirgi tańda 7 stýdent bilim alýda. Sol jeti jas talap aqyndar jyr dodasynda óz baqtaryn synap kórmek. Sonymen qatar, Ardakereı Káp, Dáýren Polatbaev, Nartaı Tileýqul syndy jas aıtyskerler qatysady dep kútilýde. Aıtystyń maqsaty - ot aýyzdy, oraq tildi aqyndardyń júrekjardy jyrymen táýelsizdiktiń qadirin uǵyndyrý jáne azattyq jolynda altyn bastaryn báıgege tikken Alash ardagerlerin eske alý, atamura ónerdi dáripteý",-dep habarlady oqý ornynyń baspasóz qyzmeti.
QazUÓÝ qabyrǵasynda tuńǵysh ret ótkizilgeli otyrǵan stýdent jastar aıtysyna kórnekti memleket jáne qoǵam qaıratkeri, ǵalym Myrzataı Joldasbekov, akademık, ǵalym Seıit Qasqabasov, aqyn, QR Eńbek sińirgen qaıratkeri Júrsin Erman, jyrshy, QazUÓÝ professory Almas Almatov bastaǵan Amanjol Áltaı, Serikzat Dúısenǵazy, Jibek Boltanova, Dáýletkereı Kápuly, Balǵynbek Imash, Aınur Tursynbaeva, Shyrynbek Qoılybaev, Qalqaman Sarın, Ásem Erejeqyzy, Erkebulan Qaınazarov, Iran-Ǵaıyp Kúzembaev, Sara Toqtamys, Jandarbek Bulǵaqov syndy elge tanymal aqyndar qonaq retinde keledi.
Úzdik ónerimen daralanǵan aqynǵa - Qazaq Ulttyq Óner ýnıversıtetiniń rektory, QR Eńbek Eri, Álem ártisi Aıman Musaqojaevanyń arnaıy júldesi tabystalady dep habarlanyp otyr.

Astanada otandyq óndirýshiler mektep oqýshylarynyń kıim úlgilerin usyndy
Astanada oqýshylardyń mektep formasyn tigetin otandyq óndirýshilerdiń kórme-forýmy ótýde. Atalmysh kórmede kórsetilgen mektep formalaryn kórý úshin QR Bilim jáne ǵylym mınıstri Erlan Saǵadıev arnaıy keldi.
Aıta keteıik, bıyl qańtar aıynda orta bilim berý uıymdary úshin oqýshylardyń mindetti formasy týraly buıryq shyqqan bolatyn. Bul buıryqqa «Atameken» UKP-nyń mektep formalaryn tek otandyq óndirýshilerden satyp alý jónindegi usynys ta qarastyrylǵan.
QR Investıtsııalar jáne damý mınıstrliginiń málimetteri boıynsha, mektep formasynyń jyldyq naryǵy 30 mlrd teńgege jetedi. Degenmen, «Atameken» palatasynyń aqparatyna saı, mektep formasy naryǵynda otandyq óndirýshilerdiń úlesi tek 7 paıyzdy qurap otyr. Osy maqsatta jeńil ónerkásipte qyzmet etip jatqan qosymsha 55 tigin fabrıkasy mektep formalaryna tapsyrys alýǵa daıyn.

Astana turǵyndaryna tıesili shet eldegi 10 nysan zańdastyryldy
Jyl basynan beri Astana turǵyndaryna tıesili sheteldegi 10 nysan zańdastyrylǵan. Bul týraly búgin Astana qalalyq əkimdiginde ótken baspasóz məslıhatynda qalalyq memlekettik kirister departamentiniń memlekettik qyzmetter basqarmasynyń basshysy Farzat Omarov məlim etti.
«Burynǵy zańǵa səıkes, 2015 jyly Astana qalasy boıynsha sheteldegi múlkikti zańdastyrýǵa qatysty bir de bir ótinish túsken joq. Al, «zańdastyrý protsedýralaryn jeńildetý týraly» jańa zań kúshine engen soń, jyl basynan beri astanalyqtardan 5 deklaratsııa qabyldanyp, shet eldegi 10 jyljymaıtyn múlik zańdastyryldy»,-dep habarlady F.Omarov.
Biraq, basqarma basshysy zańdy alǵa tarta otyryp, jyljymaıtyn múlikter qaı elde ornalasqanyn aıtýdan bas tartty.
Buǵan deıin habarlaǵanymyzdaı, 2014 jyldyń 1 qyrkúıeginen bastap búgingi kúnge deıin Astana qalasy boıynsha jalpy quny 81 mlrd 534 mln teńge bolatyn jyljymaıtyn múlik 6 013 ótinishpen tirkelse, arnaıy komıssııa tirkelgen ótinishterdiń ishinen 2 544 ótinishti qarap, olar boıynsha 25 mlrd 940 mln teńgeniń 5 569 nysandy zańdastyrý týraly sheshim qabyldaǵan. Osydan bólek, Astana qalasy boıynsha bes zańdy tulǵaǵa 458 mln teńge zańdastyryldy.
«Búgingi kúni Astana qalasynda zańdastyrý bastalǵannan beri 127 mlrd teńgeden astam qarajatty zańdastyrý jóninde 59 deklartsııa usynyldy. 8 mln 110 myń teńge somanyń qundy qaǵaz zańdastyryldy», - dep məlim etti basqarma basshysy.

Sochı Astanada ótetin EKSPO-2017 kórmesine týrıstik toptardy jiberetin boldy
Búgin Astanada baspasóz məslıhatyn ótkizgen Sochı qalasynyń meri Anatolıı Pahomov ýəde etkendeı, Sochı EKSPO-2017 kórmesin kórsetý úshin arnaıy týrıstik toptar jiberedi.
«Sochı - Olımpıada oıyndaryn ótkizgen qala. Budan bólek, əlem chempıonattary sııaqty aýqymdy sharalardy uıymdastyrýda da qalanyń mol təjirıbesi bar. Búgin Astana qalasynyń əkimimen kezdeskende, qala basshysy «EKSPO-2017» kórmesin uıymdastyrýda Sochı qandaı kómek kórsete alady?» degen suraq qoıdy. Men óz kezegimde Sochı qalasy EKSPO kórmesine qatysatyn jəne kórmeni kórip qaıtatyn týrıstik toptar uıymdastyrýǵa qoldan kelgen kómegimdi aıamaımyn dep jaýap berdim. Bizdiń federaldi týr-agenttik bul məselege búginnen bastap-aq kirisedi»,-deıdi Sochı meri.
A.Pahomov atap ótkendeı, Sochı qalasynyń əkimdigi eriktiler qozǵalysyn qurýǵa, sondaı-aq logıstıka men ózge de uıymdastyrý sharalaryn ótkizýge qatysty təjirıbesin kórsetýge daıyn.
Esterińizge sala keteıik, Astanadaǵy halyqaralyq mamandandyrylǵan kórme 2017 jyly 10 maýsymda bastalyp, 10 qyrkúıekke deıin jalǵasady.

Olımpıada chempıondary elordalyq oqýshylarǵa dene tárbıesi sabaǵyn ótkizdi
7 sáýirde atalyp ótiletin Dúnıejúzilik densaýlyq saqtaý kúni aıasynda №56 mektepte ádetten tys dene tárbıesi sabaǵy ótti. Ártúrli jastaǵy oqýshylar elimizdiń tanymal sportshylarynyń jáne kásipqoı fıtnes nusqaýshylardyń jetekshiligimen jattyǵýlar oryndady.
«Fızkýlt-Ýra!» jobasynyń basty mindeti - jasóspirimderdiń salaýatty ómir salty men sportqa degen qyzyǵýshylyǵyn oıatý. Jyl boıy sport juldyzdary elordalyq mektepterde 25 sabaq ótkizedi. Búgin dene tárbıesi sabaǵynda olımpıada chempıondary ıÝrıı Melnıchenko men Ermahan Ybraıymov muǵalim boldy, dep jazady elordanyń resmı saıty.
«Bul - tolyǵymen áleýmettik joba, balalarǵa, óskeleń urpaqqa dene tárbıesiniń ár balanyń ómirinde mańyzdy ekendigin kórsetpekpiz. Mektepterde oqytylatyn sabaqtardy udaıy jetildirilip otyrýy kerek. Eger mektepten shyqqanda saý bolsa, kámelettik jasqa tolǵanda óz joldaryn ózderi tańdaıtyn bolady - bireýi óner, bireýi mádenıet jolyna tússe, basqalary kásiptik sporttyq daǵdylaryn damytatyn bolady», - dedi olımpıada chempıony ıÝrıı Melnıchenko.
Sabaqta sportshylarǵa qaladaǵy úzdik fıtnes-nusqaýshylar da kómektesti. Olardyń pikirinshe, sabaqty qyzyqty ári tıimdi ótkizý úshin asa qymbat qondyrǵylar, zaldardy arnaıy jaryqtandyrýdyń qajeti joq, oıyn tehnologııalary men elementterin qoldansa da jetkilikti.
Sabaqtan keıin oqýshylarǵa tanymal sportshylardyń qoly qoıylǵan kúntizbeler taratyldy.
Sharany uıymdastyrýshy - «Astana» prezıdenttik kásiptik sport klýby, Salaýatty ómir saltyn qalyptastyrý ortalyǵy jáne elorda ákimdigi - atalǵan jobaǵa elimizdiń ózge de óńirleri qoldaý kórsetedi dep úmittenedi.
Aıta keteıik, Qazaqstanda Dúnıejúzilik densaýlyq saqtaý kúnine oraı jyl saıyn fleshmobtar, júgirý men túrli aktsııalar uıymdastyrylady. Bıyl 7 sáýirde barlyq qalalyq emhana men aýrýhanalarda bir ýaqytta jattyǵý jasalady.

Astanada 6 sáýirde QHA tóraǵasynyń orynbasary Oleg Dymovpen qoshtasý ótedi
6 sáýirde Astanada Qazaqstan halqy Assambleıasy tóraǵasynyń orynbasary bolyp qyzmet atqarǵan Oleg Grıgorevıch Dymovpen qaraly qoshtasý mıtıngisi ótedi.
2016 jylǵy 3 sáýirde aýyr naýqastan keıin 70-ke qaraǵan shaǵynda Qazaqstan halqy Assambleıasy tóraǵasynyń orynbasary, «Bolgar mádenı ortalyǵy» qoǵamdyq birlestiginiń tóraǵasy, QR eńbek sińirgen qaıratkeri Oleg Dymov dúnıeden ótti.
QHA baspasóz qyzmeti habarlaǵandaı, qaraly mıtıngi tańerteńgi saǵat 09.30-da M.Gorkıı atyndaǵy memlekettik akademııalyq orys drama teatrynda (Astana q., Jeltoqsan kóshesi, 11) ótedi.
Oleg Grıgorevıch Dymov 1946 jylǵy 4 jeltoqsanda Pavlodar oblysy Krasnokýt aýdany Krasnokýtsk aýylynda dúnıege keldi.
SOKP OK janyndaǵy Máskeý joǵary partııa mektebin «Saıasattaný», ál-Farabı atyndaǵy Qazaq ulttyq ýnıversıtetin «Quqyqtaný» mamandyǵy boıynsha bitirdi.
Qazaqstan halqy Assambleıasy tóraǵasynyń orynbasary, «Qazaqstannyń bolgar mádenı ortalyǵy» qoǵamdyq birlestiginiń tóraǵasy, Qazaqstan halqy Assambleıasy keńesiniń múshesi, Qazaqstan Respýblıkvasynyń eńbek sińirgen qaıratkeri boldy.
Memlekettik qyzmette 44 jyl, sonyń ishinde 14 jyl Qazaqstan halqy Assambleıasy hatshylyǵynda eńbek etti.
Sh jáne ІV saılanǵan Qazaqstan Respýblıkasy Parlamenti Májilisiniń depýtaty boldy.
Oleg Grıgorevıch «Qazaqstan jeriniń jylýy», «Biz, Qazaqstan halqy» kitaptarynyń, «Meniń júregimniń pernesi», «Meniń jan dúnıemniń áýeni» óleńder jınaqtarynyń avtory, «Qazaqstan halqy Assambleıasy», «Qazaqstanǵa qonys aýdarylǵan halyqtar», «Qazaqstan halyqtary» kitaptary avtorlarynyń biri.
2005 jyly Sofııa qalasynda (Bolgarııa) N.Á.Nazarbaevtyń bolgar tiline aýdarylǵan «Syndarly on jyl» kitabynyń tanystyrylymyn ótkizdi. 2007 jyly Bolgarııada Oleg Grıgorevıchtiń «Biz, Qazaqstan halqy» kitaby bolgar tilinde jaryq kórdi.
Oleg Grıgorevıch «Eren eńbegi úshin» memlekettik marapatymen, 6 medalmen marapattalǵan, eki ret Memleket basshysynyń alǵyshatyna ıe boldy.

Astanadaǵy Ýálıhanov kóshesi jóndeý jumystaryna baılanysty jabylady
Elordada Sh.Ýálıhanov kóshesiniń Abaı dańǵylynan Bógenbaı batyr dańǵylyna deıingi bóliginde nóser káriz júıeleri jartylaı aýystyrylyp, ortasha (aǵymdyq) jóndeý jumystary júrgiziledi, dep habarlaıdy qalanyń resmı saıty.
Osyǵan baılanysty 6-15 sáýir aralyǵynda kósheniń atalǵan bóliginde qozǵalys ýaqytsha toqtatylady, al 16 sáýirden 1 mamyrǵa deıin tolyǵymen jabylady.
«Jol jóndeý jumystary júrgizilgen kezeńde júrgizýshilerden qozǵalys baǵdarlaryn aldyn ala josparlaýdy suraımyz», delingen habarlamada.

2016 jyly Astanada apatty jaǵdaıdaǵy jáne eski 112 úı buzylady
2016 jyldyń sońyna deıin «Qoljetimdi baspana-2020» baǵdarlamasynyń ilki jobasy aıasynda apatty jaǵdaıda turǵan jəne eski 112 úı buzylady dep josparlanýda. Bul týraly búgin Astana turǵyn úı ınspektsııasy basqarmasynyń jetekshisi Əlıhan Qýatbekov.
Basqarma basshysynyń aıtýynsha, 2017 jylǵa deıin 157 apatty úıde turǵan 2 483 otbasy jańa úıge qonystanýy kerek.
«Іlki jobaǵa saı, Astananyń jergilikti atqarýshy organy turǵyn úı qoryna taldaý júrgizip, 2017 jyldyń sońyna deıin apatty jaǵdaıda turǵan kóp pəterli 228 úı anyqtaldy. Osy kúnge deıin 1 000 pəterdi quraıtyn 70 úıdi buzdyq»,-deıdi Ə.Qýatbekov.
Іlki jobanyń bir jaqsysy - úıler «qaıtarym prıntsıpi» boıynsha salynyp jatyr. ıaǵnı, Astanadaǵy jańa úılerdiń jartysy buzylǵan úılerdiń turǵyndarna berilse, jartysy kommertsııalyq negizde satylady. Sol satylǵan úılerdiń qarajaty baǵdarlamanyń odan əri júzege asyrylýyna jumsalady.
«Úılerdiń qaı aýdanda ornalasatynyn elordanyń turǵyn úı basqarmasy sheshedi. Aldyn ala məlimet boıynsha, Jaǵalaý turǵyn úı kesheninde, Qobylandy jəne M.Jumabaev kóshelerinde ornalasady. Jańa pəterler buzylǵan úılerdegi pəterdiń kólemine qaraı bólinedi. Biraq, jańa pəter kólemi eski úıden əldeqaıda úlken bolady. Jańa úılerdi jekeshelendirýge bolady»,-dedi Ə.Qýatbekov.

Astanada sý tasqyny kezinde 309 qutqarýshydan turatyn top jasaqtaldy
Sý tasqyny maýsymy bastalysymen qala turǵyndarynan erigen qar sýyn sorǵyzyp alý boıynsha barlyǵy 1 myńnan astam ótinish kelip túsken. Osylar boıynsha 129 630 tekshe metr qyzyl sý tartylyp alynǵan. Sonymen qatar 3,2 mln tekshe metr qar shyǵaryldy. Qazirgi kezde elordada sý tasqyny jaǵdaıy qalypty, dep habarlaıdy qalanyń resmı saıty.
Astanada sý tasqyny jaǵdaıyna daıyndyq erte bastaldy. Qala aýmaǵynda kóktemgi tasqyn sýlardy ótkizýge daıyndyq boıynsha keshendi is-sharalar jospary ázirlendi. Sý tasqyny jaǵdaıynyń aldyn-alýǵa baǵyttalǵan negizgi is-sharalardyń biri - qala aýmaǵyndaǵy qardy tazalaý. Osyǵan baılanysty eki aýysymmen túngi ýaqytta qar tazalaý jumystary uıymdastyryldy. Segiz evakýatsııalyq pýnkt daıyndalyp, 30 shaqyrym sý ótkizgish jáne 326 shaqyrym aryq pen nóser-káriz jelileri tazartyldy.
Qala aýmaǵynda adam kóp shoǵyrlanatyn 266 nysan boıynsha qar tazalaý jumystary ýaqytyly aıaqtaldy.
Sýdy sorǵyzyp alý men qardy tazalaýdan basqa 309 adamnan jáne tótenshe jaǵdaıdy joıýǵa arnalǵan kúshterden turatyn top jasaqtaldy. Sonymen qatar, sý tasqyny jaǵdaıynda halyqty jedel qulaqtandyrý úshin qalalyq qulaqtandyrý júıesi daıyndaldy.
Astanada Táýelsizdiktiń 25 jyldyǵyn merekeleýdiń logotıpi bekitildi
Búgin Memlekettik hatshy Gúlshara Ábdiqalyqovanyń tóraǵalyǵymen ótken Qazaqstan Táýelsizdiginiń 25 jyldyǵyn ótkizýge arnalǵan memlekettik komıssııanyń otyrysynda Táýelsizdiktiń 25 jyldyǵyn merekeleýdiń logotıpi bekitildi.
«QR Mádenıet jáne sport mınıstrligi usynǵan Táýelsizdiktiń 25 jyldyǵyn merekeleýdiń logotıpi sarapshylyq deńgeıde qaraldy. Eger qarsy bolmasańyzdar, atalmysh logotıpti bekitýdi suraımyn», - dedi G.Ábdiqalyqova.
«Eldi mekenderde tıisti bezendirý merzimderin keshiktirmeý úshin QR Mádenıet jáne sport mınıstrligine 25 sáýirden qaldyrmaı, merekeniń vızýaldy súıemeldeýine qatysty eskızdardy usynýdy tapsyramyn. QR Syrtqy ister mınıstrligin QR Táýelsizdiginiń 25 jyldyǵyna oraı, dıplomatııalyq korpýsty tarta otyryp, shetelde tıisti aqparattyq-ımıdjdik jumystardy atqarýǵa atsalysýyn suraımyn», - dedi QR Memlekettik hatshysy.
G.Ábdiqalyqovanyń aıtýynsha, elimizdiń mereıtoıy memlekettiliktiń qundylyqtaryn nyǵaıtýǵa, patrıottyq sezimderdiń qalyptasýyna, jasampazdyqqa jáne jetistikterge yntalandyrýǵa jeteleıtindeı sapaly sharalarmen atalyp ótýi tıis.
Astana qalalyq TJD Syǵanaq kóshesin sý basý saldaryn joıdy, qazir nysandardy sý basý qaýpi joq
Búgin saǵat 10:45 Astana qalasynyń TJ departamentine Syǵanaq kóshesin sý basqany jaıly habar kelip tústi.
«Oqıǵa ornyna jetken soń AstanaVipProject qurylys kompanııasy qazý jumystaryn júrgizýi jáne Kishi Taldykól jaǵasynyń shaıylyp ketýi saldarynan kabel kómiletin aryqtarymen jolǵa jaıylǵan sý Syǵanaq kóshesine qaraı aqqan.
Bastapqyda sý shamamen 300 metr jerdi basty, sý deńgeıi 20 sm-ge jetken. Qalanyń jedel jáne kommýnaldyq qyzmetteri shuǵyl túrde áreket etti»¸ - dep habarlady QR ІІM TJK resmı ókili Rýslan Imanqulov.
Oqıǵanyń saldaryn joıý úshin «Astana Tazalyq», «Stroıınvest» qurylys kompanııasynyń jáne qalalyq TJD-nyń 21 tehnıkasy jumyldyryldy.
Qazir sýdyń barlyǵy sorǵyzylyp alyndy. Kólik qozǵalysy qalypqa keltirildi. Turǵyn úıler men áleýmettik nysandardy sý basý qaýpi joq.

Astanada «Uly dalanyń ulanymyn» atty stýdentter aıtysy ótedi
Búgin Qazaq ulttyq óner ýnıversıteti Qazaqstan Respýblıkasy táýelsizdiginiń 25 jyldyǵyna jáne Alash qaıratkerleriniń biri Á.Bókeıhanovtyń 150 jyldyq mereıtoıyna oraı «Uly dalanyń ulanymyn» atty stýdentter aıtysyn ótkizedi.
Aıtysqa oqý ornynyń «Dástúrli án» kafedrasy «Aıtys» mamandyǵynyń stýdentteri jáne Astana qalasy joǵary oqý oryndarynyń tańdaýly aıtyskerleri qatysady.
Qazaq ulttyq óner ýnıversıtetiniń rektory, Álem ártisi Aıman Musaqojaevanyń qoldaýymen 2014 jyly ashylǵan «Aıtys» mamandyǵynda qazirgi tańda 7 stýdent bilim alýda. Atap aıtqanda 2 kýrs stýdentteri: Arýna Kerimbek, Bek Shymat, Dáýren Ysqaq, Syrym Ádilbek; 1-kýrs stýdentteri: Raı Dóńbaı, Tórehan Sovet, Sulýjan Taýbaldy syndy jas talap aqyndar jyr dodasynda óz baqtaryn synap kórmek. Sonymen qatar L.N. Gýmılev atyndaǵy Eýrazııa ulttyq ýnıversıtetiniń magıstranttary - Raýan Haıdarov, Nurqanat Qaırat; 2015 jylǵy respýblıkalyq jastar aıtysynyń jeńimpazdary: Eýrazııa gýmanıtarlyq ınstıtýtynyń stýdenti Tańjaryq Erjan, Qazaq gýmanıtarlyq zań ýnıversıtetiniń túlegi Danııar Aldabergen; sondaı-aq Ardakereı Káp, Dáýren Polatbaev, Nartaı Tileýqul syndy jas aıtyskerler qatysady dep kútilýde.
Aıtystyń maqsaty - ot aýyzdy, oraq tildi aqyndardyń júrekjardy jyrymen táýelsizdiktiń qadirin uǵyndyrý jáne azattyq jolynda altyn bastaryn báıgege tikken Alash ardagerlerin eske alý, atamura ónerdi dáripteý bolyp tabylady.
QazUÓÝ qabyrǵasynda tuńǵysh ret ótkizilgeli otyrǵan aıtysqa kórnekti memleket jáne qoǵam qaıratkeri, ǵalym Myrzataı Joldasbekov, akademık, ǵalym Seıit Qasqabasov, aqyn, QR Eńbek sińirgen qaıratkeri Júrsin Erman, jyrshy, QazUÓÝ professory Almas Almatov bastaǵan Amanjol Áltaı, Serikzat Dúısenǵazy, Jibek Boltanova, Dáýletkereı Kápuly, Balǵynbek Imash, Aınur Tursynbaeva, Shyrynbek Qoılybaev, Qalqaman Sarın, Ásem Erejeqyzy, Erkebulan Qaınazarov, Iran-Ǵaıyp Kúzembaev, Sara Toqtamys Jandarbek Bulǵaqov syndy elge tanymal aqyndar qonaq retinde kelmekshi.
Aıtysty uıymdastyrýshy Qazaq ulttyq óner ýnıversıteti Dástúrli mýzykalyq óner fakýltetiniń «Dástúrli án» kafedrasy. Qorqyt Ata atyndaǵy ǵylymı-zertteý ınstıtýty men Aıtys aqyndary men jyrshy, termeshilerdiń halyqaralyq odaǵy qoldaý da bildirip, óz júldelerin taǵaıyndap otyr.
Úzdik ónerimen daralanǵan aqynǵa - Qazaq ulttyq óner ýnıversıtetiniń rektorynyń arnaıy júldesi tabystalady. Munymen qosa, qatysqan aqyndarǵa aıtys ardagerleri atyndaǵy arnaıy júldeler taǵaıyndalyp otyr.
Astanada sheber frantsýz pıanınoshysy Selımen Dode kontsert ótkizedi
Sheber frantsýz pıanınoshysy Selımen Dode «Astana Opera» teatrynyń kameralyq zalynda «Frantsııadan súıispenshilikpen» atty kontsert qoıady. Shara Qazaqstandaǵy Frantsııa elshiliginiń qoldaýymen ótedi, dep habarlaıdy teatrdyń baspasóz qyzmeti.
Baǵdarlamanyń birinshi bólimin F. Lıst pen F. Shopenniń shyǵarmalary kórkemdese, ekinshi bólimde G. Fore men S. Franktyń tanymal shyǵarmalary oryndalady. Frantsýz mýzyka synshylary Foreniń bekzattyq sazdy stılin, mýzykasynyń mánerligi men tazalyǵyn joǵary baǵalaıdy.
«Shetel mýzykanttarynyń óner kórsetýi, tanymal klassıka shyǵarmalaryn jańasha oryndaý stılin usynady. Frantsııa pıanınoshysy Selımen Dodeniń qalaı oınaıtynyn, onyń oryndaýyndaǵy F. Shopen, F. Lıst, sonymen qatar onyń otandastary - Sezar Frank pen Gabrıel Foreniń shyǵarmalaryn tyńdaǵan óte qyzyq. Pıanınoshy baǵdarlamasynda G. Foreniń sı-mınorly Noktıýrnin usynady. Bul tamasha kompozıtordyń mýzykasy búgin de óziniń tartymdylyǵyn joǵaltpaǵan. Astanalyq mýzyka súıer qaýym Selımen Dodeniń oryndaýyndaǵy otandastarynyń mýzykasyn raqattana tyńdaıtynyna senimdimin», - deıdi mýzykatanýshy, ári kesh júrgizýshisi Marjan Jákenova.
Selımen Dode - Jan Franse atyndaǵy baıqaýdyń, Val-d'Izerdegi halyqaralyq konkýrstyń, Pro Musicis Halyqaralyq syılyǵynyń laýreaty.
Arion stýdııasynda Bahtyń «Fýganyń óneri» dıskilerin jazdy (2013). Skrıpkashy Amanda Favemen birge jasaǵan «Maıdangerdiń jol dorbasynda» jobasy (2013), Birinshi dúnıejúzilik soǵys Júzjyldyǵynyń mıssııasy taǵaıyndaǵan «Júzjyldyq» belgisin ıelendi.
Pıanınoshy horeograftar - ıÝval Pık pen Ioann Býrjýa, aktrısa Marı-Krıstın Barromen birigip, ózindik erekshe shyǵarmalar jobasyn jasaýmen aınalysýda. Ol Dromdaǵy Lıýsen Dıýrozýar atyndaǵy kameralyq mýzyka festıvaliniń kórkemdik dırektory qyzmetin atqarady.

Astanada ótetin «Kazakhstan open 2016» týrnırine 100-den astam bıshi qatysady
8 sáýirde Táýelsizdik saraıynda Halyqaralyq paralımpıadalyq komıtettiń qamqorlyǵymen arbamen bıleýdiń «Kazakhstan open 2016» úshinshi halyqaralyq týrnıri bastalady.
Elordanyń resmı saıtynyń habarlaýynsha, alty memleketten kelgen qatysýshylar klassıkalyq eýropalyq, qyzba latynamerıkalyq baǵdarlamalar, sondaı-aq, «frıstaıl» dıstsıplınasynda jarysqa túsedi.
Bıshiler saıysy 8-9 sáýir kúnderi ótedi. Bı alańynda Avstrııa, Grýzııa, Taıvan, Reseı, Qyrǵyzstan, Gonkong jáne elimizdiń segiz óńirinen jınalǵan bıshiler baǵyn synaıdy. 28 qatysýshy elorda namysyn qorǵaıtyn bolady.
QR Qazirgi zamanǵy jáne sporttyq bı federatsııasynyń prezıdenti Álııa Túsipbekovanyń sózine qaraǵanda, arbamen sporttyq bı bıleý óneri keńinen tarap keledi, al osy sııaqty sharalar buǵan óz septigin tıgizedi.
«Úshinshi jyl qatarynan elimizdiń túkpir-túkpirinen kelgen arbamen bıleıtin bıshiler elordada bas qosyp otyr. Bıyl debıýtanttar ishinde Aqtóbe, Rýdnyı jáne t.b. qalalardan kelgen juptar bar. Festıval baǵdarlamasy da keńeıtilgenin aıtyp ótkenimiz jón. Ótken jyldan beri frıstaıl dıstsıplınasy qosyldy, onda reıtıng, upaı jınaýǵa bolady. Týrnırde bıylǵy Azııa chempıonatyna joldamalar sarapqa salynady», - dedi Álııa Túsipbekova.
Aıta keteıik, demalys kúnderi Táýelsizdik saraıynda segiz jastan asqan balalar arasynda sporttyq bıden ashyq el birinshiligi ótedi. Qazaqstannyń 10 óńirinen 1500 astam qatysýshy keledi dep kútilýde. Chempıonat aıasynda eresekter arasyndaǵy birneshe týr ótkiziledi.
Al jeksenbi kúni, 10 sáýirde bıden Azııa olımpıadasy bastalady, oǵan 8 memleketten jáne elimizdiń óńirlerinen 3 myńnan astam bıshi qatysady.

«Astana» FK jattyqtyrýshysyna 350 myń teńge aıyppul salyndy
6 sáýirde ótken Baqylaý-tártiptik komıtettiń otyrysynda mynadaı sheshimder shyǵaryldy, dep habarlady Sports.kz.
Premer-Lıga
III týr
«Astana» - «Aqtóbe» - «Astana» fýtbol klýbynyń jattyqtyrýshysy Arkadıı Bakýlınge mynadaı sanktsııalar qoldanylsyn;
1) tóreshilerdiń ruqsatynsyz tehnıkalyq aımaq syrtyna shyqqany úshin - 150 000 (júz elý myń) teńge mólsherinde;
2) match barysyna aralasqany úshin - 200 000 (eki júz myń) teńge mólsherinde aıyppul salynsyn.
-«Astana» fýtbol klýby bas jattyqtyrýshysynyń assıstenti Grıgorıı Babaıanǵa tehnıkalyq aımaqtan nusqaý berýge qatysty oıyn erejesin buzǵany úshin «eskertý» túrinde sanktsııa qoldanylsyn.
«Ordabasy» - «Ordabasy» fýtbol klýbynyń bas jattyqtyrýshysy B.Baıseıitovke BTK-niń 2016 jylǵy 30 naýryzdaǵy sheshimimen salynǵan «eki matchqa oıynnan shekteý» túrindegi sanktsııany júzege asyrýdyń mynadaı tártibi belgilensin: bir match - naqty biliktiliginen aıyrý, bir match úshin shartty jaza retinde alty aı merzimge synaq merzimi taǵaıyndalsyn. B.Baıseıitovti biliktilikten aıyrý merzimi 2016 jylǵy 21 naýryzdan bastalsyn.
«Taraz» -«Taraz» fýtbol klýbynyń biliktiliginen aıyrylǵan oıynshysy Oleg Nedashkovskııge shartty jaza qoldanýdan bas tartylsyn.
Ekinshi Lıga
«Astana» -«Astana» fýtbol klýbynyń biliktiliginen aıyrylǵan oıynshysy Ábilqaıyr Ysmaıylovqa shartty jaza qoldanýdan bas tartylsyn.
Astanada «#QazaqstanJaqsylyqJasaıdy» qaıyrymdylyq jobasynyń tusaýkeseri ótedi
7 sáýir, Dúnıejúzilik densaýlyq kúni Astana qalasynda «Qasıetti Jol» qoǵamdyq qaıyrymdylyq qorynyń respýblıkalyq aýqymdaǵy «#QazaqstanJaqsylyqJasaıdy» jobasy bastalady, dep habarlady qordyń baspasóz qyzmeti.
Bul kúni №2 Qalalyq balalar aýrýhanasynda joba aıasyndaǵy alǵashqy aktsııanyń tusaýkeseri ótedi. Ataqty dızaınerler men sýretshiler balalarmen birge aýrýhanynyń qabyrǵalaryn kórkem sýrettermen bezendiredi.
«Atalǵan joba arqyly árbir qazaqstandyqtyń aınalysatyn isi men kásibine qaramastan ómirimizdi kórkeıtip, izgilik pen meıirimge bóleı alatyndyqtaryn dáleldegimiz keledi. Olar ártúrli salalardaǵy eriktiler: sýretshiler, qurylysshylar, dárigerler nemese muǵalimder. Al bizdiń Qordyń qyzmeti sal aýrýyna shaldyqqan balalarǵa kómek kórsetýge arnalǵan jobalarmen baılanysty bolǵandyqtan, «#QazaqstanJaqsylyqJasaıdy» jobasy aıasynda Qazaqstan boıynsha 14 ońaltý ortalyǵyn ashýdy josparlap otyrmyz», - dep oı bólisti qordyń dırektory Gúlmıra Ábildına.
Búgingi tańda Qazaqstanda 13 433 bala sal aýrýyna shaldyqqan bolsa, olardyń tek 2 621 (20%) 2015 jyly ońaltýdan ótken. Memlekettik medıtsınalyq mekemelerde ońaltý-saýyqtyrý oryndarynyń tapshylyǵyna oraı 10 myńnan asa bala óz dertterine moıynusynýǵa májbúr.
«Bizdiń muryndyq bolýymyzben ashylǵan Astanadaǵydaı ońaltý ortalyqtary elimizdiń túkpir-túkpirinde jumys jasap otyrsa, bul balalarǵa kómektesýge bolar edi. Osy oraıda Qordyń arnaıy ázirlengen ádisnamasy bar jáne onymen bólisýge daıarmyz. Atalǵan balalardyń taǵdyryna beı-jaı qaramaıtyn barlyq qazaqstandyqtardy, atap aıtsaq atqarýshy bılik organdaryn, bıznes-qurylymdar men mamandardy ıgi bastamaǵa qoldaý kórsetip, atsalysýǵa shyqaramyz. «Jumyla kótergen júk jeńil» degen emes pe?! Endeshe, judyryqtaı jumylsaq, balalarymyzǵa jarqyn bolashaq, baqytty balalyq syılaı alamyz», - dedi qor dırektory Gúlmıra Ábildına.
7 sáýir «#QazaqstanJaqsylyqJasaıdy» jobasyna «Nur Otan» partııasy, Astana qalasynyń densaýlyq saqtaý basqarmasy, «Samuryq-Qazyna» Ulttyq ál-aýqat qorynyń ókilderi, Qazaq ulttyq óner ýnıversıteti, Black&White Group kompanııasy jáne Janna Ahmetova men Kamıla Shoqanova sııaqty tanymal blogerler qoldaý kórsetýge keledi."Qasıetti Jol» qoǵamdyq qaıyrymdylyq qory 2009 jyly balalarǵa qaıyrymdylyq kómek kórsetý, sondaı-aq olardyń Qazaqstanda sapaly jáne qoljetimdi em qabyldaýlary úshin jaǵdaı týǵyzý maqsatynda qurylǵan bolatyn. Qor «Ult bolashaǵy - deni saý balalar» jobasy sheńberinde 9 balalar úıin úzdik ońaltý jabdyqtarymen qamtamasyz etip, 2014 jyly Astana qalasynda Qazaqstannyń áleýmettik jaǵdaıy tómen otbasylarynan shyqqan jáne balalar úıiniń neıroortopedııalyq patologııalary bar balalary úshin kóp salaly ońaltý ortalyǵyn ashty.


BAÁ mıllıarderi Astana ekonomıkalyq forýmyna qatysýǵa nıetti
ÁBÝ-DABI. QazAqparat - Ábý-Dabıde BAÁ-degi QR Tótenshe jáne Ókiletti Elshisi Qaırat Lama Sharıf BAÁ iskerlik ortasynyń baı ári yqpaldy ókilderiniń biri Hýseın an-Nýveıspen kezdesti.
Ámirlik mıllıarderi osy jyly 25-26 mamyrda ótetin Astana ekonomıkalyq forýmyna qatysýǵa shaqyrtýdy alǵyspen qabyl aldy.
Ámirlik bıznesmenimen baılanysy bar kompanııalar energetıka (Ulttyq munaı qurylys kompanııasynyń (NPCC) prezıdenti), ónerkásip («Senaat» ónerkásiptik holdıngtiń basqarma tóraǵasy), ınvestıtsııa («Maha Capitals», «Al Nowais Investment» jáne «The Abraaj Group» kompanııalarynyń quryltaıshysy), qonaqúı bıznesi («Rotana» oteleler jelisiniń dırektory) jáne basqa da sektorlarda qyzmet kórsetedi. Onyń kompanııasyna tıesili aktıvterdiń jalpy quny, keı derekter boıynsha, 6,8 mlrd. AQSh dollarynan asady.
Qazirgi mıllıarder iske asyryp jatqan barynsha iri ınvestıtsııalyq joba Mysyrdyń memlekettik elektorenergetıkalyq holdıngtik kompanııasymen (Egyptian Electricity Holding Company (EEHC)) birlesip, Sınaı túbeginde qýaty 2460 MVt «Ýıýn ál-Mýsa» elektr stansasyn salý jobasy bolyp tabylady. Jobanyń quny 4,5 mlrd AQSh dollaryna baǵalanady, onyń 70 paıyz ınvestıtsııasy «Al Nowais Investment» kompanııasyna, al qalǵan 30 paıyzy - Sıngapýr, Ońtústik Koreıa, Qytaı jáne Mysyrdyń jeke ınsvestorlaryna tıesili.
H.An-Nýveıspen kezdesý nátıjesi boıynsha olardyń qazaqstandyq ekonomıkaǵa ınvestıtsııa salý perspektıvalaryn qaraý týraly ýaǵdalastyqqa qol jetkizildi.
Mınıstrlikter úıiniń mańynan 6 qabatty aqyly eki avtoturaq salynady
Astanada 6 qabatty jerasty aqyly eki parkıng jəne 3 qabatty aqyly bir parkıng salynady. Alty qabatty birinshi parkıng - Qabanbaı batyr dańǵylynda (Investıtsııalar jəne damý mınıstrliginiń janynda), ekinshi jer asty parkıngi - Orynbor kóshesinde (Joǵarǵy sottyń janynda) ornalassa, úsh qabatty úshinshi parkıng Dostyq kóshesinde («Məskeý» bıznes ortalyǵynyń mańynda) ornalasady. Bul týraly búgin Astana qalalyq əkimdiginde memlekettik-jekemenshik seriktestik jobalarynyń tanystyrylymyna arnalǵan dóńgelek ústel barysynda «Astana Innovations» AQ Memlekettik-jekemenshik seriktestikti damytý basqarmasynyń basshysy Əlııa Bıkeeva məlim etti.
Onyń aqparatyna súıensek, Qabanbaı batyr dańǵylyndaǵy parkıngtiń qurylysy 2017-2018 jyldarǵa josparlanǵan. Jəne parkıng 2045 jylǵa deıin qyzmet kórsete alady dep sendirdi kompanııa. Alty qabatty avtoturaqqa 568 kólik syıady. Bul parkıngke 2 200 mln teńge ınvestıtsııa kerek.
«Orynbor kóshesindegi alty qabatty parkıngtiń quny 1,93 mlrd teńge. Avtoturaqqa 472 kóliktiń orny salynady. Dostyq kóshesinde ornalasatyn úsh qabatty parkıngtiń quny 1,31 mln teńgeni quraıdy. Oǵan 300 kólik syıady»,-dedi Ə.Bıkeeva.
Kompanııanyń aqparatyna súıensek, alty qabatty jer asty avtoturaǵy men úsh qabatty parkıngtiń baǵasy - saǵatyna 100 teńge, bir túnge kólik qaldyrý baǵasy - 600 teńge bolady.

2019 jyly Astanada eki avtovokzal jumysyn bastaıdy
2017-2018 jyldary Astanada ortaq syıymdylyǵy kúnine 9000 jolýshyǵa arnalǵan eki avtovkozal salynyp, 2019 jyly olar tolyq paıdalanýǵa beriledi. Bul týraly búgin Astana qalalyq əkimdiginde memlekettik-jekemenshik seriktestik jobalarynyń tanystyrylymyna arnalǵan dóńgelek ústel barysynda "Astana Innovations" AQ Memlekettik-jekemenshik seriktestikti damytý basqarmasynyń basshysy Əlııa Bıkeeva məlim etti.
"Abylaı han dańǵyly men Qobda kóshesiniń qıylysynda ornalasatyn avtovokzaldyń qurylysyna qajetti ınvestıtsııa 5 436 mln teńgeni quraıdy. Tilendıev dańǵyly men Beısekov kóshesiniń qıylysyndaǵy avtovokzaldyń ınvestıtsııalyq quny 4 673 mln teńge", - dep habarlady Ə.Bıkeeva.
Avtovokzaldar jalpy 28 jyl qyzmet kórsetedi dep josparlanyp otyr. Ər vokzal kúnine 4500 jolaýshy tasymaldaýǵa qýatty bolý kerek. Ekeýi de tórt qabatty ǵımarat bolady. Avtovokzaldardyń qurylysy 2017-2018 jyldarǵa eseptelgen, nysandar 2019 jyly tolyqtaı iske qosylýy kerek.

Astanada 80 myńnan astam adam senbilikke shyǵady
Ádettegideı kóktemde elordada ekologııalyq aılyq ótkiziledi. Bıyl alǵashqy ekologııalyq senbilikti ótkizý 23 sáýirge belgilenip otyr. Elordany tazartý jumystaryna 80 myńnan astam qala turǵyny qatysady dep kútilýde.
Elordanyń resmı saıtynyń habarlaýynsha, jalpyqalalyq senbilikke memlekettik uıymdardyń, shaǵyn jáne orta bıznes sýbektileriniń ókilderi, stýdentter men oqýshylar, PIK ókilderi, qala turǵyndary qatyspaq. Osy kúni Astananyń úsh aýdany turǵyndarynyń kúshimen 1000 jýyq aǵash otyrǵyzý kózdelgen.
Senbilikke 300 astam arnaıy tehnıka, ásirese, júk kólikteri men tıegishter tartylmaq. Sonymen qatar, «Astana Zelenstroı» jáne merdigerlik uıymdardyń jumysshylary saıabaqtardy, gúlzarlardy jınap, aǵashtardyń bastaryn kesedi, qoqystardy jınap, shyǵarady. Ekologııalyq aılyq barysynda Astana qalasy aýdandarynyń aýmaǵyn abattandyrý, sanıtarlyq tazartý jáne kógaldandyrý jumystary jalǵasyn tabady.

Seıfýllın kóshesindegi Astananyń №1 emhanasy tolyq buzylady
Astana qalasy S.Seıfýllın kóshesiniń boıynda ornalasqan №1 emhana tolyq buzylady. Ornyna memlekettik-jekemenshik əriptestik boıynsha jańa emhana salynady. Bul týraly búgin Astana qalalyq əkimdiginde memlekettik-jekemenshik seriktestik jobalarynyń tanystyrylymyna arnalǵan dóńgelek ústel barysynda "Astana Innovations" AQ Memlekettik-jekemenshik seriktestikti damytý basqarmasynyń basshysy Əlııa Bıkeeva məlim etti.
Jalpy, derekkózine súıensek, bul emhanany kúrdeli jóndeýden ótkizý məselesi de qaralǵan. Alaıda, ǵımarat óte eski bolǵandyqtan jəne nysannyń tehnıkalyq pasporty jańa talaptarǵa saı kelmegendikten, emhana ǵımaratyn túbegeıli buzyp, ornyna jańa emhana salý týraly sheshim qabyldanǵan. Qalalyq densaýlyq saqtaý basqarmasy əleýetti ınvestor izdeý úshin səýir aıynda konkýrs jarııalaıdy.
"Memlekettik-jekemenshik seriktestik boıynsha Astana qalasynda úsh dərigerlik ambýlatorııa men bir emhananyń qurylysy júrgiziledi. Jobanyń maqsaty - halyqqa sapaly medıtsınalyq-sanıtrlyq kómek kórsetý. Úsh dərigerlik ambýlatorııa "Temirjol" turǵyn úı alqabynyń aýdanyndaǵy Kókjazyq kóshesinde, Moıyldy-Naýryz kósheleriniń qıylysyndaǵy Kóktal-2 turǵyn úı alqabynda jəne Óndiris turǵyn úı alqabynyń mańyndaǵy Óndiris tas jolynyń ońtústik-shyǵysynda ornalasady. Al, emhana Seıfýllın kóshesiniń boıyndaǵy №1 emhananyń ornyna turǵyzylady", - dep habarlady Ə.Bıkeeva.
Elordada 2017 jyly bes balabaqsha ashylady
2017 jyly elordada jańadan bes balabaqsha ashylady. Bul týraly búgin Astana qalalyq əkimdiginde memlekettik-jekemenshik seriktestik jobalarynyń tanystyrylymyna arnalǵan dóńgelek ústel barysynda «Astana Innovations» AQ Memlekettik-jekemenshik seriktestikti damytý basqarmasynyń basshysy Əlııa Bıkeeva məlim etti.
«№29 jəne №36 kósheleriniń qıylysynda ashylatyn balabaqshanyń ınvestıtsııalyq quny - 1 mln 536 myń teńge; Hýseın ben Talal kóshesi men №36 kósheniń qıylysyndaǵy balabaqshanyń quny - 1 mln 419 myń teńge; №200 jəne №321 kóshelerdiń qıylysyndaǵy balabaqshanyń quny - 1 mln 093 myń teńge, E51, E54, E77, E79 kósheleriniń qıylysyndaǵy balabaqshanyń ınvestıtsııalyq baǵasy - 1 mln 279 myń teńge, Almaty kóshesindegi - 1 mln 092 myń teńge», - dep məlim etti Ə.Bıkeeva.
Bul balabaqshalar 1 440 búldirshindi mektepaldy bilimmen qamtıdy.

Astanada dárigerler Densaýlyq kúnin atap ótti
Búgin elordada densaýlyq saqtaý uıymdarynyń qyzmetkerleri Dúnıejúzik densaýlyq kúnin atap ótti. Atalǵan mereke DDSU-nyń jarǵysy ratıfıkatsııalanǵan sátten bastap 1950 jyldan beri merekelenip keledi.
Elordanyń resmı saıtynyń habarlaýynsha, qalalyq emhanalar men aýrýhanalarda jumys kúni tańǵy jattyǵý jasaýdan bastaldy. Sporttyq sharaǵa medıtsına qyzmetkerlerinen basqa, densaýlyq saqtaý mektebiniń oqýshylary men kelýshiler qatysty.
«Salamatty Qazaqstan» densaýlyq saqtaýdy damytý jónindegi memlekettik baǵdarlamada jáne «Densaýlyq» baǵdarlamasynda halyqty salaýatty ómir saltyn ustanýǵa shaqyratyn, ortaq jaýapkershilik týraly úndeýler jazylǵan. Búgingi maqsatymyz - árbir qala turǵynyna salaýatty ómir saltyn ustaný qajettiligin jetkizý», - deıdi №2 qalalyq emhananyń profılaktıka jáne áleýmettik-psıhologııalyq kómek bóliminiń meńgerýshisi Anar Salyqova.
Sporttyq sharaǵa qatysýshylar «Qara jorǵa» bıin bılep, komandalyq saıystarda kúsh synasty.
DDSU Dúnıejúzilik densaýlyq kúnin jyl saıyn belgili bir taqyrypqa oraılastyryp, nasıhat jumystaryn júrgizedi. 2016 jyl «Dıabetti jeńemiz!» uranymen ótpek. BUU Bas hatshysy jáne DDSU bas dırektory ózderiniń jyl saıynǵy joldaýlarynda Dúnıejúzilik densaýlyq kúnine erekshe nazar aýdarǵan.

Ulttyq mýzeıde «Máskeý aqsha saraıynyń kúmis markalaryndaǵy Mekke» atty kórme ótedi
Qazaqstan Respýblıkasynyń Ulttyq mýzeıinde 8 sáýir kúni «Máskeý aqsha saraıynyń kúmis markalaryndaǵy Mekke» atty kórme ótedi, dep habarlaıdy mýzeıdiń aqparattyq-ımıdjdik qyzmeti.
2013 jyly Reseı Federatsııasy Qarjy mınıstrliginiń Máskeý aqsha saraıynan Qasıetti Mekkege arnalǵan 999 synamaly kúmisten eksklıýzıvti tehnologııamen jasalǵan 40 markadan turatyn toptama shyqty. Túpnusqa retinde Aýǵanstan, Aljır, Bangladesh, Kamerýn, Komor araldary, Iran, Irak, Iordanııa, Kýveıt, Lıvııa, Malaızııa, Malı, Mavrıtanııa, Marokko, Nıger, Oman, Pákistan, Qatar, Saýd Arabııasy, Somalı, Sırııa, Týnıs, Birikken Arab Ámirlikteri, Iemen syndy 24 musylman eli ár jyldary shyǵarǵan poshta markalary alyndy.
Kúmis markalar aıtýly poshta markalarynyń túpnusqasyn dálme-dál qaıtalaıdy jáne búginniń ózinde tarıhı artefakt bolyp tabylady. Osy eskertkish toptamany jasaý barysynda Máskeý aqsha saraıynda markanyń bederli bólshekteri bar tustaryna aldyn ala qoldan músin daıyndaldy, osylaısha, markalar úsh ólshemdi kólemge ıe bolady. Barlyq markalardyń ólshemi túpnusqamen birdeı. Olardy jasaýǵa ǵalymdar, sarapshylar, tehnologtar, ınjenerler, dızaınerler, músinshiler men sýretshiler qatysty.
Toptamany jasaýǵa 3 jyl qajet boldy.
Kúmis markalar óte shekteýli tırajben shyǵaryldy, sondyqtan da olar tez arada sırek kezdesetin antıkvarıatqa aınaldy. Tarıhı qundylyqtardy naǵyz baǵalaýshylar jáne kórkemdik talǵamy joǵary adamdar qymbat markalardyń sulýlyǵy men náziktigine laıyqty baǵa berýde. Biregeı estetıkalyq sheshim kúmis markalarǵa máńgilik ómir súrýge jáne HHІ ǵasyrdaǵy ónerdiń álemde balamasy joq kórkemdigi joǵary buıymǵa aınalýyna múmkindik beredi.
Toptamadaǵy markalardyń sany týra qyryq jáne bul kezdeısoqtyq emes. 40 sany - kóptegen dinderde zor mán berilgen eń uly san, ol tabıǵattaǵy ashyq jáne jasyryn qubylystar arasyndaǵy úılesimdikti bildiredi. Kóptegen basqa dinderdegi sııaqty ıslamda da qyryq sany qasıetti bolyp sanalady jáne ózgeristi, ymyralasýdy jáne ustanymǵa oralýdy bildiredi. Bul san mańyzdy synı kezeńderdi belgileý úshin ıslamı dástúrlerdegi salt- joralarmen baılanysty. Muhammed Paıǵambar dál osy qyryq jasynda Allanyń sózin estigen, al Qasıetti Qurandy árbir qyryq kúnde oqıdy.
Rýhanı bilim izdegen árbir adamǵa rýhanı izdenis barysynda kókeıinde týyndaǵan kúdikterdi joıý úshin aqıqat qajet. Osyndaı aqıqattyń biri bul - Qasıetti Mekke, sonyń arqasynda nadandyq túnegi bilim jaryǵymen joıylady jáne túnekten jol kórinedi.
Reseıde kúmis markalardyń kórmesi alǵash ret 2013 jyly musylmandyq aǵartýshylyq ortalyqtarynyń biri bolyp tabylatyn, halyqaralyq mádenı yntymaqtastyqqa qyzmet jasaıtyn Tatarstanda ótip, Dúnıejúzilik XXVII Jazǵy Ýnıversıadaǵa qatysýshylar men qonaqtardyń kóz qýanyshyna aınaldy.
2013 jylǵy sáýirde «Qazan Kremli Memlekettik tarıhı-sáýlettik mýzeı-qoryǵyndaǵy» Islam mádenıeti mýzeıinde (Tatarstan) «Kúmispen kúptelgen Mekke: Máskeý aqsha saraıynyń kúmis markalaryndaǵy qajylyq sımvolıkasy» birinshi kórmesiniń ashylýy ótti, al 2013 jylǵy mamyr aıynda «Býlgar» sáýlettik-tarıhı kesheninde Edil boıy halyqtarynyń Islam dinin resmı qabyldaǵan kúnine oraı Tatarstan Respýblıkasynda ótkizilgen saltanatty sharalar kezinde ekinshi kórme ashylyp 2013 jylǵy 31 tamyzǵa deıin sozyldy.
2014 jyly mamyr aıynda toptama Daǵystan basshysynyń basshylyǵymen Mahachkalada úkimettik «Dostyq Úıi» kesheninde, al Máskeýde P.I. Chaıkovskıı atyndaǵy Máskeý memlekettik konservatorııasynda ótken Irannyń «Aı ańyzy» klassıkalyq mýzykalar kontserti kezinde (sáýir), Memlekettik shyǵys mýzeıinde (shilde), Qyrymda Bahchısaraı mýzeı-qoryǵyndaǵy Qyrym handyǵynyń burynǵy ordasy bolǵan XVI-XVIII ǵasyrlarǵa tán ataqty sáýlet eskertkishi «Han-Saraıy», búgingi Býıýk Han Djamı Úlken han meshitindegi Han lojasynda (tamyz-qazan) kórsetildi.
Sol sııaqty toptama 2014 jyly seriktesi bilim, ǵylym jáne mádenıet máseleleri jónindegi Birikken Ulttar Uıymy (ıÝNESKO) bolǵan Álemdik «Órkenıetter dıalogy» (Grekııa, Rodos araly, qyrkúıek) forýmynda jáne uıymdastyrýshysy Reseı Federatsııasy Musylmandarynyń dinı basqarmasy jáne Reseı múftıler keńesi bolǵan H Halyqaralyq musylmandar forýmynda kórsetildi.
Biregeı toptama 2015 jyly «Reseı - ıslam álemi» atty Strategııalyq boljaýlar tobynyń májilisine shaqyryldy, oǵan Reseı Federatsııasy syrtqy ister mınıstri S.V.Lavrov, Tatarstan Respýblıkasynyń prezıdenti R. N. Mınnıhanov, Islam yntymaqtastyq uıymynyń Bas hatshysy I. Madanı, memlekettik jáne dinı qaıratkerler, dıplomattar, Reseı jáne birqatar musylman elderiniń ǵalymdary qatysty. Syrtqy ister mınıstri oqyǵan Reseı Prezıdenti V.V. Pýtınniń quttyqtaý sózinde: «Reseıdiń tarıhynyń ózi ártúrli dinderdiń úılesimdi ómir súrgeniniń dáleli», - delingen.
2015 jyly toptama Sheshen Respýblıkasyndaǵy «A.A. Kadyrov atyndaǵy Dańq memorıaldy kesheni» mýzeıinde (shilde-qyrkúıek), al shilde aıynda Rıazan oblysyndaǵy Kasımov ólketaný mýzeıinde kórsetildi.
«Kúmispen kúptelgen Mekke» atty markalar toptamasyn jasaý ıdeıasy 2006 jyly «Altyn jáne Kúmis Qurandar» jobasyn jalǵastyrý ári ony damytý retinde paıda boldy. Ideıanyń avtory «VT» kompanııasynyń dırektory jáne ıesi
Vladımır Prýsakov, kompanııa adamzattyń máńgilik rýhanı qundylyqtaryna HHІ ǵasyr mýzeıine laıyq óner týyndylarynyń balamasy joq jańa biregeı túrin berýmen aınalysady.
Buǵan deıin «VT» kompanııasynyń tapsyrysymen 2006 jyly Reseı Federatsııasy Qarjy mınıstrliginiń «Máskeý Aqsha Saraıynda» biregeı tehnologııamen VIII ǵasyrdaǵy ejelgi ıslam qoljazbasy «Osman Quranynyń» álemdegi jalǵyz dál kóshirmesi soǵyp shyǵarylǵan bolatyn, ol eń joǵary 999 synymaly altynnan jasalǵan 162 tilimnen turady. Ony daıyndaýǵa 1,5 jyl ýaqyt qajet boldy. «Osman Quranynyń» túpnusqasy Reseı menshigi bolyp tabylady jáne Sankt-Peterbýrgte Reseı Ǵylym Akademııasynyń Shyǵys qoljazbalar ınstıtýtynda (ımperator Petr І negizin qalaǵan burynǵy Azııa mýzeıi ) saqtaýly. «Altyn Quran» alǵash ret 2007 jyly Máskeýde álemniń eń keremet mýzeıleriniń biri A.S. Pýshkın atyndaǵy memlekettik beıneleý óneri mýzeıinde tolyǵymen kórsetildi, sonymen qatar Irandaǵy 15-Halyqaralyq «Qasıetti Quran» kórmesinde (2007), Bahreınde (2008), Lıvııada (2008), Reseıde (2009), Mysyrda (2010) birneshe betteri kórsetilip, dıplomdarmen marapattaldy.
2010 jyly Reseı Federatsııasy Qarjy mınıstrliginiń «Máskeý Aqsha Saraıynda» «Kúmis Quran» jasaldy. Bul da «Osman Quranynyń» VIII ǵasyrdaǵy qoljazbasynyń eń joǵary 999 synymaly kúmisten jasalǵan dál kóshirmesi bolyp tabylady.
«Kúmis Qurannyń» tolyq jınaǵy Astana qalasyndaǵy «Áziret Sultan» bas meshitine Qazaqstan Respýblıkasy Prezıdenti N. Nazarbaevtyń jáne Máskeý bas Sobor meshitiniń metsenattary atynan syıǵa tartyldy. Bul sharaǵa Reseı Prezıdenti V.V.Pýtın de qatysqan bolatyn.
Elorda oqýshylary jazýshy Q.Muhambetqalıevpen kezdesti
Ulttyq akademııalyq kitaphananyń uıymdastyrýymen bastalǵan «Bul kitap álemi...» atty aılyq shara aıasynda búgin Astananyń oqýshylary men ustazdary jazýshy, Qazaqstannyń eńbek sińirgen qaıratkeri Qajyǵalı Muhambetqalıevpen kezdesti.
Qajyǵalı Muhambetqalıev qazaq oqyrmandaryna aýdarmashy retinde de jaqsy tanys. Q.Muhambetqalıev japon jazýshysy Rıýnoske Akýtagava, frantsýz jazýshylary Ejen Sıý men Prosper Merımeniń, brıtan jazýshysy Ýlıam Moemnyń shyǵarmalaryn aýdarǵan.
Al, jazýshynyń ózi «ádebıet tiri protsess bolǵandyqtan, ár býynnyń óz kózqarasy bolady» deıdi.
«Ádebıet degen - tiri protses. Sondyqtan, ádebıetke jańa býyn kerek, qazirgi býynnyń da óz jańalyǵy men izdenisi bar. Jalpy, ádebıettiń zańy boıynsha, ár býyn óziniń oqyrmanyn ala keledi, ár býyn óziniń jeke kózqarasyn ala keledi. Sondyqtan, osyndaı kezdesýlerdiń barlyǵy paıdaly ǵoı dep oılaımyn»,-deıdi jazýshy.
Aýdarmashy retinde qazaq ádebıeti men shet el ádebıetin salystyrǵan Q.Muhambetqalıev: «qazaq ádebıeti men shet el ádebıetin salystyrýǵa bolmaıdy. Sebebi, sheteldik jazýshylardyń ósken mentalıteti qazaqtyń ulttyq mentalıtetine saı emes. Biraq, adamzatqa ortaq sezim men qasıetter bar. Solardyń barlyǵyn kórsetý úshin aýdarma kerek. Kez kelgen eldiń jazýshysy belgili oıǵa jeteleıdi»,-deıdi Q.Muhambetqalıev.
Aıta keteıik, jazýshy jýrnalıstıka salasynda da eńbek etken. Mysaly, ol Aqtóbe oblysy televızııa jáne radıo komıtetinde, sol oblystyń «Kommýnızm joly» gazetinde, «Qazaqstan» baspasynda, «Juldyz» jýrnalynda jumys istegen. Sondaı-aq, «Qazaq ádebıeti» gazetiniń jaýapty hatshysy, «Jańa fılm» jýrnalynyń bas redaktory qyzmetin atqardy. Sońǵy jyldary QR Prezıdenti Ákimshiliginde, Parlamentte eńbek etken, «Tańsholpan» jýrnalynda da jumys istedi.

