Shokolad jaıly biz bilmeıtin 10 jaıt...
ASTANA. 25 qarasha. QazAqparat - Eń úlken shokoladtyń salmaǵy 6 tonnany quraıdy, ertede maııalar 100 kakao aǵashyna bir qul satyp alatyn bolǵan. Shokolad týraly osy jáne basqa da qyzyqty jaıttardy «TOP-10: Shokolad» toptamasynda segodnya.ua usynady.
-
Álemdegi eń úlken shokoladtyń salmaǵy 6 tonnany quraǵan. Brıtandyq «Thorntons» kompanııasy óziniń ǵasyrlyq mereıtoıyna osyndaı alypty pisirgen eken.
-
Álemde shokolad qory azaıyp keledi. Latyn Amerıkasynda kakao aǵashtary belgisiz aýrýǵa ushyrap, sonyń saldarynan shıkizat qory edáýir tómendep ketken kórinedi. Ázirshe bul aýrý Afrıkaǵa jete qoıǵan joq. Eger jete qalǵan jaǵdaıda jáne jyldan jylǵa shokoladqa degen suranystyń ósip kele jatqanyn, shıkizat tapshylyǵyn eskere otyryp, osy ónimniń baǵasy kúrt sharyqtap ketýi múmkin deıdi mamandar.
-
Shokolad týraly kóptegen shyǵarmalar jazylyp, birneshe kınofılmder túsirilgen.
-
Atstekterdiń bıleýshileri úlken mólsherde shokolad iship otyrǵan. Máselen, 15-ǵasyrda ómir súrgen Montesýma esimdi atstekterdiń bıleýshisi kún saıyn 50 tostaǵan qantsyz qoıý shokolad ishken eken.
-
Shokoladtyń quramynda kofeınnen basqa teobromın atty preparat bar. Teobromınniń jóteldi basatyn, qan qysymynyń joǵarylaýymen kúresetin qasıeti bar, alaıda ony óte kóp mólsherde paıdalaný adamnyń ýlanýyna ákep soqtyrýy múmkin.
-
Shokolad antıoksıdanttarǵa baı. Shokoladtyń quramyndaǵy flavonoıdter júrekke paıdaly, ári qaterli isiktiń aldyn alýǵa kómektesedi. Shokoladtyń quramynda kakao neǵurylym kóp bolsa, ol soǵurylym paıdaly dep eseptelinedi. Taǵy bir keńes, shokolad jegen kezde sút ishý durys emes.
-
Atstekter men maııalar shokoladty valıýta retinde paıdalanǵan.
-
Sútti shokolad salystyrmaly túrde jaqynda shyqqan. 1875 jyly sútti shokoladty Nestle degen adam oılap tapqan eken.
-
Ár túrli elderde shyǵarylatyn shokolad ónimderiniń dámi de alýan túrli bolyp keledi. Onyń sebebi - ár elde shokolad quramyna qosylatyn kakaonyń úlesi ár túrli.
-
Shokolad plantatsııalarynda negizinen balalar jumys jasaıdy. Afrıkanyń shokolad plantatsııalarynda 56 mıllıonnan 72 mıllıonǵa deıin bala eriksiz eńbek etedi. Negizinen, ol - ata-anasy quldyqqa satyp jibergen nemese osy sharýashylyq ıeleriniń aldaý-arbaý qarmaǵyna túsken balalar.
