ShQO joldarynyń boıynda qys kezinde 10 jylytý beketi jumys isteıdi
Oblystyq TJD tótenshe jaǵdaılardy joıý basqarmasynyń bastyǵy Rınat Qondybaev baspasóz konferentsııasy barysynda qys mezgiline daıyndyq jumystarynyń qalaı júrgizilip jatqanyn aıtyp berdi.
«Qysta bolatyn túrli jaǵdaılarda jyldam áreket etýge barlyǵy 1525 adam men 382 tehnıka saqadaı saı. Jolda qalǵandarǵa apattyq-qutqarý jumystaryn júrgizý úshin qosymsha 104 jol talǵamaıtyn kólik bar. Shyǵys Qazaqstanda qarly ýchaskelerdiń jalpy uzyndyǵy 380 shaqyrymdy quraıdy. Respýblıkalyq, oblystyq jáne aýdandyq mańyzdaǵy kólik joldaryn, eldi mekenderdiń kóshelerin kútip-ustaý úshin 478 tehnıka ázir tur», - dedi ol.
Oblys boıynsha bıyl qys kezinde 10 jylytý beketi jumys isteıdi. Onyń 6-ýy respýblıkalyq, 4-eýi oblystyq mańyzy bar jolda ornalasqan.
Sondaı-aq jolda zardap shekkenderge shuǵyl medıtsınalyq kómekti Ulan aýdany Prıvolnoe aýylyndaǵy trassalyq medıtsınalyq-qutqarý pýnkti júzege asyrady.