ShQO Jolaýshy kóligi jáne avtomobıl joldary basqarmasyna jańa basshy taǵaıyndaldy
ÓSKEMEN. KAZINFORM – ShQO Jolaýshy kóligi jáne avtomobıl joldary basqarmasy basshysynyń mindetin atqarýshy bolyp Narıman Almasuly taǵaıyndaldy.
Narıman Almasuly eńbek jolyn 1995 jyly zańger keńesshisiniń kómekshisi bolyp bastaǵan. Ár jyldary Almaty oblystyq sotynyń sot otyrysynyń hatshysy, QR Ádilet mınıstrligi Tirkeý qyzmeti komıtetiniń bas mamany, QR Ádilet mınıstrligi Tirkeý qyzmeti komıtetiniń «Shyǵys Qazaqstan oblysy boıynsha jyljymaıtyn múlik ortalyǵy» RMK jyljymaıtyn múlikke quqyqtardy tirkeý bólimi basshysynyń orynbasary qyzmetterin atqarǵan.
Sondaı-aq «Ertis» óńiraralyq kóliktik baqylaý ınspektsııasy Shyǵys Qazaqstan jáne Pavlodar oblystary boıynsha fılıalynyń avtomobıl kóligin baqylaý bóliminiń jetekshi mamany, ShQO qurylys, sáýlet jáne qala qurylysy basqarmasy basshysynyń qarjy-ekonomıkalyq jáne zań máseleleri jónindegi orynbasary, «Qazaqstan standarttaý jáne sertfıkattaý ınstıtýty» RMK Almaty qalasy jáne Almaty oblysy boıynsha fılıaly dırektorynyń orynbasary, Úlken Naryn aýdany ákiminiń apparatynda memlekettik-quqyqtyq bóliminiń bas mamany laýazymdarynda eńbek etti.
2025 jylǵy 13 mamyrdan bastap osy ýaqytqa deıin Shyǵys Qazaqstan oblysy jolaýshy kóligi jáne avtomobıl joldary basqarmasy basshysynyń jolaýshy kóligi máseleleri jónindegi orynbasary laýazymyn atqarǵan.
Aıta keteıik, Óskemendegi Shnaıder kópirindegi apattan keıin quqyq qorǵaý organdarynyń qatysýymen tekseris júrgizilgen. Sonyń qorytyndysy boıynsha atalǵan basqarmanyń burynǵy basshysy Danııar Ýahıtovtyń zańǵa qaıshy áreketteri anyqtaldy.
Búginde ol qyzmetinen ketti.