Shilde aıynda terrorızm áreketterine qatysy bar 7 adam sottaldy - UQK

ASTANA. KAZINFORM – Shildede Qazaqstanda 7 azamat terrorıstik qylmys jasaǵany úshin sottaldy, dep habarlaıdy Ulttyq qaýipsizdik komıtetiniń baspasóz qyzmeti.

Túrkistan qalasynyń soty sheteldegi terrorıstik uıymnyń qyzmetine qatysqany úshin jergilikti turǵyndy 8 jylǵa bas bostandyǵynan aıyrdy. Buǵan deıin ol shet memlekettiń aýmaǵynda ustalyp, seriktes arnaıy qyzmetterdiń birimen birlesip júrgizilgen operatsııa barysynda arnaıy kúzetpen Qazaqstanǵa deportatsııalanǵan.

- Almaty oblysynyń túzeý mekemesinde jazasyn ótep jatqan radıkaldy ıdeologııanyń jaqtaýshysy kisi óltirýge árekettengeni jáne terrorızmdi nasıhattaǵany úshin qosymsha 9 jylǵa bas bostandyǵynan aıyryldy, - delingen aqparatta.

Sol sııaqty, Almaty, Jambyl, Batys Qazaqstan oblystarynyń, Almaty jáne Astana qalalarynyń sottary terrorızmdi nasıhattap, sheteldegi soǵys qımyldary aımaqtaryna shyǵýǵa árekettengeni úshin elimizdiń 5 azamatyna 4 jyldan 8 jylǵa deıin bas bostandyǵynan aıyrý jazasyn taǵaıyndady.

UQK málimetinshe, terrorızm men dinı ekstremızmge qarsy is-qımyl jumystary jalǵasýda.

Aıta keteıik, Qyzylordada 39 jastaǵy áıel TikTok arqyly terrorızmdi nasıhattaǵan.