Shoqpar stansasynda 2 vagonnyń relsten shyǵyp, órtenýine qatysty komıssııa quryldy
NUR-SULTAN. QazAqparat - Jambyl oblysy Shoqpar stansasyndaǵy relsten shyǵyp, aýdarylǵan, sosyn órtengen tsısternaǵa qatysty arnaıy komıssıa quryldy. Bul jóninde «Qazaqstan temir joly» AQ baspasóz qyzmeti málimdeme jasady.
Esterińizge sala keteıik, búgin túnde Shoqpar stansasynda 45 km/saǵ jyldamdyqpen 2-shi jolǵa kelgen júk poıyzynyń 2 vagon-tsısternasy joldan shyǵyp ketken bolatyn. Tsısternanyń menshik ıesi - «HOLDING» JShS. Sodan keıin tsısternadan aqqan benzınnen órt shyqqan.
«Gabarıt bar. Benzınniń janýyna baılanysty poıyzdardyń qozǵalysy toqtatyldy. Qurban bolǵandar men zardap shekkender joq. 6 jolaýshy poıyzy joldan qaldy. 03.40 mınýtta órt sóndi» delingen habarlamada.
Aldyn ala boljam boıynsha, apattyń shyǵý sebebi - tsısternanyń dońǵalaq juby osiniń ortańǵy bóliginiń synyp ketýi.
Oqıǵany tergeý boıynsha arnaıy komıssııa quryldy.
