Shoqyný merekesi: Aqmola oblysynda qandaı talaptar saqtalýy tıis
KÓKShETAÝ. QazAqparat - Aqmola oblysynyń bas memlekettik sanıtarlyq dárigeri Aınagúl Mýsınanyń pravoslav hrıstıandarynyń Shoqyný merekesin atap ótýge baılanysty karantındik shekteýler týraly qaýlysy shyqty, dep habarlaıdy QazAqparat tilshisi.
«Aqmola oblysynyń aýmaǵynda Shoqyný merekesin ótkizý kezeńinde koronavırýs ınfektsııasynyń taralýynyń aldyn alý maqsatynda Qaýly etemin:
- Aqmola oblysynyń ákimdigi, aýdandar men Kókshetaý, Stepnogorsk qalalarynyń ákimderi Shoqyný merekesin ótkizý kezeńinde karantındik sharalardyń saqtalýyn baqylaýdy;
- Aqmola oblysynyń aýmaǵynda dinı mereke kúni jappaı shomylýdy (10 adamnan astam) uıymdastyrýǵa jáne ótkizýge jol bermeýdi;
- 60 jastan asqan adamdardyń shomylmaýyn;
- shomylý oryndarynda kelýshilerdiń «kirý jáne shyǵý» aýmaǵyn belgileýdi;
- kıinip-sheshiný oryndarynda kelýshilerdiń sanyn 10 adamnan aspaıtyndaı shekteýdi; -
- jaryqtandyrý jáne kıeli sý shashý, shomylý oryndarynda áleýmettik qashyqtyqty saqtaýdy;
- keminde 1,5-2 metr áleýmettik qashyqtyqty ustanýdy;
- qol alysýdy nemese tikeleı baılanystyń basqa da túrlerine jol bermeýdi;
- jaryqtandyrý jáne qasıetti sý sebý oryndarynda, kútý jáne jylytý pýnkterinde (kıinip-sheshiný bólmesi bar jyly úı-jaılar, shatyr) maska rejımin saqtaýdy (ár 3 saǵat saıyn aýystyrý, birrettik nemese kóp ret qoldanylatyn maskalardy mindetti túrde kııý) qamtamasyz etsin, - delingen qujatta.
Sonymen birge, atalmysh qaýlyǵa sáıkes, Aqmola oblysy boıynsha din ókilderi Shoqyný merekesin ótkizý kezinde karantındik sharalardyń saqtalýyn qamtamasyz etýi qajet:
- 1,5-2 metr áleýmettik qashyqtyqty saqtaý úshin jaryqtandyrý jáne qasıetti sýmen búrký júrgiziletin shirkeýlerdiń úı-jaılarynda tolymdylyǵy 50 paıyzdan aspaýy tıis;
- qol alysýdy nemese tikeleı baılanystyń basqa túrlerin boldyrmaý;
- shirkeýlerde qasıetti sý taratýdy júzege asyratyn adamdarǵa ár 2-3 saǵat saıyn mindetti túrde aýysa otyryp, birrettik qolǵaptar men qorǵanys maskalaryn qoldaný;
- 25.12.2020 jylǵy № 67 Qaýlyǵa sáıkes dinı obektilerde sanıtarlyq-dezınfektsııalyq rejım talaptary saqtalýy tıis (№20 qosymsha).