Astanada Qajymuqan Muńaıtpasovtyń 145 jyldyǵyna arnalǵan eske alý keshi ótti
Búgin Astanadaǵy QR Ulttyq mýzeıinde Qajymuqan Muńaıtpasovtyń 145 jyldyǵyna arnalǵan «Alashtyń alyby» atty eske alý keshi ótti.
Sharaǵa Astanadaǵy Q. Muńaıtpasov atyndaǵy mamandandyrylǵan mektep-ınternattyń sportshylary, orta mektep, «Jas Ulan» oqýshylary men balalar úıleriniń jetkinshekteri qatysty.
Kesh basynda jas sportshylary gımnastıka, boks, taekvondo, grek-rım kúresinen kórsetilimder usyndy. Eske alý keshinde jaýyryny jerge tımegen qazaq dalasynyń batyry týraly tanymdyq beınebaıandar kórsetildi.
«Tarıhı tulǵalar» jobasy aıasynda ótetin is-sharanyń basty maqsaty - Qajymuqan Muńaıtpasov ómiri jaıly derektermen tanystyrý, jas urpaqty uly tulǵa ómirinen úlgi-ónege alýǵa shaqyrý.
«Qajymuqan Muńaıtpasov sekildi ataqty tulǵanyń sol kezderdegi jetistikterimen búgingi jas urpaq maqtana alady. Onyń ómiri búgingi jastar úshin úlgi. Ol óziniń umtylysymen álemdik arenada eń joǵary nátıjelerdi kórsetti. Búginde kóptegen sporttyq nysandarǵa Q. Muńaıtpasovtyń esimi berilgen. Osy rette kúres úıirmelerine kelgen árbir bala birinshi kezekte aty ańyzǵa aınalǵan Qajymuqandy úlgi tutyp, ózin damytady»,-dedi grek-rım kúresinen Olımpıada chempıony ıÝrıı Melnıchenko.

J.Deparde A.Muhamedıulymen kezdesýde Qazaqstanda opera qoıýǵa nıet bildirdi
Búgin QR Mádenıet jáne sport mınıstri Arystanbek Muhamedıuly áıgili frantsýz aktery Jerar Depardemen kezdesti, bul týraly mınıstrliktiń baspasóz qyzmeti habarlady.
Vedomstvo basshysy jáne 200-den asa kınofılmder keıipkeriniń kezdesýi dostyq áńgime retinde ótti.
Áıgili akterdy qarsy ala otyryp, Arystanbek Muhamedıuly J. Depardeniń qatysýymen túsirilgen fılmder barsha qazaqstandyqtarǵa tanymal, al otandyq «Kúzgi mahabbat» jáne «Dala daýysy» kınolentalary shetelde de keńinen kórsetilgendigin aıtyp ótti.
«Barlyǵymyz da sizdiń Natalıa Orynbasarovamen birge túsken «Kúzgi mahabbat» kınosyn jaqsy bilemiz. Bul óte meıirimdi fılm aýyl bolmysy týraly baıandaıdy. Odan basqa birlesip iske asyrǵan ózge shyǵarmashylyq jobalarymyz bar», - dedi mınıstr
Arystanbek Muhamedıuly Qazaqstan-Frantsııa shyǵarmashylyq yntymaqtastyǵy aldaǵy ýaqytta da damyp, jalǵasyn tabatyndyǵyna senim bildirdi.
Sonymen qatar ol bolashaqqa degen shyǵarmashylyq josparlarymen bólisti. Frantsýz aktery aldaǵy ýaqytta Qazaqstanda opera qoıýǵa nıetin bildirdi.
«Men operada birneshe ret oınap, ony qoıýǵa qatysqan edim. Qazaqstanda adamdar klassıkalyq mýzykany súıip tyńdaıdy, bul jerde daryndy opera ánshileri de óte kóp. Qazaqstanda shyǵarmashylyqpen aınalysýǵa múmkindik mol», - dep bólisti ol.

Aýǵanstannyń eks-prezıdenti Astanadaǵy Eýrazııa medıa-forýmyna shaqyryldy
Aýǵanstannyń burynǵy prezıdenti Hamıd Qarzaı 20-22 sáýirde Astanada ótetin Eýrazııalyq medıa-forýmǵa shaqyrylǵan.
Medıa-forýmnyń saıtyndaǵy aqparatqa súıensek, Aýǵanstandy 10 jyl basqarǵan Hamıd Qarzaı forýmǵa spıker retinde shaqyrylǵan eken.
Jalpy, medıa-forýmda 25 belgili adam sóz alady dep kórsetilgen. Olardyń arasynda Brıtanııanyń burynǵy syrtqy ister mınıstri Djek Stro, QR Qaýipsizdik keńesiniń hatshysy Nurlan Ermekbaev, elimizdiń Syrtqy ister mınıstri Erlan Ydyrysovtar bar.
Aıta keteıik, 20-22 sáýir kúnderi Astanada on úshinshi Eýrazııalyq medıa forým ótedi.

AQSh ıadrolyq qaýipsizdik boıynsha Qazaqstanmen strategııalyq áriptestigin ary qaraı damyta berýge múddeli - AQSh Energetıka mınıstri
AQSh ıadrolyq qaýipsizdik boıynsha Qazaqstanmen strategııalyq áriptestigin ary qaraı damyta berýge múddeli. Bul týraly búgin Qazaqstanǵa sapary aıasynda Nazarbaev Ýnıversıtetindegi dáris oqyǵan AQSh Energetıka mınıstri Ernest Monız málim etti.
Dáris barysynda AQSh mınsıtri Qazaqstannyń ǵalamdyq ıadrolyq qaýipsizdikti qamtamasyz etýdegi jetekshi rólin atap ótti.
«Men Qazaqstanǵa alǵash ret kelip otyrmyn, jalpy Ortalyq Azııada bolǵan emespin. Menińshe, bul óte sapaly ári tıimdi sapar bolyp otyr. Nazarbaev Ýnıversıtetin kórip, men úlken áser aldym, bul Qazaqstan úshin jańa bilim berý pýly bolmaq jáne jalpy eldiń damýyna kólemdi úles qosady dep esepteımin. Klımattyń ózgerýine jáne taza energetıkaǵa qatysty taqyrypty qozǵamas buryn, AQSh pen Qazaqstan arasyndaǵy qarym-qatynastarǵa toqtalǵym keledi. Bul qarym-qatynastar adamzat aldyndaǵy eki ózgeristerge qatysty bolyp otyr. Onyń alǵashqysy - ıadrolyq qaýipsizdik, onyń ishinde ıadrolyq qarýdy taratpaý jónindegi másele. Biz Qazaqstanmen osy baǵytta kóp jyldardan beri áriptestik ornatqanbyz, Qazaqstan táýelsizdik alǵaly beri biz ıadrolyq qarýdy taratpaý jáne ıadrolyq qaýipsizdik jóninde baılanys jasap kelemiz. Bul bizdiń dostyǵymyz úshin óte mańyzdy taqyryp, Prezıdent Nursultan Nazarbaev ıadrolyq qarýdy taratpaýǵa qatysty óziniń berik ustanymyn tanytyp keledi», - dep atap ótti E.Monız stýdentter aldynda oqyǵan dárisinde.
AQSh energetıka mınıstri, sonymen qatar, Qazaqstannyń Iran kelissózderin sheshýge úlken úles qosyp, álemdik beıbitshilik jolynda óziniń rólin qosqanyn da tilge tıek etti. Álemde ıadrolyq qaýipsizdikti nyǵaıtý men ıadrolyq qarýsyz álem jónindegi ortaq kózqarasqa jetýde AQSh Qazaqstanmen strategııalyq seriktestikti jalǵastyrýǵa daıyn ekendigin de bildirdi.
«Iran máselesinde Qazaqstan úlken úles qosty. Ony baǵalaı ketpeýge bolmaıdy, sebebi Qazaqstannyń arqasynda byltyr kúzde Iran kelissózderi nátıjeli pátýámen aıaqtalǵan bolatyn. Osy kelissózder negizinde baıytylǵan ýrandy Irannan shyǵarýǵa múmkin boldy. Jáne onyń ornyna Qazaqstan tabıǵı ýrandy jetkizgen edi. Osynyń barlyǵy Qazaqstannyń mańyzdy rólin kórsetip otyr. Biz osy baǵyttta Qazaqstanmen ary qaraı da qarym-qatynasymyzdy damyta berýge múddelimiz. Meniń buǵan kúmánim joq jáne biz Iran kelisimin tolyqtaı oryndap shyǵamyz dep oılaımyn», - dep túıdi E.Monız.
Astana qalalyq máslıhatynda alǵashqy jumys keńesi ótti
Búgin qalalyq máslıhatta birinshi semınar-keńes ótip, jańa altynshy shaqyrylymdaǵy depýtattar aldaǵy jumyspen tolyǵyraq tanysty.
Aıta keteıik, 25 naýryzda ótken birinshi uıymdastyrý sessııasynda qalalyq máslıhat hatshysy, turaqty komıssııalardyń tóraǵalary men quramy saılandy. Osylaısha, altynshy shaqyrylymdaǵy depýtattar óz jumysyn bastady, dep habarlaıdy astana.kz.
- Bizge halyq qalaýlylary retinde depýtattyq ókilettikter berildi. Endi qalalyq basqarmalarmen, aýmaqtyq bólishelermen jumys isteýimiz kerek. Saılaýaldy naýqan kezinde saılaýshylar kótergen kóptegen máseleler, ótinish-tilekter bar, olardy qarastyrý kerek. Aldaǵy jumysymyz osy máselelerdi qalaı oryndaıtynymyzǵa baılanysty. Jalpy, saılaýshylarmen turaqty túrde jumys isteýimiz kerek, - dedi qalalyq máslıhat hatshysy Janat Nurpeıisov.
Astana qalasy máslıhaty apparatynyń basshysy Vera Pyteva depýtattardyń quqyqtary, mindetteri men ókilettikteri týraly aıtyp berdi. Onyń habarlaýynsha, máslıhat apparaty zańnama aktilerin zertteý jumystaryn turaqty túrde júrgizetin bolady.

Qarjy mınıstrligi Astanada respýblıkalyq menshik nysandaryn satý boıynsha saýda-sattyqtar ótkizedi
Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti respýblıkalyq menshik obektilerin satý boıynsha saýda-sattyqtardy ótkizetinin habarlaıdy.
Aýktsıon 2016 jylǵy 27 sáýirde Astana qalasynyń ýaqyty boıynsha saǵat 10.00 bastap 17.00-ge deıin www.gosreestr.kz Memlekettik múlik tiziliminiń veb-portalynda ótedi.
Saýda-sattyqtyń baǵany tómendetý ádisimen aýktsıon arqyly nysandar satylymǵa shyǵarylady. Atap aıtqanda, birinshi nysan - «Qazaqstan halqynyń rýhanı damý qory» AQ. Mádenıet jáne óner sapasyndaǵy áleýmettik mańyzy bar jáne mádenıet is-sharalaryn ótkizý boıynsha qyzmettermen aınalysatyn kompanııanyń bastapqy baǵasy 78 000 000 teńgege, eń tómengi baǵa 39 000 000 teńgege, al kepildik jarna 11 700 000 teńgege belgilengen. Aýktsıonǵa jiberilgen qatysýshyǵa tizilimniń veb-portaly beretin aýktsıon nómiri boıynsha aýktsıon zalyna kirýge ruqsat beriledi.
Aýktsıonǵa qatysýshylar aýktsıon bastalǵanǵa deıin bir saǵat ishinde ETsQ men aýktsıon nómirin paıdalana otyryp, aýktsıon zalyna kiredi. Aýktsıon jekeshelendirý obektisiniń bastapqy qunyn aýktsıon zalynda avtomatty túrde ornalastyrý jolymen saýda-sattyqty ótkizý týraly habarlamada kórsetilgen Astana qalasynyń ýaqyty boıynsha bastalady.
Eger saýda-sattyqtyń aýktsıonǵa baǵany tómendetý ádisimen qoldana otyryp ótkizilgen aýktsıon aıaqtalatyn sátte saǵat 17:00-de aýktsıon jeńimpazy aıqyndalmasa, onda osy jekeshelendirý obektisi boıynsha aýktsıon ótkizilmegen bolyp tanylady.
Sonymen qatar, 2016 jylǵy 27 sáýirde Astana qalasynyń ýaqyty boıynsha saǵat 10.00 - da www.gosreestr.kz Memlekettik múlik tiziliminiń veb-portalynda tender ótkiziledi. Tenderge Qazaqstan Respýblıkasy Aýyl sharýashylyǵy mınıstrliginiń «Kazgıproormanshar» qazaq memlekettik orman sharýashylyǵyn jobalaý jónindegi jobalaý-izdestirý ınstıtýty sharýashylyq jýrgizý quqyǵyndaǵy respýblıkalyq memlekettik kásiporny qoıylyp otyr.
Satyp alýshy múliktik Qazaqstan Respýblıkasy Aýyl sharýashylyǵy mınıstrliginiń «Kazgıproormanshar» qazaq memlekettik orman sharýashylyǵyn jobalaý jónindegi jobalaý-izdestirý ınstıtýty sharýashylyq jýrgizý quqyǵyndaǵy respýblıkalyq memlekettik kásipornynyń azamattyq quqyqtary men mindettemeleriniń quqyqtyq mırasqory bolyp tabylady. Nysannyń bastapqy baǵasy 58 096 406 teńge, kepildik jarnasy - 48 246 150 teńge. Negizgi qyzmet beıinin 5 (bes) jyl boıy saqtaý talap etiledi.
Tenderge qoıylatyn ekinshi nysan «Respýblıkalyq tehnıkalyq jáne kásiptik bilim berýdi damytýdyń jáne biliktilikti berýdiń ǵylymı-ádistemelik ortalyǵy» AQ. Onyń bastapqy baǵasy 80 508 000 teńge, kepildik jarna - 48 304 800 teńge.
Eger tenderge tirkelgen qatysýshylardyń sany ekeýden az bolsa, onda jekeshelendirý obektisi bir ǵana qatysýshyǵa satylýy múmkin úshinshi saýda-sattyqty qospaǵanda, tender ótpegen dep jarııalanady.
Tender jáne aýktsıonǵa qatysýshylaryn tirkeý habarlama jarııalanǵan kúnnen bastap 2016 jylǵy 27 sáýirde saǵat 08.00-de aıaqtalady.

Elordalyq jumys berýshiler kadrlardy jumyspen qamtý ortalyǵymen birge tańdaıdy
Búgin Astanada jergilikti jumys berýshiler Jumyspen qamtý, eńbek jáne áleýmettik qorǵaý basqarmasynyń jáne Jumyspen qamtý ortalyǵynyń ókilderimen kezdesti. Sharanyń maqsaty qala ákimdiginiń Astana halqyn jumyspen qamtýdy qamtamasyz etýge kómektesý jónindegi 2016 jylǵa arnalǵan josparyn júzege asyrý bolyp tabylady, dep habarlady astana.gov.kz.
Kezdesý barysynda Astana qalasynyń eńbek, jumyspen qamtý jáne áleýmettik qorǵaý basqarmasy basshysynyń orynbasary Sáýle Nurǵojına men Jumyspen qamtý ortalyǵynyń dırektory Oljas Omardyń qatysýymen yntymaqtastyqtyń mańyzdy krıterııleri, jumys berýshilerdi alańdatatyn máseleler talqylanyp, durys eńbek kelisimshartyn jasaý máselesi qaraldy.
- Eger laıyqty jumys taba almasaq nemese bul mamandyq boıynsha qazirgi kezde suranys bolmasa, onda tegin kýrstan ótýdi usynamyz. Oqýdyń úsh túri bar: qaıta daıarlaý, biliktilikti arttyrý jáne daıyndaý. «Jumyspen qamtý jol kartasy 2020» aıasynda biz jumys berýshini de eskeremiz, - dedi Jumyspen qamtý ortalyǵynyń dırektory Oljas Omar.
Kezdesý barysynda jumys berýshilerge Jumyspen qamtý ortalyǵynyń jumysy týraly tolyq aqparat berildi, sondaı-aq, ortalyqpen yntymaqtastyq ornatqan jaǵdaıda olarǵa júkteletin mindetter týraly aıtyldy. Shara sońynda eki jaqty yntymaqtastyqtyń belgisi retinde qatysýshylar nıet hattamasyna qol qoıdy. Qujat aıasynda taraptar «Jumyspen qamtý jol kartasy 2020» baǵdarlamasyn júzege asyrý jáne kadrlyq kásiporyndardy kadrlarmen qamtýdy júzege asyrý boıynsha birlesken jumystar júrgizetin bolady.
Elordada úzdik áleýmettik jobalar konkýrsy bastaldy
Astanada Qazaqstanda iske asyrylatyn úzdik áleýmettik jobalar konkýrsy bastaldy. Elordalyq Jumyspen qamtý, eńbek jáne áleýmettik qorǵaý basqarmasy konkýrsqa qatysýǵa ótinimder qabyldaýda, dep habarlaıdy qalalyq ákimdiktiń baspasóz qyzmeti.
Konkýrsqa halyqty áleýmettik qorǵaý júıesi sheńberinde qyzmetin júzege asyratyn qoǵamdyq birlestikter, múgedekter uıymy, basqa da mekemeler men vedomstvolar, jeke tulǵalar men basqa da úkimettik emes uıymdar qatysa alady.
Konkýrsqa halyqtyń áleýmettik osal toptarynyń ómir súrý sapasyn jaqsartý maqsatynda ómirlik qıyn jaǵdaıǵa tap bolǵan tulǵalarǵa kómek kórsetýge baǵyttalǵan keminde 1 jyldan astam ýaqyttan beri iske asyrylyp jatqan áleýmettik jobalar jiberiledi.
Qalalyq irikteýden ótken áleýmettik jobalar respýblıkalyq kórmege qatysady.
Konkýrsqa qatysý sharttarymen Astana qalasy Jumyspen qamtý, eńbek jáne áleýmettik qorǵaý basqarmasynyń saıtynda nemese 21-22-61, 21-62-17 telefondary arqyly tanysýǵa bolady.
Astanada 700-den astam adam ataýly áleýmettik kómek alady
Búgingi tańda 742 qala turǵynyna ataýly áleýmettik kómek kórsetiledi, dep habarlaıdy elordanyń resmı saıty.
Memlekettik baǵdarlama aıasynda ataýly áleýmettik kómek Astana qalasynda tirkelgen jáne turǵylyqty turatyn ortasha jan basyna shaqqandaǵy tabysy kedeılik sheginen tómen (kún kóris deńgeıiniń 40%) azamattarǵa taǵaıyndalady.
Atalǵan qyzmetterdi alýǵa úmitkerler - kóp balaly, tolyq emes otbasylar, quramynda múmkindigi shekteýli adamdary bar otbasylar. 2015 jyly 1 myńnan astam az qamtylǵan turǵyn memlekettik ataýly áleýmettik kómekpen qamtyldy. Memlekettik qyzmetterdi alý úshin ótinish berýshi toqsanyna bir ret Halyqqa qyzmet kórsetý ortalyǵyna habarlasady.
Adamǵa ataýly áleýmettik kómektiń mólsherin jan basyna shaqqandaǵy ortasha tabys pen otbasynyń árbir múshesine eseptelgen kedeılik sheginiń belgilengen aıyrmasy túrinde esepteıdi. 2016 jyldyń 2 toqsanynda kedeılik shegi 9 157 teńgeni quraıdy.
Aıta keteıik, 2018 jyldan bastap járdemaqynyń úsh túri biriktiriledi: ataýly áleýmettik kómek, 18 jasqa deıingi balalary bar otbasylarǵa arnalǵan memlekettik kómek, arnaýly memlekettik járdemaqylar jáne jańa formatta usynylatyn bolady. Jańa ataýly kómek eki túr boıynsha jikteledi - shartty jáne shartsyz.

Astana Halyqaralyq áýejaıynda sý basý qaýpi joq - QR ІІM TJK
Búgin Astana q. TJD jedel toby Astana q. Halyqaralyq áýejaıyn sý basý qaýpi máselesi boıynsha oqıǵa ornyna shuǵyl jetti.
Tekserý kezinde Maıbalyq kólindegi sý deńgeıi qalypty deńgeıde ekeni anyqtaldy, dep habarlady QR ІІM TJK resmı ókili Rýslan Imanqulov.
Astana q. Halyqaralyq áýejaıynyń aýmaǵynda jáne ushý jolaqtarynda sý basý qaýpi joq. Áýejaı aýmaǵyndaǵy sý qardyń erýi men jańbyrdyń jaýýy saldarynan jınaldy.
Áýejaı aýmaǵynan sý shyǵaryldy.
Qazir áýejaı qyzmetkerleri, Astana jáne Aqmola oblysynyń TJD - 13 adamy sý deńgeıin tekserip jatyr. Sondaı-aq 7 tehnıka tartyldy.

Astana Opera teatry Barokko dáýiriniń mýzykasynan kontsert beredi
«Astana Opera» teatrynda tyńdarman nazaryna kóne mýzykanyń eń úzdik úlgileri usynylady. 10 sáýirde «Barokko» zalynda Qazaqstannyń eńbek sińirgen qaıratkeri Abzal Muhıtdınovtiń jetekshiligimen «Mýzykalyq qonaqjaı» tsıklynan «Barokko sıqyry» atty kontsert ótedi.
Onda teatrdyń jetekshi solısi, halyqaralyq konkýrstardyń laýreaty, Bashqurtstannyń eńbek sińirgen ártisi Álfııa Kárimovanyń (soprano), aspapty janr sheberleri, halyqaralyq konkýrstardyń laýreattary - birinshi skrıpka, sımfonııalyq orkestr kontsertmeısteri, Qazaqstannyń eńbek sińirgen qaıratkeri Baǵdat Ábilhanovtyń, úrmeli aǵash aspaptary tobynyń kontsertmeısterleri: Alekseı Kosyrevtiń (fleıta), Áset Neldibaevtiń (fagot), sonymen qatar P.I. Chaıkovskıı at. jasóspirimderdiń halyqaralyq konkýrsynyń laýreaty Aqbópe Ahmedııarova (skrıpka) óner kórsetedi.
Baǵdarlamada - «Rınaldo» operasynan ataqty Almırena arııasy, G.Gendeldiń «Messııa», «Baıazet» oratorııasynan arııa, «Jyl mezgilderi» tsıklynan «Jaz», A. Vıvaldıdiń fagotqa arnalǵan mı-mınor kontserti, №2 sı-mınor orkestr sıýıtasynan «Menýet» pen «Ázil», orkestrmen skrıpkaǵa arnalǵan lıa mınor kontserti, «Non sa che sia dolore» kontatasynan arııa, I.S. Bahtyń soprano, fleıta solosyna jáne kameralyq orkestrge arnalǵan BWV 209 jáne basqalary bar.
XVI-XVIII ǵǵ. ásem ári tyńdaǵanǵa keremet vokaldyq mýzykasy álemdik sahna alańdarynda sırek oryndalady. Sebebi, mundaı kúrdeli de, asqan sheberlikpen shyrqalatyn arııalardy kez-kelgen opera solısi oryndaı bermeıdi. Olardyń ishinde jarqyraǵan koloratýralyq soprano Álfııa Kárimovanyń oryndaýyndaǵy A. Vıvaldıdiń «Grızelda» operasynan Konstantsa, G. F. Gendeldiń «Son come navicella» (Asaý teńizdegi kishkentaı keme) arııalaryn atap ótýge bolady. Mundaı mýzykany tamasha shyrqaý úshin jetilgen tehnıka qajet, mysaly, Konstantsa arııasynyń ereksheligi, notalar tómennen bastap, joǵarysyna deıingi zor dıapazondy qajet etedi.
«Barokko dáýiriniń mýzykasy jandy erekshe terbeıdi, men ony árkez asqan shattyqpen oryndaımyn. Orkestr quramynda ishekti aspaptardyń tıisinshe basymdyq tanytýy men klavesındi jıi paıdalaný, taza úndestikke qol jetkizedi. G.F. Gendel, A. Vıvaldı, I.S. Bah - árkez tań qaldyratyn sazgerler. Olardyń mýzykasy ándi aspaptyń súıemeldeýimen aıtý mánerin talap etedi. Bul I.S. Bahtyń jeke sopranoǵa, jeke fleıtaǵa jáne kameralyq orkestrge jazylǵan 209 kantatasynda aıryqsha kórinedi. Atalǵan shyǵarmada barlyq daýystar úndesip, birikken aspapty ansambldi quraıdy», - dedi Álfııa Kárimova.

Astanada «Kazakhstan Open» halyqaralyq týrnıri bastaldy
Astanada arbadaǵy sport bı jarysy boıynsha «Kazakhstan Open» halyqaralyq týrnıri ashyldy. Álemniń alty elinen kelgen sportshylar osy jyldyń qarashasynda ótetin Azııa chempıonatyna lıtsenzııany jeńip alady.
«Bul jarys - Astanada úshinshi jyl ótip otyr. Ádette, halyqaralyq týrnırǵa segiz eldiń ókilderi keletin edi, biraq, ókinishke qaraı, bıyl Grýzııa, Qyrǵyzstan, Taıpeı, Reseı jáne Qazaqstan qatysyp otyr. Basa aıta keterligi, jarysqa Qazaqstannyń segiz ónerpazy qatysýda», - deıdi Qazaqstandaǵy zamanaýı jáne sport bıi federatsııasynyń prezıdenti Álııa Túsipbekova.
Jarys eki kúnge jalǵasady. Sportshylar tórt baǵdarlama boıynsha, atap aıtsaq, bir adam arbada, bir sportshy turyp bıleıtin; arbaǵa tańylǵan eki adam bıleıtin, jeke bir adam bıleıtin jáne frıstaıl baǵdarlamalary boıynsha óner kórsetedi.
Jalpy, úsh jyl ishinde týrnırge qatysamyn deýshilerdiń sany artqan. Jarys eń birinshi ret ótken jyly 36 adam qatyssa, qazir arbada otyrǵan 80 adam jarysqa qatysyp jatyr. Osylaısha, arbadaǵy sportshylardy qosa alǵanda, Halyqaralyq týrnırǵa barlyǵy 100-den astam adam qatysýda.

Bıyl elordada 30-dan astam aýla abattandyrylady
Astanada turǵyn úılerdiń aýlalaryn abattandyrý boıynsha keshendi baǵdarlama júzege asyrylýda. Atalǵan baǵdarlama aıasynda jol jabyny aýystyrylyp, balalar oıyn alańdary men sport alańdary, qoqys jáshikteri ornatylady, kólik qoıatyn oryndar jasalady, dep habarlady astana.gov.kz.
Bıyl «Saryarqa» aýdanynda 19, «Esil» aýdanynda 7 aýlany abattandyrý kózdelgen. «Almaty» aýdanynda kóp qabatty turǵyn úı sektoryndaǵy 16 úıdi qamtıtyn 10 aýlada keshendi abattandyrý jumystary júrgizilmek. Atap aıtqanda, 11 balalar oıyn alańy, 3 sport jáne 5 gımnastıka alańy jasalady, 56 trenajer, 80 qoqys jáshigi, 72 oryndyq ornatylyp, 8 kúrke, 8 kir jaıatyn oryn daıyndalady. Sonymen qatar, 12 801 sharshy metr aýmaqta asfaltbeton jabyny jóndeledi, al 4 465 sharshy metr aýmaqta qaıta tóseledi.
Aıta keteıik, ótken jyldyń qorytyndysy boıynsha Astanada abattandyrý baǵdarlamasy aıasynda 41 aýla men 12 aýla aýmaǵy abattandyryldy. Jóndeý jumystary aıasynda aýlalarda qaýipsiz shaǵyn arhıtektýralyq pishinder, trenajerlar ornatylyp jatyr. Sondaı-aq, «Esil» aýdanynda sport jáne oıyn alańdary jasaldy, buzylǵan shaǵyn arhıtektýralyq pishinder, sporttyq snarıadtar men trenajerlar, sándik qorshaýlar qalpyna keltirilip, aýystyryldy, balalar alańdaryna jaraqat alýǵa jol bermeıtin qaýipsiz rezeńke jabyndar tóseldi.

«Astana» veloshabandozy Dıego Rosa «Baskiler eli týry» besinshi kezeńiniń jeńimpazy atandy
«Baskiler eli týry» velokópkúndiginiń besinshi kezeńi aıaqtaldy, oǵan qatysýshylar taýly jolbaǵyt boıynsha 150 shaqyrymdyq qashyqtyqty eńserdi, dep habarlady Sports.kz.
Máre syzyǵyn biirnshi bolyp «Astananyń» ıspandyq shabandozy Dıego Rosa kesip ótti, ekinshi bolyp «Sky» komandasynan kolýmbııalyq Serhıo Enao márege jetti, kóshbasshylar úshtigin «Tinkoff» komandasynan ıspandyq Alberto Kontador túıindedi.
«Astanaanyń» qalǵan shabandozdary márege myna tártippen jetti: Mıgel Anhel Lopes 28-shi, Andreı Zeıts - 32-shi, Lýıs Leon Sanches - 50-shi, Darıo Kataldo - 78-shi bolyp keldi, Fabıo Arý bul kezeńdi aıaqtaı almady.

Turmysy tómen otbasylardyń balalary «Astana Operada» kontsertte boldy
«Nur Otan» partııasy «Birlik» fılıalynyń «Mádenıet» bastaýysh partııa uıymy turmysy tómen jáne muqtaj otbasylardyń balalaryn «Astana Opera» memlekettik opera jáne balet teatryndaǵy «Janýarlar karnavaly» ádebı-mýzykalyq kontsertine qonaqqa shaqyrdy, dep habarlady QR Mádenıet jáne sport mınıstrliginiń baspasóz qyzmeti.
«Astana Opera» teatrynda jas kórermenderdiń bolýyna «Nur Otan» partııasy uıymdastyrǵan «Baqytty balalyq» jobasy aıasynda «Mádenıet» partııa uıymynyń jas jigitteri men qyzdary kómektesti. Balalar dırıjer Rýslan Baımurzınniń basqarýyndaǵy sımfonııalyq orkestrdiń oryndaýynda «Janýarlar karnavaly» kontsertin tyńdaý múmkindigine ıe boldy.
«Janýarlar karnavaly» kontserti frantsýzdyń kórnekti kompozıtory Sharl-Kamıl Sen-Sanstyń kórnekti shyǵarmalarynyń biri. Teatrdyń jas kórermenderine sımfonııalyq orkestrdiń sheberligi jáne olardyń mýzykalyq aspaptarda janýarlar men qustardyń daýysyn. sondaı-aq olardyń án salýǵa elikteýin salýy úlken áser qaldyrdy.
Kontsertten keıińn balalar eldiń úzdik operalyq zalynda óz áserlerimen bólisti.
«Baqytty balalyq» jobasy jalǵasýda. Ol óskeleń urpaqta rýhanı qundylyqtardy nyǵaıtýǵa, balalardyń boıynda qazaqstandyq patrıotızmdi jáne óz eliniń tarıhy men mádenıetine qurmet sezimin tárbıeleýge baǵyttalǵan. «Mádenıet» partııa uıymy áleýmettik jaǵynan áljýaz jáne turmysy tómen otbasylardyń balalary arasynda tárbıelik, mádenı-aǵartý jumystaryn odan ári jalǵastyrýǵa nıetti.


Elordada jas aspapshylar frantsýz ımpressıonıst sazgerleriniń shyǵarmalaryn oryndaıdy
«Astana Opera» teatrynyń jas, talantty aspapshylary 13 sáýirde kameralyq zalda «Parıj kóktemi» atty romantıkalyq kontsert ótkizedi.
Teatrdyń baspasóz qyzmetiniń habarlaýynsha, keshti basqa da mýzykalyq aspaptar ansamblimen birge oınaıtyn roıal basqarady. Fortepıano partııasyn Elmıra Sultanǵazına, Dınara Qalabaeva, Anastasııa Grıshenkova, Aıgúl Qalkenova oryndaıdy. Olarǵa sımfonııalyq orkestrdiń sheber mýzykanttary - Álıma Ábeýova (fleıta), Dýman Orynǵalıuly (trýba), Almaz Toqpanov (klarnet), Maqsat Súleımenov (ksılofon) qosylady.
Mýzykalyq ımpressıonızm kóshbasshylary - frantsýz kompozıtorlarynyń súıikti shyǵarmalaryn oryndaý ıdeıasy jas mýzykanttardy biriktirdi. Kontsert baǵdarlamasynda M. Raveldiń trýba men fortepıanoǵa arnalǵan habanera túrindegi vokalız-etıýdi, fortepıanoǵa arnalǵan «Noktıýrny», K. Debıýssıdiń «Arabeskasy», «Aı jaryǵy», eki fortepıanoǵa arnalǵan «Ekstsentrıstik sulý» ansambl-tsıkly, E. Satıdiń fleıta, klarnet pen fortepıanoǵa salynǵan «Gımnopedııasy», D. Mııonyń eki fortepıanoǵa arnalǵan «Skaramýsh» ansambl-tsıkly, J. Iberdiń «Oqıǵalary» jáne t.b. shyrqalady.
Elmıra Sultanǵazına, tyńdarman nazaryna usynylatyn shyǵarmalardyń ereksheligi, sol zaman ıdeıalarynyń jańashyldyǵy men tańǵajaıyptyǵynda ekenin atap ótti.
«Árbir solıst kompozıtor-ımpressıonıstterdiń úzdik shyǵarmalarynan óziniń jan-dúnıesine jaqyn kóńil-kúı taba bildi. Bul sırek oryndalatyn mýzyka jarqyn reńderge qanyq shattyq sezimge bóleıdi, bir jaǵynan, tyńdarman ony da sezinsin degen oı boldy. Barlyq shyǵarmalar óziniń sıpaty men kóńil qoshtyǵyna qaraı ártúrli, áıtse de olardyń bári birdeı qabyldaǵanǵa jeńil jáne olarda frantsýzdarǵa tán náziktik bar», - dep áńgimeledi Elmıra Sultanǵazına.

A.Baıgenjın Astana qalalyq ІІD janyndaǵy Konsýltatıvtik keńes tóraǵasy bolyp saılandy
Astana qalalyq ІІD-nde Konsýltatıvtik keńes organynyń alǵashqy otyrysy ótti.
Qalalyq ІІD baspasóz qyzmetiniń habarlaýynsha, konsýltatıvtik keńestiń alǵashqy otyrysyn Astana qalasy Іshki ister departamenti bastyǵy polıtsııa general-maıory Amantaı Áýbákirov ashty.
«Konsýltatıvtik keńes organy Memleket basshysy Nursultan Nazarabaevtyń 100 naqty qadam - Ult Josparynda kózdelgen talaptaryn júzege asyrý maqsatynda quryldy jáne organnyń basty maqsaty Qazaqstan Respýblıkasy azamattarynyń quqyuqtary men bostandyqtaryn qorǵaý, polıtsııa qyzmetin ádil ári ashyq etý, azamattyq qoǵam men quqyq qorǵaý organdaryn arasynda ózara baılanys ornatý bolyp tabylady», dedi departament basshysy.
Konsýltatıvtik keńes oquramyna QR Parlamenti Májilisi men qalalyq máslıhat depýtattary, ishki ister organdarynyń ardagerleri, qoǵam qaıratkerleri, úkimettik emes uıymdar men buqaralyq aqparat quraldarynyń ókilderi kiredi.
Sonymen qatar, otyrysta daýys berý arqyly ІІD janyndaǵy Konsýltatıvtik keńes organynyń tóraǵasy bolyp «Ulttyq ǵylymı medıtsınalyq ortalyǵy» AQ bas dırektory Abaı Baıgenjın saılandy.

Astananyń polıtsııasy izi sýyǵan 12 qylmystyń betin ashty
Elordada 8-10 sáýir aralyǵynda «Qala sheti» atty jedel-aldyn alý sharasy ótti. Osylaısha, Astananyń krımınaldy polıtsııa qyzmetkerleri izi sýyp bara jatqan 12 qylmystyń betin ashqan.
Mysaly, «Z» esimdi azamat 8 sáýir kúni úıiniń tonalǵany týraly aryz jazǵan. Azamattyń aıtýynsha, urylar úıiniń terezesin buzyp, shamamen 200 myń teńge turatyn qundy zattardy qoldy qylǵan. «Saryarqa» aýdandyq ishki ister basqarmasynyń qyzmetkerleri jedel sharalardy qolǵa alyp, sol kúni kúdikti azamat - Ońtústik Qazaqstan oblysynyń 19 jastaǵy turǵynyn ustap, Astana qalalyq ІІD-niń ýaqytsha qamaý abaqtysyna japqan. Bul fakt QR Qylmystyq kodeksiniń «Urlyq» babyna saı, sotqa deıingi biryńǵaı tergeýler tizimine engizildi. Tergeý aıasynda ustalǵan azamattyń ózge de qylmystarǵa qatysy bar-joǵy anyqtalady.
Jalpy, jedel-aldyn alý sharasynyń aıasynda ákimshilik polıtsııa qyzmetkerleri men jergilikti polıtsııa qyzmeti shamamen 1 500 ákimshilik quqyq buzýshylyq faktilerin anyqtaǵan. Sonyń ishinde, buzaqylyqqa qatysty 100 fakt, qoǵamdyq oryndarda ishimdik ishken azamattarǵa qatysty 200 fakt, tyıym salǵan orynda saýda satqan azamattarǵa qatysty 35 fakt tirkelgen.
Al, jol qaýipsizdigine keler bolsaq, eki kún ishinde 231 júrgizýshi ákimshilik jaýapkershilikke tartylǵan. Astana qalalyq ІІD-niń baspasóz qyzmeti kóshi-qon zańnamasyn buzǵan TMD elderiniń 54 azamaty da ákimshilik jazaǵa tartylǵanyn habarlap otyr.

Qallekı teatry «Shıe» premerasyn usynady
Q.Qýanyshbaev atyndaǵy Memlekettik akademııalyq qazaq mýzykalyq drama teatry kórermen nazaryna kezekti jańa premerasyn usynady. Teatr sáýir aıynyń 18-19 kúnderi saǵat 19.00-de dramatýrg Anton Chehovtyń «Shıe baǵy» pesasynyń negizinde «ShIE» komedııasynyń premerasyn ótkizedi.
Qallekı teatrynyń baspasóz qyzmeti habarlap otyrǵandaı, spektakldiń rejısseri - tanymal teatr jáne kıno rejısseri, ıAkýtııanyń eńbek sińirgen óner qaıratkeri, Reseıdiń ulttyq teatrlarynyń arasynda ótetin «Zolotaıa maska» syılyǵynyń ıegeri Sergeı Potapov.
Shıe rólin «Zolotoı Vıtıaz 2015» Halyqaralyq teatr forýmynyń altyn dıplom ıegeri Aqmaral Tanabaeva somdasa, Baltash rólin Qazaqstannyń eńbek sińirgen qaıratkeri Nurken Óteýilov, Ǵaıyp rólin Qazaqstannyń eńbek sińirgen qaıratkeri- Qýandyq Qystyqbaev obrazdaıdy.

Ulttyq mýzeı ǵylymı qyzmetkerleriniń eńbekterinen turatyn kitap kórmesi ashylady
QR Ulttyq mýzeıinde erteń Ǵylym qyzmetkerleri kúnine oraı dóńgelek ústel ótedi, dep habarlaıdy Ulttyq mýzeıdiń aqparattyq-ımıdjdik qyzmeti.
Іs-sharaǵa arheologııa, etnografııa jáne tarıh salasynyń jetekshi ǵalymdary, qoǵam qaıratkerleri, Qazaqstan Respýblıkasy Mádenıet jáne sport mınıstrligi men Qazaqstan Respýblıkasy Bilim jáne ǵylym mınıstrligi ókilderi qatysady.
Іs-shara barysynda Qazaqstan Respýblıkasy Ulttyq mýzeıiniń ǵylymı-zertteý jumysyna qorytyndy jasalyp, damý perspektıvalary talqylanady. Sonymen qatar, Ulttyq mýzeı qabyrǵasynda mýzeı ǵylymı qyzmetkerleriniń eńbekterinen turatyn kitap kórmesi ashylady.
Aıta keteıik, Qazaqstan Respýblıkasy Tuńǵysh Prezıdenti N. Nazarbaevtyń Jarlyǵyna sáıkes 12 sáýir Ǵylym qyzmetkerleri kúni bolyp bekitildi. Atalǵan zań jańa ulttyq ǵylymı júıe qurýǵa negiz boldy.

Astanada Chelıabi oblysynyń kúnderi bastaldy
Búgin elordada Chelıabi oblysynyń Astanadaǵy kúnderiniń saltanatty ashylýy ótti. Sharaǵa Astana qalasynyń ákimi Ádilbek Jaqsybekov pen Chelıabi oblysynyń gýbernatory Borıs Dýbrovskıı qatysty, dep habarlady Astana qalasy ákiminiń baspasóz qyzmeti.
Ekijaqty kezdesý barysynda qala basshysy men Chelıabi oblysynyń gýbernatory yntymaqtastyqty odan ári damytý máselelerin talqylap, ózara yqpaldastyqtyń perspektıvalyq baǵyttaryn aıqyndady.
«Dostyq qarym-qatynas sabaqtastyǵy saqtalyp, jalǵasyn taýyp otyrǵany qýantarlyq jaıt. Ýraldyq áriptesterimiz ben dostarymyzdy árqashan da qushaq jaıa qarsy alamyz. Delegatsııanyń osy sapary aımaqtardyń ekonomıkalyq jáne gýmanıtarlyq qarym-qatynasyn odan ári keńeıtýge jáne tereńdetýge aıtarlyqtaı serpin bermek», - dedi Á. Jaqsybekov. Elorda basshysy Astana men Chelıabi oblystarynyń geografııalyq jaqyndyǵy osyǵan óz yqpalyn tıgizetinin atap ótti.
Astana ákimi aımaq basshysyn Chelıabi oblysynyń 2020 jyly ShYU men BRIKS sammıtin ótkizý quqyǵyn jeńip alýymen quttyqtady. Óz kezeginde, B. Dýbrovskıı Qazaqstannyń astanasyna qalanyń halyqaralyq keń aýqymdy is-sharalardy uıymdastyrý jáne ótkizý boıynsha tájirıbesin zertteý úshin kelgendigin jetkizdi.
«Astananyń halyqaralyq keń aýqymdy is-sharalardy uıymdastyrý jáne ótkizý boıynsha tájirıbesi asa mańyzdy. Astanadan úırenerimiz bar - halyqaralyq tájirıbe perspektıvasynda da, is-sharalardy uıymdastyrý jaǵynan da. Biz osy daǵdylarǵa qyzyǵýshylyq tanytyp otyrmyz», - dedi Chelıabi oblysynyń gýbernatory.
B. Dýbrovskıı Qazaqstannyń elordasy 2017 jyly EKSPO kórmesin ótkizýge daıyn bolatynyna senimin bildirdi. Aımaq basshysy reseılik taraptyń Astanany, sonyń ishinde týrıstik salada qoldaıtynyn jetkizdi.
Sondaı-aq gýbernator Astananyń shaǵyn jáne orta kásipkerlikti damytý salasyndaǵy tájirıbesin, aımaqta bıznes-ahýaldy jaqsartý boıynsha júrgizip jatqan jumystaryn atap ótti. Osy jáne basqa da salalarda qolǵa alynǵan jumystar týraly tolyǵyraq taraptar iskerlik kezdesýler men «dóńgelek ústelder» barysynda talqylaıtyn bolady. Memlekettik-jeke menshik áriptestik pen ShOB-ty qoldaý salasyndaǵy yntymaqtastyq týraly reseılik qonaqtarǵa Kásipkerler palatasynyń ókilderi aıtyp beredi.
Elorda ákimdiginde taraptardyń ınvestıtsııalyq áleýeti tanystyrylyp, ınvestıtsııalar, kásipkerlik jáne týrızm salalarynda yntymaqtastyq ornatý týraly kelisimderge qol qoıyldy. Sonymen qatar, birqatar mádenı jáne sporttyq sharalar uıymdastyrylady.
Búgin hokkeıden «Barys» jáne «Traktor» balalar komandalarynyń joldastyq kezdesýi ótedi. Beıbitshilik jáne kelisim saraıynda Ońtústik Ýralǵa arnalǵan kórkemsýret kórmesi, Chelıabi oblysynyń shyǵarmashylyq ujymdarynyń kontserti ótedi.
Erteń qonaqtar Astananyń ónerkásiptik, mádenı jáne áleýmettik nysandarymen tanysady, «Astana EKSPO-2017» UK» AQ basshylyǵymen kezdesedi.
Aıta keteıik, Astana men Chelıabi oblysynyń arasyndaǵy yntymaqtastyq 15 jyldan beri jalǵasyp keledi. Aımaqtar arasyndaǵy qarym-qatynas resmı túrde 2001 jyly qazan aıynda Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi kelisimge qol qoıylǵan kezde bastalǵan bolatyn.

Astanany sý basý qaýpi joq - QR ІІM TJK
Elordany sý basý qaýpi joq. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıng barysynda QR ІІM Tótenshe jaǵdaılar komıtetiniń tóraǵasy Vladımır Bekker málim etti.
«Astanany sý basý qaýpi joq. Buǵan deıin aıtqanymdaı, Vıacheslavsk nemese Astana sý qoımalary artyq sý kóleminen der kezinde aryldy», - dedi ol BAQ óilderiniń saýalyna oraı.
Onyń naqtylaı túsýinshe, 6 sáýirde Vıacheslavsk sý qoımasynan artyq sýdy aǵyzyp jiberý jumystary qolǵa alynǵan.
«Búginde sýdy aǵyzý sekýndyna shamamen 110 tekshe metr kóleminde júrgizilýde. Astanaǵa deıin jetý ýaqyty - shamamen 2 kún. Esil ózeniniń qalalyq tarmaǵyna sekýndyna ne bári 5 tekshe metr sý jiberilýde. Qalǵan sýdyń barlyǵy da Astana qalasyn qorǵaý kesheni dep atalatyn qarsy rettegishke aǵyzylýda. Búginde ol jaqta 20 mln. tekshe metrden astam sý jınalǵan. Sondyqtan Astanaǵa esh qaýip tónip turǵan joq», - dedi V.Bekker.
Komıtet basshysynyń aıtýynsha, bul sýdy qarsy rettegishte ustap turý josparlanǵan. Odan keıin bul sý birqatar óńirdegi sý tasqyny qaýpi basylǵannan keıin ózenge jiberiledi.
«Aqmola men Soltústik Qazaqstan oblysyndaǵy tótenshe jaǵdaı ótkennen keıin bul sýdy biz birtindep, 30 tekshe metrge deıin kólemmen ózenge aǵyzatyn bolamyz», - dep túsindirdi komıteti basshysy.

«Barys» pen «Traktor» balalar hokkeı mektebiniń komandalary joldastyq kezdesý ótkizdi
Astanadaǵy Chelıabi oblysynyń (RF) kúnderi aıasynda «Barys Arena» muz stadıonynda «Barys» (Astana) pen «Traktor» (Chelıabi) balalar hokkeı mektebiniń komandalary joldastyq kezdesý ótkizdi.
Chelıabi oblysynyń gýbernatory Borıs Dýbrovskıı alańǵa shaıba tastap, matchty saltanatty túrde ashyp berdi.
Qazaqstan astanasyna sapary kezinde búgin B.Dýbrovskıı elorda ákimi Ádilbek Jaqsybekovpen kezdesti. Basqosý kezinde taraptar eki óńirdiń ınvestıtsııalyq qarym-qatynasy men túrli salalardaǵy baılanystardyń áleýetin talqylady. Chelıabi oblysynyń gýbernatory óz sózinde Astananyń túrli aýqymdaǵy sharalardy uıymdastyrýdaǵy tájirıbesi qyzyqtyratyndyǵyn atap ótti.
Matchtan soń gýbernator Beıbitshilik jáne kelisim saraıynda arnaıy fotokórmeniń ashylýyna barady jáne «Ýral» men «Ýralskıı Dıksılend» bı ansamblderiniń kontsertin tamashalaıdy dep kútilýde. Astanadaǵy Chelıabi oblysynyń (RF) kúnderi 13 sáýirge deıin jalǵasady.

Ə.Jaqsybekov Chelıabi oblysynyń Astanadaǵy kúnderiniń saltanatty ashylýyna qatysty
Astana qalasynyń əkimi Ədilbek Jaqsybekov pen RF Chelıabi oblysynyń gýbernatory Borıs Dýbrovskıı elordadaǵy Chelıabi oblysy kúnderiniń saltanatty ashylýyna arnalǵan kontsertti tamashalady.
Astana əkimdiginiń baspasóz qyzmeti taratqan aqparatqa súıensek, bul saltanatty keshke kelmes buryn elorda əkimi men Chelıabi oblysynyń gýbernatory ekijaqty kezdesý ótkizip, ózara is-qımyldyń bolashaǵyn talqylaǵan.
Al, saltanatty kesh aıasynda sóz alǵan Astana qalasynyń əkimi Ə.Jaqsybekov Qazaqstannyń elordasy men Chelıabi oblysynyń arasyndaǵy dostyqtyń nyǵaıyp kele jatqanyna qýanatynyn aıtty. "Ýraldyq dostarymyzdyń kelgeni bizdi ərqashan qýantady. Oblys gýbernatory bastaǵan úlken delegatsııanyń sapary eki óńirdiń gýmanıtarlyq, sondaı-aq ekonomıkalyq qarym-qatynasyn odan saıyn nyǵaıta túspek", - dedi əkim.
Chelıabi oblysy 2020 jyly Shanhaı Yntymaqtastyq uıymynyń sammıtin ótkizetin bolǵan soń Ə.Jaqsybekov orys əriptesin osy jeńispen de quttyqtap ótti. Bul rette, B.Dýbrovskıı Astanaǵa kelýdegi maqsatynyń biri - Astananyń osyndaı halyqaralyq iri sharalardy ótkizýdegi təjirıbesin úırený dep atap ótti.
Al, saltanatty sharaǵa toqtalar bolsaq, kontsertte Chelıabi oblysynyń ǵana emes, búkil Reseıdiń ataǵyn shyǵaryp júrgen "Ýral" memlekettik bı ansambli óner kórsetti. Kontsert aıasynda ońtústik Ýral týraly syr shertetin kórkem fotokórme ótti.

Astanada shyǵarmashyl jastardyń gala-kontserti ótedi
13 sáýir kúni Kongress-hollda Astana qalasy jastar saıasaty máseleleri jónindegi basqarmasynyń qoldaýymen «Nur Otan» partııasy «Jas Otan» jastar qanatynyń uıymdastyrýymen «Jastar Jalyny - 2016» atty shyǵarmashyl jastar festıvaliniń resmı jabylý saltanatyna arnalǵan gala-kontsert ótedi. Bul týraly «Jas Otan» jastar qanatynyń baspasóz qyzmeti habarlady.
Dástúrli shara Qazaqstan Respýblıkasynyń 25 jyldyǵyna oraı uıymdastyrylyp otyr. Gala-kontsertke qazaqstandyq estrada juldyzdary Marjan Arapbaeva, Dımash Qudaıbergenov, aǵaıyndy Júginisovter jáne t.b. qatysady.
Sharanyń maqsaty - jastardyń azamattyq jáne shyǵarmashylyq belsendiligin arttyrý, daryndy jastardy anyqtaý jáne táýelsizdik taǵylymyn tanyta otyryp, patrıottyq rýhta tárbıeleý.

