Shildede tirkeýge qoıylǵan avtokólikter sany artty
ASTANA. KAZINFORM - 2026 jylǵy shilde aıynda Qazaqstan Respýblıkasynda 169 133 avtokólik quraly tirkeýge qoıyldy, bul 2026 jylǵy maýsymmen salystyrǵanda (167 878 birlik) 0,7% kóp, dep habarlaıdy Ulttyq stastıstıka bıýrosy.
Tirkelgen kólik quraldarynyń jalpy sanynyń 87,7%-yn jeńil avtomobılder, 5,6% - júk avtomobılderi, 2,4% -tirkemeler, 0,9% - avtobýstar, 0,8% - mototsıklder jáne 2,6%-yn ózge de avtokólik quraldary qurady.
2026 jylǵy 1 tamyzdaǵy jaǵdaı boıynsha Qazaqstan Respýblıkasynda tirkelgen avtokólik quraldarynyń jalpy sany 6 059,2 myńǵa jetti. Jalpy avtopark qurylymynda jeńil avtomobılder – 5 081,5 myń (83,9%), júk avtomobılderi – 495,0 myń (8,2%), tirkemeler – 263,2 myń (4,3%), avtobýs pen shaǵyn avtobýstar – 89,5 myń (1,5%), mototsıklder – 74,6 myń (1,2%) jáne ózge de avtokólik quraldary – 55,5 myń (0,9%).
Shilde aıynda tirkeýge qoıylǵan jeńil avtomobılderdiń qurylymynda eń joǵary úlesti (35,2%) qozǵaltqysh kólemi 1500-den 2000 sm³-ge deıingi avtomobılder quraıdy.
Esepti merzimde tirkelgen jeńil avtomobılderdiń qozǵaltqysh kólemi boıynsha bólinisi tómendegideı:
1500-den 2000 sm³-ge deıin – 59 530 (35,2%)
1500 sm³-ge deıin – 35 277 (20,9%)
2000-den 2500 sm³-ge deıin – 24 550 (14,5%)
2500-den 4000 sm³-ge deıin – 23 027 (13,6%)
4000 sm³-den joǵary – 3 644 (2,2%)
ózge – 2 218 (1,3%).
-Óńirler bólinisinde qozǵaltqysh kólemi 1500-den 2000 sm³-ge deıingi jeńil avtomobılder eń kóp Almaty qalasynda (6 160), Astana qalasynda (5 436) jáne Almaty oblysynda (5 340) tirkeýge qoıyldy.
Osyǵan deıin bıyl Qazaqstanda qaı kólik brendterine suranys joǵary ekenin jazdyq.
