Sholpan Atadaǵy Búkilálemdik kóshpendiler oıyndarynda qazaqstandyq palýan altyn ıelendi
ASTANA. QazAqparat - Qyrǵyzstannyń Sholpan Ata qalasynda alǵash ret uıymdastyrylǵan Búkilálemdik kóshpendiler oıyndarynda qazaqstandyq palýan Amangeldi Satybaldınov qyrǵyz kúresinen altyn júldeni qanjyǵasyna baılandy.
60 keli salmaq dárejesi beldesken Amangeldi Satybaldınov aqtyq synda kilem qojaıyny Bektýrsýn Toloshýýlýynan basym túsip, jeńimpaz atandy.
Amangeldimen qatar fınalǵa ótken taǵy bir otandasymyz Almat Toıbaǵarov 74 kelige deıingi salmaq dárejesi boıynsha beldesýde Dýýlat Mombekovke jol berip qoıyp, kúmis júldeni qanaǵat tutty.
Qazaqstan quramasy qyrǵyz kúresimen qatar, aýdaryspaq jáne toǵyzqumalaq sııaqty ulttyq sport túrlerinen saıysqa qatysýda.
Ystyqkól jaǵasynda ótip jatqan dúbirli dodaǵa Túrkııa, Reseı, Qazaqstan, Ázerbaıjan, Ózbekstan, Aýǵanstan, Tájikstan, Reseı, Qytaı Halyq Respýblıkasy, Túrkimenstan elderinen kelgen sportshylar qatysyp jatyr. Olar kok borý, togýz korgool, qyrgyz kýroshý, alysh, er enısh, kýnan chabysh, jorgo salysh, kýnan chabysh, ordo, alaman báıge, qazaq kúresi sekildi sport túrleri boıynsha jarysqa túsýde.
Kóshpendiler oıyndary 14 qyrkúıekke deıin jalǵasady, dep habarlaıdy QR Ulttyq sport túrleri qaýymdastyǵynan.
