Shildeniń alǵashqy kúnderi ystyq basylyp, nóser jaýyn jaýady

ASTANA. KAZINFORM — Qazgıdromet sınoptıkteri 2-4 shilde aralyǵyna arnalǵan úsh kúndik aýa raıy boljamyn usynady. 

Aldaǵy kúnderi Qazaqstan aýmaǵynyń basym bóligine keń aýqymdy tsıklon áser etedi.

Sonyń saldarynan jańbyr men burshaq jaýady, naızaǵaı jarqyldap, qatty jel turady.

Elimizdiń soltústiginde, ońtústik-shyǵysynda, shyǵysynda jáne ortalyǵynda qatty jańbyr jaýady.

Tek respýblıkanyń batysy men ońtústiginde negizinen kún ashyq, jaýyn-shashyn jaýmaıdy. 

Qazaqstannyń basym bóliginde aýa temperatýrasy kúndiz soltústik-batysta +28+35°S deıin, soltústikte +20+28°S deıin, ortalyqta +22+33°S deıin, ońtústik-shyǵysta +27+36°S deıin, ońtústikte +33+38°S deıin birtindep joǵarylaıdy.  

Elimizdiń batysynda +35+42°S deıin qatty ystyq bolady.