Shilde aıynda qazaqstandyqtar neshe kún demalady
ASTANA. KAZINFORM — Bıyl shilde aıynda elimizde bir memlekettik mereke toılanady. Kúntizbelik esepke sáıkes, bes kúndik jáne alty kúndik jumys aptasymen eńbek etetin azamattardyń demalys kúnderi ártúrli bolady.
Qazaqstanda 6 shilde memlekettik mereke — Astana kúni atalyp ótedi.
Elektrondy úkimet portalynda jarııalanǵan merekelik jáne demalys kúnderiniń kúntizbesine sáıkes, 6 shilde dúısenbige saı kelmek. Sol sebepti, qazaqstandyqtar 4, 5 jáne 6 shilde (senbi, jeksenbi, dúısenbi) úsh kún qatarynan demalady.
Al jumys aptasy seısenbi, 7 shildeden bastalady.
Alty kúndik jumys kestesi bar qyzmetkerler úshin 4 shilde, senbi tolyq jumys kúni bolyp qala beredi. Olar 5 jáne 6 shilde (jeksenbi, dúısenbi) demalady.
Osylaısha, aptasyna bes kún jumys isteıtinder úshin 2026 jyldyń shilde aıynda 9 demalys jáne 22 jumys kúni bar.
Al alty kúndik jumys kestesi bar qyzmetkerler 5 kún demalyp, 26 kún jumys isteıdi.
Aıta keteıik, buǵan deıin maýsym aıynda qazaqstandyqtar qansha kún demalatynyn jazǵanbyz.
