«Sholpan» jýrnaly men «Aq jol» gazeti jeke kitap bolyp basylyp shyqty
ALMATY. 19 sáýir. QazAqparat - Bul eki basylymdaǵy maqalalar búgingi ǵylymǵa óte qundy málimetter beredi.
Ony fılologııa ǵylymdarynyń doktory Tursynbek Kákishev keshe Almatyda «Sholpan» jýrnaly men «Aq jol» gazetteriniń kóptomdyqtarynyń tanystyrylý rásiminde aıtty.
T. Kákishevtiń aıtýynsha, bul jınaqtar ótken ǵasyrdyń alǵashqy shıregindegi qazaq til biliminiń qanshalyqty damyǵandyǵyn aıqyn kórsetedi. Olardyń túpnusqasyn jınaqtap, baspaǵa daıyndaǵan belgili ǵalym, «Parasat» ordeniniń ıegeri Hanbıbi Esenqaraqyzynyń sózine qaraǵanda, kitapty shyǵarýǵa Qazaqstandaǵy, Reseıdegi jáne Ózbekstandaǵy Ulttyq kitaphanalardyń zor kómegi tıgen.
«Sholpan» jýrnalynyń 1922-1923 jyldar aralyǵynda jaryq kórgen sandaryn tóte jazýdan kırıllıtsaǵa aýdaryp shyqqan Ońtústik Qazaqstan memlekettik ýnıversıtetiniń dotsenti Sársebaı Káribaev pen Ońtústik Qazaqstan oblysy Saıası qýǵyn-súrgin qurbandary murajaıynyń ǵylymı qyzmetkeri Nursulý Tóleeva. Al «Aq jol» gazetiniń kóptomdyǵy «Sholpan» jýrnaly kitabynyń zańdy jalǵasy bolyp tabylady. Kitapqa gazettiń 1920-1921 jyldar aralyǵynda shyqqan 47 sany kirgizilgen.
