Shoqan Ýálıhanovtyń beınesi bar moneta ǵaryshqa aparyldy
Ánýarbek Balahmetov – otyz jyldan astam ýaqytyn ǵarysh keńistigin zertteýge arnaǵan zapastaǵy ofıtser. Ol monetalardyń, markalardyń, konvertterdiń, ashyq hattardyń, fotosýretterdiń, kitaptardyń jáne adamnyń ǵaryshty ıgerýin beıneleıtin fılmderdiń biregeı kollektsııasyn jınady. Eksponattar arasynda ǵaryshtyq belgiler men shevrondar, áıgili álem ǵaryshkerleriniń eksklıýzıvti fotosýretteri bar. Ǵaryshqa saıahat jasaǵan Sh.Ýálıhanovtyń beınesi bar moneta erekshe qundy.
Kollektsıonerdiń aıtýynsha, Shoqan monetasy 2015 jyldyń qyrkúıeginde Aıdyn Aıymbetov ǵaryshqa ushýy kezinde halyqaralyq ǵarysh stansasynyń (HǴS) bortynda boldy. Monetanyń fotosy terezeden Jer fonynda túsirilgen. Qazir monetanyń bir danasy Soltústik Qazaqstan oblysy, Aıyrtaý aýdany, Syrymbet aýylyndaǵy Shoqan Ýálıhanovtyń týǵan jerindegi «Aıǵanym qonysy» murajaıynda saqtaýly. Al ǵaryshta bolǵan ekinshi Shoqan monetasy (analogy) Almaty qalasyndaǵy Ulttyq bank murajaıyna tapsyryldy.
Aıta keteıik, Ánýar Balahmetov Qazaqstandaǵy ǵaryshqa arnalaǵan forýmdar men kórmelerdiń qatysýshysy. Onyń ǵaryshty ıgerýge, HǴS-qa, Baıqońyr ǵarysh aılaǵyna adam basqaratyn ushýlarǵa arnalǵan jınaǵy Qazaqstan Respýblıkasynyń Máskeýdegi Elshiliginiń, sondaı-aq Tsıfrlyq damý, ınnovatsııalar mınıstrliginiń Aeroǵarysh komıteti basshylyǵynyń gramotalarymen marapattaldy.
«Men úshin bul jaı ǵana hobbı emes, azamattyń, óz eliniń patrıotynyń ustanymy – adamzattyń ǵaryshqa joly óz jerinen bastaý alǵan bizdiń elimizde, Qazaqstanda ǵaryshty ıgerýdi keńinen nasıhattaý», - dep atap ótti Ánýar Balahmetov.
