Shóberelerimniń bolashaǵy úshin daýys beremin - 94 jastaǵy tarazdyq Anna Zýbkova
TARAZ. 15 qańtar. QazAqparat /Galına Skrıpnık/ - Tarazdaǵy № 36 saılaý ýchaskesine 94 jastaǵy Anna Fılımonovna Zýbkova óziniń nemereleri, shóberelerimen birge keldi.
«Qoǵamnan tys bolǵym kelmeıdi. Búkil ómir boıy biz jumys istedik, belsendi, qoǵamshyl boldyq, búgingi kúni de men elimizdiń saıası ómirin baqylaýdamyn, nemerelerim aıtyp otyrady. Daýys berýge de kelip turmyn, óıtkeni óz daýysymdy Qazaqstan gúldensin dep, nemerelerim men shóberelerim jaqsy ómir súrsin dep bergim keledi», - dedi ol.
№ 36 saılaý ýchaskesiniń tóraǵasy Oryn Syılybaevanyń aıtýynsha, ýchaskede barlyǵy 1 575 adam turyp jatyr, olardyń arasynda 52 ardager jáne alǵash ret daýys berip jatqan 16 jas adam bar.
«Osynda kelgen barlyq ardagerlerge, sondaı-aq alǵash ret daýys berip jatqan 18 jasar azamattarǵa syılyqtar berildi», - dedi O.Syılybaeva.
Jambyl oblysynda saılaý barysynda 450 saılaý ýchaskesi jumys istedi, saılaýshylardyń jalpy sany - 503 227 adam, bul aımaq turǵyndarynyń shamamen jartysyna jýyǵyn quraıdy.
