Shólden qatalaǵan myńdaǵan túıeler avstralııalyq qalaǵa shabýyl jasady
ASTANA. Qarashanyń 26-sy. QazAqparat - Shamamen alty myń jabaıy túıeler eldiń soltústiginde ornalasqan avstralııalyq shaǵyn eldi meken Doker Rıverge shabýyl jasady (Docker River),
dep habarlaıdy QazAqparat Lenta.Rý saıtyna silteme jasap.
Jergilikti ózin-ózi basqarý organynyń basshysy Rob Naıttyń aıtýynsha, osy aýmaqqa sý izdep kelgen janýarlar naǵyz búldirýmen aınalysyp jatqan kórinedi.
Túıeler úılerge kirip kelip sý quıylǵan ydystardy qıratqan. Sonymen qatar, olar áýejaıdaǵy apattyq ushý-qoný jolaǵyn da búldirgen. Naıttyń aıtýynsha, jaǵdaı qıyndaı túsken - túıeler 350-ge jýyq adam turatyn eldi mekenniń ınfraqurylymyn buzýda.
Jergilikti bıliktiń málimdeýinshe, taıaý kúnderi janýarlar tikushaqtardyń kómegimen eldi mekennen qashyqqa áketiledi jáne atyp tastalmaqshy.
