«Shoqan Ýálıhanovtyń kerýen jolymen» atty kitap tanystyrylady

ASTANA. QazAqparat - Erteń Qazaqstan Respýblıkasy Ulttyq mýzeıinde I.Imanov pen O.Mazbaevtyń «Po karavannomý pýtı velıkogo Chokana» kitabynyń tanystyrylymy ótedi. Bul týraly QR Ulttyq mýzeıiniń aqparattyq-ımıdjdik qyzmetinen habarlady.

Kitap Qazaq ulttyq geografııalyq qoǵamynyń 2014 jylǵy 24 shilde jáne 5 tamyz aralyǵynda QHR jáne Qyrǵyzstan terrıtorııalary arqyly ótken «Shoqan Ýálıhanovtyń kerýen joly boıymen» atty alǵashqy halyqaralyq ekspedıtsııasyna arnalǵan. Atalǵan ekspedıtsııa sońǵy segiz jyl ishinde júzege asyrylǵan «Shoqan joldarymen» atty ekspedıtsııalar serııasynyń sońǵy sapary bolyp sanalady. Ekspedıtsııaǵa qatysýshylar Shoqan Ýálıhanov júrip ótken jerlerge (Qyrǵyzstan, Jetisý, Qulja) saıahat jasady.
Kitap qazaqtyń uly ǵalymy jáne aǵartýshysy - Sh.Ýálıhanovtyń 180 jyldyq mereıtoıyna oraılastyrylyp shyǵaryldy. Ekspedıtsııa músheleriniń jeke jáne tikeleı saıahat barysynda alǵan áserleri negizinde jazylǵan eńbek jalpy kópshilik oqyrmanǵa arnalǵan.