Shildede Qytaıdyń syrtqy saýda kólemi 19,2%-ǵa ósti
ASTANA. KAZINFORM – Qytaıdyń 2026 jylǵy shildedegi ımport jáne eksporttyń jalpy kólemi ıýanmen eseptegende ótken jyldyń sáıkes kezeńimen salystyrǵanda 19,2%-ǵa artty, dep habarlaıdy Sınhýa.
Bul týraly Qytaıdyń Bas keden basqarmasy jarııalaǵan málimetterde aıtylǵan.
Esepti aıda eldiń syrtqy saýda aınalymy 4,66 trln ıýanǵa (shamamen 686,3 mlrd AQSh dollary) jetti. Osylaısha bul kórsetkish besinshi aı qatarynan 4 trln ıýannan joǵary deńgeıde saqtaldy.
Shilde aıynda eksport kólemi jyldyq eseppen 17,8%-ǵa, al ımport 21,2%-ǵa ósti.
Jyl basynan beri, ıaǵnı qańtar–shilde aralyǵynda Qytaıdyń taýar aınalymy 30,13 trln ıýandy qurap, ótken jyldyń sáıkes kezeńimen salystyrǵanda 17,3%-ǵa ulǵaıdy.
Sonymen qatar, ónerkásiptik robottar men 3D-prınterlerdi qosa alǵanda, joǵary tehnologııalyq ónim eksporty shildede ótken jyldyń osy kezeńimen salystyrǵanda 50%-dan astamǵa ósti. Bul birinshi jartyjyldyqtaǵy 39%-dyq ósimnen de joǵary kórsetkish boldy.
Aıta ketelik Qytaıdyń elektr kólikteri eksporty 120%-ǵa artty.
