Shokolad artyq salmaqtan arylýǵa kómektesedi
ASTANA. QazAqparat - Tamaqtaný jáne densaýlyqty saqtaý ınstýtynda júrgizilgen jańa zertteý shokolad pen kómirsýlardyń az kólemin paıdalanýmen ustanǵan emdámniń artyq salmaqtan arylǵysy kelgen adamdarǵa úzdik nátıjege qol jetkizýge kómektese alatynyn kórsetti. Ǵalymdardyń aıtýynsha, salmaqtan arylý úshin kómirsýlardy paıdalanýdy shekteý jetkiliksiz. Ol úshin belgili bir azyq-túlikterdi quramdastyrý kerek, dep jazady Zee News.
Emdámniń tıimdiligi taǵam mólsherinde bıologııalyq belsendi qosylystardyń bolýyna baılanysty. Ondaı qosylystar - flavonoıdter shokoladtyń quramynda bar. Olardyń densaýlyq úshin óte paıdaly ekeni belgili. Zertteýge 19-67 jas aralyǵyndaǵy eriktiler qatysqan. Olardy úsh topqa bóldi: birinshi top kómirsýlar quramy tómen emdámdi qatań ustansa, ekinshisi ondaı emdámmen qosa kúnine 42 gramm qara shokoladty jegen. Baqylaý toby bolsa, ádettegideı tamaqtanǵan.
Birinshi jáne ekinshi toptyń qatysýshylary kómirsýy tómen emdámniń arqasynda baqylaý tobynyń qatysýshylaryna qaraǵanda salmaqtan arylǵan. Qara shokoladty jegen adamdar birinshi toptaǵy eriktilerge qaraǵanda 10 paıyzǵa artyq salmaq tastaǵan. Mamandar tek shokoladty jeý salmaqtyń arylýyna kómektespeıtinin atap ótýde. Ony emdám jáne fızıkalyq jattyǵýlarmen qosý mańyzdy bolyp tabylady.
