Sholaq belsendilerdiń kesirinen mıllıondaǵan azamattyń múddesine nuqsan kelip jatyr- Toqaev
«Esterińizde bolsa, 2020 jyldyń mamyr aıynda meniń usynysymmen azamattardyń beıbit jınalystardy ótkizýi týraly zań qabyldandy. Bul zań, shyn máninde, elimizde demokratııany ilgeriletý baǵytynda jasalǵan mańyzdy qadam. Óıtkeni qujatta mıtıngiler men jınalystardy ótkizý úshin ruqsat alýdyń qajet emestigi, tek bılik organdaryna eskertý jetkilikti ekeni qarastyrylǵan. Jıyndy elimizdiń kez kelgen qalasynyń ortalyǵynda ótkizýge bolatyny kórsetilgen», - degen Prezıdent atalmysh zań mıtıngter men jıyndardy eldegi barsha qalalardyń ortalyq aýdandarynda ótkizýge múmkindik beretinin eske saldy.
Alaıda qaı jerde jınalyp, ne aıtsaq ta quqymyz bar dep sanaıtyn keıbir «quqyq qorǵaýshylar» men «belsendiler» ózderin zańnan joǵary qoıady.
«Osyndaı sholaq belsendilerdiń jaýapsyz áreketteriniń kesirinen polıtsııa qyzmetkerleri ózderiniń negizgi quqyqtyq tártipti saqtaý qyzmetine tolyq kóńil bóle almaıdy. Olarǵa kóbinese zorlyq-zombylyq kórsetip, til tıgizedi, ınternet buǵattalady. Nátıjesinde mıllıondaǵan azamat pen otandyq bıznes zardap shegedi. ıAǵnı, ishki ekonomıkalyq, áleýmettik jáne saıası turaqtylyqqa orasan zor zııanyn tıgizedi»,-dedi Memleket basshysy.
