ShQO jylý ortalyqtarynyń aldaǵy jylytý maýsymyna daıyndyǵy - 42,6 paıyz ǵana
ShQO energetıka jáne turǵyn úı-kommýnaldyq sharýashylyq basqarmasynyń málimetine súıensek, búgingi tańda óńir boıynsha jylý elektr ortalyqtarynyń aldaǵy jylytý maýsymyna daıyndyǵy 42,6% qurap otyr.
Barlyǵy 252,2 shaqyrym elektr jelilerin kúrdeli jóndeý jumystary aıaqtaldy. Budan bólek, jalpy uzyndyǵy 132 shaqyrym ınjenerlik jelilerge jóndeý jumystary júrgizilýde. Qazirdiń ózinde 60,8 shaqyrym jóndeldi.
«Bıyl oblysta jylý jelilerin qaıta qurý jáne salý boıynsha 4 jobany iske asyrýǵa respýblıkalyq bıýdjetten 1,7 mlrd teńge bólingen. Qurylys-montajdaý jumystary 3 jerde, atap aıtqanda Óskemendegi Maldybaev, Pogranıchnaıa kósheleri men Glýbokoe aýdany Glýbokoe kentinde bastaldy. Óskemendegi Shlıýznaıa kóshesinde jylý jelilerin salý jobasy boıynsha konkýrstyq rásimder aıaqtaldy», - delingen aqparatta.
Rıdder jylý elektr ortalyǵynda jóndeý jumystary belsendi júrip jatyr.
Ortalyqtaǵy barlyq 6 qazandyq agregattarynda, otyn berý traktisinde, týrbınalyq tsehta, JEO ǵımaratynyń ózinde jáne jylýmen jabdyqtaý jelilerinde qaıta jańǵyrtý jumystary júzege asyrylýda.
Kún saıyn merdigerlik uıymdardyń 200 qyzmetkeri men JEO-nyń 67 adamy sonda jumys istep jatyr.