Shókeev Aqmola oblysyndaǵy aýylsharýashylyq kásiporyndarynda boldy

Aýyl sharýashylyǵy salasyndaǵy jetistiktermen tanysý maqsatynda óziniń jumys saparyn Bulandy aýdanynan bastaǵan Ómirzaq Shókeev Altyndy aýylyndaǵy «Qaırat» sharýa qojalyǵynda boldy. Sharýashylyq basshysynan mal sharýashylyǵy týraly surap bildi. Qojalyq basshysy Saǵadat Qabıkenovtiń aıtýynsha, qojalyq egin salýmen qatar mal sharýashylyǵymen de aınalysady. Sharýashylyqtyń 58 basqa arnalǵan mal bordaqylaý alańy men qasaphanasy da bar.

Sonymen qatar, Ómirzaq Shókeev Makınsk qalasynyń mańynda Indýstrııalandyrý kartasy aıasynda júrgizilip jatqan elimizdegi jáne Ortalyq Azııadaǵy eń iri qus fabrıkasynyń qurylysy jumystarymen tanysty. «Makınsk qus fabrıkasy» JShS-nyń dırektory Alekseı Shevchenkonyń aıtýynsha, tiri salmaqtaǵy jyldyq qýaty 60 myń tonnany quraıtyn bolashaq qus fabrıkasy 2015-2019 jyldar aralyǵynda eki kezeńmen salynyp bitpek. Jobaǵa quıylatyn ınvestıtsııanyń kólemi 43 mıllıard teńge shamasynda bolmaq. Jobany júzege asyrý barysynda «QR 2015-2019 jyldarǵa arnalǵan ındýstrııalyq-ınnovatsııalyq damý baǵdarlamasy», «Bıznestiń jol kartasy-2020» jáne «Agrobıznes-2020» tárizdi memlekettik baǵdarlamalarǵa qatysý kózdelip otyr.
  

Odan ári QR Premer-Mınıstriniń orynbasary - Aýyl sharýashylyǵy mınıstri sapary Býrabaı aýdanynda jalǵasty. «Kazbıf protsessıng» jáne «Esil-Agro» seriktestikterinde et jáne sút óndirisine kóńil bóldi. Іrgeli sharýashylyqtardyń biri «Esil Agro» JShS-nyń mal sharýashylyǵy keshenin, Kókshetaý qalasyndaǵy Eýrazııalyq ekonomıkalyq keńes aıasynda qurylǵan «Qazaqstan agroınnovatsııalyq korporatsııasy» jaýapkershiligi shekteýli seriktestiginiń óndiris tsehtaryn aralap kórdi.

Sapar sońynda Aqmola oblysyndaǵy et baǵytyndaǵy kooperatsııany damytý máseleleri boıynsha ótetin májiliske qatysady dep josparlanǵan.  Májiliste salany damytýdyń perspektıvalyq baǵyttary, otandyq aýyl sharýashylyǵy taýar óndirýshilerin memlekettik qoldaý saıasaty talqylanady.