Ulttyq mýzeıde ǵylym kúnine arnalǵan shara ótti
Búgin QR Ulttyq mýzeıinde Ǵylym qyzmetkerleri kúnine oraı dóńgelek ústel ótti.
«Ózderińizde biletindeı, búgin ǵylym qyzmetkerleriniń kúni. Bul 2011 jyly Elbasymyzdyń Jarlyǵymen bekitilgen mereke jáne onyń 12-shi sáýirge belgilenýi de teginnen-tegin emes. Óıtkeni, adam balasynyń ǵaryshty ıgerýi ótken ǵasyrdyń 61 jylynyń dál 12-shi sáýirine dóp kelgen edi. Munan bólek, ǵulama ǵalymymyz Qanysh Imataıuly Sátbaevtyń da týǵan kúni. Sondyqtan Qazaqstandaǵy ǵylym qyzmetkerleri kúnimen barshańyzdy quttyqtaımyn»,- dedi dóńgelek ústel otyrysyn ashqan Ulttyq mýzeı dırektory Darhan Myńbaı.
Іs-shara barysynda Qazaqstan Respýblıkasy Ulttyq mýzeıiniń ǵylymı-zertteý jumysyna qorytyndy jasalyp, damý perspektıvalary talqylandy. Sonymen qatar, Ulttyq mýzeı qabyrǵasynda mýzeı ǵylymı qyzmetkerleriniń eńbekterinen turatyn kitap kórmesi ashyldy.
Aıta keterligi, dóńgelek ústel otyrysyna arheologııa, etnografııa jáne tarıh salasynyń jetekshi ǵalymdary, qoǵam qaıratkerleri, Qazaqstan Respýblıkasy Mádenıet jáne sport mınıstrligi men Qazaqstan Respýblıkasy Bilim jáne ǵylym mınıstrligi ókilderi qatysty.

e-Gov.kz portalyn 5 mln qazaqstandyq úzilissiz paıdalanyp keledi - B.Bekbaýov
Qazaqstannyń elektrondy úkimet portaly arqyly halyqqa on jyl ishinde 130 mln ret qyzmet kórsetilgen. Bul týraly búgin Ortalyq kommýnıkatsııalar qyzmetindegi brıfıng barysynda «Ulttyq aqparattyq tehnolorııalar» AQ basqarma tóraǵasynyń orynbasary Baǵlan Bekbaýov məlim etti.
«Búgin «e-Gov.kz» portalynyń iske qosylǵanyna on jyl tolǵan kún. Elektrondy úkimet portaly bir kúnde quryla salǵan joq. Memlekettik organdardyń bir-birimen óte tyǵyz baılanys ornatyp, memlekettik qyzmet túrlerin barynsha elektrondy júıege asýystyrý kerek degen bir maqsatty kózdegeniniń arqasynda jaqsy nətıjelerge qol jetkizdik.
Osy ýaqyt ishinde serverlik ıfraqurylym quryldy, biryńǵaı transporttyq jeliler quryldy. Sondaı-aq elektrondy qoltańba paıda boldy. Statıstıkaǵa toqtalar bolsaq, qazir 900-ge jýyq qyzmet túrleri men servıster avtomattandyrylǵan. Sonyń ishinde, 240 qyzmet túri elektrondy úkimet portalynyń tóńireginde avtomattandyrylǵan. Oy ýaqytqa deıin 130 mıllıonǵa jýyq qyzmet kórsetilgen. Bizdiń elektrondy úkimet portalynda 5 mıllıonǵa jýyq qoldanýshy tirkelgen», - dedi B.Bekbaýov.
Elektrondy úkimettiń bir damyǵan qyzmeti - bıznesti onlaın tirkeý qyzmeti eken. Sebebi, búgingi brıfıngte belgili bolǵandaı, 2013 jyldan beri e-Gov portaly arqyly 73 myń kompanııa ashylǵan. Al, jalpy portal arqyly meken-jaı anyqtamasy men zeınetaqy aýdarymdary týraly anyqtama alýdy qazaqstandyqtar ədetke aınaldyrǵany basa aıtyldy.
Astana oqýshylary ǵaryshtyq zertteýler jarysynan júldeli oraldy
Baıqońyr qalasynda Ǵaryshkerler kúnine arnalǵan XII «Ǵylym álemin ashamyz» ǵaryshtyq zertteýler boıynsha Halyqaralyq ǵylymı jarys aıaqtaldy. Jarys qorytyndysy boıynsha elordalyq 26 jas ǵalym úıge oljaly qaıtty. Bul týraly elordanyń resmı saıty habarlady.
XII «Ǵylym álemin ashamyz» ǵaryshtyq zertteýler boıynsha Halyqaralyq ǵylymı jarys Baıqońyr qalasynda akademık V.Chelomeıa atyndaǵy halyqaralyq ǵarysh mektebinde «Daryn» respýblıkalyq ǵylymı-praktıkalyq ortalyǵymen Ǵaryshkerler kúni qarsańynda jyl saıyn ótkiziledi.
Ǵylymı jarystardyń basty maqsaty - ǵylymǵa jasóspirimderdiń qyzyǵýshylyǵyn arttyrý, ǵylymı-zertteý qyzmetine baýlý, otandyq jáne álemdik ǵaryshtyq jetistikterdi nasıhattaý, daryndy balalardy anyqtaý, damytý jáne qoldaý.
Ǵylymı jobalardy qorǵaý 5 sektsııa boıynsha júrgizildi: «Zymyrandyq tehnıka jáne ınfraqurylym», «Ǵaryshtyq aqparattyq tehnologııalar jáne modeldeý», «Ekologııa jáne ǵaryshtyq qyzmet», «Astrofızıka jáne Dúnıe júziniń evolıýtsııasy», «Kún júıesi».
Jarysqa 11 synyp oqýshylary - bıylǵy respýblıkalyq ǵylymı jobalar konkýrsynyń ІІ kezeńiniń jeńimpazdary men júldegerleri, І, ІІ jáne ІІІ dárejeli dıplom alǵandar qatysty. Ǵylymı jobalar jarysynyń qorytyndysy boıynsha 26 elordalyq oqýshy júldeli oryndarǵa ıe boldy, sonyń ishinde 9 «altyn», 7 «kúmis», 10 «qola».
«Jarys joǵary deńgeıde uıymdastyrylǵan. Balalar ǵaryshqa jaqyn keńistikke endi. Alǵash ret Baıqońyr ǵarysh aılaǵyn, tuńǵysh ǵaryshker mýzeıin, konstrýktor Korolevtyń úıin tamashalady. Kóptegen paıdaly aqparatty olar óz jobalaryna qosqan bolatyn. Osylaısha, jarysta jaqsy nátıjelerge qol jetkizdi», - dedi «Astana daryny» RǴPO ınnovatsııalyq pedagogıkalyq tehnologııalar zerthanasynyń ádiskeri Janar Beısenbaeva.

Álemniń 30 elinde «Uly Dala. Máńgilik el» atty derekti fılmniń túsirilimi bastalmaq
Memleket basshysynyń bes reformasyn júzege asyrý aıasynda «100 naqty qadam» Ult josparyna sáıkes, Sapar Ysqaquly TOO «DAMU MEDIA GROUP» túsirilim tobymen «Uly Dala. Máńgilik el» atty avtorlyq joba qurǵaly otyr.
Ol jobada 40-50 bólimnen turatyn Uly Daladaǵy memlekettiń qurylýy týraly derekti fılm túsirý josparlanǵan. Fılm Qazaqstan Respýblıkasy Táýelsizdiginiń 25 jyldyǵyna arnalǵan.
Fılmge qajetti materıal jınaý - sáýir aıynan bastalyp, osy jyldyń qarasha aıyna deıin sozylmaq.
Atalǵan derekti fılm Reseı Federatsııasynda, atap aıtqanda Omby, Orynbor, Astrahan qalalarynda, sonymen qatar Bashqurtstan, Daǵystan, Qyrym, Karashaı-Sherkes, Qabardın-Balqar Respýblıkalarynda, Stavropol aımaǵy, Tatarstan, Sheshenstan, Monǵolııa, Qytaı Halyq Respýblıkasy, Qyrǵyzstan, Ózbekstan, Túrkimenstan, Ázerbaıjan, Ýkraına, Rýmynııa, Moldavııa, Majarstan, Bolgarııa, Horvatııa, Armenııa, Grýzııa, Sırııa, Mysyr, Úndistan, Izraıl, Palestına, Frantsııa, Germanııa, Italııa elderinde jáne elimizdiń Astana, Almaty, Qostanaı, Aqtóbe, Pavlodar, Semeı, Óskemen, Taraz, Shymkent, Qyzylorda, Aqtaý, Atyraý, Oral qalalarynda túsiriledi dep josparlanýda.
Derekti fılmde joǵaryda atalyp ótken elderdegi ataqty ǵalymdar men zertteýshilermen suhbattar, tarıhı jáne arheologııalyq eskertkishter kórsetilmek. Sapar Ysqaqulynyń aıtýynsha, bul fılm Qazaqstannyń baı tarıhy men mádenıetin, ata-babalardyń erligin jan-jaqty ashýǵa baǵyttalǵan.
«Bizdiń maqsatymyz - qazaq salt-attynyń, tulparynyń tuıaǵy basqan jerlerdi kórsetý. Qazaqqa, onyń ishinde jastarǵa bizdiń babalarymyzdyń qanshalyqty batyr bolǵandyǵyn, ozyq bolǵandyǵyn, bilimdar bolǵandyǵyn, sol zamandarda qanshalyqty órkenıetti el bolǵanymyzdy aıtyp jetkizý, olar bizge qandaı mura qaldyrdy - osynyń barlyǵyn ekspedıtsııa barysynda derekti reportaj retinde pash etkimiz keledi», - dep atap ótti S.Ysqaquly tilshilerge bergen suhbatynda.
Fılm túsirilimi bir jylǵa taıaý merzimde túsirilmek jáne onda joba avtorlary Eýropany, Úndistandy, Qytaıdy baǵyndyrǵan babalar jaıynda tyń materıaldar usynbaq.
«Bizdiń tarıhymyz 550 jylmen shektelmeıdi, bul bizdiń berjaǵyndaǵy ǵana tarıhymyz. Bizdiń tarıh bizdiń zamanymyzǵa deıingi dáýirlerden bastaý alatyny sózsiz. Sondyqtan biz áriden bastaımyz. Bizdiń zamanymyzǵa deıingi 300-400 jyl buryn Jetisý aımaǵynda Saqtar órkenıeti dúrkirep turdy, sapar barysynda sonda bolamyz, sonan soń Mońǵolııa jerindegi Kók túrkiler dáýiri týraly túsiremiz. Úndistanda boldyq. Onda Babyr hanmen birge qypshaqtar da barǵany málim. Olardyń ishinde jaýyngerler, qolbasshylar ǵana emes, qolónershilerimiz, aqyndarymyz, bı-shonjarlarymyz da barǵan. Úndistannyń soltústik Kashmır aımaǵyn Muhammed Haıdar Dýlatı basqarǵanyn biri bilse, biri bilmeıdi. Haıdar Dýlatı týraly da túsiremiz», - deıdi S.Ysqaquly.
Sapar Ysqaquly - Álemniń 6 qurlyǵynyń 125-ten astam elderinde bolyp, Ońtústik polıýs (Antarktıka) men Soltústik polıýs (Arktıka) baǵyndyrǵan tanymal saıaxatshy, metsenat. 2014-jyly «Queen Elizabeth 6» kemesimen álemdi kezip, 27 elderinde «Astana EKSPO - 2017» jalaýyn jelbiretken bolatyn. 2015 jyly Ońtústik jáne Ortalyq Amerıka, Úndi Muhıty elderinde bolyp, kóptegen kezdesýler ótkizdi. Bul - kezdesýlerde osy elderdiń Úkimet ókilderi, bıznes, týrızm, BAQ quraldarynyń ókilderine aldymyzdaǵy «Astana EKSPO - 2017» týraly, jalpy Qazaqstan Respýblıkasy týraly aıtyldy. Bul - saıahattardyń nátıjesi «Habar» arnasynda «Týr de Habar» atty 53 baǵdarlama kórsetildi.

Astanada alǵashqy qazaqstandyq zombı-trıllerdiń kórsetilimi boldy
Búgin Astanadaǵy «Good Fellas. Cinema & Lounge» kıno klýbynda tilshilerge arnap «Óliktermen selfı» atty alǵashqy qazaqstandyq zombı-trıllerdiń kórsetilimi boldy.
Budan buryn habarlanǵandaı, fılm kınoteatr ekrandaryna 14 sáýirden bastap shyǵady. Bul lentada zombı-apokalıpsıs jaıynda baıandalady, ıaǵnı oǵan Astanadaǵy asa qupııaly zerthanadan taralǵan vırýstyń saldarynan adamzatqa tóngen qater arqaý bolyp otyr. Týyndynyń basty keıipkeri Asan esimdi azamat vırýs juqtyrǵan balasyn qutqarýǵa tyrysady.
Tilshilerge kartınany prodıýser Ermek Shahmet, rejısser Dáýlet Áýelbekov, sondaı-aq Nargız Rashıdenova, Kamıla Núsipova, Abylaı Ibraıuly sekildi akterler tanystyrdy.
«Sıýjeti boıynsha barlyq zombı-fılmder bir-birine uqsas keledi. Biraq ta olardan bir ereksheligi - biz ondaǵy oqıǵa jelisin elimizdiń aýmaǵynda bolǵandaı etip, osyndaǵy jaǵdaıǵa beıimdeýge tyrystyq. Bul týyndy negizinen jastarǵa qyzyqty bolýy úshin túsirdik»,-deıdi E. Shahmet.
E. Shahmettiń sózine qaraǵanda, túsirý toby fılmniń ekinshi bólimin túsirýdi josparlap otyr.
«Ekinshi bólimniń sıýjeti ázirge qupııa. Endi biz Almatydaǵy oqıǵa jelisin kórsetkimiz keledi. Meniń oıymsha, biz onda qyzyqty sátterdi kóbirek qamtıtyn bolamyz. Qazirgi kezde stsenarıin aıaqtaýǵa jaqyndap qaldyq, ıaǵnı mamyr aıynyń sońyna qaraı fılmdi túsirýdi bastaımyz degen oıdamyn», -dep túıdi sózin prodıýser.

Qazǵaryshta Aıdyn Aıymbetovti quttyqtady
Búgin «Qazaqstan Ǵarysh Sapary» UK» AQ-da adamnyń ǵaryshqa alǵash ushýynyń 55 jyldyǵyna arnalǵan saltanatty jıyn bolyp ótti.
Kompanııa prezıdentiniń m.a. Erbolsyn Nurseıitov ujymdy ǵaryshkerler kúnimen quttyqtady.
«Biz bul kúni barlyq úsh qazaqstandyq ǵaryshkerdi quttyqtaımyz. Sonyń ishinde bizdiń kompanııanyń vıtse-prezıdenti Aıdyn Aqanuly Aıymbetov bar», - dep atap ótti ol.
Kompanııa qyzmetkerleri Toqtar Áýbákirovtiń, Talǵat Musabaevtyń, Aıdyn Aıymbetovtiń ǵaryshqa ushýy týraly beıne jáne fotomaterıaldardy daıyndap, qazaqstandyq ǵarysh tarıhyna sholý jasady.
Aıdyn Aıymbetov áriptesteriniń ótinishi boıynsha ǵaryshqa ushý kezinde oryn alǵan qyzyqty jaǵdaılar týraly baıandap berdi.
«Meniń ǵaryshker bolý armanym qazaqstandyqtardyń qoldaýynyń arqasynda oryndaldy. Qazirgi kezde men ómirimizge zamanaýı ǵarysh tehnologııalaryn engizip otyrǵan kompanııada qyzmet atqaryp otyrmyn. Men óz eńbegimmen qazaqstandyq ǵaryshty damytý salasyna úles qosa alatynyma baqyttymyn», - dedi qyzmettesterin merekemen quttyqtaǵan A.Aıymbetov.
Ataýly datanyń qurmetine «Qazaqstan Ǵarysh Sapary» UK» AQ-nyń ǵarysh tehnologııalary jónindegi vıtse-prezıdenti A.Aıymbetov kompanııa basshylyǵynyń atynan úzdik qyzmetkerlerge gramotalar men alǵyshattar tabystady.
Sáýir aıy boıy elordada beıneleý óneri boıynsha dárister toptamasy uıymdastyrylady
Qazaqstan Respýblıkasy táýelsizdiginiń 25 jyldyǵy qarsańynda sáýir aıy boıy «Astana» Ulttyq sýret galereıasy elorda turǵyndary men qonaqtaryna arnaıy beıneleý óneri boıynsha dárister toptamasyn uıymdastyrady.
Osy rette 13 sáýir kúni atalǵan galereıada «Qazaqstannyń grafıka óneri» atty dáris ótedi. Atalǵan is-sharanyń maqsaty - Qazaqstannyń beıneleý ónerin dáripteý, beıneleý óneri týraly qysqasha teorııalyq bilim berý, jastardyń boıyndaǵy estetıkalyq sezimdi tárbıeleý, kórkemdik talǵam men shyǵarmashylyq oı qalyptastyrý, ulttyq tarıh jáne álemdik mádenıet boıynsha bilim berýge negizdelgen.
Atap aıtqanda, dárister grafıka ádisteri, gravıýra, grafıkanyń beıneleý ónerinde alatyn orny taqyryptaryn qamtymaq.
Onyń barysynda Á. Qasteev, A. Ǵalymbaeva, I. Isabaev, E. Sıdorkın, N. Baranov jáne taǵy basqa Qazaqstan sýretshileri, grafıka men gravıýra sheberleri shyǵarmalarynyń reprodýktsııasy nazarǵa usynylady.

Ulttyq mýzeıde elorda oqýshylarynyń arasynda asyq atýdan ashyq týrnır ótti
Qazaqstan Respýblıkasy Ulttyq mýzeıinde Astana mektepteri oqýshylarynyń qatysýymen asyq atýdan ashyq týrnır ótti, dep habarlaıdy Ulttyq mýzeıdiń aqparattyq-ımıdjdik qyzmeti.
Týrnırdiń ashylýynda sóz sóılegen Ulttyq mýzeı dırektorynyń orynbasary Abaı Satýbaldın asyq atý oıynynyń mańyzdylyǵy týraly aıta kele, qoǵam bolyp qazaqtyń ulttyq oıyndaryn qoldaýǵa shaqyrdy.
«Asyq oıyny balany mergendikke, ustamdylyqqa tárbıeleıdi. Qazaq: «Qoı asyǵy demeńiz, qolǵa jaqsa saqa tut, jasy kishi demeńiz, aqyly assa aǵa tut» dep beker aıtpaǵan. Ulttyq tárbıe - ulttyq oıynnan kelip shyǵady. Keshegi qıyn kezeńderde ulttyq bolmysymyzǵa jasalǵan túrli shabýyldardy bastan keshtik. Táýelsiz el bolyp, óz erkimiz óz qolymyzǵa tıgende ata-babalarymyzdan qalǵan qundy muralarymyzdy qaıta jańǵyrtý, nasıhattaý bizdiń basty boryshymyz. El Táýelsizdiginiń 25 jyldyǵyna arnalǵan sharaǵa qosh keldińizder», - dedi A.Satýbaldın.

Týrıstik salany damytýǵa arnalǵan «Keń Dala» ulttyq syılyǵy jarııalandy
Búgin Astanada Ortalyq kommýnıkatsııalar qyzmetindegi baspasóz máslıhatynda týrıstik saladaǵy «Keń Dala» ulttyq syılyǵy baıqaýynyń bastalǵandyǵy málim boldy.
Atap aıtqanda, baıqaýdy elimizdiń týrıstik naryǵynyń kóshbasshylaryn biriktirgen Qazaqstannyń týrındýstrııa ulttyq odaǵy uıymdastyryp otyr.
Atalǵan odaqtyń atqarýshy dırektory Gaýhar Jeńisbektiń sózine qaraǵanda, bul syılyq týrızmniń damýyn yntalandyrýǵa, jaqsy kompanııalardy anyqtaýǵa jáne tanymal baǵdarlar trendin jasaýǵa baǵyttalǵan.
«Ulttyq syılyq týrızm ındýstrııasyn damytýǵa eleýli úles qosqany úshin salalyq júlde retinde taǵaıyndaldy. Baıqaý 12 atalymdy qamtyp otyr»,-dedi G. Jeńisbek.
Atalymdar arasynda oqıǵalyq týrızmniń eń jaqsy jobasy; úzdik ulttyq týrıstik kompanııa; úzdik aımaqtyq týrıstik kompanııa; úzdik gıd-saıahat júrgizýshi; úzdik shıpajaı; qonaq úı ındýstrııasynyń úzdik nysany; úzdik balalar demalysy baǵyttary qamtylǵan.
Onyń sózine qaraǵanda, baıqaýdyń nátıjesin ádil baǵalaý úshin «Sarapshylyq keńes» qurylýda. Keńes quramyna memlekettik organdar , qoǵam qaıratkerleri, týrıstik mamandar shaqyrylady.
Jobanyń mindetteri «EKSPO-2017» qarsańynda týrıstik qyzmetterdiń sapasyn jaqsartýǵa, týrızmmen baılanysty salalardy (qolónershiler, qyzmet kórsetý salasy, kólik, tamaqtandyrý, qonaq úıler jáne basqalar) damytýǵa, ekologııalyq týrızmdi damytýǵa kómektesýge negizdelgen.

«Alǵashqy Qarlyǵash» laqap atymen tanymal narkobaronnyń kúıeý balasy 25 jylǵa sottalýy yqtımal
Krımınaldyq ortada «Alǵashqy Qarlyǵash» laqap atymen tanymal narkobaronnyń kúıeý balasy, Qyrǵyzstannan geroınniń iri arnasyn uıymdastyrǵany úshin 25 jylǵa sottalýy yqtımal. Bul týraly búgin QR ІІM Esirtkige qarsy kúres departamentiniń dırektory Sultan Qusetov málim etti.
«Ony 25 jylǵa deıin jazalaý múmkin. Sebebi transshekaralyq qylmystyq top jasaqtap, esirtkiniń iri kólemin jetkizetin arna qurǵan», - dep atap ótti ol tilshilerdiń saýalyna bergen jaýabynda.
Onyń aıtýynsha, qylmystyq topqa «qamqorlyq» jasap kelgen polıtseıler týraly málimet joq, degenmen mundaı baılanystardyń bolǵan, bolmaǵanyn tergeý barysynda mamandar tekseretin bolady.
S.Qusetovtiń sózi boıynsha, atalmysh qylmystyq top quqyqqorǵaýshylardyń nazaryna jarty jyl buryn túsken. Jedel taldaý kórsetkenindeı, top jumysyn óte qupııa uıymdastyrǵan, onyń árbir múshesinde óziniń naqty mindetteri bolǵan, top-topqa bólingen olar birin-biri týraly bilmegen jáne olardyń is-qımylynan da maqrum bolǵan, bul óz kezeginde aqparattyń syrtqa tarap ketýin boldyrmaıdy.
Kelissózder barysynda qupııa sózder men termınder qoldanylǵan. Geroındi jetkizý úshin jáne qylmystyq top adamdarynyń tasymaly úshin tekserilgen taksı júrgizýshileri men poıyz jolserikteri tartylyp otyrǵan. Esirtkiden túsken qarajatty jiberý úshin turǵylyqty jeri joq tulǵalardy jaldap otyrǵan. Esirtkini saqtaý úshin Qyrǵyzstan men Qazaqstan qalalarynda árdaıym jaldamaly páterlerdi ózgertip otyrǵan.
«Múddeli organdardyń birlesken is-qımyly arqasynda Qazaqstanǵa jáne ózge de memleketterge aýǵan esirtkisin jetkizý arnasy joıyldy. Qylmyskerlerdi quryqtaý kezinde ǵana 100 mln teńgege 3 keli geroın tárkilendi», - dep atap ótti S.Qusetov.
Anyqtalyp otyrǵanyndaı, sońǵy eki jylda atalmysh qylmystyq top esirtkiden 558 mıllıon teńge qarajat zańdastyrǵan.

Elordalyq dárigerler ızraıldik áriptesteriniń tájirıbesin úırenýde
Astanalyq dárigerler jedel medıtsınalyq járdem jumysy salasynda Izraıldiń jetekshi klınıkalarynda bilim aldy.
Halyqaralyq tájirıbeni úırenip kelgen dárigerler aldaǵy ýaqytta óz bilimderimen jáne tájirıbelerimen qalalyq jedel járdemniń basqa qyzmetkerlerimen bólispek, dep habarlaıdy astana.kz.
Astana qalasynyń Oqý-klınıkalyq ortalyǵynyń keshendi josparyna sáıkes, qalalyq Jedel medıtsınalyq járdem stantsııasyndaǵy áriptesteriniń ozyq tájirıbesin úırený maqsatynda elordalyq Densaýlyq saqtaý basqarmasynyń bastamasymen bir top dáriger Izraldiń jetekshi klınıkalaryna oqýǵa jiberildi.
Oqý barysynda otandyq mamandar jalpy medıtsınalyq qyzmet kórsetýden basqa, donorlyqty uıymdastyryp, halyqqa alǵashqy kómek kórsetý joldaryn úıretetin Izraıl ulttyq shuǵyl kómek kórsetý qyzmetiniń jumysymen tanysty.
- Qyzmetkerler oqýy kerek, shetelge baryp, tájirıbe jınaıdy, basqa memleketterde jumystardyń qalaı júrgiziletinin bilip, halyqtyń jedel járdemge qalaı qaraıtynymen tanysýǵa tıis. Teledıdardan kórip, estigen basqa, qyzmetimizdi damytý úshin osyndaı saparlar qajet. Izraılde dárigerlerdiń jumysy jolǵa qoıylǵan, medıkter kelgenshe shuǵyl kómek kórsetetin volonterlar da jaqsy jumys isteıdi, - deıdi Astana qalasy jedel medıtsınalyq járdem stansasy medıtsına bólimi bas dárigeriniń orynbasary Sulýshash Ábilqasymova.
Onyń pikirinshe, tájirıbe almasý praktıkasyn tar sheńberli mamandanǵan jáne orta medıtsına qyzmetkerleriniń, feldsherlerdiń de arasynda qoldanyp, trenıngter ótkizý úshin sheteldik mamandardy elordaǵa shaqyrý kerek.
Astana dárigerleri Tel-Avıv qalasyndaǵy aýrýhanalarda, sımýlıatsııalyq trenıng-ortalyqtarynda, paramedıkterdi oqytý ortalyqtarynda bolyp, kórý alańynda naqty bir jaǵdaıda birinshi kezektegi jáne birkelki is-sharalardy (emdeý, profılaktıkalyq, evakýatsııalyq) qajet etetin zardap shekkender men naýqastardy toptarǵa bólý - «trıaj» medıtsınalyq toptaý negizderimen tanysty.
Aıta keteıik, jaqyn arada Izraılge baryp kelgen dárigerler elordalyq áriptesterine arnap sheberlik dárisin ótkizedi.

Elordalyq joǵary synyp oqýshylary patrıottyq konkýrsqa belsendi qatysýda
M. Ótemisuly atyndaǵy Oqýshylar saraıynda jasóspirimderdiń vokaldyq ujymdary arasyndaǵy «Jeńis degen uly sóz» qalalyq konkýrsy ótip jatyr. Shyǵarmashylyq saıys Uly Jeńistiń 71 jyldyǵyna arnalǵan «Kóktemniń izgi kúnderi 2016» patrıottyq aktsııasy aıasynda uıymdastyryldy, dep habarlady astana.gov.kz.
Konkýrstyń ashylýyna M. Ótemisuly atyndaǵy Oqýshylar saraıynyń vokaldyq jáne horeografııalyq ujymdary qatysty. Sharanyń maqsaty jastardyń boıynda patrıottyq sezimin qalyptastyrý, belsendi azamattyq pozıtsııasyn tárbıeleý, joǵary synyp oqýshylarynyń arasynda vokaldyq ónerdi keńinen taratý bolyp tabylady. Konkýrs barysynda ujymdar taqyryp boıynsha vokaldyq nomerler men 1941-1945 jyldary oryn alǵan ataýly oqıǵalarǵa jáne tarıhta óshpes iz qaldyrǵan tulǵalarǵa arnalǵan asa kórkem shyǵarmalardy kópshilik nazaryna usynatyn bolady.
Konkýrs 24 sáýirge deıin jalǵasady. Jarys qorytyndysy boıynsha №30 orta mekteptiń, №47, 67 mektep-gımnazııalarynyń, №48, 28, 64, 55, 58 mektep-lıtseıleriniń jáne №1 matematıkalyq-ekonomıkalyq lıtseıdiń jasóspirimder vokaldyq ujymdary aqtyq synda baǵyn synamaq.

Joıylyp ketý qaýpi bar 10 túrki tili týraly QR ǵalymdarynyń derekteri Maks Plank ınstıtýtynda saqtalady
Joǵalyp ketý qaýpindegi 10 túrki tilderi týraly qazaqstandyq mamandar jınaqtaǵan derekter Maks Plank atyndaǵy ınstıtýtqa saqtaýǵa beriledi. Bul týraly L.N. Gýmılev atyndaǵy EUÝ túrkitaný kafedrasynyń professory Sáýle Tájibaeva ulysaralyq qatynastar jáne etnosaıasatqa arnalǵan semınar-trenıngi syrtynda aıtty.
«Qazir álemde 40-tan astam túrki ulysy bar, olardyń 25-i - Qazaqstanda. 10-ǵa jýyq túrki tili joǵalyp ketý qaýpinde. Ǵalymdardyń, QHA ókilderiniń kúshimen biz mańyzdy ǵylymı málimetterdi jınap, joǵalyp bara jatqan etnostar tilin qujattandyryp, olardy urpaqtar úshin saqtap qoıamyz. Jınaqtalǵan barlyq derekterdi qujattap, ǵylymı túrde muraǵattap, Gollandııadaǵy Maks Plank ınstıtýtynda saqtaımyz», - dedi ol.
Professordyń aıtýynsha, sońǵy halyq sanaǵy boıynsha Qazaqstanda 218 qaraıym, 25 qyrymshaq, 96 shorlyq, 37 tývalyq, hakas, chývash jáne t.b. bar.
«Olardyń tilderi joǵalyp ketken sanalady. Sondyqtan materıaldy ǵylymı taldaý óte mańyzdy. Bul tek bizdiń elge ǵana emes, álemdik túrkitaný qoǵamdastyǵy úshin orasan qundylyq bolady», - dep qosty S. Tájibaeva.

Gollandııa men Italııa kompanııalary Qazaqstan qalalaryn biregeı ósimdikpen kógaldandyrýdy usynady
Búgin Astanada Gúlder, jaılylyq pen ádemilik atty aptalyq bastaldy. Shara aıasynda gúlder men ósimdikter, gúlzarlar, kottedj qurylystary men abattandyrý jáne dızaın baǵytyn qamtyǵan kórme ashylyp otyr.
Kórmege álemniń 12 elinen 120-ǵa tarta kompanııalar qatysýda. Ondaǵy árbir alańda bıznes-áriptestikti damytý úshin jaǵdaılar jasalǵan. Máselen, osyndaı alańda «AstanaFloraExpo» boıynsha Gollandııa, Italııa men Reseı kompanııalary qazaqstandyq mamandarmen yntymaqtastyqqa ázirligin tanytýda.
«Bıyl «AstanaFloraExpo» kórmesi osymen 8-i márte ótkizilýde. Sonymen qatar, bıylǵy jyldyń basty ereksheligi Gollandııa men Italııa ósirýshileri ózderiniń biregeı ósimdikterin, gúlderin usynyp otyr. Bul ósimdikter Qazaqstanda ósirilmeıdi, sondyqtan da olar Qazaqstannyń qalalaryn kógaldandyrý úshin otyrǵyzý materıaldaryn usynǵysy keledi. Ondaı erekshe ósimdikterdi Astana men Almaty qalalarynda otyrǵyzý usynylady», - deıdi «AstanaFloraExpo» menedjeri Aıgerim Serikova.
Onyń aıtýynsha, gollandııalyq ósimdik ósirýshiler negizinen jeke jáne kommertsııalyq baqshalar qurý úshin ósimdikter usynsa, ıtalııalyq kompanııalar baqsha, bólme jáne kóshe ósimdikterin ósirýmen aınalysady. Budan bólek, kórmege baqsha jáne jemis daqyldarynyń tuqymdarynyń, otyrǵyzý materıaldarynyń iri jetkizýshisi sanalatyn «Sady Rossıı» kompanııasy da alǵash ret qatysyp otyr. Olar dál osyǵan uqsas jelini Qazaqstanda ashýǵa qyzyǵýshylyq tanytady.
Aıta keterligi, aptalyq aıasynda Astanada ósimdikter ósirý men kógaldandyrý taqyryptaryn qamtyǵan ǵylymı-tájirıbelik konferentsııa ótkizý josparlanǵan. 60-tan astam kompanııa ókilderi shaqyrylǵan sharanyń basty maqsaty - Ortalyq Azııa mamandarynyń basyn qosyp, tájirıbe almasý. Onyń barysynda Eýropa qalalaryn kógaldandyrý tájirıbesi talqylanyp, bilikti mamandar baıandama jasaıtyn bolady.
Gúlder aptalyǵy 15-shi sáýirge deıin «Kórme» ortalyǵynda jalǵasady.

Astanada «Órleý» baǵdarlamasy arqyly aqshalaı kómek kórsetilip jatyr
Elordada «100 naqty qadam» Ult josparynyń 84-qadamyn iske asyrý sheńberinde ataýly áleýmettik kómek tıimdiligin arttyrý boıynsha «Órleý» jobasymen shartty aqshalaı kómek kórsetý boıynsha jumystar júrgizilýde, dep habarlaıdy qalalyq ákimdiktiń baspasóz qyzmeti.
«Órleý» jobasynyń basty maqsaty az qamtylǵan eńbekke qabiletti otbasyna járdemaqy tóleý, sondaı-aq, ony áleýmettik beıimdeý jáne passıvti aqshalaı kómekten otbasyǵa belsendi qoldaý kórsetýge kóshý bolyp tabylady.
Shartty aqshalaı kómek 2016 jyldyń II toqsanynda 13 735 teńgeni qurady. ShAK alty aıǵa taǵaıyndalady, qaıta esepteý tek jalaqynyń mólsherine qaraı júrgiziledi.
Alty aı ishinde otbasynda beıimdelý jáne muqtajdyqtan shyǵý, turaqty tabyspen qamtamasyz etý múmkindigi paıda bolady.
Jobaǵa qatysýshy ýaqytsha qosymsha járdemaqynyń ornyna jumysqa ornalasýǵa, onyń ishinde jastar tájirıbesine, áleýmettik jumys ornyna ornalasýǵa, qajet bolǵan jaǵdaıda basqa mamandyqtarǵa qaıta oqýǵa jáne óz otbasyn ómir súrýdiń sapaly basqa deńgeıine shyǵarýǵa barlyq múmkindikter jasaýǵa mindettenedi.
Aqshalaı járdemaqy otbasynyń belsendiligin arttyrýdyń áleýmettik kelisimshartyn oryndaǵan jaǵdaıda ǵana tólenedi. Kelisim shart boıynsha otbasy músheleri otbasynyń áleýmettik belsendiligi úshin kedergilerdi joıý boıynsha jumys isteýge mindettenedi.
Aıta keteıik, ótken jyly «Órleý» baǵdarlamasy aıasynda 15 otbasy qamtyldy, onyń ishinde eńbekke qabiletti jastaǵy 74 adam jumyspen qamtýǵa járdemdesýdiń belsendi sharalaryna tartyldy.

Astanada jazýshy, qoǵam qaıratkeri O. Súleımenovtiń 80 jyldyq mereıtoıyna arnalǵan ǵylymı konferentsııa ótedi
Astanada aqyn, jazýshy, ǵalym, qoǵam qaıratkeri, saıasatker Oljas Súleımenovtiń 80 jyldyq mereıtoıyna arnalǵan «O. Súleımenov poezııasyndaǵy tarıh jáne taǵylym» atty ǵylymı konferentsııa ótedi, dep habarlady QR Ulttyq mýzeıiniń baspasóz qyzmeti.
Konferentsııa 24 mamyrda Qazaqstan Respýblıkasy Ulttyq mýzeıiniń úlken májilis zalynda ótedi.
Konferentsııanyń maqsaty - Oljas Omarulynyń jazǵan muralaryn jańa, tyń derekter negizinde zerdeleý, jastar boıyndaǵy otanshyldyq pen patrıottyq sezimderin arttyrý, qazaq memlekettiliginiń qalyptasýyna jáne damý kezeńderine qosqan úlesin ǵylymı turǵyda negizdeý.
Konferentsııaǵa Qazaqstan Respýblıkasy Mádenıet jáne sport mınıstrligi, Qazaqstan Respýblıkasy Bilim jáne ǵylym mınıstrligi ókilderi, alys jáne jaqyn shetelderdiń memleket jáne qoǵam qaıratkerleri, qoǵamdyq uıymdardyń ókilderi, joǵarǵy oqý oryndarynyń basshylary, qyzmetkerleri men stýdentteri, ǵalymdar, BAQ ókilderi qatysady.
Ǵylymı konferentsııa barysynda O.Súleımenovtiń shyǵarmashylyǵy men ómiri týraly syr shertetin foto jáne kitap kórmesi uıymdastyrylady.
Konferentsııa materıaldaryn «Mádenı mura» jýrnalynda jarııalaý josparlanyp otyr.
«Astanabike» velomaýsymy erteń bastalady
15 sáýirde «Astanabike» óz jumysyn bastaıdy. Elordadaǵy velosıpedterdi jalǵa berýdiń avtomattandyrylǵan júıesi qoldanysqa engizilýge daıyn tur.
2015 jyldyń velomaýsymynda jobany 1 800-den astam adam paıdalanǵan. Velosıpedterdi qala turǵyndary 89 myń ret minip, ony paıdalaný ýaqyty 1,5 mln mınýtqa teń bolǵan. Jalǵa berilgen velosıpedter jıyny 180 myń shaqyrym júrgen. Al ony jalǵa berý jónindegi velobike.kz saıtyna 1 378 adam tirkelgen.
Byltyr elordadaǵy velobeketter sany 150-ge deıin, velosıpedter sany 1 myńǵa deıin jetkizildi. Beketter meılinshe yńǵaıly bolýy úshin, 300-500 metrden aspaıtyn qashyqtyqta ornalastyryldy. Ár beket kún energııasymen qýattandyrylyp, ózge qýat kózderin qajet etpeıdi.
Paıdalanýshylar úshin qoljetimdi, ári ıkemdi tarıfter usynylýda. Bike Sharing júıesin alǵashqy paıdalanýda 30 mınýty tegin. ıAǵnı, velosıpedti beketterde jarty saǵat ishinde aýystyryp paıdalansa onymen kúni boıy tegin júrýge bolady.
Jobanyń mobıldi qosymshalar men ınternet arqyly onlaın tóleý júıeleri iske qosyldy.
Eske sala ketsek, «Astanabike» velojobasy Astana qalasy ákimdiginiń qoldaýymen «Samuryq-Qazyna» ulttyq ál-aýqat qorynyń áleýmettik saıasaty aıasynda iske asyrylyp otyrǵan biregeı joba. B

QR QK Áskerı-tarıhı murajaıynda balalarǵa qazaqstandyq jaýyngerlerdiń erligi nasıhattaldy
Jeńis merekesiniń qarsańynda Astana qalasynyń az qamtamasyz etilgen, turmysy tómen otbasynyń balalary Qazaqstan Respýblıkasy Qarýly Kúshteriniń Áskerı-tarıhı murajaıyna ekskýrsııamen baryp qaıtty. Bul týraly QR Mádenıet jáne sport mınıstrliginiń baspasóz qyzmeti habarlaıdy.
Ekskýrsııany «Baqytty balalyq shaq» jobasy sheńberinde «Nur Otan» partııasy Astana qalalyq «Birlik» fılıalynyń «Mádenıet» bastaýysh partııa uıymy uıymdastyrdy.
Balalar murajaıda Qazaqstan Qarýly kúshteriniń zaldary men ártúrli áskerı kórmelerin qarap shyqty. Olar qarý-jaraqtyń túrlerimen, áskerı kıim-keshek pen áskerı jabdyqtarmen tanysty. Ekskýrsııa barysynda balalar kóne dáýirden bastap, osy kúnge deıingi áskerdiń tarıhynan jańa aqparat alyp, Qazaqstan Áskerı Strategııasynyń negizgi baǵyttary týraly habardar boldy. Jasóspirimder Qazaq handyǵy tusyndaǵy soǵystar tarıhy men Uly Otan soǵysy men Aýǵanstan aýmaǵynda keńestik áskerı kontıngenttiń quramyndaǵy qazaqstandyq jaýyngerlerdiń erligi týraly mańyzdy málimetterge qyzyǵýshylyq tanytty. Eske sala ketsek, «Nur Otan» partııasynyń «Baqytty balalyq shaq» jobasy óskeleń urpaqtardyń sabaqtastyǵyn qamtamasyz etý, jastardy qazaqstandyq patrıotızmge tárbıeleý, Otan úshin soǵysyp, erlik kórsetken ata-babalarymyzdyń jaýyngerligin nasıhattaýǵa baǵyttalǵan.

AEF-ke qatysý úshin aqyly tirkeý alymy engiziledi
Astana ekonomıkalyq forýmyna qatysý úshin aqyly tirkeý alymy engiziledi. Bul týraly OKQ-daǵy baspasóz máslıhaty barysynda «QR UEM «Ekonomıkalyq zertteý ınstıtýty» AQ basqarmasy tóraǵasy Áset Erǵalıev málimdedi.
«Birinshi kezekte, biz forýmǵa qatysý úshin tirkeý alymyn engizemiz. Aqyly paket boıynsha 35 myń teńge somasyna plenarlyq otyrystan basqanyń bári kiredi. Egjeı-tegjeıli aıtsaq, - bul barlyq sessııaǵa, netvorkıngke, vorkshopqa jáne basqalaryna qoljetimdilik. 100 myń teńge turatyn paketke bıyl «Qazaqstan» OKZ ǵımaratynda ótetin plenarlyq otyrysqa qatysý da kiredi», - dep naqtylady Á. Erǵalıev.
Ol aqyly tirkeý alymyn engizý sharanyń óz-ózin aqtaýy úshin júrgizilip jatqanyn túsindirdi. «Aqy tóleýdi engizý - bul halyqaralyq praktıka. Eger halyqaralyq deńgeımen jáne basqa da forýmdarmen salystyrsaq, onda tsıfrlar on ese kóp. Tirkeý alymyn engizý forýmdy kommertsııalandyrý, onyń ózin-ózi aqtaýyn arttyrý, oǵan halyqaralyq deńgeıdegi shara retinde qosymsha eksklıýzıvtilik berý jaǵyna alǵashqy qadam jasaýǵa baılanysty», - dep túıindedi spıker.
Eske salsaq, Astana ekonomıkalyq forýmy bıyl 25-26 mamyrda ótedi. Onyń negizgi taqyryby «Jańa ekonomıkalyq naqtylyq: ártaraptandyrý, ınnovatsııa jáne ekonomıkalyq bilim».

Astana ekonomıkalyq forýmyn Eýropada tikeleı efırde kórsetedi
Astana ekonomıkalyq forýmyn (AEF) Eýropada tikeleı efırde kórsetedi. Bul týraly OKQ-da ótken baspasóz máslıhatynda UEM «Ekonomıkalyq zertteýler ınstıtýty» AQ basqarma tóraǵasy Áset Erǵalıev málim etti.
«Bıyl Astana ekonomıkalyq forýmy 25-26 mamyrda ótedi. Negizgi taqyryp «Jańa ekonomıkalyq naqtylyq: ártaraptandyrý, ınnovatsııalar jáne bilim ekonomıkasy». Taqyryptyń tańdalýy búginde álemdik ekonomıkadaǵa jańa ekonomıkalyq naqtylyq aıasynda ekonomıkalyq saıasatty júzege asyrý kezinde kóptegen el tap bolyp jatqan qaýip-qaterlermen baılanysty», - poıasnıl Á. Erǵalıev.
Bıylǵy forýmnyń ereksheligi 26 mamyrda túski saǵat 3-ten bastap «Qazaqstan» OKZ-da ótetin AEF-niń plenarlyq otyrysy bolmaq.
Onyń aqparatyna qaraǵanda, Astana ekonomıkalyq forýmy aıasynda 20-ǵa jýyq shara uıymdastyrý kózdelgen.


Astanada 9 jasar bala tórt taǵandap turýdan jańa álemdik rekord ornatty
Astanada 9 jasar Ámir Mahmet «tórt taǵandap turýdan» balalar arasynda álemdik jáne Qazaqstan boıynsha absolıýttik rekord ornatty. Ol ekbettegen qalpy shyntaǵyna súıenip 1 saǵat 2 sekýnd turǵan.
Óz rekordyn Ámir Mahmet 23 sáýirde Los-Andjeleste Domınık Ýeıdke qarsy jekpe-jek ótkizetin qazaqstandyq boksshy Gennadıı Golovkınge qoldaý kórsetý úshin ornatty.
Uıymdastyrýshylardyń sózine qaraǵanda, ádettegi adam bulaı shamamen eki mınýt, al sportshy bes mınýtqa jýyq tura alady.
Ámir Mahmet - QAEA (KInES) - Qazaqstandyq rekordtar kitabynyń úsh dúrkin rekordshysy, ári bokspen shuǵyldanady.
Ol 2015 jyly jazda keýdesin jerden 450 ret kóterip, birinshi rekordyn ornatty.
Ekinshisin Aqmola oblysyndaǵy Street Workout boıynsha chempıonatta 30 sekýnd ishinde 50 ret keýdesin jerden kóterý arqyly ornatty.
Úshinshi ret Ámir 2015 jyly qyrkúıekte Qazaq handyǵynyń 550 jyldyǵyn toılaý aıasynda 550 ret keýdesin jerden kóterip, rekordshy atandy.

Astanada «Mereıli otbasy» ulttyq konkýrsyna qatysýǵa ótinimder qabyldanyp jatyr
Jyl saıyn ótkiziletin «Mereıli otbasy» Ulttyq konkýrsyna eńbek, sport, shyǵarmashylyq, ıntellektýaldyq jáne ǵylym salalarynda joǵary jetistikterge qol jetkizgen otbasylar qatysady. Ulttyq konkýrsty daıyndaý jáne ótkizý boıynsha uıymdastyrý komıssııasy konkýrsqa qatysýǵa ótinimderdi 30 sáýirge deıin qabyldaıdy.
«Mereıli otbasy» Ulttyq konkýrsy Qazaqstan Respýblıkasy Prezıdentiniń 2013 jylǵy 6 jeltoqsandaǵy № 250 Ókimine sáıkes Qazaqstanda jyl saıyn ótkiziledi. Baıqaý 3 kezeńnen turady: birinshi kezeń - aýdandyq (qalalyq); ekinshi kezeń - oblystyq; úshinshi kezeń - respýblıkalyq.
Konkýrsqa qatysýǵa ótinimder tıisti qujattar qosa tirkelgen arnaıy nysan boıynsha aýdandyq ákimdikterdiń ishki saıasat bólimderi men Astana qalasynyń Іshki saıasat basqarmasynda qabyldanady.
Aıta keteıik, ótinimderdi qaraý barysynda komıssııa ókilderi otbasy músheleriniń jetistikteriniń mańyzdylyǵy men sanyna, otbasylyq dástúrler men jádigerlerge, rýhanı-adamgershilik qundylyqtarǵa, arǵy tekterin bilýine jáne t.b. nazar aýdaratyn bolady.
Tolyq aqparatty 556708, 556701 telefondary arqyly alýǵa bolady.

Serik Sápıev elordalyq oqýshylar úshin dene shynyqtyrý sabaǵyn ótkizedi
Belgili qazaqstandyq sportshy, Olımpıada chempıony Serik Sápıev elordalyq mektepterdiń biriniń altynshy synyp oqýshylary úshin dene shynyqtyrý sabaǵyn ótkizedi, dep habarlady Astana qalasynyń bilim basqarmasynan.
Atalyp ótilgendeı, 2016 jyly 5 sáýirden 31 jeltoqsanǵa deıin Astanada «Fızkýlt-ÝRA!» jobasy jumys isteıdi. Onda fıtnes-klýbtardyń nusqaýshylaryn, sonymen qatar «Astana» Kásibı prezıdenttik sport klýbynyń belgili sportshy ókilderin tartý arqyly oqýshylar úshin dene shynyqtyrý sabaǵyn ótkizý qarastyrylǵan.
Jalpy alǵanda, olımpıadashylar elorda mektepterinde 25 sabaq ótkizedi.

Astanada «Madam Batterflıaı» operasynyń tusaýkeseri ótedi
Aldaǵy juma jáne senbi kúnderi «Astana Opera» teatrynda Djakoma Pýchchınıdiń «Madam Batterflıaı» operasynyń tusaýkeseri ótedi, dep habarlady www.24.kz.
Jaýhar týyndynyń qoıýshy rejısseri - ıtalııalyq Lorentso Amato. Bas keıipker Madam Batterflıaıdiń beınesin Qazaqstannyń eńbek sińirgen ártisi Jannat Baqtaı men Aıgúl Nııazova somdaıdy. Al onyń súıiktisi, amerıkandyq flot leıtenanty Pınkertonnyń partııasyn Italıanyń opera maıtalmany Fabıo Armılıato men elimizge eńbegi sińgen qaıratker Medet Shotabaev oryndaıdy. Qoıylym qaıtalanbas dekoratsııamen erekshelenedi. Tabıǵat kórinisterin kórsetý úshin 3D tehnologııasy qoldanylǵan. Al ártisterdiń kıim úlgisin jasaýǵa «Oskar» syılyǵynyń ıegeri Franka Skýarchapıno atsalysqan. Týyndynyń mýzykalyq jetekshisi - Alan Bóribaev. Operany sátti oryndap shyǵý úshin qazaqstandyq ártister arnaıy Italııaǵa baryp, til úırengen.
«Biz bezendirý jaǵyn basqa teatrlardan alǵan joqpyz. Barlyǵy ózimizdiń jasaǵan dúnıelerimiz bolyp sanalady», - «Astana Opera» memlekettik opera jáne balet teatrynyń dırektory Tóleýbek Álpıev.
Astanalyqtar Ǵashyqtar kúnin atap ótedi
15 sáýirde Qazaqstanda Qozy Kórpesh pen Baıan Sulý kúni atalyp ótiledi. Ulttyq mereke ǵashyqtar kúniniń balamasy bolyp tabylady jáne Qozy Kórpesh pen Baıan Sulý, Eńlik pen Kebek, Tólegen men Qyz Jibektiń arasyndaǵy shynaıy mahabbattyń sımvoly. Bıyl mereke aıasynda elordada birqatar sharalar uıymdastyrylady, dep habarlady astana.gov.kz.
15 sáýir kúni saǵat 11:00-de L.N. Gýmılev atyndaǵy Eýrazııa ulttyq ýnıversıtetinde teatr jáne kıno ártisteriniń qatysýymen «Juldyzdy juptarmen júzdesý» keshi ótedi.
Sondaı-aq, saǵat 19:00-de «Han Shatyr» saýda oıyn-saýyq ortalyǵynyń «Atrıým» zalynda úlken merekelik kesh uıymdastyrylmaq. Kontsertke Qazaqstan estrada ánshileri qatysyp, jas jubaılardyń nekesi qıylady.
Sol kúni saǵat 21:00-de Ǵashyqtar saıabaǵynda áýe sharlary ushyrylady.
Budan basqa, Facebook jáne Instagram áleýmettik jelilerinde «Eń úzdik mahabbat dastany» taqyrybyna túsirilgen úzdik beınerolık pen Qozy Kórpesh pen Baıan Sulý kúniniń logotıpine baıqaý jarııalandy. Jeńimpazdardyń esimderi erteń belgili bolady.

Elordalyq jastarǵa jumysqa ornalasýǵa kómek kórsetiledi
18-22 sáýirde Astanada «Azııa» bıznes ortalyǵynda (Áýezov k-si, 8) jastarǵa arnalǵan jumysqa ornalastyrý boıynsha tegin trenıng ótkiziledi. Bul týraly elorda ákimdiginiń resmı saıtynda habarlady.
Oǵan 18-29 jastaǵy kez kelgen qala turǵyny qatysa alady. Jastardy jumysqa ornalastyrý jónindegi semınarlar barysynda eń birinshi saty - jumys izdeýden bastap, mansaptyq baspaldaqpen kóterilý erejelerimen jáne joldarymen tanystyrady. Jobanyń negizgi mindetteri - jastardyń uıymdastyrýshylyq, shyǵarmashylyq jáne basqa da qabilettilikterin damytý, sondaı-aq, basqarý daǵdylaryn, óz pozıtsııasyn qurý jáne ony qorǵaý sheberligin úıretý.
Sharany uıymdastyrýshy - Astana qalasy ákimdiginiń «Astana Jastary» jastar resýrstyq ortalyǵy Jastardyń kásibı jáne jeke daǵdylaryn damytý mektebi.
Aıta keteıik, bir jylda 300 adamdy qamtý josparlanyp otyr. Trenıngter saǵat 18:00-21:00 ótedi. Barlyq qatysýshylarǵa trenıng aıaqtalǵan soń sertıfıkattar beriledi.
Anyqtama telefondary: +7 707 879 82 65, +7775 143 64 67.
Astanalyqtar kóbinese kóshe lastyǵy men kólikterdi durys qoımaǵandarǵa shyǵymdanady - ІІD
Jyl basynan beri qalalyq Іshki ister departamentiniń jelisi boıynsha elordalyq ákimdiktiń resmı saıtyndaǵy «Halyqtyq baqylaý» jáne «Vırtýaldy qabyldaý» aıdaryna azamattardan 700-den astam ótinish kelip tústi. Bul týraly Astana ІІD baspasóz qyzmeti habarlady.
«Elordalyq ákimdiktiń resmı saıtynda 2013 jylǵy sáýirden bastap «Halyqtyq baqylaý» jáne «Vırtýaldy qabyldaý» arnaıy aıdarlar jumys isteıdi, oǵan elordanyń azamattary quqyq buzýshylyq jaıly shaǵymdaryn bildiredi.
Kún saıyn ІІD qyzmetkerleri kelip-túsken ótinishterge monıtorıng júrgizip, ol boıynsha sharalar qabyldaıdy.
Kóbinese azamattar kólik qoıý qaǵıdasynyń buzylǵanyn baıqaıdy. Olar kóp jaǵdaıda kólikterdi aıaqjolǵa, gúlzarǵa, balalar nemese sport alańdaryna qoıǵan faktilerge shaǵymdanady. Budan basqa tynyshtyq buzý, usaq buzaqylyq, qoǵamdyq ortanyń lastanýy jaıly shaǵymdar túsip jatady.
Polıtsııa qyzmetkerleri ár ótinish boıynsha QR zańnamasyna sáıkes sheshim qabyldaıdy.
Sonymen, «Halyqtyq baqylaý» aıdaryna Abylaı han dańǵyly boıyndaǵy úılerdiń biriniń turǵyny Ońtústik-shyǵys shaǵyn aýdanyndaǵy turǵyn ústinen shaǵymdandy, ol «jol mańyndaǵy aryqqa júıeli túrde kúl tókken». Bul shaǵym boıynsha tabıǵatty qorǵaý qyzmetkerleri úı ıesin jaqyn mańdy qoqystan ýaqtyly tazartpaǵany úshin ákimshilik jaýapkershilikke tartty.


Qazaqstanda elektrondyq quraldar qaldyqtaryn qabyldaý aktsııasy bastaldy
Búgin Astanada QR Energetıka mınıstrliginiń bastamasymen elektrondyq jáne elektr qaldyqtaryn jınaý boıynsha aktsııa ótkizildi.
Elektrondyq jáne elektr qaldyqtaryn jınaý boıynsha aktsııa 2016 jyldyń 15 sáýirinen 15 mamyrǵa deıin jalǵasady. Bul shara Qazaqstan halqyn qoqystardy bólek jınaý halyqaralyq tájirıbesine qatystyrý, sondaı-aq qaýipti qaldyqtardy, onyń ishinde elektrondyq jáne elektr quraldaryn jınaýdyń eń qolaıly tetikterin aıqyndaý maqsatynda ótkizilýde. Atap aıtqanda, osy qaldyqtardyń quramynda adam densaýlyǵyna jáne qorshaǵan ortaǵa qaýip tóndiretin qorǵasyn, synap, polıhlordıfenıl, asbest jáne hlorftorkómirtegi sııaqty qaýipti zattar bolýy múmkin.
Aktsııa aıasynda Astana turǵyndary men kásiporyndar Tehnodom men Alserdiń saýda zaldarynda eski tehnıkany, olardyń qosalqy bólshekterin joıý úshin olardy tapsyra alady. Qaldyqtar retinde turmystyq tehnıka, ıaǵnı teledıdarlar, magnıtofondar, elektr oıynshyqtar, útikter, energııa únemdeýshi shamdar, batareıalar, fender, tońazytqyshtardy qosa alǵanda, as úı jabdyqtary, sondaı-aq kompıýterler, uıaly telefondar, skanerler jáne isten shyqqan basqa da quraldar qabyldanady.
Aktsııaǵa barysynda ekologııa mamandyǵynyń stýdentteri qalalyq mektepterdegi orta jáne joǵary synyp oqýshylaryna aǵartýshylyq jumystaryn júrgizedi.

Elimizdegi tuńǵysh general áıelge «Aqmola oblysynyń qurmetti azamaty» ataǵyn berý týraly usynys qoldaý tapty
Búgin Aqmola oblysynyń ákimi Sergeı Kýlagınniń qatysýymen altynshy shaqyrylǵan oblystyq máslıhattyń kezekten tys ekinshi sessııasy ótti.
Oblystyq máslıhattyń depýtaty Saǵadat Áshebekovtiń tóraǵalyǵymen ótken sessııanyń kún tártibine saı aldymen «2016-2018 jyldarǵa arnalǵan oblystyq bıýdjet týraly» oblystyq máslıhattyń sheshimine ózgertýler engizý máselesi qaraldy.
Bul týraly oblystyq ekonomıka jáne bıýdjettik josparlaý basqarmasynyń basshysy Baýyrjan Málǵajdarov aıtyp berdi.
Onyń aıtýynsha bıýdjet qarjysy negizinen, qolǵa alynǵan jobalardy aıaqtaý jáne áleýmettik-ekonomıkalyq turaqtylyqty saqtaýǵa baǵyttalyp otyr. Osyǵan baılanysty tórt bilim berý nysanynyń qurylysyna 525,6 mıllıon teńge, al eki densaýlyq saqtaý mekemesiniń ǵımaratyn aıaqtaýǵa 100 mıllıon teńge qarajat bólý kózdelgen.
Sonymen qatar sessııada oblystyq bıýdjetten Stepnogorsk, Esil qalalaryndaǵy turǵyn úılerdi qaıta jańartýǵa, basqa da eldi mekenderde sý qubyrlaryn jóndeýge qomaqty qarajat kózi qarastyrylyp otyrǵany da aıtyldy.
Sessııa barysynda úshinshi synypty memlekettik ádilet keńesshisi, qazirgi tańda Qazaqstan Respýblıkasy Bas prokýratýrasynyń quqyqtyq statıstıka jáne arnaıy esepke alý jónindegi komıtetiniń tóraıymy elimizdiń quqyq qorǵaý salasynda qyzmet etetin áıelder arasynda tuńǵysh ret general ataǵyn alǵan jerlesimiz Sáýle Aıtpaevaǵa «Aqmola oblysynyń qurmetti azamaty» ataǵyn berý týraly oblystyq ákimdiktiń usynysy qaralyp, qoldaý tapty.

Elordada Orynbor kóshesi 2 mamyrǵa deıin jabylady
Elordada Orynbor kóshesiniń Kereı men Jánibek handar kóshesinen Hýseın Ben Talal kóshesine deıingi bóliginde asfaltbeton jabyny aýystyrylady, dep habarlaıdy qalalyq ákimdiktiń baspasóz qyzmeti.
«Osyǵan baılanysty atalǵan jol ýchaskesinde búgin saǵat 22:00-den bastap 2 mamyrǵa deıin kólik qozǵalysy ýaqytsha shekteletin bolady.
Jol jóndeý jumystary júrgiziletin kezeńde júrgizýshilerden jol baǵdaryn aldyn ala josparlaýdy suraımyz», delingen habarlamada.

