Shoqan Ýálıhanov shyǵarmalarynyń jańa jınaǵy jaryq kórdi
ALMATY. 10 jeltoqsan. QazAqparat /Erlik Erjanuly/ - Shoqan ǵalym retinde de, daryn retinde de áli erkin ashylmaǵan aral, telegeı teńiz tarıh. Bul Almatydaǵy «Ana tili» baspasynan jaryq kórgen Shoqan Ýálıhanovtyń shyǵarmalar jınaǵynyń aýdarmashysy jáne qurastyrýshysy Qazaqstannyń eńbek sińirgen mádenıet qyzmetkeri Sarbas Aqtaevtyń paıymdaýy.
Ǵulama ǵalymnyń 175 jyldyǵyna oraı «Mereıtoılyq ádebıet» serııasymen basylǵan bul kitapqa Sh. Ýálıhanov atyndaǵy Kókshetaý memlekettik ýnıversıtetiniń qurmetti professory, jazýshy, pýblıtsıst S. Aqtaev ǵulama ǵalymnyń 39 týyndysyn engizgen. Olardyń arasynda - «VIIІ ǵasyrdaǵy batyrlar týraly tarıhı ańyzdar», «Qazaqtar men qyrǵyzdar», Іle óńiriniń ejelgi jurty», « Qazaq poezııasynyń túrleri», «Tústik-Sibir taıpalarynyń tarıhy týraly», «Kóne dáýir derekteri», «Jońǵar ocherkteri» bar. «Shoqannyń rýhanı álemimizdegi ornyn aıshyqtaı túsý úshin ǵalymdar qaýymy áli kóp ter tógýi kerek. Keıingi býyn tereńirek túsinsin dep ǵalymnyń burynǵy aýdarylmaǵan tarıhı shyǵarmalarynyń birazyn orys tilinen tárjimaladyq», -deıdi S. Aqtaev.
