Shodıev halyqaralyq qory Ózbekstanǵa koronavırýspen kúreske 200 mln dollar bóldi degen aqparat — feık
NUR-SULTAN. QazAqparat - Shodıev halyqaralyq qory Ózbekstanǵa koronavırýspen kúreske 200 mln dollar bóldi degen aqparat jalǵan. Bul týraly atalǵan qordyń baspasóz qyzmetinen málim etti, dep habarlaıdy QazAqparat tilshisi.
«Shodıev halyqaralyq qory Qazaqstannyń áleýmettik jelileriniń keıbir paıdalanýshylary «Patoh Shodıev Ózbekstannyń koronavırýsqa qarsy is-qımyl sharalaryna 200 mln AQSh dollary kóleminde qarajat bóldi« dep jarııalap jatqan málimetterdiń shyndyqqa saı kelmeıtindigin resmı málimdeıdi», - delingen qor taratqan aqparatta.
Shodıev halyqaralyq qory (ICF) – Patoh Shodıev 1996 jyly negizin qalaǵan úkimettik emes qaıyrymdylyq qory. Qor TMD, Azııa jáne Eýropa elderinde qaıyrymdylyq jobalarymen aınalysady.
