ShQO Zyrıan aýdanyndaǵy sý tasqyny saldaryn joıýǵa kenshiler kiristi
ÓSKEMEN. QazAqparat - Shyǵys Qazaqstan oblysyndaǵy sý tasqyny jaǵdaıynyń birqalypty bolmaýyna qaramastan, qazir qutqarýshylar kúshi men quraldarynyń negizgi bóligi Zyrıanov aýdanyna jiberilgen, dep habarlaıdy «QazAqparat» HAA tilshisi.
Osy demalysta birneshe ózen arnasynan tasyp, 300 turǵyn úı men aýlany sý basty. Maleevsk, Zýbovsk, Solovevo, Sredıgornoe, sondaı-aq Zyrıan kentteri eń kóp zardap shekti.
Sý tasqynynyń saldarynan joıýǵa Qazmyryshtyń taý-baıytý kesheni belsendi atsalysýda.
«Maleevsk jáne Zýbovsk kentterindegi sý kólemin azaıtý úshin Buqtyrma ózeniniń dambasyn ashyp, baqylap otyrmyz. Qaıta quıý kólemi 2500 tekshe metrdi quraıdy. Budan bólek, oıylǵan joldar men sýótkizgish ǵımarattardy qalpyna keltirip, Zyrıandaǵy turǵyn úı alabyndaǵy sýlardy aıdap shyǵaryp jatyrmyz», - dedi Zyrıan taý-baıytý kesheni máseleleri jónindegi dırektordyń orynbasary Erlyhan Kabdývalıev.
Sý tasqynynyń zardaptaryn joıýǵa bólingen tehnıkanyń kómegi tıgen. Qazir kompanııanyń zyrıandyqtarǵa qosymsha qalaı kómektesetini sheshilip jatyr.
«Biz bul máseleden shet qalmaı, barynsha kómektesemiz. Qazir bizdiń bólim jergilikti bılikpen birge jumys istep jatyr», - dedi kompanııanyń ákimshilik máseleleri jónindegi atqarýshy dırektory Andreı Lazarev.
