Shilde aıynda aýa raıy qalaı bolady – sınoptıkter boljamy

ASTANA. KAZINFORM – «Qazgıdromettiń» shilde aıyna boljamyna sáıkes, aıdyń birinshi onkúndiginde Qazaqstannyń basym bóliginde tsıklon jáne atmosferalyq frontaldy bólikter ótip, kún qubylyp turady.

Qazaqstannyń soltústik-batysynda, soltústik jáne ońtústik-shyǵys taýly aýdandarynda qatty jańbyr jaýady, kún kúrkirep, burshaq jaýyp, ekpindi jel soǵady. Elimizdiń ońtústiginde shańdy daýyl soǵady.

Respýblıkanyń soltústigi men shyǵysynda aýanyń temperatýrasy túnde +10+15°S, kúndiz +18+28°S deıin; respýblıka ortalyǵynda túnde +10+18°S, kúndiz +22+28°S deıin tómendeıdi, ońtústik-shyǵysta túnde +15+20°S, kúndiz +22+30°S ystyq bolady.

Elimizdiń batysy men ońtústiginde aýa temperatýrasy túnde +12+17°S-tan +20+28°C-qa deıin, kúndiz +27+32°C-tan +35+43°C-qa deıin kóteriledi dep boljanyp otyr.

Birinshi onkúndiktiń aıaǵynda, ekinshi onkúndiktiń basynda respýblıkanyń basym bóliginde kún ystyq bolady.

Aıdyń ekinshi jáne úshinshi onkúndiginde ystyq kúnder qysqa ýaqytqa naızaǵaı, ekpindi jel, burshaq jáne shańdy daýylmen salqyn jáne jańbyrly kúnderge aýysady.

Respýblıkanyń batysynda túnde +15+22°S-tan +19+25°S-qa deıin, kúndiz +28+33°S-tan +33+38°S-qa deıin;

soltústikte, ortalyqta jáne shyǵysta túnde +7+17°S-tan +15+23°S-qa deıin, kúndiz +17+27°S-tan +30+37°S-qa deıin;

ońtústikte jáne ońtústik-batysta túnde +14+23°S-tan +20+28°S-qa deıin, kúndiz +30+36°S-tan +35+43°S-qa deıin;

ońtústik-shyǵysta túnde +10+18°S-tan +17+25°S-qa deıin, kúndiz +25+36°S-tan +33+40°S-qa deıin ystyq bolady.