Shokolad qan tamyrlaryndaǵy aýytqýshylyqty emdeıdi
ASTANA. 29 qyrkúıek. QazAqparat - Eýrokomıssııa shveıtsarlyq elıtalyq shokolad óndirýshige shokoladty qan tamyrlary aýytqýshylyqtaryn emdeıtin qural retinde nasıhattaýǵa ruqsat berdi, dep habarlady Rosbalt.
Sarapshylar shokolad quramyndaǵy kakaodan jasalatyn flavonoldar tamyrlardyń sozylǵysh qasıetin jaqsartyp, qannyń qalypty ótýine járdemdesedi degen pikirde.
Kompanııa shokoladtyń paıdasy jóninde silteme jasaýǵa ruqsat alǵan naryqtaǵy alǵashqy óndirýshi, endi onyń oramynda tıisti jazý paıda bolmaq.
Eýrokomıssııa bul sheshimdi kakao-untaǵy men qońyr shokoladqa qatysty kompanııa usynǵan aqparat negizinde qabyldady, dep habarlady Meddaily .
Kompanııa ǵalymdary kún saıyn 200 mıllıgrammm flavonol qannyń qalypty aǵynyn qamtamasyz etetinin dáleldedi.