Elordada UOS qatysýshylary men múgedekterine bir mıllıon teńge kóleminde áleýmettik kómek kórsetiledi
Búgin elorda ákimdigi ǵımaratynda altynshy shaqyrylymdaǵy qalalyq máslıhat depýtattarynyń ekinshi kezekten tys sessııasy ótkizildi. Otyrysqa Astana ákiminiń orynbasary Andreı Lýkın, qalalyq máslıhat hatshysy Janat Nurpeıisov, sessııa tóraǵasy Mıras Shekenov, sondaı-aq, elordalyq basqarmalardyń basshylary qatysty, dep habarlady qalalyq ákimdiktiń baspasóz qyzmeti.
Kún tártibinde eń aldymen Astana qalasy turǵyndarynyń jekelegen sanattaryna ataýly jáne mereke kúnderi qosymsha áleýmettik kómek kórsetý máselesi qaraldy.
- 2016 jyly jergilikti bıýdjet esebinen azamattardyń keıbir jekelegen sanattaryna 192 mıllıon 650 myń teńge kóleminde qosymsha áleýmettik kómek kórsetý kózdelgen: 26 sáýir - Chernobyl atom elektr stantsııasyndaǵy apat kúni - Chernobyl AES apat saldaryn joıýǵa qatysqan 580 tulǵaǵa 80 myń teńge, jesir qalǵan áıelge 50 myń teńge mólsherinde. Jeńis kúnine oraı UOS qatysýshylar men múgedekterine (172 adam) 850 myń teńgeden berilmek. Sonymen qatar, Astana qalasynda áleýmettik kómek kórsetý, onyń mólsherlerin belgileý jáne muqtaj azamattardyń jekelegen sanattarynyń tizbesin aıqyndaý qaǵıdasyna sáıkes, 9 mamyr merekesine oraı UOS ardagerlerine 150 myń teńgeden aqshalaı tólem jasalady. ıAǵnı, ústimizdegi jyly Uly Otan soǵysyna qatysýshylar men múgedekterine jalpy esepte bir mıllıon teńge kóleminde áleýmettik kómek kórsetiledi, - dedi Jumyspen qamtý, eńbek jáne áleýmettik qorǵaý basqarmasynyń basshysy Ermek Ospanov.
Altynshy shaqyrylymdaǵy qalalyq máslıhat depýtattary bul usynysty biraýyzdan maquldady.
Otyrys barysynda depýtattar kireberister men aýlalarda ardagerlerge qolaıly jaǵdaılar jasap, abattandyrý máselesin kóterdi. Turǵyndar habarsyz bolǵandyqtan, soǵysqa qatysýshylar turatyn úılerge «Munda UOS ardageri turady» degen jazýlardy ilý týraly usynys jasaldy.
Munymen qosa, depýtattar memlekettik satyp alýlar salasynda otandyq taýar óndirýshilerge qoldaý kórsetý boıynsha vedomstvoaralyq komıssııa quramyn qarady.
Astana qalasy Kommýnaldyq múlik jáne memlekettik satyp alýlar basqarmasynyń basshysy Ersin Ótebaevtyń habarlaýynsha, atalǵan mekeme Astana qalasynyń kásipkerler palatasymen birlesip memlekettik satyp alýlar salasynda otandyq taýar óndirýshilerge qoldaý kórsetý boıynsha vedomstvoaralyq komıssııa qurdy. Komıssııanyń negizgi mindetteri memlekettik satyp alýlar salasynda qazaqstandyq taýar óndirýshilerdi qoldaý boıynsha memlekettik saıasatty tıimdi iske asyrýdy qamtamasyz etý, memlekettik satyp alýlar protsesteriniń aıqyndylyǵy, ashyqtyǵy, zańdylyǵy qaǵıdattary negizinde memlekettik organdar men otandyq taýar óndirýshilerdiń jergilikti mazmundy qamtamasyz etý boıynsha qyzmetin úılestirýdi júzege asyrý bolyp tabylady. Komıssııa quramy biraýyzdan bekitildi, oǵan jergilikti atqarýshy organdardyń, Astana qalasy prokýratýrasynyń, qalalyq Memlekettik kirister departamentiniń, «Nur Otan» partııasynyń, qalalyq máslıhat pen Kásipkerler palatasynyń ókilderi endi.

Astanada qoǵamdyq kólikte elektrondyq tólem jasaý júıesi mamyr aıynda qoldanysqa engiziledi
Elorda ákimdigi ǵımaratynda ótken Qoǵamdyq keńes otyrysynda Jolaýshylar kóligi basqarmasynyń ókilderi qalalyq qoǵamdyq kólikterde elektrondyq tólem jasaý júıesi (ETJJ) kartalaryn qoldanysqa engizý týraly baıandady.
Atalǵan jobany mamyr aıynda iske qosý kózdelgen.
«Biz azamattardyń jeńildikti sanattary úshin arnaıy málimetter bazasyn jasap, kartalardy derbestendirdik. Olar avtobýstarmen tegin jol júredi. Bul rette valıdatsııa jasaýǵa, ıaǵnı avtobýsta kartany paıdalanýǵa mindetti. Oqýshylarǵa da derbes kartalar beriledi, ony jazǵy demalys kezinde 30-shy tamyzǵa deıin qoldanýǵa bolady», - dedi «Astana LRT» JShS basqarma tóraǵasy Talǵat Ardan.
Elorda ákimdiginiń resmı saıtynda habarlaǵandaı, kartalardy arnaıy belgilengen oryndarda jáne júrgizýshilerden satyp alýǵa bolady. Eger jolaýshynyń kartasy bolmasa, ol jolaqyny júrgizýshiniń janyndaǵy termınalmen elektrondy karta arqyly nemese qolma-qol aqshamen tóleıdi. Avtobýs júrgizýshisiniń jáne árbir esiktiń janyna valıdator ornatylady.
ETJJ jolaýshylar tasymalynyń sapasyn arttyrýǵa múmkindik beredi jáne osy salanyń aıqyndylyǵyn qamtamasyz etedi.
Elordada mektep bitirýshi túlekter syrqatqa shaldyqqan synyptasy úshin saltanatty sharadan bas tartty
Mekteppen qoshtasý keshine jınaǵan aqshany oqýshylar qan aýrýyna shaldyqqan synyptasynyń em-domyna aýdardy, dep jazady «Habar» arnasy.
Nazarbaev zııatkerlik mektebiniń 12-synyp oqýshysy Temirlan Myrzaǵalıev búginde Ońtústik Koreıada emdelip jatyr. Mektep ujymy da oqýshynyń taǵdyryna beı-jaı qaramaı, óz erikterimen bir kúndik jalaqysyn qaıyrymdylyqqa baǵyttady.
Temirlan Myrzaǵalıevti emdeý úshin ońtústikkoreıalyq dárigerler: «160 myń dollar kóleminde aqsha qajet», - degen. Ony mamyrdyń birine deıin jınaý kerek. Osyny estigen synyptastary oılanbastan mekteppen qoshtasý keshine jınalǵan azyn-aýlaq qarjyny Temirlannyń esepshotyna aýdardy.
«Sol sátte aqsha óte tez kerek boldy. Jáne mektep bitirý keshine jınalǵan aqshamyz daıyn bolǵan. Sondyqtan biz ony tez bere salýǵa sheshtik. Temirlan kelgende biz bárimiz bir jerge baryp, óte jaqsy ýaqyt ótkizemiz degen senimdemiz», - deıdi Temirlannyń synyptasy Jánııa Ábdimash.
Muǵalimder qaýymy da bolashaǵynan zor úmit kútip otyrǵan oqýshyny taǵdyrdyń tálkegine tastamaı, bir kúndik jalaqylaryn Temirlannyń esepshotyna aýdardy.
«100 myń dollardan artyq jınap, onyń barlyǵyn sol balanyń shotyna jiberip úlgerdik. Árıne, túgel mektepterge, ásirese bizdiń osy basqarýshy uıymymyzǵa úlken alǵysymyzdy aıtamyz», - deıdi fızıka-matematıka baǵytyndaǵy Nazarbaev zııatkerlik mektebiniń dırektory Meıram Jákenov.
Bıyl mektep bitiretin Temirlanǵa búginde AQSh-tyń 3 jáne Ulybrıtanııanyń 2 joǵary oqý ornynan usynys túsken. Mektep basshylyǵynyń aıtýynsha, bul ýnıversıtetterdiń bári de qazaq balasyna demeý bolýǵa daıyn. Mektepte Temirlanǵa sabaq beretin sheteldik muǵalimder onyń alǵyr oqýshy ekenin aıtady. Seýl qalasynda em alyp jatqan Temirlan mektebiniń bul qoldaýyn biledi. Sondyqtan arnaıy sálemdeme joldap, úlken alǵysyn bildirgen.
Synyptastary qajetti somany jınaý úshin qaıyrymdylyq sharalaryn jıi ótkizip, odan túsken qarjyny Temirlannyń týystaryna jetkizýde. Aldaǵy kúnderi Astanadaǵy saýda oryndarynyń birinde oqýshylar kontsert berip, arnaıy kórme ótkizýdi kózdep otyr. Búginde bul sharaǵa balalar jappaı daıyndalýda. «Eń bastysy, Temirlan tez saýyǵyp, ortamyzǵa oralsa eken», - deıdi janashyr dostary.
Elordaǵa frantsýz raýshangúlderi otyrǵyzylmaq
Qalalyq kommýnaldyq qyzmetter 23 sáýirge belgilengen jalpyqalalyq senbilikke daıyndalyp jatyr. Qazirgi kezde aýdandarda aǵashtar men kóshetter otyrǵyzatyn oryndar ázirlenip, gúlzarlardy, kósheler men gúlbaqtardy tazalaý, topyraq pen qum shyǵarý jumystary júrgizilýde. Sonymen qatar, qalany sanıtarlyq tazartý jáne jerlerdi gúl otyrǵyzýǵa daıyndaý jumystary qolǵa alyndy.
Elorda ákimdiginiń baspasóz qyzmetinen habarlaǵandaı, qazirgi kezde aýdandarda barlyq ýchaskelerde jumys isteý kesteleri jasalyp, jaýapty tulǵalar anyqtaldy.
«Senbilikke daıyndyq qyzý júrgizilip jatyr. 2200-ge jýyq iri aǵash, sonyń ishinde, qaraǵaı, shyrsha, qaıyń otyrǵyzylady. Budan basqa, úsh aýdanda 13 900 kóshet egiledi. Atap aıtqanda, terek, tal, moıyl, shegirshin, sheten jáne dolana. Bıyl bir kúnde 16 myń aǵash otyrǵyzylady», - dedi «Astana - Zelenstroı» AQ tóraǵasynyń orynbasary Bıbigúl Bektemisova.
Elordada Orynbor kóshesinde jáne «Araı» parkinde, Aqyrtas, Ǵabdýllın, Ýálıhanov kóshelerinde, Tilendıev dańǵylynda jáne t.b. jappaı aǵash otyrǵyzylady. Kógaldandyrý obektilerinde tıisti oryndar daıyndalyp, kóshetter qoıylady, ınerttik materıal (qunarly jer, topyraq, qara topyraq) qajetti mólsherde ákelinedi.
Aıta keteıik, bıyl qalany jınaý men kógaldandyrý jumystarynda shaǵyn mehanıkalandyrylǵan mashınalar paıdalanylatyn bolady. Onyń basty basymdyqtarynyń biri yqshamdylyq pen salmaǵynyń jeńil bolýy, bul kespe tastar men joldyń jıekterin baıqap tazalaýǵa múmkindik beredi.
Munymen qosa, bıyl bir jyldyq gúlder az otyrǵyzylady. Olardyń ornyna elordada kóp jyldyq gúlder, sonyń ishinde raýshangúlder men qyzǵaldaqtar egiledi.
Jalpy aýdany 7 myń sharshy metrdi quraıtyn jerge 25 myń birlik frantsýz raýshangúli otyrǵyzylmaq. 2016 jyly jalpy aýdany 162 288 sharshy metrlik jerge gúl ósiriledi.
Qala ákimdigi turǵyndardy elordany abattandyrý men kógaldandyrýǵa óz úlesin qosyp, aldaǵy senbilikke qatysýǵa shaqyrady.

Qallekı teatrynyń sahnasynda «Shıe» komedııasynyń premerasy ótedi
Q. Qýanyshbaev atyndaǵy memlekettik akademııalyq qazaq mýzykalyq drama teatry kórermen nazaryna kezekti jańa premerasyn usynady. Sáýir aıynyń 18-19 kúnderi saǵat 19.00-de belgili orys dramatýrgi Anton Chehovtyń «Shıe baǵy» pesasynyń negizinde «ShIE» komedııasynyń premerasyn ótkizedi, dep habarlaıdy teatrdyń aqparat ortalyǵy.
Spektakldiń rejısseri - ıAkýtııadan arnaıy shaqyrtylǵan tanymal teatr jáne kıno rejısseri, ıAkýtııanyń eńbek sińirgen óner qaıratkeri, Reseıdiń ulttyq teatrlarynyń arasynda ótetin «Zolotaıa maska» syılyǵynyń ıegeri Sergeı Potapov.
Ǵasyrlar túıiskende adam balasynyń basyna túsetin qusa-sherdi, rýhanı baǵdardyń joqtyǵyn sezinýden týar aýyrtpalyqty, óliara shaqta keıipkerlerdi torıtyn jalǵyzdyq keselin Chehov pesasynda ishki ıirimdermen bergen. Rejısser Sergeı Potapov modernıstik baıanmen ómirde maqsatsyz, qorǵanyshsyz, dármensiz sendelgen jandardyń turmys-tirshiligin syrty kúlki bolǵanymen túbinde tunǵan kóz jasy arqyly berýge umtylǵan. Chehovtyń sýretkerlik ulylyǵy, adamsúıgishtigi onyń qaharmandarynyń ýaqyt pen keńistikten tys jasaı beretin shynaıylyǵynda. Osy oraıda, spektakl kórermen qaýymdy selsoq qaldyrmasy anyq.
Sahna tórinde rejısserdiń sheshimi boıynsha L.A. Ranevskaıa beınesin Shıe esimimen teatrdyń jas aktrısasy, «Zolotoı Vıtıaz 2015» Halyqaralyq teatr festıvaliniń altyn dıplom ıegeri Aqmaral Tanabaeva sahnalaıdy. Sondaı-aq, spektakl barysynda búginde kórermenniń ystyq yqylasyna bólenip júrgen teatr artısteri, Qazaqstannyń eńbek sińirgen qaıratkerleri - K. Nurlanov, Q. Qystyqbaev, N. Óteýilov, QR «Daryn» Jastar syılyǵynyń ıegeri S. Qashqabaev, aktrısa A. Aımaǵambet, D. Alımov, Sh. Ordabaev, A. Ibraeva, J. Iskakova óner kórsetedi.

Astanada Qazaq ulttyq horeografııa akademııasy ashylady
Qazaqstannyń elordasynda Qazaq ulttyq horeografııa akademııasy ashylady. Ol Ortalyq Azııadaǵy kásibı horeografııalyq bilim berýdiń tolyq tsıkli bar birinshi oqý ordasy bolmaq.
«Qazaq ulttyq horeografııa akademııasy» kommertsııalyq emes aktsıonerlik qoǵamy QR Úkimetiniń 2015 jyly 11 naýryzdaǵy №126 qaýlysyna sáıkes quryldy. 2016 jyldyń mamyrynda respýblıkada Akademııa stýdentterin qabyldaý jarııalanady", delingen jańa oqý ornynyń habarlamasynda.
Akademııa balet óneriniń túrli salasynda bilim berýdi júzege asyrady jáne kishkentaı kezden kásibı balet oryndaýshylaryn daıyndaıdy.
Horeografııa akademııasynda balet ártisteri negizgi jalpy nemese orta jalpy bilim bazasynda kásibı bilim alatyn bolady. Bilim berýdiń kópsatyly formasy - Bastapqy bilim, Tehnıkalyq jáne kásibı bilim, Joǵary bilim (bakalavrıat), JOO-dan keıingi bilim (magıstratýra), Sonymen qatar JOO-dan keıingi bilimnen (doktorantýra PhD) turady.
Onyń negizgi qyzmeti «Balet ártisi», «Bı ansambliniń ártisi», «Rejısser horeograf», «Horeograf pedagog», «Sporttyq balldyq bı pedagogy», «Ónertaný» jáne «Art-menedjment» mamandyqtary boıynsha kadrlardy daıarlaý.
Qazaq ulttyq horeografııa akademııasy oqýshylaryna tegin bilim beredi. Sonymen birge atalǵan oqý ordasynyń shákirtteri turatyn orny men medıtsınalyq qyzmetke tólemeıdi.
Akademııanyń oqý baǵdarlamasy barlyq jalpy bilim berý standarttary boıynsha júzege asyrylady.


Elordada jedel járdem qyzmetiniń keshigip jetýiniń sebebi aıtyldy
Búgin Astana qalasynyń ákimi Ádilbek Jaqsybekovtiń tóraǵalyǵymen ótken elorda ákimdiginiń apparat otyrysynda qalalyq densaýlyq saqtaý júıesi jumysyndaǵy kemshilikter talqylandy, dep habarlaıdy qalalyq ákimdiktiń baspasóz qyzmeti.
Ústimizdegi jyldyń aqpan aıynda elorda ákiminiń halyqpen esep berý kezdesýinde Densaýlyq saqtaý basqarmasyna jedel járdem brıgadasynyń shaqyrýlar boıynsha jetý ýaqytyn 10 mınýtqa deıin azaıtý mindeti qoıylǵan bolatyn. Jedel medıtsınalyq járdem qyzmetin modernızatsııalaý jónindegi keshendi jospar aıasynda elorda ákimdigi barlyq qolaıly jaǵdaıdy jasaǵanyna qaramastan «jedel járdem» jumysynda kemshilikter bar. Jedel járdem qyzmetine qatysty shaǵymdar ákimdikke áli de bolsa, túsip jatyr. Qala turǵyndarynyń aıtýynsha, jedel kómekti kútýge kóp ýaqyt ketedi.
Qala basshysynyń tapsyrmasymen Jedel medıtsınalyq járdem stantsııasynyń qyzmetine taldaý júrgizildi, sonyń aıasynda qyzmetkerler brıgadalarmen birge shaqyrýlarǵa bardy. Taldaý qorytyndysy boıynsha operatorlardyń aqparatty kesh berýi men kezekshi aýrýhanalarda azamattardy qabyldaýdyń sapasyz uıymdastyrylýy boıynsha eskertýler jasaldy. Budan basqa, jedel járdemniń shaqyrýlar boıynsha kesh barýynyń obektıvti sebepteri de bar, mysaly joldardaǵy keptelister, «Bus Lane» baqylanbaıtyn jolaqtary, turǵyn úıler aýmaǵynda zańsyz ornatylǵan shlagbaýmdar. Osyǵan baılanysty, sáýlet, turǵyn úı ınspektsııasy basqarmalaryna, aýdan ákimdikteri men jergilikti polıtsııa qyzmetine eskertýlerdi joıý boıynsha tıisti tapsyrmalar berildi.
Otyrys barysynda densaýlyq saqtaý salasy qala ákimdigi qyzmetiniń basym baǵyty bolyp qalatyny atap ótildi. Ekonomıkalyq jaǵdaıdyń qıyndyǵyna qaramastan densaýlyq saqtaý salasyn qarjylandyrý jyl saıyn artyp keledi. Elordada jańa nysandar boı kóterip, materıaldyq-tehnıkalyq baza jaqsartylýda, densaýlyq saqtaý salasy júıesi mamandarynyń biliktiligin arttyrý boıynsha sharalar qabyldanyp jatyr. Sonymen qatar, Jedel medıtsınalyq járdem qyzmetin modernızatsııalaý jónindegi keshendi jospar aıasynda jedel járdem mamandarynyń áleýmettik-turmystyq jaǵdaıyn jaqsartý boıynsha qosymsha sharalar qarastyrylǵan.
Elorda ákimi óziniń orynbasary Ermek Amanshaevqa barlyq aýrýhanalar men emhanalar boıynsha muqııat taldaý júrgizýdi jáne Jedel medıtsınalyq járdem qyzmetiniń jumysyn baqylaýǵa alýdy tapsyrdy.
«Eger máseleler bar bolsa, olardy aıtyp, sheshý kerek. Eshteńeni de jasyrmańyzdar», -dedi Á. Jaqsybekov. Onyń aıtýynsha, qalalyq densaýlyq saqtaýdyń sapasyn arttyrý boıynsha jumystar turaqty túrde júrgizilýge tıis. Buǵan eń aldymen qala turǵyndary óz baǵasyn berýi qajet.
Munymen qosa, apparat otyrysynda zańsyz ornatylǵan saýda nysandary boıynsha máseleler kóterildi. Atalǵan nysandar qalanyń kórkin buzyp, nysan ıeleri salyq tóleýden jaltarady jáne ony kútip ustaý erejelerin saqtamaıdy. Qala basshysy zańsyz ornatylǵan obektilerdiń ıelerimen túsindirý jumystaryn júrgizýdi, olardy resmı tirkeý jáne sáıkesinshe rásimdeý múmkindigin qarastyrýdy tapsyrdy.

Ulttyq mýzeıde «HH ǵasyrdyń umytylmaǵan taǵdyrlary» atty is-shara ótedi
Qazaqstan Respýblıkasy Ulttyq mýzeıinde sáýirdiń 19-y kúni Vengrııadaǵy Holokost qurbandaryn eske alý halyqaralyq kúnine oraı «HH ǵasyrdyń umytylmaǵan taǵdyrlary» is-sharasy ótedi. Bul týraly Ulttyq mýzeıdiń aqparattyq-ımıdjdik qyzmetinen habarlady.
Buǵan deıin Máskeý, Ekaterınbor jáne Kalınıngrad qalalarynda ótken kórme 30-40-jyldarǵy oqıǵalarǵa baılanysty taǵdyrlary kúrt ózgeriske ushyraǵan vengerlik ǵalymdardyń, jazýshylardyń, akterlardyń, sportshylardyń, mýzykanttardyń ómirbaıanyn ashyp kórsetedi. Aıtalyq, uly atom fızıkteri Ede Tellerdiń jáne Eno Vıgnerdiń, golografııany oılap tabýshy, fızıka boıynsha Nobel syılyǵynyń ıegeri Denesh Gabordyń jáne eń alǵashqy kompıýterdiń negizin qalaǵan matematık ıAnosh Neımannyń, krıpton shamyn jasaǵan Imre Brodıdiń jáne t.b. ǵalymdardyń aýyr taǵdyrlarynan habar beretin sýretter kópshilik nazaryna usynylady.
Kórmege qoıylǵan eksponattar fashısttik dıktatýrany aıyptaı otyryp, venger halqynyń basynan ótken qasiretterdi umyttyrmaıdy. Sol arqyly qatygezdikti jeńgen jalpyadamzattyq qundylyqtardy nasıhattaıdy.
Astanada jastar depýttarmen birge senbilikke shyǵady
Elordada 23 sáýirde «Taza qala - baqytty qala» jalpyqalalyq senbiligi ótedi. Qala boıynsha turǵyndardy tazalyq pen tártipke shaqyratyn sımvoldar ilinedi, dep habarlady qalalyq ákimdiktiń baspasóz qyzmetinen.
Senbilikke deıin birneshe kún buryn jınaý men abattandyrýdy qajet etetin saýda oryndarynyń vıtrınalaryna, ǵımarattardyń qasbetterine jáne basqa da nysandarǵa qyzyl tústi «smaıldar» jabystyrylady.Senbi kúni jalpyqalalyq senbilikke qatysýshylardyń kıimderine, jabdyqtaryna, mekemelerdiń ataýlary jazylǵan taqtaıshalarǵa, arnaıy tehnıkaǵa osy sımvol salynyp, #SmileofAstana heshtegi jazylady. Sonymen qatar, jalpyqalalyq senbilikke qala turǵyndaryn tartý úshin Facebook jáne Instagram áleýmettik jelilerinde akkaýnttar ashylyp, resmı kezdesýler ótkiziledi. Jarııalanymdar da #SmileofAstana heshtegimen belgilenedi. LED-ekrandardan áleýmettik rolık kórsetilip, oqýshylar men stýdentterdiń qatysýymen fleshmob uıymdastyrylady.Jalpyqalalyq senbilikke qatysýshylar birneshe topqa bólinedi. Belsendi jastar Qazaqstan Respýblıkasy Parlamenti Májilisiniń jáne qalalyq máslıhat depýtattarymen birge qala kóshelerin tazalap, retke keltiredi.

2016 jyly Qazaqstanda jumys oryndaryn saqtaý boıynsha 30 myńnan astam memorandým bekitildi
2016 jylǵy 18 sáýirdegi aqparatqa sáıkes, jumys oryndaryn saqtaý boıynsha oblys ákimdikteri, Astana, Almaty qalalarymen, sondaı-aq jumys berýshiler jáne óndiris oryndarynyń kásipodaqtarymen ózara yntymaqtastyq týraly 30 207 memorandým jasaldy.
«Bul sharalar halyqty jumyspen qamtýǵa jáne jumyssyzdyq kórsetkishiniń ulǵaıyp ketpeýine múmkindik berdi. Ótken jyldyń basynan bastap, 2,4 mln. jumysshylardy qamtyǵan 105 557-ge jýyq memorandýmǵa qol qoıyldy. Qol qoıylǵan kelisimder 1,9 myńǵa jýyq iri kásiporyndardy (jalpy kórsetkishtiń 83 paıyzy), 103,9 myńnan asa orta jáne shaǵyn kásiporyndardy (jalpy kórsetkishtiń 59 paıyzy) qamtydy», - delingen QR Densaýlyq saqtaý jáne áleýmettik damý mınıstrligi málimetinde. Atap aıtqanda, aımaqtar boıynsha memorandýmdardyń basym kópshiligi Qostanaı jáne Aqmola oblystarynyń kásiporyndarymen jasaldy. Qostanaı oblysynda jumysshylar sany 166,5 myń adamdy quraıtyn 6 myń 323 kásiporynmen kelisim jasaldy. Aqmola oblysynda 90,1 myńnan asa qyzmetkeri bar 4 myń 789 uıymmen memorandým bekitildi.

22 sáýirde elordada «Juldyzdy Astana 2016» tuńǵysh mýzykalyq radıosyılyǵynyń jeńimpazdary marapattalady
«Juldyzdy Astana 2016» tuńǵysh mýzykalyq radıosyılyǵy - astanalyq avtorlar men oryndaýshylardyń shyǵarmashylyq báıgesi.
Tuńǵysh mýzykalyq radıosyılyq - «Astana» radıosy efırinen 11 jyl boıye berilip kele jatqan «Juldyzdy Astana» hıt-sherýiniń qorytyndy kontserti. Bul týraly «Qazaqstan» RTRK baspasóz qyzmetinen habarlady.
Radıosyılyqtyń ereksheligi - joba radıojýrnalıstıka salasynda alǵash ret júzege asyrylýda. Sondaı-aq, 11 atalym boıynsha ótetin bas júldege úmitkerler ashyq daýys berý arqyly anyqtalady.
Daýys berý «Úzdik oryndaýshy», «Úzdik top», «Onjyldyqtyń úzdik áni», «Úzdik shyǵarmashylyq dýet», «Úzdik radıokontsert», «Úzdik sazger», «Jastyq jalyny», «Úzdik óńdeýshi», «Astana týraly úzdik án», «Úzdik mátin avtory», «Úzdik aspaptyq joba» atalymdary boıynsha júrgizildi.
Sońǵy 5 aı kóleminde tyńdarmandar zhuldyzdyastana.kaztrk.kz saıtynda 11 atalym boıynsha daýys berdi. Ashyq daýys berý 11 sáýirden bastap toqtatyldy. Atalmysh radıosyılyq qorytyndysy 50 paıyz tyńdarman daýysy men 50 paıyz qazylar alqasynyń daýystaryn qosý arqyly shyǵarylatyn bolady.
Keshtiń arnaıy qonaqtary - Aıgúl Imanbaeva, Beıbit Qoshqalıev, «Melomen» toby, Álı Oqapov jáne Móldir Áýelbekova.
Baıqaý jeńimpazdaryn marapattaý rásimi 22 sáýir saǵat 19:00-de Astana qalasy, «Kongress holl» saraıynda ótedi.

Astanada Iran armııasynyń kúnine oraı resmı qabyldaý ótti
Búgin Astanada Iran Islam Respýblıkasynyń armııa kúnine oraı resmı qabyldaý ótti. IIR-dyń Qazaqstandaǵy Elshiligi uıymdastyrǵan saltanatty rásimge QR QK bas shtaby basshysynyń orynbasary general-maıor Muhametjan Talasov, Irannyń áskerı attashesi Hamza Rýhı Kabareg jáne Elshi Modjtaba Damırchılý myrza qatysty.
Iran Islam Respýblıkasynyń Qazaqstandaǵy Tótenshe jáne Ókiletti Elshisi Modjtaba Damırchılý óz sózinde Iran qarýly kúshteri armııa kúniniń mańyzy týraly aıtty.
«Búgingi kún - Iran Islam Respýblıkasynyń murattaryna adal armııa úshin erekshe kún. Armııa kúni barlyq ırandyqtar úshin mańyzy basym. Ásker kúnin ulyqtaý Iran men ırandyq qundylyqtardy qorǵaýda ózderin qurbat etken Iran armııasynyń jaýyngerlerine taǵzym etý bolyp tabylady», - dep atap ótti Elshi.
Sondaı-aq, ol Iran Islam Respýblıkasy men Qazaqstan Respýblıkasy arasyndaǵy dıplomatııalyq qatynastardyń damýyna toqtaldy.
«Ózara senim men ortaq damýǵa negizdelgen bizdiń elderimiz saıası dıalogty belsendi qoldap keledi. Túrli halyqaralyq jáne aımaqtyq máselelerge birlikke at salysýdamyz. Onyń jarqyn úlgileriniń biri - jaqynda Qazaqstan Respýblıkasynyń Prezıdenti Nursultan Nazarbaevtyń Iranǵa sapary barsynda 60-tan astam kelisimshartpen memorandýmdarǵa qol qoıyldy. Bul eki eldiń saýda ekonomıkalyq qatynastaryn odan ári damyta túsedi», - dedi dıplomat.
Shara barysynda sóz alǵan QR QK bas shtaby basshysynyń orynbasary general-maıor QR Qorǵanys mınıstirligi atynan Iran Qarýly Kúshterin armııa kúnimen quttyqtap, eki el qarýly kúshteriniń dostyq qatynasyna toqtaldy. «Armııa eldiń qaýipsizdigin qamtamasyz etýdiń jáne damýdyń kepili retinde memleketimizdiń ajyramas bóligi bolyp tabylady. Qazaqstan men Irannyń dostyq qarym qatynastary jaqsy damyp keledi. Biz ártúrli halyqaralyq uıymdar, sondaı-aq AÓSShK jáne ShYU sheńberinde ózara sátti jumystar atqarýdamyz. Eki eldiń qorǵanys vedomstvolary arasyndaǵy yntymaqtastyq ýaǵdalastyqtardyń negizinde qarqyndy damyp keledi. Beıbitshilik pen senimdilikti eki eldiń Qarýly Kúshteri arasyndaǵy ózara berik baılanys pen tabysty yntymaqtastyqty ornatý maqsatynda elderimizdiń qorǵanys vedomstvolary arasyndaǵy baılanys senimdi jalǵasa beredi dep bilemiz»,- dedi Muhametjan Talasov.

Ulttyq ulan Astanada ardagerlerge qurmet kórsetti
Búgin elorda mańynda ornalasqan 5573 áskerı bóliminde Uly Otan soǵysy ardagerleri men eńbek ardagerlerin qurmetteý keshi ótti. Saltanatty sharany Ulttyq ulannyń astanalyq brıgadasy men «Nur Otan» partııasy Esil aýdandyq fılıaly alda kele jatqan Jeńis kúnine oraı uıymdastyryp otyr.
QR Ulttyq ulan baspasóz qyzmetiniń habarlaýynsha, «Batyrlar máńgi esimizde!» atty aqparattyq-nasıhattyq aktsııasy jáne «Ardagerlerdi ardaqtaıyq» partııalyq jobasynyń aıasynda ótkizilgen bul sharaǵa ulandyq jaýyngerler, áskerı-patrıottyq klýbtar, sondaı-aq elorda mektepteriniń joǵary synyp oqýshylary qatysty. Al soǵys jáne tyl ardagerleri, Astana qalalyq máslıhatynyń depýtattary arnaıy qonaq retinde shaqyryldy.
«Batyrlar máńgi esimizde» aktsııasy tájik-aýǵan shekarasynda qaza bolǵan Іshki áskerdiń 17 jaýyngeriniń rýhyna jáne Uly Otan soǵysyndaǵy Jeńis kúnine oraı uıymdastyrylǵan. Atalmysh aktsııa sheńberinde Ulttyq ulannyń barlyq áskerı bólimderinde sáýir-mamyr aılarynda túrli is-sharalar ótkiziledi. «Ardagerlerdi ardaqtaıyq» jobasy «Nur Otan» partııasy kóshbasshysynyń tapsyrmasymen dúnıege kelgen. Bul jobanyń negizinde elimizdiń barlyq óńirlerinde ardagerler men qarttarǵa qoldaý kórsetý, jastardy atrıottyq rýhta tárbıeleý baǵytynda birneshe jyl qatarynan keshendi jumystar atqarylyp keledi.
«Ekinshi dúnıejúzilik soǵysta bizdiń erjúrek otandastarymyz jaýynger babalarymyzdyń dańqty jolyn laıyqty jalǵastyra bildi. Aryn - baıraq, namysyn - naıza etken erlerdiń qaharmandyǵy ańyzǵa aınaldy. Soǵysqa elimizden 1 mln 200 myńdaı adam attanyp, olardyń 620 myńǵa jýyǵy maıdannan oralmady. 500-den astam jerlesimiz Keńes Odaǵynyń Batyry atandy. Jer betinde beıbitshilik ornatý úshin jasalǵan erlikti eshqandaı shekara, kedendik kedergiler men qıyndyqtar, áleýmettik-ekonomıkalyq, saıası ómirdiń qarama-qaıshylyqtary kóleńkede qaldyra almaıdy» - dedi bólim komandıriniń orynbasary polkovnık Bolat Smaǵulov.
Saltanatty kesh Ulttyq ulan jaýyngerleri men Án-bı ansambliniń shyǵarmashylyq ujymy ázirlegen kontserttik-teatrlandyrylǵan baǵdarlamaǵa ulasty. Qonaqtarǵa áskerı jyldardan syr shertetin beınerolıkter kórsetilip, qarý-jaraq, ınjenerlik qyzmet quraldary, áskerı jáne arnaıy kıim úlgilerinen kórme uıymdastyryldy. Shara sońynda uıymdastyrýshylar ardagerlerge arnaıy ázirlegen syı-sııapattaryn tabys etti.
Astana saıabaǵy 1 mamyrdan bastap ashylady
Bıyl elorda parkinde qala turǵyndary men qonaqtaryn kóptegen tosyn syı kútedi. 1 mamyrdan bastap attraktsıondar, ashyq baseınder, bı alańdary jáne t.b. iske qosylady. Bul týraly elordanyń resmı saıty habarlady.
Qazirgi kezde bı alańdary men bar jasalǵan ashyq basseınder keshenderiniń aýmaqtaryn abattandyrý jumystary aıaqtalýda. Saıabaqty qalpyna keltirý kezinde basty alleıa men «Ýaqyt ózeni» sýburqaǵy, «Saǵat» stelasy, sý perdeli úńgirler, «Kún kózi» kompozıtsııasy, olımpıada chempıondary alańyn jasaý qarastyrylǵan, sondaı-aq, parkte sý arnasy men jaǵalaý, úsh tas kópir, sarqyramasy bar kórý alańy jáne serpindi sý burqaqtar kesheni bolady.
Demalys ornyndaǵy toǵan saqtaldy, rekonstrýktsııa kezinde onyń aýmaǵy ulǵaıtyldy.
Saıabaq jańa attraktsıondarmen tolyqty, atap aıtqanda, Merry go round jáne Sircus swing átkenshekteri, balalarǵa arnalǵan Aladin jet 6 mını-djet, Balloon wheel shaǵyn kórý dóńgelegi, Wonder Flight kóńildi attraktsıony jáne ekstremaldy Flying School.
Park salaýatty ómir saltyn ustanatyn adamdardyń da súıikti ornyna aınaldy. Onyń aýmaǵynda eresekter men balalarǵa arnalǵan trenajerler ornatylǵan, bul sportpen shuǵyldanýǵa múmkindik beredi.

Ádilbek Jaqsybekov áleýmettik sala nysandaryn aralady
Keshe Astana ákimi Ádilbek Jaqsybekov elordalyq áleýmettik nysandardyń - Jumyspen qamtý ortalyǵynyń, Zorlyq-zombylyq nemese zorlyq-zombylyq qateriniń saldarynan qıyn jaǵdaıǵa tap bolǵan tulǵalarǵa arnalǵan daǵdarystyq ortalyqtyń jáne Qarttar men múgedekterge arnalǵan medıtsınalyq-áleýmettik mekemeniń jumysymen tanysty, dep habarlady astana.gov.kz.
«Áleýmettik saıasat pen halyq aldynda áleýmettik mindettemelerdi oryndaý árqashan da memleket pen jergilikti atqarýshy organdardyń nazarynda», - dedi qala basshysy atalǵan mekemelerdi aralaý barysynda.
Jumys saparyna Astana qalasy ákiminiń orynbasary Andreı Lýkın, «Saryarqa» aýdanynyń ákimi Pavel Kýlagın, sondaı-aq, Jumyspen qamtý, eńbek jáne áleýmettik qorǵaý basqarmasynyń basshysy Ermek Ospanov qatysty.
Elorda ákimi aldymen Jumyspen qamtý ortalyǵyna bardy. Atalǵan mekeme bes jyldan beri adamdardy jumysqa ornalastyrýmen aınalysyp keledi, sondaı-aq, kásibı oqytý jáne qaıta daıarlaý kýrstaryn ótkizedi.
Jyl basynan beri 3,3 myńnan astam adam ortalyqqa júgingen. Olardyń jartysy jumysqa ornalastyryldy, jalpy bilim berý mekemesiniń 218 túlegi jastar praktıkasyna, 800-den astam adam qoǵamdyq jáne áleýmettik jumys oryndaryna jiberildi. Qala turǵyndary aı saıyn ótkiziletin bos oryndar jármeńkesine oń baǵasyn berýde.
Aıta keteıik, ótken jyly Astana memleket boıynsha jumyssyzdyq deńgeıiniń eń tómen kórsetkishine qol jetkizdi, 18 myń jumys orny quryldy. Búgingi tańda Jumyspen qamtý ortalyǵynyń bazasynda 3500 bos oryn tirkelgen, al jumys izdeýshiler sany 950 adamdy quraıdy. Ortalyq qyzmetkerleriniń aıtýynsha, qazirgi kezde elordada qurylys salasyndaǵy jumysshy mamandyqtar suranysqa ıe, atap aıtqanda, árleýshiler, sylaqshy-syrlaýshylar, tas qalaýshylar jáne t.b. Sonymen qatar, D sanatyndaǵy júrgizýshilerdiń jetispeýshiligi baıqalady. Kún saıyn elordalyq Jumyspen qamtý ortalyǵyna 500-den astam adam belgili bir máselemen júginedi.
Munymen qosa, Á. Jaqsybekov 2013 jylǵy qarasha aıynda ashylǵan Zorlyq-zombylyq nemese zorlyq-zombylyq qateriniń saldarynan qıyn jaǵdaıǵa tap bolǵan tulǵalarǵa arnalǵan daǵdarystyq ortalyqqa at basyn tiredi. Ortalyq turmystyq zorlyq-zombylyqtyń saldarynan qıyn jaǵdaıǵa tap bolǵan áıelderge arnaıy áleýmettik qyzmetter kórsetedi. Bul áıelder keıinnen otbasylryna orala alady. Olardyń balalarymen tárbıeshiler men balalar psıhology jumys isteıdi.
Ortalyqta áleýmettik-turmystyq, psıhologııalyq, medıtsınalyq jáne quqyqtyq kómek kórsetiledi. Osy kúnge deıin ortalyq qyzmetine 329 adam júgingen: 107 áıel jáne 222 bala. Olardyń kóbi áli de bolsa mekemeniń psıhologtarymen jáne áleýmettik qyzmetkerlerimen turaqty baılanysyp turady, qıyn kezde qoldaý kórsetkenderi úshin olarǵa alǵys aıtýda.
Qaladaǵy mańyzdy áleýmettik nysandardyń biri Qarttar men múgedekterge arnalǵan medıtsınalyq-áleýmettik mekeme bolyp tabylady. Qazirgi kezde munda 25-ten 102 jasqa deıingi 298 adam turyp jatyr: 121 múmkindigi shekteýli tulǵa jáne 177 qarııa, sonyń ishinde, tórteýi UOS ardageri.
Mekemede 121 dáriger jumys isteıdi, 25 medbıke men 44 sanıtar táýlik boıy medıtsınalyq kútim kórsetedi. Múgedekter ońaltýdyń jeke baǵdarlamasynan ótedi, osy maqsatta ortalyq barlyq qajetti jabdyqtarmen jabdyqtalǵan. Budan basqa, sportqa da basa nazar aýdarylady, múgedekter arasynda ústel tennısinen jáne toǵyzqumalaqtan chempıondar da bar. Mekemede dańq mýzeıi ashylǵan, al ájeler hory UOS Jeńis kúnine daıyndalyp jatyr.
Aıta keteıik, ótken jyly, Astanada júz myńnan astam adam túrli áleýmettik qoldaý sharalarymen qamtylǵan bolatyn.

Astanada Ulttyq orman egý kúni ótedi
23 sáýirde elordada jalpyqalalyq senbilikten basqa QR Táýelsizdiginiń 25 jyldyǵyna jáne Jer kúnine oraı aǵashtar otyrǵyzylady. Arnaıy daıyndalǵan gúlzarlarǵa Sıvers almasy, emen, qyzyl sheten, aq qaıyń, sibir shyrshasy, aq tal, pıramıdaly terek, qyzyltal, sondaı-aq, balzam ıisti terek aǵashtarynyń 1000-nan astam kósheti otyrǵyzylady, dep habarlaıdy qalalyq ákimdiktiń baspasóz qyzmeti.
- Dala ósimdikteri kóp ósetin bizdiń dalalarda aǵash az. Sondyqtan jastardy búkil jerge aǵash otyrǵyzýǵa shaqyramyz. Aǵashty neǵurlym kóp otyrǵyzsaq, aýa soǵurlym taza bolady, - deıdi «Turaqty damý» Jer qorynyń bıology Valentına Obodovskaıa.
Qazaqstanda Ulttyq orman otyrǵyzý kúni alǵash ret 2014 jyly 19 sáýirde ótkizildi. Bıylǵy aktsııa «Barys-Arena» muz aıdyny janynda ótedi.
Aıta keteıik, qalany abattandyrý jáne aǵash otyrǵyzý jumystary Astananyń úsh aýdanynda júrgiziledi. Elorda ákimdiginiń habarlaýynsha, bul kúni Astanada 16 myńnan astam aǵash egiledi.
Orynbor kóshesinde jáne «Araı» parkinde, Aqyrtas, Ǵabdýllın, Ýálıhanov kóshelerinde, Tilendıev dańǵylynda jáne t.b. jerlerde jappaı aǵash otyrǵyzylady. Kógaldandyrý obektilerinde tıisti oryndar daıyndalyp, kóshetter qoıyldy, ınerttik materıal (qunarly jer, topyraq, qara topyraq) qajetti mólsherde ákelindi.

Astanada otandyq taýarlardyń «Qazaqstanda jasalǵan» kórme-jármeńkesi ótedi
QR IDM-niń «NADLoC» Jergilikti qamtýdy damytýdyń ulttyq agenttigi» AQ Astana qalasynda 23-24 sáýir kúnderi «Astana Mall» SOO-da ótetin otandyq taýarlardyń «Qazaqstanda jasalǵan» kórme-jármeńkesin ótkizedi, dep hbarlady agenttiktiń baspas óz qyzmeti.
Onda respýblıkanyń barlyq óńirinen keletin 60-tan astam kompanııa ózderiniń otandyq ónimderin tómengi baǵamen usynatyn bolady. Bul jármeńke osymen ekinshi ret ótkeli otyr jáne 2015 jylmen salystyrǵanda qatysýshylardyń sany aıtarlyqtaı kóbeımek.
Jármeńkede mynadaı ónim túrleri usynylatyn bolady: áıelderge, erlerge jáne balalarǵa arnalǵan kıimder, aıaq-kıim, shulyq-uıyq buıymdary, úı toqymasy, turmystyq hımııa, kerek-jaraq zattar, kosmetıka, balalarǵa arnalǵan oıynshyqtar, sondaı-aq azyq-túlik ónimderi.
«Qazaqstandyq ónimdi tańdaı otyryp, biz myńdaǵan adamdarǵa ózderiniń jumys oryndaryn saqtap qalýǵa, eldiń damýyna óz úlesin qosýǵa kómektesemiz!»,- delingen habarlamada.

Astanada ımmýndaý aptalyǵy ótedi
24-30 sáýirde elordada «Immýndaýdaǵy kemshilikterdi joıý» uranymen Dúnıejúzilik ımmýndaý aptalyǵy ótedi.
Onkúndik sharanyń maqsaty vaktsınatsııaǵa qatysty qoǵamnyń senimin, densaýlyq úshin ımmýndaýdyń mańyzy týraly halyqtyń aqparattylyq deńgeıin arttyrý bolyp tabylady. Bul týraly elorda ákimdiginiń resmı saıtynda habarlady.
Astana qalasynyń Salaýatty ómir saltyn qalyptastyrý ortalyǵynyń mamandary ımmýndaýdyń mańyzdylyǵy týraly aqparattyq-bilim berý materıaldaryn taratty. Sondaı-aq, halyq kóp jınalatyn oryndarda LED-monıtorlar men laıtbokstardan, saýda, oıyn-saýyq ortalyqtarynda, áýejaıda ımmýndaýdyń artyqshylyqtary týraly aýdıo- jáne beınerolıkter rotatsııalanady.
Elordalyq medıtsına qyzmetkerleri úshin osy kezeńde túrli semınarlar men trenıngter uıymdastyrylady.
Sońǵy ýaqytta vaktsınatsııadan bas tartý jaǵdaılary jıilep ketti. Bul memlekettegi epıdemıologııalyq jaǵdaıǵa keri áserin tıgizýi múmkin. Ortalyq mamandarynyń pikirinshe, halyqtyń ımmýnoprofılaktıkaǵa qatysty senimin qalyptastyrý, halyqtyń ımmýnoprofılaktıkaǵa senimdi kózqarasyn qalyptastyrý, juqpaly aýrýlarǵa qarsy qorǵanys qajettiligi; vaktsınatsııadan bas tartýǵa baılanysty qaýip-qater men sebep-saldar týraly aqparattandyrý qajet.
Aıta keteıik, 2015 jyly jyl saıyn vaktsına jasalatyn adamdar sany 8 100 709 qurady.
Astananyń Jasyl beldeýi naǵyz ormanǵa aınalyp keledi
Búgingi kúni Astananyń Jasyl beldeýinde shamamen 11 myńnan astam aǵash otyrǵyzyldy. Jyl saıyn egiletin kóshetter 300 gektarǵa artyp otyr. Bul týraly búgin press-týr barysynda Astana qalalyq tabıǵı resýrstar basqarmasynyń basshysy Ádilbek Sársembaev málim etti.
«Búgingi kúni Jasyl beldeý naǵyz orman bolyp qalyptasyp keledi, ol jabaıy ańdardyń da tirshilik mekenine aınalyp otyr. Buǵan deıin eshteńe óspegen, taqyr dalada qazir qyrǵaýyldar ushyp, qoıan men túlkiler jorta bastady. Biz olardyń sanyn arttyrýdy baqylaýda ustaımyz. Jyl saıyn shamamen 400-500 qyrǵaýyl túrleri osy mańǵa ushyrylýda», - dedi ol.
Aıta keterligi, búgin Astana mańyndaǵy ormandy dalaǵa 125 qyrǵaýyl, ótken aptada 875 qyrǵaýyl ushyrylǵan. Basqarma basshysynyń aıtýynsha, jabaıy qustar, ańdar udaıy baqylaýda bolady. Al ormanǵa ulasqan aǵashtarǵa kelsek, olardyń Jasyl beldeýde jersinýi 90 paıyzdy qurap otyr.
«Jasyl beldeýde jemis aǵashtaryn otyrǵyzýdyń jańa tájirıbesin de qolǵa alyp jatyrmyz. Degenmen, bir problema bar: munda kóbeıgen qoıandar jemis aǵashtarynyń tamyryn qazyp, sonymen qorektenedi. Bul birshama tejegish faktor bolyp tur», - deıdi Á. Sársembaev.

Astana kóshelerinde alma men almurt kóshetteri otyrǵyzylady
Astana qalasynda kóshelerge jemis aǵashtaryn, sonyń ishinde alma men almurt kóshetterin otyrǵyzý jumystary júrgizilýde. Bul týraly búgin press-týr barysynda Astana qalalyq tabıǵı resýrstar basqarmasynyń basshysy Ádilbek Sársembaev málim etti.
Basqarma basshysynyń sózine qaraǵanda, elordada jyl saıyn otyrǵyzylatyn kóshetter alańy aýqymdanyp, bas qala jasyl qalaǵa aınalyp keledi. Degenmen, tez qubylatyn Astana klımatyna negizinen qylqan japyraqty aǵashtar ósiriledi.
«Biraq, biz qazirdiń ózinde alma, almurt sekildi jemis aǵashtaryn otyrǵyzǵymyz keledi. Bular elordadaǵy ósimdikter dúnıesine aralasýy kerek. Aldaǵy ýaqytta alma kóshetteri qalanyń kóshelerinde paıda bolady dep josparladyq», - dedi Á. Sársembaev.
Onyń aıtýynsha, qazirgi kúni Astanada jasyl kóshetterdi sanıtarlyq kesýge ruqsat tek kári, qurt túsken aǵashtarǵa, sonymen birge ınjenerlik jeliler men kóliktik ınfraqurylymǵa kedergi keltirgende ǵana beriledi. Byltyr osyǵan baılanysty 400-ge tarta ruqsat jasalǵan. «Bul bizdiń qatań qabylaýymyzda. Onyń ústine árbir kesilgen aǵashtyń ornyna jańa eki aǵashtan egiledi», - dedi basqarma basshysy.

Astanada 1 mamyrǵa daıyndyq kezeńinde Táýelsizdik dańǵyly boıynsha qozǵalys jabylady
Astana qalasy ІІD jergilikti polıtsııa qyzmeti Qazaqstan halyqtarynyń birligi kúnine arnalǵan merekelik is-sharalarǵa daıyndyq jáne ony ótkizý kezeńinde qoǵamdyq tártip pen jol qaýipsizdigin qamtamasyz etý boıynsha sharalar qabyldaıdy.
Astana qalasy jergilikti polıtsııa baspasóz qyzmetinde habarlaǵandaı, aǵymdaǵy jylǵy 19-27 sáýir aralyǵynda montajdaý jumystaryn júrgizýge baılanysty A. Baıtursynov kóshesinen J. Nájimedenov kóshesine deıin Táýelsizdik dańǵyly boıynsha qozǵalys ishinara jabylatyn bolady.
27 sáýir men 1 mamyr aralyǵynda joǵaryda kórsetilgen ýchaskede jol qozǵalysy tolyqtaı shekteledi. Astana qalasy ІІD jergilikti polıtsııa qyzmeti elorda turǵyndary men qonaqtaryn balamaly marshrýttardy aldyn ala josparlaýdy eskertedi.
Á.Jaqsybekov abattandyrý jáne tirshilikti qamtamasyz etý nysandaryn aralady
Elorda basshysy Ádilbek Jaqsybekov qalalyq qyzmetterdiń kógaldandyrýǵa daıyndyǵyn tekserip, tirshilikti qamtamasyz etý nysandarynyń qurylysymen tanysty. Bul týraly elordanyń resmı saıty habarlady.
Qaladaǵy, ásirese, EKSPO-2017 kórmesi qarsańynda tirshilikti qamtamasyz etýdiń mańyzdy nysandarynyń biri 4-shi jáne 5-shi jylý magıstraldary. Atalǵan joba EKSPO-2017 kórmesiniń obektilerin jylýmen jabdyqtaýǵa baǵyttalǵan jáne qaıta salynyp jatqan aýdandardy jylýmen qamtýdyń basty joly.
«Injenerlik ınfraqurylym qalany odan ári damytýdyń fýndamenti bolyp tabylady. Sondyqtan osy saladaǵy jobalardy ýaqytyly jáne sapaly júzege asyrý qalalyq qyzmetterdiń basym baǵyttaryna jatady», - dep atap ótti Astana ákimi.
Jylý jelisiniń qurylysy eki kezekpen júrgizilýde. Keńeıtilip jatqan JEO-2 jylý energııasyn «Myńjyldyq alleıasy» aýdanyna, jańa vokzal men Astananyń sol jaǵalaýyna taratý úshin salynyp jatqan 1-shi kezektegi 4-shi jylý magıstraliniń uzyndyǵy 13,7 km.
Á. Jaqsybekov salynyp jatqan jylý magıstraliniń qajetti gıdravlıkalyq rejımin qamtamasyz etetin №15 sorǵy stansasynda boldy. Qazirgi kezde monolıtti fýndament salý, ǵımarattyń negizgi qańqasyn jáne qabyrǵalar panelderin montajdaý boıynsha negizgi jumystar aıaqtaldy, tehnologııalyq qondyrǵylardy qurastyrý qolǵa alyndy. 4-shi jylý magıstraliniń qurylysyn 2016/2017jj jylytý maýsymy bastalǵansha aıaqtaý kózdelgen.
JEO-3 jylýyn qalanyń sol jaǵalaýyna taratý úshin 5-shi jylý magıstrali salynyp jatyr. Osylaısha, elordanyń jańa aýdandary da úzdiksiz jáne senimdi jylýmen qamtamasyz etiledi.

Búgin Astanada HІ jyl saıynǵy respýblıkalyq «Tarıh ata» olımpıadasynyń qorytyndy týry bastalady
Búgin Astanada 5-10 synyptar oqýshylary arasynda HІ jyl saıynǵy respýblıkalyq «Tarıh ata» qashyqtan ótkiziletin olımpıadasynyń qorytyndy týry bastalady. Bul týraly «Daryn» respýblıkalyq ǵylymı-praktıkalyq ortalyǵynan habarlady.
Olımpıadanyń basty maqsattary men mindetteri - mektep oqýshylarynyń Qazaqstan tarıhyna qyzyǵýshylyǵyn arttyrý, olardyń ózdiginen jumys isteý daǵdylaryn jáne jınaqtaǵan bilimderin qoldana bilýin qalyptastyrý, patrıotızmge tárbıeleý bolmaq.
Bıylǵy jyly respýblıkalyq «Tarıh ata» qashyqtan ótkiziletin olımpıadasy Qazaqstan Táýelsizdiginiń 25 jyldyǵyna jáne L.Gýmılev atyndaǵy Eýrazııa ulttyq ýnıversıtetiniń qurylǵanyna 20 jyl tolýyna arnalady.
Olımpıadanyń alǵashqy qashyqtan ótkizilgen týryna Qazaqstannyń barlyq aımaqtarynan 1624 oqýshy qatysqan bolatyn. Jartylaı fınalǵa 148 jeńimpazdar men laýreattar shyqty, endi olar júldeli oryndar úshin baqtaryn synaıdy.
Konkýrstyń ashylý rásimi saǵat 10:00-da L.Gýmılev atyndaǵy Eýrazııa ulttyq ýnıversıtetiniń áleýmettik ǵylymdar fakýltetinde bolady.
5-10 synyptar oqýshylary Qazaqstan tarıhynan testilik tapsyrmalardy oryndaıdy. Odan keıin shyǵarmashylyq konkýrsta Qazaqstan tarıhynyń ózekti taqyryptaryna esse jazady.
Sondaı-aq olımpıada baǵdarlamasynda L.Gýmılev atyndaǵy EUÝ professor-oqytýshylar quramy jalpy bilim beretin mektepter muǵalimderi úshin «Ulttyq tarıhty oqytýdyń ózekti problemalary» taqyrybynda semınar ótkizedi. Tyńdaýshylarǵa sertıfıkattar beriledi.
HІ respýblıkalyq qashyqtan ótkiziletin olımpıadanyń negizgi áriptesi Qazaqstan Respýblıkasy Tuńǵysh Prezıdentiniń - Elbasynyń kitaphanasy. Olımpıada qatysýshylary úshin kitaphanaǵa ekskýrsııa ótkizilip, Qazaqstan Prezıdenti, Elbasy N.Á.Nazarbaev týraly derekti fılm kórsetiledi. Mektep oqýshylary «Álemdi ózgertetin ıdeıalar» ınteraktıvtik bilim kesheninde Elbasy bastamalarymen tanysady jáne QR Bilim jáne ǵylym mınıstrligi Memleket tarıhy ınstıtýtynyń dırektory, tarıh ǵylymdarynyń doktory, professor B.Aıaǵanmen kezdesedi.
Sonymen birge, olımpıada aıasynda oǵan qatysýshylar QR Ulttyq mýzeıinde bolady.
Olımpıadanyń jabylýy 21 sáýirde Qazaqstan Respýblıkasynyń Tuńǵysh Prezıdenti, Elbasy kitaphanasynda ótedi.
Jeńimpazdar men júldegerler «Daryn» RǴPO-nyń І, ІІ, ІІІ dárejeli dıplomdarymen jáne gramotalarymen marapattalady. Jeńimpazdar men júldegerlerge «Bizdiń Prezıdent» jáne «Ózekjardy oılar» kitaptary tapsyrylady. Jeńimpazdar men júldegerlerdi daıarlaǵan muǵalimder «Daryn» RǴPO gramotalarymen marapattalady.

