ShQO: Zyrıan aýdanynda tótenshe jaǵdaı jarııalandy
ASTANA. QazAqparat - Shyǵys Qazaqstan oblysynyń taǵy bir aýdanynda tabıǵat apatyna baılanysty tótenshe jaǵdaı jarııalandy, dep habarlaıdy «QazAqparat» HAA oblystyq TJD-ǵa silteme jasap.
«Zyrıan aýdany ákiminiń buıryǵy boıynsha, aýdan aýmaǵynda TJ rejımi jarııalandy», - delingen habarlamada.
Sondaı-aq, oblystaǵy Aıagóz, Glýbokoe, Shemonaıha aýdandarynda, sondaı-aq Semeı qalasynda burynǵysha TJ rejımi saqtalyp otyr.
Eske salaıyq, Zyrıan aýdanynda ózendegi sý deńgeıiniń kóterilýi saldarynan 300 úıdi jáne 160 aýlany sý alǵan. Keshe Buqtyrma ózenindegi jaǵdaıdy baqylaý úshin oblystyq ákimdiktiń áýe jasaǵy men «Qazavıaqutqarý» bazasynyń úsh tikushaǵy sholý jasady. Olardyń birinde ShQO ákimi men oblystyq departament basshysy Nurlan Madıarov boldy.
Quramyna jarylys jumystary boıynsha, jergilikti atqarý organdary mamandary kirgen jumys toby áýeden seń júrý qaýpi bar aýmaqtardy anyqtady.
Sondaı-aq, keshe Zyrıan men Besqaraǵaı aýdandarynyń aýmaǵynda jarý jumystary bastaldy.
