Shókeevtiń qabyldaýynda bolǵan turǵyndardyń basym bóliginiń máselesi sheshimin tapty
TÚRKІSTAN. QazAqpapat - Oblys ákimi Ómirzaq Shókeev jeke qabyldaýyna kelgen ár azamatpen júzdesip, ótinishterin tyńdady. Jeke bastaryna qatysty muń-muqtajdary men óńirge ortaq áleýmettik máselelerdi jetkize kelgen turǵyndar aımaq basshysynan tikeleı jaýap ala aldy, dep habarlaıdy QazAqparat óńir basshysynyń baspasóz qyzmetine silteme jasap.
Oblys ákimi zań aıasynda jaýap berip, aýdan, qala ákimderi men tıisti basqarma basshylaryna áleýmettik máselelerdiń túıinin sheshýdi tapsyrdy. Halyq úni tyńdaýsyz qalmady. Júzge jýyq azamat kókeıinde júrgen ózekti máseleniń sheshimin tapqany úshin aımaq basshysyna alǵystaryn bildirdi.
Ómirzaq Shókeev qabyldaýyna kelgen azamattardyń ótinish-tilekteriniń basym bóligin sol mezette-aq sheshti.
Qoǵamdyq qabyldaýǵa kelgen qarııa Ómirzaq Shókeevke aq batasyn berdi. 90-dy alqymdaǵan aqsaqal aımaq basshysynyń oblysta atqaryp jatqan eren eńbegin el eleıtinin jetkizdi. Eltaı Bımahanbetuly ózi turyp jatqan Shornaq eldi mekeniniń kezinde aýdan ortalyǵy bolǵanyn, sol úshin Túrkistan aýdanyn quryp, Shornaq eldi mekenin aýdan ortalyǵy etý jónindegi usynysymen keldi. Aımaq basshysy atalǵan máseleniń zerttep-zerdeleý qajet ekenin aıtty.
Túrkistan qalasynyń turǵyny Raısa Shakırova toqyraý kezinde isten shyqqan ortalyq monshanyń qaıta iske qosylýyna kómek surady. Ol úshin qala shetinde ornalasqan aýmaqqa kógildir otyn jetkizý kerek. Ómirzaq Estaıuly bıyl shahar tolyq gazben qamtylatynyn, al ár úıge qosylýdy turǵyndar ózderi qolǵa alý kerektigin aıtty.
Jeke qabyldaýǵa kelgen Araılym Jaıynbaeva óziniń de, jubaıynyń da tul jetim ekenin aıtyp, jaqynda baspanaly bolǵany úshin oblys ákimine rızashylyǵyn jetkizdi. 4 balanyń anasy úıiniń janynda ornalasqan jańa mektepten jumys surap keldi. Mamandyǵy – muǵalim.
Báıdibek aýdanynan kelgen bir top azamat oblys basshysynan mal jaıylymy úshin jer surap keldi. Jáne shaǵyn aýdanǵa kúndizgi statsıonar salýdy ótindi. Turǵyndar kókeıin kernegen saýaldarǵa naqty jaýap aldy. Jeke qabyldaýǵa kelgen azamattardyń kókeıin kernegen máseleler oń sheshimin tapty.
