ShQO jolaýshy kóligi jáne avtomobıl joldary basqarmasynyń basshysy qaıtys boldy

ÓSKEMEN. KAZINFORM — Shyǵys Qazaqstan oblysy jolaýshy kóligi jáne avtomobıl joldary basqarmasynyń basshysy Nurjan Jumadilov kóz jumdy.

Nurjan Saılaýbekuly 1969 jyly ShQO Aıagóz aýdanynyń Tarbaǵataı aýylynda dúnıege kelgen. Ol Óskemen qurylys-jol ınstıtýty men D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin «ınjener-qurylysshy», «ekonomıka jáne bıznes bakalavry» mamandyqtary boıynsha bitirgen.

Eńbek jolyn 1993 jyly Aıagóz aýdanyndaǵy DEÝ-25-te jol sheberi bolyp bastaǵan. Biraz ýaqyttan keıin prorab, odan soń osy uıymnyń óndiristik-tehnıkalyq bóliminiń bastyǵy boldy.

2001 jyly «Qazaqavtojol» RMK Shyǵys Qazaqstan oblystyq fılıalynyń 71-jol paıdalaný ýchaskesin basqardy.

2006 jyldan 2009 jylǵa deıin Avtomobıl joldary komıtetiniń Shyǵys Qazaqstan oblystyq departamentiniń Sapany baqylaý jáne jumystardy qabyldaý bólimderin basqardy.

2009 — 2014 jyldar aralyǵynda ShQO jolaýshy kóligi jáne avtomobıl joldary basqarmasy basshysynyń avtomobıl joldaryn damytý máseleleri jónindegi orynbasary qyzmetin atqardy.

2014-2018 jyldar aralyǵynda «Shyǵysjolzerthana» RMM basshysy boldy. 

2018-2021 jyldar aralyǵynda Shyǵys Qazaqstan oblysynyń jolaýshy kóligi jáne avtomobıl joldary basqarmasynyń basshysy bolyp jumys istedi. 

2021 — 2022 jyldar aralyǵynda Shyǵys Qazaqstan oblysy ákiminiń orynbasary qyzmetin atqardy.

2022 jyldyń qyrkúıek aıynan osy ýaqytqa deıin Shyǵys Qazaqstan oblysynyń jolaýshy kóligi jáne avtomobıl joldary basqarmasy basshysy boldy.

Eske salsaq, osyǵan deıin Aqtóbede bir apta buryn iz-túzsiz ketken dárigerdiń denesi tabylǵany habarlanǵan.