Shokoladtan jasalǵan erekshe týyndylar - FOTO
ASTANA. QazAqparat - 11 shilde - Dúnıejúzilik shokolad kúni. Shokolad kúnin (World Chocolate Day) merekeleý dástúri 1995 jyly Frantsııada bastaldy. Túrli elderde osy merekege arnalǵan is-shara ótedi, dep jazady sheteldik BAQ.
Azyq-túlik jáne sýsyndar naryǵyn zerdelegen Mintel kompanııasynyń zertteýine sáıkes shokoladty eń jaqsy kóretin el Shveıtsarııa bolyp shyqty. Onda shokoladty satyp alýǵy shyǵys jylyna bir adamǵa 200-ge jýyq dollardy quraǵan. Odan keıin Brıtanııa men Belgııa tur, olar eki ese tómen 106 jáne 90 dollardan jumsaıdy eken.
Jyl saıyn álemniń iri qalalarynda shokoladqa arnap kórmeler ótip jatady. Kórmege tipti shokoladtan jasalǵan kıimder men aıaq kıimder de kórsetiledi.
Mysaly, 2011 jyly Tokıoda ótken kórmege shokoladtan jasalǵan avtomobıl qoıyldy. Ony jasaý úshin júzdegen shokolad ketken. Al 2014 jyly aqpan aıynda Rım papasy Frantsısk syı retinde shokoladtan jasalǵan óz músinin aldy. Oǵan bir jarym tonna shokolad ketken kórinedi.
Sondaı-aq Brazılııadaǵy chempıonatqa oraı Germanııada shokoladtan ulttyq quramanyń oıynshylarynyń kóshirmesin jasap shyǵardy.
