Shildeniń alǵashqy kúnderi Tarazdyń birqatar aýdanynda jaryq óshiriledi
ASTANA. KAZINFORM — Taraz qalasynda elektr jelilerinde josparly profılaktıkalyq jumystar júrgizilýine baılanysty birneshe aýdan men kóshede ýaqytsha elektr qýaty óshiriledi, dep habarlaıdy Kazinform agenttiginiń tilshisi.
«JES» JShS baspasóz qyzmetiniń málimetinshe, shildeniń alǵashqy kúnderi áýe elektr jelilerinde josparly jóndeý jumystary ótedi. Osyǵan baılanysty elektr qýaty ýaqytsha, saǵat 09:00-den 17:00-ge deıin óshiriledi.
1 shilde kúni Jansaıa (11) jáne Asa (10) shaǵynaýdandarynyń turǵyndary jaryqsyz qalady. Sondaı-aq Aqsha batyr, Maıkót aqyn, Beıbitshilik, Jambyl dańǵyly, Pýshkın, Uly Dala, Jandosov, Tóle bı, Súleımenovtiń 1-tuıyǵy, Táýke han, Sańyraq batyr jáne Mahambet kóshelerinde elektr qýaty ýaqytsha ajyratylady.
Budan bólek, osy kúni Qarasaı turǵyn alabynyń bir bóliginde de jaryq óshiriledi. Atap aıtqanda, Aqmola, Rechnaıa, Nııazymbetov, Almaly kósheleri men Ózbek tuıyǵy qamtylady.
2 shilde kúni jóndeý jumystary qalanyń basqa bólikterinde jalǵasady. Saǵat 09:00-den 17:00-ge deıin Saltanat (4) jáne Qarasý (5) shaǵynaýdandarynda, sondaı-aq Ótemisuly, Shalqııa jyraý, Baıtenov, Sabýrov, Balýan Sholaq, 8 Naýryz, Kamenogorskaıa, Prıbalhashskaıa, Taraz, Esenın, Aqtóbe, Qusmuryn, Bedelbaev jáne Taldyqorǵan kóshelerinde elektr qýaty bolmaıdy.
Sondaı-aq Qarasaı turǵyn alabynda 2 shildede Rechnaıa, Naberejnaıa jáne Almaly kóshelerinde de ýaqytsha jaryq óshiriledi.
Mamandar turǵyndarǵa elektr qýatynyń óshirilý kestesin aldyn ala eskerip, uıaly telefondar, qýattaǵysh qurylǵylar (power bank) jáne basqa da qajetti tehnıkalardy aldyn ala zarıadtap alýǵa keńes beredi.
Eske sala keteıik, buǵan deıin Ulttyq ekonomıka mınıstri 2026 jylǵy 18 maýsymda tarıf qalyptastyrý qaǵıdalary men qoǵamdyq mańyzy bar naryqtardaǵy baǵa belgileý qaǵıdalaryna ózgerister engizý týraly buıryqqa qol qoıǵanyn jazǵanbyz.
