«Shoqpar-2013» oqý-jattyǵýlary aıaqtaldy - QR QM
Bul týraly QR QM baspasóz qyzmetinen habarlandy.
«Ońtústik», «Astana»óńirlik qolbasshylyqtary jáne Aeroutqyr áskerleri quramalary men bólimderiniń jalpy sany 4500-den asatyn jeke quramy on kún boıy «Mátibulaq» polıgonynda óz sheberlikterin shyńdady.
Oqý-jattyǵýlary eki tarapty sıpatqa ıe boldy. «Ońtústik» jáne «Astana» óńirlik qolbasshylyǵy áskerleriniń qolbasshylary bir-birine shartty túrde qarsylas boldy. Shtabtar qajetti esepterdi júrgizip, jaýyngerlik is-qımyldardy muqııat josparlaı aldy.
Eki jaqty jattyǵýlarda óńirlik qolbasshylyqtardyń áskerleri qorǵanys pen shabýyldaýdan turatyn is-qımyldardy pysyqtady.
Áskerlerdiń jaýyngerlik is-qımyldardy oryndaýdaǵy tájirıbeleri olardyń sońǵy jyldardaǵy kásibı ósýin aıqyndap berdi dese bolady. Qazirgi tańda Qarýly Kúshterdiń eldiń qaýipsizdigin qamtamasyz etý jónindegi kez kelgen tapsyrmany sapaly oryndaýǵa múmkindigi zor.
Jattyǵýǵa qatysýshylar qysqa merzim ishinde jaýyngerlik ázirlikke keltirildi. Jaýyngerlik is-qımyldardy júrgizý joǵary deńgeıde uıymdastyryldy.
«Shoqpar-2013» oqý-jattyǵýlary QR QK odan ári damytý jolyndaǵy kezekti sátti qadam boldy. Qorǵanys mınıstriniń eki jaqty oqý-jattyǵýlardy ótkizý týraly ıdeıasy qolbasshylarǵa, komandırlerge, shtabtarǵa jaýyngerlik is-qımyldardy uıymdastyrýda shyǵarmashylyq qadam jasaýdy úıretti. Búgin bizdiń jaýyngerler tapsyrmalardyń kúrdeliligine qaramastan, ózderiniń jaqsy oqytylǵanyn, jeńiske degen qulshynysyn tanyta aldy»,- dep atap ótti oqý-jattyǵýlardyń jetekshisi general-leıtenant Murat Maıkeev.