Astanada «MAINEKS Ortalyq Azııa» taý-ken ónerkásibi forýmy bastaldy
Astanada «MAINEKS Ortalyq Azııa» taý-ken ónerkásibi forýmy bastaldy. Bul bedeldi forým álemdik daǵdarys jaǵdaıyndaǵy mıneraldyq shıkizat salasynyń damý barysy men bolashaqtaǵy múmkindikterine basymdyq bermek.
Forýmnyń basty maqsaty: halyqaralyq baılanysty nyǵaıtý, atalmysh másele boıynsha memlekettik úılestirýdi arttyrý, tehnıkalyq jańǵyrtýdy jetildirý, kásibı mamandardy daıarlaý, taý-ken óndirisin qarjylandyrý jáne ınvestıtsııa tartý.
Forýmǵa memlekettik organdardyń ókilderi, taý-ken óndirisiniń, ınjenerlik jáne ınvestıtsııalyq kompanııalardyń 300-den astam basshylary qatysady. Ortalyq Azııadaǵy Qyrǵyzstan, Tájikstan, Qazaqstan, sonymen qatar Mońǵolııa, Reseı jáne alys shet memleketterden 80-ge tarta baıandamashy sóz sóıleıdi dep kútilýde. Olar taý-ken bıznesiniń aldaǵy damý barysyna qatysty óz oılarymen bólisedi.
Forým aıasynda Eýrazııalyq Top (ERG) pen «Innovatsııalyq tehnologııalar parki» avtonomııalyq klasterlik qory arasynda áriptestik jáne ózara túsinistik týraly memorandýmǵa qol qoıady. Bul qujat taý-ken keshenin ındýstrııalyq jáne ınnovatsııalyq damytý jobalaryn júzege asyrýǵa baǵyttalyp otyr.
Sharaǵa QR Investıtsııalar jáne damý mınıstri Áset Isekeshev, QR-daǵy Ulybrıtanııa Elshisi Kerolın Braýn, Eýropa qaıta qurý jáne damý banki (EQQDB) dırektorynyń orynbasary Agrıs Preımanıs qatysady.

Jyl basynan beri Astanada 5740 nysan zańdastyryldy
Búgingi tańda Astanada quny 26 350 987 teńgeniń 5740 nysany, sondaı-aq 130 325 445 teńge mólsherinde aqsha qrajaty zańdastyryldy, dep habarlaıdy elorda ákimdiginiń baspasóz qyzmeti.
Astananyń jergilikti atqarýshy organdaryndaǵy komıssııalarǵa Qazaqstan Respýblıkasynyń aýmaǵynda ornalasqan múlikti zańdastyrý boıynsha 6276 ótinish kelip túsken. Jalpy, turǵyn, turǵyn emes jáne kommertsııalyq 5740 nysandy zańdastyrý maquldandy.
Sonymen qatar, Astana qalasynyń memlekettik kirister departamenti organdaryna QR aýmaǵynan tys ornalasqan 57 608 myń teńgelik tórt jáne quny 1 012 432 myń teńgelik 11 nysan boıynsha alty arnaıy deklaratsııa tapsyrylǵan. Memleketten tys jerdegi quny 6243 myń teńgeni quraıtyn zańdy tulǵalarǵa qatysýdyń eki úlesi zańdastyryldy.
Aqsha qarajatyna toqtalsaq, qalalyq memlekettik kirister organdaryna jalpy somasy 130 325 445 72 myń teńgeni quraıtyn aqshany zańdastyrý boıynsha 72 ótinish kelip túsken, sondaı-aq, quny 8110 myń teńgeni quraıtyn qundy qaǵazdar zańdastyryldy.
Astana qalasynyń memlekettik kirister departamentiniń habarlaýynsha, aqshany merziminen buryn alǵan jaǵdaıda, azamattar ony zańdastyrǵany úshin 2015 jylǵy 1 jeltoqsanǵa deıin tólegen alymdy qaıtara alady.

Bıyl elordada 25 shaqyrym kóshede jol jóndeý jumystary júrgiziledi
Elordada jyl saıyn kóktemde jol jóndeý jumystary qolǵa alynady. Bıyl 25,36 shaqyrym joldy salý, jóndeý jáne qalpyna keltirý josparlanǵan, dep habarlady qalalyq ákimdiktiń baspasóz qyzmetinen.
Astana qalasy avtomobıl joldary basqarmasynyń basshysy Symbat Myrzaǵulov Astana qalasy ákimdiginiń resmı saıtynyń redaktsııasyna bergen suhbatynda bıyl elordada jol jóndeý boıynsha júrgiziletin jumystarǵa tolyǵyraq toqtalyp ótti.«Qalanyń kóshe-jol jelisiniń jaǵdaıyna júrgizilgen keshendi taldaý boıynsha qanaǵattanarlyqsyz jaǵdaıda dep tanylǵan 117 kóshe (uzyndyǵy 287 km) anyqtaldy. Atapa ıtqanda, Abylaı han dańǵyly Pýshkın kóshesinen Momyshuly dańǵylyna deıin, Manas kóshesi Abylaı han dańǵylynan Qobylandy batyr kóshesine deıin, Kenesary kóshesi Pýshkın kóshesinen Respýblıka dańǵylyna deıin, Orynbor kóshesi Kereı men Jánibek handar kóshesinen Hýseın ben Talal kóshesine deıin jáne t.b. Barlyq anyqtalǵan kemshilikter boıynsha jóndeý jumystarynyń kestesi bekitildi. Bıyl 25,36 km jol salý, jóndeý, qalpyna keltirý kózdelgen. Sonyń ishinde 15,8 km jol salynady, 1,4 km qalpyna keltiriledi, 8,16 km jolǵa ortasha jóndeý jumystary júrgiziledi», delingen Symbat Myrzaǵulov bergen suhbatta.

Astanada 100-ge jýyq qoǵamdyq kómekshi marapattaldy
Búgin jergilikti polıtsııa qyzmetiniń basshysy Baqytjan Malybaev polıtsııaǵa pármendi kómek kórsetken 96 azamatqa gramotalar men aqshalaı syılyqtar tabystady, dep habarlady qalalyq ákimdiktiń baspasóz qyzmetinen.
Qazirgi kezde tártip saqshylarynyń qoǵamdyq kómekshilermen birlesip jumys isteýine aıryqsha kóńil bólinedi. Quqyq qorǵaý baǵdary boıynsha qoǵamdyq tártipti kúzetýge 900 asa qoǵamdyq qurylym ókilderi qatysady, sonyń ishinde qoǵamdyq keńes quramyndaǵy 37 quqyq qorǵaý organdarynyń ardageri, 217 konserj jáne polıtsııa bólimsheleri janyndaǵy qoǵamdyq kómekshiler, kúzet qurylymdarynyń 343 qyzmetkeri, jedel-jastar jasaǵynyń 122 múshesi jáne t.b.
Jyl basynan beri polıtsııanyń qoǵamdyq kómekshileriniń málimeti boıynsha, 4 qylmys pen 165 ákimshilik quqyq buzýshylyq ashylyp, 210 azamat ýchaskelik polıtsııa pýnktine jetkizildi.Astana q. ІІD Jergilikti polıtsııa qyzmeti azamattardy birlesip jumys isteýge shaqyrady.

Elordada robototehnıkadan «KazRoboSport-2016» jarysy ótedi
Aldaǵy senbi kúni M.Ótemisov atyndaǵy Oqýshylar saraıynda «KazRoboSport-2016» aımaqtyq chempıonaty bastalady. Jarysqa qatysýǵa 30 jýyq komanda ótinim berdi. Balalar óz avtonomdy robottaryn tanystyryp, saıysqa túsedi, dep habarlady qalalyq ákimdiktiń baspasóz qyzmetinen.
Chempıonat tórt sanat boıynsha ótkiziledi. Konkýrsqa qatysýshylar óz qolymen jınaǵan avtonomdy robottar «kegelrıng» jáne «syzyq boıynsha jarysta», sondaı-aq robo-sýmoda kúsh synasady.- Robototehnıka matematıka, fızıka, ınformatıka pánderin biriktiredi. Olardy jeke oqyǵan qıyn, al birge alǵanda qyzyqty. Balalar men jasóspirimder óz shyǵarmashylyqtaryn pash etse, konstrýktorlar qoldan robot qurastyryp, óz eńbekteriniń jemisin kóre alady. Jalpy aıtqanda, robototehnıka - álemdegi eń suranysqa ıe mamandyqtardyń biri. Balalardyń ınjenerlik oılaý qabilettiligi qalyptasady, perspektıvada olar munymen kásiptik deńgeıde aınalysa alady, - deıdi Bilim berý jáne sporttyq robototehnıka federatsııasynyń Astanadaǵy fılıaly «Robotek» klýbynyń dırektory Mıhaıl Malorod.Qazirgi kezde 2 adamnan turatyn 30 jýyq komanda jarysqa qatysatyndaryn rastady. Negizinen, Nazarbaev zııatkerlik mektebiniń, «Robotek» robototehnıka klýbynyń, «Shesterenkı» eksperımentaldy mehanıka jáne robototehnıka klýbyniń balalar men jasóspirimder komandalary, sondaı-aq, Aqmola oblysynan, Qaraǵandy jáne Kókshetaýdan kelgen komandalar baqtaryn synamaq. Erejege sáıkes, saıysqa 10-nan 25 jasqa deıingi jastar qatysady.Konkýrs aıasynda «Bilim beretin robototehnıka» taqyrybynda sheberlik dárisi ótkiziledi, balalarǵa 3D-baspanyń erekshelikteri men prıntsıpteri týraly aıtylady. Jeńimpazdar qyrkúıek aıynda ótetin «KazRoboSport» jarysynyń respýblıkalyq kezeńine joldamaǵa ıe bolady.

Astanada HІІІ Eýrazııa medıa forýmy bastaldy
Elordada HІІІ Eýrazııa medıa forýmy jumysyn bastady.
Atap aıtqanda, bıyl Qazaqstanǵa álemniń 50 elinen 30 spıker men 400 delegat keldi. Sonymen qatar buqaralyq aqparat quraldarynyń 400-den astam ókili forýmnan habar taratady.
Forým barysynda búgin negizgi 4 májilis ótedi, sondaı-aq belgili jýrnalıster, saıasatkerler men ekonomıster 5 sheberlik sabaǵyn ótkizedi.
Sharanyń búgingi kúntártibinde ǵalamdyq daǵdarys, munaı óndirý salasyndaǵy problemalar, Taıaý Shyǵystaǵy ahýal, Aýǵanstan máselesi, HHІ ǵasyrdaǵy aqparat soǵysynyń erekshelikteri, memlekettik qarjy resýrstaryn basqarý taqyryptary talqylanady.
Forýmǵa QR Qaýipsizdik Keńesiniń hatshysy Nurlan Ermekbaev, Aýǵanstannyń burynǵy prezıdenti Hamıd Karzaı, ulybrıtanııalyq ekonomıst Saımon Anholt, QR Syrtqy ister mınıstri Erlan Ydyrysov, Ulybrıtanııanyń burynǵy syrtqy ister mınıstri Djek Stro, QR Prezıdenti janyndaǵy Qazaqstan strategııalyq zertteýler ınstıtýtynyń dırektory Erlan Qarın jáne basqa da belgili saıasatkerler men sarapshylar qatysady dep kútilýde.
Aıta keteıik, EAMF 2002 jyly Darıǵa Nazarbaevanyń bastamasymen beısaıası ári kommertsııalyq emes uıym retinde quryldy. Forým Batys pen Shyǵysty tolǵandyratyn kókeıkesti máselelerdi ashyq talqylaýǵa baǵyttalǵan.

EAMF alańynda teńgerimdi sheshimder izdestirý beıbitshilik jolyndaǵy jalpy álemdik qozǵalysqa baǵa jetpes úles - N.Nazarbaev
Búgin elordada bastalǵan HІІІ Eýrazııalyq medıa forým qatysýshylaryna QR Prezıdenti Nursultan Nazarbaev quttyqtaý joldady. Quttyqtaýdy QR Premer-Mınıstriniń orynbasary, EAMF uıymdastyrý komıtetiniń tóraıymy Darıǵa Nazarbaeva oqyp berdi.
"Eýrazııalyq medıa forým qatysýshylaryn Qazaqstan jeri árdaıym qushaq jaıa qarsy alady. Forým álemniń jetekshi dıalog alańdarynyń birine aınaldy. Onda qazirgi zamannyń eń ózekti máseleleri talqylanady. Damýdyń jańa paradıgmalary qalyptasyp, bolashaqtyń sulbasy jasalady. Búgingi tańda álem barsha adamzatqa teńdessiz syn-qaterler tóndirgen jańa dáýirge aıaq basady. Jańa álemniń, bárimizdiń ortaq bolashaǵymyzdyń qandaı bolatyny bizdiń árqaısymyzǵa baılanysty. Men "Álem. HHІ ǵasyr" atty manıfesti usyndym. Onyń maqsaty - Jer betinde soǵys ataýlyny túp-tamyrymen joıý. Bul ǵasyr ortaq erik-jiger arqyly parasat pen jasampazdyq syndarly dıalog saltanat quratyn dáýir bolýy tıis. Sol sebepti, Eýrazııalyq medıa forýmnyń alańynda qordalanǵan álemdik problemalardy ashyq talqylap, teńgerimdi sheshimder izdestirý beıbitshilik jolyndaǵy jalpy álemdik qozǵalysqa qosylar baǵa jetpes úles. Forým jumysynyń nátıjesi, sizderdiń jańa ıdeıalaryńyz ben bastamalaryńyz dúnıejúzilik kommýnıkatsııanyń jahandyq dıalogty damytýǵa zor serpin bererine senimdimin. Forýmnyń barsha qatysýshylaryna jemisti jumys pen bar jaqsylyqtardy tileımin", - delingen QR Prezıdentiniń quttyqtaýynda.

Qazaqstan uzaq jyldar boıy álemdik protsesterden tys ómir súretindeı oılady - E.Qarın
Bizdiń bir kemshiligimiz - uzaq jyldar boıy álemdik protsesterdiń shetinde ómir súretindeı oılap keldik, - deıdi búgin HІІІ Eýrazııalyq medıa forým aıasynda jýrnalısterge pikirin jetkizgen belgili saıasattanýshy Erlan Qarın.
«Jalpy, álemdegi shıelenisterge baılanysty, memleketterdiń túrli belsendi toptary arasynda dıalog, qarym-qatynas barynsha kóp bolýy kerek. Mine, Eýrazııa medıa forýmynyń bir artyqshylyǵy osy», - deıdi E.Qarın.
«Bizdiń bir kemshiligimiz - uzaq jyldar boıy álemdik protsesterdiń shetinde ómir súretindeı oılap keldik. ıAǵnı, álemde bolyp jatqan protsesterdiń bizge esh qatysy joq dep oıladyq. Biraq, qazir kórip otyrǵanymyzdaı, Aýǵanstanda, Taıaý Shyǵysta, Ońtústik Afrıkada bolyp jatqan jaǵdaılardyń keri áseri qalaı bolǵanda da basqa elderge, sonyń ishinde, Ortalyq Azııa aımaǵyna da tııýi múmkin. Alyp memleketter arasyndaǵy teke tirestiń salqyny bizge de tıe beredi. Sondyqtan, bizder de saıası dıalogtyń damýyna úlesimizdi qosa berýimiz kerek», - dedi Eýrazııa medıa forýmynyń jumysyna baǵa bere kele E.Qarın.
Elordalyq dárigerlerge arnalǵan trenıngter ótkizilýde
Astanada qalalyq balalar juqpaly aýrýlar aýrýhanasynyń bazasynda N.I. Pırogov atyndaǵy Reseı ulttyq medıtsınalyq zertteý ýnıversıtetiniń balalar anestezıologııasy jáne qarqyndy terapııa bóliminiń professory doktor Ýgo Loaısa Levano birneshe kún boıy balalar anestezıologtary, reanımatologtar, qarqyndy terapııa bóliminiń dárigerleri men medbıkelerine, balalar ınfektsıonıstterine arnalǵan sheberlik dárisin ótkizdi, dep habarlady. astana.gov.kz.
Qazaqstan Respýblıkasy Densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasyn júzege asyrý maqsatynda Astana qalasy Densaýlyq saqtaý basqarmasynyń Oqý-klınıkalyq ortalyǵy «Balalarǵa arnalǵan qarqyndy terapııa» taqyrybyndaǵy trenıngti uıymdastyrdy.
Oqytý barysynda balalar juqpaly aýrýlar aýrýhanasynyń mamandary nozokomıaldy ınfektsııa, ınfektsııalyq-ýytty shok, júrek-ókpe qabynýy kezinde jáne balalardyń qarqyndy terapııasynda gemodınamıkalyq qoldaýdy, respıratorlyq qoldaý jáne basqa da balalarǵa medıtsınalyq kómek kórsetý boıynsha halyqaralyq ádisterin zerttedi.
Oqytý sabaqtastyq, birizdilik prıntsıpteri boıynsha jumys oryndarynda, kishkentaı patsıentterdiń tóseginiń janynda qolda bar tájirıbeni tikeleı úıretý arqyly ótkizildi.
Trenıngke balalar juqpaly aýrýlar aýrýhanasynan 23 maman qatysty, oqýdy aıaqtaǵan soń olarǵa sertıfıkattar tabystaldy.
Aıta keteıik, bul reseılik áriptesterimizdiń elordaǵa jasaǵan alǵashqy sapary emes. Buǵan deıin professor Ýgo Loaısa Levano N.I. Pırogov atyndaǵy RUMZÝ balalar anestezıologııasy jáne qarqyndy terapııa kafedrasynyń meńgerýshisi Vladımır Lazarevpen birge elordanyń № 1 jáne № 2 qalalyq balalar aýrýhanalarynda jumys oryndarynda trenıng ótkizgen bolatyn. Reseılik áriptesterdiń jetekshiligimen jansaqtaý jáne qarqyndy terapııa bólimindegi aýyr ókpe patologııasy bar patsıentterdi emdeýdiń birqatar ádistemeleri men tásilderi qaıta qaralyp, aýyr halde jatqan balalardyń ókpesin apparattyq jasandy jolmen jeldetý baǵdarlamalarynyń rejımderi ózgertilip, emdeý aǵymynyń erekshelikterin eskere otyryp, árbir patsıentke kórsetiletin qarqyndy dárilik terapııa kombınatsııasynyń jeke tásili usynylady.
Ústimizdegi jyldyń birinshi toqsanynda densaýlyq saqtaý salasyndaǵy reseılik, ıspan, úndilik halyqaralyq sarapshylardyń qatysýymen elordalyq mamandar úshin kelesi baǵyttar boıynsha bes sheberlik dárisi uıymdastyryldy: balalar anestezıologııasy jáne reanımatologııa, onkologııa, balalardyń qarqyndy terapııasy, meıirbıke isi. Aldaǵy ýaqytta Frantsııa, Koreıa jáne Izraılden kelgen mamandardyń qatysýymen trenıngter men sheberlik dáristerin ótkizý josparlanǵan.
Munymen qosa, elordalyq medıtsına qyzmetkerleri Izraıl, Ulybrıtanııa jáne t.b. memleketterde bilim alady. Jaqyn arada qalalyq medıtsına mekemeleriniń basshylary Anglııa men Koreıanyń jetekshi ortalyqtarynda bolyp, densaýlyq saqtaý menedjmentin meńgeretin bolady.

Astanada avtovokzalda bos jumys oryndar jármeńkesi ótti
Búgin «Saparjaı» avtovokzaly ǵımaratynda bos jumys oryndar jármeńkesi ótkizildi. Bul - bıyl ótkizilip otyrǵan osyndaı úshinshi shara. Saǵat 11.00-den 13.00-ge deıin jumyssyz júrgen astanalyqtar áleýetti jumys berýshilermen áńgimelesýden ótip, qaıta daıarlaýdan ótý jáne jańa mamandyqty meńgerý týraly aqparat aldy, dep habarlaıdy ákimdiktiń baspasóz qyzmetinen.
Astana qalasy ákimdiginiń «Jumyspen qamtý ortalyǵy» KMM dırektory Oljas Omardyń aıtýynsha, bos jumys oryndar jármeńkesin avtovokzalda ótkizýdiń ózindik máni bar.
«Avto- jáne temirjol vokzaldary aýmaǵynda ózin-ózi jumyspen qamtyǵan azamattar júredi. Ol páterlerdi jalǵa berýmen, júk tasýmen aınalysady, jolaýshy tasymaldaý qyzmetterin usynady jáne t.b. Bul olarǵa unaıtyn da shyǵar, biraq bizdiń maqsatymyz olardy jumyspen nátıjeli qamtylýǵa tartý, berekeli bolashaqqa qol jetkizý úshin zeınetaqy aýdarymdaryn jasaý qajettiligin túsindirý. Sondaı-aq, balama jumys oryndaryn usynamyz. Jumyspen qamtý ortalyǵyna habarlasýǵa olardyń ýaqyty bolmaǵan shyǵar, al munda az ǵana ýaqyttyń ishinde ondaǵan jumys berýshimen kezdesip, túıindemelerin qaldyrady, aldyn ala áńgimelesýden ótedi», - dedi Oljas Omar.
Shara barysynda 20 jýyq jumys berýshi qyzmet kórsetý salasy, bilim berý mekemeleri, densaýlyq saqtaý uıymdary, qurylys fırmalary, qonaq úıler, avtoparkter, ishki ister organdarynan bos jumys oryndaryn usyndy. Bos oryndar jármeńkesine ózin-ózi jumyspen qamtyǵandardan basqa, vokzal qyzmetkerleri men basqa da qala turǵyndary qatysty.
«Men avtovokzalda santehnık bolyp isteımin, biraq basqa uıymdarda bos oryn bar ma ekenin suradym, olardyń qandaı talaptar qoıatyndaryn bildim. Eki jerge túıindeme qaldyrdym. Keshki ýaqytta nemese demalys kúnderi qosymsha qarjy tabatyn jumys tabylyp qalar», - deıdi Ǵabdýl Qulyntaev.
Jármeńkege kelgenderdiń biriniń mamandyǵy býhgalter, biraq onyń jumys ótili az. Sol úshin ol tórt jyldan beri jumysqa ornalasa almaı júr.
«Bos oryndar jármeńkesi týraly kezdeısoq estidim. Sóıtip, baǵymdy synap kóreıin dedim, «Tsesna-Astyq» JShS túıindememdi qaldyrdym, olarǵa taýartanýshy kerek eken, meniń bul orynǵa laıyqty ekenimdi aıtty», - dedi qala turǵyny.
Sonymen qatar, bos jumys oryndar jármeńkesinde Jumyspen qamtý ortalyǵynyń mamandary «Jumyspen qamtý jol kartasy 2020» baǵdarlamasyna qatysý týraly azamattardyń suraqtary boıynsha qaıta daıarlaý jáne jańa mamandyqty meńgerý múmkindikteri týraly keńes berdi, jastar praktıkasynan ótý, halyqtyń nysanaly toptaǵy tulǵalaryna áleýmettik jumys oryndaryna jumysqa ornalasýǵa bolatyny týraly aıtyp berdi.
Sondaı-aq, Astana qalalyq Prokýratýra jáne Jumyspen qamtý, eńbek jáne áleýmettik qorǵaý basqarmasy qyzmetkerleri azamattardyn eńbek salasynda konstıtýtsııalyq quqyqtaryn qorǵaýǵa arnalǵan «Ashyq esik kúnin» ótkizdi.
Elordada ekologııalyq patrýl óz jumysyn bastady
Búgin Astanada ekologııalyq patrýl qyzmeti óz jumysyn bastady, onyń quramyna 50 stýdent pen tabıǵat qorǵaý polıtsııasynyń 25 ókili endi, dep habarlady qalalyq ákimdiktiń baspasózy qyzmetinen.
Patrýl qorshaǵan ortanyń jaǵdaıyna jaǵymsyz faktorlardyń yqpal etýiniń artýyna baılanysty uıymdastyrylyp otyr.- Ekologııalyq patrýldiń negizgi qyzmeti - tabıǵat qorǵaý zańnamasy normalaryn buzýdyń sebepterin anyqtaý. Stýdentter buzýshylyqtardy tirkep, Astana qalasynyń ІІD-ne joldaıdy, - dedi Astana qalasynyń ІІD Jergilikti polıtsııa qyzmeti basshysynyń orynbasary Nurlan Ývaev.Jalpy, jergilikti polıtsııa qyzmeti buzýshylyqtardy anyqtaý úshin qalany patrýldeý boıynsha 10 reıd ótkizýdi josparlap otyr, stýdentter de ekologııalyq buzýshylyqty tirkegen jaǵdaıda, kez kelgen ýaqytta habarlasa alady.

Astanada aýyl sharýashylyq jármeńkeler maýsymy bastalady
Elordada 22 sáýirde Astana qalasy, Qaraǵandy jáne Aqmola oblysynyń jaqyn aýdandarynyń taýar óndirýshileriniń qatysýymen apta saıynǵy aýyl sharýashylyq jármeńkelerin ótkizý maýsymy bastalady, dep habarlady qalalyq ákimdiktiń baspasóz qyzmetinen.
Erteńnen bastap, ár demalys saıyn elorda turǵyndary men qonaqtary azyq-túlik ónimderin tómendetilgen baǵamen satyp ala alady. Jármeńke 22 sáýir men 8 qarasha aralyǵynda apta saıyn tańǵy 9:00-den keshki 18:00-ge deıin «Dýman» OSO (avtoturaq) aldynda ótkiziledi.
Jármeńkede áleýmettik mańyzdy azyq-túlik taýarlarynyń 20-dan astam túri usynylady. Atap aıtqanda, kartop, pııaz jáne kókónisterdiń basqa túrleri, sonymen qatar qyshqyl sút ónimderi, kondıterlik jáne makaron ónimderi satylady.
Qalalyq máslıhat pen kásipodaq ortalyǵy yntymaqtastyq týraly memorandýmǵa qol qoıdy
Búgin elorda ákimdigi ǵımaratynda Astana qalasy máslıhatynyń depýtattary kásipodaq uıymdarynyń jetekshilerimen kezdesti. Taraptar qalalyq máslıhat pen kásipodaq ortalyǵynyń arasyndaǵy ózara yqpaldastyq týraly memorandýmǵa qol qoıdy, dep habarlady qalalyq ákimdiktiń baspasóz qyzmetinen.
Kezdesýge máslıhat hatshysy Janat Nurpeıisov, kásipodaq ortalyǵynyń tóraǵasy Sársenbaı Myńbaev, Astana qalasy máslıhatynyń depýtattary, qalalyq kásipodaq uıymdarynyń, sondaı-aq, BAQ ókilderi qatysty.Otyrys barysynda Sársenbaı Myńbaev qaladaǵy 380 kásipodaq uıymynyń qyzmetine toqtaldy. Astanada avtomobıl kóligi qyzmetkerleriniń, memlekettik mekemelerdiń, temirjolshylardyń, densaýlyq saqtaý, qurylys, kommýnaldyq kásiporyndar, mádenıet, bilim, kásipkerlik, baılanys qyzmetkerleriniń kásipodaq uıymdary qurylǵan, olar jumyskerlerdiń eńbek jáne áleýmettik-ekonomıkalyq máselelerin sheshýge at salysady.- Qalalyq máslıhat pen kásipodaqtar kóptegen baǵyttar boıynsha ózara áreket etýi múmkin: kásipodaq qyzmetkerleri máslıhat sessııalaryna materıaldar ázirlenip jatqanda jumys toptaryna qatysa alady; kópshilik tyńdaýlarǵa qatysyp, usynystar engize alady; saılaý ýchaskelerinde máslıhat depýtattarymen birlesip is-sharalar ótkize alady; taqyryptyq jáne maqsatty is-sharalarǵa ekijaqty qatysa alady, - deıdi Sársenbaı Myńbaev.Kezdesýdiń negizgi maqsaty qalalyq áleýmettik-ekonomıkalyq baǵdarlamalardy iske asyrý kezinde máslıhat pen kásipodaqtardyń ózara yntymaqtastyǵyn qamtamasyz etý, qalalyq uıymdar men kásiporyndarda qoldanystaǵy zańnamalardyń normalaryn saqtaý kezinde qalalyq máslıhat depýtattary men kásipodaq qyzmetkerleriniń ózara is-qımyldaryn nyǵaıtý, halyqqa servıstik qyzmet kórsetýdi jaqsartý, ózekti máselelerdi sheshý boldy.- Kásipodaq qozǵalysy - kez kelgen eńbek ujymynyń maǵynasy sona jatyr. Memorandýmǵa qol qoıý arqyly taraptardyń birlesip qyzmet etý aıasy keńeıe túspek. Depýtattyq korpýs kásiporyndarǵa barýǵa, eńbek ujymdarymen tanysýǵa daıyn, - dedi Janat Nurpeıisov.

QR Ulttyq mýzeıinde meksıkalyq sýretshi Sandra Panıdiń «Aǵash tárizdi» atty kórmesi ashyldy
Qazaqstan Respýblıkasy Ulttyq mýzeıinde meksıkalyq sýretshi Sandra Panıdiń «Aǵash tárizdi» atty kórmesi ashyldy, dep habarlaıdy Ulttyq mýzeıdiń aqparattyq-ımıdjdik qyzmeti.
Kórmeniń ashylýynda sóz alǵan Qazaqstan Respýblıkasy Mádenıet jáne sport mınıstrliginiń mádenıet jáne óner departamenti dırektorynyń orynbasary Kúmis Seıitova atalmysh kórmeniń mańyzdylyǵyna toqtalyp, Qazaqstan Respýblıkasy Mádenıet jáne sport mınıstriniń quttyqtaý sózin jetkizdi.
«Aǵash sııaqty» kórmesiniń Ulttyq mýzeıde ótýi Qazaqstan men Meksıka elderi qarym-qatynasyn odan ári damyta túsedi dep senemiz. Búgin kópshiliktiń nazaryna usynylyp otyrǵan shyǵarmashylyq jumystar sýretshi Sandra Panıdiń kóp jylǵy eńbegi jáne ol joǵary baǵaǵa laıyq. Osyǵan oraı Qazaqstan Respýblıkasy Mádenıet jáne sport mınıstri Arystanbek Muhamedıulynyń atynan avtordy quttyqtaýǵa ruqsat etińizder», - dedi K.Seıitova.
Meksıkanyń Qazaqstandaǵy elshisi Marta Elena Barsena kórmeni ótkizýge erekshe jaǵdaı jasaǵan Qazaqstan Respýblıkasy Mádenıet jáne sport mınıstri Arystanbek Muhamedıuly men Ulttyq mýzeı dırektory Darhan Myńbaıǵa alǵys bildirip, Qazaqstan halqyn el Táýelsizdiginiń 25 jyldyǵymen quttyqtady.
«Búgingi kórmeniń ótýine erekshe úles qosqan Qazaqstan Respýblıkasy Mádenıet jáne sport mınıstri Arystanbek Muhamedıulyna, sonymen qatar Qazaqstan Respýblıkasy Ulttyq mýzeı dırektory Darhan Myńbaı myrzaǵa alǵys aıtamyn. Osy sátti paıdalanyp, Qazaqstan halqyn Táýelsizdiktiń 25 jyldyq mereıtoıymen shyn júrekten quttyqtaımyn. Ataýly datanyń qarsańynda meksıkalyq tanymal sýretshi Sandra Panıdiń kórmesi ashylyp jatqany biz úshin úlken mártebe. Qazaqstannyń da, Meksıkanyń da mádenıetke, ónerge degen qoldaýy joǵary ekeni qýantady. Bul týyndylardan adam men tabıǵat egiz uǵym ekenin, olardyń arasyndaǵy baılanystyń mańyzdylyǵyn kórýge bolady», - dedi M.E. Barsena.
Sýretshi Sandra Panı grafıkalyq týyndylarynyń toptamasyn 2007 jyldan bastap jasaǵan. Búgingi tańda toptama 36 sýretten turady.
Aıta keteıik, «Aǵash tárizdi» kórmesi 21 mamyrǵa deıin jalǵasady.

Astanada «AstraPlat» qoǵamdyq kólikte elektrondy jolaqy tóleý júıesi mamyr aıynda engizile bastaıdy
Astana qalasynda qoǵamdyq kólikte elektrondy jolaqy tóleý júıesi mamyr aıynan bastap kezeń-kezeńmen engiziletin bolady. Bul júıe AstraPlat, al kólik kartasy - AstraCard dep atalady.
Avtobýs jolaýshysy jol júrý aqysyn tóleý úshin kartany kireberiste ornatylǵan arnaıy jabdyq - valıdatorǵa qosady, osy apparattyń kómegimen balansty da tekserýge bolady. Elektrondy kartalardy satyp alý jáne balansty tolyqtyrý úshin kezeń-kezeńmen 10 keńse ashylmaq, 30 avtomat ornatylyp, 25 satý pýnkti iske qosylady. Bolashaqta atalǵan jeli keńeıtilip, ony tólem termınaldary júıesimen jáne ınternet-bankıng portaldarymen ıntegratsııalaý kózdelgen.Jolaýshy kartany satyp alýǵa úlgermegen jaǵdaıda, avtobýsta jolaqysyn qolma-qol aqshamen tóleı alady. Ol úshin júrgizýshi kabınasynyń janynda QR-kody bar bir rettik bılet beretin termınal (júrgizýshi konsoli) ornatylady.Al elektrondy bıletteýge astanalyqtardy kóbirek tartý úshin ıkemdi tarıftik júıe qarastyrylǵan - avtobýspen kóbirek jol júrý jolaýshy úshin ekonomıkalyq turǵydan tıimdi bolyp shyqpaq.Sáýir aıynyń sońynda kólik kartalary azamattardyń áleýmettik az qamtylǵan toptaryna taratylmaq. Osy maqsatta 2015 jyly tamyz aıynda fototirkeý uıymdastyrylyp, avtobýspen tegin júretin jolaýshylardyń málimetter bazasy qurylǵan bolatyn. Kartalar beriletin oryn men ýaqyty BAQ arqyly qosymsha habarlanady.Aıta keteıik, qoǵamdyq kólikterde «AstraPlat» elektrondy jolaqy tóleý júıesin qoldanysqa engizý bir rettik jol júrý bıletterdiń esepke alynbaýy, jolaýshylar aǵyny týraly málimetterdiń bolmaýy, qoǵamdyq kólik qyzmetkerleriniń kiristi jasyrýy sııaqty máselelerdi sheshýge múmkindik beredi, sondaı-aq, qazirgi qolaısyz tólem júıesin joıady. Jańa júıe jolaýshylar úshin qolma-qol aqshany qajet etpeıtinimen qolaıly bolmaq.
D.Nazarbaeva HІІІ Eýrazııa medıa forýmyn qorytyndylady
Búgin Astanada HІІІ Eýrazııa medıa forýmy qorytyndylandy. Forýmnyń uıymdastyrý komıtetiniń tóraǵasy, QR Premer-mınıstriniń orynbasary Darıǵa Nazarbaeva forým jaıly pikirin aıtty.
«HІІІ Eýrazııa medıa forýmyna barlyǵy 185 BAQ ókili qatysty. Onyń ishinde - 103 BAQ Qazaqstannyń jýrnalısteri bolsa, 82 BAQ shet elden keldi. Forýmǵa bas-aıaǵy 567 delegat qatyssa, onyń 250-ge jýyǵy sheteldik delegat. Arnaıy qyryqqa jýyq spıker shaqyryp, olardyń aqyl-keńesin tyńdadyq»,-degen D.Nazarbaeva jahandyq órkenıetke qatysty oıyn aıtty.
«Meniń oıymsha, qazir álemdegi qıyn protsester órkenıetter arasyndaǵy qaqtyǵys emes, kerisinshe, jahandanýǵa beıimdelý protsesiniń áseri. Beıimdelý - óte uzaqqa sozylatyn, dramaǵa toly protsess. Sondyqtan, búkil adamzattyń órkenıeti ózara úılesken, ózara túsinikti jáne beıbit jolǵa túsýi úshin birneshe urpaq almasýy kerek shyǵar. Meniń oıymsha, oqshaýlanbaı, órkenıetter arasyndaǵy kedergini joıý kerek. Aqparattyq kommýnıkatsııa men ınternet adamnyń jaqsy ómir izdeýine múmkindik berip turǵanda eshbir el oqshaýlanyp ómir súre almaıdy»,-dedi D.Nazarbaeva.

Ádilbek Jaqsybekov «Nur Otan» partııasynyń belsendi múshelerine Elbasy atynan alǵys hattar tabystady
«Nur Otan» partııasynyń Astana qalalyq fılıalynyń tóraǵasy, Astana qalasynyń ákimi Ádilbek Jaqsybekov Qazaqstan Respýblıkasy Parlamenti Májilisiniń kezekten tys saılaýyn uıymdastyrýǵa jáne ótkizýge eleýli úles qosqan partııanyń belsendi múshelerine Memleket basshysynyń atynan alǵys hattar tabystady, dep habarlaıdy qalalyq ákimdiktiń baspasóz qyzmeti.
Partııa múshelerin quttyqtaı otyryp, Á. Jaqsybekov qalalyq shtabtyń saılaýaldy naýqanda atqarǵan jumysyn erekshe atap ótti. Sondaı-aq, elorda basshysy «Nur Otan» partııasyn qoldaý boıynsha saılaýshylar daýysynyń 85,18% jınap, Astananyń memlekettegi eń úzdik nátıjege qol jetkizgenine toqtaldy.
«Bul mańyzdy jáne jaýapty jumystyń obektıvti qorytyndysy. Astanada partııaǵa teńdessiz qoldaý kórsetildi. Halyq Elbasyn jáne elimizdiń qazirgi saıası baǵytyn quptaıdy. Adal eńbekterińiz úshin alǵys aıtamyn», - dedi Á. Jaqsybekov.
Azamattarǵa «Nur Otan» partııasynyń saılaýaldy baǵdarlamasynyń basym baǵyttaryn túsindirýge belsendi qatysqan qoǵam qaıratkerleri, saılaýaldy shtab músheleri, jas belsendiler alǵys hattarmen marapattaldy.
Astanada «Jasyl el» jastar eńbek jasaqtarynyń maýsymy ashyldy
Búgin «Gúldene ber, Týǵan el!» jalpyulttyq jastar marafon-estafetasy bastaldy. Belsendi jastardyń 300 jýyq ókili «Jasyl el» jastar eńbek jasaqtary maýsymynyń ashylýyna qatysty, dep habarlady Astana qalasy ákiminiń baspasóz qyzmeti.
Aptasyna eki ret eriktiler qalany tazartý jáne abattandyrý jumystaryn júrgizedi, aǵash otyrǵyzyp, jasyl kóshetterge kútim kórsetedi, sondaı-aq, soǵys ardagerlerine turmysta kómektesetin bolady.
Aktsııaǵa «Jas Otan» jastar qanatynyń músheleri, «Jasyl el» jasaǵynyń jáne stýdenttik qurylys otrıadtarynyń ókilderi, JOO, kolledj stýdentteri, orta mektep oqýshylary tartylmaq.
- Bizdiń basty maqsatymyz ár patrıotty qalany abattandyrý jumystaryna óz úlesin qosýǵa tartý. «Gúldene ber, Týǵan el!» aktsııasyna jastar óz erkimen qatysady. Qazirgi jastar belsendi, bastamany qýana qoldaı ketedi, tazalyqta turyp, eńbek etkendi qalaıdy, - deıdi «Nur Otan» partııasy «Jas Otan» jastar qanatynyń tóraǵasy Shahmardan Baımanov.
Turaqty túrde senbilikter ótkiziledi. Jastar elorda kóshelerin, aýlalardaǵy ashyq alańdardy tazartyp, retke keltiredi, sondaı-aq, kógaldandyrýmen aınalysady. Onyń ústine soǵys ardagerleri men qart adamdarǵa qol ushyn sozady.
- Osyndaı aktsııaǵa alǵash ret qatysyp otyrmyn. Men muny qala aldyndaǵy boryshym dep sanaımyn. Elordany abattandyrýǵa úles qosyp, adamdardy qoqys tastamaýǵa, tazalyqty saqtaýǵa, ardagerlerge kómektesýge shaqyramyn, - deıdi L.N. Gýmılev atyndaǵy Eýrazııa Ulttyq ýnıversıtetiniń stýdenti Aslan Asylbekov.
Qolaısyz aýa raıyna qaramastan aktsııa bastalyp, «Jasyl el» jastar eńbek jasaqtarynyń 11-shi maýsymy ashylǵan soń jastar iske kiristi - park aýmaǵyn jınap, kóshetter otyrǵyzdy.
Aıta keteıik, erteń, 23 sáýirde qalada «Taza qala - baqytty qala» jalpyqalalq senbiligi ótedi.

Elordada Qazaqstan halqy dostyǵynyń festıvali ótedi
Búgin «Jastar» teatrynda Qazaqstan Respýblıkasy Táýelsizdiginiń 25 jyldyǵyna arnalǵan XVII qalalyq «Dostyq. Birlik. Táýelsizdik» atty Qazaqstan halqy dostyǵynyń festıvali bastaldy. Shara barysynda etnomádenı birlestikter túrli janrdaǵy kórkemdik nomerlerdi kópshilik nazaryna usyndy. Bul týraly elorda ákimdiginiń resmı saıtynda habarlady.
«Respýblıkamyzdyń Táýelsizdiginiń 25 jyldyǵyn merekeleı otyryp, negizi qalanǵanyna 25 jyldan asyp ketken keıbir etnomádenı birlestikterdi erekshe atap ótpekpiz. Bul Qazaqstan táýelsizdigin alǵanǵa deıin elimizde ultaralyq kelisimge jáne etnomádenı qozǵalysty damytýǵa kóp kóńil bólingendiginiń belgisi», - deıdi Astana qalasy Qazaqstan halqy Assambleıasy Hatshylyǵynyń meńgerýshisi Lázzat Qusaıynova.
Festıval shymyldyǵyn «Radıma» belarýs ortalyǵy ashty. Olar kópshilik nazaryna vokaldyq jáne bı nomerlerin usynyp, óleńder oqydy, jas jigitti áskerge shyǵaryp salý saltyn kórsetti. Sodan keıin Qazaqstan Respýblıkasynyń «Barbang» kúrdter qaýymdastyǵy» birlestiginiń ókilderi óner kórsetti. Olar úılený toıynda ótkiziletin salt-dástúrlermen tanystyrdy.
Eki kúnniń ishinde «Jastar» teatrynyń sahnasynda 22 etnomádenı birlestik óz ónerin ortaǵa salady. Ár qoıylym jarty saǵatqa sozylady jáne túrli janrlardan kórkemdik nomerler kórsetiledi: hor jáne vokaldy toptar, jeke oryndaý, horeografııa, dástúrli mýzykalyq-horeografııalyq kompozıtsııa, sondaı-aq, beıneleý óneri, grafıka men qolóner týyndylarynyń kórmesi.
«Festıvaldyń negizgi maqsaty - ana tilindegi erkin shyǵarmashylyqqa jaǵdaı jasaý, tól mádenıetke, salt-dástúr men ádet ǵurypqa degen súıispenshilikke baýlý, oǵan qurmet kórsetý, mádenı jetistikterdi saqtap, kóbeıtý», - dedi L. Qusaıynova.
Erteń saǵat 14.00 etnomádenı birlestikterdiń qatysýymen ótetin shara jalǵasyn tabady. Qazaqstan halqy dostyǵy festıvaliniń gala-kontserti saǵat 18:00 «Jastar» teatrynda ótedi.

HІІІ Eýrazııalyq medıaforým qatysýshylary EHRO qurylysymen tanysty
HІІІ Eýrazııalyq medıaforým qatysýshylary EHRO qalashyǵyn aralady. Delegattar halyqaralyq kórmeniń qurylys barysymen tanysyp, aldaǵy ýaqytta júzege asatyn jobalardan habardar boldy, dep habarlady www.24.kz.
Qonaqtarǵa «bolashaq energııasy» taqyrybynyń ózektiligi men barsha adamzat úshin tıimdi tustary baıandaldy. Jıynǵa qatysýshylardyń basym bóligi bas shaharymyzda ótetin kórmege joǵary qyzyǵýshylyq tanytyp, keler jyly Astanaǵa kelýge nıet tanytty.
«Boı kóterip jatqan sáýlet nysandary erekshe áserge bóleıdi. EHRO qalashyǵynyń jobasy boıynsha jumys istep jatqan adamdar óte talantty. Men kórmeni óz kózimmen tamashalaýǵa mindetti túrde kelemin», - dedi sáýletshi Shanı Kamıne.

Astanada kóktemgi áskerge shaqyrý naýqany qyzý júrip jatyr
Osy aptada Astana qalasynyń qorǵanys isteri jónindegi departamentiniń jıyn pýnktinen Memlekettik kúzet qyzmeti men UQK Shekara qyzmeti qatarynda merzimdi áskerı qyzmet ótkerý úshin 60-qa jýyq jańadan shaqyrylǵan bozbala jóneltildi. Jańadan shaqyrylǵandarǵa óz týǵan jerin qorǵaǵan aǵa býynnyń erlikteri dáripteldi, dep habarlaıdy QR QM baspasóz qyzmeti.
«Uly mereke qarsańynda biz dástúr boıynsha memleket qamqorlyq kórsetip jatqan Uly Otan soǵysynyń ardagerlerin madaqtaımyz jáne sender aǵa býynnyń dańqty dástúriniń jalǵastyrýshylary, izbasarlary bolyp tabylasyńdar. Sebebi, otbasyńdy, halqyńdy qorǵaý - árbir er azamat úshin bastapqy mindet, abyroıly is. Senderge áskerı antqa adal bolyp, týǵan ólkelerine Otan qorǵaýshylar retinde oralýlaryńdy tileımin», - dedi Astana qalasynyń QІJD bastyǵy polkovnık Talǵat Amangeldıev.
Jıyn pýnktinde jas bozbalalardy jeke tamaqtaný ratsıonymen qamtamasyz etti jáne dástúr boıynsha ata-analary, dostary jáne týǵan-týysqandary jańadan shaqyrylǵandardy shyǵaryp salýǵa keldi.
«Men boryshymdy ótkergim keledi», - dep Astanadan shaqyrylǵan Jandos Jandarbek senimmen aıtty. Armııada eń aldymen minez-qulyq túzeledi. Men jaqsy kóńil-kúımen konstıtýtsııalyq mindetimdi atqarýǵa bara jatyrmyn. Otanymyzdyń sý shekarasynda qyzmet etýge moraldyq jáne fızıkalyq turǵyda daıynmyn dep oılaımyn.
Bozbalalar men olardyń jaqyndary áskerde qyzmet etý olar úshin abyroıly is ekenin atap ótti. Kóbisi qýana-qýana Otanǵa qyzmet etýge attanǵaly otyr.

Elordalyqtar senbilik kezinde 16 myń aǵash egedi - Á.Jaqsybekov
Búgin elorda ákimi Ádilbek Jaqsybekov 100 myń astanalyqpen birge jalpyqalalyq senbilikke shyqty.
«Búgin qala boıynsha 16 myńnan astam aǵash egilip, barlyq kósheler tazalanatyn bolady. Búgingi senbilikke shyqqan barlyq elordalyqtarǵa shynaıy rızashylyǵymdy bildiremin. Óz qalańdy taza ustaý onyń turǵyndarynyń da zor jaýapkershiligi dep bilemin», - degen qala basshysy QR Ulttyq mýzeı janyndaǵy saıabaqqa óz qolymen sibir shyrshasyn otyrǵyzdy.
Aıta keterligi, senbilikke 100 myńnan astam adam qatysýda, sonyń ishinde 4000-ǵa jýyq kásiporyn men uıym, 200-den astam densaýlyq saqtaý jáne bilim mekemesi, 130-dan artyq memlekettik mekeme, vedomstvolar men ulttyq kompanııalar bar. Qalalyq kommýnaldyq qyzmetterden 885-ke jýyq tehnıka birligi tartylǵan.
Sonymen qatar, stýdentter men áskerı bólimshelerdiń áskerı qyzmetkerlerin tarta otyryp, Esil, Aqbulaq jáne Sarybulaq ózenderiniń arnalary qoqys pen turmystyq qaldyqtardan tazartylýda.

N.Nazarbaev barsha qazaqstandyqtardy abattandyrý isine belsene qatysýǵa shaqyrdy
Elbasy Astanada ótken «Taza qala - baqytty qala» atty jalpyqalalyq senbilikke qatysty, dep habarlaıdy Aqordanyń baspasóz qyzmeti.
Nursultan Nazarbaev aǵash egý jumysyna qatysyp, senbilikke shyqqandarmen jáne qala jastary ókilderimen áńgimelesti.
Qazaqstan Prezıdenti buqaralyq aqparat quraldaryna arnalǵan brıfıngte taıaýda birqatar shet memleketterge jasaǵan sapary jóninde aıtyp berdi.
«Bir aı ishinde men jetekshi elder basshylarynyń bárimen derlik kezdesý ótkizdim. Vashıngtonda ıAdrolyq qaýipsizdik jónindegi sammıt ótti, oǵan 50-ge jýyq eldiń memleket basshylary men úkimet basshylary qatysty. Solardyń kópshiligimen kezdestim. Jaqynda Ystambulda Islam yntymaqtastyǵy uıymynyń sammıti ótti, oǵan 57 memlekettiń kóshbasshysy qatysty. Olarmen de kezdesýler boldy. Osy is-sharalarda Qazaqstannyń túrli máseleler boıynsha ustanymy men elde júrgizilip jatqan reformalar baıan etildi. Bul rette bizdiń elimiz ben onyń bastamalary týraly búkil álem biletinin atap ótken jón», - dedi Nursultan Nazarbaev.
Sonymen qatar, Memleket basshysy elordany kógaldandyrý aıasynda qalanyń aınalasynda 70 myń gektar aǵash otyrǵyzylǵanyn, al onyń ishki bóliginde jyl saıyn saıabaqtar men gúlzarlar paıda bolyp jatqanyn atap ótti.
«Qazaqstanmen birge Astana da ajarlanyp keledi. Ony búkil álem jurty biledi. Keler jyly, «EKSPO-2017» halyqaralyq kórmesiniń ashylýyna qaraı qalamyzdyń halqy 1 mıllıonǵa jetedi dep oılaımyn. Bul - elorda ǵana emes, búkil respýblıka boıynsha týý kórsetkishiniń joǵary bolýynyń nátıjesi. Astanada turǵyndar sany 3-4 mıllıonǵa jetse, ǵylym men bilimniń, tehnologııanyń, medıtsınanyń odan ári damýyna budan da zor úles qosylady», - dedi Qazaqstan Prezıdenti.
Sondaı-aq Nursultan Nazarbaev barsha qazaqstandyqtardy abattandyrý isine belsene qatysýǵa shaqyrdy.
«Eger árbir azamat, ásirese jastar eldi mekenderdi tazartý jáne aǵash otyrǵyzý jumystaryna qatysatyn bolsa, onda ár aýyl, aýdan, qala jáne olarmen birge búkil elimiz de kórkeıe túsedi. Turmysy tómender men jetimderge kómek kórsetý de asa mańyzdy. Qazaqstan Táýelsizdiginiń 25 jyldyǵyn biz osyndaı naqty is-qımylmen qarsy alýǵa tıispiz. Bizdiń keremet baıtaq elimiz bar, onyń jerine aǵashty kóp egýimiz qajet, ol halyqtyń densaýlyǵyna oń yqpalyn tıgizedi. Óz elin súıetin adam onyń ıgiligi úshin jumys istep, bolashaǵyn oılaıdy», - dedi Memleket basshysy.
***
Senbilik qalanyń sanıtarlyq tazalyq, abattandyrý jáne kógaldandyrý jónindegi ekologııalyq aılyǵy aıasynda ótkizilip otyr. Oǵan 4 myńǵa jýyq kásiporyn men uıymnan, 200-den asa densaýlyq saqtaý jáne bilim berý mekemesinen, 130 memlekettik mekeme men vedomstvodan jáne ulttyq kompanııalardan 100 myńnan astam adam qatysty.
Senbilik barysynda 16 myńdaı aǵash egildi. Sonymen qatar Esil, Aqbulaq jáne Sarybulaq ózenderi arnalaryn qoqys pen turmystyq qaldyqtardan tazartý maqsatymen ekologııalyq aktsııa ótkizildi.
Qalany sanıtarlyq tazartý, abattandyrý jáne kógaldandyrý jónindegi ekologııalyq aılyq 18 sáýirden 18 mamyrǵa deıin jalǵasady.



Elordalyq kólik polıtseıleri senbilikke shyqty
Búgin Astana qalasynda jalpyqalalyq senbilik ótýde. Osyǵan oraı Kóliktegi ІІD basshylyǵy men jeke quramy departamenttiń aýlasyn jáne irgeles jatqan Zataevıch jáne Esenberlın kóshelerin tazartýǵa shyqty.
Oǵan elimizdiń 250-den asa kólik saqshysy qatysyp, ǵımarat mańy men irgeles jatqan eki kósheni qystan qalǵan qoqystar men artyq zattardan tazartty, dep habarlady Kóliktegi ІІD baspasóz qyzmeti.
Sondaı-aq, aǵashtardyń túpterin ákteýmen, qopsytýmen aınalysty. Osylaısha, kólik polıtseıleri kúnnen kúnge qulpyryp, aıshyqtala túsken Astanamyzdyń tazalyǵyna súbeli úles qosty. Bul senbilik kólik saqshylarynyń qoǵamdyq jumystarǵa da belsene qatysatyndyqtaryn kórsetti.
«Astana Arlans» «Caciques Venezuela» boksshylaryn 9:1 esebimen jeńdi
WSB shırek fınalynyń ekinshi kúni qazaqstandyq «Astana Arlans» klýby «Caciques Venezuela» boksshylaryn 5:0 esbeimen jeńdi, dep habarlady Sports.kz.
Azamat Isaqulov (52 keli) Ioel Fınolǵa eshqandaı úmit qaldyrmady - 3:0 (48:47, 48:47, 49:46), Zakır Safıýllın (60 keli) Lýıs Kabreranyń qarsylasýynyń betin qaıtardy - 3:0 (50:45, 50:44, 50:45), Bekzod Halmetov (69 keli) Gabrıel Maestreden kúshtirek bolyp shyqty - 3:0 (48:48, 49:46, 49:46), Arman Rysbek (81 keli) Napek Korbahty sharasyz qaldyrdy - 3:0 (48:46, 48:46, 48:46), Qamshybek Qońqabaev (+91 keli) ekinshi raýndyda Edgar Mýnosty nokaýtqa jiberdi.
Sóıtip, «Astana Arlans» eki kúnniń qorytyndysymen 9:1 esebimen alǵa ozdy.

«Altynǵa para-par paraqtar»: Astananyń bilim ordasyndaǵy 300 qazyna
ASTANA. QazAqparat - Bilim bulaǵy sanalatyn árbir kitaptyń tarıhy men taǵylym berer baǵdary san alýan bolǵanymen túıiser tusy adamzat balasynyń rýhanı jan-dúnıesin baıytyp, tanymdyq oı-órisin kemeldendirý bolary sózsiz. Qalam arqyly qattalǵan árbir paraqta shynaıy tarıhı oqıǵalarmen qatar qalamgerdiń qııalynan týǵan ǵajaıyp dúnıeniń de oqyrman úshin bereri mol. Osy rette QazAqparat óz oqyrmandaryna Qazaqstan Ulttyq akademııalyq kitaphanasynyń Kitap mýzeıinde saqtalǵan qyzyqty eksponattarmen tanystyrý úshin biregeı fotoreportajdy jarııa etýdi jón kórdi.
Eń aldymen munyń qanshalyqty tańǵajaıyp dúnıe ekendigin seziný úshin, biregeı týyndylardy óz kózderińizben kórý úshin myna kitapqa zer sala qarańyzshy. Bul kitaptyń ǵalamsharda ne bári úsh ǵana danasy bar. Onyń biri amerıkandyq býkınıstiń jeke kollektsııasynda saqtaýly bolsa, ekinshisi álemge aty tanymal Lývr mýzeıinde tur. Al úshinshisi, sýretten kórip otyrǵan kitabyńyz elorda tórindegi Ulttyq akademııalyq kitaphananyń qorynda. Bir qyzyǵy, dál osy kitapty eýropalyqtar Parıj tórindegi mýzeıden óz kózderimen kórip, tamashalaý úshin qaltasynan talaı qarjysyn qaǵýǵa, uzyn-sonar kezekke turýǵa májbúr. Al bizde kerisinshe, jahandyq jaýǵarǵa aınalǵan bul dúnıeni kezeksiz ári tegin tamashalaýyńa múmkindik bar. Biraq...
Bul kitapty qazaq tiline aýdarar bolsaq «Parsy, Úndistan, Qytaı jáne Japonııanyń túpnusqa eńbekterinen alynǵan qytaılyq naqyl sózderi kitaby. Asa qurmetti sýretshi Dıýk myrza salǵan, onyń qurmetine arnalady» («Knıga kıtaıskıh zamyslov, ızvlechennaıa ız orıgınalnyh trýdov Persıı, Indıı, Kıtaıa ı ıAponıı. Sobrannaıa ı narısovannaıa mnogoývajaemym hýdojnıkom mse Dıýkom, posvıaşennaıa ego svetlostı») dep atalady. Bul kitapty Frantsııa koroli Lıýdovık XV-ke Ońtústik-Shyǵys Azııaǵa saparlap kelgen frantsýzdyq zertteýler syıǵa tartqan eken. Al QazAqparat tilshisine QR Ulttyq akademııalyq kitaphanasy aqparattyq-mádenı sektorynyń jetekshisi Batyrhan Jumabaev Bul biregeı týyndyny kitaphanaǵa qarapaıym oqyrmandardyń biriniń syıǵa tartqanyn aıtty.
«Onyń qansha turatyndyǵyn aıtýǵa da júregim daýalamaıdy. Bul saýalǵa jaýap berý múmkin emes sııaqty. Shyndyǵyn aıtar bolsaq, tipti, kitaphananyń ózinde bul danany satyp alýǵa qarjy jetpes edi. Biz mundaı syılyqqa aıran-asyr boldyq», - dedi ol.
Aıta keterligi, dál osy kitap kitaphananyń sırek kezdesetin kitaptar qorynda saqtaýly tur. Sóz arasynda aıta keterligi, Ulttyq akademııalyq kitaphanada saqtaýly turǵan 1,5 mln. eńbektiń shamamen 20 myńy shyn máninde baǵa jetpes qundy dúnıe sanalady. Al Kitap mýzeıinde sonyń 300-i kelýshiler nazaryna usynylǵan.
Bul mýzeı 2014 jyldyń 1 jeltoqsanynda QR Tuńǵysh Prezıdenti kúninde ashyldy. Shara Ulttyq akademııalyq kitaphananyń 10 jyldyǵyna arnalǵan edi. Aıta keterligi, Qazaqstannyń arǵy-bergi tarıhynan syr shertip qana qoımaı, ony kóz aldyńda zerdeleýge múmkindik beretin ǵımarat ishindegi jaıt qara túnektegi (Kitap tikeleı kún sáýlesin súımeıdi, sondyqtan bólmede únemi kúńgirttik pen turaqty aýa raıy saqtalady) ertegi álemine jeteleıtindeı.
«Biz kitaptyń rýhanı jáne mádenı qubylys retindegi mán-maǵynasyn asha otyryp, ol jaıyndaǵy materıaldardy jınaımyz, zerdeleımiz, saqtaımyz jáne taratamyz. Sonymen qatar bul ulttyq elektrondy kitaphanany qazaqstandyq mazmundaǵy, eń birinshi kezekte sırek kezdesetin kitaptarmen tolyqtyra túsýge septigin tıgizedi», - dedi B.Jumabaev.

