ShQO joldarynda qar aralas jańbyr jaýyp, kóktaıǵaq bolýy múmkin
ASTANA. KAZINFORM — 14 qazanda Shyǵys Qazaqstan oblysynda qar aralas jańbyr jaýyp, keı jerlerde qar kútiledi. Qolaısyz aýa raıyna baılanysty respýblıkalyq avtojoldarda kóriný qashyqtyǵy tómendep, jol taıǵaq bolýy múmkin. Júrgizýshilerge saqtyq sharalaryn saqtaý eskertildi. Bul týraly QazAvtoJol kompanııasy málim etti.
Búgin Shyǵys Qazaqstan oblysynda qar aralas jańbyr jaýyp, keı jerlerde qar kútiledi.
Osyǵan baılanysty respýblıkalyq avtojoldardyń jekelegen bólikterinde kóriný qashyqtyǵy tómendep, jol beti taıǵaq bolýy múmkin.
— Júrgizýshilerge aýa raıyn eskerip, qaýipsiz araqashyqtyqty saqtaýdy, jol jaǵdaıyna qaraı jyldamdyqty tańdaýdy jáne oqys manevr jasamaýdy usynamyz, — dep eskertti kompanııadan.
Buǵan deıin eldiń birqatar óńirinde qar jaýyp, kóktaıǵaq bolatynyn jazdyq.
