ShOB-tyń Astana ekonomıkasyna qosqan úlesi 66%-ǵa jetti
ASTANA. KAZINFORM — Shaǵyn jáne orta bıznes sektorynda elordanyń 560 myńǵa jýyq turǵyny jumyspen qamtylǵan, dep habarlaıdy Úkimettiń baspasóz qyzmeti.
Prezıdenttiń ekonomıkany ártaraptandyrý jónindegi tapsyrmalaryn oryndaý sheńberinde Astanada kásipkerlik pen ónerkásipti damytýdyń joǵary qarqyny saqtalyp keledi.
Astana ákimdiginiń Investıtsııalar jáne kásipkerlikti damytý basqarmasynyń basshysy Halel Ákimjanov logıstıka men qoımaǵa saqtaýǵa barlyq ınvestıtsııanyń 38,8%-y salynǵanyn, al ónerkásiptiń ósýi — 7,6% bolǵanyn habarlady. Qalada 560 myńǵa jýyq adamdy jumyspen qamtyp otyrǵan 246 myń ShOB sýbektisi jumys isteıdi. ShOB-tyń elorda ekonomıkasyna qosqan úlesi 66%-ǵa jetti, bul rette sektorda qalanyń ekonomıkalyq belsendi halqynyń shamamen 76%-y jumys isteıdi.
— Joǵary dınamıkany kórsetip otyrǵan negizgi jetekshi salalar — logıstıka, ónerkásip jáne dástúrli túrde qurylys salasy. Búgingi tańda shaǵyn jáne orta bıznes sýbektileri jalpy óńirlik óniminiń shamamen 66%-yna úles qoyp otyr, — dep atap ótti Halel Ákimjanov.
2026 jyly Astanada 1,4 myńnan astam jumys ornyn qura otyryp, 68,4 mlrd teńgege 26 ónerkásiptik jobany iske qosý josparlanǵan. Qazirdiń ózinde quny 32,1 mlrd teńge bolatyn 8 joba 500 jumys ornyn qamtamasyz etti.
Jyl sońyna deıin 36,3 mlrd teńgege taǵy 18 joba iske qosylady dep kútiledi, bul qosymsha 956 jumys ornyn qurýǵa múmkindik beredi.
Buǵan deıin Qazaqstanda sapasyz ónimge qatysty 136 kásipker jaýapqa tartylǵanyn jazdyq.