Mýzeı alty bólimnen turady: «Qazaq jazýy men kitabynyń damý tarıhy», «Quran, Islam jaıyndaǵy kitap», «HІh ǵasyrdyń sońy men HH ǵasyrdyń basyndaǵy oqýlyqtar men oqý quraldary», «Qazaqstanda jáne shetelde shyqqan Qazaqstan týraly kitaptar (1945-2014 j.)», «Zakı Ahmetovtiń memorıaldyq kollektsııasy».

Kelýshiler úshin qyzyqty ekskýrsııa kútip tur demes te bolady. Onyń barysynda mýzeı qyzmetshileri Kóne Shyǵystyń ǵalmdar men oıshylarynyń kitaptarymen, qoljazbalarymen, eńbekterimen egjeı-tegjeıli tanystyryp, olardyń qazaq halqyn aǵartý isine qosqan zor úlesi jaıynda mol maǵlumat beredi. Qazaqtyń aqyn-jazýshylarynyń alǵash ret jaryq kórgen eńbekterimen tanystyrady. Al biz oqyrman nazaryna sol eńbekterdiń, qazaq halqyna qatysy bar keıbir týyndylardyń keıbiriniń sýretin usynbaqpyz.

Bul 1892 jyly jyly jaryq kórgen kóne Mońǵolııanyń atlasy. Avtory: shyǵystanýshy-túrkolog, arheolog ári pedagog, shyqqan tegi nemis bolǵanymen túrki tili men halyqtaryn salystyrmaly túrde tarıhı turǵyda zerttegen alǵashqy ǵalym Vasılıı Radlov. V.Radlov 1891 jyly Mońǵolııaǵa Orhon ekspedtsııasyn uıymdastyryp, oǵan basshylyq jasaǵan edi. Onyń barysynda orhon-enıseı rýnıkalyq jazba eskertkishteri tabylǵan bolatyn.

1912 jyly Ahmet Baıtursynov arab álipbıi negizinde qazaq jazýyna reforma jasady. «Jańa emle» nemese «Tóte jazý» degen ataýǵa ıe bolǵan qazaq álipbıi áli kúnge deıin Qytaı, Aýǵanstan jáne Iran elderinde tarıhı túrli jaıttarǵa baılanysty qonys aýdarǵan qazaqtar arasynda keńinen qoldanylady. Bul rette aıta keterligi, «QazAqparat» halyqaralyq aqparat agenttigi sheteldegi qandastarǵa tarıhı otandarynda oryn alyp jatqan kez kelgen aqparatty jedel jetkizý úshin tóte jazý nusqasyndaǵy saıtyn ashqan bolatyn.

Uzaq ýaqytqa sozylǵan pikirsaıystan keıin 1929 jyly qazaq álipbıi latyn grafıkasyna kóshirilgen bolatyn. Degenmen, onyń ǵumyry uzaqqa sozylmady. Araǵa 10 jyl salyp, ıaǵnı 1939 jyly qazaq álipbıi kırılıtsaǵa kóshirildi. Osy oraıda bolashaqta Qazaqstan latyn áripine kósher bolsa, onda bizdiń jazýymyz mynadaı bolary túsinikti.

«Jalpy, qazaq halqy oqı almaǵan, saýatsyz bolǵan, keńes ókimeti kelgennen keıin bilim alyp saýatyn ashqan degen pikir jańsaq», - deıdi B.Jumabaev. Shyntýaıtyna kelgende, qazaqtardyń oryspen qatar shetel ádebıetinen de mol habary bolǵan.

Joǵaryda atap ótkenimizdeı, araǵa 10 jyl salyp qazaq álipbıi kırıllıtsaǵa kóshirildi. Orys grafıkasy negizindegi qazaq tiliniń fonetıkalyq erekshelikterine sáıkestendirilgen 42 áripten turatyn jańa álipbı jobasy 1940 jyly usynyldy. Sol ýaqyttan beri qazaqtyń kitap-jýrnaldary men gazettteri, mekteptegi oqý isi jańa álipbıge kóshirilgen edi.

Muhtar Áýezovtyń «Abaı joly» romanynyń alǵashqy basylymy «Abaı» dep ataldy. Ol 1943 jyly oqyrman qolyna tıdi. Al myna sýrette sol kitaptyń alǵashqy danasynyń avtor qoltańba qaldyrǵan nusqasy.

Qazaqtyń jazba ádebıetiniń damýyna ulanǵaıyr úles qosqan aǵyrtýshylardyń biri pedagog ári qalamger Ybyraı Altynsarın. Ol ondaǵan mektep pen ýchılışe, tipti qazaq qyzdaryna arnalǵan qyzdar ýchılışesiniń de negizin qalady. Ol tek qazaq balalaryna mektep ashyp qana qoımaı, olardyń bilim alýy úshin sapaly kitaptar jazýǵa da aıryqsha yqylas qoıdy. Y.Altynsarın «Qyrǵyz hrestomatııasy», «Qyrǵyzdardyń orys tilin oqýyna jetekshilik»

Jalpy, bul mýzeıde avtordyń qoltańbasy bar kitaptar óte kóp. B.Jumabaevtyń aıtýynsha, kitaphanada tipti orys aqyny Aleksandr Bloktyń qoltańbasy qoıylǵan kitap ta bar.

Orys zertteýshileriniń eńbekteri

Mýzykant-etnograf Aleksandr Zataevıchtiń alǵashqy eńbekteri. Onyń 1925 jyly jaryq kórgen kitaby «Qyryz halqynyń 1000 áni» dep atalǵan edi. Degemen, 1931 jyly jaryq kórgen basylymda kitap ataýy «Qazaq halqynyń 1000 áni» dep berildi.

Etnograf L.F. Semenovtyń bul kitaby da qazaq halqy úshin qyzyqty derekterge toly desek artyq emes. Bul basylymdy Aqmola okrýgtyń mýzeıi jaryqqa shyǵarǵan. Avtor qazirgi elordamyz Astana boı túzegen qalanyń tarıhı jylnamasy jaıyndaǵy sózdi sonaý 1830 jyldan bastap qozǵaıdy. Bul eńbek «100 jyldyq materıaldar men jylnamadaǵy Aqmola» dep atalady. Tarıhı ǵalymy mol eńbekte Sloboda (qazirgi Kenesary kóshesiniń bastaý alar tusy) eldi mekeniniń, Qoıandy jármeńesiniń, 1894 jyldy sý tasynynyń jáne qala úshin ózge de ózekti tarıhı derekterden syr shertedi.

Mýzeıdiń maqtan tutar biregeı jádigerleriniń biri sırek kezdesetin ıslam ádebıeti toptamasy desek artyq emes. Birqatar jádigerdiń ózindik qyzyqty tarıhı bar. Myna sýrette tańdalanǵan Quran kitaby 19 ǵasyrdyń dúnıesi. Onyń mýzeıge osy mekeme qyzmetkerleriniń biri syıǵa tartypty. Kitap Samarqand pen Qazanda dinı bilim alyp, molda bolǵan ákesine tıesili eken. 1969 jyly ákesin Qazaqstannan Qabardın-Balqarǵa qonys aýdarypty. Jyldar-jyljyp ótip, jylymyq kezeń týǵan 90-shy jyldarda Ámına apa ákesiniń súıegin tarıhı otanyna ákelý úshin jat jerge sapar shegipti. Alaıda, jergilikti kavkazdyqtar moldanyń súıegin qyzyna berýden bas tartqan eken. Óıtkeni, sol óńirdiń aqsaqaldary barǵan jerinde de zor qurmetke bólenip, qylyshynan qan tamyp turǵan keńes zamanynyń ózinde, sonaý 1970 jyldary 2 meshit turǵyzyp bergen moldany jergilikti turǵyndar áli kúnge deıin qatty qurmetteıtindigin aıtypty. Osylaısha, jergilikti turǵyndar Ámınaǵa ákesiniń beıitinen bir ýys topyraq pen myna sýrettegi kitapty ustatyp jiberipti.

Sizderdiń nazarlaryńyzǵa taǵy bir sırek kezdesetin qundy jádigerdi usyný múmkindigi týyp otyr. Kitap mýzeıdiń jádigeri sanalady ári kitaphananyń sırek kitaptar qorynda saqtalady. Bul brıtandyq ǵalymdar akademııalyq ǵylymnyń jańalyǵy dep ataǵan «Qurannyń tápsiri» kitaby da bar.
«Jazǵa qaraı biz mýzeıdi keńeıtýge nıettenip otyrmyz. Almatydaǵy Kitap mýzeıi jabyldy. Onyń qory bizge berilmek. Bizde arnaıy kelisim de bar. Mýzeıimiz demalyssyz, kúnsaıyn 10-00-den 18-00-ge deıin tegin jumys isteıdi», - dedi ol.
Kitaphana alǵash ret ashylǵan sátte onyń qorynda 200 myńnan astam kitap bar bolatyn. Búginde onyń qorynda 1 mıllıonnan astam biregeı eńbek saqtaýly. Aldaǵy ýaqytta onyń sanyn 200 mıllıonǵa deıin jetkizý josparda.

Elordada apta saıynǵy aýyl sharýashylyq jármeńkesi ótip jatyr
Astanada aýyl sharýashylyq jármeńkeler maýsymy bastaldy, onda qala turǵyndary otandyq ónimderdi tómendetilgen baǵamen satyp ala alady. «Dýman» OSO aldynda elordalyq, Aqmola jáne Qaraǵandy oblystarynan 150 jýyq jetkizýshi azyq-túlik ónimderin usynady. Al 29 sáýirden bastap áleýmettik mańyzdy taýarlardy Q. Muńaıtpasov atyndaǵy Ortalyq stadıonnyń janynan da satyp alýǵa bolady, dep habarlady qalalyq ákimdiktiń baspasóz qyzmeti.
Jármeńkeler 8 qarashaǵa deıin ár juma, senbi jáne jeksenbi kúnderi saǵat 9.00-18.00 ótkiziletin bolady. Qazirgi kezde satyp alýshylar Aqmola jáne Qaraǵandy oblystarynan ákelingen taýarlarǵa óz baǵasyn berip úlgerdi.
- Bizdiń otbasymyz úlken, dúkenge jıi barýǵa týra keledi. Jármeńkede ónimder qalalyq bazarǵa qaraǵanda arzanyraq, al sapasy men dámi birdeı, - dedi elorda turǵyny Marııa Kondrıkova.
Jármeńkede azyq-túlik taýarlarynyń 500-den astam túri satylady - et, balyq, sút pen shujyq ónimderi, jemister men kókónister, un, jarma, maı jáne t.b. Jalpy, 200 tonnadan astam taýar ákelingen.
- Biz áleýmettik mańyzdy azyq-túlik taýarlaryna basa nazar aýdaramyz, olardyń baǵasy naryqtaǵydan 10-15% tómen. Mysaly, qala boıynsha kartoptyń ortasha baǵasy 65-70 teńge bolsa, munda - 55, qyryqqabat - 250 teńge, bizde - 175. Qyzanaq pen qııar baǵasy 850 jáne odan joǵary. Al jármeńkede ony 700 teńgege alýǵa bolady, - deıdi qalalyq Aýyl sharýashylyǵy basqarmasy azyq-túlik qaýipsizdigin qamtamasyz etý bóliminiń bas mamany Rıza Qaıkenova.
Onyń aıtýynsha, jergilikti taýar óndirýshilerdiń jármeńkeleri jyl saıyn ótkiziledi, al kúzde ónim jınalǵan soń elordada aımaqtyq jármeńkeler maýsymy ashylady.

Astanada jol jóndeý jumystaryna baılanysty kólik qozǵalysy shekteledi
Astanada jol jóndeý-qalpyna keltirý jumystaryn júrgizýge baılanysty 24 sáýirden 15 mamyrǵa deıin Abylaı han dańǵylynyń Mustafın kóshesinen Músirepov kóshesine deıingi bóliginde kólik qozǵalysy jartylaı shekteletin bolady, dep habarlady qalalyq ákimdiktiń baspasóz qyzmeti.
Sonymen qatar, 23-25 sáýirde Araı kóshesiniń Ǵaryshkerler kóshesinen Saraıshyq kóshesine deıingi bóliginde kólik qozǵalysy toqtatylady.
23-25 sáýir aralyǵynda Ǵaryshkerler kóshesiniń Araı kóshesinen Qabanbaı batyr dańǵylyna deıingi bóligindegi jol jabylady.

«Parvız» qoǵamynyń ókili: QR halqynyń birligi kúni - qazaqstandyq patrıotızm merekesi
Elordalyq «Jastar» teatrynda «Dostyq. Birlik. Táýelsizdik» Qazaqstan halyqtary dostyǵynyń XVII qalalyq festıvaliniń birinshi kúni ótti.
Festıvaldiń birinshi kúni belarýstik «Radıma» mádenı ortalyǵy kórermenderge vokaldyq, bı nómirlerin usynyp, jas jigitterdi áskerge shyǵaryp salý rásimin ótkizdi.
Teatr foıesinde ýkraın, bolgar dıasporasynyń etnomádenı birlestikteriniń halyq aspaptar jáne ulttyq eksponattarynyń kórmesi ótti. Budan basqa, tájiktiń «Parvız» qoǵamynyń ókilderi olardyń dástúrinde úılený toıy qalaı ótetinin kórsetti.
Eki kúnde «Jastar» teatrynda 22 etnomádenı birlestik ókilderi óner kórsetedi. Gala-kontsert senbi ótedi.
«Parvız» tájik qoǵamynyń Astanadan ókili Farıd Saıytǵalıev festıvaldiń negizgi mindeti - halyqtyń salt-dástúrlerin nastıhattaý, jastardy patrıtoızmge tárbıeleý, jurtshylyqtyń nazaryn dástúrdi saqtaýǵa, ana tilin bilýge aýdartý ekenin atap ótti.
Onyń aıtýynsha, halyq birligi adamzat tarıhynda kez kelgen eldiń eń joǵary qundylyǵy. Sondyqtan Qazaqstanda halyqtardyń birligi kúni 1 mamyrda atap ótiledi. Mereke turaqtylyq, beıbitshilik pen kelisimdi nyǵaıtýǵa yqpal etýde.

Astana polıtseıleriniń avtoparki otandyq kóliktermen tolyqty
Astana qalasynyń ákimi Ádilbek Jaqsybekov elordalyq Іshki ister departamentiniń materıaldyq-tehnıkalyq bazasyn jaqsartý aıasynda Astana qalasynyń ІІD jergilikti polıtsııa qyzmetine Qazaqstanda qurastyrylǵan «Peugeot 301» markaly 35 qyzmettik avtokóliktiń kiltin tabystady, dep habarlady qalalyq ákimdiktiń baspasóz qyzmetinen.
«Astanada álemdik deńgeıdegi qoǵamdyq-saıası, mádenı jáne sporttyq sharalar kóp ótetindikten elordalyq polıtseılerge qoǵamdyq qaýipsizdikti qamtamasyz etý jáne buzýshylyqtardyń aldyn alý boıynsha úlken jaýapkershilik júkteledi, sondyqtan olar elordalyq joǵary statýsqa laıyqty jáne barlyq kórsetkishter boıynsha úlgi alarlyqtaı bolýy tıis», - dedi Á. Jaqsybekov.Óz kezeginde, Astana qalasy ІІD basshysy polıtsııa general-maıory Amantaı Áýbákirov tártip saqshylarynyń, sonyń ishinde jergilikti polıtsııa qyzmetiniń materıaldyq-tehnıkalyq bazasyn nyǵaıtýǵa kómek kórsetkeni úshin qalalyq ákimdikke alǵysyn bildirip, elordalyq polıtseılerdiń qoǵamdyq tártipti qamtamasyz etýdi jáne quqyq buzýshylyqtardyń aldyn alý jumystaryn joǵary deńgeıde atqaratynyna senim bildirdi. Polıtseılik avtokólikterdiń qataryn tolyqtyrǵan avtomobılder elimizde qurastyrylǵan. Barlyq kólik ІІO málimetter bazasyna enýge múmkindigi bar borttyq kompıýterlermen jabdyqtalǵan. Sonymen qatar, kólikterge qalalyq telefon baılanys qyzmeti bar zamanaýı jańa radıostantsııalar, sondaı-aq, jedel kezekshilerge quqyq buzýshylyqtardyń aldyn alý jáne boldyrmaý, qoǵamdyq tártipti qorǵaýdy qamtamasyz etýge boıynsha polıtsııa jasaqtaryn tıimdi basqarýǵa múmkindik beretin GPS spýtnıktik júıesi ornatylǵan.Quqyq buzýshylyqtardyń aldyn alý boıynsha qabyldanatyn sharalardyń tıimdiligin arttyrý jáne azamattardyń ótinishterine jedel áreket etý maqsatynda ákimdikpen qala aýmaǵynda qosymsha polıtsııa pýnktterin ashý úshin orynjaılar berilip jatyr.Astana qalasynyń ákimdigi qalalyq polıtseılerdiń áleýmettik-turmystyq jaǵdaılaryn jaqsartýǵa erekshe nazar aýdarady. Ilınka kentinde jergilikti polıtsııa qyzmetkerlerine úıler berildi. Kóp balaly jáne múgedek balany tárbıelep otyrǵan otbasylar sanatyna jatatyn, sonymen qatar ІІB 10 jyldan astam ýaqyt boıy qyzmet etken, sondaı-aq, qyzmetinde erekshe kózge túsken polıtsııa qyzmetkerleri jańa baspanaǵa ıe boldy.Aıta keteıik, Memleket basshysy 5 ınstıtýtsıonaldyq reformany iske asyrý boıynsha óziniń «100 naqty qadam» baǵdarlamasynda polıtseılerdiń jumysyn jańa sapaly deńgeıge shyǵaratyn birqatar basty mindetterdi atap kórsetti. Ult josparynyń ekinshi baǵyty «Zań ústemdigin qamtamasyz etý» aıasynda ústimizdegi jyldyń 1 qańtarynan bastap, Jergilikti atqarýshy organdarǵa jáne jergilikti qoǵamdastyqqa esep beretin Jergilikti polıtsııa qyzmeti quryldy. Onyń basty mindeti - qoǵamdyq tártipti qorǵaý, jol qaýipsizdigin qamtamasyz etý jáne buzýshylyqtardyń aldyn alý.

Ispan delegatsııasy Astanadaǵy «Tulpar-Talgo» zaýytynda boldy
24 sáýirde Ispanııanyń Syrtqy ister jáne seriktestik jónindegi mınıstri H.M.Garsııa-Margalo bastaǵan delegatsııa «Tulpar-Talgo» JShS-ynda boldy, dep habarlaıdy «QTJ» UK» AQ-nyń baspasóz qyzmeti.
Astanaǵa kelgen delegatsııa quramynda Ispanııanyń saýda palatasynyń, Ónerkásip kásiporyndary, kásipkerlik uıymdarynyń konfederatsııasy ókilderi bar.
Delegatsııa músheleri óndiris ornyndaǵy jumys barysymen, shyǵarylyp jatqan ónim túrlerimen, sondaı-aq kásiporyndy damytý bolashaǵy týraly josparlarymen tanysty.
«Tulpar-Talgo» JShS-nyń Bas dırektory Paskýal Torres Dýarte kásiporyndaǵy atqarylǵan jumys qorytyndysymen tanystyrdy. Onyń aıtýynsha, qazirgi tańda osy zaýyttan shyǵarylǵan 400-den astam jolaýshylar vagondary Qazaqstannyń bolat joldarynda júıtkip júr. Sońǵy ýaqytta 16 poıyz jasaqtalǵan. 2021 jylǵa qaraı 48 jyljymaly quram jasaqtaý josparlanyp otyr.
Ispan delegatsııasy jetekshisiniń pikirine qaraǵanda, «Tulpar-Talgo» zaýyty tabysty qyzmet etýde. Áli de 600 vagon shyǵarý múmkindigi bar.
«Qazaqstan tabıǵat baılyqtarynnyń mol qory bar asa aýqymdy terrıtorııaǵa ıe. Eýrazııalyq ekonomıkalyq odaq quramyna engen», - deı kelip H. M. Garsııa-Margalo «ıspan tarabynyń qazaqstandyq óndirýshilermen temir jol kóligin jasaý salasynda seriktestigin jalǵastyrýǵa daıyn ekendigin jetkizdi.
«Tulpar-Talgo» jolaýshylar vagondaryn shyǵaratyn zaýyt 2011 jyly iske qosylǵan. Zaýyttyń qýaty jylyna 150 vagon shyǵarýǵa jetedi. Vagonnyń joba boıynsha jyldamdyǵy saǵatyna 200 shaqyrym jol júrýge arnalǵan.
Bıylǵy jyly óndiris orny 603 qoraby keńeıtilgen, alys joldarǵa laıyqtalǵan vagondar shyǵarýdy josparlap otyr.

G. Ábdiqalyqova: «Álem. XXI ǵasyr» manıfesi úlken xalyqaralyq rezonans týǵyzdy
Qazaqstan Prezıdenti Vashıngtondaǵy ıadrolyq sammıtte jarııa etken «Álem. XXI ǵasyr» manıfesi úlken xalyqaralyq rezonans týǵyzdy jáne BUU-nyń resmı qujattarynyń qataryna engizildi. Bul týraly búgin Astanada Qazaqstan xalqy Assambleıasy keńesiniń keńeıtilgen otyrysynda QR Memlekettik xatshysy Gúlshara Ábdiqalyqova málim etti.
«Álem. XXI ǵasyr» manıfesi adamzat taǵdyryna degen shyn alańdaýshylyqtan týǵan bolatyn. Qujat-paradıgma úlken xalyqaralyq rezonans týǵyzdy jáne BUU-nyń resmı qujattarynyń qataryna engizildi. Manıfest memleket basshylaryn, álem elderi men xalyqtaryn ıadrosyz álem úshin kúresti jumyla júrgizýdi úndeıdi», - dedi ol.
Onyń sózinshe, N.Nazarbaevtyń bastamalary Qazaqstannyń egemendi el retinde qalyptasqandyǵyn, kemeldene túskendigin ańǵartady. Bul el ishindegi beıbitshilik pen kelisim saıasatynyń jalǵasy ispetti. Osy beıbitsúıgish saıasaty arqyly Qazaqstan álem xalyqtarynyń súıispenshiligine bólenýde.
«Qazaqstannyń syrtqy saıasatynda qoldanyp otyrǵan qarym-qatynastardy damytýy, kelisim arqyly damýǵa jol ashý nıeti onyń ishki saıasatynan da kórinetindigin baıqaý qıyn emes», - dep atap ótti Memlekettik xatshy.

12 elordalyq sportshy Rıo-de-Janeıroda ótetin Olımpıadaǵa joldama aldy
Bıyl Rıo-de-Janeıroda ótetin jazǵy Olımpıadaǵa Astana qalasynan 12 sportshy qatysady. Bul týraly elordanyń resmı saıty habarlady.
Qalalyq Sport jáne dene tárbıesi basqarmasynyń málimetinshe, aldaǵy ýaqytta olarǵa tennısshiler, júzgishter men áıelder arasyndaǵy kúresten sportshylar qosylyp, bul kórsetkish artýy múmkin.
Qazirgi kezde bokstan Qazaqstan chempıony Vasılıı Levıt pen álem chempıony Danııar Eleýsinov, jeńil atletıkadan Qazaqstan chempıonatynyń júldegeri Florıda Menıanova, qazirgi zamanǵy bessaıystan Azııa chempıonatynyń qola júldegeri Elena Potapenko, baıdarkamen jáne kanoemen esýden Azııa oıyndarynyń chempıony Inna Klınova jáne baıdarkamen jáne kanoemen esýden Azııa chempıondary Zoıa Ananchenko men Oleg Tokarnıtskıı, grek-rım kúresinen álem chempıonatynyń qola júldegerleri Dosjan Kartıkov pen Almat Kebispaev, áıelder arasyndaǵy kúresten álemdik jarystardyń birneshe dúrkin júldegeri Juldyz Eshimova men áıelder arasyndaǵy kúresten Olımpıada-2012 qola júldegeri Gýzel Manıýrova, sondaı-aq, ústel tennısinen Qazaqstan quramasynyń kóshbasshysy Kırıll Gerasımenko Olımpıada lıtsenzııasyna qol jetkizdi.
«Lıtsenzııa alǵandardyń barlyǵyna jattyǵý úshin jaǵdaılar jasalady. Árqaısysy Sport federatsııasynyń usynystaryna sáıkes jeke baǵdarlama boıynsha daıyndalady. Olarǵa Astana qalasynyń ákimdigi Sport basqarmasy, Sport federatsııasy tarapynan qoldaý kórsetiledi. Jeńil atletıka men ústel tennısi bıyl tarıhta alǵash ret lıtsenzııa ıelenip otyr», - dedi qalalyq sport jáne dene tárbıesi basqarmasynyń basshysy Berik Marjyqpaev.
Eske sala keteıik, bıyl 5-21 tamyzda Rıo-de-Janeıro qalasynda jazǵy Olımpıada oıyndary ótedi. Jarysta 206 memlekettiń sportshylary kúsh synaspaq.

Búgin Astanada Qazaqstan halqy Assambleıasynyń XXIV sessııasy ótedi
Búgin Astanada Memleket basshysy Nursultan Nazarbaevtyń tóraǵalyǵymen Qazaqstan halqy Assambleıasynyń XXIV sessııasy ótedi.
Aıta keteıik, osyǵan deıin Elbasy Nursultan Nazarbaev «Qazaqstan halqy Assambleıasynyń jıyrma tórtinshi sessııasyn shaqyrý týraly» ókimge qol qoıǵan bolatyn.
«Qazaqstan halqy Assambleıasynyń jıyrma tórtinshi sessııasy 2016 jylǵy 26 sáýir kúni Astana qalasynda Beıbitshilik jáne kelisim saraıynda «Táýelsizdik. Kelisim. Bolashaǵy birtutas ult» kún tártibimen shaqyrylsyn.
Qazaqstan Respýblıkasynyń Úkimeti Qazaqstan halqy Assambleıasynyń jıyrma tórtinshi sessııasyn ótkizýdi uıymdastyrý jóninde sharalar qabyldasyn», - delingen Ókim mátininde.

Elbasy QHA-nyń XXIV sessııasyn ashty
Búgin elordada Elbasy Nursultan Nazarbaevtyń tóraǵalyǵymen «Táýelsizdik. Kelisim. Bolashaǵy birtutas ult» kún tártibimen Qazaqstan halqy Assambleıasynyń XXIV sessııasy óz jumysyn bastady.
Beıbitshilik pen kelisim saraıynda bastalǵan sharaǵa 1500-den astam adam qatysýda. Olardyń qatarynda elimizdiń barlyq óńirlerinen kelgen Assambleıa músheleri men ardagerleri, respýblıkalyq, óńirlik etnomádenı birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń, Úkimettik emes uıymdardyń basshylary, joǵary oqý oryndarynyń rektorlary, shet memleketterdiń dıplomatııalyq mıssııalarynyń ókilderi, ǵylymı, shyǵarmashylyq jáne ıntellıgentsııa ókilderi qatysyp jatyr.
Esterińizge sala ketsek, keshe QR Memlekettik hatshysy Gúlshara Ábdiqalyqovanyń qatysýymen Qazaqstan halqy Assambleıasy keńesiniń keńeıtilgen otyrysy ótken bolatyn. Alqaly jıyn barysynda ol halqymyz úshin Assambleıanyń bul sessııasy taǵdyrsheshti bolatyndyǵyn basa aıtqan edi.
«Ol Assambleıa tarıhyndaǵy mańyzdy kezeń bolady. Birinshiden, sessııanyń «Táýelsizdik. Kelisim. Bolashaǵy Birtutas Ult» dep atalatyn kún tártibi Qazaqstandy jahandyq transformatsııa men ekonomıkalyq týrbýlenttik kezeńinde tabysty damytýdyń sharty retinde beıbitshilik pen kelisimdi nyǵaıtýdyń mańyzdylyǵyn kórsetedi. Ekinshiden, sessııa barysynda 5 ınstıtýttyq reformanyń «Biregeılik pen birlik» atty tórtinshi baǵytyn júzege asyrýdyń aralyq qorytyndysy shyǵarylady. Sonymen qatar Memleket basshysynyń «Máńgilik el» jalpyulttyq patrıottyq ıdeıasyn júzege asyrý týraly esebi tyńdalady. Úshinshiden, sessııa Qazaqstan Táýelsizdiginiń 25 jyldyǵy jylynda ótedi jáne bul taqyryp kún tártibin aıqyndaýshy bolady», - degen edi G.Ábdiqalyqova.
Memleket basshysy QHA sessııasynda etnos ókilderine rızashylyǵyn bildirdi
Búgin Beıbitshilik jáne kelisim saraıynda Qazaqstan halqy Assambleıasynyń XXIV sessııasy «Táýelsizdik. Kelisim. Bolashaǵy birtutas ult» kún tártibimen ashyldy.
Elbasy sessııa kún tártibine toqtala kele, jıynǵa Qazaqstan halqy Assambleıasynyń múshelerdiń jalpy sany 446, jıynǵa 427-i qatysyp otyrǵanyn atap ótti. Osyǵan baılanysty Elbasy resmı túrde sessııanyń otyrysyn ashyq dep jarııalap, jıyn Ánurannyń oryndalýymen ashyldy.
«Bıylǵy alqaly jıyn eń qasterli qundylyǵymyz - Táýelsizdigimizdiń shırek ǵasyrlyq 25 jyldyq toıynyń qarsańynda ótýde. Elimizdiń táýelsizdik tarıhy tatýlyq pen turaqtylyqty, beıbitshilik pen kelisim shejiresi myzǵymas birliktiń jylnamasy. Baılyq ta, baqyt ta birlikte deıdi halqymyz. Elimizdiń álemge syıly, baı da baqýatty memleket boýlyna tatýlyǵymyzdyń tutqasy - Assambleıa zor úles qosyp keled. Men qoǵamnyń barlyq salalarynda jemisti eńbek etip júrgen san túrli etnos ókilderine zor rızashylyǵymdy bildirgim keledi», - dedi Elbasy sessııany ashý barysynda.

QHA sessııasy Táýelsizdiktiń 25 jyldyǵyna arnalǵan is-sharalardy bastap beredi - N. Nazarbaev
Qazaqstan halqy Assambleıasynyń búgingi sessııasy Táýelsizdiktiń 25 jyldyǵyna arnalǵan is-sharalardy bastap beredi.
Búgin Beıbitshilik jáne kelisim saraıynda ótip jatqan Qazaqstan halqy Assambleıasynyń XXIV sessııasynda sóz sóılegen QR Prezıdenti Nursultan Nazarbaev osylaı málim etti. Sessııa «Táýelsizdik. Kelisim. Bolashaǵy birtutas ult» kún tártibimen ashylǵan bolatyn.
«Qazaqstan halqy Assambleıasy - bizdiń Táýelsizdigimizdiń eń asyl qundylyqtarynyń biri. Osy jańa qoǵamdyq ınstıtýtty bekitýdi 1992 jyldyń jeltoqsan aıynda, Táýelsizdigimizdiń bir jyldyǵy qarsańynda usynys jasaǵanymnyń ózindik máni bar. Qazir kópshilik sol kezeńniń qanshalyqty kúrdeli bolǵanyn bile bermeıdi. Al sol tusta dúnıege kelgender qazir 25 jasqa tolyp, eresek adam boldy. Olar bizdiń basymyzdan ótkergenimizdiń kóbin bilmeıdi», - dedi Elbasy.
Sonymen qatar, N. Nazarbaev Táýelsizdiktiń alǵashqy jyldarynda Keńes Odaǵy ydyraǵannan keıin birqatar elderde qantógister oryn alǵanyn eske salyp, olardyń keıbirinde qaqtyǵystar áli de jalǵasyp turatynyn atap ótti.
«Árıne, qaterler zor boldy. Degenmen, bizge qatysty aıtylǵan eń soraqy boljamdardyń barlyǵy Qazaqstandy aınalyp ótti. Bul kezdeısoqtyq emes, bizdiń memleketimizdiń nysanaly jumystarynyń nátıjesi bolatyn. Biz dostyqty saqtap qaldyq. Halyqtyń erik-jigeri arqasynda biz bir shańyraq astynda ómir súrip jatqan barlyq etnostardyń teń quqylyǵy, birligi men kelisim jolyn tańdadyq. Qazaqstan halqy Assambleıasy - bul bizdiń Táýelsizdigimizdiń jemisi. Ol kez kelgen qaterlerden joǵary turdy», - dedi N. Nazarbaev.

Jahandyq órkendeý ındeksinde Qazaqstan byltyr 56-oryn aldy - Memleket basshysy
Jahandyq órkendeý ındeksinde Qazaqstan byltyr 56-oryn aldy. Búgin Beıbitshilik jáne kelisim saraıynda ótip jatqan Qazaqstan halqy Assambleıasynyń XXIV sessııasynda sóz sóılegen QR Prezıdenti N. Nazarbaev osylaı málim etti. Sessııa «Táýelsizdik. Kelisim. Bolashaǵy birtutas ult» kún tártibimen ashylǵan bolatyn.
«Ótken 25 jyl ishinde biz Qazaqstandy burynǵy Keńestik ımperııanyń shıkizattyq agrarııasynan HHІ ǵasyrdaǵy básekege qabiletti elý eldiń qataryna qostyq. Aǵa býyn ókilderiniń esinde, biz burynǵy Keńes Odaǵy quramynda ómirdiń jıyntyq deńgeıi boıynsha eń sońǵy orynnyń birinde turǵan edik. Bir ǵana kórsetkishti atap ótkim keledi: 1990 jyly halyqtyń jan basyna shaqqandaǵy jalpy ishki ónimi 600 dollarǵa áreń jetetin edi. 2014 jyldyń qorytyndysy boıynsha bul kórsetkish 13 000 dollarǵa jetip, 20 esege artty. Al jahandyq órkendeý ındeksi boıynsha 142 memleket arasynda Qazaqstan 2015 jyly 56-oryn aldy», - dedi Elbasy.
Memleket basshysynyń aıtýynsha, bul - TMD elderiniń arasyndaǵy eń joǵary kórsetkish.
«BUU Adamı damý kórsetkishi boıynsha Qazaqstan tek ótken bir ǵana jyldyń ishinde óziniń kórsetkishin birden 14 pozıtsııaǵa jaqsartyp, 190 eldiń arasynda 56-orynǵa shyqty. BUU sarapshylarynyń baǵalaýynsha, Uıymǵa múshelik etken 24 jyldyń ishinde basynda jan-jaqtan kómek alǵan Qazaqstan endi sol elderge ózi kómek beretin deńgeıge jetip otyr. Bul - halyqaralyq qaýymdastyq tarapynan berilgen joǵary baǵa. Osyndaı qysqa kezeń ishinde osyndaı jeńgeıge jetken memleketter saýsaqpen sanarlyq», - dedi N. Nazarbaev.

Álemde oryn alyp otyrǵan qaqtyǵystardyń tórkininde etnıkaralyq, dinaralyq jarylystar jatyr - QR Prezıdenti
Álemde oryn alyp otyrǵan qaqtyǵystardyń tórkininde etnıkaralyq, dinaralyq jarylystar jatyr. Búgin Beıbitshilik jáne kelisim saraıynda ótip jatqan Qazaqstan halqy Assambleıasynyń XXIV sessııasynda sóz sóılegen QR Prezıdenti Nursultan Nazarbaev osylaı málim etti. Sessııa «Táýelsizdik. Kelisim. Bolashaǵy birtutas ult» kún tártibimen ashylǵan bolatyn.
«Táýelsizdiktiń joly ońaı bolǵan joq, bolmaıdy da. 25 jyl ishinde biz kóptegen qıyndyqty bastan keshirdik, jahandyq, óńirlik daǵdarystardy eńserdik. Bundaı kúrdeli kezeńdi Qazaqstan qazir de bastan keshirýde. Álemdik ekonomıkanyń quldyraýy jalǵasýda, energoresýrstardy, shıkizattardy, metaldy, azyq-túlikti qosa alǵanda negizgi eksporttyq taýarlarǵa baǵalar tómendeý ústinde. Osynyń bári bizdiń bıýdjetimizge, ekonomıkany qarjylandyrýǵa áser etpeı qoımaıdy», - dedi N. Nazarbaev.
Sonymen qatar, Elbasy iri derjavalar arasyndaǵy qarama-qaıshylyqtar men ózara aıyptaýlardyń, sanktsııalardyń órshýimen baılanysty geosaıası táýekelder de kúrt artyp otyrǵanyn jetkizdi. Budan bólek, Prezıdent halyqaralyq terrorızm qateri de ósip otyrǵanyn, kóptegen elder asa qıyn jaǵdaıda qalyp otyrǵanyn, birqatar elder saıası haosty bastan keshirip, ondaǵy qaqtyǵystar azamat soǵysyna aınalǵanyn atap ótti.
«Al ondaı ishki qaqtyǵystardyń túbirinde etnıkaralyq, dinaralyq jarylystar jatyr. Bosqyndar máselesi de úlken problemaǵa aınaldy. Osyǵan uqsas jaǵdaılardyń bári de boljap bolmaıtyn HHІ ǵasyrda da jalǵasyp jatqany belgili. Men Vashıngtondaǵy jahandyq sammıtte de, odan keıingi Islam yntymaqtastyq uıymynyń konferentsııasynda da kóptegen memleketter basshylarymen, álemdik saıasatkerlermen kezdestim. Báriniń aıtatyny - «daǵdarys, terrorızm, bosqyndar», odan qalsa, Ýkraına men sanktsııa áńgimeleri. Endeshe problema barlyq jerde bar. Men soǵan baılanysty bizdiń josparymyzǵa ómirdiń ózi ózgerister engizetinin aıtqan edim. Bul solaı bolyp ta jatyr», - dedi sóz arasynda Elbasy N. Nazarbaev.

QR Ombýdsmeni men ıÝNISEF sarapshysy balalarǵa qatysty sot tóreligin talqylady
Búgin Astanada Qazaqstan Respýblıkasyndaǵy Adam quqyqtary jónindegi ýákil (Ombýdsmen) Asqar Shákirov BUU Balalar qorynyń (ıÝNISEF) halyqaralyq konsýltanty Robın Haarmen kezdesti.
QR Úkimeti men ıÝNISEF eldik baǵdarlamasy sheńberinde iske asyrylǵan kámeletke tolmaǵandardyń isteri jónindegi sot tóreligi men balalarǵa qatysty turmystyq zorlyq-zombylyq salasyndaǵy eki quramdyq zertteýdi talqylaý kezdesýdiń maqsaty boldy. Atalmysh joba Ombýdsmen men QR-daǵy ıÝNISEF arasynda qol qoıylǵan memorandýmdy damytý úshin júzege asyrylýda, sondaı-aq QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa, QR Bilim jáne ǵylym mınıstrliginiń Balalardyń quqyqtaryn qorǵaý komıteti onyń áriptesteri retinde bolyp otyr.
Kezdesý barysynda Ombýdsmen A. Shákirov R. Haardyń Ombýdsmen ofısi men Qazaqstandaǵy ıÝNISEF-pen birlesip júzege asyrylǵan balalyqty qorǵaý boıynsha birqatar jobalar sheńberindegi saraptamalyq jumysynyń nátıjelerin oń baǵalady.
- Osyndaı úlgide ázirlengen mektepterde zorlyq-zombylyqty aldyn alý boıynsha synamaly baǵdarlama Shyǵys-Qazaqstan oblysynda sátti qabyldanyp, Bilim jáne ǵylym mınıstrligi ony ulttyq deńgeıde engizý máselesin qarastyryp otyr, - dep málimdedi A. Shákirov.
Ombýdsmen R. Haardyń saraptamalyq qoldaýy Úkimet pen ýákiletti organdarǵa balalardyń quqyqtaryn qorǵaý salasyndaǵy zańnamasy men tájirıbesin jetildirý boıynsha birqatar naqty usynystardy ázirleýge múmkindik bergenin atap ótti.
- Biz atalmysh úlgidegi, atap aıtqanda kámeletke tolmaǵandarǵa qatysty sot tóreligi salasyndaǵy jumysty jalǵastyramyz, - dep túıindedi quqyq qorǵaýshy.
Óz kezeginde, R. Haar balalarǵa qatysty sot tóreligi salasynda bar kedergiler men faktorlar keshenin belgileý mańyzdylyǵyna toqtalyp, Ombýdsmen mekemesimen jobalar sheńberinde birlesip jasalynyp jatqan jumystyń tıimdiligin atap ótti. Halyqaralyq sarapshy, atap aıtqanda balalardy zorlyq-zombylyqtan qorǵaý, olardyń densaýlyqtary men damýyna ozbyrlyq jasaý, sondaı-aq qanaý máseleleri boıynsha halyqaralyq standarttardyń qazaqstandyq zańnamaǵa ımplementteýdiń deńgeıin joǵary baǵalady.
R. Haar balalardyń quqyqtary salasyndaǵy kópshilik tanyǵan halyqaralyq mamandardyń biri bolyp tabylady jáne qazaqstandyq Ombýdsmen ofısi men ıÝNISEF-tiń yntymaqtastyǵy sheńberinde Qazaqstanda balalyqty qorǵaý jónindegi jobalardy iske asyrýǵa áldeneshe ret tartylǵan edi. Bul jobalar sheńberinde mektepterde, memlekettik ınternattyq mekemelerde balalarǵa qatysty zorlyq-zombylyqty baǵalaý jónindegi, sondaı-aq balalardyń táýekeldi minez-qulyqqa, jynystyq qanaýshylyqqa jáne Qazaqstandaǵy adam saýdasyna osaldyǵy jónindegi zertteýler jasalyndy. Árbir zertteýdiń nátıjesinde Úkimetke, Bilim jáne ǵylym mınıstrligine jáne basqa da memlekettik organdarǵa Qazaqstanda balalar quqyqtaryn qorǵaýdyń memlekettik tetikterin nyǵaıttyrý jóninde usynystar joldandy, dep habarlaıdy Qazaqstan Respýblıkasyndaǵy Adam quqyqtary jónindegi ýákil apparatynyń baspasóz qyzmeti.

Túrkitanýshy ǵalym M.Joldasbekovtiń «Dúnıe, shirkin...» atty ádebı-sazdy keshi ótedi
27 sáýir kúni Qazaq memlekettik qyzdar pedagogıkalyq ýnıversıtetinde Qazaqstan Respýblıkasy Táýelsizdiginiń 25 jyldyǵyna arnalǵan belgili túrkitanýshy ǵalym Myrzataı Joldasbekovtiń «Dúnıe, shirkin...» atty ádebı-sazdy keshi ótedi.
Ádebı-sazdy keshke QR halyq ártisi Sábıt Orazbaev, QR eńbek sińirgen qaıratkeri Іlııa Jaqanov, KSRO halyq ártisi Asanáli Áshimov, aqyn Júrsin Erman, QR halyq ártisi Altynbek Qorazbaev, QR eńbek sińirgen qaıratkeri, kompozıtor Ermurat Úsenov, Qyzdar ýnıversıtetiniń rektory Dınar Nóketaeva, Qorqyt ata atyndaǵy ǴZI dırektorynyń orynbasary, PhD doktory Nurbolat Bógenbaev qatysady.
Basqosý aıasynda Іlııa Jaqanovtyń «Dúnıe, shirkin...» kitabynyń tusaýy kesiledi. Bul kitap kórnekti memleket jáne qoǵam qaıratkeri, fılologııa ǵylymdarynyń doktory, professor Myrzataı Joldasbekovtiń shyǵarmashylyǵyna arnalǵan.
M.Joldasbekov qazaq ádebıetiniń alǵashqy qaınar bastaýlaryn, Jambyl Jabaev shyǵarmashylyǵyn zertteýge mol úles qosqan, Túrik qaǵanaty kezindegi Orhon-Enıseı jazba eskertkishterin qazaq ǵalymdary arasynda alǵashqylardyń biri bolyp jańasha zerdelep, qazaq tilindegi aýdarmasyn ǵylymı aınalymǵa engizgen. Jambyldyń aqyndyq mektebin zerttep, onyń tustastary men shákirtteriniń týyndylaryn jan-jaqty taldaǵan. Qoǵamdyq sanany, ǵylymı oılar qoryn baıytqan «Ejelgi ádebıet nusqalary», «Asyl arnalar», «Júz jyl jyrlaǵan júrek», «Jambyl jáne onyń aqyndyq ortasy», «Asyl sózdiń atasy», «El taǵdyry - er taǵdyry», «Júz jyl jyrlaǵan júrek», «Toqsan tolǵaý», «Eltutqa», «El taǵdyry - er taǵdyry» jáne basqa kóptegen eńbekterdiń avtory.
Ádebı-sazdy keshte Bekjan Turys, Gúlmıra Sarına, Ardaq Balajanova, Janǵalı Júzbaev, Gúlzıra Bókeıhanqyzy sekildi óner maıtalmandary qaıratker ǵalymnyń «Áı, ýgáı, armandamyn Jaratqanǵa», «Báıterek», «Qyz dáýren - Aqbota» sekildi ánderi men «Tolǵaý» jáne «Qosbasar» kúılerin oryndaıdy.
Sondaı-aq Ulttyq mýzeıde «Eskerýsiz qalǵan eskertkishter» atty fotokórmeniń ashylýy ótedi.

Astanada sybaılas jemqorlyqqa qarsy kúres saıasaty máseleleri talqylandy
Elordada qazirgi zamanǵy sybaılas jemqorlyqqa qarsy kúres saıasatyna arnalǵan ǵylymı-praktıkalyq konferentsııa ótti. Bul týraly qalanyń resmı saıty habarlady.
Shara barysynda sybaılas jemqorlyqpen kúres túrleri, memlekettik qyzmetter sapasyn jaqsartý máseleleri talqylanyp, kezdesýge qatysýshylar azamattardy sybaılas jemqorlyqtyń kez kelgen belgilerine nemquraılylyq tanytpaýǵa shaqyrdy.
«1999 jyly TMD memleketteriniń ishinde Qazaqstan birinshi bolyp sybaılas jemqorlyqqa qarsy zań ázirlep, qabyldady. Sodan beri sybaılas jemqorlyqpen kúres zańnamasy udaıy jetildirilip keledi», - dedi QR Memlekettik qyzmet isteri mınıstrliginiń Astana qalasy boıynsha departamentiniń basshysy Tilegen Kaskın.
Onyń aıtýynsha, departament memlekettik qyzmet kórsetýdiń sapasyn baqylaýdy kúsheıtýge, ıaǵnı azamattardyń senim deńgeıin arttyrýǵa basymdyq berip otyr, bul elimizde jemqorlyq jaǵdaılaryn azaıtýǵa múmkindik beredi.
Sybaılas jemqorlyqqa qarsy kúres prokýratýra organdarynyń da basty mindeti.
«Qazirgi kezde jemqorlyqtyń birneshe túri bar - zańdy jáne zańsyz is-áreketterdi jasaǵany úshin para berýden bastap, laýazymdy tulǵalardyń qatysýymen kúrdeli operatsııalardy iske asyrýǵa deıin jáne t.b. Birinshi toqsanda quqyq qorǵaý jáne arnaıy organdarmen 109 jemqorlyq quqyq buzýshylyq jaǵdaıy anyqtalyp, tirkelgen. Burynǵydaı qyzmettik ókilettigin asyra paıdalaný, para alý jáne berý jaǵdaılary jıi kezdesedi», - dedi Astana qalasy prokýrorynyń aǵa kómekshisi Berik Meldebekov.
Sybaılas jemqorlyqtyń taralýyna azamattardyń óz quqyqtary men memlekettik qyzmetter usynýdyń tártibi týraly tıisti dárejede habardar bolmaýy yqpal etedi.
«Adamdar belsendi azamattyq kózqarasty ustanýy kerek, óz-ózińdi qorǵap, laýazymdy tulǵalar tarapynan zańsyzdyqqa shydamsyzdyq tanytý kerek. Búginde azamattyq kózqarasyńdy jetkizýge bolatyn alańdar kóp jáne kez kelgen memlekettik organǵa júginýge bolady. Saıttarǵa kirip, ótinish qaldyrýǵa nemese call ortalyqqa habarlasýǵa bolady. Barlyǵy azamattarǵa jemqorlyqpen kúresýge kómektesýge daıyn», - dedi Astana qalasynyń Sybaılas jemqorlyqqa qarsy is-qımyl boıynsha ulttyq bıýro shtaby basshysynyń orynbasary Dinmuhamed Shermahanbetuly.
Sonymen qatar, kezdesýge qatysýshylar, jemqorlyqqa qarsy tárbıe berý mektepten bastalatynyn atap ótti. Kezdesý sońynda qalalyq mektepter arasynda sybaılas jemqorlyqqa qarsy kúres taqyrybynda ótken shyǵarmalar men sýret baıqaýynyń jeńimpazdary marapattaldy.

Astanada Chernobyl apatynyń qurbandary eske alyndy
Búgin Astanada Chernobyl apatynyń qurbandaryna arnalǵan eskertkishke gúl qoıý rásimi ótti. Sharaǵa memlekettik organdardyń, qoǵamdyq jáne jastar uıymdarynyń, Reseı jáne Belarýs memleketteri elshilikteriniń ókilderi, sondaı-aq, Chernobyl apatynyń saldaryn joıýǵa qatysqandar men qurban bolǵandardyń týystary qatysty.
Elordanyń resmı saıtynyń habarlaýynsha, shara apat qurbandaryn bir mınýt únsizdikpen eske alýdan bastalǵan. Sodan keıin eskertkishke gúl qoıý rásimi ótti.
Bıyl ataýly oqıǵanyń oryn alǵanyna 30 jyl tolyp otyr. Burynǵy KSRO aýmaǵynda ornalasqan Chernobyl Atom elektr stantsııasyndaǵy apat saldarynan 150 myń sharshy shaqyrymǵa jýyq jer radıoaktıvti elementtermen lastandy. Jarylys saldaryn joıýǵa 800 myńǵa jýyq adam qatysty. Sol jyldary 30 myńnan astam qazaqstandyq apat saldaryn joıýǵa attandyryldy.
«Apattyń 15 jyldyǵyna baılanysty shaǵyn kitap shyǵardym. Búgingi kúni apattyń 30 jyldyǵyna baılanysty «Óli qalanyń kýágerleri - Ochevıdtsy mertvogo goroda» degen kitapty tartý etip otyrmyn. Onda jalpy apattyń tarıhy, qazaqstandyq azamattardyń erlikpen kórsetken eren eńbekteri jáne apattan keıingi barlyq jaqtardan atqarylyp jatqan jumystary búgingi ómir tynystary baıandalady. ıAǵnı, 15 jyl boıy qoldaǵy materıaldardy jınaqtaýmen jáne 2015 jyldyń qarashasynan bastap kirisip, qarashadan beri qaraı jazyp shyqtym», - deıdi «Chernobyl odaǵy» QR ZTQ tóraǵasynyń orynbasary Marat Júnisbek.
Aıta keteıik, «Astana qalasyndaǵy azamattardyń jekelegen sanattaryndaǵy áleýmettik kómek kórsetý erejeleri týraly» Astana qalasy máslıhatynyń sheshimine sáıkes, Chernobyl atom elektr stantsııasynda bolǵan apat saldaryn joıýǵa qatysqan adamdarǵa qańtar aıynan bastap kommýnaldyq tólemder men basqa da tólemderdi tóleý úshin ótemaqylar bólinýde.
Sonymen qatar, 557 Chernobyl ardagerine aqysyz tis protezdeý, qoǵamdyq kólikterde tegin jol júrý, tegin shıpajaılyq-kýrorttyq em qabyldaý sııaqty áleýmettik kómekter kórsetilýde.

2 mamyrdan bastap «Astana-Qostanaı» jańa júrdek poıyzy jolǵa shyǵady
«Jolaýshylar tasymaly» aktsıonerlik qoǵamy jolaýshylardyń suranysyn qanaǵattandyrý maqsatynda №91/92 «Astana-Qostanaı» baǵytynda júretin jańa «Tulpar-Talgo» júrdek poıyzynyń jolǵa shyǵatynyn habarlaıdy.
Poıyz 2016 jyldyń 2 mamyrynan bastap kúnara qatynaıtyn bolady.
Jol boıynda aıaldaıtyn beketteri: Atbasar, Jaqsy, Esil, Qusmurun, Tobyl, Jelezorýdnaıa. Poıyz tańǵy 09 saǵat 15 mınýtta Astanadan, al Qostanaıdan keshki 21 saǵat 11 mınýtta attanady. Jolda júrý ýaqyty Qostanaıǵa deıin 09 saǵat 15 mınýtty, al Astanaǵa deıin 09 saǵat 11 mınýtty quraıdy.
«Tulpar-Talgo» poıyzy 27 vagonnan turady, onyń 2-ýi «Grand», 2-ýi «Bıznes», 18-i «Týrıst» sanatyndaǵy vagondar, sondaı-aq 2 vagon-restoran (vagon-bar) men 3 tehnıkalyq vagon bar.
Qosymsha aqparatty temir jol vokzaldarynyń anyqtamalyqtarynan nemese 105 biregeı anyqtama qyzmetinen alýǵa bolady.

Elordada Dúnıejúzilik eńbekti qorǵaý kúnine oraı halyqaralyq konferentsııa men «KIOSH-2016» kórmesi óz jumysyn bastady
Búgin elordadaǵy «Kórme» ortalyǵynda Dúnıejúzilik eńbekti qorǵaý kúnine oraı, 6-shy Qazaqstandyq halyqaralyq konferentsııa men Eńbekti qorǵaý jáne óndiris qaýipsizdigi jónindegi «KIOSH-2016» kórmesi óz jumysyn bastady.
«Eńbekti qorǵaý jáne óndiris qaýipsizdigi jóninde ótkizilip otyrǵan 6-shy halyqaralyq kórme men konferentsııaǵa qosh keldińizder. Bizdiń bul kórmemiz ben konferentsııamyz dástúrli sharalardyń birine aınalyp otyr. 5 jyldyń ishinde 20-dan astam kompanııalardy osy kórmede kóretin bolsaq, búginde olardyń sany 40-tan asty. Olar ózderiniń qural-jabdyqtaryn ákeldi.Biz qaýipti jumys oryndarynyń bar ekendigin aıtqanbyz. Solardaǵy eńbek qaýipsizdigin saqtaýdaǵy eń negizgi másele - árbir jumysshynyń qaýipsizdigin saqtaıtyn quraldarmen jabdyqtaý», - dedi jıyndy ashqan QR Densaýlyq saqtaý jáne áleýmettik damý mınıstri Tamara Dúısenova.Aıta keterligi, konferentsııa maqsaty kásiporyndarda jaraqattyń azaıýyna, óndiris nysandarynda apat qaýpin tómendetýge, qoǵamǵa jáne qorshaǵan ortaǵa tıgizetin shyǵyndy azaıtýǵa, kásibı aýrýlardyń aldyn-alýǵa, eńbek ónimdiligin arttyrýǵa baǵyttalǵan memlekettik organdardyń, bıznestiń jáne qoǵamdyq uıymdardyń kúsh-jigerin biriktirý. 2 kúndik shara barysynda óndiriste eńbektiń qaýipsiz sharttaryn qamtamasyz etýge ekonomıkanyń áser etýi, eńbektiń qaýipsizdigi men qorǵalýy boıynsha zańnamany saqtaı otyryp, kásiporyndarda ishki baqylaýdy júzege asyrý, jumysshylardy jeke qorǵanys quraldarymen qamtamasyz etý, óndiriste bolatyn jazataıym oqıǵalardyń aldyn-alý úshin kásibı táýekelderdi basqarý máseleleri qarastyrylýda.

