«Shnobel» syılyǵyn «Nobel» syılyǵynyń ıegerleri tapsyrdy
ASTANA. 22 qyrkúıek. QazAqparat - Garvardta Shnobel syılyǵynyń ıegerleri belgili boldy.
Osymen 22-márte ótkizilip otyrǵan sharada aldymen adamnyń kúlkisin týdyryp, artynan tereń oıǵa jeteleıtin óner týyndylarynyń ıeleri anyqtalady. Bul týraly BAG.kz habarlaıdy.
Syılyqqa ıe bolǵandardyń ishinde qulannyń quıryǵynyń qozǵalý traektorııasyn túsindirip bergen bir top AQSh jáne brıtan ǵalymdary bar. Sonymen qatar, ólgen balyqtyń mıynyń aktıvtiligin anyqtaıtyn qurylǵy jasap shyǵarǵandary úshin AQSh-tyń neırofızıkterine qurmet kórsetildi.
Ádebıet salasynda "Esep berý týraly esep bergen" AQSh-tyń Esep palatasynyń qyzmetkerleri úzdik dep tanyldy. Shnobel syılyǵynyń laýreattarynyń ishinde, sonymen qatar, Eıfel munarasyna basty solǵa qaraı eńkeıtip qaraǵan kezde onyń ne sebepti kishirek bolyp kórinetindigi týraly psıhologııalyq suraqqa jaýap bergen gollandııalyq ǵalymdar bar. Speech Jamme qurylǵysyn jasap shyǵarǵan japon ǵalymdary da nazardan tys qalǵan joq. Bul apparat kóp sóıleı beretin myljyńdardyń mıyn dezorıentatsııalaý arqyly "aýzyn jabýǵa" arnalǵan.
Syılyqty birneshe orys ǵalymdary da aldy. Máselen reseılik SKN kompanııasy eski jarylǵysh zattan almaz jasap shyǵarýdyń jolyn tapqan. Al Santa Barbara ýnıversıtetinde oqyp jatqan Rýslan Krechetnıkov adamnyń qolyndaǵy kesesindegi kofeniń júrip bara jatqanda shashyrap, tógilýiniń sebebin anyqtady. Rýslan men amerıkandyq Hans Maıerdiń birigip júrgizgen bul zertteýi de laýreattar qatarynan tabyldy.
