Shólge shydamaǵan jylan adamdardyń qolynan sý ishti
ASTANA. QazAqparat - Úndistannyń ońtústigindegi Kaıga aýylynyń turǵyndary aptap ystyqtan qatty shóldegen koroldik ábjylanǵa plastık bótelkemen sý berdi.
Bul týraly Lenta.ru Daily Mail gazetine silteme jasap habarlady.
Bıyl óńirdi qýańshylyq jaılaǵan jáne 3,5 metrlik alyp jylan eldi mekenge sý izdep kelgen. Ýly jylannan qaýiptengen turǵyndar onyń quıryǵynan ustap turdy jáne jylan ustaıtyn quraldardy ázirlep qoıdy. Biraq, baýyrmen jorǵalaýshy eshkimge shabýyl jasaǵan joq jáne adamdarǵa jaqyndap, plastık bótelkeden sý ishti. Keıinirek ony jergilikti jabaıy ańdardy qorǵaý ortalyǵyna tabystady.
Koroldik ábjylan nemese gamadrıad - Úndistan, Pákistan, Indonezııa men Fılıppınniń tropıkalyq ormandaryn mekendeıtin eń alyp ýly jylandardyń biri. Otyz jylǵa jýyq ómir súretin ábjylandar ómiriniń sońyna deıin óse beredi. Negizgi qoregi - ózge jylandar men kemirgishter. Úndistanda jyl saıyn jylan shaqqan 50 myńǵa jýyq adam mert bolady.
