ShQO joldaryn kútip-ustamaǵany úshin 100-den astam sheneýnik jazalandy
ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri jyl basynan beri joldarǵa 1500-den astam tekserý júrgizip, 100-den astam laýazymdy tulǵany jaýapqa tartty, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, ákimshilik polıtsııa qyzmetkerleri jergilikti atqarýshy organdarmen birlesip joldardyń jaǵdaıyna tekserý júrgizýde.
Jyl basynan beri kósheler men joldarǵa 1 500-den astam tekserý jasaldy. Sonyń nátıjeleri boıynsha anyqtalǵan kemshilikterdi joıýǵa qatysty 1 400 uıǵarym jasaldy.
«Kóshelerdi, joldardy kútip-ustaýdaǵy olqylyǵy úshin jol-kommýnaldyq mekemelerdiń 118 laýazymdy tulǵasy ákimshilik jaýapkershilikke tartyldy. Bul tizimde jergilikti atqarýshy organdardyń jaýapty qyzmetkerleri, bólim basshylary men mamandary, kvazımemlekettik sektor jáne merdigerlik uıymdardyń ókilderi bar», - delingen aqparatta.
Polıtsııa departamentiniń usynysy boıynsha Óskemen jáne Semeı qalalarynda jańa 6 baǵdarsham ornatylmaq. Sondaı-aq osy qalalardaǵy joldarǵa 30-dan astam oń jaq burylys jasalady.
Esterińizge sala ketsek, osyǵan deıin ShQO-daǵy shekaralyq aýdandarda jol jóndeýge qatysty 37 joba iske asyrylatyndyǵyn habarlaǵan edik.
