Shilińgir shilde: elimizdiń 14 oblysynda aptap ystyq bolady
ASTANA. KAZINFORM – 18 shilde kúni Qazaqstannyń 14 óńirinde jáne Astanada naızaǵaı oınap, shańdy daýyl turady. Sonymen qatar aptap ystyq pen joǵary órt qaýpine baılanysty daýyldy eskertý jarııalandy. Bul týraly «Qazgıdromet» RMK málim etti.
Astanada kúndiz naızaǵaı oınap, burshaq jaýyp, shańdy daýyl turady. Jel ońtústikten soǵyp, ekpini 15-20 m/s-qa jetedi.
Shymkentte kúndiz aptap ystyq saqtalady – aýa temperatýrasy 40 gradýsqa deıin kóteriledi. Órt qaýpi – óte joǵary deńgeıde.
Aqmola oblysynda kúndizgi ýaqytta jańbyr, burshaq jaýyp, daýyldy jel kútiledi. Aýa temperatýrasy 35 gradýsqa jetedi. Óńirdiń batysy, soltústigi men shyǵysynda órt qaýpi joǵary.
Aqtóbe oblysynda naızaǵaı oınap, burshaq jaýady, daýyl turady, 36 gradýstyq aptap jáne soltústik-batystan soǵatyn jel boljanyp otyr. Oblystyń ońtústigi men ortalyǵynda órt qaýpi óte joǵary.
Atyraý oblysynda túnde jáne tańerteń jańbyr, burshaq jaýyp, naızaǵaı oınaıdy, kúndiz 35–37 gradýs ystyq. Óńirdiń shyǵysy men ońtústiginde – órt qaýpi óte joǵary.
Shyǵys Qazaqstanda 35–38 gradýs aptap ystyq bolady. Órt qaýpi joǵary.
Jambyl oblysynda 38–41 gradýsqa deıin ystyq bolady. Taýly aımaqtarda jel kúsheıedi. Órt qaýpi – óte joǵary.
Batys Qazaqstan oblysynda naızaǵaı, daýyl turady, 35 gradýstyq aptap ystyq bolady. Órt qaýpi joǵary deńgeıde saqtalady.
Qaraǵandy oblysynda 35–36 gradýs ystyqpen qatar naızaǵaı oınap, daýyl turady, ekpindi jel boljanyp otyr. Óńirdiń batysy men ońtústiginde – órt qaýpi óte joǵary.
Qostanaı oblysynda jańbyr, burshaq, daýyl kútiledi. Keı aýdandarda órt qaýpi joǵary jáne óte joǵary deńgeıde.
Qyzylorda oblysynyń soltústigi men ortalyǵynda shańdy daýyl soǵady. Jel ekpini 20 m/s-qa deıin jetedi. Órt qaýpi – óte joǵary.
Mańǵystaý oblysynda naızaǵaı oınap, daýyl turady, 38–40 gradýstyq aptap ystyq. Órt qaýpi – óte joǵary.
Pavlodar oblysynda naızaǵaı oınap, daýyl, jel kúsheıip, keı aýdandarda túnde tuman túsedi. Órt qaýpi – joǵary.
Soltústik Qazaqstan oblysynda jańbyr, burshaq, daýyl jáne 23 m/s-qa deıin jetetin jel kútiledi. Keı óńirlerde tuman bolady. Órt qaýpi joǵary.
Túrkistan oblysynda 40–43 gradýs ystyq bolady. Órt qaýpi – óte joǵary.
Ulytaý oblysynda naızaǵaı, 35–37 gradýstyq aptap ystyq jáne ekpindi jel kútiledi. Óńirdiń ońtústigi men ortalyǵynda – órt qaýpi óte joǵary.