ShQO joldaryn durys kútip ustamaǵan 15 laýazymdy qyzmetker jaýapqa tartyldy
ÓSKEMEN. QazAqparat – Shyǵys Qazaqstan oblysynyń joldaryn durys kútip ustamaǵan 15 laýazymdy qyzmetker jaýapqa tartyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda jol-kólik oqıǵalaryn azaıtý, joldaǵy qaýipsizdikti arttyrý maqsatynda aılyq ótkizip jatyr.
«Sonyń aıasynda kósheler men kólik joldaryna 400-den astam tekserý júrgizildi. Nátıjesinde, 23 qaýipti ýchaske esepke alyndy. Joldardy durys kútip ustamaǵan jol-kommýnaldyq qyzmetterdiń 15 laýazymdy tulǵasy ákimshilik jaýapkershilikke tartyldy. Anyqtalǵan kemshilikterdi joıý boıynsha 350 nusqama berildi», - delingen aqparatta.
Sondaı-aq, jóndeý jáne rekonstrýktsııalaý jumystary júrgizilip jatqan jerlerge qosymsha 130-dan astam eskertý belgisi ornatyldy. Jolǵa jaýapty mekemeler taǵy 250 belgini aýystyrdy.