Elordada Eske alý alleıasy ashyldy
Uly Otan soǵysyndaǵy Jeńistiń 71 jyldyǵy qarsańynda № 60 mektep-lıtseıi aýmaǵynda Eske alý alleıasynyń saltanatty ashylýy ótti. Mektep oqýshylary ardagerlermen birge jas qaraǵaılar otyrǵyzyp, ár ardager týraly aqparattyq taqtaıshalar ornatty. Bul týraly elorda ákimdiginiń resmı saıtynda habarlady.
Saltanatty sharaǵa Saryarqa aýdanynda turatyn Uly Otan soǵysynyń ardagerleri Sıqymbaı Mamyrov, Japash Kashekov, Vasılıı Makarov, Seıitjan Esilov, Alekseı Frolov, Mıhaıl Kochetkov, Ekaterına Plýjnıkova qatysty. Oqýshylar Jeńis kúnine arnalǵan ánder oryndady.
Ardagerler balalarmen birge jas kóshetter otyrǵyzyp, soǵys ardagerleri týraly aqparattyq taqtaıshalar ornatty. Ár aǵashty baǵyp kútetin oqýshylar belgilendi.

N.Nazarbaevtyń tóraǵalyǵymen elordany damytý máselelerine arnalǵan keńes ótýde
Búgin elordada QR Prezıdenti Nursultan Nazarbaevtyń tóraǵalyǵymen Astana qalasynyń áleýmettik ekonomıkalyq damýy men EKSPO kórmesi máselelerine arnalǵan keńes ótýde.
«Bizdiń bas qalamyz Astana kóz aldymyzda elimizben birge ósip-órkendep kele jatyr. Búginde búkil jahanǵa elordamyz belgili, kóptegen bedelge ıe boldy. Halyqaralyq sarapshylar Astanany bolashaqtyń qalasy dep aıtýda. Biz soǵan jaqyndap kele jatyrmyz. Eńseli elordamyzdy barsha qazaqstandyqtar súıedi, maqtanysh etedi. Bizdiń elimizdiń jańa satyǵa kóterilýiniń belgisi bolyp otyr. Bizdiń bas qalamyz barlyq salada búkil elimizdiń óńirlerine úlgi bolýy tıis», - dedi keńesti ashqan Elbasy.
Sonymen qatar Memleket basshysy kelesi jyly Astanada búkilálemdik halyqaralyq EKSPO kórmesi ótetindigin, oǵan barlyq memlekettik ortalyq organdar, ulttyq kompanııalar, damý ınstıtýttary atsalysyp jatqandyǵyn basa aıtty. «Búkil el bolyp halyqaralyq kórmeni kúsh salyp, joǵary deńgeıde ótkizýimiz qajet», - dedi N.Nazarbaev.
Aıta keteıik, Astana qalasynyń damýy boıynsha elorda ákimi Ádilbek Jaqsybekov baıandama jasaýda. Al EKSPO kórmesi máselelerine oraı «Astana EKSPO-2017» ulttyq kompanııasynyń basshysy Ahmetjan Esimov, Energetıka mınıstri Qanat Bozymbaev, Syrtqy ister mınıstri Erlan Ydyrysov baıandama jasaıdy.

Memleket basshysy Astanadaǵy jaǵymsyz ıisti bıyldan qaldyrmaı joıýdy tapsyrdy
QR Prezıdenti Nursultan Nazarbaev Astanadaǵy jaǵymsyz ıisti bıyldan qaldyrmaı joıýdy tapsyrdy. Bul týraly ol búgin Astananyń damýyna qatysty jıynda málim etti.
Aıta keteıik, Astana mańyndaǵy sasyq ıistiń oshaǵy bolyp tabylatyn Taldykól máselesi on jyldan beri sheshilmeı keledi.
«Alty jyl Tasmaǵambetov (Imanǵalı Tasmaǵambetov - Astana qalasynyń burynǵy ákimi) aınalysty, eshteńe istemedi, sen keldiń, eshteńe bitirmediń. Astanada sasyq ıis bar áli. Eger bıyl sheshpeseńder, Horoshýn ekeýińe Taldykól jaǵasyna kıiz úı tikkizemin, sonda turasyńdar.
6 mlrd. teńge jumsaldy, túk bitpedi. Astanaǵa kim keledi, mynadaı jaǵymsyz ıisi múńkip tursa. Taldykól máselesimen qansha jyl boldy meni toıǵyzǵandaryńa. Úkimetpen, kimniń kómegi kerek, sheshińder bul máseleni. Masqara ǵoı. Astanamyz mynadaı dep maqtanamyz», - dep atap ótti Prezıdent Astana ákimi Ádilbek Jaqsybekovke qaratyp aıtqan sózinde.
Óz kezeginde ákim, Sý sorǵysh-tazartý stansasynyń qurylysy jospar boıynsha júrip jatqandyǵyn xabarlady. Á. Jaqsybekov 2017 jylǵa deıin atalmysh máseleni sheshýge ýáde etti.

Elbasy: Ótken jyly Astana Qazaqstan ekonomıkasy ósiminiń 40 paıyzyn qamtamasyz etti
Ótken jyly Astana Qazaqstan ekonomıkasy ósiminiń 40 paıyzyn qamtamasyz etti. Bul týraly búgin Astana qalasynyń áleýmettik-ekonomıkalyq damýy men EKSPO kórmesi máselelerine arnalǵan keńeste QR Prezıdenti Nursultan Nazarbaev málim etti.
«Men qazir ǵana salynyp jatqan nysandardy kórdim, qarqyny qyzý. Belgilengen keste oryndalyp jatyr. Kún saıyn qurylys nysandarynda on myń adam jumys isteýde», dedi Elbasy.
Osy rette Memleket basshysy kórmeni uıymdastyrý jáne ótkizý táýelsiz Qazaqstannyń barlyq jetistikteri men elordamyzdyń kelbetin pash etýi tıistigin basa aıtty.
«Al bizdiń jetistikterimiz bar. Ótken jyldyń qorytyndysynda ǵana Astana el óńirleri arasynda ishki ónim ósiminiń eń joǵary qarqynyna, bes paıyzdyq deńgeıine qol jetkizip, 2015 jyly búkil Qazaqstan ekonomıkasy ósiminiń 40 paıyzyn qamtamasyz etti. Astanalyqtardy bul jetistikterimen quttyqtaýǵa da bolady»,- dedi N.Nazarbaev.
QR Prezıdentiniń atap ótýinshe, elordada ınvestıtsııa tartý baǵytynda da aıtarlyqtaı jumystar júrgizildi. Jalpy, elorda qurylǵan kúnnen beri tartylǵan ınvestıtsııa kólemi 6 trln. teńgeden asyp jyǵyldy. Onyń 2 trln. teńgesi memleket bıýdjetinen bólingen bolatyn. Alaıda búgingi kúnniń ózinde el qazynasyna salyq túrinde 4 trln. teńge aýdarylǵan.
«ıAǵnı, bul memleket júzege asyrǵan óte tıimdi joba bolyp otyr. Ózderińiz kórip otyrǵandaı, memleket shyǵyndaǵan qarjy bir demde qaıtaryldy. Buǵan qosa, ótken jyly Astana alǵash ret bizdiń bıýdjetimizdiń donory boldy. 900 mlrd. teńge aýdaryldy. Barlyq túsimderdiń 75 paıyzy qala halqynyń jartysyn jumyspen qamtyp otyrǵan shaǵyn jáne orta bıznes úlesinde. Bul barsha Qazaqstan umtylatyn deńgeı», dedi Elbasy.

Astanada Kórkem gımnastıkadan 14-shi Azııa chempıonaty ótedi
27 sáýir men 1 mamyr aralyǵynda Astanada Kórkem gımnastıkadan jasóspirimder arasynda 14-shi Azııa chempıonaty ótedi.
Bul týraly búgin Ortalyq kommýnıkatsııalar qyzmetindegi baspasóz máslıhatynda QR Gımnastıka federatsııasynyń prezıdenti Úmit Shaıahmetova málim etti.
Týrnırge deke jáne toptyq jattyǵýlarda shyǵatyn sportshylar qatysady. Atap aıtqanda, Azııa qurlyǵyndaǵy 13 elden 150-ge tarta qatysýshy keldi.
«Qazaqstanǵa kelgen sportshylardyń ónerine Koreıa, Sıngapýr, Qyrǵyzstan, Malaızııa, Japonııa, Úndistan mamandary tórelik etedi, Jalpy Azııa chempıonatynda medaldardyń 24 jıyntyǵy sarapqa salynady»,-dedi Ú. Shaıahmetova.
Qazaqstannyń gımnastıka federatsııasy 1992 jyldan beri jumys isteýde. Halyqaralyq gımnastıka federatsııasynyń jáne Azııa gımnastıkalyq odaǵynyń múshesi. Federatsııanyń quramyna Qazaqstannyń 13 aımaǵynan sporttyq gımnastıka, kórkem gımnastıka, sporttyq akrobatıka, akrobattyq jolaqta jáne batýtta sekirýden akkredıttelgen 16 aımaqtyq sporttyq federatsııa kirip otyr. Gımnastıka federatsııasy 10 myńnan astam sportshyǵa jetekshilik etedi.

EKSPO-2017 kórmesiniń ashylý jáne jabylý saltanatyn Qazaqstan óz kúshimen ótkizedi
Elimizdiń barlyq óńirleriniń óner adamdary EKSPO kórmesine qatysýy qajet. Bul týraly búgin Astana qalasynyń áleýmettik-ekonomıkalyq damýy men EKSPO kórmesi máselelerine arnalǵan keńeste QR Prezıdenti Nursultan Nazarbaev málim etti.
«EKSPO kezindegi mádenı sharalar Mádenıet jáne sport mınıstrligimen qarastyryldy. Biz sonymen qatar Mılandaǵy EKSPO-nyń ashylý jáne jabylý saltanatyn, taıaýdaǵy Antalııa kórmesiniń ashylýyn jiti zerdeledik. Bul sharalar barynsha yqsham túrde, resmı bóligine basa mán berile otyryp dańǵazasyz ótkizilgenine kóz jetkizdik. Bul bizge onsha kelmeıtin shyǵar. Biz ózimizdiń mentalıtetimizdi eskere otyryp jaqsylap daıyndap jatyrmyz», -dedi keńes barysynda baıandama jasaǵan «Astana EKSPO-2017» ulttyq kompanııasynyń basshysy Ahmetjan Esimov.
«Ashylýyn jáne jabylýyn ózimizdiń kúshimizben ótkizemiz be?» dep surady Elbasy óz kezeginde Mádenıet jáne sport mınıstri Arystanbek Muhamedıulynan.
«Qurmetti Nursultan Ábishuly, Ahmetjan Smaǵululy aıtqandaı, biz qazir ákimdikpen birlesip, stsenarııin qarastyryp jatyrmyz. Óte durys aıtady, barlyǵyn óz kúshimizben ótkizýimiz kerek»,- dedi mınıstr.
Osy oraıda QR Prezıdenti kórme ótetin úsh aı boıy, kúndelikti túrde EKSPO kórmesin tamashalaýǵa keletin týrısterge mádenıetimiz ben ónerimizdi, salt-dástúrimizdi kórsetýimiz qajettigin basa aıtty.
«Qazaqstannyń barlyq óńirindegi óner adamdaryna sondaı alańdar ashylady. Qýanyshty jaǵdaı ǵoı. Barlyq oblystardan, óńirlerden óner adamdary qatysatyn bolsyn», -dep tapsyrdy N.Nazarbaev.

Prezıdent Astanada kólik keptelisi máselesin sheshýdi tapsyrdy
QR Prezıdenti Nursultan Nazarbaev Astanada kólik keptelisterin sheshýdi tapsyrdy. Bul týraly ol búgin Astananyń damýyna qatysty jıynda málim etti.
«Qazirdiń ózinde qalada kólik keptelisi qalypty jaǵdaıǵa aınaldy. Men ony kútken emespin. Bul másele paıda boldy bizde. Endi osy baǵytta jumys isteý kerek. Eger qazir osy máseleni sheshpesek, birneshe jyldan soń, bizdiń qalada kóliktik kollaps bolady. Bizdiń elordada kólik qoıatyn oryndardyń máselesi sheshilmegen. Qoǵamdyq kólikterde elektrondy tólem jasaý júıesi joq. Jyldamyraq engizý qajet. LRT qurylys baıaý júrýde», - dep atap ótti N. Nazarbaev.
Óz kezeginde Astana ákiminiń orynbasary Sergeı Horoshýn jeńil relsti LRT qoǵamdyq kóligi Astana EKSPO-2017 kórmesine deıin salynyp bitpeıtindigin xabarlady. Sebebi jobalaý jumystary tek byltyrǵy jyldyń jeltoqsanynda aıaqtalǵan.

EKSPO-2017 kórmesine 147 mln. eýro demeýshi qarjysy tartylady
EKSPO-2017 kórmesine 147 mln. eýro demeýshi qarjysy tartylady. Bul týraly búgin QR Prezıdenti Nursultan Nazarbaevtyń tóraǵalyǵymen ótken Astana qalasynyń áleýmettik-ekonomıkalyq damýy men EKSPO kórmesi máselelerine arnalǵan keńeste «Astana EKSPO-2017» ulttyq kompanııasynyń basshysy Ahmetjan Esimov málim etti.
«Buǵan deıin qabyldanǵan sharalarǵa qosymsha bıýdjet qarajatyn ońtaılandyrý boıynsha jumystar jalǵasýda. Bul radıo baılanys, keńse tehnıkasy, tekserý qural-jabdyqtary, serverlik qural- jabdyqtar jáne aýtsorsıng modelin paıdalanýǵa qatysty», dedi ol.
Sonymen qatar ulttyq kompanııa basshysy bul únemdeýler kórmege daıyndyq jáne ony ótkizý sharalaryna esh teris yqpal etpeıtindigin basa aıtty.
«Tirkeý qujattamasyna sáıkes 147 mln. eýro demeýshi qarjysyn tartý josparlanǵan. Qoǵam qazaqstandyq jáne sheteldik kompanııalarmen júz mıllıon eýronyń sharttar men memorandýmdaryna qol qoıdy»,- dedi A.Esimov.

Elbasy Astanadaǵy jol sapasyna qatysty ákimdik basshylaryn qatty synady
QR Prezıdenti Nursultan Nazarbaev búgin Astananyń damýyna qatysty jıynda qalada sý aryqtaryn salýdy buıyrdy.
Astanada joldardyń 27 paıyzy, ıaǵnı 4/1-inde asfalt joq. Osyǵan jyl saıyn bıýdjetten 50 mlrd teńge bólinedi. Jaqynda ǵana salynǵan joldar, qazir shuryq-tesik, sapasy syn kótermeıdi. Bul jol qurylysy kezinde baqylaý júıesiniń joqtyǵynan.
Óz kezeginde, Astana ákiminiń orynbasary Qosman Aıtmuxametov elordada 1 maýsymǵa deıin búlingen joldardy jónge keltiriletindigin ýáde etti. «Qazirgi ýaqytta 93 ýchaskede jumysty bastap kettik. Bıyl 24 shaqyrym jol jóndeledi», - dedi ol.
«Qalada salynǵan jol sapasyn tekseretin arnaıy zertxana joq. Sodan jyl saıyn joldaryń búlinip jatyr. Nege zertxana joq? Basty sebepterdiń biri - qalada sý aryqtary joq. Myna sýretti qarańyz, mynaý qaı qalada, Astanada ma, álde ózge jerde me?», - dep tótesinen qoıdy N. Nazarbaev elordada byltyr sý basqan kóshelerdi nusqap.
Al elorda ákiminiń orynbasary bul jaıttyń Astanada oryn almaǵanyn, kóshelerdi sý basqan sýrettiń ózge qalada bolǵanyn aıtyp aqtaldy.
«Kelesi sýretti kórsetińder, mine, mynaý Taıland pa?! Astana ma, Parıj ba?! Kelesi slaıd, bolmady ma bizde? Jańbyrly kúnderi sen qalada da júrmeıdi ekensiń ǵoı. Aqbulaq kóshesi túgili, Aqordanyń aldyndaǵy Orynbor kóshesinde de kólikter qalqyp júrdi sýda. Respýblıkanyń aqshasyna 130 texnıka satyp alynyp, sýdy sorady. Osy qarajatty sý aryqtaryna, káriz júıelerine jumsaý kerek edi?», - dep shúılikti Prezıdent. - Bul kúlkili jaǵdaı emes, Astana Venetsııa emes qoı. Sý soratyn kólikter máseleni sheshe me?!».
Degenmen Q. Aıtmuxamet tasqyn sý máselesi bıyl Astananyń sol jaǵalaýynda tolyq sheshiletindigin xabarlady. Al qala boıynsha aldaǵy úsh jylda sý aryqtary máselesi túbegeıli sheshimin tabady.

Astanada áli kúnge zamanaýı taksı qyzmeti joq - N.Nazarbaev
Astanada áli kúnge zamanaýı taksı qyzmeti joq. Bul týraly búgin Astana qalasynyń áleýmettik-ekonomıkalyq damýy men EKSPO kórmesi máselelerine arnalǵan keńeste QR Prezıdenti Nursultan Nazarbaev málim etti.
«Áli kúnge deıin zamanaýı tası qyzmeti joq. «Ekotaksıdi» almaǵanda barlyq taksıler ala-qula, taksometrsiz, syrtqy túrleriniń standarty, biryńǵaı kıim formasy joq. Muny túzetemiz be?», - dep surady Elbasy qala ákimi Ádilbek Jaqsybekovten.
Óz kezeginde qala basshysy bul máselemen aınalysyp jatqandaryn, biraq elimizde taksı qyzmeti rettelmeıtindigin atap ótti.
«Qazirgi ýaqytta biz Úkimetpenosy máseleni qarastyrýdamyz. Retteletin 300 taksı ǵana bar, al bizge shamamen 3 myń kerek. Biz bul máseleni sheshemiz, EKSPO-ǵa qaraı túzetetin bolamyz», - dedi elorda basshysy.
QR Prezıdenti basqa qalalardyń barlyǵynda da bul másele sheshilgendigin, biryńǵaı taksı qyzmeti tek tıimdi ári ádemi ǵana emes, sonymen birge kóptegen jumys oryndaryn ashýǵa septigin tıgizetindigin aıtty.
«Úkimetpen birlesip bul ispen aınalysyńyzdar. Bul úshin arnaıy ázirlengen avtomobılderge suranystyń artýy otandyq avtoónerkásip júktemesiniń kóbeıýine septigin tıgize alady. Mundaı taksıler jasaý tıimdi. Bul tek Astanaǵa ǵana qatysty emes, barlyq iri qalalarda muny jasaý kerek», - dedi QR Prezıdenti.

Memleket basshysy jańadan paıdalanýǵa berilgen úılerdiń tómengi qabatynda balabaqshalar ashýdy tapsyrdy
QR Prezıdenti Nursultan Nazarbaev jańadan paıdalanýǵa berilip jatqan úılerdiń birinshi qabattarynan balabaqshalar ashýdy tapsyrdy.
«Aldaǵy jyldary elordanyń arhıtektýralyq kelbeti jańarady jáne jańa eleýli ǵımarattarmen tolyǵa túsedi. Áýejaıdyń jańǵyrtylýy, temirjol vokzaly, Horeografııa akademııasy, Ábý-Dabı Plaza, Jasyl aýdan turǵyn úı alaby, Rıts Karlton qonaq úıi jáne ózge de nysandar salynady. Sonymen qatar EKSPO-2017 kórmesine oraı, 24 qonaq úı kesheni jáne 15 myń orynǵa EKSPO qalashyq salynady», - dep habarlady Astana ákimi Ádilbek Jaqsybekov elordanyń damýyna qatysty ótken jıynda.
Óz kezeginde, jıynǵa tóraǵalyq etken Memleket basshysy qurylys barysynda balabaqshalardyń salynýyn kózden tasa qylmaýdy tapsyrdy. Sebebi Astana balabaqshamen qamtý deńgeıi boıynsha sońǵy oryndarda tur.
«Qyrýar turǵyn úıler paıdalanýǵa berilip jatyr. Bul úılerdiń tómengi qabattarynda balabaqsha bar ma? Munda barlyq qurylys kompanııalarynyń basshylary otyr, biz olarǵa qarajat beremiz, nesıe beremiz. Biz ol turǵyn úılerdiń ishinde balabaqsha bolýyn qarastyryp, talap qoıýymyz kerek. Záýlim ǵımarattar salyp kerek emes. Úı qurylysyna ruqsat berer kezde, olardyń birinshi qabattarynda balabaqsha salynýy tıis degen talap qoıyńyzdar. Barlyq álemde solaı», - dedi N.Nazarbaev.

Mamyrdan bastap elordalyqtar ashyq aspan aıasynda sportpen aınalysady
8 mamyrdan bastap ár jeksenbi saıyn Astanalyq parkte qala turǵyndary men qonaqtary sportpen tegin aınalysatyn bolady. Tájirıbeli fıtnes-nusqaýshylar taza aýada krossfıt pen ıogadan jattyǵýlar jasap, zýmba men t.b. baǵyttar boıynsha sabaqtar ótkizedi. Bul týraly elordanyń resmı saıty habarlady.
Ár jeksenbi saıyn saǵat 10.00-13.00 aralyǵynda jańa sport túrlerin meńgerip, bı bıleýdi úırenýge bolady. Kúsh jınap, epti, ıkemdi bolǵysy keletinder keńinen taraǵan sporttyq baǵyt krossfıtke qatysady.
Jekpe-jekke áýester Combat Battle jattyǵý júıesin meńgeredi. Aıta keteıik, atalǵan sport túri jańa bastaǵandar men daıyn sportshylarǵa da laıyq. Sonymen qatar, park aýmaǵynda júrek qan-tamyrlary júıesin jattyqtyrýǵa arnalǵan Cardio-zone sabaqtary ótkiziledi.
Uıymdastyrýshylardyń aıtýynsha, áserli bıge áýes jandar latynamerıkalyq yrǵaqtarmen zýmba bıin bıleıdi.
Fitness Park Astana sporttyq-buqaralyq is-sharasyna kishkentaı astanalyqtar da qatysady. Olar úshin arnaıy aımaq jasalady.
Qyzyqty sporttyq baǵdarlamamen qosa, aktsııanyń barlyq qatysýshylaryna durys jáne teńgerimdi tamaqtaný joly tanystyrylady.
Al otandyq estrada juldyzdary qala turǵyndary men qonaqtaryna ár jeksenbi saıyn mýzykalyq baǵdarlamalar tartý etedi.

Qurylys zańyn buzsa prokýratýra organdaryna júginý kerek - N.Nazarbaev
Astanada 8 myńǵa jýyq úleskerdiń qatysýymen 45 problemaly nysan paıda boldy. Bul týraly búgin Astana qalasynyń áleýmettik-ekonomıkalyq damýy men EKSPO kórmesi máselelerine arnalǵan keńeste QR Prezıdenti Nursultan Nazarbaev aıtty.
«Men qalada 1 mln. 750 myń sharshy metr turǵyn úıdiń paıdalanýǵa berilgenin aıttym, bul rekordtyq kórsetkish. Degenmen, ekinshi jaǵynan biz 2008-2010 jyldary qordalanǵan úleskerlerdiń problemasyn sheshý úshin ulttyq qordan mol qarjyny shyǵyndadyq. Alaıda, qalada taǵy da 8 myńǵa jýyq úleskerdiń qatysýymen 45 problemaly nysan paıda boldy. Olar qaıdan shyǵyp otyr?», - dedi Elbasy.
Sonymen qatar Memleket basshysy elordada óz betimen salynyp jatqan 37 turǵyn úıdiń anyqtalǵanyn, onyń 31-iniń qurylysy toqtatylǵanymen qalǵanynyń qurylysy júrgizilip jatqanyn atap ótti.
«Tártipke keltirińizder. Eger zańdy buzsa, prokýratýra organdaryna júginińizder. Zańnamalyq jolmen qurylysqa shekteý qoıý týraly sheshim qabyldasyn», - dedi N.Nazarbaev.
Astanada qala sáýletine saı kelmeıtin eski jáne apatty jaǵdaıdaǵy úıler tolyqtaı buzylady - Á.Jaqsybekov
2016 jyly Astanada 2 mıllıon sharshy metr turǵyn úı paıdalanýǵa beriledi. Bul týraly búgin Astana ákimi Ádilbek Jaqsybekov Elbasy Nursultan Nazarbaevtyń qatysýymen ótken elordanyń damýyna qatysty jıynda habarlady.
«Bıyl biz 2 mıllıon sharshy metr turǵyn úı salamyz. Tapsyrmaǵa sáıkes, qurylys úsh negizgi baǵyt boıynsha júrgizilýde, ol: Myń jyldyq alleıasy, Orynbor kóshesi men Turan dańǵyly. Sonymen qatar Astananyń arhıtektýralyq kelbetine jáne josparyna saı kelmeıtin, eski jáne apattyq jaǵdaıdaǵy úılerden tolyqtaı arylý mindeti de bar», - dep atap ótti ákim.
Onyń sózi boıynsha, ol qalanyń úlken máselesine aınaldy.
«Elordanyń qazirgi zamanǵy kelbetin samannan salynǵan, qulaǵaly turǵan nysandar qurtyp tur. Olardy biz qalanyń ortasynan da kóre alamyz. Sol úshin biz bıyl jáne aldaǵy jyldary apattyq úılerden tolyq arylýdy uıymdastyrdyq - bul 228 úı. Osylaısha, 3500 otbasy kóshiriledi, saıajaılardyń barlyǵy joıylady», - dep atap ótti Á.Jaqsybekov.

Á.Jaqsybekov jeke jáne memlekettik balabaqsha tólemderin teńestirýdi usyndy
Bıyldan bastap jańa salynatyn úılerde shaǵyn balabaqshalar bolýy tıis. Bul týraly búgin Astana qalasynyń áleýmettik-ekonomıkalyq damýy men EKSPO kórmesi máselelerine arnalǵan keńeste QR Prezıdenti Nursultan Nazarbaev aıtty.
«Astana jas qala. Ortasha jas 35-ten aspaıdy. Sondyqtan jas otbasylar úshin balabaqshamen qamtamasyz etý problema bolyp otyr. Sondyqtan bul máseleni aıtyp ketkendikten toqtalmaı-aq qoıaıyn. Barlyq qurylysshylarǵa qajetti jerde balabaqshalardyń bolýyn mindetteńizder. Bul balabaqshalardy bólek salýdyń qajeti joq. Búgingi kúni jyl saıyn 100 turǵyn úı salynǵanymen nebári 25 shaǵyn ortalyq qurylypty. Sonda qarastyrylmaǵan da ǵoı», - dedi Elbasy.
Osy rette Memleket basshysyna jaýap bergen elordanyń qurylysyna jaýapty qyzmetkeri salynyp jatqan turǵyn úıde balabaqsha bolýy tıis degen normatıvtiń joqtyǵyn alǵa tartty.
«Usynys engizińizder. Kárim Qajymhanuly (QR Premer-Mınıstri) normatıvti ózgertińizder. Sáıkesinshe sheshim qabyldaıtyn bolamyz. Zańǵa ózgertýler engizý qajet bolsa, engizemiz. Osy jyly salynatyn úılerde ondaı bolýy kerektigin birden kórsetý qajet», - dedi N.Nazarbaev.
Osy rette qala basshysy Ádilbek Jaqsybekov memlekettik jáne jeke menshik balabaqshalarda tólemdi teńestirý qajettigin aıtty. «Óıtkeni, qazir memlekettikke (balabaqshaǵa) tómen tólem jasalǵandyqtan adamdar jekemenshik balabaqshalarǵa barmaı, kezekke turady», - dedi qala basshysy.
Óz kezeginde Bilim jáne ǵylym mınıstri Erlan Saǵadıev kelesi jyldan bastap «Balapan» baǵdarlamasy boıynsha jan basyna qarjylandyrý kólemi artatyndyǵyn aıtty. «Sol kezde jekemenshik jáne memlekettik balabaqshalar arasyndaǵy tólem teńesetin bolady», - dedi mınıstr.

Elbasy «Travıata» operasyna bardy
Memleket basshysy Nursultan Nazarbaev «Astana Opera» memlekettik opera jáne balet teatrynda ótken «Travıata» operasyna bardy. Bul týraly Aqordanyń baspasóz qyzmeti habarlady.
Operanyń basty oryndaýshylary - teatrdyń jetekshi solısteri - halyqaralyq konkýrstardyń laýreaty M.Mýdrıak pen Qazaqstannyń eńbek sińirgen qaıratkeri N.Bekmuhambetov.
Qoıýshy-rejısser H.Brokhaýz Djýzeppe Verdıdiń áıgili operasyn birqatar qyzǵylyqty sahnalyq sheshimder arqyly usyndy. Sondaı-aq qoıylymǵa Qazaqstannyń eńbek sińirgen qaıratkeri A.Muhıtdınov basqaratyn «Astana Opera» sımfonııalyq orkestri men bas hormeıster, Qazaqstannyń eńbek sińirgen qaıratkeri E.Dáýitov basshylyq etetin teatr hory qatysty.

EKSPO-qalashyǵyndaǵy Qazaqstan pavılonynyń qandaı bolatyndyǵy belgili boldy
QR Prezıdenti Nursultan Nazarbaevtyń tóraǵalyǵymen ótken Astana qalasynyń áleýmettik-ekonomıkalyq damýy men EKSPO kórmesi máselelerine arnalǵan keńeste EKSPO-qalashyǵyndaǵy Qazaqstan pavılonynyń qandaı bolatyndyǵy belgili boldy.
«Ózińiz de biletindeı, qazirgi ýaqytta Qazaqstan pavılonynyń tujyrymdamasy ázirlenip, bekitildi. Sferanyń taqyryptyń tujyrymdamasy «Bolashaq energııasy mýzeıi» retinde usynylǵan. 5 myń sharshy metr alańdy alyp jatqan sferalyq aımaq bolady. Birinde Qazaqstanmen tanysýǵa bolsa, ekinshisi «Jasampazdyq energııasy» aımaǵy bolyp bólinedi», - dedi keńes barysynda «Astana EKSPO-2017» kompanııasynyń basshysy Ahmetjan Esimov.
Onyń aıtýynsha, pavılonnyń birinshi bóliginde Qazaqstannyń tabıǵaty, mádenıet men tarıhy, búgini men bolashaǵy usynylatyn bolady. Bul jumys Mádenıet jáne sport mınıstrligimen birge júrgizilýde.
Al «Jasampazdyq energııasy» aımaǵynda otandyq ǵalymdardyń «Jasyl ekonomıka» taqyrybyndaǵy úzdik jobalary kelýshiler nazaryna usynylady. Jobalardy irikteý jumysymen Energetıka mınıstri aınalysady.
«Ózińiz maquldaǵan kórmeniń basty nysany sferanyń jumys qujattamasy ázirleýshiler bizdi sendirgendeı 11 mamyrda daıyn bolady. Sodan keıin ony naqty júzege asyrýǵa kirisemiz», - dedi ol Elbasy N.Nazarbaevqa qarata.

Ulttyq mýzeıde «Eskerýsiz qalǵan eskertkishter» atty fotokórme ashyldy
Qazaqstan Respýblıkasy Ulttyq mýzeıinde Eskertkishter men tarıhı oryndardyń halyqaralyq kúnine oraı «Eskerýsiz qalǵan eskertkishter» atty fotokórmeniń ashylýy ótti, dep habarlaıdy Ulttyq mýzeıdiń aqparattyq-ımıdjdik qyzmeti.
Kórmeniń ashylýynda Ulttyq mýzeı janyndaǵy"Halyq qazynasy" ınstıtýtynyń jetekshisi Aqan Ońǵar atalmysh sharanyń basty maqsaty týraly aıta kele, qazaq dalasyndaǵy qundy sáýlet-eskertkishterdi tutas qoǵam bolyp qorǵaýǵa shaqyrdy.
«Búgingi kórmeni uıymdastyrýdaǵy basty maqsat - ol Qazaqstan aýmaǵynda tabıǵı, tehnogendik jáne adamı faktorlardyń áserinen buzylyp jatqan eskertkishterdiń qazirgi jaı-kúıine kópshilik nazaryn aýdarý.Sol arqyly tarıhı muralarǵa degen qoǵam jaýapkershiligin arttyrý. Keshe ǵana biz Aqmola oblystyq tarıhı-mádenı muralardy qorǵaý jáne paıdalaný memlekettik mekemesi jáne Ereımentaý aýdandyq ákimdigimen birlesip, osy óńirdegi arheologııalyq eskertkishter men mádenı landshaftany qorǵaý máseleleri boıynsha dalalyq semınar ótkizip keldik. Sondaı-aq halyq arasynda tarıhı eskertkishterdi qorǵaý men saqtaýǵa baılanysty túsindirý jumystaryn júrgizdik. Ókinishke qaraı, búgingi tańda arnaıy temir izdeıtin qurylǵymen tarıhı oryndardy búldirip, qazyp ketip jatqan jaǵdaılar kóptep kezdesedi. Árıne mundaı zańbuzýshylyqtarǵa ár bir adam tosqaýyl bolyp, jol bermeýi tıis», - dedi A.Ońǵar.
Kórmege elimizdiń ár aımaǵynda túsirilgen 50-ge jýyq fotomaterıaldar qoıylǵan.Olar«Qazrestavratsııa» RMM, Jambyl, Qyzylorda, Aqmola, Aqtóbe, Mańǵystaý oblystarynyń Tarıhı-mádenı muralardy qorǵaý memlekettik mekemelerinen jáne Z. Samashev, M. Eleýov, K. Baıpaqov, A. Beısenov, D. Baıtileý,Ǵ. Omarov, A. Nurjanov, A. Ońǵar, E. Oralbaı, E. Aqylbek syndy arheolog-ǵalymdardyń jeke muraǵat qorlary men ǵylymı-kópshilik jarııalanymdarynan alyndy.


EKSPO-ǵa daıyndyq Astananyń ǵylymı qoǵamdastyǵyn ınnovatsııalyq jobalardy ázirleý isine belsene qatysýǵa umtyldyrýǵa tıis - Memleket basshysy
EKSPO-ǵa daıyndyqtyń ózi Astananyń ǵylymı qoǵamdastyǵyn kórme taqyryby aıasyndaǵy ınnovatsııalyq jobalardy ázirleý isine belsene qatysýǵa umtyldyrýǵa tıis. Bul týraly Nursultan Nazarbaev Astana qalasynyń áleýmettik-ekonomıkalyq damýy jáne «EKSPO-2017» halyqaralyq mamandandyrylǵan kórmesine daıyndyq máseleleri jónindegi keńes barysynda málimdedi.
Aqordanyń baspasóz qyzmetiniń habarlaǵanyndaı, Memleket basshysy keńes aldynda kórmedegi Qazaqstannyń ulttyq pavılony, halyqaralyq taqyryptyq jáne korporatıvtik pavılondar, saýda-saýyq nysandary ornalasatyn qurylys alańyn aralap kórdi.
Keńes barysynda Nursultan Nazarbaev Astana qalasyn damytý máselesi memlekettiń nazarynda ekenin atap ótti.
EKSPO-2017 kórmesin ótkizý elordany damytýdaǵy mańyzdy beles bolyp sanalady. Men kórmeniń salynyp jatqan nysandaryn qarap shyqtym. Qarqyn óte qarbalas, biraq keste oryndalyp jatyr. Búginde qurylys nysandarynda shamamen 10 myń adam jumyspen qamtylǵan, - dedi Memleket basshysy.
Sondaı-aq Qazaqstan Prezıdenti ótken jyl qorytyndysy boıynsha elordanyń óńirlik jıyntyq óniminiń ósim qarqyny 5 paıyzǵa jetip, búkil el boıynsha eń joǵary kórsetkish bolǵanyna jáne jalpy Qazaqstan ekonomıkasy ósiminiń 40 paıyzyn qamtyǵanyna nazar aýdardy.
Investıtsııa tartý turǵysynan eleýli jumys atqaryldy. Jalpy, elordany kóshirgennen beri tartylǵan ınvestıtsııanyń kólemi 6 trıllıon teńgeden asty. Sonyń 2 trıllıon teńgesi memlekettik bıýdjetten bólindi. Bul rette qazynaǵa túsken salyq túsimderi qazirdiń ózinde 4 trıllıon teńgeden asty. Bul - memleket júzege asyrǵan eń tıimdi joba. Kórip otyrǵandaryńyzdaı, memlekettiń Astana qurylysyna salǵan shyǵystary aqtaldy. Buǵan qosa, Astana byltyr birinshi ret bıýdjetimizdiń donoryna aınalyp, 900 mıllıard teńgeden astam qarajat aýdardy. Barlyq túsimderdiń 75 paıyzy qaladaǵy barlyq jumys ornynyń jartysyn qamtamasyz etip otyrǵan shaǵyn jáne orta bıznesten túsip jatyr. Bul - biz búkil Qazaqstan boıynsha umtylyp otyrǵan deńgeı, barlyq óńir osy kórsetkishke teńesýi tıis, - dedi Nursultan Nazarbaev.
Memleket basshysy 2015 jyly qalada 18 myńnan astam jańa jumys orny ashylǵanyn, jumyssyzdyq el boıynsha eń tómengi, 4,7 paıyz deńgeıinde ekenin atap ótti.
Ótken jyldar ishinde 150 iri áleýmettik nysan salyndy, jańa ýnıversıtet halyqaralyq turǵydan moıyndaldy. Medıtsınalyq holdıng bazasynda halyqqa sapaly medıtsınalyq qyzmet kórsetetin zamanaýı klaster jumys istep jatyr. Onyń qyzmetin byltyr 150 myń adam paıdalandy. Búginde elordada eń uzaq ómir súrý jasy deńgeıine qol jetkizildi. Máselen, ortasha ómir súrý jasynyń uzaqtyǵy 75 jastyń shamasynda, barlyq óńir osy mańyzdy kórsetkishke umtylýy tıis. Astanada ortasha eńbekaqy 190 myń teńgeden asady. Biz el táýelsizdiginiń 25 jyldyǵyn merekeleýge jaqsy nátıjelermen kelip otyrmyz, - dedi Qazaqstan Prezıdenti.
Nursultan Nazarbaev qala halqynyń sany boljam boıynsha dúnıejúzilik EKSPO kórmesi ashylar kezge qaraı 1 mıllıon adamǵa jetetinine nazar aýdardy.
Memleket basshysy sondaı-aq Astananyń damýyndaǵy negizgi túıtkildi máselelerge toqtaldy.
Qazirgi ýaqytta elorda ekonomıkasyn nyǵaıtý basym baǵyt bolatyny atap ótildi.
Arnaýly ekonomıkalyq aımaq oń yqpalyn tıgizdi. Qazirgi kezde AEA aýmaǵynda affınajdy zaýyt, jolaýshylar vagonyn, lokomotıv, áskerı jabdyqtar, jaryq dıodty jáne optıkalyq quraldar shyǵaratyn kásiporyndar tárizdi iri jobalar júzege asyryldy. Olardaǵy qazaqstandyq qamtý úlesi 20-dan 50 paıyzǵa deıin barady. Degenmen, iske qosylǵan 22 jobanyń tek 23 paıyzy tolyq qýaty boıynsha jumys istep tur, - dedi Nursultan Nazarbaev.
Qazaqstan Prezıdenti qalanyń ınvestıtsııalyq tartymdylyǵy máselesine toqtalyp, ınvestorlarmen jasalatyn memorandýmdardyń tıimdiligin arttyrýdy, sondaı-aq jańadan ashylyp jatqan óndiristerdiń tabystylyǵyna monıtorıng júrgizýdi tapsyrdy.
Memleket basshysy sondaı-aq jaýapty organdarǵa jer resýrstarynyń tıimdi ıgerilýin baqylaýǵa alýdy tapsyrdy.
Meniń tıisti tapsyrmamnan keıin Bas prokýratýra men ózge de organdar tekserýler júrgizdi. Paıdalanylmaı jatqan 16 myń gektar jer anyqtaldy, endi sony qaıtaryp alýmen aınalysý kerek. Igerilmegen aýmaqtar tipti qalanyń ortalyǵynda da bar, - dep atap ótti Nursultan Nazarbaev.
Astanadaǵy iskerlik ortanyń ahýalyn jaqsartý joldary da sóz boldy.
Elordada bıznes úshin qolaıly ahýal qalyptasqan, bankterdiń bızneske zor qyzyǵýshylyǵy baıqalady. Zamanaýı saýda oryndaryn uıymdastyrý úshin kásipkerlerge myńdaǵan oryn bólý turǵysyndaǵy jaqsy bastama júzege asyrylyp jatyr. Astanada alǵashqy bolyp tek otandyq taýarlardy satatyn saýda oryndary ashyldy. Alaıda qalada, negizinen, kásipkerliktiń eki túri - saýda men qurylys damýda. Shaǵyn jáne orta bıznes ınnovatsııa salasynda tym az, - dedi Qazaqstan Prezıdenti.
Memleket basshysy elordanyń saýda oryndarynyń eldiń soltústik jáne ortalyq óńirlerindegi aýyl sharýashylyǵy ónimderin óndirýshilermen ózara is-qımylynyń nashar ekenine nazar aýdardy.
Nursultan Nazarbaev kólik ınfraqurylymy jumysyna arnaıy toqtalyp, EKSPO qarsańynda qala úshin meılinshe mańyzdy nysandar jańa áýejaı termınaly men temirjol vokzaly ekenin atap ótti.

Búginniń ózinde úlken keptelister qalypty jaǵdaıǵa aınaldy, bul problemany sheshý qajet. Eger saýatty túrde jobalaýmen qazir aınalyspasaq, birneshe jyldan keıin bizdi kólik kollapsy kútip tur. Qalada áli kúnge deıin turaqtar júıesi uıymdastyrylmaǵan,qoǵamdyq kólikte jolaqy úshin elektrondy tólem jasaý engizilmegen, - dedi QazaqstanPrezıdenti.
Sondaı-aq joldar salý men nóser jaýyn jaǵdaıyna arnalǵan kárizder júrgizý sapasyna tıimdi baqylaý jasaý júıesi engizilý qajettigi de aıtyldy.
Budan bólek, Memleket basshysy azamattardyń jaıly jol júrýine baǵdarlanǵan taksı qyzmeti jumysyna baqylaý uıymdastyrý isin qolǵa alýdy tapsyrdy.
Nursultan Nazarbaev búginde jańa turǵyn úıler qurylysynyń qarqyny qanaǵattanarlyq ekenin, biraq qalada úleskerlik qurylys aıasynda salynyp jatqan problemaly 45 nysan paıda bolǵanyn aıtty.
Qazaqstan Prezıdenti áleýmettik salany damytý aspektileri arasynan balabaqshadaǵy orynmen qamtamasyz etý máselesine toqtalyp, bul túıtkildi turǵyn úılerden tıisti oryndar bólý arqyly sheshýdi, jastar úshin sport nysandaryna qoljetimdilik deńgeıin, orta jáne joǵary bilim sapasyn arttyrýdy, sondaı-aq, ásirese, medıtsınalyq týrızm esebinen medıtsına klasterin damytýdy tapsyrdy.
Bilim jáne ǵylym mınıstrliginiń málimeti boıynsha, qalanyń 7 ýnıversıtetiniń birde-bir ǵylymı ázirlemesi joq, 6 ýnıversıtetiniń birde-bir avtorlyq kýáligi, 5-eýiniń birdi-bir patenti joq eken. Mundaı jaıt álemde joq. EKSPO-ǵa daıyndyqtyń ózi Astananyń ǵylymı qoǵamdastyǵyn kórme taqyryby aıasyndaǵy ınnovatsııalyq jobalardy ázirleý isine belsene qatysýǵa umtyldyrýǵa tıis, - dedi Nursultan Nazarbaev.
Sondaı-aq Memleket basshysy qalany odan ári kógaldandyrý, botanıkalyq baq qurylysyn salý jáne gúlzar aımaǵyn jetildirý qajettigine nazar aýdardy.
Sóz sońynda qaýipsizdik pen qoǵamdyq tártipti qamtamasyz etý máselesi kóterildi.
Іs-shara aıasynda Astana qalasynyń ákimi Á.Jaqsybekov, «Astana EKSPO-2017» UK AQ basqarmasynyń tóraǵasy A.Esimov, energetıka mınıstri Q.Bozymbaev, syrtqy ister mınıstri E.Ydyrysov, «Astana» halyqaralyq qarjy ortalyǵynyń basqarýshysy Q.Kelimbetov baıandama jasady.
Keńes qorytyndysy boıynsha Memleket basshysy birqatar naqty tapsyrma berdi.

Elordada Gratsıano Arıchıdiń «Venetsııa. Álemdik mádenıettegi tulǵalar» halyqaralyq kórmesi ótip jatyr
QR Ulttyq mýzeıinde Qazaqstan Respýblıkasy Mádenıet jáne sport mınıstrligi men Italııanyń Qazaqstandaǵy Elshiliginiń uıymdastyrýymen Gratsıano Arıchıdiń «Venetsııa. Álemdik mádenıettegi tulǵalar» halyqaralyq kórmesi ashyldy, dep habarlaıdy Ulttyq mýzeıdiń aqparattyq-ımıdjdik qyzmeti.
Kórmeniń ashylýynda sóz alǵan Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamentiniń dırektory Aqtoty Raıymqulova Gratsıano Arıchıdiń jumystary týraly aıta kele, olardan alǵan áserimen bólisti.
Gratsıano Arıchı sýretshi-dokýmentalıst retinde tek Italııaǵa ǵana emes, sonymen qatar búkil álemge tanymal óner ıesi. Sondyqtan da bul kórme sebepti eki memleket arasyndaǵy dostyq qarym-qatynas arta túsedi dep senemiz. Búgin kórmege 150-den astam mazmuny óte baı shyǵarmashylyq jumystar qoıylǵan. Onyń bári Gratsıano Arıchıdiń eń tańdaýly týyndylary. Fotosýretter kez kelgen adamdy qýanyshqa bólep, erekshe áser syılaıdy. Sol úshin de avtorǵa úlken alǵys bildiremiz, - dedi A.Raıymqulova.
Italııanyń Qazaqstandaǵy Elshisi Stefan Ravanıan sýretshi Gratsıano Arıchıdi kórmeniń ashylýymen quttyqtaı kele, onyń ótkizilýine jaǵdaı jasaǵan Ulttyq mýzeıge alǵys bildirdi.
Sýretshi Gratsıano Arıchıdi búgingi kórmeniń ashylýymen quttyqtaımyn. Osynaý shyǵarmashylyq jumystarǵa tereń úńilseńiz, keremet kúıge bólenesizder. Óz isin jaqsy meńgergen sheber mamannyń eńbekteri ekenin birden baıqaısyzdar. Osyndaı óner ıesiniń shyǵarmashylyq týyndylaryn qazaqstandyqtarǵa usynyp otyrǵan Ulttyq mýzeıge úlken alǵysymdy bildiremin, - dedi S. Ravanıan.
Kórme avtory, Italııa mádenıetiniń eń kórnekti sýretshisi Gratsıano Arıchı Astanadan alǵan áserimen bólisip, qazaqstandyqtardyń qonaqjaılyǵyna tánti ekenin jetkizdi.
Qazaqstandy kópten beri kórgim kelip júrgen. Astana qalasy sáýleti jarasqan óte erekshe shahar eken. Halqy óte qonaqjaı. Mádenıetti jáne árkez saǵan kómekteskisi kelip turady. Men áli de bolsa osynda qalyp jumys istegim keledi. Eń bastysy mádenıet pen ónerge erekshe kóńil bólingen. Sondyqtan da avtorlyq kórmemniń Ulttyq mýzeıde ótip jatqanyna óte qýanyshtymyn, - dedi G.Arıchı.
Aıta keteıik, «Venetsııa. Álemdik mádenıettegi tulǵalar» halyqaralyq kórmesi 22 mamyrǵa deıin jumys isteıdi.

Marııa Mýdrıak «Astana Opera» sahnasynda ıtalıandyq klassıkany oryndaıdy
álemdegi eń jas dıplomdy opera ánshisi Marııa Mýdrıak óziniń tanymal áriptesteri - tenor Nurlan Bekmuhambetovpen jáne barıton Evgenıı Chaınıkovpen, sondaı-aq «Astana Opera» teatrynyń hor ártistermen jáne sımfonııalyq orkestrdiń talantty mýzykanttarmen «Astana Opera» teatrynyń Úlken zaly sahnasyna shyǵady.
Dırıjer pýltinde Eddı de Nadalı (Italııa). "Italıandyq stıldegi» kontsert 3 mamyrda Italııanyń Qazaqstandaǵy mádenıet jyly aýqymynda ótedi, dep habarlady teatrdyń baspasóz qyzmeti.
«Men úshin eki el de ózinshe mańyzdy, Qazaqstanda týyp-óstim, bul meniń otanym, al «Italııada ánshi bolyp qalyptastym, meniń ustazdarym tamasha bilim berip qanattandyrdy, qazir men Eýropanyń kóptegen teatrlarynyń sahnasynda óner kórsetip júrmin. Qaıda bolsam da men Qazaqstannyń atynan shyrqaımyn, bári de meni qazaqstandyq dep biledi», - dedi Marııa Mýdrıak.
«Máńgilik polk» elorda kóshelerimen júrip ótedi
Bıyl Uly Otan soǵysyndaǵy Jeńistiń 71 jyldyǵyna oraı Astana qalasy ishki saıasat basqarmasynyń qoldaýymen «Máńgilik polk» keń aýqymdy aktsııasy ótkiziledi. Bul týraly elorda ákimdiginiń resmı saıtynda habarlady.
Sherýge ásker men flot ardagerleriniń, partızandardyń, astyrtyn jumys istegenderdiń, toıtarysqa qatysqandardyń, tyl eńbekkerleriniń, kontslager tutqyndarynyń, qorshaýda bolǵandardyń jáne «soǵys balalarynyń» týystary qatysady.
Qatysýshylar 9 mamyrda saǵat 12:00 «Astanamall» SOO janyna jınalady. Sherý saǵat 13:00 Táýelsizdik dańǵylynyń boıynan bastalyp, «Otan Qorǵaýshylar» monýmentine deıin jalǵasady. Sondaı-aq, monýmentke gúl qoıý saltanaty ótedi. Marshrýttyń jalpy uzyndyǵy 1,8 km quramaq.
2012 jyly tarıh fakýtetiniń stýdenti Aıda Baımaqova Astana qalasy men Aqmola oblysy kásipodaǵynyń burynǵy tóraǵasy Anna Shevchýkpen birge elordada da osyndaı sherý uıymdastyrýdy qolǵa aldy. Bir jyldan keıin Astana qalasy «Máńgilik polki» keńesin qurý týraly sheshim qabyldandy.
«Bul kommertsııalyq emes, saıası emes, memlekettik emes bastama, bul atalary men ákelerine taǵzym etpek bolǵan soǵysqa qatysýshylardyń urpaqtarynyń usynysy. Ótken jyly aktsııaǵa 1,5-2 myń adam qatyssa, bıyl bul kórsetkish 3-5 myńǵa jeted dep kútilýde», - dedi A. Baımaqova.
Qajetti transparanttar men sýretterdi ár otbasy ózi daıyndaıdy, sherýge kez kelgen adam qatysa alady, portrettiń qajetti ólshemderi belgilengen. Polktiń Astanadaǵy Úılestirý keńesi marshty uıymdastyrýmen aınalysady, sondaı-aq, keńes arqyly ardagerlermen baılanysyp, olarǵa qandaı da bolmasyn kómek pen qoldaý kórsetýge bolady.
Aıta keteıik, alǵash ret aktsııa Astanada byltyr 8 mamyrda uıymdastyryldy. «Máńgilik polk» akııasy álemniń 620 qalasynda ótkiziledi, oǵan 10 astam memleket qatysady, sonyń ishinde Reseı, Qazaqstan, Qyrǵyzstan, Izraıl, Ýkraına, Mońǵolııa, Estonııa, jaqynda bul tizimge Kanada men Ońtústik Koreıa qosyldy.
Aktsııaǵa qatysý boıynsha qosymsha aqparat alý úshin +77016832383 telefonyna habarlasýǵa bolady.

Azyq-túlik qaýipsizdigi jónindegi ıslam uıymy Bas assambleıasynyń otyrysy jylyna 1 ret Astanada ótkiziledi
Azyq-túlik qaýipsizdigi jónindegi ıslam uıymy Bas assambleıasynyń otyrysy jylyna 1 ret Astanada ótkiziledi. Bul týraly búgin Islam yntymaqtastyq uıymy bas hatshysynyń ekonomıkalyq máseleler jónindegi orynbasary Hamıd A.Opeloıerý málim etti.
«Bul jıynda biz uıymnyń atqarýshy keńesin qurdyq. Ol jylyna keminde bir ret Astanada ótetin bolady. Óıtkeni, Astana bul uıymnyń shtab-páteri sanalady. Al endi uıymnyń Bas assambleıasyna qatysty aıtar bolsam, ol da jylyna bir márte bas qosady», - dedi ol.
IYU Bas hatshysynyń orynbasary da Azyq-túlik qaýipsizdigi jónindegi ıslam uıymynyń bıýdjeti qatysýshy elderdiń jarnasy esebinen qalyptastyrylatyndyǵyn atap ótti.
«Uıymnyń atqarýshy keńesine Túrkııa, Saýd Arabııasy, Bangladesh, Býrkıno-Faso, Qazaqstan, Sýdan, Nıgerııa jáne hatshylyq bas dırektory kiredi. Olardyń barlyǵy 3 jylǵa saılanady», - dedi H.A.Opeloıerý.

K.Másimov Astanada AQIU Bas assambleıasynyń quryltaı sessııasy aıasynda birqatar kezdesýler ótkizdi
Búgin Azyq-túlik qaýipsizdigi jónindegi Islam uıymy (AQIU) Bas assambleıasynyń quryltaı sessııasyna qatysý aıasynda QR Premer-Mınıstri Kárim Másimov birqatar kezdesýler ótkizdi. Bul týraly primeminister.kz saıty habarlady.
Islam damý bankiniń prezıdenti Ahmad Mohammad Álı Ál Madanımen kelissózder barysynda eki jaqty jáne kóp jaqty qarjy-ınvestıtsııalyq yntymaqtastyqtyń ózekti máseleleri talqylandy. K.Másimov A.Álıge Azyq-túlik qaýipsizdigi jónindegi Islam uıymyn qurýǵa qoldaý kórsetkeni úshin alǵys aıtty.
Taraptar ózara iskerlik qatynastardyń deńgeıin joǵary baǵalap, áriptestikti odan ári tereńdetýge múddelilikterin bildirdi.
Sondaı-aq K.Másimov Islam yntymaqtastyq uıymynyń Bas hatshysy Iıad ben Ámın Madanımen kezdesti.
K.Másimov pen I.Madanı Azyq-túlik qaýipsizdigi jónindegi Islam uıymyn qurý IYU qatysýshy elderdiń ózara yntymaqtastyǵyn jańa sapaly deńgeıge shyǵarady degen pikirge keldi.
Kelissózder qorytyndysy boıynsha suhbattasýshylar ıslam qaýymdastyǵy damýynyń turaqtylyǵyn qamtamasyz etý maqsatynda ózara qarym-qatynastardy nyǵaıtýǵa daıyndyqtaryn bildirdi.

Astanada 30 myńnan astam balaǵa ekpe jasaldy
24 sáýirden bastap elordada Dúnıejúzilik ımmýndaý aptalyǵy aıasynda dáriger-epıdemıologtar ıÝNISEF qorynyń, áıelder isteri jáne otbasylyq-demografııalyq saıasat jónindegi komıssııa ókilderimen, sondaı-aq, din máseleleri jónindegi mamandarmen kezdesti. 30 sáýirge deıin sozylatyn kezdesý barysynda talqylanǵan basty másele ımmýndaý problemalaryn joıýǵa baǵyttaldy.
Elordanyń resmı saıtynyń habarlaýynsha, sharada Tutynýshylardyń quqyqtaryn qorǵaý departamenti basshysynyń orynbasary Sarhat Beısenova, Salaýatty ómir saltyn qalyptastyrý ortalyǵynyń atqarýshy dırektory Aqmaral Qurmanbaeva, Densaýlyq saqtaý basqarmasynyń ókilderi sóz sóıledi. Jyl saıyn bir jasqa deıingi jáne jasóspirim balalarǵa ekpe jasatýdan bas tartatyn ata-analar sany artyp keledi. Astanada 2016 jyldyń І toqsanynda 38 157 bala egildi, al 27 búldirshinniń ata-anasy vaktsınalaýdan bas tartty. Al ótken jyly 30 853 bala egilse, 40 balanyń ata-anasy ımmýndaýdan bas tartty. Elordada jańa týǵan sábılerge ekpe jasatpaǵan ata-analar sany 2% jýyqtady. Bıyl 7346 sábı dúnıege kelse, onyń 133-i egilgen joq, bul 1,8% quraıdy. 2015 jyly jańa týǵan 6665 náresteniń 129-y ekpe jasatpady, bul 1,9% qurady.
Medıtsına qyzmetkerleriniń pikirinshe, qalyptasqan jaǵdaıǵa negizinen janama áserlerden qorqý jáne vaktsınalardyń sapasyna degen senimsizdik sebep bolyp otyr. Qazirgi kezde ekpe jasatýdan bas tartqandar sanyn azaıtý maqsatynda elordalyq dárigerler keń aýqymdy aqparattyq-túsindirý jumystaryn júrgizip jatyr. Dárigerlerdiń mindeti - aqparattyq kemshilikterdi joıý jáne balalar men jasóspirimderdi asa qaýipti ınfektsııalardan saqtap qalý.

