Sholpan Ótelbaeva «Qarjy ortalyǵyn» basqarady
ASTANA. KAZINFORM – «Qarjy ortalyǵy» aktsıonerlik qoǵamynyń dırektorlar keńesiniń sheshimimen basqarma tóraǵasy bolyp Ótelbaeva Sholpan Anýarbekqyzy saılandy.
Sholpan Ótelbaeva ıAssaýı atyndaǵy Halyqaralyq Qazaq-Túrik ýnıversıtetiniń túlegi. Qazaqstan Respýblıkasy Prezıdentiniń janyndaǵy Memlekettik qyzmet akademııasynda jáne Pensılvanııa ýnıversıtetinde (AQSh) oqydy.
Sholpan Anýarbekqyzy eńbek jolyn Qazaqstan Respýblıkasynyń Tabıǵı monopolııalardy retteý agenttiginde bólim bastyǵy bolyp bastady (2004-2009 jyldar).
2009 jyldyń qyrkúıeginen 2010 jyldyń naýryzyna deıin Qazaqstan Respýblıkasy Qarjy mınıstrliginiń Investıtsııalyq jobalar basqarmasynyń bastyǵy bolyp jumys istedi.
2010-2017 jyldary – «Nazarbaev Zııatkerlik mektepteri» derbes bilim berý uıymynyń basqarma tóraǵasynyń orynbasary.
2017-2019 jyldary – «Qarjy ortalyǵy» AQ vıtse-prezıdenti.
2021 jyly – «Ulttyq dene shynyqtyrý ǵylymı-praktıkalyq ortalyǵy» RMK vıtse-prezıdenti.
2022 jyldyń tamyzynan 2024 jyldyń tamyzyna deıin – «Talap» kommertsııalyq emes aktsıonerlik qoǵamynyń prezıdenti.
Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.
