Shoqan Ýálıhanovty zertteýde biz áli tereńdeı almaı júrmiz - professor Á. Nurmanov
ALMATY. 14 jeltoqsan. QazAqparat /Erlik Erjanuly/ - Shoqan Ýálıhanovty zertteýde onyń murasyn túpnusqadan oqı alatyn mamandar qajet.
Bul týraly búgin Almatyda «IV Tálipov oqýlary»aıasyndaótip jatqan «Sh.Sh. Ýálıhanovtyń Ortalyq Azııa tarıhy men mádenıetin zertteýge qosqan úlesi» dep atalatyn halyqaralyq ǵylymı konferentsııada aıtyldy.
«Hımııany Mendeleev kestesinsiz eshkim sheshe almaıdy. Sol sııaqty Ortalyq Azııanyń ǵylymy Shoqan Ýálıhanovsyz alǵa basa almaıdy. Qaı salany alyp qarasaq ta. Ol barlyq salada ámbebap bolǵan. Shoqantanýda onyń atyna ekonomıst, jazýshy, jýrnalıst, tilshi, tarıhshy, etnograf degen sııaqty barlyq ataýdy tirkep jaza berýge bolady», - deıdi ekonomıst, jazýshy Áben Aldabergenuly. Onyń aıtýynsha, elimizde Shoqan Ýálıhanovty zertteý áli óz deńgeıinde júrgizilip jatqan joq. Zertteýshiler onyń tereńine súńgı almaı júr.
