Shoqpar stansasynda relsten shyǵyp, aýdarylyp qalǵan tsısterna órtendi
ShOQPAR. QazAqparat - Jambyl oblysy Shý aýdanynyń Shoqpar stansasynda vagon órtendi, dep habarlaıdy QazAqparat Tótenshe jaǵdaılar komıtetine silteme jasap.
30 maýsym túngi 01:44 kezinde Shoqpar stansasynda eki vagon relsten shyǵyp ketken. Onyń biri - 60 tonna benzın quıylǵan tsısterna bolsa, ekinshisi - konteınerli platforma. Ekeýi de - «Almaty-Aqtoǵaı» júk poıyzynyń vagondary.
Janarmaı quıylǵan tsısterna bir búıirine aýdarylyp qalǵan. Saldarynan munaı ónimi aǵyp, órt tutandy.
Qyzyl jalyn 600 sharshy metr aýmaqty sharpyǵan. Temir joldyń 75 metr tósemi búlindi.
Oqıǵa ornyna Jambyl oblystyq TJD basshysy Baǵdat Danılov pen órt sóndirý bóliminiń basshysy Ermek Mombaev bardy.
Shý, Alaıǵyr, Espe stansalarynda 10 jolaýshy poıyzy joldan qaldy.
QTJ qyzmetkerleri jaqyn mańdaǵy 10 úıden 42 adamdy evakýatsııalady. Olar Shoqpardaǵy týystarynyń úıine jaıǵasty.
Órt tańǵy 05:20 kezinde sóndirildi.
