ShQO joldarynan 120-dan astam aqaý anyqtaldy

ÓSKEMEN. KAZINFORM – Shyǵys Qazaqstanda polıtsııa qyzmetkerleri kólik joldaryn kúzgi tekserýden ótkizýdi jalǵastyryp jatyr.

Tártip saqshylary «QazAvtoJol» ulttyq kompanııasy jáne Jol aktıvteri sapasynyń ulttyq ortalyǵy ókilderimen birlesip, óńirdegi jol jaǵdaıyn tekserip jatyr. Sonyń barysynda jol belgileri men tańbalardyń jaryq qaıtarǵysh qasıeti, qorshaýlardaǵy jaryq shaǵylystyrǵysh katafottardyń jaramdylyǵy, jol qozǵalysyn retteý tehnıkalyq quraldarynyń durys ornatylýy tekserilip keledi.

- Osy kúnge deıin jol belgileriniń kórinýine jáne jol jamylǵysynyń sapasyna áser etetin 120-dan astam aqaý anyqtaldy. Sonymen qatar jol ıelerine 80-ge jýyq nusqama berilip, jol uıymdarynyń 8 basshysy jaýapqa tartyldy, - dep habarlady ShQO Polıtsııa departamentiniń baspasóz qyzmetinen.

Sondaı-aq polıtseıler 40-tan astam apattyq-qaýipti ýchaskeni retke keltirý boıynsha usynystar daıyndady.

Eske salsaq, osyǵan deıin Batys Qazaqstanda jol apattary saldarynan 50-den astam adam kóz jumǵany habarlanǵan.