Bıylǵy jyldyń mamyr aıynda Astanadan Oralǵa «Tulpar-Talgo» poıyzy qatynaıdy
Aǵymdaǵy jyldyń mamyr aıynyń sońyna deıin QTJ Astanadan Oralǵa RF-men shekarada tekserý júrgizilmeıtin Tulpar-Talgo» poıyzyn jiberýdi josparlap otyr. Bul týraly Májilistiń ekonomıkalyq reforma jáne aımaqtyq damý boıynsha komıtetiniń kóshpeli otyrysynda «Qazaqstan Temir Joly» AQ-nyń vıtse-prezıdenti Berik Qamalıev habarlady.
«Problema reseılik taraptyń poıyzdardyń RF aýmaǵynda tranzıtpen tekserýsiz júrýine ruqsat bermegeninde bolǵan. Qazirgi kezde reseılik poıyzdardyń 16 juby osyndaı kestemen Qazaqstan arqyly ótip jatyr, jáne ótken jyldyń qarasha aıynda biz Reseı úkimetine keıbir ýchaskelerde poıyzdardyń ózara tekserilýin júrgizý usynysyn jasadyq. RF Kólik mınıstrligi qaýly jobasyn iske qosty, ol arqyly eki qazaqstandyq poıyzdyń Iletsk, Oral stansalary arqyly toqtaýsyz jáne kedendik shekteýlersiz ótýine ruqsat berilgen. Mamyr aıynyń sońyna deıin eki poıyzdy iske qosýymyz tıis», - dep habarlady Berik Qamalıev.
QTJ vıtse-prezıdenti Oralǵa «Tulpar-Talgo» poıyzdary júretinin atap ótti.

1 mamyr kúni Astanada ótetin merekelik sharalar
Astanada Qazaqstan halqynyń birligi kúnine arnalǵan merekelik sharalarǵa belsendi daıyndyq jumystary júrgizilip jatyr. Kún saıyn qalada jańa merekelik ınstallıatsııalar paıda bolyp, sahnalyq alańdar ornatylýda, dep habarlaıdy elorda ákimdiginiń resmı saıty.
1 mamyr - Qazaqstan halqynyń birligi kúnine arnalǵan basty merekelik shara «Qazaq eli» monýmentiniń aldyndaǵy alańda ótedi. Merekelik kontsertte 450 jýyq ártis pen shyǵarmashylyq ujym óner kórsetpek. Etnomádenı birlestikterdiń 300 astam ókili halyqtyq serýenge qatysady. Bul kúni árbir etnomádenı uıymy uzyndyǵy 50 metrlik merekelik dastarqanǵa óziniń ulttyq taǵamyn qoıady.
Kópshilik nazaryna Astana qalasynyń shyǵarmashylyq ujymdarynyń qatysýymen merekelik baǵdarlama usynylady. Halyqtyq serýen ótetin «Qazaq eli» monýmentiniń aldyndaǵy alańda merekelik saýda, túrli sport túrlerinen jarystar uıymdastyrylady. Sondaı-aq, mádenı jáne sporttyq sharalar «Báıterek» monýmentiniń aldyndaǵy alańda jáne «Stýdenttik» parkte de ótedi.
Qazaqstan halqynyń birligi kúnin merekeleý aıasynda qalalyq mádenıet mekemelerinde de túrli is-sharalar (kontsertter, spektaklder, kórmeler) ótkiziledi.
Astana qalasynyń ákimdigi elorda turǵyndary men qonaqtaryna arnalǵan jeke baǵdarlama ázirledi. Keshke saǵat 20.30-23.00 qalalyq alańda tanymal «Format» tobynyń Qazaqstan halqynyń birligi kúnine arnalǵan mereıtoılyq kontserti ótedi.
Sonymen qatar, Otan qorǵaýshy kúnine jáne 1941-1945 jj. Uly Otan soǵysyndaǵy Jeńis kúnin merekeleýge arnalǵan sharalarǵa daıyndyq jumystary júrgizilýde.
Astanada jumyssyzdar jol jóndeýge tartylady
Elordanyń jumyssyz turǵyndary astana kóshelerindegi joldy jóndeý jumystaryna tartylady, dep habarlady qalalyq jumyspen qamtý, eńbek jáne áleýmettik qorǵaý basqarmasy. Atap aıtqanda, jumyssyz turǵyndar Imanbaeva, Mustafın, Otyrar, Nájimedenov, Abylaı han dańǵyly boıynsha jol jóndeý jumystaryna qatysady.
Jóndeý jumystaryna Astanadan barlyǵy 137 jumyssyz tartylady. «Jumyspen qamtý jol kartasy-2020» baǵdarlamasyn iske asyrý aıasynda bıyl atalmysh kóshelerde ortasha jol jóndeýge respýblıkalyq jáne jergilikti bıýdjetten 800 mln teńgeden astam qarajat bólindi.
Tek «Jumyspen qamtý jol kartasy-2020» baǵdarlamasynyń kómegimen bıyl Astanada jumyssyzdar kúshimen elordanyń 55 áleýmettik nysany jóndelgenin atap ótken jón, olar: balabaqsha, mektep, aýrýhana. Barlyǵy 1133 jańa jumys orny qurylady, olardyń 50 paıyzyn qalanyń jumyspen qamtý ortalyǵyna habarlasqan jumyssyzdar quraıdy.

Elordalyq kólikter gazben júretin bolady
Qalalyq máslıhattyń qurylys, ekologııa, kólik, saýda jáne turǵyn úı-kommýnaldyq sharýashylyq jónindegi turaqty komıssııanyń otyrysynda elordanyń ekologııalyq qaýipsizdigi men qorshaǵan ortany qorǵaý máseleleri talqylandy. Otyrys barysynda qaralǵan basty másele kólikterdi gazben júrýge kóshirý boldy, dep habarlady qalalyq ákimdiktiń baspasóz qyzmetinen.
Astana qalasynyń Tabıǵat resýrstary jáne tabıǵat paıdalanýdy retteý basqarmasy basshysynyń orynbasary Sáken Isaevtyń habarlaýynsha, qalada turaqty túrde qorshaǵan ortaǵa taldaý júrgiziledi. Jalpy alǵanda, Astananyń aýa basseıni jaǵdaıynyń kórsetkishi halyqtyń tirshilik etýine ekologııalyq qolaıly jáne respýblıka boıynsha óńirler bólinisinde atmosferalyq aýanyń lastanýy jaǵynan eń tómen deńgeıdi quraıtyn birinshi topqa jatady.Astanada atmosferaǵa shyǵarylatyn las zattardyń mólsherin azaıtýǵa basa nazar aýdarylady. Jyl basynan beri 1316 júrgizýshi jazaǵa tartyldy.- Jyljymaly quraldardan shyǵarylatyn las zattardyń mólsherin qysqartý maqsatynda qalalyq kólik ınfraqurylymy jaqsartylýda, oramdar, jańa avtomobıl joldary salynyp, qazirgi kóshelerdi jóndeý jumystary júrgizilip jatyr. Osynyń barlyǵy qozǵalys qarqynyn, qıylystarda kólikterdiń turyp qalýyn, sáıkesinshe, atmosferaǵa shyǵarylatyn las zattar mólsherin azaıtýǵa jol ashady. Aıta keteıin, aýa sapasyn arttyrý úshin vedomstvoǵa qarasty kommýnaldyq kásiporyndardyń 2965 kóligi gazben júretin bolady. Ústimizdegi jyldyń 1 qańtaryndaǵy jaǵdaı boıynsha kommýnaldyq kásiporyndardyń 318 mashınasy gaz otynyna aýystyryldy, - dedi Sáken Isaev.Munymen qosa, Astana qalasy ІІD Ákimshilik polıtsııa basqarmasy ústimizdegi jyldyń birinshi toqsanynda jeke menshikti kólikterdi gazben júrýge aýystyrýǵa 1440 kelisim bergen. S. Isaevtyń aıtýynsha, dızel men benzınge qaraǵanda, gaz otyny arzanǵa túsedi.

Zııany tıip jatsa, jerdi qaıtaryp alýǵa zańdy quqyǵymyz bar - Jer qatynastary basqarmasy
Jalǵa alýshynyń jer qunaryna zııany tıip jatsa, jerdi qaıtaryp alýǵa zańdy quqyǵymyz bar. Bul týraly búgin dóńgelek ústel barysynda «Astana qalasynyń Jer qatynastary jáne jerdiń paıdalanylýy men qorǵalýyn baqylaý basqarmasy» MM basshysynyń orynbasary Aıdyn Moldaǵalıev málim etti.
Onyń málim etkenindeı, jer shetel azamattaryna satylmaıdy. Ol tek, QR azamattaryna beriletin quqyq. Sheteldik azamattar jerdi aýyl sharýashylyq maqsatta paıdalaný úshin 25 jylǵa jalǵa ala alady. Degenmen maqsatsyz paıdalansa nemese ekologııaǵa, jerdiń qunaryna zııan keltiretin bolsa, ol jerler memleketke májbúrli túrde qaıtarylady.
«Odan qorqatyn eshteńe joq dep oılaımyn, sebebi jerdi maqsatty paıdalanýyn, zańdy buzbaýyn qadaǵalaıtyn naqty quzyrly organdar. Jerdiń sapasy, qunary túsip ketse, ony zań aıasynda jazalaıtyn sharalary bolady. Keıin ony zańdy túrde, májbúrli túrde qaıtaryp alýymyzǵa da bolady. Eger zııany kelip jatsa, ondaı quqyǵymyz bar», - dep atap ótti A.Moldaǵalıev.Aıta keteıik, Ult Jospary 100 naqty qadam sheńberinde 35-36 qadamdaryn júzege asyrý masatynda Jer Kodeksine ózgerister men tolyqtyrýlar engizilgen bolatyn. Jer Kodeksiniń jańa normalary byltyr qarasha aıynda qabyldandy. Al 2016 jyldyń 1 shildesinde ol qoldanysqa enedi. Ol boıynsha, aýyl sharýashylyǵyna arnalǵan jerler QR azamattaryna jáne zańdy tulǵalaryna jekemenshikke aýktsıon arqyly satylady. Al sheteldik azamattarǵa tek 25 jylǵa jalǵa beriledi. Ol elimizdiń aýyl sharýashylyǵyna sheteldik ınvestıtsııalar tartyp, Qazaqstannyń ónimderin molaıtýǵa septigin tıgizedi. Sondaı-aq, jańa jumys oryndary da ashylady. Jer ýchaskesin onyń kadastrlyq qunynynyń 50 paıyzynan tómen satýǵa ruqsat berilmeıdi. Sonymen qatar, QR azamattary men zańdy tulǵalarynyń menshigindegi jalda turǵan jer ýchaskelerin satyp alý úshin jeńildikter beriledi. Atalǵan norma qazirgi jer paıdalanýshylardyń múddelerin eskeredi. Buryn olarǵa berilgen aýyl sharýashylyq jer ýchaskeleri jalǵa berý merzimi aıaqtalǵanǵa deıin, jeńildik baǵamen jeke menshikke satyp alýǵa quqyq beriledi, ıaǵnı jerdiń kadastrlyq qunynyń 50 paıyzy mólsherimen 10 jyl merzimge deıin bólip tóleý múmkindigi qarastyrylǵan.

Astanada túlekterge gýmanıtarlyq mamandyqtar boıynsha jumys tabýǵa kómek kórsetiledi
Erteń, 30 sáýirde elordalyq jastarǵa gýmanıtarlyq mamandyqtar boıynsha jumysqa ornalasýǵa kómek kórsetiledi. Astanada osy baǵyttaǵy alǵashqy bos oryndar jármeńkesi ótkizilip, jastarǵa 200-ge jýyq bos jumys orny usynylady, dep habarlaıdy elorda ákimdiginiń resmı saıty.
Salalyq bos oryndar jármeńkesi alǵash ret naýryz aıynda tehnıkalyq mamandyqtar boıynsha ótkizilgen bolatyn. Árbir jumys berýshi jastarǵa 5-ten artyq bos jumys ornyn usyndy.
Bul joly beıindi jármeńkege 40-tan astam elordalyq jumys berýshi qatysady. Bul jastar úshin gýmanıtarlyq saladaǵy bos jumys oryndaryn zertteýge jáne birneshe jumys berýshimen tikeleı baılanysýdyń jaqsy múmkindigi bolyp tabylady.
Jumys berýshiler men jumys izdeýshiler 30 sáýirde saǵat 10.00-nan 13.00 deıin M.Ótemisov atyndaǵy oqýshylary saraıynda kezdesedi.
Jármeńkeniń maqsaty - joǵary oqý oryndary men kolledj túlekteri men jumyssyz jastardy jumysqa ornalastyrýǵa tıimdi kómek kórsetý. Aldaǵy ýaqytta Astana qalasy ákimdiginiń «Astana jastary» KMÝ basqa salalar boıynsha bos oryndar jármeńkesin ótkizýdi josparlar otyr. Olardyń baǵyty naryqtaǵy suranysqa qaraı belgilenbek. Aıta keteıik, «Astana jastary» keńinen taraǵan mamandyqtarǵa da monıtorıng júrgizedi.

Astanada «Kóshpendiler aıqasy-7» MMA týrnıri kórermenge naǵyz shoý syılamaq
30 sáýirde Astanada jekpe-jek óneriniń jankúıerleri taǵatsyzdana kútken shoý ótedi. Bul MMA aralas jekpe-jekten 4-i Qazaqstan chempıonaty men «Kóshpendiler aıqasy-7» kásipqoılar týrnıri. Asyǵa kútken aıtýly doda barysynda kórermender qazaqstandyq eń úzdik jaýyngerlerdiń ónerin «Habar» arnasynyń tikeleı efırinen tamashalaı alady.
Uıymdastyrýshylardyń aıtýynsha, osy jolǵy chempıonattyń burynǵydan basty ereksheligi - jekpe-jekke jergilikti chempıondar qatysyp, sheteldikterdi shaqyrý ıdeıasynan bas tartylǵan. Osyǵan oraı, Astanada Qazaqstannyń tanymal jekpe-jek klýbtarynyń ókilderi ózara kezdesetin bolady. Al «Kóshpendiler aıqasy-7» týrnıriniń basty tartysy «Kazakhstan MMA TOP TEAM» komandasynan Shavkat Rahmonov pen «Alash Pride» klýbynan Ádil Boranbaevtyń jekpe-jegi bolmaq.
«Biz alańǵa barlyq qazaqstandyq klýb ókilderiniń kil kúshtilerin shyǵarǵaly otyrmyz. Al 7-i kóshpendiler aıqasy MMA qoldaýy aıasynda ótedi. Bul MMA boıynsha Qazaqstannyń aralas jekpe-jeginiń tórtinshi chempıonaty. Jekpe-jek óneriniń dál osy túri elimizde qarqyndy túrde damyp keledi», - dedi Qazaqstan MMA Federatsııasynyń prezıdenti Anatolıı Kım.
Aıta keterligi, búgin týrnırge qatysýshylar salmaq ólshesip, betpe-bet júzdesip, qol alysty.
Eske sala keteıik, MMA aralas jekpe-jekten Qazaqstan chempıonatynyń fınaly men «Battle of Nomads-7» halyqaralyq kásipqoılar týrnıri 30 sáýirde saǵat 16.00-de «Barys-Arenada» ótedi.

Sankt-Peterbor ortopedteri astanalyq hırýrgtarǵa sheberlik dárisin ótkizdi
Dúısenbiden beri №2 qalalyq balalar aýrýhanasynda Sankt-Peterbordan kelgen ortoped dárigerler astanalyq áriptesterine sheberlik dárisin ótkizýde. Hırýrgtar qoly men aıaǵynyń damýynda týa bitken aýytqýshylyǵy barbir jasqa deıingi jáne odan asqan balalarǵa ota jasaıdy, dep habarlaıdy elordanyń resmı saıty.
Sheberlik dárisi hırýrgtardyń birlesken konsýltatıvtik qyzmeti túrinde uıymdastyryldy, bári birge naýqastardy tekserip, durys emdeý baǵdarlamasyn tańdaıdy. Operatsııalyq bólmede de birge jumys isteıdi, ota jasaý barysynda protsess týraly egjeı-tegjeıli aıtylyp, kómek kórsetiledi. Onyń ústine, qol jetkizgen nátıjeler talqylanady.
«Eń bastysy - belgili bir prıntsıpterdi úıretý. Óıtkeni, otany barlyǵy birdeı jasaıdy. Biraq jazý bir, al isteý basqa. Adamdar otanyń qalaı jasalatynyn kórgende, ony esinde saqtaıdy, budan keıin tek ýaqyt pen jeke tájirıbe ǵana qajet», - deıdi deıdi G.A.Albreht atyndaǵy Sankt-Peterbor qalasynyń medıtsınalyq-áleýmettik saraptamanyń ǵylymı-tájirıbelik jáne múgedekterdi ońaltý ortalyǵynyń bas dırektory Igor Shvedovchenko.
Buryn ata-analar balalardy emdeý úshin aqsha jınap, Reseıge baratyn. Endi biz muny óz qalamyzda jasaı alamyz. Astanalyq hırýrgtar oqýdan ótip, úzdik reseılik áriptesteriniń tájirıbesin úırenip, biliktiligin arttyryp, óz betinshe operatsııa jasaýǵa nıetti.
«Ár adam oń nátıjeni ártúrli elestetedi. Burynǵy patsıentterimniń arasynda paralımpıada chempıondary kóp. Adamdar úshin bul úlken jetistik. Biz qalyptasqan jaǵdaıdy túzete almaımyz, biraq adamdy qorshaǵan ortaǵa beıimdep, adam taǵdyryn ózgertip, onyń ómir súrý sapasyn arttyrý qolymyzdan keledi», - deıdi I. Shvedovchenko.
Jyl saıyn aıaǵy men qolynyń týa bitken aýytqýshylyqtary bar balalardyń sany ulǵaıady. Ótken jyly Astanada 160 náreste túrli kemistiktermen dúnıege kelgen, sonyń ishinde altaýynyń qoly durys damymaǵan. Bıyl qoly men aıaǵynyń týa bitken aýytqýshylyqtarmen 52 bala dúnıege kelse, onyń altaýynyń qolynda shaǵyn aýytqýshylyq bar.
Astanada áskerge attanǵan jastardy saltanatty túrde shyǵaryp saldy
Búgin elordada «Áskerge barý - azamattyq paryzym!» uranymen Qarýly Kúshteriniń qataryna jańadan shaqyrylǵandardy saltanatty túrde shyǵaryp salý ótti.
QR Qorǵanys mınıstrligi baspasóz qyzmetiniń habarlaýynsha, «Ońtústik» óńirlik qolbasshylyǵyna qyzmet etýge attanatyn 52 elordalyq shaqyrylýshy áskerı ant qabyldaǵannan keıin elimizdiń qorǵanys qabilettiligin nyǵaıtý boıynsha jaýapty tapsyrmalardy oryndaýǵa attanady.
«Balalarymyz bizdiń basymyzdan ótken surapyl soǵysty kórmesin dep tileımin. Ant qabyldaıtyn bozbalalarymyz laıyqty qyzmet etip, jaýyngerlik daıarlyq boıynsha bilimderin jetildire tússin», - dedi QR Parlamenti Májilisiniń depýtaty general-leıtenant Baqytjan Ertaev. Barlyq úmitkerler qatań irikteýden ótti. Shaqyrylýshylar joǵary moraldyq-iskerlik qasıetterge ıe, ortasha nemese joǵary bilimi, boılary men dene salmaqtarynyń arajigi qalypty.
«Qorǵanys mınıstrliginiń áskerı bólimderine shaqyrylatyn barlyq shaqyrylýshylardy jónelter aldynda biz jıyn pýnktinde olardy ári qaraı qyzmet ótkerýleri úshin áskerı kıimmen jáne barlyq qajettimen qamtamasyz ettik. Áskerı bólimderde tájirıbeli ofıtserler sarbazdardy áskerı mindettiń bastapqy ilimine oqytyp qana qoımaı, olar úshin jańa jaǵdaıda beıimdelýlerine kómektesedi. Búgin shaqyrylýshylardy saltanatty túrde shyǵaryp salý is-sharasynda jańadan shaqyrylǵandar Uly Otan soǵysynyń ardagerleri men QR Qarýly Kúshteriniń ardagerlerinen bata aldy», - dedi Astana qalalyq Qorǵanys isteri jónindegi departamenti bastyǵynyń orynbasary polkovnık Ǵanı Artyqov.
«Meniń oıymsha áskerde qyzmet etý - elimizdiń árbir azamatynyń mindeti jáne abyroıy. Qazaqstan Qarýly Kúshteriniń qataryna túskenime óte qýanyshtymyn. Barlyq bozbalalardyń atynan óz Otanyma adal jáne múltiksiz qyzmet etemin dep ant etemin», - dedi shaqyrylýshy Ardaq Árkenov. «Kóktem-2016» shaqyrý naýqany qyzý júrip jatyr. Shaqyrylýshylardy saltanatty túrde shyǵaryp salý dástúrge aınaldy. Jańadan shaqyrylǵandar úshin ekskýrsııa ótkizildi. Onda olar Qazaq handyǵynyń qurylýy, Qazaqstan tarıhynyń keńes ýaqyty men Uly Otan soǵysy jyldaryndaǵy biregeı áskerı eksponattarmen, sondaı-aq atys qarý-jaraǵymen, áskerı-áýe jáne áskerı-teńiz kerek-jaraǵymen usynylǵan qazirgi ýaqyttaǵy jádigerlermen tanysty. Osy ataýly kúnmen shaqyrylýshylardy quttyqtaýǵa týǵan-týysqandary men jaqyndary, Uly Otan soǵysynyń ardagerleri, Aýǵanstandaǵy soǵysqa qatysýshylar, Qarýly Kúshteriniń ardagerleri, Qorǵanys mınıstrliginiń ókilderi, áskerı-tehnıkalyq mektep tárbıelenýshileri men áskerı-patrıottyq klýbtardyń qatysýshylary keldi.

Balabaqsha ashýǵa basymdyq beriledi - Aptalyq sholý
Osy aptanyń basynda elordada Elbasy Nursultan Nazarbaevtyń tóraǵalyǵymen «Táýelsizdik. Kelisim. Bolashaǵy birtutas ult» kún tártibimen Qazaqstan halqy Assambleıasynyń XXIV sessııasy ótti. Beıbitshilik pen kelisim saraıynda uıymdastyrylǵan sharaǵa 1500-den astam adam qatysty. Olardyń qatarynda elimizdiń barlyq óńirlerinen kelgen Assambleıa músheleri men ardagerleri, respýblıkalyq, óńirlik etnomádenı birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń, Úkimettik emes uıymdardyń basshylary, joǵary oqý oryndarynyń rektorlary, shet memleketterdiń dıplomatııalyq mıssııalarynyń ókilderi, ǵylymı, shyǵarmashylyq jáne ıntellıgentsııa ókilderi boldy.
Atap aıtqanda, QHA-nyń osy sessııasy Táýelsizdiktiń 25 jyldyǵyna arnalǵan is-sharalardy bastap beredi.
«Qazaqstan halqy Assambleıasy - bizdiń Táýelsizdigimizdiń eń asyl qundylyqtarynyń biri. Osy jańa qoǵamdyq ınstıtýtty bekitýdi 1992 jyldyń jeltoqsan aıynda, Táýelsizdigimizdiń bir jyldyǵy qarsańynda usynys jasaǵanymnyń ózindik máni bar. Qazir kópshilik sol kezeńniń qanshalyqty kúrdeli bolǵanyn bile bermeıdi. Al sol tusta dúnıege kelgender qazir 25 jasqa tolyp, eresek adam boldy. Olar bizdiń basymyzdan ótkergenimizdiń kóbin bilmeıdi», - dedi Elbasy.
Sonymen qatar, N. Nazarbaev Táýelsizdiktiń alǵashqy jyldarynda Keńes Odaǵy ydyraǵannan keıin birqatar elderde qantógister oryn alǵanyn eske salyp, olardyń keıbirinde qaqtyǵystar áli de jalǵasyp turatynyn atap ótti.
«Árıne, qaterler zor boldy. Degenmen, bizge qatysty aıtylǵan eń soraqy boljamdardyń barlyǵy Qazaqstandy aınalyp ótti. Bul kezdeısoqtyq emes, bizdiń memleketimizdiń nysanaly jumystarynyń nátıjesi bolatyn. Biz dostyqty saqtap qaldyq. Halyqtyń erik-jigeri arqasynda biz bir shańyraq astynda ómir súrip jatqan barlyq etnostardyń teń quqylyǵy, birligi men kelisim jolyn tańdadyq. Qazaqstan halqy Assambleıasy - bul bizdiń Táýelsizdigimizdiń jemisi. Ol kez kelgen qaterlerden joǵary turdy», - dedi N. Nazarbaev.
Eń mańyzdysy - sessııada «Máńgilik El» Patrıottyq aktisi qabyldandy. Osy mańyzdy qujattyń kópten beri daıyndalyp, dál bıylǵy meıirli jylda qabyldanýy aıryqsha mańyzǵa ıe.
«Biz bul jolda máńgilik bolashaǵyn oılaıtyn dana halyq bolaıyq. Patrıottyq akt - halqymyzdyń búgingi ómirine de, bolashaǵyna da tikeleı yqpal etetin mańyzdy qundylyqtardyń jıyntyǵy. Qujattyń árbir tarmaǵy halqymyzdyń júregine berik oryn alaryna senemin»,- dedi Prezıdent.
Patrıottyq aktide kórsetilgen barlyq máseleler qazaq halqynyń kókeıinde júrgen, ata-babamyzdyń kókeıinde júrgen oılardy qamtyp otyr.
«Sondyqtan elimizdegi basqa aǵaıynymyzdy, bizdiń basqa azamattarymyzdy osyǵan baýlý úshin, túsindirý úshin barlyǵymyz jumyla jumys jasaýymyz kerek. Patrıottyq akt - Táýelsiz Qazaqstannyń negizin qalaǵan býynnyń keıingi urpaqqa amanaty. Ár adamnyń júreginen oryn alatyn nárse. Ondaǵy qundylyqtardy máńgi qasterlep, damyta bilsek - «Máńgilik El» bolý degen osy. Árbir qazaqstandyqtyń sanasyna osyny sińdirý - bizdiń paryzymyz. «Máńgilik Eldiń» myzǵymas qundylyqtaryn, birlikti bárinen bıik qoıatyn birtutas el ǵana júzege asyra alady. Biz osyndaı bolashaǵy birtutas eldi jasaıyq dep otyrmyz», - dep atap ótti Elbasy.
Astana kólik keptelisimen kúresedi
Bul aptanyń ortasynda elordada QR Prezıdenti Nursultan Nazarbaevtyń tóraǵalyǵymen Astana qalasynyń áleýmettik-ekonomıkalyq damýy men EKSPO kórmesi máselelerine arnalǵan keńes ótti.
Memleket basshysy kelesi jyly Astanada búkilálemdik halyqaralyq EKSPO kórmesi ótetindigin, oǵan barlyq memlekettik ortalyq organdar, ulttyq kompanııalar, damý ınstıtýttary atsalysyp jatqandyǵyn basa aıtty. «Búkil el bolyp halyqaralyq kórmeni kúsh salyp, joǵary deńgeıde ótkizýimiz qajet», - dedi N.Nazarbaev.
Budan bólek, Prezıdent shahardaǵy kólik máselesine toqtalyp, kólik keptelisterin sheshýdi tapsyrdy. «Qazirdiń ózinde qalada kólik keptelisi qalypty jaǵdaıǵa aınaldy. Men ony kútken emespin. Bul másele paıda boldy bizde. Endi osy baǵytta jumys isteý kerek. Eger qazir osy máseleni sheshpesek, birneshe jyldan soń, bizdiń qalada kóliktik kollaps bolady. Bizdiń elordada kólik qoıatyn oryndardyń máselesi sheshilmegen. Qoǵamdyq kólikterde elektrondy tólem jasaý júıesi joq. Jyldamyraq engizý qajet. LRT qurylysy baıaý júrýde», - dep atap ótti N. Nazarbaev.
Baıandama jasaǵan Astana ákimi Ádilbek Jaqsybekov aldaǵy jyldary elordanyń arhıtektýralyq kelbeti jańarady jáne jańa eleýli ǵımarattarmen tolyǵa túsetinin jetkizdi. Áýejaıdyń jańǵyrtylýy, temirjol vokzaly, Horeografııa akademııasy, Ábý-Dabı Plaza, Jasyl aýdan turǵyn úı alaby, Rıts Karlton qonaq úıi jáne ózge de nysandar salynady. Sonymen qatar EKSPO-2017 kórmesine oraı, 24 qonaq úı kesheni jáne 15 myń orynǵa EKSPO qalashyq turǵyzylady.
Bul turǵyda Memleket basshysy qurylys barysynda balabaqshalardyń salynýyn kózden tasa qylmaýdy tapsyrdy. Sebebi Astana balabaqshamen qamtý deńgeıi boıynsha sońǵy oryndarda tur.
«Qyrýar turǵyn úıler paıdalanýǵa berilip jatyr. Bul úılerdiń tómengi qabattarynda balabaqsha bar ma? Munda barlyq qurylys kompanııalarynyń basshylary otyr, biz olarǵa qarajat beremiz, nesıe beremiz. Biz ol turǵyn úılerdiń ishinde balabaqsha bolýyn qarastyryp, talap qoıýymyz kerek. Záýlim ǵımarattar salyp kerek emes. Úı qurylysyna ruqsat berer kezde, olardyń birinshi qabattarynda balabaqsha salynýy tıis degen talap qoıyńyzdar. Barlyq álemde solaı», - dedi N.Nazarbaev.
Jıyn barysynda EKSPO-qalashyǵyndaǵy Qazaqstan pavılonynyń qandaı bolatyndyǵy aıtyldy.
«Astana EKSPO-2017» kompanııasynyń basshysy Ahmetjan Esimovtiń sózine qaraǵanda, qazirgi ýaqytta Qazaqstan pavılonynyń tujyrymdamasy ázirlenip, bekitildi. Sferanyń taqyryptyń tujyrymdamasy «Bolashaq energııasy mýzeıi» retinde usynylǵan. 5 myń sharshy metr alańdy alyp jatqan sferalyq aımaq bolady. Birinde Qazaqstanmen tanysýǵa bolsa, ekinshisi «Jasampazdyq energııasy» aımaǵy bolyp bólinedi.
Pavılonnyń birinshi bóliginde Qazaqstannyń tabıǵaty, mádenıet men tarıhy, búgini men bolashaǵy usynylatyn bolady. Bul jumys Mádenıet jáne sport mınıstrligimen birge júrgizilýde.
Al «Jasampazdyq energııasy» aımaǵynda otandyq ǵalymdardyń «Jasyl ekonomıka» taqyrybyndaǵy úzdik jobalary kelýshiler nazaryna usynylady. Jobalardy irikteý jumysymen Energetıka mınıstri aınalysady.
«Ózińiz maquldaǵan kórmeniń basty nysany sferanyń jumys qujattamasy ázirleýshiler bizdi sendirgendeı 11 mamyrda daıyn bolady. Sodan keıin ony naqty júzege asyrýǵa kirisemiz», - dedi ol Elbasy N.Nazarbaevqa qarata.

«Qaısar-2016» keshendi oqý-jattyǵýy ótti
Osy aptada Almaty oblysynyń Zarechnoe kenti mańynda ornalasqan QR Ulttyq ulany «Búrkit» Jaýyngerlik jáne Ádistemelik daıyndyq ortalyǵynda lańkestikke qarsy «Qaısar-2016» keshendi oqý-jattyǵýy ótti. Oǵan Qazaqstan Respýblıkasynyń barlyq kúsh qurylymdarynyń arnaıy maqsattaǵy bólimsheleri qatysty. Olardyń ishinde QR Ulttyq ulanynyń «Búrkit» arnaıy maqsattaǵy bólimshesi, QR ІІM «Suńqar» jáne «Arlan» bólimsheleri, QR UQK «Arystan» arnaıy maqsattaǵy jasaǵy, sondaı-aq, QR Ulttyq ulanynyń áskerı barlaý bólimshesi men QR Memlekettik kúzet qyzmetiniń «Qalqan» bólimshesi bar. Operatsııaǵa barlyǵy 150-den astam jaýyngerler men ofıtserler jumyldyryldy.
Bıylǵy «Qaısar-2016» oqý-jattyǵýynyń barysyn QR Prezıdenti Nursultan Nazarbaevtyń ózi baqylap, tıisti baǵasyn berdi. Oqý-jattyǵý barysynda oǵan qatysqan bólimsheler ózara birlese otyryp, ár túrli jaǵdaıda adamdardy kepildikke alǵan lańkesterge qarsy tıimdi de nátıjeli operatsııalar uıymdastyrdy.
Aıta ketelik, QR Prezıdenti Nursultan Nazarbaev oqý-jattyǵý sharasynyń aldynda osy ortalyqty arnaıy aralap kórip, tıisti nusqaýlar berdi. «Qaısar-2016» keshendi oqý-jattyǵýyna daıarlyq 2015 jyldyń jeltoqsan aıynan bastap júrgizilgenin aıta ketken jón.
Qazaqstan Qarýly Kúshteriniń Joǵarǵy Bas qolbasshysy keshendi oqý-jattyǵý aıasynda jekelegen áskerı bólimderge áskerı abyroı men aıbyndylyqtyń belgisi retinde jaýyngerlik týlardy tabys etti.
QR Ulttyq ulany 5572 áskerı bólimi men QR Qorǵanys mınıstrliginiń Bas barlaý basqarmasy 22750 áskerı bóliminiń komandırlerine saltanatty jaǵdaıda jaýyngerlik týlardy tabystaı otyryp, Prezıdent áskerı bólimderdi jaýyngerlik boryshqa adal bolýǵa shaqyrdy.
Sonymen qatar, Memleket basshysy búgingi oqý-jattyǵýǵa qatysqan arnaıy maqsattaǵy bólimshelerdiń alty sarbazyna páter kiltin tabys etti.

Óndiristik jaraqattaný kórsetkishteri aıtarlyq tómendeıdi
Ótip bara jatqan bul aptada QR Densaýlyq saqtaý jəne əleýmettik damý mınıstri Tamara Dúısenova Astanada ótken eńbekti qorǵaý jáne ónerkásiptik qaýipsizdik taqyrybyna arnalǵan VI qazaqstandyq halyqaralyq konferentsııaǵa qatysty.
«Resmı derekterge sáıkes, 367 myń adam zııandy jaǵdaıda jumys isteıdi. Qazaqstanda ərbir tórtinshi adam qaýipti əri zııandy eńbek jaǵdaıynda eńbek etedi. Ótken jyldyń qorytyndysynda 675 adam zııandy eńbek jaǵdaıynda jumys istegeni úshin eńbek demalysy, ústemaqy, qysqartylǵan jumys kúni túrinde ótemaqy aldy. Bul maqsattarǵa jumys berýshiler 103,5 mlrd. teńge kóleminde qarjy bóldi. Bul 2014 jylmen salystyrǵanda 7 paıyzǵa artyq», - dedi vedomstvo basshysy.
Mınıstrdiń aıtýynsha, sońǵy on jylda elimizde óndiristik jaraqat eki esege qysqaryp otyr. Degenmen, buǵan qaramastan respýblıka boıynsha jyl saıyn eki myń adam óndiristik jaraqat alsa, onyń úsh júzge jýyǵy kóz jumady.
Budan bólek, T. Dúısenova 2020 jylǵa deıin ekonomıkanyń barlyq salalaryn qamtıtyn 550 kásibı standart ázirleý aıaqtalatynyn atap ótti. Memleket kásipodaqtardy eńbek jaǵdaıyn jaqsartý isindegi strategııalyq seriktesi retinde qoldap, qyzmetterin yntalandyra beredi. Búginde kásipodaqtar qaýipsiz eńbek jaǵdaıyn qurý, kásibı standarttar ázirleý men qyzmetkerlerdiń biliktiligin taný boıynsha usynystar ázirleý protsesine qatysý múmkindigine ıe bolyp otyr.
«Biz qazirgi ýaqytta biliktiliktiń ulttyq júıesin engizý ústindemiz. Biz jyl saıyn jumys berýshiler usynatyn shamamen 20-25 myń bos jumys ornynyń qamtylmaı qalatyndyǵyn aıtamyz. Bul jumys berýshiler qoıyp otyrǵan talaptarǵa ár ýaqytta da bizdiń joǵary, orta oqý oryndary túlekteriniń nemese oǵan deıin belgili bir mamandyǵy bar jumysshynyń saı kele bermeýinen oryn alýda»,- dedi mınıstr.
Onyń atap ótýinshe, osyǵan oraı mınıstrlik jumys berýshilermen birlese otyryp, biliktiliktiń ulttyq shegin engizetin bolady. ıAǵnı, joǵary oqý oryndary men kolledjderge arnalǵan kásibı standarttar ázirlenedi. Aıta keterligi, qazirgi ýaqytta jumys berýshiler ázirlegen kásibı standarttarmen jumys isteıtin 10 joǵary oqý orny men 11 kolledj Úkimet tarabynan iriktelip alynǵan bolatyn.
«Bul jumystar qazirgi ýaqytta Úkimet tarabynan bizdiń áleýmettik seriktesterimizben birge júrgizilýde jáne 2020 jylǵa deıin ekonomıkanyń barlyq salalaryn qamtıtyn 550 kásibı standart ázirleýdi aıaqtaǵymyz keledi. Bul baǵyttar 2030 jylǵa qaraı óndiristik jaraqattaný men kásibı syrqattaný kórsetkishterin aıtarlyq azaıtyp, álemniń damyǵan elderindegi deńgeıge jetýge septigin tıgizedi dep úmittenemiz», - dedi T.Dúısenova.
Azyq-túlik qaýipsizdigi jónindegi Islam uıymy Bas Assambleıasyna Qazaqstan tóraǵalyq etedi
Bul aptada QR Prezıdenti Nursultan Nazarbaev elordada ótken Azyq-túlik qaýipsizdigi jónindegi ıslam uıymy Bas Assambleıasynyń quryltaıshy sessııasy qatysýshylaryna úndeý joldady. Úndeýdi QR Premer-Mınıstri Kárim Másimov jarııa etti.
«Azyq-túlik qaýipsizdigi jónindegi Islam uıymy Bas Assambleıasynyń tusaýkeser sesııasyna qatysýshylarǵa! Qurmetti hanymdar men myrzalar! Azyq-túlik qaýipsizdigi jónindegi Islam uıymy Bas Assambleıasynyń tusaýkeser sessııasyna «Uly dala eliniń» elordasy Astanaǵa qosh keldińizder! 2011 jyly IYU Syrtqy ister mınıstrleri 38-shi keńesine tóraǵalyǵymyz barysynda kóterilgen ózara azyq-túlik járdem qoryn qurý týraly bastamanyń qoldaý tapqanyna shynaıy rızashylyǵymdy bildiremin. Atalǵan uıym hatshylyǵynyń Astanada ornalasýyn Qazaqstan úshin erekshe senim men jaýapkershilik dep túsinemiz. Islam álemi asharshylyqty joıý, aýyl sharýashylyǵyn damytý, azyq-túlik qaýipsizdigin qamtamasyz etý sııaqty kókeıtesti máselelerdi sheshýden shet qalmaýy tıis. IYU-ǵa múshe memleketter kúsh-jigerlerin jumyldyrý arqyly azyq-túlik qaýipsizdigin qamtamasyz etýge qomaqty úles qosa alady. Óz kezegimizde elimizdiń aýyl sharýashylyǵy, kólik-logıstıkalyq jáne eksporttyq júıeleriniń áleýetin barynsha paıdalanýǵa ázirmiz. Aldaǵy ýaqytta IYU-ǵa múshe barlyq elder Azyq-túlik qaýipsizdigi jónindegi Islam uıymyna qosylatynyna senim bildiremin», - delingen QR Prezıdenti úndeýinde.
Atap aıtqanda, Azyq-túlik qaýipsizdigi jónindegi Islam uıymy Bas Assambleıasyna Qazaqstan tóraǵalyq etedi.
«Eń aldymen, Azyq-túlik qaýipsizdigi jónindegi Islam uıymy Bas Assambleıasynyń tóraǵasy laýazymyna Qazaqstan Respýblıkasynyń kandıdatýrasyn qoldaǵandaryńyz úshin shyn júrekten alǵysymdy bildiremin. Sonymen qatar, Azyq-túlik qaýipsizdigi jónindegi Islam uıymy tóraǵasynyń orynbasarlaryn da osy laýazymǵa taǵaıyndalýlarymen quttyqtaýǵa ruqsat etińizder. Biz Azyq-túlik qaýipsizdigi jónindegi Islam uıymy músheleriniń quramyna jańa memleketterdiń qosylýyna kýá bolyp otyrmyz jáne qatysýshy memleketterdiń sany 29 elge jetti», - dedi QR Aýyl sharýashylyǵy mınıstri Asyljan Mamytbekov.
Aıta keterligi, Azyq-túlik qaýipsizdigi jónindegi Islam uıymy tóraǵasynyń orynbasarlary bolyp Kot-d Ivýar men Palestına ókilderi saılandy.
Sonymen qatar quryltaıshy sessııada uıym hatshylyǵynyń bas dırektory bolyp Erjan Jalmuqanov saılandy.
Islam yntymaqtastyq uıymy bas hatshysynyń ekonomıkalyq máseleler jónindegi orynbasary Hamıd A.Opeloıerýdiń sózine qaraǵanda, Azyq-túlik qaýipsizdigi jónindegi ıslam uıymy Bas Assambleıasynyń otyrysy jylyna 1 ret Astanada ótkiziledi.
«Bul jıynda biz uıymnyń atqarýshy keńesin qurdyq. Ol jylyna keminde bir ret Astanada ótetin bolady. Óıtkeni, Astana bul uıymnyń shtab-páteri sanalady. Al endi uıymnyń Bas Assambleıasyna qatysty aıtar bolsam, ol da jylyna bir márte bas qosady», - dedi ol.
IYU Bas hatshysynyń orynbasary da Azyq-túlik qaýipsizdigi jónindegi ıslam uıymynyń bıýdjeti qatysýshy elderdiń jarnasy esebinen qalyptastyrylatyndyǵyn atap ótti.
«Uıymnyń atqarýshy keńesine Túrkııa, Saýd Arabııasy, Bangladesh, Býrkıno-Faso, Qazaqstan, Sýdan, Nıgerııa jáne hatshylyq bas dırektory kiredi. Olardyń barlyǵy 3 jylǵa saılanady», - dedi H.A.Opeloıerý.

Elordada «Olımpıada oıyndaryna deıin 100 kún» aktsııasy ótedi
30 sáýirde saǵat 12.00-de «Han Shatyr» saýda oıyn-saýyq ortalyǵynyń janyndaǵy alańda Ulttyq olımpıada komıteti elorda ákimdigimen jáne QR Mádenıet jáne sport mınıstrligimen birlesip uıymdastyratyn «Olımpıada oıyndaryna deıin 100 kún» aktsııasy bastalady. Bul týraly elordanyń resmı saıty habarlady.
Uıymdastyrýshylardyń aıtýynsha, tamyz aıynda Rıo-de-Janeıroda el namysyn qorǵaıtyn otandyq sportshylardy qoldaý maqsatynda Olımpıadaǵa deıin qalǵan 100 kún atalyp ótpek.
Interaktıvti formattaǵy aktsııa barysynda grek-rım, erkin, áıelder arasyndaǵy kúres balýandary, boksshylar, dzıýdoshylar, aýyr atletter, tennısshiler, gımnasttar, karateshiler, sondaı-aq, kásipqoı parkýrshylar men ýrban mádenıetiniń basqa da ókilderi óz ónerlerin ortaǵa salmaq.
Sharaǵa qazaqstandyq tanymal sportshylar, sonyń ishinde olımpıadaǵa lıtsenzııalar jeńip alǵan sportshylar da qatysady.

Jol jóndeý jumystaryna 100-den astam jumyssyz qala turǵyny tartylady
Elordada jol jóndeý jumystaryna 100 astam jumyssyz qala turǵyny tartylady. Bul týraly qalanyń resmı saıty habarlaıdy.
«Jumyspen qamtý jol kartasy - 2020» baǵdarlamasy aıasynda jumyssyz júrgender jumys isteıtin bolady. Búgingi tańda konkýrstyq protsedýralar júrgizilýde, al mamyr aıynyń sońynda jóndeý jumystarymen aınalysatyn kompanııalar anyqtalady, sodan keıin jumys berýshilerge jumysqa muqtaj azamattar jiberiletin bolady.
«Mysaly, «Jumyspen qamtý jol kartasy - 2020» baǵdarlamasy boıynsha jol salýǵa ótkizilgen konkýrsta jeńiske jetken kompanııa Jumyspen qamtý ortalyqtarynyń joldamasymen jumyssyz júrgenderdiń ishinen jumys isteý úshin 50 paıyzyn qabyldaýǵa mindetti. Azamattar óz kelisimin bergende ǵana tıisti jumystarǵa jiberiledi. Sodan keıin jumys berýshiler áńgimelesý kezinde olardyń kandıdatýrasyn qarastyrady. Jumysshy mamandyqtar boıynsha tájirıbeniń bolýy qajet emes», - dedi qalalyq Jumyspen qamtý ortalyǵy taldaý bóliminiń basshysy Marat Qadyrbaev.
Josparǵa sáıkes, jumyssyz júrgen 137 qala turǵyny Imanbaeva, Mustafın, Otyrar, Nájimedenov kóshelerinde jáne Abylaı han dańǵylynda aǵymdaǵy jáne ortasha jóndeý jumystaryna tartylady.
Jalpy, bıyl jumyssyz júrgenderdiń kúshimen elordada 55 túrli nysandy jóndeledi, sondaı-aq jol jóndeý jumystary da júrgiziledi, 1 133 jumys orny qurylmaq. Salystyrý úshin, ótken jyly 10 joba boıynsha 144 jumys orny ashyldy.
Astana qalasynyń ákimdigi Jumyspen qamtý ortalyǵynyń málimetinshe, qazirgi kezde elordada 4 597 jumyssyz tirkelgen, sonyń ishinde 1 998 adam jumysqa ornalastyryldy.

Astanada kúıshi Dına Nurpeıisovanyń 155 jyldyǵyna oraı lektsııa-kontsert ótti
Ulttyq mýzeıde Dına Nurpeıisovanyń 155 jyldyq mereıtoıyna arnalǵan kúıshi, halyqaralyq jáne respýblıkalyq baıqaýlardyń laýreaty Aıtolqyn Toqtaǵannyń «Bulbul» atty lektsııa-kontserti ótti.
Mýzeıdiń aqparattyq-ımıdjdik qyzmetiniń habarlaýynsha, sharanyń ashylýynda sóz alǵan Ulttyq mýzeı dırektory Darhan Myńbaı kúı anasy Dına Nurpeıisovanyń shyǵarmashylyǵy týraly aıta kele, onyń izin jalǵap kele jatqan Aıtolqyn Toqtaǵan sekildi jastardyń óner jolyndaǵy talpynystaryna sáttilik tiledi.
«Dına - keshegi halyq sazgerleriniń shyǵarmalaryn bizge deıin jetkizgen sheber oryndaýshy. Qurmanǵazynyń shákirti. Qazaqtyń kúıshilik ónerine óshpes iz qaldyrǵan tulǵa. 8-9 jasynan bastap oryndalýy qıyn kúılerdi meńgerip alǵan. Minekı, bizdiń óner jolynda júrgen talantty Aıtolqyndaı jastarymyz osy anamyzdan qalǵan asyl murany jalǵastyrýshy urpaq. Sondyqtan da jas ónerpazdarǵa sáttilik tileı otyryp, shyǵarmashylyq shabyttaryńyzdyń sharyqtaı berýine shyn júrekten tilektespin», - dedi D.Myńbaı.
Shara aıasynda Aıtolqyn Toqtaǵan Dınanyń «Kógentúp», «Jańa bozsholaq», «On altynshy jyl», «Bulbul» t.b. kúılerin naqyshyna keltirip oryndaýmen qatar, olardyń shyǵý tarıhyna da toqtalyp otyrdy. Budan bólek, zalǵa jınalǵan qonaqtar Qurmanǵazy, Táttimbet, Dáýletkereı, Baıjigit, Súgir, Seıtek syndy birqatar halyq kompozıtorlarynyń týyndylaryn tyńdady.
Sondaı-aq, QR Tuńǵysh Prezıdent qory syılyǵynyń ıegeri, ánshi Erlan Rysqalı ánnen shashý shashyp, óner súıer qaýymǵa tamasha kóńil-kúı syılady.
Aıta keteıik, is-sharany Ulttyq mýzeı janynan qurylǵan «Halyq qazynasy» ǵylymı-zertteý ınstıtýtynyń qazaq halqynyń dástúrli mýzykalyq ónerin jańǵyrtý men nasıhattaýǵa arnalǵan «Dástúrli mýzykalyq mura» baǵdarlamasy aıasynda ótti.
Elordada «Olımpıada oıyndaryna deıin 100 kún» aktsııasy aıasynda aspanǵa 100 shar ushyryldy
Búgin «Han Shatyr» saýda oıyn-saýyq ortalyǵynyń janyndaǵy alańda Ulttyq olımpıada komıteti elorda ákimdigimen jáne QR Mádenıet jáne sport mınıstrligimen birlesip, «Olımpıada oıyndaryna deıin 100 kún» aktsııasyn ótkizdi.
Bul týraly QR Ulttyq Olımpıadalyq komıteti habarlady.
Jazǵy Olımpıada oıyndaryna úsh aıdan astam ýaqyt qaldy. Osy kúnderi búkil álemde baıraqty jarysqa 100 kún qalǵanyn atap ótýde.
Sharanyń basty maqsaty - olımpıadalyq qozǵalysty nasıhattap, Rıo-de-Janeırodaǵy Olımpıada oıyndaryna attanatyn sportshylarǵa qoldaý bildirý.
Astana qalasyndaǵy «Han Shatyr» OSO mańyndaǵy alań sport ortalyǵyna aınaldy. Arnaıy sporttyq aımaqtar jasalyp, sol jerde boks, kúres, velosport, taekvondo, dzıýdo, aýyr atletıka, trıatlon, tennıs sııaqty olımpıadalyq sport túrlerinen ulttyq federatsııalar arnaıy sheberlik sabaqtaryn, túrli baıqaýlar ótkizip, sportshylardyń qoltańbalaryn taratty.
Bul kúni alańǵa at basyn burǵan kez kelgen adam ózin naǵyz sportshy sııaqty sezinýge múmkindik aldy. Olımpıadalyq sport túrlerinen basqa street workout (strıt ýorkaýt) jáne parkýr da óz ónerlerin kórsetti.
Sharaǵa QR Mádenıet jáne sport mınıstri Arystanbek Muhamedıuly, Astana qalasynyń ákimi Ádilbek Jaqsybekov, QR Ulttyq Olımpıadalyq komıteti bas hatshysy Danııar Abýlgazın, ataqty sportshylar ıÝrıı Melnıchenko, Gıýzel Manıýrova, Danııar Eleýsinov, Ashat Jitkeev, Arman Chılmanov, Darıǵa Shákimova, Lıazzat Kúngeıbaeva, ıÝrıı Şýkın, Sabına Áshirbekova qatysty.
«Olımpıadaǵa 100 kún» sharasy aıasynda kókke 100 shar ushyryldy.
Astana tártip saqshylarynyń patrýldik qaıyǵy Esil ózeninde qyzmet etedi
Astana akvatorııindegi Esil ózeninde polıtsııa Qazaqstanda shyǵarylǵan «Kazboat-47» patrýldik qaıyǵymen tártip kúzetedi.
Astana qalalyq ІІD-niń basshysy, polıtsııanyń general-maıory Amantaı Áýbákirovtiń aıtýynsha, «Kazboat-47» qaıyǵymen elordalyq polıtseıler baqylaý júrgizedi. Olardyń mindetine Astana akvatorııiniń Esil ózeninde tártipti kúzetý, jedel-izdeý, sondaı-aq qutqarý jumystaryn júrgizý kiredi. Keme sýdaǵy polıtsııa pýnkti bolyp esepteledi.
Polıtsııa jasaǵynyń quramyna Astana qalalyq ІІD jergilikti polıtsııa qyzmetiniń jol-patrýldik polıtsııa polkiniń arnaıy daıyndyqtan ótken eki qyzmetkeri jáne bir keme júrgizýshisi kiredi. Patrýldeý ýaqyty - kún saıyn saǵat 14:00-den bastap, 21:00-ge deıin. Polıtsııanyń kemesi dabyl, jyljymaly radıo qurylǵy jáne barlyq qajetti arnaıy quraldarmen, sondaı-aq qutqarý kúrtelerimen, órt sóndirgish quraldar jáne alǵashqy medıtsınalyq kómek kórsetýge arnalǵan qobdıshamen jabdyqtalǵan.

Astanalyqtar Olımpıada oıyndaryna 100 kún qalǵanyn atap ótti
Qala ákimi Ádilbek Jaqsybekov Rıo-de-Janeırodaǵy Olımpıada oıyndarynyń bastalýyna 100 kún qalǵanyna oraı ótken sporttyq sharaǵa qatysty, dep habarlady qalalyq ákimdiktiń baspasóz qyzmetinen.
Sonymen birge, sharaǵa Mádenıet jáne sport mınıstri Arystanbek Muhamedıuly jáne Ulttyq Olımpıada komıtetiniń bas hatshysy Danııar Ábilǵazın qatysty.
Tórtjyldyqtyń basty sport jarysynyń bastalýyna qalǵan 100 kúndi búkil álemde atap ótedi. Osy kúni júzdegen elordalyq turǵyn Rıoda el namysyn qorǵaıtyn bizdiń sportshylarymyzdy qoldaý úshin jınaldy. Olar sportshylardyń ónerin tamashalap, túrli jarystar men sheberlik dáristerine qatysty. «Han Shatyr» saýda-oıyn-saýyq ortalyǵynyń mańy naǵyz sporttyq alańǵa aınaldy.Elorda ákimi olımpıadashylardy tórtjyldyqtyń basty dodasynyń jaqyndaýymen quttyqtaı otyryp, olarǵa úlken tabys tiledi, al jınalǵandardy sportpen aınalysýǵa shaqyrdy.«Qazaqstan sportshylary Olımpıada oıyndarynda joǵary nátıjege qol jetkize alatynyna senimdimin. Olarǵa sáttilik jáne densaýlyq tileımin. Bul - álemdegi eń eleýli jáne aýqymdy sharalardyń biri. Búginde bizdiń sportshylar Olımpıadanyń 82 joldamasyn jeńip aldy. Elimizde Prezıdenttiń tapsyrmasymen sportshylar úshin barlyq jaǵdaı jasalǵan, sondyqtan olar jaqsy nátıje kórsetedi dep senemiz, al biz, jankúıerler, olardy qoldap, demeý kórsetemiz», - dedi Á. Jaqsybekov.Rıo-de-Janeıro Olımpıadasyna deıin úsh aıdan asar-aspas ýaqyt qalǵany belgili, jáne qazir otandyq sportshylar joǵary nátıje kórsetý úshin jarysqa daıyndyqtaryn pysyqtaı túsken.Olımpıada joldamalarynyń qorjynyna elordalyq sportshylardyń qosqan úlesi de qomaqty. Búgingi kúni astanalyqtar 2016-shy jylǵy Oıyndarǵa sporttyń 8 túri boıynsha 13 lıtsenzııa jeńip alǵan. Alaıda qalalyq dene shynyqtyrý jáne sport basqarmasynyń basshysy Berik Marjyqpaevtyń aıtýynsha, lıtsenzııalar áli de bolady.Rıo-de-Janeıroda ótetin sport jarysynda el namysyn qorǵaıtyndardyń biri - bokstan Qazaqstan quramasynyń kapıtany, álem chempıony jáne AIBA-nyń úzdik boksshysy Danııar Eleýsinov.- Men, shynyn aıtatyn bolsam, joǵary nátıjege - «altyn» alýdan úmittimin. Rıoǵa «altyn» úshin baramyn, óıtkeni eger «kúmis» nemese «qola» alam desem, qarsylasyma birinshi nemese ekinshi jekpe-jekte ese jiberýim múmkin. Olımpıada «altynyn» jeńip alyp, barlyǵyn, barsha Qazaqstan halqyn, óz otbasymdy jáne birinshi kezekte, ózimdi baqytty etkim keledi, - dep pikir bólisti Qazaqstannyń olımpıada quramasynyń múshesi jáne elordalyq boks mektebiniń ókili D.Eleýsinov.Sharaǵa sondaı-aq, belgili qazaqstandyq sportshylar ıÝrıı Melnıchenko, Gıýzel Manıýrova, Ashat Jıtkeev, Arman Chılmanov, Darıǵa Shákimova, Lázzat Kúngeıbaeva, ıÝrıı Şýkın, Sábına Áshirbekova jáne t.b. qoldaý bildirdi.Astanada ótkizilgen aktsııanyń nyshany retinde shara sońynda aspanǵa 100 áýe shary saltanatty jaǵdaıda ushyryldy.